ما رايك بتشابك الايادي بين المتزوجين في الاماكن العامة؟؟!!

السلام عليكم ورحمة الله وبركاته






نبي رايكم بهذا المووووضوع واهم شي الصرااحه


لاحظت شغله منتشره بين الناس وحاب اخذ رايكم

عن تشابك الايادي بين الزوج والزوجه بالاماكن العامه

فحبيت أطرح الموضوع عشان اشوف رايكم فيه ..

سؤالي هو ...!

( هل انت مؤيد ( مؤيدة ) وليش ..........؟

( او معارض ( معارضة ) وليش .............؟


و السموحه منكم




منقول

تحياتي

اخي الكريم
مامرتاح

الله يعطيك العافية على
الموضوعا لجميل للنقاش ،،
اني من المؤيدين بس بطريقة
محترمة يعني عادي لو شبك ايدها
بطريقة عادية يعني مو مثيرة للنظر ،،
ذكرتني بموقف مر علي من قبل اسبوع
تقريبا كنت طالعة مع الأهل لأحد الحدائق
وتونا جالسين الا نشوف واحد و وحدة
ماسكنها من خصرها والكل قام
يطالعهم وهم للأسف يعتقدون أن الا يسونه
شيء جميل يعني بصراحة الموقف جدا
مو حلو واعتبرها قلة احترام للأماكن العامة
يعني بتمسكها امسكها من يدها مو من ....
قدام الناس بصراحة حركات ماهي حلوة
يشوفونها الأطفال ،، اني جدا انحرجت وماقدرت
ارفع عيني بعد اطالع ،، شكرا لك على الموضوع

تحيتي العطرة لك
حزن العمر

مااعتقد انه فيها شيء لو واحد حب يمسك ايد زوجته بس يكون بطريقة محترمه وماتكون ملفته مثل ماقالت حزن العمر

تحياتي

بسم الله الرحمن الرحيم
اللهم صل على محمد وآل محمد وعجل فرجهم

اكيد انا من المؤيدين لها لانها غير مخلة بالشرع او قواعد الادب
شكرا على طرح هذا الموضوع
تحياتي

السلام عليكم ورحمة الله وبركاته
أما أني من المعارضين مو حلوة ماسكين ايدي بعض ليش بطير يعني يقدر يمسكها في البيت لو بس قدام الناس يعني مظاهر
مشكور على الطرح الرائع

متزوجين ( قليل ونادر ) :toung:
أكثرهم المخطوبين :bigsmile:
أنا أشوف هالشيء عادي ( بالعكس والله أتحسر ) :embarrest:
لأنه يدل على الترابط والمودة يكفي أنه معاها
وماأعتقد إنه مظاهر أو تمثيل

طيب أخوي مامرتاح أنت صاحب الموضوع ماعطيتنا رايك ؟؟؟:weird:

وبالتوفيق
أختك
عيون لاتنام

بعطيك العافية ياخوي على الطرح الاكثر من رائع

وبنسبة لي

عااااااااااادي ومب عااااااااادي

اذا كان مسك الايادي بطريقة غير ملفتة لنظر فلا مشكلة

والعكس صحيح

يسلمووو

السلام عليكم ...

سلمت يداك مامرتاح على هذا الطرح ...

اما بالنسبة لشبك الايادي مادري

احس وكأنهم يقولوا ياناس ياهو شوفونا في قمة السعادة
والتفاهم والانسجام !!! ..الله يهنيهم ويسعدهم ..آمين


لـــكن مـع احترامي الشديد للجميع ...
اشوف ان الحركة هذي مالها داعي .. وسخيفة جدا .


وتراه مجرد رأي .. تحياتي ..

أميرة بإحساسي .

انا مع راي اختي اميرةباحساسي

مـع احترامي الشديد للجميع ...

اشوف ان الحركة هذي مالها داعي
اخوكم ابو محمد

حركة مالها داعي وشوف شلون تطورت من اليد إلى الخصر.

عندي ما لها داعي عندهم روحهم في بيتهم

مثل ماقاالو عادي ...اذا كانت عادية...
..والافضل يخلوونهاا ..كل واحد ببيته يساوي الي يبية....

..واصلا اذا ساوو شي يلفت هم الي بيتادو لانه الناس مابتخليهم...

...

اذا كان مسك اليد لا ينافي الادب والاحترام وليس مخل بالشرع فليس فيه اشكال شرعي وهذا يعتمد على البيئة المحيطة والمكان الذي يتم فيه ذلك ولو اني أرى من الافضل الترفع عنه وتركه وخصوصا في مجتمعنا مما قد يسيء الاخرين فهمه..
ورحم الله أمرء جب الغيبة عن نفسه.

الحين مو بس اليد الحين من الخصر اشوي ويقوم الاحتضان في الاماكن العامه
وهالشئ ماله داعي مثل راي الاخوه
البيت هناك مكان للستر والراحه
افضل من الاماكن العام وكلام الناس كثيييييييير
تحياتي للجميع بالتوفيق..

بالنسبه لي هالحركه عادي
ومسكه عن مسكه تفرق
وعلى قولة خيتي عيون لا تنام
ما يسووها الا المخطوبين
وكل له رايه
يسلمو خيي على الطرح
ودمت بحفظ الرحمن

انا اشوفها عاديه عند المخطوبين لكن المزوجين نادرا ماتلاقي هالحركه
لان العيال ما يعطونهم فرصه هههههه
مسكرين عليهم من كل الجوانب
يتراولي الحركه عاديه اذا كانت في حدود الادب ومن دون اي مبالغه

الله يعطيك العافيه
وتسلم عالموضوع
مع تحياتي لك
همسات وله

وعليكم السلام ..

موضوع رائع اخوي .. مامرتاح ..

انا باعتقادي مسك الايادي عادي << اهم شي ما يتطوروا اكثر ..

لاني بتكلم عن نفسي متعوده على هالشي لما اطلع مع ابوي اني امسكه..

بالخصوص لما يكون المكان زحمه احس بالامان لما امسكه ..

وطبعاً لكل بيئه عاداتها وتقاليدها ..

عالعموم يعطيك العافيه اخوي ..

بانتظار كل جديد ..

تحياتي
دمعه حزن

انا في رأيي أنها من المخلات بالمرؤه،وهي ايضا تؤثر في المظهر العام وتحفز غير المتزوجين للتقليد خصوصا إنك ماراح تحملين يافطه مكتوب عليها(متزوجين)،ممكن عند الضروره اوفي الأماكن المزدحمة