http://moozah.com/uploads/6f7fc60839.jpg
حينما تحدث امور لم تكن في حسباننا تتجمع مشاعرنا
لتخط من أحزانها ماتستطيع .. هذه إحدى قصائد
أحزاني ..
http://booo7.com/wav/ana1.ra
يا يمه اسمعيني لو مرة واخذي جوابي
صعب أنساه يايمه أرجوك افهميني
أنا ما ألوم شوقك وفرحتك لي وفيني
بس القلب يا يمه عاف الحياة مع قلب ثاني
قلبي تولع بإنسان وفرقاه يشقيني
يايمه حبيب الروح ابتعد عن عيني
ولا أقدر أنساه وصورته دوم في بالي
يايمه انتي شهدتي موتتي وناظرتيني
ناظرتي دموع العين من بعد ما رحل عني
صعب يايمه انساه وأبيع أحلامي
صعب يا ناس أترك شوقي وآمالي
أني ما ابي غيره ولا ابي حب ثاني
تكفيني ذكرياتي واحزاني وآلامي
يايمه لا تبكي علي و لا تزيدي فيني عذابي
ما اقدر احقق حلم فرحتك فيني
ما ودي أعذب قلب إنسان واجرحه بأحزاني
ولا أقدر اجامل حزني ودموعي وأخفي أشواقي
يايمه دموع عيني بليلة العرس بتفضحني
ولا راح أقدر أداري حبي لحبيبي ولو ثواني
أدري إنه تزوج من غيري وما قدر ينساني
حزنه بليلة زواجه عذبني وأهله هم سبب أوجاعي
بس أنا يا يمه صعب انساه وهو نظر عيني
يايمه منك تعلمت معنى الصدق والوفا والأماني
والحين ما اقدر اخون قلبي مع انسان ثاني
يا يمه سمعي جوابي واعذريني ولا تقاطعيني
من بعد خلي ما أقدر اعيش عند انسان ثاني
حبيبي رجع لي وطلب مني السماح ورحل عني
وقال لي شوفي طريقك وما ابيك تنسيني
انتي العزيزة وانتي اللي معاك عاش القلب وبنيت أحلامي
من بعدك الأحلام والمشاعر ماتت يا بعد عمري
يايمه ما اقدر على نسيان أغلى أحبابي
وخبري هالأجاويد إني أنا اليوم بعت قلب يشتريني
ووصلي سلامي واعتذاري وفهميهم كلامي
الحب مو بيدي ولا بيدك ولا بيد قلب طالب يشتريني
السموحة منك ومن قلبه ومن أهله واعذروني
تحيتي العطرة المليئة بالأحزان
حزن العمر
