يمه ..ماكبرت على حضنك

http://www.a19z.com/up/uploads/e4a0b00163.jpg

يمه ...يمه ..يمه

أبي أحط رأسي على رجولك ..

وعيوني تناظرها عيونك ...

وأبيك يايمه ...تمرين يدينك بشعري ...

يمه ..لو شفتيني أرتعشت غطيني ....

غطيني بدفا صوتك ....بأناشيد الطفولة ...

خليني أسمع صوتك ...وأرتوي من ألحانه ...

يمه ..يمه ...يمه ...يمه ...

لاتقولي يا بنتي أنت كبيرة ...

أنا أدري مازلت بقلبك صغيرة ...

يمه ...يمه ...يمه ..يمه

يمه لو جيت عندك ...واقبلت عليك قدمي لي كفوفك ...

وإذا طبعت على رأسك القبلة ...أبيك يايمه تحضنيني ...تلميني ....

خليني بحضنك لو دقايق ...يمكن حنانك ...

يايمه يذوب من أحزاني وأحزانك ...

يمه لأرتويت من حضنك ...وصعب ينشبع منه ...

بطيح بجسمي على رجولك .,,,جــنــتـي ,,,

أزرع فيهم ورود أحترام و إجلال ...

يمه ...يمه ...يمه ..يمه ...

أن جيت لك ...وطلبت منك ...حضن يدفيني ...

بتمانعين ؟؟؟

يمه لاتحرميني منك ولا من عطاياك ...

يمه ..يمه ..يمه ..يمه ..يمه

لا تقولين لي ...يا بنتي كبرتي ....خلاص ..

علي حني ..ولي حضني ..

أدري تحتاجينها أكثر مني ...

يمه ...يمه ..يمه ...يمه ..يمه ..يمه ..يمه ..يمه ..يمه

ها يمه أرتويتي من كلمة يمه ....

رضيتي بداخلك غريزة الأمومة

أجي الحين ...بتجريني لحضنك ...

بتشبعيني وأشبعك ...

يمه ...

تذكري ...ذاك اليوم ...

شلون تنسيه ...ذقتي فيه السكرات ...وشفتي الموت ...

يمه تذكري ها ...حملوني لك ...وحطوني على صدرك ...

قالوا لك هاذي بنتك ...

يمه ..تذكري شعوري تذكرين ذيك اللحظه ...

سمعت نبض قلبك ...جوف رعاني تسعة أشهر ...قريب مني ..

سمعته ..وبدون شعور مني ...حركت وجهي للصوت ..صوت النبض ..

كنت وقتها يمه متعطشة مثل اليوم وكل يوم ...

بدون شعور يمه حركت شفافي ..

وبدون شعور منك بعد ...سقيتيني من حليبك ...

يمه كبرت ...

ها يمه ...

طلعت أبيض الوجه والكل يمدح فيني ...

ولا قمتي تدعي على نفسك يوم جبتيني ...

يمه ..يمه ...خواطر ماتنتهي ...مثل نبع الحنان اللي عطتيني ...

علاقة قوية ..مثل الصخر ...ماينكسر ...

يمه يمه يمه يمه ...

شريط حياتي ينعرض قدامك يوم وراء يوم

يوم يفرحك ويوم يبكيك ...

وأنا يمه ...كلامي لك ماخلص للحين ...بس خلينا نشوف رأي الأعضاء فيها ...:rolleyes:

بقلم :

أمل الظهور

الثلاثاء 18 محرم ..

ياي اموله وين كنت خاشه هلكلمات والله روعه
سلمت اناملك عزيزتي ..
اتمني لك مزيد من التقدم ..
امي يانبع الحنان لاتخليني
يمه ضميني وخليني بحضنك ارتوي
علميني معني الحنان
علميني معني الحب من ام الي بنتها
يمه وعد علي اتكوني نضر عيني
لاتخليني وتروحي
خلش جنبي ارتمي بحضنك في وحدتي
تقبلي اضافتي عزيزتي امول..

ما شاء الله خية امل بصراحة روعة هذي المشاركة...
وزي ماقالت زهرة وين خاشة هالكلمات....
شرفني خية ان استضاف بصفحتك ويشرفني ان تقبلي تحياتي..
ارينا جديدك...
ياسر..

http://www.almas-vb.com/up/uploads/49386280af.gif
اختي امل


تسلم اناملك اللي خطت لنا هالروعه والجمال

ما اروعها من كلمات

وما اجملها من احاسيس خطها قلمك

احيك على هذه الكلمات الجميله والمعبره

وننتظر جديدك

لا تحرمنا من خيوطك الذهبيه

كل الشكر لك

تقبل مني فائق تقديري

مشكووووووووووووووووووووورة على القصيدة روووعة يسلموو

خيتو اموله
خنقتني العبره
كلمات اكثر من مجرد رائعه
منك يا ام عبود
لا ادري ما عساي ان اقول
دمتي لأمك سالمه
ودامت لك احضانها غاليتي
دمتي بحفظ الرحمن

الله أموله
وربي تضيع عبارات المدح والاطراء بين حروفك

عذبه .. عذبه .. عذبه

عطتني جوووووووووووو

الله يخلي لك الوالده ماتنحرمي منها يارب ولاتنحرم منك

في بالي أنتظر منك شي عن الامومه شنو ممكن تقولين لعبودي..؟؟

على فكره ..

تعرفون (هلولو .. هلولو .. والطير يرقط لولو)

كثير سمعنا أمهات تناغي بها أطفالها حفظت هالكلمتين من كنت صغيره للحين

ولما يصير عندي أحد من أولاد خواتي أرددها وفي مره أضفت لها كلمات

وصارو كثير من الاهل يحفظوها ويغنوها لأطفالهم قبل النوم

إن شاء الله أحطها كرد عليك أموله في حالة كتبتي عن عبودي

موفقه حبيبتي

يعطيك العافيه اختي امل تحياتي لك

يمه ..جيت انشدش عن حضن دافي يدفي
حضن يضمني ويبعد كسرتي الي بعيني
حضن ابيه يلمني من اول كلمه اااه ينطق بها لساني
يمه...وينك ؟وينك وانا اقضي ليالي فيه انا وحيده؟
وينك تمسحي دمعتي وانتِ من قريبه؟
يمة ..جيت انشدش عن بنتش المحتاجه

مااااااااااااااااااشااااااااااااااااء الله عليكِ امول حبيبتي
والله درفت عيني وانا اقرء هالكلمات
حسيت بغصه وماقدرت امنعها
وماحسيت الا بدمعتي تتوسط وسط خدي
ابدعت فاجدت في ابداعك
فليحفظ امك لك ويخليها الك
ويخليك انت لعبود
وصيري ام عاقله معاه
ادري طولت بالكلام
يلا الله يعطيك العافيه
ولا ننحرم منك ابد ان شاء الله
دمعة الاحزان

http://www.almas-vb.com/up/uploads/49386280af.gif

يمه جيتك افتحي لي اذراعك وضميني
وفي دافي صدرك الحنون خبيني
وامسحي عن قلبي كل هموم اسنيني
وداريني يا يمه ومن وسط الالام شيليني
ومن شلالات حنانك اسقيني
وارجوكي يايمه ابقي معاي لاتخليني

الله يعطيك العافيه اختي عالكلمات الحلوه
والله يخلي لك امك وامهات كل العالم ولايحرمك من وجودها
مع تحياتي لك
اختك همسات وله

ما شاء الله تبارك الرحمن
رووووعه واكثر من رووووعه
تجنن كلماااااات صادقه نابعه من قلب حنووووون
والله بكيت لانك دقيتي ع الوترالاحسااااس وذكرتيني بالغاااااليه
(الله يرحمها وجميع المؤمنين )
حبيبتي ام عـــــــبادي
يعجز التعبير في تقييم بوح قلمك فقلمك فاق الحدود في العطاء
سلمت يدينك بنتظاااار المزييييد
اجمل الامنياااات لك بالتوفيق
فـــــــــــروووحه

المبدعة والمتألقة دوما .. أمل الظهور ..
حينما يتحدث قلمكِ يبدع لأبعد الحدود ..
تأبى حروفكِ إلا أن تكن متميزة .. وتأبى إلا أن تسكن قلوبنا جميعا ..
بصدق غاليتي .. مانثرته من درر سيطر على قلبي وسكنتني أحاسيسه الدافئة ..
طالما هذا قلمكِ .. وهذا إبداعكِ ..
دعيني أرى جديدكِ دوما .. ولاتطيلي علينا ..
وتحرمينا من فرصة عيش هذه الأحاسيس الرائعة ..
الله يحفظكِ لعبودي .. والله يخلي لكِ الوالدة ولايحرمكِ منها ..
والله يحفظ أمهاتنا جميعا يارب ..
دمتي بخير غاليتي ..
إيلاف ..

كل الشكر موصول لكم أخوتي
اعذروني على تأخر ردي بس أدخل واسوي معسكر على الصفحه
واحتار بالرد عليكم وأطلع ..
احرجتوني وخجلتوني
مشكورين :

زهرة البنفسج ، ياسر علي ، محمد ، اميرة المرح ،موني ،دمعة الاحزان ،أم باسم ، همسات وله ، فرح ، بيت الامنيات

كل الشكر لكم مرور لا فقدته سلمتم الله يحفظ الجميع ان شاء الله

شمعه تحترق ، إيلاف

خجلتوني بردكم بزيادة صارت الوجه مجمع (سوق طماطم المركزي )
شموع تطلبين مني أكتب عن العبابيدوووو ..والعبابيدووو هو اللي يطير الأفكار والألهام
ولا كان زماني مطلعة لكم القرون وتنتفون شعركم مني
بس تكرم عيونك ....طلبك على عيني ورأسي أن شاء الله يعم الهدوء بأرجاء عالمي ويطلع الهام
وأنزله ان شاء الله ...والله شوقتيني لردك ...
ايلاف ...كبر سوق الطماط والله
مشكورة غناتي اي كلام يساوي كلماتك العذبة
اشكر الجميع
اعذروني فكلماتكم تستحق ماهو اكثر

الله لايحرمني منكم

عوافي

http://www.almas-vb.com/up/uploads/49386280af.gif



تسلمين ام العبابيد على هالكلمات الحلوة

والله شوقتيني الى امي رغم اني ما اخليها يوميا صبح وعصر اروح اليها

بس كلماتك والله ما ابالغ خلت الدمعه تنزل من عيني واقول الله يعوض على الايتام

تحياتي لك اخية


اختك ام محمد

مشكورة خيتوو ام محمد على التواجد
وربي يحفظ لك امك ويخليها لك
والله يعوض على الايتام
ربي يسعدك

ويعطيك الف عافية

لقد لامست حبا صادقا
بين حروفك الدافئه
ربي إحفظ امهاتنا
ولا يوجد حب أصدق من حب الأم
أعجبت بنزف قلمك
ننتظر المزيد غاليتي

اشكرك حبيبتي عبير الورد

على التواجد

مرورك اسعدني

لاحرمنا الله منك

الله يحفظ امهاتنا جميعا

يعطيك العافية