مهم اللكل يدخل ويبدي رايه

بسمه تعالي

يعني في موضوع للحين مخي ملخبط منه مومستوعبة ابد بعدني مصدومة منه :wacko:

بالمختصر اني البارحة رحت عرس ويا مرت اخوي

المهم قالت لي مرت اخوي بتشوفي البلاوي الحين واني مادري وش قصدها المهم

هم عروستين بنات خاله كل وحده منهم ماخد اخو الثانية يعني عادي دخلو المعرسين مع

بعض المهم من دخل بعدهم هنا المصيبة

دخلو اولاد الخالة كلهم من الجهتين اخوت العروس الأولة واخوت العروس الثانية

وكبار ومعرسين وعادي بنت الخالة قدامهم كذا يعني ميهي محرم اليهم

الشعر طالع ومكياج والحالة قايمة وخواتها كبار وعادي بعد الموضوع

ورقص ويا اولاد خالتهم والمصيبة الكبرى ارجال خالتهم موجودين ونفس الحال

رقص والشعر ومكياج يعني رجل خالتش ذا

وحده من خوات العروس مزح ويا المعرس الي هو رجل ختها وفي نفس الوقت ولد

خالتها وحميها كذا قدامه فستانها عاري ومكياج والشعر طالع

ولا رجلها موجود بعد وساكت ويلي

يعني هلعائلة فري عندهم حتي في بيوتهم عادي يدخل عليهم رجل خالتهم وولاد خالتهم

وهي كذا حتي بقصير

بعدني مصدومة من الوضع طول الوقت واني جالسة استغفر ربي:wacko:

لوين وصلنا معقولة في ناس كذا

وش رايكم بلي قريتوه مصخرة موو

اللهم عجل فرج مولانا صاحب العصر والزمان

يازهور نوة بربلم لا تستغربي
ايش فيك تنصدمي
هم يبوا يعيشوا زمن لميس ومهند كل شي فري عندهم نوة بربل
ويش تبي يقول الناس عندهم انهم متخلفين ومو متحضرين
الناس صارت تفهم مفهوم التحضر غير
لازم فتح وعاري واي شي
بس لو تصير بلوة من ولدهم لبنهم مابيلوموا انفسهم
الولد بس هو اللي بينلام وببتلي
احنا صرنا عايشين بزمن عش رجب ترى عجبا
والعج العجل يامولاي

نو بلبلم بعدني مصدومة معقولة في ناس كذا بجد

اي والله يبوو اسوو ايام مهند ونور ولميس ويحي

تسلمي حبيبتي دموعة عللتواجد الجميل منك بين متصفحي

بس بعدني مصدومة

سلام خية ايام وتشوفى اعظم فى هالدنيا مصائب
عجل ليش هالدنيا الموت المفاجى والامراض كل
هدة من ابتعاد الناس عن الدين وعن الحلال والحرام
ولما تكلمى احد عن امر من امور الدين يقول عنك
متخلف واللة يستر علينا من هالزمن
ادعو من اللة ان المهدى يظهر ويخلص الناس من هالفساد
شكرى وتحياتى لك خيتو واللة يعطيك العافية

زهرة البنفسج شكلك مثلي
حساسة تجاه هذي المواقف ::هههههههه
اقدر صدمتك وحاسه فيك لاني عشت مواقف مشابهه لذا الشي

الله يكون بالعون

اختي مريم المقدسة الف شكر لك علمشاركة بالفعل ظهر الفساد

واذا قلتي اليهم هللشي خطاء اسووش متخلفة

موفقه اختي لكل خير

أحتي هناك حيث انت الف شكر لك عللتواجد

بالفعل مثل هللمواقف الشخص يقف مصدوم وبعدني مو مستوعبة

الله يسترر من هللدنيا وبلاويها

موفقين

هلافيك اختي
والله في هذي الايام لقينا العجب
كان انتي اللي دخلو العرس اولاد خالة
اني العرس اللي رحته قبل شهر تقريبا يعني واحد متزوج ودخل المعرس هو واخوته واولاد اخته كلهم
وهي ماتقرب لهم اي شئ
يعني الزمن صار دمااار وكل شئ يصيرعادي
الله يعينا بعد الايام الجاية وش نشوف
تقبلي تحياتي لك

حنا عايشين في عصر جاهليه لما كانو يعرضوا النساء للبيع (سوق الجواري)

اذا كان الاول بــ فلوس الحين الفرجه مجانا

حسبي الله و نعم الوكيل

هلا زهور من جد شيء صار واضح والله الناس بدلت قيمهم وعادتهم وقامو يقلدو الغرب يقولو ولد خالتي زي اخوي زين ماقلنا شيء تحجبي مو عرض ازياء مكياح وملابس عاريه
وحدث ولاحرج
ياغناتي لا تستغربي:weird:
خلاص الدنيا خربت:wink:
يعطيكِ ألف عافيه
والله يهدي الجميع
تحياتي

الله يكون بالعون
اذا هذي المصايب في بلادنا لابارك الله فيهم
مع الاسف التطور الانبيه صار تخلف

المشكلة لما تجي وتتكلم في مثل هذي المواضيع
يقولو عنك رجعي ومتخلف


يعني مو بس اتركز وعلى هذي النقطة وان كانت من جد مصيبة كبراء
ولا بارك الله فيها من ليلة
بس احنا الاخلانا نسوي هذا كله ان احنا ماالتزمنا في الدين
يعني لما قلو الغناء حرام لازم في سبب وهذي المصيبة سببه الغناء الفاحش


انا امد صوتي الى من يسمعني
اخواني يااخواتي
اتقو الله
واتذكر ان في يوم راح تنوضعو في حفرة مالك اي احد غير عملك
يعني هولاء الحراة لو مات احدهم في تلك اللحظة ماذا مصيره؟؟؟؟؟؟؟؟؟؟

اخواتي اخواني ليلة العرس ليلة تنزل فيها الملائكة
فلا تستبدول الملائكة بالشياطين
وجود الغناء في الاعراس هذا بحد ذاته فحش

سلاااام

عادي عادي
الحياة ديمقراطية
الناس أخذت طباع وعادات الغرب
وتقلدت بها
ولا تستغربوا ادا في يوم من الأيام شفتوا أعظم
خخ " الأنسان بطبعة يحب التغيير "

الف شكر لمن تواجد وابداء رئيه

بالفعل الدنيا خلاص خربت

اي والله كنا رجعنا الي ايام الجاهلية

بس من قهري ومن علامات الأستفهام الي صارت فيي

مو مستوعبة الموضوع

كيف في ناس كذا

الف شكر لكم

إنا لله و إنا إليه راجعون ..
متى ما قل الوازع الديني زادت هالمُعانات ..
الله يستر علينا و عليكم يا ربي ..
يعني رجال يرقص.. مسخرة بصراحة ..وين الرجولة ؟؟!!
صدق يلعب على حاله و ينزّل من رجولته ..أستغفر الله .
بعد حركة المغنية مع المسيقى .. بالأعراس شي مو طيب ..
المهم إن لهذه التصرفات أحكام شرعية .. كون الغطاء و التحجُب عن غير المحرم ..
و للأسف بعض الناس غافلة أو بالأصح أحسها متغيفلة عن هذه الأشياء ..
وشو نقل .. ..
الله يعجل بظهور صاحب الزمان عليه منّي السلام روحي له الفداء ..
متى نرى النور سيدي ..
الله يهدينا و يهديهم ..
مُوفقه خيّه زهرة البنفسج ..
ربي يعطيك العافية ..
في امان الله .

بسم الله الرحمن الرحيم
في هالزمن صرنا نشوف العجايب
أشياء تصير ما توقعنا انها تصير ابد
بس الحين قاعده تصير ويشكل أعظم
من الشكل الي كنا نتصورة
ما أقول غير الله يهديهم ان شاء الله
والله يعجل الينا ظهور صاحب العصر والزمان
لينقدنا من هذا الفساد ..
وخيتي زهرة البنفسج
لاتستغربي من هذا الشي
لان فيه أشياء اعظم تصير وأحنا ما ندري عنها ..
الله يعطيك العافية على الطرح ..
دمتِ بكل خير ...