شوفوا الفرق بين بنات أدبي وبنات علمي ؟؟

شوف الفرق بين بنات علمي وبنات أدبي..

بنات الادبي دايما مبتسمين ومفرفشين وشاقين الحلج من كثر الضحك ...
بنات العلمي دايما مكتئبين وماعندهم وقت يضحكون بس عندهم وقت يصيحون ...

بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...
بنات الادبي يطلعون من الامتحان وهم شاقين الحلج لان ماتفرق معاهم الدرجات
بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر.. .


اذا شفت بنات دببة تأكد انهم بنات الادبي ماوراهم دروس ولا شغل الا الاكل و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...

بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات .. .

وقت الرحلات ما تلقى غير بنات الأدبي لأن بنات العلمي مو مستعدين يطوف عليهم شي من دروسهم


وتحياتي للجميع ...
تووو

مشكوووورة اختي على المشاركة الحلوة

بس كانه غلطتي عليهم مو لهالحد كل دراسه وحتى حصص الاحتياط نبي ندرس ترى كل شي ولا بنات العلمي (امزح خيوه)

في اشياء صح واشياء لالالالا

بس الادبي كل شي عنهم صح

اوكي خيوه بنتظار جديدك دومااااا

دمتي بحفظ الاله الجبار

زيارتك الاحلى خيتوووو ....

لاوالله خيتو الكلام صحيح مية بالمية وهذا الانشووفه احنا عندنا في المدرسة ...

يمكن انتو عندكم الوضع يختلف ..؟؟

تحياتي وتمنياتي لك ..

أختك .. توووم

هو في كلام صح مااعترض بس فيه بعد لا

انا علمي واعرف يمكن انتوا بالسعوديه غير

بس كلاهما تعب وعوار راس متى نخلص ونفتك

توام الفرح انتي علمي ولا ادبي؟

ههههههههههههههههه

انا علمي حبيبتي ..

صدقيني لو تشوفي بنات الادبي عدنا ماتصدقي انهم بنات تقولي اولاد ..

اول شي الكسالة ..

وثاني شي المشاغبة الزايدة عن حدها ..

وثالث شي الاصوات المزعجة ..

ووووو ..

بس تعالي شوفي بنات العلمي والله تشوفيهم مؤدبين ومهتمين والاغلبية شاطرين ..

بس قليل منهم كسلانين الا داخلين علمي بس عشان كشخة و و و ....

آسفة حبيبتي طولت عليك بس عشان تقتنعي بكلامي صح ...

تحياتي وتمنياتي لك ..

أختك ... توووووووم

هههههههههههههههه

صح هو الادبي مشاغبين عددددل وصراخ وحاله

والعلمي اكثر اهميه بالدراسه والاغلب شطار

على العموم خلاص اقتنعت بكلامج

ههههههههههههه

الحمد لله انك اقنعتي ..

ماقول الا الله يهدي بنات الادبي ..

سعدت بمرورك .. وتواصلك ..

تحياتي وتمنياتي لك ..

أختك .... تووووم

هههههههههههههههها

بصراحه كلامش صح ميه بالميه

اني علمي وعانيت ماعانيت

ولاتنسي المساعدات الي يقدموها المعلمات لبنات الأدبي والدرجات ليهم بالهبل

والله صدقتي أختي في هذي ..

صحيح المدرسات دايماً يعطوا درجات بالهبل الى الادبي ودايماً يدافعوا عنهم ويقولوا مساكين ..

تشرفت وسعدت بزيارتك ..

تحياتي وتمنياتي لك ..

أختك ..... تووووم

:( حرام :( :( :(


احنا مش كذا والله

في بعض البنات المستهترين اني معاكِ
بس مو كلهم

ولا كل بنات علمي مهتمين

سي يو

اشلخ
كلام مايتصدق ولا يدخل العقل

العلمي والادبي الحال من بعضه هذا دراسه وهذا دراسه

مدري ليه بنات العمي شايفين روحهم

كانهم واثقين بيجبون نسبة واذا جابو نسبة واثقين بيدخلون مجالات زي الناس والله حاله


والله ويقهرون اذا قالو صعب ومش عارفه ايه كانهم مايدورن انه هالمواد صعبه


والله ناس بس وش نقول عدنا وعدكم خير يابنات علمي

أختي بيسان إحترامي لك وإحترامي لرأيك ..

أنا عارفة أنه بنات العلمي في مو كلهم مهتمين بس الأغلبية العظمى شطار ومهتمين

وأنا أتكلم عن الأغلبية والا نشووفه احنا في مدرستنا وفي المدارس الا في منطقتنا ..

أختي بنوته توته ..

أختي ماتعرفي تردي بأسلوب لبق ولطيف ..

أنا سبق وضحت للأخت بيسان أن كلامي صحيح 100% ..

مشكورين ..

يعطيك ربي الف عافية ..

تحياتي لكم .

تووووووووم

اوكي انا معك ان بنات علمي اشطر واهداء بس المواد نفس شي في صعوبه

انتي بس درسي علم نفس وعلم اجتماع بتستجني

وغير الجغرافيا وايد المنهج وغير وغير

الله يساعد بنات "ادبي " وعلمي

وبتوفيق للجميع

أختي أنا مااتكلمت عن المواد ...

أحنا أسهل عدنا لأن فهم بس الحفظ صعب كتير وبياخد وقت طووويل عكس الفهم ..

والله يوفقق الجميع ..

تحياتي لك عزيزتي ..

توووووووووم

:( :( لااااااااااااااا ماني ماني أني أدبي وشاطرة بعد وكل أدبي شطار ويذاكروا واجد مرة لانهم يبغى اليهم

حفظ موادهم مو مثل علمي يعتمد على فهم وخلاص وتصير الحكاية عندهم مثل اللعبة وهم يجاوبوا بصراحة كله

تظلموا بنات أدبي واللي لاحظته ان بنات علمي دلاليع على أقل درجة قاموا يصيحوا ،وبعضهم يدخلو علمي لانهم

يفتخروا بالعلمي على الادبي وهم زين اذا جاوبوا 1+1 وسلامتكم يالحلوين مو تزعلوا ياغناتي دا اللي الاحظه

مو تعميم بس يعني ...

تسلمي خيه توم على هالموضوع وموفقين دايما علمي وأدبي

أختكم(شمعتك أنا).