مسابقة ضحكنا وياك..!!~

هههههه مواقف مضحكه
يسلمو خيتو ورده
وبانتظار جوري
تحياتيـ ..

سعيده لتواجدكِ الحلو ياحلوه

الله يحلي ايامك خيتي

يعطيكِ ربي الف عافيه غناتي
الله يعافيك
و مشكوره على تلبية الدعوه
ولو احنا مانرد وردتنا
ربي يخليكِ ولا يحرمنا منك ِ
ولامنك يارب
..وردي و ودي..

مشكورة ورود ع الدعوة ....

بنتظـــــــــار
الجوري
نتظر
المزيد
والمزيد
والزيد
من
ابداعاتك
ياوردة
محمدية
تحياتي :حب آل محمد

[/quote]

بالانتظـــــــــــــار ..

اهلين ورود
وعذراً عل التاخير بس توني شايف الاستدعاء
المشكله مايحضرني شي بس بقوول موقف صار من قريب
بعد العيد طلعنا المدينه واني كنت هذيك الفتره متعووده اذا مرره مرره سهرت الى ثنتين عشان اصحى بدري نروح الحرم وفي ليله سهرت معااي حمااتي من سالفه لسالفه واني ميته نعس قلت يالله بستنى الاذان ادن شغلت الابجوره على خفيف عشان اطفالي مايصحوا من النوم صلينا على محمد وآل محمد وقمنا نقرا الدعاء على الاضاءه الخافته وصرت اقرأ الادعيه وبعدها على اساس اني بقرأ دعاء الصباح وقريت وقربت اخلص الا اني اقل حماتي توقعي من زمان للحين اقرأ دعاء ويش قالت لي دعاء الصباح قلت ليها لا
قالتي دعاء العهد قلت ليها لا
اجل ويش قلت ليها تخيلي من زمان للحين اقرأ دعاء كمـــيل
المشكله ان اليوم السبت حتى مو الجمعه
قمت ارقع اقول ليها من النعس ومرره اقول لانهم جنب بعض
بس كيف ماانتبهت وهو غيررر
يالله النعس ومايسوي
قامت تضحك علي والمشكله ويش يسكتها بتفضحنا :(
اتمنى موقفي يعجبكم
ماحبيت اطلع بدون مااكتب لكم شي
تحيااتي...

هاهاها حلوه منش جوري
يعطيش العافية

هههههههههههههههههه

الجوري موقف حلوو و الله ..

يعطيكم العافيه ..

موفقين ..

اقتباس:

---

المشاركة الأصلية كتبت بواسطة همس الصمت

بسم الله الرحمن الرحيم ..

صباح الخير ..
صباح النور
وكاهي همس جات بموقفها بعد ما كانت متابعه
من خلف الكواليس خوفاً من الاصطياد
ولكن لابد وأن يأتيها الدور يوماً ..
وهذا موقفي
وإن شاء الله يكون مضحك ..
.
.
في سنوات الدراسه الجامعية لما كنا بالرياض
وفي يوم من الايام صار النا حركات في الشقه
يعني حركات جننننننن :wacko:
حركات خلتنا كلنا نخاف ونموت رعب منها
حتى النوم مانمنا ولا ذاكرنا ولا اي شي
كل وحده ماسكه قرأنها تقرأ و تطالع في الثانيه وتصيح
ننتظر نبي بس متى متى يطلع الصبح
وطلع الصبح بس ظلينا خايفين اشويات
وصرنا نتحرك كل مكان لازم ثنائي نخاف كل وحده تتحرك لحالها
حتى الحمام وانتوا بكرامة وحده داخل وحده تنتظر
المهم عدت الايام على خير بس طبعاً الخوف كان رفيق لينا
وجا يوم الاربعاء وكل وحده حزمت اغراضها بتنزل الى اهلها الا ثنتين
اظطروا يظلون لان عندهم امتحانات السبت والاحد
وعلى الرغم من محاولاتنا لآقناعهم في النزلة
الا انهم كانوا مصرين يقعدون
وكنا مرة خايفين عليهم
المهم نزلنا ورجعنا ليلة السبت
ووصلنا السكن وأحنا مرة هلكانين والتعب ماخذ دورة فينا
نبي بس متى متى ندخل الشقة ونريح
وصلنا لعند باب الشقه وصرنا
ندق الجرس ندق ندق ندق
ولاحياة لمن ينادي
دقينا في الباب كان ها اشوي يسمعونا او شي وابد مافيه
إجابه
مع إن غرفتنا على طول قبال باب الشقة
وديك الايام كان لسه مافيه عندنا جوالات عشان تساعدنا
وظلينا قاعدين عند باب الشقه اكثر من ساعه والافكار تودي وتجيب
انا أطالع في الي معاي والي معاي يطالعوني
وكل وحده خايفه تنطق بشي
فوحده قامت تقول تتوقعوا نايمين ردت الثانيه مستحيل نايمين
كل هالدقيق ونايمين مستحيييييييييل
وحده تقول يمكن طلعوا راحوا شقة احد نعرفه
قالت وحده مستحيل وفي هالوقت المتأخر ماتوقع بيروحون
الا هموس تنطق بكلامها الجهنمي :weird:
وتقول تتوقعوا سووا الجن فيهم شيي
الا وحده تقول هااااااااااا :weird:
وخلاص حزتها قعدنا نصيح وكل وحده تقول كل منهم
قلنا ليهم ينزلوا ويانا بس ماسمعوا كلامنا
ياعلي ويش نسوي
كن مروا علينا بنات واحنا نحاول نخفي دموعنا
وسألونا ويش صاير وقلنا لهم ان الي داخل
صار النا اكثر من ساعه ندق عليهم ولا فتحوا النا الباب
قالوا يووو لايكون فيهم شي
روحوا خلو العامل يفتح ليكم الباب
وماصدقنا خبر كان تروح وحده منا وتنزل للعامل وخليناه يركب
وجا وفتح الباب وعاد وقفنا كل وحده تعزم على الثانيه انها تدخل
لان الخوف مرة متلبسنا
وكنا نتخيل ندخل ونشوف جثث بيها الهوايل << مرة مصدقه عمري مع التخيلات خخخ
واخيراً تشجعت وحده من البنات وفتحت باب غرفتنا
وانا وراها استرق النظر وقلبي يناطط فوق تحت يمين يسار
ولا فتحت الباب الا وحضراتهم قاعدين وداقين سوالف وآخر وناسه
وأحنا رايحين فيها من الصياح والتخيلات
الا انا دخلت الغرفة ورميت اغراضي
وقعدت اصارخ عليهم
نحيسين ماحبكم ويش سويتوا فينا
وهم مع وجيهم يضحكون ومرة مستانين على حالتنا وتخيلاتنا
وانا من الخوف جسمي كله يرتجف وهم يضحكون
الا فجأة هموس قامت من على سريرها وقامت تضحك ضحك
موطيبعي والكل يطالع فيها ويش صاير
الا اقول الهم اما افلام وتخيلات طلعت في مخي
لكن مالت عليكم :noworry: ..
وبس هذي قصتي مع الجن ومع البنات الي خوبلوني ..
.
أتمنى يكون موقفي مضحك ..

موفقين لكل خير ..
هههههههههههههههههههههههههههههه
اما موقف طيحتي قلبنا فيه عدل
وجبتيييييييي لي الرعب ..والدليل كل مره بجي ارد عليه اهون :weird::weird::weird: لاني اكون بوحدي هع ..>>جبانه :embarrest:

---

موقف حلو كثييير
يعطيكِ ربي ألف عافيه
ومشكوره يالغلا على تلبية الدعوه
ربي يخليك ولايحرمنا من تواجدكِ :toung:...>ولاكن بشرط نبي تعليقاتك الحلوه وانسي خلف الكواليس:amuse::amuse:
دمتي بخير عزيزتي ..

احلى ماخلق ربي
مناجاة الصابرين
ملاك الورد
قطعة سكر
الفراش الفاطمي
حب آل محمد
عفاف الهدى
عنيده

منورين حبيباتي
لا خلا ولا عدم من تواجدكم المبهج
دمتم بالقرب من هنا
تحياتي الحارهـ لكم

اقتباس:

---

المشاركة الأصلية كتبت بواسطة جـــــــــوري

اهلين ورود
اهلين وسهلين غناتي جوري
وعذراً عل التاخير بس توني شايف الاستدعاء
عادي غناتووو :toung:
المشكله مايحضرني شي بس بقوول موقف صار من قريب
كل شي يجي منك حلو :wink:
بعد العيد طلعنا المدينه واني كنت هذيك الفتره متعووده اذا مرره مرره سهرت الى ثنتين عشان اصحى بدري نروح الحرم وفي ليله سهرت معااي حمااتي من سالفه لسالفه واني ميته نعس قلت يالله بستنى الاذان ادن شغلت الابجوره على خفيف عشان اطفالي مايصحوا من النوم صلينا على محمد وآل محمد وقمنا نقرا الدعاء على الاضاءه الخافته وصرت اقرأ الادعيه وبعدها على اساس اني بقرأ دعاء الصباح وقريت وقربت اخلص الا اني اقل حماتي توقعي من زمان للحين اقرأ دعاء ويش قالت لي دعاء الصباح قلت ليها لا
قالتي دعاء العهد قلت ليها لا
اجل ويش قلت ليها تخيلي من زمان للحين اقرأ دعاء كمـــيل
المشكله ان اليوم السبت حتى مو الجمعه
قمت ارقع اقول ليها من النعس ومرره اقول لانهم جنب بعض
بس كيف ماانتبهت وهو غيررر
يالله النعس ومايسوي
قامت تضحك علي والمشكله ويش يسكتها بتفضحنا :(
اتمنى موقفي يعجبكم
ماحبيت اطلع بدون مااكتب لكم شي
تحيااتي...
ههههههههههههههههههههههههههه
هذا النعس وهذه عمايله:blink::blink::blink:

يلا كسبتي لك اجر :silal:
:deh::deh::deh:

---

يعطيكِ العافيه غناتي
ومشكوره على تلبية الدعوه
سعدنا بتواجدكِ ومشاركتكِ يالغلا
كوني هنا دائماً
..وردي و ودي ..

نتيجة التصويت (7)
هنا
http://www.alnassrah.com/showthread.php?t=98184&page=2

والاعضاء الجدد الا وقع عليهم الاختيار .:toung:.
1)شهد القطيف
2)ملاك الورد
3)أخرىْ

بنتظاركم وتطولو علينا عاد :amuse:..

بسم الله الرحمن الرحيم ..

كيفكن ياحلوين .. وشخباركم مع الستايل الغريب :weird:

..
أولاً مسألة ذكر موقف مضحك حصل لي..صعب شووي..لأن القاعده السائده عندي
شي مضحك جداً = مبكي جداً + محرج جداً :noworry:
..

ولهذا بذكر موقف حصل في بيتنا الكريم ..

||
قبل سنوات يمكن حوالي 10 سنوات او اكثر يمكن..المهم اني كنت في الابتدائي يمكن.. :amuse:
كانت الخادمه الطيوبه " امينه ".. تغسل المواعين بالمطبخ .. وإمي توها مركبه " قدر الضغط " عالفرن ..:cool: << مش ذاكره شو الطبخه حسافه ...
المهم هالخادمه أول مره تشوف هالقدر..وكانت مستمتعه في غسيل الصحون وبينما هي كذلك ...

إذ رفع المفتاح الخاص بالقدر وطلع البخار بصفاااره ..وكنا جالسين بالصاله ..وجات تصرخ :wacko:
وهي تناقز
وتقول : مــــــامــا :closedeyes: وهي تصيح ..هذا في بوتجاز...سوي بومب " وتحرك ايدينها يمين وشمال ..تشرح معنى الانفجااار" كبـير...هذا مطبخ..فيه حريق ..وجلست تصيح ....
وأمي ركضت للمطبخ وإحنا جلسنا نحاول نهدي فيها ..ونفهم الموضوع..
ولما جات امي تضحك وقالت لنا السالفه..جلسنا نشرح للأخت الكريمه سالفة قدر الضغط
وهي .. ..أبداً محرمه تدخل المطبخ وتصيح بس..
ومسكتها امي ... وقالت لها بدخل معاش ..وشوفي ..وهي تصيح وشوي وتبوس يد امي وتترجاها ..لاتدخلها المطبخ لانها بتموت ..:weird:

الله يرحم اياك ياامينه ..:bigsmile:
..

ادري اني ماعرف اقول لا قصه ولا نكته ...ههههه
ولكن
أرجو اني وفقت في طرح موقف..رسم شي من إبتسامه على وجوهكم ....
وشكراً للاستظافه الظريفه

انتظروني

اذا مو اليوم بكرا

او الي بعده

بس مو تتمللوا
جايتكم جايتكم

ننتظرك ملاك الورد

بالا نتظار

شهد القطيف

ملاك الورد

اسفة للتأخير
بس النت وما يسويه

بقول لكم موقف صار لي أيام الثانوية
انا فيني عادة مو حلوة بالمرة اني اتصيد أخطاء المعلمات

يعني اروح المدرسة وأكون محضرة الدروس وفاهمتها على الآخر :bigsmile:

والمعلمة بس تشرح وتغلط اقعد اصحح لها على اساس شاطرة وفاهمة يعني :wink:

كنت من الشاطرات في مادة الرياضيات وكانت المعلمة تحبني مرة ومعلمتنا بسم الله عليها نادرا ما القط عليها خطأ صغير

بس فيه درس كان من ضمن الخطوات تعريف مجال الدالة ( لبتوع العلمي بس:bigsmile: ) المعلمة مرات ومرات تنسى تعرّف مجال الدالة

وكنت لازم اترزز لها واقول لها لا ما يصير تنسيه وترجع المسكينة وتعرّف مجال الدالة واحسها شوي وبتقوم تدبحني لان كل مرة افشلها

المهم جى الامتحان عندما يكرن المرء او يهان ويجينا سؤال ومن ضمن فقرات السؤال عرّفي مجال الدالة

عاد ومن السرعة ومن الثقة الزايدة بالنفس:wacko: اقوم انسى اكتب الاجابة:evil:
طلعت من الامتحان واثقة مية في المية اني جايبة العلامة النهائية في المادة :amuse:
واروح يوم ثاني والاقي المعلمة واقفة قدامي
نطيت لها ....ها بشري ان شاء الله العلامة النهائية ؟؟
ردت عليه وهي معصبة حدها

قالت لي يا ..... نسيتي تعرفي مجال الدالة :med:
كبستني كبسة محترمة وشوي من القهر واسوي كذا :mad:
ومن زود الفشيلة والقهر والاحراج صرت قد النملة
بس ياحرام طمنتني انها اعادت توزيع الدرجات كان على تعريف المجال علامتين وغيرته وسوتها نص علامة بس
لو زين على ايامنا كان فيه تقويم زي الحين
بس وسلامتكم :bigsmile:

شحوالكم من زمان مامريت هون بس ماراح عليي شي

كيفكن ياحلوين .. وشخباركم مع الستايل الغريب
والله متوهقين ورافع الضغط حقنا

نواره>>يوصح ملاك تراني متعوده عليش
بس المفروض تردها لش بدل ماتحرجيها
وكماتدين تدان
بانتظار التصويت

السلام عليكم


نوارة... اكره ما عندي تغيير التوزيع .... لان مرة طلعت وحسبت طلعت ناقصة من نص لثلاث ارباع الواحد ..<< ثالث ثنوي ترم اول ..

بس يوم غيروا التوزيع على حساب بنت غلطت في مسألة وخربطت الخطوات نقصت ثلاث الا ربع والقهر انه على اشارة صح وخطا اشارة بس مو تحليل...آآآآآآآآآآآآآآآآآآآآآآآآآآه قهر والمعلمة من الاهل... صج قهر...

طلعت برا الموضوع سوري...

مواقف حلوين
يسلمو خيتو وروده
بانتظار شهد القطيف
تحياتيـ ..

مواااااااقف مرة نااااايس

يعطيييك العااااااافية وروده ع المجهوود الراااائع

نننتظر التصويييت

مشكورين حبيباتي على المشاركه
الله لا يحرمني منكم


شهد القطيف الظاهر مو حابه تشرفنا .....جاري استدعاء امولهــ


(على فكره الا ما قيمتهم يعذروني :embarrest:لين اتاقلم مع الاستايل الجديد :wacko:)

ننتظر الغلا أموله

و ان شاااء الله ما تتأخر علينا

وردة غناااااااااتي ربي يعطييييييك العااااااافية

هلا ،، >

تبغوني ولا هونتو > ههع

صارت لي مواقف لاكن اكثر موقف انحححرجت

ذيك المره بالمدرسسه

كككااان برررد ايام شتاء ،،

وكانت خويتي طويله شوي

رحت شفتها واقف تطالع وعاطتني ضهره

رحت وانا اضر في ايدها

واقول | الدنيااااااااااا برد وانتي مو لابسه شي ،،

لهي تسووووي آآآآآآآآآي

طلعت الا هي ابله ههههههههههههههههههه

وماخطر ع بالي انها مو لابسسسسسه مريوووول !!

انصعققققققت

وبنفس الوقت اتذكر الموقف واضحك على روحي

طقيتهااا بقوه هههههههههههههههههه

:wink:

موقف ثاني بالمدينه


بقوول على موقف محرج صار لي بالسوق المدينه

كنت طالعه بالدرج الكهربائي وتعفرفوو انواع الرجه بالمشي

ولمن وصلت فوووق بالسلامه بمشي ماني قادره ليشش

لان العبايه نشبت واجرررر واجرررر

يااا ربي مي راااضيه خلاااص وصلت الصيحه
واجرهاااا بقوه وارررررررررررررررر واطيحححححححححح :embarrest:


هههههههههههه مسسكينه مووو !

واشوووا ماكان احد في الدرج :bigsmile:

سلامتكم

موقفيييييين كل وااااااااحد أحلى من الثاااااااااني

الحمد لله على سلامتك غنااااااتي

تسلمي

ربي يعطيييييييييييييك العاااااااااااااافية

غناتي اموله ياريت ترجعي تختاري لينا موقف واحد :amuse:

ورده محمديه: هدواه.....
مابغيتي تجي كل ذا تغلي!!!؟
بصراحه لش فجه
حمد لله على السلامه
وإن شاء الله آخر الغيبات
♠♠♠♠♠♠♠♠♠♠
أموله عجبني الأول
بصراحه التاني يعورالقلب
بس إن شاء الله ماتعورتي
لكن الفشيله لابد منها

سامحوني قطعت شوي
الاستايل الجديد وما يفعل
بانتظار الاعضاء الجدد ومواقفهم
تحياتيـ ..

تم تقيم الجميع ...واسمحوووو لي على التأخير :embarrest:

>>اذا نسيت احد ما قيمته يخبرني



جاري استدعاء اعضاء جدد :toung:


تحياتي للجميع ..

الاعضاء الجدد الا وقع عليهم الاختيار

1)عنيده
2)أبو علي
3) fatemah

السلااام ..

خيتو فشيله الصرااااااااحه ..

بس يلا نحاول نقول اخف موقف صار لي محرج ..

عن الاحراااج ..

جاري البحث ..

يعطيكم العافيه ..

موفقه ..

ننتظر مواقف الاعضاء

ورود غناتي يعطيش الف الف الف الف عافية

واسموحلي على القصور

وينا عن هالمسابقه من زمان :huh:!!
الاعضاء الا استضفتهم صار ليهم دهر ولا احد شرفنا منهم :sad2:

المهم اليوم جايه مع استضافات جدد
:bigsmile::bigsmile::bigsmile:
واتمنى يرجع حماسكم مع الموضوع كالسابق

انتظروني بضع دقائق
و سأعود مع الاسماء :toung:

ارق التحايا لكم احبتي ..

الاعضاء الجدد هم ..
1)البسمة الحمراء
2)أمل الظهور
3)عاشقة المستحيل

جاري استدعائهم ..
اتمنى يشرفونا وما يكسرو خاطري:no: مثل الا قبلهم :sad2:

ودي و وردي :rose:

هلا وغلا والله كيفكم

مشكوووورة حبيبتي على الاستدعاء

الموقف :

مرة من المرات طلعت مع زوجي وحمواتي ورحنا زيارة عائلية إذا ما خاب ظني ... المهم وكنت حامل في الشهر السابع أوالثامن ... رجعنا البيت بعد ما انتهت الزيارة وكنت ساكنة في بيت عيالي في الطابق الثاني ... وركبت الدرج وكل اشوي أوقف أرتاح لاني كنت ثقييييلة ودبة :embarrest:

ووقفت تقريباً ثلاث مرات ارتاح ولما وصلت باب الشقة حسيت بشيء يمشي على خدّي وعلى طول صرخت من قمة راسي وشلتها بيدي وفصخت عباتي وبوشيتي بسرررعة وقعدت اناقز من الخوف ما كني حامل وثقيلة :weird:

وطالعت عدل في الشيء الي ركب عليي تصدقون وزغة كبيييرة :wacko:

ولما جى زوجي ما صدقني إلا يوم شافها ... وقمت أغسل في وجهي بالصابون وأفرك بقوووة لين عورني خدي :yuush:

وسلامتكم

أتمنى الموقف يعجبكم

السلام عليكم

وحشنا هالموضووووع

بسسسوم... اللع لا يروعش.. شوي وباصخ وياش لاني ما اشتهيهم ولا ذكر اسمهم

موفقين

اقتباس:

---

المشاركة الأصلية كتبت بواسطة مناجاة الصابرين

السلام عليكم

وحشنا هالموضووووع

بسسسوم... اللع لا يروعش.. شوي وباصخ وياش لاني ما اشتهيهم ولا ذكر اسمهم

موفقين

---

هلا وغلا خيتوه

مشكوورة حبيبتي على المشاركة الوجدانية

كلكِ ذوق

نحن أيضا من زمااااااااااااااااان ما شفناكم ولامن هالصوب مرينا
شي ما شدني ودخلت
هلا البسمه : وي هذا مو موقف مضحك غناتي
هذا مشهد رعبhttp://www.alnassrah.com/images/icons/eek.gif
وزغه لاوعلى ويهش يمي
لاوحامل بعد وشصار بالببو
بس ماجته خرعه
وي ماني قادره صرت أتلمس ويهي
الله يساعد
مواقف هالدفشه وي تخلي الواحد ينافض
ماني قادره
لا لا لا مانقبل كذا
نمبى موقف مضحك بعد الخرعهhttp://www.alnassrah.com/images/icons/082.gif

اقتباس:

---

المشاركة الأصلية كتبت بواسطة البسمة الحمراء

هلا وغلا والله كيفكم
ياهلا وغلا فيكِ غناتي :bigsmile:


مشكوووورة حبيبتي على الاستدعاء
العفو غناتوو :embarrest:

الموقف :

مرة من المرات طلعت مع زوجي وحمواتي ورحنا زيارة عائلية إذا ما خاب ظني ... المهم وكنت حامل في الشهر السابع أوالثامن ... رجعنا البيت بعد ما انتهت الزيارة وكنت ساكنة في بيت عيالي في الطابق الثاني ... وركبت الدرج وكل اشوي أوقف أرتاح لاني كنت ثقييييلة ودبة :embarrest:

ووقفت تقريباً ثلاث مرات ارتاح ولما وصلت باب الشقة حسيت بشيء يمشي على خدّي وعلى طول صرخت من قمة راسي وشلتها بيدي وفصخت عباتي وبوشيتي بسرررعة وقعدت اناقز من الخوف ما كني حامل وثقيلة :weird:


وطالعت عدل في الشيء الي ركب عليي تصدقون وزغة كبيييرة :wacko:

ولما جى زوجي ما صدقني إلا يوم شافها ... وقمت أغسل في وجهي بالصابون وأفرك بقوووة لين عورني خدي :yuush:

وسلامتكم



أتمنى الموقف يعجبكم

ياعلي وزغه :weird::weird::weird:
هههههههههههههههههه
ياكرهي لهم :rocket:

دكرتني بموقف مشابه صار لي

هدا مره كنت في بيت اهلي وكلهم متجمعين
واني جالسه ما حسيت الا كفخه بالقوه جت على عباتي
اني افتكرت واحد من اليهالوه رامي علي لعبه
ونفضت العبايه واني ساكته :nosweat:خخخ
ماشفت الا الكل يتصارخ ويناقز وهم يقولو وزغه وزغه

اثاريه وزغه طايحه علي من السقف :blink::blink::blink:
واني مو داريه بالدنيا :med:

---

استمتعنا معك غناتوو
مشكوره على تلبية الدعوه
والله يعطيكِ الف عافيه
دمتي متواصله معنا ..
تحياتي :rose:

[[ايلول - حساسه ]]
منورين عزيزاتي
دمتم بتواصل مستمر ...

بنتظار البقيه :wacko:
اخر مهله اليوم وبكره بختار اعضاء غيرهم :noworry:

هلا وغلا اختي

وردة محمدية

هههههههههه

الوزغ ما يخلي الوحدة في حالها داااائماً مقالب

أسعدني تواجدي في هذه الصفحة الممتعة

جاري استدعاء
{ امير العاشين }
و
{خادمة المجتبى }