با أسولف وشوفوا سالفتي ...

أم جسوم :-جايتنش يا محفوظة السلامه أمبى أخطب لولدي بنيه مزيونه من بناتش
وقفت أم السعف وهيه تطالع في أم جسوم
ولا في بوزها ولا كلمه بس تطالع في أم جسوم وهيه فاقه بوزها ...........
أم جسوم :- خير يا وخيتي ، عسا ما غلطنا
إسم الله الرحمن الرحيم عليش وعلى عمرش

وقامت أم جسوم بتغرف من الحب قلاص ماي

الا أم السعف تصرخ عليها :- قعدي في محلش قعدي

وقعدت أم جسوم في محلها غصب عليها من الخوف اللي صادها
أم السعف :- وين يتروحي وين ، تمبي تنحاشي هاااه
أم جسوم :- لا ويش أنحاش ، أني باأغرف لش قلاص ماي يبرد على روحش
أم السعف :-أني ما أشرب الا من بغلتي
ورفعت بغله جمبها وقامت تشرب
والماي يتصبب من بوزها ويبلل ملفعها وعباتها
وشوي الا هيه تكح
كح كح كح كح كح كح
أم جسوم :- عليش بالعافيه ،هني هني
أم السعف :-هني على عمري ان شاء الله ويبعد الحساد عني
أم جسوم :-هني على قلبش
أم السعف :-أخاف مهي من قلبش بس
أم جسوم :-لاويش مي من قلبي
وقعدت أم السعف تطالع في أم جسوم وهيه ساكته
وقام العرق يتصبب من أم جسوم من الخوف
أم السعف :- الحين قولي لي منهوه اللي حادنش علينا وويش تمبي منا ولاويش جايه ؟؟
أم جسوم :-قلت لش أني ، أمبى أخطب لولدي بنية حليوه من بناتش
أم السعف :-ومنهيه اللي قايله الش ان عندي بنات للعرس
أم جسوم :-أني رحت لوحده من ربعنا وسألتها أمبى أخطب لولدي ودلتني عليش
أم السعف :-منهيه هذي وويش قالت لش
أم جسوم :-هذي إسمها شروفه بت حجي محمد وقالت لي ما الش الا أم السعف عندها بنيات حليوين

وما شافت أم جسوم الا أم السعف قايمه بطولها وهيه تصارخ

أم السعف :- سعف الا يسعف عمرش ولا تقومي منه أني أم السعف أني ، جعلش وياها الصمرقع
ودود البطن ما تفكوا منه
أم جسوم :-علا ويش يا وخيتي ، أني لا أعرفش ولا أعرف إسمش بعد لاويش الدعاوي
أم السعف :-لاويش الدعاوي هااااه ، بعد في وسطة بيتي وتسميني أم السعف .......
أم جسوم :-أجل ويش إسمش انتين حجيه
أم السعف :-حجت عليش البقر الا حجت عليش
أم جسوم :-انا لله وإنا اليه راجعون ، الله يغربلش يا شرفه ما طيحتيني الا في قشرا
أم السعف :-أني قشرا بعد ، جعل بدنش يتقشر ان شاء الله

وما إستحملت أم جسوم السبيبه وقامت
تصارخ على أم السعف ، وهذي تدعي وهذي تسب
أم جسوم :-أني جعل بدني يتقسر ، أجعلش اليباس
ان شاء الله
أم السعف :-بعد وتتجري عليي .......وقامت تنادي
على بناتها.....
وجوا البنات وحده ورى الفانية
ومن شافتهم أم جسوم طار باقي عقلها
ما شافت قدامها الا فحول مو بنات
اللي في إيدها ملاس واللي في إيدها خشبه واللي في إيدها منجل واللي في إيدها حبال
أم جسوم :-اسم الله الرحمن الرحيم
أم السعف :- هاه بعد ويش بتقولي
أم جسوم :-ما با أقول الا حسبي الله ونعم الوكيل عليش يا شروفه وعلى شورتش ، أجل أني أطيح في هالورطه
أم السعف :-أجل أني أم السعف هاااااه ، ويش تمبيهم يحشوش حش الحين ولا بتتأدبي وتشيلي روحش ولا نشوف رقعة وجهش في هالفريق أبداً
أم جسوم :-الا با أنقلع وما بتشوفي رقعة وجهي أبد

وقامت أم جسوم وتحركو البنات مع قومتها
وأمرتهم أمهم انهم يرجعوا لشغلهم
لكن أم جسوم ما تروح وهيه مكسورة الخاطر أبد
وهيه قايمه شالت وياها البغله
ومرت عدال الحب
وشوي الا الحب على الأرض ومايه مندفق على حصير أم السعف
وتوها أم السعف بتصرخ على بناتها الا البغله فوق راسها
وأم جسوم بشلانها تراكض لامن وصلت للباب
وفتحت الباب وطلعت

وتوها بتحط رجولها الا نص الفريق واقفين على الباب
ومن شافتهم الا هيه تصارخ عليهم :- روحوا لا تطلع ليكم الجنية روحوا
وتفرهدوا الفريق وأم جسوم تراكض وهيه ما تشوف اللي وراها .

فنتين من بنات أم السعف وراها
وهيه تركض من محل لمحل وهم وراها
ووصلت لفريقهم وهم وراها ماهم مخليينها
ودخلت ف يزرنوق اللي يوصل لبيتهم وخافت تروح للبيت على طول تالي يندلوا البيت قالت مالي الا بيت شروفه
أروح له وأبلشها
وهب وصلت لبيت شروفه وفتحت بابهم ودخلت وصكت الباب وركبت الصدح وعبرت من الجسر بينهم وبين جيرانهم من الدار الفوقيه ودخلت على الجيران وهم قاعدين توهم بيركبوا غداهم
الا أم جسوم مفلات الخبابوة تمر عليهم وهيه تصارخ
ومن خلعتهم اتنفرت المواعين وصارت حالتهم حاله
وبس دقيقه الا أم جسوم طالع من الباب الوراني وتروح لبيتهم وتسكر الباب و....
تعب تعب تعب تعب الماي من الحب مالههم عب

من الخلعه منصور قعد من نومته وقام يزوحف لامن طلع وشاف أمه قاعده وعيونها بارزه من راسها

منصورووه :- قواش الله يماه ، ويش فيش
كأنه السعلو لاحقنش
أم جسوم :-أي سعلو يا منصور ، لو السعلو كان أهون عليي شوي
منصورووه :-سلامتش يماه سلامتش ما تشوفي شر
أم جسوم :-الشر ما يجيك يا وليدي
منصورووه :-الا أقول أماه
أم جسوم :-خير ويش تمبى
منصورووه :-متى بتروحي تخطبي لي
أم جسوم :-خطبوا لك الجنانوه ، ماظلت خطبه

منصورووه :-ويش فيه أما ه مصخنه توش تقولي
لي بتخطبي ليي
أم جسوم :- بعدين أقول لك بعدين
وشوي الا باب أم جسوم يدق
وما تشوفوا أم جسوم الا تتنافض مفلات لطوير
أم جسوم :-شوف منصورووه اذا فيه أحد يسال عني قول له أمي مريضه
منصورووه :-لاويش يماه
أم جسوم :-قول له انته أول شي وقول ليهم بعد أمي مي قادره تحرك روحها من البارحه زين يا ولدي
منصورووه :-بس قول لي لاويش
أم جسوم :-قول ليهم انته كده ، اذا تمبى تبقى لك أم في هالدنيا زين
منصورووه :-ما يهمش أماه كل شي ولا أمي

وراح منصورووه يفتح الباب وهوه يصارخ
زين زين شويه قلعتوا الباب الله يقلع اياديكم ان شاء الله
ومن فتح الباب الا قدامه أبو سلمان
وبنيتين ومرته شروفه
منصورووه :-خير خير يا حجي ويش تمبى
أبو سلمان :-ويش أمبى ، شوف هالخطار اللي
جايين ويش يمبوا
وسألهم منصورووه :- خير ويش تمبوا
بت أم السعف :- نمبى أمك
منصورووه :- أمي مريضه وما تقدر تتحرك
من البارحه نايمه
أبو سلمان :-من البارحه نايمه شااااااه واللي دشت بيتنا منهيه جنيه يعني
منصورووه :-ما أدري منهيه يا حجي
أبو سلمان :-أقول خلها تطلع للناس أحسن ليها
منصورووه :-أقول لك أمي مريضه تقول ليي
خلها تطلع للناس
أبو سلمان :-أنا مالي شغل ، اذا ما طلعت الحين بيطلعوها غصب عنها ترى
منصورووه :-وانتون ويش تمبوا في أمي
بت أم السعف :- نمبى نأدبها اللي ما تستحي، تضب أمنا وتنحاش عمبالها الدنيا مهدوده يعني
منصورووه :-تضرب امكم من وينه وهيه من البارحه نايمه في البيت
أبو سلمان :-أقول لك خلها تطلع
منصورووه :-تمباها تطلع لاويش انته بعد ، تأدب أحسن الك يا حجي ياللي ما تستحي تمبى ويش تطالع
أبو سلمان :-مالي شغل أنا
منصورووه :-دام مالك شغل انقلع من قدام بيتنا وروح
أبو سلمان :- هاااااه ويش تقول تأدب يا صبي
منصورووه :- أنا رجال مو صبي ويالله انقلعوا من قدام باب بيتنا يالله
وصفق الباب في وجههم ودخل وهوه يفكر في اللي صاير
منصورووه :- ويش هالبليه اللي طاحت علينا ما أدري من وينه ، لاويش يا أماه تسوي كده ما أدري ، بس هذي أمي ولازم أحامي عنها
وجته فكره جهنمية وقرر ينفذها على طول
وراح أخذ السطل وعباه من الخمايم وركب فوق الصدح
وهب على روسهم من فوق
وتفرهدوا من قدام بابهم وهو يلعنوا ويسبوا في منصورووه وأمه ، ونزل منصورووه لأمه
منصوروووه :- ما عليش أماه خليش في البيت ولا تطلعي داكوه فرهدتهم ، رميت عليهم الخمايم من فوق الصدح
أم جسوم :-وراحوا يا ولدي
منصوروووه :-ولا بقى منهم أحد ، وهذا اللي ما يستحي رجل شروفه جاي وياه بنتين يمباش تطلعي خليته بيزه ما يسوى
أم جسوم :-كفوا عليك يا ولدي ، سبع وما ينخاف عليك
منصوروووه :- الحين أنا با أروح للحجي عباس أكيد تأخرت عليه
أم جسوم :-أي حجي عباس اليوم طلعه من هالبيت ما فيه
-----------
( ونخليهم الحين يتكلموا ويا بعض ونروح لـــكظام وزكاي ليمتد)
كظام :-سمعتي يا وخيتي اللي صاير
زكاي:-أيه سمعت عن قليلة الحيا أم جسوم
كظام :-يقول لش فقعت راس المره يمنجل وطلعت دمامينها كررررررررررررررررر
زكاي:- ما ينشره عليها هذي المره
كرررررررررررر
كظام :- لا ويقول لش المره قاعده ومضيفه أم جسوم وما قصرت وياها بعد كرررررررررر
زكاي:-أي والله ما تنعطى وجه هالأم جسوم كررررررررر
كظام :- يقولوا ما شافت المره أم جسوم الا وهيه واقفه وماخذه المنجل من العريش وضاربتنها على راسها من غير شي ولا شيات
زكاي:- ما تستحي في بيت المره وتسوي فيها كده
كظام :-وهذاكيه المره في سبيتار ومو عارفين يوقفوا الدم من راسها
زكاي:- لا ويقول لش يوم يشيولها ودوا وياها طشت دم طالع من راسها كررررررر كرررررررررر كرررررر
كظام :- داكم يمبوا يعودوه في راسها الدخاتر ماهم عرافين
زكاي:- ويش بعد يعودوه ، ماليهم الا أبر يدقوها كل شوي يترسوا براه ويضربوها شان بس الدم يعود
كظام :- الله يعينها والله ، داكم نسوان فريقهم ماخذين ليها عصير طماط
زكاي:- ان شاء الله يفيد ويعود دمها في بدنها
كظام :-ان شاء الله ما تموت وتبتلش أم جسوم بدمها بس
زكاي:- ان شاء الله ما تموت الخير والبركة في الدخاتر
وكررررررررررر
قال
كرررررررررررررر
وكملوا قعدتهم
----------
ونعود الحين لأم جسوم ويا منصورووه
أم جسوم :-الحين يا ولدي ويش أسوي ويش أفعل
منصورووه :-انتين اللي جبتيه لروحش وأنا ما ليي خص
أم جسوم :-الحين يا طايح السنجه أني مو
رايحه أخطب لك له
منصورووه :-عاد تخطبي لي تضربي المره فوق راسها
أم جسوم :-أجل تسبني وتطردني وتمباني أسكت
منصورووه :- هذا اللي قلناه ، ودام سويتي اللي
سويتيه تحملي
وشوي الا الباب يندق

طق طق طق

منهو اللي يدق الباب ؟؟؟؟

نعرف في الحلقه الجايه

حتى ذلك الوقت
عساكم في صحة وعافيه

فمان الله

هههههههههههههههههههههه


مسكينه هالام جسوم

لو بتعتدل وياهم ما تعتدل كل يسوون فيها جذيه مسكينه

بس منصوره وامه مهما سووو فيهم ما ينشاخ عليهم

اباليس

يسلمو ابو زين على الحلقة

والله يعطيك الف عافية

حلقة كلها اكشن , تناطط من صدح الى بيوت الناس

الظاهر ام جسوم تلعب جمباز من ورانا واحنا ما ندري

بسم الله الرحمن الرحيم
هههههههههههههههههههههههههههههههههههههههههه
ياعلييييييييييييييييييييييييييي
وين ما تطقها عوجا ها الأم جسوم:deh:
لا و أم السعف تخوووفها بعد جايبه بناتها تفكر بتقدر عليها
هذي ام جسوم والأجر على الله تخوف ما تخاف:wavetowel2:
أما زكاي وكظام ضحكت عليهم لين قلت بس
عجل طشت دم بيعودوه في راسها
ههههههههههههههههههه:deh::deh::deh:
ويلي عليكم:nosweat:
الحمد لله على عودة السوالف مره ثانيه خيووو الفاضي
وزين ماسويتوا في المنتدى لانسخ بعد اليوم:seif:
رحم الله والديك ويسلمووو إيديك:shiny:

مافي مجال للكلام .. ماني قادرة بموت من الضحك ..
هههه هههه هههه هههه هههه هههه هههه هههه هههه هههه
هههه هههه هههه هههه هههه هههه هههه هههه هههه
هههه هههه هههه هههه هههه ههه هههه هههه
هههه هههه هههه هههه هههه هههه هههه
هههه هههه هههه هههه هههه هههه
هههه هههه هههه هههه هههه
هههه هههه هههه هههه
هههه هههه هههه
هههه هههه
هههه

ياعلي جخه جخه اليوم الحلقة ..
ماني قادرة أسكت ..
المشكلة أنها حست ان أم السعف مي أي وحدة ..
هههه هههه هههه هههه هههه بس ما تقدر ..
كسرت خاطري شوي .. بس كلما أبغى أسكت ما أقدر ..
كلما أتخيلها تراكض من زرنوق لزرنوق ..
ما أقدر غصبا عني أضحك ..
هههه هههه هههه هههه هههه هههه هههه هههه
ياعلي .. بعد صارت رامبو .. تنطط من صطح لـ الثاني ياعلي ..
مو طبيعيه أم جسووووم ..
هههه هههه هههه هههه هههه هههه هههه هههه هههه هههه هههه
هههه هههه هههه هههه هههه هههه هههه هههه هههه هههه هههه
لكن منصوروه .. يعرف ينقذ أمه في المواقف الصعبة ..
هههه هههه ياعلي بعد راح رمي عليهم الخمايم .. كل شي ولا أمه .. < لا خوش ولد ..
ملحق خوش ولد .. رد شال إيده من الموضوع .. هههه هههه هههه
يسلم بعمره أحسن ليه ..
و هدوله ك . ز ليييييمتد ..
ولا يتأدبو عن الخراط ...
يفجعو ويشو منجل وما ادري ويشو .. من وين يجيبو الشلخ .. المشكلة يشلخو ويصدقو شلاخهم ..
لا بعد المرة شالوها ويا طشت دم والدكاترة يبغو يرجعوه ليها ماهم عارفين ..
هههه هههه هههه هههه هههه هههه هههه هههه هههه هههه هههه
ما ادري من وين يجيبو الخراط .. لكن خراطهم حليو ..
لأن ما يتصدق ..
أبو زيييييييييييييييييييين ..
تسلم عن جد ..
ربي يعطيك ألف ألف ألف عاااافيه ..
بجد جخه اليوم .. وناااااسة ..
بوركت جهودك الجبارة خيووو ..
خجلا أقدم بين يديك شكري ..
شكرا من الأعمااااااق .. ازفها بـ أصدق ،منياتي لك بالموفقيه الدااائمة ..
لا عدمناااااااااااك ..
تحياااااااااااااااااتي ..
للدموع إحساس ..

خيتي نور الهدى مرحبتين

اقتباس:

---

المشاركة الأصلية كتبت بواسطة نور الهدى

هههههههههههههههههههههه
عساها الضحكه دوم
مسكينه هالام جسوم
لو بتعتدل وياهم ما تعتدل كل يسوون فيها جذيه مسكينه
متعوده على الشحططه ههههه
بس منصوره وامه مهما سووو فيهم ما ينشاخ عليهم
اباليس
يعرفوا كيفه يتفرسخوا من المشاكل بسرعه هههههه
يسلمو ابو زين على الحلقة
والله يعطيك الف عافية
الله يسلمش ويعافيش خيتي
حلقة كلها اكشن , تناطط من صدح الى بيوت الناس
الظاهر ام جسوم تلعب جمباز من ورانا واحنا ما ندري

---

هذي أم جسوم والأجر على الله
أهم شي تطلع من المشكله
ولا تعيش الا بالمشاكل


تقبلي خالص التحيات على التواجد الرائع

فمان الله

أهلين يخيتي مياس ومرحبتين

اقتباس:

---

المشاركة الأصلية كتبت بواسطة مياس

بسم الله الرحمن الرحيم
بسم الله الرحمن الرحيم

هههههههههههههههههههههههههههههههههههههههههه
ياعلييييييييييييييييييييييييييي
وين ما تطقها عوجا ها الأم جسوم:deh:
ما يفيد وياها حتى السحر بعد هههههههه
لا و أم السعف تخوووفها بعد جايبه بناتها تفكر بتقدر عليها
هذي ام جسوم والأجر على الله تخوف ما تخاف:wavetowel2:
أي والله أم جسوم والأجر على الله
ما أحد يتعيلف وياها ويطلع سالم أبد
أما زكاي وكظام ضحكت عليهم لين قلت بس
عجل طشت دم بيعودوه في راسها
ههههههههههههههههههه:deh::deh::deh:
ويلي عليكم:nosweat:
هذي قعدة القدو وما تسوي هههههههه
شلاخ في شلاخ
ما يعيشوا بدون شلاخ .........على بساطتهم هههههههه

الحمد لله على عودة السوالف مره ثانيه خيووو الفاضي
ان شاء الله على طول لامن نخلص السالفه
وياكم على خير
وزين ماسويتوا في المنتدى لانسخ بعد اليوم:seif:

يالله نشيخ وياهم
جليلين الحيا هههههههههه
رحم الله والديك ويسلمووو إيديك:shiny:

---

رحم الله والديش

تقبلي خالص تحياتي

فمان الله

خيتي للدموع إحساس يا مرحبتين

اقتباس:

---

المشاركة الأصلية كتبت بواسطة للدموع إحساس

مافي مجال للكلام .. ماني قادرة بموت من الضحك ..
هههه هههه هههه هههه هههه هههه
هههه هههه هههه هههه هههه
هههه هههه هههه هههه
هههه هههه هههه
هههه هههه
هههه
عساها الضحكه دووووووووم ياااااااااااارب
وتسعد أيامكم يا رب
ياعلي جخه جخه اليوم الحلقة ..
ماني قادرة أسكت ..
الجخه تواجدكم وحضوركم الكريم
المشكلة أنها حست ان أم السعف مي أي وحدة ..
إي والله ..أم السعف هذي بليه
يمبى ليها تحتاط على عمرها أم جسوم
هههه هههه هههه هههه هههه بس ما تقدر ..
كسرت خاطري شوي .. بس كلما أبغى أسكت ما أقدر ..
كلما أتخيلها تراكض من زرنوق لزرنوق ..
ما أقدر غصبا عني أضحك ..
هههه هههه هههه هههه هههه هههه هههه هههه
عساها الضحكه دووووم ان شاء الله
ياعلي .. بعد صارت رامبو .. تنطط من صطح لـ الثاني ياعلي ..
مو طبيعيه أم جسووووم ..
هههه هههه هههه هههه
هههه هههه هههه هههه
الخوف وما يسوي يا خيتي يخلي الواحد يطير مو يناطط ههههههههههه
لكن منصوروه .. يعرف ينقذ أمه في المواقف الصعبة ..
هههه هههه ياعلي بعد راح رمي عليهم الخمايم .. كل شي ولا أمه .. < لا خوش ولد ..
هذي شركه بينهم أم جسوم ومنصورووه ليمتد هههههههه
ملحق خوش ولد .. رد شال إيده من الموضوع .. هههه هههه هههه
يسلم بعمره أحسن ليه ..
هههههههههه
ما يقدر على سوايا أمه ههههههه
و هدوله ك . ز ليييييمتد ..
ولا يتأدبو عن الخراط ...
يفجعو ويشو منجل وما ادري ويشو .. من وين يجيبو الشلخ .. المشكلة يشلخو ويصدقو شلاخهم ..
هذا دور وكالة الانباء ليميتد
لازم الشلخ وقعدة القدو بالشلخ أكيييييد
لا بعد المرة شالوها ويا طشت دم والدكاترة يبغو يرجعوه ليها ماهم عارفين ..
هههه هههه هههه هههه هههه هههه هههه هههه هههه هههه هههه
ما ادري من وين يجيبو الخراط .. لكن خراطهم حليو ..
لأن ما يتصدق ..
على شلاخهم بس رهيبين عندهم خيال رهيييييييييييييب ههههههههه
أبو زيييييييييييييييييييين ..
تسلم عن جد ..
ربي يعطيك ألف ألف ألف عاااافيه ..
الله يسلمش ويعافيش خيتي
بجد جخه اليوم .. وناااااسة ..
بوركت جهودك الجبارة خيووو ..
الجخة تواجدك وحضورك خيتي
خجلا أقدم بين يديك شكري ..
شكرا من الأعمااااااق .. ازفها بـ أصدق ،منياتي لك بالموفقيه الدااائمة ..
:embarrest::embarrest::embarrest:
لا عدمناااااااااااك ..
تحياااااااااااااااااتي ..

---

اقتباس:

---

المشاركة الأصلية كتبت بواسطة للدموع إحساس

للدموع إحساس ..

---

لك خالص تحياتي وتمنياتي بالموفقية دائماً

والله يوفقش ان شاء الله

فمان الله

أم جسوم :-أجل تسبني وتطردني وتمباني أسكت
منصورووه :- هذا اللي قلناه ، ودام سويتي اللي
سويتيه تحملي
وشوي الا الباب يندق
طق طق طق
طق طق طق طق طق

وجمد منصوروووه وأم جسوم

واللي يدق الباب مواصل في الدق

طق طق طق

وشوي الا صوت يعرفوه

هذا صوت حجي عباس
حجي عباس :- أفتحوا الباب ، منصوروووه أفتح الباب
منصورووه :- زين زين يا حجي دانا با أجي
يالله أماه دشي الحجره

وراح منصوروووه وفتح الباب ولقى الحجي عباس
منصورووه :- حياك الله حجي عباس
حجي عباس :- الله يحييك يا شيخ منصور

منصورووه :- تفضل دش يا حجي
حجي عباس :- فضلك الله ، يالله يا لله
منصورووه :- يالله يالله ، تستروا يا حريم
حجي عباس :-( أيه من زودهم يعني ما فيه الا أمك )
منصورووه :- ويش تقول يا حجي
حجي عباس :-لا لا ما فيه شي
منصورووه :- تفضل يا حجي تفضل هنه في الحوي تفضل
حجي عباس :-يالله يالله
وجلس الحجي عباس على الكرفايه اللي في الحوي ودخل منصورووه لأمه
منصورووه :- أما الحجي عباس في الحوي ، رحم الله والديش سوي لينا شاي
أم جسوم :- جعلك شيه ان شاء الله ، كيفه با أطلع وانت مقعدنه في الحوي
منصورووه :- نسيت ويش أسوي
أم جسوم :-يالله قول له با أطلع بسرعه يالله
وطلع للحجي وقال له
منصورووه :- تستر يا حجي أمي بتطلع
حجي عباس :-ويشوووه أتستر
منصورووه :- ما أدري ويش يسووا المهم أمي
بتطلع بتروح المطبخ
حجي عباس :-يالله يالله أجل با أروح الحفيز والحقني انته
منصورووه :- لا غير أمي بتروح المطبخ ولاويش نروح
حجي عباس :- يالله براحتك يا شيخ منصور
ودار الحجي عباس جهة الطوف وعبرت أم جسوم ومست بالخير على الحجي عباس ورد عليها وعود دار وجهه لمنصورووه
منصورووه :- حيا الله الحجي ، تو ما نور البيت يا حجي
حجي عباس :- الله يسلمك يا منصور ، ويش با أقول لك
ويش هالعفسه اللي صايره في الفريق ، يقولوا بنات أم السعف جايين لأمك
منصورووه :- ويش نسوي يتبلوا علينا يا حجي ، أمي من الصبح نايمه في البيت وهم يقولوا ضربت أمهم
حجي عباس :-منصورووه لا تكذب عليي ، أعرفكم انت وأمك
- وكانت أم جسوم في المطبخ تتصوخ
لحجيهم وهي ساكته -
منصورووه :- لا عاد يا حجي ، أقول لك أمي نايمه من أمس في البيت ما تشوفني مريض ولا رحت لك الحفيز
حجي عباس :-يالله بنصدقك يا منصوروووه بس قلبي ناقزني انك تغبي عني شي
ويوم استوى الشاي قامت أم جسوم ونادت على منصورووه وأخذ الشاي ووداه للحجي وصب له استكانه وصب لروحه استكانه فانيه
منصورووه :- تقهوى يا حجي
حجي عباس :- زاد فضلك يا شيخ منصور
منصورووه :- ويش فيك يا حجي طايح فيي شيخ منصور وشيخ منصور
حجي عباس :-أيه شيخ بعد ويش ، يوم الا أنا وارف من عند ما أدري منهوه فلوس بتصير انت شيخ
وما شاف الحجي عباس الا منصوروه متدحلب علىالأرض وهوه يضحك
حجي عباس :- بسم الله الرحمن الرحيم ، ويش فيك يا منصوروووه
منصورووه :- ما فيي شي يا حجي ، بس أكيد أبو سعيد الخوصه جى الك وقال لك يمبى يتسلف
حجي عباس :-أيه جى ليي وقال يمبى يتسلف قلت له بعد تمبى تتسلف قال ليي ويش فيها عطنا من الخير اللي عندك وتالي خبرني عن سالفتك
منصورووه :- بس ويش رايك يا حجي ، عودت فلوسك وخليته يجي لك مزبوووط
حجي عباس :-في هذي أشهد لك ، بس أنا مستغرب من وين طلعت هالفكره وراسك .........
منصورووه :- ويش فيه راسي ما فيه شي
حجي عباس :-لا لا ما فيه شي أبد
المهم زي ما بلشتني بهالورفه فكني منها
منصورووه :- وحلاوتها
حجي عباس :- انا لله وانا اليه راجعون
منصورووه :- أمبى حلاوتين هالمره
حجي عباس :-بعد أشوف طمعت
- ولمعت عيون أم جسوم من سمعت سيرة البيزات -
منصورووه :- خلاص أجل يا حجي بعد شوي با أروح الك الحفيز
حجي عباس :-يالله أجل أنا أترخص
وطلع الحجي عباس من البيت
وطلعت أم جسوم من المطبخ
أم جسوم:- ويش يمبى منك الحجي عباس
منصورووه :- كنش ما سمعتي يعني
أم جسوم:-ويش سمعت يا النحيس
منصورووه :- ما شي ما شي ، يمبى مني اللي سمعتي

وطلع منصوروووه وفي راسه شغله

وقعدت أم جسوم في البيت ماهيه عارفه ويش تسوي
تفكر وتفكر وتفكر
وقررت تسوي حاجه بس متردده

بس إحنا بنروح للحجي عباس في الحفيز شان نعرف ويش بيسوي ويا منصوروووه

منصورووه راح لأبو سعيد الخوصه ودق عليه الباب
أبو سعيد :- من من يدق الباب ، شوي شوي لا ينقلعه في إيدك الباب
منصوروووه:- افتح يا حجي افتح لا أحد يشوفني
أبو سعيد :-هذا انت يا لمشبوب
منصوروووه:-ايه أنا افتح بسرعه يا حجي
وفتح الباب ودخل منصورووه بسرعه
أبو سعيد :-ويش تمبى بعد
منصوروووه:-أفا يا حجي أفا وأن اللي امبى الك الخير
أبو سعيد :-تمبى ليي الخير ، الا لعبت عليي
منصوروووه:-لا ويش انت اللي استعجلت
على رزقك يا حجي
أبو سعيد :-كيفه يعني استعجلت فهمني يا فهيم
منصوروووه:- يعني ما صار للسالفه وقت تمبى تلهف من عند الحجي عباس فلوس ، حارس شوي
أبو سعيد :-ما قدرت أصبر ، طول الليل أفكر في البيزات اللي با أخذهم من هالمخرف حجي عباس
منصوروووه:-لازم الطبخه تستوي عشان تاخذ فلوس من عنده له
أبو سعيد :- لا متى يعني با أحارس
منصوروووه:- تحارس يا أبو سعيد لامن يجيك الخبر من عندي ولا تطب حفيز الحجي أبداً
أبو سعيد :-حاضر بأمرك يا شيخ منصور
منصوروووه:- انا لله وانا اليه راجعون ، ويش فيكم على سالفة شيخ منصور
أبو سعيد :-شااااااه منهو سماك بعد شيخ منصور
منصوروووه:-ما أحد ما أحد
أبو سعيد :-شوف الحين وخذ من عندي العلم ، اذا خلص الشهر وما جبت ليي خبر تراني ما با أقدر أصبر
منصوروووه:-أقول لك يا حجي خلي الطبخه تستوي تقول ما بتصبر تراك انته الخسران
أبو سعيد :-لا لا لا ، كل شي ولا الخساره
منصوروووه:-أيه خلك كده وخذ من عندي العلم أنا
أبو سعيد :-آمر يا ...شيخ منصور
منصوروووه:- يالله فمان الله ، با أروح للحجي لا يحارسني
أبو سعيد :-هني على قلبك القعده ويا الحجي عباس
منصوروووه:- ويش الفايده ، لا نطول العنب ولا نشتم ريحته بعد
أبو سعيد :-يالله روح للحجي روح
وطلع منصوروه من عند أبو سعيد وراح للحجي عباس
الحفيز

منصوروووه:- السلام عليكم حجي
الحجي عباس :-عليكم السلام
منصوروووه:- خلاص يا حجي هذا أبو سعيد وفكيناك منه
الحجي عباس :-كفوا يا منصور كفوا والله
منصوروووه:-والحين نمبى حلاوتنا
الحجي عباس :- خذ هاك هذي خمس ربيات
منصوروووه:-بس خمس ربيات ، هذا أبو سعيد اللي يلزق في الواحد ولا يقدر يفك منه
الحجي عباس :-ويش تمبى بعد زيادة بيزات بعد
منصوروووه:-خلاص خلاص ، أمبى شي فاني
الحجي عباس :-خير آمر يا شيخ منصور
منصوروووه:- هذي وحده اسمها أم السعف متبليه على أمي نمبى نفتك منها الحين
الحجي عباس :-ما يهمك خلي أم السعف عليي
منصوروووه:-رحم الله والديك يا حجي ، أيه أمي داكيه لابده في البيت مهي قادره تطلع ولا تشوف مرازيقها
الحجي عباس :-ما يهمك يا شيخ منصور ، أم السعف عندي دواها
منصوروووه:-وكيفه يا حجي
الحجي عباس :- أم السعف متأجره بيتي في الفريق الشمالي واذا سوت حاسه فاسه با أقول ليها تطلع من البيت
منصوروووه:- أهم شي يا حجي تخلي بناتها ما يطبوا الفريق عفسونا عفاس
الحجي عباس :-يعني أحين إعترفت باللي سوته أمك هاااااه
منصوروووه:-ويش أسوي يا حجي هذي أمي
الحجي عباس :-يالله قوم انته خم الحفيز ولا تطلع منه لامن أجي الك زين

وراح الحجي عباس وقام منصوروووه ينظف الحفيز ويرتب المكان
وشوي الا داش عليه واحد لابس نظاره فيه لحية
الرجال :- السلام عليكم
منصورووه :-عليكم السلام آمر يا حجي
الرجال :- هذا مكتب الحجي عباس
منصورووه :-أيه آمر
الرجال :-هاك اعطه هالمكتوب
منصورووه :-ان شاء الله يا حجي
وطلع الرجال من الحفيز وراح في طريقه

وبعد شوي الا الحجي عباس جاي من بعيد واستقبله منصورووه
حجي عباس:- السلام عليكم
منصورووه :-عليكم السلام
حجي عباس:-ويش فيك كأن في بوزك حجي
منصورووه :-أيه ، هذا قبل يمكن عشر دقايق جى واحد فيه لحيه ولابس كشمه وعطاني هالمكتوب
وعطاه المكتوب وفتحه الحجي عباس وقام يقرأ ويقرأ
وكل شوي يحرك غترته

وطالع في المكتوب ويطالع في منصوروووه

لاويش ؟؟؟


نشوف بعدين


فمان الله

ليكون طلعت صدق ورفه الى الحجي عباس

وفال منصوروه عليه صدق

ام جذية كشخه

منصوره هو المستفيد


يمكن شحطت بأفكاري بعيد

خلنا ننتظر ونشوف ويش في المكتوب

الله يعيطك الف عافية خيي

وبنتظار دواهي منصوروه وامه النسرة

مسااااء الورد والياسمين ..
^
^
^
شكله صدق بتطلع له ورفه ..
كاااان عدددددل .. منصوروه يشلخ وتتحقق الشخله ..
منصوروه متدحلب على الأرض من الضحك ..
ياعلي .. خلاني أشفي أتدحلب من الضحك ..:wink::wink:
هههه هههه هههه هههه هههه هههه هههه هههه هههه
صدق للضحك عند منصوروه طعم خاااااص ..
لأنه يضحك ويحس بـ الأنتصار .. هههه هههه هههه
إلا صدق .. منصوروه غريييييييييييبه .. أختاااار أن حلاوته تكون فكاك أمه من ام السعف .. ساعات يصير خوووش ولد ..:toung::toung:
وإلا الخووووف له دور .. بعد ما يندرا عنه ..
بس ساااااعااااات .. خخخخخخخخخخخ ..
يصير مو خوش شي كلش ..
لكن لايق عليه .. الشيخ منصور ..
هههه هههه هههه هههه هههه هههه .. لكن الحجي عبااااس ..
طيب وعلى نيااااته .. مسكين .. ما يخاااالف ..
يدري أن منصوروه يشلخ .. بس المهم عنده أن فلوسه رجعت ..
هههه هههه هههه هههه هههه هههه هههه هههه هههه
دنيااااااااا ..
خيووو أبو زييييين ..
ربي يعطيك ألف ألف عاااااافيه ..
بإنتظار نعرف .. لاويش .. يطالع المكتوب ويطالع منصوروه ..
أشك أن شلخة منصوروه تحققت ..
حتى ذالك الوقت ..
كن برعاية الله .. أين ما كنت ..
تحياااااااااااتي ..
للدموع إحساس ..

هههههههههههههههههههههههههههههههههه
ياعلي بطني مو قادرة منه
هههه ههههه
زين اني غبت هالفترة عشان ارجع واخذ طاقه
بس جد ونسني وناسني هم مجيدوة الله يغربله ويطيح
بالبحر وهو راجع مصر<<تعلمت الدعاوي من ام جسمان

ههههههههه
صايرة دراكولاء من صدح لصدح زي الخفافيش عباه طايرة زي الجنحان ووجه يناطط وكله خوف
كل هذا كوم وليمتد ههه ههههههه
كوم ثاني ويش يعني ياخذوا ابره ويعبوها ويرجعوها راسها
ويش هالدختر خوش دختر ينفع بصراحه اذا الدم بيرجعوة كذا من الطشت الى الراس مرة وحده
ولو ادري ان فيه طشت دمان كان تسلفت منها لابوي شوي يمكن يطيب
ويصير زي ام السعف والليف وبناتها
بس عفيه عليها زي ماشروف بلتها راحت تبليها بس مسكينه رجعوا لها بناتها اللي كانهم فحول
ولا منصور خوش ولد يعرف كيف يخلص امه المرة الاولى الخمام مدري كيف جات في باله هالفكرة
والثانيه حجي عباس زين مايسوي ولا ام السعف والليف مابتفكهم من اسمها يخوف

وشنو هالمكتوب اللي جابه ابو كمشه ليكون ورثه من جد
صدق من قال تامل شي ويجيك بالنهايه<<من قاله محد قاله غيرك

تسلم اخوي وعساك على العافيه
وان شاء الله الله يونسك ويريحك زي ماريحتنا
ويعطيك طولة العمر والسعاده وزيارة علي واولاده<<دخلت بدعاوي وطلعت بدعاوي بس ايش حلاتها الاخيرة

سلام خيوة ابو زين
شحوالك شخبارك
شمسوي مع الدنيا
انا من زمان مادخلت الناصرة قلت طافتني السوالف وخاصه الحين اختبارتي قلت الله يعين بعدين على القرائه
بس الحين نتغذى واسئل امي وابوي انتوا شتسوا في هالهواء والغبار من اول هذي العشه تطير
وبدوا يحكوا ويسولفوا
وذكرتك وذكرت سوالفك قلت بسلم وبطلع بس اشوف حتى سالفه مافيه بعد غيابي
ويلا اخليك واشوفك بخير والله يعطيك العافيه
موفق خيوة

اقتباس:

---

المشاركة الأصلية كتبت بواسطة نور الهدى

ليكون طلعت صدق ورفه الى الحجي عباس
وفال منصوروه عليه صدق
ام جذية كشخه
منصوره هو المستفيد
يمكن شحطت بأفكاري بعيد
خلنا ننتظر ونشوف ويش في المكتوب
الله يعيطك الف عافية خيي

وبنتظار دواهي منصوروه وامه النسرة

---

خيتي نور الهدى مراحب

لا لا خيتي الشي أعظم من هذا

بنشوف بعد شوي اللي في المكتوب

خالص تحياتي للتواجد الكريم

فمان الله

خيتي للدموع إحساس مرحبتين

اقتباس:

---

المشاركة الأصلية كتبت بواسطة للدموع إحساس

مسااااء الورد والياسمين ..

^
مساء الورد ...أهلا ومرحبا
شكله صدق بتطلع له ورفه ..
كاااان عدددددل .. منصوروه يشلخ وتتحقق الشخله ..
السالفه غير مررررره خيتي وما أحد يتوقعها
منصوروه متدحلب على الأرض من الضحك ..
ياعلي .. خلاني أشفي أتدحلب من الضحك ..:wink::wink:
هههه هههه هههه هههه هههه هههه هههه هههه هههه
صدق للضحك عند منصوروه طعم خاااااص ..
لأنه يضحك ويحس بـ الأنتصار .. هههه هههه هههه
ههههههههه ذكرتيني لول الناس على طبيعتهم
إذا الواحد ضحك تطلع من قلب وما تشوفي الا أنواع التدحلب في الأرض ولا على الرصيف هههههههههه
إلا صدق .. منصوروه غريييييييييييبه .. أختاااار أن حلاوته تكون فكاك أمه من ام السعف .. ساعات يصير خوووش ولد ..:toung::toung:
هههههه يخاف على أمه بعد ويش
وهذي أم جسوم الغاليه هههه
وإلا الخووووف له دور .. بعد ما يندرا عنه ..
بس ساااااعااااات .. خخخخخخخخخخخ ..
يصير مو خوش شي كلش ..
الخوف يقطع اليوف وخيتي
وهوه بعد يمبى يفتك من الحنه على راسه هههههه
لكن لايق عليه .. الشيخ منصور ..
مزبووووووووط الشيخ منصور مو هين
هههه هههه هههه هههه هههه هههه .. لكن الحجي عبااااس ..
طيب وعلى نيااااته .. مسكين .. ما يخاااالف ..
يدري أن منصوروه يشلخ .. بس المهم عنده أن فلوسه رجعت ..
هههه هههه هههه هههه هههه هههه هههه هههه هههه
دنيااااااااا ..
الفلوس أهم من كل شي عند الحجي عباس .....الطيب
خيووو أبو زييييين ..
ربي يعطيك ألف ألف عاااااافيه ..
بإنتظار نعرف .. لاويش .. يطالع المكتوب ويطالع منصوروه ..
أشك أن شلخة منصوروه تحققت ..
اليوم نعرف ان شاء الله
حتى ذالك الوقت ..
كن برعاية الله .. أين ما كنت ..
تحياااااااااااتي ..

للدموع إحساس ..

---

لك خالص التحيات وجميل الأمنيات خيتي
مع تمنياتي لك بالنجاح والتوفيق في هذه الإختبارات إن شاء الله
ويارب يسهل عليش في كل إختبار إن شاء الله

فمان الله

خيتي دمعة الأحزان مراحب

اقتباس:

---

المشاركة الأصلية كتبت بواسطة دمعة الاحزان

ههههههههههههههه

ياعلي بطني مو قادرة منه
هههه ههههه
ينطيش العافيه خيتي
زين اني غبت هالفترة عشان ارجع واخذ طاقه
بس جد ونسني وناسني هم مجيدوة الله يغربله ويطيح
بالبحر وهو راجع مصر<<تعلمت الدعاوي من ام جسمان
أم جسوم دعاويها ماركه مسجله هههههههه

ههههههههه
صايرة دراكولاء من صدح لصدح زي الخفافيش عباه طايرة زي الجنحان ووجه يناطط وكله خوف
الخوف يقطع اليوف يا وخيتي
كل هذا كوم وليمتد ههه ههههههه
كوم ثاني ويش يعني ياخذوا ابره ويعبوها ويرجعوها راسها
ويش هالدختر خوش دختر ينفع بصراحه اذا الدم بيرجعوة كذا من الطشت الى الراس مرة وحده
هذولا ما يفوت عليهم شي ك.ز ليميتد هههههههه
ولو ادري ان فيه طشت دمان كان تسلفت منها لابوي شوي يمكن يطيب
ويصير زي ام السعف والليف وبناتها
الله يعطيه الصحة والعافيه ويقومه بالسلامة ياااااااااااااااارب
بس عفيه عليها زي ماشروف بلتها راحت تبليها بس مسكينه رجعوا لها بناتها اللي كانهم فحول
لازم الشر يعود لأهله ههههههه
ولا منصور خوش ولد يعرف كيف يخلص امه المرة الاولى الخمام مدري كيف جات في باله هالفكرة
هذا منصوروه أبو التفاكير ههههههههه
والثانيه حجي عباس زين مايسوي ولا ام السعف والليف مابتفكهم من اسمها يخوف
هيه بس أسمها كأنه مال جنانوه هههههههه

وشنو هالمكتوب اللي جابه ابو كمشه ليكون ورثه من جد
صدق من قال تامل شي ويجيك بالنهايه<<من قاله محد قاله غيرك
اليوم ان شاء الله نعرف قصة هالمكتوب
تسلم اخوي وعساك على العافيه
وان شاء الله الله يونسك ويريحك زي ماريحتنا

ويعطيك طولة العمر والسعاده وزيارة علي واولاده<<دخلت بدعاوي وطلعت بدعاوي بس ايش حلاتها الاخيرة

---

خووووووووش دعاوي .......لا تقربي من أم جسوم تالي تقلبهم
لدعاوي مو شي ههههه

تقبلي خالص التحيات وجميل الأمنيات بالموفقية والسداد

فمان الله

اقتباس:

---

المشاركة الأصلية كتبت بواسطة دمعة الاحزان

سلام خيوة ابو زين

شحوالك شخبارك
شمسوي مع الدنيا
انا من زمان مادخلت الناصرة قلت طافتني السوالف وخاصه الحين اختبارتي قلت الله يعين بعدين على القرائه
بس الحين نتغذى واسئل امي وابوي انتوا شتسوا في هالهواء والغبار من اول هذي العشه تطير
وبدوا يحكوا ويسولفوا
وذكرتك وذكرت سوالفك قلت بسلم وبطلع بس اشوف حتى سالفه مافيه بعد غيابي
ويلا اخليك واشوفك بخير والله يعطيك العافيه

موفق خيوة

---

خيتي دمعة الأحزان مرحبتين
عليكم السلام ورحمة الله

معليش خيتي كانت شوية ظروف وما حطينا شي من زمان

ان شاء الله نواصل في السوالف

لك خالص التحيات وللوالد والوالده إن شاء الله يكونوا بألف خير وصحة وعافيه

فمان الله

منصورووه :-أيه ، هذا قبل يمكن عشر دقايق جى واحد فيه لحيه ولابس كشمه وعطاني هالمكتوب
وعطاه المكتوب وفتحه الحجي عباس وقام يقرأ ويقرأ
وكل شوي يحرك غترته

ويطالع في المكتوب ويطالع في منصوروووه
عيون في المكتوب وعيون في منصوروووه

وأعتفست غترته وطاح قحفيته وما أدري ويش صار فيه حجي عباس

منصورووه :- خير حجي عسى ما شر يا حجي أشوفك مختبص ومنعفس
حجي عباس :-ما فيه شي ما فيه شي

منصورووه :-ويش فيه هالمكتوب يا حجي
حجي عباس :- شوف انته الحين روح بيتكم وقول لأمك با أمركم اليوم المغرب زين

منصورووه :-ان شاء الله يا حجي على أمرك
حجي عباس :- يالله خل اللي في إيدك وروح

منصورووه :- ان شاء الله ، إن شاء الله حجي
وطلع منصورووه من الحفيز وقعد الحجي يفكر ويفكر
لامن شاف قدامه أبو سلمان معود من النخل
حجي عباس :- أبو سلمان ، حجي تعال أمباك
أبو سلمان :- حاضر يا حجي عباس آمر وتدلل
حجي عباس :- أمباك في سالفه راس
أبو سلمان :- آمر ، تدلل يا حجي قلنا لك
حجي عباس :- دش دش تفضل أقعد
أبو سلمان :-وهذي قعد يا حجي ويش عندك ، تراني مستعيل با أروح البيت آكل لي لقمة مالحه وتالي با أروح السوق
حجي عباس :- هذا مكتوب جاي من بلاد برا
أبو سلمان :-وويش فيه هالمكتوب
حجي عباس :-فيه شي كبير كبير
أبو سلمان :-وشوه هالشي الكبير يا حجي ، لا تدوش راسي قول ليي وخلصني
- وقام حجي عباس وساسر أبو سلمان في أذونه -

حجي عباس :-هاه ويش قلت نروح الليلة ليهم
أبو سلمان :-أنا صدق ما أشتهيها أم جسوم من فعايلها بس با أروح وياك وبا أجيب مرتي بعد ويانا
حجي عباس :-على بركة الله ، الليلة من بعد الصلاة نروح
أبو سلمان :-يالله فمان الله

وطلع أبو سلمان من عند الحجي عباس وهوه مو مندل طريقه في وين

ويش صاير ؟؟؟؟ما يندرى

الحين بنروح لأم جسوم وبنشوفها ويش مسويه

قاعده في الحوي تفكر وتفكر
وقامت وهيه تقول ...هالقعده يمبى ليها قدو
وقامت تمبى تسوي ليها راس الا بدشه ولدها منصوروه عليها

منصوروه :-سلام عليكم أماه
أم جسوم :-عليكم السلام ، ويش جايبنك يالنحيس الحين خلصت زامك عند الحجي عباس شااااااه

منصوروه :- هوه حجي عباس قال ليي روح بيتكم وأنا با أجي ليكم المغرب البيت
أم جسوم :- خير إن شاء الله ويش فيه حجي عباس شكله استحلى الجيه بيتنا
منصوروه :- لاويش تقولي كده عن الحجي ، طيب وزين
أم جسوم :-ما قلنا فيه شي ، بس مو يسويها مفلات الحلاوه رايح راد ، تالي ويش يقولوا عنا الناس
منصوروه :-اللي يقول شي أكسر رجوله وأحشها حش
أم جسوم :-ما عليه ياولدي ، انت ما سألته لاويش بيجي له .ولا ويش يمبى له
منصوروه :-لامن يجي نشوف ويش يمبى
أم جسوم :- خير ان شاء الله
ودخلت أم جسوم وهيه تفكر لاويش بيجي حجي عباس

ومنصوروه راح حجرته وهوه يفكر بعد
....لاويش قال ليي الحجي روح بيتكم اليوم وبا أجيك
لا يكون .....لا لا لا
ما يصير الحجي رجال زين مو حق هالسوالف
بس لاويش له

با أروح أقول لأمي ما عارف أنام ولا أسوي شي
وعود لأمه
منصوروه :- يماه ، هقوتش حجي عباس لاويش بيجينا
أم جسوم :-الله يغربلك غربال ويش مدريني
منصوروه :-ما يندرى لاويش يمكن اللي في بالي يصير
أم جسوم :-ويش في بالك يالمشبوب
منصوروه :-أقول لش ولا تزعلي يماه
أم جسوم :-لاويش أزعل قول
منصوروه :- أنا أقول يمكن الحجي عباس شافش داك اليوم وقال يمبى يعرس عليش
- ومن سمعت أم جسوم هالكلمتين الا المشكاب في راس منصوروه ...زي الصحن الدوار حق قرانديزر .....وطراااااااخ في لصماخ --
أم جسوم :-غربلك الله وغربلني وياك بعد
ويش هالحشي اللي تقوله يا قليل الحيا يا قليل الأدب
أني أعرس بعد أبوك يالنتفه يا طايح السنجه
منصوروه - وهوه يصارخ من العوار--:-ويش قلنا يماه ما قلنا شي، يعني لو هوه بيعرس عليش بتقولي لا
أم جسوم -وهيه متردده -:-ويش تقول يعرس عليي ، لا لا لا تشوشني وتالي منهوه الك يالمنحوس
منصوروه :-ليي الله
أم جسوم :-وأني ليي منهوه غيرك يا غناتي
منصوروه :-الحين غناتش وقبل شوي المشكاب هوه غناتي
أم جسوم :-اسم الله عليك وعلى عمرك تعال با أهمزك تعال
وقامت تهمز في راسه
منصوروه :-أشوفش يماه ما قلتي شي ، يعني موافقه هاااه
أم جسوم :-ويش تمباني أقول
وطلعت من الحجره وراحت الحوي
منصوروه :- آه منكم يالنسوان .......وهوه يضحك

ومر الوقت لامن الحجي عباس مر على أبو سلمان وراحوا ويا شروفه لبيت أم جسوم

طق طق طق

منصوروه :- من من ...دقيقه با أفتح الباب
وفتح منصوروه الباب ودخل الحجي عباس وياه أبو سلمان ويا شروفه

الحجي عباس :- قواك الله منصور
منصورووه :- الله يقويك حجي
أبو سلمان :- شحوالك منصور
منصورووه :- الحمد لله زين ، انته شحوالك
أبو سلمان :- أنا زين ، ومتسبح من خمام بيتكم
منصورووه :- ويش أسوي لك ما رضيتوا تروحوا الا بالخمايم بعد ويش
حجي عباس :- ما علينا الحين ، خلوا قلوبكم صافيه
منصورووه :- يا حياكم الله تفضلوا ...تفضلوا
ودخلت شروفه لأم جسوم
ودخل الحجي عباس وأبو سلمان وقعدوا في الحوي
وراح منصورووه المطبخ وشاف الشاي جاهز ومعدل ومحطوط فيه قطرتين ماي ورد ويا نعناع ويا دلة القهوه
وقام يضحك منصورووه ، وأخذهم وراح للضيوف

وصب ليهم كل واحد على فنجال قهوه وتالي صب ليهم إستكانة شاي وقاموا يسولفوا ويسولفوا
ومنصورووه يحارس الحجي عباس يفاتحه في موضوع أمه

أبو سلمان :- شوف يا ولدي يا منصور، إحنا اليوم جايين حق حاجه بتغير حياتكم انته وأمك
منصورووه :-( وهوه يقول في نفسه :- أيه هذا االكلام اللي نحارسه من زمان ) :- خير يا أبو سلمان آمر قول خلعتني قول الا عندك يا حجي
حجي عباس :- شوي شوي يا منصور لاتستعجل
أبو سلمان :- شوف يا منصور السالفه وما فيها عند حجي عباس
منصورووه :- ويش صاير ، قولوا ليي ولا تستحوا قولوا
حجي عباس :- ويش أبو سلمان بتقول له ولا أنا اللي با أتحجى
أبو سلمان :- براحتك يا حجي عباس تمبى إنت تقول له قول
منصورووه :-إنا لله وإنا اليه راجعون ، ويش فيكم انتون لا تخلعوني قولوا اللي عنكم
حجي عباس :-شوف السالفه وما فيها ..................

الحين إحنا في حجرة أم جسوم وياها شروفه
وهم قاعدين يسولفوا ويا بعض ولا كأنه صاير شي
بيناتهم من قبل

وشوي الا سمعوا صرخه من الحوي وطيحة منصوروووه على الأرض
وطلعت شروفه من الحجره ووراها أم جسوم
وشاتفوا منصورووه ممدد على الأرض

تعرفوا لاويش ؟؟

يا ترى حجي عباس بيعرس على أم جسوم ولا حاجه فانيه ورى طيحة منصورووه على الأرض؟؟

قريباً جداً نشوف ويش صاير

فمان الله

السلام عليكم خيي ابو زين
اخيرا رجعنا لسالفة ام جسوم
وجشتنا الله يغربلها
لا ما أظن حجي عباس يتزوجها
ليش هو خبل يسويها
على ما أظن هالمكتوب من ولدها جسوم
الله يرده ليها سالم غانم
مشكور على هالجزء الي كنا ننتظره من زمان
يعطيك العافية

اسمحوا لين بنخدها حق الاحتفال0
هذه المقاطع المغبره التي من زمن جدي 0

اللهم صلي على الحبيب محمد وآله الطاهرين
واخيرا وصلت السواااالف الحلوووه ...
مشكوووور اخوووي ابو زيــــــــن
ما اعتقد الحجي يبي يعرس ع ام جسوووم خبل هووو كان يجن منها ومن سوياها:toung: ههههه
يااارب ابو زيـــــــــــن
لاتقووول في جسوووم فيه شي ،،،خافت عليه:embarrest: خخخخخخ
لانسبق الاحداااااث ...
ننتابع الجزى القاااادم
موفق الى الخيييير خييي

سلام للجميع عندي سؤال
هالسالفة ماخلصت
امزح معاكم
الله يوفقكم

يعطيك الف عافية اخوي

كنت انتظر الجزء يوصل من زمان اخيرا وصل
يعطيك الف عافية
بس حرام ام جسوم وجعت قلبي
بانتظار بقية الاجزاء وان شاء ماتتأخر علينا

مســــــــــــــــــــــــــــــــــــــــــاكم الله بـ الخير ..
وشلونك خيي .. وش أخبارك ..؟!
عسااااك بخير ..
وأخيــــــــــــــــــــــــــــــــــــــــــــــ ــــــرا خيووو ..
يعني تقطعنا وبعدين ترجعنا للحماس ..
ماني قادرة أبغى أعرف ..:wacko::wacko:
أحس أن شي يخص ولدها جسووووم .. أتوقع شي كدا ..
لا هو عرس ولا شي ..
بس خلو المرة تستحي وتجهز حالها ..
هههه هههه هههه هههه هههه هههه هههه هههه هههه
وهي ما صدقت على الله بعد ..:wink::wink:
هههه هههه هههه هههه هههه هههه
شكله عجبها الحجي .. خخخخخخخخخخ ..
عفر من زمان ما شربت قدو .. وحصلت ليها شدخة مرتبه ..
هههه هههه هههه هههه هههه هههه
حنت لـ أيام نارجيلة أبو سلمان ..
مسكينة أم جسووووم ..
أن شاء الله خبر زوين ..
مع أن ما ادري ساعات أقول شي محرز < قلبت سوري البنت ..
وساعات أقول لا يمكن شي مو كويس لا سمح الله ..
الحين عاد ما بوقف من التوقعات ..
شكلي يوم السبت بكتب في الأمتحان توقعاتي ..
هههه هههه هههه هههه هههه
ما أخالف أني أسويها .. ما أنحد أبدا ..
أبو زييييييييين ..
يعطيك ربي العاااافيه على هيك سالفة ..
تشعلل الحماس ..
لا زلنا بـ إنتظار البقية ..
حتى ذالك الوقت ..
أستودعك الله وأتركك بإمانه ..
تحيااااااااااتي ..
للدموع إحساس ..

اقتباس:

---

المشاركة الأصلية كتبت بواسطة نوارة الدنيا

السلام عليكم خيي ابو زين
اخيرا رجعنا لسالفة ام جسوم
وجشتنا الله يغربلها
لا ما أظن حجي عباس يتزوجها
ليش هو خبل يسويها
على ما أظن هالمكتوب من ولدها جسوم
الله يرده ليها سالم غانم
مشكور على هالجزء الي كنا ننتظره من زمان
يعطيك العافية

---

خيتي نوارة الدنيا حياش الله
وآسف على التأخير
ان شاء الله لخاطركم ننزل باقي السالفه متتابعة

ما يندرى التوقع يصيب ولا .....؟

خالص تحياتي
فمان الله

اقتباس:

---

المشاركة الأصلية كتبت بواسطة شواطئ شوق

اسمحوا لين بنخدها حق الاحتفال0
هذه المقاطع المغبره التي من زمن جدي 0

---

خيتي شواطئ شوق مراحب

مو مشكله خيتي

أهم شي سويتوا دعايات ولا ...ما سويتوا .هههههههههه

فمان الله

خيتي أم الحمزه مرحبتين

اقتباس:

---

المشاركة الأصلية كتبت بواسطة فرح

اللهم صلي على الحبيب محمد وآله الطاهرين
اللهم صل على محمد وآل محمد

واخيرا وصلت السواااالف الحلوووه ...
ان شاء الله بنواصل معاكم
وإنتظروا الجديد بعد :wink:
مشكوووور اخوووي ابو زيــــــــن
لا شكر على واجب خيتي
ما اعتقد الحجي يبي يعرس ع ام جسوووم خبل هووو كان يجن منها ومن سوياها:toung: ههههه
يااارب ابو زيـــــــــــن
لاتقووول في جسوووم فيه شي ،،،خافت عليه:embarrest: خخخخخخ
لانسبق الاحداااااث ...
ننتابع الجزى القاااادم

موفق الى الخيييير خييي

---

الحمد لله زالت الظروف وان شاء الله
نواصل تقديم باقي الحلقات
متتابعة

نسألكم الدعاء

خالص التحيات
فمان الله

اقتباس:

---

المشاركة الأصلية كتبت بواسطة حبي حيدري

سلام للجميع عندي سؤال
هالسالفة ماخلصت
امزح معاكم
الله يوفقكم

---

خيتي حبي حيدري مرحبتين

مشكوره للتواجد الكريم

خالص التحيات
فمان الله

اقتباس:

---

المشاركة الأصلية كتبت بواسطة لحن الخلود

يعطيك الف عافية اخوي

كنت انتظر الجزء يوصل من زمان اخيرا وصل
يعطيك الف عافية
بس حرام ام جسوم وجعت قلبي
بانتظار بقية الاجزاء وان شاء ماتتأخر علينا

---

خيتي لحن الخلود يعطيش العافيه

يالله تأخرنا عليكم بس إعذرونا

نكمل السوالف

خالص تحياتي
فمان الله

خيتي للدموع إحساس حياش الله

اقتباس:

---

المشاركة الأصلية كتبت بواسطة للدموع إحساس

مســـــــــاكم الله بـ الخير ..

وشلونك خيي .. وش أخبارك ..؟!
عسااااك بخير ..
مساش الله بالخير والكرامه
وأخيـــــــــــــرا خيووو ..
يعني تقطعنا وبعدين ترجعنا للحماس ..
ظروف والحمد لله على كل حال
نتمنى ما تعود
ماني قادرة أبغى أعرف ..:wacko::wacko:
أحس أن شي يخص ولدها جسووووم .. أتوقع شي كدا ..
لا هو عرس ولا شي ..
:wink::wink::wink:تابعي الجزء القادم ههههههه
بس خلو المرة تستحي وتجهز حالها ..
هههه هههه هههه هههه هههه هههه هههه هههه هههه
بشروا المطيور بلبن ....انكت اللبن ولا شربه هههههه
هذا حال أم جسوم :toung:
وهي ما صدقت على الله بعد ..:wink::wink:
هههه هههه هههه هههه هههه هههه
شكله عجبها الحجي .. خخخخخخخخخخ ..
هههههههههه
تلاقيها قامت تحط ديرمه وكحل
وما أدري ويش بعد هههههههههه
عفر من زمان ما شربت قدو .. وحصلت ليها شدخة مرتبه ..
هههه هههه هههه هههه هههه هههه
حنت لـ أيام نارجيلة أبو سلمان ..
مسكينة أم جسووووم ..
هههههههههههههههههههه

أن شاء الله خبر زوين ..
مع أن ما ادري ساعات أقول شي محرز < قلبت سوري البنت ..
وساعات أقول لا يمكن شي مو كويس لا سمح الله ..
الحين عاد ما بوقف من التوقعات ..
شكلي يوم السبت بكتب في الأمتحان توقعاتي ..
هههه هههه هههه هههه هههه
ما أخالف أني أسويها .. ما أنحد أبدا ..
إن شاء الله ما كتبتيها في الاختبار بعد هههههههههه
خلصت الإختبارات الحين
ان شاء الله نكمل باقي السوالف
ونشوف رايكم في السالفه
وبعدين نوعدكم بشي جديد
أبو زييييييييين ..
يعطيك ربي العاااافيه على هيك سالفة ..
تشعلل الحماس ..
لا زلنا بـ إنتظار البقية ..
حتى ذالك الوقت ..
أستودعك الله وأتركك بإمانه ..
تحيااااااااااتي ..

للدموع إحساس ..

---

تقبلي خالص تحياتي
فمان الله

مرحبا

كح اتشووو
من طول الغيباااات جاب الردود :toung:

هههههههههه ام جسوم فوق الصدوح حشا.. مو ام جسوم بات مان....لو زورو...!!
و عجبوني ثنائي اللميتد مالت عليهم وعلى اخبارهم ههههههههههههه زي وجههم قالو منجل ... المنجل هو الصخين لو غير... ههههههههههههههه اخاف المنجل نفسه الصخين اسويها مخرفه :wacko:...

ضحكوني ويا عصير الطماط هالظريفين... :deh:

هههههههههههههههه ومنصووروه تسترو ياحريم
وحجي عباس من زودهم ماميش الا امك :deh:
ههههههههههههه مين قال ام جسوم مره اصلا << اجل كيفا خلفت هالخبل :huh:
ههههههههههههههههههههه والله مادري بس اشك..:silal:

هههههههههههههههههههههههههههههههههههههههههههههههههه ه وتستر ياحجي امي بتطلع
ويلي يابطني ... ماني قادره عليه هالخبل... :weird:

ترررررررن ههههههههههههههه صوت لمعة عيون ام جسوم من طاري الفلوس ...:wacko:
هههههههههههه ويليق عليه شيخ منصور المشيخه دام صاير خوش واحد ويا امه بات مان...
وويشو لابس كشمه.. ويش هي الكشمه؟؟؟ بشت...؟؟ لو صخمة الفرو؟؟؟ << لو لا هادا ولا داك... :nosweat:

هههههههههههههههه لا اليوم بات مان و زورو وقراندايزر ام جسوووم خوووش وحده تقمصت عدة شخصيات
قاااايله ليكم اشك انها مره... :huuh:

وويش فيييه شخينا طاح عالأرض
وويش يبغووو منه

<< شكلي بانزل الرد الا بارت جديد نزل :atkal:

احم

في امان الكريم
وتسلم خيوو
والله يسعدك ويحقق امانيك

دمت بخير
وبحفظ الرحمن

وشوي الا سمعوا صرخه من الحوي وطيحة منصوروووه على الأرض

وطلعت شروفه من الحجره ووراها أم جسوم
وشاتفوا منصورووه ممدد على الأرض

تعرفوا لاويش ؟؟

هذا يا محفوظين السلامه حجي عباس علّم منصورووه اللي في المكتوب
ويوم طلعوا أم جسوم وشروفه على طيحة منصوروه على الأرض وهوه مزبد
أم جسوم :- ويش فيك يا غناتي ويش فيك يا بعد قلبي
شروفه :- استهدي بالله يا أم جاسم
أم جسوم :- - وهيه تصارخ - انا لله وانا اليه راجعون هذا ولدي هذا غناتي
وقامت ونشبت في حلق أبو سلمان وهيه تصارخ :- ويش سويت في ولدي في ضنايي ، قتلته يا حجي قتلته
ولا خلت أحد يتحجى أبد
وراحت شروفه وجابت راس بصل
وهووووووووووب كسرته على الأرض ومسكت نص الراس
وقربته لخشم منصورووه
وشوي الا ينتفض .....وينتفض

وعود طاح مره فانيه
أم جسوم :- ويللللللللللللللللللي على ولدي وويلللللللللي على شبابه ، الله يقطعها من ساعه اللي قلت لك با أعرس
خلاص يا ولدي عود اليي بس
خلاص ماني معرسه لا على الحجي عباس ولا على غيره
وما شافوا الا حجي عباس وأبو سلمان ميتين من الضحك عليها وعلى حجيها
أم جسوم :- ويش فيكم هااااااه ، قتلتوا الولد وقمتوا تضحكوا هااااااااااااه ، يالله برااااااااااااا ولا أمبى أشوف رقعة وجهكم هنه يالله
شروفه :- استهدي بالله يا وخيتي ، ومنهوه اللي جاب طاري العرس الحين . حارسي وأفهمي السالفه أحسن الش
أم جسوم :- إيه أحر ما عندي أبرد ما عندش له ، عندش ريل ولا تمبي من هالدنيا شي حسره عليي وعلى شبابي اللي ضاع على هالأولاد
شروفه :-انا لله وانا اليه راجعون ، يا أم جسوم السالفه مهي سالفة عرس
وشوي الا منصوروووه أوتعى من الغميه وناط على أمه

منصورووه :- لا تفضحينا أماااااه لا تفضحينا

أم جسوم :- يوووه منصورووه يعني ما فيك شي له لا مت ولا حاجه له
منصوروه :- ما فيي الا العافيه يماه ، السالفه مهي سالفة عرس ولا شي

ومن سمعت ولدها يقول كده إستحت وراحت ركيض للحجره وسكرت الباب عليها

وقام منصورووه من الأرض وإستسمح من الحجي عباس ومن أبو سلمان ومن مرته شروفه

....>>>> الحين بنروح الى ...ك.ز ليميتد

ومعروف عنهم ان الأخبار توصلهم أسرع من وكالة الأنباء الفرنسية ههههههههههههههه

كظام :-( داشه من الباب مفلات الصاروخ ) ....زكاي زكاي ما سمعتي له
زكاي :- خير ، خير ويش صاير في الديره

كظام :- ويش صاير بعد غير سالفة وفعايل أم جسوم
زكاي :- ويش مسويه هالنحيسه بعد

كظام :- يقول لش تمسكنت تمسكنت لامن تمكنت من حجي عباس
زكاي :- كررررررررررررر كررررررررررر ما فهمت أني شي

كظام :- أهووووه جيبي القدو أول شي وتالي أقول لش اللي ما فهمتيه
زكاي :- هاش دام السالفه فيها أم جسوم أكيد تستاهل أعطيش القدو
وقامت كظام تقربع في القدو وكرررررر قال كرررررر
وزكاي تحارسها تنطق ...تتحجي بشي

زكاي :- وآخرتها وياش يعني ما بتنطقي بشي جيبي القدو أهوووه
كظام :-خلاص يا وخيتي ، خلاص داني با أقول لش

زكاي :-أيه ولا قومي سوي لش راس قدو فاني
كظام :-يقول لش أم جسوم خلت ولدها الخبل منصوروه يشتغل ويا الحجي عباس في حفيزه ويتقرب منه لامن صار منصوروه هالخبل ويا الحجي عباس في كل صغيره وكبيره
وخبرش حجي عباس ما عنده لا ولاد ولا أخوه في هالدنيا
وتالي يوم تمكن منصورووه قال للحجي عباس
ويش رايك تعرس على أمي
والحجي عباس على نياته
وراح الحجي ويا أبو سلمان ومرت أبو سلمان ...شروفه
يخطبوا أم جسوم للحجي عباس

زكاي :-بل عليها هالنسره ، عقرب عقرب مهي مره هذي
كظام :-خلف الله علينا ، طايحين حظ من صغرنا
ولا حجي عباس ويش شايف في أم جسوم

زكاي :-أي والله عاد من حلاتها
كظام :-يالله الرزاق الله

وكملوا سوالفهم وحشهم على المسيكينه أم جسوم

ونعود الحين الى أم جسوم ويا ولدها منصورووه

منصورووه :- ( يدق على أمه الحجره ) إطلعي يماه خلاص راحوا الضيوف
أم جسوم :- ما ني طالعه جعلني أموت في الحجره

منصورووه :- إسم الله عليش وعلى عمرش يمااااااه
وقام يصيح
أم جسوم :- لا تصيح يا وليدي لا تصيح خلاص داني با أطلع
وطلعت أم جسوم من الحجره
واستقبلها منصورووه وباسها على راسها

منصورووه :- ويش فيش أماه فضحتينا اليوم فضحتينا
أم جسوم :-يوه يا غناتي أشوفك ممد في الأرض ولا تمباني أختلع له

منصورووه :-عاد تنشبي في حلق الرجال وتقولي له ما أمبى أعرس ما أمبى أعرس
أم جسوم :-ويش أسوي حسبتهم جايين يخطبوني واته ما انته موافق

منصورووه :-أنا من اللي قاله ليي حجي عباس دار راسي وطحت وما طحت الا على حجره في الحوي حدر الكرفايه
أم جسوم :-إسم الله عليك وعلى عمرك يا غناتي

منصورووه :- تدري لا ويش جايين يقولوا
أم جسوم :-ويش مدريني اني

منصورووه :-أماه اليوم ويش من السبوع
أم جسوم :-اليوم الاربعاء يا وليدي ، لا ويش تسأل

منصورووه :-أجل بكره جهزي روحش بنروح البندر
أم جسوم :-ويش نسوي هناك لا هوه وقت غوص ولا وقت قفال ولا فيه شي ويش نروح نسوي هناك

منصورووه :-هناك حاجه تحارسيها من زمان وأنا بعد أحارسها من زمان
أم جسوم :-ويش هوه عفر ، لا يكون بيجي الأمير وإحنا ما ندري

منصورووه :- بيجي الش اللي أحن من الأمير بعد
أم جسوم :-( وكأنها عرفت ) يووووووه منهوه اللي أحسن منه


منصورووه :-أماه بيجي الش بكره جسووووم
أم جسوم :-يمااااااااااااااااه ....وطاحت على الأرض

........نكمل قريباً

:bleh:
:bleh:
:bleh:
:bleh:
:bleh:
:bleh:

<< نص درزن..

هههههههههههههههههههههه اني قايله باسنتر هنا
متأكده بعد ما بحط الرد بينزل بارت
<< عندي الحاسه الصطعش :embarrest:
ما شالله علي فديت روحي << انشبي وخلصي :notrust:
هههههههههههههه نزلت رد على طول حطيت بارت
كل نوبه اجل بارد متأخره حق تحط بارت على طول :toung:
اجل ما تبغى تعرس... ههههههههههههههه ويلي عليها فشيله...:nosweat:
وهاليمتد ودي اصيدهم واحط فيهم دسسست سنه في ساعه :seif:

خوووش خبر
جسووم سيعود :nuts:
عسى مو خبل زي اخوه
ههههههههههه الساتر الله من هالرجعه شكلها وراها سوالف وبلاوي :huuh:

نتتظر الجديد
وتسلم خيوو من كل مكروه
ولا خلا ولا عدم من هالسوالف الحلوه
دمت بخير
وبحفظ الرحمن

مســـــــــــــــــــــــــــــــــاكـ اللهـ بـ الخير خيي ،،
حيا اللهـ القاطع ،،
إلي علقنا ويا السالفهـ ،،
وخلانا على نار ،، < بس توبي من الهدرة ،، زين :wacko::wacko:
هاالمرة جت فرة الراس على منصوروه ،،
هههه هههه هههه هههه هههه هههه
بتصير وراثهـ في العايلهـ ،، :toung:هع هع
وأم جسوووم فضحت حالها ،، هع هع ،،
أما ك . ز ليمتتتتتد ،،
ما يهونو أبدا عن هاالشلاخ ،،
و لا أدري من وين توصل ليهم الأخبار ،،
بعد أشاعهـ بيخطبها ماعلي ،،
إلا سووها خطبها وخلص ،،
لكن مسكينهـ أم جسووووم ،،
ما ورى عليها بيرجع ولدها ،،
أن شاء اللهـ سالم ،،
لكن منصوروه ما تلوق عليهـ الحنيهـ أبدا ،،
يناسبهـ أقشر ،، هع هع أكثر ،،
و رجعت أم جسووووم للطيحااااات ،، هع هع
يحق ليها بصراحهـ ولدها ،،
أبووو زييييييييين ،،
يعطيكـ ربي ألف ألف عااااااافيهـ ،،
عاد صار لنا زمان ننتظر هاالتكملهـ ،،
وبـ إنتظار البقيهـ ،،
رحمة والديكـ لا تطول وايد ،،
أبغى أعرف ويش بيصير ،،
بـ إنتظاركـ خيووو ،،
خاااالص التحااايااا ،،
للدموع إحساس ،،

خيتي أميرة المرح مراااااااااحب مليون

اقتباس:

---

المشاركة الأصلية كتبت بواسطة اميرة المرح

:bleh:

:bleh:
:bleh:
:bleh:
:bleh:
:bleh:

<< نص درزن..
هههههههههه


هههههههههههههههههههههه اني قايله باسنتر هنا
متأكده بعد ما بحط الرد بينزل بارت
<< عندي الحاسه الصطعش :embarrest:
زين تطورت بعد هههههههههههه
أهم شي ما صادتش الرطوبه ههههههههههه

ما شالله علي فديت روحي << انشبي وخلصي :notrust:
هههههههههههههه

هههههههههههههه نزلت رد على طول حطيت بارت
كل نوبه اجل بارد متأخره حق تحط بارت على طول :toung:
اجل ما تبغى تعرس... ههههههههههههههه ويلي عليها فشيله...:nosweat:
الله يغربل ابليسش
موقته بالزبط يعني هههههههههه
وهاليمتد ودي اصيدهم واحط فيهم دسسست سنه في ساعه :seif:
هذا يقول لش ولا وكالة رويتر تصيد أخبارهم ك.ز ليميتد
انتبهي ترى يطلعوا عليش خبر غير شكل
يعفسوا الواحد عفاس الله يغربلهم ههههههههههههه

خوووش خبر
جسووم سيعود :nuts:
عسى مو خبل زي اخوه
ههههههههههه الساتر الله من هالرجعه شكلها وراها سوالف وبلاوي :huuh:
بلاااااااااااااوي قليل في حقها اللي ورى رجعة جسوم

نتتظر الجديد
وتسلم خيوو من كل مكروه
ولا خلا ولا عدم من هالسوالف الحلوه
دمت بخير

وبحفظ الرحمن

---

تسلمي خيتي على التواجد اللطيف

لك خالص التحيات
فمان الله

خيتي للموع إحساس مرااااااااحب

اقتباس:

---

المشاركة الأصلية كتبت بواسطة للدموع إحساس

مســــــــاكـ اللهـ بـ الخير خيي ،،
مساكم الله بالنور
حيا اللهـ القاطع ،،
هههههههه شوية ظروف أجبرت المخ على التوقف عن قطار التفكير
والإنشغال في محطات التدبير الله يفرجها عنا وعنكم ياااااارب
إلي علقنا ويا السالفهـ ،،
وخلانا على نار ،، < بس توبي من الهدرة ،، زين :wacko::wacko:
هههههههههه
حقكم تعتبوا خيتي :embarrest:
هاالمرة جت فرة الراس على منصوروه ،،
هههه هههه هههه هههه هههه هههه
بتصير وراثهـ في العايلهـ ،، :toung:هع هع
وأم جسوووم فضحت حالها ،، هع هع ،،
ما تمسك لسانها هالنحيسة أم جسوم

أما ك . ز ليمتتتتتد ،،
ما يهونو أبدا عن هاالشلاخ ،،
و لا أدري من وين توصل ليهم الأخبار ،،
بعد أشاعهـ بيخطبها ماعلي ،،
إلا سووها خطبها وخلص ،،
كيف أجل ياكلوا عيش
حالهم حال رويتر ووكالات الأنباء هههههههههههه
لكن مسكينهـ أم جسووووم ،،
ما ورى عليها بيرجع ولدها ،،
أن شاء اللهـ سالم ،،
الله يستر ويش ورى رجعته من بلاااااااوي

لكن منصوروه ما تلوق عليهـ الحنيهـ أبدا ،،
يناسبهـ أقشر ،، هع هع أكثر ،،
أي والله بس يطلع منه شوي هههههههه:toung:
و رجعت أم جسووووم للطيحااااات ،، هع هع
يحق ليها بصراحهـ ولدها ،،
لازم تسوي شيه ما تقدر على الهدوء أبداً

أبووو زييييييييين ،،
يعطيكـ ربي ألف ألف عااااااافيهـ ،،
عاد صار لنا زمان ننتظر هاالتكملهـ ،،
وبـ إنتظار البقيهـ ،،
رحمة والديكـ لا تطول وايد ،،
الله يرحم والدينا ووالديش يااااااارب

أبغى أعرف ويش بيصير ،،
بـ إنتظاركـ خيووو ،،
خاااالص التحااايااا ،،

---

اقتباس:

---

المشاركة الأصلية كتبت بواسطة للدموع إحساس

للدموع إحساس ،،

---

لك خالص التحيات وجميل الأمنيات

وان شاء الله اليوم فيه جزء جديد
ونواصل ان شاء الله

فمان الله

منصورووه :- بيجي الش اللي أحسن من الأمير بعد
أم جسوم :-( وكأنها عرفت ) يووووووه منهوه اللي أحسن منه

منصورووه :-أماه بيجي الش بكره أخويي جسووووم
أم جسوم :-يمااااااااااااااااه ....وطاحت على الأرض

ومن طيحتها على الأرض ما شاف نصور قدامه الا القدو
وقام كت ماي القدو على وجه أمه

وفزت مفلات الديايه لامن لحقوها وهيه - أعزكم الله - تتفل وتكح

أم جسوم :-الله يغربلك غربال ، ما شفت الا القدو تكته عليي ، ما شربت عليه الا راس واحد بس
منصورووه :-ويش أسوي يماه ، خلعتيني يوم تطيحي على الأرض وما مداني أروح أجيب لش ماي

أم جسوم :- أجل قوم روح بكّر القدو وركب الفحم
منصورووه :-هاه أماه نسيتي ولدش جسوم وتمبي راس قدو الحين هااااه

أم جسوم :-ما نسيته خلف شبدي وغناتي بس راسي مفتر عليي وأمبى أقند راسي عدل
منصورووه :-يالله خلاص صار الحين غناتش وأنا في قريع هاااااااه

أم جسوم :-وانته بعد غناتي وخلف طوايفي
منصورووه :-يالله مقبوله منش يماه
وما شاف الا طبقة نعال في ظهره من الأيد السحرية لأم جسوم هههههههههه
وراح نصور المطبخ
وقامت أم جسوم تندي التتن وتذكرت انها قالت لمنصورووه يركب الفحم وراحت اله على طول


أم جسوم :-قوم قوم اطلع برا بس بكر القدو بس زخليني أركب الفحم أني
منصورووه :-يعني خايفه مني يعني

أم جسوم :-ولدي وأعرفك ولا أمباك تتأذى له
منصورووه :-يالله ما بنقول مقبوله لأنها تجب النعله في الظهر هههههههه
وطلع منصورووه الحوي وبكّر القدو
وجت امه بالراس -لعن الله حامل الراس -
وقعدت تقند راسها
وكررررررررررررر وكرررررررررر
ومنصوروه يطالع فيها
منصوروووه :-الحين يماه ويش بتسوي لجسوم في البيت
أم جسوم :-ويش با أسوي له داكوه حاله من حالنا بعد
منصوروووه :-لا يمه لازم نسوي له حجره فالفه وخليه يأخذ راحته له
أم جسوم :-يالله على إيدك أني من وين ليي بيزات
منصوروووه :-ما يهمش أماه أنا با أروح أشوف أستاذ زين
أم جسوم :-زين ، بس ما قلت ليي متاه بيجي جسوم
منصوروووه :-يقول الحجي عباس يمكن بعد فلافة أسابع
أم جسوم :-ويمدينا نسوي له حجره
منصوروووه :-با أشوف الاستاذ أنا ولا يهمش با أقول له بسرعه نمباها
أم جسوم :-لا يا ولدي لا تقول له بسرعه تالي يطلب عليك بيزات زياده
منصوروووه :-أجل ويش التدبير
أم جسوم :-قول له تعال شوف وكم تاخذ لامن تستوي الحجره وتال اذا قال لك تطول قول له نمباها بسرعه
منصوروووه :-ما شاء الله عليش أماه ما يفوتش شي أبداً
أم جسوم :-قول ما شاء الله
منصوروووه :-ما شاء الله عليش وعلى فكرش
أم جسوم :-يالله قوم من الحين روح شوفه يالله ولا تعود الا وياه وانتبه من الجهال لا يأذوم ولاد ابليس زين

منصوروووه :-ما فيه الا بكره الصبح الحين منهوه اللي لينا في هالليل الخرمز
أم جسوم :-أي والله يالله أجل قوم نام حق تقعد من الغبشه وتروح
منصوروووه :-تصبحي على خير يماه
أم جسوم :-وانته من أهله يا غناتي

وقام منصورووه ينام وقعدت أم جسوم تخطط كيفه بتستقبل ولدها

في نفس الوقت الحجي عباس في بيته يفكر في اللي صار له ويا أبو سلمان وأم جسوم
وهوه في التفكير يقول لروحه:-
أي والله لاويه ما أعرس صدق أنا
من زمان وأنا أدور على مره ولانا محصل
والحين جت وجابها الله
بس هيه ما تصلح ليي خبلا ولا منها فايده
وراعية مشاكل
بس أنا ويش عليي منها ومن مشاكلها بتتلهى ويايي وبتنسى المشاكل أكيد

ونام وهوه على هالتفكير

أما أبو سلمان ومرته شروفه فقعدوا يضحكوا على اللي صار وجرى ليهم هناك
أبو سلمان :-قايل لش ما منها فايده هالمره ، على طول تسوي بلاوي
شروفه :-مسيكينه من مات رجلها وسافر ولدها هيه ماهيه في حاله
أبو سلمان :-يالله تهديها يالله
شروفه :-ان شاء الله
وقمت شروفه وسوت نارجيله لأبو سلمان وحطت راسها ونامت هيه بعد
بس أبو سلمان قام يفكر في اللي صار وقعد يقول لروحه :-
أكيد ما فيه دخان من دون نار
ما قالت أم جسوم هالحجي الا من ورى حجي عباس
يعني لاويش حجي عباس مشغل هالخبل في حفيزه
أكيد وراه بليه
يالله ماعلينا ما نحط في ذمتنا
وقام حط راسه ونام

ومن غبشة الغباش فز منصورووه
وطلع من البيت لا شاف أمه وأمه شافته
وحتى أم جسوم فزت وطلعت من البيت لا شافت ولدها ولا شي
جسوم راح للأستاذ وجابه حق يبني له الحجره لأخوه جسوم وقال له الاستاذ تنبنى في اسبوعين بس
والقلاطه ميه وعشرين ربيه
وخلاص تم الاتفاق وياه يبدي من يوم فاني
وراح منصورووه وخلا الحماليه يجيبوا الحصى
ويا لسميت والرمل
وقعد يحارسهم على باب البيت

جسوم معروف وين راح

بس أم جسوم وين راحت ؟؟؟؟؟


قريباً ان شاء الله نعرف .

السلام عليكم خيي ابو زين
القصة كلما لها وتحلا اكثر
بس وين راحت ام جسوم
العلم عند الله وعندك
يسلمو خيي وما ننحرم ابداعاتك

مســــــــــــــــــــاكـ اللهـ بـ الخير خيووو ،،
يااللهـ حي هاالنشاط الحلو ،،
إن شاء اللهـ دوووم موب يوووم يارب ،،

اقتباس:

---

ما شاف نصور قدامه الا القدو وقام كت ماي القدو على وجه أمه

---

هههه هههه هههه هههه ،،
اللهـ يغربلكـ غربال يا منصوروه ،،
صدق من قال عنكـ خبل ،،
ماي القدو ،، كدا بدل ما توتعي بتفطس هع هع

اقتباس:

---

أم جسوم :- أجل قوم روح بكّر القدو وركب الفحم

---

فرصهـ أحد يسوي ليها القدو ،، هع هع

اقتباس:

---

منصورووه :-يالله خلاص صار الحين غناتش وأنا في قريع هاااااااه

---

أشتغلت الغيرة ،،:wink::toung:

اقتباس:

---

وما شاف الا طبقة نعال في ظهره من الأيد السحرية لأم جسوم

---

هع هع هع يحتاجها منصوروه هاالضربهـ كان يعقل شوي ،،:cool:
بس لو بـ قلم القدو أعدل تطلع الضربهـ هع هع

اقتباس:

---

وجت امه بالراس -لعن الله حامل الراس -
وقعدت تقند راسها

---

لعنة اللهـ عليهـ وعلى ربعهـ ،،

اقتباس:

---

منصوروووه :-لا يمه لازم نسوي له حجره فالفه وخليه يأخذ راحته له

---

عدل يفكر في أخوه ،،
خوش ولد ،، عدلتهـ الضربهـ ،، :wink::wink:

اقتباس:

---

أم جسوم :-قول له تعال شوف وكم تاخذ لامن تستوي الحجره وتال اذا قال لك تطول قول له نمباها بسرعه

---

مثل ما يقول المثل ،،
الذيب ما يهرول عبث ،،
ما ينقدر عليها أم جسوووم ،،

اقتباس:

---

وهوه في التفكير يقول لروحه:-
أي والله لاويه ما أعرس صدق أنا
من زمان وأنا أدور على مره ولانا محصل
والحين جت وجابها الله

---

عدل أنزرعت الفكره في بالهـ ،،
أم جسوووم بتعرس ،، هع هع

اقتباس:

---

بس أم جسوم وين راحت ؟؟؟؟؟

---

صدق وين راحت ؟!!!
بصراحهـ أني أشكـ أن جسووووم بيرجع ليهم معرس ،،
بس ما ادري ،،
بـ إنتظار الجزء الجااااااي ،،
يعطيكـ ربي ألف عاااااافيهـ خيووو ،،
وعســـــــــــــاكـ دووووم عاالقوة ،،
بـ إنتظاركـ ،،
خااااالص التحااايااا ،،
للدموع إحساس ،،

اخي الكريم (واحد فاضي)

نك نيمك لايتناسب مع ابداعك الرائع والملحوظ المفروض يسموك الابداع

اتمنى لك التوفيق

لك مني كل الاحترام والدعوات بالموفقية

يعطيك الف عافية اخوي
وحابة استئذن منك انو راح اجمع الرواية وابي اقراها بالجوال
اذا ممكن وراح انتظر ردك اخوي ويعطيك الف عافية