ضعنا يا صبرنا...

صبــــــــــــــــــــــــــاح الورد والجوري ..
خيوووه حممممممممممممممممممممممماس ،،
عسى ما يصيبهـ مكروه أبو جاسم ،،
أما عادلوه دا فلتهـ ،، ولا يستحي أحرج البنيهـ ،، لا ويقول حليووووه ،،
ويحبها بعد ،، هـ ع هـ ع يقطع إبليسهـ على هاالسوايا ،،
وحميدووو دا ،، شكلهـ داهيهـ اللهـ يستر منهـ ،،
واره شي ،، لا وشي شايد بعد ،، اللهـ يستر على علي منهـ ..
خيتووو ،،
يعطيكـ ربي ألف ألف عااااافيهـ ،،
بـ إنتظار التتمهـ < وف الحين متى بتجي بكرة الصبح ،،
سلام ياالـ غلا ،،
للدموع إحساس ..

حركااااااااااااااااااااااات

يسلمووووووووووووووو أميرووه على الجزززئين الرووووووووووووعهـ ..

ضحكتينآ هع هع

يعطيكـ ربي ألف عـآفيهـ ..

بااااااااااانتظااااااااااااااااار الساااااااااااااااااااااادس تكملته

اما الصراحة شخصية ليلى عاجبتني وااااااايد

وعلا مره مصختها الدلوعة

وريموه بعد اللي ما تستحي بكل وقاحه اتقول ابويي ما يشوف ( انتي وش عليش حتى لو انه ابوش )


يا الله ننتظر دامن اللي جاي لحميدوه اللي فيه وشم بعد يخوف شكله هههه ( لا شفتيه اي قريته هههه)




مشكورة خيتو تسلمي على الرواية روعة مثلك غناتي


نحن في الانتظار الله يصبرنا ان شاء الله

حلوووه جداا
تسلميين اموره ع الطرح
تحياااتي

مبدعة أختي أميرة المرح

حماااس .. حمستيني

يالله ننتظر الجاااي

موفقة أختي ..

_________

مشكوووره اختي اميييييره

وننتظر البقية

ههههههههههههههههههههههه
ههههههههههههههههههههههههههههههههههههههه
ماني قادرة على عادلوووووووووووووووووه موتي من الضحك


بس مسكينة زينب ههه
وعلي بعد يضحك هههههههههههه
يقهر




بس علا بصراحة شكلي ظلمتها..





يعطيك العافية خيتنا الغالية أمورة
بانتظار البارت الجديد..الجميل زي اللي قبله إن شاء الله..
موفقة لكل خير إن شاء الله تعالى..
..دمتي بعين المولى الجليل..

والله هلعادلوو فلته ولا حليوة بعد

الله يغربل شره

عسا اميرة مافيها موت لأبو جاسم اي لازم اصيحينا

ننتظر البقيه

بسم الله الرحمن الرحيم
جزئين روووعه يسلمووو إيديكِ أختييي
بس شو بيصير في أبو جسوووم ؟؟؟
ننتظر الجزء الجديد

اااااااااه .... ااااااااه قلبي:sad2:
اوف انا ماجي الا بالوقت الغلط
الحين ويش يصبرني لبكرة عشان اشوف ابو جسمان ايش صار اله
انا قلت مو قاريتها الا من سبت لسبت بس ويش اسوي فضول ذبحني
والحين بيذبحني اعرف ويش صار
شكلي بعقد صلح مع اختك بالكليه عشان هي تسرق من غرفتك وترسل الي وبكذا
انهي فضولي وفضولها:toung:
بس حسرة الحين مافيه كليه
بس الروايه الجايه مابتتنزل الا العقد موقع:wink:

امور غناتي ابداع زي كل مرة تسلمي على كل هالابداع
ربي يوفقك ويفتحها بوجهك ومن سابع سماه يرزقك
تحياتي وامنياتي لك بالتوفيق<<مدري من وين نزل الادب فجاءة

أني أتوووقع يسخر عليهم ابو جسووم عشان جاسموه يطلع من الغرفه ويطيح فيه ابوه دق
ننتظر الباقي بفارغ الصبر
يعطيك العافيه
تحياتوو

تسلم يدك امور على الروايه الروعه وعقبال ما نشوف لك كتاب في المكاتب
الله يوفقك في كتاباتك وفي حياتك يا رب
بتظار باقي الاجزاء
تحياتي

هلا خيتي أمورة
بانتظار الغد ...
موفقة لكل خير إن شاء الله تعالى..
..دمتي بعين المولى الجليل..

مرحبا
ويعطيكم الف عافيه
وربي يسلم هالطله الحلوه
والتخمينات الأحلى اللي بعضكم جابوها وصادوها << اني قايله ليهم ما قدر على تخميناتكم فلته.. :rolleyes::icon30:

واني كل يوم بيومه اكتب الجزء يعني كبرياؤووه حالها من حالكم:bleh: تنتظر متى ينزل مافي تهررريب :wink:

يعطيكم الف عافيه
نورتوني والله
تفضلو الجديد

ابو جاسم يكمل تهزأ وصريخ..
ــ احمد ربك الحين قرريب يأذن وبطلع المسجد .. يا طايح الحظ والا كان شلخت الباب عليك.... شان فيك خير روح صل صلاة ربك هناك.. لو بس فالح هياته في المزارع ما تأخرها ولا تفوتها..
وقام ابو جاسم وهو يهزأ .. وقومته حط ايده على قلبه .. وصرخ:
ــ آآآآآه قلبي .. قلبييييي..
وقعد...
وجت له ام جاسم تركض .. وزينب راحت بسرعه وهي متصروعه تجيب له ماي..


شرب الماي .. وظل شوي وهو قاعد... ام جاسم حاطه ايدها تحت رقبته .. و زينب عند ركبته قاعده ومتصروعه.. وهم خايفين عليه...

بسم الله الرحمن الرحييم,, اللهم صل على محمد وآل محمد الطيبين الطاهرين
ان الله وملائكـــــــته يصلــــــــون على النبي ......

الا ابو جاسم قايم على طوله.. وهو محمق ..
ــ سود الله وجهك من ولد .. انا قلت بتطلع .. صحيح مالت علي بس مالت على هالخلفه..
ام جاسم ماسكه كاس الماي و مفهيه .. وزينب اعظم منها..
ام جاسم بقهر : ــ ابوش قطو ابو سبعة ارواح.. تسووي حالك طايح علينا حق ووويه!!!
ابو جاسم : ــ احسديني .. انتين بعد .. احسديني .. دقيني عين واسدحيني..
ام جاسم وهي تضحك : ــ اللهم صل على محمد وآل محمد.. ملح وشبه في عين اللي ما يصلي على محمد وآل محمد.. الحين صدق صدق .. انت قلبك لو تمزح ويانا..
ابو جاسم يطلعها على جنب : ــ قلبي.. قلبي انفجر فجأه.. واعتدل ... هادويش انتوون
اهوو بس... اذان الله اذن اتمسح واروح اصلي احسن لي ..
<< شلاخ ابو جسوم ,, لا قلبه ولا شي .. بس يبغى جاسم يطلع ويصيده لكنه ما طلع وقهره زياده...
وفي الطريق للمسجد.. تقابل ويا ابو اشرف ... مع ولده اشرف يتمشو للمسجد..
ابو اشرف : ــ قواك الله ابو جاسم..
ابو جاسم كان معصب من جاسموه وما انتبه لأبو اشرف..
ابو اشرف روحه طيبه انتبه ان ابو جاسم مهو وياه.. قرب منه وكرر عليه التحيه..
ابو جاسم ابتسم : ــ اوه هلاااااا,,, ياخوك اسمح لي ما انتبهت لك..
ــ هههههههه هلا فيك داري والله حسيت عليك
اشرف : ــ قواك الله عمي..
ابو جاسم : ــ هلا .. الله يقويك ياولدي..
وكملو طريقهم للمسجد..
ابو اشرف : ــ اخبارك وعلومك .. واخبار الشغل وياك...
ابو جاسم ومبين عليه الضيق: ــ اييه.. الحمدلله على كل حال .. مستوره الله يسلمك..
ابو اشرف حس ان ابو جاسم وده يتكلم ويفضفض بس مو عارف .. حس عليه من تعابير وجهه...
ابو اشرف: ــ الحمدلله على كل حال .. خير ياخوك .؟؟. ويش فيك كل ما نشوفك الا معصب ومتضايق ؟؟ تعبان من شي ..؟؟ ابو ناصر متضايق منه في شي..؟؟
ــ لاااا ياخوك... ابو ناصر راية البيضا عليه والله....
ــ اجل ويش اللي مضايقك هاللون..؟؟
ــ تبغاها صراحه يابو اشرف.. ولدي .. الله يسلم لك ولدك
ــ خير ان شالله .. ويش فيه؟؟؟
قال له ابو جاسم عن حالة ولده وقهره فيه.. ابو اشرف رجال طيب ويسمع الكل و يسولف ويا الكل و ما يقصر ابدا..
ووصلو للمسجد..
ابو اشرف : ــ الله يكون بعونك ياخوك.. الحين ندش ونصلي على محمد وآل محمد,, وطلعتنا نكمل السالفه و عساه خير
ــ خير ان شالله << قالها ووجهه متهلل ومتأمل ..

صلاة المغرب .. هي الصلاه الوحيده اللي يصليها ابو علي في المسجد.. يروح وياه ولده علي ..

وفي البيت.. ليلى فرشت سجادتها بتصلي غرفتهم ضيقه.. والمساحه الفاضيه الوحيده كانت للصلاه.... ووراها ريما عالسرير منسدحه..
ليلى : ــ خير .. ما تقومي تصلي .. بعد ماعندش عذر..
ريما : ــ زين.. الحين...

وصلت ليلى الفرض الأول ودارت لريما لقتها غافيه عيونها..
ــ ريمووووووه قوووومي صلي ..
ريما : ــ قلنااااا لش زيييييين..
ــ فويل للمصلين.. الذين هم عن صلاتهم ساهون...
ــ ياااااربي .. ما سهيت .. فكيني .. قلت لش الحين.. وثاني شي مافي محل اصلي فيه
ــ الله اكبررر .. اتوقع ماعمرش صليتي في هالغرفه كل تصلي برى الصاله لو في غرفة الخياطه.. تسووي روحش الحين لويه بعد..!! الله عاد متى تصليها عقب ساعه .. اصلا المفروض ما اتكلم كل مره هذي حالتي وياش .. الظهرنايمه و تصليها قريب المغرب.. والمغرب تسدح وتبطح.. مافي الا الصبح في وقتها من السهر .. ياويلش من عذاب ربش..
ــ ويش فيششش انتين.. شاكه في امرش اني .. طالعه لي مصلح ديني واجتماعي.. اهوووو اقووم بس عورتي راسي .. وما خصش
ــ ايه مو النصيحه هاليومين ما يتقبلها احد وعوار راس .. وصحيح ما خصني ..
خذت ريما حرام صلاتها وطلعت برى...

وصلت ليلى فرضها الثاني وقعدت تقرى قرآن.. الا ريما رجعت ..
ليلى : ــ بل .. خلصتي .. ما شالله صاروخ... ويش هالصلاه ما تسوى ثمن
ريما بسخريه : ــ تسوى... تجيب رويد من سوق الخضره..
ــ ههههههههه استغفر الله.. صلاتش لش مو لربش .. الله الغني عن اعمالش.. والله يهديش..
ريما مهي داقه خبر.. وتنسدح على سريرها وتتغطى..
ليلى : ــ ما تبغي عشا؟؟
ــ لا ويش دعوه ويشو عشاكم.. عيش ولبن لو بقايا الغدا لو خبز وفاصوليا لو ..
ــ سكتي .. سكتي ... انثبري ونامي.. الحمدلله رب العالمين..
وطلعت ليلى من الغرفه ,, طفت الليت وسكرت الباب على اختها..

وطلعتها .. مرت على امها في غرفة الخياطه كانت تصلي .. وكانت عاطتنها ظهرها .. (( القبله.. تعطو الباب ظهركم ))
لقتها قاعده عالسجاده ورافعه ايدها.. وبهمس مبحوح.. وكأنها تصيح...
ابتسمت ليلى و عيونها غرقت دموع.. متعوده هالحركه من امها .. صلاتها تختمها بالدعاء والدموع...
راحت المطبخ تحوس.. وتجهز عشاهم...
تابع>>