ماعرفتوني .. كثر .. ما عرفني ..

هلا امور شكلك رجعتي هااا :wink:حمد لله على سلامتك :amuse:


عساها عجبتك بس .....نورت غناتي بجيتك :wink:








والله قاهرني هالرائدوه حيييييييييييييييييييييل بحقرانه وقسوة قلبه :sad2:


عشرة عمر وكله مع بعض اخر شيء يظن فيه كذا ومايقبل حتى يسمع صوته


اقول مالت عليه بس مالت من صديق ..


ومسكين هالفارس من بلوه الى بلوه ..


وهالرائدوه زود عليه همه ..


رؤى معاها تكسر كأن مو ...يارب ماتتوافق ومايناسبوا بالتحليل مع حمزوه :toung:


بس شكلها بتكون لحمزوه ربي يستر بس ..


عاد لاتخلي فارس يرجع له بدون عتاب وبدون كلام بنقهر زود :sad2:


بإنتظار الجزء الاخير بفارغ الصبر :cool:

نتائج التحليل مو زابطه أني حللت ليهم والنتايج عندي >>> بلللللل كيف دخلت في السالفه هههههه

موقف فارس من راااائد مؤثررررررررررر بيكون وااااااو

يسلم على الأجزاء اللي كلما ليها تصير أحلى وأحلى ومشوووووقه
موفقه يالغلا

:no:يااللـــــــــــــــــــه أمووووورة لا تقولي الجزء الأخير حرااام تعودت على القصة كنت ما دخل على النت نهائيا ايام المدارس الحين صرت ادخل بس علشان اشوووف القصة حرااام تخلص :no::no::no::sad2::sad2::sad2::sad2:
الحين التعليق على الجزء خخخخخ
يااااااااااااااارب يطلع التحليل مو عدل ياااااااااااااارب
ونفرح برؤى وفارس ورائد وحورية وسلمان وسمر في يوم واحد<<< عادكل شيء الا سلمان وسمر ان شاء الله يسموا اولادهم بعد بحرف السين خخخخخخخخخخخخ

وفرحتيييييييينا مرة بعودة فارس ورائد لبعض الله يخليهم لبعض ولا يفرقهم ان شاء الله
مشكوووووورة أمووووورة على الجزء الرووووووعه يجنننننن مرة حليووو خاصة ان رائد ماصار فيه شيء
تسلم يمناش اختي على هالجزء

تحياتي
دموع الوحدة

ماشااااااااااااااااااااااااااااااااااء الله

اللهم صل على محمد وآل محمد
جزء رووووووووووووووووعة

بمعنى الكلمة تسلم أناملك غاليتي

وموفقة لكل خير بحق محمد وآل محمد

ياااااااااااااااااااااااااااااااااااااي جزء ولا آروع

اني اتخيل ان نتايج التحليل تتطلع اوكي بس يوم العقد بيفكو وبيعقد فارس على روئ


يعني بترردد تاخد هالحمزوه فقيل الدم وبترفض:wink:


اتوقع فارس راح يعاتب رائد لانه ظن فيه للمره الثانيه ويمكن يتازعلو احسن يتاهل رائدوه هالنحيس :noworry:


سمر وسلمان تتطورات راح توصلهم للقفص الذهبي:bigsmile: خخخخخخخ

وحوريه اتوقع بنهاية هالقصه بس خطوبه من رائد :embarrest:

امممممممم مين بقى حيدرو مااتوقع يخطب حنين خخخخخخ

جزء ولا ارووووووووووووووووووووووع

تسلمين يالغاليه على هالقصه

تجنننننننننننننن جووونااااااااان بصراحه :embarrest::embarrest:

تقبليـ مروريـ

رائد لو مات أحسن بيخ القصه بسخافته

ومشكورة يا أميرة على الجزء

لاااااااا عااااااااااااااااااااااااد مو الجزء الاخيييييييررررررررررر

اميرة تكفي طوليها شوي بعد...


تراها ممتعه مرررررررة حدهاااااااااااااااااااااااااااااا

كل يوم نقرااااااااااااا منها جزء اروع من الثااااااااااني..

عموماً

رحم الله والديك خية ..

ومشكككككككككككوووووووووررررررررررة

يسلموو امرة علئجزاء الروعه

رائد يبيله ضربت دست عدلللل قاهرني

ورؤي علي عمري حمزوو لالالا مسكين فويرس

الله يعين

موفقه امورة

لالالالالالالالالالالا حرام مو الجزء الاخير انصدمت لما قريت الجزء الأخير أحس ان الأحداث لس ماتنتهي في جزء واحد

تكفي خية أميرة طلبتك لا تنهيها بهالسرعة وتقلصي الأحداث بس عشان تخلص

لان بصراحه وبدون زعل أحسك تبي بس تخلصي القصة لأن أحس الأحداث لس يبي لها كم جزء على ماتخلص القصة بس ماادري كيف انتي تبي تنهيها بجزء واحد

بصراحه القصة حلوووووووووووووووة وااااااااااااااجد وأكثر من رائعة حرام تكون نهايتها مو حلوة أتمنى تكون النهاية رائعة مثل القصة وبدايتها الجميلة

تسلم أناملك على الجزء الرائع بصراحه رجعت فارس ورائد مرة روعه قعدت أصيح وأنا أتخيل الموقف وسلامة رائد من الحادث فرحتني ربي يعطيك العافية والى الأمام

تقبلي مروري وأتمنى ماأكون ثقلت عليك بكلامي ولا تزعلي من كلامي لك

أختك : زهرة البنفسجي

رووعه وكل مايجيها تحلا
عاد امووور الله يخليش لاتقولي اخر جزء ماني :(
ابداع والله
واتوقع نتايج التحليل اوكي بعدين بتهون رؤى
يسلمووووووو
تحياتي

هلا ميرو:
عين الله تحرسش ياغناتي يعطيش الله الف الف عاااااااااااااافية قصة ولااروع اليوم <<<<:embarrest:صاحت بس على خفيف
خلاص غيرة راي مابوديش الشرطة ماااتستاهلي <<<<<<<<<<< تبغى اترقع السالفة:wink::wink:



الظحكة تنتظر الجديد <<<<<<<غيرنا هالمرة:bigsmile:

تسلموو جميعااااااا الف لا مليوون بعد
ويعطيكم عافيه

ههههههه اموول اظن عرفتي اني وين كنت يوم انزل الجزء السابق صح..:wink:.

احبتي .. يالغوالي .. خلاص .. حانت اللحظه الأخيره مع ابطال قصتي ..
هههههه لو تشووفني من العصر للحين واني احوس فيها..:wacko: وقايمه وقاعده..
خلااص ختمتها.. وهالجزء الأخير
اطول جزء بتاريخ القصه... :bigsmile:
اتمنى تستمتعو فيه ..
تفاعلكم اسعدني .. شجعني .. و تخميناتكم ضحكتني كثر ما ادهشتني
لاعدمت كرم تفاعلكم .. ولا هالتعاليق الحلوه :embarrest:
تفضلو..

الحلــــــــــــــــقة الأخيــــــــــــــــــــــــــــــــــــــــــــر ه



الكل رجع بيته ... حيدر وفاضل رجعو في سيارة حيدر .. رضا اخذ وياه سلمان مؤسسته اللي كانت لأستيراد اثاث اجنبي من دول اسيا واوروبا وهو مندوبه في البحرين ,, فبيسلمه ملفات الشغل وبيخلص وياه بقايا اجرائات توظيفه...

ظلو رائد وفارس ... ركب فارس السياره ويا رائد... وطول الطريق هدوء.. كان فارس تعبان ومسند راسه على الكرسي .. ومغمض عيونه..
رائد يحس بألم وتأنيب ضمير داخل قلبه.. ولا هو عارف ويس يسوي وشلون يرتاح...
وقفو عند الكورنيش .. في الموقع اللي ياما لعبو فيه ويا عبدالله.. مكان الكرسي اللي حفرو عليه اساميهم .. الكرسي اللي شاله الزمن ومحى اثره من الوجود...
وقف وطفى السياره... وظلو ساكتين دقيقتين وفتح فارس عيونه.. وبهداوه :
ــ ويش فيك وقفت هنا..؟؟
رائد :
ــ ممكن ننزل ..
فارس :
ــ يللا ليش لا.,. ياالله وااحشني هالمكان عدل << قالها برحابة صدر وبإبتسامه رائعه..
رائد قلبه يحترق .. ونار الحزن شاعله في روحه ,,,
وقفو قدام البحر .. وصارو يتأملوه.. احاسيس فارس نقيضه تماما لأحاسيس رائد..
كان فارس مستانس رائد اخيرا جنبه واخيرا رجع لوضعه وياه ورائد كان مره حزين ويبغى يفضفض ويعتذر بس مو عارف ... صار رائد يتأمل في فارس .. وعيونه مليانه كلام...
فارس انتبه له ..
ــ تعال نقعد على هذاك الكرسي ,, وعينك خلها تقول اللي عندها
هو قال كذا .. خلاص رائد صخن.. وفي باله ..
ــ يـــــــالله شقد فارس يفهمني وانا عمري ما فهمته.. صحيح اني معدوم احاسيس ولا استاهل صداقتك ...

قعدو على الكرسي .. فارس :
ــ يللا .. سولف ...
رائد بنبرة مخنوقه :
ــ احم ,, ااا..
ــ ويش فيك.. مره منت على بعضك.. في شي صاير ومخبينه عني .. قول انا فارس مو واحد غريب
رائد خلاص جاله انهيار .وفي باله
ــ. انا فارس مو واحد غريب .. ياااربي لو تدري يافارس ويش كنت ظان فيك ما كنت بتقول هالكلام ...
رائد وبنبرة مخنوقه:
ــ فارس .. انا ما استاهل اكون خويك..
فارس فتح عيونه ..
ــ ليش عاااد..؟؟؟ ويش صاير ؟؟!!
ــ انا قليل ذات وعديم انسانيه...
ــ راااائد,, ويش فيك حق ويه هالكلام..
ــ انا انا..
ــ انت ويه..
رائد ونبرة صوته فيها حشرجه وبحه مهي طبيعيه.. وبألم ودمعات..
ــ اناا ظنيت فيك ظن سووء .. ارجوك سامحني ,, حللني وبيحني .. ما الومك لو تركتني بس .. ابغى ارتاح.. فارس اناا..
فارس مو فاهم شي والكلام ملخبط وحالة رائد حاله :
ــ انت ويش ؟؟
ــ انا ظنيتك رايح المغرب حق... حق .. الحرام..
فارس فتح عيونه وبنبرة مخلتع :
ــ حراام .,. حراام ويه..؟؟؟
ــ وصلنا خبر من الجرايد المغربيه عن طريق واحد .. انك تشابقت ويا مغربي دفاعا عن وحده اسمها زينه .. قالو انها خطيبتك و هي انكرت وانت انكرت مادري ماادري ويش اقوول ...
فارس مندهش مو عارف ويش يرد :
ــ ايه... وبعدين
ــ و يوم .. يوم تتوفى امك ام حسين الله يرحمها .. ويتصل فيك حيدر سمعنا صوت وحده كلمتنا بدالك... وكنها تعرفك نادت عليك فارس.. فقلنا كلنا اكيد هي .. وبما انك انكرت انها خطيبتك .. على طول جى في بالي انها... وسكت دقيقتين ...
فارس وهو يطالع في البحر وبنبره هاديه :
ــ انها عشيقتي مثلا ..
رائد بأسف :
ــ ايه...
فارس بهداوه :
ــ كمل ..
رائد مستغرب من ردة فعل فارس .. ردة هالفعل حسسته بالذنب اكثر .. كان يتمنى فارس يقوم عليه.. يصفعه .. يكسر راسه على هالظن السوء فيه.. هذا شرف مو لعبه .. بس فارس اكتفى بكلمه وحده وبهداوه ..
ــ كمل ..
رائد :
ــ بس بعدين عرفت الحقيقه...
فارس بإبتسامه ساخره :
ــ هه .. والله ,, شلون ؟!
رائد علم فارس بحركة حيدر ,, وكيف وضح ليهم اللبس اللي صار وبدد شكوكهم فيه ..
فارس ساااكت ..
رائد :
ــ فارس .. رد ,, سبني .. اضربني .. خاصمني .. بس اعذرني .. فارس .. مادري ويش اقول .. بس اللي ادري به اني ما استاهل هالحب منك.. ولا استاهل حتى اكون معاك.. بس والله يشهد اني رغم ظني فيك .. الا اني كنت اتعذب .. فارس احتاجك رغم قساوتي .. سامحني ارجوك..
فارس ساكت...
رائد مو قادر خلاص وصل حده :
ــ فاااااارس تكفى ..
فارس وبهدووء مو طبيعي :
ــ تدري يا رائد..
رائد فرح اخيرا تكلم :
ــ ويش ؟؟
ــ ما عرفتوني كثر ما عرفني ..
ــ مين . اللي عرفك ..؟؟
فارس وبألم :
ــ ااااااه.. حيدر .. ما عرفتوني كثر ما عرفني حيدر .. الإنسان الوحيد اللي من يوم حنا صغار عمره ما شك فيني ,, وكان دايم يصلح بينا.. حيدر الطيب اللي على نياته ,, مافي زيه ,, كان لي الأخ والصديق والونيس وانا في المغرب .. وقف وياي وقفه كنت اظنك انت اولى بها.. بس ...
رائد وعيونه طاغيه فيها الدمعات,,,
فارس يكمل :
ــ حسافه ما عرفتوني كثره .. الله يحرسه ويخليه .. ويوفقه ..
رائد بحسره والم ..
ــ يارب ..
هدووء لمدة ربع ساعه .. ما يسمعو الا صوت البحر .. فارس يسمع معاه صوت الوحده والضياع ,, ورائد يسمع معاه صوت تأنيب الضمير ...
فارس ودمعه تنزل من خده وبهداوه :
ــ اذا الأقدار خذت منا حبايبنا.. نردد ااه.. يا قسمتنا والنصيب
رائد من سمعها ,, خلاص تمنى الموت الف مره .. وهو يسمع هالقصيده من فارس ...
فارس يكمل ورائد في خاطره يتردد صداها ..
واذا العين تعبت من مدامعنا.. نعاتبها يستاهل دمعش الحبيب
صعب ننسى ونبعد وان تجاهلنا.. ترد الذكرى ترجعنا قريب
وما نملك الا االصبر والله يساعدنا.. هو الشافي للهم والطبيب

ورجع الهدوء .. وشوي حط فارس كفه على فخذ رائد وصار يضرب على خفيف بدون ما يطالعه عيونه في البحر وبهدووء :
ــ خلاص انسى .. الله يسامح الجميع...
رائد وبخنقه :
ــ اسف وربي ..
فارس :
ــ هه خلاص .. منت اول ولا اخر عذاباتي .. حياتي كلها خساير .. ان شالله ما نخسر بعض .. والله يسامح الجميع...

شوي الا جوال رائد يرن وكانت امه ,, رائد يمسح دموعه ويعدل صوته المبحوح .
ــ هلا اماه..
ــ هلاا امي وينكم..
ــ برى مع فارس عالبحر ..
ــ ايه .. الحمدلله على سلامته.. حنا تونا راجعين من المستشفى ويا اختك.. توقعتالاقيك شفت ابوك وحيدر ,, قول لفارس يجي ويتغدى ايانا..
ــ الله يسلمش .. ان شالله اقول له << قالها بنبرة حزن متأكد ان فارس بيقول لا.. ما بروح..
ــ يللا وجيب وياك ثلج ما عندنا .. حسبي الله على الممرضه ايدها ثقيله ورمت ايد اختك خضراا ما صارت دي ابراة تحليل ..
ــ ان شالله.. متى بتطلع نتيجة التحليل ؟؟ << قالها بعفويه ..
ــ بعد اسبوع.. يللا تعالو ولا تنسى الثلج.. مع السلامه
ــ الله يسلمش
فارس من سمع طاري التحليل .. قام .. وراح جهة البحر .. خلاص وده يصرخ .. وده يصيح.. وده يرمي روحه في هالماي .. ما عاد للحياه طعم .. ولا لون.. كل شي بحياته خسره.. مافي احد بقى له الا حيدر .. قشة الأمل الوحيده اللي تمده بالسعاده والراحه..
غصه ما بعدها غصه جبرته يسيل الدمعات بحراره..

رائد عرف ويش فيه فارس هالحين .. تذكر كلام حيدر .. خلاص اسودت الدنيا في عيونه.. مهو عارف ويش يسوي .. راح بعفويه لفارس ..
وكان عاطيه ظهره .. حط كفه على كتفه اليمين وضغط عليها ...
ــ فارس .. شد حيلك .. فارس .. بكلمها.. ايه بكلمها.. بقول ليها انت تبغاها.. بخليها تغير رايها عن حمزه...
ما شاف رائد الا ردة فعل مهي متوقعه من فارس ..
دار عليه بسرعه وعطاه كف ورم وجهه,, وبصريخ توقعه يكون من شوي,, لكنه طلع الحين :
ــ انت ويـــــــــــش ..؟؟ بني ادم ..؟؟؟ المشاعر في ايدك لعبه.. الحين عقب ما عطيتو حمزه كلمه .. وخليتوه يحس بالسعاده.. بتسلبوها منه.. انت تسمي روحك رجال .. افا بس .. ما الومك .. اذا انا واللي كنت افكر روحي اقرب مالك ,, طلعت ابعد بعيد .. و تفكيرك فيني تفكير واحد غريب .. ليش ما اتوقع منك حركة هالنذاله ويا حمزه... انت وياه اولاد عم.. تنجازو.. لا تدخلوني في النص .. ولا تكلم اختك على حسابي .. مهي لعبه هي . تجاره بيع ومشترى .. بعد ويه الحين خلاص حللو والنتيجه بعد اسبوع.. لو تحس حسيت من قبل وما سمحت لنفسك تفكر فيني أي تفكير قبل لا تتأكد بنفسك ... انا ما عاد لي حساب في هالدنيا.. ولا احد عنده علي حساب ..

رائد :
ــ ااا..
فارس حط ايده على فم رائد :
ــ خلاص .. ما بيننا كلام.. تيسر يسر الله عليك...
رائد :
ــ ما اوصلك..؟؟
فارس :
ــ رحم الله والدين التكاسي ...
رائد :
ــ توك طالع ومافي جيبك ريال .. فارس تكفى..
فارس صرخ:
ــ كفايه شفقه .. كفايه عطف .. شفقتك هذي مانى محتاجها.. اذا عرفت تشفق على روحك وترحمها من هالأطباع الخايسه.. تعال وكلمني .. ابغى اقعد لحاااالي لو سمحت..
ــ فارس .. انا خايف عليك.. وربي خايف عليك.. لا ما تقعد هنا لحالك .. بوصلك...
ــ هه خايف علي من ويش .. انتحر مثلا واغرق روحي .. مانى بهالضعف .. مهما صار الله موجود.. ويصبرني ..
ــ فارس ارجووك.. حلفتك بغلاة كل غالي .. بغلاة عبدالله.. ورحمته الغالي تركب اوصلك بس .. لا تكلمني احقرني بس اوصلك..
فارس غمض عيونه.. وسالت دمعه.. واشر على رائد .. يروح :
ــ زين .. قدامي...
رائد فرح مثل الطفل .. ركب السياره بسرعه.. وركب فارس ..
رائد بنبرة خوف :
ــ امي من يوم تدق علي . تحمدت لك بالسلامه .و قالت لي اجيبك بيتنا نتغدى..
فارس ساكت ويطالع في النافذه مو عاطنه وجه..
رائد مو قادر..
ــ فارس رد علي..
ــ الله يسلمها .. بس وديني بيتنا..
رائد وبألم:
ــ ان شالله...
وصلو الزرنوق .. ونزل فارس .. كفخ الباب .. وحتى مع السلامه ما قال...
رائد حط راسه على الدركسون ودموعه تصب ما طاحت دموعه في حياته كلها كثر هاليوم...
وصل فارس باب بيتهم.. طالع على اليسار .. الجدار اللي عليه السب والشتايم من الصبيان يوم هو صغير ,, وشخوطه عليهم بالفحم ليخفيهم,,
ضحك في باله :
ــ هه.. اخفي ويش لو ويش .. قدرك يا فارس من صغرك مأكول حقك .. وملعون خيرك.. حسافه على الطيبة في زماننا..
تذكر فارس ان مفاتيح البيت في شنطته عند حيدر ..
ــ افف.. تعبان الحين انا...
قعد على باب بيتهم.. وسند راسه عليه..
ــ بعدين اروح بيت جارتنا ام ابراهيم.. واتصل على حيدر يجيبها...
رائد مشى .. بس قبلها اتصل على سلمان ,,
سلمان كان بالمؤسسه مع رضا..
سلمان : ــ عن اذنك عمي هذا رائد مادري ويش فيه..
رضا : ــ خذ راحتك يا ولدي ..
سلمان : ــ هلا رائد
رائد وبصوت مبحوح:
ــ سلمان طلبتك..
سلمان اختلع:
ــ عطيتك,, ما يردك الا لسانك.. خير ويش صاير..
رائد:
ــ فارس وصلته بيتهم.. وهو تعبان,, ما عنده غدى ولا شي .. اذا ما عليكم كلافه ترسلو له غدى..
سلمان ابتسم :
ــ من عيوني ياخوك.. بس انا برى مع جاركم .. الحين اتصل بيتنا اقول لأمي تقوم باللازم لا تحاتي..
رائد ابتسم :
ــ تسلم يالغالي الله لا يحرمنا منك..
ــ ولا يحرمني منكم حاضرين وغوالي ..

اتصل سلمان لبيت جدته ام ابراهيم.. رفعته حوريه:
ــ الوو..
ــ هلا حوريوه.. ويش غدانا..
ــ ياعجب الله اول مره تتصل وتقول ويش غدانا
ــ انا لله .. اسمعي وبلا كثر الهدره ,, روحي وقولي لأمي تزيد الغدى وترسل لفارس في بيتهم تعبان.. زين .. يللا باي لا تنسوو ,, انا احتمال اتأخر لا تحاتو..
ــ زين .. بااي

راحت حوريه لأمها.. وقالت ليها.. حضرت امها صحن .. ولفوه حطته في كيس ..
حوريه :
ــ اني باوديه...
ام سلمان:
ــ تبغي اخوش يكسر راسش ..
ــ ويش باااسوي اني .. وويش دراه الا عاد اذا قلتي له..
ــ تبغي كف مني الحين.. مستعده..
ــ خلاص كل ظنكم ظن سوء .. روحي وديه انتين...

شوي الا ام سلمان :
ــ اوهوو عبااتي رطبه. توي غاسلتنها .. صاقعه..
حوريه بمسخره:
ــ البسي عباتي ..
ــ تسخري ويا ويهش .. ما هي على قياسي .. << الدرازيين تقلب الجيم = ياء
ــ البسي شيلة امي ام ابراهيم
ــ حوريه ,, عفر يبغى لش تأديب ..
ــ شدراني من بعادة البيت... اكو منا قبالنا بالزرنوق ..قاايله لش باوديه اني ..
ــ حريقه.. وديه بس ان صار شي دفنتش ..
ــ شييييه ويش باااااسوي...
ــ زين لا تحمقي لا احد عليش سلمان..
حوريه وبقهر وبهداوه:
ــ سلمانوه ما ينحد..
ــ حوريوه وصاقعه..
ــ زين خلاص ...
خذت الكيس ولبست عباتها وطلعت .. وظلت امها واقفه ورى الباب ..
فارس انتبه للباب انفتح.. وطلعت بنيه.. نزل راسه.. شوي حسها تتقرب منه..
حوريه كسر خاطرها فارس وعور بقلبها حق ويه قاعد على الباب .. سلمت ورد السلام..
ــ خيي هذا غدى تغدى..
فارس :
ــ تسلمو خيه ما كان في داعي..
ــ الله يسلمك..
ودارت حوريه بترجع بيتهم..
فارس :
ــ خيه..
حوريه اختلعت:
ــ نعم..
ــ الله ينعم عليكم.. بغيت اكلم تلفون اذا مافي احراج..
ــ لا ابدا لحظه بس اسوي لك درب..
راحت حوريه لأمها..
ــ اماه اماه..
ــ ويش فيش مصرووعه..
ــ يبغى يكلم تلفون..
ــ اخوش مو في البيت كيفا ندخله ريال وما ويانا احد..
ــ مادري .. مسكين اماه.. قاعد على باب بيتهم.. مادري ويش صاير ..
ــ يوه .. خير اللهم اجعله خير ..
لبست ام سلمان شيلة ام ابراهيم وسلمت امرها لله.. وتغطت وطلعت بس راسها..
ــ قوه امي فارس ..
فارس وقف :
ــ هلا .. هلا خاله..
ــ شحوالك ابوي ..
ــ حياش الله .. بخير
ــ الحمدلله على سلامتك
ــ الله يسلمش ...
ــ اسمح لي يا ولدي التلفون ما اقدر ادخلك تدري بيتنا كله حريم ويش اقول ما تصبر لين ييي سلمان..
فارس :
ــ خاله والله عارف وضعكم ومقدر بس مثل مانتين شايفه قاعد على باب بيتنا كني طرار مفاتيحي عند حيدر وابغى اكلمه..
ــ وي اسم الله عليك من الطراره.. خلاص الحين اخلي حوريه تييب جوالها وكلم
..

ونادت على حوريه :
ــ حوريه .. حوريه.. ييبي جوالش ...
حوريه جت وهي تشبر وتكفخ :
ــ وي وي ويش جوالي هههه مافي رصيد عفر تبغو تفشلوني
ام سلمان صفقت صدرها:
ــ صاقعه تصقعش ياام الهدره.. مو توه سلمان شاحن لش رصيد..
حوريه تحجج:
ــ المكالمات السعوديه اغلى..
ــ اغلى كف على ويهش .. حسبي الله عليش من بنيه...
فارس بعفويه سمع هدرتهم كان الباب مفتوح..
ضحك ونادى على ام سلمان.
ــ خاله.. اذا مافيها احراج يعني .. جيبوه بتصرف ...
حوريه:
ــ لا مافي احراج .. صحيح سوي كول مي ..
ام سلمان.:
ــ سكتي .. هين اذا يى اخوش..
ــ شييييييه ويش سوويت..
ــ يقص لسانش الطويل .. مي و كول هاا .. روحي ييبيه وخلي عنش هالهدره الزايده..

راحت حوريه الغرفه تجيبه وهي تتحمق :
ــ كل يصرخو علي .. كل يحمقو علي .. وكل كلمه والثانيه سلمانوه وسلمانوه..
ورفعت ايدها للسما..
ــ الهي تعرسك يا سلمانوه وتفكني منننك...
ما شافت الا طبقة نعال ام سلمان طايره ليها وتكفخها..
ــ ههههههه ااااه يزاتي بعد ادعي لولدش ..
ــ ههههههه غربلش الله من ملسونه روحي بسرعه الريال ينتظر..
جابت الجوال .. ورسل فارس لحيدر كول مي ..

حيدر في بيت اخته.. ورائد وياه.. زهرا متأسفه على فارس اللي ما جى وتعبان..
حيدر صار يكلم اخته.. وضعه هو ويا رائد مو اوكي مره ويحق له فارس يقعد لحاله شوي ...
رؤى تشيل ثلجه وتحط ثلجه . على مكان التحليل. وفي قلبها غصه..
ــ افف يا حمزه.. هذا اولها وياك تولمت ايدي .. حشا .. خخخ الله يستل من تاليها ..
صار فارس يجي على بالها بس تحاول تتحاشى طيفه وذكراه,,,
حيدر وصلت له الرساله.... دق وشاف الإسم ما طلع عنده.. واستغرب ...
ــ مين هذا اللي يبغاني وانا ما اعرفه .. غلط يمكن..
فارس يرد :
ــ الوو..
حيدر :
ــ هلا نعم..
ــ ينعم عليك.. اخبارك..
ــ مين بغيت..
ــ ههههههه وجهك ما عرفتني
ــ اه.. ههههههههه فااارس هلااا..؟

رائد من سمع طاري فارس .. ابتسم ابتسامه ويش كبرها.. متوقع في باله ان فارس هدأ وغير رايه ودق على حيدر يجي له حق يتغدى وياه
ما سمع الا حيدر :
ــ خلاص .. مشوار الطريق واجيبها.. حياك الله..
رائد مستغرب .. يجيب ويه.. اجيبها مو اجيبك.. ويش يعني.. ويسأل حيدر:
ــ وين بترووح؟؟
حيدر :
ــ بروح لفارس .. بودي له شنطته واغراضه مفتاح البيت في الشنطه وهو قاعد على الباب..
زهرا :
ــ وي على قلبي مسكين..
رؤى شوي وبتجيها صيحه.. بس ماسكه عمرها..
رائد احساس بالذنب يتزايد في قلبه...
حيدر وهو طالع :
ــ تغدو بالعافيه خيه .. بتغدى ويا فارس .. مع السلامه
زهرا :
ــ الله يعافيك ويسلمك.. تعال خذ غدى وياك ليكم..
ــ لا خلاص بشتري من المطعم.. اللي يحبه فارس .. خله يشد عمره ضعفان من قلة الأكل..
رائد :
ــ انا اتصلت في سلمان قلت له يرسلو له غدى
حيدر:
ــ يللا ما عليه زيادة الخيرخيرين.. نشوف على حسب ..
زهرا :ــ على راحتكم.. سلم عليه..
حيدر: ــ الله يسلمش خيه.. يللا في امان الله..

رائد في قلبه نيران قامت تشتعل.. ويتذكر كلام فارس :
ــ ما عرفتوني كثر ما عرفني .. حيدر...
ابتسم بهداوه وفي باله,,
ــ صحيح ما عرفتك كثره.. الله يخليه يارب لك.. ويغير حالنا ..

خذ حيدر الشنطه ومر على المطعم ,, وراح لفارس .. وصل له لقاه قاعد على الباب..حيدر:
ــ هلااا الله يهديك من متى راجع رائد البيت ما قلت له يذكرني لويش .. راح عن بالي زيي نساااي مافيه..
ــ ههههه هلا فيك .. لا عادي حصل خير..
وفتحو الباب..
صوت صريره.. فتح الجروح في قلب فارس ..
دخل البيت كان من داخل الحوش بارد ,, يحس روحه في كل زاويه يشم ريحة ام حسين.. ريحة الريحان معبيه الحوش .. شي ذبل ومات.. ما ينسقى .. وشي ظل عايش ...
وقف يتأمل.. ولفتت نظره التاوه اللي تخبز عليها امه الخبز,, صار يتنفس وغمض عيونه ..
ــ حيدر ...
حيدر حس عليه فيه حزن ..
ــ هلا..
ــ تصدق اشم ريحة خبز التاوه,, اسمع صوت امي وهي تخبز ..
وصار فارس ينشد بصوت متكسر وهادي ..
ــ أماه امبى لقمة واللقمة من البرمةوالبرمة من الحطب والحطب يبغيقدوم
سالت دموعه .. ومسحها وابتسم وهو يكمل ويمشي في الحوش ..ويصفق بإيده بهداوه..
والقدوم عند الحداد والحداد يبغي فلوسوالفلوس عندالعروس والعروس تمبى ريل
حيدر خلاص ما تحمل الموقف وصارت دموعه تسيل
فارس ..
ــ اااااه كنت اصحى من نومي الفجر على صوتها وهي اذا وصلت هالمقطع وانا بغرفتي نايم اسمعها تعلي الصوت " ياارب يالله تبلغني فيك يا فارس يا ولدي .. عساني اشوفك معرس .. على ديك العروس القمر ..واغسل رجولكم يا كريم "

ويقعد فارس على ركبه .. ويحوس في الرمل بوسط الحوش .. ويخلي الرمل يطير مع الهوا,,,
ــ راحت.. حيدر .. راحت ولا ودعتها .. ولا شفتها قبل لا تندفن .. وقبرها وين .. بعيد في سوريا.. متى اروح ازورها.. مافي امل وجوازي ضايع .. متى بطلع جواز.. يمديها تطلع روحي ..
حيدر قعد جنبه ..
ــ جعلها تروح روح عدوينك ان شالله.. هدي ياخوي .. هدي وما يصير الا الخير..الحمدلله على كل حال..
ــ الحمدلله..
ــ يللا قوم نغسل ونتغدى.. مين قدنا غدايين .. جوعااان حدي ..
فارس ابتسم..
ــ يللا ..
قعدو يتغدو.. الا صوت جوال .. وكان جوال فارس ..
طلعه لقاها زينه..
ــ الو هلا زينه
ــ اهلا خيي فارس .. الحمدلله انت على طول اللي كلمتني
ــ خير ان شالله ,,
ــ مافيش الا كل خير .. خلاص يا اخي مهمتي انتهت .. وحلالك وورثتك كلهم حواله لحسابك.. راجع البنك من شان تتأكد وطمني اذا وصلو.. حقك يجي حوالي ثلاث ملايين دولار..
فارس بلع اللقمه وفتح عيونه:
ــ ثلاث ملايين دولار ..؟؟!!!
زينه :
ــ ايوا.. ههههههه حلالك يا اخي.. عوافي عليك
ــ الله.. الله يعافيش.. واتعابش خيه.
ــ اييي يا فارس اتعابي وصلتني قبل لا يتوفى المرحوم ., ما قصرش معي ضعف اتعابي اعطاني الله يرحمه
ــ الله يرحمه .. ويخليش تعيشي والله.. مشكوره وما قصرتي ..
ــ العفو انا بالخدمه.. وقت اللي تحتاج شي لو بدك أي شي .. انا ورشيد موجودين
ــ الله يخليكم ويسعدكم يارب ..
ــ الله يسلمك .. كان بودي تجي زواجنا الشهر الجاي بس باس بوردك اففف
ــ ههههههه الف مبروووك .. والله يسعدكم ويهنيكم سلمي على رشيد وباركي له
ــ الله يسلمك اخي .. يللا سلام الك وانتبه لنفسك
ــ ان شالله الله يسلمش..
سكر فارس الجوال.. وحيدر يطالع فيه..
حيدر:
ــ ثل ثل مليون هههههههه فارسووه ويش هذيلا
فارس فاتح عيونه.. وبهداوه:
ــ ثلاثه مليون دولار .. هذي ورثتي من ابوي الله يرحمه..
حيدر :
ــ ههههههه فديتك عوووااااافي عليك..
فارس ماسك جواله وطلع بطاقة البنك..
ــ بت .. بت .. بتأكد لا انصدم بعد..
تابع>>