ماعرفتوني .. كثر .. ما عرفني ..

هلا وغلا بالجميع وتسلمو عالمتابعه والتعاليق والتخامين الحلوه اللي تفرحني وتحسسني انكم متابعين عن جد .. بس ما بقول صح لو غلط ,:wink:,:toung:
خيتوو نواره منوره والله تسلمي اخجلتيني .. وبالنسبه لملاحظاتش .. صحيحه اني راحت عن بالي هالنقطه ويوم امي تقرى هالجزء بعد ما نزلته بالنت قالت لي فصححته بالأصل عندي ونسيت اصححه هنا << خووش مشرفه ..:embarrest:
بس صححته بالأصل قلت ولاعة .. استخدمها بدل الجوال .. وبالنسبه للجواز ضايع مو مسروق .. بس كمجاراه للواقع عادة بعض الكبار ينسو ويغيرو ويزيدو في السالفه .. وجلبا للأستعطاف خليت رضا يقول ان جواز فارس مسروق كان ينكسر خاطر الضابط على فارس .. خوفه يقول له ضايع ويرد عليه يستاهل مهمل ..
لكنه اساسا ضايع,,

اتمنى الصوره وضحت., وهي اساسا الأصل يبغى لي اعيد قرائتها وتصحيحها حق اذا طبعتها قريبا ان شالله ..:bigsmile:
منورين وياهلا
وتفضلو الجديد

حيدر :
ــ الو...
زينه مستغربه من الصوت:
ــ مرحبا..
حيدر بإرتباك:
ــ ياهلا..
ــ مش هذا نمرة فارس محمد الـ....؟؟
ــ ايه صح
ــ مين معي .؟!
ــ صديقه..
ــ ليش فينه هوو؟؟
ــ مو موجود ..؟؟
ــ طيب متى يرجع ؟؟
ــ بيطول .. خير مين معاي ..
ــ طيب ياخي متقدرش تخبره تقل له المحاميه زينه اتصلت عليه بدهاش اياك في شغله كتير ضروريه..
حيدر فتح عيونه :
ــ المحاميه ؟!
ــ ايوا المحاميه .. عاوزته بشغله ضروريه ..
حيدر :
ــ اختي بغيتيه بويش انا بدله حاليا عنده هو شغله ضروريه ما بيجي بالوقت الحالي..
ــ طيب يا اخي انا راح اقل لك وانت بلغو او ساعدني اذا تقدر
ــ تفضلي..
ــ فارس قبل لا يسافر وكلني اخلص باقي اجرائات الورث .. وعطاني كل المعلومات .. ومن بينهم رقم حسابه للبنك .. انا الله يصلحني لما اخذته كتبتو في ورقه وما كتبت اسمه عليها .. وكثير اوراق عندي من هالشاكله.. بدي رقم حسابه ضروري منشان اخلص الإجرائات واحول له حقو..
حيدر مفهي ولا هو عارف ويش يسوي ..
ــ اا.. طيب.. اكلمك بعد شوي ونتفاهم
ــ تسلم يا اخي ضرووري تكلمني ..منشان لا يتأخر ..
ــ على خير..

انتهت المكالمه.. وبينت الحقائق.. نفس الصوت يذكره حيدر عدل.. نفس الإسم اللي لقوه بالصوره بالجوال .. يبغى يتأكد ..
ارتسمت ابتساامة فرح عريضه على وجهه.. قام يركض خذ مفاتيح سيارته., وشنطة فارس .. وراح لرائد..

رائد بالصاله يطالع تلفزيون.. الا بدخلة حيدر ..
ــ كح كح.. هلااا..
رائد بنبره بارده :
ــ هلا فيك..
حيدر يطالعه على جنب :
ــ ويش فيك كافخ وجهك..
رائد يقلب في القنوات..
ــ مافيني شي ..
حيدر :
ــ كل هذا ولا فيك شي ؟!!
رائد طفى التلفزيون وقابل حيدر :
ــ هاا .. آمر ويش صاير ؟؟
ــ بل عليك صاير خايس نفس ..
وابتسم حيدر ابتسامه عريضه..
ــ عندي خبر مهم .. وابغى اتأكد منه عدل وقدااام الكل ..
رائد :
ــ خبر ويش ..؟؟
حيدر :
ــ عن فارس ..
رائد بضيقه :
ــ افففف ما بنخلص ..
ــ هييييه ويش فيك انت.. الا وين رؤى واختي..
ــ رؤى فوق وامي في المطبخ ..
حيدر :
ــ زين قوم فوق في غرفتك..
ــ لويش..؟؟
ــ ابغاك في سالفه..
ــ ويش..
ــ اوهوو ويش فيك غثيث وكل تسأل ,, قوم وبتعرف
ــ اففف زين...
ركبو فوق ..
حيدر :
ــ نادي اختك رؤى.. وامك.. خلهم ويانا...
ــ وبعدين وياك.. لويش ؟؟
ــ رااائدووووووه..
ــ زيــــــــــــن لا تحمق وتنفخ علي..
فتح الباب :
ــ اماااه ,, رؤى .. تعالو بسررعه..
جت زهرا:
ــ خير ويش صاير ..
رؤى وراها ساكته ووجهها مرسوم عليه مليون استفهام...
حيدر :
ــ رائدوه.. ركب البلوتوث بالكمبيوتر واستقبل الصوره..
ــ أي صووره..؟؟
ــ انا لله...
ركب رائد القطعه واستقبل من جوال حيدر .. وفتحها لقاها الصوره حقت الخبر تبع فارس وزينه اللي انتشر بالجرايد,.,
رائد :
ــ اففففف فكرت عندك سالفه.. حق ويه يعني استقبلها..
ــ كبرها.. وخليك جهة الخط ...
ــ ليش ؟؟
ــ رااائدوه ولعنه..
كبر رائد الصوره ونزل جهة الخط.. وهو يمشي بالماوس لين وصل هالسطر

بينما نفت زينه كونها خطيبته.. واكد فارس النفي .. والعدل ينتظر ان يأخذ مجراه في هذه القضيه.. خصوصا ان المجني عليه سائح ..

حيدر :
ــ بس بس .. وقف ...
رائد وقف وهو مره مو رايق ولا هو فاهم شي ...
فتح حيدر الشنطه حقت فارس .. وصار يحوس .. شاف محفظته.. طلع منها بطاقة البنك.. وقال ليهم :
ــ الحين هدووء ابغاكم تسمعو هالمكالمه..
زهرا:
ــ مين ..؟؟ بتكلم مين ..؟؟
ــ المغرب ..
رائد بإستغراب :
ــ وحق ويه .. واكو هنا .. بتتصل على مين..؟؟ وويش هالأوراق وهالبطاقه..
حيدر منقهر من رائد :
ــ اسكت واسمع..
طلع جوال فارس ..
رائد : ــ هذا مو جوال فارس ؟؟
ــ زين تتذكره
ــ تستظرف ...
ــ لا فكرتك نسيته مو احسن منه هو .. يا عجبي تذكره وتنسى راعيه..
رائد عطى حيدر نظرة طناش مو طبيعيه..
واتصل حيدر على المغرب ..
رفعت زينه.. وحط حيدر سبيكر .
ــ الوو...
الكل فتح عيونه.. واكثر شي .. رائد .. تذكر الصوت نفسه اللي سمعوه يوم يخبرو فارس عن وفاة امه...
بيتكلم .. حيدر عطى رائد نظره نهره لا يتكلم واشر عليه يسكت ...
حيدر :
ــ هلا اختي زينه ..
رؤى مقهوره فيها حره جوال فارس ,, والخبر قدامها على شاشة الكمبيوتر ..
زينه :
ــ هلا اخي .. جبت الرقم..
ــ خيه ما فهمت عليش من شوي كنت صاحي من النوم اسمحي لي . ذكريني يا زينه ويش شغلتش بالضبط... عيدي لي طلبش وبالتفصييل ما عليش امر يعني << متعمد حق يسمعو..
ــ اوكي يا اخي, انا الـ ... زينه .. محاميه موكلني محمد الـ... والد فارس بتسليم ورثه لأبنه.. فارس رجع مثل منتو عارفين باسبورده ضاع ووكلني اخلص باقي الإجرائات ., وقريب اخلصها ان شاء الله.. بس رقم حسابو ضوعتو .. واريده الآن..
الكل فتح عيونه...
رائد دار على الجهاز ,, وشاف اسم زينه... بالخبر ..
حيدر يكمل :
ــ طيب يا اختي .. فارس ما عنده قرايب بالمغرب . يوكلهم..؟؟؟
ــ لا ابوه توفى وما خلفش .وكلني انا كمحااميه.
ــ طيب ما يعرف احد بالمغرب ؟؟هه اسمحي لي اختي على فضولي ..
ــ معليش .. ما بيعرفش الا انا محاميتو .. وخطيبي رشيد مؤخرا...

هي قالت كذا.. خلاص رائد دار راسه.. وسحب الكرسي وقعد.. رؤى كانت واقفه على باب الغرفه طلعت وتسندت على الجدار جنب برواز الباب من برى .. ومسكت قلبها وصارت تصيح..وفي بالها :
ــ ظلمنـــــــــــــــــــــاااااه...
زهرا سااكته.. وتطالع في ولدها...
حيدر عطى زينه الرقم..
زينه :
ــ اشكرك يا اخي .. يعطيك الصحه وعوافي عليك..
حيدر : ــ حاضرين أي شي اتصلي وان شالله البي ..
ــ خير ان شاء الله .. مع السلامه..
ــ الله يسلمش..
سكر الجوال .. هدووء في الغرفه...
حيدر بعتب :
ــ سمعت.. وشفت روحك قد ويش ظلمته.. تأكدت الحين من شكوكك لو بعد تبغى ادله زياده..
رائد ساكت بس ينافخ ببطىء يتنفس .. وعيونه شاارده وحمرا.. ومكشر حواجبه..
حيدر يطلع اوراق من الشنطه:
ــ هاا.. هذي ورقه لمحل اثاث مغربي .. لأبو فارس .. وزينه موقعه عليها انها استلمت توكيل من ابوه حق تسلمه لفارس ..
وهذي بعد ورقه لأرض زراعيه هناك.. وهذي ورقه لبيت .. وهذي ورقه لـ .. و .. و..
ما عاد يسمع راائد .. و تنفسه يزيد ..وبعينه طغت الدموع.... قام بسرعه وقلب الكرسي وطلع..
زهرا:
ــ راائد .. راائد امي .. وين بتروح..
رائد طلع .. ركب سيارته.. حيدر لحقه .. بس ماا صاده.. ومشى رائد...

في الحجز... ينتظر متى يجي بكره.. متى يطلع من هالمكان.. ويسرح في حالته..
ــ ولو طلعت.. ويش باسوي.. مال حياتي أي طعم برى هالمكان.. هنا سجن واذا طلعت سجن البال ضايق الله يفرجها ان شالله.. اااه ما يندرى حللو .. عقدو لو بعدهم..
ابتسم ابتسامه هاديه وسالت دمعه مسحها بسرعه:
ــ الله يوفقش يالغاليه ويهنيش...

رضا انهى مكالمه ويش سلمان.. تواعدو فيها على ان سلمان يجي ويشوف طبيعة شغله ويعرف ويش له وويش عليه.. وخلاص اسبوع وبيستلم الشغل..

وبالسياره.. بالهاي وي.. السرعه وصلت 180.. وايده ضاغطه على الدركسوون..
وصوت انذار الخطر مفزع الدنيا... والمواقف الأخيره من علاقته بفارس قدام عيونه تتسارع.. مقهور من نفسه.. مقهور من اللي صار.. مو طايق روحه.. ومستحقرنها..
وشوي
حححححح

الى اللقاء... لهذا الجزء بقيه ...

ياعلي لاتقولي بيصيبه حادف وقوي بعد

تكفي عااد حرااام يارب بس شي خفيف كسور رض لاتقولي غيبوبه ..

ياربي وش بيصير بفارس لماا يسمع وروئ وامه واحبابه مااتوقع انه يمووت بس بتصيحيني اكييد بالجزء الجاي:sad2:

يسلم قلبش على هالبارت :embarrest:

بأنتظار التكمله

سي يو

مشكورة خيوه على الجزء الروعة
وزين عرفوا حقيقة فارس
بس ان شاء الله ما يصير في النحيس رائدوه شيء
عاد كفاية علينا صياح
ننتظر التكملة

مشكوره اميره على الجزء توني مستانسه على طول الصيح حرام كذا

الله يعطيك العافيه

يسلموا

تسلمي اميرة على الجزء المشووق والحلو و ربي يعطيك العافية

هلا امووووووووووورة

تسلمين حبيبي على الجزء
الروووووووووووووووووووعة

بس ها مو يصير في رائد شيء
كأنك تصلحيح شيء وتخربي شيء
مو طولي ننتظركِ
و تسلم الايادي

لالالالالالالالالالالالالالالالالالالالالالالالالا لالالالالالالا مستحيل

اميره خلاص رائد ينطااااااااق بس لالا تخليه يموت :sad2:

ان شاء الله ما يموت اذا مات من الي ياخد حوريه <<<<<هذا الي هامني

كلكم قولوا ياربي ما يموت

يــــــــــــــــــــــــــــاربــــــــ

جاري انتظار التكمله

تحياتي

مشكورة أميرة على الجزء
بردتي قلبي

البراءه لازم في يوم تطلع أيييييييييه
يسلمو ياقلبي أموووور على الجزء الرهييييييييييب
لاعدمناك
وبانتظار تكملة الجزء
الله يعطيك العافية
موفقه

هلا امووووووووووووور

ياكافي الشر يادفع البلاء لاعاد امور يكفينا حواادث وحرام صحيح رائدوا نحيس بس قلبه طيب ولاتموتيه مابيظل الى فارس احد على كذا
ياعلي والله حرام <<<<<<<<<<<<<:evil::mesb: وشكلش ناوية اتروحي الشرطة:help:(ابعيد الشر عنش غناتي:embarrest:)


الدموع تنتظر الجديد:closedeyes::closedeyes:

مشكووورة ع الجزء

ولاتموتي راااائد نباه خليه حادث بسيط ومايتعور بس السيارة


وبانتظـار البقية

لاتتــأخري..

مرحباااا
جيتكم من بدري هااا:wink:
مستعجله حق نخللص:toung:
منورين حبايبي وتسلموو على هالتواجد الهي لا يحرمني منكم
ويعطيكم الف صحه و عافيه

تفضلو الجديد تكملة الجزء السابق

وبالسياره.. بالهاي وي.. السرعه وصلت 180.. وايدهضاغطه على الدركسوون.. وصوت انذارالخطر مفزع الدنيا... والمواقف الأخيره من علاقته بفارس قدام عيونه تتسارع.. مقهورمن نفسه.. مقهور من اللي صار.. مو طايق روحه.. ومستحقرنها.. وشوي حححح .. ضرب في عمود
تجمعو عليه الخلق وفتحو باب السياره لقوه بخير ما صابه شر ,, رضوض في الرقبه وشوية جروح ,, السياره من قدام انعدمت ..
تطمنو عليه ووحد وصله مستشفى قريب ,, لفو له جروحه وجبرو رقبته..
جواله مقفل وامه تحاتي وتصيح خايفه عليه ..
رائد متضايق طل من المستشفى وراح لسيارته سحبوها المرور و قامو بالإجرائات,, ظل مهو عارف ويش يسوي .. ماله خلق يكلم حيدر ويقول له تعال لي ,, مستحي يراويهم وجهه .. مسك جواله وخطر على باله سلمان ..
دق عليه ...
سلمان نايم و ناسي جواله عند الكمبيوتر وحوريه كانت قاعده.. شافت المتصل رائد وراحت لأخوها :
ــ سلماان ,, سلمان قووم
سلمان بتعب :ــ هاااا
ــ قووم جواالك
ــ رووحي عني حوريووه طيه بزي..
ــ رائد المتصل قووووم ,, اكوو سكت ...
سلمان فتح عين وحده :
ــ هااا رائد ويش يبغى ..؟؟!
حوريه تطالعه على جنب :
ــ ويش دراني ما رديت عليه ولا سألته .. ارد واسأله..
سلمان فتح عيونه ومكشر :ــ اقووول استحي هاا,, عطيني ايااه ..
حوريه : ــ هااا اخذه ...
وطلعت وهي مستانسه :
ــ اخيرا قعد من متى ابغاه يقوم يشتري لي شكاليت
رائد : ــ اففف ما يرد..
الا سلمان متصل عليه ..
رائد بتعب وصوت مكتوم : ــ هلااا..
سلمان : ــ هلا فيك ويش فيه صوتك ..
رائد ونبرته ازدادت كتمه:
ــ تعبان ومحتاج اتكلم ..
سلمان قعد على منامه :
ــ خير ان شالله ويش فيك ؟؟
ــ انا في شارع الـ... ما عليك امر تجيني بتكسي ,,
ــ ويش صاير ليش وين سيارتك ..؟؟
ــ سويت حادث ..
سلمان مختلع :
ــ والله .. رائد ويش فيك ويش صااار تعورت ؟؟!!
ــ لااا مافيني الا الخير بس رقبتي شوي انرضت .. تعال مر علي الحين محتاجك
سلمان : ــ ان شالله مسافة الطريق بس
سلمان حس في السالفه ان ... والا كان اتصل على خاله وقال له و الا شمعنى يدق علي انا...
قام سلمان وبسرعه لبس .. وطلع ...وتلقته حوريه عند الباب
ــ تعااال وين بتطلع..؟؟
ــ ويش تبغي ؟؟
ــ اه ويش ابغى فيك من الصبح
ــ ويش دراني خلصي مانى فاضي
ــ اففف ابغى شكلااااته
سلمان منقهر وشوي يكفخها.
ــ رووحي الحين مانى فاضي لش
وطلع عنها
حوريه بقهر تصارخ : ــ ايه بس فاااضي لراائد
طلعت امها :
ــ ويش فيش تصارخي وويش فيه رائد
ــ افف سلمانوه مو راضي يقعد من نومه ولا يشتري ليي ويوم دق ليه رائد قام يركض له..
ــ استحي على وجهش اخوش الكبير هذا ,, ويش سلمانوه ؟؟
حوريه ودمعتها شوي وتطيح :
ــ كلكم عليي تدافعي عنه بس ..

وراحت غرفة خالها .. وسكرت الباب ..
ام سلمان :
ــ الله يهديش من بنيه ,, ام لسانين..
حوريه فتحت الماسنجر وشافت حنين شابكه على طول طبت عليها..
ــ الوو يا ريااال مشقووق << نك نيم حنين ياليتني ريال مشقوق ....
حنين :
ــ ههههههه هلاااا مالت عليش يوم بقوم الحين شررفتي
ــ هههههه ويش دراني عنش ,, مين الحين بتقعد... لا تقولي شذى
ــ هيهي ولو شذيووه ويش بتسوي ..
ــ ههههه ما تعطي وجه استحي منها تدخل وتطلع لا سلام ولا كلام
ــ لا تخافي سمروه حبيبة القلب
حوريه حطت وجه مستحي ..
حنين :
ــ عدااال يللا بقوم ...
شوي وشبكت سمر ..
ودخلت على حوريه وسلمت عليها .. وسالتها عن الحال ...
حوريه حطت سمايل زعلان L
سمر : ــ خير غناتي ويش فيش ..؟؟؟
حوريه حطت سمايل يصيح :
ــ سلماانووه
ــ هههههه عيب يا بنيه اخووش الكبير ويش مسوي فيش ؟؟
ــ اه انتين بعد ... << وحطت وجه يصيح
ــ يوو لى ويه عاد ويش فيش
حوريه علمت سمر بسبب قهرها ..
سمر :
ــ ههههههه صحيح ما عندش سالفه .. يمكن رائد يبغاه بشغله ضروريه ..

شوي الا شذى داخله عليهم الغرفه ..وبصوت مختلع :
ــ مااا سمعتو اخر خبر ..
حنين منسدحه على بطنها فوق سريرها تقرى قصه .. وسمر مع حوريه عالمسنجر ..
حنين انقلبت على ظهرها وقعدت ,, وسمر دارت على طول بالكرسي وثنتينهم بنفس واحد:
ــ ويش صاير

شذى :
ــ زهرا جارتنا من شوي دااقه تكلم امي وهي تصيح تقول راائد طلع من البيت وحالته حاله وجواله مقفل وهي خايفه عليه..
حنين :
ــ يووو الله يسترر .. ويش فيه ...
شذى
: ما فهمت السالفه عدل بس شكلها على فارس سمعت طاريه
سمر :
ــ هذاني اكلم حوريه تقول سلمان طلع مستعجل وبيروح لرائد..
شذى :
ــ والله .. تأكدي
سمر تأكدت من حوريه .. وقامت لأمها..
ــ اماه دقي على جارتنا زهرا .. وخبريها ان رائد بخير وسلمان راح له..
مريم فرحت وعلى طول دقت على زهرا وطمنتها..
رائد جواله مقفلنه.. دق حيدر على سلمان..
سلمان مع رائد على البحر .. حكى له السالفه.. بحزن شديد ....
وبالنهايه خذ نفس عميق :
ــ سلمان .. ويش اسووي .. مانى عارف حاس روحي ضايع .. متشتت .. مخنوووق ...
سلمان : ــ صل على محمد ...
الا جواله يدق .. طالعه .. لقاه حيدر ..
ــ هذا حيدر .. لحظه برد عليه ..
رائد : ــ اللهم صل لى محمد وال محمد ..لا تقول له احنا فوين .. بس قول له انا بخير ..
سلمان :
ــ هلا حيدر ..
ــ هلا سلمان كيفك..
ــ الحمدلله ..
ــ رائد وياك ؟؟
ــ ايه تطمنو عليه وطمن امه بخير هو وهذاني اياه .. تالي بيرجع ..
ــ زين خليه يفتح جواله ..
ــ ان شالله ,, على خير
ــ يللا مع السلامه...

سلمان :
ــ افتح جوالك اهلك خايفين عليك...
رائد يطالع فيه الأرض ..
سلمان : ــ راائد .. ويش فيك .. هدي ما بيصير الا الخير ..
شوي الا رائد قام ينحب .. مثل طفل صغير وضايع ,, ودموعه تصب ..
سلمان خاف عليه ,, حضنه وصار يخفف عنه:
ــ فارس يحبك .. وبيفهمك .. وما بيزعل عليك.. واذا فعلا لسا له غلاوه في قلبك بكره روحتنا له نطلعه من الحجز روح ويانا...
رائد يهز راسه .. ايه...

ساعه ورجعو البيت .. ومن شافته امه اختلعت ..
ــ ويش فييييك...
سلمان :
ــ يالله يالله
زهرا :
ــ يا رجى الله تفضل ..
سلمان : ــ مافيه الا العافيه .. حادث والله سلم عمره لا تخافو .. رقبته بس وشوية رضوض يبغى له راحه...
حيدر :
ــ تسلم وما تقصر يعطيك العافيه وين نطلع من جمايلك اصيل والله
سلمان :
ــ ولوو ما سوينا شي ... يللا مع السلامه
زهرا :
ــ حياك الله رحم الله والديك .. يطول بعمرك
سلمان : ــ ووالديكم الله يحييش خيه . امان الكريم
ــ حياك الله..

ركب رائد غرفته وانسدح .. والنوم مجافي عينه.. الا اذان الفجر يرن صوته في اذونه..
رائد :
ــ اذن .. اااه .. ولا غفت عيني .. متى تطلع الشمس .. متى اروح لك يا فارس ..
وغطى وجهه بكفوفه ..
ــ وحشتني .. اعذرني ..
وقام وصلى ..وصار ينتظر الشمس تطلع ويتصل حيدر عليه ,,

موعدين مهمين في بيت ابو رائد.. اولهم تحليل رؤى .. اللي طلعت من الصبح مع امها وحمزه وامه ,, وطول المشوار تفكر في رائد درت منه انه بيروح لفارس .. وكلما تكلم حمزه وسمعت صوته تحس بضيقه مهي طبيعيه .. ولاهي قادره تتكيف مع الوضع..رفت عينها وطالعت حمزه وبغصه :
ــ ااااه مصيلي اتكيف عليك,,,

وبالطرف الثاني .. رائد وحيدر وسلمان ورضا وفاضل راحو القسم بيطلعو فارس اللي كان ينتظر هاللحظه بفارغ الصبر ..
وصلو دخل رضا للضابط اللي عطى فارس تصريح بالخروج ..
راحو له حيدر وسلمان..
رائد واقف بعيد ..
طلع فارس .. حضنه سلمان تالي حيدر اللي حضنه بالقوه وفرحه.. فارس مغمض عيونه وهو حاضن حيدر .. فتحها لقى رائد واقف على بعد مترين ..
فارس مهو مصدق نظرته فرحانه .. وبعده شابك حيدر ...
تركه حيدر وانتبه له يطالع وراه ووجهه مفهي وحالته مهي طبيعيه وابتسامته من الأذون للأذون...
رائد يتأمل وبإبتسامه والدموع في عيونه طاغيه ... و كل واحد اتجه للثاني وبالأحضان ...

والى اللقاء مع الجزء الأخير:cool:

وااااو

جزء روعه الله يعطيك العافيه على الجزء

اذا خلصتي الجزء الاخير

ارجوك بدي قصه جديده


الله يعطيك العافيه

يسلموا