ضعنا يا صبرنا...

مســــــــــــــــــاء الخيرااات ،،
خيهـ بـ صراحهـ ،،
حقكـ و إلكـ ،،
و الغلط غلطها ،،
و تتحمل إلي يجيها ،،
و زين سويتي ،،
تصرف حكيم ،،
و بـ إنتظار الجديد ،،
خااالص التحااااياااا ،،
للدموع إحساس ،،

لآآآ والله يآلغلآ منتي غلطآآنه
الغلط غلطهآ ..
وردك كآن بأسلوب لبق
مآنطيتي عليهآ وشتمتيهآ <0000أخلآآآق فديتك..
وكل التبريرآت اللي ذكرتهم مآيدخلو المخ !
هسآلفه دكرتني بسآلفة الخآطرهـ : (
مبروك غنآتو أخذتي حقك
ننتظر جديدك قلبوو
تحيآتون
ضحكوهـ البطه

زين سويتي فيها خيتو اموووره وعين العقل
وتستاهل كل اللي يجيها وخلها تزعل بالطقاق :mesb: هع هع

اسمحي لينا شكلها انقلبت الصفحات الحاليه الى ابراء الذمه وآخذ الثار من اللي ينسخو شي مو تعبهم وينسبوها اليهم دون استئذان بجد الوضع يقهر ويحز بالنفس :angry:
الله يعطيش العافية ما قصرتي صج قدها وقدووود

وما اقول الا الله اقوى على الظالم من هيك عمايل
( انقلبت مصري لو سوري هههههه )

وننتظر البارت بفارغ الصبر
والله يساعدش غاليه

عجبني ردش امورة
وهم شي انك تاخدي حقك

للاسف النقل صاير عادة عن الناس
حتى المواضيع في كل المنتديات نفسها تقريباً
الا مارحم ربي ورزق المنتدى بأقلام ذهبية
تكتب من بنات افكارها

انا مابغا اعقب على الموضوع واجد لان هذا مو كان حل مشاكل او ماشابه
والمهم الحين انك اختي حقك
وزي ماقلتي ماضاق حق وراه مطالب

خيتو اميرة
اتوقع لو احد بيطلب نسخها << انك مابتعارضي صح
وتوقع لو احد نسخها من دون علمك وكتب انها من قول من شبكة الناصرة
او كتب بقلم المبدعة اميرة المرح << ايضاً مابتعارضي
يعني ماحد ليه حجة عليكي
بنتظار البارت خيتو

كًأأأنهـ بآآآآآآآقـ ي شـ ـؤوي وأذّن
لحين ماجابو الفلم
<< شكله قيد الانشاء
بالانتظار خيتو على احر من النعس

كيفيش خيتو وكل عام وانت بخير
شكل القصه روعه كاالقصتين السابقتين
ان شاء الله اقراها في اقرب فرصه
وانتي ماغلطتي ولاشي اخذتي حقش بايدش
وموفقه لكل خير
تحياتي
اختك زهرة

مرحبا
يعطيكم الف عافيه
وتسلمو على الراي والوقفه .. لا عدمتكم..
خيو الناري.. كلامك صحيح.. بس مين اللي شفته استأذن..؟؟؟
ولا احد.. !!
تجيني اخبار النقل صفعات.. الحين ذكرو منقول .. اما اول روايه لي صدت واحد ماذكر منقول وعلى انها له يعني سرقه ادبيه بحته.. بس ويش تقول .. بيني وبينهم الصراط يوم القيامه.. والله حسيب..
زهرة القلوب.. ياهلا بهالطله نورتي ان شالله تعجبش مثل اللي سبقوها..
وتركيز اكثر ياجماعه
الجوال اللي يرن كان لعلي لما تضايق من ريما وسكر عليه الباب .. مو لأشرف..

وعذرا على الغلط المطبعي في اخر الجزء تم تعديله مع بداية هالجزء..

تفضلوو.. وعذرا عالتأخير << نامت و توها قاعده :toung::embarrest:..

الحلقة 42



على منامه .. جواله .. كان يولع ويطفي .. يعني مكالمه او رساله
راح له.. لقى مكالمه من رقم غريب .. وشوي رساله فتحها... وقعد يقراها ...
وهو منصرع... وقعد على منامه .... وعلى طول اتصل بالرقم...

رد عليه مصري..
ــ ايوا..
علي بأستغراب:
ــ مين معاي..؟؟
المصري:
ــ اهلا .. معاك الدكتور محمد .. انت علي؟؟
علي : ــ ايه... ويش صاير اشوف رساله عرفت انها من شخص اعرفه ويش السالفه..
ــ تأدر تقي مستشفى الـ... اصل امجد متنوم عندنا وعاوز يشوفك..
ــ خير ان شالله.. عساه خير...

سكر علي وفي باله مليون الف سؤال... ياترى حميد من متى في المستشفى .. والحين ويش فيه هل حالته رجعت .. وويش يبغى منه .. و و...

قطع هالتفكير صوت بابه يطق ... دخلت ليلى....
ــ ويش فيك ياخوي هربت لهالمجلس...
ــ من اختش وهدرتها الفاضيه..
ــ ايه سمعتها اني..
وقعدت جنبه وبهداوه..
ــ صارحني غناتي.. انت ماتبغى زينب.. ما هي في بالك... البنيه مانبغاها تفكر فيك زياده.. علمني ريح روحك وريحها..
علي بتوتر:
ــ بالصراحه.. ايه.. مابغاها.. بس ساكت على شان امي و خالي .. وكل مره اقول الله يحين اليوم اللي ما بسكت فيه وباقول .. بس مانا عارف .. خصوصا انكم مصورين لي انها متعلقه فيني .. والله زينب مافيها عيب .. بنيه اخلاق وذوق و فوق هذا جمال.. بس انا احس نفسي اخوها .. مانا حاطنها في بالي زوجه الله يوفقها ويسعدها مع غيري.. مو عارف ويش اقول .. وخايف لا اجرح مشاعرها ..
ليلى ./
ــ لا ياخوي هذا حقك مافي شي غصب.. وزينب خليها علي اعرف ليها.. والله ان شاء بيوفقها ويا ولد الحلال اللي يسعدها...
ــ يارب ياكريم.
ــ مممممم فيك شي غير سالفة زينب.. اسمح لي يعني قبل لا ادخل سمعتك وانت تكلم جوال .. ويش صاير .. اذا ما يضايقك اعرف ..؟؟
ــ لااا شدعوه غناتي انتين الغاليه و اللي مالي غيرها تسمعني..
وبخوف وقلق..
ــ حميد.. سالفته سالفه..
ليلى بدون شي ما تطيقه بعد من درت به سبب رمية اخوها بالحبوس زادت عليه..
ــ ويش فيه دا بعد..؟؟
علي شارد ذهنه..
ــ اقول لش سااالفته سالفه.. بالمستشفى الحين هو ويبغى يشوفني..
ــ ياساتر ويش فيه..؟؟
ــ تدري انا بنفجر باقول لش سالفته كلها..
ــ سلامتك ياخوي .. فضفض قول..
وصار يقص ليها قصة حميد من اولها....



ام علي ..
ــ وين اختش واخوش..؟؟
ريما :
ــ وينا بعد في المجلس .. مسوين اجتماع مغلق..
ــ هههههههه يالله تحفظهم وتخليهم لبعض
ريما بدلع:
ــ وتخلييني لو بت البطه السودا..؟؟؟
ــ ههههههههه .. استحي مو اني بطه سودا.. ولا يهمش ويخليش ويهديش..
ــ كافره!!
ــ يؤ استغفر الله تشيه الهدايه بس للكفار..
ابو علي قاعد يعض في البطاريه حقت الريموت:
ــ اهوو تركيها عنش وتعالي شوفي لي بتري غير هالبتري تكسرت ضروسي ولا هو راضي يشتغل
ام علي وهي تدور بطاريه :
ــ الا مين المتصل مكحين؟؟
ريما:
ــ ايه صح.. ساره متصله تعزمنا على العشا جلسة بنات ليلة الجمعه.. وتالي علا بتجي الليله بتزورنا..
ام علي:
ــ حلاوتهم هالبنات .. يالله تحرسهم وترفع حظهم..
ريما : ــ تشيه طايح؟؟
ابو علي:
ــ هههههههههه ويش عرفش .. دي للي مو متزوجات هالدعوه..
ريما : ــ يعني الرجل يرفع الحظ...؟؟
ام علي :
ــ ياربي بتقعد تحقق في هالدعوه لبكره.. خلاص اسحبها ..
ريما : ــ ههههههه احسن لأنها مادخلت مزاجي..
ابو علي:
ــ ياساتر على مزاجش... يللاااا يا ام علي وين البطاريه
ام علي في ايدها ثنتين:
ــ حصلت ثنتين جرب
جربهم ما اشتغلو..
ابو علي محمق:
ــ اهوووو روحي اسلقيهم
ريما تسخر:
ــ بجينا تسمم الصفاري كلها بطاريات
ابو علي يضحك وبسخريه اعظم منها:
ــ بلاش ماتدري امش مخصصه صفريه بس لسلاق البتاري
ريما : ــ هههههههههههههههههه ابووو البطررر
ام علي : ــ ويش مفكررره اجل...

تابع>>

عادل :
ــ امماااااه .. نعاااالي
ام عادل تخيط سروال عادل المنشق:
ــ ويش فيه بعد .. ياربي ماني عارفه شيفا ارقع لك هالسروال
عصبت ام عادل وشقته زياده..
ــ خله بيز امش فيه الزيوت في المطبخ..
عادل شهق شهقه..
ــ ووووووووووووووووويلي سررررواااالي .. واااسروااالااااه
ام عادل فتحت عيونها..
ــ وااكفاااه .. وااادستاااه.. استح على وجهك واعقل..
ــ ههههههههههه نعععااالي خيطيييه..
ام عادل بأستياء:
ــ خراز قالو لك اخيطه.. روح لا اساطر بك.. ويش فيه بعد..؟؟؟
ــ شوووفيه فااااتتتح بوووزه..
ــ هههههههههههه غربال... ارميه وبكره اشتري لك جديد..
ــ وووويش يصصصبرررني لبكررره تبغيييني ما اطلللع لا المغرررب ولا اللليييل..
ــ اركد شوي وايد عليك طفرات..
ــ اوووووووف .. اففففااادي بصصصصاااالللوووونه
ام عادل بأستغراب:
ــ ياسااتر .. توك متغدي ويش جيبها على بالك..
ــ افففاااادي فيييهااااااااااا
ــ ياعلي .. اشك في بطنك دود.. بلع بلع ولا انت راضي تتغير..
ــ احسسسديييني
ــ هههههههههههه ويولوموني فيك...
عادل يكمل الجمله بهدوء وانكسار..
ــ ويقققوولوو مينننووون وما افهههم..
ام عادل عورها قلبها على ولدها..
ــ وعلى قلبي امي.. سيد الفاهمين انت .. الله لا يحرمني منك.. الفلاجه فيها صفريه صغيره فيها صالونه اصخنها لك ولا يهمك..

صختها له وحطتها في طاسه ويا الخبز
وهو يطالع تلفزيون... ما سمعته الا يتغزل في الطاسه..
ــ طاااسه.. بطاااااطسه فيها غطااااااسه.. ولححححمتووون .. كوسااايتووون .. امااااااااه مافي ابو العبييييييد << يقصد الباذنجان..
ام عادل تفهم لولدها :
ــ خلص ياولدي..
ــ اووهوووووووو احبه اناااا.. افففففف.. خساااااااره...

شوي رفع الطاسه وصار يشرب..
ام عادل:
ــ خنااقه تشيه شوربه..
ــ اككككككلت ككل الخضررره باقي المرررق ..
ــ ويلي على بطنك ويلي ..
ــ اررروح الحمااام وخلللصصصت السااالفه
ــ ههههههههه غربال..


ليلى :
ــ يالله.. قالت لي زينب ..و ماصدقت.. كل هذا صار له وساكت كل هالسنين.. الله عالظالم.. ماني قادره اتصور..
ــ زينب اكيد جاسموه قال ليها... شفتي ياخيه.. انا كاسر خاطري بنفس الوقت الومه.. مو عارف اوصف مشاعري ناحيته..
ــ دنيا قاسيه.. والأقسى انه يطلع من البذر الخبيث ثمر طيب يعاني ويقاسي دعاوي الناس وكرههم وياخوفي تطلع فيهم الحوبه..
علي مو فاهم..
ــ مين تقصدي؟؟
ــ ايه ياخوي.. ولاد ابو مالك.. مافي منهم.. مالك وعلا وقفو ويانا وقفه وانت غايب مايوقفها أي واحد.. وماقصرو..
ــ والله !!
ــ ايه وربي يشهد.. وحتى الحين مرت ابوهم خوش انسانه.. الله عامي على قلب ابو مالك ياليت لو ينهدي ويتغير حاله..
ــ لو بيتغير تغير ..
ــ انك لا تهدي من احببت ولكن الله يهدي من يشاء..
ــ والنعم بالله.. المهم ياخيه باقوم الحين ببدل وباروح اشوف حميد واخباره وويش فيه بالضبط..
ــ خير ان شالله.. رجعتك لينا جيب وياك عصير بتجي الليله علا..
ــ ان شالله.. ذكريني لكن يمكن انسى..
ــ زين..


علا تكلم امل جوال:
ــ اخباااركم وحشتووووووووني ويش مسوي سجاد..؟؟
امل في امريكا:
ــ الحمدلله انتون اكثر .. هذا احنا نخلص اجراءات وتحاليل وان شالله كم يوم ويقررو موعد العمليه وعساه خير..
ــ ياارب خيرر تسلم عليش سوسن ..
ــ الله يسلمش وياها من الشر سلمي عليها انتين بعد
ــ يووصل .. يللا مع السلامه و سلمي على حسين وعلى سجادي..
ــ يوصل غناتي.. الله يسلمش..

سكرت علا ..
والتفت على سوسن لقتها غافيه.. تنهدت وفي بالها..
ــ ربي مايحرمني منش ويسهل عليش..
الا جوال سوسن يرن .. وكان صامت...
انتبهت علا لقته هشام..
مكالمه.. مكالمتين .. ثلاث..
شوي رن جوالها في ايدها.. طلعت به بالسرعه من الغرفه لا تقعد سوسن.. الا هو هشام..
علا في بالها:
ــ ويش فيه هذا.. لويه متصل .. ياربي كنه مصخها..!!
قفلت في وجهه
..هشام انصرع..
ــ ياربي ويش فيها اختي ودي كل ما تعطيني وجه ويش مسوي ليها..
شوي صار يفكر في باله..
ــ كني مصختها.. بس والله مو قصدي خايف على اختي ومين اللي يطمني عليها..
ابليس يلعب في راسه..
ــ بس بعد تبغى تسمع صوت علا .. وتسأل عن اخبارها.. لا تنكر..
صار يتعوذ من الشيطان.. فتح رساله جديده وكتب..
ــ اسف على الأزعاج خيه بس ويش فيها سوسن ماترد هوستني عليها متصل ابغاها اذا هي وياش..
وارسل الرساله..
علا في الصاله قعدت ويا عمتها سميره.. الا بالرساله جايه..
سميره تطالع في علا انتبهت ليها وهي نازله من الدرج جوالها يرن وتالي سكت شكلها عطت المتصل بزي والحين رساله.. وملامح علا مهي طبيعيه وهي تقراها.. وصارت ترد على الرساله..
ــ ياهلا ياخوي.. سوسن مافيها الا العافيه بس نايمه وجوالها صامت..
ورسلت له...
سميره بدت تضرب شكوك وبليس يلعب في راسها..
ــ الله يستر منش ياعلوه ويش وراش ..؟؟ وويش سر هالمكالمات وهالرسايل..
علا حطت جوالها على الكنب وقامت..
ــ باسوي لي عصير ليمون تبغي اعصر لش وياي..
سميره ماتبغى بس تبغى علا تطول لغايه في نفسها:
ــ ايه سوي لي..
راحت علا المطبخ بتسوي..
سميره خطفت الجوال بتفتحه تشوف ..
الا عليه قفل وكلمة مرور..
سميره بقهر:
ــ لاااااااا السالفه فيها ان.. لويه قفل بعد.. هين ياعلا .. ابوش يبغى له يتصرف وياش قبل لا تكبر السالفه... وتسوي لينا فضايح..

ام مؤيد..
ــ ياولدي فكر.. عندك هالشهر صفر الحرام .. اول ربيع بنروح نخطبها لك..
ــ اماااه مو جاي على بالي وكل مره تجيبو لي وحده ورايي واحد ما اغيره..
ساره:
ــ دي ياخوي غيرهم كلهم.. دي ظروفها زي ظروفك.. انت فقدت مرتك.. هي فقدت خطيبها.. ثنينكم بتفهمو مشاعر بعض ومتأكده بتحبو بعض.. ليلى مافي منها .. بنيه اخلاق وذوق والتزام .. ونعومه وشطاره .. ربة بيت و عقل .. والله ما تتعوض ولا تتلاقى بسهوله..
مؤيد ساكت..
ام مؤيد..
ــ هي بتجي يوم الخميس ويا اختها .. قلنا ليهم عزومة بنات على شان لا يستحو.. بنخلي ليلى في المجلس شوي لحالها ويا اختك وباخذ اختها وياي دقايق .. شوفها من النافذه نظره شرعيه ..
مؤيد فتح عيونه:
ــ تشيه حرااامي..!! مو حراام؟؟
ــ لا ياولدي مو حرام.. اذا نيتك خطوبه مو شي ثاني.. بس طله احسن من تالي ماتعجبك اذا شفتها وهي تدري وتجرحها بتغيير رايك..
مؤيد: ــ مابغى اشوف شي .. ولا شي .. وخلوني بحالي..
ام مؤيد صارت تصيح:
ــ على شان خاطري.. خليني افرح فيك.. ياولدي ماعندي غيرك سند بهالدنيا.. والبنيه مايعيبها شي .. فكر داخله عليك بالله ومحمد وعلي..
ــ يااااااعلي امااه.. تجبريني بهالكلام اسوي شي فوق طاقتي
ساره:
ــ لافوق طاقتك ولا شي.. فكر ياخوي.. هذي مو زي البنات اللي تلاقيهم لك ناديه.. ناديه يهمها الشكل اكثر من الجوهر .. وربي مابتندم .. بس فكر..
مؤيد يبغى يغير السالفه:
ــ الا ويش اخبار ناديه..؟
ساره: ــ ياعلي منك.. متحايل وتعرف كيفا تهرب.. الحمدلله .. الله يعينها على شغل رجلها والبٌعد.. ويساعدها على الثنائي المرح..فكر ياخوي تكفى زين..
مؤيد يرجع يهرب من الموضوع:
ــ وحشتني جوودوو خبري بها من اسبوع ..
ام مؤيد..
ــ ياغناتي .. الله يخلي الباسنجر حقكم ..
ساره : ــ الماسنجر اماااه..
ــ ايه.. حلاوته يخلينا نشوفها ونكلمها... تشنه جني
مؤيد: ــ ههههههههه العلم يسوي الهوايل يمااه..
ساره تطالع في مؤيد على جنب: ــ اقوول.. فكر بس فكر..
مؤيد ابتسم:
ــ عساه خير..

تابع>>

ناصر يفكر في كلام عادل وكل شوي يضحك ويا روحه..
ــ والله منت هين يابو شريف..
ناصر يحوس في جواله وجايتنه الحومه.. ابتسم بخباثه..
ــ خلني اتعيلف..
كتب رساله ورسلها لأشرف..
اشرف منسدح على سريره ويفكر في كلام عادلوه وكيف متغير عليه.. وفي جاسم اللي طلع بهالمصيبه .. وفي زينب اللي لحست مخه.. مو عارف يفكر في ويه لو ويه.. الا بصوت المسج..
فتحه ..
ــ هلااا روميوو... ويش عندك الليله؟؟
اشرف رفع حاجب وحاجب وبأستغراب.. اتصل على ناصر..
ناصر: ــ هلااا روميووووووو
اشرف : ــ هلااا ماعندك رصيد..؟؟ وروميو ويه.. روميو في عينك..
ــ هههههههههه لا عندي .. بس قلت اتعيلف برساله..
ــ وجهك.. ماعندي شي .. ليش ويش ناوي؟؟
ــ بنسهر في المزرعه.. ما بتجي ويانا.؟؟
ــ مادري بس ماتوقع..
ــ ايه يارووميووووو اللي ماخذ عقلك..
ــ ناصروه ووجع.. ويش فيك..
ــ احم.. ولا شي .. الله لينا.. يعطينا مما عطاكم..
ــ لا حول الله.. ما تتكلم عدل؟
ــ ليش مقلووب.. ههااااااااي..
ــ بايخ..
ــ ادري .. مالك خلقي الحين.. اخليك ويا افكارك
اشرف حاس ان ناصر عارف شي من كلامه مبين..
ــ ناصروه.. ويش سالفتك؟؟
ــ خخخخخ اسال عادلوه..
ــ اهاااااااا.. حسبي الله عليه.. لا تصدقه ترى شداب..
ــ ليش ويش قال على شان اقول عنه شداب..!!
ــ هااا...
ــ ههههههههه اقول روح نام واحلم بس ياعنتر
ــ عنتر في عينك ..
ــ هههههههه روميو وما تبغى عنتر وماتبغى ولا يهمك يا قيس بن الملوح
ــ لوح اللي يلوحك فارق بس يللا .
ــ ههههههههههه افااا .. قالوها من شاف احبابه نسى اصحابه..
ــ ناصررررروه..
ــ ههههههههههه يماااااه يالبع بع,, خلاص خلاص .. باي نشوفك على خير..
ــ باي..
سكر اشرف الجوال ورماه على جنب..
ــ هين يا عادلوه.. سويتها فيني.. ماعليه اراويك..



في المستشفى...
دخل علي على حميد اللي كان في وضع شبه حرج..
ــ عطاك الله العافيه..
حميد من شاف علي قام بيقعد..
علي يمسكه ويسدحه..
ــ لالا خليك مرتاح..
حميد بنظرات حزينه تكسرها ابتسامة فرح..
ــ هلا فيك ياخوي.. كنت حاس انك مابتردني وبتجيني..
ــ افا عليك مهما كان.. اخبارك الحين ويش فيك.؟؟
ــ زي ما انت شايف .. رجعت حالتي ..
ــ الله يفرجها.. الله كريم..
ــ يارب..
حميد وبصوت متقطع ..
ــ علي .. طلبتك...
الى الملتقى

صبـــــــــــــــــــاح الخيرآآآآآآآآآآت ،،
ياعلي خيووووهـ ،،
حممممممممممممممممممممممممماس ،،
ما عندي صبر ،،
و اللهـ حلاة بيت أبو علي اللهـ يديم عليهم الراحهـ ،،
أقول مؤيد يااللهـ حيهـ ،، << وأخيراً بـ تنفرج ،،
و مالكـ متى بيرجع ما خلص دراسهـ لهـ ؟؟!
و ناصروهـ ،، تصقع إبليسهـ ،،
بس لو أني و ياهم كان أمسكـ شراشف مسكهـ عددددلهـ ،، هع هع
و حمييييد وش بيطلب من علي ؟؟!
معقولهـ بيقول لهـ يروح يكلم أخوهـ أبو مالكـ ؟؟!
بـ الأنتظار على أحر من الجمر ،،
و يعطيكـ ربي ألف ألف عاااافيهـ ،،
و عســـــــــــــــاكـ عاالقوة ،،
خااالص التحاااياااا ،،
للدموع إحساس ،،

روعة روعة روعة روعة

الجزء رووووووووووووووووووووووووعه

وعادلوه خخخخخخخخخ انعالي فتح بوزه<<<<<<<<<جوعان خخخخخخ

وش صاير ويا حميد<<<<امجد<<<<<ما احبه

ويعطيك العافية

http://m002.maktoob.com/alfrasha/up/...9273237644.gif

گـ نسمةِ ـآلهوآء ـآلطـلقِ
وبحـور هآجت مع ـآنيهـآ
گِتَآبَآتِگِ..]~

أميـــرة المرح//
گــنت أتآبع بهدوٍِوٍِءٍ خ ـلف الگـوآليس
ولگـني لم أستطـع الوٍِقوٍِف في الخ ـلف
ح ـتى قررت أن أسج ـل في هذآ الصرح وأبدي رأيي ,,

گـلمه بسيطـه//
صحيح أن شبكة الناصره لا تدعم خ ـآصية النسخ
ولگـن المتــصفح فآيرفوٍِگـس يفع ـل ,,

//
\\
//
أنتــظرُ الج ـزء الج ـديد
لآ تطوٍِلي ع ـلينآ,,
http://m002.maktoob.com/alfrasha/up/...9273237644.gif