اطلب رأي اجمهورررر .....؟؟؟؟

بالتوفيق يارب أنا مستعدة لأي خدمة

بسم الله الرحمن الرحيم
يسلموو خيتو روح البراءه
اتعبتش معاي
تحياتي
ريووش

السلامـ عليكمـ
اول شي
متباركين بالمولد:bigsmile:كل عام وانتو يخير
الصراحة لما كنت اتكلم مع وحدة من صاحباتي كلمتني في مشكله
وقلت لها بالموضوع حبت اكتبها كان عدكمـ حل
والمشكله انها اصغر وحدة في بيتهمـ
وكل شي:لا اهي الصغيرة
مايصير انتي صغيرة
رغم ان عمرها 16 سنة تقريبا
وفي كل شي محتقرة وماليها معنى
بحجة انها صغيرة
لا اراء ولانقااش ولاشي
حتى الى الحين
احسها ماعدها ثقة بنفسها
وخجووله
ولاتحب تنااقش
هذي المشكله بختصاار
مشكوورين مقدما:bigsmile:
تحياتي
ريحانو

مرحبا غاليتي روح وريحان

وأنتي بعد متباركه بالمولد

يارب يقضي حوائجنا وحوائج جميع المؤمنين والمؤمنات

بحق ميلاده الشريف


بس عندي سؤال غاليتي

هل حاولت أنها تتكلم مع أحد من أهلها وتقول ألهم عن مشكلتها

معاهم

يمكن هم ماهم منتبهين الى الي يسوونه

ممكن جواب

ريوشه حبيبتي

فيه تسجيل للمستوى الثاني في الأحساء بس تدرسي

السمستر الثاني

على ماسمعت

بسم الله الرحمن الرحيم
مشكووووووووووووووره حبيبتي روح البراءه
بجد فرحتيني حييييييييييييييييييييل
الله يعطيش العافيه خيتو
تحياتي
ريوووش

بالتوفيق يارب للجميع

وأنا في الخدمة

ياهلا فيكمـ
مشكوورة اختي
على الجواب
لكنـ اهي محتقرة في البيت
ورايها مو مهم زي ماقلت
ولاعمرها كلمت وحدة من خواتها او امها في خصوصيات

بسم الله الرحمن الرحيم
عذرا على التدخل خواتي
طيب خيتو روح وريحان
لازم احنا نغير من اسلوبنا صح
خليها تتكلم مع اهلها وتشوف قبل النتيجه
وترى انا بعد اعاني من مشكله اني ماكلم اهلي ابدا ولا في اي شي
بس انا اكافح اني اتغير
ومع اني اعاني صعوبات حيل ودائما يقولون لي ام لسان طويل
مع اني ماقول الا الحق
فهم نظروا للوجه السلبي لي ومانظروا للوجه الايجابي اني بدأت اتكلم معاهم ولو بشكل قليل
فهم كذه رجعوني للخلف
ولكن بسبب دعم الاصدقاء لي انا مستمره في هالطريق
فانتي حاولي تدعمينها وعارفه انش ماراح تقصرين معاها انها تتغير معاهم
خليها مثل ماقالت روح البراءه تتكلم معاهم ولو بشكل قليل
وتشاركهم مشكلتها بدل ما اهي حاطه في بالها انها محتقره ورايها بعد محتقر
عطيها دائما الوجه الايجابي للمشكله
ولاتخلينها تنظر للوجه السلبي لها لانه راح يخوفها اكثر واكثر
اسفه على الازعاج
وانتظري خيتو بعد شوي عشان تسمعين راي بحر الشوق
لانه حكيم جدا
وراح يساعدش حيل في هالمشكله ذي
بس الظاهر اهو مشغول اشوي فما دخل المنتدى هاليومين
صبري وشوفي رايه لان اراءنا كلنا راح انشاء الله نتوصل لحل فليس هناك مشكله ليس لها حل
تحياتي
ريوووش

مشكوورة اختي
الريشة الناعمة
على الحل
عطاج الله العافية
مادري كيف كلامج عطاني تفاءل لمشكلتها
مشكوورة على الاهتمامـ
اني للحد الحين واني اقنعها
بسـ للاسف الصراحة
اهلها كلش مايسااعدوا
بس هذاني احااول
وننتظر رااي بحر الشوق بعد
تحياتي
ريحانو

بسم الله الرحمن الرحيم
اهلين خيتو روح وريحان
دائما للتفاؤل دور في حل المشاكل
وخليها تبدأ معهاهم من الحين
فكل مابكر الوقت صار احسن
تحياتي
ريوووش

تسلمين ريوشه على الابداع في الرد

وان شاء الله تستفدين خيتو روح وريحان

صحيح دايماحاولي توعيها وتقويها مدام انك صاحبتها

لأن أذاظلت بمثل هذ الحاله

يمكن تبتعد عن أهلها بكل شيء مافي شيء يربطها بهم غير أسمها لأن كذا مثل ماتقولين

ماحد يفهمها ولاحد معتبرنها

طيب مافي أحد من عائلتها تقدري انتي تشرحي اله وضع صاحبتش

تحسينه واعي ويمكن يساعد

لأن مع الأيام أذا ماتقدمت في حل المشكله يمكن تزيد

وتأثر على حالتها النفسيه أكثر

أو خليها تثبت نفسها وانها قد المسؤليه بعمل شيء يمكن اهلها مايتوقعون أنها تقدر تسويه أو تفهمه

خليها هي تبين النضج الي فيها قدامهم

خليها تتوسل بأهل البيت ومرح يخيبونها

وتداوم على قرأءة القرآن ورب العالمين مابخليها

بالتوفيق يارب

بسم الله الرحمن الرحيم
وااااااااو ماشاء الله والله ابداع خيتو روح البراءه
ماتصرين والله
يالله روح وريحان ماباقي الا التنفيذ
( وينك بس يابحر عشان تشوف المبدعين اللي طلعوا وينك بس)
تحياتي
ريووش

تسلمين والله يالغلا بالتوفيق يارب

وبشربينا خيتو روح وريحان اذاصار أي شيء جديد


بنتظار الرد

أختي العزيزة إذا كانوا راغبين في الزواج بشدة يتزوجوا و لا ينجبوا أولاد

بسم الله الرحمن الرحيم
عذرا خيتو perfeem
ممكن توضحين اكثر حبيبتي
تحياتي
ريوووش

بسم الله الرحمن الرحيم
اللهم صل على محمد وعلى ال محمد الطيبين الطاهرين

مرحبا..

الريشة الناعمة..:amuse:
روح البراءة..:amuse:
روح وريحان..:amuse:

اسف كثيرا لعدم تواجدي بينكم ومشاركتكم في الفترة الاخيرة..
بسبب انشغالي ولكن والله ان بالي مع المنتدى..

احب اشارك بشيء بسيط ولو انكن لم تقصروا ابداً واشعر بروح
التكاتف احييكم على ذلك من كل قلبي والابداع باين ياريوووش:amuse:..

اسمحي لي اخيتي روح وريحان يجب عليها بناء ثقتها بنفسها اولاً
لكي تستطيع بناء الاشياء الاخرى لأن امور ومجرى الحياة تتطلبان
شخصية تتماشى معهم ، واما عن عمرها فهي نعم صغيرة في العمر
طبعاً مقارنه باعمار اخواتها يمكن الي اكبر منها علطول اكبر منها
بعشر سنين احتمال يعني فهذا يؤخذ بعين الاعتبار..
وانا واثق من ان انتي تستطيعين كشف الطريق الصحيح لان انتي
ربما تشبهينها في اشياء واذا كان العكس فانت صديقتها امسكي
بيدها واديري عتلت الحياة في عينها ..

و اسف على القصور خواتي و مسامحة..


:embarrest:
بحر

بسم الله الرحمن الرحيم
واخييييييييييرا تفضلت علينا خيو بحووووووور
ترانا احتلينا الموضوع بتاعك
وطبعا مهما هذرنا وتكلمنا ماراح يكون كلامنا فوق كلامك فانت صاحب الحكمه اولا واخرا
ربي لايحرمنا من طلتك خيو
تحياتي
ريوووش

بسم الله الرحمن الرحيم
اللهم صل على محمد وعلى ال محمد الطيبين الطاهرين

:embarrest: تسلمين يريشه ناعمة وكلك ذوق
وانتم من تفضلتم علي بثقتكم وتواجدكم
السخي دائماً..
لا خلنا الله من قلمك الرقيق والرائع ابداً..

بحر

الصراحة
ماعرف شلون اشكركـ على تعاونكمـ ويااااي
اخوي
بحر الشوق
روح البراءة
الريشة الناعمه
ماقصرتوا ابدا
مشكوورين وعطاكمـ الله العافية
افدوني والله
اخوي بحر الشوق
اي والله اكبر منها بواجد
اكبر خت عدها
اكبر منها بـ15 سنة

انشااء الله نحاول نحل المشكله
تحياتي
روح وريحان

بسم الله الرحمن الرحيم
موفقه ياخيتو روح وريحان
واحنا ماراح نقصر بالدعا انشالله
تحياتي
ريوووش

السلام عليكم ورحمة الله وبركاته
انا حبيت اطرح مشكلة صديقه عندي في الكليه مع انها طيوبه وحبوبه وكثير على نياتها دائما تتمنى تكون ولد
وبعد تعمق علاقتي بها (سنتان) استطعت اقناعها بان تعدل عن ماتتمنى
بغض النظر عن اسباب ليش تبي تكون ولد وفعلا استجابت وبعدها صارت تقول تتمنى تكون كذلك بحكم انها
عاشت مع اولاد مع انها عندها خوات 2 واهي 3
هم رجعت كلمتها عن خواتها قالت اختها الكبيرة تزوجت من زمان واهي كانت صغيرة واختها الثانيه
مالها علاقه بها (رغم انها تكبرها بسنه) وانها دائما تكون مع اخوانها
هده مبرراتها لي ورغم دلك اقنعتها انها بنت مو ولد واحسسسها استجابت لي كثير بس ما ادري رجعت على اخر السنه
نفس اولوبحماس ورغم ذلك لم اتركها
أخيرا اعترفت بالسبب الحقيقي ولم تخبرني به مباشره بل اخبرت صديقه اخرى لتخبرني (صارت تستحي مني تقول شخصيتي قويه)والسبب انها تتعرض لمضايقات من اخيها ولما تكون ولد تقدر تدافع ولما تكون بنت ماتقدر لان في نظرها لو كانت بنت لازم تكون ضعيفه مهزومه وهنا تلخبطت عليه الامورصارت مشكلتين قلت لها انتي كدا ولاكدا بنت وقلت لها تخبر امها عن اخوهاقالت انها خبرت امها ولاحياة لمن تنادي انزين ابوك؟ قالت درى وكلمته مو مسموعه في البيت .. طيب اختك المتزوجه تكلم اخوك ؟؟ استحي (ولد ولد وفوق هدا ما عندها جرأة تتكلم وخاصه ادا يخص البنت)
وبعدين تقول عرفتي ليش ابي اصير ولد
كل الطرق خلصت وياها اتمنى تساعدوني في حل مشكلتها ادري ماتقصرون
اسفه على الاطاله بس حبيت انقل الموضوع من البدايه عشان يكون الحل اوضح
الله يكفيكم الشر ويبعد عنكم البلا

بسم الله الرحمن الرحيم
اهلين خيتو توته وبنوته
امممممممممممممم حابه اساعدش حيييييييل واساعد صديقتش
وعلى فكره انتي فعلا صديقه مخلصه لانش ماتركتيها واهنيش على هالشي وياريت الكل مثلش
المهم
بصراحه الموضوع ماينسكت عنه ابدا ابدا لانه يمكن يتطور وبعدين ماتفع ياليت
وقبل لانسوي شي
لازم نتاكد من المضايقات اللي تقول عنها يمكن اهي فاهمه الموضوع غلط
يمكن يبيها تتقرب منهم او شي واهي مافهمت هالشي
فحاولي انتي تفاتحينها بالموضوع وتعرفين نوع المضايقات يمكن يمزح معاها او يتميلق عليها
كل الاخوان كذه يمكن اهي مو فاهمه عدل وانا ماقصد الاهانه طبعا
فتاكدي قبل مانسوي شي وبعدين يطلع شي ثاني
وربي يكون بالعون
تقبلي رايي وانشالله مايصير الاالخير
تحياتي وبالتوفيق
ريوووش

عندي مشكلة
ساعدووووووني بلييييييييز
احس اني كئيبة
وزهقانة
وفي فراغ كبير في داخلي و اشعر بالوحدة على رغم كثر اصدقائي واقاربي من حولي
وصايرة هـ الأيام على اي شي اصيح
بليييييييييز كيف اغطي الفراغ الي في قلبي
لأن احس الحياة من حولي ما ليها طعم
شكرا لكم مقدما

بسم الله الرحمن الرحيم
هلا وغلاااااااااا خيتو الامل البعيد
ياحيالله من زارنا
امممممممممممممممممممممممممممممممم
طيب غيري من اسلوب حياتج شوي
زوري الاصدقاء
اجل شنو نفعتهم اذا هم اصدقائج واذا كنتي زهقانه ماتروحين لهم ؟؟؟؟
تجمعوا انتوا في بيت وتزاورووا
وناااااااااااااااااسه والله مع الضحك والهبال
حاولي بس تغيرين نط حياتج اليومي وبيطير الزهق والكئابه والفراغ
اتمنى اني ساعتدج عنوني
واذا محتاجه لشي لايردج الا لسانج

نسألكم الدعاء
ريوووش

يسلموووووووووو ريشة وهو الصحيح من جت الإجازة واني ما اشوف اصدقائي
صاير االعكس ايام المدارس كل زيارات والإجازة احس بكتمة لأن كل واحد وعنده اشغاله
هو خلاص الحمد لله المدارس قربت وتالي اكيد بحس بالفرفشة والوناسة
اكره المدرسة بس احب الوناسة والضحك
ههههههههههههه
مشكووووووورة واني اليوم احس حالي احسن

تحيااااااااتي

بسم الله الرحمن الرحيم
العفو خيتو ماسويت شي
والحمد لله دام انش مستانسه
وعساج دووووووووووم على الوناسه
تحياتي
ريوووش

بسم الله الرحمن الرحيم
اللهم صل على محمد وعلى ال محمد الطيبين الطاهرين

اهلا بالجميع..

ماشاء الله والله روعة ..
مشكورة ريووووش فعلاً لم يخطأ ظني..
اتمنى لكم التوفيق..


بحر الشوق

بسم الله الرحمن الرحيم
اهلييييييييييين بحر
واخيرا طليت علينا
والحمد لله ماخيبنا ظنك بس غريبه ماقلت هالريشه ذي احتلت موضوعي مو
والله واحتيناه الله يكون بعونك بس خخخخخخ
تحياتي
ريووووووووش

بسم الله الرحمن الرحيم
اللهم صل على محمد وعلى ال محمد الطيبين الطاهرين

تسلمين اخيه

ريووووش

على مجهودك..
والله يعطيش الف الف الف عافية..



بحر

أخواني
أني عندي مشكلة
مع بنت خالتي
(وطبعا أنتو تعروفوها)
ما أحب أذكر أسماء
كيف ممكن أعطيها مثل ماعططني

ومشكوين
أرجو الرد

بسم الله الرحمن الرحيم
اللهم صل على محمد وعلى ال محمد الطيبين الطاهرين


الاخت الكريمة..

العالم الاخر


العطاء على قدر العطاء..

لم افهم اخيه المغزى من السؤال ..
هل لك بالتوضيح والمطلوب لنساهم في
البحث عن الحل ان كانت مشكلة لا سمح الله ..؟
وان كان على الرد جميل بجميل او صنيع حسن بصنيع
حسن فليس لديك مشكلة بالعكس لو كان العكس!!


بحر الشوق

أقدر جوهودكم
على كل حال أني حليتها
مشكورين وماقصرتو

بسم الله الرحمن الرحيم
اللهم صل على محمد وعلى ال محمد الطيبين الطاهرين


العالم الاخر


بل نحن من يقدر..
تواجدك هنا..
واما عن ابنت خالك فلا داعي
لان تعرفي بنفسك من خلالها
فانت ماشاء الله بدايتك جدا رائعة
واصل وضعك للمسألة ليست الا للتسلية
صح ام لا (الامل البعيد...:bigsmile:
ولكن الحمد لله انها حلت..:weird:
على العموم شكرا للتواجد..

:cool:


بحر الشوق

بسم الله الرحمن الرحيم

اهلا بك اخيه ريووووش ..
واسف على التأخير واريد الاعتذار منك اذا لم اتواجد في الايام الجايه
لظروف شخصية..
لذا ارجو منك وضع الشكوى او المشكلة والاعضاء ماراح اقصروا واي فرصة
راح اكون متواجد لكم..


بحر الشوق

بسم الله الرحمن الرحيم
اهلين خيو وعذرا على الازعاج
بس خلاص عن قريب انشالله راح اعرضها لاني بصراحه
محتاجه رايك بشده ون كان الاعضاء راح يساعدوني بس
هم الاجازه ذي راح تبعد المشكله لانها تقريبا في المدرسه
فخلها بعدين طيب
وعذرا للازعاج مره اخرى خيو
تحياتي واتمنى عودتك للمنتدى سريعا
ريووش

فكره حلووه ومفيده للجميع
وإنـي عندي مشكله حقت صااحبتي
^ـ^
صااحبتي نفس سني أول ثنووي
من قبل كاانت شااطره وماتحب تغيب عن المدرسه أبدا
بس من دخلناا ثنووي صاارت تجيء 2 بالسبوع و3 تغيب
لحد ماغابت أساابيع بالهبل
ولحد مابعدين قررت تغيب من المدرسه
وتنفصل
على قولتهاا تعبت نفسياً
وماتدري تكمل لم أني أكون بالثاني ثنووي ماتدي هي ترجع الدرااسه
ولا تكنسلهاا من أصلهاا
فإني طبعاً كصااحبه معااه منذ الطفووله صرت أكلمهاا في السبووع مره بحيث ماتقول
تعبت وطلعت ومانسئل عنهاا
ومره بالصدفه أمهاا شاافت أمي وقااعدو يسولفو ومن هذا القبيل أمهاا قالت إلى أمي إن بنته يعني صااحبتي
من تسمع إسم مدرسه ولا كتاب ودفتر تصيح تبكي
ليه ماايدرون
؟؟
!!
برأيكم شنوو ننصحهاا
شلون نحبب الدرااسه مرة ثاانيه
شلون نخليهاا ترجع المدرسه
؟؟
عالعموم شااكره لك مقدماً
وأنتظر أراائكم
حكاية حب

بسم الله الرحمن الرحيم
اهلا بمرورك خيتو الحبوبه حكايه حب
بصراحه انا راح اقول اللي هندي واتمنى اني اكون ساعدت شوي
وترى انا بعد صاحبتي عندها نفس المشكله وصاحبتي مو باول ثانوي
لابثالث تخيلي سنه وحده وتتخرج وتتخصص التخصص اللي تحلم به
واهي بعد شاطره ومتفوقه وكانت دائما تنافسني
بس شنسوي حاولنا معاها ونفس مشكلتك ماتحب طاري المدرسه موليه
وعلى العموم اتمنى ان صدقتش ماتطلع من المدرسه ابداا لان هالايام ماتفع غير الشهاده
طيب انتي ساعديها ولاتخلينها ابدا وحاولي كل ماقدرتي كلميها ونصحيها
ومثل ماقلتي اهي دائما تتأثر وتصيح اذا سمعت طاري المدرسه لانها تحب المدرسه
وتتألم لانها طلعت من شي اهي تحبه ومن دون سبب مقنع
واهي بداخلها تبي ترجع الها من كل كل قلبها بس الظاهر اهي خايفه من شي
فانتي بما انتي صديقتها فعليك تساعدينها وتوقفين معاها وتشجعينها
وكسري هالخوف اللي بداخلها طيب وقولي لها مافي شي يسد عن الشهاده هالايام
ومصيرها راح ترجع واهي ماتدري عن الدنيا وشيصير صح
وتكون الفرصه انها تكون معاك احسن من انها تدرس بعدين بدونك ومن دون دعمك
صح حبابه
اتمنى خيتو اني قدرت اوصل لك اللي ابيه ولازم نتلاحق البنت قبل مايفوت الفوت
وتضيع السنه
والمهم انها تتخرج من سنه اولى وتجيب اللي تجيب لانها مو مهمه
المهم سنه ثانيه وثالثه
طب حبابه
واتمنى لكما التوفيق
تحياتي واتمنى من الجميع المشاركه بارائهم
ريووووووووووش

والله كل ماكلمنااهاا
قالت لاتجيبو ليي طااريه قصده المنحسه المدرسه
وسااعات تقول بترجع بعد سنه
يعني إسااساً حراام عليها تضيع سنه وتااريخ بعد من عمرهاا
بس شوو نسووي هي مااتسمع الكلااام بعد
أسااساً صاارت غير بعد إنساانه ثاانيه لاتضحك ولا هم يحزنون داائماً كئيبه
والحزن مغطيهاا
يعني شوو نسووي هذه الحيااه يمكن
^ـ^

بسم الله الرحمن الرحيم
لاياعمري حايه حب
الحياه مو كذه
احنا اللي نخليها تمشي على كيفنا احنا بتصرفاتنا نجني ثمارنا صح
فما ادري بس حزنها يدل على انها تحب المدرسه وفي داخلها شي يقول لها ترجع بس
الظاهر اهي خايفه من شي او احد قايل لها شي
مستحيل اصلا تطلع كذه من دون سبب وخصوصا اذا كانت شاطره
سأليني أنا
فحاولي تدعمينها باللي تقدرين عليه
واتنمنى لكما التوفيق اخيه
تحياتي
ريوووووووش