-
رد: سوالف يدتي الله يرحمها......
هلا ومرحبا بخيتي نوارة الدنيا
السلام عليكم خيي ابو زين
عليكم السلام ورحمة الله وبركاته
سوالفك تسوي سواياها فيني
أهم شي سوايا حليوه وذكريات روعه ان شاء الله
ذكرتني بأيام الوالد الله يرحمه كان يجمعنا حوالين المنقلة
الله يرحمه ويرحم المؤمنين والمؤمنات أجمعين
وكان فيه نشيدة خفيقة يرددها علينا
تدفوا ( تحموا) يا اولادي وباجر حطبوا ..
..أمكم الضبعة وأبوكم شايبُ
عاد الباقي مو حافظتنه
ساعتها حلوة اللبن تقول له اذا انت شايب على هواك اما اني مو ضبعة
هههههههههههههه
حلوه منش خيتي ، صحيح هذي النشيده
حتى يدتي كانت تقولها ...ذكرتني حلوة اللبن بها
ان شاء الله بس ترجع من السفر با أحاول أخليها
تقولها الي
اما بالنسبة للترقص في الخمقات هذي هوايتي المفضلة ايام المطر
مو بس للصبيان
أكييييد الله يرحم زمان أول بس نطلع من المعلم
نروح الغدران صبيان وبنيات وما فيه الا لعب
هههههههههه
مرة من المرات كنا بالمتوسطة والمدرسة بعيدة عن البيت
كان يطيح ذاك المطر القوي
ساعتها خالي جا الينا عشان يوصلنا للبيت
طلعت من المدرسة الا واشوفه قدامي
تغطيت ومشيت تحت المطر وكأني ما شفته
بس عشان اتمشى تحت المطر
بس الله يهديهم السواقين من يمروا علينا رششوا علينا الماي بكفرات السيارة
احسهم يعاندوا
ووصلت البيت الا العباية وزنها 100 كيلو من المطر والخمقات
المهم سويت الي في بالي وما رحت بالسيارة
طلعتي منتي هينه هههههههههه
حلوه العبايه وزنها 100 كيلو
بس حصلتي دست ولا ..:embarrest: ههههههه
وللحين من يطيح المطر لا تدوروني الا تلاقوني في السطح
حتى أنا من يطيح مطر تلاقيني مسوي لي كاس شاي وطالع أفتر بالسياره في الشوارع وتالي أروح الكورنيش وأقعد تحت المطر - في روايه ان من مواطن استجابة الدعاء هو الدعاء تحت المطر - والله فلّلللللله المطر
مشكور ابو زين على احلى سوالف
حياش الله خيتي ولا شكر على واجب خيتي
وتحلى السوالف بتواجدكم
تقبلي خالص التحيات
-
رد: سوالف يدتي الله يرحمها......
اقتباس:
المشاركة الأصلية كتبت بواسطة يوم سعيد
بسمه تعالى
الحقيقة لي سابقة جميلة في مثل هذه السوالف عبر مشاركات أخرى تشرفت أن يكون لي بصمة فيها ، وأحببت أن أجر رجلي إلى حيث هذا الموضوع خصوصاً إن الحديث فيه مرتبط بأجدادنا ، فما أجمل عبق الأجداد خصوصاً إنه يثير في صدورنا روائح الماضي والتاريخ القديم ، وكل ما له بصلة في الماضي هو جميل وأجمل منه براءة النفوس .. !!
كل الذي أتذكره عن سوالف الديدة واليدة والحبابة والجدة إنني كنت أختبئ عندها في أحضانها كلما ثارت أمي بوجهي فلقد كانت جدتي تسكن بالجوار من بيتنا لإن جدي الله يسامحه رحل وتركها وحيدة ما بين إمرأة إبن اشتغل بالكد وتأمين المعيشة ولكن والدي الله يرحمه لم يقصر فقد بنى لها ملحق جميل جداً كنت أعتبره جنتي في الدنيا فكل ما فيه تراثي قح ، وكنت ألعب بأمشاط جدتي الخشبية القديمة وكنت أستحم في حمامها الحجري الذي يتكون من حفرة اسمنتيه تحمل عدد شخصين ولا أخجل أن أستحم برفقة جدتي فلقد كانت تعتبرني أحد أبناءها المدللين ، آآه يا جدتي وآآه من فطورها اللذيذ حين كانت تذهب على رجليها لتجلب لنا خبزاً من الخباز وتعد لنا كوبا من الشاهي الأحمر المعتق لنحتسيه سويا .. !! ما أجمل تلك المشاهد وهي تجمع بين جدة وحفيدها .. !! هذا كل ما لدي أعتبر القادم شيئاً من النوادر .. !!
تحياتي
يوم سعيد
حياك الله أخي يوم سعيد
أي والله يا خوك اليده لها أفضال علينا جميعاً
فهي الأم للجميع والله يرحمها برحمته يااااااااااارب
وجعلك الله من البارين بها في كل زمان يارب العالمين
تقبل خالص تحياتي
-
رد: سوالف يدتي الله يرحمها......
مرحبتين خيتي سيناريوالله روعه المطر والخمقات
ويوم ثاني مرضه خخخخخ
أكيد مرضه هههههههه
بس ما نهوّن عن اللعب
مرض لعب مرض وتمشي الحياه
وما فيه لا دختور ولا شي
ههههههههههههه
وكل شتويه عليي مرضه وإذا مافي مرضه مامر شتاء
الله ياكافي الشر
يعني واجب سنوي هههههههه
أنا لازم كل سنه انفلونزا صيفاً ولازم شتاءاً
ليشهد كل غدير أنكم ماقصرتوا فيه من المخابط هههههه
الله يرحم الغدران ما بقى منهم ولا شي
قامت بيوت الحين
الحمد لله على سلامتك من الدست
الله يسلمش
دام اليده موجوده >>>الدست يروووح ههههههه
ههههه أي والله مايفيد ليها سحر خاص ومتعه لاتتكرر في فصول ثانيه غير الشتاء
أي والله سحر خاص جداً
وتراني الحين أعلم زين كيفه اللعب في الغدران والخمقات ههههههههههههههههه
حلووووه هالسالفه مررررره
يسلمو خيي أبو زين
تواجدكم هو الحلو خيتي
الله يسلمش ويعافيش خيتي
تقبلي خالص التحيات
-
رد: سوالف يدتي الله يرحمها......
بسمه تعالى
في هذه الزيارة سأعرج بكم إلى حيث قرية العوامية وهذه القرية أنتمي إليها من خلال جدتي لأمي ، يعني أمي عوامية فخذوا بالكم مني لإني أحمل العرق العوامي ولي جذور من هذه القرية الغالية على قلبي , وقد أحببتها بالفعل منذ أن شعرت على الدنيا وحبابتي كما كنت دائماً أقولها لها وهي تلقمني بيديها الحنونتين حبيبات الكوفرة المطحون وتلمني في أحضانها كما تلم وليدها الرضيع فأشعر على رغم كبر قامتي إنني ما زلت طفلا يحبو في واحة هذه الحبابة الحنونة ، وكانت تهمس بأذني حبابتي دائماً وبغفلة من أمي : كلما اشتقت إلي يا حفيدي فالبيت قريب وما عليك إلاّ أن تطير فوق ربوع الرامس وتجدني قابعة خلف الفسائل وقضبان اللوز وبين أكواخ العشيش ، وبالفعل ومنذ تلك الهمسة وندى صوتها يقرع طبول أذني ، وما أن تأتي عطلة نهاية الأسبوع حتى أهرع إليها مشياً على الأقدام ولا أصل كربلا - مسقط رأسها القديم - إلا ورجلاي تخطان على الأرض من شدة الإرهاق والتعب فتستقبلني بذراعيها وتنتشلني من قاع الأرض لتريحني في صدرها الدافئ ، يااااه أين أنتي يا حبابتي فلقد رحلتي ورحلت السعادة من عيني .. ؟؟ أشتاق اليها وكلما رنّ هاتف صوتها في صيوان أذني طرت كما كان يحلو لها القول لي ، أطير بدون استئذان وأدع كل ما يهمني إلى ما لا يهمني حتى أتجول في تلك البقعة التي كانت تقبع فيها حيث الصنادق والعشيش والنخيل المتراصة وأشجار الموز واللوز وهم يشكلون حفلة صاخبة تحيط بذلك الكوخ المسقف بالسعف وجذوع النخيل وتلك البراءة التي تزين ذلك البيت العتيق .. !!
كانت أيام لا تنسى وعالقة في البال وسنظل نتذكرها مهما حيينا أبداً .. !!!
تحياتي وعذراً على الإطالة
يوم سعيد
-
رد: سوالف يدتي الله يرحمها......
بسم الله
ههههههههههههههه
سوالفك تجنن خيو الفاضي:bigsmile:
أكثر شي عجبني الكستن والمنقله وااااااااااااااااااااو :kaseh:
ريحتها وصلت ليي وأني أقرأ خخخخخخخ:atkal:
أما الباجه والكراعين فـ..... :wacko:
الله يرحمها اليده
وننتظر السالفه ال NEW:signthankspin:
-
رد: سوالف يدتي الله يرحمها......
اقتباس:
المشاركة الأصلية كتبت بواسطة يوم سعيد
بسمه تعالى
في هذه الزيارة سأعرج بكم إلى حيث قرية العوامية وهذه القرية أنتمي إليها من خلال جدتي لأمي ، يعني أمي عوامية فخذوا بالكم مني لإني أحمل العرق العوامي ولي جذور من هذه القرية الغالية على قلبي , وقد أحببتها بالفعل منذ أن شعرت على الدنيا وحبابتي كما كنت دائماً أقولها لها وهي تلقمني بيديها الحنونتين حبيبات الكوفرة المطحون وتلمني في أحضانها كما تلم وليدها الرضيع فأشعر على رغم كبر قامتي إنني ما زلت طفلا يحبو في واحة هذه الحبابة الحنونة ، وكانت تهمس بأذني حبابتي دائماً وبغفلة من أمي : كلما اشتقت إلي يا حفيدي فالبيت قريب وما عليك إلاّ أن تطير فوق ربوع الرامس وتجدني قابعة خلف الفسائل وقضبان اللوز وبين أكواخ العشيش ، وبالفعل ومنذ تلك الهمسة وندى صوتها يقرع طبول أذني ، وما أن تأتي عطلة نهاية الأسبوع حتى أهرع إليها مشياً على الأقدام ولا أصل كربلا - مسقط رأسها القديم - إلا ورجلاي تخطان على الأرض من شدة الإرهاق والتعب فتستقبلني بذراعيها وتنتشلني من قاع الأرض لتريحني في صدرها الدافئ ، يااااه أين أنتي يا حبابتي فلقد رحلتي ورحلت السعادة من عيني .. ؟؟ أشتاق اليها وكلما رنّ هاتف صوتها في صيوان أذني طرت كما كان يحلو لها القول لي ، أطير بدون استئذان وأدع كل ما يهمني إلى ما لا يهمني حتى أتجول في تلك البقعة التي كانت تقبع فيها حيث الصنادق والعشيش والنخيل المتراصة وأشجار الموز واللوز وهم يشكلون حفلة صاخبة تحيط بذلك الكوخ المسقف بالسعف وجذوع النخيل وتلك البراءة التي تزين ذلك البيت العتيق .. !!
كانت أيام لا تنسى وعالقة في البال وسنظل نتذكرها مهما حيينا أبداً .. !!!
تحياتي وعذراً على الإطالة
يوم سعيد
الله يرحم الجدات الي توفوا ويخلي الباقين
مافيه احن من الجدة مو يقولون ما أغلى من الولد الا ولد الولد
الله يرحم جدتك اخوي ويطول في عمرك
-
رد: سوالف يدتي الله يرحمها......
مشكووووووووووووووووووووووووور
خيووو على الطرح الأكثر من رائع
بصراحة وفقت في طرحك هذا
بالتوفيق خيوووو
تقبل مروري
تحياتي
-
رد: سوالف يدتي الله يرحمها......
اقتباس:
يدتي:- داكوه عند أمك سعنّه (دوخله) وعطيتها فلاف سعنّات ( دوخله) قول ليها ما تنساهم اسقوهم علشان يفلتوهم لينا في عين ام عمار ولا في القشوريه ولا في البحر زين
اقتباس:
أنا:- أييييييييه زين با أسئلش عن السعنّه
يدتي:- قول إسئل حاضرين
أنا:- أول شي كيفه تسووا هالسعنّات يدتي:- أول شي نسويهم من الخوص ونحط فيهم شوية رمل وشوية سماد علشان يكبروا بسرعه ، ومن ايي يوم العيد نرميهم في السد ولا في عين أم عمار ولا القشوريه ولا في البحر
اقتباس:
أنا:- ايه أتذكر يوم أنا صغير نروح التوازي ونفلت السعنات حقنا هناك وأنا ما أدري لاويش
يدتي :- الله يرحم التوازي راحت
أنا:- الله يرحمها الحين ما فيه الا مواطير عليها يدتي:- يالله كل شي رايح الا وجهه الكريم
أنا :- سبحانه
الحقوووني الحقووووووني ماااافهمت ولا شي .:wacko:. لاااا وربي نايمه عدل وشبعانه نوم ماني مخرفه.... ويش سعنه وويش دوخله <<< هذا و ترجمها
وويش توازي وويش وويش ؟؟؟؟؟؟؟!!!!×××××؟؟؟؟؟؟!!!!!!!!
طلعت ريحة دخان من مخي .. :weird:
اقتباس:
يدتي:- *)&^%$#$%^&*)&^%$#$%^&*<<<مشفّر للسالفه اليديده
هذا فايدة اللي يتأخر في الرد لا يتحمس ولا يتطفر .. يللا لفك الشفره.. اللي بعدوووووووو
اقتباس:
المشاركة الأصلية كتبت بواسطة واحد فاضي
يدتي:- شوف شيل اليي بسر مال خنيزي وخلّي أمك تسويه سلوق ووصيها لا تقول لأحد زين
ههههههههه عاشو اعرفه اشوى السلووق بس مااا احبه <<:suspicious: جربتي تاكليه انتين
احم لا بس اذا شفته تحوم شبدي .. الرطبه يالله تعبر وهي صاحيه ,, مو مطبوخه بعد .. :embarrest: بس احب التمر << لااا صدق قولي والله
اقتباس:
- تالي يشهّر بنا - هههههههه
هههههههههههههههههه عجبتني .. حركتات :wink: اما لو شهر شااان عدل ..
عااد يبغى لك ساعتها تاخذ الصوره وتحتفظ بها حق تنزلها بقسم الصور ونشوف .. << ياااحبش للطماشه والنحاسه :laugh:
اقتباس:
يدتي:- أمبى من عندك اذا ما عليك كلافه$%^&*)()*&^%^&*) >>بعد مشفر
هيهيهي بعرررف الحين بس انط للسالفه الثانيه ..:wink:
اقتباس:
وعندها سكتت يدتي عن الكلام المباح
يوم خلّص السلوق من المشكاب
ههههههههه عليها بالعافيه .. رحمة الله عليها ..
يللا اللي بعدووووو
اقتباس:
المشاركة الأصلية كتبت بواسطة واحد فاضي
وطلعت الريحه الحلوة حق #$%^&*)*&^%
يا خووك ويش فيك على المشفرر ..<< اللي بعدووووووو :wink:
اقتباس:
وطلعت الريحه الحلوة حق الباجه ( الكراعين)
أمي يابت ذيك الطاسه المليانه باجه وفيها الكراعين تسبح والشحم ذايب واللحم اللي تدور عليه بالمنقاش ههههههههههههه
ههههههههههههههههههه ويلااااه عجيب الووصف
اقتباس:
وفرشنا السفره ويابت يدتي قاعودتها وقربت ليي قاعوده وقاعوده فالفه لأمي ويبنا الخبز والبصل الأخضر وبعد صرّة رويد وضربنا ضرب في الكراعين
هههههههههههه ذكرتني مره قعدت ويا حريم ياكلوها ضبعان ..
ولا شفت الا ضرب بالعظم.. واني :weird: ووويش صاااير ... وشوي حاجه طاحت من العظمه..
يماااااااااه.. عفر شبدي لااااااااااعت.. وشوي مص في العظم واني :weird: انفض ايدي واقوم..
ويش هذا .. قالو كراعين .. يا ساااااااااااتر.. ههههههههههههه
اقتباس:
سكتنا عن الكلام المباح
يوم شاينا خلّص وراح
قصدك يوم كرعوننا خلص وبحححححح << ههههههه بسم الله على كرعونكم :toung:
اقتباس:
وترى اللي ما يحب الباجه يفوته نص عمره
ولا أحد يقول وييييييييييع هههههههه
الحين الكراعين نظيفين ورخاص بعد
الصحن فيه ست كراعين بخمسة أريل هههههه
:huuh: السيرة الذاتيه الكرعونيه..
بس ما علي منكم ويع.. :noworry:..
الحممممدلله .. عزززززز الله النعمه
<< بعد ويه :toung:
-
رد: سوالف يدتي الله يرحمها......
:rolleyes:عفر اخر سالفه دي .. يللا بسم الله
اقتباس:
يعني على قولتهم فشفشت أرايلنا من المطر
ويوم أذن المغرب تيمعنا وإحنا نتنافض مفلات الدياي المذبوح
ههههههههههههههههههههههههههههههههههه
تخيلت المنظر .. :rolleyes:
اقتباس:
وكل ما وصلنا لبيت واحد قلنا اله :- يالله مع السلامه والله يعينك على الدست
ههههههههههههههههه:toung:ههههههههههههههه دست.. ياعييني.. هذا احنا يوم كنا صغار اذا سوينا
اقتباس:
وضحكت يدتي وهي تسمعني وجاء صوتها :- لا ما لعبتوا وايد وداكيه ريحت فيابك كلها خمقات
هههههههه عجبتني خمقات,,:toung:
اقتباس:
وجائت حلوة اللبن وفي أيدها العلاج الفعال ضد المشق الفتاك >>>>>الفازلين
وقامت حلوة اللبن ....بدبغ ارايلي بالفازلين وبعدين لبست دلاغات علشات يتدفوا
ههههههههههههههه عجبتني العمليه الجراحيه .. رووووعه ههههه ومافي احسن من الفازلين..http://smilesgate.com/smiles/13/003.gif
اقتباس:
وكل شوي وكستنايه تنفتق
وتطلع الريحه المميزة وهذا يعني الهجوم عليها هههههههه
وكل واحد منّا اتلحف بكمبله وانسدح على كتر وما تسمع الا الشخير
واني تهمت اخوي اقول بين غرفتي وغرفته جدار شخيره خرق الطوفه
طلع شخيركم انت وربعك :weird:
اقتباس:
وذاك اليوم ما حاشنا دست ولا شي
والحمد لله رب العالمين:wink:
http://smilesgate.com/smiles/13/214.gifافااااااا راحت علينا الشماته <<< صدق نحيسه :wink:
اقتباس:
ولا الربع يوم فاني ما فيه الا اللي ويهه أحمر واللي طبعة أيد أبوه على خدوده مورده واللي واللي
ومنهم من قضى نحبه ومنهم من ينتظر
بس من حظك نفذت بجلدك :wink:
اقتباس:
بس ما يفيد .....للغدران سحر خاص يخليك غصب تطب فيها وارايلك تفشفش والمشق يعشش ههههههه
:weird:
قولو يتأدب .. يعني ما حاشه دست .. قولو يتوب ويقول خلاص لا يحوشني .. ابددددن.. مافي امل .. ما يفييييييييد <<< اووه السالفه ترى قديمه اميرووه يوزي عن النحاسه http://smilesgate.com/smiles/13/067.gif
ههههههههههههههه الغدران وضلوع النخيل .. و مطامس فيها اهل لول ..
ههههههههههههههه ياعلي يعشعش .. يبغى له خياطه وترقيع المشق يا سااااتر ..
http://smilesgate.com/smiles/13/047.gif<<< هذا اللي يبغى لش
<<<<<< اصغر حجم لا تشوف لا تطبق علي
:toung:
يسلمووو والله تونست ويا السوالف ومر الوقت ولا حسيت..
يعطيك الف عافيه خيوو
ورحمة الله على موتانا وموتاكم..
دمت بحفظ الرحمن
-
رد: سوالف يدتي الله يرحمها......
اقتباس:
المشاركة الأصلية كتبت بواسطة يوم سعيد
بسمه تعالى
في هذه الزيارة سأعرج بكم إلى حيث قرية العوامية وهذه القرية أنتمي إليها من خلال جدتي لأمي ، يعني أمي عوامية فخذوا بالكم مني لإني أحمل العرق العوامي ولي جذور من هذه القرية الغالية على قلبي , وقد أحببتها بالفعل منذ أن شعرت على الدنيا وحبابتي كما كنت دائماً أقولها لها وهي تلقمني بيديها الحنونتين حبيبات الكوفرة المطحون وتلمني في أحضانها كما تلم وليدها الرضيع فأشعر على رغم كبر قامتي إنني ما زلت طفلا يحبو في واحة هذه الحبابة الحنونة ، وكانت تهمس بأذني حبابتي دائماً وبغفلة من أمي : كلما اشتقت إلي يا حفيدي فالبيت قريب وما عليك إلاّ أن تطير فوق ربوع الرامس وتجدني قابعة خلف الفسائل وقضبان اللوز وبين أكواخ العشيش ، وبالفعل ومنذ تلك الهمسة وندى صوتها يقرع طبول أذني ، وما أن تأتي عطلة نهاية الأسبوع حتى أهرع إليها مشياً على الأقدام ولا أصل كربلا - مسقط رأسها القديم - إلا ورجلاي تخطان على الأرض من شدة الإرهاق والتعب فتستقبلني بذراعيها وتنتشلني من قاع الأرض لتريحني في صدرها الدافئ ، يااااه أين أنتي يا حبابتي فلقد رحلتي ورحلت السعادة من عيني .. ؟؟ أشتاق اليها وكلما رنّ هاتف صوتها في صيوان أذني طرت كما كان يحلو لها القول لي ، أطير بدون استئذان وأدع كل ما يهمني إلى ما لا يهمني حتى أتجول في تلك البقعة التي كانت تقبع فيها حيث الصنادق والعشيش والنخيل المتراصة وأشجار الموز واللوز وهم يشكلون حفلة صاخبة تحيط بذلك الكوخ المسقف بالسعف وجذوع النخيل وتلك البراءة التي تزين ذلك البيت العتيق .. !!
كانت أيام لا تنسى وعالقة في البال وسنظل نتذكرها مهما حيينا أبداً .. !!!
تحياتي وعذراً على الإطالة
يوم سعيد
تسلم أخي يوم سعيد
أسعد الله التماسي
تقبل تحياتي
-
رد: سوالف يدتي الله يرحمها......
اقتباس:
المشاركة الأصلية كتبت بواسطة مياس
بسم الله
ههههههههههههههه
سوالفك تجنن خيو الفاضي:bigsmile:
أكثر شي عجبني الكستن والمنقله وااااااااااااااااااااو :kaseh:
ريحتها وصلت ليي وأني أقرأ خخخخخخخ:atkal:
أما الباجه والكراعين فـ..... :wacko:
الله يرحمها اليده
وننتظر السالفه ال NEW:signthankspin:
تسلمي خيه مياس على التواجد
خلاص ولا يهمش نييب ليكم كيسين كستن حااااااااضرين
الله يرحم اليده ويرحم المؤمنين والمؤمنات أجمعين
تسلمي خيتي على تواجدكم اللطيف
-
رد: سوالف يدتي الله يرحمها......
اقتباس:
المشاركة الأصلية كتبت بواسطة أسـ ي ـرة ماضـ ي ـها
مشكووووووووووووووووووووووووور
خيووو على الطرح الأكثر من رائع
بصراحة وفقت في طرحك هذا
بالتوفيق خيوووو
تقبل مروري
تحياتي
مرحبتين خيتي أسيرة ماضيها
مشكوره خيتي على التواجد اللطيف
الله يوفقش ويسلمش خيتي
تقبلي تحياتي
-
رد: سوالف يدتي الله يرحمها......
أهلين وسهلين خيتي أميرة كل المرح
الحقوووني الحقووووووني ماااافهمت ولا شي .:wacko:. لاااا وربي نايمه عدل وشبعانه نوم ماني مخرفه.... ويش سعنه وويش دوخله <<< هذا و ترجمها
وويش توازي وويش وويش ؟؟؟؟؟؟؟!!!!×××××؟؟؟؟؟؟!!!!!!!!
هههههههههههه
هههههههههه
الله يغربل إبليسش ....خلاص با أترجم الش
سعنّه أو دوخله خيتي يعني ...زرعه صغيره يسووها في
في قوطي فارغ أو يسووه من الخوص واله علاقه ويرموها في البحر مع التمني بعودة الحجاج سالمين غانمين
ويجيبوا لينا ( صوغه) كرادو ولا صوايات من الحج ههههه
والتوازي يعني المواطير اللي لول منتشرين في البلد ( اللي يروحوا ليهم الناس زي العيون ) إسئلي الوالده وهي بتشرح الش أحسن مني أكيد هههههههه
طلعت ريحة دخان من مخي .. :weird:
وأنا أقول ويش هالريحه كأنه واحد مفحط عند شقتي هههههههههههههههههه
هذا فايدة اللي يتأخر في الرد لا يتحمس ولا يتطفر .. يللا لفك الشفره.. اللي بعدوووووووو
اللي بعدوووو
حياش الله
ههههههههه عاشو اعرفه اشوى السلووق بس مااا احبه << جربتي تاكليه انتين
احم لا بس اذا شفته تحوم شبدي .. الرطبه يالله تعبر وهي صاحيه ,, مو مطبوخه بعد .. :embarrest:
هههههههه
أي والله جربه أول هههههه
بس احب التمر << لااا صدق قولي والله
الله على التمر اذا كان
مسمسم وياه قهوة عربيه بعد
أمممممممممممم
هههههههههههههههههه عجبتني .. حركتات اما لو شهر شااان عدل ..
عااد يبغى لك ساعتها تاخذ الصوره وتحتفظ بها حق تنزلها بقسم الصور ونشوف .. << ياااحبش للطماشه والنحاسه
لا لا الاتفاق ما فيه تشهير هههههه
>>>خايف ههههههههه
هيهيهي بعرررف الحين بس انط للسالفه الثانيه ..
حركتات
بس مره فانيه ما فيه تأخير زين هههههههه
ههههههههه عليها بالعافيه .. رحمة الله عليها ..
الله يرحم المؤمنين والمؤمنات أجمعين
يللا اللي بعدووووو
اللي بعدو مرحباً بووووه
يا خووك ويش فيك على المشفرر ..<< اللي بعدووووووو
لازم تشفير علشان لاتخلص السوالف
ويصير تشويق بعد >>>فلم هوه :toung:
ههههههههههههههههههه ويلااااه عجيب الووصف
كأنه لوحة مرسومه صح :bigsmile:
هههههههههههه ذكرتني مره قعدت ويا حريم ياكلوها ضبعان ..
ولا شفت الا ضرب بالعظم.. واني :weird: ووويش صاااير ... وشوي حاجه طاحت من العظمه..
يماااااااااه.. عفر شبدي لااااااااااعت.. وشوي مص في العظم واني :weird: انفض ايدي واقوم..
ويش هذا .. قالو كراعين .. يا ساااااااااااتر.. ههههههههههههه
هههههههههههههه
أي والله حركتات أكل الكراعين ما تسمعي
الا تمصمص في هالعظامه وتكسير هههههه
قصدك يوم كرعوننا خلص وبحححححح << ههههههه بسم الله على كرعونكم :toung:
لا أهم شي شرب الشاي بعد أكل الكراعين
يهضم السمونه على قولتهم ههههههه
:huuh: السيرة الذاتيه الكرعونيه..
بس ما علي منكم ويع.. :noworry:..
الحممممدلله .. عزززززز الله النعمه
<< بعد ويه :toung:
اي والله بعد ويه ههههههه
يالله ناس وايد ما يحبوها مسكينه
وأنا أفكر أفتح محل كراعين وهريس
الظاهر ما فيه أمل ينجح هههههههه
-
رد: سوالف يدتي الله يرحمها......
مرحبتين مره فانيه خيتي اميرة كل المرح:rolleyes:عفر اخر سالفه دي .. يللا بسم الله
ههههههههههههههههههههههههههههههههههه
تخيلت المنظر .. :rolleyes:
هههههههه
منظرنا وإحنا نتنافض هههههههه
ههههههههههههههههه:toung:ههههههههههههههه دست.. ياعييني.. هذا احنا يوم كنا صغار اذا سوينا
لازم الدست ضريبه يوميه بعد ويش
هههههههه عجبتني خمقات,,:toung:
جمع خمق على وزن حمد هههههههه
واني تهمت اخوي اقول بين غرفتي وغرفته جدار شخيره خرق الطوفه
طلع شخيركم انت وربعك :weird:
أنا واليده وحلوة اللبن مو ويا الربع
الربع موعودين بدست وأنا ضرب في الكستن ههههههه
ومنهم من قضى نحبه ومنهم من ينتظر
بس من حظك نفذت بجلدك :wink:
الحمد لله رب العالمين فلتنا عن الشماته هههههههه
:weird:
قولو يتأدب .. يعني ما حاشه دست .. قولو يتوب ويقول خلاص لا يحوشني .. ابددددن.. مافي امل .. ما يفييييييييد <<< اووه السالفه ترى قديمه اميرووه يوزي عن النحاسه http://smilesgate.com/smiles/13/067.gif
ههههههههه
للغدران سحر خااااااااص يخلي الواحد يدووووووخ هههههه
>>>>حشا أكا مو غدير مال مطر هههههههه
ههههههههههههههه الغدران وضلوع النخيل .. و مطامس فيها اهل لول ..
ههههههههههههههه ياعلي يعشعش .. يبغى له خياطه وترقيع المشق يا سااااتر ..
http://smilesgate.com/smiles/13/047.gif<<< هذا اللي يبغى لش
<<<<<< اصغر حجم لا تشوف لا تطبق علي
:toung:
شفنا الخط ولو كان صغير هههههه
بكره نشتري الجهاز من عند باز يطير ونطبقه عليش
ههههههههههههههههه
يسلمووو والله تونست ويا السوالف ومر الوقت ولا حسيت..
يعطيك الف عافيه خيوو
الله يسلمش ويعافيش خيتي
آنستي وشرفتي خيتي
ورحمة الله على موتانا وموتاكم..
دمت بحفظ الرحمن
الله يرحم موتانا وموتاكم أجمعين
تقبلي خالص تحياتي وتقديري
-
رد: سوالف يدتي الله يرحمها......
اللهم صل على محمد وآل محمد
السلام عليكم ورحمة الله وبركاته
من زمان ما طلينا عليكم ، الله لا يشغلكم الا بطاعته
شوي مشغولين ويا هالعمال ما عليه اسمحوا لينا
المهم هذا يا محفوظين السلامه
ذاك اليوم مر عليي واحد من الصبيان وعطاني
( يدوبه ) وقال لي هذي من عند أبوه اليكم
ويقول لك سلّم على أبوك
ودخلت البيت وحامل اليدوبه وهيه ملفوفه بالليف
وشافتني حلوة اللبن
حلوة اللبن :- ويش اللي عندك
أنا :- هذي يدوبه من عند .......ويسلم عليكم
حلوة اللبن :- الله يسلمه ورحم الله والديه ، والله توها يدتك تقول نفسها في يدوبه فحال
أنا :- على نياتكم ترزقون
ورحت الى يدتي ، وعطيتها شوية يدب في مشكاب ويوم أكلت منها شوي
يدتي:- الله أيه هذي اليدوبات ولا ما يصير
أنا :- يعني عجبتش
يدتي:- ايه رحم الله واليه اللي يابها
أنا :- هذي من عند........
يدتي:- ايه الله يرحم والديه هذا يا .....يا ولد.....كان جار يدك في النخيل
أنا:- يعني يدي كان عنده نخيل ذيك الأيام
يدتي:- أيه وكان أحسن واحد يسوي كراره في الديره كلها ، بس ولاد الحرام ما خلوه في حاله
أنا:- ويش كان يسوي يدي
يدتي:- يسوي الكر اللي يركبوا به النخله
أنا :- زين أماه ووينه يسووا العكفات
يدتي:- يسووها عند الحدادين والنخلاوي هذي عدته
عكفه ويا كر ويشتغل في النخيل
أنا :- الله يرحم أيام النخيل
يدتي:- اي والله الله يرحم ايام النخيل ، والله ذكرتني مشتهيه سمّنه
أنا :- ولا يهمش بكره نروح الحَبَال ونصيد الش ان شاء الله سمّن ومدقيه
يدتي:- خلاص بس انته اللي تسويهم
أنا:- ما يهمش أماه
ورحت الى أمي وقلت اليها إن بكره با أروح الحَبَال عشان أصيد ليدتي سمن ومدقيه واللي يطلع في البر
وطلعت الفخ وبدلت الربله اللي فيه وعدلت الحنيّه
وجهزته الى يوم فاني
ومن الصبح طلعت ويا واحد من الصبيان ورحنا إشترينا لينا ستة (عناييش) ( عناقيش) (يعانيش) جمع يعنوش
( هذا كائن حفار يطلع اذا سقوا المزارع )
ورحنا البر ونصبنا فخوخنا بعد ما حطينا فيهم اليعانيش فيهم وانتظرنا ......وانتظرنا .......لين >>>>>طق
أنا فخي فيه سمّنه .......وفخ خويي فيه مدقي
ومره فانيه نصبناهم
أنا فخي فيه صقرقع ....وفخ خويي فيه سمّنه
وكررنا نصاب الفخ لامن قرب الظهر
وحصليتنا ذاك اليوم
سبع سمّنات وستة مدقيه وأربعة صقرقعات
وإحنا راجعين بعد بالفلاتيات صدنا لينا عشرة عصافير
وحمامتين نخيل
وتم تقسيم الغنيمه بيننا وأخذت أنا السمّن والحمامتين والباقي أخذهم خويي ورحت البيت بصيدي الثمين ودخلت على حلوة اللبن وعندي الغنيمه
وقمت ملشتهم ونظفتهم وعطيتهم حلوة اللبن
وطبختهم لينا
ورحت الى يدتي
أنا:- أماه الصيد زين اليوم
يدتي:- ويش صدتوا
أنا :- خير من الله
وبعد شوي يابتهم حلوة اللبن وياهم خبز عربي
وقعدنا ناكل فيهم حتى .........
>>>>أذن الظهر وقمنا للصلاة
وسكتنا عن الكلام المباح
وقمنا للصلاة والعباده
سلام
-
رد: سوالف يدتي الله يرحمها......
تسلم اخوي واحد فاضي ويعطيك الف عافية
عندي استفسار وشو يدوبه
والله يرحم امؤمنين والمؤمنات
بس ياريت تعلمني وش معناها لانها خلتني زي الخبلة
-
رد: سوالف يدتي الله يرحمها......
اقتباس:
المشاركة الأصلية كتبت بواسطة لحن الخلود
تسلم اخوي واحد فاضي ويعطيك الف عافية
عندي استفسار وشو يدوبه
والله يرحم امؤمنين والمؤمنات
بس ياريت تعلمني وش معناها لانها خلتني زي الخبلة
مرحبتين خيتي لحن الخلود
سلامتش خيتي ...ويدوبه يعني >>>جدّوبه
يعني النخله اذا طاحت ويش يسووا فيها يجدبوها
وياكلوا الجدب ....بس احنا الجيم تتحول الى ياء
جدّوبه >>>>يدّوبه
الله يرحم المؤمنين والمؤمنات
تقبلي خالص التحيات خيتي
-
رد: سوالف يدتي الله يرحمها......
اهلين بالقصص الحلوة والسوالف الأحلى
اول شي ذكرتنا بالنخيل والكر ترى تونا شايفينه في مهرجان الدوخلة في قسم التراث
والله على ايام الصيد حلوةكمان
اخواني احيانا تدق عليهم حالة الصيد بس صارت قديمة يشتروا السمن جاهز اليهم
بس صيد البحر هو الي ساحرهم ليما الحين
كان عندنا نخيل الأول وكانوا ياكلوا الجدب بس اني ما حبه صراحة
تسلم يبو زين على هالسالفة
-
رد: سوالف يدتي الله يرحمها......
تسلم اخوي واحد فاضي ويعطيك الف عافية
الله يرحم موتانا وموتاكم أجمعين
-
رد: سوالف يدتي الله يرحمها......
سلامووووو
كيفكم وكيفكم مع هالبرد اللي السنه ناوي على نيه شينه
ويس لبس واكل بس مو كستنه اكل اكل عشان يدفي
ونهايه الشتاء شوفوا الوزن كم صار<<اما مع الناس من الحين الميزان ضارب
الموهييم نجي للسالفه الاولى
سالفه الكراعيين وعوووووووة استغفر الله
وعلى فكرة توة الوالد يوم ثاني العيد شاور حلوة اللبن وجابه وهي طبخته اووة
البيت الريحه تفوح بس احلى مافيها ريحه البهارات احلى منه
وبس جاء على المغرب طحته وضرب فيه بالخمس وهو واخويي وهو توة معرس حتى ماكمل شهر
<<بس ماقلت السبب في انه ليش يمدحوة للمعريس حديثا
السالفه الثانيه
الله الله ع المطر ايش حلاته ولو كان ع البحر وقت الغروب مافي احلى منه
وشكلها زوجه اخوي صار نفسها بالكستنه وراحت تسوي ليها:toung:
فضلوا حياكم
وذكرتني باخوتي ايام الخمق والمشق كانوا يخوضوا في الغدران ومايجي
وقت المغرب الا الوالده ع الباب تستنى بس ماياخذوا دسوت مدستته لا ماياخذوا
الا الهذرة والزنه اللي تعور الراس بس من يخلصوا سبوحه الا ماتشوفها الا ياولدي ولدي وخلف جبدي واهلي ولا تروحوا ودبغ في ذيك الرجايل بالفازلين بس ولا يتوبوا يوم ثاني ع هالحال
اما احنا اوة ايام متوسط وثانوي المدرسه تبعد عن البيت ربع ساعه>>جد لان بيتنا اخر الديرة وهي اول الديرة
والوالد يجي وعند الدفايه وينسى انه يجي ياخنا وخاصه النومه تحلى فينام
واحنا مالنا الا المشي في هالمطر فانا وصديقتي نمشي واذكرها تخاف لى
كتبها على الرغم انها بالشنطه ولا نزيد الطين بله بهالمشي وماتخلي شارع الا نمشي فيه
ومانوصل الا العبايه مو 100 بس الا زياده وعاد انا بمتوسط ماكنت انا اللي اغلسها فالهذرة تقوم
وها نظفتي الشوارع عن المطر وقسما وعظما الا اقصرها :embarrest:
والسويلفه الثالثه
بصراحه قريتها وزي الاهبل بالزفه:bigsmile:
مافهمت اليدوبه الا يوم شرحتها اما دقيقه بشوف الكلمات
شنو يعني كرارة وسمن ومدقيه <<هذي ابي اعرفها
يسلموا ع السوالف الحلوة والمسليه
والله يرحم يدتك ويرحم يداتنا ويدات المؤمنين<<نست البنت وجلست على باب المسجد
موفق خيووة
-
رد: سوالف يدتي الله يرحمها......
السلام عليكم خيي ابو زين
ارحبوا ارحبوا
بما ان السالفة فيها نخيل فبعدوا عني
اختكم وبلا فخر تمت ولادتها في احد نخيل القديح العامرة
يعني نخلاوية من ساسي لراسي
بس عن الفشيلة فيه مصطلحات وااااااجد ناسيتها مع الزمن <<<الحين بيقولوا عمري فوق الخمسين خخخخ
الجدوبة وعرفناها ويا محلاها وهي تقرمش يم يمي لذيذة خاصة اذا فيها حلاوة
الكر هذا الي يطلعوا به النخلة عشان يحدروها ويلقحوها
العكفاااااااااات اممممممم مو متأكدة منه بس اعتقد زي المنجل اذا مو غلطانة <<<العتب على الكبر
والحين انتوا دناوة نفس مع العذر ويش تاكلون في هالعصافير المساكين كل الي فيهم عظامة
بس صحيح كيف تشتروا العناقيش هذاكم ماليين النخيل عوووووع شكلهم فلم رعب يخوفوا
ذكرتني مرة لمست واحد بالغلط وضليت اتنافض اسبوع
اخوتي كانوا حريفين صيد سمنات ومدقيات بس اذا انت تاكلهم هم بس للاذية يصيدوا ويرموا لان امي من ربعي تخاف تطبخهم
عليكم بالعافية اكلتوهم عاد مدري ويش اكلتوا فيهم << بشتغل مناهضة لحقوق العصافير
مشكور على السالفة الحلوة
-
رد: سوالف يدتي الله يرحمها......
اقتباس:
المشاركة الأصلية كتبت بواسطة دمعة الاحزان
شنو يعني كرارة وسمن ومدقيه <<هذي ابي اعرفها
بالأذن أخوي واحد فاضي ، سأندس بين الطين والعجين وألقف منك الخط كما يلقف الملقوف نصيبه في السالفة بدون إحم ولا دستور .. !!
كأنني سمعت أحدهم يستفسر عن السمن والمدقية ، فأتمنى إنني جئت في الوقت المناسب والكلام المفيد ، فهذه على ما أظن نوع من الطيور تعيش عادة في البراري والنخيل ويعتقد البعض في حلاوة طعمها ، وأنا جربتها فهي واعلى كبدي صغيرة - أقصد السمنة - ولا تملك هبرات من اللحم المفطح بل يا دوب تحمل قشرة من اللحم يغطي جسدها الرهيف ، ولكن حينما تعتاد على أكلها ستشعر بقيمة ما تأكل وسترى نفسك تحترف الصيد من أجل بس أن تصطاد طيراً أو طيرين ..؟؟
تحياتي وعذراً على المداخلة
يوم سعيد
-
رد: سوالف يدتي الله يرحمها......
اقتباس:
المشاركة الأصلية كتبت بواسطة عفاف الهدى
اهلين بالقصص الحلوة والسوالف الأحلى
اقتباس:
المشاركة الأصلية كتبت بواسطة عفاف الهدى
اول شي ذكرتنا بالنخيل والكر ترى تونا شايفينه في مهرجان الدوخلة في قسم التراث
والله على ايام الصيد حلوةكمان
اخواني احيانا تدق عليهم حالة الصيد بس صارت قديمة يشتروا السمن جاهز اليهم
بس صيد البحر هو الي ساحرهم ليما الحين
كان عندنا نخيل الأول وكانوا ياكلوا الجدب بس اني ما حبه صراحة
تسلم يبو زين على هالسالفة
هلا بيش خيتي عفاف الهدى ومرحبتين
الحلو تواجدش الرائع خيتي
أي والله حتى الحين ساعات تدق أم العبيد عليي ويا خويي ونروح نصيد بس طلع لينا هوايه فانيه وهي صيد الحيات والعقارب صاحبي مجنون حيات وعقارب يربيهم في حوض زجاج :wacko:
وأنا الحين أموووووت في حاجه إسمها بحر وصيد سمك يعني ما فيه حاجه في البحر وطريقه الا صدت بها ويا الشباب بس الغوص ما أقدر عليه .....متعب مرررررره
قمبار- دوار - سكار .....وباقي الطرق الفانيه
تقبلي خالص التحيات
-
رد: سوالف يدتي الله يرحمها......
اقتباس:
المشاركة الأصلية كتبت بواسطة شبل الطفوف
تسلم اخوي واحد فاضي ويعطيك الف عافية
الله يرحم موتانا وموتاكم أجمعين
هلا بيك أخوي شبل الطفوف
الله يسلمك ويعافيك
ويرحم المؤمنين والمؤمنات أجمعين
سلام
-
رد: سوالف يدتي الله يرحمها......
[quote=دمعة الاحزان;557158]
مرحبتين خيتي دمعة الأحزان
سلامووووو
عليكم السلام ورحمة الله
كيفكم وكيفكم مع هالبرد اللي السنه ناوي على نيه شينه
ويس لبس واكل بس مو كستنه اكل اكل عشان يدفي
ونهايه الشتاء شوفوا الوزن كم صار<<اما مع الناس من الحين الميزان ضارب
هههههههه الله يستر
وشكله بيصير بيات شتوي هالسنه مزبوووووووط
ما فيه الا أكل ونوم ههههههه
الموهييم نجي للسالفه الاولى
سالفه الكراعيين وعوووووووة استغفر الله
وعلى فكرة توة الوالد يوم ثاني العيد شاور حلوة اللبن وجابه وهي طبخته اووة
البيت الريحه تفوح بس احلى مافيها ريحه البهارات احلى منه
وبس جاء على المغرب طحته وضرب فيه بالخمس وهو واخويي وهو توة معرس حتى ماكمل شهر
<<بس ماقلت السبب في انه ليش يمدحوة للمعريس حديثا
عليهم بالعافيه
والسبب ليش ممدوح للمعاريس إسألي الوالد ههههههههه
والله يستر هههههههههههه
السالفه الثانيه
الله الله ع المطر ايش حلاته ولو كان ع البحر وقت الغروب مافي احلى منه
وشكلها زوجه اخوي صار نفسها بالكستنه وراحت تسوي ليها:toung:
فضلوا حياكم
خلاص إرسلي كم وحده من الكستن على الDHL
بس لازم تكون مستويه مزبوووووووووووط
وذكرتني باخوتي ايام الخمق والمشق كانوا يخوضوا في الغدران ومايجي
وقت المغرب الا الوالده ع الباب تستنى بس ماياخذوا دسوت مدستته لا ماياخذوا
الا الهذرة والزنه اللي تعور الراس بس من يخلصوا سبوحه الا ماتشوفها الا ياولدي ولدي وخلف جبدي واهلي ولا تروحوا ودبغ في ذيك الرجايل بالفازلين بس ولا يتوبوا يوم ثاني ع هالحال
أكيد العوده للغدران لاااااااااااازم
اليها سحر خاص ما يعرفه الا اللي تآكلت أراجله من المشق هههههه
ونااااااااااااااااااااااااااااااسه المخاوض في الغدران هههههه
اما احنا اوة ايام متوسط وثانوي المدرسه تبعد عن البيت ربع ساعه>>جد لان بيتنا اخر الديرة وهي اول الديرة
والوالد يجي وعند الدفايه وينسى انه يجي ياخنا وخاصه النومه تحلى فينام
واحنا مالنا الا المشي في هالمطر فانا وصديقتي نمشي واذكرها تخاف لى
كتبها على الرغم انها بالشنطه ولا نزيد الطين بله بهالمشي وماتخلي شارع الا نمشي فيه
ومانوصل الا العبايه مو 100 بس الا زياده وعاد انا بمتوسط ماكنت انا اللي اغلسها فالهذرة تقوم
الله يعينكم مطر وخمق وعبايه متروسه خمق ههههههههههه
وها نظفتي الشوارع عن المطر وقسما وعظما الا اقصرها :embarrest:
هههههههههههههههههه
تخيلت زي الكوكو الى الركبه ههههههههههه
والسويلفه الثالثه
بصراحه قريتها وزي الاهبل بالزفه:bigsmile:
هههههههههههههههه
الله يغربل ابليسش
مافهمت اليدوبه الا يوم شرحتها اما دقيقه بشوف الكلمات
شنو يعني كرارة وسمن ومدقيه <<هذي ابي اعرفها
ما قصر أخونا يوم سعيد شرحها
يسلموا ع السوالف الحلوة والمسليه
والله يرحم يدتك ويرحم يداتنا ويدات المؤمنين<<نست البنت وجلست على باب المسجد
موفق خيووة
الله يسلمش خيتي
الله يرحم المؤمنين والمؤمنات أجمعين
تقبلي خالص التحيات
-
رد: سوالف يدتي الله يرحمها......
أهلين بخيتنا نوارة الدنيا ومرحبتين
السلام عليكم خيي ابو زين
عليكم السلام ورحمة الله وبركاته
ارحبوا ارحبوا
إرحبو بش وبأهلش وبالجمل اللي رحل بش
يا مرحبا مليون ....يا مرحبا رش المطر
بما ان السالفة فيها نخيل فبعدوا عني
اختكم وبلا فخر تمت ولادتها في احد نخيل القديح العامرة
يعني نخلاوية من ساسي لراسي
والنعم بش خيتي
بس عن الفشيلة فيه مصطلحات وااااااجد ناسيتها مع الزمن <<<الحين بيقولوا عمري فوق الخمسين خخخخ
ههههههههههههه مو خمسين يمكن 49 بس ههههههههههههههه
الجدوبة وعرفناها ويا محلاها وهي تقرمش يم يمي لذيذة خاصة اذا فيها حلاوة
أي والله مقرمشه ولا بطاطس ليز هههههههههه
الكر هذا الي يطلعوا به النخلة عشان يحدروها ويلقحوها
العكفاااااااااات اممممممم مو متأكدة منه بس اعتقد زي المنجل اذا مو غلطانة <<<العتب على الكبر
مزبووووووووووووووووط :icon30:
والحين انتوا دناوة نفس مع العذر ويش تاكلون في هالعصافير المساكين كل الي فيهم عظامة
شدعوه خيتي نسويهم مقرمشيييييييين وناكلهم بعظامتهم هههههههههه
:nosweat::nosweat::nosweat:
بس صحيح كيف تشتروا العناقيش هذاكم ماليين النخيل عوووووع شكلهم فلم رعب يخوفوا
ذكرتني مرة لمست واحد بالغلط وضليت اتنافض اسبوع
اخوتي كانوا حريفين صيد سمنات ومدقيات بس اذا انت تاكلهم هم بس للاذية يصيدوا ويرموا لان امي من ربعي تخاف تطبخهم
العناقيش لول كانت تجاره فيهم وان شاء الله بنمر على هالسالفه
في الجاي من السوالف
عليكم بالعافية اكلتوهم عاد مدري ويش اكلتوا فيهم << بشتغل مناهضة لحقوق العصافير
الله يستر:silal::silal:
مشكور على السالفة الحلوة
حياش الله ويا مرحبتين
-
رد: سوالف يدتي الله يرحمها......
اقتباس:
المشاركة الأصلية كتبت بواسطة يوم سعيد
[/center]
بالأذن أخوي واحد فاضي ، سأندس بين الطين والعجين وألقف منك الخط كما يلقف الملقوف نصيبه في السالفة بدون إحم ولا دستور .. !!
كأنني سمعت أحدهم يستفسر عن السمن والمدقية ، فأتمنى إنني جئت في الوقت المناسب والكلام المفيد ، فهذه على ما أظن نوع من الطيور تعيش عادة في البراري والنخيل ويعتقد البعض في حلاوة طعمها ، وأنا جربتها فهي واعلى كبدي صغيرة - أقصد السمنة - ولا تملك هبرات من اللحم المفطح بل يا دوب تحمل قشرة من اللحم يغطي جسدها الرهيف ، ولكن حينما تعتاد على أكلها ستشعر بقيمة ما تأكل وسترى نفسك تحترف الصيد من أجل بس أن تصطاد طيراً أو طيرين ..؟؟
تحياتي وعذراً على المداخلة
يوم سعيد
أهلين بأخونا يوم سعيد
نو مشكا أخي مرحبتين بمداخلتك بين الأخوان أخي
ومشكوووووووور على التوضيح الرائع أخي ما قصرت
تقبل خالص تحياتي
-
رد: سوالف يدتي الله يرحمها......
السلام عليكم ورحمة الله وبركاته
اللهم صل على محمد وآل محمد
ومتباركين بهذا اليوم العظيم
عيد الله الأعظم عيد الغدير
واللي إحتفل واللي راح الحسينية واللي راحت العزيه
واللي قرقشت وأهم شي جددنا البيعة والولاء لآل البيت عليهم السلام
---------
نعود لمحور سالفتنا
هذا يا محفوظين السلامه والصحة والبقاء
هذاك اليوم رجعت من المدرسه وحطيت راسي ونمت من مغربيّه ، وما فيه الا شخييييييييييييييير من التعب
وشوي الا يدتي يايه اليي في الغرفه ومقعدتني
يدتي:- قوم قوم انته نايم الى الحين
أنا :- ( وعيوني نص مفتحه ):- خير أماه ويش صاير
يدتي:- وشوه ويش صاير ، يعني تسوي روحك ما تدري
أنا:- والله أماه ما أدري ويش صاير ، أحد مات ولا حريقه في الديره ولا وشوه
يدتي:- ما تسمع الأذانات في المسايد داكيه تشتغل
أنا:- الأذانات حق الصلاة أكيد يعني حق ويش
يدتي:- حق الصلاه ، أي صلاه والحين الساعه بعدهيه فنعشر الليل ، هذي صلاة شريعة الماي
أنا :- الساعه طنعش الحين ، ما أدري
يدتي :- قوم يالله البس فيابك وروح المسيد
أنا:- أروح المسيد ويش أسوي
يدتي:- قوم روح ذاكيه يت الحوته وبلعت القمر
أنا:- يعني ، حوتة القمر
يدتي:- يعني انته تعرف بس تسوي روحك
أنا:- ما أدري أماه ما أحد قال ليي الليله عن حوتة القمر
بس با أسألش يداه ويش هيه صلاة شريعة الماي
يدتي :- اذا ييت من المسيد با أقول لك
وقمت ولبست فيابي ورحت المسيد اللي في فريقنا وجلست ويا الناس وكل شوي يقوم واحد ويأذن لامن الحوته بدت تطلع القمر من بطنها وقمنا وصلينا الى ربنا صلاة الخسوف
وطلعنا من المسيد ووقفنا نطالع في القمر وكل واحد يقول لصاحبه :- شوف شوف الحوته خافت وزوعت القمر من بطنها ، أكيد بعد ما صلّوا الناس عورها بطنها وزوعته
ويوم بيّن القمر رجعنا لبيوتنا وكل واحد حامل لبشاره الى أهله
أنا:- أماه الحوته طلّعت القمر
يدتي:- زين الحمد لله
أنا:- أماه تراني ما نسيت ، ويش هيه صلاة شريعة الماي
يدتي:- هذي صلاة الميانين يخلوهم يوقفوا
ويعلموهم الصلاة ويقولوا ليهم
أصلّي صلاتي وأنشر عباتي
فوق الشرعه والدنيا وسيعه
الله أكبر
( وفيه تكمله ليها بس نسيتها واذا جت حلوة اللبن ان شاء الله نسألها )
أنا:- الله يعين ، يعني بس ركعه صلاتهم
يدتي:- زين بعد يخلوهم يصلّوا
أنا:- أي والله زين ، اليوم في المسيد يا الينا ........وقام يصلي ويانا بعد
يدتي:- الله يرحم بالحال هذا .......الى الحين يروح المسيد ويصلي ويا الشيخ
أنا:- ايه بعد وين يروح أحسن من هالمصبنه اللي ما يخلّوه في حاله هالمسكين
يدتي:- اي والله ، والحين يالله قوم نام وراك بكره مدرسه
وخرجت من عند يدتي وأنا متعجب من هالحوته اللي تركب للسماء وتبلع القمر وتالي تزوعه هههههههه
وحطيت راسي ورحت في سابع نووووومه
ويالله تصبحوا على خير
-
رد: سوالف يدتي الله يرحمها......
رحم الله والديك اخوي واحد فاضي
رحم الله المؤمنين والمؤمنات برحمته الواسعة
بس بصراحة سالفة الحوتة والقمر اول مرة اسمع بلاسماء هذي:amuse:
بس المسيد = المسجد هنا ظليت اعود وازيدلحد ما عرفتها :embarrest:
صارت عندي عقدة من حرف الياء :embarrest:يبلع حرف الجيم
معذرة منك بس لانه هو السبب الي يخليني خبلة شوي:bigsmile:
تقبل مروري :cool:
وانتظر السالفة الجديدة :bigsmile:
-
رد: سوالف يدتي الله يرحمها......
حوتة القمر اول مرة اسمع فيها
يسلموا على هالسالفة الحلوة
-
رد: سوالف يدتي الله يرحمها......
السلم عليكم اخوي ابو زين
معلومة جديدة اخدتها عن صلاة المجانين ( صلاة الشريعة )
بالنسبة للحوتة سامعه بها
حتى ان بعض اليهال يقولوا لهم
اكلوا اكلتكم حوته من السما منعوتة
عادة بليالي الكسوف من يقولوا الحوتة بلعت القمر عاد ساعتها تجيني الهواجيس واتخيل ان وحش له فم كبير طالع لقمرنا ياكل فيه
بس من رحنا للمدرسة وعرفنا السالفة الصجية عرفنا انه كله كلام عجايز
قال زاعته قال
مشكور اخوي
-
رد: سوالف يدتي الله يرحمها......
السلام عليكوووووووووووووووم
شحوالك أخوي عساك بخير
ما قصرت وفيت وكفيت خوش سوالف ترد الروح:bigsmile:
والله سجدت على الموضوع البارحه لين أخر صفحه
والله ذكريات حلوه
(وعلى فكره )
شهيتني للباجه >>>أحين بقولوا ويعععع تاكل باجه:wacko:
والعصيده<<<قمت من الصبح عشان أسوي لي عصيدة دبس تفضل
وداني أكلها ويا نسكافيه مو قهوه عربيه عاد:wink:
ويالجو الحلو والمغيم أن شاء الله تمطر
لكن خساره ما عندنا خمقات :rolleyes:
والله صار نفسي أوقف في المطر بس أخاف من المرض
يالله أذا مطرت وقفنا واللي فيها فيها
وندعي لينا كم دعوه ولحبايبنا
يالله عاد نبي سوالف غير
أوه صح
عجبتني سالفت نتيف نتيفان
عمري ما سمعت خرافه من خراريف لول
الله يرحم جدتي أم أبوي ما فهمت عليها كنت صغيره
وأم أمي الله يعطيها العافيه مانسمع منها سوالف لأنها عصبيه:bigsmile:
رحم الله والديك
والله يرحم جدتك ويسكنها فسيح جناته مع محمد وآل محمد
والمؤمنين والمؤمنات
في أمان الله
-
رد: سوالف يدتي الله يرحمها......
(( بسم الله الرحمن الرحيم * الحمد لله رب العالمين * الرحمن الرحيم * مالك يوم الدين * اياك نعبد واياك نستعين * اهدنا السراط المستقيم * صراط الذين انعمت عليهم * غير المغضوب عليهم * ولا الضالين ))
الله يرحمها ويرحم امواتنا جميعا
-
رد: سوالف يدتي الله يرحمها......
خيتي لحن الخلود حياش الله
آسف في البداية على التأخير في الكتابة والردود
نظراً للإنشغال
اقتباس:
المشاركة الأصلية كتبت بواسطة لحن الخلود
رحم الله والديك اخوي واحد فاضي
رحم الله المؤمنين والمؤمنات برحمته الواسعة
الله يرحم والدينش خيتي
بس بصراحة سالفة الحوتة والقمر اول مرة اسمع بلاسماء هذي:amuse:
أفا على غيرش
هذي معروفه حوتة القمر
بس المسيد = المسجد هنا ظليت اعود وازيدلحد ما عرفتها :embarrest:
صارت عندي عقدة من حرف الياء :embarrest:يبلع حرف الجيم
معذرة منك بس لانه هو السبب الي يخليني خبلة شوي:bigsmile:
هههههههههههه
ويش نسوي بعد هذا كلامنا وما نقدر نغيره بعدويش
وسلامتش ....
تقبل مروري :cool:
وانتظر السالفة الجديدة :bigsmile:
بعد شوي بس خيتي
سالفه حلوه يديده
خالص تحياتي وتقديري
-
رد: سوالف يدتي الله يرحمها......
اقتباس:
المشاركة الأصلية كتبت بواسطة عفاف الهدى
حوتة القمر اول مرة اسمع فيها
يسلموا على هالسالفة الحلوة
خيتي عفاف الهدى مرحبتين
انتظري سوالف أحلى بعد ان شاء الله
ومعليش على التأخير
خالص التحيات
-
رد: سوالف يدتي الله يرحمها......
خيتي نوارة الدنيا حياش الله
اقتباس:
المشاركة الأصلية كتبت بواسطة نوارة الدنيا
السلام عليكم اخوي ابو زين
عليكم السلام ورحمة الله وبركاته
معلومة جديدة اخدتها عن صلاة المجانين ( صلاة الشريعة )
منتاز ...هالشكل نعرف اننا نكتب شي مفيد
بالنسبة للحوتة سامعه بها
حتى ان بعض اليهال يقولوا لهم
اكلوا اكلتكم حوته من السما منعوتة
عادة بليالي الكسوف من يقولوا الحوتة بلعت القمر عاد ساعتها تجيني الهواجيس واتخيل ان وحش له فم كبير طالع لقمرنا ياكل فيه
ههههههههههههههه
ضحكتيني
أنا من أشوف القمر وهوه صاير أحمر قبل الخسوف
أعتقد ان القمر الحين في البطن هههههههه
وبعدين من يبتدي يخلص الخسوف أعتقد ان الحوته
يعورها بطنها ههههههههه
بس من رحنا للمدرسة وعرفنا السالفة الصجية عرفنا انه كله كلام عجايز
قال زاعته قال
أي والله زاعته هههههه
دقولي الى وحده شايبه ( ضبعا) هالكلام وقولي ليها
ان الأرض تصير بين الشمس والقمر وعلشان كده ما يضهر نور القمر
وشوفي ويش يصير ههههههههه
ما فيه الا تكسير قداوه ههههههههههههههه
مشكور اخوي
حياش الله خيتي
رحم الله والديش
خالص التحيات
-
رد: سوالف يدتي الله يرحمها......
حياش الله خيتي الفارسة الحسناء
اقتباس:
المشاركة الأصلية كتبت بواسطة الفارسه الحسناء
السلام عليكوووووووووووووووم
عليكم السلام ورحمة الله وبركاته
شحوالك أخوي عساك بخير
حياش الله خيتي ويا مرحبا
ما قصرت وفيت وكفيت خوش سوالف ترد الروح:bigsmile:
عليش بالعافيه خيتي
هذا واجب علينا للمنتدى
والله سجدت على الموضوع البارحه لين أخر صفحه
والله ذكريات حلوه
الله يغربل ابليسش
على هالحاله ما فيه لا مذاكره ولا طبخ ونفخ هههههههههه
(وعلى فكره )
شهيتني للباجه >>>أحين بقولوا ويعععع تاكل باجه:wacko:
عليش بالعافيه
توني اليوم مخلي المدام تسوي ليي
باجه ...أمممممممممممممممممم
والعصيده<<<قمت من الصبح عشان أسوي لي عصيدة دبس تفضل
وين نصيبي
ما عليي أمبى صحن
وداني أكلها ويا نسكافيه مو قهوه عربيه عاد:wink:
تطور رهيب
عصيده ونسكافيه
وعلى قولت الشياب ...ما ترهم هههههههههه
ويالجو الحلو والمغيم أن شاء الله تمطر
لكن خساره ما عندنا خمقات :rolleyes:
أشوا عندنا إحنا خمقات
وخليت ولدي يلعب ويطرب وأنا وياه
بس في الليل ...فنينا في الدختور
وكل واحد منّا أبراتين
ودواء سعله
كح كح كح ...إسعل ..إسعل ..إسعل
والله صار نفسي أوقف في المطر بس أخاف من المرض
يالله أذا مطرت وقفنا واللي فيها فيها
وندعي لينا كم دعوه ولحبايبنا
إي والله ولا تنسينا من الدعاء
يالله عاد نبي سوالف غير
الليلة فيه سالفه ان شاء الله تعجبكم
واللي عندهم اختبارات
يروحوا يذاكروا أحسن ليهم
أوه صح
عجبتني سالفت نتيف نتيفان
عمري ما سمعت خرافه من خراريف لول
الله يرحم جدتي أم أبوي ما فهمت عليها كنت صغيره
وأم أمي الله يعطيها العافيه مانسمع منها سوالف لأنها عصبيه:bigsmile:
ان شاء الله قريب سالفه فانيه حلوه
رحم الله والديك
والله يرحم جدتك ويسكنها فسيح جناته مع محمد وآل محمد
والمؤمنين والمؤمنات
الله يرحم والديش والمؤمنين والمؤمنات أجمعين
في أمان الله
فمان الله خيتي
خالص التحيات
-
رد: سوالف يدتي الله يرحمها......
اقتباس:
المشاركة الأصلية كتبت بواسطة جورية الخليج
(( بسم الله الرحمن الرحيم * الحمد لله رب العالمين * الرحمن الرحيم * مالك يوم الدين * اياك نعبد واياك نستعين * اهدنا السراط المستقيم * صراط الذين انعمت عليهم * غير المغضوب عليهم * ولا الضالين ))
الله يرحمها ويرحم امواتنا جميعا
أهلين بخيتنا جورية الخليج
رحم الله والديش والمؤنين والمؤمنات أجمعين
خالص تحياتي للتواجد الكريم
-
رد: سوالف يدتي الله يرحمها......
السلام عليكم ورحمة الله وبركاته
اللهم صل على محمد وآل محمد الطيبين الطاهرين
في البداية اقدم أسفي لكثرة انشغالي
في الشهر السابق
ولم أكتب أي شيء خلال الفترة السابقة
------
هذا يا محفوظين السلامة ذاك اليوم ياي من بيت خالتي
بعدما وديت ليهم صالونة مسويتنها الوالده
واشتهت لأختها - الله يرحمها - وحطت اليها
في غضارة شويه
وأنا راجع من بيت خالتي شفت صديقي وهوه على باب بيتهم
أنا:- هاه أبوجاسم ويش تسوي
محمد:- دحنا قاعدين الصبيان راحوا الحبال عني
أنا:- خلاص يالخوي ، تروح وياي عين أم عمار
محمد :- والله فكره ، با أمر عليك عند بيتكم
وبس أرمي حيره على دريشتكم يعني أنا
أنا:- خلاص ولا تنسى تييب وياك الميوه
محمد :- النص بالنص
وحطيت ريولي على قولتهم
ووصلت البيت وعلى طول رحت الى يدتي
أنا:- أماه بنروح نتسبح في عين أم عمار
يدتي:- انتفتوا لروحكم مو تغرقوا
أنا:- ولا ما نعرف نتسبح ، ولا يهمش أماه
يدتي:- لا تنسى تييب ليي( *$%^&*)
أنا :- ما عليه ما نسيت ودانا با أخذ كيس عشان أييب لش وااااااايد
يدتي :- وادي با أطلّع قوطيتي الماو
وسمعت صوت الحجره على الدريشه
أنا :- يالله مع السلامه با أروح الحين
وذهبت الى المطبخ وأخذت ميوه للروحه
وخرجت الى صاحبي ومشينا الى العين ويكفيكم واحنا رايحين ما خلينا لا برتقاله ولا تفاحه ولا شي
الا أكلناه ...وما بقت عندنا الا فنديتين حق بعد السباحه
ووصلنا وشفنا العين صافيه وما أحد وصل من اللي يسبحوا هناك
وقمنا نيمع الطين اللي وصتني فيه يدتي وحطينا في الكيس علشان نتقاسمه بعدين
وقمنا نصيد في الحراسين في العين وقعدنا ما فيه الا طبه رواسي وطبه قلّه وطبه من فوق النخله
وشوي الا يايين ناس يتسبحوا
وشويه شويه وانترست العين من الناس
فيه ناس عاد فنانين في السباحه
وفيه واحد الى الحين اتذكره يركب من فوق نخله جنب العين ويطب من فوقها
وذيك الأيام الواحد مو بس يتعجب من هالشي الا يرتفع حواجبه مفلات مساحة السياره
ويوم تعبنا قمنا من العين ولبسنا ورجعنا وفي الطريق شفنا في طريقنا نخله غره وفيها خَلاَل وقمنا ويمعنا بعد شوي
ووصلنا لبيتنا وتقسمنا كل شي
ودخلت البيت
أنا :- سلام عليكم
يدتي:- عليكم السلام ، يا هلا بالحامل والمحمول
أنا:- هلا بأمي يا هلا بها الله يعطيش العافيه لا تستعيلي على رزقش هذاهوه في الكيس وياه شي فاني بعد
يدتي:- ويش هوه بعد وياه
أنا ( وقد فتحت الكيس وأعطيتها منه):- ويش رايش
يعجبش هذا
يدتي:- ايه ، بت .....( نادت على حلوة اللبن)
وجائت أمي
حلوة اللبن :- خير آمري أماه
يدتي:- شوفي ولدش ويش ياب
وأعطيت الوالده شويه من الطين وشويه من الخَلاَل
حلوة اللبن :- ايه يا محلا الخلال، عطاك الله العافيه وسهل الله الك دربك يااااارب
يدتي:- بت .....سوي لينا قلادة خلال اليوم
حلوة اللبن :- خلاص ولا يهمش بعد شويه أسويها
أنا :- عليكم بالعافيه
أنا الحين با أروح أنام بكره ورايي قعده من الصبح
حلوة اللبن :- ويش وراها هالقعده من الصبح
أنا هذا سر وبكره بتعرفوا
وانتون تصبحوا على خير وبعدين بتعرفوا
فمان الله
-
رد: سوالف يدتي الله يرحمها......
هلا والله اخوي
يعطيك الله الف عافية
مشكور على السالفة الجديدة مع انك طولت على بال تجيبها
والله يوفقك
وانا الحين محترة ابي اعرف السر
تراني مابعرف انام من اللقافه بس يالله انشاء الله ما تتأخر
وامورك تتسهل انشاء الله واشغالك تنقضي عسى ربي لا يشغلك شاغل غير عبادته
والله يرحم المؤمنين المؤمنات
