ماعرفتوني .. كثر .. ما عرفني ..

اي والله شكله هو ابومصيبة الالي صار بينه وبين عبد الله الموقف الي في الصندقه
حرام اخيرة ابو مصيبة الموت هالنحيس حرق قلبي
كأن القصة حقيقية

الله يحفظش يابعد عمري ويعمي الله عنش اعيون الشياطين يارب

http://omeldonia.com/adminupload/E_Card/big/b_86.gif

جاري انتظار القصة >>>

هههههه يسلموو عالتفاعل
ويسلموو الجاري الإنتظار
ويلي .. وربي كل ليله لعيونكم اكرف كرف في هالقصه
حتى افتقدني المنتدى صايره قليل اقعد فيه

تفضلوا الجزء الجديد
ونسألكم الدعاء

ــ اذا الأقدار خذت منا حبايبنا.. نردد ااه.. يا قسمتنا والنصيب
واذا العين تعبت من مدامعنا.. نعاتبها يستاهل دمعش الحبيب
صعب ننسى ونبعد وان تجاهلنا.. ترد الذكرى ترجعنا قريب
وما نملك الا االصبر والله يساعدنا.. هو الشافي للهم والطبيب

2005
مع صوت تلاطم الأمواج.. رائد ينشد هالإنشوده.. ممزوجه بالأهات...
فارس واقف بجنبه ومحوطنه بذراعه .. وسرحانين مع العمق الأزرق..

يرجع بهم الزمن تسع سنوات ورى.. يتذكروا .. كيف صاروا ينتظروا حبيبهم وصديقهم واخوهم الكبير.. كيف الخوف اكل قلبهم يوم عدى النهار ولا رجع.. يتذكروا لهفتهم ودموعهم اللي ذرفوها بحراره وهم يسمعوا خبر الرحيل..
خبر رحيل عديل الروح.. عبدالله..

اوقات كانت صعبه ومره.. عبدالله ذاك الإنسان الرائع اللي مخبي ورا ابتسامته قصة حزن دفينه .. تعب فضول رائد يبغى يعرفها ولا قدر.. عبدالله اللي تمثلت فيه كل الصفات الحلوه .. من مرؤة واخلاق وشهامه قليله ممن كانوا في سنه..

بعد ما رحل .. خلف وراه هموم واحزان...

ابو عبدالله راح لواحد من اولاد اخوه يحبه ويزوره وايد.. يوم درى به صار وحداني .. ترجاه يعيش وياه..
علي وامين انسجنوا فتره من الزمن .. بتهمة تعاطي خمور ..
وابو مصيبه اعدموه ..
رائد كان بوده هو اللي يعدمه.. هو اللي يفنيه .. سلب منه اغلى انسان.. الإنسان الوحيد اللي علمه اشيا كثيره بالحياه.. واولها الصبر على فقد الأحباب..

يتذكر وهو واقف ورا الزجاج.. ينظر لعبدالله الطريح على فراش الموت.. ينازع سكراته لحظه بلحظه.. يتذكر دمعاته المنسكبه.. يتذكر كيف كان مع فارس مثل جسد واحد يحاتي فقد الروح.. اللي سلمت امرها لله وودعت..

طبق عبدالله اجفانه.. وطارت طيور السعاده من اعشاش الطفلين.. ودعتهم هاجرتهم فرقا بدون رجعه..

رائد ارتمى على عبدالله وفارس بجنبه.. مسكوه ثنينهم .. لا ااا.. لا يروح.. كل شي الا الفراق .. هذا اخونا ..

يتذكروا لحظاتهم معاه.. ايامهم الحلوه .. الحوادث اللي صابتهم.. كل ذكرى يتردد وراها صدى الأاااه..

كان هاليوم يوم ذكرى رحيله.. تعودوا رائد وفارس اللي ما فارقوا بعضهم من بعد رحيل روحهم.. وظلوا جسد واحد.. كل واحد فيهم يعد الثاني روحه.. وطيف عبدالله ما فارقهم ولا لحظه...

نفس المكان اللي قعد فيه عبدالله مع رائد.. رائد يطالع بحسره مكان الكرسي اللي كان محفور عليه اسم عبدالله ومهند.. حتى الكرسي ودع.. واستبدلته البلديه بكراسي جديده..

رمى نفسه على بديل كرسي اعز ناسه.. بس هالمره حفر عليه هو بنفسه.. اسمه واسم فارس وبينهم اسم عبدالله .. تسند ورفع راسه للسما ...

ــ ااه.. رحمة الله عليك يا اخونا...

فارس بعده واقف يتأمل البحر .. يحس وده يصرخ.. الدنيا تغيرت والحال صعب.. اعز ناسه امه وتركته من صغره .. ويتبعها اخوه ورفيق عمره .. يحس انه هو السبب.. يحس عبدالله راح فداه.. مسك فارس راسه بكفينه وهو ضاغط عليه..
مسح بأصابع شعره.. وذرف دموعه .. ما مسحها تركها توصل لشفافه تذوق ملوحتها وحس بحرارة الفرقا... ومزود همه جدته الغاليه ام حسين.. مرضت وصابها خرف .. صارت ما تقدر تتحرك مثل لول .. وصار هو المتكفل فيها وبرعايتها.. خايف في أي لحظه يصحى الصباح وما يلقاها..

تعب من الم الفراق .. وبكل لحظه يتمنى شبح الموت يخطفه مع احبابه..
ــ ااااه.. استغفر الله ياربي ..
مسح دموعه .. وتوجه لرائد .. جلس بجنبه.. رائد وهو مغمض:
ــ سنيييين مرت .. وعدت.. وذكراه في القلب .. والله لأخر لحظه في حياتي ما انسى ذكرى هاليوم..
فارس:
ــ أيـــــه يا خوي.. الله يرحمك.. في قلبنا عايش .. عبدالله ما مات..
رائد التفت لفارس.. صار يتأمله.. وهو مبتسم.. يحسه جزء منه...


فارس ساعتها عمره 21 سنه تخرج من الثانويه وما جاب نسبه من الضغط والهم اللي عايشنه وقاعد يدور على وظيفه ... ورائد 18 سنه بثالث ثانوي .. سنين عدت بسرعه ما تلحق ومضت في طرفة عين...
رائد:
ــ اليوم بيرجع عمي سراج من استراليا ..
ــ ايه عمك اللي سافر يدرس بعثه من سنين .. ويش يسوي هناك..
ــ والله تزوج لبنانيه كانت تدرس وياه واشتغل هناك.. وظل عيشته هناك.. بس شي .. سمعت ابوي يقول ولده عمره 7 سنوات ويتكلم لبناني زي امه وانجليزي
ــ افااا ما يعرف قطيفي ..
ــ هههههههه أي والله افااا.. حلاته اذا جا اقول له .. دخلك رمزي ما بدك تلعب معي..
ــ بفففف هههههههه ورمزي بعد..
رائد يبتسم بمسخره..
ــ اللبنانيه حابه رمزي ...
ــ عجيييب قليل بالقطيف رمزي .. هذا اذا في..خخخ
ــ ههههه وربي مو راكب .. رمزي سراج.. ما ادري كيفا صاير .. اهوو على كيفهم ..
ــ أي والله منت خسران شي..

ظلوا عالبحر يسولفوا ويتذكروا ايامهم الخوالي مع عبدالله.. هاليوم يوم ذكرى الفرقا وكل سنه ما ينسوه...


ــ امااااه ابغى الوح الكوافيل <<<< 18 سنه عمرها وللحين رائها الحلوه..
ــ لويش الكوافير...
ــ شوفي حواجبي حشيش تخووف..
ــ والله ما عندش سالفه.. صايرين خيووط.. رحم الله ايامنا كانت البنيه ما تحف الا اذا عرست..
ــ اماااه لول انتون غيل.. الحين يتلعبوا علي اذا حواجبي كذا الأسبوع الجاي حفلة التخلج ماني ابغى اصيل نظيفه...
وتمد برطمها شبر وهي تتمسخر:
ــ صايله كني لائد بهم.. بس لائد وجهه شوي يبين انه صبي من اثل الحلاقه..
ــ زين رجعة اخوش من برى خليه يوصلش..
ــ ولويش مو ابوي..
ــ ابوش بيرجع من العمل تعبان.. واخوش ما وراه لا شغله ولا عمله .. قاهرني وحارق قلبي بدل لا يقابل كتبه السنه اخر سنه له..
ــ يقول يداكل خلاص لا تحلقي قلبش .. عقلة في لاسه يعلف خلاصه..
ــ أي والله بس لا يخلص علينا هو... وراه مستقبل بيفتح بيت .. ويلي كل ليلة اني واي ابوش نحاتي فيه .. ويش بنسوي اذا ما جاب مجموع..
ــ لا ان شالله بيجيب.. اعلفه اني اخوي شاطل.. صدقيني احيانا ما اعلف مسائل في اللياضيات يعلمني اياهم..
ــ يالله ياكريم يوفقكم وينجحكم .. ويبرد قلبنا بكم..
ــ يالله يا كريم .. يعني انتظل لائدوه لين يجي ...
ــ اليوم بيجي عمش سراج دريتي..
رؤى عن المرايا تحوس بحواجبها..
ــ ايه دليت..
ــ بيقبعوا وايد حووس بتروحي الكوافير خلاص..
ــ ههههههه زين.. اماه تذكري شكله اخر مره كان ويانا ..
ــ هههههه يعني مو مره من زماان
ــ ايه والله اتخيل صال غيل..
ــ والله من زمان.. من اول ما تخرج من ثانوي.. راح يدرس .. عمش وابوش لاهيين كل في مشاغله.. لين يوم كلمهم قال وياه بالجامعه هناك لبنانيه من الجنوب .. بيتزوجها .. وتزوجها .. وتخرج واشتغل هناك.. سنين والله .. تقريبا في الثلاثينات هو الحين.. وجاب رمزي..
ــ هاا.. لمزي .. خخ .. عجييب ... لبنانيه قلت يمكن طوني .. جوني..
ــ ههههههه خبالتش قالوا لش مسيحيه .. من الجنوب شيعيه ..
ــ ويش دلاني خخ..
ــ ياعلي يا رؤى يبغى لش تقري تهتمي تتثقفي.. منتين شاطره الا بهالبشره وهالشعر .. ومخش قوطي فاضي..
ــ امااه لا تسخلي علي .. والله اعلف بس كنت امزح وياش..
ــ ههههههههههه لا تصيحي وتطب دمعتش الساكبه ادري بش تمزحي بس ابغى احرق اعصابش
رؤى ماده البرطم :
ــ ايه فكلت بعد تفكليني هبله وما اعلف شي..
ــ لا ما شالله عليش بنيتي قمر وعقل كامله مكمله والكامل الله
رؤى فردت البوز شبرين..
ــ ويي الله يخلي لي احلى ام في الدنيا..
ــ يالله يبلغني فيش يا كريم
ــ لااا.. اول شي اتخلج من الجامعه واشتغل وتالي يبلغش..
ــ اخخ منكم من بنات.. بنشووف ..

تابع >>

الساعه 8 الليل .. وصل سراج من استراليا استقبلوه فاضل وهادي بالمطار..
زوجته طبعا بما انها لبنانيه فما تتغطى ..

فاضل متحرج منها.. ومو عارف يتصرف وعيونه طول الوقت في الأرض حتى وجه اخوه ما شافه عدل ..

بحكم ان بيت ابوه صغير .. ويالله يكفي هادي واولاده .. قال فاضل لسراج يقعد وياهم.. لين يشوف له شقة يتأجرها لأنه خلاص قرر انه يستقر في السعوديه بحكم ولده بيروح المدرسه.. واهل مرته بالسعوديه عايشين بس بالأحساء ..
والشركه اللي يشتغل فيها ليها فرع بالسعوديه ويالله وافقوا على طلب نقله هناك

.. زهرا ما مانعت واحسه فرصه حلوه تتعرف على زوجة حميها.. ليلى ..

وصل سراج بيت اخوه.. نزلوا الشناط..
رؤى راحت لعمها :
ــ قووه عمي الحمدلله عالسلامه..
ــ هلااا رؤى الله يسلمش .. ما شاء الله صرتي مره .. كبرتي يا بنيه وحلويتي..
رؤى كالعاده الوان تلونت..
ــ هلا خالة كيف الحال
ــ اهلين رؤى.. منيحه الحمدلله .. انتي كيفيك
ــ اني الحمدلله..

رمزي يسحب عباية امه..
ــ إمي إمي .. بدي مي..

فاضل:
ــ زين حبيبي.. الحين اخلي خالتك زهرا تجيب ليكم.. بس اناديها استريحوا البيت بيتكم..

راح فاضل لزهرا تحوس بغرفتهم.. وعلمها عن وصول اخوه ..
ونزلت زهرا تستقبلهم وتسلم عليهم...

رمزي كان ولد هاادي وحليو ودبدوب.. يشبه ابوه سراج بس على بشرة امه .. ابيضاني واشقراني .. صاير لعبه حلاته..

زهرا مستخفه عليه خفيف دم..دخل قلبها.. وامه حليوه طيوبه و طشونه اللي يشوفها يقول ام 17 سنه وهي 27 سنه..
رؤى مستانسه بولد عمها .. ما خلت حلاوة ولا شوكولاته الا جابتها له ..


قعدوا في الصاله وجابت ليهم زهرا ضيفه وصاروا يسولفوا .. الا بدخله رائد..
رائد يوم شاف نعالات على الباب .. دخل وهو يتنحنح:
ــ يالله يالله.. احم..
ما سمع الا عمه سراج :
ــ هلاااااا رااائدووو..
رائد رفع حواجبه فرحان:
ــ هلااااا قرندايزر الحمدلله عالسلامه..
وبالأحضان.
>>>>
قرندايزر .. لقب كان رائد يلقب به عمه سراج.. كان يلعب معاه ايام الطفوله يشيله ويشادخ به .. وياخذ صحون البلاستك ويرميهم الصحن الدوااار وما ادري ويشوو.. خخ راحت عليه قرندايزر ..

سراج:
ــ ههههههههه والله زين ولا نسيت..
ــ ههههههه افاا لا ويش ينسيني..اخبارك .. ياعلي صرت غيير شيبت..
ــ هههههههه والله .. صرت انت رجال ما شالله .. يا الله سنين ما تلحق ..
ــ احم .. تسلم..

رائد شاف رمزي واستانس به وفي باله ..
ــ حلاته .. هووب .. دبدوب...
طبعا ما التفت لمرت عمه.. كان مستحي .. استأذنهم وركب غرفته..

وهو راكب لحقته رؤى ..
ــ لائدوه .. لائدووه..
ــ هااا .. ويش فيش..
ــ بل بل .. هااا.. يمااه.. ابغاك توصلني الكوافيل..
ــ بل بل بل .. توش داك الشهر موصلنش .. حلاوة هو كل شهر..
ــ اهوو لا تسخل.. ابغاك توصلني..
ــ تالي المغرب .. الحين انا تعبان ونعسان.. ومالي خلق.. قعديني قبل الصلاة بربع ساعه نصلي واوصلش..
رؤى مدت برطمها كالعاده:
ــ زين..

انسدح رائد على سريره.. التفت على يمينه.. صورة لعبدالله مصورنها وياه ومعاهم فارس.. شال البرواز وصار يتأمله.. ضمه لصدره .. قرى الفاتحه لعبدالله وغفت عيونه .. وناام....

ــ فارس .. لا تخليه.. خلكم دوم ويا بعض.. اذا تبغوني مرتاح..
ــ مين قال لك باخليه.. انا ما بخليه لين اموت.. انت ليش رحت وخليتنا,,
ــ انا.. انا .. رحت لأمي.. وحشتني..
ــ لااا.. يعني حتى فارس بيروح لأمه..
ــ هههههههه رائد.. اعقل.. هذا يومي .. انت بس فارس خلك دوم معاه.. الله الله به.. لا تتزاعلوا.. هو تراه يحبك.. وانا ادري بك تحبه.. ابغاكم مضرب للمثل.. انا معاكم.. لا تخافوا.. معاكم.. لا تخافوا...

الله اكبر الله اكبر .. لا الـــــــــــه الا الله .. لا الــــــــــــــه الا الله...

فتح رائد عيونه.. غرفته ظلمه.. هذا اذان المغرب .. كفخ المخده على جنب ..
ــ خبله رؤووه اقول ليها قعديني قبل اذان المغرب ..
وما مداه يقوم.. بالغلط نسى ان البرواز تركه على سريره.. فزحف معاه.. وطاح على الأرض وتكسر..
رائد من طاح البرواز.. لا شعوري شهق وقعد على ركبه ..
ــ عبد الـــــــلـــــه ..
وصار يوخر الزجاج.. شال الصوره .. وتسند على التسريحه.. تنهد من قلب...
ضم الصورة .. وصار يهدي في نفسه..
ــ لمتى كذا.. من يجي هاليوم تهيج عندي الذكريات والأحزان.. رحمة الله عليك يالغالي ...

تمسح وصلى.. وطلع ينادي على رؤى بيوصلها الكوافير...
وهم بالسياره.. رائد حاط حسين الأكرف على حده..
ــ ابد ما انساك حااشا وكان.. عداني الخير لو انسى .. تريد انساك ياشراعي ياموج الشوق والمرسى.. هواي انت نسيم احلام وربيع الام هد نفسه .. لظل ابكيك طول الليل ياباقي النور والخمسه ..
تنهد من قلب وفي باله :
ــ سلام الله عليش يا الوديعه.. مصاب الحسين عليه السلام ما مثله مصاب.. وفقد زينب له فجيعه.. الهموني الصبر يا سادتي ..
وهو سرحان ما انتبه للأشاره انها حمرا.. ويوم قريب يعديها صرخت رؤى ..
ــ حملااااااااااا
ويضرب رائد بريك حد مااا عنده


الى اللقاء في الجزء الجديد :rolleyes:
اسألكم الدعاء ..

ياهلا فيكمـ
مشكوورة خيتو على الاجززاء
توني اقراااها
مؤلمة بجد

ا مـــــــــــوووره
بجد توقعته ان عبد الله بمووت يااارب
اشكثر مؤثر الموقف وذكرنا باحببنا
ربي يرحم موتانا وموتا المؤمنين والمؤمنات اجمعين
بس انشاء الله يكون الباقي خير ..
يعطيك العاافيه
تمنياااتي لك بالتوفيق والنجاح
دمت في حفظ لله ورعايته
جــــــــااااري الانتظاااار بشووووق

آآآآآآآآآآآآآآآآآآآه ياعلي .. حرااام يمووت عبد الله ..:sad2::sad2:
والله شخصيته تجنن ومحلي القصة ..
عورني قلبي عليه ..

مشكورة حبيبتي أموورة على الأجزاء ..
وننتظر البقية بشوق ..
موفقة غاليتي ..
تحياتي .. إيلاااف ..

يلا امووووووورة تكفين كمليها والله حليوه
اتمنى قصتي تصير به الحلاوه يلا اني انتظرش تكمليها
عد مو تخلص دي القصه وخلاص ماتالفي لا اني ابغى
اشوف قصصش الحليوه الله لا يحرمنا منش ابد
وعلى فكره قصتي فيها اسم فارس بس اني ماخذة الاسم
من عندش جاء على بالي وكتبته قبل لا اشوف القصه كتبته خخخ
بس مو تحرمينا من التكمله يلا اني في شوووق لمعرفة الاجزاء
وعندي تخمين ان فارس معجب في رؤى وبيتزوجها خخخان شاء الله التخمين عدل
تحياتو
شموعة

اني كان عندي احساس من قلتي ان ام عبد الله جت ليه في منامه وحضنته قلت لا لا عبد الله بمووت
رحمك الله ياعبد اللهhttp://www.alnassrah.com/vb/images/icons/bawling.gifhttp://www.alnassrah.com/vb/images/icons/bawling.gif
الصراحه يعني اول شي اني دموعي طاحت لازم يعني هوه مات اللي متعودين عليه وبعدين هدي ام الراء ولا نطقت عدل فشلتنا وعمرها 18 سنه<<خوفتي اجيب بنوته غلطه زيها من شفر ماعيب عليها
تسلمي حبيبتي والله ع القصه واحساسي تجدد بس مابقووله
تحياتي
ضحكوه البطه

ياعلي ماني قادره

اول ماقريت القصه على طول شهقت بقووه وحطيت ايدي على صدري

وظليت كذا فتره طويله

لكن زي ماقال عبد الله .. كل من بيومه

كملت القصه واستانست

بس بعدهيه فيني غصة موت عبد الله

تسلمي يالغاليه على القصه

الاكثر من رووعه

الله يعطيش الف الف عافيه

دمتي لنا

ههههههه زين.. اماه تذكري شكله اخر مره كان ويانا ..

اميره مو قلت لش أمير العاشقين ما بيعطيش الشهاده

شفت ثلاثه أخطاء عندش نقصتي ثلاث درجات

تسلمي خيتووو على هالقصه الروعه

شوف الصدف أميره

كنت أسمع صلاة الليل ما اشوف روحي الا اقولها اقول طلع اميره ويش فيها هههههه

ضحكتيني بجد والله العظيم

مشكورة خيتوووو

وبانتظار جديد الاحداث

خالص تحياتي
أمير العاشقين
جاسم أحمد

حرام مات كنت باصيح اهئ اهئ:closedeyes::sad2: وبعد الي زادها حاطة موسيقى حزينة بس توقعت من يوم شاف امه بالحلمة والله حرام مشكورة عالقصة بس هالجزء مرة حزين واسفين تعبناج يمبلج تاخذي راحة
مشكورة عالقصة

امورة يالغلا يسلموو علقصه الروعة
بس المأسي اتزيد وش صايرر

علعموم ندااااااااااااءطويل الي كل الأعضاء
اميرة تعبانة هلفتره اعذروها تري ماكذب عن جد
وسوي روحي واسطه يعنوو مسكينه عورت قلبي مره مزحزمه البنت اعذروها
بس قريب راح اتنزل اليكم ئلي ابرد خاطركم
موفقين
ها اعضاء لاتخيبوني صايرة واسطه وبعدين اتفشلوني
اعذرو اميرة ماعندنا غيرها ها

اميرووه ماني قايله شيء على قتلك لعبودي تهي تهي

كفايه ماجاك من عتاب بالمسن تهي تهي

حرام عليك موتيني صياح اميرووه

راح الغالي تهي تهي

حاسه بغصه ولا ني مستوعبه الى الآن من الصدمه

يعني انتي متاكده انهم دفنوه وطلع هوو عبود شافوه اكيد هو

يمكن غلطانين ولا شيء تهي تهي

ليه تقتليه ليه يامجرمه ياقاتله <<وتقول موب تعاتب ...

امور تهي تهي حرام عليك ..


اميروووه خلاص انت تعبانه مررره وحالتك الصحيه من الخلعه على عبود تعبانه

فأنصحك لاتنزلي شيء الحين <<علشان مصلحتها

وربي ماني قادره وابي اتابع الحلقات اول بأول لاتنزلي شيء الحين اوكي


المهم انا بقوم اشرب ماي وبغسل وجهي بماي ورد لاني مرتاعه على عبد الله الله يرحمه

كان زين الشبان ماتهنى بشبابه تهي تهي


بايوو امور ننتظر الحلقات القادمه بس لاتجيبي طاري الموت

حــــــــــــــــــــرامhttp://www.alnassrah.com/vb/images/icons/bawling.gif



حرام راح الغالي:sad2: راح عبوديhttp://www.alnassrah.com/vb/images/icons/bawling.gif



وها ترى كفايا علينا فقد عبود


لاتقولي رائد ورؤى تقلبت بهم السياره

كفايا علينا دموع اقلبي شوي كوميديا
خلينا نبتسك شوي:evil:

صارت عيوني صغار من كثر الصياح:bigsmile:


عساااك على القوة

بنتظااار القاااادم على احر من الجمر


دمتــ بود

يسلموووووو جميعا على التفاعل الجميل :bigsmile:
وشكرا لتحملكم تأخيري :embarrest:
ومن بكره ان شالله راح ارجع ليكم بالجديد واللي يبرد خاطركم ان شالله
تسلموا اعزائي على هالإجازه :rolleyes: << من كيفش مو برضاهم لو يصيدوش داسوا فبطنش :wink:

دمتم بحفظ الرحمن

الله
حركااااااااات
جاري الانتظار
.......................................

امييييييييييييييييييييييييييييييييييييييييييييرررر رررررررررررررررررروووووووووووووووووووووووه

:rocket::ranting::mad::angry::mesb::med:

امرووووووووووووووووشوووووووووووووووووووووووووووووو وووووووووووووووووووووووووووووووووووووووووووووه

:sad2::sad2::sad2::sad2::sad2::sad2:

متى بتسنعي هاااا متى بتسنعي هاااا

:rocket::seif:

قلنا اجازه وتاخري يوم يومين بس مو ثلاثه واربعه وخمسه

اميرررررررررررررروه

يعني نظل ننتظر ويش صار على لؤى ولائدوه :huh:

الليله و بكره العصر بالكثيير ابغى اجزاء منزله :seif:

ماابي اعذار اميروووه

سامعه ولا بشتكي عليك الغالييه ام الحلوييين :help:

وبخلي كبرياؤؤؤؤؤوووووووو تدخل مملكتك الصغيره وتحولها لزريبه :help:

فاهمه سامعه !!!!!!!!!!!!!!!!!!!!!!!!!!!!!!!!!!!!!!!!!!!!!!

<<شكله بيجيني كف رسمي هالمره جد خليني اروح قبل لايجيني شيء

الدجاجه انضجت :toung:

<<<<<جاررررررررري الانتظاااااااااااااااااااااااااااااااااااااااااااا ااااار اميروووشه

يسلموو على الإنتظار .. شكرا على التفاعل ..
املووه بطيخووه حسابش وصلش هنااك خخ ودريتي بعذري يا دبه ..

تفضلوا الجديد
واعذروني على تقصيري

ــ ايييي ..
رؤى متكرفسه على ارضية السياره قدام.. يوم ضرب رائد بريك .. طفرت المسكينه من الكرسي وطاحت على الأرض على ركبها.. صك راسها بالصندوق الصغير تبع السياره.. وعورتها جبهتها..
حطت ايد على الكرسي وصارت تشيل عمرها بصعوبه .. وايدها الثانيه على فخذ رائد.. اللي كان وجهه على الدركسون..
ــ تهي تهي .. لائد.. لااااااااااااااااااااااااائد...
ــ لا تصرخي ما فيني شي << قالها وراسه بعده على الدركسون..
ــ اجل ويش فيك لويش لاسك على الدلكسون..
ــ داير شوي ..
ــ وي على عملي اخوي لو دليت ما قلت ابغى كوافيل .. تهي تهي ..

انتبهت رؤى على بنطلون رائد.. اثر مثل الماي .. رفعت راسها.. لقت دموع تطيح شي يسيح على الدركسون وشي على البنطلون..
مسكت كتف اخوها تباعده عن الدركسون.. وبنبره مخلوعه ومخنوقه..
ــ لائد ويش فيك...
رائد رفع راسه .. مسح دموعه بظاهر كفه وبسرعه ..
ــ مافيني شي ...
ولا انتبه على واحد من العابرين اللي شافوا الموقف يدق نافذته.. ويسأله عن احواله.. وهل يحتاج مستشفى لو لا..
رائد طمنه انه ما صابهم شر ,, والحمدلله...

وكملوا طريقهم للكوافير... نزلت رؤى ... رائد :
ــ انا بنتظرش هنا..
رؤى كانت بتسكر باب السياره ورائد يقول ليها هالجمله .. رجعت فتحته..
ــ هااا .. بتنتظلني ما بتلوح ؟؟
ــ ايه ..
ــ يمكن زحمة واطول ..
ــ عادي ..
رؤى سكرت الباب وهي تضرب مليون فكر ...
ــ لااا اخوي فيه حاجه.. عادة ما ينتظل يلوح يداول لين اخلص .. ما يشتهي الإنتظال .. لااا .. ويلي اخوي ما ادلي ويش فيه..

دخلت الكوافير الا وحده من شلتها اسمها روان قاعده تنتظر دورها..
روان .. خوية رؤى الروح بالروح .. انسانه بسيطه وعفويه وسريعه بالكلام ..
طيبه واللي بقلبها على لسانها ... صديقة رؤى من اول متوسط..
ــ رؤوووه.. هلاااا
ــ اهلييين .. لوان..
اللي جالسين التفتوا لقافه خخ يوم سمعوا رؤى تقول لوان.. مستغربين مهم عارفين هو اسم غريب يعني والا غلط بالحروف ..
رؤى حست عليهم .. وقعدت جنب روان لصقت فيها تساسرها..
ــ بل بل يحبوا اللقافه .. تهي واني عقدتي يعني هالحلف .. وكل اللي حولي واعلفهم في اساميهم موجود عنااد .. خخ استغفل الله يا لبي..
ــ ههههههه غربل الله شرش.. بالعكس حليوه رائش خفيفة دم ..
ــ الله يسلمش من ذوقش .. جاملي بس خويتش..
روان من النوع العفوي اللي ما تنتبه لتصرفاتها ... وبلا شعور رفعت صوتها :
ــ لا والله ان رائش حليووه صدقيني ...
اللي بالكوافير التفتوا و ابتسموا.. عرفوا السالفه ..
رؤى تفلص في روان..
ــ حسبي الله على شلش فضحيتنا,,
ــ ويي خخ ما انتبهت لعمري اسفه..
ــ عاادي مع فيسش.. الا ايمانوه غليبه للحين ما جت.. ..
ــ خخ ويش دراني عنها .. يمكن غيرت الكوافير .. تقول هداك الشهر خربوا حواجبها .. خلوها زي الجنيه ...

وما مداها روان تخلص كلامها الا بفتحة باب الكوافير .. ودخلت ايمان
ــ هااااي صباياا..

ايمان .. بنت ملسونه حبابه.. ستايل بنات المدرسه على قولة الأبلات.. كل يوم توقيف ومخالفات يوم على طريقة شعرها يوم على كحل بعيونها.. يوم جايه المدرسه بعبايه مخالفه.. بالمره بنوته فرري بس طيوبه ..

روان ورؤى يطالعوا في بعضهم ويفقعوها ضحكه..
روان..:
ــ هايااات وينش ..
رؤى :
ــ وعليـــكم الهااي .. طلينا الأ اقاا ينط ..
ايمان:
ــ هااا اشوف أط وفار ومدري ويش.. السالفه فيها حش فيني .. ويش كنتوا تقولوا علي .. واني اقول تعثرت على باب الكوافير بغيت اتكسر ..
روان:
ــ هههه ما قلنا شي خطير والله .. وما تعثرتي الا من هالكعب مسمار يااعلي .. كيفا تقدري تمشي به..
ــ اهوو شفتي روحش طويله الخلف علينا يالقصار يبغى لينا كعب كان نبين في الشارع ..
ــ هههههههه وحق ويش تبيني ..
ايمان تغمز ..:
ــ بس كذاا..
رؤى :
ــ ايماانوه ولا تهوني عن هالسوالف .. والله انش طيبه وحليوه بس لو تتأدبي..
ايمان بنبرة مزح ومسخره وهي مادة برطمها:
ــ ويش مسوويه اني ..
روان :
ــ خخ ويش مسويه بذمتش هذي عبايه ..
ايمان تطالع في عباتها ..
ــ ويش فيها ..؟؟
رؤى :
ــ حق معاليس .. ثوب خليجي مو عبايه ..
ايمان :
ــ خخخ .. اهوو حليووه..
روان :
ــ ما قلنا مهي حليوه بس مهي ساتره .. مره تلفت النظر ..
ــ مهي كتف هي الحين على شان تلفت ..
رؤى :
ــ لويش بس الكتف اللي تلفت .. ياما عبايات لاس تلفت اكثل من الكتف ..
روان :
ــ ايه والله شوفي عباتش ايمانوه راس بس كنش سلندر غاز .. مخصره والأكمام ليتات معاريس ..
ايمان سكتت.. وكن الكلام مو عاجبنها...
رؤى:
ــ هو هالشي على لاحتش غناتي بس لأنا نحبش ونبغى مصلحتش ..
ايمان :
ــ وجهة نظركم واحترمها .. براحتكم..

وغيروا الموضوع بسرعه كالعاده هالسوالف تنفتح مع ايمان وتتسكر ولا كنها صارت...جا دور روان .. وحفت .. خلصت .. جا دور رؤى .. انسدحت على الكرسي ورفعت لفتها عن جبهتها الا الكوافيره تقول ليها :
ــ ويش هذاا بجبهتش ..
وتلمسها بيدها ..
رؤى :
ــ اييي .. هدي الضلبه لويش مبينه عدل ؟؟
ــ أيــــــه..
رؤى نقزت تطالع في المرايا .. وشهقت ..
ــ يـــــــــاااعلي .. صايله بنفسجيه تهي تهي .. بعد ثلاثة ايام حفلة تخلجي .. ويش تطلع لي هادي تخلب علي تهي تهي ..
روان وايمان جو ليها .. ويسألوها عن هالضربه .. وهي تقص ليهم السالفه ..
ايمان صفقت صدرها ..
ــ السياره ماصابها شي ..؟؟
رؤى تطالعها على جنب :
ــ هذا اللي هامنش مع وجهش السيالة .. طلعي جبهتي ملونه..
ــ غالية وحليوة السيارة لأنه..
رؤى عصبت ناااار :
ــ اغلى مني .. مع وجهش يقولوا في الحديد ولا في العبيد .. الحمدلله الله سلمني اني ويا اخووي .. ايماانوه شكله منش حاطه عيونش على سيالة اخووي زين يوم لبي سلمنا ..
ــ بل بل بل .. ما قلت شي ...يمااه اكلتيني بقشوري ..
روان ميتة من الضحك...


رائد.. في السياره.. يحوس بتعليقه معلقنها على المرايا قلب في حرف A صغير .. و كانت هالتعليقه في سيارة عبدالله .. وترجع به الذكريـــــــــات ..

ــ ويش تحووس رائدووه..
ــ حليوه هالتعليقه .. القلب حليو .. بس كنها مالت بنات..
ــ هههههههه حلت دنياك.. ايه على شان اعطيها خطيبتي << قالها وهو يغمز..
ــ ههههههههه .. حليوه بتعجبها ..
ــ خذها حلالك..
ــ لا اخااف تزعل خطيبتك..
ــ ههههههههه الله يجيبها .. وتالي ازعلها .. خذها يا ولد ما تغلى عليك
ــ شكرا ..
عبدالله يحط ايده على راس رائد :
ــ العفووو ..




رائد حاط ايده على راسه .. ويحوس بشعره .. يتخيل اصابع عبدالله .. ضغط على التعليقه بكفه.. غمض عيونه .. واطلق زفرة ::
ــ رحمك الله يالغالي .. ما شفتها هالخطيبه .. الله يسكنك جناته وينعم عليك بأحسن منها يارب..

وبين ما رائد في سرحانه الا بطلعة ثلاث بنات بينهم اخته رؤى .. ووحده يوم دخلت ما عجبه شكلها>>خخ ايمان..
رؤى ركبت السياره .. وقالت لرائد :
ــ خوياتي بيوتهم قريبه لا يمشوا وصلهم..
ــ زين ناديهم..
نادت عليهم ..
ايمانوووه عيونها على السياره .. كانت بنتلي وفضيه وكشخه.. ورائد اكشخ منها ..<< يللا عاد هالبنيه والمطالع..
ركبوا السياره .. ووصلهم.. ويوم نزلوا

رائد:
ــ ويش هذي خويتش .. شكلها قوية عين ..
ــ منهي.. << قالتها وهي تعرف الجواب
ــ الا كن محل العبي بايقنها كم متر من عباتها ..
ــ ههههههههههههه ايمانووه..
ــ بــــــــــــعد ايمـــااااان.. خخ امحق ..
ــ خخ .. لويش قوية عين ويش شفت عليها,,
ــ اولا لبسها.. ثانيا.. لويش جالسه بالنص والمكان واسع.. كلما بطالع السيارات ورا تطيح عيوني بعيونها هادا ويش هالحاله هدي ..
ــ كانت جايه بتقول لي حاجه قالتها ونست حالها بالنص ..
ــ تقول لش حاجه هاا.. تأجلها لتالي .. ويش هالبنات يا كافي الشر..
ــ خلاص عاد لا تهدل على البنيه..
ــ اهوو ويش لي بها .. الله يهديها ..
ــ يالب والله من قلبي اتمني تتغيل .. والله ما مخلبنها الا هالتصلفات,,
ــ ان شالله الله كريم...


تابع >>

وصلوا البيت .. وزهرا شافت الضربة بجبهة رؤى ..
ــ ويش هااادي ..؟؟ من وييش ؟؟
علموها السالفه .. اختلعت المسكينه .. وما يحتاج السوالف اللي تسويها الأمهات اذا سمعوا خبر كذا ..

رؤى واقفه قدام المرايا تحوس في الضربه .
ــ ايي تهي تهي .. حلاتها ما تلوح ليوم حفلة تخلجي

وبتغميضة وتفتيحه ..
رؤى عند المرايا ..
ــ تهي تهي وجا يوم حفلة التخلج.. وبعدها هالضلبه ما لاحت ..

لبست وكشخت الحفله كانت في العصر .. وكل شوي تحط بوجهها شي وتمسحه تبغى تخبي اثر الضربه ..بالأخير نزلت شعرها على جبهتها على جنب .. واشوى على حالها كان ناعم فصار شكلها كيوت مره ..

شويات الا جايتنها حنين .. كانت بثاني ثانوي.. شرت ليها كرت على شان تحضر الحفله ..

خلصت رؤى متأخره شويات.. وطلعت خذت كيسين واحد فيه اغراضها شال التخرج والقبعه وعباية التخرج.. والثاني فيه خرابيط ورود وكروت وعفايس وعلبة المكياج...

وطلعت لرائد .. هي ويا حنين .. يبغوه يوصلهم الأستديو بعدين مكان الحفل .. وبعدين يرجع لأمهم يوصلها ليهم .. بعد ساعه...

وصلهم الإستديو.. رؤى مهي عارفه من العجله والربكه كيف توقف وكيف تقعد .. جننت المصوره .. وحنين ضحك عليها وتمسخر :
ــ خبله رؤووه هذي حفلة تخرج كيف لو حفلة خطوبها بتنتف المصورة شعرها ..
رؤى تكتفي بالبحاليس كالعاده..

خلصوا تصوير وتأخروا واايد .. دقت رؤى على رائد مره ومرتين وعشر ..

طلع الأخ مخلي جواله في السياره ونزل يشتري له حاجه من المطعم ذبحته الدواره من الجوع << كنه هو اللي يداور مو السياره .,,,
شاف المكالمات ..
ــ بل بل .. 23 مكالمه .. علي ياعلي .. الا سندويشة شاورما وغرشة بيبسي الا نزلت اشتريهم ..
ويدق على رؤى وهو يحط السندويشه في بوزة
ردت عليه :
ــ الووو وينك ؟؟
ــ انووه احم هاداانا الهين ممممم باجي ..
ــ يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..

ويرفع رائد غرشة البيبسي بيشرب .. ويتذكر كلام اخته ..
ــ كحححححح كح كح ههههه كحح
ويطفر بيبسي على جامة السياره ..
ــ اوهوو كح كح ..غربل الله شرش .. كح كح احححم

ويمسح بالنشافه وحالته حاله .. ويتأخر شويات ياكل وهو يسوق ..
رؤى :
ــ وي اخوي سكلت الجوال وهو شلقان .. كان ما صال فيه شي بس ..
ــ لا ان شالله دقي وشوفي

ما مداه الجوال يرن الا رائد راد عليها ..
ــ ثواني واطلعي ...
طووط طووط طووط
رؤى :
ــ ههههههه اشوى ما صال له شي..

وصل رائد وطلعوا .. ركيض متأخرين وحالتهم حاله ..

ويوم قريب يوصلوا الا رؤى شاهقه وضارب صدرها :
ــ تهي ماااااني ماااااااااااني ....



والى اللقاء بالجزء الجديد الباقي بكره تعبت :wacko: .. احم :amuse:

تهي تهي تهي تهي تهي تهي تهي تهي تهي تهي
والله حرام عليك نشفتي دموعي بموت عبووود
مسكين ليه عاد سويتي كذا وانا قايله لك مانبغى مووت

بس والله تاثرت فيه عبوود مع فارس ورائد اشلون كلن وضعهم وحالتهم
اشلون تلقو الخبر وكيف كانت ردة فعلهم
الله يصبر قلوبهم وقلب كل فاقد >>>>>> كل هذا تاثر بالقصه واعظم

بس ليه اخترتي عبوددي ما اخترتي بو مصيبه >>>>>> ليكون انتي ملك المووت
ولاحد عرف بسالفته مسكين عالصندقه يعني توفى وتوفى معه المه

والا عمهم سراج بس مع هالولد رمزي مثل ماقلت رؤى المفروض طوني او شربل من اسماء اللبنانيين

والا على هالكوافير مسكينه رؤى مع حرف الراء فشلتها روان بس شحليلهم والا هالايمانووه مسكينه
حتى من رائد ما سلمت من شره

ليكون الان رائد مو عاجبتنه هي تكون خطيبته يكتبهم النصيب لبعض

اهم شي مانبقى موووت كفايه راح من عندنا عبوووود الطيب القلب الواسع
الصبور مدري ويش اكتب عن شخصيته >>>>>> ليكون حطيتي عينك عليه

والحمدلله انه قبل مايتوفى عبووودي قوة العلاقه بين فارس ورائد

لانه مسكين هالرائد كان يغار شحليله هو غيرته
المهم مثل ماقلنا لك مو تسوي لنا نهاية مووت
ترى مافي دمووع كلها خلصتها على عبوود وذكريات فارس ورائد لعبود

ياويلك يا اميرووووه لو خربتي علينا وناستنا بالقصه

يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..

ويرفع رائد غرشة البيبسي بيشرب .. ويتذكر كلام اخته ..
ــ كحححححح كح كح ههههه كحح
ويطفر بيبسي على جامة السياره ..
ــ اوهوو كح كح ..غربل الله شرش .. كح كح احححم
هههههههههههههههههههه
بجد بمووووووووت ضحك
لو في الكوافير ورؤى وحرف الراء
بجد مأساء ..ليها بس حلووو
مسكينه اذا في ناس مافهموو ليها اكيد تضايق
يعطيك العااافيه
امـــــــــيره حرااام لاطولين مره ثانيه
جـــــــــاااااري الانتظاااار ..

الله الله وش هالحركات جزء حلوو بس قصير
ماااااااشفع لش غيابش:evil:
يالله نبي جزء طوووووووووويل ومانبي موت ونبي فرح ووووكل شي حلو << اقرع ومتشيرط:embarrest:
وصح ليش اخترتي اسم ايماانوه ماتدري اني اكره
يالله انتي وميااوش لاطوولي علينا
ترى وحشتينااااااااااا انتي وفراولتش
:):toung:
وبالتوفيق
والله يعطيك الصحة والعافيه ياارب
اختك..
:wink:بيسان:wink: بيسوو:wink: بيسون :wink:

ههههههههههه

برافوووووو اميرة وهذي شهادتي بصراحر رووووووعة قليلة فيها

مبدعة بصراحة ومنتي هينة

وانا ترا اقراء القصة من بعيد بس يوم صدتيني ماعندي حجة الحين ههههه خخخخ

عموما موفقة ع المجهود الكبير بصراحة

تدري وش اللي يقهرني بقصتك..؟؟؟

؟؟

؟؟

؟؟؟


اذا جت الاحداث والاندماج وقلتي الى اللقاء هذي اللي تذبح قهر..ههعههههه

يسلمووو خية وموفقة


ي
ا
س
ر

امور :


حسابي وصل وبس الا خفت تجيني وتذبحيني بل بل عليك كل ذا خوف على مملكتك الصغيره

كبرياؤؤووو حيلك فيها عرفت اسلوب اهدد اميرووه فيه :wink:

كل ماتتأخري علينا بستخدم اسلوبي بالتعاون مع كبرياؤوو :kaseh:


ايوااا عاشت امورتنا الغاليه <<خليني اراضيها لا تجيني بدست مدري ويش تقول


امووووور الاحداث من جد روعه ولا الضلبه البنفسجيه مسكينه حلام حفل تخلجها

وفيها ولمه

اقتباس:

---

انووه احم هاداانا الهين ممممم باجي ..
ــ يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..

---

ياعلي متت ضحك ههههههههههههههههههههه:deh::deh::deh:

اميلووووه يوه احم

اميرووووه امور امروش امروشه

الجزء قليل بس يلا يوم عرفت ظروفك بعذرك اشويات


يلا لاتتأخري ولا ترى هااا انفذ تهديدي :lol:



سي يوووووووووووووووو

حلو ه الجزء مررررررررررررررة
عاد ولاء لوئ >>>>>>>> مندمجة ويالقصة
صحيح لاوى اخترتي اسم ايمان اكره لان اعرف وحدة زيها نفسشي العباية ملونة ولى كان عمها شيخ
مشكوووووووووورة اموووووووووووورة ع القصة الحلوة
اهئ اهئ مو تتأخري
سي يو

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااف
الحين صاااااااااااااار الي اسبوع غايبه عن القصه
وارجع وماشوف غير جزء وااااااااااااااااااحد والقهر صغير
انا شنو اسوي فيك ها
اجي اضربك وارميك الى قطاوتك وقطاوة الشوراع
والله حاله معاك تجنني الي مايتجنن <<الي يسمعني
الحين بيقول هذي مرة شكلها عاقله

بس جزء حلو منك
ولا عاد موقف رؤى بالكوافير
ومع الوان والله تخيلت شكلها
وحتى موقف التخرج فرحت فيه<<هذي لان البنت وعدهم بيوم تخرج ولا صار ولا استوى
بس طلع اكثر من كلامها والاهم انهم سووة في صاله الامير ابو متعب
شفتي كل هذا دلع لينا مالت علينا يوم تخرج ماشفنا

موفقه غاليتي

تسلمين امور جزء روعه

يجنن

يا الله الانتظار يقهر يبط
يا الله عاد الله يساعدش علينه بس

أميرووووووووه وينك
نداء الى اموووووووووول يالله شغلي قواتك انتي ودموع وتفقوا مع كبريااء
حراام اموور كذا تلعبي بعصابنا
يالله لا اجي لك وادوس فووق بطنك وش هالدلع بعد مااعدنا بتدلعي على ام الحلوين عادي بس احنا نووه وويه
يالله ننتظر وبااحر من الجمر
سي يووووو

مشكورين عالتفاعل وربي لو عندي وقت كنت ما بخلت عليكم.. بس تعرفوا يعني اجازه وطلعات البارحه ما رجعت الا متأخره.. والحين بس اطل عليكم.. والا معانا بيت جدي .. يعني مزحومه وربي .. حتى عيوني ماني قادره افتحها من التعب والنعس .. صدقوني ما اماطل وياكم ..
خخ اني قايله ما بنزلها الا اذا كتبتها كلها .. بس اعرف روحي بماطل زياده ويمكن لو سويت هالحركه ما بخلصها الا بعد سنه .. بس كذا احس روحي مرتبطه.. بس شوي شوي علي..
ان شالله الليله .. اسألكم بس الدعاء لي ..

<< اذا في اغلاط املائيه خخ والا هلوسه غير مفهومه عدوها لي .. لأني اكتب بعيون مفتحه وعيون مغمضه..

دمتم بحفظ الرحمن

بانتظاار البقيه خيتو اميرووووووووووووه سرررعي والا والله اتامر اني مع الصبايا عليك ونسوي لك
اقتحاام وزعزعه غيير طبيعيه
ودمتم

مشكووورة اموورة على التكمله
بس مرة حليووة
دكرتني بتجرجي

حلقه حلو شراتك :wink:

<<< قمت اتكلم إماراتي:bigsmile:

خخخخخخخ


بس خيتوووو

ــ خوياتي بيوتهم قريبه لا يمشوا وصلهم..
قليبه






وجااااااري الانتظاااار






دمتـــ بود

هههههههه يسلموو ومنورين ومال داعي زوابع في ممكلتي الصغيره كبريااؤووه :evil:..<< ما عليكم منها كبرياؤووه هذي بس كلام هنا وقرقر .. اتحدها .. احم اني الأكبر يللا مناك خخ .. << لا رحتي فيها اميرووه.. :toung:

الليله كنكم متواعديني بهلكه ما بعدها هلكه :rolleyes:

الحين جزء وبكرف بعد شويات بجزء جديد
الله يساعدني
بس ادعوا لي ... :amuse:
اتمنى لكم قراءه ممتعه
تفضلوا

رائد :
ــ بسم الله الرحمن الرحيم .. ويش فيش بعد..
رؤى وهي مره منقهره وزعلانه وضايق خلقها..:
ــ نسيت كيسي بالإستديو..
حنين:
ــ هااا .. لويش كم كيس حملتي ,,
ــ تهي تهي .. بس اللي فيه الولود وعلبة المكياج وخلابيط .. اما الكيس الثاني.. نسيته.. تهي .. مااني شاالي وقبعة التخلج والعباااايه نسيتهم في الإستديو..
رائد :
ــ حسبي الله على شرش من بنيه ويش فيه هالكيس اللي حملتيه شي مهم مره ونسيتي الأهم منه.. والحين مشوار ما بغيت اوصل صالة الملك عبدالله ترجعيني الإستديو.. غربل الله بليسش..
ــ تهي تهي ويش اسووي .. نسيته.. وتأخل الوقت .. الحين البنات جهزوا واني بعدني .. تهي
ــ بلا تهي بلا اهي .. سكتي بس .. نرجع امرنا لله..
سكتت رؤى مسلمة امرها لله اخوها عصب مشاوير وبيرجع لأمه تالي وبيوصلها الصاله...
وصلوا الإستديو .. نزلت رؤى من السياره كانت لابسه جوتي بوت كعب .. وهي نازله من الربكه والحووسه والخوف من رائد .. التوت رجولها وطاحت على ركبتها اليمين عند باب السياره..
ــ ايييي .. وصااقعه هاااادااا وقتهااااا الطيحه ..
رائد .. باس ايده وجه وقفا :
ــ الحمدلله والشكر..
حنين بلعت الضحكه .. وفتحت الباب بتنزل :
ــ وي رؤى غناتي تعورتي..
رؤى منقهره :
ــ لاااا.. يلعن هاادي حاله... ولويش نازله ..
حنين :
ــ حلاتي اقعد ويا اخوش بالسياره ..
رؤى :
ــ ويش بيسوي فيش بياكلش والا بيخطفش .. لووحي بس اني دقيقه باجيب الكيس ..
قومت حنين رؤى ونفضت عباتها .. ورجعت ركبت السياره ...
دخلت رؤى الإستديو مسكينه وهي تعرج .. التوت رجولها بالقوه..
اللي تحاسب من شافتها عرفتها وطلعت الكيس .. وهي فارده البوز مبتسمه شبر .. ورؤى من الم ارجولها وتأخيرها مادتنه شبرين .. << خخ خلعت البنيه بس ما تنعطى وجه بل بل ..

ركبت رؤى السياره .. وانطلقوا للصاله... وصلوا.. طبعا حنين خلت رؤى تروح لخوياتها.. وهي راحت تقعد مع ضيوف الحفل ...

رؤى راحت لخوياتها بسرعه في الحمام وكانت روان عند المرايا تعدل شعرها ..
ــ لواااانووه .. تهي الحقي علي ..
روان :
ــ ويش صااير اليوم اللهم ادفع البلا .. ايمانوه من شوي الحق عليها وانتين الحين بعد..
ــ شيــــه ويش فيها ايمانوه..
ــ خخ الخبله ما صدقت على الله قالت المديره البسوا أي شي .. لبست تنوره ضيقه مره .. ولااا بعد قصيره لفوق الركبه بشوي ..
رؤى فتحت عيونها :
ــ بلللل ..
روان :
ــ ههههههه لا تخافي معاها جوتي بوت طويل بس الركب طالعين ..
رؤى :
ــ اني هالتنوله واني خايفه من المديله شلون ايمانووه << رؤى كانت لابسه تنوره ميدي لنص الساق .. وجوتي البوت مهو طويل مره ..
روان :
ــ لاااا عسل انتين حليوه .. شوفي ايمانوه بس .. انشقت عليها من جنب تقولي من متنها الزايد .. الحمدلله عندي خيط وابراه جبتهم وياي قلت اذا حسيت الدبابيس مي عدله لما اركب الشال على قميصي اخيطه على خفيف .. خخ بس لون الخيط عنابي على لون الشال وتنورتها سوداا..
ــ هههههههههه .. وينهي الحين..
ــ اكي داخل الحمام تخيط خخ..

ولا يسمعوا الا باب الحمام .. طرااخ انفتح وانصفق بالجدار << فتح وحده منقهره .. وتطلع ايمانوه..
ــ صاقعه ويش هالحاله ..
وتلتف على الجنب المشقوق..
روان :
ــ بففف هههههههههههه .. هااداا وييييش .. ويش هالغرزة الجديده .. ياعلي شوهتيها..
ايمان محمقه ومولعه ناار :
ــ اهووو ويش يعرفني .. وقتها هذي .. خربت مزاجي..
رؤى ترفع ايدها بخوف وابتسامه :
ــ هلااا .. ايماان..
ايمان ابتسمت :
ــ هلاااااا ومية مرحباااا بالحلووين .. من متى هنا .. والله من القهر صرت ثوره ما اشوف..
ــ ههههههه ماافي ثووله .. في بقله ..
ــ هههههه اقوول ... ويش اخبارش ..
روان :
ــ أي صدق رؤووه جيتي تصرخي... الحقش ويش فيش ..
رؤى تضحك وهي تطالع مكان الخياطه في تنوره ايمان:
ــ لا هونت .. من شاف مصايب الناس هانت عليه مصيبته ..
ايمان حطت ايدها على خصرها ورفعت حاجب وحاجب .. وبنبرة مسخره مازحه :
ــ لا والله انسه رؤى.. تمسخري .. ان شالله تنشق لش تنورتش من فووق لتحت..
رؤى :
ــ هههههههه لاااا اسم الله علي .. وايد علي لجولي انلضت..
روان:
ــ وييي .. من ويش ...؟؟
قصت ليهم السالفه ..
ايماان :
ــ ههههههه .. شقال قالت .. من شاف بلاوي الناس هانت عليه بلوته..
رؤى :
ــ مصايب مو بلاوي ..
ــ نفس الشي مع فيسش..
ــ أي اني اهوون .. انتين طالعي يبين خخ..

ايمان طلعت الشال من كيسها وهي تطالع في رؤى وروان ... وتاشر على عقلها ..
ــ احم في هنا مخ يفكر مو قوطي .. شوفوا ويش باسوي..

حطت طرف الشال على كتفها .. والطرف الثاني وصل لجنبها مكان الخياطه المشوهه.. وتغطى التشوه بالشال .. وخيطته عليه..
ودرات ليهم ::
ــ ترااا.. ترن ترن .. شوفوا الجماال .. بين شي ...
روان :
ــ ههههههه يلعن بليسش جبتيها عدله .. دبرتي عمرش ..
رؤى :
ــ ههههههه لا لحت اني فيها اني اللحين باصيل علجه وبتبين مشيتي ..خخخ..
ايمان :
ــ أي على شان لا تهوني بلوتش وتعظمي بلوتي ..
رؤى :
ــ اهوو يللا ... تفاسحوا باعدل شعري ...

كان شعر رؤى طويل شوي لنص ظهرها .. وناعم مره .. ومروله بالفير كم خصله...
ــ لوانووه شوفي الخصل اللي ولا.. اختلبوا مو..
روان:
ــ افاا .. أي نزلوا ما رولتيه عدل..
ايمان :
ــ لا ما حطيتي جلي مو ..
رؤى :
ــ لااا .. بس بالفير ..
ايمان :
ــ صحيح انش عاقله .. شعرش ناعم مره يبغى له شي يثبت الروله .. مشطيه بس.. خليه كله سيدا..
رؤى محمقه ..
ــ ماني ابغى حلكه حليوه بشعلي..
روان :
ــ تبغي اخذ ربعه واسوي لش ظفيرة هنديه ..
ــ ايه ايه .. ابغى حلكه..

تابع >>

طلعت روان مشط لرؤى.. وتفننت بشعرها .. سوت ليها ربع شعرها ظفيره هنديه والباقي مفلول.. ...
رؤى :
ــ الله حلكه حليوه تسلمي غناتي ..
ــ الله يسلمش لو عندش بعد شي زينه ورده لو كريستال ..
ــ أي عندي ولود ..
ــ اوه حركات لويش جايبه ..؟؟
ــ تالي بتشوفي ..
ــ زين عندش بيضا صغيره ..
ــ أي دقيقه ..
طلعت ورده بيضا صغيرونه .. وحطتها روان ليها بنهاية الظفيرة وجابت الظفيره على كتفها على جنب .. وطلعت رؤى شي .. بنوته كيوت ونعومه ..
ايمان:
ــ رؤووه ما حطيتي ميك اب ولا حاجه..
ــ الا حطيت جلوس " لمعة شفايف " وكحلة ومسكله.. ما ابغى زياده.. حلكات تتفننوا فيني ..
ــ هههههه غربلش الله .. اجل لويش هالعلبه وويش هالعلبه الحليوه اللي مع علبة المكياج..والورود..
ــ علبة المكياج قلت ما ادلي يمكن تحتاجوا شي والا اغيل لايي مع اني ما اعتقد اغيله والعلبه الحليوه تالي تعلفي ويش فيها ..
ــ اوكي بس بالعكس تعالي احط لش مكياج لبناني كشخه بظرف ربع ساعه << ايمان فنانه تحط ميك اب وايدها خفيفه...
رؤى :
ــ لا واللي يلحم والديش ما ابغى هي حفلة تخلج مو معاليس ..
ايمان تاشر على وجهها :
ــ يووه يعني هذا مو حليو << كانت حاطه سمووك اسود ..
رؤى :
ــ حليو بس كنه لمعاليس ..
ــ اهوو .. قالوا عادي عادي .. ويش ورانا خلنا نتفنن... على راحتش ..

وبين ما هم يكشخوا .. سمعوا المشرفه على الحفل تنادي بالمايك يللا البنات يتجمعوا على شان يرتبوهم استعداد للحفله ..

وبسرعه لبسوا قبعات التخرج .. وطلعوا .. ايمان عيونها على خصرها لا يكون يبين الخياط.. ورؤى تمشي بثقل تخاف تبين عرجتها ..

ووصلوا الأمهات.. وقعدوا والصاله وااسعه قسموهم نصين نص كراسي للبنات الخريجات ونص للأمهات.. البنات الخريجات صاروا بغرفه مهم على الكراسي .. وزعوا عليهم شموع بيضان طوال على شان دخلتهم يشعلوهم ليهم ..

وبدأ الحفل بالقران الكريم... وبعدين كلمة المديرة .. .. وبدأت الفعاليات .. مسرحيه وغيره .. وكلمة للأم .. وجا وقت التخريج . اشعلوا شموع الخريجات... طفوا لمبات الصاله..

طق طق طق ططق ططق طق طق <<< صووت قلب رؤى وايمان وروان..

حطوا شريط نشيد للتخرج.. والبنات يمشوا بالظلمه والشموع منوره لين وصلوا لكراسي جلوسهم وصاروا وحده وحده يدخلو.. ورؤى حايم قلبها بالظلمه تبغى تشوف وين امها ومفهيه .. والبنت اللي وراها مفهيه اعظم منها يوم جلست البنت على الكرسي .. شوي ما حست رؤى الا بطق على ظهرها ..

طاخ طاخ طاخ ... الا هي ابله من الأبلات تصارخ محمقه في اللي ورا رؤى ..

ــ وخري الشمعه يابنت يوم تجلسين ميليتها على البنت .. حرقتي شعرها ..
رؤى شهقت ..
ــ وييييييي شعلي ..
وجابت الجزء المفلول لقدام تشوفه.. الحمدلله ما احترق مره بس الأطراف مقدار تقريبا 3 سم صاير ابيض .. مسكته رؤى تفتت بيدها .. وشهقت من الخلعه .. البنيه اللي وراها مفتشله وخجلانه.. وهي عارفه ويش تقول .. همست بحيا :
ــ اسفه ما كان قصدي ..
رؤى ابتسمت..
ــ حصل خير ..
كانت كل وحده تقعد تطفي شمعتها ..
طفوا الشموع..
ولعوا اللمبات..
والقوا كلمة للخريجات وكلمة للمتفوقات .. ويللا بدأ التخريج بالترتيب ..

ــ ايماان محمد الـ ....
ايمان نقزت ..
ــ ويلي بنات شكلي ما يفشل تنورتي ما يبين الخراب اللي فيها ..
روان :
ــ لااا حركي بسرعه ..
طلعت ايمان .. وهي تمشي بهداوه خايفه تنشدخ من هالكعب ومرتبكه .. وصلت للمديره سلمت عليها .. المديره عيونها طاحت بشكل عفوي وغير مقصود على الجهه المشوهه بس ما شافت شي ..
ايمان اختلعت ونطت عيونها على المكان .. ونست عمرها ايدها ماسكه ايد المديره والمديره صار ليها ساعه ماده شهادة التخرج .. لين هزت المديره ايدها وانتبهت ايمان .. وتلونت مليون لون زياده على الألوان اللي حاطتنها .. ونزلت من المسرح وهي تمشي وتتعثر بالخطوه ..
ووصلت لروان ورؤى اللي كانوا يكركروا ضحك وطاحت فيهم فلاليص : "تقريص" ..

ــ روان عبدالكريم الــ ... شكر للطالبه على تفوقها الترتيب الثالث على المدرسه
روان ::
ــ وي وي باي بنات باي ..
رؤى وايمان ميتين عليها ضحك وتصفيق .. قامت تسابق الخطوه هالبنت سريعه في كل شي ..
ابتسمت في وجهها المديره وقالت ليها :
ــ سمارك مشرق هاليوم << كانت روان سمرا وناعمه وزي رؤى ما حطت بوجهها شي ثقيل شي خفيف وبسيط وطبيعي ..
وكانت من المتفوقات فأستحقت كم كلمة غزل من المديره ..
تلونت روان ومره استحت .. اخذت شهادة التخرج وشهادة شكر وتقدير على التفوق ورجعت مكانها تنافخ ...
ــ رؤى فاضل الــ ... وبجداره المرتبه الأولى .. شكر وتقدير على جهودها الجباره
رؤى من سمعت اسمها والكلام طاح قلبها و ساحت على الكرسي ..
ــ وي وي لجولي ثقيله ماني قادله اشيلها ..
ايمان :
ــ يؤووه رؤووه لا تدلعي كلنا من الربكه والربشه رجولنا ثقلت قومي من الكلام سيحش .. تحركي لا تتفشلي ..
روان تمسح على كتف رؤى :
ــ اللهم صلي على محمد وال محمد .. عمت عين الحسوود عنش يا خويتي
هوففففففففففففففففف
وتنفخ في وجهها ..
ــ قومي .. يللا عادي كلنا خفنا ..

قامت رؤى تمشي شوي شوي رجولها المنرضه تعورها فصارت مشيتها مره شي على ركاده << يا ارض انهدي ما عليش قدي ..
والتصفيق قايم.. وصلت للمديره ..
المديره :
ــ ما شالله تبارك الرحمن.. ثقل وجمال وعقل واخلاق .. وتفوق .. الله يبارك فيك يا بنتي ..
رؤى :
ــ الله يسلمك استاذه ..
ومره اشارة مرور احمر وردي عنابي << اخر موديل للأشارات خخ
واستلمت شهادة التخرج والتفوق وقبل لا تنزل استجمعت قواها وهمس للمديره طلب .. بغت تسويه بالحفل .. المديره ابتسمت في وجه رؤى وحطت ايدها على كتفها وهزت راسها يعني .. موافقه .. سوي اللي فبالش ..


الجزء الجديد بعد حين ان شالله :wacko: بس برييييييح .. :amuse:

نزلت رؤى من المسرح وما راحت لخوياتها طلعت من الصاله راحت لمكان العبي .. ايمان ورقبتها بتنكسر وهي ورى رؤى :
ــ وين بتروح هذي ..
روان :
ــ ويلي منش يمكن الحمام..
ــ لااا .. ما شفتيها والمديره تكلمها .. بعدين نزلت من المسرح وطلعت .. اكيد في ان..
ــ خخ ياعلي ما اقدر عليش ايمانوه ما يطوفش شي..
ــ اهوو يا خبر هالدقيقه بفلوس عشر دقايق ببلاش..
ــ خخخ على كيفش بعد تضربي الأمثال..
ــ اجل ويش ..
شوي رجعت رؤى حامله كيس من اكياسها .. حطته عند روان وراحت للمشرفة تبع الحفل اللي كانت تعدد الأسامي .. وعطتها ورقه .. ورجعت لخوياتها ..
ايمان :
ــ رؤووه ويش صاير ..؟؟
رؤى :
ــ لا تستعجلي شوي وتشوفي ..

خلصوا تكريم الخريجات.. وقبل لا يختموا الحفل ... قامت المشرفة تقرى ورقة رؤى..
" بسم الله الرحمن الرحيم...
ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه. وانت الأدرى بما يحتويه من حب خالد لكي وان لم انطقه لك كلاما مسموع فهو يصل لك من القلب للقلب..
امي.. ارجوحتي اذرعتك.. ودفئي ببرد شتائي واحاسيسي احضانك.. تتبعثر كلماتي كلما هممت بصياغتها فتقف حائره ترتعش من اين تبدأ واين ستنتهي فهي لن تنتهي..
امااه.. ليتني شاعره لتفوقت على كل قيس في وصف حبيبته.. فحبي العذري النقي الذي لا يضاهي أي حب ولا يشابه حكايا عشاق الزمان قد تعدى الحدود..
امااه .. اليكي ضمني ومنكي لا تحرميني فأنا وان كنت في حضنك اظل لنهل دفئه اشتاق .. اطال الله بعمرك ياحبيتي واقر الله عيناك بي .. ووفقني لرضاك دوما وابدا .. ابنتك : رؤى فاضل الــ .... "

قام التصفيق .. زهرا ذرفت الدموع .. رؤى قامت بالكيس ووقفت على المسرح تطالع وينها امها .. امها رفعت ذراعها تلوح والدمعه بعيونها طاغيه وقامت .. رؤى ابتسمت ابتسامه في غاية الروعه .. ونزلت من المسرح مثل الفراشه تناست الم رجلها المرضوضه وراحت لأمها وتلاقوا عند الممر بنالص بين جهة الضيوف والخريحات.. و مع صوت التصفيق .. طلعت من الكيس قلادة ورد لبستها امها وحضنتها .. وعطتها الكيس فيه هديه ليها .. وظلت حاضنه امها والأمهات تأثروا وبكوا .. زهرا صارت دموع الفرح تتناثر على خدها وتتذكر جمل رنت في اذونها من كلام رؤى :

" ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه."
هالجمله طرقت ابواب الفضول في بال زهرا .. ليش ما تمتلك الجرأه ؟؟؟
ويوم سمعت اسم بنتها بنهاية هالكلام الرائع .. عرفت السبب .. عرفت ان
رائها .. راح تخون مجرى الكلمات .. زادت ضمها لبنتها وفبالها :
ــ احلى من أي راء بالدنيا رائش.. كلامش دخل قلبي وتربع ...

روان :
ــ تهي تهي .. مؤثر المنظر ..
والتفت لإيمان ... لقت الكحل سايل على خدوها وشكلها تصيح من قلب عدل وتشاهق بصمت وكتمان شديد بس ملحوظ ..
طلعت ليها نشاف ومسحت خدودها ..
ــ وي ايمان غناتي .. اسم الله عليش.. خلاص ..
ايمان ما تحملت وحطت راسها على كتف روان.. روان صارت تمسح على شعر ايمان .. وتهديها ...
وفبالها .. الله يهديش يا ام ايمان.. يعني كفايه البعد اللي باعدتنه عن ايمان واختها .. بعد ما تحضري حتى حفلة تخرجها .. اففف .. انا لله..

ايمان..
امها مطلقه من 9 سنوات.. وتركتهم وتزوجت .. وابوها تزوج .. وكل واحد خلف والتهى بعايلته الجديده.. ايمان عندها اخت اكبر منها تزوجت .. وسافرت مع زوجها يشتغل بالخارج.. وظلت ايمان لحالها مع مرت ابوها .. صحيح مرت ابوها ما كانت قاسيه .. بس كانت غاسله ايدها منها .. ماليها شغل فيها.. ان غلطت .. ما تنصحها.. ولا تراقب سلوكياتها كمراهقه.. ابوها غني مره و بحكم انها وحيده وامها مهي معاها فمدلعنها دلع مو طبيعي كل طلباتها مجابه .. واي شي وان خالفه في البدايه بيرضى فيه بالنهايه .. كانت ايمان محسوده من بنات جيلها على الدلال المفرط .. والزايد.. بس عمرهم ما عرفوا ايمان .. لما تختلي مع نفسها ويش يصير فيها...
ايمان اللي كل ليله الدمعه رفيقتها.. اللي كوت مشاعرها غربة مهي طبيعيه.. تتمنى حضن بس دافي يضمها يحويها.. شبعت من دلال مادي... تبغى دلال حسي معنوي شي تلتمسه ويسكن من حرارة مشاعرها الملتهبه..

بكت ايمان لين شبعت على كتف روان.. وقامت معاها الحمام.. تغسل وجهها <<< بعد الصياح صار فحم من السموك اللي سال.. خخ

خلصوا الحفل ختموه.. و كل طلع بيروح بيتهم..

ركبوا السياره.. زهرا ورؤى وحنين.. يرجعوا البيت.. رائد :
ــ هاا حركات اجل .. ويش صار ويش ما صار ..
حكت زهرا لرائد اللي صار ..
ــ اهاااا والله اكشنات.. رؤووه هذا الكيس اللي ما نسيتيه هو اللي فيه الهديه هاا..
رؤى :
ــ خخ ايه..
زهرا قامت تضحك.. رائد يوم يوصلها للصاله اشتكى على رؤى ونحاستها يوم تمشوره وترجعه الإستديو..
رائد :
ــ كح كح انا بعد اسبوع حفل تخرجي ..
رؤى :
ــ الله كان زين لو يخلوا البنات يجوا..
ــ خخ ويش بتسوي لو خلوكم..
ــ هههههه بلقص..
ــ وجع هههههه.. اقص رجولش ..
ــ صدق امزح..
ــ هههههه عاد اللي يسمعش يصدق .. احنا قلنا لو ..
ــ كان زين.. اشوفك كاشخ حلكات بالشماغ .. يووه والله تطلع قمل ..وتطيح دلزن بنات ولاك..
ــ هههههههههههههه بااموووت عااد رااائش هنا تجنن عنيييفه .. ههههههههه انا قمل .. خخخخخخ .. ولا دلزن..
ــ مع وجهك سو لوحك ما فهمت,,
ــ ههههههه امزح وياااش افااا فهمت مو لهالدرجه رائش رايحه فيها .. كلما جا ليها تنقلب غين.. الساتر الله..
ــ هههههههه لا تسخل علي هااا .. لا الله يبليك بمله لو بنيه غلطه..
ــ والله عسسسل لا بلوه ولا شي ..
ويرفع ايده من على الدركسون ..
ــ يـــاالله ..
وتصرخ زهرا وحنين ورؤى مره وحده ..
ـــ ااااااااااه
رائد بسرعه حطت ايده على الدركسون مختلع من صرختهم..

زهراا معصبه :
ــ لا تشيل ايدك مره ثانيه هااااااااااا ..
ــ ويي ان شالله .. بس لويش جبانين تخافوا انا قلت .. يــــــالله
ورجع رفع ايده ..
ورجعوا :
ــ ااااااااااااااه
رؤى :
ــ لاااائدوه يادب ..
وطراااخ تشوت الكرسي برجولها اليمين المرضوضه .. << كان رائد قدامها قاعد..
ــ وجع عورتي الكرسي ..
ــ ااااي لجولي اللي انكسلت ..
ــ احسن تستاهلي ..

زهرا ..:
ــ وتاليتها وياكم كبرتوا وبعدكم يهال .. ويلي منكم بس ..

حنين ما شغلتها الا تضحك...
رؤى :
ــ ويلش منا .. بس ويش حلاتي مو اماه .. اهبل مو ..
زهرا:
ــ ههههههه ويش باقول قمر يا بعد عمري وقليل عليش

رائد يمسك كلر قميصه بيدينه ويرفعه على فوق ويميل رقبته وعن مسخره :
ــ بس بذمتش امااه مو ولدش احلى ولد بالعالم ..
رجعوا صرخوا :
ــ اااااااااه امسكككه ..
رائد :
ــ ههههههههههههه ويلي بتموتوني ضحك..
رؤى :
ــ من الغيله بيودينا بداهيه ..
ــ احم .. اقول رؤى ..
ــ هلا..
ــ انشبي ..<< " انطمي .. سكتي "
رؤى :
ــ زيـــــــــــن .. انشبيت ..

وصلوا حنين البيت .. ودخلوا بيتهم.. رؤى من دخلت البيت صرخت بفرحه ..
ــ الـــــــــــــــــلــــــــــــــــــــــــــــــ ـه

والى اللقاء غدا .. الصراحه تكسرت :rolleyes: