عرض للطباعة
هههههههههههه
نور الحوراء لا خلاص كفايه دلع
ما عليه يالزعلانه بنراضيج بكم جزء اليووم
اووووه عندنا ضيف بعد جديد
اهلاً بالقلب المرح
متابع من خلف الكواليس يعني
زين زين شفتوا العناد يخلي ضيوفنا تزيد
ههههههههههههههههه
حياااااك الله معااااانا قلبوووه
وزين حلو التشويق وحرق الاعصاب
ههههههههههههههههه
اوووكي بنزل لكم اليووم منها كم جزء
تابعوووووووووووني
تحياتي
دمعه حزن
اليوم اللي بعده طلعت خلود من المستشفى وفضلت تنام بالغرفه اللي بالدور الارضي حتى مايتعبها الدرج..
جاها ناصر ودخل الغرفه وكانت ام محمد هناك مع شوق
ناصر: السلام
الكل: وعليكم السلام
ام محمد وهي تقوم وتمسك شوق: هلا ناصر شلونك
ناصر: بخير دامكم بخير انتوا اخباركم وش مسويين؟
ام محمد: نحمد الله على كل حال...يلا شوق
طلعت هي وبنتها حتى الاثنين ياخذون راحتهم في الكلام...ابتسم لها وردت له الابتسامه بس تذكرت كل اللي صار
وكشرت...راح جلس مقابلها عالسرير وضمها وهي ماقدرت الا انها تتمسك فيه...وحست بالشوق لحبيبها زوجها...
خلود وهي تدمع: وحشتني
ناصر: ياحياتي وانتي وحشتيني اكثر...ليه تسوين فيني كذا؟
خلود: علشان ولدي اللي راح
ناصر: طيب حبيبتي هذا امر الله مثل مايعطي ياخذ ...يعني اذا سويتي كذا بيرجع؟
نزلت راسها وبكت وهو قام حتى يجلس جنبها
ناصر: خلود خلينا ننسى اللي صار وانا اعترف اني غلطت بحقك لكن...
ماكمل كلامه لانها دنقت عنها بوجهها وهي زعلانه
خلود: خليني لهمي ناصر
ناصر: كيف اقدر اخلي حياتي وقلبي وهي زعلانه مايصير لازم اراضيها
خلود: مايحتاج
ناصر: مو بكيفك براضيك..ترضين ببوسه؟
خلود: عيييب ناصر
ناصر: ههههههه وش اللي عيب وانا زوجك هااا بترضين ولا ابوسك قدام ابوك بعد بسرعه قرري
خلود: هههههههه حلم ابليس في الجنه
ناصر وهي ييمسك اذنها على خفيف: والله ماغيرك ابليسه جننتيني على هالتغلي..
ابتسمت له
ناصر: ها بتسامحيني وتنسين ولا اطلع من بيتكم مكسور الخاطر...
خلود بهمس: ماتهون علي ياناصر اخليك مكسور الخاطر بنفس الوقت مااقدر انسى اللي صار بسهوله
ناصر: طيب واذا قلت لك ان احنا نرجع مثل اول واحلى ونفتح صفحه جديده بحياتنا....
خلود بحيره: مادري
ناصر: اوووه تدرين انا بتزوج وحده ثانيه حت تدلعني وتداريني مو انتي
خلود: شلوووون؟؟؟؟ كان اذبحك ياناصر
ناصر: تغارين علي يعني؟
خلود: اكيد
ناصر: اوكي يعني طاح الحطب؟؟؟؟
لفت تطالعه.....بسامحك ياناصر لاني مااقدر اعيش بعيده عنك
خلود: طاح الحطب
ناصر: جد؟ طيب يصير ازغرد مثل الحريم
خلود: ههههههه في البيت مو هنا....
ناصر: تسلم لي احلى ضحكه..اي كذا مو من شوي مكشره..ها نرجع البيت الحين؟؟
خلود: ناصر ابي اجلس اليوم عند امي..
ناصر: ليش بعد؟
خلود: لاحق علي بتمل مني
ناصر: امل من الدنيا كلها ولاامل من خوختي ..بجد اشتقت لك مااشتقتي لي؟
خلود: اشتقت لك حيل
ناصر: اكيد ولابس كلام؟
خلود: افا ياناصر انا اقول بس كلام
ناصر: لاامزح معاك قلبي....الا وين عمي ماني شايفه؟
خلود: يمكن نايم بغرفته فوق
ناصر: حتى محمد ماشفته
خلود: طيب اجل شرايك تتغدى معانا؟
ناصر:انتي ماتبيني
خلود: يالدلوووع ابيك يلا عاد خلي الدلع لبعدين
ناصر: ههههههههههه يلا
........................
كانت جالسه تسمع راشد جاني حبيبي وفاتحه خزانه ملابسها ....دق عليها بشار الباب...
ريناد: جاني حبيبي من بعد غيبة سنين
بشار: وجع تغني بعد هالشينه من زين الصوت الحين
ريناد: يالمقلوف روح بعدين تعال
بشار: ماما ريناد افتحي الباب دام النفس عليك طيبه اووكيك
ريناد: اول شئ قول اسف عمتي انا الشين مو انتي
بشار: عمتي انتي الشينه مو انا ومو اسف انزييين....
ريناد: اجل روح مابفتح لك الباب
بشار: اوووووه لايصير دمك ثقيل اختي الحبيبه مشتاق لك افتحيييه
ريناد: كسرت خاطري بافتحه
من اول مافتحته عضها عضه قووويه بيدها
ريناد وهي تسحب يدها: ايييييييييييييي يعور يالدب اووف ايش هاالاسنان اللي عليك
بشار: ها كرست مو حيالله اجل تخليني ساعه عالباب كني طرار
ريناد: خير ياطير ايش تبي ايييي طالع كيف صارت يدي حمرا اووف منك
بشار: عساها تصير خضرا وزرقا شعلي منك تستاهلين
ريناد: اقول مستر كرست ايش عندك ترى مو فاضيه اختار شئ البسه...
بشار: في سبرايز
ريناد: جد؟ ونااااسه بنسافر تركيا هالمره ولا التشيك مثل ماوعدني ابوي
بشار: لايالدبه لاحقين على تركيا مابعد يحجز ابوي
ريناد: اجل ايش؟؟ مااظن في شئ احلى من السفر
بشار: اللي يسمعك يقول ابد ماتطلعين بره السعوديه..ماكأنك كل سنه مسافره مكان...المرسم
ريناد: لاتقوووول
بشار: تعالي شوفيه كيف صار بسرررعه
سحبها بشار من يدها ونزلوا وهم يركضون عالدرج ويتناقزون كنهم مجانين...
ريناد: بذمتك مو شكلنا شكل ناس مجانين
بشار: مجنونه انتي انا عاقل تعالي شوفي.....
ركضت لين صارت في المرسم وكان ابوها وماهر هناك
طالعته وهي مبسوطه كل شئ تغير الجدران صارت صفراء مثل العتيقه...والديكور كلاسيكي والاضواء صفرا
وفي 3 كراسي خيزران....ولوحات وشوية ادوات خاصه بالرسم وفي بالزاويه خزانه شفافه لاحظت فيها رسوماتها القديمه
ابوماهر: شرايك؟؟
ريناد: وااااااااااااو يالغالي واااااو.....كل هذا سويته امس؟؟؟
ابوماهر: من بعد مارحتوا امس المستشفى جبت عمال صبغوا الجدران ورتبوا الاضاءه والديكور وجاب ماهر شوية اغراض
وتوهم طالعيين
ريناد: ماحسيت ان حد يشتغل في البيت
ماهر: انتي بغرفتك ولاداريه عن هوا دارك...الحين عاد بتجلس ليل نهار في هالمرسم ولابنشوفها
ريناد: ايش تبون فيني مامليتوا مني...اتركوني للرسم (وهي ترفع يدها) سأهب حياتي للفن ..
ماهر: عدال ريناد دفينشي
بشار: يلا رينادوه رسميني
ريناد: اوكي ...ومشكور يبه عسى الله لايحرمني منك
ابوماهر: ولامنك يلا احنا طالعين بنروح الشركه شوي
ريناد: فمان الله
طلع ماهر مع ابوه وسحبت كرسي لبشار حتى يجلس عليه وكان مقابلها وجلس عليه وبدأت ترسم....وبعد فتره
ريناد: اوووه بشار عن ثقاله الدم لاتتحرك
بشار: والله عورني ظهرني خلاص هونت لاترسميني باقوم
ريناد: لا لا لا.....اصبر بس اشوي
بعد نص ساعه قالته له يجي يشوفها...
بشار: ياسلاااااام سلام الحلوه بتتكلم وتتفنن ....ايش هالحركات والله طالع اشبه براد بيت صح؟
ريناد: والله ماغير براد بيت لاحس مخك...بس شرايك اعرف ارسم؟
بشار: الا تعرفين والله هاتيها اعلقها بغرفتي....
شالتها ونفضت اللي عليها وغلفتها وعطتها اياه....
بشار: تسلم يدك
ريناد: الله يسلمك..يلا بره
بشار: طرده يعني؟
ريناد: افهمها مثل ماتحب ...اتركني ارسم بشاااااار تكفى
بشار وهو يقلدها: بشااااااار تكفى...انزين بطلع رينااااااااد تكفين
ريناد: تسخر على صوتي ها
بشار: على صوتك ودلعك وربي يشبه صوت حليمه بولند
ريناد: اووووه بشار حرام عليييك
بشار: خلاص خلاص حليمه اقصد ريناد سي يووو
ريناد: هههههه سي يووو ليتر سويتي
...........................
بعد ماطلع بشار من المرسم راح لغرفته وترك الرسمه على سريره وراح لغرفة ابوه دق الباب ودخل...
بشار: يبه ممكن اخذ من وقت دقايق قبل ماتطلع
ابوماهر: لابشار باروح الحين الشركه اخوك ينتظرني تحت
بشار: يبه بس دقايق ماباطول يالغالي
ابوماهر: حياك ياولدي تعال
راح جلس على الكنبه وابوه واقف قدام المرايه يعدل الشماغ
ابوماهر وهو يطالع بشار في المرايه: خير يابشار صاير شئ؟ تبي فلوس ؟ انزل لك في حسابك؟
بشار: لا لا يبه فهمتني غلط ..عندي فلوس انت مو مقصر بس الموضوع اللي جاي اتكلم معاك فيه يخصني ويخص شوق
ابوماهر: اهاااا قول كذا من اول..قصدك على الملكه يعني؟؟
بشار: أي يبه....
ابوماهر: على خير ان شاء الله انا اكلم عمك وارد عليك
بشار: تسلم لي والله يالغالي بس تكفى يبه استعجل بالموضوع
ابوماهر : شدعوه بنت عمك بتطير
بشار: لا مابتطير بس مليت من العزوبيه يبه
ابوماهر: هذا وانت توك بالعشرين لكن ياولدي معاك حق...مافي اشين من العزوبيه والحياه بدون حرمه تحافظ عليك وعلى
بيتك...الله يرحمك ياام ماهر...
بشار: الله يرحمها ويغمد روحها الجنه...
ابوماهر بحزن: لو عايشه فرحت من كل قلبها...
بشار وهو يقرب من ابوه ويحبه على راسه: العوض فيك انت يبه..انت امنا وابونا واهلنا الله لايحرمنا منك قول امين
ابوماهر: امين يلا تأخرت فمان الله
بشار: مع السلامه
بعد يومين...
ابوماهر كلم اخوه واتفقوا على ان الملكه تكون الاسبوع الجاي يوم الجمعه..
نزلت شوق من الدرج وهي تطالع زوايا الصاله ولقت ابوها بالزاويه وبيده جواله
راحت وجلست جنب ابوها وباست راسه...
ابومحمد: والله وكبرتي ياشوق وجاك المعرس
ابتسمت بارتباك واخجل..
شوق: وين امي؟
ابومحمد: وين بعد تعزم قرايبنا للملكه...
طلعت ام محمد من الصاله الثانيه وجات انضمت لهم...
ام محمد: هلاوالله بعروسنا هلا
شوق: لو ادري ان خطوبتي بتغير طريقة معاملتك يمه لي كان خطبت وعرست من زمان
ام محمد: ههههههههه يمه شوق انا لو قسيت عليك شوي لاني ابي مصلحتك وابي الكل يمدحك ويمدح تصرفاتك وهدوئك..
دخل محمد عليهم وهو مكشر.....
ابومحمد: ياحافظ شفيك
شوق: يمكن متهاوش مع هبه
محمد: لا...
ام محمد: شفيك يمه محمد؟
محمد: يمه...حملت ماده
شوق: هههههههههههههاي من زود الاجتهاد
محمد: انتي اسكتي لا اقوم اطلع حرتي فيك فاهمه
ابومحمد: شفيك على اختك مالها ذنب...وليش ان شاء الله حملتها ماتذاكر انا عارفك ليل نهار انت وولد عمك بشار ومازن من مكان لمكان قهاوي وديوانيات ومجمعات وين بتخلص هالطب
ام محمد: عبدالله شفيك عليه خلاص اللي صار صار...
ابومحمد: وبرود بعد تقوليها...وين اللي بيدرس طب ويصير دكتور ويرفع راسي الله يغربلك من ولد
قام ابومحمد وهو معصب وصعد فوق
شوق: شفيه ابوي عصب كذا مايستاهل الموضوع
محمد: انا ادري يبيها من الله يمسك علي الزله
ام محمد: يبيك يامحمد ترفع راسه بين الناس لكن مايخالف حبيبي ...
محمد: يمه ابيك بموضوع
ام محمد: شنو ؟
محمد: يمه ماابي اتزوج الحين
طالعت ولدها باستغراب ولفت لشوق ولقتها مستغربه اكثر..
شوق: افا محمد ليش؟
محمد: مثلك شايفه ياشوق..الحين حملت ماده والزواج بيعطلني...مابقدر اوفق بين دراستي والشغل في الشركه ومسؤوليات البيت
بدري مره عالعرس
ام محمد: بعد مااتفقت انت ووهبه وقررتوا جاي تقول ماتبيه الحين
محمد: ماحسبت هالحساب قلت مابقى علي شئ واخلص
ام محمد: طيب كيف باقولها لاختي محمد مايبي بنتك الحين
محمد: يمه شفيك انا ماقلت ماابي هبه....
ام محمد: استغفر الله توك تقول
شوق: صلوا على محمد ليش العصبيه
ام محمد: شوفي اخوك شيقول
شوق: خلاص يمه اللي يشوفه ماتخلوه يسوي شئ بالاكراه
محمد: شقلتي يمه؟
ام محمد بضيق: اللي تشوفه .. الله يعين البنت عليك
لفت شوق لمحمد وحسته معصب انسحبت قبل مايصير شئ وتركتهم لوحدهم
محمد: ليش شفيني انا خليها تنتظر سنه سنتين عادي
ام محمد: انت عارف شفيك
محمد بعصبيه وهو يقوم: يمه هذا انا كذا بنت اختك تبيني كان بها ماتبيني بالطقاق ابركها من ساعه واتركوني لوحدي
توجه للباب وهو معصب ومفور لانه قال كلام مايقصده بس انها عصبته
ام محمد: وين رايح؟
محمد: نار جهنم لااحد يتصل علي ويسأل عني باي
طلع وصفع بالباب وهي متفاجأه من هالتغير المفاجئ ..
صعدت لشوق ودخلت الغرفه ...لفت شوق لامها مبتسمه بس لما لمحت طيف دمعه بعينها قربت منها
شوق: يمه شفيك؟
ام محمد: ماشفتي اخوك يعني؟
شوق: يمه حبيبتي محمد..متضايق لانه حمل ماده تعرفين كيف يحب الطب وده يخلص ويصير اكبر دكتور وله اسمه
ام محمد: ودامه يحب دراسته ليش يرسب في ماده
شوق: يمه ماتدرين ايش ظروفه لما اختبر الماده يمكن كان متضايق تعبان مادرس زين...
ام محمد: اول مره يرفع صوته علي واحسه مايبيني
باست امها على راسها وقعدت مقابلها
شوق: لاتقولين يمه هالكلام محمد يحبك اكثر من أي احد وكلنا نحبك...يلا عاد دلوعة ابومحمد مانبي نشوف هالدموع
ام محمد غصبا عنها ضحكت....
شوق: انادي ابوي يراضيك؟
ام محمد: لا لا خلاااص
شوق: ههههههه طيب يمه شرايك نروح السوق مابعد اشتري شئ
ام محمد: خلاص الليله نروح اول شئ لخلود اختك نشوفها...ونروح السوق
شوق: اوكي يمه ...
طلعت امها من الغرفه راحت وسكرت الباب وتسندت عليه وفكرها عند بشار...واخيرا يابشار باصير لك وبتصير لي..
جد احبك...احببببببببك
قام تغني وهي تتمايل وطايره من الفرح بس رنة جوالها وقفت حركاتها
وعرفت من الرنه انها ريناد بنت عمها وبحسبة اختها وحاطه لها رنه خاصه
شوق: هلا رنوووشه هلا
ريناد: لاتكلميني انا زعلانه
شوق: بل لييش؟
ريناد: ليه ادق عليك وحاقره
شوق: متى؟
ريناد: من نص ساعه
شوق: اووه كنت جالسه مع ابوي وامي بالصاله وتاركه الجوال فوق...اخبارك؟
ريناد: مو تمام
شوق: افا رينوووو ليش؟
ريناد: شوشو انتي الحين مخطوبه والجمعه ملكتك بكره بعد تتزوجين وتخليني
شوق: هههههههههه أي باخليك بس تدرين مع منو؟
ريناد : من؟
شوق: مع حبيب القلب مازن
ريناد: اوووه شوق مو وقت مزحك
شوق: شسوي فيك يالدبه انتي تدرين ان العرس ماافكر فيه الا لما ادخل الجامعه انا وافقت عالملكه بشرط العرس يكون بعد سنتين مو اقل
ريناد: أي زين كذا طمنتيني...اخبارك بعد؟
شوق: تمام والله ...اخبار بشار؟
ريناد: طاير الدب من الفرح والضحكه ليل نهار شاقه الحلق...
شوق: جد؟ ياعمري بشار
ريناد: خلي رومنسيتك بعدين...اقول مو ناويه تنزلين السوق؟
شوق: سبقتيني كنت باقولك الليله بنروح شرايك؟
ريناد: اكيد مايبي لها سؤال
شوق: خلاص انا والوالده نمرك مو تتأخرين دبه
ريناد: لا ان شاء الله بس دقي علي قبل ماتطلعين من البيت
شوق: خلاص تم..سلمي على بشار
ريناد: يوصل مرت اخووي
شوق: هههههههه باي
ريناد: باي
...................................
من طلع من البيت وهو معصب ومتضايق ومستغرب ليش قال لامه اللي قاله عن هبه..حسست امي اني ماابي هبه وانها رخيصه عندي والعكس صحيح..صحيح في البدايه ماكنت متقبلها اساسا بس عودتني عليها..
اووف وبعدين كيف ارفع صوتي على امي واكلمها بهالطريقه.....لازم اعتذر منها..
طالع جواله مافي أي مسج او مكالمه من هبه....غريبه مو عوايدها ماتدق علي طيب ليش ماادق عليها انا....
دق عليها ولارفعته دق مره ثانيه ونفس الشئ... ادق على البيت افضل....
رفعه مازن وصوته فيه النوم
مازن: الوووو
محمد: هلا مزين شلونك؟
مازن: ها مين؟
محمد: يالمخرف محمد
مازن: هلاااااااااااا ابو الشباب
محمد: نايم؟ حد ينام بالصاله
مازن: حمود الساعه كم الحين؟
محمد: 12 الليل
مازن: هااااااااااااااااااااااااااااا
محمد: هههههههه 2 ونص الظهر ...اخبارك؟
مازن: نعسان بنام دق بعدين
محمد: شدعوه متصل ادقها سوالف وياك...هبه عندك؟
مازن: هبه؟ لاوالله ماشفتها اليوم
محمد: شلوووووون؟ طيب ولاترد على جوالها
مازن: يمكن نايمه
محمد: يابرودك روح يااخي شوفها
مازن: حمود عاد نعسان صدقني نايمه هالخيشه مافيها شئ
محمد: روح زين باي
سكر وهو معصب اخوها وفي بيت واحد ولايدري نايمه صاحيه...ويقول بعد ماشافها اليوم الله يستر عسى مافيها شئ...
غير طريقه لبيت خالته ونزل ودخل البيت ومازن نايم عالكنبه والمخده على وجهه......
راح له وشال المخده
مازن وهو يقوم ومختلع: ها مين شنو
محمد: خيالي مين يعني محمد
مازن: من شوي في التلفون كيف وصلت هنا
محمد: بالهيلي كوبتر وصلت..كمل نومك وشغلك معاي بعدين
رجع مازن على وضعيته ونام ...ومحمد شوي ويذبحه على بروده...
وصعد فوق البيت يعمه الهدوء حتى ام مازن مالها اثر....
جاء بيفتح باب غرفتها لقاها مقفله.....يدق الباب ولاترد
محمد: هبه هبببه شفييك
ولاجواب
محمد بصوت اعلى : هببببببه...شفيها ماترد....اووف
راح لعند الدرج...
محمد: مزووووووون تعال بسرعه
مازن: اوووه خليني طيب اكمل نومي
محمد: أي نوم واللي يعافيك اختك ماترد علي
مازن : شلون ماترد؟
محمد: مادري تعال
صعد مازن الدرج بسرعه وراح يدق الباب....
مازن: هبه افتحيه....هبه قووووووووووومي..
محمد: تظن نايمه؟
مازن: اكيد نايمه....خليني ادق على جوالها....
دق عالجوال وسمع رنته ...
محمد: هذا جوالها ماترفعه ....
مازن وبدأ الخوف يتملكه: حمود بديت اخاف والحل
محمد: ماعندكم مفتاح سبير
مازن: الا فيه لحظه
راح لغرفته واخذ المفتاح وفتح الباب....لقوها عالارض نايمه وحاضنه دبدوب صغير
مازن: شفيها جنت اختي
راح محمد وجلس عاالارض
محمد: هبه هبه...
فتحت عيونها بشويش وطالعت فيه بس ماتوضحت لها الصوره الا لما فركت عينها وفتحت عينها كويس وبان لمحمد انها كانت تبكي والدليل عينها الوارمه
هبه: شفيكم شصاير....
مازن: وقفتي قلوبنا شفيك طرشه ماتسمعين
هبه: اسمع وشو
محمد: ساعه واحنا ندق عليك الباب
هبه وهي تداخل اصابعها بخصلات شعرها: ماحسيت والله
مازن: انا باروح اكمل نومي سلاااام
محمد: حشى والله حششى ماشبعت
مازن: والله مواصل من امس تصبحوا على خير
محمد: قصدك تمسوا على خير
مازن: اللي هو عاد باي
بعد ماطلع لف عليها لقاها رجعت تنام وحضنت الدبدوب....
محمد ويده على راسها: هبه شفيك
هبه: مافيني شئ محمد بس تعبانه شوي
محمد: طيب ليه نايمه عالارض
هبه وهي تقوم عالسرير: ..لا سلامتك الظاهر نسيت ونمت عاالارض...
محمد : نسيتي؟
هبه: أي نسيت
محمد: غريبه....اعترفي شصاير
هبه: مو صاير شئ....
محمد: طيب ليه عينيك صايرين حمر وارمين بعد...
هبه: كذا عادي محمد...
راح وسحب كرسي وجلس مقابلها وهي حاطه راسها عالمخده....
محمد: كنتي تبكين؟
نزلت راسها ...
محمد: صح؟
هبه: كيف عرفت؟
محمد: واضح ياهبه...طيب ليش البكي؟
هبه: بس...
محمد: بدون سبب؟ مايصير
هبه: مازن
محمد: شفيه مازن؟
هبه: اخ يامحمد قصه طويله شقولك بس....
محمد: خوفتيني تكلمي...
هبه: ماعليك امر سكر الباب
قام وسكر الباب شوي...وترك الباقي مفتوح....
محمد: تكلمي..
هبه: امس يامحمد جاني اتصال من واحد ينقال له بدر
محمد: بدر؟؟؟ أي بدر؟؟
هبه: بدر يصير ولد خالة صديقتي ورود
محمد: طيب؟ وليش هذا متصل؟؟
هبه: شوف محمد صديقتي ورود تحب اخوي مازن بس هو مطنشها عالاخر...وانت عارف انه معجب بريناد
محمد: اووكي؟؟
هبه: هي متعاونه مع بدر حتى يبعدوا الاثنين...لان حتى بدر لما شاف ريناد عجبته بس هي صدته يقول حاول يستميلها كذا مره
محمد بعصبيه: هذي كيف ماتتكلم ولاتقول ان حد يتعرض لها انا اوريها....
هبه: يامحمد مو وقت العصبيه...اسمعني بدر كلمني وقال خلي اخوك يبعد عن ريناد...وريناد تبعد عنه علشان بنت خالته...
والا بنشوف شئ ماشفناه
محمد: حقير...يهدد بعد ومن يكون...وربي لأوريه نجوم القايله وريناد اتركيها علي حسابها معاي عسير...بعدين انتي كيف تصاحبين هذي هاااا
هبه: يامحمد هذا اللي صار وانا تحملتها هالفتره قلت يمكن تتغير...بس الظاهر مافي فايده ...ومره تهاوشت معاها بس رجعنا مثل اول ...طيب الحين ايش الحل
محمد: وانتي ليه تبكين ايش علاقتك بالموضوع....
دنقت عنه وهي ترجف من الخوف شقولك يامحمد...اقولك ان ورود هددتني ان مابعدت الاثنين عن بعض بفضحني عندك وتقولك عن القصه اللي الفتها حتى تخطبني.....
محمد: ليش ساكته...هبه تكفين علميني باللي صار ..... لازم نتصرف ونبعد هاالاشكال عنا..
هبه: خلص كلامي
محمد بعصبيه: اووووووف تدرين هاتي رقمه
هبه: تبي رقمه؟ ليش؟
محمد: اووووووووووه شنو اللي ليش باوريه اللي عمره ماشافه من يكون حتى يتعرض لبنت عمي ..
مازن يعرفه؟
هبه: أي قد مره شافه..
سحب جوالها وراح للمكالمات المستلمه...
محمد: هذا الرقم...؟ اخر شئ 66 ؟
هبه: ايوه
طلع جواله ودق بس تفاجأ ان الرقم مسيف عنده بأسم بدر مسعود قام من مكانه وهو مو مصدق والغى المكالمه
محمد: بدر مسعود ماغيره.................مستحيل
هبه: شفيك تعرفه؟
محمد: هذا واحد من اخوياي ايالحقير اللي ماعرف من يكون محمد
طلع من غرفتها بسرعه جنونيه وطار بسيارته لبيت بدر.....دق الباب وجاء اخوه فتحه...
محمد: السلام
اخو بدر: وعليكم السلام نعم اخوي؟
محمد: انت اخو بدر؟
اخو بدر: ايوه من تبي؟
محمد: نادي بدر بسرعه الله يخليك
اخو بدر: بدر مو موجود طالع
محمد: طيب مشكور...
صعد سيارته وهو يلهث...عصبيه وضاغط عالجوال ... حقير اخر شئ كنت اتوقعه منه..ماشاف غير بنت عمي يلاحقها لاويهدد ويتوعد بعد هاللي مايستحي لكن وين بتروح مني مردي باذبحك واشرب من دمك يا..بدر
دق عليه وحصل الرد....
بدر: نعم؟
محمد: الله ينعم عليك.....هلا بالصديق العزيز
بدر: نعم محمد؟؟؟
محمد: الله ينعم عليك ابو الشباب وينك؟
بدر: بأرض الله الواسعه ليش؟
محمد: ليش؟ لما اشوفك اقولك
بدر: ضروري يعني والله مشغول؟
محمد وهو يحاول يتحكم بأعصابه : ضروري أي...وين اشوفك
بدر: تعرف كوفي(...)
محمد: دقايق وانا عندك
سكر محمد بدون مايكثر وبدر حرك بسيارته للمكان المنشود وهو شاك ان محمد يعرف شئ...
والتقوا هناك مسك محمد بدر من ثوبه وشده...
بدر: شفيك محمد شصاير؟
محمد وهو يرص على اسنانه: وتسأل يبعد ياحقير عالاقل قدر الخبز والملح اللي بيننا
بدر وهو يشيل يد محمد: انا ماسويت شئ...
محمد: وريناد بنت عمي؟ ومازن ولد خالتي؟
بدر: ها شتقول انت ا...عن شنو تتكلم؟
محمد وهو يقرب منه: يعني ماتعرف؟
بدر: لا مااعرف عن شنو تتكلم
محمد: ورود طيب بنت خالتك ماتعرفها بعد؟؟؟
بدر بارتباك واضح: انت ايش تقصد؟
محمد: شوف يااخ تراني للحين رايق وماعصبت....ممكن اعرف ليش تلاحق بنت عمي؟
بدر: انا الاحق بنت عمك؟ ليش ياشيخ
محمد عصب وفور مو قادر يتحمل استعباط بدر
راح له ومسكه مره ثانيه من ثوبه وضربه في الجدار...
محمد: اسمعني انا وصلني كل شئ كيف تتجرأ وتكلم خطيبتي وتهددها...مو ناقص الا اشكالك شوف وربي يابدر اني هالمره مابسوي لك شئ وباعتبر نفسي ماسمعت ..
بدر: خلصت؟
محمد: لك عين بعد تتكلم...بنت عمي مالك خص فيها وبعد عن طريقها فاهم
ترك بدر ومشى بس لف له مره ثانيه وعلى وجهه علامات السخريه
محمد: وعلى فكره خبر بنت خالتك الــــــ ...استغفر الله والله عيب بنت تلاحق ولد عيييب
بدر: احترم نفسك اوكي..وبعدين شوف بنت عمك بعدين تكلم...ماتدري يعني بعلاقتها مع مازن ولد خالتك ..يحبون بعض من زمان وليل نهار يتكلمون بالتلفون والله يستر ايش صار بينهم بعد..وهالشئ تعرفه خطيبتك بس ساكته لانه اخوها...
جن جنونه من كلام بدر وصعد سيارته طيران لبيت عمه
وصل لبيت عمه ولقى بشار بالحديقه..
محمد: السلام
بشار: حمود؟ تو مانور البيت هلا وغلا
محمد: اختك وينها؟
بشار: ريناد؟ بالمرسم اظن ليش ؟
محمد: الحين تعرف
سمعت ريناد صوته لان نافذه المرسم تطل عالحديقه ولبست شيلتها...
محمد وهو يدخل: ريناااااااااااد
ريناد: هلا محمد
محمد: لاهلا ولامسهلا كذا ياقليلة الادب
راح لها وشدها من يدها بقوه
ريناد: اييي اتركني شفيك
محمد بصراخ: اسكتي جب ولاكلمه صدق ماتربيتي عدل فشلتينا قدام الناس...
ريناد: حرام عليك محمد شصاير....
محمد: شصاير ماتدرين يعني انك على كل لسان ... من متى تكلمين مازن هااا؟
ريناد: مازن؟؟؟
بكت لانها عرفت ان هالشئ اول الشر الجاي من ورود وبدر...
محمد: ماتكلمينه ها الحين بس عرفت انك وقحه تحبينه ماقلت شئ بقيت ساكت اقول معليش كل بنت تحب بس تكلميه ليل نهار ومسويه علاقه وحب هالشئ اللي ماارضاه....
ريناد: والله العضيم ماسويت شئ غلط
محمد: تتكلمين بعد اسكتي انا اللي اتكلم..
.دزها عالكرسي وتعورت يدها..طاحت عالارض وهي تبكي...
محمد: وصلت فيك المواصيل ان هالقذر اللي اسمه بدر يلاحق وانتي ساكته عنه..عاجبك اللي يسويه يعني؟ ليش ماتكلمتي وقلتي لي
او قلتي لاخوتك هااا...
ريناد: ماكنت ابيكم تتهاوشون بسببي ...
محمد: هذا عذرك؟؟ مع الاسف مو مقننع..شوفي وربي ياريناد ان لو اشوف عليك شئ ثاني لاخبر عمي واخوك ماهر عاللي سويتيه ساعتها بتنحبسين ليل نهار في البيت....
ريناد وزيادها يصيح اكثر: محمد ليش تظلمني....ورود هي السبب لاتصدقهم...وانا ومازن ماسوينا شئ غلط
محمد: مااصدقهم ..ياحلوه شوفي دامك حبيتيه وكلمتيه مااستبعد تسوين اللي اكبر من هذا
ريناد: شقصدك؟
محمد: انتي فاهمه قصدي...اخر زمن واحد يتكلم عنك وكأنه يعرفك بنت عمك كذا وكذا ... حطيتي روسنا في التراب .. تدرين في هاللحظه بالذات طحتي من عنيني ياريناد توقعتك اكبر من كذا... اتاري اللي يسويه بدر عاجبك وساكته عنه
نزلت راسها وهي تحس بحقد العالم كله في قلبها تجاه بدر وورود....
محمد: اشوفك بس مسويه حركه ثانيه..ياويلك مني فاهمه
طلع وشاف بشار كان بيدخل المرسم وسمع صوت ريناد وهي تبكي جن جنونه
بشار: شفيها ريناد تبكي هااا
محمد: اسألها مو تسألني
بشار: شنو اسألها فهمني شصاير
محمد ببرود: ولاشئ
بشار: شلون بعد ولاشئ اصلا كيف تسمح لنفسك تمد يدك على اختي
ودخل لاخته وشالها من الارض وهي تمسكت فيه بقوه وحاولت تتكلم لكن مو قادره..
بشار: اجلسي هنا ريناد....او اصعدي لغرفتي
ريناد وهي تطالع محمد بخوف: خليه يطلع ماابيه هنا تكفى بشار ابوس يدك
بشار: ولامحمد ولاغيره يقدر يمسك وانا هنا شفيك خايفه روحي دارك..
سمعت كلامه وصعدت لغرفتها وتركت ولد عمها المفور عصبيه واخوها اللي صاير مثل الاطرش في الزفه ولاهو فاهم شئ...
بشار: بسرعه الحين الحين تفهمني ايش اللي يخليك تمد يدك عليها انت ناسي ان وراها رجال ببساطه تدخل علينا وتطقها
محمد:وانت ناسي اني ولد عمها ولاايش
بشار: اوووف اللهم طولك ياروح لين متى ببقى اسألك شصاير؟
محمد: مو لازم اصلا تعرف
بشار بعصبيه وهو يأشر بيده: اشوف اختي تنضرب وتبيني اسكت؟ وربي يامحمد لو ابوي شافك تطقها طردك من البيت و..
قاطعه بعصبيه اكبر: بس اسكت لو تعرف ايش سوت ماقلت هالكلام
بشار: شمسويه؟
محمد: اختك يامحترم تكلم مازن ولد خالتي يعني مسويه علاقات من ورانا مو كذا وبس وهالموضوع يعرف عنه واحد من اخوياي تخيل سيرة بنت عمي المحترمه على لسان الشباب وماتبيني اطقها؟
جن جنون الثاني من كلام ولد عمه وطالعه مذهول مو مصدق....
محمد: عن اذنك يا......يااخو المحترمه
بعد ماطلع محمد صعد بشار مثل البرق وثواني وصار بغرفتها دخل وصفع الباب وراه.....هي من شافته كذا تراجعت عالسرير وهي ماسكه بطانيتها خايفه من نظراته....
ريناد: والله بشار ماسويت شئ
قرب منها وشدها من شعرها...
بشار: ماسويتي شئ؟ كل هاللي سويتيه وماسويتي شئ؟ تكلمين مازن ها...لكن تدرين الغلط منا وثقنا فيه ودخلناه بيتنا وفي الاخير يطلع يكلمك ويسولف معاك...توقعت انك لفتي نظره وجاء خطبك على طول اتاريه كلمك وعرفك زين وبعدين فكر يخطبك بعد ماعرف بالموضوع واحد من اصحاب محمد.....وبكره يتناقلوها من واحد للثاني
ريناد ويدها على يده بشعرها: اااي باموت يابشار اتركني حرام عليكم....حووووور حووور لحقي علي
طلعت حور من غرفتها يوم سمعت الصراخ ودخلت الغرفه...
حور: بشار شفيك جنيت شيل عنك عنها حرام
بشار: مو حرام يعني اللي سوته؟ حطت روسنا في التراب خليها تستاهل اكثر
قربت من بشار وهي معصبه عليه وحاولت تشيل يده بس دزها على ورا
حور بصراخ: اتركها بشار شفيك انت جنيت
بشار: لاتتدخلين بيني وبينها اطلعي بره
حور: تبيني اسكت وربي باوريك ايش باسوي
راحت ودقت على ماهر وجاء هو مع ابوه البيت في ظرف ربع ساعه وهالوقت حور ماقدرت تدخل لريناد لان بشار قفل الباب....
لكن لما سمعت صوت زوجها طلعت بخطوات واسعه له ودقوا الباب لين فتحه.....
لقوا ريناد طايحه عالارض والدم يطلع من جبهتها جهة اليمين وماسكه يدها مو قادره تحركها...
ابوماهر حاول يتحكم بأعصابه بس منظرها وهي طايحه عالارض فطر قلبه راح ومسك بشار بقوه من يده وظربه بالجدار
ابوماهر وهو يرص على اسنانه: كيف ترفع يدك عليها؟ فهمني كيييييييييييف قدرت وطاوعك قلبك
بشار: يبه فشلتنا قدام الناس
ماهر: يالثور لاترفع صوتك على ابوي
راح ماهر لاخته وشالها من الارض ومر جنب بشار حتى يوصلها لسريرها لكن مااشفى غليله راح وسحبها من شعرها وعطاها كف
اما ابوه رد الكف بكف اقوى منه
بشار ويده على خده: تضربني علشانها؟
ابوماهر: اضربك واذا تبي اطردك من البيت اذا تمد يدك عليها شنو مو اختك هذي مافي قلبك رحمه عليها....
حور وهي تقرب لداخل الغرفه ويدها على بطنها بصوت متقطع: مااهر..الـــ الحق علي ايييييييي
زيييين جذي ؟؟
صرت كريمه ونزلت لكم كم جزء
رضيتي يالزعلااااااانه ؟؟
بانتظار تعليقااااااتكم
تحياتي
دمعه حزن
السلام عليكم
القصه جميلة ورائعه
وانا اقراها اتخيلها صوت وصورة بعد يسلام تطلع ازحف وازحف
واشك في نهايتها بتكون نهاية سعيدة لهذي العائلة ويا عشقهم ده بعد
يعطيك الله العافيه
شفتي كيف نزلتي اجزاء ماتجي الا بالعين الحمره << ارجوووك لاتطيح بس
تحياتي لك بالتوفيق
وبإنتظار بقية الاجزاء كثري منهم اربعه هالمره نزلي
اقتباس:
المشاركة الأصلية كتبت بواسطة دمعه حزن
والله رووووووووووووعه رووووووووووووووعه القصه
ننتظر التكمله >>>لاتطولين علينا نزلي لنا مثل ماقال أبو أربع أجزاء أنزين:bigsmile:.
وعليكم السلام
اييييي مثل المسلسل تصييير
قال شنو ؟؟ قال العين الحمراء قال
ما عليه يابو العين الحمراء
ماكو تنزيل هالمره الا جزء واحد بس
والحمد الله انها عجبتكم
وزين يووووم رضيتي يا الزعلانه
انتظروني مادري متى انزل لكم بعد
يمكن عقب شهر:toung: << امزززح مو تأكلوني
تحياتي
دمعه حزن
لا لا لا لا لا لا ما ارضى
السالفة دي كلها صاارت وأني ما أدري عن شي
زيييين بسكت هالمرة
لكن عــــــدل نزلتي كم جزء
هادا كله عشاان قلبووه ابو عيوون حمره
بس قهرتني السااالفة كله من محمد الأهبل
اففففف يقهر الشي وزااااد الحمااس
الله يخلييش موتتأخري
عشاان قلبووه ما يراوييش العين الحمره والخضره والزرقا
خخخخخخخخخخخخخخخ
ويييييييي
شوي شوي عليييي
حشى كلتني بقشوووووووري
واناااا نزلت على حساب الجميييييييع
زين بس ما بنزل هالمره الا بس جزء
بنشوف العين الحمراء والصفراء والخضراء ومادري شو
اوكووووو ؟؟
سلاااااااام
يووووووووووووه
لا لا لا لا
ما قصدي
اني اتكلم كنت عن قلبووه ابو عواين
بس ولا اهمش اني با أدبه ما باخليييه يراوييش ولا عيوون من دولين <<<<< قلبت السالفة كلها
يا الله حرااااام قربت الاختبارات يعني النفسية زفت في زفت
فنزلي كم جزء مو جزء وااحد بس
عشاان انتين تخلصي وترتاحي من صحنتنا
اقتباس:
المشاركة الأصلية كتبت بواسطة دمعه حزن
لااا دمعه شلون كذيه ليش؟؟ ترى الاختبارات قربت يلا خلصينا ولا بشوفين شغلج عدل:evil:هههههههه
صج كل من أبو عيون القلب المرح هههههههههههههه >>>أمزح
يلا عااااااد دمعه وين الاجزاء؟؟:bigsmile:
ههههههههههههههه
لا صغيره خلااص انا زعلت وما بنزل << امززح
نور الحوراء هلا والله
زين توى اليوم منزله شنو هذا الطمع ؟؟
انتظروا لي بكره اذا ما نزلت عقب اكلووووووني
ههههههههههههه مسكين قلبووه الكل قام عليه ما تسوى عليه هالكلمه الا قالها ..
ع العموم يصييييير خييييييير
واذا الله احياني من اليوم لبكره
بشووف انزل لكم لو لا
بفكر ..
تحياتي
دمعه حزن
اقتباس:
المشاركة الأصلية كتبت بواسطة دمعه حزن
لاااااااا تزلين يعني تزلين سمعتي<<<<ترى عصبت عليج هههههههه:bigsmile:
ننتظرج.
يااااااااااويلي
راح علييي كثييير
يالله ماعليه دموووعه
خلصيها ورح احطها في جوالي
وأسهر عليها (حكاية ماقبل النوم):icon30:
يسلمووو حبيبتي
هلا والله بالغاليين
والله امس مامداني ادخل عشان الامتحان شوي صعب
واني اليوم جايه من الاختبار ومستانسه
اقووول الحين بتحط الينا عشر اجزاء
بس ماشفت الا شويه >> طماعه
غناتي دموعه اني حليت في الاختبار زين
يلا عشاني حطي لي كم جزء
ومشكووووووره حبوبتي والله يعطيش الف عافيه
دمتي لنا
نور الحوراء
هلا بالمعصبه عليي
هاا روقتي وهدأت الاعصاب لو للحين ؟؟
يالله انتظريني بعد شوي بنزل لكم
كم جزء ولا تأكلوني لو
كانوا شوي
اوكو ؟؟
هلا والله
بشمووووعتنا
منوووره خيووه بطلتك
ههههههههههههههههههههههههههههه
ولا يهمج ان شاء الله اكملها قريب وتحطيها فى جوالج
تسلمي لي يالغاليه ع هالتواصل منج
يعطيك الف عافيه
هلا بيج يا
آهـات عـاشقـه
الله يقويج ويوفقج يااااااااارب
والحمد الله يوم سويتي زين .. عسى دوم
ههههههههههه ترى الطمع مو زين
ابد ما يمدحونه
بس ما عليه ان شاء الله الحين بنزل
بس مو تأكلوووووووووني
قلت لكم هذه الاجزاء الاخيره
يعني بحرق اعصاااابكم شوي
وبرحمكم شووي
لان وراكم امتحانات
فما بعذبكم واااااااااااجد
واجد هدرت
يالله
انتظروووووني
بعد شووووووي بس
كانت بتطيح عالارض لكنه تداركها وشالها
ماهر: شفيك حور؟
حور: يمكن بولد باموت ماهر...
ابوماهر: ايش تنتظر روح ودها المستشفى
ماهر: وريناد يبه؟
ابوماهر: انا وين رحت بسرعه روح
ماهر: طيب لاتخلي هالثور يقرب منها
بشار: شوف انا مو اصغر عيالك حتى تكلمني كذا
ماهر: اذلف زين فاضي لك
اخذ زوجته وطلعوا اما بشار فضل الانسحاب وابوماهر جلس جنبها عالسرير ويحاول يواسيها ...
..............................
عرفت ام محمد بكل اللي صار في بيت ابوماهر من ماهر اللي كلمها وبشرها بولادة حور بولد...سكرت وهي تحس بمزيج من الاحاسيس فرح لبنتها وزعل على ريناد بنتها الرابعه ....ولحسن الحظ ماعرفت باللي سواه محمد فيها....
هالخبر بعدها ترسب لشوق اللي طار العقل منها وماصدقت ان بشار الحبوب اقرب شخص لريناد يقوم يطقها .؟؟؟ مايصير
ماقدرت الا تدق عليه وتعرف ايش اللي صار ...
بشار: نعم؟
شوق: بشار...
بشار: دقي بعدين مو فاضي
شوق: ماراح اسكر...ليش ضربتها؟ ايش سوت هي ؟
بشار: شوق ممكن ماتتدخلين في شئ مايخصك
شوق: شلون مايخصني انت ناسي ريناد مثل اختي علمني شصاير
بشار: كنتي تعرفين انها على علاقه مع مازن؟
شوق بارتباك شديد: ها مازن؟؟؟ كـــ كيف؟
بشار: اكيد تعرفين كل اسرارها عندك
شوق: من قالك؟
بشار: اخوك واللي وصل له الخبر واحد من اخوياه انتي كيف تخبين علي شئ مثل هذا؟ تسانديها يعني في اللي تسويه...طحتوا من عيني ثنتينكم روحي باي
سكر بوجهها بقوه وهي نزلت دمعتها مو على نفسها لا على ريناد المسكينه اللي شكلها مابترتاح من المشاكل ....
مافي غيره....اكيد بدر هو اللي قال لمحمد من غيره يعرف ريناد ومازن..ورود السوسه هي اللي قالت له الله ينتقم منك يالظالمه على اللي تسويه في المسكينه اليتيمه....مازن لازم يعرف بالموضوع واليوم قبل بكره لازم نتصرف قبل لايذبحونها...
واتصلت عليه ورفعه بعد طول انتظار
مازن: هلا شوق
شوق: بالموت ترد شفيك
مازن: خير شصاير
شوق: ريناد يامازن
مازن: شفيها ريناد؟
شوق: بشار طايح فيها طق
مازن: كيييييييييييييييف ؟؟؟ تمزحين انتي
شوق: وربي ماامزح يامازن
مازن: هذا كيف يضربها؟ وليش؟
شوق: عرف بعلاقتكم...بدر ولد خالة ورود.. قال لمحمد ومحمد خبر بشار....يمكن لو بشار مادرى ان بدر يعرف بالسالفه هان الموضوع بس اللي مخلي بشار يعصب ان سيرة اخته على لسان واحد قذر مثل بدر.....
مازن: بدر؟؟؟؟ ولد خالة ورود؟؟ انا اعرفه؟؟؟؟ ذكريني
شوق: بدر اللي تهاوشت معاه مره جنب مدرستنا فاكر
مازن: ايييييييه هذا ولد خالتها....
شوق: ومن زمان يلاحق ريناد
مازن: ماقالت لي
شوق: خافت
مازن: خافت؟ عذر اقبح من ذنب..
شوق: الحين مو هذا موضوعنا
مازن بعصبيه: تشوفين شئ عادي يلاحق ريناد وهي ساكته مبسوطه يعني من اللي سواه؟؟؟ اجل تستاهل اللي جاها لانها ماحطت لي أي حساب
شوق: ماتوقعت هذا ردك
مازن: باي
شوق: بالطقاق باي
سكرت وهي ترجف من العصبيه....حتى مازن على هالمسكينه ..اللي ماتستاهل منهم كل هذا
..........................
بعد اسبوع من هالحادثه الاوضاع هادئه نوعا ما..... بشار فهم اخوه وابوه ان هواش صاير بينه وبين ريناد وهذا السبب اللي خلاه يطقها لااكثر......
محمد وبشار راحوا لمازن وكانت بتوصل للطق لولا تدخل ابومحمد اللي هدى الامور بينهم بعد ماعرف بالموضوع وفهمهم انه جايز طيش شباب او ان هالبدر يكذب عليهم لااكثر....ومهما يكون ريناد اختهم ومازن بحسبة اخوهم ومايصير الشيطان يدخل بينهم ويخرب علاقة النسب اللي تربطهم..
انقطعت صلة بشار ومحمد بــ مازن هالفتره ..... وتجهز بشار لملكته رغم ان الاجواء الحاليه ماتساعد لكن هذا اللي صار ..
اليوم ملكتـــه على بنت عمه.... وهو يصعد عالدرج شاف ماهر بوجهه
ماهر: مبرووووك مقدما يامعرس
بشار: الله يبارك بعمرك ابو فارس...ها وين رايح؟
ماهر: بيت عمي باشوف ولدي ومرتي اشتقت لهم
بشار: اروح وياك؟
ماهر: لاياشيخ كل هذا شوق لبنت عمك جايه الايام بتشبع منها
بشار: مااظن والله.... الا متى بترجع البيت وربي مانشوف هالفارس الا بالحسره انا عمه مالي حق فيه؟؟
ماهر: مادري انا بعد ودي انها ترجع بس تعبانه مسكينه....يلا اظن اسبوعين وترجع
بشار: اها كويس يلا عن اذنك
كان بيمشي بس اخوه مسك ذراعه
بشار: خير ؟
ماهر: صالحت اختك؟
بشار: لاتجيب لي سيرتها ماصالحتها ولاابي اصالحها
ماهر: بشار حرام عليك ريناد تحبك ليش تسوي لها كذا روح صالحها وبعدها صالح ابوي من هذاك اليوم ماكلمته ولاكلمك
بشار: ابوي أي ريناد لا
ماهر: ماتبيها تجي ملكتك اليوم يعني؟
وقف محتار يطالع اخوه وباب غرفة اخته....حن لها ولضحكها ولسوالفها هالشئ مايقدر ينكره بس اللي سوته ....
ماهر: مهما صار بينكم...بتبقى ريناد اختك اللي مالها غيرك وانت اخوها اللي مالك غنى عنها
وابتسم لبشار ونزل....
كلامه صحيح يلا هي غلطت بس اخذت جزاها واكثر طقيتها لين قلت بس زين ماماتت في يدي اروح اصالحها احسن....
دخل لغرفتها ولقاها جالسه عالسرير والقران بحضنها ابتسم لها وهي نزلت راسها للقران...
بشار: ممكن اقطع عليك قرائتك؟
ريناد بصوت مثل الهمس: تفضل
راح وجلس مقابلها وهو يشبك اصابع يده ببعض ...
بشار: اممممممممم ريناد ماراح اعتذر عاللي سويته لانك غلطانه وتعرفين هالشئ
ريناد: ـــــــــــ
بشار: بس مصخت اليوم ملكتي ومايهون علي اتركك زعلانه
طول هالوقت وعينها بالمصحف ماشالتها
ريناد: والمطلوب مني؟
بشار: يالدبه خلاص ابي اشوف ضحكتك
رفعت عينها له وابتسمت من تحت الدموع اللي انهمرت على خدها ....
ريناد: كنت قاسي معاي يابشار كثير...يمكن انا صحيح غلطت بس لو ماكنت واثقه في مازن وواثقه من حبي له ماانجرفت في هالطريق حبيته وحبني حسسني بالحنان اللي فقدته من يوم ماتت امي ...صحيح ابوي وماهر وحتى انت وحور ماقصرتوا معاي بشئ لكنه كان غير..بعدين بشار ورود هذي تحب مازن وسوت الف شئ وشئ حتى تفرقنا....وتعاونت مع النذل ولد خالتها علي وصار يلاحفني من مكان لمكان ويضايقني بكلامه
بشار: شفتي كيف انك غلطانه نسيتي ان عندك اخو يحبك ويخاف عليك لو بس قلتي لي عن هالبدر ذبحته بس مازن سبقني
طالعته مذهوله وخايفه ليكون مازن ذبحه
ريناد: شصار؟
بشار: تهاوشوا هواش ماحصل وصلت للشرطه تخيلي
ريناد: مازن في السجن؟
بشار: هههههههه من جدك انتي ... طبعا لا .. بدر تعور شوي وكانوا بوقفوا مازن بس عمي ابومحمد تصرف وطلعناه بكفاله
ريناد: وانت ماتهاوشت وياه؟
بشار: مااكذب عليك رحت انا ومحمد نتهاوش وياه...بس عمي كمان هدأ الوضع
ريناد وهي تحط يدها على ذراعه: بشار ارجوك انا اذبحني اقتلني بس مازن لا انا السبب هو مادخله...
بشار: لو باسوي له شئ كان سويت من زمان
ريناد: يعني الاوضاع بينكم عاديه
بشار: الصراحه لا من يومها ماكلمته ولاهو كلمني....
ريناد: ليش كل هذا؟ بسبتي صح؟ انا السبب في كل اللي يصير
بشار: لاريناد مو انتي السبب...وبعدين انسي اللي صار احنا اولاد اليوم
ريناد: انسى وانا اشوفكم تتفرقون عن بعض بسبتي؟
بشار: اااخ هذا اللي صار ياريناد
ريناد: بشار باقولك شئ والله العضيم مازن يحبني ويخاف علي وماحاول يضرني يمكن كان يخاف علي اكثر منكم ويبي مصلحتي واذا حسيتني من قبل فرحانه ومبسوطه من قلبي ترى هو السبب غير حياتي....خلاني اعيش مرتاحه
بشار: بس ماتوقعتك تخبين علي شئ مثل هذا
ريناد: ماكنت قادره اقولك.. ماعندي الجرأه
بشار: عالعموم انا بسامحك ياريناد بس على شرط
ريناد: اللي هو؟؟؟
بشار: الشئ اللي صار مايتكرر
ريناد: شقصدك؟
بشار: يعني يبيك يجي يخطبك مو يكلمك
ريناد: بس هو حطبني وانت رفضت
بشار: بس ماخطبك من ابوي صح؟
ريناد: صح
بشار: خلاص يخطبك واذا ابوي وافق كان بها واذا رفض كل شئ قسمه ونصيب
ريناد: اللي تشوفه....
بشار: للحين جالسه اليوم ملكة بنت عمك وماتجهزتي كالعاده
ريناد: ماباسوي شئ خليني بشار لوحدي
بشار: لا لا مابتركك شوق تدري عنك وساكته؟
ريناد: لاوالله ماقصرت كل شوي تدق علي وجاتني بعد امس وحاولت تخليني اطلع معاها بس رفضت
بشار: طيب رحتي السوق اخذتي لك فستان؟
ريناد: لا
بشار: اوديك؟
ريناد: مايحتاج بشار ...
بشار: شنو مايحتاج اخت المعرس وتلبسين أي شئ مايصير
ريناد بابتسامه: عادي
بشار وهو يسحبها : قووومي
ريناد: ايي ظهري
بشار: اووه اووه بعده يعورك
ريناد: ههههههههههه امزح وياك... تخاف علي يعني
بشار: شوف الدلوعه اكيد اخاف عليك يلا بسرعه قومي قبل لااهون
ريناد: احسن بعد
بشار: تبيها من الله هالدبه كويلي ماي ليدي
ريناد: امرك يامعرس
رجعت مع اخوها من السوق بعدها دقت على شوق اللي اصرت تاخذ ريناد معاها الكوافير وبالفعل وصلهم ثنتينهم بشار الكوافير...
ريناد: فستانك جبتيه معاك ولا؟
شوق: لابلبس في البيت....ريناد خايفه
ريناد: لاشوشو لاتخافين...تطمني تحبين بشار وهو يحبك يعني تيكت ايزي
شوق: تتوقعين بنكون متفاهمين مع بعض ومابتصير بيننا مشاكل
ريناد: من ناحية متفاهمين الا متأكده بس المشاكل موجوده بكل مكان ياشوق وهالزعل وهالشغلات ملح المحبه
شوق: ادعيلي
ريناد: الله يوفقك...يلا قومي الكوافيره تنتظرك...لانتأخر
شوق: ريناد
ريناد: هلا
شوق: بعدك متضايقه من اللي صار؟
ريناد: لاتتكلمين شوق في هالموضوع ابي انساه لاتخربين علي فرحتي فيك وفي اخوي
شوق: مازن ماكلمك؟
ريناد بعصبيه: لا ولاابيه يكلمني
شوق: بل بل ليش؟
ريناد: نسيتي الكلام اللي قاله لك...تستاهل اللي جاها وبعدها ولافكر يدق يتطمن علي بنساه وباطنشه مثل ماهو مطنشني
شوق: الله يهديكم مادري متى بتستقر احوالكم
ريناد: ااه ياشوق لاتحطي الملح عالجرح قومي الكوافيره تنتظرك
شوق: يلا
..............................
كانت تجمع اغراضها حتى تروح بيت ابوها وتجي لها الكوافيره هناك وتزينها مع حور...
ناصر وهو يطلع من الحمام: الحين تبين تروحين؟
خلود: ناصر
ناصر: هلا حياتي
خلود: وين شيلتي
ناصر: اكلتها
خلود: لاجد ناصر اوووووف وين راحت بعد
ناصر: ههههههههههههههههه
خلود: شفيك تضحك؟
ناصر: ههههههه ويلي باموت
خلود: شفيك عاد ضحكني وياك
ناصر: واللي على راسك وشو؟
حطت يدها على راسها وضحكت
خلود: ههههههههه والله من العجله
ناصر: ههههههه لالا خرفتي اكيد
خلود: الحين بتمسكها علي انا عارفتك
ناصر: مثل ماتمسكين أي حاجه علي
خلود: اها يعني وحده بوحده؟
ناصر: بالضبط
خلود: كذا ياناصر طييب اللي ترجع الليله البيت
ناصر: ها بتنامين بيت ابوك؟
خلود: أي انت ماتبيني
قرب منها وباسها على خدها
ناصر: اموووت في الدلع كله
خلود: أي غير الموضوع....ماتبيني صح؟
ناصر: والله ابيك ابيك خوختي....ومافيه تنامين هناك بترجعين
خلود: لابنام هناك تغيير جو
ناصر: اوووه ترى اعصب عليك
خلود: لالا خلاص كل شئ ولاعصبيتك مااقدر عليها يلا ودني ناصر بيت ابوي
ناصر: يلا انتظرك بالسياره...
خلود: المهم ناصر مو تنسى تجيب امك بيتنا عالمغرب ان نسيت سقت سيارة محمد وجبتها انا
ناصر: لا ياحلوه ترانا مو في لندن احنا بالسعوديه يمسكوك الشرطه ونبتلش
خلود: ههههههه المهم مو تنسى
ناصر: لا اكيد بس اظن ابوي بيجيبها
خلود: أي خلاص اجل مشينا..
............................
طالعت في وجه ولدها ورفع عينها تطالع زوجها...سبحان الله نفس العيون والخشم حتى الفم...بس ماهر حنطي وولدي ابيض
ماهر: في ايش سرحانه ام فارس؟
حور: ييييييييييه احس نفسي عجوز ام فارس مابعد اتعود
ماهر: ههههههههههه خلاص من اليوم ورايح ننسى حور ونناديك ام فارس
حور: لامانستغني....
ماهر: تحسين انك صرتي احسن الحين؟
حور: اكيد .. والله ياماهر كل ماذكرت يوم جيت اولد شفت الموت بعيوني احمد ربي الف مره....
ماهر: لابسم الله عليك من الموت في العدو ان شاء الله..
حور: تعبني وفي الاخير يطلع كتكوت صغيرون
ماهر وهو يرفع ولده : والله يجنن ودي اكله
حور: ماهر شوي شوي عليه
ماهر: تفكرين مااعرف حملتك يوم انك صغيره
حور: ههههههههه اتحداااااك
ماهر: جد والله
حور: كان عمرك اممممممممم 5 او 6 سنوات
ماهر: في هالحدود بس كنتي حلوه وحمرا
حور: والحين؟
ماهر: الحين احلى يابعدي
حور: جد ولاتجاملني
ماهر: افا حوريتي ايش هالكلام عمري ماجاملتك
حور: يعني لسه حلوه مثل اول ماتزوجتني
ماهر: صرتي احلى والله ....
حور: عيونك الحلوه حبيبي...وين ابوي؟
ماهر: بالسوق من محمد
حور: تصدق..مو مصدقه شوق الليله ملكتها احسها صغيره
ماهر: لامو صغيره شوق لايغرك مزحها ومسخرتها تراها فاهمه وعاقله وان شاء الله بتكون قدها...
في هاللحظه بكى ولدها..وماهر رفعه وقام يمشي فيه
حور: بتعوده عالدلع من الحين
ماهر: اكيييد هذا ولدي الاول وله كل الدلع كل اللي يبيه تحت امره بس يأشر...
حور: عز الله رحنا وطي
ماهر: ههههه لاتخافي مكانك محفوظ...امك وينها؟
حور: تلاقيها اما بالمطبخ او بالصاله تشرف على التعديلات
ماهر: لو سويتوا الملكه في مزرعه افضل عمي متعب نفسه
حور: شنسوي قلنا له نخليها في مزرعه بس اصر تكون هنا في البيت...وشوق مارفضت
ماهر: يلا اهم شئ سعادتهم وراحتهم...
حور: معاك حق
عالساعه 8 رجعت مع بنت عمها من الكوافير وكل ماتقدمت الساعه دقات قلبها تزيد....دخلوا الصاله ولقوا خلود وحور وام محمد وام مازن وهبه
شوق- ريناد: السلام عليكم
الكل: وعليكم السلام
ام محمد وهي تقرب من شوق وتحضنها: هلا بحبيبتي هلا...خلصتوا يمه
شوق: أي يمه ها حلو الميك اب؟
ام محمد: لامره حلوو وناعم الحمدلله ماثقلتي فيه
ريناد: لاوالله اصرت يكون المكياج ناعم.....هاااي خوخه
وراحت سلمت على خلود وام مازن وبالاخير هبه وجلست جنبها...
هبه: الله ايش هالحلاوه هااا قصيتي شعرك؟
انتبهت شوق لكلام هبه وطالعت ريناد اللي اصرت تقص شعرها طبقات عناد لمازن لااكثر لانه يحب الشعر الطويل..
شوق: شفتي الاستهبال
ام محمد من سمعت ان ريناد قصت شعرها راحت ورفعت شعر ريناد بيدها
ام محمد: حرااااام عليك وينه شعرك
ريناد: ههههههه قصيته والله مااكلته
ام مازن: ليش ياريناد شعرك طويل وحلووو
ام محمد: كذا تقصينه بدون حتى ماتقولين لي؟ لهالدرجه مااعني لك شئ
قامت ريناد من مكانها وحضنت ام محمد وبقت في حضنها
ريناد: لايمه ايش هالكلام وربي انك مثل امي واعز...
ام محمد: اجل ليش قصيتيه وتدرين اني ماارضى انك تلعبين فيه
ريناد: هذا اللي صار عاد يايمه
ام محمد: تعالي معي شوي
ودخلت مع ريناد المجلس اللي كانت الشغالات تبخره وتعطره....
ام محمد: صالحك اخوك بشار؟
ريناد: أي اليوم صالحني
ام محمد: ليش طقك؟
ريناد وهي تصد حتى ماتجي عينها بعين ام محمد : ابد يمه متهاوشين
ام محمد وهي تمسك ريناد وتلفها: ريناد انا فاهمتك اكثر من أي حد...اللي بينكم اكبر من هواش عادي
ريناد: لايمه تطمني انا بس عصبت بشار وهاوشني ... وانا قمت ارد عليه وصار اللي صار
ام محمد: يمه ريناد ابي اتطمن عليك
ريناد : يالغاليه تطمني انا بخير دامكم حولي ماابي شئ اكثر
ام محمد وهي تحضن ريناد: يالله ياريناد عقبالك وعقبال مانشوفك عروس
دمعت عينها غصبا عنها وطيف مازن مايفارقها....الله يسامحك يامازن انت والدنيا علي , توقعتك توقف معاي تواسيني لكن خساره...
ام محمد: يلا اصعدي مع بنت عمك فوق والبسوا وتجهزوا شوي ويجون المعازيم ولاتتأخروا وتسكنوا فوق
ريناد: امرك يمه...
......................
بعد ماعرفت باللي صار بين بدر ومحمد انبسطت كثير وعرفت ان ريناد تضررت...
بدر: وين سرحانه الحلوه
ورود: لا لا وياك وياك ... تظن اخوتها عرفوا؟
بدر: اكيييد وتلاقيها ماتت طق
ورود: هههههههههه عساها جزاها.... بس هم مااشفيت غليلي
بدر: تكفين ورود طلعيني من الموضوع
ورود: افا ياحبيبي ومن يساعدني غيرك؟
بدر: حبيبك ها.... ماغير مازن حبيبك وانا لي الله
ورود: مكانتك محفوظه ياروحي بالقلب ...
بدر: طيب على كل هالتعب اللي اتعبه معاك بطلع من المولد بلا حمص
ورود: لاطبعا لك فول وحمص واللي تبيه..... كم تبي؟
بدر: لاياشيخه فلوس ماابي ...
ورود: اجل ؟
بدر: انتي عارفه
ورود: هههههههه بدر مو وقته
بدر : الا وقته.... لوحدك في البيت؟
ورود: كالعاده امي طالعه .. وانا لوحدي
بدر: اها امممممم طيب اخليك يلا
ورود: وين؟؟
بدر: بعدين تعرفين باي
ورود: بايات ....
نص ساعه وهي تلف وتحوس لوحدها بالصاله تدور على فكره جهنميه تقضي فيها على بقايا حب ريناد ومازن قطع عليها حبل افكارها الطويل صوت الجرس
من جاي؟؟؟ معقوله امي؟ لالا مااظن ....
راحت الخادمه وفتحت الباب ويدخل بدر...
ورود: بدر؟؟؟ ليييييش جاي؟ ماقلت لي؟
بدر وهو يطالعها من فوق لتحت : لوحدك في البيت وماتبيني ازورك
ورود: لابدر تكفى اطلع
بدر: مابطلع ياحلوه ... اظني صبرت عليك بما فيه الكفايه ساعدت صرت مثل المجنون امشي وراك بس ابيك ترضين علي وتنسين مازن
ورود: وانا قلت لك مستحيل انسى مازن لاني احبه
بدر: ماراح اتنازل
ورود: لاتكفى بدر ماابي واطلع بره
بدر وهو يقرب : حلم ابليس في الجنه
ورود وهي تصده بيدها: بعد عني
بدر: مستحيل ياورود
كانت جالسه جنب حور اللي بحضنها ولدها وجنبهم خلود وتطالع اخوها وبنت عمها وهم يسولفون ومبسوطين
ريناد: ياحليلهم طالعي شوق اول مره اشوفها مستحيه
خلود: يالدبه ماارضى على اختي
ريناد: ههههههههه مو بكيفك انا بنت عمها امووون باروح لهم
قامت ريناد ووقفت بوسطهم
بشار: لحووووول شجابك بعد
شوق وهي تسحب ذيل فستان ريناد: لاتخليني لوحدي خايفه
بشار: افا ياشوق انا صرت اخوف الحين هذا وانا صرت زوجك جد طالعه تهبلين من قدي الليله
جاتهم ام محمد وام مازن وانضموا لهم واغاني ورقص وسوالف وهذي تتكلم عن فستان فلانه وعلانه تنم على اختها وهذا هو حال الحريم...
راحت ريناد للمطبخ تشرب ماي قربت منها الخادمه ومدحت شكلها
ريناد: تسلمين و ذوق انتي والله ..
ضحكت الخادمه باستهبال وراحت .. اما ريناد فتحت الباب اللي يطل عالحديقه وغمضت عينها واستنشقت هوا
وفتحت عينها وهي مبتسمه وجات عينها بعينه....سكرت الباب بوجه ودخلت
دخل لها ويده لازالت عالباب: تعالي ريناد ابيك
ريناد: وانا ماابيك طيب
مازن: ريناد عن الدلع تعالي
ريناد بعصبيه: قلت لك ماابيك روح خلاص
دخل لها سحبها من يدها وهي تقاومه مثل الطفل لما تسحبه لمكان مايبي يروحه
مازن: ليش هالعناد؟
ريناد: فهمني ايش تبي مني مو فاضيه
مازن: الله يالدنيا انا مازن تكلميني كذا؟
ريناد: أي مازن اللي ماافتكر فيني لحظه وحده
مازن: ريناد لانك غلطانه
ريناد: شوف مازن مو مستعده اسمع منك أي تبريرات ثانيه.... اللي صار صار
مازن: ننسى يعني اللي صار ؟
ريناد بسخريه: ماني غبيه لهالدرجه حتى اسامحك على كل شئ تسويه .. دامك طنشتني واناامر بأصعب ظروفي واستغنيت عني هم باستغنى عنك....
مازن: شتقولين انتي؟
ريناد: اللي يبيعني مره ابيعه الف مره مو ريناد بنت جاسم اللي تسويها ولاتظن برجعلك بالساهل
مازن: يعني؟
ريناد: يعني اللي سمعته وفهمته... روح بطريقك عني
مازن: هذا وانتي الغلطانه وتــ ...
ريناد بعصبيه تقاطعه: بس ماابي اسمع أي شئ منك.. شبعت من كلامك تدري اوكي انا الغلطانه وغلطانه اني عطيتك قلبي لانك ماتستاهله ..
مازن: اخر شئ كنت اتوقعه منك هالكلام الجارح
ريناد: وتصرفاتك معاي ماتجرح مشاعري؟؟ كلامك عني اللي وصلته لي شوق مايجرح؟
مازن: تتوقعين افرح لما اسمع ان فلان وعلان يلاحقك وانتي ساكته عصبت لما قالت لي شوق هالكلام..
ريناد: وماقالت لك شوق ان اخوي بشار طقني لين شفت الموت والسبب انه عرف بعلاقتنا..فكرت عاالاقل تتطمن علي تسأل عني
ابدا طنشتني ولااهتميت لذلك انا ماراح اهتم فيك وراح اعاملك بالمثل ... باي
جات بتمشي بس سحبها بقوه وجابها لعنده وقفوا لحظات عين بعين ...
مازن بصوت منخفض: ماتحملت اللي قالته لي شوق ماتوقعتك تخبين علي شئ مثل هذا مو انا كل اسراري عندك كل صغيره وكبيره تصير لي انتي اول وحده تعرف عنها... ليش ماتعامليني بنفس الطريقه ليش اتفاجأ لان شوق قالت لي ان بدر يلاحقك .. ليش ماقلتيلي اوقفه عند حده...
ريناد: خوفي عليك منعني
مازن: ايش هالعذر ياريناد ايش بيصير لي يعني
ريناد : مادري مادري اترك يدي
مازن: مو قبل ماتنسين اللي صار...
ريناد: ماراح انسى طيب ... ليش اهتم في مشاعرك وانت ماتهتم في مشاعري
مازن: انتي ليش عنيده وراسك يابس .. ماتفهمين اني احبك
ريناد: افهم بس هم ابيك تفهم اني ماعدت احبك وبنساك طيب
سحبت يدها بقوه من يده .. ودخلت وصفعت وراها الباب وتسندت عليه وبكت ...
الخادمه: ماما ريناد ايس فيه انت؟ تعبان؟
ريناد: هاتي لي ماي
عطتها ماي وبعد ماشربت جلست عالطاوله .. وحطت راسها عليها
دخل مازن وهي رفعت راسها له
مازن: توتو روحي شوي بره
الخادمه: اوكي بابا
طلعت وتركت الاثنين لوحدهم يلفهم السكون.....رفعت راسها له ببرود وبعينها الدمعه
ريناد: ايش تبي مني خلاص كلمه وحده ماراح اتراجع عنها مازن لو مهما يصير كل شئ ولاكرامتي تنهان
مازن: تبين نترك بعض؟
ريناد: أي
مازن : واذا قلت لك لا
ريناد وهي تقوم وتضرب بيدها عالطاوله : هالشئ راجع لك خلاص ماابيك روح حب وحده غيري روح لورود اللي تحبك
مازن: هالحقيره لاتجيبي لي طاريها
ريناد: عالاقل تحبك ولاتبقى مع وحده عافتك
مازن: عفتيني ياريناد؟
ريناد: لانك البادي والبادي اظلم
مازن: بس انا ماعفتك .. لسه احبك وابيك ولو مااحبك ماتضايقت من اللي صار
ريناد: بس الانسان يامازن معرض للغلط وكان من المفروض توقف جنبي مو تشمت فيني وتتركني هالشئ اللي ماارضاه
دخلت عليهم بهالوقت هبه اللي من شافت عصبية مازن ودموع ريناد وقفت مكانها...
هبه: اسفه .. ماكنت اظن انك هنا مازن
مازن: تبين شئ؟
هبه وهي تطالع ريناد: ريناد شفيك؟؟
ريناد وهي تبكي وتطلع من المطبخ: ولاشئ
بعد ماطلعت كان الكاس اللي شربت منه قدامه رفع يده ورماه عالارض بعصبيه وكان بيطلع بس اخته منعته
هبه: وين بتروح وانت في هالحاله
مازن: جهنم الحمرا مو مهم
هبه: شصاير بينكم؟
مازن: ماتبيني في حياتها خلاص كرهتني البنت
هبه: والسبب؟
مازن: مني ياهبه مو منها معاها حق بكل اللي قالته
هبه: لا هي تحبك مازن... بس فهمني ايش اللي يخليها تقول هالكلام
مازن: ماتحبني وانسي الموضوع باي
طلع وشغل سيارته وقام يسوق بسرعة وهو ضاغط عالسكان... كذا بننتهي بهالسهوله يعني تبيعني...
كيف بتعيش دوني وكيف باعيش بدونها... ريناد الهوا اللي اتفسه .. ريناد روحي اللي مااقدر اعيش بدونها
ياربي كيف باعيش كيييييييف .. وليه اعيش من دونها لييييييش خليني اموت يمكن تزعل علي وتتندم عالللي سوته فيني
زاد في سرعته الجنونه لين ماوصل لشاحنه قدامه وتجازوها وهو يطالع من النافده اللي بالشاحنه ورجع يطالع الطريق بس دخل بسياره قدامه قبل مايتدارك الموقف
ونووقف هني
يالله لا تقولوا شووووي
لا تصيروا طمااااااعين ترى بصير بخيله
يالله انتظر تعليقاتكم
تحياتي
دمعه حزن
اوووه احداث جديده ومشوقه رجعت المياه لمجاريها بين الاخوه والندل بدروو لف على ورودوو بس تساهل الكلب حصل لحمته خخخ
بس الشئ المحزن الا بين رينادوو ومازنوو الهبل منه هو احد قال ليه مايواسيها في ديك اللحظه الا كانت محتاجه ليه
بس نهاية هالاجزء الاخير يعني مازنو بصير له حادث لو كيف مثل الفلم الهندي يصير له حادث تحن له الا يحبها خخخ
بس حلوة الاجزاء شفتي كيف وتحطي اربع اجزاء كذا ميه ميه حتى مانستمل
يعطيبك الله العافيه
تحياتي لك بالتوفيق
بإنتظار البقيه
أهلاً قلبووه
ههههههههههههههههههههه
ما شاء الله عليك انت مخيلتك واسعه
فتخيل شنو بتكوون النهااااااايه فلم هندي والله باكستاني؟؟
والحمد الله ان الاجزاء عجبتك
انا نزلت ما حسبت كم جزء نزلت وبس
يعني حظك طلع قد الا تبيه
ع العموم تسلم ع هالتواصل والتعليقات الحلوه
الله يعطيك الف عافيه
تحياتي
دمعه حزن
اووووه يعني ما دورتي توقفي الا اهني
حرااااااام انتظر يووم كاامل بعد
بعديين اني كل ما أقوول خلااص بتنتهي وأحط نهاية على كيفي يصير شي
واقوول ان القصة شكلها مطوولة
بس يا الله عشاااني نزلي اليووم جزء وااحد بس عشان اعرف وش صاار في مازن
ترى حرااام هالقصة شاغلة كل تفكيري
هههههههههه
اهلاً صغيره بس خطيره
لا تشغلي تفكييرج بس اليوم ما بنزل
يمكن بكره اكمل اي
اوكوو
سلامو
مااااااااااااني رووووحي يا الدبة ما أحبش
اني أول مرة أطلب منش طلب صغيروون وترفضيه ليي
حطمتي مشاعري
ويييييييي
حشى صرت محطمة المشاعر بعد؟؟
افاااااا بس افاااااا
صغيرووه لا تصيري طمااااااااااعه هااااا
ترى بصير بخيله وعنيده وما بنزل لكم شيء الا بعد شهر
هههههههههههههه << امززح
ههههههههههههههههههههههههه
لاه انتين مو محطمة مشاعر لكن بس تحطمي مشااعري
مسكيييييييييينة اني خخخخ
اني ما قلتها لش عن طمع
هو قلت لش جزء وااحد بس ..!!!
لالا لا كل شي ولا عناادش وبخلش
هههههههههههه
لا ماكو ولا نص واحد
بس كيفي اليوووووم بخيله حددي
انتظري لبكره او بعد بكره
اوكو؟
نور الحوراء
هلا بالمعصبه عليي
هاا روقتي وهدأت الاعصاب لو للحين ؟؟
ههههههههههه لا لم ألحين معصب عليج :evil:ههههه:toung:<<<أمزحمااااااااااااني رووووحي يا الدبة ما أحبش
ههههههههههههههههههه حلوه ذي أموووووووووووووووووت فيج صغيره :bigsmile:
يؤ عاااااااااااد شالبخل يالدبدوبه
حطمتي مشاعري أنا ويـ صغيره:sad2:ههههههههههههههه
ههههههههههه أمزح معاج
المهم لاتطولين علينا نرى نزعل أنا ويـ صغيره:bigsmile:.
ماني
ياعلي ما قدر اتحمل كذا
بقعد احاتي ويمكن حتى احصلم ويش صار
انزين بس سؤال :: ليش وقفتي في هالمقطع بالذات ؟؟؟
ياعلي
غناتي روحي حياتي دموووووعه
بكرا لا تبخلين علينا
وانتي كريمه واحنا نستاهل
هههههههههههه
هلا باللي اعصابهم محرووقه
نور الحوراء وصغيره انا حطت مشاعركم لو انتوا طماعين؟؟
هذا وانا مدلعتنكم كل يوم انزل لكم بعد
لكن مثل ما يقولوا سو خير وقطه بحر << يا زعم زعلت:toung:
أهات عاشقه
وييييي شوي شوي ع عمرج
اممممم ليش وقفت هني بالذات ؟؟؟
تقدري تقولي عشان احرق اعصابكم واخليكم تتخيلوا الاحداث الجايه وتحلموا فيها
ههههههههههههه
تحياتي
دمعه حزن
دمعو اخلصي علينا وحطي البقيه
لا أألف من عندي الحين واسوي احداث عجيبه غريبه
يالله عفيه ع الشاطرة بلا مزح ثقيل وحطي البقيه بسررعه
ههههههههههه
قلبووه يالله ألف خلنا نشووف
وين بتوصل بتأليفاتك ؟؟
بنزل انا بس صبروا عليي
يمكن بعد شووي
تحياتي
دمعه حزن
دخلت هبه بسرعه لامها وجلست جنبها وهي مرتبكه
هبه: يمه يمه
ام مازن: ها ياهبه شفيك؟
هبه: يمه مازن طلع مسرع مادري وين راح اخاف يسوي بعمره شئ
ام مازن: مازن ولدي ؟ ليييييييييييش شصاير؟
هبه: مو وقته يمه
ام مازن: قووومي شوفي محمد خليه يلحقه بسرعه
قامت هبه وطلعت الحديقه ودقت على محمد حتى يلحقه ...
............................
الساعه 12 بصالة في بيت ابومحمد.. بشار وشوق وريناد ... وابو محمد وام محمد وحور وخلود وهبه وماهر وابو ماهر...
ام مازن: للحين مااتصل محمد عسى ماصار فيه شئ
ام محمد: اصبري يااختي ان شاء الله خير
ابو محمد: هبه هو متهاوش مع حد
ارتبكت ريناد وطالعت شوق اللي قرت بعين ريناد كلام كثير وحست انها تعرف شئ ..
نزلت راسها بحضنها ودقات قلبها الوف... غبيه وغلطانه يعني مااعرفه كيف اذا عصب.. اللهم اني لااسألك رد القضاء ولكني اسألك اللطف فيه...
عسى ماصار فيه شئ واكون انا السبب...
رن التلفون وشالته ام محمد على طول
محمد: الو
ام محمد: هلا يمه محمد بشر
محمد بانكسار: سوى حادث مالحقت عليه يمه
ام محمد ويدها ترجف: صار فيه شئ؟
محمد: شالوه للمستشفى بس يمه.... ااخ مادري ادعوا له وعسى الله يستر
ام محمد: حالته خطيره؟
محمد بخوف: مادري يمه انا شفيه طلعوه مثل الجثه الهامده ماادري من شفته دقيت عليكم
جلست وطاحت السماعه من يدها....
ام مازن وهي تقرب من اختها وبعينها الدموع: لاتقولين...
ام محمد: ادعوا له
..................................
في الممر اللي فيه غرفته الكل مجتمع ريناد جالسه بالزاويه وجنبها شوق تواسيها ...
ريناد: اه ياشوق لو يموت باموت وراه ماابي اعيش دونه
شوق: قصري حسك لايسمعك عمي ولاابوك
ريناد: مايهمني حد ياشوق ابي مازن وبس
شوق وهي تمسح دموع ريناد: ريناد ادعي له بدل الصياح اللي مابيجيب نتيجه ....
طلع الدكتور وعلى طول راحت له ام مازن ومعاها هبه وريناد وراهم له
ام مازن: بشر يادكتور طمنا الله يطمنك
الدكتور: مادري شقولكم بس حالتة خطيره ونزف دم كثير .. لازم حد يتبرع له بدم
هبه: انا يادكتور فصيلتي نفس فصيلته
الدكتور: تعالي اختي خلينا نسحب منك دم ونشوف اذا يناسب
محمد: لاهبه انتي خليك انا اتبرع
بشار: وانا بعد...
الدكتور: تعالوا معاي ونشوف اذا يصلح او لا
هي كانت واقفه بينهم ضايعه حايره ودمعتها على خدها ودها تتبرع له بعمرها مو بس دمها بس يقوم بالسلامه....
راحت هبه تطالعه من الزجاج وكانت بتطيح بس محمد مسكها قبل لايروح مع بشار
محمد: تماسكي ياهبه
هبه: اخوي الوحيد هذا يامحمد ان راح من يبقى لنا
محمد: استغفري ربك وادعي له.. وان شاء الله مابيصير الا كل خير...
هبه: يارب..خلاص انت روح مع الدكتور
محمد: خلاص قلبي لاتحاتين مافيه الاكل خير
...............................
لما طلع من الغرفه وبعد عنها استوعبت اللي يصير وطاحت دموعها شلالات على خدها...... لاانا شسويت .. شصار لي حتى استسلمت له... يعني ضاع مني كل شئ حتى اغلى شئ عالبنت شرفها...
طلعت وراه وهي تصارخ
ورود: بدر
لف وعلى وجهه علامات سخريه وخبث
بدر: خير يا....... ههههههه ياحلووه
ورود: اخذت اللي تبيه مني ارتحت
بدر: اخذته وباخذه مره ومرتين وثلاث
ورود: تتوهم ماعاد تقرب مني ولاتعرفني ولااعرفك يابدر
بدر: اتوهم ها؟؟؟ طيب ياحلوه انا بس اروح اخبر امك واختك الكبيره واخبر خواتي شرايك واخواني وامي واخليك على كل لسان ولاتدرين اخبر عمك واولاد عمك مو احسن؟
ورود وهي تنزل وتلف يدها حول رجله: لايابدر اتوسلك واترجاك لاتخبر حد لاتفضحني والله بيذبحوني
دزها برجله ومشى
بدر: هذي نهايتك عبده تحت رجلي بعد ماكنتي مسويتني خاتم بيدك جاء دورك تعانين وتقاسين اللي قاسيته
ورود: حرام عليك انا بنت خالتك مو غريبه حتى تسوي لي كذا
بدر: كلامك مايهزني باسوي فيك اللي احب وبتبقين ساكته مو بكيفك غصبا عنك اوكي باي ياحلووه
طلع وتركها مرميه عالارض ... هذي نهايتي يعني؟ ضاع مستقبلي وضاعت حياتي والسبب بدر اخذ شرفي اغلى شئ عندي وبدون شرف البنت هي والارض سوا اه اه من مصيبتي
..........................
التفتت حولها مالقت لاابوها ولاعمها ولامحمد ولابشار بس ام مازن وهبه وشوق
ريناد: وين راحوا
شوق: بشار ومحمد ياخذون منهم دم وخواتي راحوا مع ابوي وماهر راح وبيرجع حتى ياخذك بعد شوي...
طلعت ممرضه من الغرفه وعلى وجهها علامة استفهام
الممرضه: مين ريناد؟
ام مازن وهي تطالع ريناد باستغراب: هذي... ليش؟
الممرضه:المريض اوتعى وصار ينادي بأسمها
قامت ريناد من مكانها وهي فرحانه ومسحت الدموع عن وجهها البرئ...
هبه: ادخلي له ريناد
ريناد: ادخل ؟؟
شوق: ادخلي يلا
ام مازن: مايصير ادخل معاها
الممرضه: لامعليش مايصير حالة ماتسمح بس خليتها تشوفه لانه يناديها يمكن يصير احسن وتخف حالته
دخلت وام مازن مستغربه من اللي يصير وبنفس الوقت فرحانه انه اوتعى وتكلم
ام مازن: واخير اخوك صحى وتكلم الحمدلله لك يارب
هبه: شفتي الله سبحانه وتعالى مايرد حد من عباده ...
ام مازن: بس ليش ينادي ريناد
هبه: يمه مزون يحبها
ام مازن: يؤؤؤؤؤ ولدي يحب ريناد
هبه: يمه هالشئ بيني وبينك وهي بعد تحب ولدك
ام مازن: من جدك؟ متى هم يشوفون بعض حتى يتحابون والله الدنيا غريبه
هبه: مسكينه يايمه هههههههههه
ام مازن: شفيك تضحكين
هبه: فرحاااااااااااانه لان اخوي طلع منها اااااه احمد يالله الحمدلله
استووووووب
بااااااااااقي النهاااااااااااااااااااايه
وما بنزلها بكرررررررره
يمكن بعد بكررره
بس اذا أكلتوووووني بخليها بعد اسبوووووع
اوكووووووو؟؟
سلاااااااام
دمعوووووووو بلا عناد والله زاحفه بس انتين تخربيها
بداية الجزء حزينة مازن صار له حادث يويلي عليه ورينادوو الله يعينها بس الحمد لله صحى ومناداته لرناد وعلم امه بخبر حبهم هذا بِدلنا على انهم بيتقربو لبعض صح؟ << حللها وخبطها
وهذي ورود ضيعت شرفها مثل ماحاولت تضيع شرف مازن ورناد وتشوه سمعتهم وتخلي بدرو يشوها
رب العالمين جازاهم بفقد شرفهم مثل ماحاولو انهم يفرقو ويفقدو شرف الغير والله مايرضى بالظلم
واظن النهاية مفرحه لانه القصه مو حلوة تكون كلها محزنه لابد من الفرحة في الاخير صح ولا انا غلطان
يالله ننتظر العنودين يحطو لينا الباقي
تحياتي
يادبدوبه دمعه بذبحج حطي الجزء الاخير عاد دمعه بلا عناد
يلا عاااااااااااااااااااااااااااااد ولا أذبحج حرقتي أعصابي <<<<<<أنا عصبت خلاص:evil:.