`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

يسلمو يالغلا امورة القصة اتجننن

يسلمووووو خيتوووو
وعاااااااااد لا تطولين علينا
يعطيك الف مليون عافيه
لا عدمناك يارب
تقبلي تحياتي
العنود

مشكووووورة على القصه ولا اطولي علينا ترى الأعضاء درازن في الموضوع يقروا القصه الحيييييين
ههههه

تحياتي

هههههههههه يسلمو على التفاعل
عجبتيني خيتووو حور دراازن
خخ
والله يعطيكم العافيه
عساكم دوم درازن خخخ
عموما
الجزء راح انزله الليله
خخ انتظرووه قريبا <<<<<<< صدق اميرووووه متفرغه خخخخ
دمتم بحفظ الرحمن

الحلقه السابعه والعشرون

ماجد :
ــ الوو هلا سجوي .. اخبارش عمري
ــ هلا بالغالي.. الحمد لله تمام وانت
ــ تمام الحمد لله .. دوم ان شالله
ويثااوب ماجد
ــ هههههه ويش فيك حبيبي مو نايم عدل
ــ خخ ايه والله البارحه كنت افكر .. وما جاني نوم
ــ خير ياقلبي تفكر بويش
ــ افكر فيش .. ما باقي شي على عرسنا احنا بعد كلها شهرين ... متى بس متى .. استنى هاليوم انا بشوق .. البارحه وانا اطالع قاسم اقول متى اصير مكانه..
ــ ههههه .. ياعمري انت ... لا اني لو بكيفي كان ابغى تطول المده ..
ــ افا.. لويش ..؟؟
ــ هههههه لا مو قصدي .. مو عشان شي بس ما خلصت تجهيز بعض الأشياء يبغى ليهم يعني شويه وقت هو لو عندي احد يساعدني كان اليوم قبل بكره مو بعد شهرين .. .. بس ابوي هالأيام مشغول مره .. وانت بعد حبيبي .. واني ما ابغى اعطلكم .. ولاني عارفه شلون اخلص
ماجد سكت شوي .. قاعد يفكر ..
ــ انا عندي لش حل ..
ــ اللي هو.. ؟؟
ــ يوسف .. ايه مافي غير يوسفوه.. فاضي لا شغله ولا عمله .. ماباقي له الا سمستر وبداية السنه الجايه بياخذه.. مالش الا هو .. ياخذش انتين وجنان .. وعليكم به خوبلوه في السووق..
ــ هههههه .. والله خوش فكره على الأقل الاقي لي وحده بنوته تساعدني .. مممم وباخذ بعد وياي فطوم بنت عمي اذا رضى عمي ..
سجوي بتاخذ فطوم عشاان تساعدها .. وعشاان سبب ثاني تبغى كان يصير شي يقرب بين يوسف وبينها .خخ
ــ اوكيه براحتش عمري .. انا بكلم يوسف وهو اكيد ما بيقول شي ..
ــ اوكيه انت كلم يوسف واذا رد لك خبر علمني عشان اقول لفطوم ..
ــ على خير . يللا ياعمري .. مع السلامه
ــ الله يسلمك
ــ دقيييييييييقه
ــ ههههه هلا والله امرني
ــ اعطيني بوسه
ــ هااا ..!!...!!
ــ خخ بوسه .. ويش فيش اختلعتي
سجى استحت ..
ــ ماني
ــ افا ...
ــ ماجد .. يللا عاد
ــ خلاص.. بس دين عليش هذي .. هين بعدين نتحاسب ..
ــ ههههه يصير خير
ــ طيب اوريش ..
ــ ياعلي .. لويش كذا .. وشووه ؟؟!!
ــ اجل ترديني .. ما هقيتها منش ..
ــ اوهووو... مجودي .. صاير تتحسس وايد
ــ انا اتحسس .. الله يسامحش .. خلاص يالله عادي ما صار شي .. يللا ابرد لش خبر عن يوسف بعدين.. مع السلامه
ــ الله يسلمك ... .......... ماجدي....
ــ عيونه
ــ امواااااه..
ــ هههههه تسلم لي الغاليه .. ياحبش للعناد .. شي حلو فيش بس لا تزوديه علي
ــ ههههه ان شالله .. يللا مع السلامه
ــ يسلمش حياتي ..

سكر ماجد من عند سجى ودق على يوسف
دق مره .. مرتين ..الثالثه
يوسف وصوته دايخ ورايح فيهاا
ــ انووووووه
ــ خخخ .. انووه بعد .. ناايم حضرتك
ــ اااااااااه.. ممممممم.. ايه ويش عندك خربت علي الحلمه
ــ هااا .. بويـــــــــش تحلم وخربت عليك
ــ سرر ما يعلموووا
ــ لا يااشيخ وخر عنه .. مررره .. سر هااه.. طيب اسمع.. فتح اذونك ..
ــ وعيوني افتحها .. مانا اخاف تطير النومه
ــ هههه عمى .. صدق فاضي .. فتح اذونك .. ابغى منك شغله
ــ ويش مو الحين... فيني النوووم
ــ يالله .. صبر ايوب يصبرني عليك . صدق خيشة نووم الساعه 2 الظهر الحين ... وبعدين ما قلت لك انا الحين ابغى الشغله ..و صبر واسمع ويش ابغى
ــ .. بل بل بل شوي شوي حبه حبه علي ...هاااه .. قول..
ــ صدق ما تستحي احترم عمك انا .. وشووه هاااا ..
ويثاوب يوسف بنفس اوووه قوي بالمره
ماجد : ــ بل بل بللللل .. شفطتني حشى .. مكنسه شوي شوي .. ويللا عاد خلصني
ــ هااا.. صار لك ساعه تهدر ومانا عارف ويش تبغى ..
ــ اسمع .. ابغاك تودي سجى السوق وخذ جنان عشان تساعدها
ــ بس .. زين ما عليه .. على خير ..
ــ ويمكن ها .. ما ادري يمكن تروح وياكم بنت عمها ..
يوسف فتح عيونه كنه ما كان ناايم
ــ هاااه .. بنت عمها .. أي وحده ..
ــ بسم الله ويش فيك مختلع توك نايم .. بنت عمها اللي قدها فاطمه .. اعطيك خبر من الحين ..وبعدين لويش يعني تسأل أي بنت عم ...انت ويش عليك.. اللي عليك تروح وياهم..
ــ قالوا لك هندي .. بس يالله زين بابا .. وابد كنت بس كذا اسأل فكرت وحده من المتزوجات ..
ــ والله لو ترضى وحده من المتزوجات تروح وياها كان احسن بعد .. بس يللا خلهم ثلاثهم بنيات عشان يخوبلوك عدل .. خخخ
ــ هههههه لا يخوبلوني ولا يخوبلوني .. خوفي انا اللي اخوبلهم
ــ هيه .. مرتي لا تخوبلها هااه .. خلها عاقله .. عرسنا بعد شهرين ....
ــ خخخ ان شالله . يميدها تتخوبل وتعقل .. اقوول . متى تبغاني اوديهم
ــ بكيفك الوقت اللي يناسبك
ــ اجل اليوم العصر ..
ــ ما باقي شي كلها ساعتين على العصر
ــ اجل الليل
ــ بكيفك .. هههههه والله زين متحمس ..
ــ خخ احسن عشان تخلص بسرعه <<< خخ شقال قال عشاان تخلص بسرعه
ــ اوكيه على خير.. مع السلامه
ــ الله يسلمك

يوسف فز من سريره يركض .. وفتح كبت ثيابه.. ينبش على لبس كشخه ..حق الطلعه .. خخخ .. متحمس .. ويروح الحلاق ينعم هالوجه ... تقول معرس .. ويكشخ .. وحاله .. ويوم يخلص على اذان المغرب .. وبعد الصلاه رجع البيت
يوم دخل لقى جنان بالصاله تطالع تلفزيون
ــ سلااااموو للقطوه
التفت جنان عليه ..
ــ ميااوه.. وعليكم ..
ورجعت تطالع التلفزيون .. ورجعت التفت عليه بسرعه
ــ الله الله .. ويش هالكشخه ,, وين بتطير هااا ...
ــ السوق ..
ــ اهااا .. واني اقول هالكشخه كلها لويش ... وبخبث تكمل كلامها .. هااااااا.. اعترف ..لزوم الصياعه..
ــ وعمى .. ويش شايفتني .. هذا جزاي اللي باخدش وياي ..
جنان نطت من على الكنبه ..
ــ احلللللللف..
ــ والله ... بس على كلامش البايخ هونت
ــ لالالالا .. عااااد.. ما اقصد امزززح وياااك ..
ــ ههههه .. ياحبكم للسوق والطياره .. المهم اصلا مو لسواد عيونش خلني اعترف .. لأن سجى تبغى تخلص حوايجها .. وتبغاش وياها
ــ اهاا .. يعني ,,, بس يللا المهم طلعه .. الله وحلووه بعد دام ويانا سجى ..
ــ ويمكن فاطمه بعد
جنان مستغربه .. : ــ فاطمه ؟؟ أي فاطمه
ــ بل مسرع نسيتيها .. توش البارحه صفقه بعرس اخوها
ــ ههههههه تعني فطوم .. راح عن بالي انها تصير لسجى .. نسيت
ــ ايييه فطووم .. لا تنسي مره ثانيه .. يللا بس اجهزي ساعه وبنطلع ..
ــ ربع ساعه واني خالصه
ــ خخخ كلام خرطي مأخوذ خيره .. اذا ما ركبت السياره وحرقت الدنيا هرنات ويالله تخلصي اسوي حواجبي شوارع ......
وفعلا هذا اللي صار .. احترق دم يوسف بعد .. مو بس الهرن...
بس مستانس انها اشوى ما خلصت لا يسوي حواجبه شوارع .. <<خخ رجال عند كلمته...

وجت جنان تنافخ .. وركبت السياره.. وكالعاده كفخت الباب ويشتغل عليها يوسف سبايب
..جنان: ــ هاادا وييه .. انت .. كل مره هاللون .. تقعد تسب فيني .. ماني لويش كذا
ــ خلاص خلاص .. لا تطب دمعتش.. بس لا تعوديها مره ثانيه وتكفخي لي في هالبيبان ... ما تسوى علي طلعتش هذي
ــ اني اللي ما تسوى علي
ــ لا والله حااااله .. الظاهر ما يحلى لش الوضع الا بشبقه
ــ لا خلاص اصلا .. بسكت.. <<<< صايره طيبه عشان في السوق يصير وياها يوسف طيب ..خخخ مصلحجيه..
وصل يوسف بيت سجى .. دقت جنان عليها عشان تطلع.. ويوسف رايح فيها عند المرايا يعدل ويضبط... ويوم سكرت من عند سجى في خاطرها تسخر عليه .. بس ماسكه روحها ..خخخ
وشوي طلعت سجى .. ومعاها فطوم..
ويوسف شق البوز شبر من الفرحه...
وراحوا مجمع .. يقضوا عفايسهم.. ويوسف طول الوقت عينه على فطوم.. ويش تختار وويش يعجبها .. وكيف ذوقها .. وبالمره كانت فطوم ذوووق .. عدل...
وخلصوا شوي زين من اغراض سجى .. وبنفس الوقت كانوا يدوروا ليهم فساتين .. حق عرس سجى .. وهم يمشوا ما سمعوا الا جنان فحطت وهي تقول ..:
ــ اللللله .. هذا ابغاه حليوو..
سجى وفطوم وقفوا مختلعين.. يطالعوا الخلقه هاللي ملبسه الباترينه..
فطوم فبالها : وييييييييع .. موديله ولونه رايح فيها
سجى فبالها : يااعلي لالا جنانوه.. ما تلبسي كذا فعرسي
كان الثوب قصير لفوق الركبه شوي .. ومنفوخ شوي كنه حق ياهله في الروضه.. ولونه بني فاتح .. على اخضر زيتي .. مره تركيبه عنيفه ..
ولا يسمعوا الا يوسف
ــ بففففففف ههههههههههههههههههههههههههههههه... جنانوه ويش هالذوق .. وييييييع.. كنه ... ؟؟؟ ز××
فطوم وسجى .. تفقعوا من الضحك على جرأه يوسف وقاعدين يطالعوا في لونه .. ويزيدوا في الضحك.. من جد صدق صدق كنه ؟؟؟ ز××...
جنان : وعووه ..ويييييييع عليك .. صدق وصخ وما عندك اسلوب في التعبير ..
فطوم حست جنان زعلت .. صايرين كلهم عليها ما تسوى عليها يوم عجبها هالفستان..
فطوم مسكت جنان من ايدها ..:
ــ اهوو جنان ما عليش ولا تزعلي .. هدي ياغناتي .. امشي داخل المحل .. يمكن تلاقي موديل احلى ولون احلى لا تستعجلي.. بعدين كم سجى عندنا.. وحده...و نبغى نكشخ ليها عدل...
ودخلوا المحل .. وما لقوا شي <<<.. خخخ المكتوب مبين من عنوانه .. من المعروضين برى ..
وصاروا يدوروا لين طاحوا على محل كشخه.. دخلوه.. فطوم وسجى طاحت عيونهم مره وحده على فستان حلو مره .. ويناسب جنان.. وعجب جنان بعد .. بس اخذت لون على مزاجها .. بس حلو ارحم من اللي طاحت عيونها عليه بوااااايد..
فطوم صارت تدور وتحوس لين طاحت على فستاان بالمره يجنن.. هنا يوسف خش عرض
... الله والله جميل .. ذوق .. شياكه... كشخه..
ما شاف الا فطوم رجعته محله..
اختلع.. لويش هذي رجعته.. لا يكون استحت والا عناد فيه..
ولا شافها الا تساسر في سجى.. وبعدين يصير نقاش بينهم كأنها فطوم رافضه شي.. وسجى عندها عادي..
طلعت السالفه ان الفستان غالي شوي .. وفطوم ما جابت اللي يكفي.. طلبت من سجى.. و سجى فلست خلصت شغلها..
سجى كانت تقنعها تاخذ باقي سعر الفستان من يوسف وبعدين تردهم له .. وفطووم مهي راضيه .. قامت سجى تعلي صوتها شوي .. تبغى يوسف يسمع
يوسف فهم السالفه .. بس فطوم معصيه مهي راضيه .. كانت الفلوس كلها عند سجى , وعطتهم يوسف عشان هو اللي بيحاسب , وباقي على سعر الفستان 200 ريال . .. وفطوم عصبت على سجى .. تقول ليها بترجع هي ويا قاسم بعدين وبتاخذه .. سجى تعصب عليها ...اخوش توه معرس ومهو فاضي وان فضى يمكن حزتها طار الثوب
وفطوم .. : عادي ادور غيره
وسجى عاجبنها تحسه يناسب فطوم عدل .. وتحس فطوم داخل مزاجها بس مستحيه حمقت فطوم وسحبت جنان وهي مقهوره في سجى وطلعت من المحل .. ولحقتهم سجى ..
يوسف فهم السالفه كلها .. يوم طلعوا تأخر شوي .. صار يحاسب حق فستان جنان .. .. وطلع وراهم ..
ويوم هم بالسياره هدووء .. سجى تحس فطوم تفكر بالفستان.. وخاطرها فيه عدل ..
ويوم وصلوا البيت .. نزلت فطوم ويا سجى .. وصاروا يفرزوا العفايس .. وهم يفرزوا فيهم .. شوي شهقت فطووم
ــ ويش جابه هذا ..؟؟؟!!!
الفستان اللي عينها عليه .. ومبققه عيونها عدل .. ويييييش جااابه ..
وصارت تطالع في سجى وهي منقهره فيها
وسجى بكبرها مهي داريه \\\\×××
ــ والله العظيم ما ادري قسم قسمات مو شغلي .. والله طلعت اني وراكم ..ما اخذت شي .. هذا اكيد يوسف درى وسمعنا ,, واخذه
ــ يوسف هاا .. كثري منها ..
قامت قاسته وطلع عليها مضبوط .. وطلعت لسجى وهي محمقه
ــ يوووسف هااااا .. مره مقاسي عدل .. اقول سجيووه بلا شلااااخ
ــ وربي جعلني صاقعه اذا كنت اشلخ .. والله ما ادري
وتدق فطوم على جنان على طول .. اللي كانت مره معصبه وتصيح ..
ــ هلا جنان
ــ اهي اهي ..
ــ ويش فيش
ــ ويش هالحظ الأعور ... فستاني ضيق
ــ هههه يللا عادي يرجعه بكره لش اخوش وتاخذي مقاسش
يوسف كان يسمع جنان وهي تكلم جوال .. بس مهو داري مين سجى والا فطوم..
ــ ايه يللا اجل باقوله يرجعه وان شالله يرضى ... وانتين روحي ويانا عشان بعد تاخذي الفستان اللي عجبش
يووسف عرف انها فطوم ... وصار يوزع ابتسامات
ولا يسمع الا جنان تحلف انها ما تدري وان ما ليها شغل
قام يوسف يضحك وقال لجنان
ــ قولي ليها عادي .. ولا تحط بالها
فطوم مستغربه وفبالها .. يالله .. يوسف .. وشلون .. وليش .. وكيف يعرف مقاسي عدل .. صدفه يعني .. يالله شلون هذا ..
وتقول لجنان :ــ جنان .. طيب اشكريه عني .. وقولي له .. باقي الفلوس بكره باخلي قاسم يجيبهم
ــ ان شالله ..
ــ يللا مع السلامه
ــ الله يسلمش
ودقيقتين ترجع وتدق جنان على فطوم
ــ الو هلا فطوم
ــ اهلين
ــ يقول لش يوسف ............
الى اللقاء في الحلقه القادمه ... << هذا اني اللي اقول مو يوسف خخخخ...

مشكورة خيتووو

بأنتظار باقي القصة الروعة

WoOoW

وش هالحركتات خيتووو

ننتظر تكمله

وبالتوفيق

مشكوره خيتوووو والله يعطيكي العافيه

مع خالص تحياتي بوفيصل

والله اميرة انك مو سهلة ادمنا على قصتك..
موفقة خية..

اميرره
حركااااااااااااات اتجنن

روووووووعه لا تطولي علينا
جاااااااااااااااري الانتظاااااار

الله الله ويش هالحركاااااااااااااااااااااات

يسلمووووو حبيبتي بس كمليها

خخخخخخخخخخخخخخخخخخخخخخخخخخخخ

يـــــــــــؤؤؤؤؤؤؤؤؤؤؤؤ
كيف كذا
اني امس فتحت القصة ماشفت الردود ابداااا
توي ترى اقرء السادسة والسابعة والعشرون
؟؟؟؟؟؟؟؟غريبة؟؟؟؟؟؟؟؟؟؟
واني اقوول شلون اميرة ماحطتهم
يسلمو اميرة وانتظر التكمله

تسلمي ع الحلقه ...

الحلقه الثامنه والعشرون

ودقيقتين ترجع وتدق جنان على فطوم
ــ الو هلا فطوم
ــ اهلين
ــ يقول لش يوسف ..لايمر قاسم ولا يجيب فلوس ولا شي
ــ لويش .. مو بكيفكم
ــ ههههه .. لا بس يقول انه مره كان متسلف من عند قاسم وعادي الحين هذا هو رجعهم انتين واخوش واحد ..
ــ ما عليه.. يصير خير ...
ــ يللا مع السلامه
ــ الله يسلمش
وسكرت فطوم من عند جنان .. وهي تفكر .. متسلف من عند قاسم ؟؟.. خلني اسأل قاسم بعدين واشوف ويش السالفه...
وصاروا يعدلوا في اغراض سجى ..
وبعد 3 اسابيع ...

قاسم في شقته.. قاعد يطلع تلفزيون.. وصوت الإستشوار .. فااقع راسه.. يبغى يتابع الفلم مو عارف
ــ طفييييييييه.. ويش هالإزعاج...
ــ هااا باقي شوي ...
قاسم يهلوس فباله..
ــ ايه كل هالحووس حق الخويات اللي بيجوها.. امحق .. والا انا تقابلني بكشتها ..الله يصبرني بس ..
وتخلص ريم متكشخه.. ومتعدله..
ــ ياااااربي .. ماحطيت عصير في الفريزر.. حاار.. قوم عاد اشتري عصير...
ــ اوووه تعبان ومالي خلق .. وباقوم انام... سوي ليهم فيمتو
ــ ويشوو فيمتوو.. بيجوني خوياتي اول مره.. اقعد كاسات وفيمتو وحاله.. يللاقووم جيب عصير ..
ــ اقول .. تشوفي رقعتي على خير باروح انام
ــ تعاااااال .. وين بتنام
ــ بسم الله لا تصاارخي انا قريب اسمع .. وين بعد في الشارع .. اكيد .. بالغرفه
ــ لا حبيبي .. بيجوني خوياتي .. وابغى اوريهم شقتي وياخذوا راحتهم.. ما تنامهنا..
ــ عدلللل.. وين اجل يا مدام..
ــ في أي مكان.. عندك جناح تحت ويش كبره
كان قاسم ساكن بشقه في بيت ابوه... وصاار يهلوس فباله : جنااح اللي يطرش وما يعودش قولي امين ...
ـــ طيييب يصير خير ...
وطلع قاسم مره وحده محمق ..
ــ جيب وياك عصير اسمك بتطلع
ــ مانا جايب شي .. شوفي واحد من اخوانش يجيب لش
طاااخ ..كفخ باب الشقه...... وريم عااادي عندها الوضع .. تعودت على قاسموحركاته.. ولا هامنها شي...
قاسم قبل لا يطلع من البيت مر على اهله تحت.. شاف فطوم قاعده.. اللي سألتهعلى طول عن سالفة السلف .. قااسم وهو مااله خللق
ــ سلف.. ما ادري مو متذكر.. انّي سلفته.. و 200 بعد ما اتذكر ابدا.. الصراحه
ــ متأكد..
ــ ما ادري بس الأغلب متأكد.. لويش ..؟؟
علمت فطوم قاسم بالقصه
ــ اهاا .. طيب ابسأله.. ابطلع الحين ويمكن امر عليه ...
ــ لا تنسى ..
ــ لا ما بنسى .. يللا باي
ــ بايات..
فطوم صارت تفكر من شافت اخوها متعكر مزاجه . الله يعينك ياخوي اكيد ريمووه مهببه بلوه ,, ااخ بس ....ورجعت تفكر بالفلوس.. يشلخ يعني يوسف .. يللا ياخبر اليوم بفلوس بكره ببلاش القاه...
قاسم ركب السياره .. متكدر . ..ومو طايق الدنيا .. يدق سلف السياره .. وما يمديه بيمشي .. الا يجيه اللي يزود الحره عنده .. ماجد مار عليه بسيارته .. دق له سلام من بعيد .. وزين قاسم لحلح ايده ورد السلام .. وظل واقف ما مشى ...
وشوي طلعت سجى ..
قاسم من شافها .. صار قلبه يدق بسرعه .. وفيه قهر .. صار يهدي روحه .. يسلي نفسه... ومهو عارف ويش يسوي .. ومره منفجر .. ويمد ايده على المسجل ويشغله وكان فيه شريط اشعار صوتيه لعلي الخوار... على نهاية قصيدة ما تناسيتك :

حبيبي دارت الدنيا

وفارقنا الزمن هذاك

ومدري هل بتذكرني

اذا في يوم لاقيتك؟

أنا محبوبك الأول

أنا اللي ما قدرت أنساك

أنا انسى بس نسيانك

ولا اذكر تناسيتك

زود "علي الخوار " الناار حطب في قلب قاسم .. طفى المسجل وهو مقهور .. وطلع الشريط .. وبقهر زود شلخه .. وفتح النافذه ورماه .. وهو يرميه .. كانت سيارة ماجد مارهعليه .. ونزل قاسم من السياره هوون عن الطلعه .. دخل البيت معصب .. وراح لجناحه ,, قفل البيبان عليه .. ودقها نوووومه ..

ماجد مستغرب من حركه قاسم :ــ بسم الله ويش فيه هذا .. زين ما كفخ سيارتي بهالشريط .. الحمدلله والشكر
ــ هههههه .. ويش دراني .. يمكن خربان وقهره
ــ صدق مهو صاحي .. ليش كذا .. ماعنده اسلوب بهالحركه
ــ ما علينا .. وين بنرووح
ــ مفاااجأه ...
ــ صدق وين .. لا تخليني على اعصابي
ــ قلت لش مفااجأه ...
وشوي يدق جوال ماجد
ــ هلا .. هاا وين .. طلعتوا ؟؟ ........ اهااا..طيب............... هذا احنا قريبين منكم..جايين...
سجى داقنها فضول ويش السالفه .. ومين هاللي يكلمه ماجد وهم قريبين منه
وشوي .. شافت سجى سيارة يوسف .. ومعاه جنان .. .. نزل ماجد ..وصار يسولف ويا يوسف شوي
سجى دقت على جنان
ــ هلا جنان .. اخبارش
ــ هلا سجى .. الحمد لله
ــ ما تدري ويش السالفه
ــ هههه لا كان تدري قولي لي
ــ يالله ما يندرى ويش عندهم .. ضاربني فضوول
ــ ههههه ويش فيش ياخبر الحين بفلوس .. عشر دقايق ببلاش
ــ هههههه ياحليلش يللا باي باي .. اكو ماجد جا
ــ بااي
ماجد
ــ هااا دااقه على جنان تبغي تعرفي السالفه
ــ هااا
ــ هههههه مكشوفه .. ترى حتى هي ما تدري
وصاروا يمشوا ماجد ووراه يوسف ..لين وصلوا طريق .. سجى تعرف لوين راايح
ــ هااف موون..
ــ هههههههه .. لا
ــ اجل .. ااا .. لا عااد .. صدق
ــ ههههه ويش اللي فبالش

ــ مدينه الأمير محمد بن فهد الترفيهيه
ــ ايوووه .. عليش نوور.. ههههههه .. طلعتي تندلي ..
ــ ههههههه .. والله من زمان .. وبتركب وياي
ــ انا .. هههههه ..لالالا.. اكي جنان وياش
سجى تطالع على جنب وبخبث وتحدي .. : بنشوووف..
ــ ههههههه لالا ما اسويها .. تبغي انجلط .. اكي وياش المينونه جنان .. انا ادريبش تحبي تلعبي .. وهي بعد .. حلكم تصافقوا لين تشبعوا ...
ــ واذا يووسف ركب ويانا ..
ــ ااا ... لالا .. ما ظني .. يصير خير
ــ ههههه .. بنشوووف
وصاروا يمشوا .. لين لاحت قباب المدينه
جنان تناقز
ــ وص وص وصلنااااااااااااا...
يوسف يحب ايده وجه وقفا
ــ الحمدلله والشكر .. بثالث ابتدائي مو متوسط .. الله يخلف علي على هالإخت
ــ اقوول .. تراك طول الطريق صاير طيب .. لا تخربها الحين
يوسف يحط ايده على بوزه
ــ هااا .. سكتنا ...
وصلوا .. نزلوا .. قطعوا تذاكر الدخول .. وجنانوه مستخفه .. من زمان ما لعبت .. ومهي داريه تبدي من وين ..

وصاروا يلعبوا جنان مع سجى .. ويوسف حاايم قلبه يبغى يركب بس مهو قادر يخلي عمه لحاله .. وصار يحايل فيه ..
ويوم طفش منه
ــ صدق جباااااااان
ــ انا ... انا مو جباان .. بس ما اشتهي .. حق يهاال
ــ ههههه رقعها رقعها .. لا ياشيخ .. اجل مرتك يااهله
ــ هاا .. لاااا.. بس البنات عادي
ــ اقول ... اسكت بس .. بينت حقيقتك.. جباان وستين جبااان
ــ فكني بس يللا ..
ــ اما انا شوي وبركب وياهم .. بحمس الصباايااا .. وخلك طالع فينا
ماجد قاعد يفكر وهو متردد
ويوم جوا سجى وجنان ..
يوسف :
ــ هلموا بنا الى قطاار الموت
ماجد :
ــ اسم الله على عمركم ... ويش قطار موت ..
ــ نياهاهاااهاهاااا .. انت نفر جبان يسكت .. انا بروح وياهم ... وعلى فكره .. الحين قطار الموت عربه .. بركب انا ويا اختي في سيت عشان نتماسك .. ومرتك لحاالهاا .. خلها تطير مع اللفه خخخخ
ــ فاال الله ولا فالك .. طير الله راسك يا دب. لاتقعد تفاول على مرتي
ــ ههههه اجل اركب ويانا وامسكها
ماجد يطالع في سجى .. اللي كانت عينها بعينه .. ومتأمله انه يركب
ــ يالله .. والله ما حب ..
ــ كيييييييييييييفك .. ان شالله مرتك بس تحصل وحده تركب جنبها ..باااي ياجميل
وركبوا اللعبه .. وشوي قبل لا تمشي
جااهم ماجد يركض .. وركب جنب سجى اللي تشققت من الفرحه
ربطوا الأحزمه .. وماجد يتشهد .. ويهلوس حسبي الله على بليسكم .. حكم القوي أي بالله
واشتغلت اللعبه .. وماجد لازق بسجى ..واعصابه مشدوده
ارتفعت فوووووق .. ويوسف يصفق ويصفر
وشووي
نياااااااااااااااااااا.. نزلت تحت ....
ــ ااااااااااااااااااااااااااااااااااااااااااااااااااااه
جماااعيه .. خخخ
مااجد :
ــ وقفهاااا.. وقفففففففففففف.. هههههه .. انا الغلطان يوووم اطااوعكم
وترتفع ... ويوسف يبغى يزيد رعب مااجد .. يقوم يصرررررخ
ــ نزلللللله قوووووووووويه .. غمضواااااااااااااااااا
مااجد وهي بعدها ما تنزل
ــ اااااااااااااااااااااااه .. صك حلقك ...
والصريخ قايم .. كلهم يصاارخوا .. بس مااجد قلع الدنيا ..خخخ
وقفت اللعبه .. نزل يوسف وسحب جنان سحاب .. نزلت سجى يالله قدرت تتحرك .. ماجد تيبس عليها .. خخخ .. ومسك ايده يوسف وطلعه وهو يترنح ويسب فيهم ..

وقعدوه .. وماي وحاله ... وماجد يهلوس وهو يضحك
ــ يلعن بليسكم .هههه. مفتكريني قدكم .هههه. انا شاايب .. ااه
يوسف وهو يكركر ضحك
ــ شاايب ويش .. ويش حلاتك توم كروز زمانك
ماجد يطالعه على جنب
ــ وخرر عااد .. من زين توم كروز ..
ــ خخخخ .. يللا خيرتك تتعود .. الحين نركبك ثانيه .. وما تقول شي
ــ يصير خير .. شررب بس .. الشره علي يوم اطاوعك
...
ويركبوا الدوامه .. ويحايلوا في ماجد .. ويوسف يخووف ماجد على سجى
ــ هذي اخطر هاا.. هذي مع الدوران الا هي قااطه مرتك في البحر خخخ
ــ بتسكت انت والا بكس على ضروسك
ــ هاا خلاص .. بس لا تقول لي ما قلت لك ..
وسلم ماجد امره لله
وركبوا
وهي تدووور والصريخ فنون
شوي ولا شاف ماجد الا حااجه سودا كافختنه.. مسكها ولا هو داري ويش هي
وشوي يوم بدت اللعبه تخف .. ما سمعوا الا جنانوه تصيح
ــ نقااااااااااابي طااار .. اهي اهي اهيييييي..
ماجد داير راسه ويمد ايده برى الحديد وهو يهلوس
ــ هاادااا وييييييش اللي بيدي ..
يوسف يتفقع من الضحك وينهبه مكن ايد مااجد
ــ خخخ حق اختي جيبه بس .. زين مسكته .. والله رهيب . خووش حااسر مرمى جووي خخخ . شقال قال .. انا ما اقدر .. اكوو مره بكامل قواك .. لدرجه مسكته طول اللعبه .. صدق حيااال ههههه
ماجد وهو يطلع رجل رجل من اللعبه ويقوم وهو يترنح
ــ اسكت بس ..
ويتعثر على الدرجه ويمسكه يوسف :
ــ هههههه شوي شوي لا تتكرفس
ــ خلااااص لا تقولوا بعد
ــ الاااااا بعد وبعد
ــ اااه .. المرجع لله
ــ ما احد قال لك جيبنا هنا .. احنا ناويين عليك بنفلسك وبنجننك
ــ توووبه .. ما اعيدها .. صدق خبلان
كلهم بنفس واحد ضحك على مااجد وشكله ...
ولعبوا لييييين شبعوا .. بعدين تعشوا على البحر .. جنان تعبت دااخت .. فرجع يوسف معاها للبيت
اما ماجد ظل مع سجى على البحر ...
ماجد :
ــ استانستي حبيبتي
ــ ايه واايد الله يخليك لي ياعمري
ــ الحمد لله .. ااا.....
ــ ويش فيك ياحياتي
ــ سجى .. اتمنى اقدر اعوضش عن كل لحظه حرمان وجفا عشتيها وياي.. سجى ...
سجى تحط ايدها على فم ماجد
ــ لا تكمل .. ولا تذكر ماضي فات .. احنا اولاد اليوم .. ويكفيني انك بجنبي .. هذياسعد لحظات حياتي
ــ ياعمري الله لايحرمني منش ولا من حنية قلبش
ــ ولا يحرمني منك يارب
وصاروا قاعدين هالكناري الجميل على البحر لين طلعت الشمس ....

والى اللقاء في الحلقه القادمه
واعذروني حبايبي على تقصيررررري ....

يسلموووووووووووو والله يعطيكي العافيه

ولا تطولين عليناا بالتكمله أوكي

مع خالص تحياتي بوفيصل

يلا ياميره الاحساس
صيري احليوه وكملي القصه ولا طولين علينا
وااله يعطيك العافيه
مع تحياتي لك
خيتك همسات وله

مشكووورة ع التكلمة

بس لاتطولي ...

يسلمو خستووو على التكملة واشوا طلعت عندي

يسلمووووووو أميره على التكمله

تحياتي

يسلموو جميعا على التواصل الجميل
وتفضلوا

الحلقه التاسعه والعشرون

وبعد اسبوع...
فطووم :
ــ هاا قاسم سألت يوسف
ــ ايه سألته .. يقول اني سلفته من ايام الثانويه... وهو متأكد من هالشي ... وانا مو ذاكر .. بكيفه انا مانا خسران ولا ربحان شي... تسلف كان بها هذا هو رجعهم لفستانش حلالش.. والا مافي داعي يخلي واحد يكذب ويقول تسلفت ويخسر روحه.. منا والطريق...
فطووم مهي مصدقه سالفه هالسلف .. بس قامت تقول فبالها يللا صدق مثل ما قال .. مافي داعي يخلي واحد يكذب ويخسر روحه فلوس .. كذا وبس ... ونست فطوم السالفه ..

سجى وفطوم وجنان بالكوافير
جنان : مووو شغلي .. ابغى اسوووي تسريحه
فطوم : شعرش طويل وحليو تسويه بيرم ياعمري .. طيعيني ... التسريحه بتخلي وجهش منتفخ .. والا ويش رايش سجى
سجى سرحاانه بعيد ... الليله ليلتها .. ولا هي في الدنيا .. والكوافيره شغل فيها ..
ــ سجوووي.. سجيووه ... ههههه اللي وااخذ عقلش يتهنى به..
ــ هاا.. هلا .. ويش فيش
جنان : ــ ويي رايحه فيها .. خلاص الليله بتروحي له للأبد يارب.. ونفتك منش ومنه..
ــ هههههه حرام عليش خلي بنت عمي اللي يسمعش قاعدين على قلبش هم
ــ ايه خلهم بيسافروا وبيريحونا من وجههم
ــ هههههه طيب ياجنان.. ان ما وريتش ... بس مو الحين.. الليله اني عروس ولازم اصير حليوه ومروقه وهاديه
ــ ياااعيني على الركلاس
ــ ههههههه ركلاس ويش بعد,, ريلاكس ياحظي
ــ هههههه.. ويش دراني جيت اتفلسف ما مشت وياي خخخ..
ــ والحين بتطاوعيني والا ويش
ــ خلاص بيرم بيرم .. لكن ان ما طلعت حليوه بانتفش
ــ هين بس ان ما من حلاش طيحتي كل اللي بالصاله.. وصااروا الضبعان يسألوا عنش..مين هالحليوه ما اكوون فطوووم
ــ هههههههههه ولويش يسألوا الضبعان عني
ــ احم.. تعرفي حركاتهم.. يبغوا اذا يبغوا يخطبوا لأولادهم
ــ هههههه مالت عليش منتين بالدنيا.. هاليومين يخطبوا في الفواتح والمآتم يادافع الناس فويش وهم فويش ..خخخ
ــ بسم الله لويش بعد هالحركه ..؟؟
ــ خخخ عالطبيعه كل شي احلى
ــ اهاا.. يلعن يوم الخباااثه... صدق ما يطوفش شي انسه جنان
ــ كح.. افا عليش .. خخخ... اجل ويش على بالش
وسجى هدووووء.... رايحه فيها ..خخخ
وخلصوا كشختهم كل وحده تقول الزود عندي .. وطبعا ما يحتاج العروس قمرهم كلهم... وتدق جنان على يوسف
ــ الوو .. خلصنا يللا تعال..
ــ بعد نص ساعه ما يمشي
ــ لا ما يمشي.. نبغى نخلص ...
ــ يـــــــــالله....... تونا مخلصين من ساعه تدعيش " تفريك".. هالمعرس . هلكنا وحنا ننظفه . ابغى اسبح وبعيدن باجيكم
ــ هه اا هه ويش قالوا لك.. عمي ويش ... جلف ..
ــ ههههههه لاااا حاشاه .. انا ما قلت كذا .. افا بس ..خلي معرسنا .. الا لويش تضحكي هاللون ..
ــ خخخ بس لا يخترب مكياجي وتطلع لي خطوط من الضحك
ــ الله .. صدق بناات.. خخ يللا اجل عشر دقايق وانا عندكم

وشوي وصل يوسف .. وركبوا السياره
ــ ها كلكم جيتوا متأكدين..ما نسيتوا شي ؟؟
جنان :
ــ ايه ثنين الــ..... وواحد الـــ....
ــ ههههههههههههه وكثر الصاص لو سمحت ... حسبي الله على بليسش .. طيب .. ابوصلكم وبمشي ..وبس قريب تخلصوا اعطوني خبر...
ــ ههههههه.. اوكيه ..
عااد يوسف اللي بيمووت ويشوف فطووم بذاك الفستان .. اللي حفظ شكله عدللللل .. ورايح فيها الأخ خيالاات .. واحلام...
وصوروا الحلوات .. جنان وسجى صوروا كم صوره ويا بعض...
جنان صارت تحايل فطووم تبغاها تصور وياها... وفوطوم مهي راضيه..
ــ جناان .. ويش فيش .. حلاتي اصور وياش ... خخخ.. طيب وبعدين الصوره عند مين..
ــ عندي
ــ لااااا.. مافيه ... عندي
ــ الحين اني اللي ابغاش تصوري وياي.. عشان تاخذيها انتين..
ــ جنان .. ويش بتسوي فصوره اذا تبغي تشوفيني .. هذاني وقت ما تبغي على الطبيعه
ــ خخخ .. مالت عليش .. ويش فيش .. خلنا كذا كشخات .. يللا عااد فطووموه
وبالدقه وبالمحايل وياااللله رضت فطوم.. وصورت ويا جنان .. وهي تحلفها وتقسم عليها .. انها تحافظ عليها .. وما تطيح فيد احد ..
وجنان تطمنها ان غرفتها لحالها واغراضها مستحيل احد يحوس فيهم ..

وخلصوا تصوير.. ورجع ليهم يوسف .. اللي كان متكشخ ياحلاته معرس .. ثوب وشماغ .. ومره بيطير العأل على قولة اللبنانيين..
جنان :
ـ الله الله .. ويش هالكشخه .. لايكون انت اللي بتعرس .. ياعيني ..
ــ احم ..كح.. افا عليش.. ليش ما يليق علي .. معرس هاا ..
ــ الا يليق ونص .. جعلني اخطب لك ذيك البنيه اللي تسعدك وتهنيك ياالله ياكريم <<< قالت هالجمله بنبرة صووت .. كأنها حاطه عينها على وحده .. وفعلا هي كانت حاطه عينها على فطوم .. فإيااك اعني فإسمعي يااجااره ...
ــ هههههه خذ لك .. هالضبعه.. انتين اللي بتخطبي لي .. لا بالله رحت فيها .. رايح فيها ذوقش انتين..
جنان وهي معصبه وبدت تطلع شرر خخ:
ــ لا والله.. اصلا احمد ربك اذا اللي فبالي رضت تاخذك
ــ صدق .. والله... احلفي.. ليش ملكة جمال الكون.. والا دون البنات.. وليش ما ترضى بيوسف..
ــ اييييييه حليوووه وتهبل .. ياليت والله تصير من نصيبك..
ــ اااااا.. هااا... جنانووه اعترفي .. مين اللي فبالش...
ــ خخ عيب مو الحين .. كل شي بوقته حلو
فطووم كان قلبها حاسها ان السواليف عليها.. بس كانت تتجاهل وتطنش ما تبغى تحط فبالها أي شي وبعدين تنصدم...
ووصلوا لصاله الأفراح .. ونزلوا... وابتدوا الأكشن لزفة العروس سجوويه
طفوا لمبات الصاله.. موسيقى كلاسيك هااديه....
دخلوا بنات مغطيين بعبايات شيفوون. ورديه. حاملين فوانيس منوره.. وفطوم وجنان بعد لابسين عباية شيفون .بيضا.. حاملين كل وحده منهم ورده بيضا عنقها طويل .. البنات اللي حاملين الفوانيس .. حوطوا كوشة العروس.. وفطوم وجنان ... وقفوا قبال بعض عند الكوشه وسووا تقاطع بالورد.. مثل البوابه .. وشوي تداخل مع الموسيقى الكلاسيك.. صوت عربة وخيول ... وتصاعد دخان اكشن وحركتات .. هدت الموسيقى .. وبدى صوت طقطقه نعال بنوته..
دخلت سجى .. والأنوار كلها عليها... باقة وردها كانت رهيبه.. مليانه ريش طااووس . طويل ويزحف ... وكريستال ..ركبت الكوشه.. و ابتدت همسات بالصلاة على محمد وال محمد تتعالى بالصاله .. وصلت سجى لعند فطوم وجنان .. وهم يفتحوا التقاطع شوي شوي .. عبرت بينهم .. وجلست على الكوشه.. البنات اللي محوطينها .. صاروا يدورا عليها .. وهم يقروا ايه الكرسي .. وختموا االأيه بالصلاه على محمد وال محمد .. وصاروا ينسحبوا وحده وحده.. وكل وحده تمشي.. تحط فانوسها على الممر ...
وبدى العرس .. والهيصه .. واستناسوا .. صفقه ما مثلها صفقه..
لين جت حزة ماجد...
حطوا له ابيات شعر كشخه .. مع موسيقى روعه

يوم ماجد يدور على من حلاها الأخلاق والزين
لقى وجه السعد سجى تحليهم
ووفق الله وجمع ما بين قلبين
ودعواتنا بالهنا يارب تخليهم
منه المال ومنها قرة العين
ومن عين الحااسدين يارب تحميهم
جمع الله شمل عايلتين
الـــ ... والـــ... وبارك اليهم
زفوا المعاريس هالليله يالمحبين
ولا تنسوا الساده الكرام صلوا عليهم..

افضل الصـــــــــــــــــلاة والســــــــــــلام عليك ياحبيب الله يامحمد .. محمد وال محمد صلواات صلوا على محمد ..كلوووووووووش...
ووصل ماجد لعند سجى اللي وقفت له ,, باس جبينها .. جلس جنبها يسولف ليها وهو مستنانس شقد كان مستني هالليله.. وسجى الوان تتقلب .. اشارة مرور .. وجنان ياحلاها صفقه .. وفطوم تفلص فيها .. خخ قاعده بعبايتها منقهره..
وجلوهم وزفوهم.. وباركوا ليهم.. وطلعوا متوجهين لشقتهم...
تحفهم السعاده.. والفرحه..


وفي شقة قاسم... كانت ريم تطالع تلفزيون.. ماراحت عرس سجى.. ولا ليها اصلا علاقه فيها ...
شوي دق جوال قاسم... كانت فطوم اللي متصله تبغى قاسم يمر عليها مفتشله من يوسف ...
طبعا قاسم... ما نسى ولا عمره راح ينسى... انسان .. مو راضي يفتح عيونه على الواقع ويتعايش معاه.. عايش على فتات الذكريات..
كان حاضن المخده اللي غرقها دموع الم وندم وحسره.. يوم يفرط بسجى.. وعلى كل لحظه في حياته جمعته بريم عديمه الأحساس..
يسمع جواله يرن .. وماله خلقه.. غرقان في همومه..
ريم اذتها فطوم وهي تدق .. قامت حطت ليها بزي.." قفلت بوجهها"
فطوم اختلعت.. ويش هذا ... قالت فبالها اخوي واعرفه .. تلاقيه الحين غرقان في همومه .. وماله خلقي... <<< خمنت نص اللي صاير...
جنان كانت ويا فطوم ...
فطوم: ــ اوهووو .. قاسم مايرد .. شكله نام
ــ خخخ احسسسسسسسن...
ــ هههههه لويش حسن الله حواجبش.. تبغي تنيميني بالصاله
ــ ههههه لا عشان نوصلش...
ــ ااه.. والله تعبتكم وياي هاليوم
ــ ابدا تعبش راحه.. بالعكس... والله استانس اذا قعدت وياش
ــ هههه تسلمي يالغاليه.. ربي لا يحرمني منش
ــ ولا يحرمني منش,,,
جنان محمقه وهي تكلم يوسف
ــ الوووو وينك.. يللا المعاريس توهم طالعين نبغى نزفهم .. مو شغلي
ــ دقيقه زحمممه.. دقيقه واوصل ..
ووصل يوسف .. وركبوا ..
وصاروا يلاحقوا في المعاريس .. وهرنات .. وحااله ...
يوسف يعدل مراية السياره يبغى يشوف فطوم ورا
فطوم حست عليه ...
فسكرت نقابها وهي منقهره تبغى تشوف العالم
يوسف فباله .. افا.. هذي ما يطوفها شي
ورجع عدل المرايا... شوي فطوم يوم حسته لهى بالسواقه... رجعت تشوف العالم خخخخ...
وجنان تصفق وتغني .. ..ــ يوسف دق صبع علمني
ــ يعني انا اللي اعرف .. اهوو فارقي .. تبغي اصفر باصفر
ــ صفرر .. يلللا
ويصفر يوسف وجنان تصرخ بالسياره.. وفطوم ما شغلتها الا تكركر ضحك عليهم
ويوم وصلت فطوم البيت........
وقفت على باب بيتهم وهي مختلعه... !!!!!!!

والى الملتقى في الحلقه القادمه...

يالله اميرررروة ذكرتيني بزووواج اختي حسيت روحي في ذاك الوقت الله واني لابسة ذاك الفستان الوردي وعندي سله الريحاان والحلوة ودخلت القاعة <<<<<<بل بل ماصدقت على الله ينفتح لي المجال
هههههههههههههههههههههههه
بس اميررروووووووة مادورتي تحطيها الا الليلة
ههههههههههه
مو كان الليلة وفاة النبي يحي(ع) بس اشوو من ليلة غذا
على العموم ليلة غذا لاتحطي حلقات مانبي تفوتنا وتدري وفاة النبي بكرة ولانبي نضحك
مو كاني طلعت من السالفة
هههههههههههه
اي المهم
عور قلبي قسوووم وريم مي عديمة احساااس
يسلموو على التكملة

ههههههه هلا خيتي بشااير
ادري ياعمري .. بس الحلقه جا السناريو حقها كذا معاي ... وناويه بكره مافيه حلقه
وكنت ناويه اليوم بعد... بس ما ادري يمكن بعد وفاة النبي تصير عندي ظروف واتأخر عليكم... فحطيتها
قلت لا اتأخر مره
هي خلاص راح تنتهي .... فمو حلوه اطول عليكم السالفه
ويعطيش العافيه على هالتواصل الحلو حبيبتي
دمتي بحفظ الرحمن

بسم الله الرحمن الرحيم
اللهم صل على محمد وآل محمد وعجل فرجهم

قصة روعة اميرة المرح
انا كل يوم ادخل بس ما اقرأ القصة لاني احب ان اقرأها كاملة
بدون تقطيع او انتظار الاجزاء الاخرى لكن اليوم ما قدرت قلت لازم اقراها
تسلم ايدك وبأنتظار بقية الاجزاء على نار
تحياتي

يسلموووووووووووووو والله يعطيكي العافيه

مع خالص تحياتي بوفيصل

يسلموووووووووووو حبيبتي أميرووووووووووه

وصحيح ذكرتيني بعرس اختي اني بعد

خخخخخخخخخخخخخخخخخخخخخخخخخخخخخخخخخ

ثاااااااااااااااااااااااااااااانكس

تحياتي

يااااقلبي
بسرررررررررعه
بلييييييييييز
كمليهاااا
تراني يعني ما اصبر
يعطيك العافيه
لا عدمناك
تقبلي تحياتي
العنود

يعطيك الف عافيه حبيبتي امورة وينك متغبيه ماتنشافي يادبه

الحلقــــــــــــه الأخيـــــــــــــــــــــــــــــــــــــــــــــ ــــــره

ويوم وصلت فطوم البيت........
وقفت على باب بيتهم وهي مختلعه... !!!!!!!

صارت تدور في شنطتها على المفتااح... وينهوووو... لاااا .. وين ضيعته ....
وتصير تدق جرس بيتهم.. لكن لاحياة لمن تنادي...
ابوها وامها .. قالوا ليها بيروحوا البحرين .. بعد الزفه على طول .. ابو قاسم عنده شغل هناك يوم السبت قالوا نروح من ليلة الجمعه. وراح وياهم ابو صادق... من تصالحوا الأخوان صاروا شراكه وزي الحلاوه سمن على عسل .... وما خافوا على فطوم .. لأن قاسم وياها بنفس البيت..
يوسف واقف يستنى ... فطوووم حرقت جرس بيتهم.. مافي امل... جوال قاسم .. مقفل .. ريمووه قفلته ... قاسم راحت عليه نومه << ونعم الأخ ...
ويش تسوي فطووم...
فتحت جنان النافذه:
ــ هااا فطووم ويش صاير
علمتها فطوم بالسالفه
ــ هههههههه احسسسسسسسسسن
ــ ويش فيش انتين كل شي احسن ويش الأحسن الحين بعد
جنان وهي مستانسه
ــ عشاان تروحي وياي بيتنا... يللا باتي وياي هالليله..
ــ هههه ما دريت... ماني صاحيه
يوسف نقز وبعفويه قال:
ــ افا... محنا قد المقام...
فطوم انحرجت.. حست جملتها فيها غلط... تبغى تسحبها بس مهي عارفه::
ـــ ااااا.. لا والله مو قصدي.. بس ويش انام في بيتكم.. ويش بيقولوا عني الناس.. نايمه في بيت خوي اخوها... لالا .. مهي حلوه..
يوسف بإقتناع.:
ــ صدق... بس ويش بتسوي...
ــ المشكله انه عمي مهو هنا,,, كان رحت بيت عمي يالله
خلني بادق على خواتي يمكن لسا ما ناموا,,,
والحمدلله.. ردت عليها وحده منهم,,, ووصلها يوسف ليها .. وفطوم حدها مفتشله.. لأن بيت اختها بعيد ...

جنان كان خاطرها تقعد وياها فطوم...
ويوم نزلت فطوم..
تنهدت جنان من قلب ... يوسف استغرب منها ..
ــ الله .. خير ويش صاير
ــ كان زين تصير ..
ــ ويش اللي تصير ؟؟
ــ فطووم..
ــ ويش فيها
ــ كان زين تصير من نصيبك
تهلل وجه يوسف ونور فرح..
ــ كححح... ههه.. لويش يعني
ــ ااه.. والله طيبه وحليوه واحسها زي اخت لي .. ياما تمنيت تكون لي اخت.. وفطوم صايره لي اخت وزود... بالمره تهتم فيني .. وتخاف علي وعلى مصلحتي..
يوسف ساااكت,,,
جنان :
ــ يوسف ويش رايك فيها..
ــ هااا..
ــ مهي داخله مزاجك... وربي ما بتلاقي احسن منها.. بس على راحتك
ــ ههههه .. ومين قال لش مهي داخله.. الا داخله ونص..
جنان استخفت من الفرحه.. ومسكت ذراع اخوها فجأه وهي تهزها بالقوه:
ــ احللللللف..
ححححححححححححح... فحط يوسف
ــ هيييييييه يالخبله... بغينا نروح فيها.. ويش هالحركه.. زين الشارع فاضي
جنان مو هامنها صريخ يوسف عليها... تبغى تعرف يتمسخر والا من جد
ــ احلللللف
ــ هههه ولويش احلف .. لهالدرجه انا شلاااخ.. يعني لويش اكذب واقول لش داخله مزاجي وهي مهي داخله هاا.. لعبه هي..
ــ اللللللله... ياااربي ماني مصدقه.؟..
ــ هدي بس.. اللي يسمعش كلمتيها ووافقت
ــ ههاااي وليش ما توافق... هذا اذا مو مناها تكون من نصيبها انت
يوسف وهو مندهش وفرحان:
ــ هااا.. لويش يعني .. قالت لش شي ؟؟؟
ــ ههههههه لا.. بس اني جنان الجنيه.. ما يطوفني شي.. اثنينكم منعجبين ببعض.. ولا يقين على بعض.. ومبين.. اصلااا...
ــ هههه صدق جنيه... والله منتين هينه...
ــ ايه مو تشوفني ساكته .. ومالي ولا علي.. تفتكرني ما افتهم
ــ لا حاااشاااش... كلش فهيمه
ــ اتمسخر اتمسخر ويش وراك
ــ هههههههه لويش حكمتي اتمسخر
ــ اعرفك... خبز ايدي..
ــ زين بس لا تحرقيني
ــ كركركر بااايخ..
ــ ويك ويك ويك زيش
وصاوا يتجاكروا ويتشابقوا شباقهم اللطيف المعتاد لين وصلوا البيت

وبعد خمسة ايام...
بالمطار....
ابو صادق:
ــ هاا يبنيتي .. طمنينا عليش بين كل فتره وفتره ... شهر مو قليله غيبتش عنا
ــ ان شالله يبه.. دير بالك على حالك...
ــ ان شالله ترجعوا بالسلامه
ــ يسلمك الهي...

ابو يوسف :
ــ الله الله في مرتك هااا ماجد... وانتبهوا لنفسكم في هالبلد,,, وترجعوا بالسلامه
ــ يسلمك يا اخوي ..
وسلموا على بعض
ولا يسمعوا الا
ــ اهي اهيييي.. اهي ....ما عندكم نشااف.. لعوزنا الدنيا...خخخ
ــ هههههه غربل الله شرك يالضبعه.. يوسفوه والأجر على الله ما تيوووز عن سواليفك
ــ اهيييي... لا تزود احزاني... خذووني.. خذوووني ويــــــــاكم..
ــ ههههه حق فقاع الراس بهدرتك
يوسف وهو رافع حاجب وحاجب وبنبرة مسخره
ــ هدرة مالك غنى عنها ... ولا تلاقي زيها لو تتدحن..
ــ هههههه صدق والله.. بتوحشني يادب
ــ اهيي ..اهيي .. اكيد .. كحح... وايد علي صياح.. صرت كني خكري خخخ
ــ ههههه امحق صياح عاد...
وشوي وهم يسولفوا الا يوسف يطالع وحده متوجهه ليهم..
ماجد:
ــ عمى .. ويش تطالع ...
ــ اكي جت بنت عم سجى ..
ــ الله.. ويش دراك... انها هي..
يوسف توهق مهو عارف ويش يرد:
ــ هااا من كم عبايتها
ــ بل عليك صدق بصاص ..هههههه حفظت تطريزه الكم... صدق منت هين
ــ خخخ ..من يوم انشف عبايتها بالبحر <<< خوووش ترقيعه
ــ هههههه.. تنشفها .. ويش تقوول ..
وقص يوسف السالفه لماجد طيااري بسرعه وبالمختصر
ــ ههههههههه صدق منت صاحي .. عشان كذا الكم خلاص رسى فبالك ..
ــ خخخ .. اجل ويش...
وفعلا كانت فطوم.. راحت لسجى تسلم عليها .. وصاروا يسولفوا ثلاثتهم .. جنان وسجى وفطوم...
فطوم:
ــ تروحوا وترجعوا بالسلامه ماجد
ــ يسلمش يارب... الا مين اللي جابش
ــ قاسم اخوي ..
ــ ليش وينه..
ــ برى ينتظر قال مهو داخل راسه يعوره ماله خلق ازعاج.. يسلم عليك >>> من عندها السلااام خخ عن الفشله
ماجد :
ــ الله يسلمه
و فباله:
ــ يصير خير يسلم علي ..خخ احسن ما جا ... وجهه كدر .. ولا عمري شفته مبتسم.. لايخرب علي مزاجي ..
وشوي طارت الطياره لماليزيا... حامله على متنها المعاريس خخخ
وقضوا هناك احلى ايام العسل ...

وبعد سنتين


فتحت سجى عيونها... الا ماجد جنبها.. ماسك ايدها
ــ الحمدلله على سلامتش حبيبتي..
ــ الله يسلمك ياعمري...
ــ الله يا قلبي .. وجانا حمودي...
ــ الحمدلله.. اخيرا,,, تعبني .. صدق ولد
ماجد باس ايد سجى:
ــ هههههه.. بس تعبنا راحه .. والا ويش رايش ..؟؟
ــ تعبكم ؟
ـــ ههههه ايه مو انا ولد بعد.. انا وولدي تعبنا راحه
ــ ههههه .. صرت ولد..
ــ خخخ بديت اغار
ــ ههههههه... ايه والله تعبكم راحه .. عسل على قلبي
ــ يسلم لي هالقلب يارب ..
ــ يسلمك لنا الهي ..

وشوي جوهم طيور الحب .. المخاطيب الجدد .. يوسف وفطوم .. خخخ
يوسف وهو حاامل بااقه الورد...
ــ يالله يالله .. اللي يبغى يتغطى يتغطى.. واللي ما يبغى بكيفه
ماجد تغطى بالشرشف..
ــ حياك الله خيي تفضل..
ــ ههههههه .. لا .. صار ابو .. واستخف..
سجى ميته من الضحك على شكل ماجد..
جنان مفقعه الدنيا من دخلت وهي تردد:
ــ وين اليااهل .. وين اليــــــــااهل..
فطوم تكركر ضحك عليها ...
سجى تطلب من فطوم.. تجيب سلة الحلاوه وياخذوا ليهم
يوسف وهو يرفع وينزل بحواجبه :
ــ يللا نفريهاا.. يللا ... عشاان نلمهم سوا ..خخخ
فطوم قامت تضحك...
ماجد وسجى وجنان : ؟؟؟؟؟؟؟؟؟|||||||؟؟؟؟؟؟؟؟؟؟
يوسف يطالع فيهم .. ويفقع ضحك بزياده عليهم .. ويرجع ويطالع فطوم وهو يغمز
ــ سرر .. صح..
فطوم :
ــ هههههه صحين
جنان:
ــ الحمدلله والشكر .. ناس جابوا اولاد .. وناس خطبوا.. والعقل طار للأثنين
ماجد :
ــ عمى .. ..يعمي بليسش .. عيب..
يوسف وهو يأشر على مخه :
ــ كيفنا .. احنا اللي عندنا هنا .. مو مخ.. مهلبيه .. شوربه .. حاجه دايبه ومنتهيه مدتها .. .. خلينا المخ الش...
ويفقعوا كلهم من الضحك...
وشوي جابت السستر احمد الصغيرون
كان لا اله الا الله .. يشبه ماجد ..
ماجد وهو يشيله
ــ اللهم صلي على محمد وال محمد
كلهم بنفس واحد صلوا على محمد وال محمد
ويأذن ماجد في اذونه...
يوسف يعلق..
: ــ والله خنطيفته طالعه عليك
ــ خن ويش .. هههههههه.. صدق ويش هالكلام.. مغبررررر..
يوسف يطالعه على جنب
: ــ خخ كلااام شياب .
جنان :
ــ يعني ويش خنطيفه
فطوم:
ــ هههههه يعني ملامح.. رسوم..
سجى:
ــ ههههههه والله وتفهمي على الحبيب
ــ خخخ ويش رايش ..
ــ ههههههه ياحليلكم.. الله يهنيكم ويسعدكم يارب..
ــ يسلمش ياالغاليه.. ويحفظ لش احمد ..
ماجد :
ــ وابو احمد.. طلع برى.. والا خلاص بينسى
فطوم :
ــ ههههه ويحفظ لش تاج راسش ابو احمد
ماجد :
ــ كح.. احم.. عدل الحين...

شوي جاهم ابو صادق..
اللي ضم بنته وهو متأثر .. <<< تعرفوا شعور الأباء يخافوا على اولادهم وخصوصا وحيدته بعد
ــ اخبارش ياعمري الحمدلله على سلامتش.. زينه ..
ــ الحمدلله تمام يايبه.. لا تخاف علي...
ــ الحمدلله..
واخذ احمد والأرض مهي شايلتنه من الفرحه...
وشوي جاهم ابو يوسف... وصار يبارك لأخوه.. ويتمنى له احلى الأماني...


اما قاسم... فحكايته حكايه.. طلع امل الإنجاب عنده ضعيف يادافع البلا...
وممكن يجيب بس اطفال انابيب...
ريم .. ما همها قاسم من قبل عشان يهمها وهو على هالحال.. وصايره نكديه زود الزود... ومسويه حالها متأثره انها ما بتقدر تصير ام...
لين طفح كيل قاسم... وقرر يطلقها..
وطلقها فعلا... واستراح... وظل عايش على الذكرى.... ذكرى انسانه..
تأسفت على قلبها يوم ضيعت ايام منه معاه .. مو على حبها اللي تركها..
لأنها كملت حياتها بطريقه صحيحه... ولقت الحب الحقيقي اللي يستاهل التضحيه...

وتووته توووته خلصت الحدووته..


وتودعكم اميرووه على امل اللقاء بكم في اقرب الأوقات.. سائله الله تعالى منكم براءة الذمه... وهذي هي الدنيا .. ظروفها صعبه,, تجبر الإنسان انه يفارق من تعود عليهم في أي لحظه... احببتكم من صميم القلب.. اتمنى لكم كلكم حياه سعيده
.. اتمنى ما تكون هذي اخر ايام عمري معكم .. اتمنى العوده لكم بأقرب وقت وفرصه.. . واسألكم الدعاء... وراح توحشوني ..
دمتم بحفظ الرحمن... :bigsmile:

تسلمي خيه على القصة ولو أن تنيناها تكون أطول من هيك
بس مو مشكله في قصص ثانية أن شاء الله
والي يمشي حياته صح وهو مقتنع فيها مهما كان بيكمل طريقه
والعكس كذلك
أمتعتنا بالقراءة بكل أحداث القصه
وشيء حلو أشيد فيه أعجابي الكلام القطيفي الي بالقصه الي عطاها تميز
ننتظر منك قصص عما قريب
فاليحفظك الباري ويسدد خطاك

تسلمي أموررة على القصة اللي أكثر من روعة
والله تونست ويالقصة واااجد وعشنا معاش أحداث القصة أول بأول
الله يعطيك العافية خيتو وننتظر منك مزيد من الأبداع
موفقة إن شاء الله خيتو ..

عن جد القصة الحلووووووووو والله يعطيكي العافيه

ونتظر جديدكِ تحياتي بوفيصل

يسلمووو اميرة على التكملة الحلوة والقصة الابدااااااع ابدااع ابدااااااااااع
واقول انتظر القصة الثانية وماافيه تنتااازل <<<<<لازفة بعد ويش
هههههههههههه

يسلمو امورة حبيبتي علقصه الله يعطيك العافية وبنتظار عودتك..

الله يسلم اميرات الاحساس اللي دمهم احلى من العسل
وتسلمين ويسلم قلبك الحلو من كل المعلى هالقصه الرائعه
واحنافي انتظار القصه الجديده
وانشاء الله ما تطولين علينا
في انتظار رجوعك بفارغ الصبر
لان المنتدي ما يحلى الا بالحلوين
تحياتي لك خيتك همسات وله

مشكوووره خيتوووو
وربي تمنيتها اكبر من كذا
على العموم يعطيك ربي الف مليون عافيه
ولا عدمناك ان شاء الله
تقبلي تحياتي
العنود

امووورة فرحانه باحداث القصة ..

في نفس الوقت زعلانه ..............ليه ليه ليه ترحلي وتغيبي ...تهي تهي ...


والله حالة حرام عليك انت ودمعه بصير وحيدة تهي تهي ...<<<بقلبها مناحه وربي ....


يلا لاتطولي تعرفي انك غالية علينا ومانقدر على غيابك تهي تهي ...


تسلم ايدك يالغلا القصة من جد مرة جنان <<<<جنان عاد ولا فطوم <<<<والله من وحدتي قمت اهلوس لحالي


يلا عاد ولاتطولي علينا بقصة جديدة احلى واحلى


لاحرمنا منك يااااارب

تسلممممممممممممم الأيادي يا أميره

ويسلم هالفكر ..........

بالفعل كانت قصة من أجمل مايكون

لدرجة عشنا أحداثها وتفاعلنا معاها بجد

لاتطولي علينا يا خيووووه

موفقه دوووم