الحب كاذب يعني الشوق خشران

يوم الحفله
نهى بفستانها الزهري:تدروا ما أحس أني خايفه ابد..الا لما وقعت كانت يديني ترجف بقوه..بس أني أشوفه أحس عادي
ميعاد بضحكه:لأنك ما تستحي
جاتهم فجر رافعه ذيل فستانها التركوز وهي تناديهم:يالله..حطيت الشريط
غمزت نهى الى جود..فقربت لها جود:وشو..أحس ان وراك سالفه بس وشو مدري
نهى ببرود:أدعي لي
دخلت نهى القاعه..وراحت جود وميعاد من البوابه الثانيه..عشان يشوفوها من بعيد..كانت الموسيقى تصدح في الصاله بصوت عالي..ونهى بكبريئها تمشي بتعالي..أما جود فحطت يديها على قلبها من أول كلمه في الاغنيه..وسالت دمعاتها:الله يوفقك يا نهى..الله يوفقك
جـــــــــــــود
هذي الأغنيه حقي..أي والله..جد انا ما أسمع أغاني..بس هذي غير..هذي من سنين أغنيتي..لي أنا..الحين بس عرفت غمزاتك يا نهى..كان ودي أضمها بقوووه..حتى دخلتها وبداية حياتها..كانت على شي لي انا..مسحت دموعي بسرعه..مو لشي..بس من خوفي يخرب المكياج ههههههه..دقيت رنة على وائل.أذكره بأتفاقنا..ومن بعدها دق علي..فطلعت من القاعه..وميعاد والاء ينادوني:وين رايحه؟؟
لفيت لهم وأشرت بيدي:شوي وجايه
رديت على وائل:هلا

ضمينــــــــــــــــي يا جود ضمينــــــــــــــــي


جـــــــــــــود
هذي الأغنيه حقي..أي والله..جد انا ما أسمع أغاني..بس هذي غير..هذي من سنين أغنيتي..لي أنا..الحين بس عرفت غمزاتك يا نهى..كان ودي أضمها بقوووه..حتى دخلتها وبداية حياتها..كانت على شي لي انا..مسحت دموعي بسرعه..مو لشي..بس من خوفي يخرب المكياج ههههههه..دقيت رنة على وائل.أذكره بأتفاقنا..ومن بعدها دق علي..فطلعت من القاعه..وميعاد والاء ينادوني:وين رايحه؟؟
لفيت لهم وأشرت بيدي:شوي وجايه
رديت على وائل:هلااااا
التفت وائل يمين ويسار بتوتر:جود تراني بصراحه خايف
دخلت جود غرفه العروس وسكرت الباب وراها:اممممممم ..من ايش؟؟
وائل بصراحه..حط راسه على الدركسيون:خايف من لقائنا أولا..ومن اشياء كثيره
تكلمت وهي تخفي الشعور بالتوتر:وليش خايف..انت شايفني وعارفني..يعني عادي
بلع ريقه وكمل:بس اني أشوفك كزوجه..ونكون أمام كل الموجودين..هذا بحد ذاته شي غير
التزمت جود الصمت بحيره..نفس الكلام اللي يدور في بالها..الحين أكيد عمتها رح تكذبها يوم قالت لها أنها تعتبر وائل أخ لا غير..وأكيد بنات خالتها رح يتفاجؤ..والخوف كله من فيصل..الحين رح يقول لعبت عليه
تكلم وائل بعد انتظار لرد جود عليه:جود..اش فيك؟؟
جلست على الكرسي اللي بالغرفه:مدري
وائل:طيب طلعي برا القاعه أنا بالسياره
ما كان عندها مجال لرفض:اوكي
لبست عباتها وهي ترتجف..اف يا جود..هذاك تقولين له..متعوده عليه..وش جاك دحين
(هذا أول لقاء بينا من بعد الملكه..ورح يكون بالسياره..بس يالله لازم نتفق وش رح نسوي لما ندخل القاعه)
طلعت برا والتفت على يمين البوابه..وشفته واقف شوي بعيد..وحاط راسه على الدركسيون..ضغطت على عباتي..وأنا أحس يدي تأملني بقوه..يااربي ساعدني
ركبت السياره وسلمت:السلام عليكم
التفت وائل ورد السلام..شكله كان متردد وش يقول..وأنا نفس الشي:أمممممممم
أبتسم وقال:لازم التوم يخطبوا بنفس اليوم..والله وش رايك؟؟
رديت بضحكه خفيفه..وأنا أشوف أسم ميعاد يضوي بالشاشه..سحب وائل الجوال من عندي..وحطه على السايلنت:لا تردي..عشان لا تخربي المفاجأه

رديت بعفويه:ما كنت رح اخربها..بس أكيد الحين أمي تدور علي
عطاني التلفون وهو يقول:طيب دقي عليها..وقولي الحين رح نجي..خل يضبطوا الاوضاع
سويت اللي قاله لي وقلت:وش تتوقع ردت فعل نهى؟؟
سند راسه على الكرسي الجلد:أكيد رح تنبسط..بس أنا خايف الحين من ردت فعل فيصل لو درى
حسيت أنه جابها على الشي اللي أحاتيه بالسالفه كلها..كان صوته منخفض ونظراته متوجهه لبرا السياره:انتي ليش وافقتي علي؟؟
السؤال صعب..بس أنا كنت رح اجاوب حتى لو ما سأل:كنت بالنسبه لي أخ مثلك مثل فراس وسعود بالضبط..بس لما قال أبوي على موضوع الخطبه..مدري حسيت أنك طيوب وأهم شي حنون..ومستحيل أقارن فيصل فيك..ولأني احس أنك رح تسعدني وافقت
مازالت نظراته لبرا..كنت أبيه يلتفت يقول شي يأيد كلامي..او حتى يقول مو عاجبه..بس قال:طيب ما تبي تدري ليش انا خطبتك..ومحمد لسى ما خطب..وانا في هالعمر..وبدن شغل؟؟
ما رديت عليه..خصوصا والجوال رجع يرن..كانت أمي..بس خبيته بعباتي عشان لا يبان النور..كنت أبيه يكمل كلامه..بس تأخر..مع كذا..ما مليت
الحين بس التفت..وأبتسم أبتسامه وضحت فيها أسنانه:بصراحه..لاني من يومي كنت أتمناك لي..حاولت في السفر أبين..بس كنتي مصره على أخ وبس..وسام تحدى الكل انك ما تاخذي فيصل..وخفت يصير الصراع وأكون أنا الخسران..وقتها كلمت امي..والحمدلله أنبسطوا امي وأبوي..وافقوا حتى قبل ما يخطب محمد..وتكلف أبوي بكل شي..وأخفيت الموضوع عن الكل..بناء على رغبتك عشان تفاجئي نهى
تنهدت وأنا احس بطعنه مو من شي..بس ليش يتكلم عن فيصل وكأنه..مدري مدري..بس أحس فيه الموضوع ان:طيب اش فيه فيصل.عشان وسام يتحدى(قطع كلامي الجوال..ما كان فيني أحقر أمي خصوصا وانا ما رديت المره الاولى)

رديت عليها..وقالت أنو كل شي ضابط ما باقي الا دخلتنا..نزلنا من السياره..وبصراحه هنا زادت القشعريره عندي..الحين رح يشوفوني..بدون عباه..بدون نقاب..دخلنا غرفه العروس اللي بابها من برا القاعه..شلت نقابي بشويش..اما وائل فجلس على الكرسي اللي من شوي كنت جالسه عليه..وفسخت عباتي وعلقتها..أحسن شي سواه أنه ما علق على شكلي..بالعكس وسع لي بالكرسي..فرحت جلست جنبه..كنت لابسه فستان زيتي..لتحت الركبه وبدون أكمام..مع جزمه بلون اغمق شوي بسيور..شعري وقتها كنت مسويته ميش..ورافعته من قدام شوي..أما مكياجي فكان هادئ على حسب طلبي..الحمدلله دخلت امي وأم محمد..قبل ما نتكلم..رحموني من الاحراج..جاتني أمي ولمتني:يابعد عمري..عساني أشوفك بالثوب الابيض.
من بعدها سلمت علي مره عمي ونفس الشي..دعواتهم كانت ترد الروح..وراحت الى وائل ولمته:من قدي..ولدي وبنتي بيوم
طاحت دمعت أمي بس مسحتها بسرعه..وانا ما حبيت أعلق..لاني خفت أبكي معها..طلعنا من الغرفه بعد ما اعلنوا للنساء يتغطوا..مسك وائل يدي..بس مدري بدون قصد وانا أكلم أمي سحبتها..قربنا باب القاعه..فقرب مني..ومسك يدي بقوه..ساعتها بس أنتبهت لنفسي..وخجلت..دخلنا على شعر هادئ..كان وائل حامل هديه لنهى..وهي عباره عن صندوق فيه ورد ودببه صغار فيها أسمها وأسم ناصر..ركبنا الممر..وأنا أحس الناس يناظروا فينا مذهولين..نزلت راسي وما عاد اناظر الا في رجلي وهي تتقدم فيها الخطوات..همست:أحس الناس عيونها فينا..ياربي
ضحك وهو يقول:جبانه..وبعدين من حقهم شايفيني أحم أحم ولا يناظروا
رفعت راسي وأنا فاتحه عيوني على وسعهم:أحلف بس
ما كان فيه مجال لرد..لان صوت نهى بشبه لصراخ وصلني..التفت وانا أشوف نفسي قدامها:انتوا وش تسوا
رد عليها وائل بدلع:جودي..احنا وش نسوي؟؟
أبتسمت على كلمته..رجعت نهى تسأل الا وائل يرفع يديه اللي ماسك فيها يدي:زوجتي..وكيفي..أحنا حرين وش نبي نسوي نسوي
حضنتني نهى بقوه..ففكيت يدي من وائل ولميتها..همست في أذنها..بصراحه غرت انتي تخطبي وانا لا
بعدتني وضربت كتفي:ياللي ما تستحي ليش ما خبرتيني
رجعني وائل على ورى:هي هي..ما أسمح لك تضربي زوجتي..بعدين يالله روحي جيبي الشبكه والدبل..وأحنا بنجلس مكانك
ما صدقت نهى خبر..خلت الكرسي لهم..ونزلت تاخذ الشبكه من أمها..كان شكلها..وكأنها مستعده تسوي هالحركه..والكل أنبهر باللي صار..وصلت الدبل والشبكات..مع الكيك والعصير
لبسني الشبكه والدبله..وأنا كمان لبسته الدبله..كل هذا كان تحت انظار الكل..وأهمهم أمي..كنت أشوفها من تحت الكوشه وهي لين الحين تمسح دموعها..حسيت بشوق أني أضمها..بس نبهني وائل وهو يهز كتفي..التفت له بملامح ما تعبر عن أي شي
وائل:يالله قومي معاي..تأخرنا..الحين لازم يدخل ناصر
ناظرت الساعه..ووقفت :طيب يالله
طلعنا من القاعه ورجعنا غرفه العروس..لانها المكان اللي رح يطلع منه
وائل:امممممم

جلست على الارض..وكأني باذله مجهود..وحطيت يدي تحت خدي..جاني وائل وانحنى..ورفع ذقني:وش فيك؟؟
لميت رجليني لصدري..وحطيت راسي عليهم..وبديت نوبه بكاء..ليش..مدري؟؟..بس كان نفسي أبكي وبقووووه..حسيت أن ظله بعد عني..فزفرت بشده..وسمعت صوت المفتاح يتقفل..رفعت راسي وأنا أشوفه يقفل الباب..حسيت بالخوف..وما سويت شي..غير اني مسكت جوالي بشده أتحمى فيه..جاء وجلس جنبي وتربع..وهو ساكت..جاتني الضحكه وأنا أتخيل شكلنا مثل الطرارين..في نفس الوقت سألت نفسي؟؟ليش انا أبكي..وبمجرد ما السؤال أنعاد..صرت أشاهق من البكاء..مسك وائل راسي وحطه على كتفه..وعطاني أكلنكس:ليش تبكي؟؟
هزيت راسي بالنفي..وكأني أقوله مو من شي
سند راسه على الكنبه اللي ورانا:اذا ما تبيني..قولي لي..ومالك الا اللي يرضيك
تفاجأت من كلامه رفعت صوتي:لا والله مو كذا السالفه..(يمكن نظراته ذكرتي بالسبب)..نظرات بنات خالتي..رغد وغلا..حسيت أنهم يكرهوني..بمجرد ما شافوني معك..وأكيد خالتي أعظم..ماحب أحد يزعل مني
انحنى نظره الى الارض:يعيني السبب انا
هزيت راسي بالنفي..طلع أكلنكس من جيب ثوبه السكري..ومد يده ناحيه وجهي:وش تسوي؟؟
وائل:أمسح الحكل اللي سال..لا يخافوا منك الاطفال اذا طلعتي
حطيت يدي على خصري:لا والله..الحين أنا اخوف؟؟(وقمت رحت عند المرايه..بنفسي أعدل المكياج)
قام ولحقني:أنا بكمل..خطيبتي وبكيفي..ما يخصك(وقفت أمثل الملل وأنا نص مستنده على الجدار)..بعد ما خلص..باسني من خدي..بصراحه تفاجأت..لاني ما كنت متوقعه الحركه..وحسيت بخجل كبير..وأخذ شماغه اللي فسخه من على الكنب.. ورح فتح الباب الخارجي وأشر بيده:والله أنك أحلى من القمر..بس لا عاد تبكي
ما بقى الا طيفه..وأبتسماتي..تأملت شكلي بالمرايه لاخر مره وطلعت من الغرفه للقاعه..وأنا خايفه ألتقي في رغد أو غلا وخالتي
شفت ميعاد تدورني..وجات تركض..وسحبت شعري:يا هبله يا مجنونه ياللي ما تستحي..ليش ما خبرتيني ..ليش أنا أخر من يعلم
رديت عليها ببرود:ليش من قال لك أني خبرت أحد عشان تكوني أخر من يعلم؟؟
مشيت من عندها متوجهه الى باب القاعه..جات من ورايا وحضنتني:أدري زودتها..مبروك يا أحلى مره أخو بالدنيا
أبتسم لها ودخلنا..أول من طاحت عيوني عليها ريم على أحد الطاولات
ميعاد:يااااااي ريم..اشوا جات..واحشتني من زمان عنها
رحنا وسلمنا عليها وسألتها على مناف لأني ما شفته معهم
ريم بنعومتها المعتاده:أخذه أبوي..عقبال ما نسأل عن عيالك
رديت عليها بغيض:أقول لا تجلسي الحين أنتي وميعاد على هالسوالف
قربت ميعاد من ريم وصاروا يتساسروا وهم يضحكوا..وقفت من على الكرسي البيج:ما عليه أنتي وهي
ومشيت عند أمي..(أوووووهوو جالسه مع خالتي أم فيصل وغلا ورغد مع كذا بنت بس ما أعرفهم)
سلمت عليهم ويوم جيت أسلم على رغد..همست:اللي يوعد ما يخون يا جود
سويت كأني ما سمعت شي..ورحت جلست وسط أمي ومره عمي
خالتي بشبه أبتسامه:مبروك يا جود
ردت امي قبل ما أفتح فمي بكلمه:اللي يبارك فيك ..وعقبال رغد وغلا
كأن هالكلمه نرفزت خالتي بقووه:بس أحنا يا أم سعود..متكلمين في الموضوع من زمان..وتفاجئنا باللي صار
ما كنت أبي هالكلام وخصوصا ومره عمي موجوده..بس لانها كانت فاهمه السالفه من البدايه قالت:الزواج يا أم فيصل قسمه ونصيب..والله كاتب ان جود الى وائل..أدعي لهم بالخير يا أم فيصل
أعلنت الطقاقه عن دخول المعرس..فأخذت هالشي مهرب..ورحت أخذت عباتي وشفت عباة ميعاد جنب عباتي فأخذتها ورحت وين ما كانت ميعاد موجوده مع ريم
ميعاد بأبتسامه:يسملووووو ريحتيني من الروحه والجيه
نــــــــــــــاصر

يحميك ربي من متاهات الاقدار ..
يا بهجة الدنيا ونجمة سماها
بينك وبين العمر لو كنت بختار
ارخصت لك النفس وعطيتك غلاها
يحميك رب البيت يا تاج الاشعار
يا من حروفي بك تكمل حلاهـا..
دخلت القاعه وأمي ماسكه يدي..وهي اللي وصلتني الى نهى..لما رفعت عيوني لها..حسيت أني شايفها من زمان..وأني أعرفها من سنين..صحيح أنا أعرفها من قبل..بس اللي أحس فيه غير..شبها كبير من وائل..شكلهم توم..بس هي ما قد قالت لي هالشي..بست جبهتها..وجلست جنبها
همست لها:مبروك نهى(ردت علي بالمثل)وقلت الكلمه اللي بقلبي:نهى احس أني بختنق والكل يناظر فيني..خلينا نخلص أبي أطلع
الحمدلله انها ما فهمت قصدي خطأ..وأبتسمت:يلا شد همتك ونخلص
كان الدافع لي الوحيد هنا..هو وجود أمي حولي..أمي اللي سوت أشياء كثيره عشان اوصل للي أتمناه..واقفه بشموح جنبي..كانت تقرى علي ووتعوذ من الشيطان
بعد ما خلصوا..لفت نهى له وقالت بدلع:حبيبي..أبي أرقص معك
ما كنت مستوعب كلامها..التفت يمين ويسار وقلت:ها
سحبتني من يدي:يالله ناصر قوم
سحبت يدها ليما صارت جنبي وهمست:نهى غناتي..خليها بالبيت..وربي مافيني..بعدين مافيك تزعليني مو(وغمزت لها)
هزت راسها بنعومه وقالت وهي تناظر أمي:من قدي..صار عندي أم ثانيه
بمجرد ما قالت هالكلمه كان ودي أحطها بقلبي وأخبيها:طيب ما شفتي اختي
ردت وهي تحاول تتذكر:أيووووه..شفتها هي حامل مو
أبتسمت:أيه..عقبالك
فتحت عيونها:وش عقبالك؟؟..بسم الله على عمري
هي ما قالت هالكلمه..الا وأنا فاطس ضحك..هزتني:هي..لا تضحك كذا..الحين يقولوا مدري وش قايله له
خليت ظهري مستقيم وعدلت الشماغ:زين كذا؟؟
ردت وهي تناظر للناس اللي تحت الكوشه:تهبل
..طيب يالله متى نقوم؟؟ترى جاني النوم؟؟
حسيت ان معرفتي فيها من قبل..ساعدتني كثير..حتى لو اني أطيح الميانه في أول ليله
بعد ما طلعنا..تواعدنا أن بكره نلتقي..لان النعس داهمنا
............

لما طلع ناصر رحت عند نهى أنا وميعاد وساعدناها تلبس عباتها.لان فستانها ثقيل..وهمست في أذنها:رقصت اليوم بس على عشانك
شفت الصدمه في عيونها:لا تكذبي علي..ماشفتك!!
مدري..مدري..ليش دموعي تسيل..مين اللي سمح للجمود أنه ينهار مين؟؟..ضمتني نهى:وربي ما شفتك..أن شاء أشوفك بالعرس..جود انا ضامتك ضميني
حسيت أني أختنق والدنيا حولي سوداء..ودي بسبب واحد يقول؟؟ليش أبكي وقدامهم كلهم؟؟ليش
رفعت نهى صوتها:جود أنا أقولك ضميني
أبتعدت..وطلعت برا القاعه..شفت سعود ينتظرنا وهو يناظر الساعه
سعود بطفش:تأخرتوا؟؟وين أمك؟؟
ما كان ودي أرد ويسمع نبره البكى في صوتي بس قلت:مدري..الحين تجي
رفع صوته بقوه:كيف ما تدري..صار لي زمان أنتظركم..بعدين ما تدري
ركبت السياره بدون ما أرد عليه..حسيت ان كل الرجال اللي برا سمعونا..وبعدين حتى ما بارك لي..أنا أخته..تسندت على زجاج السياره..وبعد عشر دقايق جات امي تقول:جود كيف تطلعي وما تخبرينا..جلسنا ندور عليك
مدري ليش غيرت السالفه وناديت عبود يجلس جنبي..وصلنا البيت وعلى طول رحت غرفتي..وأخذت شاور سريع..من بعدها تلحفت ببطانيتي ونمت
يوم الجمعه
جلست على صوت ميعاد وهي تهدر فوق راسي..فتحت عيوني..وكأنها ما بغت على الله هالشي يصير
ميعاد تشد اللحاف:قومي الناس تغذت وخلصت وانتي لسى نايمه
تو أتذكر أن أبوي قال أنه الغذاء عندنا بالبيت..قمت بملل..الحين أكيد جدتي مجهزه الاسطوانه مثل دايم..وسألت ميعاد:وش ألبس؟؟
ناظرت ميعاد في نفسها:ألبسي مثلي (كانت لابسه ثوب نعوم لتحت الركبه..ولونه وردي فاتح)

أخذت لي ثوب يشبه ميعاد..ودخلت الحمام توضيت..وطلعت فرشت سجادتي البيج..صليت الصبح والظهر والعصر لأنها فاتتني(استغفر الله دايم أحط لي المنبه..بس الامس نسيت)
دورت جوالي بمكانه المعتاد..بس ما لقيته..طلعت برا..وشفت نور غرفه فراس شغال..دخلت وكان خالص من تغير ملابسه:هلاااا
أبتسم أبتسامته العريضه..وفتح يدينه:تعالي يا عروسه..مبروك
رحت عنده وأنا خجلانه:الله يبارك فيك
أشر على جيب بنطلونه:ترى جوالك عندي؟؟
رفعت حاجبي:ليش؟؟
..مريت من الصبح عند غرفتك وسمعت الجوال يصيح..دخلت عليك لقيتك نايمه..واللي يتصل رقم..رديت عليه..فطلع وائل
طلع التلفون من جيبيه وحطه في يدي:العصر بنطلع..أنا وأنتي وهو..زين؟؟
رفعت كتوفي:مدري..رح أسأل أمي وأشوف
طلعت من الغرفه..ونزلت الصاله سلمت على الكل..وجلست جنب فجر:شخبارك فجر؟؟
شكلها كانت متحمسه تشوفني وتسولف على أمس:ما عليك من حالي..وش هالحركه اللي سويتوها الامس..والله أنك خطيره يا بنت عمي(وباستني)مبروك تستاهلي كل خير
أبتسمت لها:الله يبارك فيك ..عقبالك
دفتني من كتفي وهي تتكلم بهمس:شكلي بطوف عمتي..وبصير عانس العيله
حطيت يدي على فمها بمزح:اااش لا تسمعك..والله لتسوي سالفه
رجعت شعرها عن عيونها..ولمته بملزم:جزاتي بعد..بأزرها
لفيت راسي يمين ويسار:الا وين ورد ما أشوفها؟؟
..مدري..يمكن مع شغالتكم بالمطبخ..أقول قوموا نطلع الحوش..وانتي الاء جيبي معك علبه فاضيه..بنلعب لعبه الجرأه والصراحه
صفقت ميعاد بقوه تأيدها:ايوووووه..من زمان ودي ألعبها ومحد راضي
وراحت الى فجر وحضنتها بمزح:يا حبيبتي دايم فاهمتني
نطت نهى من على الكنب:هاااا..أشوف في مؤامره..يا تلعبوا نظيف يا لا
غمزت الاء بعد ما جابت علبة مويه فاضيه:واثق الخطوه يمشي ملكا
طلعنا الحوش..وسوينا دائره مكونه من خمس بنات
رفعت الاء يدها بأستسلم:اللي يجيب علي السؤال بذبحه
وقفت فجر والاء تحتها..ومسكت أبت ثوبها بتهديد:شوفي يا تلعبي عدل يا أنسحبي من الحين
أبعدت الاء يد فجر:ياشريره زين خلاص بلعب عدل
فرت فجر العلبه وجات عند جود وميعاد
ميعاد بتهديد:تبي سؤال جرأه والله صراحه
رديت بهدوء:لا والله مافيني على الجرأه..خلينا صراحه أهون
ميعاد تغمز لها:وش الصفات اللي تتمنياها في وائل..والصفات اللي ما تبيها
..أمممممم..عاجبني مثل ما هو
..أحم أحم

((هل ما زال الحب يتوالد؟؟))
ليش الدنيــــــــــــــــــــــــــــــــا كذا؟؟
الجــــــزء الثامن



كلهم تغيرت حياتهم..كلهم مشغولين..مزحومين..كلهم صارت عندهم مسؤليات..الا أنـــــا..أكبر مسؤلياتي((أحدث مواضيع الاعضاء))..اللي صاروا يقلوا يوم ورى يوم..المنتدى كان ساخن بالزيارات والمواضيع الجديده اللي تشغل وقتي..واليوم..أخر موضوع من أسبوع مرتكز في القمه محد حركه..قفلت لاب توبي بملل..ياريت تنكسر وتريحني منك..بس..بس..لالا..مقدر على بعده..احسه جزء مني..ودي أعيش حياتي طلعات وناسه..ودي ببنت تفهمني..ما تتركني..ولا أحد ياخذها مني..أنتوا تفهموني؟؟
لبست عباتي وأخذت جوالي..طلعت من الغرفه حتى بدون ما أغير ثوب البيت..شفت رنا في الصاله ترسم..قلت في نفسي..ياريتني مثلك..أعز ناسي رسماتي..لوحات أفتخر فيهم..يضيع وقتي..بس أحس بأنجاز..دوم أمي وأبوي يحاربوني على جلسه النت اللي تدوم بالساعات..ما يدرو أن هالشي فوق أرادتي..ولو الود ودي أكسر الاب من اليوم
قلت بصوت هادي عشان لا أخوفها:رنا..وين نهى عنك؟؟
رفعت شعرها عن عيونها وناظرت فيني والريشه لسى بيدها:في المجلس..مع ناصر..أنتي وين بتروحي؟؟
هزيت كتوفي بمعنى مدري..وجلست على الارض..وأنا متسنده على برواز الباب..اللي يشوفني..يستغرب جلوسي في ذا المكان..مسكت رقبة ثوبي وقلت بقهر:طفشانه..ملانه..أبي أغير جو..زهقت من البيت..وين أمي؟؟
رجعت أندمجت في اللوحه وهي تتكلم بتقطع:رااحت هي مع أبوي..يشربوا شاهي عند بيت عمي؟؟
فزيت من مكاني:عمي أبو سعود؟؟
ما ردت علي..كان ودي أخذ الريشه وأخربش اللوحه من القهر..ومن برودها:هي رنووووووه..بيت أي عم؟؟
قامت من عند لوحتها اللي على الارض..ودفتني من ظهري:أوووهو أذيتيني.خليني أركز..بيت عمي أبو وسام..خلاص؟؟
لفيت عليها وأنا أبعد يدها:وش رايك تروحي معي بيت عمي أبو سعود؟؟
رنا:الى مين بتروحي؟؟تو طالع وائل..أكيد راح عند جود
حسيت بالاحباط:معليه بروح..على الاقل مع الاء وايمان

بعد تفكير..وأنا أدعي ربي أنها توافق..هزت راسها وراحت تلبس عباتها..وأنا دقيت على أمي وقلت لها رح نروح بيت عمي..بس اااااااااااااااااااااااااااااااااااااااه أحبطتني أكثر وقالت:أن الليله العشاء عند عمي أبو وسام..وأكيد هم رح يروحوا وألتقي فيهم
طبعا أكلت تهزيئه من رنا..كله عشان خليتها تلبس عباتها قبل ما أتصل..بس جلست أترجها نطلع من بعض الحديقه ونغير جو..والله مليت حسوا فيني؟؟
طلعنا برا الحديقه..أبتسمت وانا أتصنع على نفسي قبل الكل أني طبيعيه
لفيت الى رنا اللي كانت وراي وترشرش المويه على الزرع:يالله الحقيني
هربت وانا أضحك وكأني طير هارب من قفصه..ورنا وراي تركض..فجأه ما حسيت بنفسي الا الدنيا ظلام وطحت على الأرض:اااااااااااي ركبتي؟؟
جاتني رنا وهي تزفر بقوه من التعب..ومن انفاسها أكتشفت أني أركض بقوه:تعورتي؟؟
دمعت عيني..لفيت وجهي عشان لا تشوفني رنا..أعرفها رح تفضحني عند كل البيت..بس ما قدرت..شهقت بقوه..وضميتها وصرت أبكي:جود أنخطبت ومرح تفضى لي..أصلا هي من أول مو فاضيه لي..ونهى اللي كنت أتكلم لها عن الاشياء اللي تضايقني..ما عدت أثق فيها..لأنها دايم تحب تفضحني مدري ليش..حتى فجر حاولت أكون قريبه منها..بس أكتشفت أنها ما تناسبني..ااااااااااااااااااااه وصديقاتي كلا أنقبلت في كليه..الا أنــــــــــــــــــا..لمين أشتكي؟؟وين أروح..لا تتركيني!!
مسكت يدي وقومتني بدون ما تتكلم..دخلنا البيت..ورحت الدرج أركض لين وصلت غرفتي..طحت على السرير ولاب توبي جنبي..حضنته بقوووووه:حتى انت رح يجي لك يوم تخرب وتتركني
رميته بقوه على الجدار..بس الظاهر طاقتي كلها راحت في البكاء..لان الاب توب ما صار له شي..دخل علي الغرفه وائل..وتفاجأ بشكلي..شعري لازق في وجهي من الدموع..وعيوني متنفخه..وأنفي ما كان أحسن منهم..فهو يصلح حق مهرج من كثر مو محمر
تقرب من السرير بشويش:ميعاد وش صاير؟؟
تعودت على وائل حنون..يختلف عن محمد 180 درجه..وبمجرد ما فكرت كذا زادني الموضوع قهر..بس الحين رح تنسنا..ورح يصير الحنان الى ام الحنان جود
..ما أحبكم..ما أبيكم..أكرهك..ليش خطبت جود..أكرهك..ليش نهى رح تزوج وتتركنا..أكرهكم كلكم..أطلع برا وخليني
جلس على السرير وقال بهدوء:ليش تكرهينا..لأنا حبينا نفاجأك وجيناك(ورفع صوته شوي ينادي جود)جود تعالي!!
دخلت الغرفه وهي مبتسمه وفي نفس الوقت تسوي زعلانه وهي ضامه يدينها لصدرها:يعني أروح بيتنا خلاص!!ما تبيني ؟؟
بعد تفكير رديت:الا أبيـــــــــك..بس مو وائل معك
رفع وائل حاجبه:أفااااا..الحين أنا اللي خسران بنزين وجايبها من بيتهم..بعدين ما تبيني..يا ثنينا يا لا وش رايك؟؟
ضميت المخده لصدري:خلاص أجل..أخذها وأطلعوا
قربت جود مني ورفعت شعري من على وجهي:ميعاد..وش فيك؟؟..أفتكرت الحين رح تستانسي..هذا وأنا جايه بيتكم بدون ما أقول لأمي..تدري لو دروا أني جايه مع وائل مرح يرضوا..بعدين تقولي كذا؟؟
رد وائل قبل ما أفتح فمي:هي هي..أنتي وش تقولي؟؟وليش أن شاء الله ما يرضوا؟؟
لفت جود عيونها تدور أجابه وقالت:يخافوا تخطف بنتهم..بعدين من وين يجيبوا جود ثانيه؟؟
دخلت رنا الغرفه زامه شفايفها:معليه لكن..تجوا حق ميعاد أما أنا لا
وائل:مقدر على الدلاعه..زين وش رايكم نطلع(وهو يحرك راسه للباب)
قمت من على السرير ورتبته:أمي تقول أن العشاء الليله في بيت عمي أبو وسام
جود:ايه صح!!
وائل:زين انا بروح أخذ شاور..رنا أنتبهي لجودي زين؟؟
رفعت جود حاجبها:اش معنى مو ميعاد؟؟
وائل يمد يديه بطريقه مفترسه:لان ميعاد تعض(وطلع من الغرفه)
فكت جود عباتها وانسدحت على السرير بتعب:فيني النوم
فتحت دولابي اطلع ملابس حق الطلعه..ومن التعب جلست على الارض ورقبتي تناظر في الملابس في الرف الثاني..لفيت وجهي لوجود وقلت:اعترفي وين طايره أنتي وائل من الظهر؟؟
تمغطت وهي تثاوب:أممممم..بس رحنا تغذينا بمطعم تو فاتح جديد..ودرنا في السياره وهذا أحنا جينا
هزيت حواجبي لها وأنا اناظر في وجهى وأبتسم:مافي شي كذا والله كذا؟؟
حسيت أنها فهمت لي..بس ما تبي تبين:أنتي وش تقصدي؟؟
رجعت لفيت أتأمل في الدولاب..ووقفت على طولي وأخذت ملابس عشوائيه:لا بس أبي أقولك..من بعد ما شفت وش سوى وائل في لعبه الصراحه..ما عاد أستبعد شي
رمت علي الخده بقوه..ورنا تضحك:يا هبله..ياغبيه..يا أم السعف والليف..وش هالكلام؟
تركت ملابسي على السرير وصرت أمثل الدور وأنا أكلم رنا:أجل شفتي يا رنا..اثنين توهم أمس مخطوبين..تقول لهم وحده اللي هي انا..في لعبه مثل لعبه الصراحه والجرأه..جود بوسي وائل..تقول لا لا(قربت من رنا كأني أمثل دور وائل)ويجي الفارس الملثم..ويقول لا تزعجوها..هذا الطلب حقي انا:أموووووواه
رفعت جود صوتها بصراخ:يا ميعـــــــــــــــــــــاد يا بقره
دخلت علينا نهى:وش صاير..أووووووه جود عندنا..من زمان القمر ما بان
لفت جود ظهرها عن نهى بزعل:أنا اللي ما أبان والله أنتي
مسكت نهى كتفها وقالت:بلا دلع ..جواد وش فيك تصارخ من شوي؟؟
شالت جود يد نهى مع على كتفها وعضتها بقوه:كم مره قلت لك لا تقولي جواد
ردت رنا بتحذير:صحيح..أن سمعك وائل ليذبحك
أشرت نهى على رنا بمعنى ذوقينا سكوتك:ما قلتي ليش جود تصارخي؟؟
قربت أنا لهم وأنا أمشي مثل عارضات الازياء:لا لا جود لا تتعبي نفسك وتقولي(كنت أدري أنها مرح تقولي..قلت كذا بس عشان أغيظها)..أنا أقولك يا نهى..بس الحلوه والقمر وأم السعف والليف اللي هي انا..كانت تشرح وش صار يوم كنا بالحديقه ببيت عمي
نهى بأبتسامه عريضه:أيوووووه..يا حليلها تستحي بنت عمي
سكت وأنا أقول:أقول أسكتي..أكيد أنتي المخفي اعظم
دخل وائل بعد ما طق الباب..وهو ماسك المشاطه ويضبط شعره
رحت بعجله للحمام:يوووووه تأخرت(وأشرت بيدي)بس شوي بلبس
طلعت من الحمام(الله يكرمكم) وانا مالي نفس أطلع من البيت..وفي نفس الوقت مابي أجلس وأقابل النت..ما لقيت بالغرفه غير جود..اللي استعدت ولبست عباتها كانت واقفه عند المرايه تعدل حجابها:وينه وائل..شوي هنا شوي طاير؟؟
رفعت كتوفها:مدري شكله راح غرفته..بقوم أشوفه!
سكرت عليها الطريق وأنا ماده يديني:هي هي ممنوع
جود:أوووووهو ميعاد خليني..مالي خلق أهواش
تركتني وراحت وأنا بدون ما أحس بنفسي فتحت الابتوب..وأنتبهت الى نفسي وصرت أتأفف..دخلت على منتداي المفضل..شفت رساله شخصيه جديده..فتحت الرساله..كنت متوقعه أنها من (المشاغبه).كذا أسم عضويتها..علاقتي معها حلوه..من خلال الردود على المواضيع..كانت كل مناسبه ترسل لي تهاني وأنا نفس الشي..فتحت الرساله
هلا بأختي (الحساسه)
بصراحة أنا حبيت شخصيتك..وأتمنى أتعرف عليك
فاذا كان أنتي نفس الشي
هذا أيميلي اذا تحبي
Hotmail.com@...............

ما فكرت في الموضوع لأني سمعت صراخ نهى..انه هم طالعين..وانا لسى ما لبست عباتي..سكرت الابتوب بدون ما أطفيه..وطلعت بسرعه
ريــــــــــــــــــم
طقت روحي من الملل..ان رحت الجامعه ما سلمت..وأن جات الاجازه ما سلمت
رفعت رجولي على الكنبه وجلست متربعه:يمه زهقانه..طفشانه..حسوا فيني أبي أطلع..أبي أشم هواء
أم مناف تدخل الأبره في الخيط..عشان تركب أزرار قميص مناف:هذا الحوش عندك..روحي شمي هواء
غيرت وضعيتي..وأنسدحت:اااااااف..يمه لا تتمسخري علي..جد زهقانه..مافيه الا مناف أن رحت بلعب معه..قام يكفخني
أم مناف:طيب قولي لي وش أسوي؟؟عندك حل؟؟
أبتسمت وهي تدري..أنا الموضوع صعب:أيه..أشتروا لي جهاز كمبيوتر..أبي أشوف الدينا..أبي أدخل اللي يسموه النت..وأمممممم..أبي أروح البحر..البر..أي مكان المهم أغير هالروتين
وقفت امها وهي تنزل الخيوط اللي علقت بتنورتها البيج:ريــــــــــــم!!(وكملت بنبره تهديد) لا تكلمي أبوك في هالشي..سامعه؟؟
ما رديت عليها..ولقيت وجهي للمخده..كررت علي الكلمه:ريم سامعه؟؟
..أيوه سامعه
غيرت نبرت صوتها الى حنيه:والله لو نقدر يا ريم ما يغلى عليك..بس هذا أنتي تشوفي أبوك الدوام هالكنه..ومن يرجع ينام..وش تبي بعد يسوي لك..يموت عشان تنبسطي!!
..الله يخليه لنا..طيب أمي خليني أنا ومناف نروح السوبر ماركت اللي عند البيت..على الأقل نشوف الشارع
بعد ما وافقت..أخذت مناف ورحنا على السوبر ماركت وأنا أمشي شوي شوي..والله ما ودي الشارع يخلص..تذكرت جود..فطلعت جوالي من جيبي..وضغطت أتصال..بس ااااااااااااااااه يالقهر(الرقم محظور)..خلص الشحن..ولازم أعبي من جديد..صحيح أنا أقتصاديه بمكالمتي..بس من قرادة الحظ ما يمديها وتخلص
جر مناف عباتي:أتصلي بكلم عبود صديقي
نزلت لمستواه..وبتسه على خده:يا بعد عمري منوووفه وصديقه..بعدين نكلم..الحين تعال نشتري حلاوه(الجمله الاخيره قلتها عشان أحفزه)
دخلنا البقاله..وراح مناف يشتري له من اللي يحبهم قلبه..اما انا رحت عند الثلاجات..أخذ لي عصير تفاح..اخذت لي والى مناف معاي..ولما جيت ألف بارجع..مسكني احد من فمي..ويده الثانيه على رقبتي..حسيت كأني في فلم رعب..أو كابوس..بعدت اليد اللي حاصرتني..أبي أصرخ بأسم مناف:مـــــــــــــــــــــــــــــــــــــــــنـ ــــــــــــــ ــــاف
:اااااااااااش يا حبيبتي لا يسمعك مناف
هذا الصوت أعرفه..من بين مليون صوت أميزه..صار جسمي يرتجف..حاولت أثبت نفسي..بس أنفـــــــاســــــ ــــــه كانت قريبه مني..أحسها حولي..أستنشقها!!
همس في أذني بخفه:مناف..بنودينه البيت..لا تخافي عليه
فكيت نفسي منه..بعد ما حسيت قبضته خفت: الحين أكيد أمي تحاتيني..أنا بروح!!
حاولت أركض..بس رجليني من الخوف مو شايلتني..مسكني من معصمي:وين رايحه؟؟أمشي معي..ولا أسمع منك ولا كلمه
أخذني الى سيارته اللي أعرف كل شي فيها..وأنا اسحب يدي..أصرخ؟؟
ياربي أخاف أفضح نفسي..بس أمي وأبوي..قلت له بترجي:تكفى..تكفى..وديني البيت..تكفى لا تخوف أمي علي
رماني في السياره وقفل الباب..وركب هو من الجهه الثانيه..شغل السياره وهو منفعل:أمك تخاف عليك؟؟والله أنك أم الاحساس..يا مرهفه
كتفت يديني ولزقت في النافده وكأني بكذا أبعد نفسي عنه..ومابي أي دمعه تطيح..مابي أبين ذليله..انا أقوى منه..أيه انا أقوى
وصلنا..الى مكان وسط المنطقه..لا وحوالينه الناس..مدري ليش تخيلت انه بياخذني مكان مظلم..وما فيه أحد..نزل من السياره وأنا لسى جالسه..مو عارفه وش أسوي؟؟
فتح لي الباب:لا يكون بعد تبي خدام يا عيون أمك تفتح لك الباب؟؟أنزلي قدامي
نزلت وصرت أمشي وراه وهو قدامي..كأنه عارف أني مرح أهرب..اااااااااااااه كله مني..كنت دايم مهمله في حفظ الشواراع والاسماء..وما أدل غير بيتنا وبيت جيرانا!!
دخلنا مبنى..متوسط في المساحه..وشكل أن كله شقق..أمممممم..شفت اللوحه على البوابه مكتوب((شقق النصر للايجار))..قريت الايات اللي حافظتها بقلبي..وصرت أدعي ربي..دخل(.....) أحد الشقق كانت بالدور الثاني..أو الأول..والله مدري..لأنا ركبنا درج..يعتبر حق طابق..ما علينا.. أما أنا تسندت على جدار الشقه من برا..وكتفت يديني..هذا وين رح يروح ويخليني؟؟..طلع بعد خمس دقايق..وبيده علبه مويه يشرب منها:وشو؟؟منتي ناويه تدخلي..تعالي بسرعه لا يشوفك أحد
ياريت يشوفني أحد..على الأقل أشتكي له..بس لالالالالا..مو ممكن أنا أسوي كذا في اللي حبيته..حتى لو كان حبه ماضي لي
دخلت الشقه..وسمعت صوت الباب يتقفل وراي:لا تخافي..مرح أسوي لك شي..تدري فيني..أخاف عليك أكثر من نفسي..(أشر على الكنب الاورنج اللي يتوسط الصاله الصغيره نوعا ما)..أجلسي
كان رح يمشي بس نطقت كلمتي ووقف:لو سمحت أبي مويه
هز راسه ودخل المطبخ..عرفت هالشي..لان الباب يطل على المغسله..أنتهزت أنا الفرصه وفتحت نقابي..أحاول أخذ شهيق وزفير بأقوى ما عندي..ما حسيت فيه الا هو قدامي..نزلت عيوني على الأرض..حط علبة الماي على الطاوله الزجاج اللي بين الكنب..وجلس جنبي..بعدت عنه..بس هو كان أسرع مني..مسكني من كتوفي:ريم..طالعيني؟؟
حسيت قلبي يطق بقوه..تذكرت أمي..أبيها..الحين أبيها..سالت دمعتي على خدي..مسحها بأبهامه ..رفعت عيوني..وشفته يناظرني..عيونه محمره بقوه وما أخبي عليكم..مليانه دموع..حتى يدينه اللي قابضه على كتوفي بقوه كانت ترتجف:ريـــــ ــــــــــم..بليز..ضميني
قمت من الكنبه بسرعه..والخوف يزيد أكثر وأكثر:وديني البيت تكفى
ما امداني اخلص كلمتي..الا جرس الباب يدق..أنفاسي ضاقت علي..أحس أني أمثل دور بأحد المسلسلات..(ياربي سترك)..راح عند الباب..وناظر من العيون..ولف يكلمني وهو يأشر:أدخلي هذي الغرفه بسرعه!!
دخلت الغرفه..كانت ظلمه..الا من ضوء خافت..الان ستارة الغرفه مفتوحه..دارت عيوني بالغرفه أدور مفاتيح الأنوار..فتحتهم..ووضحت لي الغرفه أكثر..لونها أحمر مع أبيض..تبين أنها غرفه شاب في عمر العشرينات..لان فيها شويه فوضى..وملابس هنا وهناك..شفت قران صغير على التسريحه..ورحت له بخطوات سريعه..كأنه الحامي والمنقذ للي أنا فيه..مسكته وضميته لصدري حيل..وأنا أستنشق الهواء بقوه..طلعت مني كحه قويه..بس سكرت فمي بيدي..وسمعت الصاعقه:أرجوك لا تدخل..هنا زوجتي
هذا مين يكلم؟؟ووش يألف؟؟
..أقولك لازم نفتش الشقق كلها..والأمر عليك وعلى غيرك..خلنا نشوف شغلنا
..بس هذي أعراض..وأنا ما أسمح لكم
..طيب روح نادها وأحنا نفتش الغرفه
بمجرد ما سمعت هالكلام..لفيت أدور نقابي..بس ااااااااااه..شكله برا من شوي..تغطيت بجزء من الحجاب..فتح لي الباب وقال بصوت صريح وعالي:في حراميه سارقين شقة جارنا..والشرطه جاين يدورن يمكن الحرامي متخبي في أحد الشقق..لأنهم محاصرين العماره..ولا أحد طلع منها!!
ما رديت بكلمه..بس طلعت من الغرفه ووقفت جنبه:أبي أروح البيت..بسرعه خذني
لف علي ويسوي نفسه يتكلم طبيعي:خذي هذا جوالي كلمي أمك..وقولي لها كلها نص ساعه وأنا عندك
أخذت الجوال..والله لولا الحاجه ما أخذته..بس وش أسوي اذا جوالي المنحوس ما دور يحظر المكالمات الا اليوم
جيت أدق الرقم..وساعتها بس أنتبهت للخلفيه حق الجوال..حسيت بغصه..هذا طول عمره وسخ..وما يفكر بأعراض الناس..كيف يحط صوره جود عنده..لا وبعد بالواجهه..رميت الجوال من قهري على الجدار..وهنا الكل التفت..قلت بصوت مصطنع:سوري طاح من يدي بدون ما أحس
ودع (....)الشرطه بعد ما تأكدوا أن ما فيه في الشقه الا أحنا..وحمدت ربي أنهم ما طلبوا بطاقات ولا شي..قرب وهو يبتسم:ولوو حلالك الجوال وصاحبه
..أنت ما تفهم..أقولك خذني البيت
أشر على عيونه وهو يقول:من عيوني..يالله أمشي
...........................
ناصر وحمد في أحد المقاهي المطله على الكورنيش
حمد حاط رجل على رجل ويعدل الجمر على معسل التفاح..وهو يزفر دخان أبيض..
حرك ناصر يده يمين وشمال يبعد الدخان عن وجهه بعبوس:اااااااااف..حمد وش صار فيك..لا مو هذا صديقي اللي يخاف يشوف السيجاره..الحين يشرب معسل
تسند حمد على المسنده المخمل وقال:هذا يا حبيبي..فعل ماضي..أما الحين انا وش ماخذ من الدنيا..ولا شي
هذا هو حمد صار له فتره على هالحاله..ولا أحد داري وش فيه..حتى ناصر حاول يفهم منه..بس ما قدر
أبتسم حمد أبتسامة سخريه وهو يقول:اليوم بروح أسهر مع الشباب..وش رايك تجي معي!!
عصب ناصر من كلامه زيادة:تراك أذيتني شباب وشباب..أي شباب ذول اللي تعرفت عليهم في يوم وليله
طلع حمد الخمس مئات من جيب ثوبه العلوي:شباب يجي من وراهم فلوس..ولا أكبر مدير راتبه في الشهر مثل راتب يوم لي!!
قام ناصر..وهو يشيل جواله ومفاتيحه من على الطاوله اللي قدامه..وحطهم بجيبه:انا ماشي يا حمد..واذا صحيت على نفسك..تعال خبرني..تراني أنتظرك
قال أخر كلمتين بغصه..هذا تؤام روحه..في يوم وليله ينقلب عليه..ااااااااااااااااااااه..ليش الدنيا كذا؟؟
راح عند الكورنيش..وأنسدح على العشب الخصب..مو مبالي بنظرات الرايح والجاي..اللي مبسوط..واللي حزين..واللي جاي يعمل سبور..كلن يغني على ليله..ناظر في القمر..هذا أنت يا قمر..مثلهم كلهم..كل يوم لك وجه..بس الا حمد..سحب العشب بأصباعه بقهر..وناظر فيه كأنه ضحيه بين يديه..قتله ودمره..بعد هالأفكار السخيفه بنظره..وطلع جواله اللي كان هديه من نهى((n81
ضغطت أصابعه الازار بسرعه كبيره..وصار يتجول بين الأرقام الصارده..(حياة الروح)..ضغط أتصال..وأنتظر الرد..(مشغول)..(ااااااااااااف هذا وقتك يا نهى تقفلي في وجهي..تراني متضايق..بليز ردي)
...................
في صالة بيت أبو وسام
كانوا الحريم متجمعين في الصاله..والرجال بالمجلس
الجده ممدده رجولها بوجع:ااااااااه الكبر شين..من امشي خطوتين..تعبت من هالرجول(وطلعت علبه الفكس من جيبها)..تعالوا يا بنات أهمزوني!!
حطت الاء يدينها على بطنها من كثر الضحك:ويلي يا أمي..وين ما تروحي ذا الفكس في جيبك ههههههههههههههههههه
رفعت فجر أكمام بلوزتها الطويله..وسوت مالت على الاء وميعاد الفاطسين ضحك:أنا أهمزك يا جده(وباست راسها)
مسحت الجده على شعر فجر:ويه الله يخلي لي هالبنت..متى أشوفك عروس على ذيك الكوشه الصفراء
ميعاد تمسح دموعها من الضحك:ههههههههههههه..وش جايك يا جدتي اليوم صايره تنكتي كثير
..روحي بس يا ميعادوه..لو فيك خير كان جيتي همزتيني!!
قامت ميعاد تسوي أن فيها خير:أنا من عندي أغلى من جدتي..مددي أرجولك الثانيه بس مددي
ضربتها الجده على كتفها:تعالي يا أم محمد شوفي بنتك..مسويتني مسخره اللي ما تستحي
ألتفت أم محمد لميعاد وهي تشرب من الشاهي اللي بيدها:ميعاد يا مهبوله..قومي بس قومي..شوفي عمتك هدى..من العشاء أختفت
الجده ساده أنفها من ريحه الفكس القويه:قومي صحيح..ليكون بس قتلت نفسها
قربت ميعاد من أذن جدتها وقالت بشويش..وفجر تقرب تبي تسمع وش رح تقول هالمهبوله:دامك ما تحبي ريحته..ليش تحطيه؟
مسكتها الجده وحضنتها>>لان ميعاد حجمها مره صغير وما يبين أن عمرها 19 >>وباستها بقووه على خدها..وميعاد ترافس برجلينها:اااااااااااااااه يا قلبي..كل هذا بوسه يا جدتي..خلاص..بموت
فكتها جدتها ونقزت للمرايه تشوف وجهى:يا ويلي..أمااااااه شوفي وش سوت فيني..صار خدي أحمر من هالروج اللي من العصر الأموي
ضحكت أم محمد عليها وهي تقول:تستاهلي..جزاك
أخذت أكلينكس من العلبه اللي جنب جدتها بحذر حتى ما تحس فيها..وتمسكها مره ثانيه..وصارت تمسح خدها بقووووه..وهي تروح غرفه عمتها هدى اللي بدور الثاني
دخلت الغرفه..وكانت شبه مظلمه ما عداء من نور الابجوره الورديه اللي بجنب السرير..وسريرها فاضي..بس الاب توب محطوط على السرير..وهو شغال..قربت ميعاد منه بدون ما تشغل الأنوار..لان عمتها تحب الظلام..وما ترضى أحد يفتح أنوار غرفتها..وجلست على السرير تناظر صفحات الانترنت العديده المفتوحه..وأول وحده فيهم..كانت لسى تتحمل..جلست تنتظرها تفتح..ولأنها حست أن هدى بالحمام..عشان لما تطلع تخليها تنزل معها تحت..أنفتحت الصفحه..نقزت ميعاد من المنظر المقزز اللي تشوفه قبالها..وحست ببطنها ينعصر من الألم..قامت ركض وطلعت من الغرفه..وقفت على الدرج وهي حاطه يدها على قلبها من كثر ما ينبض بشده..وش هاللي تسويه عمتي؟؟..حست أنها تعبانه فجلست تهدي أنفاسها..(يالله رح أنزل وأقول ما شفتها بالغرفه وخلاص)..نزلت بصمت..وجلست جنب جود ونهى وهي تقول لأمها:ما شفت عمتي بالغرفه..يمكن تاخذ شور
التفت جود لي:وش فيه وجهك محمر
ضحكت بأصطنع:هههههه..أنتي أدرى من روج جدتي
دق جوال نهى فقالت:هذا ناصر يتصل..أنا بطلع الحديقه اكلمه..لان في هذي الهيصه مرح أسمع شي!!
نهى وهي تفتح الباب اللي يودي للحديقه بأبتسامه:هلا حياتي
ناصر بغصه:نهى
راحت نهى لعند الازهار اللي زارعها الجد في أركان الحديقه وهي تلمسهم بنعومه:ناصر حبيبي فيك شي؟؟
..مدري والله مدري..حمد كل يوم يتغير أكثر..وأنا ما عندي غير هالأخو..نهى ما أبي أفقد حمد الأخو مابي
جلست نهى على الكرسي البلاستك وهي ترفع خصلاتها عن عيونها:ناصر..صدقني هذا شي طبيعي..تجي على الانسان أوقات يتغير فيها..بس أنت أصبر عليه..وأوقف معه..وعسى الله لا يفرقكم
طلع وسام من باب المجلس وهو يلتف يمين ويسار..يسمع صوت همس..وحروف متقطعه..بس ما يدري من أي جهه!!
لبس نعاله(الله يكرمكم)اللي على باب المجلس ولف ورا البيت..بس اللي شافه خلى خطواته تخف..ويتخبى ورا الحيط

الجزء التاسع
هل ما زال الحب في توالد؟؟




وســــــــــــــــــــــــــــــــــام
سبحان من خلق هالملاك..مع ان جمالها جدا عادي..بس فيها شي حلو..حركاتها حلوه..حتى أبتسامتها..اااااااااااااااااااااااااااه عمري ما شفت وحده..وحسيت قلبي طار عندها..شفايفها شي عجيب..قال ايش قال نانسي وهيفاء..تعالوا شوفوا اللي قدامي..أنا لازم أعرف من هي..أمممممممم يمكن جود..بس لالالاجود أصغر..هذي شكلها أكبر..يمكن ميعاد..ايه شكلها ميعاد..وسويت بيدي حركه يعني لقيتها..تحركت من المكان بسرعه قبل لا يشوفني أحد من الشباب..أنا أصلا ليش طالع من المجلس..خل أرجع قبل لا يشكوا فيني..رحت المجلس وجلست في نفس مكاني قبل شوي وتكتف وأنا أفكر..ويمكن حتى أحرك شفايفي..هالبنت خلتني أهلوس..(ضرب محمد يدينه في بعضهم وطلق ضحكه ساخره):سامر وين الببسي؟؟
حكيت شعري ببلاهه:ها..وشو..ايه ايه الببسي..رجلي تأمني مافيني أروح
ضحكوا عليه الكل ومن ضمنهم أبوه وأعمامه
قام فراس من مكانه وتقرب جنبه وهو يمثل دور الأم:ومن قال لك يا بابا روح البقاله مشي؟؟وبعدين تو رجولك صاحيه وش صار فيها الحين هههههههههه؟؟
حطيت يدي على جبهتي وأنا أحس بالفشله:أوووووووهو اللي يبي يروح أنا ما أبي
رفع أبو محمد بيالة الشاهي وقال:خلاص خلوه على راحته..وبعدين أنتوا دمان على ذا الببسي أشربوا شاهي والله قهوه
زفر أبو سامر وهو يحرك المسبحه بيده:اي شاهي وقهوه..قول على الأقل عصير..شباب هالايام يجيبوا لأنفسهم المرض..الله يعديهم الشر
جاء في بالي أروح أنام ..لان أحس راسي مصدع..بس عمتي الحين أكيد مستحليه غرفتي..هذا هي كل مره تجي بيتنا أو أي بيت من أعمامي..معها لاب توبها...وثيابها عمتي شكلها عندها هوس نظافه..بس ليش تختار غرفتي تجلس فيها..مو غرفه فجر..أو تجلس مع الناس..شلت الفكره من راسي..وقمت لعبت مع الشباب ((كيرم))

في داخل الصاله
ميعاد للحين تحس بالخوف وأكتافها تهتز..ضغطت عليهم عشان يوقفوا شوي..بس ما قدرت..همست لجود..اللي كانت تضحك على تعليقات جدتها مع فجر.ومو منتبهه لها
هزت ميعاد كتف جود بهدوء..فناظرت فيها جود بتسائل:أبي أقول لك شي؟؟
قالت جود وهي تلف نفسها بحيث صارت مواجهه لميعاد:قولي!!
رن جوال جود بنغمة وائل..رفعت التلفون:هلا وائل
سمعت ميعاد صوت وائل ..لانها كانت قريبه وهو يقول:يالله جود أنا على الباب طلعي
شعرت ميعاد بالاحباط ..ضربت فخذ جود وهي تقول:اوووووهووو مو أنتي طول اليوم معاه..وش يبي الحين
قالت جود وهي تلبس حجابها وتناظر بالساعه:كلها نص ساعه وراجعين والله
تسندت ميعاد على الكنب وهي متكتفه ومربعه رجولها فوقه
قربت جود لها وهي تقول:صدقيني بس شوي وبجي..وبسمع سالفتك..واذا ما قدرنا الليله..أنا أدق عليك بعد ما أرجع..وعد!!
ماردت ميعاد عليها..فطلعت جود بعد رنات وائل المتتابعه..ولقت سعود على باب الصاله من برا..مع أنها متغطيه بس عرفها من هيئتها..ومشى كم خطوه لين وصل لها:أنتي وين رايحه؟؟
ردت بدون نفس لان اسلوب سعود ما يعجبها ابد:طالعه مع وائل
حط سعود يدينه على خصره:بس أنتي من العصر معاه..روحي أدخلي داخل..ومافيه طلعه
ضربت جود بكعبها الارض:والله أمي وأبوي وراضين..أنت وش عليك
أشر بحاجبه وهو يقول:خلصيني داخل..لا الحين برفسه أطيرك
ولما شافها وائل مطوله وهي تكلم أخوها..طلع من السياره وراح جنبهم:ها وش عندكم تسولفوا؟؟
سعود:كنت أقول لها ترجع ومافيه تطلع
رفع وائل حواجبه بأستغراب:وليش أن شاء الله..أنا قايل لها تطلع..مو من حقك تقول كذا!!
قال سعود بقهر من اسلوب وائل:شوف اذا صارت ببيتك قول هالكلام..يابيبي
أنقهرت جود حيل من كلمته..ما كانت تتمنى يقول هالكلمه ابد..وخصوصا وهي موجوده..لانه أكيد رح يتضايق
سحبته من يده متوجهه لسياره وهي تقول الى سعود:أعلى ما في خيلك أركبه
ضحك سعود بقوه..خلت كل اللي حوله يلتفت له:صدق أنك بيبي..أجل بنت تقودك هههههههههههههههههههههههههههههههههه
ضغطت جود على يد وائل وهي تقول:ما عليك منه..هو دايم يحب يستفز الي حوله
ترك وائل يدها وراح لباب السواق وركب..شغل التكيف لانه يحس بحراره
جــــــــــــــــــود
ركبت السياره وأنا مقهوره من كلام سعود..سندت راسي على الكرسي..وقلت:سوري وائل..كله مني..لو ما زودت أنا كلام ما كان قال كذا
لف علي وهو ماسك الدركيسون وهو يقول : صحيح هو ولد عمي..بس أنتي زوجتي..محد له دخل!!
ابتسمت من تحت الغطاء وأنا اقول برقه:خلاص حبيبي..أنسى..ولا تكدر نفسك عشاني
ما رد علي..وطول الطريق وهو ساكت..أحترمت سكوته..وصرت أناظر الشوارع..وأنا أفكر في اشياء كثيره
وصلنا الى طاولتي العزيزه اللي ناويه أجي لها من العصر..نزلت من السياره..وأسرعت في مشيتي..لين وصلت لها وجلست..جاء وائل وراي وهو يضحك:ول ول ول..كل هذا حب فيها!!
زفرت بقوه وأنا أتأمل هالمكان وقلت:ااااااااااااااااه يا وائل..هنا أحس حياتي..ودنيتي..هنا بس أحس أني مرتاحه..ومابي أمشي ولا خطوه
جلس جنبي وهو يقول: كل هذا غزل فيها
أبتسمت وانا الف وجهي للجهه البعيده عن وجه:هنا جود هيصت..وهنا كبرت..وهنا شافت شباب وتمسخرت..وشافت شباب وتدلعت
مسك دقني بيده ولف وجهي ..كنت أحس أن داخله ضحكه بس مو قادر يطلعها:جودي حبيبتي..بلاها هالكذبات زين؟؟..أخاف بكره أولادي يتعلموا من أمهم!!
وقفت فوقف وراي..وتقربت من البحر..لين جلست قريب من المويه وأنا أقول بشويه حزن: أنت ما تتصور جود اش كثر تعذبت منك!!..كنت كل ما ابي التفت أشوفك قريب..وأن بعدنا..كنت أشوف عيونك تتبعنا..مع كذا ولا يوم..حاولت أخلي حبك يكبر في قلبي(نزلت دمعتي وأنا أقول)..كنت أخاف من شي أسمه حب..خفت أحب وأتدمر..خفت أحب وأكون لغيرك(رفعت عيوني وشفته يتأملني بصمت..حطيت يدي على عيونه وقلت:كفايه لا تناظري ما أعرف أتكلم كذا؟؟)
مدد وائل رجلينه..لحتى صارت أقدامه في المويه وقال وهو يرفع بصره للسماء: خفتي تكوني الى فيصل؟؟
حطيت راسي على كتوفه وقلت:مو شرط فيصل..يمكن غيره..المهم ما كنت أبي أشعر بالاحباط..ومابي أحب لكم يوم..وأعيش حزن لسنين قدام
رفع راسي فضحكت وأنا أقول:لا يكون بس راسي ثقيل
هز راسه بالنفي وهو جاد:لا بس أبي أشوف وجهك..تدري جودي يمكن البنت تحب غير الشب..أنا بقول هالشي وأنتي ثاني شخص تسمع هالكلام!!
رفعت جواجبي باستنكار وقلت:ليش من الاول؟؟
لم رجلينه لصدره وزفر بقوه:أحلى وأغلى أنسان بحياتي
..طيب من هو؟؟
قطع كلامي وهو يقول:أنتي أسمعي وش رح أقول..والشخص بعدين أعلمك من هو!!
جودي..أنا كنت أحس الحب شي كريه..لانه يعذبني..لانه يبكيني في كل ليله..لان فيصل كان يحارب حلمي..وحاول يقطع كل حبل أحس فيه الامل اللي رح يوصلني لك..كنت أحس قلبي يتقطع..كان ودي أبعد عن كل الدنيا بس أشوفك حولي..كنت أتمناك في كل ضيقه أحس فيها لو أنها صغيره(تنهد بقوه)
حطيت يدي على فمه وهزيت راسي:مو مهم تعبير حبيبي وتتعب نفسك في ذكرى وأيام أنتهت..وهذا أنا لك وبين يديك..دام حلمك تحقق(غمزت له)حافظ عليه
تاهت عيونه في مياه البحر..وظلام السماء:خايف يا جود خايف..جود أوعديني ما تتركيني مهما صار
قرب يدي لعند قلبه وقال:حسي
فتحت عيوني على وسعها:وائل اش فيك هدي..والله لو تركض مو كذا..خلاص لولي (ورفعت صوتي وأنا أمد يديني لسماء وكأني أمثل) أوعدك ما يفرقنا غير الموت
رن جوالي..فطلعته من جيبي..وأخذه وائل وناظر في الاسم (ميعادي)..حط على لسبيكر وقال:هلا ميعادو
سمعنا صوتها الخافت:بسم الله الرحمن الرحيم..كنت أنتظر صوت أنثوي..طلع لي
قطع وائل كلامها:لا تكملي..قصدك طلع لك صوت ولا أحلى
زفرت ميعاد:يا شين الثقه..وائل وين جود..أبيها..وبقول لك أبوي من العصر يسأل عنك ونقول مع حبيبة القلب..أحترم نفسك وودي البنت بيتهم
حسيت في عيونه الكره الى هالكلام:ميعاد اذا متصله عشان كذا فقفلي قبل الا اقفل في وجهك
ضحكت ميعاد :أنا اسفه يا حبيبي..بس قلت حرام البنت ما شافت أهلها من خطبتم..وبعدين خذها بيتهم أنا ابي أكلمها على راحتي!!
أشر وائل الى جود..يعني بزنطها.فضحكت جود وهي تقول:هلا حبيبتي ميعادو..اش أخبارك هههههههههه
صرخت ميعاد من سمعت صوتها:جود وين اللي بترجع البيت وتكلمني..أشوف شفتي وائل ونساك الدنيا

جود بالنفي:مو كذا ما نسيت ولاشي..بس قلت لما ارجع البيت..صدقيني ما نسيت
قرب وائل منه التلفون وقال بصوت عالي:الا نسيت أحد يشوف وائل ويتذكر وحده مثلك..يالله خيتو مع السلامه.الوقت المحدد أنتهى
قفل التلفون وضيق عيونها:تحبي ميعاد؟؟
زميرت شفايفي:اااااااااااااااه ميعاد أختي وحبيبتي وأموت فيها..ونهى كل شي في دنيتي
ابتسم حتى بانت غمازاته:ووش جاب طاري نهى؟؟
مديت صبعي على مكان غمازاته:ياااااااااي يجننوا(وابتسمت).ابي ولدي يصير فيه كذا
مسك يدي:اصلا ولدنا بيطلع غير شكل
غمضت عيوني تأكيد لكلامه:طيب بقول لك وش جاب طاري نهى عشان لا تقول أتهرب..لان نهى وميعاد خواتي..ولهم نفس المعزه..عشان كذا ذكرتهم
غمزت لي وقال:هذا عاد جواب دبلوماسي..طيب يالله نقوم لا يقتلني أبوك
...............
((هذا الجزء من القصه جريئ نوعا ما..ويطرح قضيه..مدري اذا رح تتقبلوه أو لا..بس هدفي طرح القضيه ومعالجتها لا غير))
هـــــــــــــــــدى
دخلت غرفه سامر..أحسها تناسبني بهدوئها..وألوانها..وكل شي..جلست على السرير وفتحت لاب توبي..أنفتح واحد من ايميلاتي الكثيره تلقائي((عدد المتصلين 5))
بمجرد ما شافوا حالتي((متصل))
تتابعت المحادثات...ضحكت بهستريه وأنا أضرب السرير بيدي..اااااااااااااه شو هالكلام..قلت بصوت مسموع وبلهجه اللبنانيه(هيك الناس اللي بتفهم)وختمتها ببوسه لشاشه الكمبيوتر..أي واحد فيهم أكلم؟؟
عقره بقره................(ايوه هذا)
غنج ودلع وخفه دم..وين بتلقى أحلى؟؟
هاااااااااااااي مااااااي فرند
في هذه اللحظات جاتني اشاره على أنه يغير نكه الى(مشتاق الى &&& يا سحر)
مشتاق الى &&&يا سحر
مرحبا بهالطله سحوره>>سحر..كان أسمي المستعار..واللي كان أغلب مترددين مواقع(الخراب)يعرفوه
حطيت له وجه خجلان وقلت شو هالنك العجيب
أرسل لي بوسه وقال:وين الجديد سحوره..صار لنا زمان ما شفنا صور جديده؟؟
كان تأخيري في عرض الصور الجديده لي بالمنتدى..بس عشان أشوف رح يسألوا أو لا؟؟بس شفت الأقبال عليهم كثران..وخصوصا من الشباب
..أنتظروا علي شوي ورح تشوفوا صور وأفلام فيديو ما صارت
مشتاق الى&&& يا سحر
..بليز سحووووره..أبي صوره لي مخصوص(وجه يغمز)
حسيت أني مشتهيه جد أصور..بس المكان والزمان ما يناسب..ما حسيت بنفسي الا وأنا بالحمام(أكرمكم الله)شلحت ثيابي وطلعت الى الغرفه..فتحت عيوني على وسعها وأنا أشوف الباب مفتوح على الخفيف..شلون أنا نسيت أني أقفله..ركضت له وقفلته مرتين..فتحت الأنوار عشان تضبط الصوره..فتحت شنطتي البيج وأنا أبتسم لصوت المحادثات الكثيره..طلعت النقاب ولبسته..جلست على السرير وصرت أصور نفسي وأنا أفكر وش رح تكون ردة فعلهم على صور مثل كذا
قربت مني الاب توب بعد ما التقطت خمس صور الى مواضع مختلفه مني..وغيرت النك نيم حقي الى(شكولاته ساخنه)
أرسلت الصور الى كل الموجودين..اللي ردوا علي بأنبهارهم على الصور..زادت أبتسامي ومسرع ما اختفت وأنا اشوف الساعه تدق على 12 ..قفلت لاب توبي..وأنا أحس قلبي منقبض..هذا حالي في كل مره..أحس بالراحه من اللي أسويه..لكن مسرع ما ينقلب خوف وقلق وتوتر..وحاله نفسيه غريبه بعد ما اقفل الاب توب..لبست عباتي ونزلت لهم..جلست بصمت..وأنا أسمع أحاديثهم السخيفه بالنسبه لي..لين رحت البيت
...........

ريـــــــــــــــــــــــم
بعد ما نزلت من سيارة اللي ما يتسمى الخايس..مشيت كم خطوه لين وصلت الى باب البيت..شفت سياره أبوي موديل 76 على الباب..ضربت خدي بكفوفي..الحين وش أقول؟؟وش أسوي؟؟..قريت المعوذات ودعيت من قلبي..سميت بسم الله وفتحت باب البيت..عمي الصغير عندنا بالبيت..وهذا أنا أشوفه قدام عيوني..عمي الصايع الضايع..اللي كمل 35 بدون وظيفه!!
الظاهر محد أنتبه لي..بس صوتي صدح في أرجاء البيت بعد كلماته اللي كل شهر متعودين عليها..جاي يطلب من أبوي فلوس سلف..ههههههههههههه..ليش من وين رح يحصل فلوس عشان يرجع اللي تسلفهم:تعب أبوي حق عياله وبس..مو كل شوي أنت راز الوجه لنا تبي فلوس..كان فيك خير روح أشتغل
ما حسيت الا بتقدم عمي لي..ويعطيني ذاك الكف..كان يكلمني وهو يناظر أبوي بعيونه الحمراء البارزه:هههههههههههه..هذا الادب اللي علمته بنتك
ما حسيت بهالكف ممكن يوقف في طريق اللي نفسي أقوله:كذا ياقليل الذوق تكلم أخوك اللي يصرف عليك..كذا تكلم اللي ينقص من مصروف عياله عشان يعطيك
طلعت أمي من المطبخ وجرتني من يدي معها:خلاص ريم هدي
دخلتني المطبخ وعطتني كاس المويه:خلاص ريم..هدي وجلسي..عيب عليك ترفعي صوتك عند اللي أكبر منك
شربت شوي من المويه وحطيت الكاس على رفوف المطبخ القديم:يمه..عيب اذا كان عمي يعرف العيب..يعني هو اعمى..ما يشوف كيف حالت أبوي..ما يشوف كيف تعبان في وظيفته..وفوق هذا جاي يطلب..هو رجال يقدر يشتغل ويصرف على نفسه
حطت أمي يدها على خدها:هو جاي يقول يبغى يعرس..ما يبي مصروف
ضحكت بسخريه:هههههههههههه..عشان نبتلش فيه وفي مرته فوقه..يمه أنا مثل عمي انسان غبي ما شفت..كيف يعرس وهو ما يقدر يصرف على نفسه
تاهت عيون أمي في الفراغ وقالت:لا تنسي هذا أخوه..وأبوك ما يقدر يشوف أحد من أخوانه يطلبه ولا يساعده..لا تقولي هالكلام..تراه يضغط أبوك أكثر..ويحسسه أنه منقص في حقكم
عضيت شفايفي بقوه وقلت بداخلي(والله أن كلامك يا يمه صحيح..الحين أبوي بقول أنه مقصر علي..ياربي ليش أنا مسرعه كذا)
دخل أبوي وهو ماسك مناف من يده اليسار:لو سمحتي يا أم مناف سوي لنا شاهي
ناظر فيني أبوي وقرب باسني على جبيني وطلع..ترك مناف يد أبوي وقال لي:فتح؟؟
كان في يده حلاوة..ابتسمت وفتحتها له وقلت:من عطاك؟؟
هنا التفت أمي وقالت:ريم أنتي وين تأخرتي..وخليتي مناف يدخل لوحده؟؟
حسيت قلبي يطق بقوه..واللي جاء في لساني قلته:شفت بنت جيرانا بتدخل بيتهم..جلست معها في حوشهم نسولف شوي
سحب مناف الخصله اللي على عيوني>>الظاهر أنها قاهرته..صرخت فيه..وقمت لحقته..بس هو كان أسرع وراح لأبوي بالصاله
ضبطت أمي الصينه وقالت:الله يسعدك خذيها لأبوك
سحبت بكلتي الزرقاء ورفعت شعري كله على فوق ورجعت حطيتها:يمه..مابي أروح..(وحطيت يدي على رقبتي)..صحيح هو عمي بس ودي أقتله..أو أشوفه يتعذب قدام عيني
فتحت أمي عيونها على وسعها:ريم وش هالكلام عيب
أخذت عباتي من على الكرسي وقلت:يمه أنا بروح غرفتي..سامحيني مرح أقدر أخذها لهم
......................
((بعد أسبوع من الأحداث))
..يالله يا نهى تأخرتي!!
طلعت نهى من باب البيت وشكلها كانت تركض..ركبت السياره:ااااااااااااه السلام عليكم
لبست النظاره الشمسيه..وعدلت المرايه اللي قدامي..ضغطت على البنزين ومشينا:وعليكم السلام
نهى تلعب بالدبله بين يديها بتوتر:والله خايفه
لفيت على الشارع اللي ياخذنا الى بيتنا:ههههههههه..أمي وخواتي يخوفوا؟؟..لا بس لان اول مره..بس أنتي خلك طبيعيه(ضربت يدها)..ماله داعي هالتوتر
وقفنا على باب بيتهم الصغير:ناصر مابي خليه مره ثانيه..أحس قلبي يضرب بقوه
ناظرت في ساعتي السوداء:نهى بلا دلع..حرام أمي كل يوم تتغذى الساعه وحده والحين 3 (ومسكت يدها)وربي أمي ما فيه أطيب منها..ورح تشوفي
دخلنا البيت..وأم ناصر بالمطبخ تضبط الغذاء..رحنا لها
..بوووووووووه..يمه هذا أحنا جينا
حطت أم ناصر يدها على قلبها:الله يغربل ابليسك فجعتني..وأبتسمت الى نهى..وهي ماده يدينها..راحت لها نهى وضمتها:هلا والله بمرة الغالي
رفعت أم ناصر صوتها:يا بنات تعالوا ساعدوني نحط الغذاء
وقالت بهمس وهي تسحب يد ناصر:أقول يا ولدي..تعال بس نحط الغذاء..غيذاء ولدها مريض ومو راضي يسكت من صياحه..وسمر شكلها نايمه تعبانه من الحمل
رفعت أكمامي..ولا يهمك يا أمي..الا يشوف من يحط الغذاء كل يوم غيري..أشرت لي أم ناصر..روحي يا أمي الصاله أجلسي..لا تصير ريحتك طبخ
أبتسمت نهى بخجل :لا عادي..بساعدكم
قربت من أذنها وأنا ماسك ملعقه الغرف:روحي..شوفي غرفتي قبل نجي..ثاني غرفه على اليسار
رفعت كتوفها دلاله على النهي..أعطيت المعلقه أمي وسحبت نهى وأنا أقول:لحظه بس يا أمي وجاين
سمعنا صوتها وهي تضحك:نهى لا يهبل فيك ناصر أعرفه ترى..شيطان من يوم يومه
لقيت وحده من خواته في الصاله مع طفل..الظاهر أنها غيذاء..سلمت عليها..ردت بخجل وهي تنزل بلوزتها السماويه:معليه على هذا الاستقبال..بس هالولد مجنني
..لا عادي ولوو
دخلت غرفته المتواضعه..وكان بأمكانها النفي أن مثل هالغرفه عندنا بالسعوديه..مدري ليش تفكر كل الناس مثل بعض..أبتسمت أبتسامه كبيره وأخذت نفس وهي تجلس على الكرسي الخشب:غرفتك حميميه
الظاهر ما كان سامعها..لانه سرحان..رفعت صوتها:ناصر ناصر..حبيبي اش فيك؟؟..ناصر لا تشغل فكرك بحمد
كتفت يديني وأنا أوقف قدامها:واعدته اليوم أني أروح معه لأصحابه الجديدين
سحبت يدي وهي تقوم من على الكرسي:طيب..زين ما سويت..يالله نصور خل نروح الى أمك..تركنها لوحدها
...................

&&في بيت أبو فيصل&&
غلا تقلب المحطات بملل وهي تقول:أدعي ربك أن أمي توافق على طلعه بكره..نفسي أنبسط!!
رغد جالسه على الارض وفي يدها ((براون))تنظف رجلها:ااااي ااااااااي ااااااااي..شوفي الساعه كم وأخوك للحين ما شرف ولا خبروه..ما شكلنا بنطلع
عدلت غلا من جلستها بعد ما ضغطت الحبه الحمراء في الريموت:تخيل عاد يجي وأنتي كذا..عشان تاكلي تهزيئه ما صارت
مدت رغد لسانها وهي تتأوه:أصلا هو هالايام ما يتكلم لا في الزين ولا في الشين
نزلت أمهم من على الدرج وهي تناظر رغد بعدم استيعاب:رغد.وش تسوي هنا..قومي أنقلعي عن وجهي..لا بارك الله فيك بنت
طفت رغد الاله وهي تلمس ساقها:يااااااااااااي نعومه لا تقاوم!!
مسكت غلا ضحكتها لا تجيها تهزيئه من أمها وقالت:أمي بليز نبي نروح بكره مع بيت خالتي للمزرعه..(وسحبت بلوزتها بقهر)أنخنقنا من البيت
قالت أم فيصل بغضب:الله لا يبارك الله فيها هالجود..ما خلتنا نتهنا في شي..الولد وهذا هو..من يومها يطلع ويدخل ولا يكلم أحد
سمعوا صوت الباب الخارجي..وقفت رغد بسرعه على طولها..ونزلت بنطلونها..ودخلت الاله في الدرج بأهمال..وهي تنفض يدها براحه:سلااااااام..أنا رايحه أخذ شاور
ردت غلا على أمها:يمه..ليش تدعي على جود حرام..وبعدين هي تبي ولد عمها..واللي ما يبينا ما نبيه..بس تبقى بنت خالتي
دخل فيصل وقامت له غلا ومسكت يده:تكفى فصووووول
ناظر فيها بمعني وش تبي؟؟
قالت أم فيصل وهي تتأمل الرفض من ولدها:عازمتنا خالتك بكره نطلع معهم على الجمعه في مزرعه أبو محمد..تروح؟؟
فك يده من غلا..وقال وهو يركب على الدرج بخفه:أوكي ..الساعه كم بتروحوا؟؟
أبتسمت غلا بأنتصار:الساعه سبعه الصبح
..أوكي جلسوني(وكمل طريقه الى الغرفه)
ما صدقت غلا على الله أنه يسكر باب الغرفه حتى تصرخ بفرحه:ووووووووووووووويه بنطلع..بنطلع..يا ناااااااااااااااس بنطلع
حدت أمها من النظر فيها:غلا..رح تصحي أبوك من الصراخ!!
رمت بوسه على أمها وركبت الدرج:رح أروح أخبر رغدووووووووه
دخلت غرفه رغد وسمعت صوت المويه..راحت عند باب الحمام..وهي تلعب في المقبض(ووووووووووه أنفتح الباب)
صرخت رغد:هيييييييييييييييييييييييييييييييييييييي
قفلت غلا الباب وجلست على باب الحمام تضحك:هههههههههههه سو ههههههههههه سوووووووري والله مدري..بعدين أنتي ليش ما سكرتي الباب
ردت رغد بقهر:يا بقره يا غبيه..مدرررري نسيت..مالت عليك..وش تبي؟؟
غلا:ووووويلي..بمووووووت..رغدووووووه بكره بنطلع..رح نروح المزرعه هيييييييييييييييييييييه
صرخت رغد في الحمام:هيييييييييييييييييييييييييييييييييييييييييي يه
همست غلا:يا هبله لا تصرخي في الحمام بعدين مدري وش يصير فيك
حطت رغد يدها على فمها وقالت بصوت خافت:هبلتي فيني يا مجنونه..يالله أذلفي خلني أعرف أتحمم!!
...................