*-* دنيــــــــــــا العاشقين *-*

لساعه 10 الصباح صحى مازن من النوم طالع جواله سحبه ورسل لها هاالمسج

(( لو انك جمره تحرق كفوفي منك مامليت لضمك دوم في كفي واسوي نفسي ماحسيت))
هي كانت نايمه بس سمعت صوت المسج سحبت جوالها وبتعب فتحته لما شافت المرسل قامت وابتسمت وتذكرت كلامه امس....خليه الدب مابرسل له بعانده..رن الجوال في يدها وهو اللي اتصل.....
ريناد: الووو
مازن: صباح الخير
ريناد: صباح النور هلا احمد
مازن: هلا جوهرتي شلونك؟
ريناد: امممم بخير
مازن: اكيد؟
ريناد: انت ايش شايف يعني
مازن: خذي بعد حزمتك واضربيني مو احسن
ريناد: هههههههههه اسفه اسفه
مازن: لاتعيدينها....كنت صاحيه ولانايمه؟
ريناد: نايمه لكن اوكي..ماقلت لي اخبارك؟
مازن: بخير دامك بخير...وحشتيني
ريناد: وانت بعد
مازن: جد؟؟
ريناد: أي
مازن: اه لو تدرين يالجوهره احس اني بحلم مو مستوعب اللي يصير مو مصدق اني اكلمك
ريناد: لاصدق
مازن: ممكن اطير من الفرح؟؟
ريناد: هههه لاخليك وياي
مازن: ههههههههههههه
ريناد: الا تعال صحيح
مازن: هلا
ريناد: ليه ماتدخل النت الحين؟
مازن: الحين دامي سمعت صوتك ماله داعي النت
ريناد: اممممممم كذا يعني؟
مازن: ليه ماتبيني اسمع صوتك يعني؟
ريناد: مو كذا احمد...
مازن: براحتك يالجوهره اذا شايفه هاالشئ مناسب لك
ريناد: احمد
مازن: هلا
ريناد: لاتفهمني غلط
مازن: اووكي جوجو باقولك شئ
ريناد: تفضل
مازن: الجوهره انا خلاص تعودت عليك اول باالنت والحين تلفون بصراحه مااقدر افارقك..
ريناد:ـــــــــــ
مازن:مادري انا حاليا شنو بالنسبه لك بس قلبي ياالجوهره بين يديك ابيك تحافظين عليه
ريناد بصوت اقرب للهمس: في الحفظ والصون...
مازن: جد؟
ريناد: تطمن
مازن: الحمدلله الحين تطمنت
ريناد: بس خايفه
مازن: ليش؟
ريناد: احمد اللي نسويه غلط....انا عارفه هالشئ بس مستمره فيه علشانك...ماابي تخذلني و
قاطعها: غلاتي جوجو والله اني....(سكت شوي ) احبك تسمعين احبك؟ ماراح اتخلى عنك كيف اقدر وانتي روحي...تطمني...

................

بعد مافطر صعد غرفته على اساس بيطلع مع بشار..وهو يحط الجل في شعره تذكر هبه وحركاتها يوم العرس..
ياربي ايش قصدها جد كانت غريبه مررره اول شئ الحت علي انزل بعدين اسلوبها معاي واحنا جالسين ايش تفسيره؟؟؟؟؟؟ هي دائما كذا ولا معاي بس؟؟؟ ادق عليها؟؟ لا شنو جنيت..بس الفضول ذابحني
لا لا ماراح اكلم راح تفهمني غلط خلي فضولي لي وربي مالي داعي ادق عليها.....
اخذ مفاتيح سيارته وجواله والبوك ونزل تحت...

.................

جلست بملل على سريرها شافت قطوتها(كاتو) جايه لها..شالتها وحطتها على رجلها وجلست تمسح عليها وعلى راسها .....وهي تتذكر كلام مازن...انا غلط والل ياسويه غلط ...
اااه ايش اللي احسه .احس بشئ يخنقني طاحت من عينها دمعه استغربت هي منها....احمد احبه؟ ايه وبعدين ايش نهايه هالحب ...نهايه معروفه نفترق لان اساس علاقتنا غلط...شنو انساه يعني بس كيف وهو بدمي مااقدر انساه
ااه ياربي ساعدني مالي غيرك دفنت راسها بمخدتها وبكت من خوفها من المستقبل البعيد...كانت الخادمه بتناديها للغداء بس لما شافتها تبكي رجعت تحت..
الخادمه: بابا
ابوماهر: وين ريناد؟
الخادمه: هزا ريناد يبكي
ابوها: ريناد تبكي؟؟؟
طلعت حور من المطبخ وجنبها ماهر شايل صحن السلطه وهم يضحكون ...طالعهم ابوماهر بسرعه وصعد...
ماهر: يبه وين رايح؟
ابوماهر: اختك مادري شفيها انتظروني
صعد لغرفتها وشافها لسه على وضعيتها...
ابوماهر: ريناد
رفعت راسها ومسحت دموعها....
ابوماهر بجديه: شفيك؟
ريناد: مافيني شئ يبه
ابوماهر بعصبيه: اجل وشوله الدلع والبكي ؟
طالعت ابوها باستغراب من ماتت امها وهو يحاول مايجرحها ولايرفع صوته عليها حتى مايزعلها..
ريناد وهي تقوم له: يبه...شفيك؟
ابوماهر: ولاشئ
وطلع من الغرفه..وهي طلعت وراه كانوا ياكلون بصمت ماهر يطالع حور وهو مستغرب منهم....
حور: الا وين بشار مو في غرفته ريناد؟
ريناد من غير نفس: لا
حور:وين راح
ريناد: لاتسأليني مادري
ماهر: شفيك انتي الحين تتكلمين من غير نفس
ريناد بنفاذ صبر: ولاشئ
ماهر: كيف ولاشئ ليش هاالعصبيه
رمت الملعقه وقامت...
ريناد: اووف قلت لكم مافيني شئ

ماهر عصبي ولايتحمل حد يكلمه بهاالطريقه ويرفع صوته عليه لاشعريا قام ورفع يده وجاها كف على خدها
وهي مو مستوعبه اللي يصير اليوم لها ..
ماهر: حتى تحترمين نفسك وتتكلمين بأدب
ريناد وهي تبكي: حرام عليك انا شسويت
ماهر: ثاني مره ان سمعت حسك مرتفع تشوفين شئ ماشفتيه فاهمه
قامت حور وبعدته عن ريناد....لكن ريناد ماقدرت توقف لحظه وحده اخذت روحها وصعدت.....
ابوماهر: خلصت ياماهر؟ ارتحت الحين
حس باالاحراج من ابوه ونزل راسه....
ابوماهر: وجودي مو مهم يعني؟ تعال بعد اجلس مكاني وتصير انت الامر الناهي في هالبيت
ماهر: العفو يبه
ابوماهر: ليه سويت كذا فيها مو كفايه هي متضايقه وانا رفعت صوتي عليها تجي انت وتضربها انا حتى مااكسر كلمتك قدامها ماقلت شئ بس الحين مابسكت لك
ماهر: يبه ماشفت اسلوبها كيف انا بأدبها
ابوماهر بعصبيه: بس اسكت ولاكلمه...شايفها مو مؤدبه يعني حتى تأدبها
ماهر بنفس العصبيه : ماتشوف دلعك لها كيف مأثر عليها صارت ماتحترمني وانا اخوها الكبير
ابوماهر: ترفع صوتك علي ياماهر؟
حط يده على قلبه وغمض عينه....
حور: عمي عميييي فيك شئ
ابوماهر بألم: ايش اللي مافيني مو حرام عليكم هذي اختك يتيمه بدال ماتراعيها تقوم تطقها
ماهر: مو بس هي يتيمه كلنا..و
ابوماهر: بس اسكت...تراددني بكل قواة عين صدق اني ماعرفت اربيك

دخل في هالوقت بشار وهو يسمع حسهم لبره

.. الثلاثه لفوا عليه شار بحيره: شصاير؟؟
ابوماهر: شوف ياماهر كلمه وحده ماراح اثنيها والله ثم والله لو اشوفك رافع يدك عليها بتندم فاهم
ماهر: ممكن لو سمحت ماتهددني
بشار: ماهر..خلاااص كيف تكلم الوالد كذا
ماهر: اوووه روحوا زين
طلع بره البيت لحقته حور بس ماقدرت تمسكه.....
جلس ابوماهر بتعب عاالكرسي ويده على قلبه الضعيف اللي مايتحمل أي انفعال ...قرب منه بشار والخوف ساكن عينه...
بشار: يبه...فيك شئ
ابوماهر: هاتوا لي ماي
عطته حور ماي وفتح له بشار ازرار ثوبه...
بشار: يبه علشاني لاتعصب نفسك مره ثانيه ماهر تعرفه يخور اذا عصب
ابوماهر: بس يرفع صوته علي؟ ماتوقعتها اول مره يسويها
حور: ماعليه عمي انت هدي بالك وماهر خليه علي ..كمل اكلك
قام من مكانه بألم واضح على ملامحه: انسدت نفسي
قبل مايدخل غرفته مر على ريناد لقاها على سريرها وتصيح بقوه..
ابوماهر: ريناد حبيبتي يابنتي خلاص لاتبكين
ريناد: اتركوني ايش تبون ضرب وضربتوني ايش اكثر بعد
راح وجلس جنبها عالسرير...
ابوماهر: ريناد اخوك مايقصد انتي عصبتيه
ريناد: ماعصبته اصلا لقاها فرصه وطقني
ابوماهر: سويتيها طق ماعليييه بس خلاص لاتبكين
ريناد: خليني يبه
حط يدها على راسها وهو مبتسم....قامت وحضنته بقوه..
ريناد: يبه...احبك واسفه اذا زعلتك
ابوماهر: انتي ماسويتي شئ
بعدت عنه وبعينها نظره تساؤل.....
ابوماهر: غلطتي على اخوك صح؟
نزلت راسها
ريناد: لا
ابوماهر: لاهذي مو ريناد بيتي اللي ربيتها بتزعلين ابوك عليك
ريناد: لاطبعا....بس
ابوماهر: عالعموم هو ترك البيت وطلع
ريناد: وين راح
ابوماهر: مادري الله يهديه صاير ثور هالولد
دخل بشار في هاللحظه ودق عالباب....
بشار: ممكن اقتحم غرفت الانسه ريناد وادخل
ريناد: ههههه حياك
ابوماهر: انا باروح ارتاح بغرفتي
بشار: الله معاك يبه
راح بشار جلس مكان ابوه ....
بشار: رينادووه شصاير
ريناد: مادري لاتسألني
بشار: قووولي..علمي اخوك الدب ايش سوى
علمت اخوها بكل شئ ....

.............

وهي تتغدى كانت تطالع محمد رفع راسه وابتسم لها ردت له الابتسامه وقالت....
ام محمد: اقول محمد ....بعد الغداء ابيك في موضوع
محمد: موضوع؟ اوكي يمه
شوق وهي تاكل السلطه: سر يعني؟
محمد: لاتصيرين ملقوفه أي سر بيني وبين امي
شوق: شنوووو صارت فيه اسرار بهاالبيت شفت يبه من ورانا....
ابومحمد: واحنا مايصير نعرفه يعني؟
ام محمد: بتعرفونه قريب لانه يخص محمد لازم اعرف رايه...
سكتت شوق وبلعت غصتها....تمنت مايكون موضوع هبه
.....من كل قلبها تمنت انه مو هاالموضوع ولـــــــكن,,,

في غرفه محمد....
محمد: يمه هبه ماابيها
ام محمد: ليش يامحمد مافيها شئ ينعاب
محمد: مثل اختي وبعدين ماتناسبني
ام محمد: اسمع كلامي يامحمد هبه خوش بنت لو ماكانت كفو مافكرت اخطبها لك..
محمد بتردد: يمه حبيبتي هبه ماابيها اوكي
ام محمد: رفضك لها باصرار يخليني اشك
محمد وهو يعطيها ظهره: وبتوتر: يعني...يعني ايش بيكون السبب
قربت منه وحطت يدها على ظهره...
ام محمد: في وحده في بالك محمد؟
محمد: ها لاطبعا
ام محمد: محمد ياولدي صدقني هبه تمام اخلاق وجمال وادب وعلم وبعدين انت اولى فيها من الغريب
كانت واقفه عند الباب تسمعهم....ظنونها صدقت ...سرعت غرفتها قبل ماتطلع امها تشوفها وسكرت الباب وتسندت عليه والحل؟؟ محمد نقطه ضعفه امي واكيد اذا ضغطت عليه بيوافق بس لاااا انا مستحيل اسكت...اخليها تاخذ اخوي وتصير زوجته مستحييل ...وامي تحبها اااه يالقهر صرت اغار ...
طلعت وهي مصممه تنفذ اللي براسها شافت امها تطلع من غرفه محمد وطيف ابتسامه على محياها.
ام محمد بعد ماحست لشوق: شووق رتبتي اغراضك لبكره؟ مو ناقصك شئ للمدرسه

شوق: الا بارووح المكتبه مع ريناد الحين بادق عليها ....اممم يمه باقولك شئ
ام محمد وهي تدخل غرفه شوق: قولي
شوق: بس لاتعصبي اوكي؟
ام محمد: طيب
شوق: يمه....هبه ماتنفع لمحمد
قامت امها من الكرسي بعصبيه بعد ماجلست عليه وانفجرت بوجه شوق..
ام محمد: كنتي تسمعين كلامنا؟ صدق ماتستحين
شوق: يمه ماسمعت كنت جايه لغرفتي وبالصدفه سمعت كلام محمد ..كان يصارخ
ام محمد: وبعدين تعالي..اتوقع اخوك هو اللي بيتزوج مو انتي
شوق: اكيد..بس مرت اخوي مالي حق اختارها؟؟وهبه ماتنفع لمحمد لانه يستاهل وحده احسن منها....
ام محمد: لانك ماتحبينها لهذا ماتبينها..لكن لو تتقربين منها اكيد بتحبينها
شوق: وواااع من سابع المستحيلات احب هبه
ام محمد: بكيفك انا بنزل لابوك

سكرت الباب وراء امها وهي معصبه...اوووف مافي فايده مصممه امممم

كيف احلها الحين اقول لريناد ونشوف ...
دقت عليها واتفقوا يروحون مكتبه جرير.....وهم باالسياره.....
ريناد معصبه على سايقهم لانه يسرع
حكمت: ماما ريناد انا مافي اسرع
ريناد: لاتسرع خفف السرعه شوي اووف أي كملي شوشو ايش صار بعدين؟
شوق: كلمت امي وعصبت علي مافي فايده مقتنعه
ريناد: شوق حبيبتي اسمعيني صحيح ان انتي علاقتك في هبه مو ذاك الزود لكن خلي محمد يقرر لوحده في النهايه هو اللي بيعيش معاها مو انتي...ودامه رافض لاتتعبين عمرك تطمني مابياخذها...
وان واقف ماتقدرين توقفين بطريقه
شوق: انتي شايفه كذا؟
ريناد: اكيد
وبعد سوالف ماتنتهي بين هالثنتين وصلوا...
ريناد: حكمت مو تروح ويت اوكي؟
حكمت: مافي تأخر اوكي؟
شوق: مالت يتأمر مع وجهه انزلي بس
ريناد: يلا


كانت تمشي جنب اخوها راحت لعند الشنط
مازن: هبه الزرقا احلى خذيها
هبه: مازن تعرفني مااحب الازرق شرايك في الحمرا
مازن: عندك فالنتين انتي
هبه: ههههههه بيطردوني من المدرسه ان شاء الله
مازن: لا عاد

وهم لافين لجهه الشنط لمحتهم من بعيد..
شوق: اووه وانا اقول شفيها المكتبه منووره
ريناد وهي ترسل مسج الى احمد اللي هو مازن: خير ايش شايفه
شوق: طالعي بنفسك
رسلت المسج وقامت تمسحها من الرسايل المرسله وبعدين رفعت راسها

.....شافت هبه تضحك مع مازن وهو ماسك جواله بيده يطالعه دق قلبها بطريقه خافت منها...لكن ابعدت افكار خياليه من بالها...
شوق: تعالي
ريناد: روحي لوحدك
شوق: بلادلع تعالي نسلم عليهم
ريناد: والاخ مازن موجود؟ استحااااله انا باروح فوق اطالع الكتب
شوق: طيب باسلم عليهم واجي وراك
صعدت ريناد فوق وشوق تقدمت تسلم عليهم مو حبا في هبه بالعكس....
شوق: مين هبه ومازن ؟؟معقووله؟؟
لفت هبه ورسمت ابتسامه على وجهها استغربت شوق شصاير في الدنيا هبه تبتسم؟؟؟؟ الله يستر
هبه : الله ايش هالمفاجأه هلا شوق اخبارك؟
شوق: تمام ....اخبارك يالقاطع؟
مازن: هلا بأم كشه شلونك جايه لوحدك؟
شوق: لا ريناد معاي
مازن وهو يتذكرها لما كانوا باالامارات: اها وينها؟
شوق: فوق يلا انا استأذن الحين سلموا على خالتي
مازن: الله يسلمك يوصل

كانت تطالعهم من فوق وشافتهم يفترقون عن بعض....لاحظت بنت ابتسمت لمازن يوم شافته وتكلمت مع صاحبتها وهو طالعهم باحتقار ومشى مع هبه.....
شوق وهي تصادف ريناد بنص الدرج: ليه نزلتي كنت جايه لك
ريناد: مافي داعي..شوفي شوق البنات اللي يطالعون مازن
لفت شوق ولقت البنتين يراقبون مازن وهم حاط لهم طناش...
شوق: تعالي ننزل
وسحبت يد ريناد لكن صار شئ خلى شوق توقف وبالتالي وقفت ريناد...
تقربت البنت الاولى من مازن وسوت نفسها باالغلط ماشيه على عبايتها الطويله وتطيح على مازن اللي لاشعوريا مسكها ....
دق قلب ريناد لهاالحركه بعنف.....تذكرت لما شالها لما كانت بتطيح...لما كانوا باالسوق
وحتى تكمل التمثيليه بين البنتين جات الثانيه...
البنت الثانيه: سلامات حبيبتي شصار لك؟
البنت الاولى: لا ولاشئ كنت باطيح لكن هاالشخص تصرف
وطالعت مازن مبتسمه.. وهو كان عارف حركاتهم ماتطوف عليه حركات البنات لف على اخته ولقاها تضحك عليهم..
مازن وهو يطالع البنتين باحتقار: اختي مو قلت لك تجيبين مبيد للحشرات الزاحفه
هبه: هههههههه اخوي نسيته هالمره
مازن: ماتستحين انتي وياها مو عيب عليكم
البنت الاولى: شسوينا عاد
مازن: تفتكرون ان هذي حركات..بنات محترمات؟ الله يهديكم
كانت ريناد تراقب عن بعد وهي مبتسمه لمازن لانه وقفهم عند حدهم...استحوا هالبنات وراحوا بعيد عنه رفع عينه للدرج شاف شوق تضحك من قلب طالع ريناد وابتسم لها وبحركه الشفايف قال لها(( شرايك فيني....؟))
ردت عليه بنفس الحركه(( تعجبني مزوون..)) ضحك لها...ومسك يد هبه وحاسبوا وطلعوا....
وريناد سرحانه مكانها من ضحك مازن لها...احمد كيف بيكون شكله ...ياترى عيونه حلوه مثل عين مازن؟؟ ضحكته تجنن مثل ضحكة مازن؟؟ اوووه انا شفيني اقارن الثرى باالثريا....
ريناد: شوشو خلينا نخلص ونطلع يلا
شوق: اووه خلينا ماخلصت باقي واجد
ريناد: يالدبه اخلصي
شوق: أي بتروح البيت وتكلم فارس الاحلام احمدوووه
ريناد وهي تسحب شوق: بلا لقافه وخفه دم يلاااا خلصيني

..................

صحت طالعت الساعه اووف نمت كثير...لفت للجهه الثانيه وهي متوقعه تشوف ناصر....دق قلبها طبول لما ماشافته ويييييييينه؟ قامت بسرعه من السرير وراحت لعند الحمام مافي أي صوت ...لاااااا مستحيل وينه نااصر يتركني ويطلع..؟؟.تجمعت الدموع بعينها غصبا عنها.....وقامت تروح وتجي باالغرفه وهي مو عارفه كيف تتصرف جلست عالكرسي وهي تدخل يدها بين خصلات شعرها بتوتر....انفتح الباب رفعت عيونها وابتسمت لما شافته وراحت لــه,,,

ناصر: شفيك حبيبتي
خلود: خفت عليك
ناصر وهو يمسح دموعها: لاحبيبتي تطمني اسف ماقلت لك بس امس سهرانه قلت بتتاخرين في النوم
خلود: ولووو المفروض تقول لي
ناصر وهو يحط يده على كتفها: حقك علي حبيبتي جوعانه؟؟
خلود: شوي
ناصر: يلا البسي وخلينا ننزل ناكل
خلود: ابي اكل هنا
ناصر: ليش عاد
خلود: ماابي انزل
ناصر: الحين نحن جايين حتى تاكلين بالغرفه نطلع نشوف الناس
طالعته بنص عين لان كلامه ماعجبها....
خلود: شهر عسل وجاي تشوف الناس ولاتشوفني؟
ناصر: انا ماقلت كذا بس بالغرفه عاد؟
خلود: اوكي از يو لايك
سحب يدها وباسها....
ناصر: اموت فيك وانتي زعلانه
ابتسمت وحطت راسها على كتفه...
خلود: ناصر
ناصر: روح ناصر انتي
خلود: احبك موت
ناصر: بس انا اكثر
خلود: لا انا اكثر
حضنها بحنان وبعدها نزلوا ..
...............

تلبست عاالسريع واخذت شنطتها طالعت الساعه ويييييلي بتأخر من اول يوم ..تذكرت خطتها...
لازم اكلم ريناد واحرجها ..لازم مازن لي انا وبس وضروري ابعدها عنه....
حطت هالفكره في راسها وراحت للمدرسه....

دخلت وبعد 10 دقايق دخلت ريناد ومعاها شوق وكانوا جايين بعبايات كتف وهالشئ طبعا ممنوع في المدارس السعوديه....
طلعت لهم فجأه المشرفه اللي تكرهها شوق....
المشرفه: انا كم مره نبهتكم
شوق باستهبال: على شنو ابله
المشرفه: اتوقع انظمه المدرسه معروفه العبايه الكتف ممنوعه
شوق: طيب بس اول يوم الكل يجي باالكتف
ريناد: بالغلط نسيينا والله
المشرفه: مشكله هالغلط اللي يطلع لنا كل مره اكلمكم فيها
بعد ماراحت رفع شوق وسوت لها حركه مالت عليك
شوق: بقررره وحماره
ريناد: ههههههههههههههه حرام عليك ترى طيبه
شوق: بلا طيبه بلا هم مااواطنها
جات بهالوقت ساره اخت ناصر لهم....وحضنت الثنتين...
ساره: وحشتوني والله
ريناد: يالدبه وانتي اكثر ليه ماتجين لي وتزوريني هاا؟
ساره: والله انشغلت رنووش حقك علي
شوق: يلا خلونا ندخل متنا حر
ساره: يلا

طلع مستعجل حتى شعره مامشطه....نزل مرايه لسياره ومشطه عالسريع اووووف متأخر ماكأنه اول يوم دراسه ولازم اروح مبكر...عسى مايعطيني الدكتور محاظره مالي خلق..شغل الراديو حتى يتسلى سمع صوت موجات وذبذبات الجوال تعلن قرب وصول مسج او اتصال.....من الفاضي اللي تذكرني من الصباح...
وصله مسج فتحه واستغرب....من هبــه؟؟ يؤؤؤؤؤ ايش الطاري عليها وتذكرتني..

(( عمر الصمت ماقد صار معنى للنسيان...ماتشوف الارش هامده وبجوفها بركان ))
بركان؟؟؟؟ الحمدلله والشكر ..عسى بس ماينفجر ونروح فيها
ياربي هالبنت ايش اسوي لها تحاول تتقرب مني...انا ملاحظ هالشي المشكله انها 4 شهور واحتمال تصير خطيبتي..معقووله؟؟؟
هبه خطيبتي وتصير زوجتي وام عيالي في المستقبل؟ اوافق عليها واخطبها؟ وقلبي مع سماح...
اااه اكيد ملتهيه مع زوجها الحيين ولافاكرتني ...
لين متى ببقى كذا؟ والله ملييييييت عايش على امل ماله وجود.....مادري الله يعيني..وانسى

.............

رن جرس البريك(الفسحه) جلست جنب شوق بالساحه الكبيره اللي يتجمع فيها عدد كبير من البنات..
شوق: ياربيييي الجو حااار بامووت
ريناد وهي تلمح هبه وجنبها ورود: شوق طالعي هبه قصت شعرها طالعه حلوه
شوق: أي والله مناسبه لها ...
انتبهوا لورود تكلم هبه وتجي صوبهم وهبه كملت طريقها لوحدها....
شوق: كأنها جايه لنا الله يستر
ريناد: أي والله مادري ايش عندها...
قربت لهم وعلى شفايفها ابتسامه غريبه ماعرفت ريناد كيف تفسرها.....
ورود: ريناد ممكن اكلمك شوي
ريناد: انا؟؟ أي اوكي
بعدت عن شوق وهي مو عارفه ايش السالفه...
ريناد: خير تكلمي
ورود: ريناد شوفي كلمتين ماراح اكثر....انتي جلستي مع مازن لوحدكم باالامارات
كشرت.....جنيه ذي كيف عرفت...وليه تسأل؟ مالها خص
ريناد: بصفتك من حتى تسألين؟
ورود: جاوبيني صح او لا؟
ريناد: الا أي
ورود: الحمدلله مانكرتي باختصار ياريناد مازن ابعدي عنه اوكي؟؟ عارفه ليش لانه حبيبي
ريناد: شنوووو حبيبك؟؟؟ بس مااظن انه يحبك
ورود: هالشي بيني وبينه وان مابعدتي عنه ترى صورك عندي حركه ثانيه وتلاقيها منتشره
حطت يدها على فمها وهي مصدوووومه..بتنشر صوري؟؟؟؟ لييييش انا ايش سويت لها..ومن وين ماخذتهم..من هبه...رحت فيها
ريناد: من وين جبتيهم؟
ورود: بسهوله من عند هبه بدون ماتدري اخذتهم......انا قلت لك وذنبك على جنبك
تركت ورود وراحت لعند شوق وهي تبكي بهستيريه..
ريناد: شوووق بتفضحني وتنشر صوري
شوق: ايييش؟؟ أي صور؟؟؟
ريناد: مادري ...مادري تقولي ابتعدي عن مازن والا نشرت صورك شوووووق هي تدري اني جلست معاه باالامارات لما كنا بالمطعم
شوق: انتي الغلطانه من تصرفاتك وجنونك ليه تجلسين وياه؟؟؟؟وهي كيف عرفت
طالعت شوق وهي مستغربه اكثر..بدل ماتوقف معاي تزيدني....
ابتعدت عنها بخطوات واسعه وجات تصعد الدرج وهي تركض..لكــــن.....تعثرت وطاحـــــت....على راسها عند حد النافذه اللي وراها.....وبقوه جسمها طاحت عاالارض....
هالشي خلى بنات كثير يجتمعون عليها....
هبه لمحت اللي صار وجن جنونها صحيح ماتحب ريناد بس مو لهاالدرجه قلبها قاسي....كانت بتقوم تشوفها لكن ورود منعتها.....
ورود: ههههههههههه خليها تتدلع
هبه: شنو تتدلع ماتشوفينها طاحت ياربي الدم كثير اللي ينزل من راسها
ورود: تستاهل هذا اللي كنت ابيه والحمدلله صار
هبه: ليش مسويه شئ من وراي؟
ورود: أي رحت هددتها بصورها
هبه : أي صور انتي بعد
ورود: مو مهم وحذرتها من انها تتقرب من مازن مره ثانيه
هبه: حقيره ياورود توني عرفت حرام عليك
ورود: هذا وانتي ماتحبينها بعد
هبه: بس مااكرهها عيب اللي سويتيه....من وين جبتي صورها؟؟
ورود: من عندك
هبه ويدها على راسها: ياربيييي استر هاتي كل الصور اللي عندك
ورود وهي تقوم: مافيه ياحلوه
وراحت لعند الدرج مرت على ريناد اللي طايحه وفاقده الوعي وابتسمت بسخريه وكملت طريقها......

...........................

وصلوا المستشفى....بعد مادقت على بشار وجاء المدرسه على طول...طالعته بنظره حزن...وهو واقف جنب سرير ريناد وبعد لانهم دخلوها الغرفه..يفحصونها..
جلس بيأس عاالكرسي...راحت جلست جنبه وهي مو عارفه كيف تتصرف اول مره تشوفه بهاالحاله ...لف عليها والدمعه بعينه...
شوق: ادعي لها يابشار
بشار: شوف خايف نفقدها ماتشوفين الدم اللي نزفته....
شوق: بشار علشاني خليك قوي
للاسف هالكلمات ماكانت تقويه بالعكس هزته اكثر ونزلت الدمعه من عينه..ماتحملت اكثر وراحت عند الغرفه وتسندت عالجدار ..وبكت...

دخل ماهر ومعاه ابوه بعد مادق عليهم بشار وقال لهم...صاروا في الممر وقف ابو ماهر لما شاف الاثنين يبكون حط يده على قلبه بعد مااحس بألم فيه.....وغمض عينه...
ماهر: يبه شفيك
جات الكلمه متأخره وطاح ابوه عاالارض طلعت من ماهر صرخه هزت المستشفى كله بشار لما شاف المشهد هذا...حس باالفعل ان الموت يقرب منهم....اخته او ابوه واحد من الاثنين بيروح فيها..

مستحيل لاااااا

...................

دخلت الفصل بعصبيه وكانت ورود جالسه تتصفح كتبها..جات عندها هبه وضربت الطاوله بعصبيه...
هبه ببرود: خير هبه؟
هبه: أي خير بعد اللي سويتيه
ورود: ماسويت شئ
هبه: لاتضحكيني غافلتيني واخذت صور من البوماتي لريناد لا وتهددينها بعد الحين لو صار فيها شئ وعرفوا اهلها باالموضوع راح يحطون اللوم علي انا...(سكتت شوي وبعدها ناظرت ورود باحتقار) لاني سمحت لحشره مثلك تدخل بيتنا....
ورود: احترمي نفسك
هبه: للاسف مااقدر احترم انسانه فاقده هالشي
ورود: ليه تدافعين عنها مو انتي تكرهينها...
هبه: مااكرهها لانها ماقد مره ضرتني بشئ واللي سويتيه بصراحه ماتسويه الا وحده عذرا للكلمه ولكن....حقيره
ورود: ممكن تحتفظين بكلامك لنفسك
هبه: تدرين لو اللي صار يوصل لمازن ايش بيسوي فيك
ورود بعد ماحست شوي : لاهبه اجوك لاتقولين له
هبه: دامك خايفه ليه سويتي هالشئ الحين البنت الله الوحيد العالم بحالتها
ورود: لاتخافين مافيها شئ
هبه بعصبيه: ماتحسين انتي طاحت ونزفت وتقولين مافيها شئ
ورود: ماحد ضربها على يدها والله
هبه: تدرين...من اليوم ورايح مالي كلام معاك
ورود: هبه لاتكبرين الموضوع
طلعت هبه من الفصل وهي معصبه بجد...اما ورود ابتسمت بخبث ورجعت جلست عالكرسي...فرحانه بانجازها....

................

كان واقف بحيره يطالع اخوه اللي اول مره يشوفه ضعيف كذا..اكيد دام ريناد وابوي اقرب له من أي حد اااه
طلعت من قلبه..مسكين يابوي من كثر الصدمه طحت وانت بدون شئ قلبك ضعيف....
نزلت دمعه حاره على خده مسحها بسرعه ولف على حور يطالعها بألم...
ماهر: حور خايف على ريناد وابوي...
حور: بأذن الله مافيهم شئ..بس ياماهر خليك قوي وتماسك علشان بشار مسكين شوف حالته ماتسر لاعدو ولاصديق من اول مادخلوت عمي العنايه المركزه وهو مانطق واقف يبكي ...
قام ماهر لبشار وحضنه وبكى بشار اكثر
ماهر: بشار خليك رجاااال لاتنزل دموعك
بشار: ابوي واختي ياماهر..اااه ايش هالمصايب
ماهر: استغفر ربك يابشار وادعي لهم
جاء بهاالوقت ابومحمد ومعاه ام محمد....
قرب من ماهر بخوع ومسك ذراعه..
ابومحمد: سامحني ياماهر توني بس دريت وجيت ركض
ماهر: مسموح عمي حصل خير
ابومحمد: ايش صار على اختك وابوك
ماهر: ايش اقولك ياعمي خليها على الله ريناد الطيحه طلعت .. قويه عليها وللحين مافاقت وابوي...
سكت وهو يستجمع قوته....
ماهر: مادري تحت رحمة الله دخلوه العنايه المركزه...
جلس ابومحمد عالكرسي لان رجله مو شايلته.....وقام يدعي لاخوه وبنت اخوه باالشفاء العاجل...

رجعت البيت ووجها مو على بعضه واضح انها متضايقه....جلست جنب امها..
ام مازن: خير ياهبه شفيك؟
هبه: ماوصلك خبر اللي صار
ام مازن: الا خالتك ام محمد قالت لي على ريناد بس...
هبه: بس شنو؟؟
ام مازن: ابوماهر من خوفه على بنته طاح ودخلوه العنايه....
سكتت وهي تحاول تمسك نفسها قبل ماتقوم وتكسر شئ تطلع فيه حرتها من ورود.....صحيح ابوماهر مايقرب لي بس اعزه واعتبره من ابوي لانه يحبني ويحب مازن من يوم كنا صغار....
اااه انتي السبب ياورود في كل اللي صار....الله لايسامحك
هبه: بتروحين المستشفى؟
ام مازن: مااظن للحين ريناد مافاقت
هبه: لاتقولين جد؟؟؟
ام مازن: الله يشفيها
اخذت شنطتها وصعدت غرفتها...رمت ثقلها عالسرير....ياترى محمد عرف بالموضوع...ادق عليه واتأكد رغم اني اتوقع انه مايدري لسه بالجامعه....لازم اقوله..
على اخر رنه رفعه...
هبه: الو محمد
محمد: هلا هبه اسف بس الجوال كان بالسياره ولحقت عليه في اخر رنه
هبه: مو مهم...انت عرفت؟
محمد: خير شصاير؟
هبه: عمي ابوماهر وريناد.....
محمد: شفيهم..؟
هبه: باالمستشفى يامحمد....
محمد: شنوووووو انتي ايش تقولين؟
هبه: اللي سمعته
محمد: باي
سكر قبل مايسمع ردها....رمت الجوال على الطاوله معاه حق يتضايق هذا عمه....اقوم اسبح احسن لي

..............

التفت الى زوجته لقاها حاطه يدها على بطنها ومكشره....راح وجلس جنبها
ماهر: حور اذا تعبانه روحي البيت
حور وهي تحاول ترسم ابتسامه على ملامحها: لاحبيبي مافيني شئ
ماهر: تحسين بألم؟
حور: شوي
ماهر: خلاص قومي ارجعك البيت
حور: كيف اروح ياماهر خلاص تطمن مافيني شئ ماقال الدكتور شئ على عمي؟
ماهر وهو يتنهد: رحت له و....على حالته
حور: يارب انك تشفيه

سمعوا خطوات حد يقرب منهم..لفوا له كان جاي يركض...وقف مقابل ابوه وهو يلهث وبعينه الف سؤال وسؤال...
محمد: طمنوني
ابومحمد: استريح ياولدي
محمد: يبه تكفى قولي
ابومحمد: مافيهم الا كل خير ان شاء الله ...بنت عمك طاحت باالمدرسه وتعورت وعمك تعرف قلبه ضعيف طاح ..
محمد: صار له شئ؟ وينه؟
ابومحمد: باالعنايه المركزه
قال هالكلمه بصوت منخفض..محمد من الصدمه جلس جنب ابوه وهو يطالعه وكأنه مو مصدق....
لما استوعب كلام ابوه نزل راسه وحطه بين يدينه....
جات لعنده شوق وهي تمسح دموعها وحطت يدها على كتفه...رفع راسه وشاف ابتسامه تحت الدموع....
ام محمد: هدوا نفسكم ياجماعه مابيصير الا كل خير ان شاء الله

.......................

حط الشوكه على جنب ويده على بطنه..ضحكت خلود على شكله ...كانوا مخلصين غداء
ناصر: تضحك بعد الدبه
خلود: هههههه شبعت؟
ناصر: الحمدلله ....اكلهم حلو اكل هالمطعم...
خلود وهو تطالع اركان المطعم: أي حتى الديكوريشن رائع
ناصر: صحيح..الا حبيبتي كلمتي اهلك؟
خلود: دقيت ماحد رفعه..وجوال امي مسكر وحتى جوال ابوي بصراحه خايفه
ناصر: يمكن رايحين مكان مافيه ابراج
خلود: بش ظهر وين بيروحون...
ناصر: لاتحاتين غلاتي لما نرجع دقي عليهم مره ثانيه وان شاء الله خير
خلود: ان شاء الله

.....................

دخل مازن البيت وهو يدندن....يامسهر عيني حبك على عيني...يامحير قلبي وروحي..
هي قاعده على الكرسي الطويل مقابل التلفزيون وبيدها ايس كريم....
مازن: مرحبا
هبه: مراحب
حطت الايس كريم بتوتر عاالطاوله واعتدلت في جلستها....جلس جنبها وهو يطالع التلفزيون...
مازن: ايييه..شفتيه هذا فيديو كليب راشد نسيناكم حلو
هبه: أي كلاسيكي....اممم ليش تأخرت؟
مازن وهو يطلع الزفاره من مخباه: رحت القهوه
هبه: رجعت تدخن مازن؟
مازن: يالخبله قصري حسك لاتسمعك امي
هبه: عاد شدعوه مابتشم الريحه
مازن: بنعطر المكان
سحبت الزقاره من فمه وطفتها في الطفايه....
مازن: ليش عاد هبه..اوووف
هبه: اسمعني الحين في موضوع مهم
قام من مكانه وعدل بلوزته...
مازن: بعد مااصحى من النوم
هبه: الحين....اقولك مهم
مازن: هبه نعسان وتعبان رايح الجامعه مواصل خلاص لما اصحى يصير خير...
هبه: براحتك

....................

دخل الدكتور غرفه ريناد ودخلت وراه ممرضه..قام ماهر من مكانه وحط يده عالباب بس تراجع...مااقدر ادخل واشوفها بهاالحاله..لما طلع الدكتور مشى معاه ماهر...
ماهر: صحت ولا؟
الدكتور: للاسف لا
ماهر: طيب ليش ؟ متى بتصحى؟
الدكتور: العلم عند الله بس اكيد الضربه جات قويه على راسها علشان كذا تعبت وماصحت للحين...
ماهر: هالشئ خطر عليها دكتور؟
الدكتور: لاتستبق الاحداث اذا صحت بنعرف كل شئ..عن اذنك

بعد ماتركه الدكتور راح للكفتيريا وجلس يشرب قهوه لعل وعسى تهدأ اعصابه ويخف هالتوتر..ولكن عبث

.....................

اول ماصحى من النوم فتح جواله يشوف الساعه...7 المغرب اووه نمت كثير قام من السرير ورفع يديه بتعب....جات الجوهره على باله اييه وحشتني خلني ادق عليها واشوف اخبارها...بس لامو الحين يمكن ازعجها خليها لليل...
طلع من غرفته وشاب باب غرفه امه مفتوح ..دخل راسه شافها تصلي...طلع وراح لغرفه هبه كانت ناشره كتبها عالسرير والدفاتر بحضنها..ابتسمت له يوم شافته راح وجلس مقابلها..
مازن: حشى حشى شصاير ليش كل هالحوسه؟
هبه: شسوي بعد...توك صاحي؟
مازن: أي والله....الا ايش الموضوع اللي كنتي بتقولينه لي؟
هبه بتوتر: ها أي موضوع؟
مازن: نسيتي يافاقده الذاكره
هبه: أي تذكرت
مازن: يلا سمعيني اجل
هبه: امممم مازن شوف ياخوي بادخل في الموضوع على طول
مازن: خوفتيني هبه شصاير؟
هبه: بصراحه اليوم صار شئ باالمدرسه خلى ريناد تطيح والحين هي باالمستشفى
دق قلبه.....دقه اسرع من اللي قبلها...وكشر...
مازن: شفيها؟
هبه: طاحت على راسها ونزفت يامازن ايش اقولك....وللحين ماصحت
رجف جسمه وهو يتخيل شكلها..
مازن: والسبب؟
هبه: هذا الموضوع اللي كنت باقوله.......

قامت هبه سكرت الباب وجلست جنبه..
هبه: اول شئ خليك هادئ ماابي عصبيه
مازن بعصبيه: قولي خلصيني حرقتي اعصابي حشى
هبه: شوف مازن...وحده اليوم راحت لريناد وهددتها بنشر صور لها...اذا ماتركت وبعدت عنك..تعرف انك معذب قلوب العذارى....
مازن وهو مكشر ومو مستوعب: شنو؟؟؟؟؟هذا وقت مزحك وثقاله دمك
هبه: هذا اللي صار ياعزيزي..هي شافتكم لما كنتوا جالسين مع بعض باالامارات
نزل راسه ومسكه بيدينه وبعصبيه دخل اصابيعه فيه..
لف على هبه والشر يتطاير من عينه..هي خافت وتراجعت ورا..
مازن: تعرفي هالبنت؟
هبه: ها لا ...مااعرفها
مازن: شفيك متوتره طيب ..تعرفيها؟
قامت وراحت لعند المرايه..
هبه: لا.قلت لك مااعرفها
مازن: في أي مستشفى ريناد؟
هبه: بتروح؟
مازن: لاشرايك يعني..وهذا سؤال
هبه: على فكره ابوماهر عمي..لما عرف طاح عليهم ودخلوه العنايه انت عارف قلبه ضعيف مايستحمل
فتح عيونه على اخرهم....بعدها قام لعندها ومسك كتفها....
مازن: تمزحين انتي؟
هبه: لو مو مصدق اسأل امي..
مازن: ايش هالمصايب اليوم....لكن اسمعيني هبه البنت لازم تعرفينها اذا مو اليوم بكره فاهمه
هبه: ايش بتستفيد يعني؟
مازن وهو يحاول يتحكم بأعصابه: ماتفهمين انتي...اعرفيها وجيبي اسمها وخلاص اخليها تعرف مره ثانيه تسوي هالحركات..وهي بعدين ايش مصلحتها؟
هبه: معجبه فيك يااخ
مازن: تنقلع مع وجهها لاتحلم...اعبرها
طلع وسكر الباب وراه بكل بقوته...هي نقزت من مكانها ..اووف ليه ماقلت له انها صديقتي المصون ورود على الاقل تاخذ حقها ..بس لا مهما كان هذي كانت صاحبتي في يوم من الايام ومازن اعرفه اذا عصب مايحرم ....

............

رن جواله وطلع من غرفه ريناد على طول حتى ماتتأثر الاجهزه.... مازن؟؟ اكيد عرف باالموضوع
بشار بصوت مخنوق: الوو
مازن: هلا بشار ..اخباركم؟؟ ماتشوفون شر
بشار: الشر مايجيك انت شلونك؟
مازن: ماعليك مني ...قول انتوا بأي مستشفى
بشار: في مستشفى ....... جناح.....
مازن: ثواني وانا عندكم باي...
حط الجوال بجيبه ودخل لاخته مره ثانيه يطالعها...مسك يدها ...ريناد يلا اصحي ..علشاني.. واذا مو علشاني علشان الوالد...مسكين من خوفه عليك وحبه لك طاح والله الوحيد العالم بحالته....ليه كذا ياريناد ايش صار لك...

ترك يدها وجلس عاالكرسي يتأملها قرابه النص ساعه..بعدها حس بيد على كتفه...عرفه على طول مازن..ابتسم ولف له...
مازن بصوت اقرب للهمس: ها..ماصحت؟
بشار: للاسف لا
مازن: وعمي اخباره؟
بشار: خليها على الله
مازن: في أي دور هو؟
بشار: في الطابق الخامس ماهر وحور وعمي ابو محمد عنده فوق...
مازن: أي انا شفت شوق ومحمد بره
بشار: راحت ام محمد؟
مازن: ماشفتها والله
بشار: تصدق ماتركت ريناد لحظه وحده الله يعطيها العافيه....
رن جواله وعرف من النغمه انها شوق....
بشار: عن اذنك لحظه
مازن: اوكي
ترك مازن لوحده باالغرفه وطلع لشوق.....
حول نظره لريناد..رجفه لفت جسمه كله..منظرها كذا يعور القلب...قوى نفسه وقرب منها....
اسف ياريناد..يمكن انا سبب المشكله..عارف حجم التعب النفسي والجسدي اللي تحسين فيه لكن...
صدقيني هالبنت البايخه مابسكت لها..لان الشئ اللي صار لك ولعمي مو هين...

حركت راسها وتنهدت بصعوبه..حس بفرح ممزوج بتوتر وارتباك...بس سكنت حركاتها ورجعت جامده مثل اول....
.اااه الحمدلله اهم شئ تحركت ..ابتسم ابتسامه عريضه بوده يقرب منها ويهزها ويقول لها..قومي كفايه دلع قوومي خوفينا عليك ..بس لا....دخلت الجوهره عرض بأفكاره
يالله تناقض افكار انا عايش فيه ريناد والجوهره؟؟
لا مو الثنتين بس وحده بقلبي...الجوهره في قلبي وبس وريناد طيب؟ اختي؟ أي مثل اختي هبه..
بس الشعور اللي احسه اكبر من الاخوه...
معقوله القلب يحب ثنتين؟؟ مايصيييير يامازن هذا الجنون بعينه وحده ياريناد او الجوهره....
طلع من الغرفه لعل وعسى تهدأ حده افكاره ومشاعره لان وجوده جنبها يربكه يخليه يفكر بأشياء مايبي يفكر فيها...سند راسه عاالجدار...ااه الجوهره..وينك تنقذيني من اللي انا فيه اكيد لو سمعت صوتك بنسى مو بس ريناد الا العالم كله...
حس بضربه خفيفه على بطنه
محمد: هههههههههههه شفيك حظي صار لي ساعه اكلمك
رفع راسع لمصدر الصوت وابتسم بارتباك....
مازن: من متى انت هنا ماانتبهت لك
محمد وهو يغمز: هااا مازن من شاغل بالك؟ من ورانا
مازن وهو يتلفت حوله: لاياشيخ تطمن.....وين الباقي؟
محمد: الكل راح ماعدا بشار وشوق
مازن: غريبه ماهر راح وترك ابوه واخته
محمد: راح يضبط شويه امور للشركه وشال حور وابوي معاه....
مازن: كيف حاله الحين عمي ابوماهر؟
محمد: عادي مافي جديد..
مازن: محمد على فكره ريناد تحركت...
مسك محمد كتف مازن بسرعه وقال والفرحه تهل من عينه...
محمد: جد مازن؟؟؟ قالت شئ؟؟
مازن: ابدا..تحركت وتنفست بصعوبه ورجعت لحالتها...
محمد: انا رايح اقول للدكتور...
بفرح ابتسم محمد وراح غرفه الدكتور..حط مازن يده على فمه ..ليه فرح بهاالطريقه؟؟ياترى ريناد ايش باالنسبه له؟؟اااخ مني ايش هاالافكار انا ناسي ان محمد يحب ذيك سماح وريناد مثل اخته...
طلع من المستشفى وطلع جواله حتى يدق على الجوهره...بس مامن مجيب انتظر لاخر رنه بس للاسف...
شفيها بعد هالدبه ماترد..وقت اللي محتاجها تطنش؟؟ يمكن حاطه عالسايلنت ..اووووف اليوم نحس نحس انا شايف غراب اليوم...يلا الله يعيننا.....اروح البحر ..ملاذي الوحيد..

كانوا يطالعون ابوماهر من الحاجز الزجاجي..لفت له شافته يغمض عينه بألم...
كيف اواسيه...ايش اقووله..اقرب منه بأي طريقه...صحيح انا متعوده على بشار...بس لازال الحيا موجود بيننا..
مااقدر اندفع بكلامي واقوله كلام حب واواسيه ...اووف والحل...خليني اجرب اقول هي مرره وحده..
هو حرام تعبان ومتضايق فيها شئ لو ساعدته..وبعدين خطيبي صحيح للحين ماملكنا بس الكل يعرف هالشئ وكلها شهور واصير زوجته رسمي...
شوق بارتباك: بشار...ياقلبي خلاص لاتخاف
مااستوعب اول شئ كلمه...ياقلبي..اول مره تقولها..ابتسم ولف لها..
بشار: الله...عيديها
استحت وراحت جلست بعيد...ماتركها راح جلس جنبها...
بشار: علشاني عيديها....
شوق: اووه بشار خلاااااص
ارتسمت ابتسامه بارده على شفايفه....
بشار: شوق
شوق: هلا
بشار: ايش صار باالمدرسه؟
..ايش اقولك يابشار ان وحده سخيفه كانت السبب ..
الله لايبارك فيها
شوق: ماصار شئ
بشار: طاحت كذا بدون سبب؟
شوق وهي تتحاشئ النظر لعينه: أي صح...بدون سبب
بشار: جايز...

..............

دخل البيت ..ولقى امه ماسكه التلفون وباين عليها الخوف...لما شافته تركت التلفون وراحت لعنده....
ام مازن: مازن حبيبي ليه قافل جوالك؟
مازن وهو يطلع جواله: كنت باالمستشفى
ام مازن: طيب اخبارهم؟
مازن: ريناد تحركت ان شاء الله تفوق وتصير احسن
ام مازن: وابوها؟
مازن: على نفس حالته
ام مازن: لاحول ولاقوه الا بالله يلا الله يشفيه
مازن: وين هبه؟
ام مازن: بغرفتها اكيد نايمه
مازن: اوكي
صعد الدرج بسرعه لين وصل غرفتها ودق عالباب
هبه: مين؟
مازن: انا
هبه: نااايمه
دخل وشغل الاضواء
مازن: اول مره بعد اشوف وحده نايمه وتتكلم
هبه: خير ايش تبي.
مازن: ايش سويتي باالموضوع
هبه باستهبال: أي موضوع
مازن وهو يجلس على طرف السرير: بتذكرين ولا اذكرك بطريقتي
قال هالجمله بعصبيه نزلت راسها..
هبه: اييه تذكرت...ماسويت شئ
مازن: لييييش؟؟ شوفي هبه مدرستكم صغيره واكيد تعرفي معظم البنات بمجرد انك تعرفي من اللي راحت الامارات وتعرف ان ريناد لااختي ولا تقرب لي بتوصلين لها
هبه: صح..كيف وصلت لكل هذا
مازن: مايبي لها ذكاء اصلا هي ماقالت هاالكلام ولاهددت ريناد الا وهي متأكده انها ماتقرب لي..
لان لو تقرب لي طبيعي بنجلس مع بعض مافيها شئ...
وبعدين الصور ياهبه..مافكرتي فيها؟ من وين بتاخذ الصور يعني؟
اما انها صاحبه شوق...او ريناد انخدعت فيها وصاحبتها...اووووو وحده من صاحباتك بعد
سكتت وهي تفكر...ياويلي منه مو هين ماباقي الا يقول انها ورود...والحل ياربي؟؟
مازن: حطي عينك بعيني اشوف..
رفع راسها بيده...بس تحاشت تحط عينها بعينه...
مازن: تعرفيها صح؟
هبه: لا...لا مااعرفها
مازن: احلفك بغلاة الوالد الله يرحمه تقولين الصدق ياهبه...حاس انك تعرفيها
هبه وهي تقوم من السرير: اووف قلت لك مااعرفها
مازن: اوكي براحتك..بس ذنب اللي صار لريناد وابوها في رقبتك ياهبه طول العمر...لو كنتي تعرفيها ولاقلتي لي...
كان بيطلع من الغرفه بس نادتـــه...
مازن: ها؟
هبه: مازن....اعرفها
ابتسم وراح وقف مقابلها..
مازن: يلا قوولي
هبه: اول شئ ابيك توعدني انك ماتسوي لها شئ...
مازن: من هي؟
هبه بخوف: ورود
سكت وهو يتذكر صاحبه هاالاسم....ايييي بس تذكرتها هذي الماصخه اللي تجي لهبه..
مازن: متأكده؟
هبه: اكيد
مازن: مو ذي صديقتك؟؟
هبه: الا صديقتي
مازن: تصاحبين هاالاشكال مع وجهك
خافت منه ومن صراخه...وجلست عاالسرير وراسها في الارض
مازن بعصبيه اقوى: ليه ماتردين؟؟ القطوه اكلت لسانك؟ بسيييطه ياهبه لكن اسمعيني زين والله ثم والله ان شفتك مره ثانيه معاها او سمعتك بس تكلميها مابيصير خير فاهمه وهي دواها عندي هين اوريها...
طلع وصفع الباب وراه ....ياربييي استر ياستار..الحين ايش بيسوي لها...
وبتبتدي المشاكل عن جد...اوووف لكن يلا تستاهل جزاها واقل من جزاها....
اجل تهدد ريناد بصورها...مايصير والله

الم فضيع يلفها....حطت يدها وراء راسها وتحسست مكان الجرح..ياالله ...يألمني
فتحت عينها ببطء..حست بألم خفيف لهذا غمضت وفتحت مره ثانيه..وين هالمكان؟؟ غرفتي؟؟ طالعت النوافذ والكراسي...و مغذي؟ مستشفى يعني...لكن ايش اللي صار..حاولت تعصر مخها وتتذكر اللي صار بعصووبه..بس عبث ..ايش اللي صار ياربي حتى اكون هنا..
دخل بهدوء على طول طالعته..ابتسم لها بشار ابتسامه عريضه وراح لعندها وحضنها...
بشار: الحمدلله....واخيرا قمتي
طالعته بفضول واستغراب وبعدت يده اللي حطها على راسها....منو هذا؟؟
بشار: ريناد يالدبه كلميني...يالخبله شلونك الحين؟
حطت يدها على راسها..وجهه مألوف ..احس اني شايفته من قبل لكن مااذكر وين...
قال ريناد..!! اها اسمي ريناد....
ريناد: من انت؟
طالعها بعين مفتوحه عاالاخر ويده على فمه...لامستحيل ماتتذكرني..اختي فقدت الذاكره
بشار: ريناد انا اخوك بشار...شفيك
لفت عاالناحيه الثانيه...وتشويش يهاجم خيالها وذاكرتها...اخوي بشار؟؟؟
لفت تطالعه حتى تثبت شكله في بالها...
دخل الغرفه الدكتور وهو مبتسم....
الدكتور: ايوه ياريناد ياجدعه....اخبارك دلوقتي؟
ريناد وهو يتطالعهم اثنينهم: بخير
كان يطالعها بعين حزينه حست لهاالنظرات وانحرحت...زعلان الظاهر لاني ماتذكرته
الدكتور: بتحسي بألم دلوقتي؟
ريناد: في راسي
بشار: دكتور
لف الدكتور يطالعه.....
بشار: ماتذكرتي...
عبس الدكتور وراح لعند سريرها بسرعه....
الدكتور: ازاي؟؟؟ ريناد مين دا؟
ريناد بخوف: بشار
الدكتور: بيقرب لك ايه؟
ريناد: يقول انه اخوي
ماقدر يبقى اكثر طلع بره الغرفه وسحب هواء لصدره....ماهر وابومحمد كانوا طالعين من المصعد كانوا عند ابوماهر اللي حالته مستقره ولله الحمد...
تقدموا والبسمه مرسومه على وجههم....لكن تلاشت لما لاحظوا العبوس والدمعه بعين بشار....
ماهر: شفيك بشار؟
بشار باندفاع: ماتذكرني....ماهر اختنا فقدت الذاكره
ماهر وهو يطالع عمه ويرجع يطالع بشار: شنو؟؟؟ اكيد تمزح انت شتقوول اختي بخير مافيها شئ
ماصدق كلام اخوه ودخل بسرعه اول شئ سواه ثبت عينه بعين ريناد وابتسم حتى يتأكد من كلام بشار......
لكنها عدلت شيلتها..منو بعد هذا؟؟
الدكتور: ممكن ياابني تخرج شويه؟
بعد ماطلع وسكر الباب وراه....
ريناد: مين هذا؟
الدكتور: مش فاكره؟
ريناد: لا
الدكتور: دا اخوك ياريناد
ريناد: اخوي؟ ليش كم اخو عندي؟
الدكتور: انا مش هاقولك
طلع وشوي دخل ماهر وبحزن قرب منها وضمها هي حست بتوتر....حس بهاالشئ لانها بعدت عنه...
جلس جنبها عالسرير وحط يده على كتفها....
ماهر: اخبارك الحين؟
ريناد: عادي
ماهر: ماتذكرتيني؟
نزلت راسها وضغطت بيدها على فراش السرير الابيض...ليش مااذكر شئ؟؟ايش صار لي خلاني انسى حتى اسمي...لو مانطقه اخوي اللي اسمه بشار..ماعرفته
ماهر: ريناد...انا ماهر اخوك الكبير
ريناد: ليه انا هنا؟
ماهر: طحتي في المدرسه على راسك...وجبناك امس المستشفى
ريناد: امس في المدرسه؟؟ بأي صف انا؟
ماهر بضيق: ثاني ثنوي ...معاك بنت عمك شوق بنفس المدرسه....كنتي تسمينها توأم روحك
ريناد: وينها طيب؟
ماهر: الحين بتجيك مع محمد
ريناد: مين محمد؟ اخوي بعد؟
ماهر: انا وبشار اخوتك بس محمد اخو شوق ولد عمنا..
غمضت عينها وهي تحاول تحفظ هالمعلومات اللي حصلت عليها في فتره قياسيه ....

ماهر وهو يحط يده على راسها: ريناد حبيبتي معقوله ماتذكرين شئ؟ حاولي طيب من خلال هالمعلومات اللي عطيتك اياها تذكرين...اذا مو علشاني علشان الوالد
الوالد؟؟ ابوي؟؟ صح وينه ؟؟وين امي ؟؟وينهم؟ ليه بس اخواني حولي
ريناد: ليه ماجاوا معاك طيب مايدرون
صد عنها وحاول يقول جمله مرتبه بدون مايشوش افكارها ويعذبها....
ماهر: ريناد شوفي امي توفت...ابوي لما عرف باللي صار لي طاح عليها ...
فتحت عينها متفاجأه من هالصدمات اللي تجي ورا بعض..وحست بألم داخلها..امي متوفيه وابوي مريض؟
يعني مابيبقى لي حد؟ دمعت عينها على طول بدون شعور..بس لما حست بعين ماهر اللي تلاحق كل تصرف يصدر منها مسحت دمعتها...
ماهر: ريناد...لازم ترجعين مثل قبل..حاولي ماراح تخسرين شئ
قبل ماترد عليه دخلت شوق والدموع على خدها بعد ماعرفت هي ومحمد بالخبر من بشار...
قربت وحضنت ريناد اللي ماابدت أي رده فعل...
ماهر: وهذي شوق مع محمد وصلوا
طالعتهم ريناد بتفحص ودقه...وابتسمت لهم ياربي هالوجوه اعرفها..مو غريبه ابدا
ماهر: طيب انا بطلع شوي وبرجع لك...
ريناد: طيب
جلست شوق مقابل ريناد ومسكت يدها...
شوق: تمام الحين؟
ريناد: تمام
حولت نظرها الى محمد اللي كان خايف يقرب منها وماتتقبله
شوق: محمد تعال
قرب وجلس عالكرسي وابتسم بارتباك.....
محمد: اخبارك ريناد الحين؟ عسى مو تعبانه؟
ريناد: بخير...بس ليه مااذكركم؟
محمد: ان شاء الله فتره وبعدها بتذكرين كل شئ
ريناد: وان ماذكرت؟
شوق: لاريناد لاتقولين هالكلام
ريناد: اوكي ايش صار بالمدرسه؟
سكتت شوق وطالعت محمد برعب...لا مستحيل اقولها عللي صار ..خليها تخف وتطلع من المستشفى بعدين هي بنفسها بتتذكر كل شئ......
شوق: ماصار شئ
ريناد: كيف طحت؟
شوق: ااه..اممم كنت تسرعين عالدرج وطحتي بعدها على راسك..
ريناد: طيب ابوي صحيح انه مريض؟
شوق: اييه...وهنا معاك بالمستشفى الدور الخامس...
قام محمد من مكانه بعد ماحس بتجاهل من قبل الثنتين...
محمد: انا استأذن الحين
شوق: على وين؟
محمد وهو يطالع ساعته: باروح الجامعه صارت الساعه 8 وبعدها بروح البيت اريح شوي للعصر الله يهديك ياشوق مقومتني من صباح الله......
شوق وهي تطالع ريناد: اكيد باشوف بنت عمي....طيب متى بترجع
محمد: بتأخر شوق قلت لك باريح للعصر خلي حد يرجعك البيت
شوق: طيب فمان الله
طالع ريناد وابتسم....
محمد: دبه رينادووه....لازم تذكرينا لااذبحك
ريناد: ههههههههههه
لما طلع حست براحه..ارتحت مع هاالاثنين اكيد كانوا قريبين مني وكنت احبهم ....حست بشوق تأشر قدام عينها....
ريناد: ها
شوق: وين رحتي؟
ريناد: انا هنا....
نزلت شوق راسها...حستها ريناد بتقول شئ ....
شوق: احمد اكيد الحين ولهان عليك..
ريناد: ومنو هذا؟
شوق: حبيبك...
رفعت ريناد حواجبها بتعجب.....
ريناد: بعد احب؟ منو احمد؟
قامت شوق تعلم ريناد على كل شئ من اول ماعرفت احمد لليوم.....
ريناد: اوكي واحبه؟ وهو يحبني؟
شوق: أي يحبك ياريناد
سكتت وهي تحس بشئ في قلبها...احب احمد؟؟ يعني حبيبي مثل ماقالت شوق...يالله ساعدني
شوق: باجيب لك جوالك العصر...
ريناد بتوتر: ليه مارحتي المدرسه؟
شوق: اروح وتوأم روحي مو معاي مايصير
حضنت ريناد وبكت....

كان جالس جنب امه يطالع كتب الجامعه بقرف..واااع اكرهكم والله متى بس اخلص وارتاح...لما حس ان امه سكرت من التلفون لف عليها بلهفه....
مازن: اخبارها؟
ام مازن: ريناد فاقت بس...
مازن: بس شنو؟
ام مازن: فاقده الذاكره
حس بقشعريره في كل جسمه.....كل شئ ارتجف ..لاياربي يعني ريناد مابتعرفني؟ لااااا اكيد بتعرفني ادري انها تعزني...
ام مازن: باروح انا مع خالتك ام محمد العصر لها..وبنسير بعدها على حرمه توها راجعه من العمره...
مازن: باوصلكم
تفاجأت امه من اندفاعه بهاالطريقه...وحتى يتهرب شال كتبه وصعد بنفس الوقت نزلت هبه وراحت عند امها وجلست جنبها.....

هبه: شفيه مازن؟
ام مازن: مادري...المهم ماعلينا جهزي نفسك العصر بنروح المستشفى
كشرت ولفت عاالتلفزيون...اووف مالي خلق ابدا اشوفهم واقابلهم...عاد من زين اللي باشوفهم....شوقوه اللوعه وريناد..اوووف
ام مازن: ترى فاقت...
هبه: والله؟ زين اجل مابروح...لان اكيد بيطلعوها صح؟
ام مازن: أي بكره ياهبه وهي فاقده ذاكرتها
هبه: يعني شنو يمه؟ ماتذكر شئ؟
ام مازن: تستهبلين يعني؟ أي ماتذكر شئ
هبه: لامايصير حرام....
ام مازن: أي والله .....لكن ايش نسوي ادعي لها
هبه: الله يشفيها
ولفت للتفزيون وابتسم بخبث وهي تتذكر خطتها الجهنميه......ماعليه يامحمد اصبر علي ..عاالاقل اسبوع حتى تخف ريناد واشبك فيني واصير خطيبتك وزوجتك ولي انا وبس...

................

قام من عند التلفزيون ودخل لها الغرفه طاحت عينه عالساعه...11 الظهر..
ناصر: خوخه
خلود وهي تحط الكحل: امممممم
راح وقف عند المرايه يطالعها كيف تحط الكحل والمسكره....لما انتبهت له ضحكت....
كالعاده مايقاوم ضحكتها والبراءه اللي تطل من عينها..راح جنبها ومسك يدها.....
خلود بدلع: شرايك فيني؟
ناصر: ااه ايش اقول بس.اخاف اقول قمر واظلمك حبيبتي
حبته داخل كف يده وحطت يده على خدها.....
ناصر: والله باموت منك بتوقفين قلبي
خلود بصوت اقرب للهمس: سلامتك حبيبي من الموت
قربها ومنه وضمها وهمس في اذنها..احبــك

بعدت عنه بدلع وجلست عالكرسي....
خلود: بنطلع؟
ناصر: لا
عقدت حواجبها بيأس....
خلود: مو انت قلت لي اجهزي بنطلع
ناصر: غيرت رأي
خلود: ليش
ناصر: بنقعد هنا سوا انا وانتي....
راح لعندها ومسك راسها ضمه لصدره....وهي ذايبه كل ماتسمه دقات قلبه....تسمع معاها كلمه احبك
خلود: ناصر
ناصر: روح ناصر
خلود: لهاالدرجه تحبني؟
ناصر: اهواك خلود....صدقيني احبك واحبك بجنون
خلود: احبك اكثر
ناصر: اثبتي لي
خلود: كيف
ناصر: بوسيني
قامت وطالعته باستنكار....
ناصر: يعني ماتحبيني؟
خلود: احبك...بس
ناصر: لابس ولاشئ....يلا انا زوجك مافيها شئ
خلود: استحي طيب
ناصر: ماصارت بوسه
خلود: لاناصر ماابي

قام بينهم شبه هوووشه.... نخليهم ونروح لريناد في المستشفى..
حست بتعب من جلسه السرير عدلت شيلتها وقامت بتكاسل من السرير ...وقفت مقابل النافذه ويدها اليمين على جرحها في راسها....اخ منك انت السبب في كل شئ صار, فقدت ذاكرتي وانت السبب ...هل ياترى حياتي بترجع مثل ماكانت؟ طيب كيف وانا اصلا مو فاكره كيف كنت!!
مصبيه..دراستي كيف بقدر ارجع لها...واهلي..نظره الحزن ماتفارق عينهم خاصه اخوي الكبير ماهر..نظراته عميقه لي..محمله بتعب وحزن..ياااه مااقدر والله حتى احط عيني بعينهم اكيد لاني خيبت امالهم...
سمعت دق عالباب خلاها تفوق من افكارها.....
ريناد: تفضل
دخل وجنبه امه وخالته..وشوق وراهم..ماعرفت الا شوق والباقي ماعرفتهم ....قربت ام محمد وحضنت ريناد ومسكت راسها بحنان....
ام محمد: حبيبتي بنتي ريناد انا مرة عمك شلونك الحين؟
ريناد ببتسامه: بخير.....
قربت ام مازن وسلمت على ريناد...
ام مازن: شلونك بيتي ريناد ماتشوفين شر.....
شوق: وهذي خالتي ام هالدب مازن.....
ضحك عليها مازن وضربها بخفه على راسها....
جلست ريناد على طرف السرير وهم حواليها.......في وسط السوالف قامت ام محمد وطلعت بره الغرفه ....
انتبهت لشوق وام مازن يسولفون ويضحكون..رفعت نظرها لمازن كان يطالعها....
احتارت كيف تفسر نظراته لها....عتاب؟ ملام؟
بعد عينه عن عينها ونزل راسه بحزن...طنشته ولفت الى ام مازن ...شكلها حرمه طيبه مرره....
الابتسامه ماتفارق وجهها......لفت لمازن مره ثانيه ورجعت تطالعها....يشبه امه..
نفس لون البشره الحنطي...ونفس العيون سبحان الله
شوق: بتبقين ساكته كذا ..تتأملين وجوهنا...
ريناد: هههههه لا
ام مازن: خليها ياشوق يمكن تذكرنا...

غمضت عينها بيأس وجه شوق مألوف حتى ..ايش اسمه؟...اي مازن
ام مازن: ماقالوا لك ياريناد متى بيطلعوك؟
ريناد:......مادري سمعت الدكتور يكلم ماهر يقول بكره..
ام مازن: زين...وبترجعين لدراستك ؟
سكتت ماعرفت بأيش ترد....
شوق: خالتي تتوقعين بتقدر ترجع وهي بهالحاله
ام مازن: أي ليش لا خليك انتي جنبها على طول
شوق: مادري والله
ام مازن: يلا انا الحين استأذن.ام محمد اكيد تنتظرني تحت
مازن:مااوصلك يعني يمه؟
ام مازن: لا هي قالت للسايق يجينا
شوق: وييين بتروحووون؟ ماقالت لي امي ؟باتفق معاها من بيرجعني بعدين
طلعت شوق من الغرفه.....وبعدين قربت ام مازن من ريناد
ام مازن: ماتشوفين شر ريناد
ابتسمت وطلعت.....حولت نظرها له...هو حس باالارتباك اللي باين عليها..ماالومها نستني...يالله قد ايش صعب هالشئ علي....
قام وجلس عالكرسي اللي كانت امه جالسه عليه حتى يصير مقابلها فيس تو فيس.....
وقام يتأملها....ملاك ياريناد..هالملامح الطفوليه مااقدر الا اني اطالعها وماامل..
مازن: ريناد
ريناد وهي ترفع له راسها: اممممم
مازن: ايش اللي يدور في بالك
احتارت ايش تقول له.....اقول اني افكر في ملامحه وتفاصيلها..واحس اني اعرفها وفي شئ بعد اعرفه بس شنو؟؟؟؟؟
ريناد: ولاشئ
مازن: كيف تحسين؟
ريناد: تعبانه شوي
مازن: سلامتك ريناد من التعب...صعب علي اتقبل اللي صار لك بس معقوله ماحسيتي ان حد منهم مألوف بالنسبه لك؟
ريناد: بصراحه ايوه
ابتسم بفرح...يمكن اكون منهم......
مازن: من؟
ريناد: بشار...ماهر..شوق
كانت بتقول وانت...بس تراجعت...اقوله ياربي اني اول ماشفته حسيت ان شئ خطير صار لي وتضاربت صورته في مخيلتي...
مازن بحزن: بس؟
ريناد: بس..مااذكر غيرهم
نزل راسه وهو زام شفايفه بحزن....اااه كيف كلماتك تزلزلني ياريناد بكل ثقه تقولين بس....
قام من مكانه وتوجهه نحو الباب....قبل مايطلع طالعها وابتسم وتسكر الباب وراه.....نظرته سببت لها ارتعاش ...رجعت راسها عالمخده تحاول تتنفس ....بس صعب..
ايش شر هالنظره؟ فيها شئ غريب علي ...شئ ماافهمه...
جاء احمد في بالها وتذكرت كلام شوق عنه...في شئ بعد احسه لما اتذكره...ااااه انا لازم اطلع واتصرف لااااازم......

.............

رمت نفسها عالسرير ومسكت جوالها....اكلمه الحين؟؟ امممم الساعه 8 ..بلاقيه اكيد
بس خايفه ..لازم اقوي نفسي واللي فيها فيها..

اتصلت ..ماارتاحت الا لما سمعت صوته
هبه بحزن مفتعل : الو هلا محمد
محمد: هلا هبه شلونك
هبه: ااه ايش اقولك يامحمد
محمد: شفيك هبه؟
هبه: متصله اسأل عنك ماابي اضيق صدرك
محمد: هبه تكلمي خوفتيني
هبه: مصيبه نزلت علي وعليك يامحمد
محمد: شصاير؟؟؟؟
هبه: تذكر محمد يوم عرس خلود
محمد: ايوه شفيه؟
هبه: مو انت رجعت معاي البيت وجلسنا بغرفه الضيوف
محمد: صح
هبه: اليوم الخادمه يامحمد تكلم امي على هذاك اليوم...قالت لها جلسنا لوحدنا وقفلنا علينا الباب
محمد: شلووووووووون؟ ايش مصلحتها؟
هبه: تكرهني يامحمد....امي راح فكرها بعيد
سكتت ماعرف ايش يرد....بجد مصيبه مو هينه
هبه: وطقتني يامحمد
محمد: انا لازم اكلم خالتي اقول لها..
هبه: لا لا يامحمد راح تعرف اني قلت لك وان احنا تعاونا مع بعض....
محمد: مايصير هبه لازم افهمها ان ماصار شئ بيننا
هبه: انا خايفه تقول بتكلم امك
محمد: شلون تكلم امي لا هبه ...
هبه: والحل يامحمد ان قالت لها انا انفضحت....ومستقبلي
محمد: هبه واللي يعافيك اللي يسمعك يقول صار شئ....انا باكلم خالتي وافهمها
هبه: مابتصدقك وبتقول لمازن وبيذبحوني يامحمد ساعدني
محمد بحيره: ايش اسوي؟
هبه: مادري يامحمد....ايش الحل اللي تشوفه مناسب حتى ماحد يتكلم علينا...استر علي يامحمد
سكت وهو يفهم فكرتها ....قصدها اتقدم لها واتزوجها؟ لااااااا ماابي ...
بس الحل المناسب لان لو درت امي بتقول لابوي وبيطردني بره البيت
بس هبه انا ماابيها ساعدني ياربي على هالمشكله....
محمد: هبه انا باكلمك بعدين باي
سكر ورمى الجوال عالارض...مسك راسه بقوه....اوووف كيف اتصرف انا مااضمن ان خالتي ماتقول لامي...
ساعتها باروح وبتروح هبه فيها....

................

حطت يدها على بطنها بعد ماحست باالالم....متى بتطلع وامسكك بيديني....واضمك لي متى...
حست بيده على يدها ابتسم ...
حور: هاحبيبي ايش قالك الدكتور؟ عمي صار زين؟
ماهر: تحسن الحمدلله
حور: الحمدلله
ماهر: يلا ننزل لريناد ....

..............

سمعت حركه عند الباب طالع من اللي بيدخل بفضول..يوم شافته ابتسمت..
طالعت حور ..اي هذي اكيد بنت عمي وزوجه ماهر...حللوه مثل ماوصفتها شوق...
قالت انها بيضاء وشعرها بني وجسمها متناسق......يابخت ماهر فيها
قربت حور وحضنت ريناد وماهر جلس على طرف السرير.....
ماهر: اخبار الحلوين اليوم؟
ريناد: الحمدلله
حور: حلو..لا اليوم الوجه ينور رنووش
ريناد: اووكي مليت متى بس اطلع
ماهر: خلاص بكره انا قلت لك
ريناد: أي واخيرا باشوف بيتنا ..وغرفتي..وابوي اخباره؟
ابتسم ماهر وطالع حور....رغم انها فاقده الذاكره وحتى شكله يمكن ماتذكره الا انها تسأل عنه...وتفكر فيه
ماهر: صار احسن الحين
ريناد: تمام..شوق وينها؟
حور: ههههههه غسلت لك مخك ها؟
ماهر: تعرفين الثنائي المرح مايفترق
ريناد: هههههه بس حبيتها
حور: كنتوا ياريناد ماتفترقون لحظه وحده..ليل نهار مع بعض
ريناد: علشان كذا ارتاح لها
حور: حتى المدرسه صارت ماتروح لانك مو معاها
ماهر: والله صاروا العاشق والمعشوق...
ضحكت على تعليق اخوها وكملوا سوالف حست انها رفهت عن نفسها ....

.............................

اليوم الثاني ...الساعه 6 الصباح طلعت شوف من بيتهم وراحت بيت عمها ....

وعند الباب ...
شوق: جود مورنينج
الخادمه: جود مورنينج شوق ويلكم
شوق: اني بدي هير ؟
الخادمه: اونلي بشار...هي از ايتينج وماما حور سليبينج وبابا ماهر اوت
شوق: حشى مابغيتي تخلصي ....
دخلت شوق البيت اللي كان مظلم..مافيه حيويه..راحت وفتحت الستاير حتى يدخل ضوء الشمس...
وتوجهت بعدها لغرفه الطعام.....كان يشرب شاي ويقرأ كتاب ماسكه بيده...
شوق: صباح الخير
ماشال عينه عالكتاب..بس ابتسم
بشار: اخاف الف والقى نفسي بحلم
شوق: لا ماتحلم شوق بلحمها وشحمها
راحت وجلست مقابله..طالعها بلهفه المشتاق...
شوق: شلونك؟
بشار: مشتاق لك شوشو...فطرتي؟
شوقك أي الحمدلله
بشار: افطري معاي مره ثانيه
شوق: لاشبعانه بشار انت افطر هني وعافيه.....
ابتسم لها وكمل مطالعه في كتابه....تذكرت ريناد طلعت جوالها وكلمتها...على تلفون غرفتها بالمستشفى
ريناد: الو
شوق: الوووين صباح الخير...انا شوق
ريناد: هلا شوق وينك؟
شوق: هههههه اشتقت لي صح؟
ريناد:تبين الصراحه افتقدتك
شوق: خلاص حبيبتي انا الحين في بيتكم تبين اجيب لك شئ معاي؟
ريناد: سلامتك
شوق: الله يسلمك باي
سكتت شوي بعدها قالت...
ريناد: ابي جوالي
شوق: جوالك ؟ ليه؟
ريناد: ابي اشوف شئ
شوق: من عيوني يلا باي
ريناد: باي

سكر الكتاب وطالعها بنص عين...
بشار: ترى اغار
شوق: ليه؟
بشار: شوق بجد اغار عليك من نسمه الهوا الطايره...
شوق: لهالدرجه؟
بشار: لو اقدر خليتك بعيوني وسكرت عليك...
ابتسمت له وقامت من مكانها....
بشار: مين بيوصلك؟
شوق: السايق ينتظرني بره
بشار: انا زوجتي ماتركب مع السايق روحي جيبي جوالها وانا انتظرك في السياره...
شوق: طيب اجل باخليه يروح....
بشار: روحي لاتتأخرين...

لما وصلوا اقترحت على بشار يروح لعمها فوق وبعدين يجي لهم حتى تاخذ ريناد راحتها..لانها عارفه انها ماطلبت الجوال الا علشان احمد ....

دخلت عليها بهدوء...
شوق: صباح الخير
ريناد: هلا شوق تأخرتي
شوق: شسوي في اخوك الله يهديه يختار اطول الطرق
ريناد: ههههههه اجلسي
جلست مقابلها وانتبهت للجوال بيدها.اكيد هذا جوالي ...فتحت لها شوق عاالرسائل المرسله
شوق: شوفي المرسله اول
قامت تقراهم وحست بالفعل انها كانت تحب احمد.....

احمد.....ماسنجر..نت..تلفون..كلمات تتضارب في مخيلتها تحاول تلقى الرابط من بينها...
هالرابط موجود بس كيف تربط .كيييف صعب هالشئ ...

ريناد: شوق..كلميني عنه اكثر..شوق تعبت حاسه بشئ داخلي مو قادره افسره..رغم ان حتى شكله للحين ماعرفته
شوق: لانك ماشفتي شكله ولامره
ريناد: مااعرف شكله؟ ماوراني صوره له؟
شوق: لا
ريناد: اجل كيف حبيته؟ احب شخص مااعرف حتى شكله؟
شوق: حاولت افهمك هالشئ بس كنتي مصره
ريناد: بس لازم اكلمه
شوق: شنو مجنونه انتي؟ تكلميه وانتي بهالحاله ايش بتقولي له؟
ريناد: لازم احط حد للموضوع وانهي العلاقه
شوق: عنيده ومتسرعه بتبقين طول عمرك كذا...فكري شوي بعقلك الحين ايش الفايده اللي بتجنيها؟ تحبيه ويحبك ومتعلق فيك
ريناد: بس مااذكره ياشوق...وبنساه؟
شوق: اوكي واللي تحسيه؟ ومعالم وجهك اللي تتغير اذا جبت طاريه؟
ريناد: اووف مادري ياشوق
شوق: ريناد حبيبتي هالموضوع نتكلم فيه اذا طلعتي من المستشفى مو الحين..ارتاحي ولاتشغلي بالك اوكي؟
ريناد: اوكي

..................

رمى نفسه عالسرير وجسمه متكسر من التعب....اليوم مشى واجد راح للكورنيش يجري ...
حتى يضيع وقت وينسى اللي هو فيه....
قام يفكر بعمق...ورود...انا مأجل موضوعها فتره بس الحين لا والف لا..مستحيل اسكت عاللي سوته في ريناد..مو قادر اتحمل الالم اللي احسه كلما شفتها تطالعنا ورا نظراتها الف علامه استفهام ..
تبتسم ومن داخلها اكيد تتعذب لانها مو فاكره ولاعارفه شئ غير اسمائنا...والباقي من ذكريات ومواقف وعلاقات مجهوله...علاقات؟؟ انا ايش علاقتي بريناد؟ اخوه؟ ريناد يعني اختي؟
تخيلها مكان هبه..مايصير مو نفس الشعور...يمكن صداقه؟ واحترام ومعزه..صحيح انا كنت اكرهها ومااواطنها بس الحين غير ....غير بس كيـــف؟؟
الحين لازم اتصرف مع ورود...راح لغرفه هبه وحمد ربه يوم لقاها مو موجوده...دور على جوالها...لقاه مرمي على كتبها..راح واخذه ودور اسم ورود سجله بجواله بسرعه وطلع.....
بس صدم بقوه في هبه عند الباب
هبه: ايييي ماتشووف عورتني
مازن: هبه؟
هبه: ايش تسوي بغرفتي
مازن: ها...كنت ادورك ماحصلتك...
هبه: كنت تحت
مازن: اها اووكي يلا عن اذنك
دخل غرفته وهي لسه واقفه مكانها....شفيه جن مزوون؟ مادري والله

....................

لبست عبايتها ولفت لهم..كانت شوق واقفه جنب بشار يسولفون..ابتسمت..يحبون بعض هالشئ واضح ...
ياترى انا كذا احب احمد وهو يحبني؟..اليوم العصر اتصل والجوال كان عندي بس مارفعت خفت بصراحه...
شوق اقترحت ارسل له رساله واقوله ان ظروفي في البيت هالايام مو ذاك الزود ...
ريناد: احم....بشار
بشار وهو يلف لها: هاريناد خلصتي؟
ريناد: من زمان
بشار: اجل يلا مشينا.....
ريناد: يلا

دخلت البيت وشوق جنبها...وبشار وراهم..الكل كان مجتمع...ام محمد وام مازن وماهر وجنبه حور....وابو محمد .....ومازن وينه؟ مو هنا...
قامت ام محمد وحضنت ريناد على طول ....
ام محمد: هلا بنور البيت
ابومحمد: شلونك الحين بنيتي ريناد؟
ريناد: الحمدلله
طالعت في اركان البيت بتفحص ...ركن بركن..في صور تضاربت في مخيلتها لدرجه ماتحملتها...قطع عليها افكارها صوت قطوتها وهي تلتف حول رجل ريناد....
شوق: شرفت الانسه كاتو...
ماهر: شيليها ريناد هذي قطوتك
ابتسمت ريناد وشالتها.....ياربييي حلوه هالقطوه ريشها كثيف مرره.....
ريناد: ابي اروح غرفتي
ابومحمد: شوق خذيها لغرفتها
شوق: اوكي يبه....
دخلت الغرفه..لفت شوق لريناد تشوف تعابير وجهها حمدت ربها كشرت ريناد وسرحت...يعني فيه تجاوب...
قامت تنقل بصرها بين سريرها ..اغراضها...رسوماتها....
ريناد: رسومات مين هذي؟
شوق: رسوماتك يافنانه
ريناد: امممممم
جات بتجلس بس رن جوالها .......طالعت الشاشه بخوف
شوق: هذي نغمه احمد
ريناد: أي هو شوق
ابتسمت ريناد بفرح....
شوق: ردي عليه ريناد
ريناد: شقوله؟ خايفه
شوق: بساعدك ردي
راحت شوق لعند الباب وقفلته.....

راحت شوق قفلت الباب وجلست عند مكتبه ريناد بحيث تكون بعيده شوي حتى تاخذ ريناد راحتها...
ولاتصدر شوق أي صوت ويحس مازن ان حد معاها....
ريناد:.....الــ...الوو
مازن: دببببببببه انتي وينك
ريناد: انا؟؟
مازن: بجد وحشتيني ليه هالقطاعه؟
ريناد: بس شويه ظروف
مازن: أي ظروف اللي تخليك تقطعيني ياقاسيه
ريناد: معليش
احمد: مااشتقت لي؟
طالعت شوق ولقتها تتصفح كتاب..اووف شوق هذا وقته تعالي انقذيني باموووت ....
احمد: انتي معاي؟
ريناد: معاك...
احمد: ماقلتي لي ماوحشتك ؟
ريناد: الا اكيد...
احمد: وانا اكثر ياقلبي....اخبارك في المدرسه؟
ارتبكت وسكتت اووف والحل بانكشف واروح فيها...
ريناد: اه...احمد حد من اهلي جاء اكلمك بعدين باي
احمد: اتصلي مو تنسيني ...باي

رمت الجوال عالسرير ودمعت عينها....جات شوق لعندها وجلست جنبها....
شوق: حبيبتي ريناد شفيك؟ ايش قالك؟
ريناد: ليه تركتيني ورحتي هناك.....
شوق: ماابيه يسمع صوت حد معاك بننكشف ياريناد
ريناد: شوق ايش اسوي محتاره
شوق: تطمني انا معاك واحمد يحبك وانت تحبينه بس...
قاطعتها بعصبيه والدموع على خدها: بس شنو؟ استمر معاه؟ طيب وان صار موقف وانكشفت فيه ايش اقوله؟ كيف اتصرف؟ مااقدر اكمل معاه..مااقدر
شوق: طيب تبين تقولي له الحقيقه؟
ريناد: بيتركني ايش يسوي في وحده فاقده الذاكره..يعني وجودها مثل عدمه..
بعد هالجمله دمعت عينها اكثر وغطت وجهها بيديها
شوق: حرام عليك ريناد اللي تسويه...احمد يحبك لو عرف استحاله يتركك
حطت راسها عالمخده ومسحت دموعها....
شوق: ارتاحي الحين ريناد...انا اكلمك بكره..
طفت الانوار وطلعت ..تسندت عالباب وهي تفكر بصوت منخفض..
مسكينه ريناد صعب اللي تمر فيه..المشكله كل مالها وتتعقد اكثر...ورود الزفته من جهه والصور اللي عندها وللحين ماتصرفنا معاها يامالها العمى...ويمكن مازن عرف الحين وبتصير مشكله ويوصل الخبر الى خالتي ويتسرب الى امي ياسلااام ونروح فيها ساعتها بجد ريناد يتتحمل ايش ولا ايش....
يلا يارب مالنا غيرك...ساعدنا...

.................

كانت ماسكه يده ويتمشون في حديقه...بس سرحت في اهلها..شفيهم ياربي امرهم غريب...انا لازم اليوم اكلمهم واشوف شفيهم.....لااازم
ناصر: حبيبتي وين رحتي؟
خلود: معاك
ناصر: نرجع الفندق؟
خلود: يلا
دخلوا الفندق هو راح يستعلم في الرسبشن عن شئ وهي ماانتظرت صعد ودقت عليهم.....
محمد: الوووو
خلود: محمد
محمد: خوخه...هلا وغلا بالقاطعه
خلود: ههههه هلا حمودي اخبارك حبيبي وحشتووني
محمد: تمام....مشتاقين لكم...انت اخبارك مع اللي ماخذ كل وقتك؟
خلود: ناصر؟ فديته..احنا بخير اخبار امي وابوي؟
محمد: تمام الحين هم في بيت عمي
خلود: غريبه ايش عندهم.؟؟
محمد: ماقالوا لك؟
خلود: يقولوا ايش؟
محمد: معقوله ماتدرين مايصير
خلود: محمد تكلم حرقت اعصابي
قال لها اللي صار لريناد وابوها....اول شئ سوته سكتت حتى تستوعب هاالاحداث السريعه
خلود: ريناد بخير الحين؟ مسكينه جد ماتذكر شئ؟
محمد: أي والله
خلود: اوكي وعمي؟ الحين صار كويس؟
محمد: بخير الحمدلله حالته مستقره....انا رحت له امس وكلمته فيه تحسن
دخل ناصر هالوقت ولما شاف ملامح وجهها مو على بعضها راح وجلس جنبها عالسرير...
خلود: الحمدلله...ابيك تسلم عليه وعلى ريناد..
محمد: يوصل...الا ناصر وينه؟
خلود: جنبي
محمد: عطيني اكلمه
خلود: اوكي..

ناصر: الووووو
محمد: لاتكلمني
ناصر: هههههه الحين انت اللي قايل لها هاتي ناصر
محمد: كذا ياخاين؟ كم مسج رسلته لك ولاتقول ارد له المسجات حشى مو بخل هاللي فيك
ناصر: مع كشتك....ماوصلني شئ
محمد: لاتقوول؟
ناصر: والله
محمد: عاد راسل لك فوق الخمس مسجات لكن بسييطه..
ناصر: يلا مانطول عليكم..سلم على عمي وعمتي اوكي
محمد: الله يسلمك انتبه لخلود باي
ناصر: باي

بعد ماسكر لف عليها لقاها حاطه راسها عالمخده..راح لعندها وصار جنبها وراسه براسها...
ناصر: حبيبتي
خلود: اممممم
ناصر: تعبانه؟ فيك شئ؟
خلود: لا
ناصر: اجل شفيك؟
خلود: ولاشئ
ناصر: حبيبتي خلود هالكلام مو علي
خلود: صار شئ مضايقني شوي
ناصر: شنو؟
خلود: ريناد طاحت يوم السبت باالمدرسه وتعورت شوي وودوها المستشفى عمي لما عرف طاح عليهم ودخلوه العنايه..تعرف قلبه كيف ضعيف مايتحمل المسكين شئ
ناصر: جد؟؟؟ مايشوفون شر ماقال لي محمد
خلود: اللي مضايقني اني ولا كأني بنتهم....ماقالوا لي أي شئ عرفت من محمد بالصدفه
ناصر: معليش خوختي مايبون يضايقونك ويعكرون مزاجك....
خلود: مادري يمكن.....

بعد ماسكر من اخته راح غرفته ورمى نفسه عالسرير بتعب...وابتدت الافكار تاخذه وتجيبه اول شئ هبه...
اللي مو عارف بجد كيف يتصرف معاها....ياربي اخذها؟ واخطبها؟ كيييف مو متخيل بهاالطريقه عاد؟
بس لا انا الغلطان ليه انزل معاها ونجلس لوحدنا ...عيب اصلا..مااالت علي من خبل
والحل طيب.....لازم افكر بسررعه مافي وقت ..خالتي مو راحمتها ابد....
باصير اناني واخلي هبه تتعذب وانا هنا مرتاح؟انانيه هذي...البنت قالتها لي بالحرف الواحد استر علي...
اااه بوافق وامري الى الله....انا في الحالتين فاضي حياتي مالها لون ولامعنى..من بعد سماح..
عاالاقل يمكن هبه تخلي لحياتي طعم.....يمكن تعوض هالفراغ اللي احسه.....طيب وسماح؟؟؟
اكيد للحين تحبني وتبيني....مادري هي ايش تسوي مع زوجها ..يمكن مخططه تخليه يطلقها....
لازم اكلمها واشووف.....

سماح اللي كانت نايمه: الووو
محمد: الو...السلام عليكم
سماح: مين؟
محمد: نسيتي حتى صوتي؟
سماح: محمد؟
محمد: زين عرفتي والله....
سماح: ليه متصل بهاالوقت علي؟
انصدم بصراحه من جملتها....

.اوكي ماكنت متوقع كلام حلو منها..بس كذا يكون الاستقبال...
محمد: هذا ردك لي؟
سماح: لاتلومني يامحمد..طيب لو حد جاء وسمعني اكلمك باروح فيها
محمد: اوكي انا اسف ...
سماح: طيب ليه متصل....؟
هين ياسماح انا محمد تكلميني بهالطريقه....اوريك كييف
محمد: متصل اعطيك خبر....اني نويت اتزوج
طاح الدمعه على طول من عينها....خلاص نساني كنت صفحه بحياته طواها وناوي يفتح صفحه جديده....
كذاب وين كلامه يقول مابينساني وراح يبقى يحبني طول عمره...
سماح بهستيريه: تروج حد ماسكك......بس حط في بالك شئ اني نسيتك وماابيك بعد هاللحظه اووكي باي...

حس بشئ داخله ماعرف كيف يفسره.....ضغط بيده عالجوال....اهانتني...اهانت كرامتي...
ماتوقعتها منك ياسماح...بسهوله تقولي ماابيك....حتى انا بعد اللي قلتيه بكرهك.....
ماراح اسمح لنفسي اني افكر في انسانه ماتبيني وجودي بحياتها مثل عدمه....

انا حسمـــــــت الامر خلاص...هبه وبس..عاالاقل تبيني مو انتي ...

..................

صحت على دق متواصل عالباب...طالعت الغرفه...وين انا؟؟ ...اووه هذي غرفتي ..
توقف الدق وانفتح الباب ماقدرت تميز في البدايه من الداخل..لكن بمجرد ان الاضواء اشتغلت عرفتها....
حور...بعد الليله اللي طافت ومانامت الا ودموعها تغسل مخدتها...مالها مزاج تشووف أي حد...
حور: صباح الخير حبيبتي
اووف ماابي اشوفها..لو حد من اخواني لازم بتقبله بس هي مو مجبوره اتقبلها....
صدت عنها ورجعت حطت راسها عالمخده.....
حور وهي تقرب منها: ههههه قلنا صباح الخير
ريناد من غير نفس: هلا
حور: ماشبعتي نوم؟
ريناد: لا خليني انام...ممكن؟
حور: براحتك حبيبتي
ريناد بعصبيه: انا مو حبيبتك ولا حبيبه أي حد اوكي
حور: طيب بس لاتعصبين
ريناد: اوووه شفيك انتي؟ خليني لوحدي واطلعي
انتبهت لحد دخل الغرفه كان ماهر...لما شافت نظراته الحاده خافت وسكتت...
ماهر: شصاير ؟ ليه تصارخين؟
ريناد: مافيني شئ
حور: عن اذنكم
قامت حتى تطلع بس سحبها من يدها ورجعها...
ماهر: ريناد هذا مو اسلوب تكلمين فيه بنت عمك وزوجه اخوك
ريناد: اها يعني غلطت؟ اوكي منك السماح يا...حور
تقرب منها وحط عينه بعينها بجديه....والشر يتطاير من عينه...
ماهر: ريناااااااد وجع
تقربت منه حور ومسكته من كتفه...
حور: خلاص خليها اكيد تعبانه
ريناد: لامو تعبانه...وانا ماسويت شئ غلط ماابي اشوف حد
ماهر: اسمعيني اذا كلمتك تنزلين صوتك فاهمه
سكتت ونزلت راسها وهي تكتم العبره..اووف مااحبهم...مااحسهم اهلي
ليه كذا يالدنيا...المفروض يوقفون معاي..مو يعاملوني هالمعامله
حور: ماهر علشاني خليها الحين
ماهر: ريناد كلمه وحده مااثنيها....صوتك هذا وربي ان سمعته ثاني مره بتشوفين اللي مايعجبك..اخر زمن قله ادب صحيح...احترمي اللي اكبر منك مو ترفعين صوتك عليهم
قال هالجمله وطلع....ماقدرت تمسك نفسها اكثر وانفجرت في موجه بكاء..تقربت منها حور وحطت يدها على راسها.....لكن ريناد بعدتها بقسوه....تركتها براحتها وطلعت...

دخل الصاله...لقى هبه جالسه جنب امه...حاول عاالاقل يبتسم لهم ...طلعت هاالابتسامه بصعوبه
ام مازن: حبيبي مازن وينك؟
مازن: موجود يمه
ام مازن: تأخرت كثير
مازن: معليش توني مخلص محاظراتي
ام مازن: تعال تغدى
مازن: مالي نفس باروح انام تعبان شوي
ام مازن:ليه عسى ماشر؟
مازن: ماشر يمه...خلاص اذا صحيت باكل
ام مازن: براحتك حبيبي
صعد غرفته بتكاسل وتعب....ماصدق شاف السرير ورمى نفسه عليه وتلحف زين
عن جد راسي بينفجر من كثر التفكير بجن ان بقيت على هالحاله لازم اشوف لي حل....ريناد من جهه مو قادر اشيلها من هالراس اللي كرهته ...ورود من جهه ثانيه ودي اذبحها وارتاح...والجوهره اللي محتله جزء ثاني من فكري....بس هي الوحيده للي لو سمعت صوتها برتاح....اخذ الجوال ودق عليها..فقد الامل انها ترد ولكن على اخر رنه سمع صوتها....

http://song4.6arab.com/tamer-7osny_noor-3ainy.ram

ريناد: احمد...
مازن بعد صمت: حياتي...

مازن: جوهره...
ريناد: امممممم
مازن: وحشتيني
دمعت عينها.....وحشتك....الوحيد انت يااحمد اللي مهتم وتتصل تسأل علي...اهلي وباالاخص اخوي ماحط لي اعتبار...
ريناد: اوكي
مازن: اوكي؟ هذا ردك لي...حبيبتي...ماوحشتك؟
.....ايش اقوله..اي احس بشئ داخلني....شعور عنيف يصيبني...
ريناد: الا وحشتني
مازن: اجل ليه تغيرتي علي؟
ريناد: انا ماتغيرت
مازن: والبرود اللي بصوتك...وين لهفتك قبل...
تنهدت وسكتت....
مازن: احبك
وانا احبك....اي بصراحه هاللي احسه ماله أي تفسير غير اني احبه...من سمعت امس صوته وانا حاسه بهالشئ...
كلمته حركت كومه احاسيس كانت مركونه داخلها..كأنها كانت محتاجه بس لدفع بسيط ..خلاص احبه مع وجهي
مازن: لاتستغربين احبك....مااقدر اعيش دونك
ريناد: امممممم
مازن: حياتي فيك شئ؟
ريناد: لا
مازن: متضايقه مني؟ زعلتك انا في شئ؟
ريناد: لا بس تعبانه شوي
مازن: سلامتك..من ايش؟
ريناد: احمد
مازن: هلا
ريناد: ماتحس ان اللي نسويه غلط
مازن: غلط؟
ريناد: ايوه
مازن: بس انا احبك حياتي...وانت...
انربط لسانه في هاللحظه..كيف اقولها..وانا مادري تحبني او لا
ريناد: وانا احبك احمد...
لسانها مانطق بأي شئ...احاسيسها ومشاعرها المتضاربه هي اللي حكت عنها ...بعد صمت طويل
مازن: تحبيني؟ وانا اموت فيك.....بس ليه غلط؟
ريناد: لانه غلط
مازن: حبيبتي غلط لو كنت اتسلى وانت تتسلين ..لكني احبك بجد وانت تحبيني
ريناد: بس مانقدر نرمي العادات يااحمد ورانا
مازن: الجوهره احنا غير
ريناد: على راسنا ريشه يعني؟
مازن: اه..تعبتيني يالجوهره...والطلوب مني الحين؟ ماتبين هالعلاقه؟
ريناد: ماقلت هالكلام يااحمد...بس ماتكون كذا
مازن: قصدك نرجع للماسنجر
ريناد: عليك نور
مازن: بس بيوحشني صوتك
ريناد: ـــــــــ
مازن: اذا تبين هالشئ براحتك....مااقدر اجبرك على شئ ماتبينه
ريناد: اوكي مشكور انك تفهمتني
مازن: العفو....اوكي بتركك الحين باي
ريناد باندفاع: بتتركني؟ وين بتروح؟
مازن: ماابي اضايقك اكثر
ريناد: انت كيف تقول هالكلام
مازن: يعني مايضايقك كلامي وحريتي في التعبير عن مشاعري؟
ريناد: كيف اتضايق وانت الوحيد اللي تحسسني بهاالحب
مازن: كيف؟
ريناد: اللي فهمته..احمد مااحس حد يحبني
مازن: لاتقولين هالكلام ياقلبي...الكل يحبك..واهلك يحبوك مو كفايه يعني؟ وانا احبك
ريناد: ماحد يحبني....الكل يجاملني يااحمد....حتى اخوي من شوي يصارخ علي...
قالت هالجمله بعصبيه بعدين حست لنفسها انها اندفعت....سكتت حتى مايحس بشئ ويشك
مازن: وابوك؟
ريناد: بالمستشفى
مازن: وليه ماقلتي لي؟ تخبين علي شئ مثل هذا؟
ريناد: ماجات مناسبه وانت ماسألت
مازن: لازم اسألك يعني حتى تقولين....مابيننا شئ حياتي كل اللي في قلبك ابيه يكون على لسانك وان تضايقتي او زعلتي تعالي لي وارمي همومك علي....
ريناد: جد احمد؟
مازن: اكيد ياحبيبه احمد...
ريناد: اوكي..مشكور
مازن: على شنو يالدبه
ريناد: هههههههههه
مازن: دوم هالضحكه
ريناد: اوكي احمد انا استأذن الحين
مازن: اوكي انتبهي حبيبتي لنفسك اوكي؟
ريناد: من عيوني باي
مازن: تلسم لي عيونك...باي

سكر وهو مبتسم ..واخيرا اعترفت بحبها لي..والله انا احبها اكثر...اهواها هاالانسانه مثل الملاك جالسه بوسط قلبي...كالعاده ريناد دائما تهاجم افكاره من يفكر في الجوهره....اوووووووف هالريناد مابتتركني في حالي
عندي حبيبتي الجوهره وافكر في ريناد؟ ماعندي سالفه....انام احسن لي

نزلت عالدرج وشافت امها وابوها يسولفون ويشربون شاي...
شوق: سلام ياحلووين
ابومحمد: هلا بدلوعتي تعالي هنا
راحت وجلست جنب ابوها.....
ام محمد: ها شقلت؟
ابومحمد: لازم اعيد الكلام.....؟
ام محمد: طيب ليش البنت مافيها شئ والقريب اولى فيها من الغريب
ابومحمد: محمد قالك مايبيها ....هذي حياته لاتاخذين رأي
طالعت امها وهي معصبه...اووووف محمد وهبه؟؟ الظاهر ماراح نخلص من هالموضوع...
شوق: يمه..ليه مصره على هبه...احنا مانبيها لمحمد
ام محمد: انا ماعلي منكم...تعبت وانا اتكلم في هالموضوع..
شوق: يمه..حتى محمد مايبيها ليش بالغصب....
محمد: ومن قال ماابيها....

لفوا عليه..كان نازل عالدرج راح وجلس جنب امه....
ام محمد: شقلت يامحمد؟
محمد: اللي سمعتيه يمه....خلاص اخطبوها لي
دمعت عينها من الفرح...
ام محمد: واخيرا ياولدي....
شوق كانت مصدوومه طالعت ابوها كان نفس الشئ مو مصدق يطالع محمد وماقال شئ
محمد وهو يلف لابوه واخته: شفيكم؟
ابومحمد: محمد ياولدي تعال ابيك شوي
محمد: طيب
قام مع ابوها للحديقه الخلفيه للمنزل....
محمد: خير يبه....
ابومحمد: محمد اسمعني انت تبيها من خاطرك ولا علشان امك ضغطت عليك
محمد ببتسامه: لا يبه....انا مقتنع في هبه...هي بنت خالتي وانا اولى فيها من الغريب....خلاص نويت اخطبها
ابتسم وحط يده على كتف ولده: والله وكبرت ياحمود وباشوفك معرس..مبروك
محمد : الله يبارك فيك يبه....ها تعرس معي؟
ابومحمد:ههههههههه تبي امك تطردنا بره البيت
محمد: ههههههههههههه ....

دخل البيت مره ثانيه ولقى شوق بس جالسه وسرحانه....لما شافت ركضت له وسحبته حتى يجلس....
شوق: ايش هالجنون هااا؟
محمد: شنو بعد؟؟؟
شوق: ليه وافقت عليها؟ وانت تحب سماح
محمد: لو سمحتي لاتجيبين طاريها مااحبها طيب...عاالاقل باخذ هبه يمكن تحط لي اعتبار وتحترمني مو سماح اللي هانت كرامتي ونستني
شوق: كيف تنساك وهي تحبك...
محمد وهو يقوم: هي متزوجه الحين الله يوفقها...وانا صار لازم اشوف حياتي واتزوج
شوق: امي اللي دخلت الفكره براسك صح؟
محمد: اووووه شفيك انتي هذي حياتي انا حر اتزوج اللي ابيها اووكي

تركها وراح وهي شوي وتبكي....شفيه محمد؟ جن؟ كل هذا من تأثير امي عليه....خلاص دامه اختار هبه الله يوفقه ويوفقها انا مالي خص فيهم...باروح اعتذر له...مهما كان هذا اخوي....

دخلت وشافته يحط بشعره جل....راحت ووقفت جنبه...
شوق: حمود
محمد: نعم..
شوق: زعلان يالدب؟
محمد: لا
ارتفعت وحبته على خشمه: وهذي حبه على هالخشم مو تزعل
محمد: ههههههههههههههههه ماازعل منك
شوق: ها وين رايح؟
محمد: البحرين
مسكت يده
شوق: لاااااا حمود وكييييف ماتقول لي
محمد: روحي يلا البسي
شوق: مع من بنروح؟
محمد: انا وانت وبشار وريناد حتى تغير جو...ومزون ويمكن هبه
شوق: عد للعشره تلاقيني بسيارتك
محمد: يلا انتظرك شوقوه مو تتأخرين ..عشره ماجيتي؟
شوق: هههههههههههه خبل اصبر شوووي
محمد: تيك يور تايم دبه

...........................

من بعد ماكلمها مازن وهي تتقلب على سريرها مو عارفه تنام...قامت ووقفت مقابل النافذه...يالله قد ايش ارتحت بعد ماكلمته...شئ غريب اني ناسيه كل شئ..بس احس بشعور تجاه هاالانسان...
احبك...طلعت مني عفويه..وتلقائيه من دون أي تفكير وتخطيط..الحمدلله حد يحبني ويخاف علي..حسافه البعيد احن علي من القريب..صوت الباب صحاها من افكارها....لفت وكان ماهر...
ماهر: ممكن ادخل
تذكرت صراخه عليها..طنشته ولفت تطل من النافذه مره ثانيه....
شغل الاضواء وراح وقف جنبها....
ماهر: شلونك الحين؟
ريناد: بخير
ماهر: ليه جالسه هنا لوحدك؟
ريناد: ليش في شئ؟
بشار: نعم هناك شئ
دخل بشار وبيده ايش كريم
بشار: تبين؟
ريناد: لاشكرا....بالعافيه عليك
بشار وهو يقلدها: لاشكرا...بالعافيه عليك....قووووومي يلا بلا دلع
ماهر: قومي ياشيخه من قدك بيمشيك ويوديك البحرين
ريناد: الحين؟
بشار: أي بنروح مع شوق ومحمد ويمكن مزون
ابتسمت...وناسه راح تكون اكيد طلعه حلووه
ماهر: بعدك زعلانه؟ ماكان قصدي بس عصبتيني
ريناد: لان حور ماتحبني تعطف علي..
ماهر: حرام عليك هي اصلا اللي اقترحت هالفكره حتى تغيرين جو
بشار: طيب عندي لكم خبر حلو
ماهر: انا عرفه باقي ريناد تعرفه
ريناد: شنو هالخبر؟
بشار: ابوي بيطلع بكره من المستشفى
ريناد: جد؟؟
بشار: نعم نعم هذا صحيح
ريناد: هههه ونااسه....انا باقوم البس
قالت هالجمله بحماس واخذت لها ملابس ودخلت الحمام....
ماهر: كيف شفتها اليوم؟
بشار: لازين ..خليها شوي تغير جو
ماهر: متى بترجعوا؟
بشار: مادري الساعه 11 او 12 مااظن قبل
ماهر: لاتتأخروا البيت بيبقى فاضي
بشار: حور بتطلع؟
ماهر: أي بتروح بيت خالتها ام مازن وانا عندي شغل مو فاضي
بشار: طيب..طيب..يلا سلاااام
ماهر: انتبه لريناد ...فمان الله