روايتي الأولى ::ذايب في هواهم::

ذايب في هواهم
((الجزء الثاني والثلاثون))
بسم الله الرحمن الرحيم
((المستجدات في هذا الجزء...
-أبطالنا لازالو مشغولين كلن منشغل بشيء يشغله أصحاب الدوامات بالدوامات وأصحاب الدراسه بالإختبارات
-اليوم الأربعاء ورانيه أول وحده من أبطالنا تخلص أختبارات وراح تنزل الشرقيه
يعطيكم العافيه
تابعونا))
ع
م
ر
الغياب مايغير مافي القلوب
د
ا
م
القلوب إللي نعزها تعزنا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:11م في المطار ...
رانيه فتحت الرساله قالت تكلم صديقتها: والله مدري وش فيهم كلهم صايرين طيبين
سلمى: ههه حرام عليك , ماقلتي لي من مين الرساله ؟
رانيه: من جسور خالي "قرأت لها الرساله وقالت: رديت عليه أترك عنك الرسائل تراني خست في المطار
سلمى: ههههههه ياويل قلبي ع صديقتي اللي ماتعرف تجامل
رانيه: إذا أنا في جده يحبوني خلني أجلس معاهم يومين يملون مني لكن خليني أتغلى
سلمى وهي قايمه تسلم ع رانيه وتتباوس معاها: أبري ذمتي حبيبتي حلليني وخلينا نشوفك في الإجازه
رانيه: مبرية الذمه محلله يالغلا وأنتي بعد خلينا نشوفك , وبشريني إذا ولدتي
سلمى: إن شاء الله
رانيه: لاتنسي إذا بنت سميها رانيه عشان تصير خفيفة دم مثلي
سلمى: ههههه إن شاء الله , تعالي نوصلك
رانيه وهي تناظر شاشة جوالها: لاعيوني ما أركب مع متزوجين , هذا هم وصلو"ناظرتهم: ماشاء الله الجيش كلهم جايين
عبير راحت تركض لرانيه مطنشه اللي معاها: الحمد لله ع السلامه رنوش
رانيه: الله يسلمك , جنبك نفرين سلمي عليهم
عبير سلمت ع سلمى: ووين النفره الثانيه ؟
رانيه: في بطنها
سلمى وهي منحرجه: فضحتينا رنوش
عبير: ههه ماتهون عن سوالفها رانيه , الله يتمم لك ع خير يارب
سلمى: إن شاء الله , يلا زوجي وصل
رانيه ودعت سلمى وراحت مع عبير السياره وجلسو يسولفون , جاسر اللي توه راكب: بل عليك كل هذي أغراض !!
رانيه: أهم شي سلامتي وبعدين نهاية السنه مفضيه الشقه
جاسر: خلاص آسف , الحمد لله ع السلامه
رانيه: يسلمك , وأنت وش جيبك عن حساب ثالث ثانوي
وائل: شسوي يا أختي أحبك وبعدين باقي لي ثلاث أيام وأخلص
رانيه: بالتوفيق , طبعاً عبوره الحلوة بتنام معي
عبير: أفآآ عليك كم عروسه"قرصها وائل وقالت بتلعثم: أأ رنوش عندنا
رانيه: مدري وش وراك , غريبه بتجين بيتنا بدون شروط وسين وجيم
عبير: خلاص إذا ماتبيني أجي لك
رانيه: لالا ياخي خل نطلع حرتنا خلصنا إختبارات وأنت جسور ما أوصيك بالطلعات الزينه
جاسر: آآآخ بس أنا المفروض يسموني السواق جاسر أنزلو بس
رانيه وهي تنزل: ههه وأنا وين أشوف لي خال مطيع مثلك
جاسر: أصبغيني باهلكلام يالمصريه
أم مشاري: أهووووو خل أسلم ع بنتي "ضمت رانيه"
جاسر يقلدها قبل لاتبكي: أهئ أهئ يابعد قلبي وحشتيني أهئ أهئ
أم مشاري ضربته ع ظهره: أستح أنا أختك الكبيره
جاسر وهو يتحرطم: وأنا دوم مهزأ أففف
بعد ماسلمت رانيه ع الكل قالت تستأذن: يلا باخد لي دش سريع وباجي أجلس معكم "ناظرت وائل: وعيال ثالث ثانوي خلهم يذاكرون
وائل تنهد عقب مارقت رانيه السلم: هالفضيحه عبيروه تعبت وأنا أرقع لها
الكل: ههههههه
سيف: وأنتو مخروشين تودونها معاكم المطار بتفضحكم
عبير: جب يلا جب خلني أعبر عن شعوري بنت أختي بتنخطب خل أفرح , أبو مشاري بتفاتحها في الموضوع ولا أنا أكلمها
أبو تركي: أنتي لو بكيفك جبتي الشيخ وملكتي فيها الحين
أبو مشاري: هههه خلها ترتاح
أم تركي: يلا عاد ملينا فاتحوها في الموضوع , ع ماتفكر والتحاليل من جد يمللون هالجيل
أبو تركي يناقرها: وأنا أقول عبور ع من مرجوجه
أم تركي تناقره: عليك
عبير وقفت بينهم بهبال: صلو ع النبي خلاص أنا طالعه عليكم أثنينكم
أبو تركي: ياللي ماتستحين
عبير وهي تسمع تهزيأهم ناظرت وائل وجاسر اللي يضحكون قرصت جاسر من القهر ...
جاسر: آآآخ يانحيسه
أبو تركي قلب التهزيئه ع جاسر: كم مره قلت لك لاتقول نحيسه
رانيه..نزلت وأبتسمت لمن شفت جمعة أهلي وأحبابي جلست جنب جدتي من زمان ماناقرتها خخخ ...
أم تركي: أتركي شعري يارانيه
رانيه: مقدر ع الحرير يجنن يارب أجيب بنوته مثل شعرك
أبو تركي يأشر ع رانيه بيده: تعالي تعالي أنتي
جت رانيه جنب أبو تركي وأبو مشاري وعبير وراها , أبو تركي يكلم عبير: وأنتي وش اللي جابك
عبير: أشجعها رافعه علم أنصر أخيك ظالم أو مظلوم
سيف: أعوذ بالله وش دخل الظلم وما الظلم تعالي الله يهديك بس
عبير راحت جنب سيف وهي تتحرطم وأذنها عند أبو تركي وأبو مشاري ورانيه ...
سكت أبو مشاري من المقدمه الطويله العريضه وقال أبو تركي يكمل: ماشاء الله عليك تدرسين وكبيره ومو ناقصك شي
رانيه وهي شارقه بالشاي: كح كح قل لا إله إلا الله جدي لاتحسدني
أبو تركي مل منها كل شوي تناقره: من زينك , المهم خطبك واحد مدري شسمه"ناظر جاسر: شسمه اللي خطب رانيه
جاسر وهو يضحك ع شكل رانيه اللي شربت الشاي كله دفعه وحده: راشد الـ*****
رانيه وكأنها تمون عليه قالت لا إرادي: رشووووووود
أبو تركي: بعده مايصير شي وتسمي الولد رشود ما أقول إلا الله يعينه إذا صرتي من نصيبه
رانيه أنحرجت من نفسها: يلا أنا نعست
عبير: تكفــــــــــــى جسور جيب الكاميرا تراها ماتحصل إلا في العمر مره رنوش مستحيه
رانيه ضربتها ع ظهرها: جب لا كف الحين
سيف: حتى وهي مستحيه تهاوش
أبو مشاري أشر لهم يسكتون: الولد خوش ولد ولا عليه كلام والكل يمدح فيه
رانيه تقاطع أبوها: بس بس ما أقدر أذوووووووب
أم تركي ضربتها ع راسها: شتذوبين أعملي أدب
سيف: أنا مستغرب هذي كيف بتعرسونها "شافها أستحت: تراه تقي نقي
عبير: ههههههه تقي نقي لايكون من المبشرين بالجنه
أبو مشاري: نفسي أشوفكم ماخدين الأمور بجديه
رانيه قالت بسرعه: خلاص راح أقول لك رايي , شوف اللي تشوفونه بس أبي أكمل دراستي في جده وأجي البيت كل أسبوع عجبه أهلاً وسهلاً ماعجبه أبناء منصور تارسين القصور"قامت ركبت غرفتها"
سيف ناظر الموجودين وهو يضحك: هههههههه في ذمتكم هذا وجه عروس الناس يقولون بفكر أسبوع وناس يفكرون شهر هذي في خمس دقايق قالت رايها
عبير: زمن السرعه ياولد أختي
أبو تركي: شسوي أنا تخيلو لو أرد ع الناس الحين بيقولون مرجوج
أم تركي: وش عليك أنت رد عليهم أهووو
أبو تركي: ما ألوم المرجوجين , قومي بس نروح البيت
جاسر تنهد: طبعاً السايق جاسر اللي بيوصلك
أم تركي: الله يخليه لي وأشوفه معرس قولو آآآميــن
الكل: آآميـــن
عقب ماطلعو بيت أبو تركي , أم مشاري: لاتردون ع الناس الحين خلو البنت تفكر من حقها
أبو مشاري: مابنقول لأ من حقها , بس هي اللي ردت من الحين
أم مشاري: أنتظرو لاتردون بروح أقول لها تفكر "ركبت غرفة رانيه لقتها مع عبير"
رانيه وهي تمسح دموعها: يعني شكلي كان يفشل ؟
عبير: لاياقلبي بس فاجئتينا بردك
رانيه وتشهق: وأنا وش يدريني أنهم يفكرون أسبوع قالو لي الولد زين قلت اللي تشوفونه مثل المسلسلات
عبير وهي تضحك: الناس يقولون بيصلون صلاة أستخاره ويتغلون شوي ناس يفكرون بالشهر وأنتي مره في زمن السرعه حتى مادريتي من ولده اللي خاطبك
أم مشاري دخلت وهي مبتسمه: فكري يايما لاتتسرعين
رانيه: زين متى أرد عليكم
عبير: بعد نص ساعه ولا أقول لك الحين , عن الهبال لازم تجلسين مع واحد من خيلانك أو أخوانك يعرف عنه كل شي يعلمك عن طريقة حياته وشغله و.......ألخ>>>
رانيه: لالالالا مابي مابي , شنو أنا بنت خجوله يتكلمون لي عن ولد أستحي
عبير: اللي بيستحي مثلك ولا لايستحي
أم مشاري اللي تعبت من بنتها: فكري زين يايما ترى الولد
رانيه قاطعت أمها: لاتتكلمي لي عنه أستحي , أنا قلت اللي يشوفونه أبوي وأخواني وخوالي وعمومي
أم مشاري تنهدت: براحتك , يعني هذا آخر كلام عندك
رانيه: أيوآ
عبير: يلا خيو ريحتنا من إنتظار رايها كفايه بننتظر التحاليل وتحديد موعد الملكه
أم مشاري: الله يسوي اللي فيه الخير , رانيه يما فكري ع الأقل لو بس شوي بكره قبل مايتصل أبوك يرد ع الناس برجع آخد رايك
رانيه: إن شاء الله "طلعت أم مشاري"
عبير..مقدر ع حركات رانيوه يمكن لو حد مايعرفها يقول أنها جريئه وماتستحي لكنها مستحيه خدودها حمران وهي تجادل عارفه أن كل هالهبال اللي سوته من الحيا ناظرتها ليقيتها سرحانه فطست ضحك مايناسبها ...
رانيه..مابي أحط في بالي شي ولا أشغل نفسي بتفكير خليتها ع ربي اللي يجي من الله حياه الله ماتفرق معي أهم شي أن الولد زين شنو بيكون ردي مثلاً لو ماقلت اللي تشوفونه؟ هذا ردي سواء الحين أو بعدين ليه أعقد الأمور , دعيت ربي أنه يسوي اللي فيه الخير والصالح لي سواء أن كان الولد من نصيبي أو لأ ...
عبير..ناديتها شكلها نامت ياربي وش فيها أنقلبت وين الفضول والقتله حتى ماعرفت من اللي خاطبها يلا بكره تعرف , أنقلبت للجهه الثانيه خل أنام أحسن لي ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
السبت الساعه 3:40م في فيلا عبد العزيز ...
رزان..تعودنا أيام الإختبارات ننام في بيتنا أنا وبنات عمتي , كان الوضع جداً إيزي لأن بابا في البيت معانا وعمتي يعطيها العافيه لازم يومياً تجي إذا ماسوينا غداء تجيب لنا غداء من عندهم وتتطمن ع مذاكرتنا وتشوف طلباتنا وخالي نفس الشي , وحتى فيصل مايقصر بس مايجلس معي كثير عشان أختباراتي وزواجنا قرب ...
ملاك: ماتحسون أن في شي مو طبيعي صاير
عهد: خد لك بدوجارد البيت , رنوش ردت ع موضوع خطبتها واليوم راحو للتحاليل وأكيد يتناقشون في هالمضوع
ملاك: لالا في شي ثاني
دانا: لا ثاني ولا ثالث , طيب ماتحسون أن كل شي صار بسرعه عكس خطوبتي
رزان: أي والله كل شي حار بحار بس أحسن , مللونا مدري متى بيملكون
عهد: أكيد عقب ماتطلع نتايج التحاليل
ملاك: صدقوني في شي ثاني مو بس موضوع خطبة رنوش , قومو معاي "البنات سلمو أمرهم لله وقامو مع ملاك"
عبد العزيز: هلا هلا ببناتي تعالو أجلسو
ناصر: أخباركم مع المذاكره ؟
البنات: الحمد لله
ملاك: وش هالإجتماعات من ورانا شاللي تخططون له ؟
فضيله: ههههه مايفوتكم شي , نفكر نسافر معاكم في الإجازه
البنات بصوت واحد: يـــــــــــــــــــــــــــس
دانا: ومن اللي بيرافقنا ؟
عبد العزيز: العائله الكريمه كلها بس فيصل مايقدر ياخد إجازه لأن إذا أخد إجازه الحين مايقدر ياخد إجازه لزواجه , وسلمان عنده شغل
ملاك: ماما طلبتـــــــــــــــــــــــــك بلييييييييييييز
فضيله: عيوني آمري
ملاك: أبي حور تروح معانا بليييييز
فضيله: ههههه تصدقين تونا نقول نبي نروح مع أهل فارس صرنا عائله وحده لكن أتوقع نسافر بعد ملكة رانيه وراشد
رزان: إن شاء الله تضبط التحاليل
فضيله: إن شاء الله , بكره الصبح بتطلع
دانا: ماشاء الله خطوبتهم حار بحار كل شي صار بالسرعه
ناصر: أنتو تقولون كل شي صار بالسرعه وراشد يقول مل وهو ينتظر
عهد: هههه لازم يمل من التفكير , إلا صحيح ماقلتو لي وين بنسافر ؟
فضيله: حالياً بس مكه والمدينه عشان زواج رزان وفيصل قريب
دانا: حلو , طيب مانبي نروح في السياره نبي طيران
عبد العزيز: أيوه طيران عن طريق جده لكن مافيه عن طريق الطائف
دانا: لكن عمتي تخاف من الطائره
ملاك: عااادي أم تركي شوي وتتعود وبعدين بتتشجع إذا شافت الكل بيروح
رزان: قلتو لهم ؟
فضيله: لا للحين مافاتحت حد في السالفه إن شاء الله بعد ماتطلع نتايج راشد ورانيه
عهد: حلو حلو بس كم عائله بنصير ؟
فضيله: هي الرحله اللأهل واللي يعز عليهم , حالياً أحنا وبيت أبو مشاري وبيت أبو تركي وعشان ملوك بقول لأم وافي
ملاك ضمت أمها: أحبـــــــــك ماما
رزان: ياااااااااي بتصير الرحله وناسه
دانا: أفا أفا مرت أخوي فيصل مو معانا وتقولين وناسه
رزان تأثرت: حقه فيه العافيه إن شاء الله بدعي له
عهد: خد لك هذي تقول بدعي له زين إذا خلاك تروحين
عبد العزيز شاف نظرات رزان حب يطمنها: لا كلمت فيصل إن شاء الله بتروحين معانا
دانا: تعورون القلب هذي فهد مو معاها وأنتي فيصل مو معاك
عهد: جب لانطرد فارس
دانا: هههههههههه حررررررررره
ملاك: لاتستانسين واجد تراه مابيصير معاك في غرفه
الكل: ههههههههههههههههه
دانا أنحرجت: نحاستك وتفكيرك الأسود
فضيله: إن شاء الله تطلع نتايج راشد ورانيه سهاله ولا يصير فيها غلط عشان بعد ملكتهم نسافر
رزان: ماعليه ع الليله الزينه وتحديد الملكه والحجوزات مو بهالسهوله
فضيله: لا تحاتين إذا ع الليله الزينه ترنا شفنا إن شاء الله بعد ماتطلع نتايجهم بأربع ليالي
دانا: ياربي وش هالخطوبه كل شي حار بحار
رزان: ههههه الله يتمم لهم ع خير يارب , ملوك وعهود حبايبي قومو ذاكرون بكره عندكم أختبار ولا ترى عهود أشتكي
بعد المناقر والهبال قامو ملاك وعهد يذاكرون والباقي ضلو يخططون للسفره ...
رزان دخلت غرفة فهد اللي جالسه فيها عهد: عهووود حبيبتي بكره عندك أختبار
عهد: لحظه شوي حبيبي , بس شوي رزان .. تعالي كلمي فهد
رزان: هلا حبيبي فهود............تمام الحمد لله........بخير ربي يسلمك.........ههههه عهود ثالث لاتشغلها ترى أشتكي عليك..............أحلف!! كذااااااااااااب..............ياقلبي عهود.......طيب بخليكم براحتكم بس لاتطول عليها بكره عندها اختبار............بيباااي,
رزان..عطيت عهود الجوال ياربي هالبنت وش قد كتووومه يومين مابيكلمها فهد ولا قالت لأحد لو ما فهد قال لي , الله يعينه فهد ويعينها ...
دانا مسكت رزان لاتصدمها: أنجنيتي رزووون
رزان وهي تجلس ع سريرها: ياربي دانوه أنا ماشفت ولا باشوف وحده كتومه مثل عهد أختك
دانا: ليه وش صاير بعد ؟
رزان: فهد عنده أختبار طبعاً كالعاده أيام الإختبارات مايرجعون شققهم بيجلس في الجامعه يذاكر ولا بيكلمها يمكن للإثنين أو حتى للثلاثاء
دانا: ياااااااربي , طيب أول مره أسمع يعني أور ردي يحمل معاه جواله ويكلمها
رزان: يقول دكتور حيوان متحلف فيهم ومانعهم من الجوالات وحتى الابتوبات
دانا: هو أحسن عشان تتفرغ عهود للمذاكره بس بتنشغل بالتفكير ع الله بس تجيب نسبه
رزان: إن شاء الله ماتنزل نسبتها , يلايلا قومي بكره وراك أختبار
دانا: وأنتي قومي ذاكري لبعد بكره
رزان: ههه المشكله مايمديني أتشمت بكره ماعندي أختبار وأنتي عندك بعد بكره العكس يوم لك ويوم عليك
دانا رفعت أكتافها: حـال الدنيآ
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:50م في فيلا خالد وسمانه ...
سمانه سجدت لربها شكر وقامت ضمت خالد بكل ماعندها وهي تبكي: خلوووووووووودي بصير أم
خالد مسح شعرها بحنيه: شفتي أن ربك مايضيع حد "جلسها ع الأريكه: لاتتحركين كثير ولا تتعبين البيبي
سمانه: إن شاء الله
خالد: شفتي أن أحساسي مايخب كم مره قلت لك خل نروح المستشفى بس أنتي ماتطيعيني
سمانه: ههههه فديت حبيبي "ردت ع جوالها وهي في قمة وناستها: أيه رجعت من المستشفى...........غدير بصير أم بصير أم............."ضحكت لمن سمعت صوت غدير تبشر الكل: هههههههه........خالد مبسوط........أبي أذاكر بس شسوي في أخوك وولده........ههه يلا حبيبتي أشوفك بكره ...
خالد سدحها ع حضنه وهو يمسح ع بطنها: سمسوم حبيبتي وش رايك أكلم المدرسه تختبرين في الإداره عشان لا تتعبين أنتي والبيبي؟
سمانه: لا ماله داعي كلها اليوم وبكرا وأخلص أختباراتي
خالد: مايخالف حبيبتي أبي أتطمن عليك
سمانه: تطمن غدور معاي في قاعه , أساساً مابي حد يعرف أني حامل من الحين
خالد: لاتصيرين عنيده يعكس ع نفسية البيبي
سمانه..ظل خالد يوصيني لين ماضاع علي الوقت وقمت أعيد ع مذاكرتي ع السريع بعدها أصر علي أنه يوصلني للمدرسه شسوي بعد عبدةً مأموره نزلت للمدرسه وأصر علي آخد معاي خداديه ووصى غدور أحطها وراء ظهري , سميت بالرحمن وقرأت آيات ودخلت القاعه غدور الدبه حطت الخداديه وراء ظهري ياربي أحس العالم كلهم يناظروني وش هالفضيحه ...
المراقبه: سمانه سمـانه سمــانه
سمانه بروعه: هلا أبله
المراقبه: بسم الله عليك مانمتي كويس الأمس ؟
سمانه: إلا نمت
المراقبه: خلص نصف الوقت إذا ماراجعتي ع ورقتك أو إذا نسيتي شي ماتحلينه
سمانه..ياربي أحرااااج راجعت ورقتي وطلعت وشلت معاي خداديتي خخخ , قالبت غدور الزفته ضربتها ع ظهرها ...
غدير: أييييي
سمانه: تستاهلين أنا اللي جالسه قبال التكييف بعد تجيبين لي خداديه سويتي لي جو مهيأ للنوم
غدير: ههههههه لاتقولين نمتي في القاعه؟
سمانه: لا ياشيخه ليه ماصحيتيني
غدير: حلفي حلفي عاد , أقول نادو علينا قبل يفتحون البوابه الظاهر أن روميو مشتاق بالحييييييل
سمانه: هههههههه دبه , يلا لانتأخر ع خالد
غدير: خالد وخالد ذليتينا بخالد تراه أخوي قبل يصير زوجك
سمانه: ههههه شسوي أحبـــه
غدير: ماتلامين مراهقه
سمانه ظلت تناقر غدير , غدير: صفي النيه يآآآآآآه بكره آخر يووووم
سمانه: راح أصفي النيه بس عشان بكره آخر يوم
غدير: هههههههه
سمانه لفت فمها: وولد أخوك وأمه ؟
غدير: أففففف وولد أخوي وأمه
سمانه سحبتها: يلاااااااااااااااااااا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 5:00م في فيلا أبو وافي ...
أنهار اللي توها راجعه من الجامعه ترقص وتغني: يآآآآآآآآآآآآي اليوم آخر يووووم
حور الطفشانه لأن باقي عليها يومين: مفجووووعه أول مره في حياتك تخلصين أختبارات
أنهار: ههههههه حررررررررره , اليوم بروح أزور حنون وبسهر مع خالتي أمون وبطلع مع موسى الصباح
حور: بل بل بل مالحقت تخلص أختبارات ملت جدولها حق الإجازه كله
أزهار: ماعندهم سالفه مخليين إختباراتكم للثلاثاء
أنهار وفي يدها اليمين خياره وفي يدها اليسار خوخه وهي تاكلهم وتتكلم: وش فيك يما يعطونهم بروفه ع ثانوي
وافي: لوعتي كبدي الله يلوع كبدك ترى الإجازه طويله والأكل ما بينقرض
الكل: هههههههههههه
الوليد ببراءته: لو يشوفها موثى كذا طلقها
الكل ضحك ع براءته , أنهار ضربته: جبببب فال الله ولا فالك يالدب
وافي: وأنتي يالرشيقه شيلي هالابتوب عنك ترى عندك إختبارات
حور اللي تدري في وافي يتطنز عليها: ورشيقه عندك مانع كله من خير بابي ربي يخليه ويحفظه , والاب ماني شايلته أذاكر مع صديقتي ع الاب
أزهار: زمـــــــن قبل الناس يذاكرون في سوا البيت إذا مره مره في التليفون الحين في النت
وافي: بنشوف الدرجات
حور قامت بلابتوبها: أقوم أكمل مذاكره في غرفتي أحسن لي
وافي: أنا أسمع عن عملية فصل توئمين ودايم تنجح هالأيام , بس فصل حور عن الابتوب ما أتوقع تنجح
حور وهي ترقى الدرج: هيهيهيهيهيهي ضريييييييييف جداً
أنهار: بقوم أستعد وراي طياره طول اليوم "قامت تفحط في البيت بهبال"
وافي: الحمد لله والشكر , الله يشافيك يا أختي
أزهار: وأنت جاس تناقر خواتك قوم ذاكر قوم
وافي: آآآآآه ياويل قلبي , بقوم أذاكر ع الكورنيش روحي أنتي لعاملاتك عشان بكره أبيك تنضفين وجهي بالخيط
أزهار: أنت بس خلص إختباراتك ويصير خير , الله يوفقكم يا أولادي
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:40م في المدرسه الثانويه // بالتحديد في مكتب فضيله ...
فضيله وهي تسمع فوضة البنات في الساحه ناظرت ساعتها أتصلت ع دانا: ياااااااربي ماترد
المساعده: خير أبله وش صاير؟
فضيله: بنتي عندها إختبار وماترد أتصلت ع السايق يقول أنه بعيد ولا وصلها
المساعده: يمكن راحت مع خطيبها
فضيله: لا ما أتوقع معاها بنت خالها ولا يردون ثنتينهم , بتصل ع ولدي يمرني"أستأذنت وأتصلت ع فيصل بعد عشر دقايق وصل فيصل وأخدها فيلا عبد العزيز ركبت طوالي لدانا شافتها نايمه"
فضيله: دانا دانا يما قومي روحي الجامعه
دانا وهي تنقلب للجهه الثانيه: الساعه كم الحين
فضيله: بسم الله عليك حبيبتي صارت الساعه 9
دانا قامت بروعه وهي مرتبكه ودموعها تطيح: إختباري الساعه 9ونص
فضيله تهدأها: ماعليه يما حاولي تخلصي بسرعه بساعدك
دانا وهي مرتبكه وتبكي دخلت دورة المياه ...
صحت رزان: عمتي شاللي جابك هالحزه ؟
فضيله: دانا ماراحت الجامعه للحين توها صاحيه من النوم
رزان فزت قامت تجهز لدانا ملابسها ومساكاتها والجزمه وشنطتها لين ماطلعت دانا لقت كل شي جاهز , نزلت تحت تركض والجزمه والشراب في يدها ولفتها مو مضبطه خايفه لايفوتها الإختبار ...
فضيله وهي تركب السياره مدت لدانا فطيره وعصير: تفضلي يما عشان تركزين في الإختبار
دانا وهي ترتجف وتعدل شكلها: مابي
فيصل: أكلي ولا ما أوصلك الجامعه وين جالسن تروحين تختبرين بدون فطور
دانا ماحبت ترد أمها وفيصل أكلت أقل من ربع الفطيره وشربت شويه من العصير ونزلت للجامعه وفضيله معاها تساعدها لأن الوقت بالمره ضيق , راحت دانا تركض لباب القاعه وهي مرتبكه وتشوف البنات كلهم داخل القاعه وبعد سين وجيم لأنها تأخرت دخلوها القاعه وعبايتها وشنطتها ومفتاح صندوقها عند فضيله ...
فضيله..كل ماشفت ربكت دانا أرتبكت رحت لعند الصندوق وسلمو علي بنات الظاهر أنهم من طالباتي ذاكره وجوههم بس مو ذاكره أسمائهم من كثر الوجوه اللي يمرون علي , دخلت أغراض دانا في صندوقها وشريت لها فطور ما أكلت زين رحت لها القاعه قالو ممنوع الدخول عطيت الأستاذه فطورها ومفتاح صندوقها الحمد لله أنها طلعت متفاهمه وتحب دانا ووصلتهم لها , بعدها رحت لفيصل ع قلبي هو طلعته من الدوام بعد هالسالفه الطويله العريضه رجعت للمدرسه جلست أسترخي ع مكتبي رن جوالي ...
فضيله: هلا ولــــدي............مبرووووووووووووووك حبيبي الله يتمم لكم ع خير..............عقبال الملكه والفرحه الكبيره.........تسلم يالغالي.......هذاني بتصل أبشر أهل العروس............مع السلامه,
فضيله..فرحت من قلبي لفرحة راشد أتصلت أبشر رزان عشان تبشر البنات رجعتهم من الدوام , وبشرت أهل العروس والفرحه مو سايعتني ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:07ص في فيلا نورة الله يرحمها ...
هنادي: أن لك بالمرصااااااااااااد يارنوش من متى وأنا ماسكه نفسي الحين طلعت النتايج وبعد أربع ليالي الملكه , محد بيلومني فيك
ريهام: هههههههه الله يعينها الكل متخوي فيها
رؤى: من سواياها في الناس ياحليها مرت أخوي , هنادي وش بتسوين ؟
هنادي بحماس: ألبسو عباياتكم , بنطلع مع رنوش السوق
رؤى: هههههه ياويلي عليك ياهنادي مابعد يملكون النتايج صار لها ساعه من طلعت وبتطلعين معاها السوق
هنادي: أصبرو علي شوي لما أخليها تشاركنا سهراتنا من الحين ما أكون هنادي كذا ولا كذا هي بتصير من أهل البيت
ريهام: بقوم أنا أشوف مرت حميي
رؤى..ركبنا السياره وأحنا ضحك وطناز ع رشود ورانيوه نحش فيهم طبعاً خخخ , ركبت رنوش السياره ومعاها عبير وماقصرنا فيها طول المشوار وهي ساعات تسوي نفسها عادي وساعات تسكت من الفشله بس حفللللللله ...
رانيه ماسكه بلوزه: هذي حلوه ؟
هنادي: ههههههه كاشفينك يامرت حميي عشان حرف الـr عجبتك
رانيه: والله ما أنتبهت له وبعدين حرف الـr حرفي
هنادي: لالالا لاتحاولين خلاص عشانك بس وعشان حميي حلووووة
ريهام..أعذر رنوش لو راحت بيتهم وأنتحرت كلنا ممسخرين الدنيا ع راسها أول مره نحسها بريئه خخخ , ركبنا السياره عقب مامرمرناها ...
هنادي: عبد الحق روح الفيلا
عبير: لا أم شوق نبي نروح البيت تأخرنا
هنادي: كلامي محد يكسره وأنا أم شوق "قالت تكلم جاسم ولدها: جسوم هذي من؟
جاسم ببراءته: هذي لانيه
هنادي: لا حبيبي هذي مرت عمو راشد "رانيه أنحرجت وسكتت , وقف السايق عند فيلا نوره وقالت هنادي: شوفي رانيوه أرفعي راسك
رانيه رفعت راسها: هلا
هنادي: شوفي هذا الطابق الأول اللي هو بيتك وبيت راشد طبعاً , جارتك ع اليسار رؤى وأنا فوق بيتكم وجارتي ع اليسار ريهام
رانيه: ماشاء الله
ريهام وهي تقلدها: ماشاء الله , أقول أنزلي شوفي بيتك
رانيه: لالاتأخرنا وقت ثاني إن شاء الله
هنادي سحبت أذن رانيه بمزح: تراني وحده ما أتفاهم بتنزلين أو لأ , ماقلنا لك أجلسي بس شوفي شقتك وتيسري
رانيه سلمت أمرها للباري ونزلت معاها وصايره بريييئه قدام تعليقاتهم ...
رؤى: هذي طبعاً غرفة راشد تعودي عليه فوضوي
هنادي: في المستقبل بتصير غرفتكم إثنينكم يعني بتتغير غرفة النوم ع ذوقك و.....
ريهام: هههه حرام عليكم شوفو وجه البنت صار لون الصبغ
رانيه ردت ع أمها: هلا ماما جايين بعد شوي أوكي باي
بعد ماخصو تعليقات وضحك وماقصرو في رانيه راحت رانيه مع عبير بيتهم بسلام وأمان ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

عند المدرسه الثانويه الإثنين وآخر يوم في الإختبارات عند عهد // الساعه 9نهاية الدوام ...
عهد..أحس بالحريه لأني خلصت من الإختبارات والمدرسه بكبرها ودعت البنات والأبلات والمدرسه وطلعت متأخره ع نسيم خخخ آخر يوم لازم , رحت لعند السياره مالقيته فيها خفت أركب تطلع السياره غلط لأني متغطيه ردين ولابسه عبايه راس<<شروط المدرسه^_^ , رجعت عند البوابه وأنا أمشي مسكني واحد من يدي خفت كنت بصرخ لفيت شفت وجهه مدري كيف أوصف شعوري أحس الحياه رجعت لي حسيت بفرحة تخرجي لو لا الحيا كان نسيت كل اللي حولي وضميته وصرخت بأعلى صوتي أحبـــــه كنت أناظره وأنا ناسيه اللي حولي وحشني بكل مافيه أبتسامته كلامه عيونه مسكت يده وكأني خايفه أني بحلم , ركبت جنبه في السياره ...
فهد باس يد عهد: مبروك التخرج يالغاليه
عهد: ربي يسلمك ويبارك فيك يا أغلى مافي وجودي
فهد..كنا نسولف وكأنا ماشفنا بعض من سنيييييييين حبيبتي قدام عيني وماسكه يدي باطييييييييييير ياناس , لفيت لعند المطعم ...
عهد: حبيبي وين بنروح؟
فهد: ياحياتي أنا عازمك في المطعم
عهد: بمريولي وعباية الراس ما أعرف أمشي
فهد: هههههههه أنا بمسكك لا تطيحين
عهد..دخلنا المطعم جلست جنب فهد كأني طفله جالسه جنب أبوها وخايفه تضيع عنه , سولفنا ولا ملينا وصلنا الفطور وفطرنا ع رواق والأجواء الروعه , لين ماخلصنا طلعنا من المطعم وصار خاطري في آيسكريم ...
فهد: بس آيسكريم الآيسكريم وأبوه وكل طوايفه لعيون عهوده
عهد: تسلم لي
فهد وهو نازل شغل لها المسجل وضبط وضع المكيف ووصاها تقفل عليها باب السياره وراح يشتري الآيسكريم ...
عهد..ناظرته لين ما أختفى عن عيني ودخل باسكن , جلست أقلب في شنطتي وأعدل أغراضي طلعت المريا وضبطت شكلي وعدلت عبايتي سمعت صوت بريك قــوي أستعذت من الشيطان ورفعت راسي ولو أني مقدر ع هالمناظر بس مدري ليه جاني فضول , أنقطع حبل أفكاري لمن شفت نظارة فهد الشمسيه وأغراض فهد والآيسكريم مرميين ع الأرض بس فهد وينـــــــه!! فقدت كل حواسي لمن شفت ثلاث رجال يساعدونه يقوم جلست أضرب زجاج السياره وأصرخ: وين بتودون فهد جيبوه هو حبيبي مالي غناة عنه , حطيت يدي ع راسي ذكرت أن السياره مقفله مسكت جوال فهد بيد ترتجف وأتصلت ع الرقم اللي شفته قدامي ولا أدري من يطلع ...
عهد وهي توها تميز الصوت من البكي: فيصل فهد صار له حادث..........أنا في السياره عند باسكن "قفلت الجوال وجلست تبكي وهي سانده ظهرها لوراء ...
فيصل وهو يطق ع عهد باب السياره: عهود حبيبتي أنا فيصل أفتحي الباب
عهد فتحت الباب ومسكت بلوزة فيصل: وديني عنده أبي أشوفه
فيصل قفل سيارة فهد وركب مع عهد سيارته وراح لأقرب مستوصف يتوقع فهد فيه ...
عهد: أبي أنزل معاك
فيصل: وين تنزلين ياعهد خل أتطمن ع الوضع بالأول
عهد: تكفى فيصل حرام عليك
فيصل شاف حالتها خاف تسوي في نفسها شي إذا راح عنها , أخدها معه وراح عند الرسبشن سأل عن فهد ووصف لهم شكله عطوه خبر أنه في غرفة الأشعه , جلس ينتظر مع عهد لين ما طلع الطبيب ومعاه فهد يمشي ...
فيصل يناظر فهد بطناز: أحلف أنت بس وهذي مفزعه لنا الدنيا ع أي أساس ؟
فهد: ههههههههههه مافيني شي الحمد لله , عهد حبيبتي
عهد رفعت راسها قامت تناظره وهي تبكي: حبيبي أنت بخير
فصيل: كــــــــــــــــــــح كـــــــــــح أحــم أحـم أحم نحن هنا
فهد: ههههه يلا عهد خل نروح سيارتنا ناخد راحتنا
فيصل: آه ياقليل الحيا طالع من الدوام وهذي النهايه معاك صدق ماتستحي ولا صابك شي يابو سبعة أرواح
عهد: صل ع نبيك لاتحسد رجلي
فهد: عاشت مرتي اللي تدافع عني
فيصل وهو يمشي معاهم للممر: بعرف بس وش سالفتك أنا جيت قلت بشوف دم وحاله في النهايه تطلع لي من غرفة الأشعه تتنقز
فهد: ههههههه السالفه ومافيها أني أختنقت من ريحة البنزين لمن طحت ويدي صار فيها رض ولفوها لي
عهد: الحمد لله ع سلامتك يالغالي
فيصل: بروح سيارتي بس , نيا لكم أنا باقي ع مرتي يومين وتخلص إختباراتها
فهد: ولا كأنه لازق فيها طول الوقت ياخي أحمد ربك أنا ثلاث شهور ماشفت مرتي وأنت ع ثلاثه أسابيع بتموت
فيصل: مالت عليكم أنت ومرتك واللي يتابعكم ويتشكى لكم
عهد وفهد لفو لعند سيارتهم عقب ماخلصو سوالفهم مع فيصل ناداهم فيصل: تعال أنت تعرف تسوق عشان يدك ؟
فهد: أيه أعرف غير يدي اليسار
فيصل: أجل أنقلعو
عهد وفهد ركبو السياره وعايشين الجو مع بعض صح , فهد: بروح آخد لنا آيسكريم
عهد مسكت يده: تكفـــــى كرهت الآيسكريم ومحل الآيسكريم كفايه أنت جنبي مابي شي غيرك
فهد لف الدركسون وهو مبتسم لها: راح تضلين جنبي الآيسكريم بجي لعندنا بعد وش تبين ؟
عهد..أحس نفسي طايره طايره مو بالدنيا فهد معي , وصلنا بيت عمتي الله يرحمها عشان الكل هناك هالحزه نزلنا سوا وحنا ماسكين بعض جلسنا في الصاله نشاهد , دخلت ملوك الخبله ببجامتها وشعرها مكشوش ماعندها خبر أن فهد موجود بعدت عن فهد <<أستحيت ع وجهي خخخ , شوي ورجعت بعبايتها ولفتها وضحك وسوالف معانا ولا كأن شي صاير شوي ودخلت عمتي وهي تسولف مع فهد عادي ولا كأنه توه جاي ...
عهد: كأنه صاير شي من وراي , أعترف من متى وصلت؟
فهد: الساعه 4الفجر بس ماحبيت أزعجك
عهد: ماعليه وأنا آخر من يعلم , حتى ماجيت تشوفني
فهد همس لها: مو بس شفتك أول ماوصلت لقيتك نايمه في غرفتي تحممت وأنسدحت جنبك
عهد حمر وجهها من الفشله قالت: كذاااااااااااب
فهد: وقســــــم قلتي لي كلام ياهو كلااااااام
عهد: فهود لاتعلب بأعصابي
فهد: خلاص مو لازم تدرين أهم شي أنا أنبسطت
فضيله وهي ماره عليهم: تبون غداء الحين؟
فهد: أنا أبي بس عهود لاعبه فيني حالفه إلا تبيني أسوي رجيم
عهد: أنـــــــــا!!
فضيله ضحكت ع مزحهم: يلا بقوم أحط الغداء , رزان ع وصول
عهد: يلا بجي أساعدك
فضيله وهي تحط صحون السلطه: تبون بروحكم ؟
عهد: لامامااااا خلينا معاكم مره ثانيه نتغدى بروحنا
فضيله عطت عهد محاظره: يمكن فهد يبي ياخد راحته أسأليه أول
عهد"يااااااااااربي: طيب طيب , فهد بنتغدى معاهم طيب
فهد: أكيد غناتي بس أهم شي أنتي معانا
عهد: ههه أيه لاتحاتي
رزان..رجعت من الجامعه ورميت نفسي ع الكنبه جلست أسولف مع فهود يحليله أخوي وحشني , بدلت ملابسي ونزلت نتغدى سوى أنا وفيصل وبابا وعمتي وفهد وعهد وخالي وملوك وغلا .. ولو أن مالي خلق بس عشانهم جلست آكل يلا هانت الأربعاء نخلص , قمت من الغداء وصحيت دانوه عشان نروح الصالون ننظف حلاوة ونستعد لحفة راشد ورانيه لأن إذا ماخلصنا الحين مابنخلص بعدين بل عليها دانوه ذبحت النوم , قالت عهود بتروح معانا عشان فهد توه واصل وملوك أستحجت أن عليها اختبار قواعد ع قولتها ورحنا سوا الصالون ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الخميس الساعه 8:14م في فيلا أبو مشاري ...
عبير: يلا بنات خل ننزل وصلو المعازيم
رزان: مدري كيف أنزل سحاب فستاني أخترب
عبير: ههه جبي الإشارب بشوف كان أعرف أصلحه ولا شي
أنهار جت وهم يحاولون في فستان رزان: وش صاير هنا ؟
رزان: قرادة الحظ سحاب فستاني أخترب
أنهار: بجد ورطه , وش بتسوين الحين ؟
رزان: مدري والله , شكلي بتصل لدانوه تجيب لي فستان من البيت بس ع ألوان الميك آب
أنهار: إذا عادي تروحين بيتنا ترى الخياطه فاتحه أتصل لها تصلحه لك في خمس دقايق
رزان: مدري
رانيه: وإن شاء الله عشان فستانك مابتحضرين ملكتي لاعيوووووووني
عبير: هههههه في ذمتكم هذي عروس , رزون شوفي لك حد يوصلك لاتسوي فيك شي
رانيه: ترى مابنزل إلا إذا نزلتي معاي
رزان: ماعليه الحين بتصل لفيصل ,.....أهلين.......فيصل سحاب فستاني أخترب..........مدري.......إذا تقدر توصلني بيت الـ*****.....أيوة اللي بنتهم صديقة ملاك..............خلاص أنتظرك,
أنهار: ها وش صار معك
رزان: كالعاده لازم تهزيئه , الحين بيمر
أنهار: أحمدي ربك بيمر اللي عندي يهزأ ولا يمر
رانيه..ع قلبي رزون مواقف تصير في اللحظه الحاسمه مانعمل لها حساب , كملت تصوير ع الله أخلص قبل توصل رزون عشان تكون موجوده في الزفه , أصلاً كل البنات مدري شفيهم متأخرات نادتني وحده لفيت لها وضميتها بكل ماعندي ...
مرام: يااااااااااقلبي رانيوه أحلى عروووسه تجننين
رانيه: تسلمين ياقلبي , كذا تسوي فيك بريطانيا
مرام: هههههه الكل يقول لي سمنتي
رانيه: أيوه بس مو كثير يناسبك كذا
مرام: وين رزون ودانوه وباقي الشله؟
رانيه: رزون الله يسلمك حزة الحزه أخترب سحاب فستانها وراحت للخياطه ودانا وعهد مابعد يخلصون
مرام: إن شاء الله أشوفهم , شوفي هذي أختي تشبهني؟
رانيه نزلت مستوى الصغيره: ياقلبي تدحن كبرت
مرام: هذي أكبر وحده بعدي طبعاً
رانيه: شدعوده ما أعرفها
دانا ضمت مرام من وراء: وش هالمفاجئه الحلوه
مرام: هههههه هلا والله , تصدقين توني راجعه قبل ثلاثه أيام شفت رسالة الدعوه في بريدي قلت لازم أجي
دانا: أنا الأمس مخلصه إختبارات , ملكتهم عصر السرعه ع أصول كل شي بسرعه
رزان فتحت الباب: هآآآآآآآآي "أنتبهت لمرام وصارخت رضكت لها وضمتها طوالي"
مرام: ها أصطلح سحاب سندريلا؟
رزان: ههههه أيه الحمد لله
عهد عقب ماسلمت: ماشاء الله كلكم محلوات
دانا: وش اللي محلوات الله يهديك آثار الإختبارات ع وجوهنا
عبير: أحلى شي في ملكتك أنها تغيير جو وجمعتنا بعد الإختبارات
رانيه: يااااسلآلآلآم , الناس يقولون أحلى مافي الملكه وجودك مالت عليك من خاله
هنادي وهي تركض: وينها وينها مرت حميي"رانيه وهنادي ضمو بعض والبنات تصفيق وهبال"
رؤى صورتهم: تصدقون لابقين ع بعض تناسبون نسوان حمي
ريهام: وأنا أنا مرت حميهم مالي دخل "راحت صفت معاهم"
رزان: ههههه أكتبو ع هذي الصوره النسوان الحمي الثلاث
رؤى: هههه أمسكي الكاميرا رزون صوريني معاهم أنا حماتهم الوحيده يبي لنا نعلق هذي الصوره ع باب البيت نكتب عليها(راعيات البيت)
هنادي: كان الهيئه تطردنا ثلاثنا
الكل: ههههههههههههههه
هنادي: شنسوي بعد الهيئه في قلوبنا
نرجس دخلت وهم سوالف وضحك: ترى عمتي أم تركي معصـــــبه معازيمها جو ورانيه مابعد تنزف
أنشغلو البنات كل وحده تضبط شكلها قبل الزفه ...
هنادي: لحظه لحظه قولو لي شكلي يناسب مرت أخو المعرس الكبير
رؤى: أيوه وأنا شكلي يناسب أخت المعرس الوحيده ؟
ريهام: أيوه وأنا شكلي يناسب مرت أخو المعرس الوسطاني؟
نرجس: أيوه وأنا شكلي يناسب مرت أخو العروس الكبير
عبير دفتهم وهي تضحك ع هبالهم: فشلتونا خلق الله يناظرون فيكم
هنادي وهي تشوف رانيه توها جالسه ع الأريكه والبنات مهبلين فيها: وأنتي رنوش ماسألتي شكلك يناسبك العروس ومرت الصغير أو لأ
الكل: هههههههههههههههههههههه
عبير: عليكم بالتصوير ياجماعه ترى أول وآخر مره في الحياه تشوفون رنوش مستحيه
الكل: هههههههههههه
مشاعل: وأنتو ليه تأخرتو ؟
هنادي: الله يطول لي بعمرهم بنات عمتي ويخليهم تباركو علينا خلونا نرجع شباب جابو مصوره وكل وحده صورت مع زوجها وأولادها
رزان-دانا-عهد: يؤؤؤؤ هنادي أستحينا كل هالمدح لنا خلاص كل اسبوع بنجيب مصوره
حنين: حركات والله الحين قبل نجي أنهار القمر ماتقصر صورتنا
ريهام: أيه حنون أنتي حامل وعليك بالتصوير والله أنا نفسي حتى قبل أدخل غرفة الولاده أصور
الكل: هههههههههههه
ريهام: والله عشان تذكرين شكلك شي حلو
نرجس: ومين اللي له خلق تصوير هذيك الحزه مووووت
عبير: ذكرك الله بالشهاده أنتو يالتوائم حنون ولمى دامكم جنب بعض وثنتينكم بدباتك لازم أصوركم
أنهار: أيه عشان نشوف بعدين من اللي تولد قبل
عبير: وش رايكم نسوي مجال رقصه خاصه للحوامل
الكل: ههههههههههههههه
مشاعل: كان أمي أم تركي تطردنا أحنا معاهم هذاكي معصبه عشانهم جالسين جنب بعض
هنادي: أي والله صادقه العين أكثرت تعالو أقرأ عليكم قل أعوذ برب الناس وقل أعوذ برب الناس
عبير راحت عند الطقاقه وقومت البنات عشان يدورون ع رانيه , الطقاقه بنفس صوت ميامي: أحاجيكم , البنات بصوت واحد: هيآآآآآآآآآآ , الطقاقه تكمل: هالصوب هالصوب أحاجيكم , البنات: هيآآآآآآآآآآآآآ , تكمل: وأنتو بعد هني أحاجيكم , البنات: هيآآآآآآآآآآآ , تكمل: ياسلام هني أحاجيكم .. يبا فيكم طرب؟ أنتو فيكم وناسه؟ , البنات بحماس: أيوآآ "وبدأت بالطق العدل والبنات يرقصون كل وحده تقول الزود عندي"
حنين..صار المكان فوضى والمعرس قريب يدخل قلت خل أروح دورة المياة ياويلي الحمل متعب , سمعت وحده تناديني وجهها مو غريب علي بس ناسيه وين شفتها رحت لعندها ...
هدى: السلام عليكم
حنين مدت يدها: وعليكم السلام ياهلا
هدى: حنين صح ؟
حنين: أيوه
هدى مسكتها من يدها: تعالي معي لحظه أبيك في شي خاص
حنين: طيب بس بعطي أختي خبر
هدى سحبتها معاها: لالا ماله دعاي دقايق بس
حنين وهي تتأمل في المكان دورات المياه الخارجيه المكان مرررره ظلمه وبعيد عن المعازيم , حنين بخوف: وين بتوديني"تذكرت: أنتي هدى؟!
هدى ضحكت ضحكه شيطانيه: برافوووو ياشاطره
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثاني والثلاثون
((هذا الجزء
-رجعت رانيه من جده وملكتها ع راشد
-أبطالنا كلهم خلصو الإختبارات وعلى أحر من الجمر ينتظرون نتايجهم
-حمل سمانه اللي فرح الكل
-قرة عين عهد برجعة خطيبها وحبيبها فهد
-أخيراً حنين تتوقعون شنو راح تسوي فيها هدى وليه ماخدتها معاها لمكان بعيد عن المعازيم؟!!
يعطيكم ألف عافيه
تابعونا
تحياتي))
.
.
.
.:دانهـ العشآق22:.

يسلمووو على الجزئين
تحياتي.. مجنونه

عوآفي يالغلآ ع المرور

نورتي ,,’’

ذايب في هواهم
((الجزء الثالث والثلاثون))
بسم الله الرحمن الرحيم
((المستجدات في هذا الجزء...
-ملكة رانيه .. وتذكرو أن هدى خدت حنين لمكان بعيد عن الكل
تابعونا))
"<محـبوبــــــــــــي>
خذ القلب دامه أصدق
إحساسه عطــــــاك ..
خذ الروح دام الروح
تتنفس هــــــــواك ..
خذ العيــون اللـــي
لايمكن تناظر سواك ..
خذ كل المشاعريوم
أدمنــــت هــــــواك ..
خذ العمروش يسوى
العمــــر لـــــولاك ..
خــذ كـل ماتبي ولا
أعيش لحظة بــلاك .."
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:22م في فيلا أبو مشاري // بعيد عن المعازيم ...
هدى سمعت صوت مسج خدت جوال حنين بقسوه قرأت المسج ورمت الجوال ضحكت باستخفاف: كلام فاااااااضي ياما سمعت مثله علميني الحين شنو بيسوي لك هاللي راسل لك هالكلام الفاضي
حنين..رمتني ع الأرض وأنا أحس أن قوتي كلها تلاشت غمضت عيني لمن حسيت بالألم ...
هدى..مو مستوعبه اللي سويته من القهر اللي فيني فتحت جلابيتها وجرحتها في بطنها فوق الأربع جروح , هالولد اللي في بطنها كان مفروض يكون مني ناظرتها لقيتها مغمضه عيونها عساها الموووووت جاتني الخبله الجبانه مدري شلون أنا جايبتها معاي ...
: هدى أنتي مجنونه أتفقنا تنتقمين بس مو بهالطريقه
هدى وهي تتنهد: مالك دخل أنا أنتقم بالطريقه اللي تعجبني , خل ندل داخل ننبسط
: مجنونه عقب اللي سويتيه تدخلين داخل؟!!
هدى: عادي عادي ومين اللي بيطيح عليها هنا إن شاء الله مايدرون عنها إلا إذا ماتت وشمو ريحة خياسها"صرخت عليها: أمشي معــــــي
: إن شاء الله إن شاء الله
]]ـ-ـ-ـ-ـ-ـ-ـ-ـ-ـ-[[
في نفس المكان داخل الصاله كانت الفرحه غامره الكل ...
أنهار اللي أفتقدت حنين: أم ساري وين حنين؟
أم ساري: عبير تقول شافتها طالعه من البوابه الخارجيه الظاهر سيف مناديها
أنهار: عبايتها عندي
أم ساري: ههههه شكلها ناسيه روحها أو راحت فوق شقتها
أنهار..مدري ليه قلبي ناغزني حاسه أن في شي صاير أتصلت ع جوال حنين محد يرد يمكن خلته هنا لالا هي معلقه الجيب حق الجوال ع رقبتها عشان إذا أتصل سيف , لبست نقابي وطلعت برا وأغراض حنين في يدي مالقيتها يااااربي أتصلت عليها سمعت صوت جوالها بس بعيييييد وين أطيح ع الصوت الحين رسلت مسج فاضي يمكن يطلع صوت المسج أقوى أففف الله يهديك ياحنون وين رايحه لنا دورات المياه الخارجيه ما كأن في الصاله في دورات مياه دخلت دورات المياه فتحت نقابي لأني فوووحت منه درت وراي ...
أنهار صرخت: حنيـــــــــــــــــــــــــــــــــــــــــــــــ ــن
أنهار..أحسها ماتتكلم ماتتحرك ماتحس لي حنين أختي ممدده قدامي عند دورات المياه وشبه عريانه والدم ينزف من بطنها كنا نتمازح أقول لها بشوف بطنك ماترضى الحين أشوف بطنها في هالحاله لااااااااااااا حنين لاتروحين عني أبي أصير خاله أبيك حنين .. حسيت لنفسي وأتصلت لموسى سمعني صوت الشباب يعني أنه مشغول ياااااااااااااااربي سترك , مسكت جوال حنين رنيت ع آخر رقم ...
سيف: هلا بالغاليه أم الغالي كيفك وكيف ولدي؟
أنهار أنهارت: مو بخييييييير ياسيف حنين تعباااااااااانه حييييييييل
سيف: من أنتي؟حنين وش فيها ؟
أنهار حست أن أسلوبها مو عدل وروعت سيف قالت وهي تحاول تهدأ نفسها: أنا أنهار
سيف: أنهار!! وحنين وينها وش فيها؟
أنهار ودموعها تنزل: حنين تعبانه
سيف: ووينكم أنتو؟
أنهار: في بيتكم عند دورات المياه الخارجيه
سيف: دقايق وجاي "ماعطاها فرصه وقفل الجوال"
أنهار..قلت بلبسها عبايتها خفت أرفعها وتتوجع جلست أناظرها وأنا أبكي وأذكر أيامي معاها أتصل لي موسى ...
موسى: خير أنهار أتصلتي ؟
أنهار وهي تبكي: أيه
موسى يسمع شهقاتها: أنهار وش صاير حبيبتي أنهااار
أنهار: حنين أختي تعبانه
موسى: أنتو لسه في ملكة حماتها؟
أنهار: أيه
موسى: الحين جاي , أنتبهي لها ولنفسك
أنهار: إن شاء الله
موسى: مع السلامه
أنهار..أناظر أختي ممدده قدامي وماباليد حيله , سكرت نقابي لمن شفت سيف جاي يركض ومنصدم من شكل حنين أخد من يدي عبايتها وقام يلبسها وحملها , رحت وراه ماطاوعني قلبي ما أتطمن ع أختي ...
موسى وهو يفتح شباك سيارته: عسى ماشر يالنسيب
سيف وهو يدخل حنين في السياره ومرتبك: مدري مدري
أنهار ركبت مع موسى: ألحق سيف موسى أبي أتطمن ع أختي
موسى وهو مرتبك من أنهار المنهاره وسيف وسرعته الجنونيه: إن شاء الله
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:30م في فيلا أبو مشاري كانو راشد ورانيه منشغلين بلقطات التلبيس والبنات منشغلين بالضحك والطناز والتعليقات ...
رؤى: يلا راشد لبسها الحلق
راشد: لالا أنتي لبسيها أخاف يطلع من أذنها دم ولا شي
رؤى: ههههههههه رشود لاتذوب قلبي يلا أخلص تعبت المصوره
فضيله: خلاص يارؤى أنتي لبسيها وهو يسوي نفسه ماسك الحلق وقت التصوير
دانا: يقطع أم الغششش
الكل: ههههههههههه
أم تركي: يلا خلصو ملينا
هنادي: مابتخلصين يا أم تركي ويا هالإثنين مسخره ياربي أول مره أشوف ملكه كذا
راشد تعب مو عارف يقفل الإسوار: تعالي خيو قفليه
رؤى: هههههه مالي شغل لازم تعطوني راتب عقب ماتخلص لقطات التلبيس
فضيله: عجبته فكرة الغش ولد حماتي أخته تلبس مرته وهو يسوي نفسه يلبسها وقت التصوير
راشد: شسوي عمتي الحين عذرت البنات إذا تأخرو والله حالتكم صعبه الله يعين بس
بسلام وأمان خلصو لقطات تلبيس الشبكه والدبل والساعات , رؤى نادت رهف: يلا رهوفه"رهف كانت رهيييييبه بملامحها الطفوليه وبدلتها الفخمه تجر العربه اللي فيها التورته والعصيرات"
راشد يلاطف رهف: قواهم الله يالعم
رهف ببتسامه: الله يقويك عمي مبروووك
راشد جلسها ع الأريكه وراه وباسها: يبارك في عمرك عقبال ما أشوفك عروسه
رؤى: يلا بسم الله قطعو الكيكه
راشد: لحظه لحظه"طلع مناديل معطره من جيبه ينظف يده رمى اللي أستخدمه وفتح لرانيه واحد ثاني: تفضلي
عبير تكلم البنات: ههههههه عجبتني الفكره لازم أسويها ضمن لقطات التلبيس في حفلتي
قطعو الكيكه سوآ وراشد عطى رانيه قطعة الكيكه وأكلتها جت بتعطيه قطعة الكيكه , راشد لحظه لحظه: في فمي علك
الكل: ههههههههههههههههههه
عقب ماجلسو الكل وخلصو من لقطات التلبيس , لمى وهي ماسكه بطنها: باروح دورات المياه
هنادي: هههههههه حميي ومرته ماينفعون يتجلسون مع حوامل بصراحه حفللللله
رن جوال عهد وكان المكان هدووء توها موقفه الطقاقه"واحشني قد الكون بس أنتو ماتدرون أخبي في قلبي أشواقي وشجوني"
ريهام تستهبل: لا عهد ندري
هنادي: قد الكون عاد كأنها مبالغه شوي
عهد تسايرهم وهي قايمه تكلم فهد: وأكثر من الكون بعد
رؤى تكلم مها: مو كأنها قوية عينها أختك ؟
مها: ههههههههههههههه خلاص لازم تتعود ترى فصول مستلمها حدددده "قالت لهم سالفة فهد لمن دعمته سياره عند باسكن"
رزان: يقول حكته السياره وأتصلت تبكي ع بالي بشوف دم أثاريه طالع لنا يتنقز
الكل: ههههههههههههههههه
دانا: فصول وفارس إذا جلسو سوا ياربي وإذا معاهم فهد بعد تكمل يتحفونا بسوالفهم في فرنسا
عبير: بعد كم يوم إن شاء الله بنسافر سوا بس خساره مايمدي أجلس معاهم
مها: هههه خلاص عبور ولا تحطي في قلبك نلبسك برقع ونجلسك معاهم
الكل: ههههههههههههههههه
دانا: اللي يشوف نجلس معاهم أحياناً إحنا في المطبخ وهم في الصاله يسولفون ونشاركهم ع خفيف
مشاعل: زينا يعني أو أحيانا في السياره هم قدام وأحنا وراء , ولا نجلس في مكان سوا أحنا متغطيين أو دايرين بحيث أنهم مايشوفونا
ريهام: نفس الحال بالضبط , حتى أنا وهنادي قلنا لرانيه أنا مانتغطى مع راشد
عبير: أكيد قالت لكم لاعيوووووووووووووني الرجال رجلي وأحترمو حالكم وتغطو
هنادي: هههههه لاوالله قالت عارفه أنه عادي ومعاكم في بيت من لمن كان صغير
رؤى اللي توها راجعه من عند العرسان: تعبوني بناتكم زهقوني في عيشتي غصب يبون عمو راشد
ريهام: ههههههه وش سويتي معاهم؟
رؤى: ولا عاد الملسونه رهفوه"قالت تقلد صوتها: عادي أنا دخلت المجلس في ملكة خالتي رزان "رجعت صوتها طبيعي: لما راشد قال لهم بكره بوديكم الكورنيش
ليلى: ههههههه زين والله عرف يصرفهم , إلا وين حنون مرت أخوي وأنهار؟
عبير نادت حور: وين خواتك؟
حور: خواتي أتوقع حنين ركبت شقتها لأنها تعبانه وأنهار راحت زواج بنت خالة موسى
عهد: ماشاء الله مثل ملكوه ناخد أخبار البيت منها ما أسميها إلا بدوجارد البيت
هنادي: هههه لايقين ع بعض ياحليلهم يهبلون مع بعض , من قدهم بعد اسبوع الجاي بيسافرون مع بعض خساره مابكون معاكم
أنفتحت سالفة السفر والكل قامو سوالف وتخطيط وخدو البنات ع بعض أكثر وزاد عدد اللي بيسافرون معاهم ...
أم تركي جابت لهم صحن قيمات: عاد قولو لي رايكم
هنادي: روووووعه يا أم تركي يعطيك العافيه تسلم يدك
عبير: بسك عاد حمرت خدود أمي
الكل: ههههههههه
ريهام: حلوه الفكره بعد حوسة الملكه نآكل قيمات
كملو السهره وناسه وضحك وهبال ///
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:12م في المستشفى ...
سيف: خلاص يالنسيب أنا بجلس أنتظر حنين لاتتعبون نفسكم , أنت بعد زواج بنت خالتك
موسى: لاشدعوه خلي أنهار تتطمن ع أختها
سيف: الحين تحقيق وسالفه الله يعين بس
أنهار: أنا من شفت هالسعلوه في بيتنا عرفت أن وراها شي
موسى: الله يطلع حنون سالمه يارب
الكل: يارب
طلع الدكتور والكل راحو يتطمنون ع حنين , سيف: بشر
الدكتور: عملنا لها الخياطه في بطنها والجنين الحمد لله بخير بس
سيف: بس شنو دكتور طمني؟
الدكتور: الأم الحين كويسه صحتها الإغماء اللي صار معاها بسبب تعب الحمل والنزيف وكله الحمد لله مع المده والتغديه يتعالج بس
سيف مسكه من قميصه من الخوف ع حنين: دكتوروه بتتأدب أو لأ بسرعه قول لي وش فيها مرتي؟
الدكتور: يمكن الخياط يتمدد لها نهاية الحمل ويأثر ع صحتها
سيف جلس ع الكرسي شوي وهو منزل راسه وكأنه يتذكر شي فجئه قام يركض مثل المجنون ...
موسى ركض وراه: سيف سيف "رجع لأنهار وهو ينفخ من الركض"
أنهار: وش صاير موسى؟
موسى: مالحقت عليه حتى السياره ماشفتها من سرعته الله يستر
أنهار: ياربي خايفه
موسى حط يده ع كتفها بحنان: إن شاء الله خير حبيبتي روحي تطمني ع أختك أنا بجلس أنتظرك هنا
أنهار هزت راسها وراحت تشوف حنين ...
حنين بهدوء: أنهار
أنهار وهي تسلم عليها وتتباوس معاها: عيون أنهار عساك بخير حبيبتي
حنين: أنا بخير , أخبار ولدي ؟
أنهار: الحمد لله أنتي تمام وهو تمام الحمد لله
حنين: وسيف وينه ؟
أنهار ماعرفت شنو تقول لها: سيف طلع يجيب شغله وبجي , ليه أنا ما أسد؟
حنين: فيك الخير حبيبتي
أنهار وهي تعدل لها المخده: أرتاحي غناتي أنا معك
حنين أنقلبت ع الجهه الثانيه من التعب ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 11:40م في فيلا أبو مشاري // بعيد عن المعازيم ...
سيف ووجهه أحمر من العصبيه: ليه سويتي في حنين كذا ؟!!
هدى ضحكت باستخفاف: عشان تعرف من هدى اللي كلمتها ماتنزل للأرض وإذا وعدت تنفذ
سيف منزل راسه لأن ملابسها عاريه وملفته بالقوه: قريب ياهدى باعلمك من سيف وشنو راح يسوي سيف
هدى وهي تلف رقبتها بقوه بإغراء: في خير قرب
سيف: حاشاني أقرب منك ومن أشكالك , لكني قلت وراح تشوفين ياهدى قلت لك راح تندمين"على صوته خلى هدى ترتجف: فااااااااااهمه
هدى راحت تركض ودعمت في صاحبتها ...
: هدى وش فيك ؟
هدى: مافيني شي بسرعه جيبي عبايتي بطلع من هنا
: طيب طيب
سيف..النذله الحقيره شفتها تطلع عساها ماتضل لكن أنا قلت كلمتي وأنا عندها , خليها الحين شغلي معاها بعدين بس أتطمن ع حنين والبيبي ويصير خير .. دخلت المستشفى سألت عن حنين قالو لي أنهم حولوها ع العلاج دخلت لها الغرفه ...
حنين بتعب: أنهار وينه سيف أبي سيف
سيف اللي فاجئهم: أنا هنا أرتاحي , أنهار أرتاحي من زمان وأنتي هنا أنا بضل مع حنين
أنهار: شدعوه هذي حنون الغاليه , طيب أنا طالعه البيت تآمريني بشيء حنين ؟
حنين بتعب: سلامتك سلمي لي ع الوليد ووافي وأمي وأبوي وحور وخالاتي وخوالي
أنهار باستها: يوصل إن شاء الله
موسى اللي كان ينتظرها في السياره: خير أنهار حبيبتي وش فيك
أنهار وهي تتسند ع كتفه: مدري موسى نبرة حنون حسستني أن في شي بيصير لها كان تكلمني وكأنها مابتشوفني بعد هالمره
موسى: لاتحاتين إن شاء الله مافيها إلا العافيه تطمني
أنهار هزت راسها: الله كريم "حرك موسى سيارته"
عند حنين وسيف , حنين: سيف أمانه قول لي وين رحت
سيف باس يدها: أرتاحي ياروحي أرتاحي
حنين: سيف تكفى مانبي مشاكل خلاص
سيف: مو سيف اللي يسكت عن حق أغلى ماعنده
حنين: بس سيــــ
سيف قاطعها: خلاص أنتهى خلني , أحل الموضوع بروحي
حنين سكتت من عصبية سيف ...
سيف قرب منها ومسح ع جبينها: فيني ولا فيك يالغاليه
حنين: الحمد لله ع كل حال , أهم شي عندي ياسيف أشوفكم بخير ومرتاحين
سيف ببتسامه: وأحنا يهمنا نشوفك مرتاحه
حنين: تسلم لي , سيف جالس ع شنو ؟
سيف: تشمين ريحة شنو ؟
حنين: ريحة حبيبي وعمري وحياتي وولدي
سيف عصــــــــب: ياسلام وأنا جالس مزهريه أيه قولي
حنين عصبـــــت: الواحد مايمزح مايقول مرتي مريضه تعبانه طوالي يبي يهاواش
سيف ذكر أن حنين مريضه خخخ: ياقلبي قولي لي تشمين ريحة شنو ؟
حنين: ريحة مستشفيات يعني ريحة شنو مثلاً
سيف"يخلف الله ع حضك ياسيف": طيب دوري شوي
حنين: مابي أدور رقبتي توجعني
سيف راح لها من الجهه الثانيه وغمض عينها بيدينه وقام يحرك الورد ع خدودها: طيب الحين شنو تشمين
حنين: أممممممـ ورد
سيف شال يده عن عينها: من شوي مستشفيات
حنين: ههههه وربي تعبانه ومو قادره أركز ع شي
سيف بضيق: آه ياروحي "عدل الطاوله جنبها وجهز لها العشاء: يلا حبيبتي سمي بالله
حنين: توني ماكله عن عشره
سيف: حتى ولو الحين الوضع غير أنتي فقدتي دم كثير , يلا أفتحي فمك
حنين..جلسنا ناكل بصمت لين ماحسيت ليد سيف ع بطني لا إرادي بكيييييييت ...
سيف ضمها: حبيبتي يوجعك بطنك ؟ حنين تكلمي وش فيك ؟ حنيـن ؟
حنين وهي تشهق: الحين مو مثل قبل ياسيف ماتقدر تمسح ع بطني وقت ماتبي ماتقدر تسمع ولدك وتسولف معه وهو في بطني
سيف بعد عنها وقال يهديها: لاياقلبي الشكل الخارجي مايهمني أنتي وولدي عندي بالدنيا"قال بألم: لاتنسي أن اللي صار لك أنا السبب فيه
حنين: لا ياسيف هذا قدري محد له دخل فيه
سيف..حاولت أهدأ حنين لين مانامت , كل ماشفتها تتوجع وشفت حالها كرهت هدى أكثر ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
يوم الأحد // الساعه 11:40م في المطار ...
عبير: سدينا المطار ماشاء الله
الكل: هههههههههههه
دانا: وأنا مو كاسر خاطري إلا أخوي
مها: وش اللي يكسر خاطرك بعد شهر وشوي عندهم شهر العسل , الحين خله في شغله
رزان: ع قلبي هو
رانيه اللي توها جايه وماسكه شوق من يدها: يقول لكم راشد تبون شي ؟
أم تركي: سلامتكم
عبير: ومتى إن شاء الله بنحلق ؟
رانيه: تعودو زين إذا ماحلقنا الساعه وحده
غلا: مامااااااااااااااااااااااااا أبي أجلس جنب رهـــــف وشووووووووق
فضيله: ماعليه ماما إذا ركبنا الطائره
غلا: لالا الحين مالي شغل
فضيله بحده: غــــلا رهف وشوق مع عمهم الحين يجون
فيصل شاف غلا مفزعه الدنيا: جيبيها يما
ملاك: هالدلوعه هذي لازم يسوون لها اللي تبي ولا ماتسكت
حور: نفس وليدوه الله ينتقم لنا منهم
أنهار: ههههه وأنتو وش حاركم محد تدلع مثلكم خلكم في سوالفكم أبرك
دانا: لا بصراحه هالأيام الدلاعه عند غلا زايده فزعت الدنيا إلا تبي شوق تسافر معانا ياخي أمها وأبوها مو معاها وسلمان متشدد مايقتنع بسرعه
ملاك: وفي النهايه بابا قنع سلمان عشان الأخت غلا
عهد: وأنتي يالعصا جبنا لك حور وأهلها بعد وش حارك
رزان: هههههههه تدرون وأحنا ننسق للرحله قلنا ماحد بيروح غيرنا أحنا وبيت خالي في النهايه كل واحد قنع الثاني والحمد لله
من جهه ثانيه عند الحريم , إيمان: أيه أنا بصراحه قلت لحنون الفرصه ماتتعوض حتى ولو توك طالعه من المستشفى الحمد لله إذا تحسين نفسك بخير وتقدرين روحي بعدين بتنزحمين بأولاد والشغل وماتدرين متى تحصل لك مره ثانيه
فضيله: صحيح , أنا بعد قلت لدانا قاتله عمرها بكي وما أبي أروح وسالفه بعدين أقنعها فارس
عبير اللي جالسه بين الحريم والبنات وتسمع سوالفهم: أطلــــــــع ياللي بيطوفون عنهم "شافت دانا أنحرجت: عادي عادي غناتي لاحياء في الدين
دانا: فشله ياربي ترى للحين نفسي أرجع البيت , بس فارس مو راضي
رانيه: حاصل لك ولد خالتي بيطوف عنك
الكل: هههههههههههه
دانا: إن شاء الله أخلص , خاطري أسوي عمره
أبو تركي جا لعند الحريم: قومو يلا , وين دانا؟
دانا: هلا عمي
أبو تركي: أسأل عنك يابنتي
دانا: تسأل عنك العافيه عمي
رزان اللي تمشي جنب دانا: ههه ماخفتي دانوه؟
دانا: طاح قلبي خفت يقول لي فارس مابيروح أنا باطوف عنك
رزان: ههه يلا بروح أشوف فيصل قبل لا أركب الطائره
رانيه: والله حاله الناس بتركب الطائره وناس مسويين لنا شارع الحب في المطار
ريهام: رانيوه عن الشماته لايهون راشد
رانيه: اللهم لاشماته , دانوه عهدوه خل نقرأ آيات ع نفسنا لايحسدونا
أنهار جت وهي شوي وتبكي وجلست ساكته ...
رانيه: ياويل قلبي نفسي أصور رجالكم وهم يمشون وأركب عليهم موسيقى حزينه
رزان: أنتي ورشود بذبحكم رحت هناك أستلمني رشود وهنا أستلمتيني أنتي
ريهام: شنسوي ياختي الله مايحط إلا ع مايشابه
فيصل: يلا يما مع السلامه تآمريني بشيء؟
فضيله قامت تسلم عليه: مع السلامه يايما , أوصيك تنتبه لنفسك وللبيت
فيصل باس راسها: لاتوصين يما , وأنتي بعد أنتبهي لنفسك ولخواتي ورزان
من جهه ثانيه عبد الله كان يسلم ع أمه ويودعها ...
ناصر: يلا خلصنا الإجراءات , قومو ياحريم
غلا: بابا بابا "راحت مسكت يده"
رانيه: آه يالخوانه خونتي في بنت حميي
رزان: ها رنوش أشوف صرتي مدافع لراشد وكل من يقرب له
ريهام: ههه خل نضمن مستقبلنا يارزان حاصل لنا مدافع
ترتبو في الطائره وكل ناس يبون حد يمونون عليه في النهايه صارو الرجال في الكراسي الوسطانيه , والحريم عند جهة اليمين , والبنات ع اليسار ...
رانيه تهبل في رزان: بتقلع الطائره أنتي بسك بربره في الجوال مل منك الرجال
دانا: مو المفروض نقفل جوالاتنا؟
رانيه: وش عليك منهم أصلاً الجوالات بروحهم يصيرو غير متصل بالشبكه والله إذا رحت جده طول الوقت ألعب في جوالي
عبير: حركات والله رنوش صاره خبيره في الطائرات وشغلات السفر ((المرشده السياحيه))
عهد: جلالة المرشده السياحيه رانيه وخطيبها راشد أثنينهم خبيرين في جده هم اللي بيدلونا
رانيه: أحم أحم أفااا عليك
أنهار: حور وملاك وش تسمعون "خدت سماعات حور: يالدببببببه راحين لبيت الله أعقلي
حور: عادي أنهارو مافيها موسيقى كثير
أنهار: الله يخلف عليكم بس , وأنتي سدومه وش تسمعين لايكون مثلهم ؟
سديم: لاوالله أسمع موال
من قدام في الكراسي الوسطانيه كانو الشباب ممسخرين الدنيا والكل يسمعون سوالفهم ويضحكون ...
فارس: طيب أبو فيــــــــصل , الشباب بصوت واحد: حيــــــــــــــــه , فارس: أبو عبد الله , الشباب بصوت واحد: حيــــــــــــــــــه , فارس: أم جاد , الكل: حيهااااااااا
عند البنات , عبير: قام حظك يادانوه يحييوون فيك
دانا: ههههه أنتي أسمعي السالفه اللي بيقولونها الحين
فهد يكمل السالفه: والله لو تشوفون الفرنسيين مايدرون وين الله حاطنهم وأحنا مع الشباب مو مقصرين صوتنا مالي هذاك القطار أبو فلان والكل بصوت واحد "حيـــــــــه" والأخير في النهايه قامو ويانا "حيــــــــــــــــه" وقنا لهم معناها
فارس: ههههه لا فهود أحلى شي الصلوات
راشد: صلواااااااات ع أبو الغزوااااااااات
الكل: اللهم صلِ على محمد وآل محمد
أم تركي: صلو على صاحب السكينه المدفون في المدينه
الكل: اللهم صلِ على محمد وآل محمد
فارس: والله هذاك القطار لنا فيه ذكريات حتى الفرنسيين خليناهم يقومون معانا صلوات
فهد: تراك أزمتني فروس كل ما أشوف وجهك أتخيل أني بروح فرنسا
الكل: هههههههههههههه
أم تركي: ياربـــــــــــــــي سترك كيف بتطير هالطائره
جاسر: يما بصورك والطائره تهبط بصراحه راح علي وقت الإقلاع ماصورتك طول الوقت فاجه فمك
أم تركي: ياقليل الحيا شايفني عجوز قدامك
جاسر يراضي أم تركي: وأم تركي , الكل: حيــــــــــــــــها
فهد وهو يناظر عهد: وأم مــــــــريم , الكل: حيـــــــــــــــها
راشد وهو يناظر رانيه: وأم عبد الله , الكل: حيـــــــــــــــها
فارس: يلا عاد شافوني أحيي مرتي غارو
فهد: جب لا أوديك دار العجزه
فارس: ههههههه ع طاري دار العجزه وحشني بجد مدري من جلس مكاني هناك يااهي أياام
راشد: هههههههههه لاوالله عن جد بنوديك دار العجزه أنقلبت شايب
ملاك: راشد الكونكت ماتشبك عندي
راشد: ههههههه خد لك العجوز الثانيه , أحنا في الجو نحلق حتى في السماء تبينهم يحطون لك أبراج
الكل: ههههههههههههههه
جاسر: ياجماعه اللي عنده جهاز مخترب ولا شي لايروح عليه في هالسفره ترى النسيب مسوي عرض كل تصليح الجولات والابتوبات مجاناً
راشد: ماشاء الله أشوف صرت مشهور وقامو يطلعون علي كلام , بس حلوه الفكره خلاص صار
ريهام: راشد جيب روابي لاتتعبك
راشد: خليها نايمه بنت أخوي لاتزعجني ولا شي
طلال: تسلم , ياليت بعد لو تاخد أحمدوه
رانيه: ههه لاهذا يسمونه أستغلال , جيبو حمود عندي
جاسر: ماشاء الله سعادة المرشد السياحي ومرته فاتحين حضانه , ياجماعه ترى في عرض ثاني ألحقو اللي يبي يخلي عندهم أولاده أو شي لايستحي
راشد: هههههه وأنت ماشاء الله صاير المذيع
فهد: ههههههههه وأنت وش لك في الرجال خله يطلع مواهبه
الكل: ههههههههههههههههههههههه
البنات يسمعون سوالفهم ويعلقون تعليقات جانبيه , رزان: وربي أفتقد فيصل أحس لو هو معاهم كملــــــت
عبير: لايكون مسخره مثلهم
دانا: وأعظــم منهم يوم تولد مها كان في الليل رايح شقتها ضحك ووناسه في النهايه ولدت الصباح طوالي
الكل: هههههههههههههههه
رانيه: توني أدري أن كثرة الضحك تسهل الولاده , حنون أبشري بس ننزل بتولدين
أم تركي: سهاله ياربي
حنين: يارب "قالت تهمس لأنهار: بروح دورة المياه وخري شوي
أنهار: أجي معاك ولا تعرفين تغيرين الشاش اللي في بطنك ولا أجي معك ؟
حنين: لالا أعرف بعدي أنتي شوي "سيف شافها قايمه قام فتح لها باب دورة المياه ورجع ع كرسيه"
ساعتين إلا ربع في الطائره قضوها أبطالنا من أحلى أيامهم , بعدها وصلو بالسلامه لجده ...
دانا..كنت أمشي مع البنات وأتأمل ديكور الشاليه الفخم كان مررره خيالي ديكوراته بهيئة فندق فخم من بره وصلنا حطينا أغراضنا كالعاده قمنا نستكشف المكان بذات أن المكان لنا بس أحنا مع الحريم والشاليه اللي جنبنا للشباب والرجال^_^ ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 2:30 في جده // بالتحديد في شاليه الحريم ...
ريهام ردت ع جوالها والكل سكت: تمام الحمد الله............مفتقدينك بقوه وقسم.............حتى ريان طول الوقت جسوم وجسوم.........ياقلبي....توني أقول لرؤى أكيد الحين هنادي ملانه............لحظه شوي "قالت تنادي شوق: شوووق عمه
شوق ببراءه: نعم عمتي
ريهام: تعالي كلمي الماما
شوق حطت اسبيكر: ألوو.......هلا ماما......أنا بخير ومبسوطه كثير............لاما أتعب عماتي.......الحين أنا ألعب مع غلا ورهف........ماما "فزعت الدنيا بكي",
فضيله أخدت الجوال من شوق: أفا أفا هنادي.........ياقلبي حقك فيه العافيه......لاتخافين شوق ماشاء الله كبرت ومو متعبتنا أبد.......بالعكس....هي مبسوطه وحنا مبسوطين..........أوكي حبيبتي نوم العوافي...........ولا تبكين ومثل ماقلت لك كلنا بخير وشوق بعد بخير........يلا حبيبتي سلمي ع سلمان وبوسي جسوم عني........مع السلامه,
رؤى: عمه شوووق أنا معك عن البكي , روحي ألعبي أنبسطي
شوق: وحشوني ماما وبابا وجسوم أخوي
رؤى: لاحول بتبكيني معاها هالبنت , تبين عمو راشد؟
شوق: أيـــه
رؤى: هلا راشد........نمتو ولا لسه؟..........لالا مافينا إلا العافيه بس شوق تبيك........خلاص بطلعها لك...........باي,
راشد بعد ماكان واقف ع تقرب من شوق وضمها: أفا أفا يالعم تبكين!!
شوق وهي تضحك وتبكي في نفس الوقت: أنا بطله ما أبكي
رؤى: يالعياااره توك مطلعتني من داخل والحين تضحكين أقول نامي مع عمك
راشد: هههههههه خلاص خليها عندي
رؤى وهي تهمس لراشد: قريب تنام جيبها عندي "وراحت"
شوق: سمعتك عمتي مالي شغل بنام عند عمـــــي
رؤى وهي داخله الشاليه وتفصخ لفتها: هالملسونه مدري طالعه ع مين
رانيه: يمكن ع عمتها
رؤى: لاوالله ليه مو ع مرت عمها ؟
رزان: خلاص لاتبكون ع أمها
ريهام: لاوالله أشوف مرت حميي مو هنا قمتو تحشون فيهاا
دانا: صلو ع النبي طالعه ع غلا
رانيه: ههههههههههههههههههههههههههه يعني السالفه كذا كل قوي عليك أقوى!!
رؤى: حال الدنيا , عدل بعد أخدت كلام رشود كله
عبير: توك تدرين حتى جسور يقول بيغير لقبها
رؤى: تعالي مين في أخوانك جسور ماني ذاكره شكله , المذيع ؟
عبير: هههههههههههههه والله وصرت مشهور ياخوي , أيوه نفسه المذيع
رانيه: إلا وين أنخشو أنهار ورزون وحور فجأه أختفو
ريهام: شفتهم يروحون الغرفه خل ننط عليهم
البنات: يلاااا
دانا..ماشاء الله شفنا منظر ونعم المنظر .. رزون كالعاده منخشه تحت البطانيه وتبسبس مع فيصل خخ .. وأنهار دايره وجهها للجدار وتتكلم نص عربي ونص أنجليزي <<تكلم موسى .. وحور وملاك ضامين بعض ويشاهدون مدري شنو في الابتوب , وأنا أضحك ع أشكالهم صحتني صرخة رنوووش ...
رانيه: مااااااااااااشااااااااااااااااااااء اللي يبي الرومنسيه يجي هالغرفه
الكل: ههههههههههههههههه
دانا: ماشاء الله حور وملاك أكيد أنبسطتو أخدتو برووفه ع الكلام
ملاك بحسن نيه: وين ننبسط ياحسره وحده صوت النمله أعلى من صوتها والثانيه إذا بتقول شي فيه أن تقلب أنجليزي
رانيه تتنيذل: هههههههههههههههه خلاص هالمره حطو السماعات جنب رزان , وأفتحو الوافي وكل كلمه تقولها أنهار ماتفهمون معناها ترجموها
أنهار اللي توها مقفله: ههه تعلميهم ع النذاله رانيوه , لكن مردوده كاين أنك مخطوبه والحلو الجميل تبعك معانا
رانيه ناظرتها بنص عين: ههه سويت هااارد هااا
أنهار ضربتها ع ظهرها بمزح: وأنتي مركبين لك أذن فيل كيف سمعتي أنا ما أستوعبت الكلمه إلا بعد خمس دقايق
رؤى: هههه عاتي عاتي غير سويت هارد مو كلمه ثانيه , ورزون عن جد تكلم لو نامت ؟
دانا: لا والله تكلم كله كذا أحيانا أكون جنبها بالضبط فيصل يسمعها وأنا ما أسمع
رؤى: سحر لا إله إلا الله
الكل: ههههههههههه
رزان اللي توها قايمه من غيبوبتها أقصد مكالمتها: تحشون فيني؟
ريهام: ههه خيوو علميني ع سر المهنه مره حاولت أتكلم مع طلال مثل ماتكلمين فيصل قال لي بتعلين صوتك ولا أقفل ؟
الكل: هههههههههههه
أنهار: طلعتي مثلي رزون أنا عادي عندي وحور في الغرفه أكلم موسى بس بالأنجليزي
رزان مدة كفها لتوافق أفكارهم: وأنا محد يسمعني إذا كلمت ههههه
عبير وهي تنسدح: أنا بتمدد شوي وإذا أذن صحوني
أنهار: أجل بنطلع لانصير مزعجات
عبير: لاوالله جلسو لو تطلعون بطلع وراكم بس بريح جسمي مابنام
جلسو البنات ضحك ووناسه وطناز وسوالف وأكل .. لين ماسمعو الأذان وقامو يستعدون للصلاه ...
رانيه وهي تنشف وجهها: هذي اللي بتريح جسمها , عبوووووووور عبيرووووووه -->>لاحياة لمن تنادي
أنهار: خليها ترتاح مسكينه جايه مواصله
رانيه: عجزت وياها لو أتابعها حتى أنا بتروح علي فضيلة الصبح
بعد ماخلصو كل البنات صلاه , بقت بس ريهام ع السجاده تقرأ دعاء الصباح وهم يسمعونها وهم متسدحين كل وحده ع سريرها ...
رانيه وهي تلبس عبايتها: أحسنتي أم أحمد لا غاب هالصوت
ريهام: تسلمين , ع وين من صبح ربي ؟
رانيه: كنت طالعه شوي قال لي وائل أجي معاهم هو وراشد بنجيب الفطور وأتوقع نفتر شوي بالسياره من زمان عن جده^_^
ريهام: ههههه أهم شي معاكم وائل , بالتوفيق ياقلبي
رانيه طلعت مستعجله وركبت السياره وتضبط شكلها: السلااام
وائل-راشد: وعليكم السلام
راشد: ها رانيتي كيف الأوضاع عندكم ؟
رانيه: والله وناسه حد الدعسه والأوضاع كلها ميه ميه
راشد: عجبهم الشاليه أحترت كثيييييير لمن أخترته ؟
رانيه: الشاليه بصراحه مســــــــكت محد تكلم عليه رهيييييب يسلم لنا هالذووق
راشد: يسلمك , وأنتو للحي مانمتو ؟
رانيه: ههههه أيه ماخدين الراحه بالقووه لأن الحريم في القسم الثاني , وأنتو كيف وضعكم ؟
راشد: مبسوطين طبعاً ماحددنا أحنا اللي سهرنا جلسنا في جناح واللي نامو راحو الجناح الثاني , وش رايك وؤل في الوضع ؟
وائل: بصراحه وناسه بطني وجعني منكم 24ساعه ضحك
رانيه: ليش وش مسويين
راشد: راح عليك لعبنا في طلال أخوي لعب , جالس وهو مكشر إلا فهود يقول له لاتصيح ولد الخاله الحين نوديك لأختي ههههه أنا طبعاً ما أعرف أتطتز وكملت ع راسه في النهايه راح ينام
رانيه: هههههههههه تدري حتى أحنا مسخرنا الدنيا ع راس رزان وأنهار
وائل: يلا كل يوم ع ناس في السهره , إلا جدتي أم تركي أخبارها ؟
رانيه: عقب ماوصلنا جلست مدري كم ساعه ع السجاده تحمد ربها وتشكره , بعدها نامت وصحينها للصلاه .. كل الحريم نامو بدري بس أم فيصل جلست معانا شوي ونرمان
راشد: توني أدري نرمان جت معانا ؟
رانيه..يمكن نرمان ماسمعتو عنها هذي جارة بيت جدي في عمر أفراح بنت خالتي أم فارس بس مو متزوجه ((الله يزوجها)) ومتعوده ع بيت جدي تروح وتطلع مع أمي وخلاتي وجدتي ونعاملها مثل وحده من أهلنا ...
وائل: إلا شوق ماجت معاك
رانيه: نامت كنت بجيبها
راشد: هااا وؤل أشوفك تسأل عن بنت أخوي
وائل: ههه ياحليها توسع الصدر تحبك واجد
راشد: أنا محبوب عند كل أطفال العائله
رانيه: بابا نويل ع غفله هع
راشد: ههههههههههههه , شوفو هذا محلي الجديد بس الحين مسكر إذا فتح أجي معك وائل
رانيه: الله يبارك لك فيه بس خساره مايمدي أدخل
راشد: لاوالله يمدي يعني البنات اللي يجون المحل أحسن منك أكيد يمدي
رانيه: ههههه لاقصدي يعني مايمديني أعفس وأحوس بس باخد نظره وبطلع
وائل: أنت وش سويت فينا ياراشد يوم وديتها محلاتك اللي في الشرقيه رجعت وكأنها بالعه مسجل
راشد: ههههههههههه كانت جوله حلوه ماتنسى أول أيام الخطوبه
رانيه تناقر وائل: وأنت ماتعرف تبلعها وتسكت ؟
وائل: لا ما أعرف
كملو المشوار مثل ماقالت رانيه أفترو شوي في شوارع جده بعدها راحو المطعم خدو الفطور ووصلو الشاليه وهم تعبانين فطرو ثلاثتهم سوا لأن الباقي نايمين جلسو في المجلس اللي بين الشاليهين بعدها كلن راح ع سريره .. وناس صاحيين وناس نايمين وناس يهذرون ع السرير وكلن مشغول بشي يشغله ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن أجواء السفر والوناسه // الساعه 9:22م في شقة ضاري ...
أمل وهي تبكي بحرقه: خلاص شهد بتروحين ؟!
شهد هزت راسها مثل كل مره ما أبتسمت مانطقت غير بكلمه: مع السلامه
أمل وهي تزيد في البكي مو مستوعبه اللي يصير: ماتبين تودعين إياد اللي ربيتيه اللي يحبك أكثر مني !!
شهد سكرت باب الشقه وراحت لصقر اللي ينتظرها عشان يزفها لقصر الأفراح ...
أمل..آآآآآآآآآه وش ذنبها اليتيمه ياربي وش هالناس اللي ماتحس .. خالها اللي رباها ملكو فيها بدون علمه .. قالو لها فكري وكل يوم يتصلون لها وإذا قالت لهم أنها رافضه يقولون لها فكري عدل .. بعرف بس يفرضون عليها لو يخيرونها ؟! ماتركوها في حالها إلا يوم ملكو فيها اليوم .. فرضو عليها الإنسان اللي دمر حياتها اللي عقدّها بعرف بس دام بيخلونها ترجع له ليييييه دفعو كل هالمبالغ للطلاق الخلعي يعني أحتاجو للفلوس ويبونها ؟! أنا مستعده أبيع ذهبي بس البنت ماتنظلم أكثر ماتتعذب أكثر .. حتى إياد ماشافته لمن طلعت لأنها عارفه أنها مابتقدر تطلع إذا تعلق فيها .. تمنيت أشوفك ياشهد بفستان العرس الأبيض وأنتي في قمة جمالك لكن مو بهالوضع ...
ضاري وهو يفتح الباب بيد ترتجف ويسمع صوت زوجته تبكي , راح يركض لها: أمـــــل وين شهد ؟
أمل وهي تبكي: أخدوها ياضاري زوجوها
ضاري جلس ع الأرض: عارف يا أمل أتصل لي أبو صقر وهم يعقدون أستسمح مني وقال لي أن الليله زواجها وهي بتروح بيت زوجها .. أنا أحمد ربي أنه قال لي وقت الملكه
أمل وكحلها سايل ع وجهها: ضاري أنت ماتدري عن شي رحت مع شهد الصالون تعدلت معاها وصورت معاها وإياد صور معاها كانت أحلى عروسه شفتها في حياتي لكن الحزن اللي في عيونها ماقد شفته في عيون عروس في ليله المفروض أنها تكون أحلى ليله في عمرها
ضاري: ليه الحين مارحتي معاها لقصر الأفراح ؟
أمل: أروح مع من ياضاري مرت أبوها وخواتها كأنهم من أهل المعرس وكل المعازيم من طرف أهل المعرس .. هو عزمت حد من معارفي عشان أروح؟
ضاري قام: أنا مستحييييييييييييل يجيني نوم الليله وشهد مو في البيت .. مصيرها بتتزوج لكن الحين مو متطمن عليها
أمل: شهد صار لها شهر وهي ماتتكلم إلا أشياء بسطيه دوم ساكته .. أنا خايفه عليها
ضاري قام: أنا رايح أشوف شهد
أمل: بس هي الحين في قصر الأفراح
ضاري: مايهمني شي أهم شي أتطمن ع بنتي"طلع وقفل الباب وراه"
أمل لبست عبايتها وأخدت إياد معاها ولحقت ضاري ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:40م في شقة شهد وبسام ...
شهد..خلص بسام العشاء وأني مالي نفس آكل لفيت وجهي أتأمل روعة شقتي وجمالها كان بسام ماسك يدي لكن كل هذا ماهمني .. ماهزني شي ماعدت أهتم مو أول مره أصير حزينه .. ماهزني شي غير لمن سلمو علي خالي ومرت خالي وإياد لمن بغيت أطلع من الصاله لفيت وجهي لأني خلاص عرفت أني لو بكيت لو سويت أي شي مافي شي بيغير الحقيقه .. خلاص أنا صرت تحت رحمة بسام وأبوي وعمي باعوني عليه ...
بسام وهو يتقرب لها ويبوس راسها: مبروك حبيبتي
شهد: ...........
بسام اللي مل يسولف بروحه ويشرح لها موقفه وحياته بدونها وكل اللي صار وشهد ساكته: طيب حبيبتي ماتبين تبدلين ملابسك عشان ننام ؟
شهد هزت راسها وقامت بدلت ملابسها وطلعت ...
بسام وهو يمسك يدينها: تمنيت هاليوم والحمد لله شفتك عروسه مزفوفه علي أنا محد يشاركني فيك
شهد أنفجرت في البكي وقالت ولأول مره تتكلم: لا تتقرب مني
بسام أنبسط عشانه سمع صوتها في نفس الوقت تضايق عشانه شاف دموعها: طيب يالغاليه "بعد عنها راح ع السرير , لف وجهه: ماتبين تنامين؟!
شهد اللي جالسه ع الأريكه هزت راسها بلأ وطلعت برى الغرفه ...
بسام..مدري شنو سبب سكوتها .. يمكن عشان أول ليله ومتضايقه .. طيب تتكلم تقول شي .. لكن أحلوت كثير بذات لمن شالت التقويم اللي في أسنانها وكبرت وملامحها أحلوت .. أففف لمتى بضل أفكر يعني أنقلب ع الجهه الثانيه ...
بالنسبه لشهد كانت ترتجف وتحس ببروده في كل جسمها .. كانت لامه كل جسمها ع بعضه وضامه يدينها لصدها ودموعها تطيح بصمت ...
بسام صحى الساعه ثمان الصباح..حكيت راسي .. وين راحت هذي؟! قمت من ع السرير طلعت بره شفتها لامه جسمها ع بعضه ورقبتها طايحه ع جنب حركتها مثل الميته حطيت يدي ع قلبها , الحمد لله فيها نبض ...
بسام: شهد شهـد شهــد
شهد صحت طوالي لمت جسمها ع بعضه: بعد عني
بسام اللي صاحي من النوم وتعكر مزاجه ع الصبح: طيب طيـب , أنا بفطر وإذا تبين فطور ولا كيفك
شهد..عروسه يقولون لها تبين فطور ولا كيفك !! يلا خل أتعود ع الكلام اللي مثل السم لأن غيره مابسمع , قمت آخد لي شاور وأبدل ملابسي ...
بسام..ولو أني مشتاق لشهد وأحبها إلا أني ما أتحمل حد يغلط علي لو يكلمني بهالطريقه أنا ياذووووبي ماسك نفسي لأني غلطت في حقها والحين أعطيها فرصه يمكن هي ماخده أنطباع عني لكن بثبت لك ياشهد أني رجال وأستحقك ولا في غيري يستاهلك ...
وقت الغداء , شهد بكامل زينتها ولابسه عبايتها ...
بسام: نروح بيتنا وبعدين بيتكم طيب ؟
شهد سكتت فتره طويله بعدها قالت: لأ .. بيتكم بعدها بيت خالي
بسام وهو مستغرب: براحتك
شهد..كيف يابسام أروح بيت أبوي وأنا أحسه يبي يتخلص مني وباعني عليك برخيييييييص لكني الحين حاسه أن بيت خالي هو مكاني اللي أشتقت له مو بيتنا ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثالث والثلاثون
((هذا الجزء
-ملكة رانيه وراشد اللي تمت ع خير وفرحت الكل
-هدى واللي سوته في حنين .. وسيف وتهديده لهدى تتوقعون شنو راح يسوي ؟
-نتايج أبطالنا اللي كلٍ منهم فرح بنتيجته وأخد ع قد أجتهاده
-السفره اللي الكل فرح بها تتوقعون شنو المفاجئات اللي بيتصير لأبطالنا في هالسفره ؟
-شهد وزواجها ع بسام وسكوتها تتوقعون شنو سببه ؟!
يعطيكم ألف عافيه
تابعونا
تحياتي))
.
.
.
.:دانهـ العشآق22:.

يسلموووووووووو على الباااارت كتيير حلووو
تحياتي.. مجنونة وحلوة

عوآإآإآإفــي غلآتوو ع المرور ,,’’

مرورك الأحلى ,,’’

لا خلى ولا عدم ,,’’

كل الود

,,’’

ذايب في هواهم
((الجزء الرابع والثلاثون))
بسم الله الرحمن الرحيم
((المستجدات في هذا الجزء...
-المسافرين لجده يعيشون أحلى لحظاتهم في جده
-شهد لازالت ساكته وماتتكلم إلا بأشياء معينه
تابعونا))
"عش أفراح عمرك لحظة بلحظة // تذكر أفراح الماضي وتمناها تعود // أنسى أشجان الماضي وأمحوها من ذاكرتك ..."
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:55ص في جده ...
رانيه..غيرت توقيعي في منتدى راشد حسيت أن نكنيمي القديم اللي حاطتنه في التوقيع يأزم النفسيه ويتعبها .. وهذا منتدى حبيبي لازم أكون فيه غير عن كل المنتديات لأن شخصيتي بتعكس ع شخصية راشد وسمعته عند الناس ^_^ ...
دانا: أوووه غريبه رنوش جالسه ع الابتوب
رانيه: راشد قال لي أشوف الجديد في المنتدى وشيكت ع إميلي وبس
دانا: يجنن توقيعك الجديد أكيد راشد اللي مسويه لك
رانيه: ههههه أيه راشد مسويه لي , قال لي بعد أشوف من تبي تغير توقيعها
دانا: الحين كلنا هاجرين المنتدى مافي إلا ملوك وحور مطلعين كل مواهبهم فيه
رانيه: أحلى منتدى ملتقى العائله موضوع ملكتنا بجد فرحت لمن شفته
دانا: وتنتظركم مفاجئه لمن نرجع في نفس القسم
رانيه: لاحول , إلا صحيح أم ساري اللي عرفني عليها راشد من فتره تسلم عليكم
دانا: الله يسلمك وياها من الشر , بس تعالي ماقال لك راشد وش سالفتها؟
رانيه: أفاا عليك , هذي وحده زوجها متوفي وماعندها إلا ولد وراشد قايم فيهم بس هذي السالفه
دانا: آهآآآ
رانيه: تصدقين دانوه سويت لراشد سالفه أول ماسمعته يكلم وحده وينزل ع الصوت عشان لا أسمع
دانا: ههههههههه عاد رشود أقتليه ع العناد , بس أنتي ماعندك سالفه تغارين من وحده أكبر من راشد وأنتي عنده
رانيه: بغيت أموووووووت كل مايكلمها يوطي ع صوت الجوال وأنا معصــــبه خلاني ع أعصابي أربعه أيام بعدين قال لي سالفتها
دانا: أنا بعد مره سمعت فارس يكلم نرمان ونفس الحركه بعدين قال لي أنها حسبة خالته
رؤى اللي سمعتهم يسولفون: وش هالحاله حتى من العجايز بيغارون !!
رانيه: لا لو تشوفي ذاك اليوم عن جد الشيطان حاضر قاعده أألف قصص ع راس راشد زين أنه ماطلقني
رؤى-دانا: ههههههههههههههههه
رانيه: أقول له أيــــــه السيده خديجه أكبر من النبي أكيد بتقول لي كذا إذا أخدتها
دانا: ههههههههههههه يالهبله كأنك تشجعينه ع الزواج
رؤى: أهم شي وش سوى أخوي؟
رانيه: في البدايه كان معصب بعدين لمن ذكرنا السالفه جلسنا نضحك أثنيننا
دانا: أنتي وراشد عالميين , نامو كلهم أكيد راسهم أنفجر من الألعاب
رؤى: أنا اللي مالعبت راسي أنفجر , بس عن جد من زمان كان نفسي أشوف مدينة الألعاب اللي دايم يتكلم عنها راشد
رانيه: أحلى شي لمن نزلو الشباب من قطار الموت كل واحد قام يفضح ع الثاني
رؤى: بس اللي مو مستوعبته لمن صارخ أخوي طلال أحس طلال هيييييبه يعني شي غريب علي أشوفه يصارخ
دانا: ههه الظاهر كلهم قامو يصارخو لمن أنفصل القطار من الوسط
رانيه: أنا ترجيتهم لايركبون لأن عن جد خطير بغيت أموت لمن شفت وجه وؤل أخوي لمن نزولو أحمرررر وصدره يرتفع وينزل وينفخ ويقولو أستفرغ اللي في بطنه وهم فوق
دانا: مجانين لكن ع هاللعبه اللي ركبوها
رؤى: ع قولتهم أحنا رجاجيل مانركب إلا شي يناسبنا , أنا ما أحب الأماكن الفوضى والخرابيط بس الحين صرت أروح عشان ريوف كبرت
دانا: أمي قالت لي أجلس معاهم لأن بتبدي فيني أنفلونزا بس كان نفسي أروح من زمان
رانيه: بس كلنا ترى مالعبنا إلا لعبتين أو ثلاث أكثر شي لعبو البزارين
رؤى: والشباب كأن الرحله لهم ما كأن كل واحد لحيه وشنب قطار الموت والدبابات ماقصرو عايشين شبابهم طول بعرض , ورائد أترجى فيه أول ما أنخطبنا يركب معاي ولا يرضى الحين يوم تزوجنا وشيب وصار عندنا بنت ركب لكن حدي عصبت
دانا: ههههههه الحين مع الشباب رجعوه شباب عن جد الأجواء شجعتهم كلهم يلعبون
رانيه: أنا هلكني راشد يقول خساره ماجت أم تركي معانا كان خليناها تلعب ما أتخيل جدتي تلعب
رانيه-دانا-رؤى: هههههههههههههههه
دانا: الكل يهون إلا فيصل حالف يرقص أبوي ليلة زواجه ما أتخيل أبوي يرقص
رؤى: ههههه راشد وفيصل والأجر ع الله
رزان نطت عليهم: كأني سمعت أسم فيصل ؟
دانا-رانيه-رؤى: ههههههههههههههههههههههه
كملو البنات سهرتهم وصحو الباقي ودخلو المطبخ يطلعون المواهب ووناسه وضحك لين ما أذن صلو وطلعو الحديقه يقطعون كنار ولوز ويركضون ويلعبون وعايشين الأجواء صح ...
أنهار: يلا تحدي كل وحده تفسخ الكب حقها ونرميهم كلهم مره وحده واللي تشوف كب تاخده عندها واللي ماتشوف تطلع من اللعبه 123"صفرت وبدو البنات كل وحده ترمي الكب حقها وبعدها كل وحده لبست لها كب وراحو ع جنب وجلسو يضحكون ع أشكالهم شعورهم مكشوشه وكل وحده شافت كب قدامها ولبسته وتناسق الألوان لااااا يفوتكم"
حنين اللي كانت تتفرج عليهم من بعيد وتشاركهم سوالفهم وتصورهم: ههههههه عبير
كلهم ناظرو عبير وطلعت من اللعبه , تابعو البنات لعبتهم هبال في هبال لين طلعو أغلبهم بقو في اللعبه رانيه وأنهار ومها ...
مها جلست ع الكرسي: خلاص تعبت "جلسو أنهار ورانيه لأنهم تعبانات من المسخره اللي صارت"
إيمان: أنا عندي فكره خوووش فكره
: أتحفينآآ أم ســـديم
دانا: لحظه لحظه , أم ســـــــــــــــــديم
البنات بصوت واحد وتصفير وهبال: حيهــــــــا
إيمان وهي تحط يدها ع صدرها وتحني ظهرها مثل اللي في المسرحيات: شكراً شكراً أخجلتم تواضعي , وش رايكم بما أن الرحله بأسم العروسه اللي زواجها بعد شهر وشوي "الكل ناظر رزان , قالت إيمان تكمل: وش رايكم نسوي حفله بمناسبة توديعها للعزوبيه
الكل: هيآآآآآآآآآآآآآآآ هووووووووووووووو كللللللللللللللللللللللللوووووووووووش عااااااااااااااشووو ياااااااااسلاااااااااااام
ريهام: بس تعالو مو الحين خلوها لليله نسوي كيك وحلويات وحركات ونعزم الحريم
عبير بحماس: صدق أن جده غيرررر أحلى سفره صارت لي
الكل: هههههههههههههههههههههههه
صلو البنات الظهر والوناسه مو سايعتهم وجلسو يستعدوون للحفله في الليل ويجهزون نفسهم كل وحده لبست أحلى ملابسها وعدلو رزان وضبطوها وسوو مالذ وطاب من الأكل للعشاء وبعد الأذان جلسو كلهم بعباياتهم يتسمعون فضيله تقرأ الدعاء عشان لاتصير حفلتهم بدون فايده ...
بعد ماخلصت فضيله الدعاء قالت أطلبو حوائجكم وتعرفون الحريم جلسو نص ساعه يطلبون حوائجهم , إيمان: رحم الله والديك أم فيصل
فضيله: والدينا ووالديك جميعاً
صار الشاليه كأنه خلية نحل البنات رايحين جايين يجهزون العشاء , ودانا توصل العشاء للرجال طبعاً فارس يوقف لها عند الباب ويوصله للرجال , لين ماخلصو البنات شغلهم وجلسو يآكلون , بعد العشاء جلسو يشتغلون ولأن الشغل جماعي ووناسه ويسولفون وهم يشتغلون وكل وحده تشجع الثانيه خلصو بسرعه ...
ريهام راحت لرزان من يدينها وإيمان من رجلينها وحملوها وقامو يدورون فيها , والبنات ضحك تصفيق وهبال الحريم اللي تروعو من الصوت دخلو ...
أم تركي: لا تعورون عرووووسنا
والبنات لاحياة لمن تنادي , لين ماتعبو حطو رزان ع السرير وأنسدحو وهم يضحكون ع هبالهم: ههههههههههه
البنات بصوت واحد: يابابا أسناني واو وديني عند الطبيب .. ماعاد بدي شكلاته بس بدي أشرب الحليب-->>داق عليهم الهبال من قلب , والبزارين مبسوطين لأن الأنشوده أنشودة أطفال ويصفقون ويغنون معاهم لحد ماسكتو وصار المكان هدوووء
غلا من بين الهدوء: يلا فرح"البنات يكملون معاها: يلا مرح قعدو من النوم صوت الجرص نادانا ياويل اللي مايقوووم .. إن شاء الله إن شاء الله يبا....ألخ>>
بعد ماخلصو نيشد ويا البزارين قامو يجلون رزان والبزارين معاها تحت المشمر وحنين بعد لأنها ماتقدر تتحرك كثير من الحمل ^_^
البنات بصوت واحد: كللللللللللللوووووووش جلوة متيربنا قووومي .. نجمه مابين النجومي ..
لايفوتكم الطق اللي تطقطق بعلبة الإكلينكس واللي تطقطق ع الدولاب واللي تطقطق بالجزم ((تكرمون)) ع قارورات المويه واللي تصفق بيدها واللي تصور ...
قامت فضيله دخلت لرزان تحت المشمر وضمتها بقووووه لدرجة إن رزان بكت ...
البنات يلطفون الجو , دانا: ههههههههه رزون صدقتي ترى مو الليله العرس"راحت جنب رزان وضمو بعض وقامو يبكون مع بعض"
عبير: هههههههههههههههههههههههه وقسم مو صاحيين توها تسخر ع رزون عشانها تبكي الحين قامت تبكي معاها !!
رانيه تتطنز: وحده تجي باضمها صار نفسي أضم حد وأبكي
الكل: ههههههههههههههههههههههههههههههههه
كملو البنات سهرتهم وضلو ومعاهم الحريم يوم جا وقت صلاة الليل راحو الحريم يصلون صلاة الليل والبنات بعضهم راحو يصلون وبعضهم كملو سهرتهم , وبعد أذان الفجر كل البنات راحو ينامون لأنهم من الصباح صاحيين والغاز تبعهم خلص هع .. ووراهم روحه للمول عشان يجهزون لزواج رزان ...
والشمس توها تشرق رن جوال رزان , رزان طلعت تراقب شروق الشمس في البلكونه وهي تكلم فيصل: هلا وغلا هلا بنور الشمس
رزان: هلا بنور عيوني هلا بالنور كله
فيصل: ياحيها حبيبتي أم نصوري , كيف حفلتكم
رزان: حفلتنا حلوه بس ناقصنا وجودك
فيصل: يعني لو كنت موجود كنت باشوفك ؟
رزان: لا طبعاً , خلاص أصلاً حتى عقب مانرجع مافي تشوفني إلا ليلة الزواج
فيصل: وأنا شيصبرني بالله
رزان: أممممـ أني بضل طول العمر معاك
فيصل: أنا بعـــــرف شنو بتستفيدين لو ماشفتك شهر وشوي ؟ يعني بيغير شي بيتأجل الزواج لو شفتك
رزان: لا بس الحين حالتي حاله خليها ليلة الزواج أحلى
فيصل: أنا أبي أشوفك جرفليه وحالتك حاله بس أهم شي أشوفك طيب ؟
رزان: ههههه نشووف , إلا كيف الشغل معك؟
فيصل: الحمد لله ماشي حالي"وضلو كل واحد يسولف عن الأشياء اللي صارت له والأشياء اللي يخخطون لها في المستقبل^_^"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
مرت يومين سريعه ع أبطالنا بذات المسافرين لأن أيامهم حلوه وكل يوم له ذكريات وأحداث تميزه .. جا اليوم وهم متوجهين لأطهر البقاع ((بيت الله)) كلٍ كان في نفسه يخخط لصفحه جديده يفتتحها مع ربه كلٍ يتوب من ذنوبه توجهو لمكه بقلوبهم وكل جوارحهم ...
الساعه 2:33ص عند المحرم والبنات يركبون الباص ...
فضيله: يلا كلكم قرأتو النيه ؟
البنات: أيــه
أم تركي: متأكدين أنكم كاملين مافي حد ناقص ؟
أنهار وهي تحسبهم: مها مو موجوده
فضيله وهي تكلم مها بجوالها: الله يهديك يامها...............طيب ننتظرك ترى كل الجماعه كاملين................مع السلامه,
عهد: وينها مها ؟
فضيله: الظاهر أن ريان طاح وراحت تبدل ملابسه
دخلت مها وبدأو البنات الحريم يكررون التلبيه بصوت واحد ومشى الباص: لبيك اللهم لبيك لبيك لاشريك لك لبيك أن الحمد والنعمه لك والملك لاشريك لك لبيك ..
"كلمو سبعين تلبيه مع بعض بعدها قرأو التلبيه المستحبه كانت إيمان تقرأها وهم يرددونها وراها لين ماهدأو وكل وحده صارت تلبي بروحها"
أم تركي لفت لأنهار ورزان اللي جالسين وراها يكلمون: أنهااار رزاااان
أنهار ورزان كل وحده أستأذنت من خطيبها وقفلو جوالتهم: هلا أم تركي
أم تركي: أنتبهوو مو تتغزلون وياعمري وياحياتي تراكم محرمات
أنهار-رزان: إن شاء الله
أم تركي أنتبهت للبنات يضحكون ع رزان وأنهار: وأنتو مو كل وحده تمسك لنا يد رجلها وتتغزل وتسوي سوايا ترى عليكم خروووف
رانيه: ههههههههه جدتي عاد نفهم
أم تركي: أنا أدري عنكم بعد كأنكم إلا مصرقعات تناظرونهم من الشباك غضو بصركم الحين بعد ماتقصرون ناظروهم بكيفكم
البنات: ههههه إن شاء الله
أم فارس لفت لدانا: يايما مكتوبه لاتبكين إن شاء الله مره ثانيه
دانا وهي تمسح دموعها: كان نفسي أسوي عمره
فضيله: أهدي حبيبتي دانا مكتوبه لك ربك كريم
دانا..أحس كأن شي ضاغط ع قلبي مدري كيف نفسي بقوه أسوي عمره .. نفسي تتجدد نفسيتي قبل أتزوج أبي ربي يبارك لي في زواجي يلا ع قولة أمي أن شاء الله مكتوبه , ضليت ألبي وأنا ساكته لأني متضايقه عشاني ماباسوي عمره مثل الناس ...
]]ـ-ـ-ـ-ـ-ـ-ـ-ـ-ـ-ـ-[[
ع نفس الخط في باص الرجال كانت الأجواء روحانيه والكل يلبي ...
راشد..قالو لي أمسك الكتاب أستحييييت بعدين قلت يلا خل أفلها مسكت الكتاب وجلست ألبي بصوت عالي والكل يردد وراي عدل والله الأجواء حمااااااس ...
"وصلو مكه بالسلامه ونزلو العماره اللي حاجزينها لهم .. كانت محجوزه للعائله بس مافي حد من برا معاهم إلا الطابق الأول كان للعمال , والطابق الثاني كان القسم الأول للبنات والقسم الثاني لقعدة الحريم والطبخ , والطابق الثالث للشباب القسم الأول للنوم والقسم الثاني للقعدات والأغراص , والطابق الرابع عباره عن سويتات كل وحده معاها زوجها لها سويت معاه // بعد ماحطو أغراضهم في العماره راحو كلهم سوا يتعمرون ...
دانا..طبعاً أنا جلست ع جبل الصفا مع البزارين لأن مايجوز لي أدخل الحرم , جلست بكتابي أتعبد والبزارين راكبين نازلين ع الجبل وأنا شوي أناظرهم وشوي أكمل الدعاء ساعات بعد هم إذا سمعوني أردد المقطع يرددون معاي((سبحانك يالا إله إلا أنت الغوث الغوث خلصنا من النار يارب)) لين ماخلصو الحريم طواف وجو جنبي ...
دانا: تقبل الله
الكل: منا ومنك
دانا: ماطولتو
فضيله: والله الطواف الحمد لله سهاله فاضي مافي ناس واجد
ريهام: ماتعبوك حمود وريان ؟
دانا: لا أبد كأنهم في ملاهي يركبون الجبل وينزلون وأنا أقرأ الدعاء ماسوو شي
أم تركي: يلا إن شاء الله مكتوبه عمرتك لك يابنتي
دانا: إن شاء الله , الحين أقوم أسعي معاكم ؟
أم فارس: أيه قومي
قامو الحريم مع البنات قرأو النيه شافو سيف ع جنب مع حنين يتفقون مع اللي يأجورون الكراسي , أم تركي: ها يما حنين بتسعين ع كرسي؟
حنين: أيه
أم تركي: سيف ولدي إذا في كرسي أحجز لي
سيف: إن شاء الله جدتي
رانيه: أنا خبري أن حنين بتسعى ع كرسي عشانها حامل لايكون جدتي حامل بعد !!
ريهام: هههه ع الطناز رانيوه خلي جدتك في حالها
دانا..سعيت معاهم كان السعي متعب نوعاً ما , بعد ماقصرت قالو لي أتقدم العماره مع البزارين وهم بيطوفون وأنا طبعاً مايجوز لي أطوف تقدمت لأن الأنفلونزا طخت راسي عدل الحمد لله أني قدرت أسعي , دخلت العماره طلعت للبزارين ألعابهم وأنسدحت ع السرير جلست أبكي مدري من التعب لو من الحسره ...
خلصو البنات العمره وراحو العماره ودخلو معاهم الحريم قسمهم , أم فارس وهي تصحي دانا: دانا يما أكلتي لك شي قبل تنامين ؟
دانا وهي تفتح عينها: هلا عمتي تقبل الله
أم فارس: منا ومنك غناتي , أكلتي شي قبل تنامين ؟
دانا وهي تكح: لا مو مشتهيه شي أكلو أنتو بالعافيه عليكم
أم فارس راحت لفضيله: ترى دانا نامت بدون أكل
فضيله: الله يستر منها دانوه أنا أعرفهم هي وفيصل إذا تجيهم أنفلونزا تجيهم شديده مايقدرون يخفون راسهم
رانيه وهي تسكر فطيرتها: ولا يهمك أم فيصل الحين نروح لها نروح عنها الأنفلونزا وأبو الأنفلونزا
مها: ماعليه عاد أخواني مايعرفون وناسه ولا غيره إذا طخت راسهم الأنفلونزا
أم تركي: إذا للعصر ماتحسنت خل نوديها المستشفى
"أنهار سوت لدانا فطيره عشان إذا صحت تاكلها , وتوزعو عشان يريحون الحريم كل وحده راحت لزوجها في سويتها والبنات راحو قسمهم وكل وحده ماتسمعون إلا شخيرها"
أنهار وهي طالعه من دورة المياه تسولف مع رانيه اللي تمشط شعرها: ياربي أشكالنا عالمه أول ماخلصنا عمره
رانيه: أيه أنا ماتحملت شكلي طوالي تحممت
أنهار: أنا بعد , أتخيل مسكين موسى لو يشوف شكلي أول ماخلصنا عمره
رانيه: ههههههه أي والله وجوهنا غير شكل من التعب وعيوننا منتفخه والشعر مكشوش من الحجاب والرجايل سوداء من شوراع مكه , الحين أحس شكلي أرحم لمن تحممت
أنهار: وأنا بعد أحس مانفسي في شي غير النوم عقب ماتحممت"ضلو يسولفون لحد ماغلب عليهم النعاس وكل وحده راحت سااابع نومه"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن مكه // أكيد أشتقنا للشرقيه وأهلها .. الساعه 6:44م في فيلا ناصر ...
فيصل..من سافرو الأهل وأنا ما أحب أجلس في البيت كثير , أتصلت ع رزاني تطمنت عليها وعلى أمي وخواتي وجا في بالي أركب شقتنا رميت المفتاح نهاية السلم ونطيت بداية السلم وأخديته بيدي ورحت السلم الخارجي حق شقتنا فتحتها ودخلت شفت صورتي أنا مع رزان ليلة الحفله كانت واقفه وأنا ضامها من وراء وماسك ورده بيديني ورزان يدينها ع يديني ماسكه معي الورده وتناظرني ومبين ع ملامحها أنها مستحيه ذكرت حياها ليلة الحفله وضحكت من قلبي .. ع قلبي هي كل شي فيها يجنن ناظرت الأثاث وكل شي في الشقه كان ذوقي وذوق رزان كل شي مميز وله سالفه بعض الأشياء أختلفنا عليها وأشياء مارضى عليها واحد منا لكن في النهايه طلعت الشقه بالمره رااااقيه حجمها مو حجم شقه لنفرين ماشاء الله واسعه كثير بحجم ثلاثة أرباع فيلاتنا لكن نسميها شقه خخخ , رميت نفسي ع السرير يآآآآه بقى شهر و9 أيام ع زواجنا فتحت جوالي ع الملفات المخفيه طلعت صورة عيون رزان بتذبحنــــــــي كل شي فيها يجدبني هالبنت تحللللللللم أني ما أشوفها لليلة الزواج .. قفلت الشقه ونزلت البيت طلعت الفلاش اللي سرقتها قبل ملكتنا خخخ لأن فهود عطاني أياها عقب ماملكنا وتطنز علي وأنا قلت لرزان ع السالفه عن جد كانت لحظة طييييش مافكرت لحظتها وش يمكن يصير عيبي اللي كنت أعترف فيه قبل لا أخطب أني أحياناً أسوي أشياء بدون لا أفكر بعقلي بس الحين كأني عقلت نوعاً ما هع , شفت صورتي أنا وفهود أستغربت متى هذي الصوره!! أنا منسدح ع رجل فهود وهو يمسح ع شعري ههههههه مسخره الصوره مدري من وين سارقتها الشريره رزون رحت للصوره اللي بعدها طلعت فيديو لنفس الصوره أيوووووووووه فتحته وأنا متحمس أشوفه ...
عهد بحماس وصوتها متغير لأنه بالكاميرا لكن فيصل ميزه: ياااااااااااربي حلفو أن فهوووودي مايجنن
رزان: أنا اللي بيذبحني فصووول شوفو الخصل اللي نازله ع وجهه
دانا: هههههههههههههههههههه رزانوه حلفي ماودك تروحين تبعدينهم عن وجهه ؟
عهد: أششش فضحتينا دانوه شكله فيصل صحى خل نروح جناحنا
فيصل..ههههههههههه الشريرات كل هذا يطلع منهم كأني الحين تذكرت السالفه هذي أول سنه لي في الجامعه قبل لا أسافر كنا متضايقين أنا وفهود عشاننا أول مره بنفترق , لكن بتصل أقول لرزون ...
رزان: ههههههههه ياشرير لاتشوف باقي الصور
فيصل: برد قلبي والله كل شوي أعيد المقطع ياحلوو الكلام اللي قلتيه
رزان: فصووول لاتلعب في أعصابي عن جد أنا شقلت ؟
فيصل يلعب بأعصابها: قلتي ياليتني مكانك يافهد وهالقمر اللي جالس ع حضنك ع حضني
رزان لا شعوري: لااااااااااا ماقلت
فيصل يغير كلامه: لالا قلتي خده ناعم توه حالق بروح أبوسه
رزان: فصووووولي عفيه لاتلعب بأعصابي
فيصل: هههههههه لا جد هالمره خلاص باسمعك صوتك
رزان عقب ماسمعت صوتها: والله والله كنت توني أعترف لدانوه أني أحبك وصارت هالسالفه
فيصل: ههه والله أنك قمر بكمل باقي الصور
رزان: بكيفك ترى بتشوف صور بتتروع منها
فيصل بمزح: عادي أنا أبي أتروع
رزان: تتروع هااا , لكن مو الحين نتفاهم رجعتي من الحرم
فيصل: أوكي حبيبتي أدعي لي لاتنسين
رزان: ياحياتي وأنا أقدر أنساك
فيصل اللي سمع صوت رانيه"خد لك العالم يذكرون الله في الحرم وهذي ضرب تغزل: هههههههه يلا حبيبتي لا أشغلك سلمي لي ع الأهل
رزان: يوصل , مع السلامه
فيصل..كملت باقي الصور عن جد الصور تخلد الذكريات ع قول دانوه , بعدها بدلت ملابسي وطلعت أشوف الشباب عشان أرجع بدري وأنام باكر من صبح ربي وراي دوام ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
نرجع لمكه .. كانو أبطالنا يعيشون أيام مميزه فيها عباده وطلعات ومنتزهات ومطاعم وأكيد أسواااق ودانا المسكينه مريضه أحياناً تطلع معاهم لكن أغلب الوقت تكون في العماره ...
الساعه 4:44م كانو البنات طالعين مشوار العزيزيه يتسوقون ودانا في العماره تعبانه معاها الحريم لكنهم فوق وهي في قسم البنات بروحها سمعت صوت طق ع الباب ...
دانا وهو ياذوبها تتكلم: كح كح مين ؟
فارس: أنا فارس دانا حبيبتي افتحي
دانا وهي تفتح الباب وتدخل فارس المجلس: مارحت معاهم العزيزيه ؟
فارس: كنت بروح بس ماطاوعني قلبي أروح عنك
دانا: لا أنا طبت الحين بس شوي مصدعه
فارس: تحسين نفسك أستفدتي ع الأبره اللي عطوك وياها أول ماوصلنا
دانا: أيه شوي
فارس: الحمد لله , قومي بروح معاك المستشفى
دانا: لا خلاص طبت اليوم بروح الحرم لأن ماعندي وقت مافي إلا اليوم وبكره أروح الحرم
فارس: زين لحقتي ع الأقل يومين تدخلين الحرم , بس ماعليه خل أوديك الحين المستشفى ورجعتنا نروح الحرم سوا
دانا: لا مابي
فارس عصــــب: شوفي أنتي كيف تكحين وجسمك حار
دانا: لأن توني متحممه وطالعه من دورة المياه صدقني مافيني شي
فارس: عن العناااد يلا قومي ألبسي عبايتك
دانا طاحت دمعه من عينها: يعني غصب-->> حساااسه
فارس: بتقومين ولا أقومك ؟
دانا..قمت ألبس عبايتي ياربي وش هالحاله الله رزقني رجل عصبي وأنا ما أقدر طوالي أبكي حاولت أعدل وجهي وما أبكي دموعي تطيح أبي أبين عاديه مافي فايده سمعته يناديني لبست نقابي وطلعت وأنا متنقبه عشان لاينتبه لي أبكي , ركبنا التكسي سوا رحنا المستشفى طبعاً كالعاده ماعندهم إلا هالوصفات نصرفها في الصيدليه وأبرة مغدي , رجعنا العماره سوا والبنات مابعد يوصلون دخل معاي فارس وأنا لسه متغبنه من يوم يعلي صوته علي , لفيت ظهري لأني ببكي إذا ناظرته فسخت عبايتي ورحت أوديها الغرفه بعدها رحت المجلس مو من الذوق أخلي فارس بروحه حتى لو كنت زعلانه منه ...
فارس يراضي دانا: أحم حبيبتي
دانا وهي منزله راسها: هلا
فارس: مو قصدي أعلي صوتي عليك بس تعرفيني عصبي
دانا: .............
فارس راح جنبها ومسك خدها: ناظريني دانا
دانا غطت وجهها بيدينها ...
فارس ضمها: بعد قلبي تعبانه ؟
دانا هزت راسها بلأ ودموعها تنزل ع كتف فارس وهي تحاول تبعد عنه ...
فارس: خلاص أرضى علينا ياااعسل
دانا رفعت راسها وأبتسمت ...
فارس: طيب والدموع؟
دانا: مدري يطيحون بروحهم
فارس: ههههه فديت الدلووعه , أنتي قمــــــر بس عنيده
دانا عصبت دفته من كتفه: وأنت عصبي
فارس ضمها وهو يضحك: ههههههههه يعني حاقده علي؟
دانا: مو صاحي اللي يحقد عليك , حبيبي شوي "تقصد أنها بتقوم من ع حضنه"
فارس: وين ؟
دانا: باقوم أستعد للصلاه عشان أروح الحرم
فارس: طيب أنا طالع إذا خلصتي أتصلي علي بنروح سوا
دانا: أوكي
دخلت دانا ع البنات اللي توهم راجعين من السوق وكل وحده توري الثانيه وش شرت لها ولخطيبها ...
رزان: وش صاير دانا وش صاير ؟
دانا ناظرت في شكلها: ماصاير شي , في شي غلط ؟
رزان: لالا بعدين أقول لك
دانا هزت كتفها بمعنى مدري عنكم وراحت تستعد عشان تروح الحرم , دخلت عليها رزان: أوووووووه مبرووووووك بتروحين الحرم
دانا تنهدت: أيه ماورى علي باشوف الكعبه
رزان: طيب وش فيك أكييييييد متهاوشه مع فارس
دانا: آآآآآه شسوي عصبي .. بس حنون
رزان: يلا الله يعينك"غمزت لها: لكن أهم شي حنون
دانا ضربت رزان ع ظهرها: أرووح لرجلي ينتظرني أبرك لي
رزان: ههههههههه طيب بس لاتنسين تروحون الحرم
دانا فهمت قصدها: أكيد بنروح الحرم إلا إذا أنتي وفيصل تتفقون تروحون مكان وتغيرون رايكم في الطريق
أنهار وهي طالعه: ههههههههه وقسسسم أنكم خطيرااااات
دانا: أفاا عليك بس , يلا أنا بروووح لا أتهزأ باااي
البنات: باااي

قامو البنات يستعدوون عشان يروحون الحرم وزنقه لحد ما كلهم خلصو وراحو سوا .. قضو أحلى 6 أيام في مكه وجا الوقت اللي يروحون فيه للمدينه طبعاً مافي مطارات في مكه فبيروحون في باصات بي آي بي ((باصات بس مظامهم أقرب للطائرات مريحين وسبيشل)) // الساعه 4:30م بعد ماوصلو الكل من الحرم ونزلو عفشهم وتوزعو في الباصات صار باص للحريم والبنات ومعاهم أبو تركي وأبو فيصل وباص لباقي الرجال مع الشباب وصارو الباصين يمشون مع بعض ...
الكل: اللهم صلِ على محمد وآل محمد
دانا الوحيده اللي ماخده راحتها في الروحه والجيه في الباص لأن أبوها وعمها وأثنينهم محرمين عليها , قالت تقدم التمر لأبو تركي: تفضل عمي
أبو تركي وهو ياخد له تمر: هلا هلا عمي كيفك الحين ؟
دانا: الحمد لله واجد أحسن من قبل
أبو تركي: الحمد لله والله تضايقنا عشانك يابنتي
دانا: تسلم عمي
أبو تركي: عاد أكلي زين وأهتمي في صحتك ولا تكثيرن من الخرابيط اللي يبيعونها والمعلبات أكلي أشياء طبيعيه
دانا ببتسامه: إن شاء الله"راحت لأبوها تعطيه تمر: تفضل بابا
ناصر: تسلمي يالورده
جلست دانا تسولف شوي مع أبوها وعمها بعدها رجعت للبنات ...
ملاك: تصدقي دانا صار نفسي أمرض عشان أتدلع مثلك
دانا: صلي ع النبي يهالخبله حد يتمنى المرض أقول قولي خير ولا أنطمي
ملاك لفت فمها وهي تتحرطم ع دانا: يعني محد يمزح
جهان: هههههه دانا لاتقولين خديتي من عصبية فارس ؟
فضيله: لا والله من أولها دانا ماتقدر ع كلمه من ملاك دووم يتهاوشون من أقل كلمه
أم تركي: لازم منها في كل بيت أحنا عندنا فارس وجاسر وعبير مايحضرون مع بعض ولا يتهاوشون والمشكله مايستغنون عن بعض
مها: يقولون مايتهاوشون إلا اللي يحبون بعض يعني هذي من علامات المحبه
ريهام: ههههههههههههههه صاااااااااااادوووه وأنتي وفيصل نسيتي من أول؟
فضيله: عاد مها وفيصل مافي ناس تهاوشو كثر ماهم تهاوشو ولا في ناس يحبون بعض قد ماهم يحبوون بعض
رانيه: هههههه صح ذكرتوني رؤى ترى الضربه اللي في راشد شفتها
رؤى: ههههههههههههههههههههههههه آآآآه ياويل قلبي
فضيله: ههههه اي ضربه اللي بالسكين ؟
رانيه: لالا أقصد اللي في ظهر راشد من يدة البلايستيشن رؤى ضاربته , إلا وش سالفة السكين ؟
فضيله: ههه الله يرحمكم يامريم ونوره , كان فيصل طالع مع راشد ورجع لمريم ونوره الله يرحمهم وفي بلوزته دم ضربت نوره ع راسها وهي تصارخ وينه راشد ؟ فيصل أرتبك لمن شافها تضرب ع راسها قال لها وهو خايف بع بع بع بع شافتها مريم تضرب ع راسها والدم في بلوزة فيصل وقامت تسألها وش فيه راشد , قالت نوره وهي تضرب ع راسها بع بع بع بع وقامو ثنتينهم يصارخون بع بع بع ولا يدرون شالسالفه جا أبو سلمان وبغى يموت لمن شاف حالتهم سألهم من اللي بع بع ؟
الكل ناقعين من الضحك ع بع بع: هههههههههههههههههههههههههههههههههه
رانيه: وبعدين وش طلعت سالفة بع بع ؟
فضيله: ماعرفنا قصتها إلا يوم بردت السالفه طلع راشد متهاوش مع صاحبه وصاحبه ضربه بالسكين وشافهم حارس مدرستهم المصري وقال لفيصل صاحب راشد (بعطه) بالسكين وهو يبي يقول لهم بعطه بس مو عارف من الربكه قال بع بع
مها: هههههههههه قلب مصري الأخو من الخوف بس عجبتني بعطه
رؤى: صرنا كل مانتهاوش أنا وراشد يقول لي لا أبعطك بالسكين
الكل: ههههههههههههه
رزان: الله يرحمهم أمي وخالتي عليهم سوالف
الكل: الله يرحمهم
ريهام: وفيصل لمن كان صغير محد نكت مثله إذا حد زعله يجلس ع سلم البيت ودموعه تطيح: محد يحبني كلهم مايحبوني أنا باروح عنهم
دانا: ههههههههههه ورزان تروح له أنا أحبك ماعليك منهم كلهم
الكل: هههههههههههههههههههههه
رزان بستغراب: أنــــــا!!
ريهام: هههه لاتتروعين هذا فلفل من عند دانا
رزان: ههههههههه ع بالي
أفراح: والله علينا سوالف في الطفوله نضحك ضحك لمن نذكرها
رانيه اللي توها مخلصه مكالمه: ياااااااااااااااااي صديقتي سلووم في المدينه ياسلاااام باشوفها
عبير: حركااااات , بس تعالي مو هي حامل؟
رانيه: توها ثلاثه شهور , بس كانت معاي لمن سوت التحليل المنزلي
مشاعل: ههه وأنتي ماشاء الله عليك بخوووره
رانيه: أفاا عليك بشرت كل اللي أعرفهم وهي بعدها ماتطلع من دورة المياه
الكل: هههههههههههههههههه
أم فارس: عقبال مايبشرونا عنك ياربي
الكل: آآميــن
أنهار: الباص نحس إن أحنا مسافرين الطائره ساعتين وأحنا موصلين
حنين: لكن 6ساعات تكسر الظهر
أم وافي: تكسر الظهر للحوامل يابنتي الله يعينك
ليلى: أصلاً سيف يقول بس بنزور وبننزل البلد طيران الظاهر خايف عليك
حنين: ههه عنده شغل بعد
البنات سوو إزعاج وتصفير وفوضى يحرجون حنين ...
أم تركي: بننزل شهرين وبعدها بيبشرونا عنك ياحنين بسهاله ياربي
حنين: يارب والله ع كلامهم الولاده حدها تخوف
بدو الحريم يسولفون مع حنين عن الولاده وكل وحده تسولف عن ولاداتها والمغامرات والآكشن والبنات بعضهم يشاركونهم وبعضهم يكلموووون رجالهم وبعضهم مشغولات بالابتبات والبي أس بيات .. لين ماوقف الباص محطه عشان الصلاه والعشاء ...
أم تركي تكلم الرجال: الحين وين ندخل دورات المياه في هالزحمه؟!!
ناصر: خلا أنتو أركبو الباص الحين أذكرو الله أحسن من تضيعون وقتكم بالإنتظار هالعالم مدري متى يخلصون , أنا مع الشباب بنشوف إذا يأجرون سويتات ولا شي كذا أريح من المحطات
الحريم والبنات: أوكي"وركبو الباصات ينتظرون لين مايحجزون لهم الرجال سويتات"
راشد بعد نص ساعه رجع وقف عند باص الحريم: أحم أحم يالله
فضيله: هلا راشد
راشد: ترى ماحصلنا إلا غرفه لنا وغرفه لكم , غرفه وحده تكفيكم ؟
فضيله: يلا نزحم حالنا قزرة حال
راشد: يلا أنزلو "رانيه نزلت أول وحده ووقفت مع راشد شوي لين ما أكتملو الحريم والبنات"
فضيله: غرفه رقم كم ؟
راشد: 16
أم تركي: ووين المفتاح ؟
رانيه: عندي
ليلى: ماشاء الله المفتاح عندك وأنتي مستنره هنا يلا عطيني وياه
رانيه مشت قدامهم: يلا يلا بدليكم الغرفه
دانا: أقول لكم مرشدتنا السياحيه بس محد يقدر
رانيه تسوي نفسها تتأمر عليهم: لا يكثر بس أمشو وراي لاتضيعون
أنهار تساسر البنات: ماشاء الله مصدقه نفسهاا
الكل: ههههههه
رانيه حطت المفتاح في الباب دخل طرفه وأنفتح الباقي بروحه البنات صرخو بصوت واحد: يمااااااااااااااااااااااااااااااااااااااااااااااا" وطلعت عيونهم أكثر لمن شافو ولد يطلع من السويت , ورجعو سوا لوراء"
الولد ووجهه كله نوم: خير تبون شي ؟
أم وافي: دددذذ اللي هو شسمه الظاهر غلطانين
الولد سكر الباب ...
ليلى ضربت رانيه ع مخها: هذي مرشده سياحيه بالله عليكم
رانيه: شيدريني أنا "أتصلت ع راشد: هلا وغلا...........تعال مو الشقه 16 ؟ ..........رحنا فيها ناس............كيف!! أنتو جنبنا؟................ما أشوفك......أنا في الطابق الأول.......أهاااااااا ع بالي في الطابق الأول........خلاص مع السلامه,"قالت تكلمهم: أمشو وراي
أنهار: ينخاف منك رانيوه أخاف بعد تودينا سويت غلط
الكل: هههههههههههه
راحو الطابق الثاني شافو وائل مع راشد ع باب السويت وراحو السويت اللي جنبهم فتحته رانيه ودخلو وتغصغصو في السويت صغيييييييير بالمره مافيه إلا دورة مياه وحده والغرفه صغيره وهم ماشاء الله جماعه , فصارو اللي مو مستعجلين ع دورات المياه يتوضون في الشاور اللي بره ويصلون واللي ينتظرون ع الأسره لأن مافي مجال ع الأرض إلا 6سجادات واللي تخلص صلاه تنزل الباص ...
مها قطعت صلاتها من صوت الجوال اللي أزعج الكل: هلا أسامه..........وش صاااير؟...........أنا أصلي خليتني أقطع صلاتي...............طيب طيب نازله ,
دانا..ياربي شفت وجه مها متغير عرفت أن أسامه أكييييييد معصب الله يستر بس شنو اللي معصبه , رزقنا أنا وأختي خدينا لنا رجال عصبيين .. يلا الحمد لله ع كل حال .. سمعت مها تناديني ...
مها وهي تسكر أزرارات عباياتها بعجله: دانا عمري نزلي وياك أغراضي"وطلعت بعجله"
أسامه اللي واقف عند الكوفي وشاب نار: كان لاجيتي كان خليتيه يموت أحسن
مها: أنا وش ذنبي أسامه كنت أصلي ع بالي أنه معك
أسامه: طيب أتصلي تأكدي مو كذا , ماحقت عليه إلا هو في نص الشارع لو ما أشرت لراعي السياره كان راح فيها الولد
مها عصبت: يعني أنا اللي ودي ولدي تصدمه سياره ؟!!
أسامه وهو معصب ومن طبعه أنه مايناقش: طيب أخديه أنا بروح أصلي
مها..رحت مع ريان لعند الباص وأنا أعصابي فاااااااالته والأخ ريان ساااكت لأن ماوصله ولا شي من التهزيء كل التهزيء ع راسي أنا , ياخي هو كان معاك أنا وش يدريني أنه بيتباعد عنك !! جلست ع الكرسي وحطيت ريان ع رجولي ومانفسي أكلم حد أبد , شوي ووصلت دانا ياقلبي أختي هي بعد مثل حالي وتحس فيني ...
دانا: قومي قومي كملي صلاتك أنا بجلس مع ريان
مها: طيب ولا يتباعد عنك
دانا: لاتحاتين
مها: دانا بلييييز إذا وصلو الجماعه لا تبينين لأحد شي , وياليت لو تخليني أجلس جنبك
دانا: طيب روحي صلي لاتحاتين
مها..مالي خلق أركب فوق ويسألوني وش صاير وش ماصاير خل أصلي جنب الباص كذا ولا كذا المكان صاد ولا حد لي , صليت وركبت الباص حمدت ربي مليون مره أنهم مابعد يوصلون جلست جنب دانا ...
ريان: ماما ماما أبي أنزل البقاله
مها: ريان أجلس مكانك دامي هاديه لا أحط حرتي فيك
دانا جلّست ريان ع الكرسي اللي قبالهم وحطت قباله لابتوبها يشاهد فيه وياااذووب رضى يسكت , قالت تكلم مها: ماما ترى عصبت لأنك نزلتي بروحك بس قلت لها أنك مع أسامه
مها: ويرحم والديك فكيتيني مالي خلق حد
دانا: يعني أنتي 4سنوات ولا تعودتي ؟
مها: مافي حد يتعود ع العصبيه مهما يكون تضايقني , تخيلي دانا أحياناً أشياء مالي دخل فيها الحين أنا وش دخلني ريان راح جنب السيارات؟
دانا: الله يعين , من أول ماقالو لي أن فارس عصبي قرأت كتاب عن العصبيين وكيف نتعامل معاهم
مها: هذا هو نفس الحاله فارس أحسه طبق الأصل من أسامه
دانا: أنا مره من القهر قلت لفارس أنت وش خليت للناس عندك كل عصبية العالم وطيبته
مها: سبحان الكامل , لازم كل واحد وله عيوبه بس بني آدم مايملي عينه إلا التراب
دانا: أي والله , بس أحس كل شي يهون إلا العصبيه ما أقدر أنا طوالي أبكي
مها: أنا بعد لمن كنت مخطوبه طول الوقت بكي بذات لمن يحس بالذنب ويراضيني هنا عاد أطلع اللي في قلبي وزياده
دانا: أيه لو تسكتين وتقولين عادي وتسوين نفسك مثاليه بيتعود يزعلك ولا يراضيك
مها قرصت دانا في خدها: دااااااااااانووووووه تراك خطييييييييييييييره
دانا: ههههههه خل أكتم مواهبي ترى كل من سولفت معه قال لي خطيره
مها: هههههههههه لاتكفين فيدينا ع كبر
دانا: ماورى علينا تضحكين
مها: الحين أضحك بس والله لو أشوف أسامه أفززززع الدنيا , تعودت ما أبين لأحد
دانا: من قبل لا أنخطب مدري ليه أعرف لمن تجين البيت وتكونين متهاوشه مع أسامه حتى وأنك ماتبينين
مها: حتى أمي تعرف بس ماتحب تتدخل
ودانا ومها يسولفون دخلو البنات وعندهم أغراض من البقاله وأحلوت الجلسه مع الشيبسات والعصيرات والآيسكريمات وطبعاً تغير الموضوع مجرد ما وصلو البنات ...
أم تركي: معيديييييييييييييييين بهالخرابيط والعشاء من ياكله ؟
رانيه: عادي عادي أم تركي ناكل خرابيط والعشاء وإذا في عشاء ثاني عادي بعد نستقبل
الكل: ههههههههههههههههههههههههه
أم تركي: يهالجيل مو معدات اللي عليكم ماشاء الله
دانا: في بعد في الثلاجه حافضتين من آيسكريم باسكن اللي تبي تقوم تكور لها
ريهام: وش عليك بقى 4ساعات ونوصل يمدي ناكله بعد العشاء
أبو تركي وهو يعطي أم مشاري العشاء: ودانا أكلوها زين هي مريضه وما تاكل شي
ملاك: أطلـــــــع يوصون عليهااا
جهان: مرة فروس وش تبين لها معزه خااااااااصه
دانا: تسلمين "البنات قامو تصفيق وضحك ووناسه يبون يحرجون دانا"
أم فارس: بعد ثلاث شهور زواجها خفو عليها
رؤى: هههههه رزون أقرب بعد شهر زواجها
أم وافي: وأنهار بعد 5شهور
فضيله: الله يبارك ليهم كلهم ياربي
حور: ياااااااي وناسه بصير عندنا زواجات ورقص
سكتو كلهم لمن سمعو صوت راشد في الميكرفون اللي في الباص: كاملات ياحريم
رؤى بعفويه: أفاااا عليك بس يالأخو
الكل: هههههههههههههههههههههههههههههههه

راشد: ههه أم ريوف يبي لك تتوضفين مضيفه في طائره
رؤى: والله إذا أخوي الغالي قال ليش لأ , طيب رشود أنت اللي بتسير بنا ؟
راشد: يقطع أم اللغه الفصحى اللي مثل لغتك , نعم أنا الذي سأسير بكم مع أخي أبو أحمد
رؤى: ياسلاااام يعني أنا ماوراي غطى أخواني اللي يسوقون
ريهام: وأنا بعد زوجي العزيز مع حميي الغالي وولد خالتي راشد
راشد: خليتيني أستحي أم أحمد طلعت أصير لك مرتين
الكل: هههههههههههههههههههههههه
راشد: يلا صلوااااااااااااااااات ع أبو الغزوات عشا نمشي
الكل: اللهم صلِ على محمد وآل محمد "وبدأ الباص يمشي"
أنهار: أيوه أيوه يبي لي أمكيج ريهام ورنوووش وش عليكم رجالكم معاكم
رانيه: تفتفتف صلي ع النبي لايجي علاء الدين ووحده من هالأجوديات تطلب منه يطيرهم
أنهار: هههههههههههههههههه مسخرره أنتي رانيووه
دانا: رهوف من اللي يسوق راشد ولا طلال ؟
رهف: بابا اللي يسوق وعمي راشد جالس يضحك معه
ريهام: ههه الله يقطع أبليسك يارشوود لاتضحك رجلي تبهله في السواقه
حنين: لاحضو أنتو لاحضو ماقالت معانا نساء وأطفال وفتيات جميلات وحوامل خايفه رجلها يتبهدل
رانيه بهبال: ظهر الحب ظهر الحب
الكل: هههههههههههه
ريهام تحك راسها وكأنها بتقول شي متردده فيه: وحشني طلال باروح أشوفه "البنات كالعاده قعدو يستهبلون عليهاا"
أنهار: طيب نعالك مو عالي تعالي خدي نعالي عشان يحسك سندريلا
الكل: ههههههههههههههههههههههههه
فضيله: خدي لك شي أكليه وهو يسوق
عهد: لالا الوالده طلعت مو هينه
الكل: ههههههههههههههههههههههه
رهف ببراءه رحت وراء أمها , ريهام: رهف حبيبتي روحي للخاله رزان توريك شغلات بالمره حلوه
رانيه: هههههه رزان اللي أعظم معتكفه تكلم فيصل
ريهام: أقول رانيوه أنتي قومي مع راشد خليني أجلس مع أبو عياااالي
مها اللي ماتبين لأحد أنها متضايقه وتضحك وتسولف عادي: لالا أم أحمد عامله حسابها لكل شي أنتبهي تراكم ع الخط
ضلو البنات ضحك وطناز ع رانيه وريهام , لين ماقامو بيروحون سوا ...
ريهام: أقول رانيوه خليني أمشي بروحي بعد خمس دقايق تعالي
إيمان: لا إله إلا الله عروس
الكل: ههههههههههههههههههههههههههه "قامو يتطنزون ع شكل ريهام وهي تمشي في الممر حق الباص ببرود ولابسه نعال أنهار العالي وفي يدها سلة الفواكه"
دانا: كأنها عروس تمشي ع الستيج ليلة زواجهاا
الكل: ههههههههههههههههههههه
ليلى: لاحضو الأشتياق اللي في عينها لايصير شي غلط إذا وصلت
الكل: هههههههههههههههههههههه
أم تركي: عطو رانيوه باقة ورد إذا بتروح
رؤى: كأنها رانيه عروسه جديده أنا برافقها
نرجس: الدايه ماشاء الله , "قالت تعاند رانيه: أجلسي عليهم لين ماياخدون ع بعض
رؤى: هذول من أول أسبوع يلعبون أبلايستيشن مع بعض
أم مشاري: هههههه سبحان الله إثنينهم يشتغلون في الكاميرا الخفيه
نرمان: شاقين الأرض وطالعين أثنينهم مايخلون حد في حاله
رانيه: كأنكم بديتو تسبون فيني أنا وخطيبي العزيز
الكل: هههههههههههههههههههههههههههه
نرجس: روحي روحي بس لاينط لك عرق من زود الشوق
الكل: هههههههههههههههههههههه
كملو المشوار وناسه وضحك وهبال وسوالف ونوم وأكل لييييييين ماوصلو للمدينه .. وقضو أحلى أيامهم في جوار رسول الله البنات خدو ع بعض أكثر وصارو يتناقرون مع بعض ويطلعون ويروحون ويجون مع بعض وقلوبهم كلهم ع بعض ولو أنهم قبل كانو يستحون شوي من بعض ومو مطيحين الميانه كلها السفر كان فرصه لهم يتعرفون ع بعض أكثر ويطيحون الميانه بالكليه واللي حلا سفرتهم أنهم ألتقو في سمانه وخالد ومعاهم سحر و الجوهره خوات خالد , وهنادي وسلمان سوو لهم مفاجئه ع آخر يومين ألتحقو فيهم وصارو الصبايا أجتماعيات أكثر .. وحتى يجهزون مع بعض للزواجات الجايه وصارو بحسبة عائله وحده-->>حلفي بس الناس قامت تبكي من كلامك <<هوووع وخلص هذاا البارت ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الرابع والثلاثون
((هذا الجزء
-كان عباره عن سفره غيرت الكثير في مجرى حياة أبطالنا
يعطيكم ألف عافيه
تابعونا
تحياتي))

.
.
.
.:دانهـ العشآق22:.

يسلمووووووووووووووووو على الباااااارت الحلوووووووووووووو
تحياتي,,.. مجنونة

يعطيك العافيه غلآتي ع المرور

لآعدمتك يارب

ذايب في هواهم
((الجزء الخامس والثلاثون))
بسم الله الرحمن الرحيم
((المستجدات في هذا الجزء...
-رجعة المسافرين بالسلامه .. ومرور الأيام تطوي بعضها لين ماربي أراد أن يجمع بين قلبين(رزان&فيصل)
-تعالو معاي نشوف حال أبطالنا قبل ليلة الزواج(ليلة الحناء)
تابعونا))
"لايصيبك شك
لو مقدار ذرة
ولاتظن أنساك
لو مهما يصير
كيــــف؟!
ماأحبك وأنا قلبي
تبرا من جميع الناس
وأختارك عشير
قلت لك:
أكثرمن
مليون مرة
««أنــــــت»‏»
الأووول ،
واللي بعـــده ،
..‎والأخيــــر"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:14م في فيلا أبو مشاري ...
جاسر اللي كان طول الوقت واقف مع فيصل والشباب راح بيتهم عشان يشوف عبير أخته وش سالفتها , دخل غرفتها لقى كحلتها سايله ع خدودها ومختلطه بدموعها ...
جاسر: عبيييييييير ليه للحين مارحتي الكل ينتظرك ؟
عبير: ...................
جاسر: عبور أعصااابي تلفت لأني راجع من مشوار ضروري بس عشان أشوف وش فيك ؟
عبير: فيك الخير
جاسر: عبيييير أنا مو جاي تقولين لي فيك الخير أنا جاي عشان أعرف وش فيك
عبير: نهى مرت أخوك ولدت
جاسر: أيه الحمد لله ع السلامه مو شي جديد كل سنه أسمع عنها ولدت شنو هذي دموع الفرح ؟
عبير: جاااااااااااسر مو وقت طنازك الولد معاق "وأنفجرت في البكي"
جاسر..جلست ع الأرض من الصدمه مهما سوت ومهما صار هذي مرت أخوي .. حتى لو ضايقتني وضايقت خواتي وأمي تبقى مرت أخوي .. ع اللي تسويه وربي أني ماتمنيت لها إلا الخير .. لمست خدي أتحسس الدمعه اللي طاحت ع خدي وأناظر عبير المنهاره آآآه ياطيب قلبك ياعبير ع كثر اللي لاقيتيه منها وتبكين ؟!! يمكن ماتبكين عشانها عشان ولد أخوك اللي للحين ماشفتيه اللي من فتح عيونه ع الدنيا غرق بهمومها وأخوك ومرته اللي بيقاسون وبيتعبون معاه .. اللهم لا شماته ...
جاسر: ماعليه عبوره قومي الحين عدلي شكلك وبوصلك مو حلوه تغيبين عنهم بيفتقدونك ولا تنسين عشان رزان لاتزعل منك
عبير: مدري جاسر حاسه أني تعبانه ماتوقعت هالشي يصير وربي أني ماتمنيت لها إلا الخير
جاسر: أدري فيك قلبك طيب , أنتي من وين دريتي؟
عبير: كسر خاطري فتحي جا يقول لي أسمحي لي ولمرتي وأدعي لولدنا الله يشفيه , حسيت أن أخوي شايل في قلبه علي ع باله أني دعيت ع ولده
جاسر: ياحبيبتي هالشي بيد رب العالمين محد له يد فيه , أنتي قومي عدلي كحلتك سالت ع وجهك وبوصلك وعاد لا أوصيك لاحد يدري عن شي لاتخترب فرحتهم
عبير تنهدت: لاتوصي "وقامت تعدل مكياجها اللي أعتفس من البكي عشان تروح حناء رزان"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:30م في فيلا عبد العزيز كان البيت مثل خلية النحل والفرحه غامره الكل ورزان مثل الأميره جالسه والحنايه ترسم ع يدها الحناء بدقه ...
البنات كانو محاوطين رزان ويسولفون ويضحكون معاها , فجئه سمعو صوت صفاق وزغاريت قامو كلهم يركضون للمطبخ .. لقو الحريم مستقبلين وحده من صاحباتهم سلمو عليها ورجعو وهم يضحكون ع هبالهم ...
هنادي: هههههههههههههههههه اللقافه وماتسوي قلت لكم صيرو ثقيلات مثلي وش صاير مثلاً عشان تركضون
رانيه: وأنتي جاهزه حق الشماته ع بالي ولدو حنين ولا شي
أنهار: ههههههههههههه لاتحطمون أختي مسكينه بعدها في الثامن والكل يترجاها تولد
حور: هذاك اليوم أنا جالسه في الصاله ع لابتوبي ووفوي يشاهد في التلفزيون رن جوالي يقول لي من قلت حنين طواااالي كتم الصوت وكأنه مفجوع يقول لي شوفيها بسرررعه يمكن ولدت
الكل: ههههههههههههههههههههههه
إيمان: حتى لو ولدت مابتتصل تبشره صدق أنه حفللله
عبير اللي توها واصله سلمت ع الكل وجلست وهي تحاول بقدر الأمكان تبين عاديه ...
هنادي: سندريلا أنتي تتأخرين هالكثر؟
عبير تتطنز: هههههه لا وأنتي الصادقه كنت مشغوله مع العيال وأبوهم
الكل: هههههههههههههههههههه
دانا اللي توها جايه بعبايتها من بره: السلآلآلآم عبووور وصلت يااااسعــــــــــــــدي"وقامو يسلمون ع بعض ويتباوسون"
عبير وهي تناظر بدلة دانا بالقماش الهندي الفخم: ياااااااااااااي طالعه جنااان
دانا: تسلمين ياقلبي"كانت دانا لابسه بدله فوشيه مطرزه بالخيوط الذهبيه تطريز هندي .. وهي عباره عن برمودا فخم عليه بلوزه قصيره بحيث أن البطن يطلع مع الحركه والحزام الفضي يبين , علاقي ع الرقبه .. ومنسقة معاها ذهب هندي خلاخل وأساور ومعاضد وقبعة شعر .. غير الميك آب وشعرها الطويل اللي تزينه شريطه من نفس قماش البدله واللي عاطينها حلاوه أكثر ...
جهان: وش رايه فارس؟
دانا: يقول جايبين لي هنديه , بس عجبه
رزان: ههههههه أنا فيصل قبل شوي يقول لي عن جد رزان أنا ع الباب خليهم بس يوروني صورتك أبي أشوفك شلون صايره
الكل: ههههههههههههههههه
ريهام: ع قلبي ولد عمتي صار له شهر وشوي ماشافك صح ؟
رزان: يب"كانت رزان روووووعه ببدلة العروس الهنديه باللون العنابي مع البرتقالي والمطرزه بالخيوط الذبيه المدموجه باللون الأخضر الهندي .. والمشمر اللي ع راسها وذهب العروس الهندي الكامل اللي لابسته والحناء اللي يزين يدينها"
الحنايه: من العروسه اللي قالت لي أنها بعد رزان بشهرين؟
دانا: هلا
الحنايه: شوفي الحناء وش رايك ؟
دانا: فضييييييييييع وقسسم , إن شاء الله حتى أختي بتتحنى عندك إن شاء الله
الحنايه: متى يصير زواجك ؟
عهد: للحين ماحددت
رانيه: ع قول راشد أنتو مابتتزوجون إلا إذا صار عندكم 4-5 أولاد
الكل: هههههههههههههههههههههههههههه
عهد: فال الله ولا فالك أنتي اللي شكلك بتحملين من الخطوبه
ريهام: صحيح رنوش لك مستقبل يجوز , بعد ثلاثه أسابيع بتصيرون مع بعض في جده
رانيه تتطنز: لاوالله
ريهام: وأنتي ليه ماتبين تحملين خليني أصير مرت عم
رانيه: أحمل وأجيب لك عشره ع عيني وراسي بس مو في الخطوبه
الكل: هههههههههههه
هنادي: ليه عشره رنوش كملي الدرزن خليهم 12
الكل: ههههههههههههههههههههههه
ملاك اللي توها جايه عندهم مع حور: أوامر شي مرت أخوي؟
رزان: تسلمين ياقلبي
ملاك: تقول أمي نعشيك ما أكلتي شي من بدت فيك الحانيه
رزان: لاحبيبتي مو مشتهيه الحين خليها الفجر
حنين: وأنتو وين ع الله ؟
حور-ملاك: نهايل
إيمان: أهم شي ماتتميلحون عند العجايز
حور اللي بايعتها: لا ياخالتي مو تبع هالسوالف أحنا أخاف يكتشفونا نصابات وينقطع رزقنا
الكل: هههههههههههههههههههههههههههههههههه
عبير: أنا بدور لكم توئم عشان تصيرون في المستقبل مع بعض في بيت
حور: يلا ع يدك
ريهام: هههههه فالتها بقوووه حوير
أنهار: خلاص تعودت عليكم , مره كان موسى مريض ورحت وطولت عنده لمن رجعت أحس لها تتسحب مني كلام بعدين جلست معي أمي تقول لي عن ثواب اللي تجلس مع رجلها وكذا اللي تقول الأخت حور: خلاص دورو لي رجل بجمع لي حسناااات
الكل: ههههههههههههههههههههههه
دانا: ترى هالجيل مو مثلنا مغسول وجههم بمرق , ملكووو أقول لها جربي دبلتي ومو رااااضيه بعدين قرأت معلومه أن اللي تلبس دبل مخطوبين ينقطع رزقها
الكل: هههههههههههههههههههههه
هنادي: تعالو تعالو حور وملاك جنبنا شكلكم أنتو اللي بتفيدونا
حنين: عاد أم شوق مايمديك تخربينهم تراهم منتهيات
إيمان: من الروايات العالميين اللي يقرووهم
دانا: ترى ملكوو من تحت لتحت وأنا أكلم أحياناً تسوي نفسها مشغوله وماتدري وين ربي حاطنها وهي راميه أذنها عندي
أنهار: مــي تووو نفس اللي عندنا
حور: كأنكم حولتو الجلسه حش فينا ترانا طفلات بريئات
حنين: والله البراءه متبريه منكم ومن أشكالكم
الكل: هههههههههههههههههههههههههه
دانا: سديم ماشاء الله عليها بريئه
أنهار: يقول لك من تحت السواهي دواهي"سديم رمت أنهار بعلبة الإكلينكس"
الكل: هههههههههههههههههههههههه
عهد: حتى لو سديم مو بريئه رايحه ثالث ثانوي إلا هالثنين رايحين أو ثانوي وحدث ولا حرج
ملاك: شنسوي بعد إذا الله خلقنا فطينات
هنادي مسكت ملاك من وراء بلوزتها: أقوووول حالتكم صعبه قومو دورو لكم مره عندها أولاد واجد كان تفكنا منكم
حور تستهبل: كنا بنروح بس أنتو عطلتو أشغالنا , يلا مع السلامه
الكل: ههههههههههههههههههههههه مجاااااانين ياااربي
جهان: تعالي جنبي دانا باقول لك شي
دانا: هلا
جهان: أول ما أنخطبتو جاني فارس متضايق يقول لي صار لنا شهرين مخطوبين وأنا ماسمعتها تنطق أسمي أبد , قلت بقول لك بس ليلة ثاني سألت فارس كيف الوضع قال لي وقسسسسسسم أكتشفت أن أسمي حلوو عرفت أنك نطقتيه
دانا: هههه أما سالفتنا مع أسم فارس شقيان أنا ماحب حد يسمعني أنطق حرف الراء بس الحين فارس شجعني
هنادي رزت فيسها عندهم: كيف بعدين قلتي له أسمه؟
دانا: كان مريض أنفلونزا وحاله وصلني فيصل عنده وقعدت أصيح لمن شفته قلت له فروسي
هنادي قاطعتها: أكيد صار زين من نطقتي أسمه
الكل: هههههههههههههههههههههههههه
دانا: لا مو كذا أصلاً هو من جد كان تعبان حتى خفت عليه بس أبتسم رغم التعب اللي فيه لمن نطقت أسمه
عهد: لا بعد وأزيدكم من الشعر بيت من قبل بالمره ماتنطق حرف الراء عشانها غلطه فيه من مدحها فارس شوي وتموت علينا كل شي فيه حرف الراء تقوووله قبل نمووت عليها ولا تنطق حرف الراء
الكل: ههههههههههههههههههههههه
دانا رفعت جوال رزان اللي يرن: مالك أحسآسكـ يتصل
رزان: ههههه حطي الجوال في أذني
دانا وهي جالسه جنب رزان وماسكه لها الجوال: تصدقون بنات حتى وأنا جنبها ما أسمعها!!
رؤى: ههههه سر المهنه يادانا
سمانه اللي كانت تسولف مع عهد ع جنب والبنات يخالطونهم شويات: أيوه شهد تزوجت صار لها شهر وشوي زواجها كان قبل أروح المدينه باسبوع يعني أنتو ماكنتو موجودين في الشرقيه
عهد: ياربي بس فشللله تخيلي معاي في فصل أقلاً لو باركت لها في التليفون , كيف كانت ؟
سمانه: رووووووعه تجنن ماشاء الله عليها , حتى مرة خالها أمل قايمه بدور أمها الله يرحمها كانت في الإستقبال حتى سلمت عليها وباركت لها
عهد: إن شاء الله تكون وصلتها البطاقات أنا طرشت لها بطاقات ورساله في الجوال , إن شاء نشوفها في العرس
سمانه: إن شاء الله نفسي فيها أنا كمان من ليلة عرسها ماشفتها
عهد: أخبارك مع الحمل؟
سمانه: تماام تعب ووحام زين أني اليوم جيت طول يومي نوم اليوم قلت لخالد تصحيني ضروووري لأني واعده الجوهره أجي معاها
عهد: هههههه الله يعينك , ماشاء الله عليها الجوهره مبسوطه مع حور وسديم وملاك كملت شلتهم اليوم من قدهم
من جهه ثانيه , أم عبد الله اللي نادت عبير من دون كل البنات: عبير عبير
عبير اللي أخدت ع أم عبد الله وخواته من سفرتهم: هلا أم عبد الله
أم عبد الله: لاهنتي الحين عبد الله جاي في الطريق بيجيب لي أغراض أطلعي هو بيحطهم ع البوابه

عبير..ياربي وش هالفشللله أطلع لعبد الله بس بعد ما أقدر أرد أم عبد الله , يلا ع قولتها هو بيحط الأغراض ع الباب وأنا باخدهم حتى مو لازم ألبس شي خديت جوالي ورحت عند نهاية الممر الطويل ليييين ماوصلت للباب شفت أغراض خديتهم رفعت راسي الصــــــــدمه أني شفت يد تدخل باقي الأغراض تصنمت في مكاني ياربي إن شاء الله ما أنتبه لي مثل ما أنا ما أنتبهت له , بس أنتبهت ليد رجال حنطاويه دخلت باقي الأغراض عاد أنا جمدت مكاني وراء الباب لين ما أختفت اليد عن عيني وشلت الأغراض دخلتهم لأم عبد الله ...
أم عبد الله: تسلمين حبيبتي عساني أقوووم وأقعد في عرسك
عبير ببتسامه: يسلمك ربي , تآمريني بشيء؟
أم عبد الله: تسلمين يايما مامنك قصور "وراحت عبير جنب البنات"
من جهه ثانيه كانت دانا جالسه جنب رزان يسولفون مع بعض والباقي مشغولات , دانا: طيب حاولي تقولين لفيصل
رزان وهي قريب تبكي: وش أقول لفيصل أنتي تعرفي أن طول فترة الخطوبه ماتكلمنا في هالموضوع إلا قليل
دانا: هذي سنة الحياه رزان وهالشي فيصل لازم يعرفه مو لهدرجه تستحين صدقيني لازم يدري
رزان: أنا عاد أدري عن نفسي تورطت بدون سابق أنذار
دانا: هذا درس عشان تعرفين تسويين نفسك خجوله وتخبين عن فيصل شي كذا
رزان: طيب وش ذنبي ربي خلقني كذا والله هو حاول يسولف معاي في هالموضوع بس كل مره تنفتح السالفه ترد تتسكر بروحها أو ننشغل عن شي
دانا: رزان وقسسسسم أنك مو طبيعيه تدري أني قمت أسولف مع فارس في هالشي من ثاني أسبوع من ملكتنا يعني وش فيها كل البنات مبتليين في هالشي ولا بعد إذا ماتدرين هو كان يعرف الوقت اللي تجي جهان فيه وعنده خلفيه عن الموضوع ومعلومات أحسن مني
رزان: حتى فيصل بس نتكلم عن هالشي بطريقه غير مباشره يعني أقول له بطني يوجعني أحسه يعرف وش فيني
دانا: تدرين شلووون إذا أتصل لك قولي له بطني يوجعني ولا أقول لك خليك تبتلشين في روحك ليلة الزواج
رزان: دانوه لاتخوفيني أكثر
دانا: يعني وش بتسويين إذا توها نازله عليك اليوم الصبح وبكره زواجك ؟
رزان: مدري الدفشه هذي وقسسسم مو وقتها
دانا: وقتها لو مو وقتها نزلت وخلصت
رزان وكأن مصباح جا فوق راسها: وش رايك أنتي تقولين لفيصل
دانا: مخروووشه أنتي مخروووشه تخيلي أتصل لفيصل أقول له بليز لاتلمس مرتك تراها ماتحل لك
رزان: هههههههههههه
دانا: أحسك فور الله في برسيمه , ماتدرين وين ربي حاطك عاد فصول يصير له موقف كذا حاسه أنه بينتحر ينتظرك شهر وشوي ماشافك
رزان: دانوه أحس بطني أختبص من الخوف
هنادي: أشوف الأخوات يتساسرون , وش تقولون حضرتكم ؟
دانا بمزح: نحش فيك
هنادي: مقدر أقول لك شي ورزون مرفوع عنها القلم عشانها عروس
مها: هههههههههههههه هنادي اللي مرفوع عنه القلم يعني مجنون
دانا بصوت ماتسمعه إلا رزان: بجد مرفوع عنها القلللم
هنادي: لا قصدي يعني عرووسه خل تاخد راحتها وتحش فيني قد ماتبي بس خانني التعبير
رزان: مافي برابلم قلبوو
بيت أبو وافي اللي كانو آخر المعازيم: مع السلامه
البنات: الله يسلمكم يالغلا نشوفكم بكره
ملاك: يلا خالوو خلي حور معاي
أم وافي: إن شاء الله بكره لآخر الليل معاك
حنين: يلا مع السلامه
البنات: الله يسلمك
هنادي: إذا ولدتي أتصلي علينا
حنين: ههههههههههههههه إن شاء الله , يلا نشوفكم ع خير
الكل: وأنتي من أهله
هنادي: كأنهم أنقرضو المعازيم ماضلينا إلا أحنا , وأنتي رانيوه النومه معانا ترانا سكرنا أبوابنا
رانيه: ههههههههه أكيد ماخده الأذن من يوم أحنا مسافرين
هنادي-ريهام: خووووش مرة حمي
مها: ملاك في حد ولا خلاص ؟
ملاك: في كم وحده من الجيران يساعدون ماما أتوقع شوي وبيطلعون
دانا: ها رزون أعدل لك المخده بتنامين ؟
رزان: عدليها ظهري شوي وجعني
رؤى: يبي لنا نجيب لنا شي ننام عليه
رزان: عادي إذا بتركبون تنامون فوق معاي دانا
عهد: لاشدعوووه كم مره بنعرس رزان
رزان: تسلمون ياقلبي
فضيله جايه وعندها العشاء: أفا أفا عروستنا بتنام بدون أكل ؟
رزان: مو مشتهيه عمتي خليه أول مانصحى
ريهام: عن الجنون أول مانصحى بنروح الصاله عشان بتجينا الكوافيرا من الساعه7 الصباح وبتنشغلين بالتصوير ووو......... , ولا بيمديك تاكلين
رزان عدلت جلستها والبنات يآكلون ويأكلونها معاهم ويسولفون ...
رؤى: بس عن جد صعبه تسافرون يوم ثاني الزواج الصبح
رزان: فاجئني فيصل بعدين حتى هو طلع مايدري خالي حجز كان يفكر أن الزواج بيصير قبل ليلتين
مها: ههههه بصراحه أبوي ماله حق يعني يصير بترجعون شقتكم بس بتبدلين ملابسك وياذوبك تفكين شعرك وتشيلين الأصباغ اللي ع وجهك وتتحممين
فضيله: يبي لنا نزفك بدري يعني ع الساعه 3بالكثير تطلعين من الصاله ولو أن ثلاث متأخره بس أحتياط عشان التصوير ما أتوقع تخلصون قبل
ريهام: أنا كلمت المصوره أتوقع تخلص التصوير بدري بس باقي الصور إلا مع فيصل بيصرون ع آخر شي يعني بعد ماتنزف يبي لها ساعه ونص ساعتين عشان التصوير
دانا: يلا روحي فينيسيا وتعالي عطيني الأخبار
رزان: صاحب فيصل عطاه كتلوج لكل الأماكن السياحيه اللي هناك والمطاعم والفنادق
عهد: يلا إن شاء الله بالتوفيق , بس يقول فهد الساعه 7ونص الصباح تكونون في المطار
رزان: الله يعين
ريهام: رزانوه تراك من اليوم متغبنه بتبكيني ويااك , لاتخافين واللـــــــه بانام في البيت مع طلال يعني بابا وفهد مابيصيرون بروحهم
رزان وهي تمسح دمعتها اللي ع وشك أنها تطيح: خليني ساكته أحسن
رانيه: يالدبه تراك مابتروحين مكان بعيد في بيت عمتك وأي وقت تقدرين تروحين بيتكم لأبوك وأخوك
رؤى: أنا أول شي باوصي الكوافيرا عليه مثبت المكياج لرزون
فضيله اللي قطعت عليهم سوالفهم: يلا ترى أذن صلو ونامو عشان ماعندكم وقت
ملاك: الله يعين اليوم مانما مثل الناس وبكره سهر ورقص
مها: أهم شي رقص
الكل: ههههههههههه
قامو البنات داخل يصلون رزان حمدت ربها مليووون مره أنهم دخلو داخل عشان لايكشفونها بقت معاها دانا ساعدتها عشان تروح دورة المياه لأن الحناء في رجلها وماتقدر تمشي براحتها , دخلت دورة المياه وعقب ماخلصت ردت أنسدحت مكانها عشان تنام وعقب الصلاه كل البنات فرشو لهم ونامو معاها عشان وراهم شغل وزنقه لفوووق ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:30ص في قصر الأفراح عند البنات اللي صار لهم ساعه واصلين ...
دانا وهي تعدل الأغراض وتردد: يشهد لي رب الجلاله .. بعيوني ساكن خياله .. شاغلني محبوبي بجماله .. ماغيره يصير بداله .. ياخدني طيف الهواء من أشتاق لنور العين ما أدري يجري العشق لو ماي بالعين.. ظليت دمع العشق بالعين سجاب .. شيطيب .. جرح القلب يالغالي لو ذاب .. أنت الحبيب أنت النصيب أنت القريب .. يا أغلى من غالي .. محبوبي وساكن عيووني ماغيرك شاغل ضنوني ياشوقي وحبي وجنوني يالهيّم قلبي بوصالك ...
مها تكلم رزان: ها رزون وش قررتي نحط في عرضة البنوتات الصغار؟
رزان: هذي اللي حطتها الحين دانا حلووه
دانا: أحم أحم , وطبعاً زفة فيصل البدر لراشد الماجد وزفة بابا وخالي ياقمر لا تغيب
رزان: أيه بالمره حلوو , وعرضتكم اللي أختارتها المنسقه
رانيه: ملوك خلت الكوافيرا تخلص شعرها ونامت
هنادي: شكلنا كلنا بننام مواصلات من الأمس العصر , والله أحسن شي يارزون أفتكيتي من زنقة الحركه والقومه بالفستان
رزان: أنا ما أتخيل نفسي بمشي ع طول الستيج
ريهام: أحمـــدي ربك ناس يحملون الفستان ويروحون الصالون والأستيديو وغيره ويجون الصاله وأنتي بس حدك بتطلعين بالفستان من الصاله لشقتك وتتحمقين
عهد: ههههههههههه من حقها عرووس وتتدلع علينا
شوق جايه تتحجج: ماما أنا أبي أناام
هنادي تنهدت: طيب روحي نامي مع غلا ورهف وإذا جت اللي بتعدلكم بصحيك بس مو تتعبوني
شوق: طيب
رؤى: هنادي بناتنا كأنهم مشربين شي الأمس قبل لايطلعون الناس نامو والحين بعد يبون ينامون
فضيله: ههههههههههه خليهم ينامون عشان يتنشطون لليله
رانيه: أهم شي تصحوهم قبل وقت العرضه لاتصير أثار النوم ع وجوههم وقت العرضه
دانا: هههههههههههههههههه ما أتخيل وهم توهم صاحيين من النوم يسوون العرضه كان تصير مسرحيه
رؤى: ياخوفي تسوي لي ريوف سالفه والناس في العرس , طبعها ماتحب الفوضى خاطري أصورها وأخليها تخمد
مها: الله يعينك , أنا الأمس بغيت أنتحر توني بانام أتصل علي أسامه وش رايك أجيب لك ريان قلت له وقسم تعبااانه خليه ينام معك بعدين قال لي خلاه ينام مع أمه
هنادي: أنا بعد جسوم سفرته لخواتي ما أقدر شوق كبرت في نفس الوقت بنت بس جاسم ما أقدر بس طلعت أمي خليته يروح معاها
ريهام: راشد ماقصر هو من نفسه قال لي باخد حمود عنك , عليك بالعافيه رنوووش
رانيه: يعافيك , إن شاء الله بس راشد مايتغير
فضيله: لايتغير ولا شي العدل عدل من أوله الله لايغير عليه
"طبعاً الناس صبح ولا حد من المعازيم بين لأن بس العروس والمقربين منها في الصاله يتعدلون معاها ويصورون قبل يزدحم المكان , جت العصر وراحو دانا ومها يجيبون باقة رزان وباقي الأغراض .. بعد الصلاه مباشره بدأت المصوره تصور رزان عشان يخلصون بدري"
ملاك مفزعه الدنيا: يعني أنا آخر الناس
فضيله: ماما ملاك لا أعصب عليك الحين منتي صغيره قالت لك المره بعد الصلاه بتفك لك شعرك وبتبدي في الميك آب
ملاك لفت فمها وأخلاقها زفت: الناس بدت تجي وأنا مابعد أجهز
دانا: ملاك عورتي راسي قومي ألبسي فستانك والحين بيبدأون فيك
عهد قالت عقب ماطلعت ملاك: والله حاله خايفين من غلا تسوي لنا سالفه تطلع لنا ملكوو أعظم من البزارين
رانيه: مراهقه لازم هالفتره يصيرون عصبيين بعدين إن شاء الله تعتدل
فضيله تنهدت: إن شاء الله
هنادي اللي توها جايه من الصاله: ترى بدأو يجون المعازيم
دانا: يالهووووي , كثيرين؟
هنادي: لا بس من الأهل وحريم كبار في السن
فضيله: يلا أنا بقوم أستقبل المعازيم "قامو معاها مها وهنادي وريهام ورؤى"
"رانيه وعهد ودانا ضلو كل وحده تعدل الثانيه ويلبسوون فساتينهم وأكسسوراتهم لين ماجت منظمة العرضه وقامو يتفقون معاها ع عرضة الأطفال وبدأو في العرضه لمن صارت حركه في الصاله وكثرو المعازيم .. صارو البنوتات يمشون ويتمايلون مع الأنشوده بفساتينهم الموحده البيضاء بالفصوص الكرستاليه والميك آب الناعم اللي يناسب برائتهم وفي يد غلا ستاند فيه صوره مكبره لرزان وفيصل وراها رهف ترمي ورد وراها شوق تمشي وهي تلوح وترقص بالعصا البنفسجيه المزينه بالكرستال اللي تلمع مع الإضاءه ووراها باقي البنوتات يلوحون بنفس بالعصايات الموحدين اللي مثل شوق وكانت مسيرتهم رووووعه لين ماوصلو ع الستيج صورو صوره جماعيه وحطت غلا الصوره ع جنب وصارو يمشون بنفس الهدوء ويتمايلون ويلوحون بالعصي البنفجسيجه لين مادخلو جناح أهل العروس"
دانا: براااااافووو يا أمورات شاطرين
غلا: خلاص الحين نروح نرقص
هنادي: هههههههههههه بيقصون شريط الرقص يلا روحو بس جيبو العصي لاتتضاربون فيهم
أنهار اللي توها مخلصه تصوير: مررره تجنن عرضة البنوتات ماشاء الله عليهم أتقنوها
عهد: عويصه إذا ما تقنوها كل ليله ندربهم عليها
أنهار: بس جد رهييييبه , وأحنا متى عرضتنا ؟
دانا: خليها إذا دخلت رزون تبي تشوف عرضتنا
إيمان: أخبارها ماخلصت تصوير ؟
هنادي: تمام هذاني كل شوي أروح لها خلصت تصوير بس قالت مابتدخل إلا ع العشره ونص
إيمان: مابقى شي خل نزفها مع التصوير والمشي ع الستيج أكيد بتطول وبعدين الصاله أمتلت مو حلو تتأخر أكثر
دانا: يعني أنادي البنات نزفها الحين ؟
هنادي: أي خلاص وضبطي الوضع مع المنسقه والطقاقه
دانا: طيب أنهار لاهنتي تعالي معي
رزان..وأنا أنزل الدرج أحس ضربات قلبي تسابق الموسيقى والفستان طويل أمشي شوي وريهام ورؤى يعدلونه لي لين ماوصلت عند الستيج أتسعت أبتسامتي لمن شفت أهلي وأحبابي كانو جالسين ع الستيج قروب ع اليمين وقروب ع اليسار ومتقابلين وكل وحده ماسكه يد اللي قبالها وأنا أتقدم مع كل خطوه يبدئون ثنتين يفكون يدينهم من بعض عشان أمر مثل الأميره بينهم لين ماوصلت ع الأريكه ووقفت عشان التصوير بعدها أشرت لي المصوره عشان أجلس ...

عهد ودانا من أنزفت رزان ماوقفو رقص بفساتينهم البنفسجي بالكرستال الفضي اللي بنفس ألوان دزاين الصاله لكن مع أختلاف الموديلات ...
دانا كان فستانها ماسك ع الجسم بدون أكمام بقصة القلب عند الصدر وحواينه كرستال فضي وتول عند البطن مطرز بالخيوط البنفسجه ومزين بكرستال وشك برسمه دقيقه .. وبقصة السمكه من تحت طالعه رووووعه مع شبكة خطوبتها اللي عاطيتها روعه أكثر وشعرها الطويل لنهاية ظهرها اللي مرفوع نصه بنفخه فخمه مزينه بتاج فضي والباقي مسوى بف ومتناثر ع ظهرها وبعضه ع أكتافها بطريقه دقيقه ورهيبه والميك آب كان رهيييب مع جفن دانا الواسع ...
عهد كان فستانها علاقي ع الرقبه بقصة القلب وسبعه من عند الظهر وفيه حزام كرستالي بعدين يبدأ يكبر الفستان بطبقات تول بنفسجي وفضي ويوصلها للركبه وطالعه سيقانها البيضه اللي يزينها الحناء والصندل الكرستالي الفخم مع شبكة خطوبتها اللي زايده جمالها وبارزه بياضها أكثر وشعرها اللي يوصلها لتحت أكتافها مرفوع بنفخه مع وصلات بالفيرم وأكسسورات شعر فضيه والميك آب بلا شك زادها جمال وروعه ...
هنادي: عهدو لا يفووووتك المره اللي هناك تسأل عنكم أنتي ودانا
الكل: هههههههههههههههههههههههههه
عهد: وش قلتي لها ؟
هنادي: أنا ماعندي فيها قلت لها أنتي معزومه ع زواج اللي فستانها طويل بعد شهرين والثانيه مابعد يحددون زواجها
رانيه: ههههههه والله تحفه هالحريم طيب ناظري الدبله قبل تسألي , أنهارو بعد قبل شوي وأحنا نمشي وحده لاتعرفنا ولا نعرفها سلمت ع أنهار وسألتها عن أمها ومرره متحمسه بغيت أقول لها ترى البنت مخطوبه بس أستحيت ع وجهي
الكل: ههههههههههههههههه
دانا: ع قلبي رزون من تجلست ما رحنا لها خل نركب ونطلب من الطقاقه شي يضبطنا وأحنا راكبين خل ندور عليها ونرقصها
راحت دانا للطقاقه وبس بدأت الطقه تقدمتهم دانا وهي تردد: ياهلي وأحبابي وياحبي لهم .. يامن أسعد أوقاتي وأنا نجمةً بينهم .. ياربي تحفظهم وتخليهم لي .. وتخليني لهم .. يارب تسعدهم .. وتعمر دارهم .. وتكتب لنا عشرهً دايمة معهم .. دعيت ربي جامعنا ياعسى مانتفارق .. ياسعد أيامي بودي لهم ..
كانو البنات يرددون الأغنيه وهم يمشون ع الستيج ع شكل قطار يتقدمونهم عهد ودانا بفساتينهم المميزيه والباقي وراهم وكل وحده تقول الزود عندي اللي يميزها فستانها واللي يميزها مكياجها واللي يميزها طولها واللي تميزها رقصتها .. سلمو كلهم ع رزان وحاوطها ع شكل حلقه وهم يرقصون ويدورون حولها ...
عقب ما خلصت الأغنيه والبنات لسه محاوطين رزان , رانيه: ما أكون رنوش إذا مارقصتك
مها: ههههههههه لاتذكريني بفيصل حالف يرقص أبوي مدري رقصه أو لأ , حضرته توه متصل يقول الحين زفتنا ساعه بالكثير وباجي قلت له لاحبيبي تجي تقعد في الغرفه رزان توها مزفوفه
هنادي: ههههه الأخ مستعجل , تآمرين بشيء رزون ؟
رزان: أبي مويه
دانا: ع قلبي "وصارو كل وحده تقول للأقرب توصل لرزان المويه لين ماوصلها جلاص المويه وشربت"
ريهام: بعد أصب لك ؟
رزان: لاتسلمين
دانا..كنت جالسه مع رزان لازم أنا معاها صوره خاصه بذات أنها توئم روحي , بس جسمها حااااااااااااااااار إذا دعم كتفي في كتفها كأني داعمه مدفئه كل هذا من التوتر!! الله يعينها بس عن جد معذووره...
غلا: داااااانا وعهـــــــد أمي تبيكم تسلمون ع وحده من صاحبتها وآخر مره أجي أناديكم
مرام وهي تناظر رانيه اللي توها مخلصه رقص وناطه من الستيج: ناااااااس محلوووين بالأسود
رانيه: ههههههه تسلمين , الكل يقول لي نحفانه حلاته الفستان مايبين الدبابه
مرام: بجد نحفتي والفستان منحفك أكثر
سلمى: بس لازالت مليانه
رانيه: خد لك التحطيم زين جسمي ويلا جب
سلمى: هههههههههههههههه جد حلو جسمك ما أتخيلك نحيفه
رانيه بغرور: أدري راسك سالم
مرام: بيوحشني هبالك , الحمد لله حضرت ملكتك
رانيه: لو ماكنتي موجوده كان أجلت الملكه حلات الملكه بوجودك"ومرام تسوي حركات بغرور تسوي نفسها مهمه فاجئتها رانيه لمن قالت: بس لاتصدقي هع
مرام ضربتها ع ظهرها: وأنتي حد يصدق كلامك , خلاص يومين وباروح عنك
رانيه: ع قلبي أخدوك عنا البريطانيين , وش رايك فيهم ؟
مرام بمزح: يآآقليلة الحيآآ هذا وأنتي مخطوبه
رانيه: أمزح أمزح دوري لك مزيون وبس
مرام: ماعليه أصلاً قليل إذا طلعت , وهالمره غير عمي مو معاي يعني بتوحش أكثر
دانا اللي توها راجعه وتصب لها مويه: الله يعينك , وكيف الحين تعرفين تدبرين أمورك ؟
مرام: والله أحسن من أول ماوصلت عمي بس خدا له لغه وخلاص الحين تطمن ع وضعي , باروح بروحي هو معاي ناس من البلد بس عمي غير أحس روحتي هالمره ثقيله
سلمى: يلا هانت إذا مره مره توحشتي دوري لك رجل تعالو أملكوو وروحي كملي معاه
مرام: هههههههههههه مافيني لرجل وغيره خليني في دراستي
عهد: يلا قومو نكمل رقص مرام أبي أشوف رقصتك قبل تروحين بريطانيا
مرام: طيب بس لاتحددين زواجك قبل أنزل
الكل: هههههههههههههههه "واللي راحت ترقص واللي راحت تسولف مع صديقاتها بس الكل كانو في حركه وكلن له شي يشغله"
دانا وهي مزحومه والجوال في يدها وتكلم وناس تناديها واللي يسألها: ماعليه لحظه شوي............"ردت تكلم فيصل: ماعليه أنت أدخل الغرفه يصير لها باب خاص.............أيه اللي العصر دخل فارس صور معي فيها.............أوكي مها هناك أنا الحين جايه.......طيب....طيب.........باي,
رانيه: الحين حفظتو التنسيق ولا أخلي المنسقه ترجع تسوي لكم بروفه ؟
دانا: لالا مايحتاج , شوفي ملاك وغلا ذكريهم بدورهم لاهنتي أنا رايحه باشوف فيصل
رانيه: طيب
من بين الفوضه اللي في الصاله واللي تدور عبايتها واللي تسأل أسأله مالأمها داعي واللي تلبس عبايتها , كانت ريهام تعدل رزان عشان فيصل قريب بيدخل ...
ريهام حطت يدها ع صدر رزان: خدي نفس
رزان وجسمها حار وضربات قلبها مع دقات الوقت تتسارع خدت لها نفس ...
ريهام: أقوى أقوى , تبين مويه ؟
رزان: أيه
ريهام عطتها مويه عقب ماشربت قالت لها: خليك أشجع شوي الحين فيصل بيدخل
رزان وهي تعدل وقفتها: إن شاء الله بس أنتي لاتبعدين كثير
ريهام: آآآآآخ وأنا أقدر أبعد أختي الوحيده الدلوعه صارت عروس
رزان رمت نفسها ع ريهام: أنتبهي لبابا وفهد ريهام أمانه
ريهام مسحت ع ظهرها بحنان: لاتوصيني ياقلبي ربي يبارك لك , بس أنتي أهدي مو يجي فيصل الحين يهزأني يقول لي بكيتي مرتي
رزان: هههههه شسوي أحبك أنتي وأولادك
ريهام: يلا شوفي حمود جا مع فيصل الحين زفتهم الناس يناظرون وأنا أهذر معاك
رزان: ههه أقلاً تسليني
ريهام: بعد زفتهم بس بيسلمون عليك بننزلهم من الستيج طوالي بيدخل فيصل أستعدي
رزان..ناظرتهم ياقلبي وش قد أحبهم وأحب براءتهم حمود ولد أختي وريان وجسووم كانو يهبلوووووووون بالثياب الرجاليه والدقلات الموحده المطرزه بالفضي والعقال والغتر والمسابيح , ع قلبي فيصل ذوووق هو اللي مفصل لهم الثياب والدقل بس رووعه بجد كأنهم عرسان .. جو يسلمون علي ع قلبي هم سلمت عليهم وبعدها نزلو من الستيج حسيت بالوحشه بروحي ناظرت ريهام أختي اللي جالسه ع الطاوله اللي ع يميني مباشره وتطمنت ...
"دقايق ووصل فيصل يمشي ع الستيج بشموخه وعيونه العسليه الواسعه كانت ملفته مع الإضاءه وطوله وبشرته القمحيه وبشته والتشخيصه اللي كانت عاطيته هيبه أكثر والمسباح اللي في يده .. وأحلى شي ع يمينه جنته وناره أمه ووراه خواته الخمس اللي أكتملت فرحته بشوفتهم .. كانو البنات يرقصون وراء فيصل بالعصي البنفسجيه المزينين بالكرستال اللي يتلامعون مع الإضاءه .. ويلوحون بها ويسوون حركات معينه مخططينها مع المنسقه وكانت مسريتهم روووعه ...
فيصل..مشيت ع الستيج الطويييييل اللي كأنه السراط المستقيم أستغفر الله , ولا بعد المتفرغين حاطين لي الكشافات في وجهي وصاير أمشي كأني أعمى أبي ألمح رزان أشوفها لكن أبد أشوفها وكأن صورتها مرتين ومو واضحه من الكشافات اللي ع عيوني تقربت أكثر وصليت ع النبي لا أحسد نفسي ع جمالها كانت واقفه ووجهها مغطى بالطرحه طاحت عيني في عينها مع مقطع الأغنيه"ذي عروس النور في هذا الزمان ذي ملآك بس في صورة بشر من غلاها نقول صلو ع النبي"وصلت لعندها وسلمت عليها وبست راسها أنتبهت لمها تأشر لي بمعنى أرفع طرحتها رفعتها ورديت بست جبهتها ووقفت جنبها وخواتي راحو وراء الأريكه عشان التصوير ...
بعد التصوير جلسو رزان وفيصل والبنات فلوها: ألف الصلآة والسلآم عليك ياحبيب الله محمد .. في كل فرح ياناس صلو ع النبي تتبارك الأعراس صلو ع النبي رفعو بسعاده الراس صلو ع النبي ويحسدكم الألماس صلو ع النبي ...
دانا تأشر لرزان وفيصل وهم يتساسرون: هيييييييين قومو بس أرقصو
فيصل بصوت ماتسمعه إ دانا: ياخوفي بس تطردني أمي أن قمت
دانا: أنت قوووم ع مسؤليتي"مسكته من يده وقومته وعهد قومت رزان وصارو يدورون عليهم وهم يرقصون"
مها بهبال: وش رايك في رزان فيصل ؟
فيصل: رزان ع طول حلوه في عيوني مو لازم حد يسأل واليوم محلوه أكثر
ملاك ضربت كفها في كف فيصل: تعجبنــــــــــي مقدر أنا مقدر
غلا: يعيش الحب
فيصل عرف أنها لاقطه الكلمه من عند وحده من البنات قال يسايرها: يعيش يعيش
ملاك مستانسه واقفه جنب فيصل وتضحك وتسولف معاه وصاحباتها يناظرونها: لا أنت أحلف روح قول في المايكرفون
دانا: وأنتو تحركو شوي الكعبه ندور عليكم
الكل: هههههههههههههههههه
راحت دانا بين رزان وفيصل مسكت يدينهم شوي شوي كبرت الدائره وصارو كل البنات مسويين دائره مع رزان وفيصل ودخلو فضيله في الوسط .. مها دخلت مع فضيله في الدائره وسكرو عليهم ومها ترقص فضيله ...
فضيله: ههههه والله ما أعرف
مها: مامااااا كم مره بيعرسون فصول ورزان هي مره وحده يلا أرقصي ماعندك عشره أولاد هو واحد الله يحفظه لك واليوم زواجه "قالت الطقاقه: يأم فيصل تعالي وأرقصي قبالي .. يأم فيصل تعالي نبارك لك في عرس الغالي .. يأم فيصل"
فضيله بعد مارقصت: يلا جلسو أرتاحو وراكم مشوار
ملاك بهبال: يما شكلك أنتي اللي تعبتي
الكل: ههههههههههههههههههههههههه
مها: نزفكم الحين ترى بابا وخالي مابيدخلون الصاله بيصورون معاكم في الغرفه وأنتو بعد عشان تصورون ؟
عهد: لالا بليييييييز مو الحين توني موصيه الطقاقه بس هذي الأغنيه ونزفهم
فيصل: يلا مانكسر بخاطر عهوده
عهد باسته في الهواء وبدأت ترقص وهي تردد: ياشاغل البال أسمك دوم بلساني سامن في قلبي حبيبي وسر بواجداني .. ياساكن القلب .. يامن بطيفي لقيتك مرسل أشواقي حبر النوارس حبيبي شفتك البادي .. "لمن خلصت الأغنيه قالت عهد بصوت عالي: طبعاً هذي أهداء مني لأخوي الغالي فيصل وحماتي الغاليه أخت الغالي ومرت الغالي رزان
الكل تصفيق وتصفير وهبال: وااااااااااااااااااااو هوووووووووووووو هيآآآآآآآآآآآ
زفو رزان وفيصل وهم يمشون وراهم ويرددون: مافي مثلها في حسنها عروستنا .. ومع السلامه ياعروستنا حللينا وأبري ذمتنا .. مافي بحسنه ياحلاته معرسنا .. ومع السلامه يامعرسنا حللنا وأبري ذمتنا .. ويشهد رب العلا بصافي نيتنا .. ياعسنا مانعدمكم وتنعاد بأفراحكم جمعتنا ...
رانيه تكلم عهد اللي وقفت تشرب لها مويه قبل تدخل معاهم الغرفه: نشف حلقك من الرقص هااا
عهد: ههههههههه أخونا الوحيد والله حاسه أني مابعد أطلع حرتي باصور معاهم ومع فهد وبرجع أكمل رقص
رانيه: أوووه صح ماصورتي مع فهد يلا حبيبتي روحي
عهد..دخل جناح العروس وصلت لغرفة العروس بالتحديد أووووو ماااااااااي جاااااااااد سمعت صوت بكي رزون ...

رزان..مدري يمكن البكي اللي فيني كله كنت كاتمته لهالحظه لمن سلمت ع عمتي وبابا وفهد .. وبذات لمن سلمت ع عمتي حسيت بحنان الأم آآآآآآآآآه ماما أنا عروسه ماشفتيني اليوم كنت محتاجتك تباركين لي تقرين علي المعوذات كنت محتاجه أشوفك توصيني ع فيصل وتوصين فيصل علي تدعين لنا بالتوفيق .. بس آآآآآه ...
فهد ودموعه متجمعه في عينه يمزح: رزون جت عهد أنا قلت لك لاتشوفني ضامك وتذبحني
عهد: ههههههههه شدعووووه هذي رزون الغاليه أختك مالك غيرها
ريهام: هااا عهود ترى أنا بعد أخته
عهد: لا حول خلاص كلكم خواته واللي مو أخته ع طول أخته في الإسلام
الكل: هههههههههههه
دانا وهي تسولف معاهم من وراء غطاها: ههه صرفت حالها عهود
عهد راحت جنب فهد تكلمه بصوت ماحد يسمعه غيره: خل نروح الحين الغرفه الثانيه المصوره تنتظرنا عشان بعد خواتي بيصورون مع أبوي وإذا خلصو نرجع نصور مع رزان وفيصل
فهد رفع حاجبه: وأنتي مابتصورين معاهم ؟
عهد وهي تمشي معاه للغرفه الثانيه: إلا بس أنتظرني دقايق بصور معاهم وراجعه
فهد: طيب حبيبتي لاتطولين عشان بصور معاك وبعدين نروح سوا نصور مع رزان
عهد: طيب قلبي
فهد..آآآآخ ياقلبي أصعب ماعلي أشوف دموع أختي رزان ياربي تسعدها وتوفقها .. عهد حبيبتي ربي يخليها لي الحمد لله أنها طلعت من هنا سالمه ياقلبي عليها تجنن بعد ربع ساعه وأنا أتذكر شكلها سمعتها تناديني ...
عهد متخصره: تفكر في شنوو ؟
فهد حط صبعه ع أنفها: فيك ياحلوووه
عهد وكأنها أنحرجت: طيب ترى خلصنا تصوير وخواتي طلعو خل نروح الحين عشان فيصل ورزان ياخدون راحتهم في التصوير عقب مانطلع
فهد: يعني عقب مانصور معاهم نصور بروحنا
عهد هزت راسها بأيوه ...
فهد: بس بعدين نتفاهم ع الفستان هذي اللي تقول لي مو عاري
عهد وهي تدور ع نفسها: يعني مو حلو ؟
فهد ماتحمل حركتها وضمها وباس راسها .. عهد هنا ذاااابت وهي تحس يدين فهد ووجهه يلمسون الأماكن المكشوفه من جسمها تداركت الوضع وباست راسه وبعدت: تأخرنا فهودي
فهد خاف أنها زعلت باسها في خدها وهو يمشي معاها: حلووو بس عاري أغاااااااار عليك
عهد حمدت ربها أنهم دخلو يصورون وتغير الموضوع ...
المصوره بعد مانشفت حلق رزان وفيصل بالتصوير: بالبركه إن شاء الله
رزان: يبارك في عمرك , ويعطيك العافيه
المصوره: يعافيك
فيصل: يلا حبيبتي نمشي فهد ينتظرنا برا
رزان: عبايتي عند عمتي
فيصل طلع جواله: جولاتهم عندهم ؟
دانا: هلا بالعرسااان
رزان: الله جابك تونا مخلصين
دانا: أيه أنا كنت موصله صاحبتي للباب وشفت المصوره طالعه من الجناح وجيت , لحظه بنادي أمي تطلع عبايتك
فضيله دخلت وفي يدها كيس العبايه: الله يبارك لكم يايما ويهنيكم
الكل: آميـن يارب
دانا وهي تساعد رزان عشان تلبس عبايتها: مثل ماوصيتك
رزان بهمس: باموت قربت اللحظه الحاسمه
دانا: ههههههه محد قال لك قلت لك من البدايه مهدي لفيصل في التليفون وأنا مستعده أجلس جنبك وأشجعك لكن ماسمعتي الكلام
رزان تغير الموضوع لأن فيصل يناظرهم: ثقيل الفستان
فيصل وهو يرفعه لها: ماعليه فهد مبركن عند البوابه طوالي وأنا بساعدك
فضيله ضمت رزان: مع السلامه ماما أنتبهو لنفسكم
رزان رجعت قلبتها مناحه مع فضيله والبنات , وفيصل سلم ع أمه وتفاجئ فيها تبكي: يمااااااا الله يهديك تونا نتطنز ع رزون
فضيله وهي تمسح دموعها: الله يبارك ليكم يالغلا
فيصل باس راس أمه: ولا يهمك يالغاليه إن شاء الله كل يوم بمرك وبجلس معك وبتملين مني بعد
فضيله: ماتقصر يالغالي دير بالك ع بنت خالك تراها أمانه
فيصل: لا توصي
ركبو رزان وفيصل السياره والكل يودعهم .. كانت رزان قاتله عمرها تبكي في السياره ...
فيصل: رزان وش قلنا ؟!! مو قلت دموعك مابي أشوفها ؟
فهد يلطف الجو: أهم شي ماتشوفها ترى رزان متغطيه
فيصل: ههههههه يالحفله فهود خل أراضي مرتي براحتي سد أذنك
فهد: ياخي ع شنو مستعجل 5دقايق وبتوصلون الشقه وخد راحتك
فيصل وهو يناظر ساعته: هو يمدي آخد راحتي الساعه صار3 وأحنا مابعد نوصل ورحلتنا 7ونص
فهد: هههههههه تستاهلون أحسن شي سواه خالي خلى رحلتكم في هالوقت
فيصل: أسكت لا أسفركم أنت وعهود من أول ماتطلعون من الصاله
فهد: لا تكفى , أنت محد يتشمت فيك اللهم لاشماته
فيصل: الله يجيب ذاك اليوم اللي الله يوريني فيك يافهود
فهد: لا حول أنا وش لي مزوجك أختي , جب لا أنزلها معاي البيت وأقفل عليك الشقه بروحك
فيصل وهو نازل يفتح لرزان الباب: تسويها ما ألومك , ياشين المشوار وياك أحسه طووويل
فهد نزل , فيصل دفه: خير!! ترى ندل الشقه زين
فهد ضحك ع حركة فيصل وقال يعانده: هههه بس ماتبوني أتقهوى عندكم
رزان تساير أخوها في هباله: حيااك في أي وقت البيت بيتك
فيصل: أفااا رزون الحين توقفين مع فهود
فهد بهبال: شسوي دام أختي عازمتني ما أقدر أردها
فيصل دفه: روح زييييييين رووووح
فهد راح يسلم ع رزان: بسلم ع أختي من زينك أنت
رزان: أنتبه لنفسك ولبابا
فهد: ماعليه حبيبتي لاتوصين أنتي بعد أنتبهي لنفسك
فيصل دفه: لاحوووووول بكيت مرتي يلا يلا روووح بس خل أراضيها براحتي
فهد وهو طالع: ما أوصيك ع أختي تراها غاليه
فيصل: طيب طيب أنقلع , ولا تجي إلا وقت نروح المطار
فهد: خوب أنا صاير سواق بس لعيووون رزون أختي مو عشانك , مع السلامه
رزان ضلت تناظر فهد من الزجاج اللي عند السلم واللي يطل ع حديقة الفيلا وهو طالع من الباب وأنفجرت في البكي لمن تسكر الباب ...
فيصل اللي كان منشغل يفتح باب الشقه لف وشاف رزان تبكي قال يمزح: الحين أنتي من صدقك تبين فهود؟
رزان زاد بكيها وهي منزله راسها , فيصل ماتوقعها لهدرجه متأثره حملها بين يدينه وقرب فمه عند أذنها وهمس لها: كم مره قلنا دموعك غاليه
رزان اللي تفاجئت أن فيصل حملها: بس مدري
فيصل حطها ع الكنبه ولف يده عليها وقرب راسها من صدره وباس راسها: أنا معك لاتبكين
رزان: كان نفسي أن ماما تحضر زواجي وتبارك لي
فيصل: ياحياتي الله يرحمها وبعدين كلنا معك أنا وأمي وخواتي وكل أهلنا
رزان: فيكم الخير بس وجود الأم غير يافيصل , لمن خلصت تعديل وعطنتي عمتي الكتاب عشان أقرأ الأدعيه حيستها بمكان ماما الله يرحمها
فيصل يمزح عشان يخفف ع رزان: آه يالدبه يارزانوه سرقتي مني قلبي والحين بتسرقين أمي
رزان: .................
فيصل ضم رزان: شسوي في هالدلوعه وقسسسسسسسسم ذابحتني , وللحين تستحي
رزان: ببدل ملابسي
فيصل: يلا عشان يمدينا ناخد راحتنا قبل نروح المطار
رزان..قمت من حضن فيصل ورحت غرفة التبديل اللي داخل غرفة النوم قفلت باب غرفة التبديل عشان آخد راحتي جلست أناظر الفستان ياربي كيف تحملته طول هالفتره فسخته وحسيت بالحريه لبست روب الحمام عشان أدخل أتحمم , جلست قبال المرايا وأنا أشيل الميك آب من وجهي أفففف كم طبقه حاطين لي علبة مزيل مكياج كامله خلصت وفتحت الثانيه وشكلها بتخلص بعد جهد جهيد خلصت شيل الميك آب ودخلت دورة المياه((تكرمون)) تحممت ع راحتي حسيت كل التعب اللي فيني راح مع المويه الدافيه والأسترخاء في الجاكوزي قمت نشفت جسمي وطلعت غرفة التبديل طلعت لي فستان نعوووم سترابلس ويوصلني لعند الركب ناظرت الساعه أنصدمت معقول خديت كل هالوقت يعني صار لي ساعتين ونص !! الساعه صارت 6و10دقايق وأنا ع بالي الإضاءه بروحها تعلى أثاريها الشمس طلعت خخخ .. حطيت لي كحل وجلوس ناعم وجلست عند المرايا أتدرب كيف بقول لفيصل ...
رزان: أحم فصولي سوري بس تفاجئت قبل أتحنى أن الـ***** نزلت علي
فيصل يطق باب غرفة التبديل خاف تكون رزان تبكي أو نامت في غرفة التبديل أو صار لها شي: رزاان
رزان"ياويلي لايكون سمعني": أحم أحم هلا
فيصل: وينك ياحبيبتي طولتي خوفتيني عليك الشمس طلعت وأنتي مابعد تطلعين
رزان: سوري بس نسيت حالي
فيصل: أفتحي بشوفك وأتطمن عليك
رزان طلعت له بفستانها السكري الناعم: سوري حبيبي
فيصل: ماعليه عارف أنك تعبانه ومواصله من الأمس , صليتي؟
رزان"أقول لو ما أقول , قالت لا إيرادي: أيه صليت وأنت ؟
فيصل: أيه صليت تعالي نريح شوي
رزان: وش رايك دام الشمس طلعت وماعندنا وقت كثير نروح نسلم ع بابا وفهد وبالمره ننزل بيتكم
فيصل: ماتبين ترتاحين لك شوي؟
رزان: أرتحت لمن تحممت خل نرتاح في الطائره , أو أقول أنت أرتاح إذا تعبان وأنا بنزل للبنات
فيصل ماحب يكسر خاطرها ولو أنه نفسه يجلس معاها بروحهم: طيب حبيبتي , دقايق ببدل ملابسي
رزان دارت لمن شافت فيصل يبدل ملابسه , أتصلت لدانا: هلا دانو........مانمتي؟.......ههههههه اللي مصحيك هالوقت مصحيني................أيه بس ع بال ما فيصل يبدل ملابسه...........ههه ياااااااقلبي.....طبعاً طبعاً..........يلا عاااااد.........دانوووو..............بليييييييز... ....ياربي,
فيصل أخد الجوال من أذن رزان وجلس جنبها وهو مابعد يسكر قميصه: وش مسويه في مرتي...................لاوالله.........محد يلمس شعره من راس رزاني وأنا موجود.......طيب بننزل الحين............صاحيين أمي وأبوي؟..............أوكي دقايق وأحنا عندكم...........وشوي شوي ع رزان.......ههه باي,
فيصل مسك يد رزان وحطها ع صدره , رزان مو مستوعبه الوضع: شنو فيك سخونه ؟
فيصل يتدلع: شوي
رزان تأثرت: ياربي من شنو ؟
فيصل: من حبيبتي ينقال لها رزان ماخلتني أشوفها شهر وشوي والحين الظروف جاتني عكساني وماجلست معاها
رزان ولسه مو مستوعبه حطت يدها ع جبهته: طيب حاس بوجع ؟ لو صداع؟
فيصل: شوي
رزان: خلاص أجل نأجل السفره لين ماتطيب
فيصل: لالا ماله داعي إن شاء الله قريب بطيب
رزان: أبي أتطمن عليك مو مهم عندي نسافر المهم أنت
فيصل: ترى في شي مجربه أنا إذا مرضت طوالي أطيب
رزان: طيب هو متواجد في البيت ؟
فيصل هز راسه: أيه وجنبي بعد
رزان لفت للتسريحه وفتحت الدرج: هنا هو
فيصل: تعالي تعالي باقول لك شنو
رزان: شنو حبيبي؟
فيصل برومنسيه: بـوسه من عند حبيبتي
رزان من أبتسامته أنه يتدلع , دفته: يالدب خوووفتني عليك
فيصل: تخافين علي؟
رزان حطت يدها ع قلبها: وربي فيصل ماني قادره خوفتني
فيصل ضمها: هههههههه حبيبتي اللي تخاف علي , طيب عطيني بوسه عشان أطيب
رزان: طيب بس لاتخوفني عليك مره ثانيه
فيصل: ماعاش اللي يخوفك
رزان باسته: يلا قلبي لانتأخر من زمان قلنا لدانا أننا راح ننزل
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الخامس والثلاثون
((هذا الجزء
-ولادة نهى زوجة فتحي بطفل معاق وتأثر عبير وجاسر بهذا الخبر , والباقي مايدرون تتوقعون شنو المستجدات اللي بتصير ع هالموضوع ؟
-زواج رزان وفيصل اللي تم ع خير وفرح الكل تتوقعون شالمفاجئات اللي تنتظرهم ؟!
يعطيكم ألف عافيه
تابعونا
تحياتي))

.
.
.
.:دانهـ العشآق22:.

يسلمووووووووووو على الباااارت
بس لووو تحطي الأجزاء كلها احسن
لانه بتبدأ الدواامااات
تحياتي.. مجنونة وحلوة

هلآ والله فيك ,,’’

إن شاء الله راح أحط باقي الأجزاء قبل زحمة الدوامات لعيونك بس ,,’’

ويلآ هالله هالله بالدرجات الزينه مو تقولي شغلتني دانه ^_^

تسلمي غناتي ع المتابعه

موفقهـ

,,’’

ذايب في هواهم
((الجزء السادس والثلاثون))
بسم الله الرحمن الرحيم
((المستجدات في هذا الجزء...
-خلصت زنقة ليلة الزواج ع خير .. تعالو معاي نشوف حال أبطالنا يوم ثاني الصباح ...
-وبعدها نرجع لباقي أبطالنا اللي ماتكلمنا عنهم في البارتين اللي راحو ...
تابعونا))
""المحبة" في حياتي
ماهي على حبر و ورق.
"المحبة" في حياتي
شوق واحـساس والــم.
"المحبة"من صـفاتي
لاتشــــك فينــي ابــد..
ما ابيع اللي احبه
وما احب إلا لسبب!..
واعظم اسبابي لحبك "طيبتك واصلك ذهــب"."
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 6:34ص في فيلا ناصر ...
مع دخول العرسان أرتفعت أصوات الزغاريت والصلوات والتصفيق والكل قام يسلم عليهم ...
فيصل وهو يجلس: الله يسلمكم , أجل وين أمي وأبوي؟
دانا: الحين ع وصول ولا أحنا مانعجبكم ؟
فيصل أفااااا أنتو الخير والبركه "بعد السوالف قامو البنات يجهزون الفطور وضلو رزان وفيصل ومعاهم غلا نايمه"
رزان أنحرجت من حركة فيصل: فيصصصل
فيصل: عيوووونه
رزان: ترى أتوقع والله أعلم أن غلا جالسه تعرفها بيت الجيران بيدرون أعرف حركاتها أنت تشوفها نايمه بس أعرف أن أي كلمه تقولها بتوصل بالتفصيل
غلا تسوي نفسها تتقلب ع صدر رزان: صباح الخير
فيصل: ههههههههههههههههههههههههههههههه رحنا فيها يارزان , صباح النور
غلا: أنا رايحه أغسل وأبدل ملابسي
رزان: أوكي حبيبتي تبيني أجي معاك؟
غلا: لااااا أنا كبرت صح ؟
فيصل: صح يلا روحي "عقب ماراحت غلا قال فيصل: أرتحاي رزاني ورانا مشوار وربي خايف عليك
رزان: ماعليه حبيبي ماعندنا إلا اليوم نجلس مع الأهل ولاحقين ع الراحه
فيصل رفع أكتافه: براحتك
دانا جت لهم: رزانوه قومي معاي شوي أرتاحي
فيصل: تعبت وأنا أقول لها ترتاح مابقى شي ع روحتنا المطار وأحنا مانمنا
رزان قامت: طيب نادوني إذا حد وصل
فيصل قام وراهم: أنا بركب أشوف لي أغراض من غرفتي
قامو يسولفون وهم يرقون السلم بعدها أفترقو رزان ودانا راحو جناح البنات وفيصل راح غرفته , دانا: ها أخبارك؟
رزان: تمام
دانا: ولا أرتحيتي للحين يادبه ؟
رزان: لا والله مو جايني نوم أبي أجلس معاكم قبل نسافر
دانا: هيك يعني , واللي أتفقنا عليه؟
رزان: يؤؤؤؤ لاتذكريني للحين مافاتحت فيصل في الموضوع
دانا: مجنووووونه وقسسسسم الله يصبرك يافيصل
سولفو دانا ورزان فتره طويله وهم منسدحين من التعب , رزان: خل ننزل أكيد فيصل خلص والباقي وصلو
فيصل وهو يشوف دانا ورزان ينزلون: هـلا هـلا نوووورت الصاله والبيت كله , بس ليه نزلتو من الحين مامداكم ترتاحون
رزان: ليه ما تبوني!!
فيصل: أنا ما أبيك أناقلبي يرقص من الفرحه لأنك موجوده
غلا: ههههه كيف شفته
دانا: عزات الله وصل الخبر للفريق
فيصل: لا غلا هونت ماتقول صح غلاي؟؟
غلا: صحين ماباقول لهم وش قلتو الصباح أنت ورزان
دانا وعهد بغو يموتون ضحك ورزان وفيصل مستحيين كل واحد يطلع في الثاني من الفشله ...
فيصل: ماشاء الله أول مره أشوف وحده تسمع وهي نايمه
دانا وهي تضحك: أنتبهو زين المره الجايه
عهد: غلا مركبه ليها ردار عشان إذا نامت مايفوتها شي
غلا: أنا بروح أصحي خيشات النوم
رزان: ههههههههههه من يطلعون خيشات النوم؟
عهد: شوق ورهف نايمين في غرفتها
فضيله اللي كانت جايه من عند طاولة الطعام: أفااااا خليتو العروسه تشتغل ؟
رزان وهي تسلم ع فضيله: لاوالله كنت منسدحه فوق مع دانا توني الحين نازله
فضيله: ع قلبي , يلا غناتي الفطور ينتظركم
كانو يفطرون وجمعتهم ولا أحلى وسوالفهم ماينشبع منها لين ماخلصو فطور وجلسو كلهم في الصاله يسولفون ووصلو عبد العزيز وريهام وأكتملت فرحتهم ...
مها اللي توها واصله سلمت وبعدها قالت: أسامه بيدخل يسلم عليكم قبل يروح الدوام
لبسو البنات عباياتهم وضلو بها لأن كل شوي واحد يدخل يسلم ويطلع ...
دانا وهي تركض: فارس جا يبي يسلم قبل يرووح الدوام
فضيله وهي تعدل حجابها: خله يتفضل
فارس كالعاده ممسخر الدنيا مع فيصل: تصدق أنا مو طايق أشوف رقعة وجهك بس عشان خاطر مرتي جيت
فيصل: تصدق شعور متبادل , أحسن شي أني بفارق وجهك إذا سافرت
فارس: فاك فـــــــــك اليوم بتشغل أنوار الشركه تراهم يشكون من الكهرب منقطع عنهم من أشتغلت عندهم
فيصل: لأن نوري حطم نور الكهرب فالحين أنا مو موجود فبيطرون يركبون الكهرب من جديد
الكل: ههههههههههههه
فارس بعد المسخره قلب جد: يلا نشوفك ع خير ترجعون بالسلامه ياربي
فيصل وهو يتباوس معاه: وأنت من أهله خشمك خشمك
دانا تناظرهم وهم يتخاشمون: بدووو لا إله إلا الله
فيصل يحرجها: قولي أنك غايره ع رجلك
دانا أنحرجت: لاااا
فارس: ههه يلا أستأذن بالتوفيق ياربي تروحون وترجعون بالسلامه
دانا راحت توصل فارس للباب , وفهد جا: يلا مفترض أنكم تكونون في المطار
رزان وهي طالعه ودموعها ع خدها: سلمو ع ملوك إذا صحت من النوم
عهد وهي تلبس عبايتها: يوصل حبيبتي يلا أنا بروح معاكم المطار
دانا وهي واقفه ع الباب ودموعها تطيح للحظات الوداع: حافظكم ربي بالتوفيق
فضيله..ربي يوفقهم مدري كيف طلعتهم صعبه أثنينهم سوا وناصر وعبد العزيز راحو الدوام وفهد راح يوصلهم , يعني فجئه هدأ البيت بعد ماكان ممليه صوت ضحكهم وسوالفهم الله يهنيهم ويرجعهم بالسلامه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:00م في مطار الدمام ...
وفهد وفيصل يخلصون الإجراءات عهد ورزان كانو جالسن يسولفون , عهد: جلستنا في المطار كذا تذكرنا بسفرتنا آخر مره محلاها بس
رزان: أي أحلى سفره , الحين آخر سفره معاكم كلكم بفتقدكم في سفرتي
عهد: إن شاء الله تصير أحلى وأحلى مع فيصل , وبدايه موفقه
رزان: يااارب
عهد: بس تعبه عليكم ما أرتحتو
رزان: ماجاني نوم أحس بالتعب بس مو قادره أنام لمن نزلت وشفتكم كل التعب اللي فيني راح
عهد: ع قلبي , يلا إن شاء الله ترتاحين
رزان: إن شاء الله , أمانه عهود أنتبهي لفهد وبابا
عهد: في عيووووني لاتوصين ياقلبي , إلا صحيح رزون شنو لبستي؟
رزان: بدلت قبل نطلع الحين من مطار لمطار وسالفه لبست لي بنطلون وبلوزه
عهد: أييييييه ذكرت البلوزه السماويه المطرزه ببرتقالي مع بنطلون برتقالي صح ؟
رزان: أيووه حلوه؟
عهد: أيه مره عجبتني تناسبك هالألون
مع السوالف ضاع عليهم الوقت لين ماجو لعندهم فهد وفيصل , فهد: السلام عليكم ياحلوات
رزان-عهد: هههه هلا والله ياحلووو
فيصل وهو يجلس جنبهم: عادي فهود إذا بتروح قريب بينادون ع رحلتنا
فهد: لا شدعوووه خل نجلس معاكم
رزان: تسلم , حضرتك مابتداوم اليوم؟
فهد: لا شداوم ماخد لي إجازه مرضيه
عهد: هههههههه لا إله إلا الله زواج أختك وماخد لك إجازه مرضيه بعيد الشر عنك
فهد: أنا واحد فيني الربو ولا أقدر ع هالجو من صبح ربي
فيصل: الله يعينك
قامو يسولفون لين ماسمعو النداء ع رقم رحلتهم وقامو يسلمون ع عهد وفهد ورزان وعهد فتحو مناحه جديده وفيصل وفهد يتطنزون عليهم , بعدها دخلو رزان وفيصل مع بعض صفو في السرى وأنلطعو في الصاله الداخيله ساعتين إلا ربع لين مافرجت وركبو الطائره وهم دايخين ...
رزان وهي تفك نقابها مسكت راسها وتغطت بنفس اللفه اللي متحجبه فيها لأن المضيفين يماررون عليهم والأوضاع مابعد تتعدل ...
فيصل بهدوء: رزان رزاني رزوون
رزان أعتدلت في جلستها: هلا
فيصل: حبيبتي أنتي جالسه ع الحزام قومي شوي بربطه لك "قامت شوي وربطه فيصل لها"
رزان: ثانكس
فيصل: ولوو كم رزونه عندي , تعبانه قلبي؟
رزان: شوي أحس راسي مصدع
فيصل طلع لها مخده من شنطهم: خليها وراء ظهرك أريح لك
رزان: تسلم ياقلبي , وأنت؟
فيصل: عندي مخده لاتحاتين , تبين بطانيه ؟
رزان: لا إذا أنت تبي جيب لك أنا مايجيني نوم في المشاوير
فيصل: شكلك مثلي أنا في المشاوير فروس وفهود ينامون وأضل بروحي أحرسهم
رزان: هههههههههههه ع قلبي , تصدق دايم يقولون أن راسك خفيف عكس فهود
فيصل: فهود نومه غير العالم تدرين مره كسرنا باب الشقه عليه في فرنسا وحالتنا حاله في النهايه طلع لنا يفرك عينه وش صاااير
رزان: ههههههههههههههه أخوي وأعرفه زين نوااام , إذا جيت أصحيه للدوام أعمل حسابي أصحيه قبل بساعتين عشان يقول لي إن شاء الله لين مايضيع الوقت عليه
فيصل: هههههههه هذا عقدة الأمه الأسلامية الجمعاء في نومه
رزان: هههه وملووك أختك حتى رحنا بيتكم وطلعنا ولا شفناها ذابحه النوم
فيصل: أنا ع حسابي بسفرهم يتعالجون عن النوم
رزان: هههههههه بس أحس فهود راسه خف شوي من رجعتو من فرنسا
فيصل: هههههههههههه وين مايخف راسه أنا والشباب ماقصرنا فيه كل يوم نستخدم وياه أسلوب جديد مرات نفتح شباك غرفته ونرمي عليه كتب ولا بعد يوخرهم عن راسه ويمكل نوم
رزان: ههههههههههههههههههههههه حرام عليكم
فيصل: ولله مره فكينا بلوط سريره وطاح فيه وأنقلب وكمل نوم
رزان: ههههههههههههههههههههههههههههههههه مو لهدرجه ياربي فهود مو طبيعي
فيصل: والله أيام فرنسا ماتنسى
رزان: أكيد كم سنه عشتوها مع بعض ع الحلوه والمره أكيد صرتو أخوان
فيصل: أكيد والله لو ماقمنا نعاون بعض وصرنا أخوان كان ماعشنا في الغربه سوا , يلا الحمد لله عدت السنين ع خير
رزان: الحمد لله , ع قول ماما الله يرحمها الحياه يبي لها صبر
فيصل: أي والله , الله يرحمها
رزان: تصدق السفر هو اللي يخليك تتعرف ع اللي حولك أكثر بذات آخر سفره أرتحت للي سافرت معاهم كثير وتقربنا من بعض أكثر
فيصل: أي والله آخر سفره كانت رهيبه تمنيت أكون معاكم
رزان: يلا حقك فيه العافيه , مانسيتك هناك
فيصل: حياتي أنتي
رزان: تسلم لي , بس تصدق فهود أخوي يذكرني فيك ساعات ومسخرة الشباب مع بعض تذكرني فيك
فيصل: ههههههههه أدري فيكم تحشون فيني
رزان: لاحشى بالخير كل شي أحبه أذكرك فيه
فيصل: وأنتي أحلى شي أحبه
رزان: بعد قلبي أنت
فيصل لف للمضيف أخد من عنده وجبات لهم وعصيرات ولف لرزان وهو يفتح الستاند عشان يحط عليه الوجبات و العصيرات: يلا حبيبتي تفضلي
رزان: تسلم لي "بدأو ياكلون"
فيصل: أحس الأكل لذيييييذ يمكن من التعب
رزان: هههههههه تصدق حتى أنا
فيصل: في الإقلاع حسيتك خايفه
رزان: لا بالعكس أموت في الإقلاع أحس شي حلو
فيصل: تصدقين أحلى إقلاع لأنك معاي
رزان: حتى أنا حسيته أحلى إقلاع وذكرت أم تركي ههههههههههههه
فيصل: ههههههههههههههه علموني عنها"وهو يقلد صوت أم تركي: كيف بتطير فينا صلو ع محمد وآل محمد
رزان: ههههههههههههههه وقسسسم مسويه لنا جو هي ورشود ياخد ويعطي معاها
فيصل: رشود عاد فري حده كلهم خدو عليه
رزان: في الألعاب سوى ملوك مسخرررره مو راضيه تركب معاهم لعبه هم مجانين يركبوها بعدين حور مسويه نفسها شجاعه بالموت خلوها تركب معاهم قبل تشتغل اللعبه قتلت عمرها بكي
فيصل: ههههههههههههههههه هذي حور غير شكل بعد
ضلو يسولفون ويحشون في الناس لين ماغلب ع رزان النعاس لف لها فيصل لقى نفسه يسولف بروحه خخخ , جاب لها بطانيه وحط راسه ع كتفها ومع التعب نزل ع صدرها وراح معاها في سابع نومه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن العرسان وأهل العرسان وزحمة العرس والزنقه // الساعه 4:44م في فيلا أبو مشاري بالتحديد في شقة حنين وسيف ...
حنين طلعت من دورة المياه وتفاجئت في سيف مبدل ملابسه: بتطلع ؟
سيف: أيه عندي مشوار , تآمريني بشيء؟
حنين: لابس مابي أجلس بروحي إذا خواتك تحت موجودات أو بروح بيتنا
سيف: لا خواتي مو موجودات بدلي ملابسك بوديك بيتكم لأن أحتمال أتأخر
حنين: خير إن شاء الله
سيف لف لحنين وهي تبدل ملابسها: حنين يوجعك بطنك مكان الخياط ؟
حنين: لا الحين أحسن بكثير بس إذا تحركت كثير أو إذا بغيت أجلس
سيف: لحظه لحظه تعالي هنا باشوف "حنين جلست جنبه , قال: لحظه لا تتحركين خل أعقم الجروح لك صار لي ليلتين ماعقمتهم لك
حنين: لكن أنا أعقمهم إذا تحممت
سيف وهو يحط ع بطن حنين المعقم: سوري ياحياتي أنشغلت عنك
حنين وهي متوجعه من حرارة المعقم: ماتقصر يالغالي
سيف: حاسه له يحرك كثير؟
حنين: لازم يحرني أو ما أحطه أحس بنغزات ع مكان الجرح
سيف حط ع مكان الجروح شاش وباس بطنها: يلا إن شاء الله يطلع القمر بالسلامه
حنين: إن شاء الله
سيف..الحمد لله للحين صحة حنين بخير ومرحلة الخطر قريب تزول يارب تولد بالسلامه , لأني ماقلت لها عن الخطر اللي ممكن يصير في نهاية الشهور .. يدي ع قلبي أنتظر متى ربي يسهل ولادة حنين وربي كريم ...
حنين: سيف سيف "لمن لف لها قالت: تراني خلصت إذا مستعجل عشان لا أأخرك
سيف قام وأخد مفتاح السياره وطلب المصعد: أنتبهي لنفسك ولا تتحركين كثير
حنين: إن شاء الله
وائل اللي كان في المصعد نزل راسه: يالله يالله كيفك مرة أخوي؟
حنين: هلا والله وائل أخبارك ؟
وائل: الحمد لله نسأل عنكم , أخبارك أخوي؟
سيف: بخير ياوجه الخير , ع وين ؟
وائل: لا راجع من بره وعندي أغراض قلت أركب المصعد
سيف: أهاا , يلا بالتوفيق
وائل: جميعاً , مع السلامه "وسكر المصعد"
حنين: كبر وائل عن أول ما أنخطبت أحسه صار رجال ماشاء الله
سيف: أيه وؤول خفنا عليه ماكبر بسرعه توه الحين مره وحده صار أطول مني
حنين: ههههههه ووفوي أخوي أنا غسلت يدي منه
سيف: ههههه ليه للحين ماشفتو له مره ؟
حنين: مو مواصفات معقوله اللي يبيها يبي حوريه من الجنه أنا قلت هذا يبي يعجزنا خلاص مافيني أدور له بالجمال اللي هو طالبه
سيف: هو بس يقول أبي وحده تشبه حنين أختي أضمن له أنه بياخد أحلى من المواصفات اللي طالبها
حنين وهي تدخل الشريط: أيه ماعليه مايبي سمراء
سيف: ماعنده ذووووق الله يعينكم عليه
حنين: إلا ماقلت لك حبيبي محتاجه أغراض إذا مو مستعجل الحين
سيف: أوكي دقايق أنا نسيت جيتي من الدوام خلاص الحين أمر المركز آخدهم لك
حنين"ياربي سيف نسى جواله خل أرد يمكن ضروري ...
: حراااااااام عليك سيف وربي حرام مستعده أسوي لك اللي تبي بس لاتدمر حياتي سيف طلبتك لاتدمر حياتي أوعدك أني ما أقرب لك ولا لمرتك طول عمري بس لاتدمر حياتي ,
حنين سكرت الجوال وماخفى عليها الصوت وضلت تهز رجلها وصل سيف ...
سيف عطاها الكيس: شوفي هذول الأغراض اللي تبيهم؟
حنين تنهدت: أيه مشكور
سيف وهو يحرك السياره: وش فيك؟
حنين: أمانه سيف قول لي وين رايح الحين؟
سيف: عندي شغله لازم أسويها مأجلها من زمان ليه؟
حنين وأعصابها تالفه: بس سيف وغلاتي عندك ما تأذي حد عشاني
سيف مسك جواله شاف المكالمات المستلمه: وليه أنتي راده ع جوالي؟
حنين: يعني تبي تخبي عني أشياء مثل كذا , سيف أنا قلت لك قبل كلي ثقه فيك والله ماكان قصدي أراقبك أو شي بس بالصدفه
سيف: ولو طلع رجال يعني كنتي ناويه تكلميه؟
حنين: أنا في شنو وأنت في شنو يامخلوووووووق حس بمعاناتي
سيف تنهد وسكت لأنه عارف بتطول السالفه وهو مايبي حنين تعصب عشانها حامل ...
حنين نزلت من السياره معصبه ...
سيف نزل من السياره يسلم ع وافي ورد ركب ومسك جواله اللي يرن: هلا والله مراد..............أيه ع موعدنا أنا جاي الحين................خلاص مابقى لي شي ثواني وأنا عندك.............مع السلامه,
مراد وقف يسلم ع سيف: هلا والله كيفك ؟
سيف وهو يجلس ع الكرسي: الحمد لله بخير , كيفك أنت؟
مراد: الحمد لله , ياليت لو نبدأ في موضوعنا لأني مستعجل
سيف: أممممـ بصراحه مو عارف من وين أبتدي
مراد: أبتدي بكل شي تعرفه عن هدى صارحني بكل شي
سيف: وأنت متأكد أنك تبيها يعني بتملك عليها ؟
مراد: عقب الكلام اللي سمعته ما أتوقع , ولأني ما أثق بأي حد يقول لي شي حبيت أتأكد من الكلام اللي سمعته بنفسي ومن شخص موثوق منه ويخاف ربه اللي هو أنت
سيف قال لمراد كللللللل شي يعرفه عن هدى وقال له اللي صار لحنين منها وعطاه أوراق حق طيحة حنين والتقرير عليها وتنازل حنين عن هدى ...
سيف: أنا ماكنت أبي أتنازل بس زوجتي أصرت تتنازل
مراد: وكيف زوجتك الحين ؟
سيف: الحمد لله , وليومك محد من أهلها يدري باللي صار ولو ما أنت غالي كان ماقلت لك هالشي
مراد: مشكور يالغالي ماتقصر , وعقب الكلام اللي سمعته أنا لايمكن أتزوج وحده سيرتها ع كل لسان ورضت لنفسها تكلمني وتكلم غيري
سيف: والله أنا رجال ماودي بالمضره لأحد عشان كذا قلت لك
مراد حط ع الإسبيكر وهو يهز رجله , وصلهم صوت هدى المايع: ألوووو
مراد: أشيـــــن ألو سمعتها بحياتي
هدى: مراد حبيبي وش فيـــــك؟
مراد: مو حبيبك وأتشرف أن وحده مثلي تحبك
هدى بزعل: ليه أنا وش فيني
مراد: قولي لي شاللي مو فيك مجرمه ونذله وزانيه ... أستغفر الله
هدى: ما أسمح لك تغلط علي
مراد: سمحتي أو ماسمحتي هذي حقيقتك ولا تحلمين يوم من الأيام واحد يفكر يتزوج أنسانه مثلك سمعتها ع كل لسان وماضل واحد ماكلمها و...........
هدى قاطعته وهي تبكي: بــــــــــــــــس كافي "وسدت الخط"
سيف تنهد: يلا أنا أستأذن
مراد: أجلس وش دعوه
سيف: لالا عندي مراجعه الليله مع زوجتي وأشغال لفوق راسي
مراد قام وصافحه: الله يعينك ورحم الله والديك وماقصرت
سيف حط يده ع صدره: تسلم يامراد مع السلامه
مراد: الله يسلمك
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:50ص في شقة ضاري ...
ضاري قام من الروعه: شهـــــــــــــــــد
أمل قامت مفزوعه لصرخة زوجها: ضآآآري وش فيك ؟
ضاري وهو مغمض: لالا شهد تعالي شهد لاتروحين
أمل حطت يدها ع وجهه: ضاري ضاري
ضاري فتح عينه وتنهد: آه أشوه أنه حلم
أمل صبت جلاص مويه لزوجها المتروع: تفضل حبيبي بسم الله الرحمن الرحيم
ضاري وهو ماسك الجلاص: بسم الله الرحمــ"طاح من يده الجلاص لمن شاف جواله يرن ورد بروعه: ألوووو
بسام: السلام عليكم
ضاري: شهد وش فيها ؟
بسام مرتبك: مدري
ضاري بدون شعور: في أي مستشفى أنتو؟
بسام: مستشفى الـ*****
ضاري: خلاص جاي "ع السريع دخل غسل وجهه ولبس له ثوب شافها قدامه وخدا مفتاحه وقفل باب الشقه وراح المستشفى"
ضاري وهو يركض في المستشفى: بسام وينها شهد
الرجال: الظاهر غلطان أخوي
ضاري بربكه: آسف آسف "أتصل ع بسام: وينكم أنتو؟............أوكي أوكي جاي............مع السلامه,
بسام وهو يرجع شعر ع وراء بتوتر رفع راسه وشاف ضاري , ضاري: وينها شهد وش فيها؟
بسام: شهد تعبانه
ضاري: ليييييييييييييه يابسام ليه ماحافظت عليها مو أنا مأمنك عليها !! كيف الحين تطيح في المستشفى؟!
بسام رجع راسه للجدار: مدري شاللي حصل بس أني صحيت من النوم لقيتها في المطبخ ممدده ماعرفت شسوي جبتها للمستشفى قالو لي عندها أنهيار عصبي
ضاري: أنهيار عصبي !! من شنو ليه أنت ماتعاملها زين كيف عروووس جديده ماكملت 3شهور من تزوجت يجيها أنهيار عصبي!!
بسام: حاولت أني أسعدها وأرضيها بكل الطرق بس
ضاري: بس شنو تتوقع اللي شافته منك هيييييين وبتنساه بهالسرعه !! ليه ماتقدر ظروووفها ليه ماعاملتها باللين البنت صغيره وتيتمت وهي صغيره ومرت بتجربه مثل المر معاك مفرووض أنك تنسيها وتعوضها مو يصيبها أنهيار عصبي منك
بسام: خلاص أبو إياد خلاص اللي فيني مكفيني
ضاري راح للطبيب القابل من غرفة شهد: بشرني دكتور؟
الدكتور: أنت زوجها؟
ضاري: لا أنا خالها وتقدر تقول أبوها
الدكتور: تفضل معي المكتب
بسام لحقهم: وأنا زوجها
الدكتور: مو مشكله تعال معانا
بعد ماجلسو بسام وضاري وأعصابهم تالفه , ضاري: خير دكتور؟
الدكتور: أكيد أن البنت ماره بأزمات عاطفيه أونفسيه أثرت ع صحتها وضروري نعرضها ع طبيبه نفسيه لأنها مو راضيه تنطق بكلمه وحده أو تقابل حد
ضاري: طيب قولو لها أنا أبي أقابلها قولو لها ضاري خالها
الدكتور: أفضل أنها ماتقابل حد إلا إذا هي طلبت عشان يكون أحسن لنفسيتها وبالنسبه لعلاجها يعتمد ع تجاوبكم معانا ومساعدتكم لنا بالمعلومات
ضاري: هي صار لها ثلاث شهور تقريباً ماتتكلم إلا قليل ودوم سرحانه وساكته وأكلها بالمره قليل ولا تختلط مع حد ولا تعطينا فرصه نسألها عن حالها وتكون أجوبتها بالمره مختصره وهي متعلقه في ولدي الصغير كثير وهو الوحيد اللي تلعب وتسولف معاه بشكل طبيعي
الدكتور: وأنت يا أخ بسام ملاحظ عليها نفس الشي؟
بسام: أيه تقريباً , دايم تحب تجلس بروحها ولا تحب حد يكلمها ولا يزعجها وكلامها بالمره قليل من تزوجنا
الدكتور وهو يسجل في دفتره المعلومات: وحتى في علاقتكم الزوجيه ؟
بسام اللي أنحرج من السؤال بس كان مضطر يجاوب: أيـه كانت تتضايق بمجرد أني أتقرب منها
الدكتور: يعني ماصار يوم وحصل أنكم عشتو طبيعي يعني حسيت شهد شوي بدأت تتقبلك ؟
بسام: مره كنت راجع من الدوام لكن في الليل رجعت ع حالها المعتاد
الدكتور: غريب !! , طيب مرت بتجارب قاسيه من قبل؟
ضاري شرح للدكتور عن وفاة أمها والحاله اللي مرت فيها ولمن تزوجت بسام واللي صار بينهم والطلاق اللي أثر ع نفسيتها وتعلقها في إياد وسفره ووصوله وتفاجئه بزواج بسام وشهد اللي تم بسرعه لييييين ماطاحت عليهم اليوم ...
الدكتور: يعني البنت مرت بضروف صعبه , أفهم من كلامك أنها أنغصبت ع زواجها؟
ضاري: هالشي للحين ماعرفته لأني ماكنت موجود وقت تم زواجها كنت مسافر وفي نفس الليله أنا رجعت من السفر وحضرت زواجها يعني ما أدري شنو بالضبط كان رايها
الدكتور وقف: أكتفي الحين بهالمعلومات وإن شاء الله خير , مشكورين ع التعاون
ضاري وبسام وقفو يسلمون: العفو وأي شي تحتاجه أحنا حاضرين
الدكتور: ماتقصرون , بس تطلب المريضه واحد منكم بتصل عليه أو أي تطور يصير في حالتها
بسام: خير إن شاء الله
ضاري: ماعليه تقول لها أني أبي أشوفها؟
الدكتور: ما أفضل هالشي بس إذا أنت مصر براحتك
ضاري: طيب ممكن أشوفها من بعيد بس أبي أتطمن عليها
الدكتور: تفضل , وأنت أخ بسام تقدر تروح
بسام: ماعليه أنا بعد أبي أشوفها
ضاري وبسام تطمنو ع شهد لقوها نايمه وطلعو حسب تعليمات الدكتور ...
الدكتور: تقدرون تروحون الحين ترتاحون وأي تطور أو شي يصير في حالتها أعطيكم خبر
ضاري سلم ع الدكتور ومشى راح بسام وراه , بسام: أبو إياد أبو إياد
ضاري: هلا
بسام: أسمح لي وربي مو قصدي أأذي شهد كنت خايف عليها كنت مبتعد عنها عشان هذي رغبتها مو عشاني ما أبيها
ضاري: الشخص اللي يحب شخص يدور وين مصلحته مو يساعده في الشي اللي يدمر صحته
بسام: ماكنت متوقع الأمور بتتعقد بهالطريقه وأتمنى أنك ماتحرمني من شهد
ضاري: بسام هذي مو أول ولا ثاني مره هذي ثالث مره أأمنك ع شهد وماتحافظ عليها , أنا مو عجزان عنها صدقني قلبي مفتوح لها قبل بيتي إذا أنت ماتبيها بس أهم شي هالورده ترجع لنا
بسام: يابو إياد وربي مابي شي من هالدنيا غير وجود شهد في حياتي مجرد وجودها يكفيني
ضاري: أنت أناني , إذا شهد تتضايق من وجودك ليه أنت تبي تعذبها ؟!
بسام: حاشاني يابو إياد أنا خاطري نكون أنا وشهد أسعد ناس في الدنيا بس هالشي بيد شهد
ضاري: لا تقول بس بيد شهد أنت وشطارتك وما أتوقع يحتاج أشرح لك أكثر
بسام: إن شاء الله بس تقوم شهد بالسلامه أثبت لك عكس الفكره اللي خديتها عني وأخليها أسعد إنسانه في الدنيا
ضاري: أتمنـى , يلا أنا تأخرت ع الصلاه 5دقايق وبتطلع الشمس وعندي دوام تآمرني بشيء؟
بسام صافحه: تسلم يابو إياد بس خلينا متواصلين عشان موضوع شهد
ضاري ضغط ع الزر وأنفتحت أبواب سيارته: إن شاء الله , في أمان الله
بسام: في أمان الكريم
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن الشرقيه وحرها ورطوبتها .. في فنيسيا عند العرسآن ...
رزان..أخيراً وصلنا عقب ما أنزنقنا من مطار لمطار ومن مشوار لمشوار وصلنا أنا وفيصل شقتنا في فينيسيا وأحنا تعبااااانين ع قلبي فيصل نزل الحين يكلم المرشد السياحي مدري وش سالفته أما أنا قمت أستكشف الشقه وصورتها للبنات بعدها جلست ع الكنبه وأنا مابعد أفسخ عبايتي بس فتحت الإزرارات اللي في البدايه أحس جسمي متكســـــر وصل فيصل وناظرته ببتسامه ...
فيصل جلس جنب رزان: ها حياتي شرايك في الشقه ؟
رزان: حــدها ذوووق وتجنن تلسم لي ع هالإختيار
فيصل: الله يسلمك , ترى الحين بيوصل الغداء لاتنامين الحين
رزان: إن شاء الله
فيصل سحب راس رزان وحطه ع فخده وقام يلعب بشعرها: تعبتي من المشوار
رزان: لابد من تعب المشوار بس يلا الحمد لله , أنا خايفه عليك أنت اللي أنزنقت مع الحوسه في المطار والإجراءات
فيصل: ههه ياقلبي لاتحاتين تعودت ع هالشغله , أهم شي أنتي يمكن تعبتي أكثر مني عشانك مو متعوده
رزان: يلا الحمد لله ع وصولنا بالسلامه
فيصل: الله يسلمك , كلمتي الأهل؟
رزان: لا أبي أتصل بس ماعرفت
فيصل طلع الجولات من جيبه: شوفي تبين أي جوال هذا ولا هذا؟
رزان: أممممـ البرتقالي صاير بناتي أكثر وأنت خد الفضي بس ليه جولات جدد؟
فيصل: أوكي الفضي الفضي , يامحفوظة السلامه شرايحهم مايركبون ع جوالاتنا
رزان: أهاا أوكي تسلم لي
فيصل قام يعلم رزان ع كيفية أستخدام الجوال وطريقة فتح الخطوط لين ماوصل الجرسون جاب لهم الغداء تغدو وهم يكلمون أهلهم بعد ماخلصو غداء وتطمنو ع أهلهم قامو ع السفره ...
فيصل وهو منسدح ع السرير: مابتنامين ؟
رزان: لا باخد لي دش قبل أنت أرتاح
فيصل وعيونه تغمض من التعب: طيب ولا تتأخرين في دورة المياه وتأكدي إن باب الشقه مقفل
رزان..آآآه ياويلي بموووت بطني كنت متعمده ألبس بنطلون ضاغط أريح لي في المطار وعشان يخف علي الألم يوم فسخته حسيت التعب جاني دفعه وحده , تسندت عند الباب وضغطت ع راسي أبي الألم يخف مو قادره أستعذت من إبليس و ع السريع تحممت أرتحت مع المويه الدافيه وتغيرت نفسيتي بس الألم لازال في بطني وظهري الله ياخدها ع هالآام ياشييييييخ تذكرت هبالنا أنا ودانوه إذا ثنتينا تألمنا نخلي غلا ورهف يجلسون ع بطوننا خخخ ياليتها تحصل الحين , لبست ملابسي وجلست ع التسريحه قبال المرايا مشطت شعري ووو..... خلصت الحوسه اللي بعد التحمم سندت راسي ع الكرسي وضغطت ع بطني بالخداديه ودموعي تطيح بدون شعور بموت من الألم ...
فيصل نخر من التعب وسمع صوت رزان تون من الألم قام بروعه: رزان وش فيك ؟ "جت في باله ألف فكره وفكره طاحت في دورة المياه أو شي.."
رزان بلا شعور من الألم وهي تبكي وتتكلم بهدوء: بطني بطني بطني
فيصل غصغص نفسه معاها في الكرسي وجلسها ع رجله: يمكن من تغيير الأجواء , قومي قومي بوديك الطبيب
رزان: لا مابي أروح الحين أصير أحسن جيب الخداديه
فيصل: الله يهديك ووش بتفيدك الخداديه؟
رزان: أرتاح إذا ضغطتها ع بطني
فيصل عطاها الخداديه وقا يتسائل: يعني معقول من الأكل اللي أكلناه لو بنتضرر كان تضررنا أثنيننا , روحي أرتاحي ع السرير بسوي لك عصير ليمون حار مع ملح يقتل الجراثيم لا تمرضين
رزان راحت ع السرير وأنسحدت ع بطنها وهي تبكي وتلتوي من الألم ...
فيصل دخل دورة المياه يغسل عشان يصحصح وطلع: رزان معاك الـ*****
رزان غطت وجهها من الفشله وقالت وهزت راسها وهي لافه وجهها للجهه الثانيه ...
فيصل راح عند جهة وجهها وجلس جنبها ع السرير: وليه ماقلتي لي؟
رزان ووجهها محمر من التعب والفشله: مدري ماعرفت كيف أقول لك
فيصل أبتسم ابتسامه لها معنى: الدبه وللحين تستحي مني أنا زوجك عادي لو قلتي لي شي كذا
رزان وهي ماسكه بطنها: ماعرفت كيف أفتح الموضوع
فيصل: قومي نمشي ترى المشي يفيدك راح يخف عليك الألم
رزان: لا مو الحين أحنا تعبانين من المشوار وأنا ياذوبي أخف جسمي
فيصل: طيب جربتي تستخدمين الكماده الحاره اللي ع الكهرب؟
رزان: أيوه عندي في شنطتي
فيصل وهو يدور في الشنط: أي وحده فيهم , أيوووه هذي هي صح؟
رزان: أيه ثاكيووو , بس وش عرفك بالكماده؟
فيصل بعفويه: أشوف خواتي يستخدمونها
رزان"ههههه والله أن الصبيان دواهي يدرون عنا بكل شي وأحنا ياغافلين لكم الله": أهااا
فيصل أنسدح: الحين تحسين نفسك أرتحتي؟
رزان: أيه كثير يعطيك العافيه
فيصل: يعافيك , أشربي العصير هذا ترى يطلبونه مني الشباب في فرنسا إذا مرضو
رزان وهي سانده ظهرها للسرير وممده رجلينها والكماده ع بطنها: إن شاء الله
فيصل: والله يعورون قلبي البنات "أنفتحت السيره وشكلها ماراح تتسكر وحتى رزان تجرأت أكثر وقامت تاخد وتعطي مع فيصل في هالسالفه لين ماراحو في سابع نومه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 11:22م في فيلا أبو عبد الله // بالتحديد في المجلس عند عبد الله وراشد ...
راشد وهو يناظر المحادثه مصدووووم: عبــــــد الله
عبد الله اللي توه طالع من دورة المياه: هلا
راشد: لف له الابتوب شنو هذا ؟
عبد الله: ومن متى أنت تراقبني؟
راشد: عبد الله مابيننا هالكلام مراقبه وما مراقبه أنت مو بس صديقي وشريكي إلا أنت أخوي وأكثر
عبد الله: أخوك ع عيني وراسي بس أنك تراقبني أسمح لي
راشد: يرضيك أنك تروح لهالطريق !!
عبد الله: صدقني بس دقايق آخر الليل أجلس فيها ع المسن ماتزيد
راشد: وهالدقايق ماتتحاسب عليها؟! ومو حاط في بالك إن الدنيا دواره والعرض دين؟
عبد الله: راشد تكفــــــى ترى نفسيتي ماتتحمل أني أتناقش أنا مقتنع باللي أسويه
راشد: نفسيتك تعبانه ومتضايق ومحتاج حد يسمعك هالشي تقدر تاخده بالحلال وأتوقع أن مو ناقصك شي
عبد الله بألم: وسجود
راشد: ياعبد الله سجود الله يرحمها , وتتوقع أنك وفي لسجود إذا قمت تكلم البنات في المسن ؟ قولي أنت ترضاها لوحده من خواتك ؟
عبد الله: لا طبعاً
راشد: حركات المراهقين بطل عنها تراك كبرت ماقلنا لك تزوج بس لا تسوي شي غلط ولو أن في نظري أن جلستك بدون مره هي اللي جرتك لهالخرابيط
عبد الله: جالس مع حرمه ع غفله , روووح عني زييين
راشد: عن جد عبود خد المسأله جد ولو بس هالمره فكر ما أفرض عليك أقول لك فكر
عبد الله: يصير خير
راشد: عبد الله لاتصير أناني أنت شوف أمك كيف قلبها محترق عليك لو تشوفها لمن رحنا العمره كيف تبكي وتتوسل ربها أنه يهديك ويوفق لك , كانت في الباص قبل نروح مكه مأمنه الكل يدعون لك .. صدقني عبود لاتصير أناني غيرك ماعنده أم ويتمنى دعوه صادقه وأنت حاصل لك أم بالدنيا ومو مفرح قلبها في شي فيه مصلحتك
عبد الله: ع خير إن شاء الله , وأنت مارحت عند مرتك؟
راشد: الليله مابروح عندها ضيوف , يلا أروح بيتنا أشرف لي قبل تطردني
عبد الله: هههههه لا يشيخ أجلس معي فلها
راشد: أعقل بس أعقل , يلا باي
عبد الله وهو يضحك: تصدق مو لايق عليك دور النصوح اللي يخاف ع مصلحة صديقه
راشد: هههههههههههه ويا الوجه جزاتي طس بس
عبد الله: طسك الله , يلا فكنا
راشد: مع السلامه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:36م في فيلا أبو تركي // بالتحديد في المطبخ كانو البنات توهم مخلصين شغل عقب حوسة العشاء ...
كانت مفاجئه للكل أن رزان ودانا وفضيله أشتغلو ع مجلة تقرير عن سفرتهم كانت المجله روووووعه وطبعاً ما أستغنو عن خدمات الفنان راشد اللي ضبط لهم الزخارف وعدل الصور بالفتوشوب وسوى المجله روعه ...
عبير: تسلم يدك يادانا ع هيك فكره الحين عرفت ليه كل هالتصوير
دانا: ههههههه لا والله أنا من ربي خلقني وأنا أموت ع شي أسمه التصوير بس الحين صارت موهبه وقمنا نطلع أفكار
رانيه وهي مبسوطه تشوف أسمها في كل مكان: أحم أحم صايره شخصيه مهمه
جهان: منااااااااك أساساً راشد ماخدك ع قد عقلك كل تصميم يسويه يكتب أسمك تحته وأنتي ماتدرين وين ربي حاطك
الكل: ههههههههههههههه
أفراح: بجد شي حلو كلنا تفاجئنا تسلمون لنا
دانا..أنبسطت عشان أفراح حماتي قامت تاخد وتعطي معاي مو مثل أول ما أنخطبت ماكانت متقبلتني عشانها كانت تبي أخت صديقتها لفارس , بس يلا ع قولهم كسبتها بأسلوبي وحاولت أتقرب منها لين ماصارت العلاقه ميه ميه ...
دانا ببتسامه: الله يسلمك من ذوقك
أم تركي: أنا أبي أعرف كيف صدتو السوالف والنكت اللي في الباص وسويتو لها صفحه خاصه؟
دانا: ههههه أمي طول الوقت بدفترها تسجل
ليلى: ههههههههههه وقسم أن ع بالي أنها تألف أشعار
الكل: هههههههههههههههههه
رانيه: أحلى صور حق الشباب وهم نايمين يدوووخوووون ضحك اللي ريقانه سايله واللي فاتح فمه واللي رجله طالعه برى السرير من طوله
دانا: بس أحلاهم اللي رجله طالعه برى السرير من طوله
الكل ضحكو لأنهم فهمو أنها تقصد فارس , أم فارس: إلا صحيح من وين طحتو ع صورهم وهم نايمين؟
دانا: أنا وعهدو أتفقنا كل وحده قالت لرجلها ع أنهم طناز بعدين جمعنا الصور من جوالاتهم وفاجئناهم بالمجله فارس يقول بيقطع الصوره اللي هو نايم فيها بعدين كتبنا نهاية المجله أمانه عدم تقطيع أو تغطية الصور
ليلى: بس عن جد فن الأطفال وهم يلعبون والباصات والطائره وأكلنا والرجال وأحنا نمشي ومتلعوزين بعباياتنا ذكريات تجنن
دانا: بيت أبو وافي أول ناس وصلتهم المجله كانت حور جايه لملاك وعطيناها المجلات حقهم
رانيه: حنين وأنهار مميزات في الحريم حنين حامل وأنهار طويله مايضيعون
عبير: ههههههه يخلف الله الصور كلها بعباياتنا
دانا: لاتخافين عندي صوركم في الحفله والوناسه اللي صارت كلها بس طبعاً مستحيل أحطهم في المجله
أفراح: ههههههههه بيفكرون نانسي وإليسا وطق حبلوو عن جد تشبهونهم
الكل: هههههههههههههههه
أم فارس: إلا أخبار عرسانكم؟
دانا: بخير يسألون عنكم توهم اليوم الصباح واصلين
أم تركي: الله يعينهم ع هالمشاوير ويرجعهم بالسلامه
الكل: آميــــــن
جاسر وهو نازل من السلم بدون بلوزه والفوطه ملفوفه ع خصره ومايدري أن دانا موجوده: عبيرووووووه عبيييييييروووه
دانا صدت بوجهها عشان لاهو ينحرج ولا هي تنحرج ...
عبير قامت له: خير خير عبيروه في عينك
جاسر: بس في عيني قولي في قلبي وفي روحي وكل حياتي وأختي اللي ما أعيش بدونها , بليييييز طلعي لي قميص ع ذوقك
عبير ضحكت ع أسلوب أخوها اللي ماتقدر عليه: ياعياااار باطلع لك بس أركب فشلتنا مرت ولد أختك هنا
جاسر فتح عينه ع الآخر من الفشله قال وهو راكب قال يسلم ع دانا: كيفك خالي؟
دانا: بخير الحمد لله , أخبارك أنت؟
جاسر: الحمد لله , أسمحي لي مادريت أنك موجوده
دانا: شدعووه
فارس اللي توه جاي من بره ومعاه فارس الصغير: السلااام
الكل: وعليكم السلام
فارس سلم وجلس جنب دانا وهو يسولف مع خواته وخلاته وأمه , بعدها قال: دانا قومي معي شوي بروك صبغ الصاله
دانا: أوكي , يلا عن أذنكم
أم فارس: أذنك معك يايما الله يوفق لكم
فارس وهو واقف مع دانا عند بداية السلم: يلا أتحداك تطوفيني
دانا: تتحدى يلا نشوف
وقامو يركضون مثل البزارين دانا وصلت قبل فارس وتحركت بها الفرشه اللي عند باب الشقه , فارس بحركه سريعه مسك دانا عشان لا تطيح ...
دانا: هاا من غلب؟
فارس: هههههههه ياعياره زين ماطحتي لنا كل هذا من الوناسه عشانك وصلتي قبلي , بس تصدقين لازم أنتي تغلبين لأن جسمك أخف
دانا: أيه طلع حجج
فارس فتح باب الشقه وقام يكحكح من ريحة الصبغ: وش رايك
دانا: رهيييب بالمره حلووو "بعد ماقامت تدقق وخدت لها لفه ع الشقه: خلينا نطلع ريحة الصبغ
فارس: ننزل تحت ولا تبين نروح بيتكم ؟
دانا: لالا بنروح بيتنا لأن أمي يجوها الحريم يباركون لها وما معاها إلا عهد ومها توها حامل ماتقدر تتحرك كثير وملكووو مايعتمد عليها
فارس: هههههه وأنتي ماتقدرين يجيك يوم ماتحشين في ملاك مسكينه
دانا: ياخي غافتني خل أسكت أحسن لي
فارس: أمشي أمشي بس نسلم عشان أوصلك بس أعملي حسابك بجلس معاك من زمان ماجلسنا مع بعض
دانا: أوكي يلا بس بشوف الوضع في بيتنا وأجلس معاي لين ماتمل
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن الشرقيه وحرها ورطوبتها .. في منطقه بارده الثلج يغطيها وفيها أحلى ثنائي يعيشون أحلى أيام عمرهم .. في فينيسيا عند رزان وفيصل ...
رزان وهي نازله من الجبل ويد فيصل تدفي يدها اللي ترتجف من شدة البرد ...
فيصل اللي كان عليه جاكيتين فسخ واحد من جاكيتاته ولبسه رزان: خليه عليك ماعليه أنا متعود ع البرد
رزان: ياربي تجمدددت , أنت مجنون تصدق ماتأكدت أنك مجنون إلا يوم تنزل أول صيف الشرقيه وتطلع ببلوزه كت وبرموده والناس بتموت من البرد
فيصل: ههههههه والله ماكنت أحس بالبرد أحس الناس مفجوعين بس مرت عليهم نسمة هواء وطاحت عليهم قطرتين مطر رجمو حالهم بالملابس
رزان: ههههههههههه لاوالله ماشاء الله وأنت وين أنولدت تتطنز ع أجواء السعوديه لا يكون فرنسي ع غفله؟
فيصل: بصراحه السعوديه مافي عليها بس في الأجواء خانها التعبير
رزان: ههههههه , فيصل خل نرجع الشقه
فيصل: ليه حلوو المنتزه ماوريتك إياه كله
رزان: ماعليه نجي مره ثانيه حبيبي
فيصل: براحتك أنا أور ردي عندي بس كان نفسي أوريك المنتزه كله
رزان: مو مشكله مره ثانيه
فيصل: بعرف بس شاللي مستعجله عليه هذي اللي متحمسه تجي المنتزه , ولا تعبانه ؟
رزان: لالا لاتعبانه ولا شي بس"نزلت راسها"
فيصل: لاحووول بتتكلمين ولا شلون عادي قولي بس شنو ناقصك شي؟
رزان: لالا أنت فاهم غلط , بس أبي ألحق ع الصلاه
فيصل أتسعت أبتسامته: أووووه يعني قصدك أنك خلصتي وتبين تغتسلين قبل وقت الصلاه ؟
رزان هزت راسها بأيوه ...
فيصل: خلاص يكون أحسن أننا نرجع بدري عشان مانتعب
رزان..عاد الحين الرجفه مو بس من البرد ماني قادره أحس كأني توني عروس كأن الليله عرسي رجفة ليلة العرس رجعت لي ويمكن أعظم منها , دخلنا الشقه شغلت لي الهيتر عشان أدفى ودخلت أتحمم ووصاني فيصل أقفل علي باب الشقه عشانه بيطلع يجيب العشاء , تحممت ع رواق كالعاده وخلصت ونفسيتي غير أنفتحت نفسيتي بشكل رهيييييب طلعت من دورة المياه بروب الحمام الوردي اللي فيه ورد مخملي باللون الأحمر جلست أستعرض عند المرايا أول مره ألبس هذا الروب هديه من عند عمتي الله يخليها كان قصير لفوق الركبه وحزامه أحمر , ربطت الحزام بشكل فيونكه ومشطت شعري ونشفته بالسشوار وطلع رهيييييب رفعت نصه بعضاضه وخلي الباقي نازل ع أكتافي رشيت لي من العطر اللي تموت عليه دانوه ع قلبي هي جنونها عطور ((شنيل)) أممممممـ قعدت أشمه وأتذكرها ع قلبي هي .. بعد ماخلصت كل هالهبال ناظرت الساعه والله أني متفرغه بقى ع السلاه 3ساعات يعني يمديني أنام بعد العشاء .. رحت عند الدولاب وطلعت لي بلوزه بيضاء كت مع جاكيت أزرق سماوي ومن داخله فرو أبيض ويطلع لبره عند أطرافه ومعاه حزام أبيض فرو وركبت عليه بنطلون جينز مسكت الجاكيت وجلست أستعرضه عند المرايا متبيرده وماخده راحتي حتى بعدني ما أفسخ روب الحمام رحت عند المرايا ...
فيصل مسكها من أكتافها وهمس في أذنها: نعيماً
رزان اللي منصدمه كيف دخل فيصل وهي مقفله باب الشقه وتناظر شكلها بروب الحمام ردت وهي تبلع ريقها: ينعم بحالك
فيصل وهو يلفها لعنده: محلووه ماشاء الله
رزان بلعت ريقها: كلك ذوق بـ..بـ...بدل ملابسي
فيصل وهو ناقع ضحك من داخله ع حياها: مو لازم أنتي حلوه كذا
رزان: تخيل أجلس بروب الحمام
فيصل: مو عاجبك أفسخيه مو مشكله عندي
رزان: فيصصصصصل يلا عاد ببدل ملابسي "مع حركة رزان طاح الحزام وأنفتح الروب مسكته رزان بيدها ناظرت فيصل بترجي وباسته عشان يلين: ببدل ملابسي
فيصل: أممممـ خلاص أنا بطلع لك ملابس ع ذوووقي
رزان وهي تفكر يطلع لي ملابس أحسن من أني أضل , كذا قالت بعد تفكير: خلاص براحتك
راح فيصل عند الدولاب ورزان ربطت الحزام تبع الروب شافت القميص اللي مطلعه لها فيصل وبلعت ريقها: يعني لازم ألبس هذا
فيصل هز راسه: ولا ماتعرفين تلبسينه؟
رزان فهمت قصده وقالت بسرعه وهي تقفل باب غرقة التبديل: لالا أعررف
رزان..ناظرت شكلي بالمرايا اللي في غرفة التبديل أحس لو ما ألبس القميص أحسن لي أرفعه عشان أغطي صدري تطلع أشياء أخرى يعني لازم أطلع لفيصل لو أنام هنا يمكن أحسن لي ...
فيصل وهو يطق الباب: رزان رزااني
رزان وهي طالعه من غرفة التبديل ومنزله راسها: هلا
فيصل تصنم مكانه من جمال رزان ولأنه أول مره في الحياه يشوفها بهاللبس ..
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء السادس والثلاثون
((هذا الجزء
-رزان وفيصل وسفرتهم والأجواء الروعه اللي يعيشونها
-سيف وأنتقامه لهدى بمصارحة خطيبها عن حقيقتها , وهدى تتوقعون شنو نهايتها ؟
-شهد ومرضها النفسي المفاجئ تتوقعون شنو راح يصير عليها ؟ , وبسام ووعده لضاري تتوقعون بيقدر يسعد شهد أو لأ؟
-عبد الله اللي فاجئ راشد بالطريقه اللي يعيش فيها وكأنه مراهق تتوقعون راشد راح يقدر يصلح أحواله أو لأ؟
-دانا اللي كسبت أفراح بطيبة قلبها تتوقعون شنو راح يصير عليها
-فضيله-رزان-دانا-راشد اللي فاجئو الكل بالمجله اللي تتضمن أحلى ذكريات سفرهم
يعطيكم ألف عافيه
تابعونا
تحياتي))

.
.
.
.:دانهـ العشآق22:.

يسلموووو على الباااارت الحلووو
تحياتي.. مجنونة وحلوة

عواااافي ع المرور مجنونه

مانعدمك يارب

بكره راح نخلص الحين قبل أنام راح أنزل البارت ماقبل الأخير وأول ما أصحى من النوم راح أنزل الأخير ^_^

///

ذايب في هواهم
((الجزء السابع والثلاثون)) .. ماقبل الأخير&
بسم الله الرحمن الرحيم
((المستجدات في هذا الجزء...
-مرت الأيام تطوي بعضها وكلن يعيش لحظات حياته سواء بحلوها أو مرها ...
-رجعة العرسان من شهر عسلهم بالسلامه وفرحة الكل بخبر حمل رزان
-ولادة حنين ببنوته مثل القمر وقرة عين الكل لهالخبر
-أنشغال معظم أبطالنا بالمدارس وكالعاده دراسه وزنقه
-بقى شهر ع زواج دانا والكل مزحومين في التجهيزات
تابعونا))
"من يعرفك يحبك ..~
ومن يحبك يهواك ..~
ومن يهواك ماينساك ..~
ومن ينساك مايعرف غلاك ..~"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:33م في فيلا ناصر // بالتحديد في الصاله ...
كانو البنات جالسين يذاكرون شوي ويسولفون شويات .. رزان كانت منسدحه بطولها ع الكنبه وناشره شعرها ع المخده وتلعب فيه وهي تذاكر .. دانا كانت طاقتها رسايل مع فارس وشويات تذاكر .. عهد كانت ماسكه كتابها وتروح وتجي في الصاله الكبيره ...
دانا: عهدووو وجعتي راسي كأنك مروحه
رزان: هههههه سنه أولى جامعه لازم
عهد: بكره عندي كويز أبي أذاكر مثل الناس عشان لايصير علي صعب في النهائي
فضيله جلست ع الكنب: بالتوفيق يايما , وأنتو رزان ودانا لايكون كلكم عندكم كويزات ؟
دانا: لا ماما بس هذي الشطاره مدري من وين نازله علينا قولي لا إله إلا الله
فضيله: لا إله إلا الله , بس أقووول قومو نامو ترى وراكم جلسه من صبح ربي
دانا: ترى محاضرتي ماتبدي إلا الساعه 9ونص
رزان: وأنا محاضرتي تبدأ الساعه 8
فضيله: حتى ولو لازم تريحون جسمكم عشان تركزون
عهد: شدعوووه ماما شايفتنا أول أبتدائي نامو بكير وأصحو بكير
الكل: ههههههههههه
فضيله: بس في وحده منكم توها حامل ووحام يعني تنام كثير ووراها جلسه عشان طلعة رجلها للدوام
رزان: هههه أثاري الكلام موجه لي , لايكون بس مليتي مني عمتي ؟
فضيله: لا حبيبتي بس ما أبيك تتعبين أعرف الحمل في بدايته متعب وتحتاجين راحه
رزان: شدعوه عمتي شايله جبال ع راسي تراني منسدحه وماخده راحتي , بس ولا يهمك تراني أنتظر وصول فيصل
عهد: اليوم فيصل
فيصل قاطعها: وش فيه فيصل ؟!
عهد: بسم الله الرحمن الرحيم لو طاريه الجنه أحسن لي
فيصل: لاوالله وش شايفتني قدامك ؟
عهد: أقووول لو أناديك من هنا لين الصبح مابتسمع لكن خلك تسمع أسمك"وهي تقلد صوته: وش فيه فيصل ؟!
فيصل وهو يستند ع الكنبه بتعب قريب من راس رزان: آآآآخ اليوم الشباب الزفوت متعاونين علي ومسويين فيني مقلب قومي دانا لاهنتي جيبي لي جلاس مويه
دانا: من عيووووني بس لاتقول المقلب إلا إذا جيت
فيصل: جاهزه للطماشه رووحي بس
رزان وهي تعتدل في جلستها: كيف الشغل اليوم؟
فيصل رفع حاجب: تمام
دانا: أحلى جلاس مويه لأحلى أخو شنو المقلب؟
فيصل: بل بل بل خليني أشرب المويه قبل وأرد نفسي بعدها أقول لك
دانا جلست جنب رزان: طيب ياعاااالي المقام
فيصل: إلا وينها ملوك ما أشوفها؟
عهد: حضرتها ع النت يقال أنها تذاكر
فيصل: أنتبهو لها السنه أول ثانوي مايبي له لعب بزاين مثل متوسط
فضيله: الله يعين , يلا تآمروني بشي أنا بتطمن ع ملاك وغلا وبنام؟
الكل: سلامتك "ورقت فضيله الدرج وهي تسمعهم تصبحين ع خير , نومة العوافي .. وترد عليهم"
فيصل عقب ماطفشوه البنات يسألونه عن المقلب قال لهم: اليوم أنا عامل حسابي ع نص دوام حتى قلت بمركم في الجامعه كنت مفضي نفسي عدل جيت بطلع شفت ع مكتبي ملفاات الدنيا طلعو الشباب الزفوت مستأذنين وشغلهم كله تركوه ع راسي
الكل: ههههههههههههههه
رزان: ماعليه إن شاء الله خير لك
فيصل ناظر رزان: وأنا أشوـوـوف ناس زعلانين علينا الحين عرفنا ليش ع قلبي
رزان بتعجب: أنا !!
فيصل: لا حبيبي نصووور والله نسيت أسأل عنه
عهد-دانا ضحكو في نفس الوقت كانو مبسوطين لفرحة أخوهم بحمل مرته ...
رزان: لا نصوري شاطر مايزعل ع أبوه
فيصل: هو شاطر بس دلوع طالع ع أمه
رزان بعناد: لا ع أبوه "وقامو يتعاييون كل واحد يقول طالع ع الثاني"
عهد طفشت منهم: بـــــــــس خلاص طالع علي خوب مو أقرب له من الطرفين مرت خاله وعمته
الكل ضحك ع تصريفة عهد , فيصل: يلا خواتي نستأذن تآمرونا بشيء؟
دانا-عهد: لاتسلم بس أنتبه لرزان والبيبي
فيصل: آآخ بس ولا حد يقول لي أنتبه لنفسك إن شااااء بنتبه لهم وأنا بالطقاق
رزان دخلت جنبه في المصعد وقالت تراضيه: شدعوه أنت فصولي أبو نصور الغالي الكل بالكل
فيصل يسوي نفسه بيبي زعلان: أمبــــح
رزان تعانده دخلت الشقه وقامت تحوس وتدور وتشيل وتحط في الأغراض , فيصل: رزااااااان أجلسي
رزان تسوي نفسها بريئه: بحط لك العشاء
فيصل راح جنبها: ياللــــــــه وش قلنا .. مو قلنا كفايه حركتك في الجامعه والروحه والجيه في البيت أرتااحي
رزان جلست جنبه ع طاولة الطعام وهي تحط باقي الأطباق: وهذي قعده
فيصل وهو يحط يده ع بطنها وببتسامه: تصدقي رزون"لمن شاف علامات الإستفهام ع وجهها: طلع لك بطن شويات
رزان أبتسمت لفرحة فيصل: قالت لي مها في بداية الحمل يرتفع البطن شوي .. بعد فتره يرجع ينزل طبيعي يعني مو تخافين إذا رجع نزل .. بعدين يرتفع بالتدريج
فيصل: وبعدين يطلع البيبي وأنا أصير أبو ورزاني تصير أم
رزان هزت راسها بأيوه وضمو بعض ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:15م بعيد عن المنطقه الشرقيه بشويات .. في جده بالتحديد في شقة رانيه ...
رانيه قامت عن فوضة البنات: هلا ماما.......أهلين......أنا !!......من قال؟.........لا الكلام مو صحيح..............والله العظيم ماتكلمت لأحد............."أنفجرت تبكي: شسوي في حالي يعني؟........أهم شي تأكدتي.........يلا مع السلامه.........لا مافيني شي........ماعليه.............إن شاء الله.........بيباي,
رانيه..أففف أففف يعني الواحد مابيرتاح من شر الناس لا في البلد ولا في الغربه , حتى وأنا في جده أدرس في حال ماسلمت من شرهم.. الحين بالله كيف بقول لبنت خالتي لاتوافقين ع خطيبك لأنه يحب وحده من قبلك وكيف بيوصلها الكلام مني وأنا في جده .. أنتشر الخبر وحطوها فيني أنا .. وش دخلني عمري لا بشرت حد بخبر حلوو أو نصحت أحد ولا يطلع علي هالكلام كله ...
سلمى نطت على رانيه: رانيووووه يالدبه قومي أكلي لك شي
رانيه أبتسمت: مابي الحين أكلو عليكم بالعافيه
سلمى بهبال: أيــــــــه صح ذكرت روميوو بيمرك أكيد بتتعشين معاه في المطعم
رانيه تصرفها: بالضبـــط
سلمى: قومي قومي بدلي لايجي الرجال وأنتي بهالحاله
رانيه..ع قول سلوم قمت بدلت ملابسي عشان راشد بيمرني ماكشخت بزياده لأن النفسيه ما تساعد بس تزينت بشي بسيط وحلوو رن علي راشد ونزلت له ...
راشد: نورت سيارتي
رانيه: تسلم , أخبارك؟
راشد: الحمد لله ماشي حالي توني راجع من عند العمال الله ياخدهم ع هالكماخه عافسين لي الدنيا لو أشتغل بروحي يكون أحسن لي
رانيه: ههه ماعليه تحملهم شوي ويتعدلون ع يدك
راشد: الله يعين , ماخاطرك في آيسكريم؟
رانيه: لا مو مشتهيه شي
راشد: تبين الصدق توني الحين ماكل آيسكريم بس معاك يطلع له طعم خاص , ومدامك ماتبين رجعتنا ناخد لنا
رانيه: أوكي
راشد نزل ع صوت المسجل: وش فيك حبيبتي ساكته؟
رانيه: ولا شي سولف أنت
راشد: وين خاطرك تروحين؟
رانيه: المكان اللي يريحك
راشد: لا أنتي اليوم مو طبيعيه , وش رايك نروح الشقه أشوفك عدل لأن ما أعرف أسولف معاك من وراء حجاب
رانيه: اللي يريحك
راشد وهو يلف الدركسون ويبركن السياره: هذي العماره اللي أنا ساكن فيها
رانيه: بالمره حلووه "قالت لمن فتح لها راشد الباب: ميرسي
راشد فتح باب شقته وهو يحك شعره بحرج: أممممـ هو الصراحه يعني أنا ما أعرف أرتب بس حاولت أكون مرتب عشانك بتجين معي الشقه
رانيه ناظرت الشقه فيها إن مو مرتبه مره كأنها شقة بنت ناسيه ترتبها بس بالنسبه لولد مرتبه قالت تراضيه: لالا باذره طيبه
راشد: هههههههه مقدر ع كلامك , تجين المجلس ولا مالك خلق بلايستيشن؟
رانيه: أوكي خل نروح المجلس بس مو الحين تشغل البلايستيشن "رن جوالها لفت فمها لمن شافت الرقم: هلا جاسر.........أممـ.....أهاا.......أيه........لالا عادي........مع راشد........طيب باي......يوصل وأنت بعد سلم..........بااي,
راشد: وش عنده جحا ؟
رانيه: أبد يسلم عليك
راشد لاحظ وجهها تغير قرب منها: رانيتي غناتي لاتخبين علي وش فيك؟
رانيه: مافيني شي بس متضايقه شوي
راشد: ماعليه فضفضي لي قولي شاللي مضايقك
رانيه: السالفه ماتسوى عادي لا تهتم
راشد: طيب أنا أبي أعرف قولي لي عشان أرتاح وترتاحين
رانيه: بس بنت خالتي متقدمين لها ووصلها كلام أن خطيبها يحب وحده من قبلها وقالو أنهم سمعو مني وأنا مالي دخل
راشد: طيب ليش تزعلين نفسك إذا مالك دخل وواثقه من نفسك؟
رانيه: مو سالفة واثقه مو واثقه الإنسان حتى لو حبب نفسه للناس وحلى أخلاقه يجونه ناس يخربون عليه
راشد لمن شافها بكت جد حط راسه ع صدره وهو يسمعها: شنسوي بعد هذا هم الناس
رانيه: تخيل راشد بياخدون الناس فكره عني أني بخوره وما أغبي شي
راشد: ياقلبي تقدرين تثبتين لهم العكس , أنا أقول لك أول مافتحت محلي كان عمي يساعدني شوي أنا كنت بالقوه متحمس وأبي أعتمد ع نفسي وكان شرطي أني أرجع لعمي اللي أخدته منه تخيلي أن الناس لمن شافوني نجحت قامو يتكلمون قدامي ومن وراي يقولون مستحيل ينجح بهالسرعه أكيد يسوي شي غلط أو.........>> ياحبيبتي كلام الناس مايرحم واللي بيتابع الناس وكلامهم مابيخلص ولا بيتهنى لابنوم ولا بأكل ولا شي .. ع أقل شي يتكلمون شافو واحد ناجح تكلمو شافو واحد فاشل أو عطالي تكلمو ع قولتك أرضاء الناس غايه لاتدرك
رانيه أرتاحت من كلام راشد ولو أن حازه في نفسها السالفه قالت: في ناس يهمونك في دنيتك ويغنونك عن الناس كلهم ووجهة نظرهم هي اللي تهمك وتشجعك وترد روحك "مسحت بيدها ع ظهره: الله لا يحرمني منك
راشد باس راسها: ولا يحرمني منك , ع أني فقدت أمي وأبوي وأنا صغير وتحملت مسؤليات أكبر من عمري إلا أني حسيت أن أمي داعيه لي لمن حصلت ع جوهوه مثلك
رانيه أبتسمت: وأنا لمن تغربت للدراسه تضايقت عشاني مفارقه هلي لكن لمن أشوفك أتخيل نفسي شايفه أهلي وناسي وكل أهل الشرقيه
راشد: تصدقين ماكنت موافق ع مشروع جده لكن سبحان الله ربك يدبر طلع لي مشروع جده وخديتك جت كل الظروف سهاله من ربي الله يرحمك ياعمتي هي اللي شجعتني ع مشروع جده
رانيه: الله يرحمها أم فهد الكل يذكرها بالخير
راشد قلب الموضوع مسخره: تدرين ليه هي كذا "لمن شاف علامات الإستفهام ع وجهها: لأنها عمتي
رانيه: ههههههههه "ضلو يضحكون ويتطنزون لين ما تغيرت نفسياتهم"
راشد: تصدقين رانيووه أنك حساسه بزياده
رانيه: الكل يقول لي ع شطانتك إلا أنك حساسه بس شسوي في نفسي
راشد: ههههههههههههه أحس تغيير روتين إذا فضفضنا لبعض متعودين ع الضحك والطناز
رانيه: إذا فضفضنا معناتها فاصل إعلاني
راشد: يعني فاصل ونواصل !!
رانيه: لابجد شي حلوو حتى أني أرتاح إذا فضفضت لك أحس في حد يفهمني
راشد: بـــــس غربل الله إبليسك خليتيني أستحي , قومي معاي أعلمك كيف تصممين نغمات عشان في المستقبل تساعديني
رانيه: طيب بس مابي أتأخر بكره وراي جامعه
راشد: ركبي لك المنبه بعد ساعتين عشان لايسرقنا الوقت
رانيه: طيب حبيبي
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:44م في فيلا أبو وافي ...
بعد ماطلعو الحريم تمددت حنين ع السرير ببطئ ومليت نفسها ...
أنهار وهي تلف الصغنونه: ياقلب خالتها يالوووح خالتها ياعمر خالتها تااه أغي خالتوو
حنين: لاترفعيها كثير ترى توها راضعه
أنهار حطتها جنب حنين وجلست جنبها: أخبارك اليوم ؟
حنين: مثل كل يوم مو عارفه أنسدح مثل الناس , صحيح يادبه ليه خبيتي عني موضوع الخياطه؟
أنهار: والله مالي شغل رجلك قال لي لاتقولين لحنين , وأنتي وش يدريك؟
حنين: أنا تعبانه ومو مستوعبه كلام الدكتور يقول لي الخطر زال واللي خايفين منه ماصار أنا نفسي كنت أهلوس أفتكرت ع الدكتور يهلوس معاي بعدين لمن صحيت قالت لي الدكتوره نفس الكلام سألت سيف شالسالفه وقال لي
أنهار: هههههههههههههه بس زين اللي سوى عشان لاتخافين وأنتي حامل الحين الحمد لله ولدتي بفدووكه اللي مثل القمر فعادي لو قال لك
إيمان اللي توها جايه من المطبخ: فــدك فدوووك أغي "باست خدها الصغنون: نامت عني الدلوووعه وأنا مابعد أشوفها مفتحه
عبير اللي كانت راجعه معاها وجاسه بعبايتها تنتظر جاسر: هههه يلا خيرها بغيرها
أنهار تناظر حور: والأميره متى بتقوم عن الابتوب وبتنام؟
حور: بزر أنا بزر تسألوني متى أنام؟
أنهار: طيب ياكبيره تسمحي تاخدي لابتوبك وتروحين فيه مكان ثاني لأن رجل أختك بيدخل الحين؟
حور وهي تسحب الجارجر من الكهرب: طيب وصحيني قبل تنامين
أنهار: طيب "وطلعت مع إيمان وحور عشان سيف بيدخل"
دخل سيف سلمت عليه عبير وسولفت معاهم هو وحنين .. بعد ربع ساعه تقريباً وصل جاسر , عبير: يلا تتربى في عزكم مع السلامه
سيف: أفاااا عبور أجلسي مامداني أجلس معاك بعدين أنا أوصلك
عبير: لو أبي أجلس ما أستحيت منك بس عندي شغل تعرف آخر ثلاث مواد وأفتك
حنين: موفقه ياقلبي ولا تخلين أي وقت البيت بيتك
عبير: أكيد لازم أجي أتطمن هذي بنت الغالي سيوووف
سيف: سيوف هااا سيوف شقووول هالبزر أقول لها خالتي صدق الدنيا جواره
حنين-عبير: هههههههههههههههههه
عبير: يلا لا أنزف عن أذنكم "بعد ماسلمت طلعت وركبت السياره سلمت ع جاسر: قوااهم الله
جاسر: يقووويك كان جلستي بعد 5دقايق
عبير: شسوي والله كنت بعبايتي بس طلعتي مع دخلة سيوف وأضطريت أسلم عليه وأسولف وياه
جاسر: وأنا أنلطع برا
عبير: طيب سوووري وش فيك؟
جاسر: مافيني شي بس منبطه كبدي رانيه في جده وضيقو خلقها "سألته عبير وش صاير وخبرها بالسالفه"
عبير: ع قلبي رناشووو ع شطانتها إلا أنها حساسه , يلا معاها راشد أكيد طيب خاطرها
جاسر: ع قولتك , أنا الحين قاعد أحاتي موضوع بنت أختك وكأن الموضوع يخصني لأن رانيه تقول يقولون مني وإذا ماوافقت البنت أو طلعت تحاليلها مو أوكي بينكسر خاطرها وبتكرهني
عبير: لا إن شاء الله توافق عن أقتناع و يطلع تحليلها أوكي
جاسر: والله أحياناً تصير أشياء يصير ودي أفني الحريم من هالوجود بخوووره مايقدروون يخبون شي
عبير: الله يعين
جاسر: أخبار فدك ؟
عبير: أي فدك؟
جاسر: بنت سيوف ولا فهيتي توك جايه من عندها
عبير: هههههههههه ماتعودت ع أسمها , بخير الحمد الله تجنن مثل القمر
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:33م في فيلا ناصر ...
دانا وهي تركض وحالتها حاله وصلت لغرفة ملاك وهي تنفخ من الركض: ملكوووو بسرررررعه جهزي لي ملابس من أي داهيه فارس ع الباب
ملاك: الجناح مقفل والمفتاح عند عهد وعهد طالعه مع فهد
دانا: مو مشكله طلعي لي ملابس من عندك كبار عليك شوي يعني مقاسي بسرررعه
ملاك أرتبكت معاها: أوكي أوكي
دانا..أتلعوز وأتجرفل في البيت بس بحدود المعقول هالمره شكلي مرره تحفه توني متحممه وشعري مرفوع وعلي بجامه عالميه وحاطه في وجهي كريم وفارس يقول يبي يشوفني ع الطبيعيه لا عيوووني مو لهدرجه دخلت دورة المياه غسلت وجهي عدل عن الكريم طلعت وأنا أشف وجهي ...
ملاك وهي تعرض لها البدله: وش رايك في هذي ؟
دانا: حلووه بس كأنها مخصره عليك كيف بتصير علي؟
ملاك: اللي يشوف في فرق بيني وبينك ألبسيها هي تتوسع عند الصدر إذا صارت ضيقه أفتحي السحاب اللي في الوسط هو موديله مفتوح بس أنا واسعه علي عند الصدر وسكرتها
دانا دخلت غرفة التبديل ماعندها وقت شكرت ملاك وهي تبدل: ماعليه ملوك بتعبك بس طلعي أكسسوراتها ونعالها وحالتها حطيهم في شنطتي بلبسهم في السياره وجهزي عبايتي
ملاك: طيب طيب
دانا طلعت وملاك ترتب لها البدله ولبستها عبايتها وتدخل باقي الأكسسورات في شنطتها , دانا: شوفي شعري عاااالمي
ملاك ناظرت شعر دانا اللي ع طبيعته ناعم وفيه كفسات خفيفه: بس سشوري قصتك وبرفع لك نصه بيصير لك غير شكل
دانا خدت شور ملاك ناظرت شكلها في المرايا ولو أن ماعجبها بالمره بس ماحبت تكسر خاطر ملاك: ميرسي أخدمك في الأفراح "باستها في الهواء ونزلت السلم تركض والزري يطيح من لمعة الجسم اللي حطتها ع جسمها بشكل عشوائي , وهي تسمع صوت الجوال اللي حرقه فارس أتصالات .. نزلت القبو حق السيارات وهي ماقفلت أزرارات عبايتها من الربكه وتنفخ من الركض"
فارس: الله الله كل هذا تلبسين؟
دانا وهي تسكر أزرارات عبايتها: حد قال لك تتصل لي حزة الحزه ع ما أستعديت وكذا لكن مردوده
فارس: ههههههههه أجل تبين الناس يقولون عني قليل ذوق مرت ولد خالتي ولدت ولا وديت مرتي لها !!
دانا: كان أتصلت قبل توصل
فارس: مجنون أنا عشان تقولين لي مقاطعه ومدري شنو وبروح مع أمي
دانا: خلاص أجل برجع
فارس مسكها: أي ترجعين يلا يلا أركبي
دانا ركبت وهي تلبس أكسسوراتها في السياره: ومتى إن شاء الله تبينا نبدأ مقاطعه؟
فارس: تبين الصدق فكرة المقاطعه بالمره مو داخله مزاجي
دانا: بس أنا داخله مزاجي .. مرت أخوي بدأت مقاطعه قبل شهر وشوي من زواجهم وفي ناس أكثر وأنا باقي أقل من شهر ع زواجنا وما بدأت مقاطعه
فارس: أنتي صيري مميزه ولا تقاطعيني بالمره
دانا: ههههههههههه
دانا..الحمد لله في السياره قبل نوصل بشوي ضبطت شكلي نزلت سلمت ع حنين والموجودين شفت كل البنات فاسخين لفاتهم أستحيت ع وجهي بس شعري عالمي رحت مع أنهارو عند المريا ...
أنهار: ياااااااااااااي شعرك رهيب يالدبه تقولين لي مو عدل
دانا: تصدقين حتى أنا لمن فسخت اللفه عجبني أول ماسوته لك ملكوو ماكان عاجبني
أنهار: صدق أنها فنانه رهيييب بالمره حلوو
دانا..أنبسطت ع العكس كل البنات عجبهم شعري جلسنا سوالف وضحك لكن أفتقدت عبور , لمن ركبت السياره كنت مبسوطه ووريت فارس صورة فدك الصغنونه وسولفت له عن جلستنا والوناسه بس طبعاً ع خفيف ...
فارس: طيب وش رايك تروحين معاي البيت تسلمين عليهم بما أنك ماشفتيهم؟
دانا..عجبتني فكرة فارس أني أروح لأهله ضروري تكون علاقتي معاهم أوكي بذات أني بعد شهر بسكن معاهم في نفس البيت نزلت من السياره كالعاده أستقبلوني أحلى أستقبال كل مره أدخل بيتهم أحس أني عرووسه جديده الكل يحبني ويحترمني ويقدرني , بس عبور مو موجوده قالو لي أنها في شقتنا تسشور شعرها رحت نطيت عليها ...
عبير طفت السشوار وضمت دانا: هلا وغلا وش هالمفاجئه الحلوه
دانا: أهليين يالدبه ألاحقك من مكان لمكان ترى
عبير: هههههه تسلمين ياقلبي فكي فكي لفتك بشوف شعرك توني مكلمه أنهار ووصلتي الأخبار عشان تسوي لي شعري مثلك
دانا وهي تطلع شعرها برا عبايتها بطريقه عشوائيه: ههههههههه حتى أنتي وصلك الخبر هذي ملوك تطلعت تعرف تبدع حزة الحزه
عبير: ههه وأنتي الصادقه ماتطلع المواهب إلا في اللحظات الحرجه بس مره حلوو مره ثانيه يبي لي أروح أسوي شعري عندها
دانا: وأنتي وين بتروحين ع الله محتله شقتنا وتسشورين؟
عبير: زواج صديقتي , تصدقين لمن شفتكم أقول أوووه طاحو علي أهل البيت خل أتخبى
دانا: هههههههههههههههه شدعووه حبيبتي مافي فرق
عبير: ماتقصرين بس لأن تحت اللي تنزعج من صوت السشوار واللي تنيم ولدها وحاجزين كل الغرف
دانا: تحصل في أرقى العائلات أخدي راحتك حبيبتي في أي وقت
عبير: تسلمين , مو محتاجه أي مساعده أو شي تجهيزاتك كلها ميه ميه؟
دانا: أيه الحمد لله بس رزانوه الدبه حلمت علينا هي ومهوي وقت التجهيز
عبير: ههههههه الله يتمم لهم ع خير عقبالك ياربي
دانا جرت خدها: جميعاً وياك
ظلو يسولفون عن التجهيزات والأسواق والماركات لين ماجا فارس: عبور جسور ينتظرك تحت يقول بيعد من الـ1 إلى الـ10 وبيروح عنك
دانا-عبير: هههههههههههههههههههه
عبير لبست عبايتها بسرعه وطلعت وهي طالعه ضربت فارس ع صدره: يلا بااااي خد راحتك مع عروستك
فارس: ههههههه باي "راح لدانا المجلس لقاها تلبس عبايتها: خليك خليك كذا أبي أشوف كشختك
دانا: ماعليه حبيبي بس تأخر الوقت أبي أروح البيت
فارس: يااااقلبي أي وقت بوصلك بصير سواق عشانك
دانا..ياربي بدلة ملكوو مخصره جسمي بالضبــــط ومن فوق نص الصدر طالع .. أستأذنت من فارس عشان أضبط شكلي رحت عند المرايا اللي في الممر .. فتحت عبايتي ناظرت البدله المخصر ع جسمي باللون التفاحي المطرزه أطرافها بالخيوط البيضاء المايله للون الفضي اللماعه .. كانت البلوزه بقصة القلب وفي الوسط فيها سحاب وطبعاً نصه مفتوح والبلوزه من أقل حركه يطلع معاها بطني وظهري .. والتنوره ضاغطه ع الجسم لحد نص الفخد بعدها كسرات وتوصل لتحت الركبه بشوي ...
فارس ضمها من وراء: شتناظرين قمـــــــر وقسسم قمـــــــر
دانا أبتسمت: تسلم لي
فارس لفها قباله ومسك يدينها وراح معاها للمجلس جر خدودها: قولي لي شسوي فيك؟
دانا أرتبكت: ولا شي فروووسي
فارس: لا تقولين فروسي لاتجنين ع حالك تراني ما أقدر أسمع أسمي ع لسانك
دانا أرتبكت وفي نفس الوقت أستحت: يلا عااد تأخر الوقت
رغم أن دانا كانت قويه وماتبي يصير شي قبل الزواج إلا أن فارس كان أقوى منها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 12:30م في فيلا ناصر ...
مها دخلت ع ملاك غرفتها: قوووه ملوك
ملاك: يقووويك أخبارك وأخبار البيبي وريانوه؟
مها: بخير الحمد لله وش مجلسك في الظلمه خفاش ع غفله
ملاك: هههههههههههه شغلي النور هذي دانوه بندت النور قبل تطلع وملانه أشغله
مها: بل عليك ع هالكسل , أجل وين عهود ؟
ملاك: مع فهد
مها: ودانا؟
ملاك: مع فارس
مها: ورزون؟
ملاك: مع فيصل وأمي تحت تصلي صلاة مدري شنو وأنا بروحي كان بتدورين لي رجل
مها رمتها بالخداديه: أستحي ع وجهك بس يلا أنا بطلع الدبه دانوه نكبتني عن حساب بتاخد ريان بس يلا خليها تنبسط
ملاك: أيه جا لها فارس وهي ماتدري
مها: خيراً إن شاء الله يلا باي سلمي عليهم
ملاك: باي "كملت طقطقه ع النت ودخلت عهد"
عهد: هلا ملوك
ملاك تنهدت: أهلين
عهد: وش فييييييييك
ملاك: صايره كأني حارسه في هالبيت كل من جا سألني عن أخبار الرعيه
عهد: هههههههههههههه خلاص وش رايك نسوي لك غرفه بره عشان تصيرين في الإستقبال
ملاك: هيهيهيهي
عهد: يااااربي ع طول اللسان وين دانوه؟
ملاك: مع فارس جا لها مفاجئه وهي مو لابسه "وحكت لها الحكايه"
عهد: أوووو ماااااي جااااااد وللحين مارجعت؟
ملاك: لأ للحين وشكلك بتتهزأين عشانك ماخده مفتاح قسمكم دانوه خدت ملابس من عندي
عهد: يااااربي الله يعينني ع لسانها دانوه , ووش طلعتي لها
ملاك: بدلتي حق الحناء اللي لبستها 5دقايق قبل يوصلون المعازيم وبعدين غيرتها
عهد: قصدك اللي تحمقتي عليها حلوو حلوو أكيد طلعت حلوه ع دانوه
ملاك: أيه مره تجنن
عهد: قومي إذا تبين آيسكريم شريت لك وفي عشاء في المطبخ
ملاك: ولو أني توني متعشيه بس ما أقدر أردكم أنتي وولد الخال
عهد ضربت كفينها في بعض وهي تشوف ملاك تنزل: مفجوعه لا شره
رزان بعد ساعه دخلت ع عهد وترتب أغراضها: قواها الله الغاليه مرت الغالي وأخت الغالي وعمة الغالي
عهد: يقويك غناتي
رزان: وش فيك مكشره
عهد جلست ع سريرها جنب رزان: المجنونه دانوه تأخرت للحين ماجت وماترد ع جوالها أنا ياذوووبي تملصت من ماما
رزان: ياااااااربي هذي دانوه خطيره , طيب وش قلتي لعمتي ؟
عهد: قلت لها الظاهر راحت مع عبير زواج مدري كيف طلعت هالكذبه أتصلت ع عبير الحمد لله أنها عن جد طلعت رايحه زواج بس دانوه مع فارس في شقتهم
رزان وقفت: في شقتهم مره وحده!!
عهد: تقول عبير كانت تسشور شعرها هناك وركبت لها دانوه ما أدري يمكن نزلت ويمكن لأ
رزان: تبين الصراحه راح فكري بعيد
عهد: ههههههه تصدقين حتى أنا , الله يستر كيف بتملص من ماما وقت الصلاه إذا جت تصحينا
رزان: ياربي ياخوفي بس ملكوو وغلا يفضحونا
عهد: يبي لنا نهددهم
رزان: هههههههههه الله يستر بس
عهد: وأنتي شمقومك عن أخوي؟
رزان: نام وأتصلت لدانوه ماردت قلت أنزل أشوفكم
عهد: أركبي لايصحى ومايلقاك وتسوين لنا سالفه أنتي الثانيه , فصول ماتمشي عليه إذا شاف دانوه مو هنا
رزان: وأنتي الصادقه يلا باي ووافيني بالأخبار
عهد: أوكي لا تحاتين سي يوو
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
مرت الأيام والشهور مر السحاب وكلن مشغول بنفسه والشي اللي يشغله وتم زواج دانا وفارس اللي الكل أنتظره ع أحر من الجمر ع خير .. وعاشو شهر عسلهم ع أحلى مايكون .. تعالو معاي نشوف حال أبطالنا بعد الزواج بشهر ...
الساعه 9:05م في شقة دانا وفارس ...
فارس دخل غرفة النوم وهو يسمع دانا تكلم: شدعوووووه كم رشود عندنا............ههههههههه عن الهبال............ماعليه ولا يهمك.........ع فارس.........مدري بصراحه مقدر إذا كان موجود..........خلاص وقت أفضى بعطيك خبر...........هههه والله......أوكي سلم لي ع رانيوه.......يلا سي يوو,
فارس..سمعت صوت دانا تكلم راشد بهالطريقه سكرت الباب بهدوووء جلست ع الكنبه وشعري تقطع في يدي وأنا أرجعه ع وراء معقووووووله دانا اللي حبيتها وعشت معاها أحلى أيام حياتي تـ أستغفر الله .. مدري وش هالأفكار اللي تجيني أنا من سمعت غلا تقول لها(راح عليك رشود)وبالي مو متطمن مو قادر أنام ليل ولا نهار أفكر معقول أنا فارس أنخدع في حد وفي من أقرب الناس لي ...
دانا مسكت يد فارس بهدوء: حبيبي يفكر في شنوو ؟
فارس فقد أعصابه: شنو يعني شنو هو ظل فيني عقل !!
دانا تروعت من عصبية فارس بعدت عنه: فارس وش فيك شاللي مضايقك توك من شوي تسولف وتضحك شاللي قلب حالك ؟
فارس ناظرها والشرار في عيونه: تبين تعرفين وش فيني "هزت راسها بخوف من عصبيته وناظرته تنتظر جوابه , فارس بنظرة شك: شاللي بينك وبين راشد ولد خالتك
دانا ناظرته منصدمه: راشد ولد خالتي !!
فارس: يااامخلووووقه ريحي عقلي قولي لي الحقيقه
دانا رفعت يدها تبي فارس يوقف كلامه مسك يدها بكل قوته وباسها بستفزاز: تبين تضربيني
دانا ودموعها ىتنزل ع خدها: فاااااااارس خلاص "راحت قفلت عليها باب غرفة النوم وهي تبكي"
دانا..معقول يافارس عقب كل شي تشك فيني ومع من راشد اللي أعده مثل أخوي اللي ماخد بنت خالتك مدري كيف مشاعري تضاربت أحس كلام فارس هزني كأنه يهين ولد خالتي وبنت خالته ويهينني أنا قبلهم كلهم وكلامه الجارح لي ونظرات الشك اللي ناظرني فيها وحركته اللي أستفزتني ...
في نفس المكان في الصاله كان فارس يروح ويجي ع طول الصاله , فارس..معقول أكون تسرعت وظلمتهم بس وش معنى الكلام اللي سمعته !! لالا أنا ماغلطت أنا علمتها أني مو غافل عنها وأعرف هي وش تقول ووش تسوي سواء كنت في البيت أو برا .. ناظرت الساعه صار لها 5ساعات وهي داخل الغرفه مدري وش تسوي نامت أو تكلمه أستغفر الله أستغفر الله شاللي صابك يافارس ليه صرت شكاك ؟! خليها تجلس في الغرفه وأنا بجلس في الصاله يعني عادته أنجاز عشانها جلست في الغرفه5 ساعات بدون ماتتكلم ولا تنطق وش وراي أنا خل أجلس في الصاله وأشوف آخرتها ...
فارس..صحيت من النوم الساعه صارت 12إلا ربع الظهر يعني كلمت 14ساعه وشوي وهي داخل الغرفه معقول تكون طلعت ولا حسيت لها !! لالا أنا مانمت متواصل كان نومي متقطع مدري أنبني ضميري ...
فارس وهو يطق الباب: دانا دااانا داااانا دااااانا
فارس..ياااربي ماترد معقوله نامت لو نامت مو معقول بتصحى بسمع ع الأقل لها صوت أخاف سوت في نفسها شي رنيت ع جوالها سمعته يرن ولا ردت عليه بسم الله الرحمن الرحيم قررت أكسر الباب لأني بديت أهلوس الباب بداله ألف بس الروح إذا راحت ماترجع .. قبل أكسر الباب تذكرت أن عندي في تعليقتي مفتاح للغرفه ناظرتها كان محفور عليها حروفنا أنا ودانا من جهه ومن الجهه الثانيه مكتوب عليها أبو جاد .. سميت بالله وفتحت الباب مالقيت دانا في الغرفه دخلت غرفة التبديل مو موجوده دورة المياه مو موجوده فتحت الدواليب والأدراج معقول تكون طلعت من البلكونه ركبت ع السرير أبي أشوف البلكونه ...
دانا توجعت لمن داس فارس برجله ع بطنها صرخت: آآآآآآآآآآآآآآآآآآآآآه
فارس..معقول أنا لهدرجه غبي كيف ما أنتبهت لها متغطيه بالبطانيه عسى بس ماتوجعت ...
فارس حط يده ع راسها: دانا داانا دااانا "خاف أنها توجعت لمن داس عليها شال البطانيه وأنصدم لمن لقى أثر رجله ع بطن دانا بسرعه شالها ولبسها عبايتها ونقلها للمستشفى"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 2:44م في المستشفى ...
فارس وهو يروح ويجي في ممر المستشفى راح للدكتور اللي توه وصل من غرفة دانا: دكتور أخبار دانا ؟
الدكتور: والله يافارس مو عارف وش أقول لك هو أنا مو متأكد بس أحتمال أنك تفقد زوجتك أو ولدك
فارس أبتسم: ولدي !! دانا حامل؟
الدكتور: بس للأسف الإصابه اللي صابت زوجتك جداً قويه
فارس أستند ع الجدار: يعني مافي أمل يعيشون أثنينهم؟
الدكتور: بصراحه أنا ما تأكدت من الوضع بالضبط بس أتوقع هالشي لأن النزيف اللي صابها مو هين والظاهر أنكم ماتدرون عن الحمل والثلاثه الأشهر الأولى تحتاج الحامل إلى راحه ومقويات وغيره وهي صار لها تقريباً شهرين حامل بدون مقويات وطبعاً بدون الراحه اللي تحتاجها الحامل
فارس: تكفى دكتور حاول أنا ما أستغني عنهم أثنينهم
الكتور: إن شاء الله خير بس بتأكد من التقارير وصحة الجنين وبعدها أكون عرفت شنو وضعها بالضبط وشنو اللي لازم نسويه
فارس: يعطيك العافيه
الدكتور: ولو واجبنا , عن أذنك
فارس..معقول يافارس معقول عصبيتك توصلك لهالمواصيل !! تفقد ولدك أو زوجتك .. أنا ليش أستعجلت ليش خليت الشيطان يلعب في عقلي ؟! صار لنا شهر متزوجين وصارخت ع البنت وهي توها عروس .. تهورت صحيح أني دست ع بطنها بالغلط بس كذا ولا كذا إذا راح يروح واحد منهم أنا ماراح أسامح نفسي أنا قتلت روووح قتلت روووح ...
الدكتور: فارس إذا تحب ترتاح تقدر تروح بيتكم أو تفضل مكتبي "طبعاً الدكتور يمون ع فارس لأنه درس معاه لغه في كندا قبل يروح فرنسا"
فارس: مشكور حسون ماقصرت بس أول ماتعرف النتايج عطيني خبر
الدكتور وهو يوصله لمكتبه: خد راحتك وإن شاء الله أوصل لك الأخبار اللي تسرك , عن أذنك
فارس: أذنك معك
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:32ص في فيلا فارس ...
عبير اللي دخلت وأختها ساكته سألتها: خيووو وش فيك ؟
أم فارس: مدري يايما كل يوم فارس ينزل يسلم علي قبل يروح الدوام اليوم مانزل لاهو ولا مرته
عبير: إن شاء الله مافيهم إلا الخير , يمكن متأخرين في النوم
أم فارس: مدري قلت بركب أشوفهم خفت أزعجهم في نفس الوقت خايفه يتأخرون ع دواماتهم أو فيهم شي
عبير: أنتظري شوي أنا بتصل لفروس , مايرد
أم فارس: شوفي دانا
عبير نزلت جوالها: هم ماترد
جاسر: صباح الخير ع الحلوين
أم فارس-عبير: صباح النور
جاسر: وش فيكم مكشرين من صبح ربي
أم فارس: فارس ومرته مانزلو ومايردون ع جوالاتهم
جاسر: فارس مو بزر عشان بعدك تخافين عليه الله يهديك ياخيوو
أم فارس قامت: الله يستر بس
عبير نتاقر جاسر: وأنت ماتعرف تتكلم ؟
جاسر: شسوي لأختك الرجال تزوج وصار أطول منها وهي بعدها تخاف عليه
عبير: أكيد لازم بتخاف عليه مو ولدها الوحيد
جاسر طلع وهو يتحرطم عليهم: الله يهديك أنتي وياها تسوون من الحبه دبه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:30م في المستشفى // بالتحديد في مكتب الدكتور حسن ...
حسن اللي كان كاسر خاطره فارس ناداه بهدوء: فارس فاارس فااارس
فارس قام بطوله: وش فيها دانا
حسن يطمنه: مافيها إلا العافيه , توني الحين رحت تطمنت عليها
فارس: أخبارها ؟
حسن: الحمد لله حالتهاً مستقره هي حالياً نايمه
فارس: والجنين ؟
حسن: أوووه صح نسيت أبارك لك سوينا التحاليل وزوجتك حامل في الشهر الثاني والجنين مو ثابت بس بنعطيها مثبتات وأدويه وبنمنعها عن الحركه لين مايثبت الجنين .. وثبوت الجنين مايعتمد بس ع العلاج يعتمد ع تعاونكم ويانا ونفسية المريضه
فارس: تنهد: لا تحاتي , أقدر أشوفها الحين ؟
حسن: تفضل بس يكون أحسن لو تاخد لك غرفه خاصه في المستشفى تاخد راحتك مع زوجتك أكثر كذا بتكون معاها وقت الزياره
فارس: مشكووور ياحسن ونخدمك في الأفراح
حسن: لايكثر بس ترى صار لي ساعه وأنا مخلص شغلي بس كسرت خاطري وجلست أنتظرك لين ماتصحى
فارس: ههههه مشكور يالغالي
حسن: يلا أستأذن وسلم لي ع الجماعه
فارس: يوصل إن شاء الله مع السلامه
فارس..يعطيه العافيه حسون ماقصر مدري كيف أشكره , مثل ماقال حجزت غرفه خاصه دخلت ع دانا وهي نايمه ...
دانا وهي تمرر يدها ع السرير وشكلها تحلم: فرووسي "قامت مفزوعه لمن مالقته جنبها وصرخت: فااااااارس
فارس راح جنبها وضمها: أنا هنا تطمني
دانا بعدت عنه وغمضت عيونها لدقايق تتذكر اللي صار ودموعها تطيح ع خدها ...
فارس مسح دموعها: لا ياقلبي لاتبكين إن شاء الله ولدنا بخير إن شاء الله بيعيش بس أنتي لاتبكين
دانا حطت يدها ع بطنها: ولدنا !! أنا حامل يعني أنا بصير أم !!
فارس"خاف يقول لها في الشهر الثاني وهي معصبه وترميه من الشباك": أيوه ولدنا
دانا لفت وجهها عن فارس وهي تبكي ...
فارس: دانا ماعليه عشان البيبي لاتتعبين نفسيتك ولا تبكين تراك محتاجه للراحه
دانا: وتتوقع الكلام اللي قلته أفتريته علي وع ولد خالتي سهل !!
فارس: دانا والله
دانا وأعصابها تالفه قاطعته: خلاص أنا تعبانه مابي أسمع شي
فارس: براحتك ياقلبي المهم عندي أنك ترتاحين
دانا لمن شافته أنسدح ع الكنبه دارت للجهه الثانيه عشان ماتناظره ...
السستر: السلام
دانا: وعليكم السلام
السستر: كيفك صحتك الحين دانا؟
دانا: الحمد لله بس أحس بوجع عند أسفل بطني
السستر: الله يعينك "شالت أبرة المغدي اللي توها مخلصه وحطت لها وحده ثانيه"
دانا ودموعها تطيح: سستر شوفي يدي كيف صارت من المغدي خلاص ما أبيه
السستر وهي تناظر يد دانا اللي فيها آثار أبر المغدي: ماعليه بس لأن دمك نازل أساساً ومع النزيف نزل أكثر فيعني لازم نتدارك فقر الدم لا يأثر ع الجنين
دانا: وكيفه الجنين الحين؟
السستر: ع حسب كلام الدكتوره اللي تعالجك , إن شاء الله مع المثبتات والعلاج يثبت وإن شاء الله خير
دانا بتعجب: يثبـــــت!! يعني الجنين مو ثابت!!
السستر أرتبكت لمن حست من تعابير وجه دانا أنه ماتعرف: إن شاء الله حبيبتي يثبت بس أنتي لاتتحركين وألتزمي في الأدويه.. كثير مرت علينا هالحاله والحمد لله الحين أولادهم طلعو بالسلامه أنتي لاتخوفين نفسك
دانا: كيف ما أتحرك يعني ما أروح الجامعه ؟
السستر: ماعليه خدي لك إجازه مرضيه وإن شاء الله خير
دانا: ثاكيو سستر
السستر: ولكم ويلا حسني نفسيتك وصيري ريلاكس عشان صحة الجنين
دانا"آآه بس ياليت السالفه بيدي": إن شاء الله
السستر: يلا شوي وتجيك دكتورتك
دانا: أوكي سستر ماقصرتي
السستر: يلا سي يوو
دانا..آآآآآآآآه يافارس جرحتني في الصميم حتى فرحتي بحملي ما أحسها أكتملمت خاطري أكلم رزون بس تأخر الوقت خليها لبكره ...
الدكتور المسؤله عن حالة دانا: السلآم
دانا: وعليكم السلام هلا والله دكتوره
الدكتوره وهي تكتب تقاريرها: تصدقي ربي كاتب للبيبي حياه أول ماجيتي كانو بيسوو لك أشعه الحمد لله أني قلت لهم أنك حامل أنا أساساً ما أدري ولا شي ولا حتى أعرفك بس سبحان الله سوو التحاليل وعن جد طلعتي حامل
دانا تنهدت: الحمد لله ماسوو لي الأشعه كان راح البيبي .. أساساً أنا ما أدري عن نفسي
الدكتوره: تحصل كثير
خلصت الدكتوره تقاريرها وشغلها وطلعت وراحت دانا في سابع نومه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
مرت أسبوعين ع دانا مرقده في المستشفى وأنتشر الخبر في العائلتين عن حمل دانا وتعبها بس طبعاً مايدرون أنها في الشهر الثاني .. رجعت دانا من المستشفى وطلبت من فارس أنها تروح عند أمها لأنها بجد تعبانه ومحتاجه أنها تكون بعيده عن فارس ...
الساعه 10:33م في فيلا ناصر ...
بعد ماطلعو الأهل اللي كانو يزورون , دانا ورزان كانو بروحهم ...
رزان: الله يعينك ياقلبي
دانا: جميعاً يارب , وأخبار ولد أخوي؟
رزان: كالعاده يعني متعبني طول اليوم بكي ع أقل شي .. الأمس كنت نايمه صحاني فيصل قال لي عدلي جلستك لأني منسدحه ع بطني قال لي لا يتوجع البيبي
دانا: ههههههه أحسه متفرغ فصول أهم شي أنتي وش سويتي؟
رزان: جلست أبكي ولا جاني نوم طول الليل حتى فصول سهر ويايي .. وليلة زواجك حفلة البكي اللي سويتها عقب مارجعنا
دانا: خفي شوي عن هالبكي ترى البيبي يتأثر لايصير أبو دميعه
رزان: هههههههه حلوه أبو دميعه يعني أنا أم دميعه ؟
دانا: من حملتي بصراحه أحس عمتي جابتك وهي تشاهد مسلسل كويتي طول الوقت بكي
رزان: نفس تعليق فصآلو
دانا: هههههههه شنسوي أخوآن ولا أقول صادق فيك هذي الحقيقه
رزان: لا والله , لايكثر بس يلا بروح لرجلي لايستثقل منا فروووس
دانا: ومن قال أصلاً أنه بيجي؟
رزان!!: خيــــــر وليه إن شاء الله مايجي مو الأوادم طالعين عشانه بيجي؟
دانا: أنا قلت له مايجي
رزان: وليش بالله
دانا: رزوون أمانه ماحد يدري أنا حابه أجلس بروحي صدقيني نفسيتي ماتتحمل نقاش أو جدال مع حد أي كان
رزان: طيب براحتك أي وقت تبين شي رني علي وباجي لك
دانا: بس أمانه رزون لايدري حد أن فارس مو معاي
رزان: طيب حبيبتي لاتوصين
]]-ـ-ـ-ـ-ـ-ـ-ـ-ـ-ـ-[[
في نفس المكان بعد أسبوعين // كانو فارس وأهله عند دانا ...
أم فارس: حبيبتي دانا وش رايك تجين معنا البيت
دانا: مدري عمتي بس عشان سلم ولازم ركبه ونزله وأنا ممنوعه عن الحركه
أم فارس: وش دعوه يايما عساني لو كل يوم أشيلك ع راسي وأركبك بس أهمشي تنورين بيتك
دانا: تسلمين ياعمتي
عبير: صحيح دانوه عن جد المجلس اللي تحت نحط لك فيه سرير وتاخدين راحتك وأنا بالخدمه أي شي تامرين عليه
دانا أنحرجت من أصرارهم ولأن عندهم الحق بس كانت متردده عشانها مابعد تكلمت مع فارس , حمدت ربها أن أم تركي دخلت وتغير الموضوع بعد ساعه أستأذنو أهل فارس ...
فارس قام وهو شايل معه المفتاح: يلا بوصلكم مابتكفيكم السياره
جهان: أقعد أقعد أستريح مع مرتك كذا ولا كذا أنت بترجع وإذا ماكفتهم السياره ترى ثامر ع الباب
فارس: ريحتيني الله يريحك
جهان: هههههه يلا حبايبي نشوفكم ع خير عقبال ياربي مايبشرونا عن ولدكم
فارس-دانا: ع خير إن شاء الله مع السلامه
دانا..ثلاثه أسابيع من رجعت من المستشفى وأنا في بيتنا قلت مستحيييل أرجع شقتي قبل ما أعرف أنطباع اللي بعيش معاه طول حياتي عني وبعدها بقرر أرجع أو لأ .. هذا زواج مو يوم ولا يومين يعني طول حياتي باصير معاه لو رجعت .. كرامتي ماتسمح لي أرجع لواحد يهينني أو يظن فيني .. مدري ليه أول مره تكون مشاعري متضاربه بهالطريقه الحزن اللي أشوفه في عيون فارس وهو طالع عني والرسايل اللي توصل لي آخر الليل كل هالأشياء تقطع قلبي وتخليني أبكي طول الليل ...
فارس وهو يناظر دانا السرحانه ويتأمل ملامح وجهها كان حيييييل مشتاق لها , فارس قرب من دانا بخطوات متردده همس لها: دانــا
دانا كانت تحاول تتحكم في دموعها ردت عليه: هـلا
فارس ناظرها بعيون مترجيه: خل نتفاهم
دانا..نظرة فارس المنكسره هزتني أكثر مما هزتني نظرة الشك اللي هي سبب خلافنا .. يمكن لأني تعودت أشوف فارس بهيبته وشخصيته والكل يحترمه ويخاف منه ...
فارس اللي شافت دانا رجعت سرحت: ماعليه أقول اللي في قلبي
دانا لفت راسها وهي تمسح دموعها بحركه سريعه ولمن تقرب منها فارس بكت بكي يقطع القلب مع أنها كانت تحاول بقد ماعندها أنها تكون قويه بس دموعها كانت أقوى منها ...
فارس ماتحمل يشوفها تبكي جلس قبالها وباس يدها: دانا حرام عليك وربي تقطعين قلبي "أشر ع قلبه: هالقلب مايتحمل دموعك .. دانا شهر و5أيام وأنتي بعيده عني مرت علي وكأنها سنين .. ما أقدر أدخل الشقه ولا أشوفك فيها وقسـم يادانا النوم مايجيني وأنتي بعيده عني "قطع عليه كلامه صوت طق ع الباب"
دانا مسحت دموعها وفارس عدل وضعه , دانا: مين ؟
فيصل: أنا دانا معاك فارس؟
فارس: تفضل تفضل أبو ناصر
فيصل: يالنكاب مو كأنك مواعدني تطلع مشوار معي ؟
فارس: أووووووووووه نسيت "ناظر ساعته: الحين يمدي
فيصل: أيه بس أخاف دانا ترتكب فينا جريمه
دانا وهي تحاول تبين طبيعيه: لا شدعوه
فيصل: قالت شدعوه يعني تبي الفكه منك قوم قوم بس , يلا بنادي لك رزان دقايق وأحنا عندك
دانا: بالتوفيق ياربي
فارس: توصيني في شي وأنا جاي؟
دانا: سلامتك
بعد ماطلعو دخلت رزان: والحلوووه سرحااانه والحلووه سرحانه
دانا..أبتسمت لرزون ع قلبي هي فاهمتني بس طبعاً هالشي خاص بيني وبين فارس مستحيل أقول لها عنه .. لكن المشكله أني كتاب مفتوح قدامها تدري أن بيني وبين فارس خلاف لكن ماتدري شنو أسبابه ...
رزان: لا حلول شكله فارس خدا عقلك وطلع فيه
دانا: ههه وش كنتي تقولين
رزان: كنت أقول بحث طويل أسمحي لي ما أقدر أعيده
دانا: يلا عاد رزانوه
رزان: طيب طيب كنت أقول أني زعلانه عشانك ع خلاف مع زوجك في نفس الوقت مبسوطه لأنك معانا في البيت
دانا: دبــه وأنا كمانو مبسوطه عشاني معاكم
رزان ناظرتها بعيون تلمع: اليوم شفت شي
دانا: شنو ؟
رزان: يالدبـــه طلعتي حامل معاي في نفس الشهر
دانا: ههههه
رزان: يلا الله يتمم لك ع خير بس شفقت لحاله ولدك الأسواق عشان تجهيزك لزواجك وشهر العسل
دانا: حدي خايفه تخيلي , في فنيسا ركبنا جبال وغير الملاهي وقبل أحلل بيوم كنت في الليل لاعبه مع ريانوه ومراكضه معاه ع طول البيت وقبلها بليله كنا رايحين مدينة الكوبرا وركبت حق المجانين مع فارس
رزان: يلا إن شاء الله مافيه إلا العافيه أنتي خلصتي الثلاثه الأشهر الأولى ع خير إن شاء الله ترتفع المشيمه ويصير وضعك عادي
دانا: ياااارب
رزان: تبين الصدق دانوه من قبل تتزوجين كنت شاكه فيك
دانا: حتى أنا شكيت في نفسي بس ماحطيت في بالي الفكره لأن أنشغلت في أشياء ثانيه
رزان: وفارس وش ردت فعله لمن عرف؟
دانا: مدري ماكنت معاه كنت تعبانه وهو كان متضايق عشاني
رزان: ياااا عيني
بعد سوالفهم اللي ماتخلص ناظرت دانا ساعتها: رزون كأنهم تأخرو بديت أهوس صار لهم ساعتين وشوي طالعين وهم قالو بس 5دقايق
رزان: تلاقينهم نسو نفسهم بتصل ع فيصل .. ألووو......هلا حبيبي...........ليش؟.........أوكي ننتظركم..........باي,
دانا: ها وش يقول؟
رزان اللي نغزها قلبها من نبرة صوت فيصل: يقول يمكن يتأخرون شوي لانحاتيهم
دانا كملت سوالف مع رزان ولو أن قلبها ناغزها أهي الثانيه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء السابع والثلاثون
((هذا الجزء
-رزان وفيصل وفرحتهم بحمل رزان وفرحة الكل لفرحتهم وع أحر من الجمر ينتظرون ولي العهد
-راشد ورانيه وطريقتهم المرحه في التعامل مع بعض ويعيشون أحلى أيامهم في جده
-سيف وحنين وفدك الصغنونه اللي نورت بيتهم وقرت عينهم بولادتها
-دانا وحملها وزواجها اللي تم ع خير .. والخلاف اللي صار بينها وبين فارس وحالتها الصحيه اللي تظررت والبيبي تتوقعون بيعيش أو لأ
وتذكرو أن فيصل وفارس طلعو لمشوار تتوقعون شنو سبب تأخريهم ؟!!
يعطيكم ألف عافيه
تابعونا
تحياتي))
.
.
.
إلى اللقاء غداً في البارت الأخير ,,’’

.:دانهـ العشآق22:.

مرآآآآآآآآآآآآحب}ْ
يسلموووووووووووووووووو على الباااااااااااااارت الحلوووووووووووو
كل باااارت احلى من الثاااني بس البااارت قبل اأخير احلى وان شاء الله البااارت الأخير حلوووو
تحياتي..مجنونة وحلوة..

مرحبتين مجنووـوـونه ,,’’

كح كح~>صوتها بايح توها صاحيه من النوم

تسلمي غناتي من ذووقك ,,’’

عاد الله يستر بنزل البارت الأخير ويدي ع قلبي ,,’’

يارب بس يعجبيكم,,’’
.
.
.
.:دانهـ العشآق22:.

ذايب في هواهم
((الجزء الثامن والثلاثون)) .. و الأخير&
بسم الله الرحمن الرحيم
((المستجدات في هذا الجزء...
-تآآبع -->> تذكرون أن دانا ورزان ينتظرون فارس وفيصل ...
يعطيكم العافيه
تابعونا))
"وبسر هالحرفين .*
أحلف بالحب ياحبيبي وبسر هالحرفين .*
مهما يحصل ما أعوفك وأتنازل يالغالي .*
يالتعرفني الناس أحبك وأفدي لك هالروح .*
لو تهيت دروبي أسمك مثل الشمس يلوح .*
والماعندها غالي أقلها بدونه وين تروح ؟!
كم عمري ولليوم أقل لك أهواك وأهواك .*
حد الموت وهذا أنا بقصة حب وياك .*
لجلك قلبي بأيدي شلته جبته وقلت لك هاك .*
لو تكشف بهالساعه صدري لاشك هم تلقاك .*"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:11م في فيلا ناصر // بالتحديد في المجلس عند رزان ودانا ...
دانا: رزون قلبي مو متطمن
رزان: أهديء غناتي ماعليه إن شاء الله الحين بيوصلون
سمعو حمحمت فيصل وأرتاحو نوعاً ما: رزان عليك شي؟
رزان عرفت أن معاه فارس عدلت عبايتها وتغطت بلفتها وجلست في مكان صاد: تفضلو
فارس جلس وسند راسه للجدار وجلس جنبه فيصل ...
دانا: خوفتوني وش فيكم تأخرتو "أنتبهت للزقه حق المغدي في يد فارس شهقت: وش فيك فارس
فيصل يقلد غلطتها في الراء: وش فيك فاارس "رجع صوته طبيعي: عاد أنتي خليتي في الرجال عقل طاح علي ووديته المستشفى قالو لي يشتكي من أرق أكيد كل يوم يسهر معاك
فارس"آآخ بس ياليتني أسهر معاها كان ماصار فيني هاللي صار: خلاص فيصل لاتخوفها مافيني إلا العافيه
فيصل: ياعينـي حتى مو راضي أقول لها عن سواياها فيه كأنه بنت تفكير وأرق وسوء تغديه أكيد يجلس يأكلك وينسى حاله
فارس: ههه أبو نصور خلاص مافيني شي
فيصل يتطنز: أيه حمار ماشاء الله عليك
رزان تتحمد بالسلامه لفارس: الحمد لله ع السلامه أبو جاد
فارس: الله يسلمك أم ناصر أسمحي لي ما أنتبهت لك
رزان: شدعوه معذور
فيصل: يلا رزان نركب ؟
رزان قامت: يلا دانينو تآمريني بشيء؟
دانا وهي تأشر لها خلي جوالك جنبك: سلامتك ياقلبي
فيصل: ومافي تطلعون من البيت أنت بكره ماوراك دوام وأنتي بعد وأثنينكم تعبانين أرتحاو في البيت "طلع وهو يهددهم: ياويلكم لو طلعتو وأنتو تعبانين
مرت دقايق صمت وصوت دقات الساعه يتعالى في أركان المجلس .. ع غير العاده بدأت بالكلام دانا: كيفك الحين
فارس أنبسط عشان دانا بدأت بالكلام معه: بخير الحمد لله إذا كنتي راضيه علي
دانا حست أنه بيرجع يفتح الموضوع قالت تحسم الموضوع: أنت تعبان لازم ترتاح
فارس: وقسسم وقسسم يادانا ماراح أرتاح إلا إذا قلت اللي في قلبي
دانا رفعت راسها تنتظره يتكلم وكانت نظراتها بمعنى (تفضل) ...
فارس: يادانا أنتي ملكتي قلبي وروحي وكل كياني أنا لك مقدر أعيش بدونك .. يومي بدونك يمر علي وكأنه سنه .. بس أنا مدري وش فيني عصبي ما أعرف أوزن كلامي لمن أعصب ولا أتحكم في تصرفاتي .. والله الكلام اللي طلع مو عن شك ولا شي بس لأني كنت معصب "ناظر دانا"
دانا بكت وهي تتذكر كلامه وقالت: بعرف بس شاللي جاب هالأفكار في راسك ليــــــه يافارس تدري أن عصبيتك طعنتني في الصميم مو قادره أستوعب أن هالكلام طلع من الأنسان اللي حبيته ويمكن أني أظل معاه طول حياتي
فارس قال يجاوبها وهو متضايق لكلامها: سمعتك تكلمين راشد وأنا برا أنتظرك حسيتها إهانه لي وقتها ماعرفت أتحكم في أعصابي سامحيني يالغاليه سامحيني
دانا: عشاني كلمت راشد !! أنت ماتعرف أن راشد أعامله مثل أخوي وعندي شغل معاه فشي طبيعي أني بكلمه ولاحظ أني من البدايه ماخبيت عليك قلت لك أن راشد وكل أولاد خلاتي مثل أخواني ما أتغطى منهم تعرف هالشي أو لأ ؟
فارس: أيوه عارف بس يادانا مشكلتي العصبيه مدري ليه أنا عصبي
دانا: وتعرف أن هالعصبيه ممكن تفرقنا وتخسرنا ولدنا !!
فارس: صدقيني راح أحاول بقد ماعندي أني أترك عني العصبيه عشانك بس
دانا: ..................
فارس بعد سكوت دانا الطويل سألها: دانا مسامحتني؟
دانا رجعت تبكي وهي مغطيه وجهها قرب منها فارس وضمها وهو يمسح ع ظهرها: دموعك غاليه يالغاليه , قولي لي دانا شالعيوب اللي فيني كيف تبيني أصير عشان ترصين عني؟! "دانا كانت ساكته وتبكي"
فارس: يعني تبيني أتعب ؟!
دانا هزت راسها بلأ ...
فارس: مسحي دموعك وأرفعي راسك بشوفك
دانا رفعت راسها ووجهها عليه آثار البكي ومصفر من النزيف وعيونها حمراء بس كل هذا ماكان خافي جمالها ...
فارس: تكلمي دانا أبي أسمع صوتك
دانا وهي تبكي: بقول شي
فارس: ياقلبي بكل رحابة صدر قولي كل اللي تبي تقوليه حتى لو تسبيني عادي
دانا رفعت راسها وقالت بهدوء: أنت طيوب وحبوب وعمري مابشوف أنسان مثلك بس عصبـــي وماتتفاهم إذا عصبت وتخوف "وردت تبكي"
فارس حط راسها ع صدره بحنيه: يعني تبيني أترك عني العصبيه وأتفاهم معك وأصير أليف ؟
دانا أبتسمت ع كلمة أليف بس فيصل ما أنتبه لها لأن راسها ع صدره هزت راسها بأيوه ...
فارس: ماطلبتي شي يالغاليه , كلمي شنو بعد اللي تبيني أغيره من سلبياتي؟
دانا سوت حركه طفوليه بريئه: مـدري
فارس: ع قلبي , طيب الحين جا دوري بقول لك شي
دانا: قول
فارس: أنتي قمر ولا عمري بلقى مثلك بس يبي لك عقاب يالضالمه شهر و5 أيام ما أشوفك
دانا: أنت بعد زعلتني وتعبت نفسيتي ونفسية البيبي
فارس باس راسها: آسف وقسم آسف ياحبيبتي أوعدك وعد أني أترك عني العصبيه وأحطك في عيوني أنتي والبيبي بعد آمريني وش تبين
دانا..طاب خاطري نوعاً ما من كلام فارس بس اللي طيب خاطري أكثر شي أنه قال لي آسف الكل يقول أنه مستحيل يقول آسف وأنا بعد لاحظت هالشي أول مره أسمعه يعتذر بهالطريقه ...
فارس: صافي ياعسل ؟
دانا: بتترك العصبيه عشان منو ؟
فارس: عشانك وعشان أولادنا في المستقبل وأهلي وكل حبايبي
دانا: وعشان نفسك بعد
فارس يأيدها: وعشان نفسي بعد
دانا ضمته وهي تبكي: وربي أحبك يادب
فارس ضمها أكثر بحب: وأنا أموت فاللي تحبني
من الصباح راحت دانا تسلم ع الكل وهم يفطرون وقالت لهم أنها بتروح شقتها ...
رزان وهي توصلها للباب: يعني أتطمن رجعت المياه لمجاريها ؟
دانا ببتسامه: تطمني
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
]]بعد 6شهور[[ ...
دانا في الشهر التاسع هي مع رزان وكل وحد بالموت تمشي ودبتها قدامها .. كانت دانا راكبه غرفة ملاك وطوالي جلست جنبها وملاك ماحست لها ...
دانا لا إرادي عطت ملاك كفففففففففف خلاها تنتبه للي حولها , دانا صرخت: شنو هذا
ملاك بكت: وليه تضربيني
دانا: تبين لي أصفق لك أمي ربتنا كلنا من كبيرنا لصغيرنا لا أنا ولا عهد ومها ولا حتى غلا أنحرفو وكلمو شباب ع آخر عمرنا تطلع لنا وحده تكلم شباب !!
ملاك: ماحد له دخل فيني
دانا: أنتي قلتي محد له دخل فيك لكن مالي شغل فيك وعسى بابا وفيصل يذبحونك لكن أنا ماراح أتدخل أوكي
عهد اللي توها عروس دخلت تسلم ع ملاك: هلا ملوك حبيبتي
ملاك: أففف وش تبووووون
مها دخلت ع صوت صراخ ملاك: وش هالغرور أختك جايه من شقتها وزوجها ينتظرها بس عشان تسلم عليك تعاملينها بهالطريقه ؟! عهد بالذات مفترض أنك تحترمينها تسولف معاك وتجلس معاك ومعامله ولا أحلى تعاملك وش تبين أكثر .. لو بتصارخين علينا أنا ودانا يمكن أعذرك بس عهد الهادئه مالك عذر
ملاك: طعووو عني كلكم ما أبيكم
عهد ومها نزلو وهم معصبين في ملاك ...
فيصل: مهوي تعالي غيري لولدك
مها: جيبه يعلني أشوفك تغير لولدك
رزان: وأنت ماتحمله أبد
فيصل: صغير أخاف عليه إذا حملته يتوجع ولا شي
مها: بنشوف إذا ماحملت ولدك
فيصل: ههههههه طيب أسامه يحمله ؟
مها: أكيد
نزلت ملاك وخواتها يناظرونها بعتب زعلانين منها ...
فيصل: ملاك عطيني لابتوبك لحظه .. دانا جيبي الفلاش اللي عطاك وياها فارس
دانا: غريبه عندي فلاشين مدري الفلاش الثانيه حق شنو
فيصل: عادي عطيني وياهم ثنتينهم
دانا: تفضل
فيصل: ملاك جيبي لي الماوس ما أحب أتعامل مع الماوس حق الاب
ملاك: طيب
فيصل: لا حول لوعو كبدي صاحباتك بسجل خروجك طيب
ملاك نطت بسرعه وقفلت المحادثات وسجلت خروج من المسن: خد راحتك
فيصل فتح الفلاش ومسك الماوس بقوه لدرجة أنها تكسرت في يده ودخل المجلس ونادى ملاك ...
ملاك بخوف: هلا فيصل
فيصل وهو كعادته يحاول يكون هادئ: شنو هذا ؟
ملاك: فيصل أنت فاهم غلـ....
فيصل: هذي نهاية الثقه هذي المكافئه حق الابتوب الجديد والطلبات اللي تطلبينها والكل يقول لك لبيك ومن عيوني
ملاك سكتت ودموعها تطيح ...
فيصل: واللـــــــه ياملاك بأمكاني أقول لأبوي عن بلاويك وإذا تبين أمي
ملاك وهي تبكي: لا فيصل خلاص والله والله ماعاد أكلم شباب ولا عاد ............
فيصل: ماني جبان ولا غشيم بهالسوالف وأعتقدك تعرفين النت أكثر مني .. الشباب يتباهووون ويتنافسووون بعدد البنات اللي يكلمونهم , يرضيك يوم من الأيام حد يقول بنت ناصر الـ***** تكلم شاب في مابيقولون ملاك لكن بيقولون بنت الـ***** , حتى أولادي وأولاد أختك بتأثرين ع سمعتهم .. هذا اللي عرفته عنك الله يستر من اللي ما أعرفه
ملاك: صدقني فيصل
فيصل: ولك عين تتكلمين !! وقسسسم ياملاك أني مو غافل عنك وهذا هو الابتوب عندك ماباخده بس أعرفي أنك طحتي من عيني مو ملاك المؤدبه اللي كنت منخدع فيها
ملاك: أوعدك أني أثبت لك العكس
فيصل: والله والله أنك مابتاخدبن راحتك زي قبل حتى أسرار صديقاتك باشاركك فيها لأنك الظاهر مو وجه الواحد يعطيك ثقه و ع فكره ترى الابتوب يسجل كللللللل شي تسوينه فيه وحتى الجوال وبشوف أنا "طلع الصاله"
فيصل بتنهيده: وين رزان ؟
عهد: في دورة المياه
فيصل عرف أنها أستفرغت كل اللي في بطنها كالعاده: بعد
مها: لا يفوتك دانوه شافتها ووراها
فيصل: يااااااربي متى يولدون بس ع قلبي يتعبون كثير
مها: عشان تحس لقيمة أمي
فيصل: ماقصرت الغاليه , يلا بروح أشوفهم
مها: أنتبه لا تكلملها أنت وتستفرغ لنا وراهم
فيصل: هههههه تعودت ع هالمناظر "مشى لدورة المياه دعم كتفه في كتف ملاك ناظرها بستخفاف وكمل طريقه .. دخل المجلس ناظرهم وهم جالسين ع الكنب وأرقابهم منحنيه من التعب"
فضيله وهي جايبه لهم العصير: الله يقومكم بالسلامه ياربي
رزان شافت فيصل وبكت: خلاص تعبت مو قادره متى ياربي بولد
فضيله: ياحبيبتي إن شاء الله بتولدون بالسلامه
دانا: زهقت كيف اللي يقولون يحملون 10أشهر
فيصل: إذا ولدت وحده قبل الثانيه ؟
رزان: تكفوون إذا دانوه ولدت قبلي لاتقولون لي بتحطم
دانا: وأنا بعد إذا ولدت رزانو قبلي لاتقولون لي
رزان: اللي باط كبدي أن شكلنا كذا في زواج عهود وفهود ماقمنا ولا سوينا شي حالنا حال العجايز
دانا: اللي باط كبدي أكثر اللي يقولون لنا قومو أرقصو شلون نرقص يبونا بدل مانهز خصر نهز كرووووش
فيصل: ههههه والله مو بس أنتو اللي عانيتو حتى أنا طول الوقت يدي ع قلبي خايف لا ترقصون ولا تتعبون
فضيله: أي والله حسيت أنك معانا كل شوي تتصل لاترقصون هااا وتسألني أخبارهم
مها اللي توها وصلت: يلا هانت إن شاء الله يولدون بالسلامه "في نفس الوقت رزان أستأذنت وراحت شقتها ودانا مرها فارس والباقي جلسو يسولفون"
فيصل: تخيلي رحت لرزان الصاله ليلة الزواج بوديها تسلم ع أخوها في شقته وتزفه عطتني هديتي قبل نوصل وما رحنا
مها: ههههه الله يعينها ناس كثير ويا الحمل يصير عندهم أستفراغ بزياده
فيصل: مو قادر حتى الدوام مو قادر أداوم طول الوقت بالي مشغول وأحاتي
مها: الله يعين رزون طلع حملها متعب مثل أمها "ناظرت عهد: الله يستر عليك أنتي
عهد: لالالا لاتقولين إن شاء الله سهاله
فضيله: ترى ينعدون من بعض دانا ماشاء الله تتعب بس ماتستفرغ بس إذا أستفرغت رزون قدامها ماتقدر تشاركها وجدانياً
فيصل: الله يعين يلا أستأذن بروح أشوف رزون
الكل: أذنك معك
فيصل: لاتنسوون عهود سلمي لي ع فهد وأنتي مهوي سلمي لي ع أسامه "راح للصغنون: ياقلب خاااله إن شاء الله مرتي تجيب واحد يشبهه
مها: ههههه إن شاء الله بس مو دلوع ويسهركم طول الليل مثله عاد أنا حالتي صعبه معاهم ينام لي واحد ويصحى الثاني , دانيال يبكي أصبر وأسهر معاه لين ماينام بس ريانوه يفهم من يصحى وأنا بنام طوالي أقوله ينام أو ينزل تحت
فيصل: ههههههههه زين ريانوه كبر يتصرف "كمل سوالف وركب شقتهم لقى رزان ممدده ع الكنبه"
رزان: هلا والله
فيصل راح باسها: هلا وغلا صرتي أحسن؟
رزان وهي تعتدل في جلستها وتجلس جلسة الحوامل المعتاده بطنها قدامها وظهرها مسنود للكنبه وصدرها يرتفع وينزل وهي تتنفس: الحمد لله"ضربت فيصل ع فخده وقام ركض وجاب السله لعندها وأستفرغت كل اللي في بطنها"
فيصل وهو يساعدها وهي طالعه من دورة المياه: صحه صحه حبيبتي
رزان بكت: وش أسوي ياربي ولا شي يضل في بطني
فيصل حط يده ع صدرها يهدأها: ماعليه غناتي هانت نهاية الشهر إن شاء الله نشيل البيبي بين يدينا , ليه ما أرتحتي ع السرير
رزان نزلت راسها: ما أعرف أركب السرير وأنت مو معي
فيصل وهو يتذكر: أووووووه حبيبي سامحيني وقسسم نسيت "حملها وركبها ع سريرهم العالي وجلس جنبها يهدأها"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 11:12م في الممشى ع الكورنيش // كانو دانا وفارس يمشوون عشان دانا قربت ولادتها ...
دانا: شعور حلوو أني أقدر أجيب توئم بس يلا ماربي كاتب عمر للثاني
فارس: الحمد لله ع كل حال , أنا خفت أني أفقدكم بس ربك كريم إن شاء الله هالشي فيه خير لنا
دانا: ع الله أولد بالسلامه , مدري كيف بداية حملي تعب وفي السابع نزلت الجنين اللي مات في بطني
فارس: يلا هانت إن شاء الله الخير في اللي بقى
دانا: إن شاء "مرت قطه جنب رجلينها وصرخت: يمآآآآآآآآآآآآآآآآآآآآآآ
فارس: يااربي دانا لاتروعين نفسك غلاي
دانا جلست ع الكرسي: بطني فارس
فارس جلس جنبها وهو خايف عليها من الروعه: أشربي مويه لا تروعين نفسك
دانا شربت المويه: صدقني فارس مو طبيعي الألم
فارس وهو يضحك: يعني بتولدين قومي قومي "ركبو السياره ودانا تصارخ"
دانا بصراخ: يااااااااااااااااويلي يااااااااربــــــي آآآه
فارس: ماعليه ماعليه غناتي أهدأي قربنا نوصل أهدي مو عارف أمسك الدركسون
دانا تسولف إذا راح عنها الألم وإذا رجع جا تصرخ في نص السالفه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

ربي أراد وولدت رزان الليل ودانا يوم ثاني الصباح يعني ناصر صار أكبر من جاد بيوم .. بعد شهر رزان ركبت شقتها وصارت تنزل وقت جية الحريم // الساعه 11:30م بعد ماطلعو الحريم ورزان حدها متضايقه أستأذنت وركبت وناصر الصغنون مع فضيله والبنات تحت ...
فيصل دخل ورزان مفزعه الدنيا: أووووب أووووب من مزعل أم نصور
رزان: أهئ أهئ تخيل فيصل
فيصل: شنو غناتي وش صاير ؟
رزان: تخيل أهئ أهئ أنا أنا
فيصل: وش فيييييييييك حبيبتي تكلمي
رزان: تخيل أهئ أنا حا أهئ مل
فيصل شق الحلق وضمها: ياااااااااااااابعدي والله أم نصور فديتك مبروووك
رزان بعدت عنه وهي معصبه: أهئ شنو اللي أهئ مبرووك أنا ماصدقت أولد ع كل هالتعب اللي تعبته أرد أحمل
فيصل: أستغفر الله اللهم لا أعتراض , هذي كتبة ربك حبيبتي "قال بمرح: وش عليييييييك تونا صغااار جيبي هذا وبعد عشره مثله ونربيهم أحسن تربيه
رزان قامت عنه وهي معصبه ضربته ع صدره بخفه: أبيك عون صرت فرعون
فيصل راح جنبها: ياااربي رزانوه لاتفكرين هالتفكير هالشي بيد الله ناس يتمنون أولاد ربي مو كاتب لهم أحنا تجينا النعمه لعندنا ونرفسها ؟
رزان: .....................
فيصل: أنا بساعدك وعد بس لاتعيدين هالكلام تزعليني منك
رزان: مو القصد بس تمنيت أرتاح بعد ما أجيب ناصر
فيصل: الحمد لله أنتي قمتي لي بالسلامه وناصر قرة عيننا بطلعته سالم وأخوه إن شاء الله في الطريق , الحمد لله حالنا ميسور ونقدر نصرف ع عشره أولاد والله يعطينا العافيه ونربيهم أحسن تربيه
رزان هزت راسها تأيد كلامه وقامت فسخت البلوزه المفتوحه لأنها كانت تحت ومثل ماتعرفون لازم يكون لبسها محتشم , ظلت عليها بلوزتها نزلت راسها تعدلها ماأنتبهت لنفسها إلا فووووق في الهواء ...
فيصل وهي يركض بها: تعيدين هالكلام أرميك من الشباك
رزان وهي تضحك: فصآااااالووو يلا عاااد نزلني
فيصل: دوري لك حد يفكك مني ماراح أنزلك
رزان وهي تعلق يدينها في رقبته طاحت مساكتها وأتناثر شعرها وصار يتحرك يمين ويسار وفيصل يركض بها لقتها حجه قالت: طيب بس بلم شعري
فيصل رفعها فووووق وهي متعلقه في رقبته تصارخ: فصالوووو يادبدوب البيبي
فيصل نزلها وهو يضحك ضرب ع راسه: صح البيبي نسيييييييييته , بس تصدقين أنك ذكيه لقيتي لك حد يفكك مني
رزان مسحت ع بطنها وهي سانده راسها ع كتف فيصل: الله لايحرمني منكم أنت ونصور والبيبي
فيصل: ولا يحرمنا منك "قال وهو مبتسم: تصدقين مسرع ماكونا عائله
رزان ضربته: هههههه دب كله منك
فيصل: وأنتي بعد منك محد قال لك تصيرين حلووه
رزان: تخيل فيصل بولد ونصور مابعد يكمل السنه بيصير عمر 10شهور
فيصل: يسوون عصابه جاد ولد دانا ودانيال ولد مها ونصور وعبد العزيز .. لا إله إلا الله عصااابه
رزان: ماشاء الله , بس مين يطلع عبد العزيز لايكون عهد حامل وأنا ماعندي خبر؟
فيصل: لالالا عهد تعبانه ماشكلها حامل شكلها معاها الـ*****
رزان: أيه صح معاها "ضربته بمزح: وأنت يادب وش عرفك ؟
فيصل: ههههه مدري أشوفها مسكينه تعبانه وفيها مناكير
رزان: ياخطييييييييييير طيب ومين يطلع عبد العزيز
فيصل مسح ع بطنها: هذا هو عبد العزيز
رزان: أممممـ حلوو ع أسم بابا وإذا بنت ؟
فيصل: أمممممـ فكري معاي
رزان: ورد
فيصل: بل وش هالكرم ورد ورده وحده تكفي
رزان: أنتهت موضة الورده الحين موضة الورد
فيصل: ههههههه خلاص حلوو
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

~>ليست النهآيه ولكن ..

لي عوده مع نهاية كل بطل من أبطالنا ...
.
.
.
.:دانهـ العشآق22:.

النهــــــــــــــآآيهـ // مابعد النهايهـ ..
*نبدأ بفضيله .. الأم الحنونه المتفاهمه مع أولادها وعلاقتها الحلوه مع طالباتها اللي كانت السبب في نجاح بنت ورغبتها في الدراسه وقامت بدور الأم والعمه والخاله في حياة رزان بعد فقدها لأمها بصراحه أمنيه أن كل أم تصير صديقه لبنتها مثلها ...
.
.
فضيله: أحيي كل بنت تنمي مواهبها .. وتكون طموحه ومخططه لمستقبلها .. وترضي ربها ووالدينها .. وتكون عنصر فعال في المجتمع .. وتصل إلى القمه بمجهودها وترفتع راس أهلها وكل اللي يعزونها ويتمنون لها الخير .. وتبني لها مسكن لآخرتها وماتفكر فقط في الدنيا .. وماتكون مثل ريشه وين مايجيها الهواء يطيرها ...
..
فضيله وهي تناظر عهد اللي لابسه بلوزه علاقي ع الرقبه وفوقها جاكيت صوفي مفتوح ودبتها قدامها .. قالت: عهوووود أنتي تتدفين وولدنا لأ وش هالغش
ريهام بتأييد وهي تسكر جاكيتها: صح عهود دفي ولدنا
عهد وهي تبتسم: ماحب تبين دبتي أحس شكلي غلط
عبد العزيز وهو راجع من برا وسمع جملتها الأخيره: تولدين بالسلامه يابابا "أشر ع اصناديق الفواكه اللي وداهم المطبخ: هذا أفكادو وسفرجل نادرين الوجود دورتهم دواره بس عشانهم زينين للحوامل عاد ما أوصيك أكلي منه
عهد: تسلم ياخالي الله لا يخلينا منك
ناصر دخل بعد عبد العزيز بفتره ومعاه صناديق سفرجل وأفكادو أشر عليهم: هذول أكلي منهم ياعهد تراهم زينين
الكل: هههههههههههههههههه
ناصر ؟؟؟: وش فيكم ؟
ريهام: خلاص أرحمونا بنخصص ثلاجه للسفرجل والأفكادو كلكم ماتجون من برا إلا مع كراتين ترى مو لصالحكم عهود تصير دبه !!
الكل: هههههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*مها وأسامه حياتهم ولا أحلى مع ريان ودانيال رغم عصبية أسامه لكن مها بطريقتها قدرت تتفاهم مع أسامه وتخفف من عصبيته ...
.
.
مها: كلن له طبعه .. وأسامه حبيبي وأبو أولادي أحبه بكل أطباعه .. من رايي العصبيه تتعالج بالهدوء .. أحياناً لمن أسكت أو أقول جزاك الله خير أسامه يقول لي آسف ولو أنه ناذراً مايعتذر إذا كان معصب لكن كسبته بذكائي .. بعكس لمن أتهاوش معه أفتح باب مسكر وأنا تتعب نفسيته وهو تتعب نفسيته ...
أسامه: شسوي بعد جابت راسي وأدبتني .. أحبــــــــــــــها ربي لايحرمني منها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*فيصل ورزان -->>لاتعليق // أمزح بقول .. حبو بعض من لمن كانو صغار وحققو حلمهم وتزوجو .. فيصل اللي كانت رزان بالنسبه له كل حياته وقف معاها في موت أمها وواسها وبين لها أن الله مثل ماياخد يعطي وساعدها في تعبها لمن حلمت بناصر وورد .. ورزان حبها لفيصل مايقل عن حب فيصل لها تحبه وتعشقه وتخدمه بعيونها .. واليوم فيصل ورزان يعيشون الحياه بحلوها ومرها مع بعض وماليين عليهم حياتهم ناصر وورد ...
.
.
رزان: بوجود فيصل طعم حياتي يكون حلو .. والمشاكل يصير لها طعم ثاني .. وكل مشكله نحلها مع بعض ويكبر حبنا رغم كل المشاكل ومصاعب الحياه .. رغم وفاة خالتي وأمي الله يرحمهم قدام عيوني لكني لقيت الشخص اللي يحافظ علي ويحميني ويفديني بروحه .. صرت ما أبخل عليه بشي أساعده وأخدمه بعيوني بدون لا يتكلم أحس له وأنفذ كل طلباته ...
فيصل: يارزون ياحبيبتي شعور متبادل .. أنا ورزان قلبين في نبض واحد .. نكمل بعض .. ما أتخيل حياتي بدونها ربي لا يحرمني منها ...
...
رزان: فيصصصصصصل تعال
فيصل وهو جاي لها: هلا
رزان: وأنت يعني ما تعرف تمسك واحد من أولادك أقلاً بس وأنا أشتغل
فيصل وهو منزل راسه: شسوي ما أقدر أشوفك في النهار وبذات في رمضان
رزان: أقوووول خد بنتك وروح أنا وحده أرضع ومو ناقصه أصوم شهرين كفاره
فيصل لف شاف رزان ترفع شعرها قال وهو منزل راسه عشان لايصير شي لايحمد عقباه: اللهم أني صائم اللهم أني صائم
فضيله قالت لفيصل اللي قريب يصدمها وهو نازل من السلم: فيصل فيصل درينا أنك صائم قوم بس حرك نفسك نادي رزان
فيصل: يماا عاد فهمي معاناتي لو أركب لها مابنزل لكم
فضيله أنحرجت ضربت فيصل: أعقل هاااا "نادت نصور الصغنون: نصووووري عمري
ناصر الصغنون وهو يركض وضحكاته تملي المكان هرب عنها ...
ناصر أبو فيصل ع باله أن فضيله تناديه قال ببراءه: نعم حياتي
فيصل يناظر خواته اللي توهم جالسين: هههههههههههههههههههه طلع رومنسي الوالد
الكل: ههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*دانا وفارس .. حبيت أحيركم في البدايه مع دانا وميولها لراشد مدري بس حسيت أن البنت تتأثر باللي حولها ودانا كان أخوها يحب بنت خالها وأختها تحب ولد خالها فكانت تشوف قدامها ولد خالتها وكان تخمين من طفله اللي هي غلا إن راشد راح ياخد دانا .. لكن الحياه قسمه ونصيب ودانا خدت فارس ورغم كل المشاكل اللي صارت في البدايه لكن حبهم كان أقوى من كل شي والمشكله الأخيره كانت سبب في هدوء فارس من بعد عصبيته بمعنى أصح رب ضارةً نافعه .. ولا زالو دانا وفارس يعيشون الحياه بمرها وحلوها سوا ومالي عليهم حياتهم ولدهم الوحيد جاد .. وعلاقتة دانا ببنت خالها رزان اللي حتى في الحمل والولاده الأولى لرزان وافقتها فيهاا وعسى الله لايفرقهم ...
.
.
دانا: حليت مشكلتي ياقاتل يامقتول أنا حلفت قلت لو ما أخلي فرووس يترك عنه هالعصبيه ما أكون دانا .. الحمد لله أمنيتي تحققت وفارس هدأ كثيييييييير بعكس أول ماتزوجنا .. صحيح عانيت من عصبية فارس والمشاكل اللي صارت لكن ربي جعل لي بعد عسر يسر والحمد لله ...
فارس: أنا فارس يجيبون راسي .. لكن أشهد أن الغاليه غيرتني حتى ناس يقولو لي مسحور خخخ .. صرت بااااارد ومتفاهم والكل لاحض .. يلا محلاها كل واحد يكمل الثاني .. عسى الله لايفرقنا ...
...
دانا وهي تصارخ ع جاد المتعلق في رجلينها: جاااااااااااااااااااااااد
فارس اللي توه راجع من الدوام: خير خير هالصراخ
دانا: مابقى شي ماحاسه لي مو عارفه أسوي شي
فارس: طيب ليه مانزلتي تحت يساعدونك عليه ؟
دانا: كنت تحت بس خالك جا وجلس في المطبخ وماعرفت أشتغل ركبت أكمل شغلي
فارس أخد جاد: ماعليه حبيبتي أنا راح آخده بطلع معاه الحديقه لين مايأذن
دانا وهي تمسح العرق اللي في جبين فارس: ماتقصر , إذا تعبان خليه
جاد: لالالا ألوح نينه مع بابا
فارس"قرص جاد في خده": يلا مابقى شي ع الأذان بنزل معاه شوي
دانا اللي نست المفاجئه من حوسة جاد: تيب ننتظركم "وهي تغط ع كلمة ننتظركم"
فارس: ليه بتنتظريني تحت ؟
دانا: لا هنا أنا و "مسحت ع بطنها"
فارس والفرحه مو سايعته: يعني يعني دانا أنتي حامل ؟
دانا هزت راسه وهي تشوفه مبسوط ...
فارس: يعني راح يصير عند جاد أخو وأنا بصير أبو مره ثانيه ؟
دانا: ههههه أيه وش فيك فارس ؟
فارس ضمها: عسى ربي يخليكم لي ولا يحرمني منكم
دانا بعدت عنه: فروووس أنا صايمه الليله بنحتفل
فارس: هههههههههههههه "وطلع مع جاد وهو ماوده يطلع"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*عهد وفهد .. عهد اللي حبت فهد في مراهقتها رغم أنه قدام عينها من أيام طفولتها .. وع حلم برئ تزوجو وكانت شخصياتهم متقاربه من بعض الهدوء والخدود الحمرا هع .. لكن مع بعض يعيشون حياتهم ع عكس مايشوفون الناس لأنهم مايبينون مشاعرهم ويحلون مشاكلهم بينهم وحتى لمن حملت عهد ببنتهم مريم مادرو الأهل إلا بالصدفه ومع كذا فحياتهم لها طعم خاص ويعيشون حياتهم بهدوئهم ورومنسيتهم وماليه عليهم حياتهم بنوتتهم اللي جت متأخره وأنتظروها كثير وسموها ع أسم المرحومه مريم ...
عهد: يمكن الكل تعود علي هادئه ومالي دور كثير .. لكني عايشه حياتي مع فهودي عسى ربي يخليه لي .. وماشيه ع قانون أستعينو ع أموركم بالكتمان .. هو الكتمان حلوو بس أحياناً يتعب النفسيه .. لكن إذا حياتي ودنيتي كلها يشاركني همومي فما أحس له داعي حد ثاني يعرف أني متضايقه بذات ع سالفة تأخري في الحمل .. يلا بالكتمان أنحلت المشكله ولا حد درى والحمد لله ...
فهد: أنا وعهد مطبقين قانون كتمان أسرارنا عن الناس .. والحمد لله تعلمت أني أحل مشاكلي بروحي بذات لمن توفت أمي وكبرت المسؤليه علي .. يمكن قبل كان عندي هموم وأشياء أحاتيها وللحين لكن الله كريم وهذا حال الدنيا .. لكن لمن أحس أحد يفهمني ويشاركني هموممي وينحط ع الجرح يبرى أعيش حياتي لحظه بلحظه .. وتتم الحياه في عيوني بطعم متلون ونعيشها بكل ألونها .. عسانا مانعدم أغلى أحبابنا ...
...
فهد وهو يناظر عهد: الحمد لله ع السلامه
عهد وهي لسه تهلوس: أنا ولدت ؟
فهد: أيه حبيبتي ولدتي جبتي لنا مريومه
عهد ناظرت أركان الغرفه: تيب أبي أشوفها
فهد: شفتها تهبل صغنونه الحين هي في الحضانه "أتصل لهم يجيبون مريم وأبتسم لمن دخلت السستر تدف السرير"
عهد ناظرت فهد وردت ناظرت مريم: فهد هذي بنتي ؟
فهد: أيوه ياعيون فهد , قمر مثلك
عهد: عسى ربي يخليكم لي
فهد: ويخليك لنا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*مرام .. اللي سافرت للخارج برغم كذا كانت محافظه ع نفسها وتعرف كيف تتعامل مع الناس في دراستها وبرا .. يمكن ناس كثيرين ينتقدون اللي يدرسون بالخارج بس البنت اللي تحافظ ع نفسها سواء في بلدها أو في الخارج .. المفاجئه أنها نزلت المملكه وتقدم لها واحد من أصحاب عمها كان سفير سعودي محترم .. ووافقت عليه وتزوجو ...
...
مرام..صدمتي محد يتوقعها لمن تقدم لي يونس بغيت أتغطى من الفشله .. لأن صار لي موقف معاه أول سنه لي بالجامعه كانت بلكونة غرفتي التبديل زجاجها عاكس وهو يشوفني وبما أنه محترم قال لي (أسمحي لي بس ترى زجاج غرفتك التبديل عاكس) كنت أبي أختفي ولا ماشافني إلا واحد من البلد وصديق عمي !! يوم تقدم لي صدمــــه ...
يونس وهو يناظر مرام: سرحانه في شنو ؟
مرام: هههههههه تذكرت أول موقف جمعنا
يونس: هههه الحمد لله أني أنا اللي شفتك لو واحد من البريطانيين كان أنبسط لهالمواقف
مرام: اللي يشوفك ما أنبسطت عارفتك زين يوم شبعت من المناظر قلت لي
يونس: ههههههه حرام عليك إن بعض الظن إثم
مع السوالف تغير الموضوع , مرام: باط جبدي الثاني اللي في بطني
يونس أبتسم: بس شعور حلو أن يكون عندنا توئم
مرام: أبي أجهز كل مره مانشوف إلا واحد منهم اللي هو ولد والثاني شنو ولد ولا بنت لهدرجه يستحي مدري تستحي مايبونا نشوفهم
يونس: تدرين أنا أتمنى أنها بنت عشان تروح هي وأخوها بعثه
مرام: هههههههههههههه ماشاء الله من الحين مخطط لمستقبلهم !!
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

*ملاك .. حبيت أنبه ع نقطه أن أحياناً الأهل يغفلون عن البنت في فترة مراهقتها بدون قصد فممكن أنها تنحرف أو تتأثر بصديقاتها .. لكن الحمد لله أهلها أنتبهو لها وهي ع وشك أنها تنحرف فقدرو يتداركون الوضع ويحلون المشكله .. وقريب راح تصير ملاك عروس ع واحد ماتتوقعوه أو يمكن توقعتوه (وائل) ...
.
.
ملاك: مدري شاللي خلاني أروح بهالطريق .. لكن أحس النت يجدب لأشياء غصب عني حتى لو كنت حاطه لي خطوط حمراء ما أتعداها .. لكن الشيطان شاطر شوي شوي ماصحيت لنفسي إلا لمن نبهوني أغلى ماعندي عسى ربي لايحرمني منهم .. نصيحتي أن هالأشياء بتكون مجرد تسليه ودقايق ننبسط فيها وتعدي ممكن أننا ننسها أو نذكرها وننبسط منها أو نتضايق لذكرها .. لكن اللي مثلي راح يكون هالشي عبره له إذا حصل .. تمنيت أموووت مليون مره لمن حسي بالغلط اللي أسويه .. ولليوم وأنا ألوم نفسي ...
...
ملاك..كنت جالسه في غرفتي وحدي متضايقه صحيح أني تركت عني كل هالخرابيط لكن يظل لها أثر سيء يمكن أثبت لأمي وخواتي أني تغيرت .. لكن أخوي فيصل بكره ملكتي وهو للحين ماجا لي يشوفني يسلم علي ببرود .. خايفه أن أخوي لسه شايل بخاطره علي وينظر لي ع أني أنسانه منحرفه ووين ماجاها الهواء يطيرها ...
فيصل فتح باب غرفة ملاك بهدوووء لقاها منسدحه ع السرير ع باله نايمه لف بيسكر الباب نادته ...
ملاك بصوت مغبون: فيصـــــــــل
فيصل: هلا ملوك
ملاك..من زمان ماسمعت أخو يناديني ملوك لا شعوري رحت ضميته هذا أخوي الوحيد أبيه يرضى عني وفكرته تتغير عني ...
فيصل المستغرب من ردة فعل ملاك: ملوك حبيبتي وش فيك ؟
ملاك لاحياة لمن تنادي كل ماتكلم تتمسك فيه أكثر ولا هي راضيه يبعد عنها كانت تردد كلمات فيصل مايفهمها ...
بعد نص ساعه وفيصل يحاول يهدأ ملاك ويفهم منها السالفه وهي تبكي , فيصل رفع راسها عن كتفه: ملوك روحي دورة المياه غسلي وجهك وأهدي وتعالي فهميني وش صاير لك
ملاك هزت راسها وسوت اللي قال لها عليه فيصل .. رجعت وبيدها إكلينكس وتمسح دموعها اللي تطيح ع خدها لا إرادي ...
فيصل: ملوووووووك خوفتيني وش صاير
ملاك وهي تشهق في البكي: فيصل أنا آسفه
فيصل: ع شنو ؟ !!
ملاك: عارفه أنك شايل في قلبك علي وودك ربي ياخد روحي ويفكك مني و .........
فيصل قاطعها: بل بل بل .. أنا مو حقود لهدرجه , ع شنو كل هذا ؟
ملاك نزلت راسها: عشاني كنت قبل أ................
فيصل قاطعها: أنتي قلتيها قبل , وأنتي شاللي مبكيك الحين ؟
ملاك وهي تبكي: لأني أشوفك تصد عني وتعطيني نظرات تكرهني في نفسي أكثر وإذا تناقشتو في موضوع وطرو الجانب السيء منه تناظرني .. حتى نصور وورد لمن آخدهم طوالي تجي تاخدهم مني كأنك تقول مابي هالنجسه تنجس أولادي .. وإذا طلعنا تعطي الكل إهتمام إلا أنا
فيصل وهو منصدم: أنــــــــــــــــــــــــــــــــــــــــا !!!
ملاك وهي تشهق في البكي: أيوه أنت
فيصل: ملوك وربي مو قصدي ولا فكرت أصلاً في هالأشياء
ملاك: فيصل أنا مو بزر أنا أفهم وأتأثر
فيصل: وربي ملوك مو قصدي هالشي يمكن أنتي تتوهمين عشانك حاطه في بالك هالأشياء ومتوقعتها مني وبعدين هالسالفه مو صايره الأمس أو اليوم هالسالفه مرت عليها سنوات مو غبي أنا عشان أحاسبك ع شي من سنتين أو أكثر
ملاك تأثرت من كلام فيصل وزادت في البكي ...
فيصل: عمري ياملاك ماشلت في قلبي ع وحده من خواتي , حتى لو غلطتي مجرد يتصلح سلوكك أسامحك ليه أنا أنسان وكل أنسان يغلط
ملاك: ..............................-->>قالتله عمرها تبكي ...
فيصل ضربها بمزح: ملكوووو ماعندنا عرايس يبكون
ملاك..تعجبني أبتسامة فيصل أخوي أحس لها معنى , بشرته القمحيه وعيونه العسليه واللي محلي أبتسامته الغمازه اللي في خده ع جهة اليسار وفكه اللي تفصيلته تبين كل أسنانه المرتبه .. غصب عني أبتسمت ...
فيصل اللي تعب يراضيها: هالدلوعه هذي والله مو مصدق أنك كبرتي وبتصيرين عروس طول عمرك بتضلين في عيني دلوعتنا الصغيره , إلا ملكوه طلعتي كل اللي في قلبك ولا في شي بعد شايلته في قلبك ؟
ملاك وهي تشهق: أيه بعد خواتي كلهم لمن أنخطبو جلست معاهم وسولفت لهم عن رجالهم إلا أنا
فيصل قرص خدها: والله أنك تجيبين أفكار مدري من وين , خواتك أزواجهم أصحابي بس وائل ما أختلطت معه كثير علاقتي فيه سطحيه فاللي علي أني سألت عنه مع بابا والله ماحطيت في بالي شي ملوك وش فيك ؟
ملاك ضمته: أحبك يا أحلى أخو في الدنيا
عهد دخلت وملاك ضامه فيصل قالت بطناز: لا حوووووول ملوك تبين تتعودين ع الحضون من الحين
ملاك أنحرجت وبعدت عن فيصل وراحت في تفكيرها وتوترها ومحاتاتها ع اللي راح يصير بكره ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*سيف وحنين .. يمكن بدايتهم غريبه وبذات أن سيف ماقدر يأذي حنين عشانه يحبها وهذي بالناذر تحصل للأسف شبابنا لمن تحصل لهم فرصه أنهم يختلون ببنت بجمال حنين يمكن أن الشيطان يدخل بينهم مع العلم أن (مامن رجل أختلى بمرأه إلا والشيطان ثالثهما) -->>بما معناه , وكانت مجازفه لمن قامت حنين تتواصل مع سيف ولو بالمسجات ممكن أن ولد مثل سيف يتركها لكن الحمد لله تزوجو ورغم المشاكل اللي صارت لهم إلا أنهم قدرو يتغلبون عليها ويعيشون الحياه مع بعض بكل ألوانها مع بناتهم فدك وفداء .. وبنتظار ولي العهد ...
.
.
حنين: مجازفه لمن تواصلت مع سيف بالمسجات سيف قبل الخطوبه أعتبرها لحظة طيش أو لحظة غباء مع أحترامي لنفسي .. صحيح أني ساعدته وكانت نيتي صافيه بس لو حد درى راح أروح فيها .. مدري كيف أنا سويت هالشي لليوم متفاجئه من نفسي .. كان بإمكان ولد مثل سيف أن يساعده رجال أو شيخ ياكثر الرجال الملتزمين والشيوخ .. لكن قلت هالشي عقب ماطاح الفاس في الراس مافكرت في هالشي لحظتها .. الحمد لله اللي صار صار والله جاب العواقب سليمه .. المهم عندي علاقتي الحين مع سيف وبنوتاتنا والبيبي ...
سيف: للحين مو مستوعب اللي صار .. رغم أني تواصلت مع حنين بالمسجات قبل الخطوبه لكني محترمها وأحبها وواثق أنها ماتواصلت مع حد غيري .. بس أحس أن كل شي في حياتي غريب حتى الطريقه اللي حبيت فيها حنين وتزوجتها كل شي غريب .. والمشاكل اللي صارت لنا .. الحمد لله رب العالمين ع النعمه اللي ربي عطاني وياها .. نصيحتي أن مو كل الشباب مثلي وأصابعي ماهي سوا ومو أي ولد يكلم أو يتواصل مع بنت راح يتزوجها مع أحترامي ...
...
حنين وهي تركض وراء فدك وفداء: تعااااااااااااالوووو تغدو وجعتو رااااسي
سيف اللي صحى من النوم ع صوت صراخهم: وش فيكم ؟
فداء راحت وراء حنين: أنااا ماتعبت ماما هذي فدك
فدك: لا أنتي "وقامو يتهاوشون"
حنين: عززز الله ولدت ولاده مبكره من بناتك
سيف: فــــــــدك فدااااااء خلاص
فدك-فداء بصوت واحد: آثفين
سيف: يلا أعتذرو للماما وأخوكم
قامو يسلمون ع حنين ويبوسون راسها , فداء برجتها جلست ع بطن حنين ...
سيف: فدااااااااااءء لا تعورين الماما وأخوك
فداء باست بطن أمها واسها: آثفه أخويي وماما بعد أنا آثفه
حنين ضمت فداء: مقدر عليها هذ عجوز قريييح اللي يشوف هي الكبيره
سيف: تذكرني برانيوه أختي لمن كانت صغيره نفس الحياله والحركات
فداء: تيب ماما يلا حطي الغداء بابا جوعان
حنين-سيف ضحكو ع حيالة فداء: هههههههههههههههههه
سيف: والله وصرتي تتوسطين فيني مثل الرجال اللي يجلسون جنب الشيخ في المجلس ويآكلون الأكل اللي جنب الشيخ كله والناس ع بالهم الشيخ اللي ياكل
حنين: هههه بنتي هذي فيها عرق خفة دم ولقافه غير طبيعي
سيف: فداء خدت رجة رانيوه وفدك خدت هوءك , واللي في بطنك بياخد مغامراتي
حنين: ههههههه لا تكفى بس ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*هدى .. الدخيله في حياة حنين وسيف وحاولت كذا مره أنها تنتقم وتخرب حياتهم لكن حبهم كان فوق كل شي .. للأسف في ناس مثل هدى في مجتمعنا أستغلت كبر أمها وأبوها في السن وصارت تبيع شرفها في وسط بيتهم وتأكل أمها وأبوها من فلوس حرام .. لكن نهايتها أن فضيحتها ع كل لسان ومافي ولد يتزوج بنت مثلها فصارت هدى لعبه في يد اللي مايخافون ربهم أمثالها .. وأمها تسمع كلام الناس لكن ماتصدقهم ...
...
هدى وهي ترتجف: لالالا يما لاتخلينها تدخل
أم هدى ببراءه وع بالها أن صديقة هدى اللي جايه وهو أساساً ولد تعود يقول لأم هدى أنه صديقتها وتدخله غرفتها قالت: يايما البنت من زمان تنتظرك
هدى..ليه أتغلى كذا ولا كذا أنا تعبانه أقلاً أرفه عن نفسي شوي , قالت: خليها تركب لي الغرفه يما
: هلاااااااااا والله باللي تتغلي علينا
هدى ضحكت بمياعه: ههههههههههههه شدعوه بس يالحب النفسيه ماتساعد
: الحين نعدل لك النفسيه وأبو النفسيه
هدى: أول هات ماعندك
: الحين أوريك كل ماعندي "حملها وهدى مبسوطه خلى جسمه داخل البلكونه ويدينه اللي فيها هدى برى وهو ناوي يرميها من الطابق الثاني ...
هدى بخوف: أكيد أنت تمزح صح "هزته: نزلني
: مو أنا اللي وحده مثلك تسرق فلوسي وتاخدني كتسليه وأسكت
هدى..كذا ولا كذا راح أموت لكن مو أنا اللي أموت هالموته وأسكت له ولأشكاله ...
"بحركه منها الولد ماحط حساب لها حطت ثقلها كله ع يدينه لين ما طاح هو معاها من الطابق الثاني .. ماتو وهم غارقين في المعاصي .. ماتو شر موته .. مابقت غير فضيحتهم ع كل لسان لكنهم راحو والفضيحه والفاجعه صارت ع راس أهلهم .. فكو المجتمع منهم لكن فضيحتهم ع كل لسان لكن ربي مايضرب بعصا .. والله لا يجعل في مجتمعنا ناس أمثالهم ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*رانيه وراشد .. رانيه اللي رسمت الإبتسامه ع وجوهنا بضحكها وهبالها وكانت محبوبه عند الكل ولقافتها وصلتها لراشد وع قولها في مثلها المشهور (في اللقافه ثقافه) .. يمكن أحياناً تكون الصدف سبب في جمع قلبين مثل طيحتها في ملكة دانا ودراستها في جده .. ونسيت أقول لكم رانيه وراشد تزوجو وينتظرون ولي العهد ...
.
.
راشد: رغم أني أفتقدت أشياء كثيره من لمن كنت صغير لكن ربي ساعدني وقدرني أني أكون نفسي وأحقق نجاح وأساعد غيري .. وطموحي كان له دور كبير في نجاحي .. ورزقني ربي برانيه اللي عوضتني عن حنان الأم والأبو وقريب راح أصير أبو وراح أربي ولدي أحسن تربيه عشان يصير مثلي وأحسن مني ...
رانيه: لمن أشوف مكانتنا الإجتماعيه أنا وراشد أحمد ربي وفي نفس الوقت أنبسط أن أحنا أتفقنا وباللي نقدر عليه حققنا أكبر نجاح .. والحمل حيل متعبني الله يعينني ويعن راشد ع دلعي ^_^ ...
...
رانيه اللي كانت راجعه من ملكة ملاك وهي معصبه لأن سرقو جوالها ...
راشد وهو يتلثم بشماغه ع شكل رانيه وهي تدعي ع اللي سرقت جوالها كان شكلها يضحك , قال: خلااااص رانيوه مابتعيش المره ع دعواتك
رانيه: خليني أبرد قلبي .. عساها ياربي ماتضل عساها أنفلونزا الخنازير عساها تصدمها سياره ولا تلاقي لها أسعاف "ضربت راشد ع فخده: وأنت مامنك فايده أدعي عليها معاي
راشد يستهبل: أنتظري بس أتوضأ تستجاب الدعوه أحسن
رانيه: والله فيني حره أمبى أعرف من اللي سرقت جوالي
راشد: لاتحرين نفسك أنتي حامل وبعدين جوال بداله ألف بكره رجعتي من الدوام أجيب لك معاي جوال
رانيه: أدري فيك مابتقصر .. بس منقهره كيف هذي سرقت جوالي لهدرجه مافيها ضمير لكن كله من العواين اللي تقول رانيه من خدت راشد وهي كل يوم جوال واللي تقول .....
راشد: الناس ماترحم يارانيه بس ولا يهمك راح آخد لك اللي أحسن منه
"دخلو غرفتهم ومانامو إلا يووووم خلصت رانيه دعواتها ع اللي سرقت جوالها .. شوي إلا يصحى راشد ع صوتها تبكي ...
راشد: بسم الله حبيبتي وش صاير لايكون عشان الجوال ؟
رانيه وهي تبكي: أحس نفسي مختنقه أبي أطلع
راشد وهو نعسان ويجبي قام بدل ملابسه وغسل ع السريع وطلع مع رانيه .. وصلو الكورنيش وقامو يمشون ...
رانيه أشرت ع كرسي فيه شباب: أبي أجلس ع هذاك الكرسي
راشد: أنجنيتي ماطاحت عينك إلا ع هذاك الكرسي ياكثر الكراسي كثراه في الكورنيش خل نجلس ع اللي جنبه
رانيه: مابي مابي أبي هذاك الكرسي روح قومهم
راشد أستسلم وقوم الشباب من الكرسي وجلسو هم شوي وقالت رانيه تعبت وتبي ترجع البيت ...-->>الله يعينه عليها وتولد بالسلامه يارب ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*فتحي ونهى .. يمكن ماتكلمنا عنهم كثير أو أغلبكم مايعرفونهم .. أذكركم أن فتحي ولد أم تركي اللي كان سكانه مرته .. ع رغم أنه هو الرجال إلا أن زوجته متحكمه فيه وحتى ع أهله وكان يحبها بغباء لدرجة أنه كسر خاطر أخته عبير عشان زوجته .. لكن رب العالمين أحياناً يبتلي الأنسان عشان يراجع تصرفاته وينتبه لنفسه فلمن الله عطاهم ولد معاق تحسنت علاقة نهى مع أهل زوجها وأنتبه فتحي من غفلته وأعتذر لأهله وصارت علاقته مثل ما المفروض تكون من زماان وقدرو هو ونهى يتفاهمون بشكل طبيعي ...
...
نهى: لا نتأخر ع موعد الولد
فتحي: إن شاء الله بس تصدقين نهى أحسه يوم عن يوم يتحسن بفضل الله
نهى أبتسمت: الحمد لله
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

*جاسر .. اللي كان الأخو اللي تتمناه كل أخت والولد اللي تتمناه كل أم اللي وقف في وجه الكل عشان أخته .. ولمن قرر يتزوج طلب في زوجته شي واحد (تحب أهله وأمه وأخته بذات) الله رزقه بالزوجه اللي تسعده وسبحان الله ع أنه ماتشرط إلا أنه أخد بنت تقول للقمر قوم وأنا أجلس مكانك يمكن تكون صدمه بالنسبه لكم أن جاسر تزووووج سديييييم ...
.
.
سديم: ع أني عشت حياتي صعبه وأمي وأبوي منفصلين ومات أبوي .. لكن جاسر عوضني عن كل اللي فقدته صار حياتي وروحي وعمري وحبيبي اللي ما أقدر أعيش بدونه ...
جاسر: عمري ماشفت ولا راح أشوف أنسانه بروعة سديم .. حبي لها أكبر من كل شي ...
...
سديم بدلع: جااااااسر جسووووري
جاسر طلع لها من وراء الباب وباسها في خدها: عيووونه قلبـــــه عمـــره
سديم بنفس نبرة الدلع: تقبل الله
جاسر: منا ومنك حياتي , كل عام وأنتي بخير
سديم: وأنت بخير
جاسر جهز محفظته بيعطيها عيديتها طلع من محفضته عديتها وقال: لحظه أول شي راح أعطي أمي
سديم أبتسمت: أكيد لو مافيك خير لجنتك ونارك مستحيل يكون فيك خير لي
جاسر ضمها بحنان: فديت الفاهمه
سديم وهي ع صدره: تصدق جاسر وجودي جنبك أغناني عن أشياااء كثيره .. كنت أسمع البنات يتكلمون عن أبوانهم في العيد وكل يوم .. لكن أنا ماكنت أشوف أبوي إلا يوم العيد .. السنه أبوي ميت ماجا عطاني عيديتي .. ما أتصل قال لي أستعدي بنطلع رحله .. الله يرحمك يابابا ...
جاسر ضمها: الله يرحمه حبيبتي .. أنتي عندك أم بالدنيا
سديم: وهذا اللي مخليني أعيش لليوم لأن أمي ماخده دور الأم والأب في حياتي .. حتى لمن مات أبوي ماتغير علي شي ماكنت أشوفه لكني ذكرته يوم العيد لأنه كان يذكرني في هاليوم بس ...
جاسر أبتسم: وأنا أذكرك في كل يوم
سديم: وأمي بعد
جاسر: سدوووووووووووم قمت أغار من عمتي لا أمنعك عنها
سديم: لا والله .. أنت تعرف أن أمي هي صديقتي وجنتي وناري و......................
جاسر قاطعها ببوسه: وأنا زوجك وحبيبك وكل حياتك
سديم ناظرته بغرور: ياوااااثق
جاسر: ليه مو من حقي أثق ؟
سديم وهي تحط راسها ع صدره وتمسح ع ظهره بيدينها: ياقلبي أكيد من حقك توثق
"بعد دقايق من اللي هم فيه نزلو يسلمون ع الأهل ويتغدون معاهم .. بعدها طلعو راحو عند إيمان يتعشون عندها .. بعد ماطلعو من عند إيمان جاسر أقنع سديم تسلم ع أهل أبوها أقلاً بس تسلم وهو ينتظرها بره"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*عبير .. البنت المتعلقه في أخوها اللي كان أخوها هو صديقها وحياتها كلها .. ع الرغم أن بنت أختها تزوجت قبلها وهي أصغر منها لكن صدرها كان رحب وسبحان الله .. الله عطاها الزوج اللي تتمناه كل بنت ع دين وخلق ومال وجمال يمكن عرفتوه هو عبد الله صديق راشد ...
*عبد الله .. الولد الطيب اللي الكل يحبه فقد زوجته وتأزمت نفسيته وجلس 3سنوات بدون زواج ويمكن مال شوي من الفراغ اللي في قلبه بس كان عنده الأخو والصديق اللي ينصحه ومايرضى له يروح بهالطريق وساعده .. إلى أن الله أراد وزقه ببنت ولا كل البنات (عبير) يمكن لقى صعوبه أنه ينسى خطيبته الله يرحمها وكان ينادي (عبير) في بداية خطوبتهم (سجود) لكن عبير بطيبة قلبها قدرت تكسبه وتخليه مايشوف غيرها ويذكر سجود بالخير ويدعي لها بالرحمه ويعيش أيام حياته مبسوط مع زوجته ومايشوف غيرها ...
...
عبير ودبتها قدامها أستقبلت عبد الله اللي توه جاي من المسجد ...
عبد الله: تسلم لي الغاليه , عيدك مبارك
عبير: من العايدين ياقلبي
عبد الله: هاا أخبارك اليوم ؟
عبير: الحمد لله , تأخرت حبيبي
عبد الله: شسوي عيد وزحمه والشيخ طول في الصلاه وبعدها قرأ أدعيه وأستحيت أطلع من المسجد
عبير: في ميزان أعمالك ياربي , كان نفسي أروح معك قسم النساء لكن سلّم وأنا بدبتي
عبد الله: ههههههه , ترى أتصلو علي ينتظروننا ع الغداء
عبير: وأنا جاهزه بس كنت أنتظرك
عبد الله وهو واقف عند المرايا ينتظرها تخلص: طيب لا تطولين
عبير فاجئت عبد الله ركبت فوق الكرسي اللي قبال التسريحه لين ماوصلت مستوى راس عبد الله وهي تعدل شماغه ...
عبد الله ماتحمل شكلها: هههههههههههههههه عبور أعقلي ههههه عبور لا تطيحين
عبير مسويه نفسها جديه: يلا عاد أوقف مثل الناس لا يخترب شماغك شوي وبخلص
عبد الله: لاتطيحين هههه عبيرووووه مو بايع عمر ولدي
عبير مسويه نفسها سوبر مان تبي تنط وتعرقلت عبد الله مسكها ...
عبد الله: شفتي أنك دبه لو بعدت عنك شوي كان طحتي .. مو صااحيه
عبير: شسوي متعوده ع نفسي رشيقه وجسمي خفيف بس ولدك الله يهديه ع الله بس يرجع جسمي
عبد الله: يارب "قال بسرعه وهو يجلسها ع الكنبه: شوي شوي واجي عبوره مو تتحركين
عبير وهي متروعه: طيب
عبد الله جاب باقة ورد وهو ينفخ من الركض طوالي حطها عند أنف عبير وهو يحركها ...
عبير: عبوووودي بعدها عني
عبد الله برومنسيه: خليها تاخد عبيرها منك
صحاهم من اللي هم فيه صوت الجوال , رد عبد الله وهو منقهر عشان الجوال خرب عليهم الجو: ياخي ماتقدر تفك الناس من خشتك ؟
راشد: هههههههههههههههههههه الظاهر أني متصل في وقت غلط
عبد الله: زين أنك عرفت , أخلص علينا وش تبي
راشد يناقره: كيفك عبووور
عبير اللي تسمعه لأن عبد الله حاط الجوال سبيكر: بخير الحمد لله كيفك وكيف بنت أختي ؟
راشد يناقرها: قلنا عبود أنتي وش دخل خشتك توني مكتشف أن أسمك عبود
عبد الله: ولا حد يزعل مرتي هو فرق حرف واحد
راشد: لا إله إلا الله حتى التدليع يسمعونه مثل بعض حتى الحروف ماقامو يفرقون بينها
عبد الله ضم عبير: لأننا مخلوقين لبعض أنا عبد الله عبود وزوجتي عبير عبوور
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*وافي .. الشاب الطموح اللي يحب دارسته يمكن لاحظت شي في الشباب أنهم يبون حوريه من الجنه ويتشرطون لمن يقررون أنهم يتزوجون ويتعبون أهلهم وهم يدورون لهم عروسه .. لكنه تزوج بنت أقتنع بجمالها وعاش معاها حياه سعيده .. رغم أن مو الكل يحسها بالجمال اللي طلبه وافي لكن سبحان الله هالشي من رب العالمين أنه يوفق بين القلوب ويخلي الزوجه في عيون زوجها غير كل البنات والزوجه بعد تشوف زوجها غير عن كل الأولاد ...
.
.
وافي: قوه حبيبتي
رجاء بتعب: يقويك
وافي جلس جنبها: وش فيك ؟
رجاء: مدري مو قادره أقوم من ع السرير من صحيت أحس بصداع فضييييييييع وحايمه كبدي مو قادره آكل شي
وافي: قومي قومي نروح المستشفى
رجاء تدلعت شوي في النهايه أقنعها وافي وراحو للمستشفى ...
الطبيبه طفشتهم تسأل: طيب ممكن يكون في حمل
وافي: يادكتوره تونا متزوجين ماصار لنا شهر
الطبيبه: نشوف ماراح يضرنا شي تحصل كثير
رجاء: لالا أنا متأكده أني مو حامل بس تعب
الطبيبه: يمكن تكونين حامل من الخطوبه
وافي رفع صبعه في وجه الدكتوره: والله والله ماسوينا شي
رجاء ضحكت ع أنفعال وافي وكأنه بزر في الروضه يبي يقول إجابته: هههههههههههههههه
الدكتوره: هههههه , براحتكم لكن بعض الأدويه تأثر ع الحمل
وافي: حمل وحمل قلنا لك مافيه حمل
في النهايه حطو ع رجاء مغدي وكالعاده عطوها وصفات .. ركب وافي السياره وفي يده كيس الأدويه .. قال: صرتي زينه حبيبتي
رجاء تستهبل: لا لسه أنا رجاء
وافي قرصها في أنفها: هههههههههههه دلوعه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*حور .. من صغرها كانت صاحبة ملاك ولليوم أحلى صداقه أن الصديقات يكونون قلبين بنبض واحد .. رغم أن ملاك أنحرفت شوي إلا أن حور قدرت تحافظ ع نفسها مع أن صديقة روحها ملاك أنحرفت شوي لكن فرحت لصديقتها من كل قلبها لمن أنحلت مشكلتها وقدرو أهلها يحلون الموضوع قبل يكبر الموضوع .. والله حقق أمنيتهم اللي كانو يتمنونها بهبال أنهم يسكنون في بيت واحد وياخدون توائم أو أثنين يقربون لبعض .. ملاك تزوجت وائل أخو رانيه وحور تزوجت ولد خالته محمد وصارو في بيت واحد ملاك في الطابق الأول وحور في الطابق الثاني ...
.
.
حور نزلت شقة ملاك: قوووه مليك
ملاك: يقويك , وين حمودك عنك ؟
حور: ع قلبي هو تعباااان
ملاك: صدقتيه أنتي أكيد يتدلع عليك وأنتي مصدقته
حور: هههههههههههه يالدبه عن جد تعبان تونا راجعين من المستشفى
ملاك: أوووب أووب كل هذا ووائل مايعرف !!
حور: أنا الحمد لله توني تطمنت أنكم عايشين يتهيأ لي حمودي مامرض إلا من محاتاته لكم .. ميتييييييييييين مانسمع لكم ولا صوت ولا نفس
ملاك: ياخي عرسان جدد عندهم أمور لازم يخلصونهم
حور ضربتها ع ظهرها: دبببببببه وخري عني بس بروح لحمودي أبرك لي من مقابل وجهك
ملاك: مررررررره عندي وؤلي القمر وش لي بالنجوم !!
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*أنهار .. البنت المجده اللي كانت موفقه بين دراستها وهوايتها وشغلها في مشغل أمها .. حنونه ع أهلها وحبوبه وحركيه حياتها كلها شغل .. الصدفه جمعتها بموسى في سفرهم رغم أنهم ماحبو بعض قبل الخطوبه ويمكن مافكرو في بعض لكن الله كاتبنهم لبعض .. وأبشركم ترى أنهار حامل ومتنسيه ع موسى من تشوفه تقلب كبدها-->>مسكين ياموسى .. هو ينام في بيتهم وهي تنام في شقتها ...
...
موسى كالعاده أشتاق لأنهار وسوى مغامره وراح شقتها: أحم أحم أنهااري
أنهار اللي كانت جالسه ع الكنبه شافته وأستفرغت كل اللي في بطنها: أطلــــــع برى موسى حرام عليك
موسى طلع وتسند ع الجدار: الله يعينني بس لين ماتولدين "ناداها من وراء الباب كالعاده: كيفك ؟
أنهار: الحمد لله بس يرحم والديك لا تدخل مدري وش ماكل أنت
موسى"شنو اللي وش ماكل توني مفرك أسناني" قال يجاريها ويتطنز ع حضه: ماكل ثوم طال عمرك
أنهار: أيه أنا قلت مره مره الريحه لاتطاق روح فرك أسنانك
موسى تنهد: إن شاء الله
"وتمو ع هالحال لين ماولدت أنهار بالسلامه ورجعت المياه لمجاريها^_^"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
*سمانه وخالد .. سمانه اللي فقدت أمها من صغرها وعاشت في عند مرت أبوها وكانت حياتها ضرب وأهانات وشتايم وكانت تعيش في بيت مايشجعها ع أنها تكون بنت مؤدبه وشاطره ومؤمنه وتخاف ربها كانت تعيش بين أخت منحرفه وأخو خمار ومنحرف لكن سبحان الله , الله ماضيعها .. لقت لها اللي ينصحها وقدرت تتفوق في دراستها .. والصدفه جمعتها بإنسان ولو أنه مايعرفها أشتغل بفلوسها وكون نفسه وفي النهايه تزوجاها بصدفه ماكانت تخطر ع بال حد .. ورغم الصعوبات والمشاكل اللي مرو فيها سمانه وخالد وأبرزها عدم رضا أهل خالد بسمانه وتأخر سمانه في الحمل وكلام الناس إلا أن قدرو يتغلبون ع كل الصعوبات ...
...
خالد قبل يروح العمل راح يبوس بنوتته الصغنونه اللي توها في اللفه: بابا أنا بروح العمل أجيب لك ريال لا تتعبين ماما"الصغنونه قامت تطلع أصوات وتناغي ببراءة الطفوله"
سمانه: خلودي خلودي شوفها تضحك
خالد جلس جنب سمانه وهم يلعبون مع الصغنونه: قمر سمسوم طالعه عليك
سمانه أبتسمت رغم الصعوبات والآلام اللي قاستها في الحمل والولاده إلا أن سعادتها ماتنوصف عشانها قدرت تسعد خالد ...
خالد: يلا حبيبتي أنا رايح الدوام توصيني بشيء؟
سمانه: سلامتك يالغالي دير بالك ع نفسك وأنتبه للطريق
خالد وهو يسمع نصايحها أشر ع عيونه: من عيوووني وأنتي ديري بالك ع نفسك والصغنونه
سمانه..بعد ما طلع خالد ضميت بنتي لصدري عسى ربي يخليهم لي ولا يحرمني منهم هي وأبوها وأخوها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

*شهد وبسام .. حبيت أناقش موضوع فك الخطبه .. ممكن العصبيه وعدم التفكير في عواقبها يفقدك أنسان غالي يمكن يرجع لك ويمكن يروح عنك بدون لا تعتذر له ولا تودعه .. شهد اللي عاشت مع مرت أبوها الطيبه لدرجة السذاجه وكانت سبب لإنحراف بناتها بدون لاتفكر بعواقب طيبتها وتساهلها مع بناتها وهم مراهقات .. شهد رغم أنها أنخطبت صغيره لكن كانت الخطوبه أنقاد لها من الإنحراف وراء خواتها ع الظروف اللي مرت بها وفك خطبتها بسبب غلطة أختها .. يمكن هالشي الكل تضايق وزعل عشانه لكن هالشي زيد إيمان شهد وقربها من ربها أكثر .. بعد رجعة شهد لزوجها والحاله النفسيه اللي صابتها وكرهها للحياه بإرادة بسام وتمسكه في شهد قدر يبني معاها حياه سعيد ويفتح معاها صفحه جديده وينسيها كل اللي شافته من مر في حياتها ...
...
بسام..كنت أسوق السياره مثل مجنون وأقطع الإشارات كان بودي حد يوقفني يقول لي ليه تقطع الإشارات .. كنت أبي أصرخ أقول للعالم كله مرتي بتولد أنا بعد ساعات راح أصير أبو وحبيبتي وزوجتي راح تصير أم ...
,’بالإراده نهدم المستحيل,’
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
راح يوحشوني شخصياتي .. راح يوحشني فيصل وجرئته-->>جب لاتعطيك رزان كف ع عينك .. ورانيه وهبالها وصراخها .. وهنادي وخفة دمها .. وراشد وحبه لشغله .. وعبير وجاسر ومناقرهم مع أم تركي .. والثلاثي المرح اللي في المجمع السكاني رؤى-ريهام-هناي وعروستهم الجديده رانيه اللي كلمت شلتهم وصارو رباعي راح توحشني سهراتهم .. والبنات وحفلاتهم وأسفارهم .. غلا السي أن أن ووكالة الأنباء تبعها .. عهد وفهد وهدوئهم ورومنسيتهم .. رزان وسوالفها وقت حملها .. نسيم وناسا وتجسس ملاك عليهم ههههه ياحليلهم ينعدون من الأبطال .. ملاك وحور وخططهم بعد زواجهم .. راح يوحشوني اللي تابعوني وشجعوني وراح توحشني تعليقاتهم ...
واللي ماذكرتهم يسمحون لي بس دموعي طاحت يعز علي فراقكم ...
أنا يالــي ذايــب فــي هـواهـم.. ~
روحـي مـاتـتـحـمـــل جفـاهـم.. ~
عينـي مـاتـغـمـــــض بـلاهــم.. ~
روحــي مــاتـهــــوى سواهـم.. ~
أنـكتـــب في أسمـــي غلاهـم.. ~
قلمي تعب من وصـف حلاهـم.. ~
الله لا يـحـرمـنـــــــي منهـــم.. ~
:
*
:
*
:
*
شبكة الناصره الثقافيه ..
.
.
.
.:دانهـ العشآق22:.

السلآم عليكم ..
أول شي لن أنساكم ..
*سفيرة الأحلام*
أول وحده ردت علي في أول بارت نزلته وهي بالأساس اللي أقنعتني أنزل روايتي لأني بالبدايه ماكنت متشجعه ..
*أعشق أبي*(الطماعه) ههه أمزح
طلبت مني بارتين وعلى ما أعتقد للحين ماخلصت قراءه
*مجنونه وحلوه*
معاي من أول مانزلت الروايه للنهايه شكر خاص لهاا ..
*أميرة الشوق*
مع سفيره طبعاً هم الثنتين اللي أقنعوني وسوو لي محضر وتهزيء عشاني مارضيت أنزل الروايه وطبعاً وعدتني أميره بتعليق ع كل شخصيه~>أنتظر تعليقك
*أحلى ماخلق ربي*
عندي أحساس يقول أنها تقرب لمجنونه وحلوه ههه يعطيها العافيه تابعت معانا
*حلم لطيف*
لها عوده وبانتظارهاا
*snek*
.
.
أشكركم جميعاً وسوري إذا في حد ما ذكرته ...
~..~..~..~
بالنسبه لروايتي ..
طبعاً هذي مو أول مره أكتب روايه لكن أول مره تصير عندي الجرئه وأنزل .. الروايه اللي كتبتها قبل كذا كانت بنفس العنوان (ذايب في هواهم) كانت جداً بسيطه ونفس الشخصيات بس محدودين ماعجبتني بالمره بصرآحه .. قررت مره ثانيه أكتب روايتي بنفس العنوان كتبت26جزء وصحيت من النوم يوم ثاني لقيت أخوي المتفرغ مفرمت الكومبيوتر [[أحباط]] .. تحبطت عن جد وخلاص قلت ماراح أكتب روايه وتأزمت لكن صديقتي قالت لي فكرتك مره حلوه وحرام عندك موهبه وكذاا ~>هذره طويله لين ما أقتنعت .. بعدين قلت لسفيرة الأحلام وأميرة الشوق أني كتبت روايه ومانزلتها ودلوني ع شبكة الناصره يعطيهم العافيه وأصرو أني أنزل الروايه .. في النهايه نزلتها ^_^ ...
بالنسبه لأشياء داخل الروايه (اللهجه)
اللهجه كانت سعوديه ماتدل ع منطقتنا لأن أساساً الكلام عندنا أختلط من المدارس والجامعات كلامنا صار كوكتيل فحبيت أوحد اللهجه مو لشيء ثاني بس والله والله أعتز ولي كل الفخر بلهجتنا .. وكلامي بعد كوكيتل بس لازم يكون مصلصل وأنعرف أني من البلد هع ...
شي ثاني ..
ماحبيت أدخل في المذاهب وهالأشياء بذات أنها أول روايه لي وحيبت أنشر الروايه بين أهلي وناسي أو بالآحرى ناس من منطقتنا ...
.
.
.
يعطيكم العافيه جميعاً
ونلتقى في روايه ثانيه لكن الصيف الجاي إذا ربي أراد ...

وأي سؤال عندكم أو أي أحد نسيت أتكلم عنه قولو لي هع

تحياتي القلبيه لكم:: .:دانهـ العشآق22:.