غربة الأوطــــــــــــــــــان...

سمو الأميرة حبيت أقولش اني بعد معاودتي قراءة الأجزاء الماضية للرواية
صار عندي حدس ان البقعة الحمراء الموجودة في ذراع السيد فتحي إنما هي
أثر إبرة مخدرات..:huuh: >> خير ياطير
ماعليكم بس حبيت أختبر قوة حدسي :nosweat:
ننتظر ونشوف ..
تحياتي أستاذة ..

تروحي وتجي لينا وإلى أهلك سالمة غانمة
وقلدناك الدعاء والزيارة }}...ومباحة ومبرية الذمة حيبتي
وهالله هالله بنفسك :embarrest::amuse:

تحياتي لك

بالسلامة أميرة
انا بنتظر الروايه تخلص بعدين بقراها
لايصيبني زي ماصابني في رواياتش اللي قبل
ترجعي بالسلامه والله يتقبل

تروحي وترجعي بالسلآمه أميره

قلدناش الدعآء و الزيآره

تروحي وترجعي بالسلامه

زيــآره مقبوولهـ إن شــآء اللهـ

تروحي وترجعي با السلامة

زيارة مقبولة أن شاء الله ^_^

مشكوووورة والله يعطيك الف عافيه

تروحي وترجعي بالسلاامة امور
قلدناش الدعاء والزيارة ,,,

عزيزتي أموره
أني متأكده من جمال هذه الروايه
أحببتُ أن أضيف بصمتي هاهنا
ولي عوده بعد القراءه
تحياتي لكِ

رائعه من جد غلاتوو ذكرتيني بأيام الرياض
خخخخخخ
الله يحفظك ربي يردك بالسلامه
وبنتظار البقيه
تحياتي

تروحي وترجعي بالسـلامة غناتي

_ قلدناش الدعاء والزيارة :embarrest:

ما بقى شي على ما تجي نحن ينطضارك

بانتظاااااااااااااااااااارك سمو الأميرة

مرحبا

عدنا والعود أحمد..

تسلمو من كل مكروه
ما نسيناكم من الدعاء
الله يعودنا وياكم السنه وكل سنه

ما انحرمش منكوو يارب

لا تعليق ... ترقبي :wink: وبتعرفي هل اجابتك صحيحه ام لا..

امواج..فديتش البنر حطيته على شان المتابعين امثالكم.. منوره

الجميـــــــــــــــــــــــــــــــع.. وحشتووووني ... وايد.. مررره... أوي .. كتير .. برشا.. بزاف ..
الجميـــــــــــــــــــــــــع... شكرا .. ميرسي .. ثانكيو.. اريقاااتووو .. كماسامهيدا... شكريااات

اليكم الجديد..
عاد لا احد يقول قصير
13 صفحه الله وكيلكم.. كلما افضى شوي رجعتي من الحرم الظهر بعد غداي اكتب شويات لعيونكم..
تفضلووو..

الساعه كانت 12 الفجر .. سام مو جاينه نوم.. فطلع يتمشى ...

وبين ماهو يتمشى ... سمع صوت في احد الزرانيق .. على مايبدو شبقة جماعه وواحد يستنجد.. ساعه بالأنجليزي : Heeeeeeeeelp me
وساعه بالعربي : ــ ساعدوووووووووني..

ركض سام اتجاه الصوت ..لقى في زرنوق اربعة انفار من العصابه اللي هو فيها يضربو في واحد ضرب مو طبيعي ... هلمجموعة متخصيين يلاحقو الأجانب في اوقات الليل المتأخره و يضربوهم ويبوقو كل شي عندهم... اخذو فلوسه وجواله وكل شي عنده...

من شافهم وهو يسمع الرجال مع كل ضربه يصرخ..:
ــ آآآه .. يالله...

ــ يـــاعلي...

بلا شعور.. سام توجه للي كان يستغيث .. لقاه غايب عن الوعي ..
طلب منهم يوقفو ضرب و يتركوه.. جو بياخذو فلوسه وجواله.. سام نهاهم.. وطلب منهم يخلو هذا هالمره.. استغربو منه وصارو يطالعو بعضهم البعض .. و تركوه وهم مستائين بعد هالضرب كله يطلعو بلا شي ...

سام يتأمل فيه وهو محتار هل يسعفه والا يخليه على حاله..؟!
خايف يخليه و يموت .. هالعصابه ماقصرت فيه ضرب .. انتبه لأيده لقى فيها خلقة خضراء مربوطه ...

صار يحوس فيها ... وترجع به الذكريات اول ما انضم لجون و العصابه .. كان على ايده مثل هالخيط .. بس كان يجهل من وين جاه ولويه هو رابطنه اصلا .. !!

ستيف قصه ورماه عن ايده...
فضوول احتوى سام يعرف سر هالخلقة الخضراء .. فحمل الرجال على ظهره ..

وصار يفكر محتار وين يروح به على شان يسعفه... ان راح لمكان سكنه ويا العصابه يخاف منهم ينقهرو فيه ليش جايب وياك شخص غريب .. لا بعد اللي طقوه توهم....

تذكر ان توم عطاه مفتاح الغرفه اللي يجلس فيها وقت دوامه بالفندق ..
فيها مواد تنظيف و عفايس .. يقدر يقعد فيها اذا بغى من فترة لفتره لزوم شغل سام ...

دخله الغرفه و سدحه على الأرض .. شاف قدامه ديتول .. صار يمسح له جروحه وهو يتأمل ملامح هالرجال يبغى يميز هو من أي بلد.... عرف انه عربي من استغاثته في البدايه ..

... سام يحس نفسه مو في وعيه .. راسه يعوره ذاكرته مشوشه الخلقه اللي كانت على ايده لازمت عقله ولا هي راضيه تفارق تفكيره ..

الذكريات به تعود ,, فجأه ... مثل الحلم وكأنه يشوف روحه مثل هالرجال مضروب و توم شايلنه... زاد الألم في راسه... ترك التفكير و حط راسه ما بين ذراعينه و غفت عيونه..

يوسف بعد ما رتب وضعه وعرف جدوله طلع من الجامعه وترك السيد لأن وراه محاضره...

لما وصل للعماره لقى واحد مرتب شنطته عند رجوله عالأرض و عليه نظاره وماسك فيه ايده كتاب .. من شاف يوسف سلم عليه وسأله..
ــ لو سمحت اخوي في احد في هالعماره اسمه كاظم آل.....
يوسف ابتسم له : ــ ايه زميلي في السكن.. تفضل حياك...

ركب الرجال مع يوسف ... فتح الباب ودخل :
ــ تفضل اخوي حياك..
حبيب كان منسدح في الصاله ,.. ما راح الجامعه .. وحاط على الفلعه خلقه فيها ثلج .. يشيل ويحط فيها عل وعسى تخف ..
سلمو يوسف وصادق
يوسف: ــ اوه.. مارحت الجامعه..!!
حبيب يفتح عيون وحده : ــ عليكوووم السلاااام.... لااا.. تفشل فلعتي و اليوم مو ضروري طنشت... يبغى لي ادلكها اكثر شان تروح..
قعد وهو قاعد بعد ما انتبه للرجال اللي ويا يوسف :
ــ هلا .. مين هذا يوسف ... نسيبك..؟؟
الرجال : ــ انا صادق آل ..... ،، ولد عم كاظم ..
حبيب مستغرب : ــ هلا فيك اخوي.. << ماعنده خبر من كاظم ان عنده ولد عم موجود في الرياض ...

صار ينادي على كاظم وكان في المطبخ ..

طلع وهو ماسك كاس عصير يشرب فيه .. من شاف ولد عمه شرق ..
صادق ابتسم ابتسامه بارده..

يوسف صار يطق على ظهر كاظم .. كاظم يمسح العصير وهو مستاء :
ــ أي خُدا .. يَهْ كياهي .. >> يا ربي .. داويش ..؟؟!!
حبيب يطالع في كاظم على جنب .. ويكلم يوسف:
ــ ضربته بالقوه.. تلاقيه سبك..
يوسف صار يضحك..
كاظم يكلم حبيب : ــ نفسي تحسن الظن فيني في يوم..

صادق : ــ هه.. لا ما سب .. بس متعجب حضرته مني .. ويش داويش ما داويش ... انا جاينك عن حساب من زمان في الرياض وما ادري وين اروح لسكن.. ماعرف احد...
كاظم منفعل : ــ عجييب .. مو عن حساب في الحسا بتدرس.. ويش جيبك الرياض..؟؟
صادق عصب : ــ ويش يعني طرده هي ؟!
حبيب : ــ صلو على محمد ياشباب.. مافيها شي ياجماعه.. الشقه واسعه و غرفتنا تكفي واحد رابع مؤقتا عادي ....
كاظم : ــ انت ما تدري أ....
صادق يقاطعه: ــ ما بقعد ببلاش ترى انا...
ويلتفت لحبيب : ــ رحم الله والديك ماقصرت..
حبيب بأبتسامه مستغربه : ــ ووالديك اخوك.. استريح اكيد تعبان من مشوار الطريق و ...

صادق يشيل قشه ولا كأنه حبيب يتكلم ويدخل الغرفه اللي قدامه على طول وكانت غرفة يوسف
حبيب سكت وصار يطالعه وهو مستغرب من اسلوبه دا..
كاظم بقهر : ــ اففففففف قايل لك انا...
حبيب قام لكاظم وصار يستفسر منه ليش مايبغى ولد عمه وويش فيه ..؟؟

كاظم : ــ بنتعب منه.. فيلسوف .. دودة كتب .. يتدخل في اللي ما له فيه.. ما يعجبه العجب .. والله بيطفر عيوننا..
يوسف و حبيب منذهلين .. ولا عاد حبيب اللي حس روحه ورط روحه من جد اذا كان فعلا هالرجال بهالصفات..

مصطفى راجع من الجامعه صادف في وجهه سيد هادي .. داخل العماره ..
سلمو على بعض..
سيد هادي ابتسم : ــ جديدين في العماره ..؟؟
مصطفى بأبتسامه هاديه : إيه..
سيد هادي يمد ايده مصافحه : ــ هادي آل ...
مصطفى :
ــ هلا فيك سيدنا.. والنعم..
ــ ينعم بحالك..
يحييه ويعرف عن نفسه هو بعد...
سيد هادي : ــ في الشقة اللي تحت؟
مصطفى : ــ ايه..
ابتسم سيد هادي : ــ أهااا .. انت بعد من شقة السلندر
مصطفى ضحك: ــ شفت نوري وهو جايبنه..!
ــ اسمه نوري يعني .. عاشت الأسامي
ــ عاشت ايامك... انتون في أي شقة فوق ..,,؟؟
<< فوق فيه 3 شقق ..
السيد : ــ اللي فوقكم على طول..
مصطفى بعفويه : ــ اهاااا.. شقة المفلوع... حبيب
السيد صار يضحك عليه : ــ ايه .. غربال يغربل شره,, متى طلع من عندكم...؟؟
مصطفى : ــ يعني بعد تقريبا ربع ساعه من جيته ...
السيد : ــ تفضل اخوك حياك
مصطفى : ــ انت اللي تفضل حنا اقرب ..
السيد : ــ تسلم الله يخليك.. ان شالله الجايات اكثر ...

ركب السيد الشقه راح المطبخ لقى حبيب مع كاظم اللي كان يكلم جوال وبالهندي ..
السيد : ــ ويش صاير؟؟؟!!
حبيب بهمس : ــ ســــــالفه تالي اعلمك بها....
ــ ياساتر .. ويش فيها جدته...؟؟؟
<< عرف على طول .. لأن كاظم يتيم أم من صغره.. وجدته ام ابوه الهنديه هي اللي ربته .. فأخذ اللهجه القطيفيه من ابوه و اخوانه من ابوه فصايره ركيكه بعض الشيء بالنسبه للهجة جدته.... اللي كانت لغتها (( الأُردية ))

من بين لغات الهند.. (( اللغة الأُردية أو الأُردو : لغة هندستانية وهي لغة الباكستان الأدبية .. نشأت عن اللغة الهندية الغربية و هي لغة تكثر فيها مفردات فارسية و تركية و عربية .. اضافة لكونها تكتب بالحروف العربية .. و يوجد نسبة كبيرة من الهنود والباكستان الشيعة يتكلمون بهذة اللغة .. ))

السيد صار يسمع المكالمه ويحس روحه ويا حبيب .. طرشان في الزفه.. بس يحسو كاظم منفعل على جدته بعد ماعرف منها انها هي اللي عطت ولد عمه عنوانه بالرياض :
ــ مُجى بَتاؤ .. مين اُس كا ليى كِياكر سَكْتا هون !!؟؟ << قولي لي ويش اقدر .. اسوي له !!؟؟
....
جدته تطلب منه يخليه يسكن وياه...
كاظم بعصبيه :
ــ نهين نهين... يِهْ نا ممكن هي ... << لالا .. مستحيل ..
جدته تصر عليه وتطلب منه يتحمله مايعرف احد.. و تسأله هل تتطمن خلاص بيخليه والا ويش ؟؟؟
كاظم بقهر : ــ مَين صَحيح طَور بر نهين جانتا .. << ما أأكد لش هالشي .. (( ما اضمن لش ))
آخر شي كاظم بأستسلام .. : ــ خُدا حافظ ..
حبيب شلق بوزه : ــ اخيرا .. دا اللي فهمناه.. الله وياش ..
السيد : ــ ههههههه صحيح انك مادري ويش اقول عنك..
حبيب : ــ خوبل بنا ما نلحق نسمع حق نفهم..
كاظم بعد ما انهى المكالمه : ــ شدعوه لو ركزت بتفهم..؟؟؟
حبيب : ــ ايه شعليك يا بلبل .. انجليزي و أردي .. خلف الله عالعربي يالله تفهم..
كاظم : ــ لا تتكلم كلام عجايز وبافهم عليك.. انا لله..
حبيب : ــ الرجل العجوز يسمى بالقطيفي شايب .. بناء على ذلك و تصحيحا للجمله السابقه.. لتصبح.. لا تتكلم كلام شياب ..
كاظم يطالع حبيب على جنب ..
السيد : ــ ها ابو موسى .. ماقلت لينا ويش فيك ..؟؟

كاظم يعلمهم السالفه انه ويا ولد عمه علاقتهم مو اوكي وولد عمه ما ينطاق..

و جدته عور بقلبها لما درت به بيروح الرياض وما يعرف احد فيها ولا يندل .. فعطته عنوانه حق يتكفل به بما انه اول سنه له..

السيد : ــ هدي بالك اخوك.. هونها و تهون.. ان شالله ما يصير الا الخير .. مهما كان دا ضيفنا الحين وواجب نستقبله دام ماعنده احد ولا يعرف احد...الحين وين هو؟؟
يوسف : ــ في غرفتنا ..
كاظم : ــ وويش يسووي على طول اقحتااام ودخل ..
حبيب : ــ خخخ.. اقتحام اخوك اقتحام .. انا قايل العربي حقك ميح..
كاظم : ــ اف .. ويش ميح بعد.. اللي هي ..

كاظم متوجه الى الغرفه لقى صادق منسدح على سرير يوسف ويكلم في شفيق اللي كان يقرض في اظافره ومو داق له خبر ..
ــ تقضيم الأظافر يضر بصحتك؟؟. ليش ماتدري .. كلها ميكروبات .. من اخطر الأنواع.. قرفتني تراك...
كاظم صرخ صرخه :
ــ قووم عن السرير.. ومالك شغل في الرجااال
مراد كان لسا نايم .. من الصرخه فز على طوله وهو متلحف بالشرشف :
ــ وووويش صااااير فيـــــــــــــكم !!
كاظم يلتفت على مراد ويكمل صريخ :
ــ وانت بعد نومتك من البارحه لا صلاة صليت .. شوي وبيجي المغرب
مراد عصب :
ــ هيييييه.. هييييه .. لا تعصب ولا تحمق علي .. وبعدين مالك شغل فيني .. انت مو ربي .. افففف...
ويعود ينسدح ولا هو داق خبر ..
السيد يمسكو كاظم يحاولو يطلعوه من الغرفه ومستغربين حدهم منه .. اول مره يشوفوه بهالعصبية في حياتهم.. متعودين دي 3 سنوات على بروده اللي يحرق اعصابهم..

حبيب يبغى يلطف الجو..:
ــ عاد اخوك ما سألتها ويش البيض المقلي بالهندي..؟؟
يوسف ما قدر عليه صار يضحك ..
السيد اخذ كاظم ودخل وياه الغرفه يهدي فيه ..
حبيب يسولف ويا يوسف :
ــ هالسمستر عجيب .. مافيه شي يريح الخاطر الا انت ياخوك.. كاف عاف .. ما لقينا منك مضره..
يوسف : ــ الله كريم يهديهم ان شالله..
حبيب : ــ في حياتي ماشفت كاظمو كذا.. صراحه يخوف اذا عصب..
يوسف : ــ فلعتك اخوك ..
ــ ويه !!
ــ هههههه صارت بنفسجية ..
حبيب يركض لمراية التسريحة..:
ــ وه.. وه .. لا عاد... غربل الله شري كل مني اعمي .. ماشوف ...

في القطيف .. في مزرعة ابو مجتبى..
ابو مجتبى .. فوق النخله وولده امير يداور في المزرعه .. ماسك العقفه .. وقاعد يضرب في نعال ابوه اللي فصخه تحت قبل لا يركب النخله.. شرحه له تشريح .. قطعه تقطيع..

(( العقفه : اداة من ادوات المزارعين سكين كبيره معقوفه على شكل هلال يستخدموها في حش الأعشاب و النباتات.. ))

انتبه ابو مجتبى لولده ماسك العقفه ويضرب فيها خاف عليه يصوب ايده ويقطع اصابعه..
صار يصرخ فيه.. يتركها.. فصار ينادي :
ــ اميرووو .. حطها.. اححح.. لا تتعور..
امير ابد.. يضحك على تعصيب ابوه ومستمر في الضرب..
ابو مجتبى يحاول ينزل بالسرعه من النخله وهو يسب:
ــ لابوك لا بو امك اللي بلشتني فيك .. اتركها اقول لك..

شان تنفلت رجوله من النخله ويزلح و تتشقق سيقانه من فوق لتحت..
اخذ العقفه من ايد امير .. امير صار يصارخ ويرفس .. وابو مجتبى مو قادر عليه ...
الا بجية ولده محمد:
ــ خير خير ويش صاير ..؟؟؟
ابو مجتبى وهو حده محمق ..
ــ أي خير .. دماميني تشخل ..
ــ ياعلي .. سلامات .. امشي وياي اترك كل شي المستشفى ..

ابو مجتبى قعد على الأرض و صار يرفع سرواله اللي مع النزله ارتفع وانشق شوي منه
و يلف وحده من سيقانه بغترته وهو مره يتمتم بعصبيه وهدوء ..

محمد اخذ امير ركبه السياره و صار يحايل في ابوه يقوم يعقمو له الجرح ويمكن يحتاج للجرح تخييط..

وهم بنص الطريق للمستشفى..
بعد ماعرف محمد سبب هالسالفه اللي صارت لأبوه...
محمد : ــ هانت يبه.. كلها كم شهر وتخلص اوراق امير وياخذوه ان شالله..
ابتسم وهو يكمل كلامه : ــ انا جاي بابشرك.. وظفوني مدرس في دار الرعاية .. اللي باودي امير ليها ان شالله .. باصير قريب منه و اقدر اشوفه بين فتره وفتره .... هانت يايبه بركات محمد وآل محمد... ندبر بس بقايا المبلغ و ان شالله سهاله...

<< محمد تخصصه تربية خاصه... مسار سمعي ... و ناويين هو ويا ابوه يرسلو امير بس يكتمل وياهم المبلغ الى مركز من مراكز الرعايه المتخصصه بهالأمور ..

يتكفلو برعايته و علاجه وتعليمه.. بس ام مجتبى ماتدري لأنها كذا مره كلموها في الموضوع تشابقهم و ما ترضى.. فأذا توفر المبلغ بيحطوها قدام الأمر الواقع..

هو محمد خلص كلامه ... الا بشهقة ابوه ..
انتبه ابو مجتبى لنفسه انه ركب السياره بالسروال والفانيله والوزار اللي يلبسهم وقت شغله..
فتح عيونه:
ــ عَووودْ.. عَودْ عَودْ عَوْد..

محمد وقف مختلع..:
ــ ويش صاااير؟؟؟
ابو مجتبى مره معصب : ــ ويش ماصاااار .. ماتشوفني جاي شلون وياك ..؟؟ فوبي في النخل
محمد :ــ ايه ماعليه مايضر ثياب الشغل دي .. تصوبت وانت تشتغل وحملناك مستشفى.. تتكشخ لويه؟؟
ابو مجتبى مو عارف يتكلم...: ــ أي فياااااااااب شغل. .. أي كشخه.. الله يلعن بليس... فوبي .. فوبي فيه محفظتي .. فلووس الفلووووس..
ــ فلوس...!!! كم يعني؟؟؟ << محمد ماخبره بأبوه يحمل مبالغ كبيره روحته النخل
ــ ابو رمزي .. ابو رمزي اليوم جاب الفلوس
محمد وقف ... وهو مختلع ...
ــ اووووه ... زين زين راجعين...

ابو رمزي واحد من معارفهم الله منعم عليه وقرر ابو مجتبى يتسلف منه مبلغ مو هين.. 10 الاف ريال على شان سالفة امير....

وصلو الزراعه.. نزلو هو ومحمد يركضو للصندقه اللي يريح فيها ابو مجتبى ويحط اغراضه..
ابو مجتبى يركض حافي .. نعاله قصصه امير..

ما انتبه لقوطي معدن مقصوص ومرمي عالأرض .. داس عليه .. وانشق باطن قدمه وزاد الطين بله على رجوله.. الألم ذابحنه.. بس طنش الموضوع من خوفه على ثوبه والمحفظه..

وصلو لقو الثوب مرمي على الأرض .. شاله محمد بسرعه صار يفتش في جيوبه
لقاه فاضي لا الجوال ولا المحفظه ..

ابو مجتبى .. دار راسه..
ــ آآآه.. آآه.. ورمى روحه دايخ..
محمد مره رجوله مو شايلتنه خايف على ابوه..
وامير مفزع الدنيا صريخ في السياره....


بعد حوالي ساعه ...
و ام مجتبى في بيت وحده تمرخها بعد ما دارت بيتين قبلها .. حست بشي يضايقها مو طبيعي.. صارت لا شعوريا تخفف من قوتها ..
المرأه: ــ ويش صاير فيش ..؟؟ تعبتي..!!
ام مجتبى ماترد .. سرحانه في عالم آخر ..
المرأه سكتت عنها .. شوووي وقفت ام مجتبى..
ــ مسامحه غناتي بس اليوم خلاص ماقدر بارجع البيت
المرأه معصبه : ــ ماخذتي الوقت كله.. شلون ادفع لش الحين اني..؟؟
ام مجتبى : ــ ماعليه مايحتاج هالمره لين اجيش مره ثانيه عدل .. اسمحي لي بس لازم ارجع .. من الصبح اني طالعه من بيتنا وولدي مادري به...

.. ابو مجتبى قعدته من النوم بيروح الزراعه لقى فطوره مجهز و ام مجتبى طلعت .. محمد ماكان موجود طلع يراجع اموره للوظيفه.. و امير صاحي من النوم فخاف عليه يخليه لحاله .. فأضطر ياخذه وياه الزراعه,, فصار اللي صار..

وطلعت ام مجتبى ركيض البيت .. وصلت لقت امير يداور في الحوش..
شوي الا تسمع ابو مجتبى يهدر و محمد يهدي فيه..
دخلت عليهم : ــ ويش صاير ويش فيكم..؟؟

ابو مجتبى : ــ ويش صاير يعني .. ويش صااااير.... ويش مطلعنش من غبشة الغباش هااا....؟؟؟
ــ رحت لأم حسنين دهنت راسها مصدع ومرخته .. و لأم علي.. طايحه من درج بيتهم ظهرها يعورها و لأم حسام بتها ماتنام في الليل و كل تهلووس
ابو مجتبى يقاطعها:
ــ ماغيري انا اللي مصدع و طايح و اهلوس وباظل طول عمري اهلوس
ويضرب كفه بفخذه :
ــ آآآه ويلي ويلي
ام مجتبى انتبهت للدم في الوزار
قعدت بالسرعه ومسكت سيقان ابو مجبتى رفعت الوزار وشافت الشقوق..:
ــ وي .. ياعلي .. من وين طايح...؟؟
ابو مجتبى يسحبهم:
ــ خليني بهمي ... يهون هالجرح يهون..رجولي يابسه اصلا مانا قادر احركها..
محمد : ــ صل على محمد يبه.. من القهر تشنجت... هدي بالك..

ام مجتبى مهي عارفه ويش تسوي ابو مجتبى معصب ولا يرد على تساؤلاتها..
محمد لاحظ على امه الأرتباك والخوف .. اخذها وطلع بها برى وعلمها بسالفة البوقه..
ضربت صدرها و صارت تصيح..
ــ ويش بنسوي الحين ياولدي .. من وين بندبرها.. لاحنا استفدنا منها .. و مضطرين نرجعها...
ويش هالنايبه دي .. ولويه ابوك متسلف 10 الاف.. أحد شكى له شي...؟؟؟ هذاني اشتغل وياه واعين واعاون ومستوره .. ماكلين شاربين نايمين.. لويه مااااخذنهم؟؟؟؟

محمد مو عارف ويش يرد.. نسى ان ابوه موصنه لا تدري امه بسالفة السلف لأنها ماتدري المفروض بعد بسالفة امير ....

فصار محمد يرقع الموضوع:..
ــ اماه.. لسياره .. باخذ لي سياره
ــ سيارة ويه ياولدي.. شوف اكي طاحت في راس ابوك..
محمد : ــ ابوي يبغى له مستشفى بس مو راضي يروح .. عاد اماه تصرفي وياه جرحه يبغى له تعقيم ..
راحت ام مجتبى تشوف جروحه وتعالجها له...


عند المدرسة... الثانويه للبنات... بعد انتهاء الدوام..

عبدالأله واقف يستنى اخته وبنات الباص يكتملو... مرت عليه وحده لابسه برقع و مكحله عيونها.. وريحة العطر تفوح على بعد متر.. << متعطره ومتعدله قبل لا تطلع من المدرسه..

هالبنت اسمها... ريماس ... معروفه في المدرسه بالشغب .. وسمعتها مو اوكيه.. وكذا مره تنصاد في الأداره على شان جوال و مجلات و اشرطة وسي ديات اغاني وافلام..
بس لأن ابوها صديق مسؤول في وزارة التعليم .. كلما تكررت انذاراتها و تقرر فصلها .. ترجع بسهولة.. فوق ان ابوها متبرع بمبالغ طائلة لتعديل المدرسه و صيانتها.. فمره صايره الكل بالكل و ماحد يتجرأ يضرها بأي شي ..


توجهت لعبدالأله.. و سالته وهي مسويه روحه مرتبكه:
ــ انت عبدالأله آل ....
عبدالأله منكس راسه للأرض ومستغرب منها .. ويش تبغى دي ؟؟
ــ ايه خيه.. خير ..؟؟
ــ اختك شهربان داخل المدرسه.. باقو عباتها.. و صديقتها ماريا اليوم غايبه .. فتبغاك تجيب ليها عبايه من البيت بالسرعه وبس توصل دق على هالرقم باطلع اني اخذها من عندك...

عبدالأله يدري ان ماريا فعلا غايبه.. بس مو عارف يمشي ويترك البنات...

اخذ الرقم من عند البنيه اللي اصرت عليه يتصل حق يتأكد...
اتصل الا شهربان ترد عليه..
عبدالإله: ــ خيه.. ويش صاير؟؟
ــ باقو عباتي .. وصل البنات اللي ركبو الباص بسرعه وجيب لي عبايه قبل لا تسكر المدرسه..
ــ هذا جوال مين؟؟
ــ جوال البنيه اللي جت لك الحين.. اني لو ماريا هنا شان دبرتني ..
ــ انا لله واذا جبت العبايه.. كيف ادخلها..؟؟
ــ ماعليه بتنتظر البنيه وياي شوي قالت لسواقها يروح عنها... لين تجي اتصل على هالرقم .. تالي نوصلها ..
ــ خير ان شالله.. ربع ساعه اجل وراجع..

ركب عبدالأله الباص .. و اتصل في امه تدبر عباه بسرعه لشهربان على ما يوصل البنات..

سام مع السائحه اللبنانية جويل .. يتمشى وياها في المجمعات المقترح انها تفتح محلها فيه ...
و يتكلم وياها بأريحية تامه .. لدرجة ان جويل بدت توثق فيه وتصدق كل شي يقوله ...

وصل لمحل فاضي خارجي قريب من المجمع :
ــ ها .. شوو رايك بهالمحل.. ممتاز جدا و بيناسب للبوتيك تبعك..؟؟
ــ لكنو خارجي مانو داخل المجمع..
ــ أيه بعرف .. هيك احسن بكتير من المجمعات.. الجاي يدخل محلك أبل المجمع.. المجمعات اغلب الناس تجي فرجه ... قليل اللي عم يشترو... و اجارهن غالي .. و
ــ ممممم الهيأه هيك.. عجبني كتير ... طيب هيدا اللي عالمحل رقم صاحبو..؟؟؟
ــ أيه على مايبدو.. بدك اتصل فيه..؟؟
ــ لأ.. لا تكلف على حالك.. انا اكلمو..
ــ طيب براحتك...
اتصلت على الرقم .. رد عليها واحد .. وكان من افراد العصابة...
ياباني الأصل .. يجيد الأنجليزية.....
فأول ما رد عليها تكلم معاها انجليزي,,, شوي سألها :
ــ هل تتكلمين اليابانيه ... اسهل للتعامل و تكملة الأجرائات.. فأنا لست جيدا في اللغة الأنجليزيه ... و مترجمي الخاص ليس متواجد معي حاليا . ؟؟ ... >> معروف عند اغلب اليابانيين ركاكة الأنجليزية واعتزازهم بلغتهم وعلومهم الخاصه.. كما الحال عند الفرس

جويل ارتبكت ... و اعتذرت منه وسكرت الخط..

سام يراقبها .. ابتسم و اطمأن قلبه انها ماتعرف .. خبره باللبنانين حدهم انجليزي وفرنسي .. وكان متخوف بالمره ان يكون عندها خلفية في اللغة اليابانية..
سألها: ــ شوو..؟؟؟
علمته بالسالفه.. ابتسم ليها...
ــ ياباني... لك شو هالحظ اللي تبعك..
ــ شايف شلوون..
ــ هههههه لا أأصد انو كتير حلوو..
ــ كيف يعني..؟؟
طق على صدره:
ــ محسووبك بيعرف ياباني ... خليني اكلمو هالأ أأ.. واحدد معو موعد..
فتحت جويل عيونها..
ــ تعرف ياباني..؟؟
ابتسم سام : ــ أيه.. انا من متابعين الدراما والأفلام الأسيويه .. بحبها كتير .. فبعرف اتكلم ياباني وكوري ازا بدك كمان.....
ــ ياعيني...
مسك سام الجوال وصار يتصل ... ومن رد عليه زميله .. بدى يفلت كلام ياباني:
ــ مرحبا .. اتصلت بك فتاة منذ قليل ... تريد ان تتفق معك بشأن محلكم هذا المعروض للبيع .. طيب ... اوكي ....
وطلع ورقه وقلم من مخباه وصار يكتب عنوان...
سكر الجوال وعطى جويل الورقه:
ــ وهيدا يا ستي عنوان الزلمه.. تفضلي..
جويل : ــ بتشكرك كتير .. جمايلك على راسي من فوأ
ــ ولوو..
جويل بأرتباك: ــ طيب ممكن اطلب منك طلب .. إزا مافيه كلفه يعني او احراج..
ــ تفضلي ..
ــ يعني اذا مانك مشغول تجي معي على بكره لعند هيدا الياباني من شان تتفاهم معو..
ــ ليش.. ماعندو مترجم.. ؟؟
ارتبكت جويل زياده: ــ ايه .. عندو .. بس بتعرف اللغه اجنبيه وهو معه شركاء في العمل بخاف يعني يغير في الحكي و ينصب علي..
ابتسم سام : ــ بتشكرك..
جويل : ــ على شوو؟؟
ــ على هيدي الثقه اللي عم تمنحيني اياها...
ــ لك انت أدها اخي .. من لما جيت على هون وانت معي و بتساعدني..
ــ مابتخافي انصب عليكي ..<< قالها وهو يغمز..
جويل خجلت : ــ لا .. ولو .. بوثق فيك اكتر من حالي..
ــ بتشكرك مره تانيه.. خلاص اتفأنا على بكره قبل الموعد اللي عطانا اياه بساعه نكون جاهزين ..

في بيت يوسف ..
وداد مع صاحبتها ازدهار ...

ازدهار بنت عمرها 27 سنه .. متوسطة الجمال .. آنسه.. يتيمة ابو من صغرها.... وارثه عنه عماره تصرف على روحها منها.. وساكنه فيها .. في شقه.. جارتها امها في شقه ايضا مع ريل امها واخوانها من امها صغار..
امها من كثر خوفها عليها .. رفضت 3 تقدمو ليها اول ما تخرجت من الثانويه.. بحجة انهم فقارى و داخلين على طمع.. لين مامر بها العمر .. و قربت تعنس..
درست فنون جميله .. و تخرجت من الجامعه.. وفتحت ليها مركز نسائي ||.. كوافير + خياطه + تأجير ملابس + اكسسوارات و هدايا ..||

وهي صديقة وداد من ايام المتوسطه..
وداد : ــ اباموت اني .. وفوق هذا اليوم غايبه بعد.. ونايمه لا شغله ولا عمله قولي تقعد تساعد ..
ــ حرام عليش .. ماغابت الا لأنها مريضه..
ــ مريضة ويه من طاعون.. هذا حنا ايام اللي كنا بنات.. كنا العافيه مانسوي كذا كل شهر .. عرسنا وحملنا وولدنا ماشوف تدحننا..
ــ كل جيل غير وكل جسم غير .. ماريا تتعب بسرعه ما تتحمل..
ــ الا دلاعه و طياحة حظ.. اففف و دي امانيو الفانيه .. اليوم عليها سواي الغدى قولي سوت شي فاني غيره.. من حلاوة طباخها عاد
ــ ويش تبغيها تسوي؟؟
ــ تغسل الثياب..
ــ ثيابهم؟؟
ــ ثياب البيت كله..
ــ تغسلي انتين ثيابها وثياب ولادها ...؟؟
ــ اتخسى الا هي .. خدامتها قالو لش..
ــ عجل كيف تبغيها تغسل ثيابكم..
ــ احنا غير..
ــ واللي يرحم والديش سكتي لو غيري السالفه.. و ارحمي شوي .. الله يرحم والديش
ــ اف منش من صديقة.. ماتخليني اشتكي .. داويش انتين
ــ اففف من حنتش .. الله يساعد ابو محمد عليش بس..
ــ الله يساعدني اني .. ماعمره وقف في صفي ولا عاوني في شي .. بس يتحمق ..
ــ يعاونش على ويه... ضد اخوانه تبغيه..؟؟ يطردهم مثلا ..
ــ اني ماقلت يطردهم.. اف اف والله طقت شبدي..
ــ انا لله.. مايقدر يستأجر ليهم شقه.. لو يبني فوق ..؟؟
ــ خذ لك دي.. لو يقدر .. دخيل الله عدل شوي في بيت ابوه.. والله حاله دي ..
ــ زين اخزي بليس وعدلي هالوجه.. قومي خلني احط لش مكياج ناعم قبل لا اروح.. و ابتسمي عن هالتكشيره.. الحين بيجي رجلش ..
ــ مكياج.. ما يستاهل مايحتاج.. ماني فاضيه .. قالت ويه مكياج.. حق تجيني حومه زياده على حومتي..
ــ الله يغربلش.. زين.. هداش الله.. ترى آخر مره اجيش اذا ماهونتي عن هالحنه والزنه..
ــ زين خلاااص...
ــ قومي طاوعيني ..حق لا احلف ما اجيش..
ــ اف زين..

وقامت وداد تغير ثيابها .. وازدهار فتحت شنطتها تستعد لتعديل وجه وداد البومه..

بعد حوالي ثلث ساعه... رجع عبدالأله المدرسة.. واتصل على الرقم ... ردت شهربان .. و طلعت ريماس تركض تجيب العباه..
جابتها وصارت شهربان تتشكر في ريماس لبست العباه و طلعو لعبدالأله ...

عبدالأله مو عاجبنه شكل ريماس ابدا... ركبت شهربان و طلبت من ريماس تدلي عبدالإله بيتهم..

وصفت له بصوت رخيم و مليان دلع المكان..

عبدالأله مو طايق ومستغرب من اخته شلون تعرف هالأشكال..!!

وهم في الطريق .. طلعت ريماس جوالها..
وراحت المكالمات الصادره .. مالقت رقم عبدالأله ؟؟
راحت المكالمات المستلمه.. ايضا اخر رقم مو عبدالأله.. مو رقم غريب !!

حمقت وصارت في بالها تسب :
ــ الله يلعنش يا شهربانوو البهيمه ،، حذفت الرقم خايفه على اخوها مني بعد كل اللي سويته..
يللا .. اساسا تستاهل المرمطه اللي سويتها فيها... الله يهني القطاوه بعباتها..

ريماس هي اللي باقت عباة شهربان .. استغلت فرصة عدم وجود ماريا وياها.. باقتها وربطتها في كيس ورمتها في الزباله.. وخططت لهذا كله بس على شان تكلم عبدالأله و تاخذ رقمه خصوصا انها ماتحتاج باص و عندها سواق خاص وماليها حجه تطلب رقمه... رمت جوالها في الشنطة وهي ميته قهر..

فتحي .. يحايل في امه تعطيه فلوس:
ــ اماااه .. عاد تكفي..
ــ واني من وينا اجيب لك..؟؟
ــ زين قولي لأخوي عبود.. مفلس انا..
ــ والمحل .. ماتفتحه لويه.. بعد مطاوعينك ومخلينك على كيفك تسويه اللي تبغاه.. فتحته محل قداوه وسكتنا عنك.. بعد تفتح يوم وتسكر 10 .. وتيجيني تبغى فلوس .. مايصير ..
ــ مو قداوه اماه.. لا تفشلينا.. معسل وجراك..
ـــ اللي هو.. فكني ماعندي ولا ريال .. ماعندي الا جمعية بتجي تستلمها المرأه بعد اسبوع..
ــ والله بارجع لش المبلغ بعد اسبوع .. محتاجنهم اماه.. في ضيقه انا مديون.. ترضي ولدش ينسجن؟؟
طقت ام عبدالستار صدرها:
ــ لا .. بسم الله عليك وعلى عمرك.. ويش لك بالديووون ياولدي.. الدين عماة عين..
ــ ويش بتعطيني لو ما بتشوفيني كم شهر..
ــ انا لله وانا اليه لراجعون.. احلف بترجعهم..
ــ قلت لش والله .. قسم بالله..
ــ خلاص زين.. امري لله..
قامت ام عبدالستار تجيب الفلوس.. فتحي لحقها بهدوء يشوفها وين خاشتنهم..
فتحت باب من ابواب كبت ثيابها قديم من ايام المرحوم.. وشالت العفسه اللي في ارضية الكبت ..
ارضية هالكبت مكسوره تنشال لحالها ...تحت الأرضية فيه كيس فيه فلوس و كم قطعة ذهب ...

طلعت فلوس الجمعيه .. فتحي رجع محله يركض .. عطته الفلوس وهي توصي فيه يرجعهم .. قبل الأسبوع الجاي..

اخذهم وقام ليها وباس راسها:
ــ تسلمييييييي يا احلى ماماتووو في العاااالم .. عساش ذخر يا غناااتي يا فتحيه يا ام فتحي..
ــ ايه ههههه دا اللي ماخدينه منك.. بس هدره..
ــ افا عليش بس .. عهد علي بس ارجع الفلوس ويصير عندي مبلغ حليو لأشتري لش ديك المعاضد اللي تلالي على بعد كيلو..
ــ ههههههه يا كافي الشر والضر.. روح بس سهل الله عليك ويسر لك..

وفتحي طالع الا بجية عبدالستار..
فتحي : ــ هلاااااااا اخوك..
ويضرب كتف عبدالستار وهو ماشي ..
عبدالستار مستغرب .. فتحي مايصير بهالرواق الا اذا سكر لو اذا صار عنده فلوس..
وهالوقت ما يتوقعه سكران.. لأن امه صاحيه وموجوده..
ركض لأمه:
ــ عطيتيه فلوووس..؟؟؟!!
ام عبدالستار: ــ داويه.. الناس تسلم.. تقول قواكم الله..
ــ قواش الله اماه.. شحالش ..
ــ ايه.. زينه الحمدلله .. ماني مرتاحه..
ــ خير ويش صاير..؟؟
ــ ولدي الكبير ما برتاح الا اذا شفته مرتاح..
ــ انا لله.. رجعتي تعيدي وتزيدي في نفس الكلام..
ــ دام انك تعرفني باعيد وبازيد لويه ماتريحني من هالأعاده..
ــ خلاص باشتري مسجل وسجلي الكلام و كل ما اجي شغليه..
ــ تسخر .. تسخر على امك يا نحيس
ــ محشومه اماه.. بس انا في ويش وانتين في ويش ..؟؟
ــ ويش فيك..؟؟؟
ــ جاوبيني .. عطيتيه فلوس .. مو؟
ــ ايه عطيته.. متضايق اخوك ومديون و بياخذوه الديّانه للشرطه .. تبغاني اشوف ولدي كذا واسكت..!!
ــ ويش ضمنش انه ما يشدب ..
ام عبدالستار بقهر : ــ عبد الستااار .. وكنك ماتعرف اخوك.. حرام عليك احسن فيه الظن في يوم.. منى عمري اشوفك واقف في صفه.. كل ضده.. مو كفايه عاش طول عمره يتيم و محروم ..
ــ ومو كفايه مستغني عن الدكان له ,.., مو كفايه انا المتحمل و ساكت على اللي اشوفه منه.. يعني انا اللي ماعشت الضيم طول عمري..
ــ تمن عليه بهالدكان اللي عاطنه اياه.. ...؟؟
ــ مو هذا القصد ... بس ..
ــ لا بس ولا شي .. ويش تبغاه يسوي اذا ابوه ما ترك له شي ..
ــ لا اخليه يضيع روحه و اسكت.. خلاص .. مالي شغل في احد..
ودخل عبدالستار غرفته وسكر عليه الباب...

قعد يتذكر ايام طفولته.. لما طلق ابوه البخيل امه.. وتركه عايش وياها..

سنه بالكثير وتزوجت امه واحد ثاني على قد حاله.. ما ينكر انه اعتنى فيه و داراه وماعمره قسى عليه جاب وداد مرت حسن و فتحي .. وقتها توفى ابوه اللي ماخلف من مرته الثانيه وقبل لا يتوفى طلقها .. فترك الحلال كله الى عبدالستار .. بعد سنوات من الحرمان...

ورث من ابوه محلين و عماره و رصيد في البنك... بعد كم سنه لحقه زوج امه وتوفى هو الأخر..
عبدالستار طيب ... ويحب اخوته من ابوه .. فعطى فتحي واحد من المحلات سجله بأسمه يكد من وراه.. بس فتحي خذله لما خلاه محل للمعسل ..

عبدالستار تركه بكيفه يكد على روحه على امل انه ما يشوفه يلجأ لأحد ولا يتكل على احد...
بس كل هالآمال خابت... و الحال مع فتحي من سيء لأسوء ...

في امريكا
اتصال لسام من توم..
ــ اهلا توم..
ــ سام.. لقد افاق الرجل الذي جلبته الى هنا.. ظننته قد مات.. لقد ظل في غيبوبه ليوم كامل لم يحرك ساكنا..
ــ حقا... افاق اخيرا... حسنا.. انا قادم..

ترك سام جويل على اتفاقهم..
وتوجه الى الفندق بيشوف الرجال ....
الى الملتقى..

حمدلله ع السلآمه أموره

تقبل الله

****

لسَّ مآآ خلصت هالجزء

بس شكله أكشنآآت

تسلميـ

قصة ولا اروووووووووع من هيكككككككك

اميرة وحشتينيييييييييي .. وحشوووني رواياتش بالذااات .. --> الروايه اجل هاااه :$

ويلييي على هالراويه تقنننننننننننن وربي .. واني اقرأ اضحك اضحك زي المجنونه ههههههه

والعالم الي جنبي مستغربين !! --> عفر جنننتني الروايه ..

ويلييي اجل سااام فاقد الذاكره على قلبي ...

وشسمه شلة لصبيآن الي بالرياض تحفففففففففففه وربي .. ضحك..

ولاعاد سوااالف البنوتات دكرتني بأيام المدرسه اه على ديك الايام ..

اميررررة قصصصصصصه ولاااروع بس شسمه انقهرت مو كامله ههههه


افكرش برمضان تخلصيها بس خاب شسمه ظني اهيئ ..

كل يوم رازه فيسي في هالقسم وفي صفحة 12جاري الحفظ في المحفوظات ..

تسلم هالايادي .. ويسلم لي هالأفكار الي تجيبها وتسوغيها بشكل انسيابي وقممميل

والحمممدلله ع السلامه .. عسى دعيتي لينا عند النبي

لي ع ــوده طبعاااا ..


اسجل اعجاااااابي فيك وفي قصصك للمره المليووووووووووون

البارت جنإآآإأآإآإ إآن

با أنتظار الجديد من احداث مع صادق ولد عم كاظم
وسام وعبد الآله وعبد الستار مع اخووة فتحي ^_^
الله يعطيك مليووووون عافية
وبأنتظار الجديدك

حمد الله عسلامتك غاليتي اميره

::

والقصه احداثهاا اروع واروع

::

ننتظر القادم

بعدالإنتظآر عدنآ لغربة الأوطآن

بآرت جميل و ممتع

بس من هو هالنفر العربي إللي أنقذه سآمـ..؟!

توقعآت كثيرهـ..!

و بـ نتظآر البآرت القآدم

ღ..ـتحيآتي القبليهـ..ღ

حمد الله على سلامتج أموره
والبارت مره حلوو
بنتظار البقيه حبوبه
تحياتي

انا داخله بس اقول لأميرة الحمد لله على السلامة والله يتقبل ويالله خلصي الروايه بسرعة وعطيني خبر
عشان اقراها
لأن اذا تأخرتي شكلي بضعف وببتدي في قرايتها
بالتوفيق أميرة

الحمد الله ع السلامة

وتقبل الله

ويعطيش العافية غناتو ع هالجزء

الحمدالله على السلامة
وتقبل الله الأعمال

استمتعنا بالبارت الحلو

نتظر البقية بسرعة

موفقة لكل خير

الحمد لله على السلامة .. الله يتقبل .. وعقبالنا ههههه
الجزء فظيـــــــــــع !! رهيـــــــــــــــــب!! جميـــــــــــــــل!! حليــــــــــــــــــو !!!! وطويــــــــــــــــــــل!!
تسلــــــــــم الأياديـــــــــــــــ ..
لحد الآن عندي احتمال 12% ان الصبي المشلخ أبو الخلقة الخضراء هو أخو جويل
والكلام الهندي روعة .. وننتظر الياباني والكوري هههههه:rolleyes:
ريماس .. ذكرتيني ببنات المدرسة .. الحين تفتح ونشوف الأشكال والألوان اللي تلوع الشبد :wacko:
سام عاجبني واااااجد شكله بعد ما يتذكر بخون العصابة >> ماتهون عن التخمين اخر شي بتخرب على المشاهدين:nosweat:
عموما بردتي قلبي بها الجزء
واصلي الإبداع ..
تحياتيــــــــــــ

الحمدلله على السلامه

تقبل الله

وان شاء الله استتانستي

مشكورررره على الجزء تعبنااش وياانه

ونتظر الجزء الجاااي

انخفض الإحتمال إلى 0%
لأن عليه خلقة خضرة يمكن من ذولا الممسحين بالأضرحة الشريفة وصرخته ياعلي يعني شيعي
فمستحيل انه يكون أخوها
احتمال يكون ناجي أخو يوسف المفقود 88% :idea:

أكره الأنتظآر ..

فـ هاهي الدقائق تمر وعقارب الساعه تصدر اصوات تزعجني ..

الثانيه كساعه .. وأميرة المرح لم تأتي ..

فقدت الصبر .. ولكن سأظل في الانتظار فـ الشوق الى الاحداث القادمه

يفوق تعبي ويفوق النعاس الذي ينتابني .. !

أميرة أين انتي ..؟!

لا خلا ولا عدم من التعاليق الحلوه..
والله يتقبل منا ومنكم..
و يسلمكم من كل مكروه...


هههههههه اين انا ؟؟

مابين الوورد والفوتوشوب .. اعسعس .. ينزل الوحي لدا شوي و لهذاك شويات.. و الله ييسر
الجزء حطيناه امس الفجر
وخبركم راجعين من السفر وناس رايحه وجايه فما مداني اقعد على الجهاز بالنهار ابدا..
قاعده الحين اكتب.. لين تخلص طاقتي..
شوفو عاد متى ينزل اليوم
العصر عاد لو المغرب لو الليل .. بأذن الله .. ربنا يسهل..

لا تسهرو ناامو.. :toung: ...

حق تتعودو جايه الدراسه..


موفقين
دمتم بخير
وبحفظ الرحمن

الله يعينش غنااااتي

يلا ماجاني نوم قلت يمكن نزلتي جزء يلا بقوم انام ابرك لي ..


بكره المغرب ادخل والله ينزل عليش الالهام وتكتبي لينا هديه جزء زياده


يلا سي ي،’آ ..

رووووووعة البارت مرة

بس هالفتحي مو خوش
وعاد اني بدون شيء ما اطيق هالاسم

ننتظر الجزء الجديد

يعطيش العافية ان شاءالله

الحمد لله ع السلامه اموووووره
تقبل الله <<<<<<< ادري متاخره بس الظروف وماتسوي
التعليق
اتوقع ان سام هو المفقود
بس فاقد الذاكره
اممم هيك خطر على بالي
وبــــــــس
تقبلي مروري
تحياتيـ ..

مرحبا

الف عافيه
يسلمووو على التعاليق الحلوه.. تابعو وتعرفو نتيجة تخامينكم..
مشكورين على الصبر...

يقولو .. الصبر مفتاح الفرج
وقد ماتصبرو قد ما اعطيكم..

هالمره الجزء بعد طويل قد الجزء السابق..

تفضلووو..

ترك سام جويل على اتفاقهم..
وتوجه الى الفندق بيشوف الرجال ....
قلبه كان يدق بشكل مو طبيعي.. وهو يتذكر موقفه مع الرجال .. خصوصا استغاثته ياعلي..
صداع يرافقه من بعد هالحادثه بشكل مو طبيعي...

يــاعلي ..
يــــــــــاعلي ...
يـــــــــــــــــا علي...

.
.
.
كلما قلبني الهم سأشكو ياعلي ..
حينما يهزمني الدمع سأبكي يا علي..

نوري : ــ صطيييف جوالك يرن..
محسن : ــ مصطفى يسبح ..
ايمن كان قريب من جوال مصطفى ويشوف مين المتصل ..
ــ ابوه .. المتصل ... الله يستر..
نوري : ــ لويه يعني..
ايمن : ــ مادري عن نفسي امي عادي متعود تتصل بين فتره وفتره .. بس ابوي ما يتصل الا اذا فيه شي شايد..
محسن : ــ بل .. فال الله ولا فالك ..
هاني بهمس : ــ شخبار مصطفى هالسنه..؟؟
نوري : ــ والله ياخوك على حطته.. الهدوء سنه عن سنه بيذبحه.. آخر شي اشك بيصير اطرم..
هاني : ــ سمعت امه بعد تعبانه نفسيتها..
محسن : ــ المرجع لله.. من يوم ما ماتت دانه و امه حاطه اللوم على روحها انها اهملتها.. مرضت و تعبت نفسيتها... الله يجبر خواطرهم ويعوضهم ان شالله..
نوري : ــ الله كريم يشد حيله ابو صطيف و يتخرج ويتوظف .. يتزوج ويجيب دانه مصطفى..
هاني بأبتسامه عريضه : ــ اتمنى .. وربي .. احبه هالمصطفى.. هادئ وحباب و متعاون و طيب ...
محسن : ــ أي والله.. ما للشله طعم بدونه..

ايمن ساكت.. هو الوحيد اللي يتجاكر وايد مع مصطفى.. يحس بتأنيب الضمير ... على هالتصرفات السيئه منه .. بس ماعمره اعترف ولا بين لمصطفى ولا ذرة اسف ناحيته..

شهربان .: ــ الوو .. السلام عليكم..
ايثار : ــ عليكم السلام...
ــ موجوده ماريا..؟؟
ــ ايه دقيقه...
حطت ايثار السماعه ونادت :
ــ خاااالتي .. خاااااله .. تلفووون
كانت ماريا منبطحه في غرفتها .. بس صاحيه.. فقامت تشوف مين المتصل ..
الا بطلعة وداد وهي متعدله وحركات بعد ما عدلتها ازدهار وراحت البيت ...
وصارت تصرخ على ايثار ..
ــ مين المتصل.؟؟؟ وحق ويه رافعه التلفون انتين اصلا؟؟
ايثار تبلعمت : ــ صاح واني قريبه ورفعته.. يبغو خالتي ماريا
ــ تخلخلت ضلوعش .. اذا صار بيت ابو اللي جابش ارفعي تلفوناته.. وخري بس ..
وسكرت السماعه في وجه شهربان ..
شهربان بعد ما سمعت الصريخ كله : ــ بل ... صاقعه ..
ايثار .. صارت تتأمل في وداد اللي اول مره يشوفوها بمكياج كذا في غير المناسبات...
وداد انتبهت عليها..
ــ خير .. ويش تطلعي ..؟؟
ايثار ابتسمت.. وببراءه :
ــ خاله.. بتروحي عرس ؟؟
وداد حست بالفشله ... يعني ويش معروف عني ما اتعدل الا لعرس..
ــ مو شغلش.. فارقي لأمش ..

تركت ايثار وداد .. التفتت وداد لقت ماريا جنبها..
وداد بأرتباك : ــ قمتي .. صح النوم..
ماريا ساكته وتطالع في وجه وداد..
رن التلفون .. وداد وماريا مدو ايدهم بيرفعو السماعه..
ماريا خافت من وداد فتراجعت .. وداد:
ــ الوو..
شهربان اختلعت.. : ــ سلام.. موجوده ماريا؟
ــ لأ .. حياش ..
طوط طوط طوط
شهربان فتحت عواينها :
ــ بل صدق منتحسه.. << متعوده عليها من تتصل على ماريا و ترفعه وداد مافي امل تصيد ماريا..
ماريا ...: ــ مين المتصل؟
وداد : ــ غلطانين ..
ماريا : ــ مرت اخوي .. حليو اللبناني عليش..
ــ أي لبناني.؟
ماريا ترفع حواجبها و تأشر براسها على مكياج وداد..
وداد : ــ تسخري ويا وجهش...
ــ لا والله ما اسخر ..
ــ لا تسخري ويش هالحركه البايخه اللي سويتيها..
ــ ماسويت شي .. !!
ــ شايفه حالش انتين على ويش هااا..
ــ الحين ويش صااير...!!
وداد تغير الموضوع و تعلي صوتها :
ــ ولويه غايبه عن المدرسه اساسا.. تتميرضي ماصارت دي..
ــ تعبانه كنت..
ــ الله والتعب دا اللي يكسر بعضه..
ــ ويش ضارنش بغيابي..!!؟؟؟
ــ بس .. لعانه.. عله على شبدي احسش .. ماشتهي اشوف وحده قاعده لا شغله ولا عمله..
ــ يعني لازم اكرف حق ترتاحي حضرتش
ــ حضر لش جني في ليلة مافيها ضوا قمر
حسن بيدخل البيت ويسمع صريخ وداد...
ــ ويش صاير فيكم..؟؟؟
وداد معصبه كانت ومكشره .. هي لفت وجهها الى حسن بمكياجها
عفويا حسن شهق شهقه من تكشيرتها و الألوان :
ــ بسم الله.. سكنهم مساكنهم

هو قال كذا.. زيدي ياوداد قهر :
ــ ويش شااايف .؟؟؟. جنيه؟؟؟. لو ام حمار.. ؟؟؟ لو ام رعام..؟؟؟ لو الرااااعيه..؟؟
حسن : ــ لا تصرخي ولا ترفعي صوتش علي.. وبعدين لويه هالتعصيب .. مايليق التعصيب ويا هالصبغ ..
حمقت وداد وشوي وتنفجر ..
دخلت غرفتهم.. وبالنشاف ومزيل المكياج صارت تمسحه وهي تسب وتلعن...

حسن : ـ افففف .. انا لله و انا اليه لراجعون.. الله يصبرني بس...
جى بيفتح باب الغرفه لقاها مقفله..
ــ وداد.. افتحي..
ماترد ولا تفتح..
حسن عصب :
ــ يلعن ابو شكلش .. بتفتحي لو اكسرهالباب واكسرش وياه..
ماريا مسكت اخوها تهدي فيه..
حسن معصب :
ــ الواحد يرجع من العمل تعبان يبغى يرتاح يلاقي هم وكدر .. ضيق الله عليش عيشتش من مرأه..
فرات في غرفتهم تراقب الشبقه وتصيح..
علاء نايم قعد من الصريخ وصار يصيح..
محمد ماهو في البيت طلع ويا الصبيان.....

اماني وولادها مسكرين عليهم باب المجلس .. ابعد عن الشر وغني له..

ماريا تسحب في اخوها وتهدي فيه:
ــ ابو محمد روح نام في غرفتي .. اخزي بليس ..
ــ الله يلعنها ابليس هي ابليييس..
طلع حسن من البيت وهو مره معصب حده...

ظلت ماريا بالصاله مبهوته ومتصروعه ماتسوى عليها هالغزل في وحده ما تستاهل!!...
وصارت تهدي في ولاد اخوها ...

شهربان : ــ اففففففف ويش اسوي اني ويا هالعله.. متى ياماريو تاخذي لش جوال وافتك من هالحاله..
عبدالأله سمع تحمق شهربان : ــ ليش ويش صاير..؟؟
ــ العله مرت اخوها كلما اتصل ترد هي وماترضى اكلمها..
ــ ليش؟؟
ــ ليش بعد .. كأنك ماتعرفها .. صايره عليها اعظم من مرت ابو..
تغيرت ملامح عبدالأله
شهربان : ــ احم... ويش فيك صرت حزين..
ــ ها.. لا بس كسرت خاطري..
شهربان تجاكر فيه : ــ إيه .. صعب كسررررر الخواااطررر..
عبدالأله يطالعها على جنب..
شوي ..
عبدالأله : ــ ويش رايش اخليش تكلميها بطريقتي الخاصه..؟؟
ــ شلون..؟؟
ــ اتصل انا..
قاطعته شهربان : ــ مجنون انت.. ويش بتقول ..؟؟ موجوده ماريا؟؟
عبدالأله يدف راس اخته:
ــ انا قايل مخش ملوخيه.. عبيطه باقول انا عبدالأله بسأل بس اذا بكره بتروح بنتكم لو لا ..
اختي حاولت تتصل عليكم كذا مره ماعطيتوها فرصه..واذا ردت علي بإيه او لا.. باقول ليها ممكن اختي تبغى تكلم بنتكم حق امر ضروري وبما اني رجال اذا هي تستحي على وجهها بتوافق .. اذا هي قوية عين حدها بتقول لي بعد لأ ..
شهربان : ــ تتوقع يعني تضبط...ولو اني اشك انها قوية عين..
ــ حنا نجرب ما بنخسر شي ..

اتصل عبدالأله..
وكانت ماريا بالصاله لحالها..
ردت هي : ــ الو..
عبدالأله : ــ السلام عليكم ..
ــ عليكم السلام..
عبدالأله نسى جزء من النص المتفق عليه وعلى طول سأل :
ــ ماريا بتروح بكره المدرسه لو لا؟
ماريا فتحت عيونها .. رجال متصل بيتنا ويدري بي غايبه ويسأل بكره باروح المدرسه لو لا..
بأرتباك سالت : ــ مين معاي؟؟؟
عبدالأله ارتبك ازيد : ــ انا.. عبدالأله .. سواق الميكرو.. بس اسأل على شان امر عليها لو لا .. اختي اتصلت من شوي و ..
ماريا جتها ضحكه.. وقاطعته بعفويه : ــ اني ماريا... بكره باروح ان شالله تسلم اخوي...
هي ماقالت هالجمله.. عبدالأله سكت .. وقلبه صار يراقع.. ومد السماعه على شهربان وقام عنها..
شهربان : ــ ويش فيه اخوي..فهّى فجأه..
ــ الوو..
ماريا : ــ هلااا شهروبه..
ــ اهلين حظي .. سلامات ماصارت دي .. شحالش..
ــ الحمدلله.. ههههههه ويا وجهش ويش هالحركه انتين واخوش..
ــ ويش اسوي انقذنا..
الا بطلعة وداد من الغرفه شافت ماريا ماسكه التلفون.
ــ اففف .. لا تطولي ابغى التلفون..
شهربان سمعتها: ــ بل طلعت الراعيه ..
ماريا بهمس : ــ ايييه .. اباسكر المهم بكره باروح ومشكورين عالسؤال
ــ افا عليش بس غناتي.. خلاص بكره نكمل سوالفنا.. باي ..

سكرت ماريا ودخلت غرفتها.. الوضع جدا وياها طبيعي.. هي تعتبر عبدالأله زي اخوها من صغرهم لعبت وياه وكبرت وياه .. و آخر شي يوديها المدرسه في الثانويه.. ابدا ماكانت تحمل ناحيته أي عاطفه غير الأخوه..

بعكس عبدالأله اللي من سمع صوتها وشكرها له هاللحظه تلخبط كيانه .. ويحس نفسه في عالم آخر ...

شهربان تدري بأخوها.. وتدري بصديقتها.. كانت دايما تحاول تغير احاسيس ماريا تجاه اخوها بأي طريقه.. تجاكرها .. تمزح وياها.. عل وعسى تبين أي شعور يخليها تبني على اساسه ان ماريا ممكن تفكر في عبدالأله كزوج مستقبلي ..

عبدالأله اللي ينتظرهم متى يتخرجو حق يتقدم ليها ... على بال مايكون نفسه في هالفتره و يجمع مهرها...

شهربان خايفه على اخوها من الرفض .. خصوصا ان في كذا حوار بينها وبين ماريا تأكد ليها ماريا انها ماتفكر في الزواج بعد الدراسه و تفكر تشد حيلها حق تروح بعثه تدرس برى .. واذا ما حصل ليها برى البلد بتروح الرياض ويا اخوها يوسف .. ماريا كانت تبغى تبعد قد ما تقدر عن البيت و مشاكله.. وتبغى تكون نفسها و تبني مستقبلها...

سام من دخل الفندق وكان الوقت ليل في امريكا...
توجه لغرفة توم دخل وقلبه مقبووض..
من دخل لقى توم يقول للرجال:
ــ هاقد وصل منقذك..
وقف الرجال بأبتسامه امتنان و شكر وبالأنجليزيه :
ــ شكرا لك ...
سام عيونه على وجه الرجال و على الخلقه اللي في ايده...
تمتم بهدوء وبالعربيه :
ــ العفوو..
الرجال تغيرت ملامحه بأندهاش :
ــ تتحجى عربي ؟
سام ابتسم : ــ ايه..
توم عرف انهم صارو يتكلمو عربي .. بس مايفهم ويش يقولو..
الرجال : ــ آني قيصر من العراق .. و انت ؟
سام يحس روحه في حلم وبهدوء : ــ انا.. انا يسموني سام... من وين.. ما ادري...
قيصر يطالع في سام مستغرب : ــ يسمونك.. وماتدري..؟؟

سام مسك ايد قيصر وطلع وياه برى الفندق ...
وظل يمشي يمشي .. شوي يزيد السرعه وقيصر مو عارف ويش فيه ولويش يسحبه كذا؟؟
وقف قيصر .. سام من قوة وقوف قيصر المفاجئ فلتت ايده و طاح على ركبه..
قيصر قعد جنبه بيشيله:
ــ سلامات .. شبيك ..؟؟ ليش طلعت هيج ..!!
ولا شاف الا سام يتنفس بسرعه ومع تنفسه يشاهق و تطيح دموعه ..
قيصر خاف عليه..
ــ تراك ارعبتني .. قوم هسه ويايي ..
سند قيصر سام على كتفه ومشى وياه شوي طلب تكسي ركبو ..
سام ساكت .. وقيصر يطالع فيه ويفكر في باله..:
ــ هالزلم شفيه.. وشلون ما يدري منين اهو ... عجيب امره ..!!

وصلو مبنى قديم نسبيا.. في منطقه بعيده شوي ..
نزل قيصر .. وطلب من سام ينزل وياه..
نزل سام وهو مرتبك ..
ــ وين حنا؟
قيصر : ــ لهجتك ماهي غريبه عن لهجتي .. بس مانك عراقي .. !!
سام رجع كرر السؤال.. ــ وين حنا..؟؟
قيصر يأشر على المبنى :
ــ هاي عيادتي .. هنانه اشتغل و اسكن..
سام : ــ دكتور يعني انت..؟؟
ــ إيييه.. آني دكتور ..
ــ في امريكا..؟؟
ــ ياخوي هنانه حي عربي .. حي المغتربين العراقيين .. و آني فاتح هالعياده اترزق منها و اعالجهم بأثمان رخيصه..
ــ حي عربي !!
ــ شهالحجي يابه.. هالسا انت عربي وما تعرف ان في امريكا احياء عربيه؟؟
سام رجع التشويش لذاكرته.. يذكر انه يمشي في احد الأحياء..
صار يتلفت يمين وشمال .. يطالع في البيوت والمحلات.. يحس روحه عاش من قبل في منطقه تشبه هالمنطقه..
مسك راسه و صار يون :
ــ آآآآه..
قيصر خاف : ــ سلامتك .. شفيك؟؟
ــ تعبان..
ــ خلينا ندخل و ارتاح عندي الليله .. تفضل ..
ودخلو العياده...

دخل قيصر المطبخ يسوي ليهم شاي ..
سام صار يتأمل المكان..
كان بسيط للغايه.. دخل غرفة جانبيه كانت غرفة قيصر .. لقاه معلق فوق سريره صور لأهله ..
وجنبهم صورة لأنسان مو غريب عليه شايفنه من قبل ...<< صورة الرادود باسم الكربلائي الله يحفظه..
لقى مسجل عالتسريحه .. شغله وكانت لطمية يامهدينا ادركنا لباسم الكربلائي :
ــ دنيانه صارت مظلمة وننتظر طلعت بدرك ..... يا وارث آدمبالعلم كنز العلوم بصدرك
أيوب مثلك ما صبر والصبر مل منصبرك .... يا عصة موسى وحكمته يا شبه نوح بعمرك
يا وارثَالزهراءِ.... بالحُزنِ والأرزاءِ
يا بن الهداة الأطهار
يا مهدينا أدركنا ...
قيصر واقف ورى سام ومستغرب منه ... يتأمل شفايفه تتحرك مع اللطميه .. ويردد ..
يامهدينا ادركنا.. بالله لا تتركنا..
شوي صار سام يفرك وجهه .. وراسه يحس بصداع مو طبيعي..
طفى المسجل و قعد عالسرير و اصابعه شادنها بين شعره ..
قيصر بهدوء: ــ إنت.. مسلم ...؟؟؟ و شيعي !!؟؟
سام رفع راسه وعيونه حمرا .. يتأمل قيصر .. يحس كل شي مألوف له بس مو عارف ويش السالفه وشلون هو كذا وويش اللي صار له بالضبط..
سام : ــ مسلم...؟؟ شيعي؟؟
قيصر : أنت تصلي ..؟؟ تصوم..؟؟ تعرف رسولك وأئمتك؟؟؟
سام خلاص مو قادر يستوعب الكلام يحس اشياء يعرفها ومايعرفها....
قيصر حط تبسي فيه اكواب الشاي عالتسريحه وقعد على ركبه قدام سام.. وحط كفه على ركبة سام..
ــ سام.. انت مريض ؟ تعرضت لحادث .؟ انت فاقد الذاكره ؟؟ وين اهلك .. منو الك هنانه..؟؟
ــ مادري مادري..
سكت قيصر .. بس خلاص .. عرف السالفه.. فعلا باين عليه فاقد الذاكره.. فقرر يساعده بأي طريقه..
قعد جنبه وحط ايده على كتفه..
ــ هدي راسك من التفكير .. وخليك مرتاح..
شوي الا طاب عليهم ياهل .. عراقي .. وفي ايده طاسه مغطيه..
ــ عمووو قيصررر .. وينك من البارح.. شكو ماكو.. يسلم عليك ابويا و امي اتنغصت الك هاي الباجه ... << .. شكو ماكو... ويش الأخبار.... الباجه .. كراعين و مرق و حوسه .. اللي يبغى يتعرف عالمكونات اكثر يسأل الشيخ قوقل..

ــ مشكور حبيبي .. سلم عليهم هواي.. << هواي = وايد
ــ عمي.. اشفيه وجهك مضروب ضرب..؟؟؟
ــ لا بس اتكربست << طحت من مكان مرتفع
ــ اتكربست هيج.؟؟ عمي ماخبري فيك كلكجي
ــ هههههههه آني كلكجي يا زعطوط زغير .. تعال اكربسك..

انحاش الولد وهو ميت ضحك .. فتح قيصر الطاسه وجاب خبز .. مد على سام يشاركه..
ــ اتفضل هالكرص ويلا ناكل.. آني احس مصارين بطني تتعارك من الجوع.. << الكرص = قرص الخبز
سام ما بغى..
قيصر ..
ــ طيب براحتك.. اكل الفقارى هاي الظاهر ما يعجبك.. اشرب الجاي..
مسك سام الشاي وصار يشرب فيه وهو مره مو في الدنيا..
قيصر :
ــ اللللللله.. خوش باااجه ام جبووري .. تسلم اياديج..
شوي يوم خلص .. تنهد:
ــ الحمدلله.. إيييه.. قاسيه الغربه .. قاسيه..
سام اخيرا تكلم و سأل قيصر :
ــ لحالك ساكن هنا؟
ــ إيييه.. من تخرجت من الجامعه قلت برجع للعراق..ابويا كان خطيب منبر .. خذه النظام الجائر وعذبوه في سجن ابو غريب وتوفى.. امي ماتت من القهر عليه.. اخواني ثنين منهم خذوهم النظام الجائر بعد و كَتلوهم .. ما بقى احد غيري آني و اختي.. اختي كبيره .. تيسرت الله سهل امورها وتزوجت سعودي .. آني كِنت وكتها اصغر واحد..
سام حس بالأسف : ــ الله يرحمهم جميعا..
ــ ويرحم المؤمنين والمؤمنات..
قيصير يكمل السالفه بأبتسامه..
ــ اييييه صِرت اشتغل شغل الزمال .. من محل لمحل .. ما خليت ولا شغله ما اشتغلت بيها هنانه..جمعت قرش على قرش.. 4 سنين .. ليما إقدرت اشتري هالبنايه.. كانت تعبانه حيل .. عدلتها وعاونوني الجيران ... وصِرت اعاونهم باللي تعلمته... اداويهم.. و اخفف اجراحاتهم << الزمال = الحمير وانتم بكرامه..
سام عيونه يبين عليها التفاعل .. انشد ويا قيصر .. ساكت ويتأمل فيه..

قيصر فهم عليه .. وصار يكمل كلامه:
ــ الوكت يمر اطوووويل .. اليوم سنه .. الوحده صعبه و مُره ..
سام يقاطعه : ــ طيب ليش ماتزوجت..
قيصر يتنهد من قلب بأبتسامه معبره : ــ اتزوج.. مو آني تزوجت.. والله أخذ امانتها...
سام بنظرات تساؤل ..
قيصر : ــ فشل كلوي
سام بأسف : ــ الله يرحمها...
ــ كانت هي دنيتي و أنيستي في غربتي.. عرفتها من الجامعه.. حبيتها وحبتني .. تزوجنا ..
عَشت وياها 3 سنوات .. بعدها مرضت.. تعبنا وعجزنا نلاقي متبرع ينفع معها.. ولما لقيناه.. طلب مبلغ ماهو شويه.. صِرت اتسلف و اجاهد ,,, صرت اترجاه اعطيه نصف المبلغ و بعد العمليه اقسط له الكماله.. بس هوا عيّا .. بعدها... الله ما كتب لها تعيش .. تأخرت آني وفاركتني ...ومن يومها ما فكرت بالزواج كلش..

سكوت عم المكان.. سام متأثر بقصة قيصر ...
قيصر يقطع الصمت :
ــ صاموط لاموط .. ما تحجي لك شوي سامي.. من هالسا راح اسميك سامي ..
سام : ــ صاموط .. لا موط؟؟
ــ ههههههههه ايوا هذا اكبر دليل انك مانك عراقي .. هاي دلاله على الصمت التام وانقطاع الكلام
ــ اهاااا..

الساعه 3 ونص العصر في الرياض....
السيد اليوم عليه الطباخ..
حبيب في الصاله .. مع شفيق و يوسف .. وكاظم..
صادق قاعد معاهم بس بعيد شوي وماسك كتاب يقرأ فيه..
مراد في الحمام يسبح ومقلع الدنيا اغاني .. من اغنيه لأغنيه..
كاظم بهمس : ــ ودي انطح اثنين في هالشقه ...
حبيب : ــ احلى ياثور .. مين هم..؟؟
يوسف : ــ عرفتهم.. اكيد ....
وصار يحرك عيونه اتجاه صادق و اتجاه الحمام..
حبيب يضرب ظهر يوسف : ــ هههههههههههههه والله وصرت تفهم له احسن مني..
صادق : ــ اف .. اضاءة الصاله ماهي اوكي .. ماتناسب للقراءة
كاظم بقهر : ــ اطلع الطريق ضوا الشمس يمدحو فيه..
مراد طلع من الحمام بفوطته :
ــ لاويه مافيه رشاش.. الماي قض راسي قضاض << على طول يصب من البيب
كاظم التفت لمراد : ــ ركب انت فيك الخير والبركه.. حنا كذا عاجبنا..
مراد : ــ بل .. ويش فيك انت.. اففف خايسه نفسك على فكره..
ودخل الغرفه يلبس ...

حبيب يمسح على ظهر كاظم:
ــ هدي اخوك عاد.. ماخبرنا فيك بهالعصبيه.. وانت بارد ياحلاتك.. والله مايليق..
ــ ما ظنتي بيخلو فيني هداوه ...
يوسف قام يشوف السيد ويش يسوي في المطبخ..
ــ الله يعطيك العافيه
السيد : ــ يعافيك ربي..
ــ ويش تسوي.. ؟؟
السيد وهو يقطع جزر..:
ــ صالونه ..
ــ ما شاء الله تبارك الله.. والله شاطر سيدنا .. صالونه مره وحده..
ــ ايه ياخوك الغربه تخلي الواحد يتعلم كل شي اذا يبغى يعيش صح ..
ــ عقبال ما اسوي قوزي ..
ــ هههههههه قوزي مره وحده..استر يالمتفوق.. ان شالله ربي يسمع منك..
ــ اساعدك في شي ..؟؟
ــ ممممم حاليا لا ..
ــ البطاطس للحين ما قشرته ولا قطعته.. اهو عنك باسويه..
ــ ماتقصر والله.. باخلص الجزر عن حساب وباسويه..
ــ لا انا باسويه.. تخصص بطاطس مقلي..
ــ ههههههه اكو تعرف ..
ــ يعني .. في بيتنا اذا جعت ادبر روحي .. بطاطس مقلي .. بيض .. اشياء خفيفه..
ــ ليش ما تاكل ويا اهلك..؟؟
ــ ايييه.. الوالد والوالده الله يرحمهم..
ــ اوو.. آسف .. الف رحمه عليهم..
ــ لويه تتأسف اخوك..
ــ وانت كنت عايش لحالك؟
ــ لا وياي خواتي و اخوي واهله..
ــ زين اشوى.. الله يردك ليهم وترفع راسهم بك..
ــ يالله..
ابتسم يوسف : ــ وانت سيدنا؟
ــ انا..
ــ ايه.. اهلك ويش ؟
ــ الله يطول بعمرهم.. امي وابوي .. و اخو اكبر مني متزوج و ثلاث خوات اصغر مني ..
ــ الله يخليهم يارب و يسعدك ويسعدهم
ــ تسلم حبيبي...
شووي الا بجية كاظم يركض لدرام المطبخ .. مره حالته حاله يحس روحه بيرجع..
شفيق دخل الحمام من بعد مراد فما لكاظم الا المطبخ..
حبيب جى وراه:
ــ يالله كاظموه لا تحرق نفسك خله يولي ..
يوسف : ــ ويش صاير...؟؟
حبيب : ــ تجاكر ويا ولد عمه وتالي قامو يتكلمو هندي مافهمت .. !!
كاظم بقهر : ــ يلعن شكله .. قاعد يعايرني الخايس .. اقول له تالي بطلع وياك نشوف لك شقه ما رضى يبغى ويانا غصب .. على قوله ما بيقعد ببلاش .. لا ويعايرني يقول جدتي هي اللي تدفع لي اجار الشقه وهو كلمها لا تدفع خلاص بيدفع هو عنا ثنينا بما انه دلته علي ,, الحيوان يعرف يسوي روحه طيب ومسكين..
السيد : ــ كاظم دقيقه ..لا تقول هو ولد عمك داك اللي قلت لينا عنه... الغني بناوة جدتك وكل كله شباق وياها .. << البناوة .. ابن الضرة..
ــ ايه ماغيره..
حبيب : ــ بل بل .. ويش لي انا اتكلم و اقول له استريح كم يوم.. كل مني ..
كاظم : ــ لا والله حتى لو ماقلت له.. بيتلزق هو فيني غصب طيب.. انا مانى داري ما يفش عني لويه..
حبيب : ــ يفتش اخوك .. يفتش .. يفش يعني يقعد .. يفتش يعني يتركني في حالي..
كاظم : ـ حبيبوه..
ــ هااا
ــ كف على وجهك..
ــ ههههههههههههه قوم بس لوعت شبدي وانت حاضن هالدرام...

يوسف : ــ طيب ليش ما تتصافى وياه و تفتحو صفحه جديده.. اعتبره اخوك الصغير..
كاظم قام واقف : ــ اخوي الصغير.. هههههه قال ويه اخوي الصغير..
وطلع من المطبخ..
حبيب : ــ مسكين كاظموه.. ناقص ضيم وقهر..
يوسف : ــ لويه ما يبغاه لهالدرجه...؟؟
السيد : ــ كاظم عزيز نفس بشكل مو طبيعي .. وفوق هذا ياما وياما تكلم عن عمه وولد عمه وشلون عمه اخذ ورث جده وماعطاه حقه بحجة ان ابوه متوفي و حقه بيوصله مصروف لجدته وهي تتكفل فيه..ياما وياما اعتبره صغير وما يحق له يتصرف في ورثه ..
يوسف : ــ ياعلي.. فأما اليتيم فلا تقهر... عديم انسانيه لهالدرجه..
حبيب : ــ وما خفي كان اعظم..
يوسف : ــ ويش بعد..؟؟
حبيب : ــ هو يتيم ام ماتت من جابته.. ابوه توفى بعد كم سنه في حادث.. عاش كاظم ويا جده وجدته .. صراحه عيشة ملوك .. ما شالله جده تزوج 3 و جدته الرابعه.. ثنتين طلقهم وظلت وحده ويا جدته جابت ما شاء الله بنات.... فقام جده تزوج جدته وهو كبير يازعم يبغى الولد .. حزتها جدته كانت صغيره كذا في اواخر العشرينات وجده عمره خمسين سنه.. و سبحان الله ..جاب منها ابوه و بعد سنه على طول حملت مرته الأولى وجابت عمه....

السيد : ــ عاش جده ما شالله سنوات. وصارت مشاكل بين نسوانه الثنتين الهنديه جدة كاظم و السعوديه جدة صادق.. بس الله يشهد و الجد يدري ان سبب المشاكل السعوديه.. وجدهم شديد ولا عنده فيها.. فطلق السعوديه.. وظلت جدة كاظم الهنديه.. خيره كافه عافه ولا هي راعية مشاكل....

حبيب : ــ وبس تخرج كاظم من المتوسطه.. توفى جده.. وورث عمه كل شي .. عطى خواته لأنهم فاهمين وعارفين هالسوالف ووراهم رجال .. ورثهم.. بس هاليتيم المسكين اكل حقه..ولا احد يدري طبعا ان فيه اشياء بأسمه .. جده مسجلنها من خوفه عليه ولمستقبله..