*-* دنيــــــــــــا العاشقين *-*

رجع البيت والدنيا ظايقه فيه ويلعن الساعه اللي عصب فيها عليها...لقى ابوه بالصاله
ناصر: السلام عليكم
ابوناصر: وعليكم السلام...انت وينك وحرمتك وينها
ناصر وهو منزل راسه: بالمستشفى
استغرب ونزل كوب الحليب اللي كان بيده ولف لولده
ابوناصر: عسى ماشر
ناصر: طاح اللي في بطنها
ابوناصر: كيف؟؟ لاحووول ومتى صار هالحكي؟
ناصر: امس الليل
ابوناصر: عاد كيف صار هالشئ؟
ناصر: طاحت من الدرج بس كنت انا السبب
ابوناصر: ايش مسوي من مصايب بعد
ناصر: عصبت عليها كان تنزل من الدرح زعلانه وتبكي حيل وطاحت
ابوناصر: الله يغربلك فشلتنا قدام الاوادم...شفيك انت مو هذاك اليوم موصيك عليها..ليش هي لعبه في يدك...يلا الحين الولد وراح واذا وافقت ترجع لك يكون من طيب اصلها وان مارجعت لك تستاهل اجلس حط يدك على خدك وابكي على الاطلال
ناصر: اوووه يبه اللي فيني كافيني..هي بدون شئ تقول ماتبيني
ابوناصر: أي اكيد معاها حق
ناصر: يبه انا ولدك وتوقف معاها ضدي
ابوناصر: انا مع الحق..ماالومها هذا ضناها الاول...قولي الحين كيف باحط عيني بعين ابوها واخوها هااا كيييف
طلعت ام ناصر من المطبخ لما سمعت صراخهم وجلست جنب ناصر...
ام ناصر: شصاير اصواتكم واصله لعندي...ناصر حبيبي انت وينك طالع من الصباح
ابوناصر: مااقول الا حبك برص انتي وياه
ام ناصر: ليش أنا ايش سويت وولدي شدخله
ابوناصر: ماتعرفين يعني خبال ولدك لكن هذا كله من دلعك له
ناصر: يبه تكفى قلت لك مو ناقص اللي فيني مكفيني
ابوناصر: ان شاء الله تبينا نسكت لك عن اللي سويته في بنت الناس
ام ناصر: فهموني ايش صاير
ابوناصر: ولدك امس مهاوش حرمته وزعلت البنت وهي تنزل عالدرج طاحت
ام ناصر: جد؟؟؟ عسى ماصار فيها شئ واللي ببطنها ماتضرر
ناصر: مات اللي ببطنها
سكتت بعد ماحست بخيبه امل..كانت فرحانه بهالحفيد خاصه انه من ناصر اقرب عيالها لقلبها....
ابوناصر: هااا اشوفك ساكته ليكون بس راضيه عن اللي صار
ام ناصر: اكيد لا..اهلها عرفوا؟
ناصر: أي..وقالت لامها كل شئ
ام ناصر: هذا اللي كنت خايفه منه....تتوقع بيوافقوا يرجعوها لك
ناصر: مو هذا اللي تبينه يمه..تطمني مابترجع ماتبيني
قام وطلع عنهم وهو مفور ...
ام ناصر: شرايك توديني لها
ابوناصر: الطيبه من وين نازله عليك
ام ناصر: عاالاقل وجودي يمكن يهدي الوضع باروح علشان ناصر ماتشوف حالته كيف
ابوناصر: ونعم الكلام العصر اوديك لها

....................

بعد ماجات لها امها الغرفه وقالت لها انها بتروح لخلود تتطمن عليها رجعت حتى تنام بس ماجاها النوم...وهي تفكر في محمد..وحشني من امس..اااه فديته كان امس اخر رومنسيه وحنان...
اما هو كان جالس عالبحر ويده تلعب بالرمل وخصلات شعره الاسود الاماميه مغطيه جزء من جبينه ويفكر فيها...وفي حياته الجايه معاها...طيفها امس وهي تدلعه وتمسك يده وتمزح معاه وتحسسه بالحب اللي افتقده من زمان خلاص يشوف الحياه من زاويه ورديه..ابتسم وهو متفائل بخير...طلع جواله ودق عليها....
رفعته من اول رنه وهي فرحانه...
هبه: هلا بحياتي توها راده لي الروح
محمد: هلا هبه....عسى ماازعجتك يالغلا وكنت نايمه
هبه: لاحبيبي كنت افكر فيك
محمد: جد؟
هبه: من امس وانا افكر فيك مارحت لحظه عن بالي
محمد: كل هذا حب؟
هبه: بس احبك؟ افديك بحياتي محمد
محمد: الله لايحرمني ولايخليني منك ...اخبارك بعد؟
هبه: والله تمام....الاصح الحمدلله على سلامة خلود
محمد: الله يسلمك
هبه: وينك انت بالمستشفى؟
محمد: لا عالبحر
هبه: الله جد؟؟ ياحظك
محمد: تحبين البحر؟
هبه: ومن مايحبه؟
محمد: اجل لو ادري مريت عليك
هبه: لاحبيبي اهم شئ وناستك
محمد وهو يتنهد: هبه
هبه: هلا
محمد: تدرين اني مالقيت وناستي الا معاك..اقسم لك بربي اني قبلك كنت ضايع ومالي أي هدف بحياتي بس الحين غير
هبه: الله يبقينا لبعض حبيبي قول امين
محمد: امين..اقول هبويتي
هبه: هلا
محمد: قومي اجهزي بامرك
هبه: هههههه من جدك؟
محمد: أي من جدي قومي يلااا
هبه: اووكي
محمد: يلا دقايق وانا عندك امووواااه باي
ابتسمت...اول مره يعطني بوسه عالتلفون
محمد: كل هذا حيا هههه باي
هبه: هههه بايات
قامت لبست ملابس سبورت وحطت لها شادو ابيض ومسكره وجلوس ولبست عبايتها واخذت شنطتها وقبل ماتنزل للدور الارضي دخلت غرفة مازن وكان نايم كالعاده بشكل مقلوب يعني رجله على المخده وراسه بالناحيه الثانيه..والبطانيه عالارض..وكان واضح انه بردان لانه حاضن يدينه..ضحكت عليه وشالت البطانيه غطته وباسته على جبينه...ابتسم وفتح عينه بس كشر يوم شافها
مازن: اوووف انتي؟ انا قلت تحقق الحلم وجات تبوسني
هبه: نعم مازن افندي؟ ليكون حاب من وراي
مازن: توك تعرفين يعني اني احب

طالعته وهي معقده حواجبها ويدها براسها ...مزووون يحب؟؟ يؤؤؤ من متى عاد ومن اللي سرقت قلبه
استغلت الفرصه انه نايم واكيد لو سألته بيقول لها كل شئ يعني باختصار مفهي
هبه: ومن اللي تحبها
مازن: تعرفيها
هبه: من؟
مازن: ريناد
فتحت عينها عاالاخير...ريناد ماغيرها؟؟ هههههههه ايالدب من ورانا مسوي بعد قصص حب وهيام...معقوله هي تحبه؟؟؟ ياحليله اخوي بس عرف يختار....
استغربت من نفسها اول مره تعترف ان ريناد حلوووه...ههههههه مادري شفيني اليوم راضيه عن الكل على غير العاده يارب دوووم...بس لحظه اييييييييي تذكرت
هذا يفسر تعصيبه هذاك اليوم لما رجعنا من البحرين وريناد طاحت غشيانه...رن على جوالها رنه نزلت بعدها بسرعه وصادفت الخادمه بالصاله
الخادمه: ماما هبه وين يروح؟
هبه: اسمعيني توتو انا باروح ساعه مع بابا محمد اوكي
الخادمه: زوج مال انته
هبه: أي ياشينك...اذا جات ماما قولي ماراح اتأخر اوكي
الخادمه: اوكي ماما
طلعت وماكانت متغطيه....كالعاده
هبه: مرحبا
محمد: مراحب
هبه: عسى ماتأخرت عليك محمد
محمد: لاعادي...ليه كاشفه وجهك....تغطي
هبه: اتغطى؟ اول مره تقولي اتغطى محمد انا متعوده اكشف وجهي
محمد: بس الحين غير صرتي على ذمتي ولي حق عليك صح؟
هبه: بس متعوده حمودي
محمد: لازم يعني اعصب عليك؟
قربت منه ولفت يدها حول ذراعه
هبه: تغار يعني؟
محمد وهو يسحب يده بارتباك: مو مسأله غيره بس ماله داعي اللي يسوى واللي مايسوى يشوفك
هبه: خلاص حبيبي ولاتزغل بتغطى علشانك...

استمر بعدها الصمت بينهم 5 دقايق قطعه رنين جواله...طلعه من جيبه وهو مبتسم كان رقم غريب جاء بيرفعه بس استوقفته الارقام المميزه اللي كان يعشقها في يوم من الايام..رجفه سرت بكل جسمه...سماح؟؟ تذكرني بعد مااخطب؟؟ ليش....عطاها مشغول وضغط عالدركسون اكثر وزاد سرعته...هي تملكتها الحيره وشكت في الموضوع لان حركاته ماكانت طبيعيه...
هبه: محمد حبيبي من المتصل؟
محمد:........هذا واحد من اصحابي
هبه: ليه مارديت عليه
محمد: لابعدين انا اكلمه مو فاضي له
حاول يرسم ابتسامه على شفايفه تطلع قدر الامكان حقيقيه حتى ينقذ الموقف..بس صوت المسج اللي وصل وتره اكثر فتحه وقراه
(( محمد..تكفى رد الموضوع خطير....سماح))

وقف عند البحر ولف يطالعها
محمد: هبه انزلي اختاري لنا مكان كويس نجلس فيه وانا اجيب من الدبه بساط نجلس عليه
هبه: اووكي
نزلت وبعدها دق على سماح وهو متلوم وكاره نفسه بس بيشوف سالفتها الظروريه اللي خلتها تدق عليه وهي عارفه انه خاطب.....
رفعته دايركت وصوتها صاير غريب وغير عن كل مره
سماح: الو محمد
محمد :.......شفيك؟
سماح: عرفت باللي صار لي؟
محمد: ايش اللي صاير وليه متصله علي وانتي تعرفين اني خاطب اظن الحركه مالها داعي
سماح: الله يالدنيا محمد تراني حبيبتك سماح شفيك...بدل ماتقولي عظم الله اجرك
بلع ريقه وهو يطالع هبه اللي واقفه عند البحر
محمد: من مات؟
سماح: زوجي
محمد: وتقوليها بعد بقواة عين...انتي الحين في العده وداقي علي وتخبريني ببرود بهالخبر
سماح: تدري اني ماكنت احبه
محمد: ولو ياسماح حرام اللي تسوينه.....
سماح: محمد لاتتركني مالي غيرك...
سكت وهو يحاول مايحن لهالصوت اللي افتقده من زمان
محمد: بعد ماراح راجعه لي؟
لفت هبه وشافته يكلم جوال وملامحه متغيره 180 درجه شكله متوتر على معصب على مرتبك خافت عليه وراحت من ورا السياره والنافذه كانت مفتوحه وقدرت تسمع كلامه اللي وقفها مكانها....
محمد: ماتردين ياسماح
سماح: ماتوقعت يكون هذا استقبالك لي اقولك لاتتركني ماعندي غيرك بهالدنيا..انت ماعندك قلب
محمد: وانتي وين قلبك يوم اجيك ملهوف وكلي شوق صديتيني بقسوه وقلتي انساني واتركني في حالي لاني بنساك....
سماح: هذاك اليوم كنت متصل تخبرني بخطوبتك
محمد: سماح كنت احبك وكنت مستعد اترك هبه بنت خالتي علشانك لو عطيتيني بس شويه امل لكنك صديتيني وانهيتي كل اللي بيننا......

ماقدرت هبه تتحمل اللي سمعته نزلت دموعها على خدها وصعدت السياره وهي تطالعه ومصدومه..هو ارتبك وطاح الجوال بحضنه على طول وخايف لتكون سمعت كلامه ولكن لما شاف دموعها تأكد انها سمعت وان مشكله كبيره بتصير
هبه: ليش يامحمد....لييييش؟؟ ليش ماقلت لي انك ماتبيني وان بقلبك وحده غيري...ليش توهمني بأنك مرتاح معاي وانك محتاجني قربك حرام عليك

شال الجوال وكلم سماح وهو معصب ومفور....
محمد: سماح
سماح ببرود: اووه هذي خطيبتك اتاريك بعد كذبت عليها....
محمد بعصبيه: اسمعيني سماح زوجك مات او عاش انتي الحين ماتهميني علشان كذا اقولك خلاص روحي في طريقك الله يوفقك وانا الحين بحياتي وحده غيرك عاالاقل احترمت مشاعري مو مثلك باي
سكر وهو يرجف من العصبيه وحط يده على ظهر هبه اللي مغطيه ووجهها بيدها وتبكي من قلب
محمد: هبه
هبه: رجعني البيت
محمد: مو قبل مانتفاهم...
هبه بانكسار: في ايش يامحمد بنتفاهم...انت مو مجبور تحبي او تتزوجني تبيها وتحبها ارجع لها صدقني ماامانع..(.نزلت دموعها وطالعته بحزن) تدري اني احبك واتمنى اشوفك سعيد لو مع وحده غيري...

كلماتها كانت مثل السكاكين بقلبه...
محمد وهو يمسك يدها: هبه وربي لو تدرين اني تعودت عليك مااتخيل اتركك وارجع لوحده باعتني بالرخيص
هبه: لاتجاملني بهالكلام انتي تحبها ماتحبني اعترف ليش خايف تقولها
محمد: لو كانت لسه بقلبي وابيها واتمنى اتزوجها كان ماافكرت اخذ غيرها سماح نسيتها وشلتها من قلبي....ماابيها ياهبه..ابيك انتي

نزلت راسها وهي تفكر ...توقعت يامحمد القى فيك اللي انحرمت منه طول حياتي صبرت سنين لين صرت لي بعدها غيرني هالحب اللي في قلبي خلاني احب هالعالم كثر حبي لك..
هبه: ممكن ترجعني البيت
طنش جملتها الاخيره وحرك بسيارته وكان يمشي في طرق وشوارع ماتعرفها
هبه بخوف: وين رايحين؟ قلت لك رجعني البيت
محمد: ممكن تسكتي شوي؟
هبه: لا مو ممكن تكفى محمد ماابي أي شئ منك رجعني البيت

واستمر يمشي وهو ساكت وهي تتوسل يرجعها البيت لين وقف عند عماره جديده نوعا ماوراح فتح لها الباب
محمد: تفضلي
هبه: وين؟
محمد: انزلي وفوق نتفاهم..
هبه: الحين تفهمني انت وين جايبني
سحبها من يدها بشويش وطلعها من السياره وبقى ماسكها لين دخلوا اللفت ووقف في الدور الثالث وطلع من جيبه مفتاح وفتح الشقه
هبه: شقة مين هذي؟
محمد: احم..شقه محمد عبدالله وبتكون شقتك مستقبلا
هبه: انت عندك شقه؟
محمد: يس ادخلي وافهمك كل شئ
دخلت وقامت تحول نظرها من ركن للثاني ..الشقه كانت مقلوبه فوق تحت يعني شقه عزابي ميه الميه...الملابس عالكنب والكاسات والصحون عاالارض وارواق واقلام ودفاتر واشرطه وكاسيتات
هبه: من متى عندك هالشقه...ماكنت عارفه
محمد وهو يجلس عالكنبه ويحط رجل على رجل: ماحد غيرك يدري عنها ومااوصيك لااحد يعرف..تعالي جنبي
هبه: ماابي
قام سحبها وجلسها قربه وحط يده على كتفها بقوه حتى ماتفكر تقوم....
هبه: بعد عني
محمد: ههههههه كل هذا تغلي
هبه: مااتغلى
محمد: طيب هبه اسمعيني
هبه: ايش اسمع يامحمد
محمد: هبه اسمعيني اسف عاللي صار ..سماح ماانكر كنت احبها وابيها بس البنت تزوجت وراحت في حال سبيلها وصدقيني ياهبه من يوم اخر مره كلمتها وصدتني وقال اتركني بديت اشغل نفسي بأشياء ثانيه حتى انساها وخطبتك والله نسيتها...
هبه: بس هي تحبك
محمد: مادري
هبه: ليش تزوجت غيرك
محمد: عمها غصبها
هبه: يعني ماباعتك
محمد: الا باعتني....يوم ملكتنا كلمتها ياهبه توقعتها تزعل وتتضايق وتترجاني مااملك عليك بس قالت انساني والله يوفقك ومن هالكلام يعني ماتبيني
هبه: ردة فعل طبيعيه لانك فكرت تاخذ غيرها
محمد بعصبيه: انتي ليش تدافعين عنها ها؟ حطوك محامي عليها؟ اسامحها يعني؟ هذا اللي تبينه
دق قلبها بسرعه وحست انها على مفترق طريقين كل واحد اصعب من الثاني..لازال يفكر فيها وانا خطيبته مع وقف التنفيذ لكن هذا عقابي من الله ليش اكذب عليه من الاول واقوله قبل مانملك ان امي عرفت انه نزل البيت يوم زواج خلود وهاوشتني وطقتني....استاهل
هبه: محمد سوي اللي يريح انا ماراح اتدخل
محمد: شلون ماراح تتدخلين شفيك انا بحسبة زوجك ماتغارين علي؟ ماتبيني؟
هبه بابتسامه: ابيك واحبك بس انت تبيني؟
حبها على جبينها وضمها : كيف ماابيك انتي بنت خالتي وخطيبتي وبكره زوجتي ..ايش ابي اكثر تدلعيني وتهتمين فيني وبين كل وجبه تدقين اكلت او لا...نام زين وذاكر زين....ماابي كل هذا يروح مني
واللي صار اليوم ماابيه يغير من شعورك ناحيتي
هبه: كيف تطلب مني هالطلب الصعب..
محمد: اوووه هبه...لاتعقدين المسائل اكثر انتي تدرين احنا في شهر كم؟
هبه: سبعه
محمد: يعني بعد شهرين بيصير زواجنا مثل مااتفقت امي مع خالتي وتبينا نبتدي حياتنا بمشاكل مثل هذي؟
ابتسمت بيأس ومسكت يده : محمد فكر بغيري..اكرهني مااجبرك تحبني ماابي كل هذا اللي ابيه تكون جنبي ليل نهار....وجودك معاي يحسسني باالامان ماابي شئ غيره..توعدني بهالشئ؟؟

غمض عينه وهو يفكر في كلامها وكان واضحه نبره اليأس والحرمان فيه....
لهالدرجه تحبني وخايفه تفقدني ..بس حرام اللي اسويه فيها البنت تحبني وهي يتيمه مالها حد بهالدنيا غير امها واخوها..كيف ياربي كنت احسها لغز كبير مغلف بالانانيه والغرور بس من خطبتها اكتشفت اشياء ماكنت اعرفها عنها...

محمد: هبه
هبه: نعم
محمد: ليه ماكنت اعرفك اول مثل الحين..ماكنتي حبوبه كذا
هبه: كنت ولازلت ماتغيرت يامحمد....
محمد: الاتغيرتي اول كنت اشوفك مغروره وماتحبين الا نفسك ..بصراحه كنت انفز منك
هبه: تبيني ابين لناس طيبتي حتى يقولون ساذجه...خليني ابين قويه حتى ماحد يفكر يستغلني
محمد: بس مو حل انك تقسين عاللي حولك وتمثلين قوه ماتحسين فيها اصلا..وربي ياهبه اني هالفتره عرفتك اكثر وعرفت انك انسانه شفافه وبريئه وطيبه..ليه ماتبينين هالحقيقه للكل؟
هبه: محمد الطيب في هالزمان ساذج
محمد: من قال ياهبه....يعني انا وامك واخوك ساذجين؟
هبه: مادري
محمد: هبه الطيبه لو زادت عن حدها بتكون سذاجه وغباء لكنك طيبه بعقل وفاهمه...
هبه: طيب اذا تغيرت وبينك للكل حقيقتي ايش بستفيد
محمد: حب الناس اكبر فائده...هبه انتي حتى شوق وخلود وحور خواتي ماتكلميهم الا ناذر ولاتتقربين منهم
هبه: من يومهم مايحبوني
محمد: لانك ماعطيتيهم فرصه يحبوك هبه مثل ماانتي حلوه وطيوبه معاي ابيك تكوني معاهم نفس الشئ..حتى يشوفوا هبه على حقيقتها ويحبوها
هبه: واذا ماتقبلوني؟
محمد: على مسؤوليتي.....الحين تعالي اوريك الشقه
هبه بابتسامه: يلا
سحبها من يدها وقام يوريها الشقه ركن ركن.....
محمد: هذا المطبخ
هبه: الله يامحمد ماتعرف تغسل صحون؟
محمد: هههههههههه وانتي اجل ايش وظيفتك هاا
هبه: من اولها يالمجرم بتخليني خادمه
محمد: وظيفتك عاد..تعالي اوريك غرفه نومي
هبه: ماقلت لي محمد من متى عندك هالشقه؟
محمد: اول ماتخرجت من الثانويه
هبه: من جدك؟؟؟ 4 سنوات؟
محمد: ايوه؟؟؟اذكر يومها تهاوشت مع ابوي كان يبيني ادرس اداره اعمال وانا ابي طب ..عصبت وطلعت من البيت واشتريت هالشقه
هبه: اوكي ليه ماحد يدري عنها؟
محمد: لاني مااجيها الا وانا حاب اكون لوحدي ماابي حد معاي ولو قلت لهم عنها ليل نهار بيعسكرون عند الباب....خليني كذا مرتاح افضل
هبه: طيب وانا ليش قلت لي عنها؟
محمد: عاد انتي زوجتي وبتكون شقتك لازم تعرفين
بعد ماشافت الشقه راحت معاه للصاله الكبيره وجلسوا يشاهدوا تلفزيون....
محمد وهو يطالع الساعه: تدرين كم الساعه؟
هبه: كم؟
محمد: 12
هبه: اوووووه جد؟؟؟ تلاقي الوالده الحين تحاتيني خليني ادق عليها
سحبت التلفون وكلمتها على جوالها
ام مازن: الو
هبه: هلا يمه
ام مازن: هلا حبيبتي هبه....ها من وين داقه هذا رقم غريب
هبه بارتباك: هاا امممم من مطعم
ام مازن: أي مطعم بعد؟
سحب محمد السماعه من يدها
محمد: هلا خالتي
ام مازن: هلا محمد وينكم فيه؟
محمد: خالتي تطمني هبه معاي
ام مازن: أي يمه محمد انتبه لها
محمد: افا عليك خالتي لاتوصين....عالعموم احنا بنتغدى وبنمرلمستشفى نشوف خلود وارجعها البيت
ام مازن: براحتكم حبايبي انتبهوا لنفسكم
محمد: ان شاء الله يالغاليه فمان الله
ام مازن: فمان الكريم...

بعد ماسكر لف عليها وهو رافع حاجب
محمد: يالدبه كنتي بتفضحينا وتقولي لها على الشقه
هبه: ههههههه تدودهت لما سألتني لكن ربك ستر
محمد: طيب هبه انا باروح اشتري غدا وبرجع
هبه: بتتأخر؟
محمد: لابالكثر نص ساعه المطعم قريب
هبه: طيب انتظرك.....
محمد: يلا باي
هبه: انتبه لروحك وسوق على مهلك
محمد: اووكي من عيوني تصرفي بحريه
هبه: ان شاء الله

بعد ماطلع قامت ترتب غرفة نومه والمطبخ وجلست بعدها تشاهد تلفزيون ودق الجرس
خافت وارتبكت....قال ماحد يعرف بهالشقه غيري....مين اللي جاي اجل....؟؟؟

وبسسسس
نكتفي الى هني اليوووم
ان شاء الله تعجبكم هالاجزاء
بانتظار التعليقات

تحياتي
دمعه حزن

بعد اسبوع ؟؟
جربي اتفكري اتسويها وبتشوفي

لا تصيري طماعة واااجد
الاوييه تمبي ضيوف واجد
أصلاً اني وصحنتي الا تجيب المرض تكفي وبعدين جت نور الحوراء وبعدها آهات عاشقة
هادا كله ما يكفيش
ههههههههه
امزح وياش

بكرة نزلي موتقوولي اجازة زي هاديك المررة

هههههههههههههه
أهلين بالصغيره الخطيرره
خلاص بجرب انا انزل عقب اسبوع انتي قلتي لي اجرب ..
لا الجمعه ما انزل اجاااااااااازه ..
حمدي ربج بعد ما قلتج السبت اجازه بعد ..
تراني طيبه بس يوم اجازه اخذ ..
هههههههههههههه
طيبه حدي لا؟؟

تحياتي
دمعه حزن

لا لا لا لا اني ما قلت لش نزلي بعد أسبووع
اني قلتها عن مزحة

الحمد لله

مررررررررة طيبة حدش
لدرجة انش فقتي عليي

يؤ يؤ يؤ صغيره أكلتي البنت هههههههههه>>>>>>أمزح

بكرة نزلي موتقوولي اجازة زي هاديك المررة

صح كلامها بكره نزلي

ننتظرج :bigsmile:.

هههههههههههه
أهلين فيكم خواااااااتي
خلااااص ولا تزعلوا بحاول بكره انزل
قلت بحاوووول يعني مو اكيييييد .. ع الظروف
يعطيكم ألف عافيه يااارب

تحياتي
دمعه حزن

هههههههههههههههههههههههههههه

نور الحوراء

لا لا لا اني ما أكلتها ما تشوفيها موجودة ردت بعدش
بعديين لو اكلتها من هو بينزل باقي القصة ؟ >>>> مصلحة يعني
ههههه أمزح


دمعوووه اي اي اي جدي طيبة مررة في (( حالة ادا نزلتي بكرة ))

أعرفش بتنزلي ادا قدرتي لأنش طيبة طالعة عليي
خخخخ

اقتباس:

---

المشاركة الأصلية كتبت بواسطة دمعه حزن

هههههههههههههه

أهلين بالصغيره الخطيرره
خلاص بجرب انا انزل عقب اسبوع انتي قلتي لي اجرب ..
لا الجمعه ما انزل اجاااااااااازه ..
حمدي ربج بعد ما قلتج السبت اجازه بعد ..
تراني طيبه بس يوم اجازه اخذ ..
هههههههههههههه
طيبه حدي لا؟؟

تحياتي

دمعه حزن

---

لاااااااااااا

لاتاخذين أجازه نزلي بكره نزلي بكره ولا.............:evil: ههههههههههه<<<<<<<< أمزح
أي أنتي طيبه واااااااااجد

يلاعااااااد دمعه ننتظرج:bigsmile:.

ههههههههههههه
افـااا يا صغيره الحين لو مالج مصلحه جان أكلتيني هاا
خلاااااااااااص بكره ما بنزل اجل
ترى القصه قربت تنتهي يعني لازم شوووي اناحس واعاند واشووووقكم واخليكم على اعصابكم

واذا ما نزلت بكره بكون شريره هاا ؟؟
خلااص ماكو تنزيل بكره
نور الحوراء ترى هي الا ما تبيني انزل يعني مو شغلي كلميها << سوووووسه تبي تسوي هوووشه ههههههههه

ونور الحوراء بعد تهدد خلاص ماكو تنزيل بكره << صغيره عليج ابهاا .. صدق سوسه

ههههههههههههههههههههه
ان شاء الله اقدر وانزل لكم بكره
انتظروووووووني


تحياتي
دمعه حزن

افاااااااااااااااااا
كنت امزح أني يووم قلت عشان مصلحتي


ما حد قال انش ادا مانزلتي بكرة بتصيري شريرة

على كيفش نزلتي بكرة لو لا ما لي خص أني

يؤؤؤؤؤؤ
صغيرره الا هو مززززح
ترى عاااادي حتى لو قلتي لي مافيها شيء ..
شدعوووه مالج خص ؟؟
ان شاء الله اقدر بكره وانزل لكم
لا تزعلي انتي بس

ههههههههههههه

لا لا الاوييه أزعل

ما قلتي شي ازعل


وان شاء الله تقدري تنزلي

اقتباس:

---

المشاركة الأصلية كتبت بواسطة صغيرة بس خطيرة

هههههههههههههههههههههههههههه

نور الحوراء

لا لا لا اني ما أكلتها ما تشوفيها موجودة ردت بعدش
بعديين لو اكلتها من هو بينزل باقي القصة ؟ >>>> مصلحة يعني
ههههه أمزح


دمعوووه اي اي اي جدي طيبة مررة في (( حالة ادا نزلتي بكرة ))

أعرفش بتنزلي ادا قدرتي لأنش طيبة طالعة عليي
خخخخ

---

ههههههههههههه

أمزح معاج حبيبتي :bigsmile:

أي طيبه طالعه عليج ههههههه.

اقتباس:

---

المشاركة الأصلية كتبت بواسطة دمعه حزن

ههههههههههههه
افـااا يا صغيره الحين لو مالج مصلحه جان أكلتيني هاا
خلاااااااااااص بكره ما بنزل اجل
ترى القصه قربت تنتهي يعني لازم شوووي اناحس واعاند واشووووقكم واخليكم على اعصابكم
:evil:

واذا ما نزلت بكره بكون شريره هاا ؟؟

خلااص ماكو تنزيل بكره
نور الحوراء ترى هي الا ما تبيني انزل يعني مو شغلي كلميها << سوووووسه تبي تسوي هوووشه ههههههههه
ههههههههههههه
يادبدوبه متى أنا قلت لاتنزلين :evil:<<<بشوفين شغلج أنتي ههههه<<<أمزح:toung:

ونور الحوراء بعد تهدد خلاص ماكو تنزيل بكره << صغيره عليج ابهاا .. صدق سوسه
لا أنا ماهدد بس أمزح معاج:bigsmile:

ههههههههههههههههههههه
ان شاء الله اقدر وانزل لكم بكره
انتظروووووووني

تحياتي
دمعه حزن

---

أن شاء الله تقدرين تنزلين بكره

ماني ماني ماني


اهئ اهئ اهئ اهئ اهئ اهئ اهئ اهئ اهئ



ويش يصبرنا من الحين الى ذاك اليوم

الله يستر

احنا مانقدر نصبر الى بكره كيف بنصبر الى بعد بكرا


حرام

حبيبتي روحي حياتي دمعة حزن >> بدت المصالح

نبغى عااااد

على العموم


مشكوووره غناتي

والله يعطيش الف عافيه

دمتي لنا

ههههههههههه
خلاص ولا تزعلوا ولا تصيحوا بعد
ان شاء الله اذا قدرت بكره
تسلموووون لي

تحياتي
دمعه حزن

هههههههههههههههههههه

ويلي ويلي ويلي ويلي

بفطس من الضحك

طلع مو بس أني صحااانة حتى هم


دموعتي ترى هادي اني علمتهم على هادي الحركات وخليتهم ينسوا حاجة اسمها الصبر
خخخخخخخخخخخخخخخخ

ههههههههههههههه
يالله عن خاطركم بنزل لكم الحين
وما باخذ الاجازه

اخليكم مع هالاجزاء ..

قامت هبه من مكانها وهي مرتبكه وخايفه لبست شيلتها وطلت من العين الساحره شافت بنت وكمان مغطيه وجهها….
هبه بخوف: مين؟
سماح: انا سماح
حطت يدها على فمها وهي مصدومه هذي سماح ماغيرها كيف تعرف شقته ؟ هو قال لي ماحد يعرف عنها غيري
فتحت لها الباب بيد ترجف…
هبه: نعم؟
سماح : بنتكلم عالباب يعني؟
هبه: ايش تبين؟
سماح وهي تدخل وتطالع الشقه: امممم لا حلوه والله الشقه ذوق محمد ميه الميه
عصبت هبه ووقفت بوجه سماح بتحدي
هبه: كيف تسمح لك نفسك تجين هنا
سماح ببرود: اجل انتي هبه؟ لاحلووه كمان عرف يختار محمد
هبه: تبين شئ؟
سماح: ايوه...مابتخليني اجلس حتى نسولف
عطت سماح ظهرها وتوجهت ناحية الباب
هبه: مااظن بيننا كلام..تفضلي من غير مطرود
سماح: ههههه سكري الباب وتعالي
هبه بعصبيه: اقولك تفضلي ماتسمعين
سماح: شوفي هبه انا حبوبه وطيوبه ومو من عوايدي اهاوش لكن اذا وصل الموضوع الى
محمد اللي هو اعتبره شئ من ممتلكاتي ماراح اسكت
هبه: ممتلكاتك وهو خطيبي وين صارت هذي
سماح: هبه حبيبتي شوفي...انا مو جايه اهاوشك او اصارخ عليك اللي باقوله لك كلمتين وطالعه
هبه: لحظه....اصلا انتي كيف عرفتي عنوان الشقه
سماح: بسيييطه كل شئ عن محمد اعرفه..كنت عارفه ان عنده شقه وقدرت بطريقتي اوصل للعنوان
مو هذا موضوعنا..شوفي هبه كلمتين ورد غطاهم محمد لسه يحبني وانا احبه..يعني مااتوقع يرضيك
تبقين مع شخص يحب وحده غيرك
هبه: محمد يبيني ياسماح
سماح: هو قالك هالكلام؟؟ يكذب على نفسه حتى ينساني لكن عبث..انا عارفه انه يحبني وراح يبقى يحبني طول عمره
هبه: حرام عليك اللي تسوينه محمد صار لي..مالي غيره بالدنيا
سماح لما شافت دموع هبه وانكسارها لملمت نفسها وراحت لعند الباب بس محمد سبقها وفتحه وكانوا بيصدمون في بعض لولا انه وقف مذهوول دقايق لما شافها...وصار مثل اللوح ساكن مايتحرك
طاحت الاكياس اللي كانت بيده عاالارض وقام يحول نظره بين هبه اللي جالسه عالكنبه تبكي وسماح اللي تطالعه بتحدي
محمد: انتي؟؟؟كيف وصلتي هنا؟
سماح وهي تطالع الاثنين: عن اذنكم
محمد: هيه لحظه سماح
سماح: خير
محمد: انتي كيف تتجرأين وتجين شقتي...وبعدين من وين عرفتي عنوانها
سماح: اللي يسأل مايضيع يامحمد...
لف محمد لهبه اللي كانت تطالعهم بحيره ممزوجه بحزن...دق قلبه بسرعه خلاص هبه صارت لي احسها قطعه مني اللي يأذيها يأذيني مااتحمل اشوف دموعها مو كفايه الحرمان اللي عايشه فيه طول عمرها....
سماح: عن اذنكم
محمد: مابتطلعين قبل مااقولك اللي عندي

صدته وطلعت من الشقه وسكرت الباب وراها....راح لعند هبه وجلس جنبها والدنيا ضايقه فيه محتار كيف يتصرف كيف يخليها تنسى كل الاحداث اللي صارت لهم اليوم...
محمد: هبه...شصار بينكم؟
هبه بصوت مبحوح من البكي: ولاشئ
محمد: شقالت لك وكيف عرفت مكان الشقه؟
هبه وهي ترفع راسها له: متأكد ماقلت لها عن الشقه؟
محمد: وربي ياهبه ماقلت لها شئ..ماحد غيرك يعرف عنها خبريني باللي صار بينكم
هبه وهي تقوم : محمد
محمد: نعم
هبه: احس اني تعبانه ابي ارجع البيت
محمد: هبه اجلسي طيب
جلست قريبه منه..حط يده حول كتفها هي استجابت له دايركت وحطت راسها بحضنه وبكت وهو يمسح على شعرها...
محمد: مابتقولين اللي بقلبك يعني؟
هبه: محمد..سماح قالت لي انك ماتحبني ولاتبيني ولسه تحبها
محمد: وانتي صدقتيها؟
هبه: محمد انا عمري ماكذبتك وصدقت غيرك..لكن ابيك انت تجاوبني بصراحه هالمره ..تحب سماح..تبيها؟
سكت فتره بعدها نطق
محمد: احساسك ايش يقولك؟
هبه: مادري يامحمد
محمد: بتركك انتي ياهبه تعرفين بنفسك
هبه: محمد انت مو مجبور تحبني والله ماراح امانع لو تبيها
محمد: هبه تدرين ان كلامك يعصبني بذمتك لو ماابيك ليش للحين باقي معاك ..هبه افهميني ارجوك سماح ماابيها وخلينا نحط لهالموضوع حد..
بعدت عنه ورفعت راسها له وهي مبتسمه...
هبه: يعني مابتتركني...؟
محمد: هبويه ياقلبي
هبه: هلا
محمد: شهر العسل وين بنروح؟
هبه: امممم ماليزيا
محمد: يمدحون بناتها لو عجبتني وحده بتركك واتزوجها عليك...
ضربته بشويش على بطنه
هبه: اوووه محمد احر ماعندي ابرد ماعندك
محمد: امزح معك والله...خلاص بعد اليوم ماابي اشوف دموعك اوكي؟
هبه بابتسامه: اوكي
محمد: نقدر نتغدى الحين؟
هبه: يلا

.................................

كانت تمشي بعصبيه في غرفتها وتضرب يد باليد الثانيه
فطوم: ورود
ورود: ها ايش تبين ؟
فطوم: طيب اجلسي ريحي اعصابك..
ورود: مو قبل ماارتاح من هالريناد اللي ناشبه في بلعومي يافطوم وربي اكرهها متى برتاح منها..لكن تدرين بدر ولد خالتي هو اللي بيساعدني...ويريحني منها..والله لاخلي مازن يرميها ويكرهها ويجي لي انا...

بدر...ولد خالتة ورود اول مره شاف ريناد بالبحرين...بعدها صار يشوفها عند المدرسه لين سأل ورود بنت خالته عنها وقالت له عن قصتها وياها وطلبت منه يساعدها حتى تتخلص منها..
هو وافق بدون تردد....وحطوا خطتهم...وبدر وافق على كل هذا اولا حتى يكسر غرور ريناد وثانيا حتى يكسب رضا بنت خالته اللي عاجبته ومو عارف كيف يحصل عليها بأي طريقه كانت...

اخذت جوالها ودقت عليه
بدر: ايوه ورود
ورود: دقيت على ريناد؟
بدر: سبقتيني سكري والحين ادق عليها
ورود: بدر مااوصيك اشتغل عليها عدل
بدر: افا عليك يابنت خالتي والله لاجيب راسها الارض هالمغروره
ورود: كفو بولد خالتي يلا انتظرك باي

سكر من عند ورود ودق على ريناد وكانت مع شوق بالغرفه يسمعون اغاني ويسولفون...وحور معاهم تقرأ مجله وتوها راجعه من المستشفى من عند خلود....

ريناد: الوو
بدر: مرحبا
ريناد: ياهلا...نعم اخوي؟
بدر: ريناد صح؟
ريناد وهي متفاجأه من هاللي يعرف اسمها وداق عليها: من معي؟
بدر: ماعرفتيني يالظالمه
ريناد: بتقول ولاشلون؟
بدر: وربي انتي لما تعصبي تجننيني...انا بدر
سكرت بوجهه وهي معصبه
حور: خير ريناد من هاللي داق؟
ريناد: مادري واحد فاضي
شوق: ايش يقول؟
ريناد برتباك: سلامتك ماقال شئ اكيد غلطان
شوق: ماعلينا الا خلود شخبارها؟
حور: واعليه اختي..صدقيني ماعرفت اخذ منها لاحق ولاباطل ماعندها غير البكي..
شوق: مسكينه اختي بتروحين لها بعد الغدا؟
حور: اكيد انا رجعت علشان اسوي الغدا لكم بس لازم برجع لها مايصير اتركها لوحدها
شوق: خلاص باروح معك
ريناد: وانا بتتركوني لوحدي لا باروح معاكم
حور: خلاص نروح بس مانطول عندها خليها ترتاح يلا قوموا نتغدى
نزلوا الثلاث وكان بشار وماهر وابوماهر على طاوله الطعام ويتغدون...
ماهر: انتي وينك صار لي ساعه ادورك
حور: مع البنات
ابوماهر: اقول حور
حور: سم عمي..
ابوماهر: شخبارها اختك
حور: والله ياعمي رحت لها والله شقولك ساكته ماتقول شئ ماعندها غير دموعها حاولت اهديها انا وامي بس مافي فايده
ابوماهر: الله يعينها
بشار: انا كنت ابي امرها بس استحيت ماحد معي
ماهر: المهم حور انا بتغدى وطالع عندي شغل
حور: تكفى ودينا المستشفى وروح لشغلك
ماهر: والسواق وينه؟
حور: وااع لوووعه هذا لااحد يجيب لي طاريه مااحب اركب وياه
ريناد: ههههه هذاك اليوم كانت بتذبح المسكين...اقول بابي ...
بشار: اسمه يبه مو بابي
ريناد وهي ترفع راسها له : عن اللقافه لااقوم انتف الباقي من شعرك
بشار: يلا قومي ان ماسويت شعرك حفله بدون كيك
ابوماهر: يوووه منكم ليل نهار مناجر وهواش....ايش كنتي تبين ريناد
ريناد: يبه افكر ارجع للمرسم شرايك؟
ابوماهر: فكره حلووه قولي لاخوك وهو يتصرف
ماهر: مين انا؟
ابوماهر: انت او بشار واحد فيكم يتصرف اصبغوا المرسم من جديد واشتروا باقي الاغراض
ريناد: طيب متى؟ بجد متحمسه ابي ارجع ارسم
ماهر: أي مو لانك فاضيه ماعندك شئ اصبري لبكره او اللي بعده الشغل واصل لفوق راسنا
ريناد: اووف انزين
ماهر: تتأفف بعد...اكلي وانتي ساكته
ريناد: اوووكي على راسي مستر ماهر

......................

دق الجرس وجات الخادمه فتحت له الباب
بدر: هاي
الخادمه: هاي مستر بدر
بدر: وين ورود؟
الخادمه: داخل.....ويلكم
دخل ولقى ورود بنت خالته لوحدها بالصاله وتتابع فلم اجنبي راح وجلس مقابلها...
ورود: تأخرت
بدر: شسوي في تفتيش وتأخرت ها وين خالتي؟
ورود: طلعت
بدر: حلووو يعني مافي غيرنا بالبيت
ورود بدلع: اووه بدر مو وقته
بدر: اجل متى وقته لين متى باصبر عليك
ورود: تكلمنا في هالموضوع من قبل
بدر بعصبيه: لكن انا عارف مو منك من مازن...هذا اللي تلفين وراه وين مايروح..يااختي مايحبك افهميها وعيب عليك تلاحقيه تعالي انا احبك وابيك...
ورود وهي تقوم: لو سمحت سكر عالموضوع...مااحب اتكلم فيه
سكت وهو من جد حاقد على تصرفاهها معاه واللامبالاه اللي تستخدمها في كلامها لما تكون وياه..
اووف لين متى باصبر عليها دخت وراها وهي ابد حاطه لي طناش..
بدر: ايش ناويه عليه؟
ورود: بخصوص؟
بدر: حبيبك مازن وحبيبته ريناد
ورود: معقوله تسألني هالسؤال وانت العقل المدبر
بدر: ايش بالضبط اللي تبين توصلين له؟
ورود: ابعدهم عن بعض اخليه يكرهها ويحتقرها والف انا عليه ويصير لي
بدر: امممممممممم مافي غير هالحل
ورود: اتحفنا بأفكارك يالخطير
بدر: اسمعي..

العصر الساعه4 العصر كانت جالسه على سرير بنتها ويدها على جبينها وتقرأ قران بصوت منخفض..
طلت على بنتها لقتها نايمه....وفجأه اوتعت من كابوس ونقزت من السرير بسرعه
ام محمد: خلود يمه حبيبتي شفيك؟
خلود وهي تطالع امها بخوف: ناصر....وينه؟ صار فيه شئ؟
ام محمد: بسم الله عليك...لاحبيبتي كان حلم نامي وارتاحي
خلود ويدها على رقبتها: يمه هاتي لي ماي عطشانه...
ام محمد: من عيوني
قامت وعطت بنتها كاس ماي شربته وشفايفها ترجف..بعدت الكاس عن فمها لما اكتفت وتلحفت بالبطانيه زين لانها تحس بالبرد
ام محمد: يمه خلود شفيك؟
خلود وهي تبكي: يمه تعبانه مره...لاتتركيني
ام محمد: انا جنبك بس انتي هدي بالك ايش الحلم اللي حلمتيه؟
خلود: يمه حلمت ان ناصر كان مريض وعلى فراشه ويناديني وانا مااسمعه يحاول يمسك يدي وانا ابتعد عنه..
ام محمد: بعدك مصممه عاللي براسك؟
خلود وهي تبكي اكثر: يمه انتي اكثر وحده تعرفين شقد احب ناصر واتمنى ابقى وياه بس..
ام محمد : بس شنو؟؟ ياخلود ياحبيبتي فكري بعقلك مو بعواطفك ناصر زوجك يحبك ويبيك والمفروض مو من اول غلطه تطلبين الطلاق..ياخلود الحرمه العاقله الفاهمه تجلس مع زوجها تكلمه وتسمعه وبعدها يرجعون مثل قبل واحلى...
خلود: ايش قصدك؟
ام محمد: قصدي بالتفاهم والهدوء كل اللي تبينه بيصير
خلود: عارفه يمه..بس احس ناصر ماعاد يحبني مثل قبل...مطنشني...
ام محمد: قد مره سألتي نفسك عن السبب؟
خلود: اكيد مافيه سبب بس مزاج..انا ماارضى اكون بالنسبه له مجرد مزاج ساعه يبيني والف ساعه يرفضني
ام محمد: ليش عايشين بالغرب احنا؟ الظاهر ياخلود حياة الغرب اثرت عليك وعلى تفكيرك هالشئ يصير هناك عندهم متى مامل الزوج من زوجته رماها وراح لبنت غيرها ويعاملها مثل زوجته ويمكن يجيب منها عيال..
لكن ياخلود حناا مجتمع مسلم ..سألتي نفسك مره عنده مشاكل بالعمل اولا..قصرتي معاه بشئ من حملتي؟

جلست تفكر وهي تطالع امها..كلام امي معقول انا مادري عن ظروف عمل ناصر..ومن ناحية تقصيري معاه مااذكر قصرت....لكن لا امي معاها حق انا مقصره بوجباتي تجاه ناصر كزوجه..اول ليل نهار معاه وقربه اعطيه كل واجباته والبي رغباته بدون تردد ..لكن الحين من حملت وانا تفكيري منحصر حول هالولد اللي ببطني وانام كل ليله قبل لايجي ناصر ويصحى قبلي ويروح العمل...اووف طيب شسوي انا تعبانه ومااقدر اسهر معاه مثل اول..

قطع عليها افكارها صوت ابوها وهو يدخل الغرفه وبسمة وقار على محياه...
ابومحمد: السلام عليكم
خلود- ام محمد: وعليكم السلام
خلود: هلا يبه..وينك عني؟
ابومحمد: موجود يابنتي بس والله هالشركه كسرت ظهورنا
ام محمد: ياعبدالله العمر يخلص والشغل مايخلص ريح عمرك..تعال استريح
جلس مقابل بنته وهو مبتسم...
ابومحمد: عسى مانتي تعبانه ولاتحسين بشئ؟
خلود: الحمدلله يبه شوية الم وتعب يروح مع الوقت
ابومحمد: تبيني اكلم الدكتور والممرضات يحطون بالهم عليك؟
خلود: لايبه مايحتاج والله من عرفوا اني بنتك وابوماهر عمي وهم مايتركوني دقيقه وحده ممرضه داخله وممرضه طالعه..من قدي ابوي عبدالله وعمي جاسم...
ام محمد: ههههه تعال شوي ابومحمد بره ابيك بكلمة راس..
ابومحمد: طيب ..حطي بالك ياخلود على نفسك
خلود: من عيوني يالغالي لاتحاتي...

توهم طالعين الا ناصر جاي مع امه وابوها وقربوا منهم...سلم ناصر على عمه وعمته بسرعه ودخل لزوجته
وامه وابوه تركهم بره...
ام محمد: حيالله ام ناصر شلونك؟
ام ناصر: الله يخليك ويعز قدرك احنا بخير الحمدلله على سلامة خلود
ام محمد: الله يسلمك ...ها بتدخلي لها؟
ام ناصر: اجل شلون يلا
دخلت ام ناصر مع ام محمد لخلود...ابتست خلود دايركت الى ام ناصر وحمدت ربها ان ام ناصر ردت لها الابتسامه ولاطنشتها....قربت منها حتى تسلم عليها
ام ناصر: الحمدلله على سلامتك
خلود: الله يسلمك
ام ناصر: خفنا نفقدك...خلاص ارجعي البيت نويصر قالبه فوق تحت علينا
خلود: ههههههههه جد يعني اشتقتوا لي
ام ناصر: انتي تعرفين ....
خلود: الا وين عمي....
ام ناصر: الحين يدخل لك....

دخل عليها عمها وسلم عليها واستأذن مع مرته وروحوا وبقت مع زوجها وامها وابوها...
استغلت امها فرصه وجود ناصر وطلعت مع ابومحمد بره حتى ياخذون راحتهم بالكلام...
ناصر: بتبقين ساكته؟
خلود: ماعندي أي شئ اقوله..
ناصر: كذا يعني انعدمت المواضيع اللي ممكن نتكلم فيها؟
خلود: بالضبط...
ناصر: خلود لين متى ؟
خلود: ناصر لو سمحت اتوقع الصباح قلت لك اني ماعدت ابي اعيش معاك
ناصر: وانا ماصدقتك..
خلود: ليش تظن اني امزح معاك؟
ناصر: لا مو تمزحين بس لازلتي تحت تأثير الصدمه..خلود مو من اقل مشكله تطلبين الطلاق مني
خلود: اقل مشكله؟ يعني اللي صار في نظرك شئ تافه؟
ناصر: حبيبتي خلود شوفي..
قاطعته: انا مو حبيبتك وخليني لوحدي
قام من مكانه وهو معصب وطلع من الغرفه وهو يحاول يهدي نفسه ويلقى حل للمشكله...

الساعه 5 العصر لبسوا الثلاث وتجهزوا ووصلهم بشار المستشفى...
بشار: بنزل معاكم عادي؟
حور: اكيد بنت عمك مافيها شئ
بشار: اخاف عندها حد من صاحباتها
حور: لا مااظن ...انزل حياك
وقفوا السياره في اقرب موقف ودخلوا المستشفى وصاروا يمشوا في الممرات حور قدام وجنبها ريناد وراهم بشار وشوق...اللي شافت لوحه على جنب مكتوب عليها اقسام المستشفى واجنحته وارقام الادوار....
شوق وهي تأشر بأصبعها على اللوحه: الدور السابع السرطان الله يكفينا شره...الرابع حوامل وولاده

ماخلاها تكمل وشال اصبعها من اللوحه
بشار: عقبالك وعقبال مانشوفك في الدور الرابع...
ابتسمت له ومشت
بشار: شوشو
شوق: هلا
بشار: باكلم ابوي هاليومين
شوف بخجل: بخصوص؟
بشار: عن الاستهبال يالدبه...يناسبك الوقت؟
شوق: لا
بشار: افا ليش؟
شوق: ابي اتطمن اول على نتيجتي وارتاح وبعدين يصير خير....
بشار بعصبيه: لااجل خلي نتيجتك تنفعك انا مو مهم اصلا عندك باي
ومشى قدامها بسرعه وهي تضحك....ويلوموني في حبه ياااه ماقدر عليه ..

وصلوا للغرفه وكانت ام محمد لسه موجوده مع بنتها..دخلوا قبل بشار اللي اقترح انه يوقف بره ومايدخل...
حور: السلام عليكم
خلود-ام محمد: وعليكم السلام
خلود: هلا بأختي
حور: هلا فيك اختي وحبيبتي سلامتك في العدو ولافيك عسى مو تعبانه الحين..

اذا عالتعب الجسدي ياحور فـ عادي اتحمله لكن التعب اللي داخلي كيف بتحمله كيف بقدر اعيش بعيده عن ناصر

حور: خلود انا اكلمك
خلود: ها..لاتطمني صرت الحين بخير هاشواقه وحشتيني
راحت شوق لخلود وهي شوي وتصيح ومعاها ريناد لعند السرير....
شوق: ماعليه خوخه الله يرزقك بداله 10 اولاد
ريناد: هههههههههه شوفي خلود ترى هالبنت دعواتها مستجابه الله يعينك على العشره
خلود: ريناد خلي العشره لك..
ريناد: لي؟ ههههههههه متخيلين شكلي ووراي 10 اطفال
حور: ههههههههههه شكلك بيطلع ولااحلى
شوق: وساعتها بيتغير جسمك الحلو وبتروح الرشاقه ياحرام
ريناد: فال الله ولافالك ليش تفاولين علي هاااا
ام محمد: لازم ياريناد البنت اذا تزوجت وحملت يتغير جسمها...استعدي
وابتسمت ام محمد ابتسامه غريبه خافت ريناد من معناها...يممممه ليكون جايبين لي معرس والله بس يعرف مازن يطربق الدنيا على راسنا...
شوق: ها اشوفك مبتسمه يعني راضيه؟
حور: طيب يمه مين المعرس عاد؟
ام محمد: ولد اختي مازن
فتحت ريناد عينها مستغربه ولفت لشوق اللي تضحك...
ام محمد: يووو شفيك تضحكين
شوق: هههههههههههه لايمه بس اتخيل مازن وريناد هم ليل نهار هواش ومناقر الحين يصيرون لبعض عز الله اختربت الشرقيه باللي فيها
ام محمد: ماعليك منها يمه ريناد بكره لو صرتي من نصيبه وصار من نصيبك بتتعودون على بعض...
خلود: يمه تتكلمين عن الموضوع وكأنه صار وانتهى اول شئ مازن يعرف
ام محمد: اكيد يعرف وموافق من يوم ملكة هبه واحنا نتكلم في هالموضوع
تفاجأت اكثر وعضت لسانها بالغلط..اييييي وجع شفيني تدودهت كل هذا علشان مازن..بس ماقال لي اتاريه يخطط من وراي وموافق ومخلص وانا اخر من يعلم ...

حور: متى بتطلعين من المستشفى.
خلود: مادري
ام محمد: مااظن يخلوها الى اكثر من يوم او يومين بالكثير
خلود: يمه اول مااطلع باجي عندك البيت
ام محمد: اكيد يايمه ماراح اتركك لحظه وحده
حور: ليه مابترجعين بيتك
ام محمد: خلود مريضه ومايصير اخليها تروح هناك لازم تكون جنبي...
سكتت حور تطالع امها واختها...مريضه هاا هين هالسوالف اصلا ماتطوف علي ياانها متهاوشه مع ام ناصر او مع زوجها ناصر...لكن خليني ارسل شوق وريناد لمكان واحنا نتفاهم بالموضوع...

حور: اقول شوق
شوق: هلا
حور: روحي هاتي لي كوفي من الكافيتيريا مع ريناد
شوق: خلي ريناد تروح متعيجزه اروح
حور: شوق قومي دام النفس عليك طيبه
شوق: بتقولون شئ وماتبوني اسمعه
حور: خلاص ياذكيه دامك تفهمين ليش للحين جالسه يلا قومي
ريناد: قومي شوشو حرام عليك العصبيه مو زينه لاختك
ام محمد: وهي الصادقه يمه حور تعالي اجلسي وهدي بالك مو تعصبين
جلست حور عالكرسي وهي تحس بتعب يزيد كل يوم عن حده.....
شوق: خلاص بنروح سي يووو

مسكت شوق يد ريناد وطلعوا بره ولقوا بشار مع مازن اللي ابتسم اول ماطاحت عينه على ريناد..
شوق: مزوون؟؟؟ متى جيت؟
مازن: هلا والله توني بس جيت اتطمن على بنت خالتي ....شلونك ريناد؟
ريناد: تمام الله يسلمك
بشار: وين رايحين؟
شوق: نجيب كوفي الى حور او بالاحرى احنا مطرودين عندهم كلمة راس واسرار مايبونا نعرفها...
بشار: جد؟ ياسلاااااام ...وايش هالسر؟
شوق: الله اعلم تعال نتسمع عند الباب
راحت شوق ووراها بشار وحطوا اذانهم عند الباب الا ينفتح وتطلع ام محمد معصبه وعصبت اكثر لما شافتهم يتسمعوا عند الباب...وريناد ومازن ضحك على اشكالهم وهم متوترين وخايفين..
ام محمد: اياللي ماتستحين الحين اختك تقولك روح الكافيتيريا تقومي تسمعين كلامنا...وبشار انت وياها
بشار: ها لاوالله يايمه...شدعوه انا كنت بدخل اتطمن على خلود الا انتي طالعه وبالعلامه شوفي مازن هنا كنا بندخل سوا..صح مازن؟
مازن: صح افا عليك
شوق: لاوالله يمه ماعليك منهم كذابين
ام محمد: كذا تقولين عن ولد عمك وولد خالتك كذابين عيييب
شوق وهي تلف لريناد معصبه: ماتتكلمين ساندريلا زمانك
ريناد: هههههههه شقول بس خالتي معاها حق عيب تسمعين كلامهم
ام محمد: يلا روحي وحسابك في البيت
شوق: اوووف حرام الظلم
سحبت شوق يد ريناد ومشوا للكافيتيريا..
شوق: خبله ولاتدافعين عني
ريناد: ادافع وانتي غلطانه لاوبشاروه الدب وياك
شوق: بس مااخذ زفه مثل اللي اخذتها حرام انا مسكينه...
ريناد: ياااااي عليك كسرتي خاطري يلا عاد

بعد الغداء انسدح عالكنبه وهي جالسه قربه بس عالارض وتسولف وتضحك وهو يسمعها...شوي الايغمض لانه حس بالنعس وهي ولاداريه ومستمره في السوالف ..حسته ساكت طلت بوجهه وشافته نايم
هبه: حمود تخليني اسولف وتنام..محمد حمودي
محمد وهو لازال مغمض: اممممم
هبه: نمت؟
محمد: نعسان هبه خليني انام
هبه: وين تنام وتخليني لوحدي حبيبي قوم
فتح عينه وطاحت بعينها على طول لانهم قراب من بعض مسك يدها وباسها...
محمد: نعم ياقلبي تبين شئ؟
هبه: لاتنام وتخليني لوحدي
محمد: طيب...شرايك نروح لخلود المستشفى.
ابتسمت بخوف ونزلت راسها..
محمد: خايفه صح؟
هبه: كيف بتعامل معاهم على طبيعتي والله خايفه
محمد: بالعكس هبه المفروض تفرحين وترتاحين صح في البدايه بيستغربون لكن بعدين بيصير شئ عادي وبتتقربين منهم يحبوك وتحبيهم..
هبه: اتمنى هالشئ محمد...بس هم خايفه
مسك يدها وابتسم..
محمد: تخافين وانا معاك؟
حطت راسها بصدره وهي متطمنه لانه معاها....
محمد: في ايش تفكرين؟
هبه: فيك...محمد مااتوقع في مثلك بالدنيا
محمد: هههههههه لهالدرجه شين؟
هبه: هههههههه العكس حياتي عمري ماشفت ولاباشوف حد بطيبة قلبك
محمد: اصدق نفسي يعني ويكبر راسي؟
هبه: يحق لك.....محمد احبك
محمد: الله يخليك لي ولايحرمني منك...يلا نروح؟
هبه: يلا
محمد: هبه مااوصيك لااحد يعرف شئ شقتي شئ
هبه: اكيد ولوو لاتوصي حريص
محمد: تمام يلا مشينا...

وبس نوقف هني ..
انتظروووني بعد اسبوع اكمل لكم

تحياتي
دمعه حزن

اقتباس:

---

المشاركة الأصلية كتبت بواسطة دمعه حزن

وبس نوقف هني ..
انتظروووني بعد اسبوع اكمل لكم

---

كلمة (( وبس )) نذير شؤم بالنسبة لي :wacko:


وشووووو ؟؟؟؟؟؟؟

بعد أسبووووع كاامل

احنا يووم قلبنا عليش الدنيا
وش حال اسبووووع !!!!!!

خلاص هالمرة خدي يوم الجمعة اجازة بس تنزلي الأيام الباقي
يعني نزلي الأسبووع الجاي والجمعة لا تنزلي

الله يخلييش ترى والله ما أقدر أصبر حرااام

ههههههههههههه
ما عليه هالمره بقول فقط<< شرايج؟؟
لا ما بنزل هالاسبوع اجااااازه عوضا عن هالجمعه
ولان قريب بتخلص القصه لازم اخليكم تحترقوا شوي
الا هو اسبووع مو واجد .. بيمر بسرعه

حراااااااااااااااااام


ماني ماني


ليش تحسرينا

عاد نزلي الينا

لاني ع طول افكر الحين ويش بيصير>> تحسب روحها وحده من الموجودين بالقصه



يلا عاااد


نزلي الينا كم جزء

عشان عندي اختبار يوم الاحد

يمكن اذا قريت شوي تنفتح نفسي للمذاكره

واحل عدل


دمتي لنا يا احلى دمعة حزن بالدنيا

ههههههههههه
آهات عاشقه لا ما ابي اشغلج عن المذاكر انا
عشان جذي ما بنزل عشان تفضي وتذاكري زييين
يالله اتحملوا شوي وانتظروووني

تحياتي
دمعه حزن

ههههههههههههه

حتى اني عليي اختبار رياضيات يووم الأحد وذاكرت عشان جدي دموعة مفرووض تنزلي عشاان اني ذاكرت

ما عليييش آهات عاشقة غصب عنها بتذاكر

بس انتيين نزلي عشاان ادا خلصت مذاكرة تستانس وتشووف الأجزاء وترتاح نفسيتها

صدقيني ما بتشغليها

طيييب مو تنزلي كل يووم نزلي يووم ويوم لا يعني السبت ما بتنزلي الأحد نزلي والاثنين لا تنزلي ... الخ

بس عندس سؤال فضوولي نوعاً ما

بقى كم جزء وتخلص القصة ؟؟؟؟؟؟؟
ههههههههههههههه
<<< صاايرة اخربط واااجد لأني قاعدة من النووم

لاااااااااااا دمعه حزن أنا مابدخل الاسبوع الجاااااااااي علشان الاختبارات لازم أذاكر فيهم:sad2:يلا عااااااد نزلي الاجزاء في أسرع وقت
أنتظرج.

ههههههههههه
هلا والله بالشطار الا وراهم مذاكرات
خلااص كسرتوا خاطري بنزل لكم اليوم جزء بسيط من القصه .. اوكي جذي ؟؟
صغيره ما باقي واجد .. قريب بتنتهي القصه ..
ما بقول كم بقى .. انتي شوفي ..
يالله انتظرووووووني

تحياتي
دمعه حزن

وصلوا المستشفى وكانت ماسكه بيده تشجعت ودخلت وهو وراها...
هبه – محمد: السلام عليكم
الكل: وعليكم السلام
محمد: ماشاء الله الكل هنا...
راح لعند اخته وحبها على جبينها وكلمها في اذنها ولااحد يعرف ايش قال لها بس انها ضحكت...
تقدمت هبه لخلود ابتسمت وحضنتها
هبه: ماتشوفين شر
خلود: الشر مايجيك هبه
ام محمد: وينك يامحمد من الصبح مو مبين
محمد: يمه مو مني من بنت اختك
ام محمد: هبه؟؟ لييش؟؟
هبه: لاتصدقيه خالتي منه مو مني
مازن: أي الحين كل واحد يرميها على الثاني خلاص يالدبه بترجعين معاي البيت كفايه دواره من الصبح للحين
شوق: خليهم شعليك انت ياربي هاللقافه
مازن: شوقووه ترى اقوم واتذابح معاك
بشار: لاياشيخ ليش الدنيا سايبه
بعدها جلسوا يسولفوا وضحك ومسخره وغلاسه...
اما هبه كانت جالسه بوسط ام محمد وشوق اللي مطنشه وجود هبه تماما...
هبه: اممم اقول شوق
شوق: هلا
هبه: متى تطلع نتايجكم؟
شوق: يوم السبت الجاي
هبه: اما انا بجد متوتره من النتيجه
شوق: أي ثالث الله يعينك على الانتظار اتوقع اسبوع وينزلوها النت
هبه: المشكله جهازي خربان...
ريناد: خلاص انا اشوفها لك بس نبي هديه على البشاره..
هبه: ههههههه يالطماعه خلاص لك اللي تبين بس تكون النسبه حلوه
كانت شوق تطالع ريناد مستغربه من طريقة كلام هبه وريناد غمزت لشوق حتى تلف ولاتحس هبه
حور: هبه من جدك كبرتي وصرتي حرمه ومخطوبه وجالسه مع البزارين هههه
شوق: نعم يابعدي من البزر غير ولدك
حور: يلا يااا بتغلط الحين على ولدي
مازن: معاها حق حور اطفال وبزارين قومي اختي واجلسي جنب الحريم
طالعته ريناد بنص عين وطالعها بنفس النظره وانتبهت لهم ام محمد وشوق اللي تعمدت تحرج الاثنين قدام الكل..

شوق: ها يمه شوفي بعينك كيف يكرهون بعض وتقولين مازن يخطب ريناد..
استغرب بشار كثير هو ومحمد ومعاهم هبه من كلام شوق...وكل واحد صار يطالع الثاني باستفهام.
اما ريناد نزلت راسها مو عارفه ايش تقول..

ام محمد: هاشفيكم تطالعون بعض بهالنظرات
بشار: مزون متى خطبت اختي؟ انا مو موافق
قال هالجمله بجديه خلت ريناد ترفع راسها وتكشر ..
محمد: ليش شفيه ولد خالتي حتى ترفضه مو عاجبك
بشار: انا ازوج اختي لمزون الدب ايييييه ماحزرت شو هيدا
مازن: حبيب ئلبي هي الصبيه اللي بتقرر مش انته عن تفهم علي؟
بشار: اييه لكان
محمد: ههههههه خبلان صحيح جد يعني بتصير عندنا خطوبه ومو أي خطوبه مازن وريناد ياعيني
رفع مازن نظره الى حبيبته ريناد اللي كانت بتطلع روحها من كلامهم لانها مستحيه حتى تنقذ نفسها من الموقف
سحبت يد شوق وطلعوا بره....
ام محمد: ههههههههه استحت بنتي
بشار: بس من جدكم اختي بعدها صغيره
مازن: صغيره هاا؟ اجل شوق بعد صغيره انتظر لين تخلص ثانويه
بشار: شنووو حمود طالع ولد خالتك اللي باقوم اتهاوش وياه
محمد: معاه حق
بشار: شلووون...اجل كبيره خلاص بسكت ماباقول شئ اووف
حور: هههههه كل شئ ولااحد يجيب له طاري شوق والملكه
ام محمد: بشار ياولدي حط هالكلمتين براسك ماحد غير مازن ولد اختي يعرف بظروف ريناد وكيف عايشه
بحرمان من يوم كانت صغيره...ماحد غيره بيداريها ويحافظ عليها وبعدين مازن ماينعاب ومايحتاج اتكلم عن اخلاقه
انتوا الثلاثه ربع من يوم كنتوا صغار وبعدين القريب اولى من الغريب
مازن: صح لسانك خالتي
بشار: خالتي شوفي..مازن انا مالي كلام عليه واكيد لو اختي صارت من نصيبه بتطمن عليها بس ابوي وماهر مااظن
يوافقون
مازن: ليش انا شفيني؟
بشار: افهمني مافيك شئ بس ابوي يرفض فكرة ان ريناد تنخطب وهي بهالسن
حور: بشار معاه حق انا عارفه تفكير ماهر وكمان عمي تجاه هالموضوع
ام محمد: طيب ريناد مو صغيره عمرها 17 سنه كبيره وعاقله
خلود: ياربي منكم اللي يسمعكم يقول الملكه بكره
حور: صح مو وقته ...كل شئ بوقته حلوو
هبه: مزون وانا يعني مالي رأي؟
مازن: اووه اختي العزيزه انتي هني نسيتك والله ساكته
هبه: لاوالله ...تفكر تخطب وانا اخر من يعلم ياحسره على الاخوه اللي بيننا
مازن: طييب حقك على هالخشم...اختي العزيزه سيدتي هبه هل تسمحين لي ان اخطب؟
هبه: بعد ماقررت جاي تسألني
محمد: ها هبه ليكون مو موافقه
هبه: لا مو كذا بس لسه ريناد صغيره يعني انت يامازن عمرك كم 23؟؟اوكي كبير منت صغير
سنه وتخلص جامعه وتشتغل..بس ريناد صغيره
مازن: أي صغيره ياهبه...شوفي شوق بنفس عمرها وقريب يملك عليها بشار وبعدين انتي اكبر منها بس بسنه
حور: اوووووه بتتهاوشون
ام محمد: انا لو داريه مافتحت الموضوع
محمد وهو يضرب مازن ببطنه ويغمز: شفيك مستعجل هااا؟ لااااحق ياحبيبي
مازن: اذلف عني زين
محمد: هههههههههه الله يعينك يامزين

بسس .. اوه قصدي فقط
بصير بخيله وبنزل لكم كل مره بس جزء بسيط منها
بس جذي نحاسه وعنااااااااااد


تحياتي
دمعه حزن

خوش دمعه صج بخيله

يادبدوبه شنهو ذي>>>>أمزح معاج

المهم مشكورة حبيبتي<<<<:noworry:.

هههههههههههههههه
شنسووي واجد دلعناكم لا خلاص
الحين ماكو دلع
بكره بنزل جزء مثل هذا
اوكوو؟؟

يالله
سلاموو

يؤ يؤ يؤ يعني مايصير تدلعينا نستاهل صح هههههههه

بس عاااااااد حطي زايده مو حلو كذيه يلا عاااااااد حبيبتي
:toung:
خلاص على راحتج >>>> تسوي روحها زعلانه هههههههههههه

سلام.

السلام عليكم
دمعووو ترى انا متابع القصه فيعني حطي هااا
من البداية لحد الحين ماشيه القصه اوكي فلا تخربيها وتعاندي
ترى مشتاق للاحداث الجديده
تحياتي للجميع بالتوفيق