ضعنا يا صبرنا...

مرحبا

عدنا مع الجديد
تسلمو لي وربي يعافيكم
غربل الله شرك خيو الناري
ههههههههههههه خوش تحليل ضحكتني
عاد و اني اكتب
فصل النت.. حطيت ايدي على قلبي
اما ماعود.. ويش حالتي.. والناس تنتظر.. بنفلع..:wacko:
الحمدلله رجع.. وجيت بالجديد
تفضلو..

الحلقة 32




حميد..
ــ عرفت الحين السالفه...
جاسم هدوووء....
حميد بصوت متكسر .. وشوي بدى يصيح..
ــ تعبان انا.. وماحد يرحم في هالدنيا.. الاقيها من وين لو وين..
جاسم شد على عمره وحاول يداري حزنه على سالفة حميد..
وبنبره هاديه وكلها قسوه..
ــ مايفيدك.. لا تتمسكن..
ــ جاسم تكفى خليني في حالي .. وربي الي فيني مكفيني..
ــ اقول... آخر كلام لي وما في غيره..
ــ ويش بعد..؟؟
ــ لازم نسلم نفسنا...
ــ هااااا........!!!!
ــ من قال هاا... سمع..
ــ جاسم ويش فيك.. ويش ماكل؟؟
ــ ماكل هم وقهر.. ماكل تعب وشقى ..
ــ يعني انا اللي مو مقهور ومو شقيااان..
ــ حميد .. لا تكثر كلام..
وبصوت مبحوح وبدت دموعه تطغى في عيونه..
ــ ماتدري بحالة بيت عمتي.. ما تدري شلون عيشتهم وهم فاقدين ولدهم.. حطمنا مستقبله ظلم .. وين بنروح من عذاب الله ها.. قول لي وين بنروووح.. والله ياويلنا .. يكفي دعوة المظلوم.. ما بينها وبين الله حجاب.. انا تعبت يا حميد.. تعبت.. واذا انت ما بتعترف.. من نفسك.. انا راح اسلم نفسي واعلم عليكم كلكم.. واللي فيها فيها..
حميد مسح وجهه بكفه.. وظلت كفه مغطيه بوزه وعيونه شابحه..
ــ والله حتى انا.. ما تفارقني الكوابيس.. و هذا انت تشوف حالتي.. مهي الا من حوبته..
وبنبره هاديه..
ــ خلاص .. بروح وياك..بس امهلني وقت.. وصدقني باروح وياك..
ابتسم جاسم.. قعد على ركبه.. وصار يصيح من قلب...


يوم ثاني..
الساعه 12 و نص الظهر ..
ريما راجعه من اختبارها. كان عليها فترتين.... لحقها واحد بسيارته..
فتح النافذه..
ــ الغزال في هالظهريه.. على وين رايح..؟؟
ريما فتحت عيونها.. وفي بالها..
ــ يماااه..
صارت تمشي بشكل اسرع..
شغل اغاني .. و تكى على نافذة السياره وهو يمشي شوي شوي ويغني ..
ريما خلاص قلبها بتموت..
ماتحملته..
ــ استحي على وجهك.. فارق..
ــ الله عالفارق الله.. مابفارق بشوف ويش بتسوي..؟؟

ريما صارت تركض .. وصلت قريب بيتهم.. الا تشوف عبدالرحمن توه طالع من عندهم..
ريما على طول من شافته عرفته .. راحت له تركض..
ــ الحقني ياخوي .. هالرجال مأذيني..
عبدالرحمن خذته الحميه... مع انه مادرى انها ريما اخت علي..
وراح للصايع..
ــ خير يالأخو.. ؟!
ــ و انت ويش دخلك..!!
ــ لا والله.. فوق شينك قواة عينك بعد؟!
ــ خير .. ابوها.؟؟. اخوهااا..؟؟
ــ مو شغلك.. ويللا فارق..
ــ ههههههههههه ويش فيكم اليوم على فارق.. فارقت روحك جسدك..
ــ جعلك انت قل آمين
ــ بعدين انت ويا وجهك.. ويش جايبنك هنا يالبدوي..
عبدالرحمن عصب فيه..
ــ ما برد عليك يالتعبان .. بس هين ارويك الحين.. البدوي وش يسوي..
طلع جواله وسوا روحه يدق ..
ــ الو .. الهيئه... ياهلا اخوي..
الصايع فتح عيونه...
عبدالرحمن:
ــ ايه ..ابلغ الشرطه رقم السياره.. طيب .. طيب حفظته.. وبعدين راح تجو القسم وتتفاهمونمعه.. طيييب.. تسلم ياخوي..
سوى حاله خلص المكالمه..
ــ وهذا البدوي الحين .. بيسجل ارقام سيارتك.. و ابشررررر.. هين ان ما وريتك...
الصايع..
ــ خلاص خلاص.. فكني .. بروح..
ــ يللا عاد فارق ولا عاد اشوفك تتوطى هالحاره.. فاااررررق..
ــ حرررررره تحرك..
ــ فااااارق..
سكر الصايع النافذه.. وراح..
ريما دخلت البيت على طول تركض..
عبدالرحمن عرف انها اخت علي.. عوره قلبه على صاحبه..
ــ اييه.. الله يفرجها عليك يا وليهم..والله يقدرني احميهم و اكون معهم قد ما اقدر..

دخلت ريما وهي تنافخ..
راحت المطبخ بتشرب ماي..
لقت رزان قاعده تنوم حنين.. و ليلى تقطع سلطه..
ريما :
ــ مساااء الخير...
رزان: ــ هلا وغلا .. مساء النور
ريما :
ــ و اني اقوول بيتنا منووور .. شفت عبدالرحمن طالع فكرت بس هو..
ــ النور نورش فديتش.. لا جيناكم هالمره جميع..
ــ الله وناسه.. بتتغدو ويانا..
ليلى :
ــ شفتي.. وشان زين حنا اللي بنسوي الغدا.. عبدالرحمن بيجيبه.. خوش عزومه..
رزان ابتسمت..
ــ كلنا اهل يا ليلى..
ليلى : ــ لا خلا ولا عدم..
ــ منكم ان شالله ..
ريما..
ــ وووويش تسوي توي انتبه.. حق ويه تنوميهاااااا؟؟!!
ــ ههههههههه وكلتها و غيرت لها ودالحين وقت نومتها..
ريما : ــ لالالا .. لا ياعيوني..
رزان: ــ هههههههههه يسلم عيونش .. ها طالعيها .. نامت..
ــ اووه ياربي .. بفلص خدودها.. واحشتني البطه..
ــ هههههههه اذا صحت لك علي ماخليها تفارقك..
ــ آآآآآآآآآآه بكره اخر يووووووووووووووم
ــ الله يعينك ويوفقك يارب ياكريم..
ــ يسمع منش الهي..

ليلى قامت توزع السلطه في صحون..
ريما قعدت جنب رزان وصارت تهمس ليها..
ــ زين سويتو بهالجيه.. عالأقل تطلعو هالبيت من جو الكآبه اللي هم فيه..
رزان تفلصها..
ــ يقطع شيطانك.. اعقلي..

ليلى ..وهي تحوس..
ــ ويش تحشو..
ريما::
ــ فيش..
ليلى : ــ ايه ادررري..
رزان : ــ هههههههههههههه لا ماعليكي منها..
ليلى : ــ ايه هين تعلميني عليها..
ريما : ــ لا لا تعلمش .. نحش فيش زييييين..
رزان : ــ هههههههه ياربي .. بتتهاوشون..
ليلى : ــهههههههه لا شدعوه كل هيك اني وياها فار وقطو..
ريما : ــ مين الفار ومين القطو.. انتين الفار..
ــ أه اني الأكبر يعني اني القطو..
ــ احلفي عاد.. فار شايب .. زين .. مافيها شي..
رزان : ــ ههههههههههههه غربل الله بليسكم.. توم وجيري..
ريما صفقت: ــ ايواااااا.. انتين ليلو ماتحبي توم.. يعني اني توم وانتين جيري..
ليلى : ــ ههههههههههه فكينااا..
ريما : ــ اقوم افصخ هالخيشه .. و اجيكم..
رزان : ــ هههههههه حشا مو بمريول هذا.. خيشه!!
ليلى : ــ بدلي خيشتش على قولتش.. وصلي الظهر ..
ريما بملل ..: ــ زيين..
رزان:
ــ ماعليكي امر حبيبتي ريما.. خذي معك حنين وغطيها زين..
ــ ان شالله اقعدها...
ــ لا تكفين حرام عليك.. يعني اقوم انا..!!
ــ خخخخخخ امزح .. جيبيها..

خذتها وطلعت..
ليلى بهدوء:
ــ بتذبحني هالأخت..
رزان..:
ــ ليش ..؟!
ــ ما يهمها شي.. لا دينها .. لا مستقبلها.. لا اهلها.. بايعتنها بالمره..
ــ ربي يهديها ان شالله.. مراهقه .. فتره وتعدي..
ــ الله يسمع منش ..

تابع>>

عادل منسدح في صالتهم.. يطالع تلفزيون.. ومقرب عدل منه.. ماد رجوله ..
ولاصقنها على حبات التلفزيون.. ويفرفر فيه.. وكل مشوش..
صرخ حد ماعنده..
ــ اماااااااااااااااااه...
جت امه..
ــ ويش صاااير؟؟؟
ــ ماااااااااااااتطططلع ولاااا قناااه,, كل دبان يتشااابق ,,, وشششششششششششش
ام عادل فيها الضحكه على وصف ولدها.. دارتها وعصبت فيه..
ــ من عذر.. وصلت للقناه إميه ومادري كم .. في التلفزيون.. كم مره اقول لك الرسيفر تغير منهالقنوات مو التلفزيون..
ــ وييششش دررراني عن الفررريزررر
ــ أي فريزر.. انا لله.. ريسيفر..
ــ اللي هووو.. وووين الررررموووت...
ام عادل تعطيه وياه...
ــ انتبه لا تبرمج شي ولا تحوس.. من هنا تقدم قناه ومن هنا ترجع قناه وهذيللا للصوت.. فهمت..
ــ ايييه..

وراحت عنه المطبخ..

ابو علي..
ــ كلفت على روحك ياولدي.. ماكان لازم هالأكل كله..
عبدالرحمن : ــ ولو ياعمي.. لا كلفت ولا شي..
ــ ويش ماكلفت.. نص ذبيحه..شلنا منها لبيت ابو جاسم وبقى.. ترى اكلنا على قدنا..
ــ ياعمي بالعافيه عليكم.. اعتبرها.. اعتبرها بمناسبة الأفراج عني.. << قالها بعفويه..
ابو علي .. بيرفع اللقمه لبوزه.. وقف.. ابتسم..
ــ الحمدلله .. ربي يفرج عن كل اسير..
عبدالرحمن انتبه لنفسه..وماعرف كيف يرد..
ــ يارب ياكريم عاجلا غير آجل..
وفي باله.. ــ خبل انا.. مادورت غير هالمناسبه.. يخرب هالعقل اذا قفل.. قفل..


سوسن قامت من على الطاوله تركض..
سميره.
ــ ويش فيها دي؟؟
ابو مالك مبتسم حده..
ــ لاااا.. صدق ..
سميره:
ــ ويش اللي صدق....!!!!!
ابو مالك:
ــ العصر اروح وياها ونشوف..
علا تاكل وهي تتصوخ الهدره..
سميره بأرتياب:
ــ يعني ويه..؟؟ لا يكون اللي في بالي..؟؟
ابو مالك وهو فرحان:
ــ ايه ان شالله
سميره وكأن الكلام ماعجبها .. صارت تطقطق بالملعقه على الصحن..
ــ خير.. خير ان شالله..
ابو مالك قام وراح يشوف سوسن..

سميره تكلم علا:
ــ عاجبنش اللي سمعتيه..؟؟!!
علا ابتسمت ببرود..
سميره:
ــ اكلم الجدار اني؟؟
ــ ويش تبغيني اقول؟؟
ــ عاجبنش .. على آخر العمر يصير عندش اخو لو اخت..!!
ــ ليش لا..
سميرة تحط الملعقه بالقوه على الطاوله..
ــ هذا اللي نااقص..
علا انقهرت:
ــ ويش فيش الحين.. ليش لا .. دام امه سوسن..
ــ ياعيني.. يــــــــــــاااعيني.. ايه.. اكلت بعقلش حلاوه.. بكره اذا جابت الولد.. وجابت غيره و غيره.. شوفي عاد اذا صار لش في هالبيت نصيب..
ــ ويش قصدش..!!!
ــ اتوقع فهمتي قصدي..
علا انسدت نفسها وقامت:
ــ بعد عمر طويل..

عادل يداور من قناه لقناه.. شوووي طاح على قناه.. فيها فلم اجنبي...
ويطالع...
ومهو فاهم ويش صاير؟؟؟
حط ايده على خده وصار يتابع.. شوي بدت حركات مهي عدله..
وهو مفهي.. وشالق بوزه مبتسم..الا بجية امه حامله تبسي الغدا..
وتشوفه يطالع واللقطه ياعيني..
وتصرخ..
ــ عادلوووووووه وخناااااااااااقه..
عادل طفر من محله من الخلعه..
ــ هااا.. هاااا وووويششش صاااااير..!!
ام عادل تاخذ الريموت وتطفي التلفزيون..
ــ ويش قلالة هالحيا اللي تطالعها..؟؟
عادل :
ــ وااااحد ويااااا مررررررته..
ام عادل فتحت عيونها:
ــ بعد... ويقولو مينون.. باموت.. بيقتلني.. مرته ويه.. استح على وجهك.. وان مره ثانيه حطيت اشياء كذا خبقت عيونك..
ــ اه.. تششششييييييييه بس عباسسسسسسو اللي يطططللللللللع؟؟
ام عادل مختلعه:
ــ يطلع.. يطلع ويييييه؟؟
عادل مد ايده عالغدا وصار ياكل وهو يضحك ويفتن:
ــ يططططلللع حااجااات قلة حياااا ..
ــ متى؟؟
ــ آآخخخخرررر الليللل اذااا نمممتتتي..
ام عادل حطت ايدها على قلبها وفي بالها:
ــ الله يررحمك ياعبااس فوق شينك بعد زياده هالسالفه..
وتسال عادل:
ــ و انت ويش دراك؟؟
ــ مرررره طلللعت اشرررب ماااي وشفففته .. يوووم انتبببه لي .. قققال لييي بعطططيك 5 ررريااال بس اسسسكت ولاااا تعلللم امممك... ققلللت له ابببغى 10 ولا بااااعلللم هههههههههههه وهذاااني علللمت..
ام عادل مهي قادره تدخل السالفه في راسها..
ــ ويش يشووف و التلفزيون القنوات نصها مشفره..!!!
ــ مووو التلفزززيييون يجيييب دويرررات لماااعه..
ام عادل مستغربه..
ــ هاا.. ويشوو؟؟
ــ اوهووو شيييفااا اعلللمش اناااا... اللي يحطططوهم في هذذذاا الجهههاااز فوووق الفريزر..
ام عادل :
ــ اهااا هههههههه تقصد الدي في دي.. سي ديات يجيب؟؟؟؟؟؟؟
عادل : ــ اييييييه..
ــ يالله ترحمه برحمتك.. يالله تخفف عنه عذابك..
عادل مندمج في الأكل:
ــ خلللله يووولي..
ــ ياربي .. اكل بس اكل..


تابع<<

مؤيد:
ــ اماه.. كل يوم تقولي بكره.. مو كنش تلعبي وياي..
ــ ياربي ياولدي استحي اني من العالم..
ــ على شان خاطري اماه.. بيتهم كله حريم بس ابوه .. ومسكين ما يشوف.. تكفي روحي وياي..يكون احسن..
ــ زين.. الساعه 4 بنطلع..
ــ اخيرررررررا.. اشوى ماقلتي بكره..
ــ عفر تبغى اغير رايي..
ــ هههههههههه لالا خلاص..


الساعه 4 العصر باب بيت ابو علي يطق..
عبدالرحمن بعده وياهم..
ــ بقوم اشوف الباب..
فتح الباب..
مؤيد اختلع..
ــ مو هذا بيت ابو علي؟؟
عبدالرحمن ابتسم:
ــ ايه وصلت..
ــ وين ابو علي..؟؟
ــ داخل.. اقلط الله يحييك..

ام مؤيد مستغربه من لهجة عبدالرحمن.. ومؤيد مستغرب اكثر .. مين هذا؟؟؟

عبدالرحمن:
ــ تفضلو.. ياخالتي الحريم داخل ..
ودخل ويا مؤيد المجلس.. و ام مؤيد دخلت للحريم..
مؤيد:
ــ السلام عليكم.. قواك الله عمي..
ابو علي رفع راسه يحاول يميز الصوت ..
ابتسم..
ــ عليكم السلام.. الله يقويك..
مؤيد:
ــ ويش حالكم عساكم بخير..؟؟
ابو علي :
ــ بخير ياولدي.. حياك الله.. مين انت..؟؟
مؤيد قعد وابتسم..
ــ من عذر ما تذكرني.. انا صديق علي من زمان ماجيت ليكم.. انا مؤيد
ابتسم ابو علي:
ــ ياولدي ذكرني اكثر .. الذاكره مهي ذاك الزود..
مؤيد ابتسم..
ــ انا مؤيد احمد ال... ,, كنت مع علي من ابتدائي لين متوسط.. انا اللي اذا تذكر طلعت مع عليمره الحداق و رجعنا بهامور..
ــ هههههههههههههههه اييييه مؤيد ابو الخير..
ــ ههههههههههههه ايووااا وصلت..
عبدالرحمن ضحك..
ــ ابو الخير؟؟
ابو علي : ــ يا حيااا الله هالطله... والله وكان وجهك فال خير على ولدي ذاك اليوم..
مؤيد : ــ هههههههههه جعله بخير دايما..
ــ يارب وياك..

مؤيد ابتسم لعبدالرحمن:
ــ ما عرفتنا على نفسك؟؟
عبدالرحمن:
ــ عبدالرحمن سعود الـ... صديق علي ..
ــ ياهلا فيك تشرفنا..
ــ الله يعز مقدارك..
ــ الا وين علي..؟؟

ابو علي .. تغيرت ملامح وجهه..
عبدالرحمن استغرب هالسؤال.. بس عرف من كلام مؤيد السابق و تخمين ابو علي له..
انه من زمان ما شافهم..
عبدالرحمن بهدوء:
ــ أيــه.. علي.. الله يفرجها عليه.. دعاك يالحبيب..
مؤيد فتح عيونه.. وفي باله: ــ يعني صحيح اللي سمعته..
وسأل:
ــ خير.. ويش فيه..؟؟

وصار عبدالرحمن يعلم مؤيد السالفه..

وفي غرفة الخياطه,, ام مؤيد مهي عارفه كيف تسولف مع الجماعه.. ام علي تعرفها معرفه سطحيه.. بدو يسولفو عن ام عادل بما انها عامل مشترك بينهم وثنتينهم يعرفوها.... ودرت ام مؤيد ان عباس توفى..
ــ انا لله و انا اليه لراجعون.. زين قلتي لي ياخيه.. خلنا نروح نعزيها..
ام علي : ــ المرجع لله.. يعطيش العافيه..
ــ الله يعافيش ..
وصارت تتعرف على بنات ام علي و على رزان اللي قصو ليها سالفتها.. ومن سالفتها عرفت انها مرت عبدالرحمن اللي صادق علي في حبسه..
ام مؤيد:
ــ الهي يفبت قلبش يابتي.. << قالتها وهي تطالع في رزان..
..ويفرج عن ولدكم عاجلا غير آجل ياكريم << قالتها لأم علي..
ام علي : ــ يالله..
ام مؤيد ابتسمت وصارت تكلم ليلى:
ــ بالغه فيش امش .. بتي ساره كل تسولف عنش . تقول تعرفش..
ليلى استحت وابتسمت::
ــ ساره؟؟
ــ ايه تقول درست وياش مادري في أي سنه.. حتى وصفتش وهذاني شفتش وتأكدت انها صادقه..
ــ ايييه ساره احمد آل .. تذكرتها.. اخبارها ويش مسويه..
ــ الحمدلله ..
ــ اخبار دراستها.. شان جت وياش .. نسترجع الأيام..
ــ دراستها.. وخلصت يابتي الجامعه واكي قاعده بشهادتها ولا يندرى ويش بتسوي.. و الجيه خليها مره فانيه الأيام ان شالله جايه..
ــ ان شالله يارب..
ام مؤيد:
ــ ايه .. سلام الله عالحسين.. اذا قدرتو تجو العشره الوسطيه.. اني بقراها..
ام علي : ــ سلام الله على ابا عبدالله.. بنحاول ياخيه.. ان شالله يكون بيننا وصل..



مؤيد درى من عبدالرحمن ان نهاية هالشهر فيه زياره الى علي ..
عطاه رقمه وطلب منه يتلاقى وياه يبغى يروح يشوفه....
ساعه بالكثير .. واستأذن..
ابو علي: ــ بدري ياولدي..
ــ بدري من عمرك.. الجايات اكثر ان شالله..
ــ ان شالله..تسلم ياولدي ما قصرت ..
ــ الله يسلمك عمي .. ولو على العين والراس انت اسمح لي على القصور..
ــ مسامح .. والله يعطيك الصحه والعافيه
ــ الله يعافيك... مع السلامه..
ــ سلمك الكريم..
مؤيد نادى على امه.. وطلع..
ركبو السياره..
ام مؤيد..
ــ الله يكون بعونهم ويفرج عن اسيرهم ..
ــ يالله ياكريم.. حالتهم تعور القلب.. وزين عبدالرحمن.. والله عجبني هالرجال .. والنعم فيه ينشدبه الظهر..
ــ ايه حتى مرته اجوديه.. الله يحفظهم ويثبت قلوبهم..
ــ يارب...

وفي نص مشوار رجعتهم...
رن جوال مؤيد,, وكانت المتصله ساره..
رفعه مؤيد..
ــ هلا خيه..
ساره تصيح ولا ينفهم شي من كلامها..
ــ الحق ياخوي..
ــ خير ويش صااااير؟؟ ويش فيش..!!!
ام مؤيد حطت ايدها على قلبها:
ــ يالله ستررك..
ساره :
ــ جود... جود...
مؤيد:
ــ ساره شوي شوي .. مانى فاهم.. ويش فيكم.. ويش فيها جود...
ساره:
ــ جود خذهاااا... ....

الى الملتقى

هههههههههههههههههههههههآآآي فرييز ويش قآل قآل فريز ويلييي عليه هلنكته دهـ
أني قآيله مآ أطيق عبآسوهـ ويشآهد كده الله المعين
لكنه قآهرني أسمه عبآس وأني أموت في أسم عبآس <<تبغى ولدهآ في المستقبل عبآس هآع

جود أخدهآ أبوهآ عفــــر<<نسيت أبوهآ متوفي لو لآ<<المخ صآير مآيخزن

تسلمين حبوبتي
ربي يعطيك ألف عآفيه
بانتظآر الجدييد
تحيآتي
ضحكوه البطه

اشوى ما اتأخرت على البارت


ويش فيها جود ،،، منو اللي خذاها ( عجيبه )
لو كون اتشاابقت مع اولاد نادية التوائم ما ادري

لو ابوهم جا اليها ( ليش ابوها وينه ) ما ادري انسيت مخي فيه جبن خخخخ



واما عااادلوووه ويا التلفزيون بعد موقف خخخ الشاشه دبان يتشابق ههههههه



يووووووو وان شاء الله يعترفوا زي ما قلت ليكم انهم بيعترفوا حميد وجاسم


والله يفرجها عن علي قريب بروحة مؤيد اليه



خيتو اميرة ما جااااا 23 هالشهر ؟ خخخخ نبى نعرف فازت علا لو لا ( لقافه خخخخ )




يسلمو عمري على البارت الروووووووعة

لا عدمناش
والله يعطيش الصحة والعافية


يسلمو

شلكها اكثر واحد ينتظر آخر واحد يقراء الجزء ههه
بصراحة ابداع الدبان
ام عباس << شكلك ماتبغينا نذكره بخير ابد
>> مادري من وين ليه الخير من ساقعة

مابي اخمن بس جود مسكينة صغيرونة
ليش اخدها الجني !! @!@
بنتظار الجديد خيتو
والله يعطيك الف الف عافية
تمنياتي لك بالتوفيق

تسلمي اميره على الجزء

اتوقع اهل ام جود جاين ياخدوها

اتمنى توقعي صح :rolleyes::rolleyes:

لاهنتي

نتظر الجزء الجديد

تسلمي امور عللجزء الحلو

ننتظر البقيه

موفقين

,,,

ياعلي ويش فيها جود..
تذكرني بأختي الصغيرة


بصراحة روووووووووووووووعة الأحداث روعة أميرة.
يعطيك العافية..
موفقة لكل خير إن شاء الله تعالى..
..دمتي بعين المولى الجليل..

تعالوا
أني اللي اذكره إن مؤيد هو أبو جود
معقول أكون غلطانة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معقوووووووووووووووووووووووووول ؟؟؟
وأمها ماتت..
عشان كذا هو انطوى عن الناس...

يمكن خرفت ماادري..

صبـــــــــــــــــــــــــــــاح الخيراااات ،،
خيهـ الجزء ،، يقول لـ الروعة قومي و أني بقعد مكانش هع هع << مع وجهي أخفف دم من الصبح ،،
لا عن جد الأحداااااث رووووعهـ ،،
و أحلى شي عااااااااااااااااادلووووهـ ،،
حجي عباس اللهـ يرحمهـ ويش هاالخراب ،، أني مستغربهـ كيف طلعت العشرهـ من عندهـ ،،
و أم مؤيد ،، بالغهـ فيش أمش ،،
قولي باخذش لـ ولدي وخلاص ،،
لا أني صرت شبهـ متأكدة أن ليلى بتاخذ مؤيد ،،
و جود ويشششش فيهاااا ؟؟!
مخي قفل خلااااص أني ،،
أن شاء اللهـ خيييير،،
يعطيكـ ربي العاااافيهـ يا أمووور ،،
و سلمت يمينكـ ،،
و بـ إنتظآآآآآآآآآر البقيهـ ،،
خاااالص التحااايااا ،،
للدموع إحساس ،،

بسم الله الرحمن الرحيم

اللهم صل على محمد وآل محمد

وعجل فرجهم

بصررااااحة

رووووووووعة

تسلم الايادي يالغلا

وبالانتظار

أمورررر البارت روعة
طلعت بلاوي عباس << الله يرحمه
بس من زمــان ماسمعنا سوالف
زينب وأشرف
ننتظــر خيتوو

اختي اميرة في اليوم لو مافيه ؟؟