ماعرفتوني .. كثر .. ما عرفني ..

:rolleyes:بيييييييب نن حححححححححححححح <<< قامت الغبره:wink:

وصلت الطلبيه الأولى.. بس اسمحو لي بدون مقبلات << الوان..
بسرعه على شان الحق...
ولا تطلبو وايد صدقتي سحور
اذا كان حبيبك عسل لا تلحسه كله .. :toung:
. شوي شوي علي لا انطفي ههههههه بسم الله علي..
لا صدق الحين بطاريتي على وشك تنطفي....:embarrest:
تفضلو الجزء الأول وجاري كتابة الثاني... اسألكم الدعاء...

وشوووي ... صوت انفجار قوي ... وصارت رجول ام حسين ترتفع وتنزل على رؤى رضرضت عظامها .. وقام الصريخ ...و دخان ملى البااص.. ومال على جنب..
وشوي وينقلب .. نزل عن الإسفلت للبر.. ووقف... و الناس تصارخ واللي يصيح..
وقف السواق الثاني بنص الممر وقام يهدي فيهم حصل خير وما صار شي...

ابو كرار:
ــ ويش صاير.. ويش اللي قلب الباص ,.,,
السواق الثاني :
ــ انفجر التاير... وطلع خويي عن السيطره..
رائد كان صاحي و شايف كل شي...
رائد:
ــ اصلا قبل لا ينفجر التاير والباص يميل... بعدها مال ميلة قويه وانحرف عن الإسفلت.. وصفق التاير بحجر مدري ويش وفقع.. وصار اللي صار .. برايك لويش صار كذا..
السواق الثاني :
ــ اااا... هو التاير فقع.. و...
رائد:
ــ خويك نام وانحرف عن الشارع و يوم فقع التاير انتبه وشوي يقلبنا.. صح..
السواق الثاني انحرج ولا هو عارف كيف يرد ...:
ــ اااا لا ... حصل خير الحمدلله على سلامتكم,, بس ما عليكم امر تفضو الباص بنصلح التاير..

نزلو الكل.. وهم يتحمدو لبعضهم عالسلامه... و في البر فرشو ليهم حصر وقعدو جماعات جماعات...
رائد ماد رجوله وقاعد يضرب بالعكازه على الأرض وهو محمق..
ــ قالو ويه حصل خير .. بينام لا يسوق .. بيودينا بداهيه...
فارس :
ــ انت هدي ولا تسوي مشاكل وياهم خل هالسفره تعدي على خير ادري بك انا
ــ شيه اتعيلف انا.. هذا الواقع نام لا ينكرو...

فارس ..:
ــ ايه زين.. خلاص شوف مناك .. مو هذا ابوك ابو كرار...
رائد:
ــ أي والله ويش وداه مناك..
فارس :
ــ خخخخ ربما لقضاء الحاجه..
ــ هههههههه ربما.. بس مو كنه كلما جاله يبعد زياده..
ــ استر له ..
ــ هههههههه غربلك الله..

ابو كرار كان يتمشى في البر .. وناسي روحه ويتعمق .. سرحان ولا هو منتبه...
شوي وحده من الحريم اللي قاعدين:
ــ لو سمحتو.. الشايب اللي راح مناك ويش عنده.. كني اشوف مناك شي يتحرك...
رائد التفت.. وفعلا شاف شي اسود يتحرك وكبير.. وابو كرار يمشي قريب منه وشكله مو منتبه ..
كان نظر ابو كرار على قده من الكبر .. ومشيته بعد .. مهو سريع..
رائد :
ــ وي وي ابووي .. ويش هذا هالأسود.. اف ظلمه ما يبين .. يباااااااا..

فاضل والرجال كانو عند الكفر ... مافي الا فارس ورائد قاعدين على جنب.. يحرسو الحريم القاعدين...
سمعو صريخ رائد .. جا فاضل..
ــ خير ويش صاير...
رائد:
ــ ابوي .. ما ادري ويش فيه.. يمشي واكو شي اسود قريب ,,
فاضل يحد نظره شان يشوف ويش هذا...:
ــ أي والله اكو يتحرك بعد.. شكله ذيب.. يا الله... عمـــــــــــــــي... وين راااايح...
<<< لكن لا حياة لمن ينادي..
راح فاضل يركض كان يوصل له..رائد فيه نحاسه وحركتات عفويه ... تخلع الواحد... فلما سألوه الحريم الصريخ ليش وويش صاير:
ــ ابوووي ابو كرار راح بعيييد.. واكو شكله ذيب..
صرخت ام حيدر :
ــ ذيــــــــــــــب ويــــــــــــــــه.... هذا اللي بيغربلنااا... ابو كراااااااااااااااار .... ابو كراااااااااااااار....
زهرا :
ــ وي ابوي على عمري .. الحقو عليه..
رائد وبنحاسته المعتاده وعفويته :
ــ ابوش بس .. خخخخ ريلش بعد اكو لحقه...
صفقت زهرا صدرها..
ــ وي وي .. يااعلي .. ابوي وريلي .. راحو.. ويلي عليهم .,, يباااااااااااا.. فاااااااضل...

جو الرجال يشوفوا ويش صاير .. ويوم درو بالسالفه. حيدر :
ــ وااه.. ابوي.. لااا ..
وراح هو الثاني يركض له..
ام حيدر صرخت :
ــ تعااااااااال انت بعد.. ناقصين واحد حق الثاني يقووم..
وبتقووم.. مسكوها الحريم يهدو فيها..
جا السواق وفي ايده ميكرفون يدوي .. وصرخ...
ــ يا ابو كراار .. تعال ... لا تبعد ..
ابو كرار انتبه.. ورجع ومن بعيد شاف اثنين جايين له مهو عارفهم من الظلمه ونظره الضعيف .. وابو كرار يمشي على هون وهداوه...
رائد كسر خاطره ابوه اللي يراكض خايف على جده.. وجده اللي مو داق خبر ويمشي ببرود.. وقف وقال للسواق اعطيني المايك.. عطاه اياه .. صرخ رائد :
ــ يباااااااه ابو كراااااااار .. ذيــــــــــــــــــــــــب.. اكوو قرب جى لك,,,
ابو كرار من سمع طاري الذيب... قام يركض ويتعثر ركضته ثقيله... وصل لفاضل وهو ينافخ.. مسكه فاضل.. وسنده عليه... وشوي وصل ليهم حيدر .. وسندوه ومشو به...
لين وصلو للحصر وجلسو .. وهم ينافخو من التعب وماي جابو ليهم وحاله..
شوي العروس قامت تصيح..
ــ ماني قاعده هنا.. في ذيب .. بركب الباص اخاف..
جاها زوجها يهدي فيها.. فارس يركز النظر على هالأسود البعيد.:
ــ ما اتوقعه ذيب .. صار له ساعه واقف .. واذا تحرك تحرك وهو مكانه... شكله كيس لو شي مرمي .. ذيب.. لاا.. ويش يجيبه.. كلب يمكن.. بس واقف.. لا تخافو..

الحوسه قايمه لتغيير تاير السياره... شالو المنفقع.. جو بيركبو واحد ثاني.. راح واحد من السواقين يجيب السبير... ورجع وهو مرتبك.. ولا هو عارف ويش يقول.. سأله خويه اللي كان جالس يشيل التاير القديم.. .. وين التاير ..
رد بإرتباك وهمس :
ــ مافي عدنا سبير...
فز السواق على طوله:
ــ هااا وويش تقوول...
<<< ومعاها خلفيه شهقه عظيمه من المسافرين
رد الثاني :
ــ ااا.. والله استخدمنا السبير اخر مره رجعتنا من سوريا.. ونسينا نحط غيره.. او نرقع القديم...
سكت السواق وما رد عليه.. لأنه مو عارف ويش يقول..
رضا حمق :
ــ انتوون ويش ما تاخذو احتياطكم ويش هالأهمال .. الحين ويش بنسوي ليل وبر .. وحريم ويهال..
فاضل عاونه عليهم:
ــ صحيح انكم ما عندكم سالفه اول مره بحياتي يمر علي مكتب سفريات كذا.. اولا سواق مهمل وينام وبيودي باص كامل بستين داهيه.. وتالي تاير سبير مافيه.. انتون ويش .. انا لله..
ابو كرار:
ــ صبرا جميل.. اللهم صل على محمد وال محمد..

الكل صلى على محمد وال محمد...
رائد درى بالسالفه.. وراح ليهم.. ولا سمع الا حمزه ولد عمه يقول:
ــ ارتاح يا ولد العم.. اطلع منها خلهم يدبرو حل ويخلصو..
رائد حمق:
ــ ويش قصدك؟.
حمزه بإرتباك:
ــ ولا شي..
رائد ضرب عكازته بالأرض :
ــ لا عفر قصدك..
ــ لا والله مو قصدي..
ــ لا شكلك تقصد اني راعي مشاكل.. واذا تدخلت بتصير سالفه موو..
ــ انا ما قلت كذ الا اذا انت حاسس كذا .. عاد هذا شي ثاني ..

رائد دفر حجاره من الأرض لجهة حمزه... << كرد لحركته اللي سواها له في البحر.. ومشى عنه...
فارس يضحك على رائد :
ــ هههههههه هااا تنتقم..
رائد:
ــ خخخ ويش دراك..
فارس:
ــ مبييينه.. الله يهديكم بس..
رائد:
ــ دم ضرووسي .. ودي اشنقه... اذبحه.. اخخ بس لو مافي حكم علي شان اخذت حيفي فيه وبردت قلبي..
فارس:
ــ اف اف اف .. الساتر الله بس... يقولوا ما بعد العداوه الا محبه..
ر ائد:
ــ هيهي خبل اللي قال هالمثل .. مينوون انا .. ولا مين حمززوه.. عووع...
فارس:
ــ ههههههههه نسينا ما كلينا... شان تبغى اذكرك بذكرك..
رائد:
ــ تذكرني بويش..
فارس:
ــ نسينا.. شيه كنت تحبني انت << قالها وهو يرفع وينزل بحواجبه بحركه بطيئه..
رائد غمض عيونه وابتسم حد ما عنده:
ــ شششششش.. لا احد يسمعك بس... انت غير حبيبي فديتك..
فارس:
ــ هههههههه يعني مو خبل قايل المثل..
رائد:
ــ خخخخخ لا اسحبها.. بس ليش تدافع عنه.. خويك..
فارس:
ــ حلوه دي ولد عمك بعد خويي.. ويش دخلني به
رائد:
ــ ولد عمي .. عمت عين ابليس... من وين لوين ولد عمي .. هههههههه تستعبط علي
فارس :
ــ اف.. ليش عااد ... تبريت منه...؟؟
رائد:
ــ ما اعرفه اصلا... قال ويه ولد عمي ... خويك اقول لك ..
فارس:
ــ تقصد مين؟؟


تابع>>>

رائد:
ــ اللي قال المثل ..
فارس:
ــ ههههههههههه غربلك ربي .. تت مناك يللا ..
رائد:
ــ هههههههههههه تت وجهك قطو قالو لك..
فارس :
ــ احلى قطو..
رائد:
ــ ما اقدر ما اقدر.. ويش هالدلع .. هذا وانا خويك.. بكره الخطيبه ويش بتسوي ليها..
فارس تنهد من قلب:
ــ اااااااااه اللي تبغاه...
رائد:
ــ ههههههههه بسم الله عليك اااااه من قلب .. لا يكون بس طايح ورايح فيها..
فارس :
ــ هاااه..
رائد :
ــ هههههههههه وهااه بعد...
ولصق في فارس ومسكه بالقوه:
ــ عفيااا.. مين هي..
فارس يفلص رائد :
ــ هههههههه استح على وجهك.. وخر مناك بس .. امش نشوف ويش صار للجماعه..
رائد :
ــ هيهي هههههه اقص ايدي بس اذا منت طايح ورايح..
فارس منحرج:
ــ رائدوه..
ــ هلا,,,
ــ انشب..
ــ هههههه ان شالله...

رؤى وحنين على جنب على الحصير.. شوي صارت حنين تحوس بحجر على الأرض..
كان املس .. ومره صافي وحليو.
ــ رؤووه شوفي هالحجر حليو مو..
رؤى:
ــ باشووف... ايه والله.. تصدقي شكله اللي يشبو به النال بس ناسيه اسمه ..
حنين:
ــ ههههههه يشبو وجهي .. كيفا بعد..
رؤى:
ــ جيبي اجلب واشب وجهش..
عطت حنين رؤى حجره..
رؤى:
ــ جيبي ثانيه...
عطتها ثانيه... حكتهم رؤى ببعضهم ما طلع شي..
حنين تسخر عليها..:
ــ هههههههه احلى يا اهل الكهف يا قديم الزمان.. قالت ويه بتشب نار.. هههههه كان محدش غلب..
رؤى :
ــ سكتي .. اني متأكده .. شكله يطلع شلال.. دقيقه بس...
رنت رؤى على رائد رنه... وجاها..
رائد :
ــ خير ويش صاير..
رؤى :
ــ حك هالحجلتين مع بعض حد ما عندك.. وطلع شلال
رائد بمسخره:
ــ صدق صدق متفرغه .. احنا فويش وانتين تعال حك حجره.. بصفقش بها.. اهو بس..
رؤى حمقت:
ــ زين يا المشغول اسفين عالإزعاج لوح بس غيل التايل ..
رائد:
ــ اروح احسن لي مالي خلق شباق..
رجع رائد لفارس.. وكان واقف ويا حيدر وحسن.. وهو يتمسخر:
ــ قالت ويه.. حكهم.. خخخخخخ
حيدر :
ــ تحك ويه..
رائد :
ــ نياهااهههااا ظهوركم..
حسن :
ــ شيه قرده..
فارس :
ــ ههههههههههه مو احنا اللي نحك.. هو اللي يحكنا.. صدق رائدوه تحك ويه..
رائد :
ــ حجر شايفتنه تقول حكه ويشب حريقه..
حيدر :
ــ حريقه مره وحده..
رائد:
ــ ويش دراني عنها متفرغه..
فارس :
ــ لا يصير يطلع شرر اذا هو صوان .. وموجود وايد بالبر .. صحيح لا تسخر..
رائد :
ـ يوه ههههههه اجل بروح اجيبه من عندها بشب حريقه بالسواويق من قهري...
وراح ليها
حيدر :
ــ ههههههه وربي ارهابي..
رائد وهو رايح دار لحيدر وهو يرقص حواجبه...:
ــ طالع عليك خاالوو..
حيدر :
ــ هههههههه دبتك.. خلص بس جيبه...

رائد:
ــ رؤى .. جيبي الحجر بيجربو الشباب..
رؤى :
ــ توك تسخل علي ويش تبغى فيه..
رائد :
ــ اوهوووو ... وانتين ما احد يمزح وياش.. بتعطييني اياه لو ويش..
حنين تساسر رؤى:
ــ اعطيه اياه بنشووف..
رؤى :
ــ البل مليان يدول له..
حينين:
ــ اف وانتين كله تعاندي ندري البر مليان .. خلينا بنشوف ان قلتي له يدور بيعاند
رؤى:
ــ خله يعاند احسن..
حنين:
ــ ايه قولي خايفه يكشف تخريفش..
رؤى:
ــ أي تخليف..
حنين:
ــ اني ادري عنش ... اجل حجر يشب حريقه.. كثري منها بس ...<<< تبغى تقهرها كان تبطل عناد وتعطيه الحجر..
رؤى:
ــ ماني مخلفه ولا شي ... لااااااااائد.. هاك شوف جلبو..
حنين في بالها.. هيااا ههههههه ما ينفع وياها الا الإستفزاز..
راح رائد ليهم وعطى حسن الحجر..
ــ خذ انت جرب اول واحد .. حد ما عندك..
اخذ حسن الحجر:
ــ ليش انا عاد اول واحد..
رائد:
ــ ههههههه .. جثه بتعطيه قوه ضاربه.. الا هو صاير طفو .. مو بس يطلع شرر
حسن:
ــ ههههههههههه وجهك.. اكو انت تلعب كمال اجسام.. عليك به..
رائد :
ــ ايي .. انا رجولي منكسره..
حيدر :
ــ هههههههههه شيه بتحكه برجولك..
رائد:
ــ هههههههه لا براسك..
حيدر:
ــ زين يصير خير خخخخخخ

صار حسن يحك.. ما طلع شي...
اخذه حيدر.. يجرب...
رائد:
ــ الحين ما قدر حسنوه انت بتقدر..
حيدر :
ــ يوضع سره في اضعف خلقه..
صار حيدر يحك ونفس الشي ما طلع شي...
اخذه فارس ...
رائد :
ــ ههههههه بالتناوب...
شخطتين الا طلع شرر..
رائد :
ــ واااو فارسووه ما شالله.. هههههههه ادي لوو.. عفيااا..
فارس رجع يحك وطلع شرر زياده... وصاير مبين وحليو في الظلمه..
رؤى شافته.. وفرحت ..
ــ شفتي حنينوووه طلع شلل.. لا تعااايي فيني مره ثانيه وتجادليني..
حنين:
ــ الله حليو .. حركات..

رائد :
ــ ابو الفوارس .. تعرف اسمه.. هالحجر..
فارس :
ــ اذا ما خاب ظني هذا جرانيت اللي هو الصوان...
حيدر .. :
ــ ههههههههه ايه هذا اللي قال عنه احد الشعراء
دق الصوان و اوقدها لهايب
رائد: ــ لهااايب..
حيدر:
نشن و اضرب العدو مش صايب
رائد: ـــ هيهي خوش خوش...
فارس:
حنا ربع العاصفة يا فلسطين
يوم العركة ما فينا اللي هايب
رائد : عااشو .. هههههههه والله مثقفين..
حيدر: ــ هههههههه انشب واسمع بس..
دق الصوان و اجعلها شرارة
رائد :
ــ مرااااااااررررره..
حيدر:
ــ هههههههه دبتك مراره.. احم..عزمك صوان ماتنطفي نارك
و صويحبي لو ضربني بشبرية
رائد فتح عيونه..
ــ بل شبريييه هههههههههههههههه
فارس:
ــ ههههههههههههههه ... احم... امسح الدم و احميه من الضرايب
بالبازوكا و البارود و الهاون
رائد :
ــ أي بطني .. بازوكا وبارود وطار لهاون... حشا هاون.. هيل هو لو قهوه هههههههه
حيدر :
ــ خبالتك.. الهاون من الأدوات الحربيه...
رائد وشوي يتدحن على الأرض من الضحك.. وحسن وياه ضحك...
: ههههههههه فكرته تبع لول اللي يدقو فيه خخخخخخخخخخ
حيدر :
ــ مالت دقو راسك ويش عرفك انت... المهم..نرمي العدو و ننصب لو الكماين
و اللي يهوب حدك يا ثورتنا... هااا ويش يصيبه ابو الفوارس...
فارس:
ــ تردو الفتح على اعقابو خايب
حسن قام يصفق .. و رائد يصفر :
ــ اييييييييه يعيييشووو على قلبي الحلوين...
حيدر :
ــ هههههههههه شيه بنرقص ..
رائد :
ــ بيذبحني هالخال هههههههههههههه المشكله عن ما قريب وبيصير رادود وهو بعده خبل ..
حيدر :
ــ هههههههههه بلا خباله علي شيه ويش قايل .. لا تطلع علي اشاعات ما اسمع اغاني انا ولا ارقص.. ههههههههه امززززح..
رائد :
ــ ههههههههه خلاص خلاص لا تصدقو امزح انا...
صار فارس يحك في الحجر ويطلع شرر زياده الا بجية حمزة.. ناحيتهم...
رائد:
ــ اف جا الملقوف..
حسن:
ــ ويش عليك منه...
رائد:
ــ تراهن بيتعيلف ...
ما مداه رائد يكمل كلامه الا .....

جاري كتابة الجزء الثاني من العيديه.. ويلي اذا تعبت بوقف صراحه http://allams.net/vb/images/smilies/smilies/yawn[1].gif اسألكم الدعاء... وكل عام وانتون بخير :bigsmile:

احلىىىىىىىىىىىىى عيديه


تسلمي يالغاليه


دمتي لنا

وناااااااااااااااسه



اني اول وحده استلمت عيديتش خيتوووووو اموووووووووور


الله يعطيش الف عافيه

دمتي لنا

جزء ابداع

روعه

شي رهيب



الله يعطيش العافيه
ونولش الي في بالش

ويفرح قلبش مثل ما ونستينا بهذا الجزء وبهذي القصه الي كل ما جاليها تحلا

اكثر وكثر


بس اموره
في خطاء بسيط بدل ما كتبتي حيدر كاتبه رائد

حيدر :
ــ ههههههه وربي ارهابي..
رائد وهو رايح دار لرائد.. وهو يرقص حواجبه...:
ــ طالع عليك خاالوو..

بتوفيق خيتو جاري الانتظار

دمتــ بود

صرااحه :embarrest: اسمحو لي
ماني قادره

:wacko: http://allams.net/vb/images/smilies/smilies/yawn[1].gifhttp://allams.net/vb/images/smilies/smilies/yawn[1].gifhttp://allams.net/vb/images/smilies/smilies/yawn[1].gif :wacko:

اعذرووني .. ما بتأخر كل يوم بيومه ...
الرجال عند كلمته :embarrest: اشوى ماني رجال

تمسون على خير
ومشكوره حبابه سحوره
جاري التعديل فديتش

دمتم بحفظ الرحمن

جزء بدون مقبلات بس مهضووووووووووووووم حبيته كتيييييييييييييييييير

الله يعطيش العافيه الله لايحرمنا هالقصه الفاتيستيكيه ولايحرمنا منش أميرتنا
جاري الإنتظار عبي البطاريه وكمليها أحسن لش خخخخ

يسلمووووووووووو أميرووووه على هالجزء

الاكشناات هع هع هع قال ذيب قال

وسالفة هالحجر هع هع يؤؤ بلا تخريف واايد

كبريااؤه

يعطيكـ العافيه أميرووه وبانتظاار البقيهـ

تقبليـ مروريـ وتحيــــــااتيـ

جنااااااااااااان:bigsmile::bigsmile:
وكل عام وانت بألف خير خيتو
وتسلميييييييين
الله يعطيك العافية:cool:
وموفقين انشاء الله

يسلموا أميرة على الجزء الراااااااائع

وكل عام وانتي بخير وخذي راحتك بس أهم شي تطلع القصة حلوة والنهاية سعيدة وأهم شي قبل ده كله راحتك يالغالية

تقبلي تحياتي

يسلمو يالغلا تعبناك والله جزء زاحف رائع
عجبتني ذيب ههه
تحياتي

مشكوره خيتو على الجزء الروعه
الله يعطيش العافيه
وكل عام وانتي بخير

تحياتي

يالله امورر حبيبتي نبي التكمله عن جد جزء رااائع جدا مشكوررره واايد بس نبي لاجزاء الباقيه

تحياتي
الشمعة

يسلووو عالتفاعل الهي لا يعدمني اياكم جميعا
منورين وعلى قلبي تواجدكم عسل
كل عام وانتون بخير
حاولت قد ما اقدر .. اكتب ..
تفضلوو الجديد

صار فارس يحك في الحجر ويطلع شرر زياده الا بجية حمزة.. ناحيتهم...
رائد:
ــ اف جا الملقوف..
حسن:
ــ ويش عليك منه...
رائد:
ــ تراهن بيتعيلف ...
ما مداه رائد يكمل كلامه الا حمزة يسأل فارس.:
ــ ويش فيك تحك بالحجر ..
فارس ببرود :
ــ اطلع شرر..
حمزه:
ــ خخخ والله .. لحظه اجل ولع لي سيجاره...
وطلع سيجاره ومدها على فارس ..:
ــ يللا حك.. طلع شرر,,
رائد حمق منه:
ــ اقووول.. فارق لا احك وجهك بكف ...
حمزه :
ــ وانت ويش دخلك...
رائد:
ــ اذا ولعتها بطفيها بوجهك.. فاهم.. دخلني ويللا مالك شغل ووخر مناك...
حمزه وهو مكشر حواجبه:
ــ الحمدلله والشكر.. اروح احسن لي لا تصير سالفه بس..
رائد بحمق:
ــ يكووووون احسن...
تركهم حمزه من هنا.. فارس رمى الحجر على الأرض من جهه ثانيه..
رائد:
ــ ويش فيك؟؟ ما عليك منه...
فارس:
ــ مافيني شي.. بس ما احب اشوفكم كذا وانتون اولاد عم.. احس نفسي سبب لهالكره اللي بينكم..
رائد:
ــ فارس..
فارس:
ــ هلا..
رائد :
ــ كف على وجهك..
فارس :
ــ هههههههههه اعصابك يا تايسن.. وانت ما تمشي الا كفوف وطراقات.. خلاص سكر السالفه..
رائد :
ــ يكون احسن.. بروح اشوف سالفة هالتاير..
راح هو ويا فارس.. لقو واحد من السواقين يكلم جوال... وبعد خمس دقايق تقريبا.. خلص المكالمه :
ــ يا جماعه.. شوي وبيجي باص ثاني ان شالله عنده سبير.. دقيت مكتب السفريات.. وقالو بعد طلعتنا بساعه مشى هالباص... يعني ان شالله يوصلنا قريب...
رضا:
ــ قريب.. ساعه قريب... ساعه حريم ويهال في هالبر و تقول لي ساااعه ..
ابو كرار:
ــ الله يكون بالعون.. سلام الله على زينب والسبايا.. الصبر زين..
رائد:
ــ انتون ويه ابغى افهم..
فارس يحاول يسكته شان يهدي ولا يسوي سالفه..
واحد من السواويق:
ــ بني ادم معرض للزلات والأغلاط .. يا اخي هدي ويش فيك عصبي..
رائد يضرب عكازته عالأرض:
ــ اهمااال وتقول لي ويش فيني عصبي .. انا لله,,,
مسك فارس ايد رائد ومشى وياه.. ومشى وياهم حيدر وحسن...
ــ ياتحرير الإنسان من كل عبوديــــــــه.. خطاك حسينيــــــــه .. وانت الحريـــــــه
رائد:
ــ على قلبي الخال عشت.. سمعنا بس ,,, يخليك ربي ويخلي الأكرف..
حيدر ابتسم وكمل..
ـــ لكَم سرنا وكم اعيا بنا السيرُ.. والقتنا بمرساك اعاصيرُ .. فلما ان سرى فينا بك النورُ .. تحررنا بكم والدين تحريرُ .. تهنا لكم تهنا.. حتى تنبهنا .. في واحة غنى عن كل صحرا...
حامت ضمائرنا .. جفت سوايقنا.. يا سعد راوينا .. من ذلك الماء...
فارس :
ــ ما شالله حيدر.. كل يوم عن يوم يزيد حلا صوتك.. مره يخشع الواحد معاه.. اهنيك على هالموهبه...
ــ تسلم الله يخليك.. من ذوقك...
مرت ساعه.. وصل الباص... وطلع ليهم السبير اللي عنده.. وبسرعه ركبوه... ولمو قشهم ..جو بيركبو الباص.. قبلهم شلة العزوب .. رائد ضرب بعكازه على خفيف على الباص..
ــ لووو سمحتو .. خلو حريمنا تركب اول .. هم ورى وانتون قدام...
وقفو الشباب على جنب ... حمزه جا بيسوي حاله بيركب... رائد :
ــ هيه.. حالك من حالهم.. انتظر الحريم اللي ورى يركبو تالي اركب...
حمزه يطالع رائد مقهور منه.. ورائد عاطنه طناش × طناش..
ركبو الحريم.. ام حسين كانت مره تعبانه,, فنامت على السيت ورى.. ورؤى ويا حنين قعدو يسولوفو..ومشى الباص اخيرا بالصلاة على محمد وال محمد..
وجا وقت صلاة الفجر .. ووقف الباص المحطه.. الكل نزل الا رؤى.. ويا جهال صغار اولاد العايله اللي معاهم.. كانت رؤى معذوره.. فنامت في السيت الأخير.. والكل نزل للصلاه...
فارس يالله نزل امه ام حسين.. ووصلها للحمامات.. تالي شذى وسمر وحنين قالو له يروح يصلي وهم بيهتمو فيها...
وفي الحمامات.. تذكرت ام حسين سجادتها في الباص نسيتها في الرف اللي فوق... قالو ليها شذى وسمر تصلي بسجادتهم.. بس هي ما رضت تبغى سجادتها موضع السجود فيه خوص عوض عن التربه والورق .. وما تحبها الا هي للسفر.. فطلبو من زهرا تتصرف.. زهرا دقت على رائد .. لقته مقفل.. فدقت على فارس...
فارس خلص صلاة ومتوجه للماركت بياخذ له عفايس.. الا زهرا تتصل له .. رد عليها لقاها تطلب منه يروح يجيب السجاده من الباص لأمه.. ودلته عليها...
راح فارس الباص .. وركب.. وكان ظلمة وهدووء.. ولا يدري ان رؤى موجوده.. ورؤى كانت نايمه... راح فارس ورى.. مكان امه.. بيشوف الرف,, صار ينبش.. ويحوس على هذيك السجاده مره يطلع له شرشف مره عباه جايبتنها امه زياده احتياط.. و خلاقين..
حمزة لاحظ ان رؤى ما نزلت... خلص صلاته بسرعه.. وراح بيركب الباص...
ركب حمزه الباص .. وراح ورى وفي نية باله بيطل بس طله.. بيشوفها صدق موجوده لو لا << خبييث...
شاف فارس.. وفارس ما حس عليه,,, فارس داخ مو شايف هالسجاده.. وانتبه بالظلمه على السيت شاف بطانيه متكفسه .. مد ايده بعفويه .. ورفع البطانيه بيشوف كان السجاده تحت ويا هالعفايس لو لا .. وانصدم بصرخة رؤى حد ما عندها كانت نايمه ومتكفسه تحت هالبطانيه زي الربيانه.. ولا هي مبينه... فارس اختلع وشهق حد ما عنده.. . عرف انها رؤى.. رؤى قعدت على السيت قعود وشوي وبتصيح... فارس مرتبك منحرج مو عارف ويش يقول وكيف يبرر موقفه المتسرع هذا... نزل راسه للأرض على طول.. وقلبه يدق .. الا بكف من وراه يمسكه ويصرخ عليه,,
ــ ويييش تسوي هنا...
بعفويه فارس صرخ اختلع...و دار لحمزة.. :
ــ ادور سجادة امي ..
حمزه:
ــ عليناااا.. جاي ورى ليش .. يا قليل الحيااا تكشف حريمنا يا يا .. << كل يرى الناس بعين طبعه..
فارس :
ــ قسم بالله خلقني ما ادري ان في احد..
ــ لا تقسم قسم الله راسك.. قلة ادب فوق شينك تقسم على كذب ,,, والله لكن لوديك بداهيه هين بس ..
فارس مو عارف ويش يسوي له وده يحوش وجهه بكس يفقعه له .. بس على حساب رؤى المختلعه وانهم سفر وتعب وانه حس نفسه تسرع بس بعفويه من دوخة الراس والتعب ما فكر قبل لا يتصرف فما يبغى يسوي مشاكل ...
فارس بإحراج:
ــ اسمحي لي خيه.. بس والله مو قصدي جاي ادور على سجادة امي مانى شايفنها..
رؤى وهي مرتبكه وخايفه اشرت على نهاية السيت ... التفت فارس لقاه مطوي اخذه.. والتفت لقى حمزه معصب فيه.. ويهدر ويمسكه من كلر بلوزته حد ما عنده :
ــ ما تستحي رجال اخر زمن...
فارس نفض ايد حمزه وعطاه نظره قويه..
ــ قلت لك غلطان ما اقصد اكشفها حقكم علي...

تابع>>