ضعنا يا صبرنا...

رحم الله والديك وماقصرتي
التعليق انتي عارفته قبل لاكتبه
يعني مابتعب حالي >> نعسان والنفسية مو اوكي يعني بقوم انام
بس ابغا اشوف رسمة علا >> وملزم بعد :weird:
لاعدمناك خية
وسمحي لينا على التقصير
بنتظار الجزء الجديد بتاريخ 23 هذا الشهر :wacko:
دمتي بحفظ الباري
والله يحقق كل امانيك يارب
بجاه النبي وهل بيته عليهم السلام
وبركة هذا الشهر الكريم
<< اقول قوم نام وبلا هدرة كانك ضبعة >> زين انشاء الله
سي يو الى اللقاء

مشكووووورة ع الابداع

وبنتظار الابداع القادم

تحياتي

شكرا على الجزء الروعة
وانشاء يطلع علي من السجن
وعدل والله بيجنن نص البنات
اول زينب والحين سارة
وانشاء الله تفوز عُلا
وتقبلي مروري
تحياتـــــــــــــــي
فاطمة المعصومة
sos0

اقتباس:

---

خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...:toung:جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. :rolleyes:!!




خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...:toung:جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. :rolleyes:!!

---

ههههههههههه
افاا عليش اختي
الصرااااااحه كل كتاباتش رووعه في رووعه
وانا لو تشوفيني كني مصفع خلصت اجزاء هالقصه في 3 ايام
ازيدش من الشعر بيت هالنااس متابعين رواياتش اوول بأول وأول ماحطيتي الروايه هذي طارو من الفرحه يقولو حطت أميره روايتها الجديده <<<<مطلع الفضاااااايح عشان تستانسي خخخخخخخ
انا هذا عاادلوه اللي ابفطس منه خلااص
مسكينه ساااره وش بيصير فيها الحين
والله لو انا من ناصر شان كسرت عافيته
وأتووقع جاسم انعدى من حميد
وماشاء الله على عبد الرحمن ورزان
وهذي سووسن أنا من البداايه ماتوقعتها كذاا قلت شكلها مو زينه
وريموه ذي بحوشها بدست شان تعقل
يا تروح وياهم تتسمع ياتذااااكر ذي النااااس
مذاكرتها لعب هالبنيه
>>>شكلي طوولت احم
ويلا ننتظر الجزء الجديد
لا تطولي علينا

السلام عليكم ورحمة الله وبركاته
رووووعة ياأميــرهـ والله خوش رواية نتغاعل
معها ومع الاحداث احس اذا خلصت قرايتها كني طالعة
من مكان ثاني مو في البيت احس ان عايشة معهم هلاحداث
ولاعادلوه مصروع نص بنات الرواية ههههههههههههههههههههههه

لاعدمنا الجديد
تحيـــــــــــاتيـ

بسم الله الرحمن الرحيم

اللهم صل على محمد وآل محمد

وعجل فرجهم

ما شـــــــــــــاء الله

جزء رووووعة

تأثرت واااجد وعشت اجواء محرم

لله يعودنا عليه بالخير..

وعادل بصراحة فطسني من الضحك

هههههههههههههههههه

مسكين مصطفى ندم لانه اخد ادور

امه من جهة والجهال من جهة ثانية خخخخخخخ

وجاسموه عساها ماجاءه وأكثر بعد

وعلي الله يفرجها عنه

تسلم الايادي يالغلا

موفقة لكل خير

ومقضية الحوائج ان شاء الله

وبإنتظار الجديد

مرحبا

تسلمو والله ربي يخلي لي هالطله
عاد مو لدرجة 23 هالشهر هههههههه.:wacko:. غربل الله شركم
صبرو علي وربي ما بتلقو الا اللي يسر..:amuse:
كعور.. زدت الفضول ياخوك.:nosweat:. حياك متابع وحيا الله المتابعين اللي دلوك على كتابتنا.. بلغهم سلامي ايا كانو...:amuse:





رحماك ياربي .. هل للذكريات ان تموت..!!
اهلكنا الوجد والبعد,,, وكل حي لابد ان يموت...


اليكم الجديد..

الحلقة 30





عادل .. صار يتمشى في الطريق .. لين وصل فريق بيت ام مؤيد..
ــ يوعااااان.. بررروح بيت مؤؤؤؤيد يييمممكن يعططووني اكككل..

لقى باب بيت ام مؤيد مردود.. فتحه شوي شوي... و دخل ..
اول غرفه على طول لقاها وكانت المجلس ,, وكان المكيف يشتغل..
والميكرفون للقرايه والكتب مرتبين استعداد للمأتم..

صار يداور فيه..
الا بدخلة ساره حامله تبسي فيه شاي وماي ..
ما انتبهت له كان في جهه بعيده عن الباب ومكان روحتها ...
حطت التبسي .. ودارت للباب..
شافت عادلوه واقف قدامها .. ومبتسم شبرين ونص
صرخت حد ما عندها..
ــ آآآآآآآآآآآآآآآآآآآآآآآآآآآآآآآآآآآه


مؤيد صدفه كان راجع البيت .. من صرختها اختلع ودخل المجلس على طول لقى ساره طايحه مغمى عليها .. و عادل واقف يطالع ومستغرب..

مؤيد بلا شعور مسك عادل من كلر ثوبه من ورى وشوي يفطسه وصار يسحبه لبرى وهو يهزأ فيه..
عادل :
ــ كحححححح بااامووووتتت فططططسسسست..
مؤيد طلعه برى الطريق وصار يصارخ فيه:
ــ ماتستحي على وجهك تدخل بيت ناس بدون ما تستأذن .. و و
عادل برطم وشوي بيصيح..
ــ انننااا يييوووعااان مممااادررريت في اححد في الغرررفه

مؤيد ماله بالة هدرة عادل... دخل لخته.. لقى امه جت ليها من بعد الصرخه..
وتصيح وتسطر فيها وتصب عليها ماي من اللي بالتباسي شان تقوم وهي ابدا رايحه فيها..
مؤيد دخل ومسك ساره:
ــ جيبو عطر .. أي شي فيه ريحه قويه..
ام مؤيد ومهي متحمله الموقف : ــ ويش فيها بتي ..؟؟
مؤيد يحاول يصحيها :
ــ عادل.. عادل الزفت دخل هنا وخلعها..
ــ ياااربي .. جود امي جيبي عطر..
جود تصيح:
ــ خالتي ماتت.. !!
مؤيد اول مره يصرخ على جود:
ــ رووووووحي جيبي عطر .. ماتت في عينش..
جود صارت تصيح..

ام مؤيد:
ــ انا لله.. يارب الطف بحالنا
وقامت هي وجابت العطر ..وجود طلعت من المجلس..

صار مؤيد يرش على وجه ساره عطر.. قربه من خشمها اكثر وصار يرش
لين فاقت من الغيبوبه:
ــ كح كح..
فتحت عيونها شافت مؤيد قدامها.. مهي مميزه شكله بس مبين انه رجال..
صرخت حده ماعندها مره ثانيه..

ام مؤيد حضنتها وصارت تهدي فيها بالصلاة على محمد وآل محمد لين هدت اعصابها..
مؤيد صار يسب في عادل و انه مصخها وما يصير كذا ابدا لا احم ولا دستور..

وبعد ما هدأ الوضع و استقرت حالة ساره..
ام مؤيد بهدوء:
ــ ياولدي حطيت حرقتك في جود المسكينه..
مؤيد انتبه لعمره:
ــ ويش سويت ؟
ــ صرخت عليها وشكلها تصيح الحين قوم شوفها..
مؤيد : ــ انا لله والله ماكنت منتبه ولا قاصد..

قام ليها... هي مع ساره في غرفه..
لقى الباب مردود.. صار يطالع داخل ويش تسوي؟؟..
شافها قاعده على سرير خالتها حاضنه دبها.. وقاعده تصيح..
عورت بقلبه.. وقبل لا يدخل سمعها تعتب .. وتكلم الدب..
ــ خالتي بتموت.. زي ماما.. وبتخليني وبتخليك.. مابغاها تموت..
مؤيد ما تحمل .. عورت بقلبه عدل..
دخل عليها لقاها زعلانه منه ومسويه روحها ماتشوفه..
قعد جنبها وصار يسولف وياها بهداوه..
ــ خالتش مافيها شي غناتي لا تخافي..
ابتسمت جود..
مؤيد : ــ فديت هالوجه انا.. ولا تزعلي غناتي ماقصدي اصرخ عليش بس من خوفي على خالتش..
جود :
ــ ما ازعل عليك اني..
مؤيد يغمز ليها:
ــ لويه ما تزعلي ..
جود بأبتسامه عريضه: ــ لأني احبك..
مؤيد يحضنها:
ــ ياغناتي طفلتي الصغيره...

وطلع مؤيد..
طلعته لقى عادل قاعد على باب بيت جيرانهم اللي قبالهم..
عادل من شاف مؤيد قام وقف وهو خايف منه..
مؤيد كسر بخاطره عادل وحالته.. وفي باله:
ــ مينون هو وما عليه شرهه.. قسيت عليه وايد..
تقرب منه..
عادل خاف فكره بيطقه.. ورفع ذراعينه يغطي روحه..
مؤيد :
ــ لالا تخاف مابطقك..
عادل بصوت متكسر ومختنق:
ــ مممااااحددد يحبببني .. الكككل يطررردني وممااا ييبببغاااني..وييينااا اررروح..

مؤيد من شكل عادل وخوفه وكلامه جت له غصه عليه..
ابتسم له..
ــ قلت يوعان.. صح؟؟
عادل بأبتسامه ونظرات مثل فرحانه مثل الأطفال .,,
ــ اييييييه..
مؤيد يمسكه من ايده:
ــ إمش وياي بشتري لك شاورما...
ــ الله.. شششاااوووررمااا... !!
ــ ايه يللا مشينا..

تابع>>

باب بيت ابو علي يطق..
ام علي :
ــ مين...؟؟
ريما قريبه منها تتصوخ مين عالباب..
ــ السلام عليكم..
ــ عليكم السلام ..
ــ هذا بيت حسين علي آل ...
ــ ايه وصلت .. خير..؟؟
ــ انا جاي من طرف المرحوم صالح...

ام علي من سمعت طاري صالح.. حست ركبها مهي قادره تشيلها.. فتحت الباب...
ــ تفضل ياولدي ..
ــ لا ياخاله اسمحي لي مستعجل بروح لأهلي .. بس قلت رجعتي للبلد اسوي خير .. واجيب لكماغراضه.. يستاهل الله يرحمه حد يتعنى على شانه..
ــ تسلم ياولدي .. ماتقصر .. رحم الله والديك..
الرجال :
ــ يالله يالله..
دخل شنطة سفر لصالح..
ــ تآمريني على شي ياخاله..
ــ سلامة عمرك.. بالغين اهلك فيك.. ماقصرت..
ــ مع السلامه..
ــ الله يسلمك .. ويحفظك..
سكرت ام علي الباب..
مهي قادره مرت على الشنطه مرور الكرام وخلتها محلها..
ريما مهي فاهمه ويش صاير...
ــ مين هذا اماه..؟؟ وويش فيش؟؟ وويش هالشنطه..
بصوت بالكاد يسمع وانفاس مخنوقه:
ــ اغراض ولد عمتش..

ريما فتحت عيونها.. وراحت على طول لليلى..
ام علي قعدت جنب ابو علي في الصاله..
ابو علي بعكازته يشخط على الزوليه:
ــ اييه.. رحمة الله عليك يالغالي.. ومرحوم والدينه اللي جابهم..
ريما :
ــ ليلى.. قومي .. الحقي..
ليلى كانت تكتب في دفتر من دفاترها..
ــ ويش صاير؟؟
ــ اغراض صالح جابهم واحد من شوي.

هي قالت كذا.. ليلى على طول تركت كل شي من ايدها.. وراحت تركض للشنطه..
طلعت من باب غرفتهم وتوجهت للمجلس .. وشافتها محطوطه..

سبحان الله.. سبحان التقشف والعنايه.. الشنطه نفسها اللي راح بها...
من سنين.. نفسها اللي ودعهم وهو حاملنها..

طاحت على ركبها .. وصارت تتلمس في الشنطه.. لين وصلت للسحاب اللي ربطت فيه شريطه حمرا .. غمضت عيونها والدموع تسيل ورجعت للوار لحظة وداعه للسفر..
صالح : ــ نشوفك على خير ابو حسين..
ــ على خير يالغالي .. انتبه لعمرك..
ــ ان شالله .. وانتون بعد انتبهو لعمركم..
ابو علي : ــ ياولدي واذا نقصك شي ارسل لينا وان شالله نقدر نرد عليك..
صالح: ــ ان شالله ما تنقصني الا شوفتكم...

التفت لليلى كانت لابسه مشمرها ومتغطيه ومهي شايفه عدل ..
وتحاول تربط شي في شنطته..
غض النظر .. علي انتبه ليها وانتبه له انه شافها.. وصار يتعيلف:
ــ احم احم.. بعض الناس مادري ويش يسوو.. لا يكون يحطو لك سحر .. انتبه هاا..
ليلى خلصت .. وقامت عن الشنطه وبهدوء :
ــ سحر.. ايه ماعليه.. بس ربطت شريطه ..
علي : ــ هههههههههه لويه يعني؟؟ لا يتغوى عن شنطته.. والا بتروح المدرسه..؟؟
ليلى بهدوء وقهر: ــ ظررريف.. بس كذا
صالح ابتسم ..
علي : ــ ياعيني ياعيني وحمرا بعد..
ليلى انقهرت وراحت بتشيلها..
صالح صرخ:
ــ لااااا.. خليها..
علي : ــ لاااااا خلاص لا يموت..
صالح يضرب علي عن مزح:
ــ عن التعيلف يادفش .. سلط الله عليك من يتعيلف فيك ليل ونهار..
ــ هههههههههههههه ما بيقدر علي..

صارت تتحسس الشريطه بيدها.. وتسحبها شوي شوي .. لين تفللت ...
ريما انتبهت ليها..
ــ يالله نفس الشنطه والشريطه ماشالها ولا ضاعت.. الله يرحمك ياولد عمتي..

ليلى ما هي في الدنيا .. وتحس روحها ما تسمع شي..
قامت سحبت نفسها وسحبت الشنطه وياها..للمجلس ودخلت فتحتها..

واول شي قدامها برواز فيه صوره له هو ويا علي ...
ليلى من شافتها صارت تتلمس في زجاج البرواز ودموعها تتناثر عليه..
وتحس روحه بتطلع.. وبلا وعي شالته وضمته لصدرها وصارت تصيح وتنحب ..

ريما ما تحملت صارت تصيح وياها..
لفت نظر ريما بين الثياب و اغراضه.. دفتر ..
شالته وفتحته...
لقته مليان خواطر و اشعار ..
و اول صفحه فيه كان مكتوب..

اول هداياي لكِ حبيبتي .. حينما تكونين حليلتي...
من غيركِ يا ليلتي... سر صبري في دنياي وسعادتي..

محبكِ الوفي لكِ دوما: صالح..

ريما ماقدرت تقرى الباقي .. دموعها مهي قادره تتحكم فيها.... و مدت الدفتر بعفويه على ليلى..
ليلى مسحت دموعها.. مسكته..

قرت اول صفحه.. ومن قلب صرخت:
ــ آآآآآآآآه..
.. سكرته وضمته مع البرواز.. وصارت تنحب نحيب مو طبيعي..

جت ام علي ليها .. وشافت حالتها.. وهي ضامه برواز ودفتر .. وقاعده على ركبها.. تنحب وتهز ..
مسكتها من كتوفها. تبغاها تهدأ ..
بس ليلى مستمره في الهز...
وبعتب ..
ــ خليني يماااه.. خليني.. خليني اطلع حرتي ..
ام علي ماقدرت ضمتها وصارت تصيح وياها..
ابو علي وقف على باب المجلس.. رفع غترته ومسح دموعه..
ــ الله كريم..يساعدنا.. وما يضيع صبرنا ...

تابع>>

عادل في المطعم مع مؤيد .. وقاعد ياكل في الشاورما..
عادل :
ــ اششتهيييت اوووددددي الى ليلللى تحب الشششاوورررما هي..
مؤيد:
ــ ياحلاتك...حنون على خواتك ... دوم ان شالله..
عادل يضحك ويأشر على مؤيد:
ــ طالع.. ويش تتققوول ماااعننندي انااا خوووات.. ههههههههههههه عببباااسسسو يقققولاشششوى ما عندددك اخوووان ولا خوووات..
مؤيد : ــ لويه يعني..؟؟
عادل ياكل في الشاورما ويضحك:
ــ يقققول لا يطططلعو خببلالالاان زيي.. ما الأخبببل الااا هوووو..
ــ ههههههههههه انا لله...
ــ لييلى بتت جيررراننا بيييت ابببو علي..
ــ أي ابو علي؟
ــ حسسسين آل......
ــ اهااا... من زمان خبري بهم.. اخبارهم.. و اخبار علي .. علي بالذات ذكريات.. درس وياي في ابتدائي و متوسط.. انا خخخخخ كنت ارسب.. تالي طلع من المدرسه وصار كل منشغل في الحداق على شان اهله.. رحم الله ايامه خوش ولد كان.. ذكرررررررتني باللذي مضى ياعادلوه.. يبغى لي ازوره خبري فيه اخر مره شفته من سنتين تقريبا ..
عادل : ــ هههههههههههه اسسستااااد كيفففا تدرس في المدرررسه وترررسب ؟؟
ــ ههههههههه ويش نسوي بعد.. ارزاق.. ايه ماقلت لي ويش اخباره..؟؟
عادل ياكل في الشاورما وانفاسه تتلاحق .
ــ في السسسجن..
مؤيد فتح عيونه..
ــ في السجن؟؟ ويش ؟؟ لويه؟؟؟
عادل :
ــ اهووو بباااااككككل شندووويشتي..
مؤيد ياخذها من عنده..
عادل:
ــ مانى مانى .. ماااخلللللصصصت..
ــ وتبغاني انتظرك تخلصها بعد هالخبر.. ويش سالفته؟؟ ومن متى؟؟
ــ ماااااااااااادررري .. الفررريق كله يققووول انه في السجن... جيب شندوووووووووويشتي
ــ خذها وصاقعه فضحتنا..
وفي باله..
ــ لا لازم اخلي امي تروح لأهله.. لو اروح اشوف ابوه.. واعرف الموضوع.. والله ما تستاهلهالمصيبه ياعلي..

و بعد كم يوم..
طلع حجي عباس من المستشفى.. مع تحذير الأطباء بأبتعاده عن أي شي يسبب له العصبيه والتوتر .. لين تستقر حالته النفسيه كليا..
صاير مره كدر .. ما يتكلم الا للسب والتهزأ كعوايده..

ام عادل تحاول تعقل في عادل لا يسوي حركات نحاسه ترفع ضغط عباس...
وعادل ما شغلته الا يهز رقبته.. ويازعم فهم و بيسمع الكلام..

طلع برى الطريق .. لقى صبيان صغار من ابتدائي .. حاملين عصي.. و يلعبو...
... تقرب .. وصار يتصوخ لعبتهم...
لقاهم يقلدو تمثيلية الشبيه اللي شافوها..
راح ليهم متحمس يبغى يمثل وياهم..
طردوه:
ــ مانبغاك .. ماتفهم.. روح.. فارق..

عادل وخر عنهم وهو مقهور..
ــ ما افهم هااا.. ارررراااوووويكم...

دخل البيت..
تسلل غرفة امه شوي شوي..
وباق العباه..
لبسها.. وصار يلم كشته داخل..
ــ اووووووف كببيييررر شعرري يبغىىى لي احححلق...
رجع تسلل بسرعه وباق البوشيه.. وتغطى..
وطلع للصبيان وهو يراكض..
الصبيان من شافوه اختلعو وهربو..
عادل مو شايف عدل من البوشيه.. مخلنها 3 طبقات من خبالته تعثر على عتبة باب بيت جيرانهم المقابلين ليهم... و طاح و صقع في الباب صقعه قويه.. وكان باب بيت ابو اشرف..

من قوة الصقعه قعد على عتبة.. وخشمه صار ينزف دم.. دار راسه وسنده على الباب
الا بطلعة اشرف..
اشرف مافتح الباب الا يشوف مره قاعده بعباتها.. وشكلها مو طبيعي..
اشرف :
ــ يالله يالله..
يبغاها تقوم.. لا حياة لمن تنادي..
ــ حجيه... لو سمحتي بطلع..
ابدا .. ساده الباب هالحرمه ولا تسمع..

اشرف فكرها طراره:
ــ الله يعطيش حجيه.. قومي.. لو سمحتي..
شوي انتبه للرجول مشعره كانت طالعه.. والنعال لرجال..
وبالأحرى يعرفه.. رجول عادلوه..
ــ عااااااااااااااااااادلووووووووه.. ويش لاااابس...
عادل بتعب وبألم يون:
ــ آآآآآآآي
ــ آآآي .. هاا.. قووم يا قليل الحيا.. حق ويه لابس كذا..!!
ــ امثثثثل..
اشرف فيه ضحكه:
ــ انا لله.. قوووووووم...
ومسكه اشرف من تحت كتوفه.. وصار يحاول يشيله...
عادل يصرخ:
ــ آآآي خشششششششششمي
اشرف تركه:
ــ خشمك؟؟؟ ويش جيب خشمك منا بعد..!!!!!!!!!!

عادل : ــ يطلللع منه دمممممم..
ــ قوم.. قوم
الا واحد مار عليهم..
ــ سلامات سلامات.. طاحت الوالده.. ماتشوف شر ..
اشرف فتح عيونه:
ــ الوالده.. مهي امييييييييييييييي..................
ويشيل الغطا عن وجه عادل..
اللي طلع وخشمه احمر وسايل الدم منه..
ــ عادلوه البطيخ هذا..
الرجال ما تحمل وصار يضحك.. وجى يساعده عليه..
فضخوه العباه.. ومسحو الدم اللي فيه...ودوه بيتهم..
ام عادل..
ــ هذاا ويييييه ويش مسوووي فاضحنا في الفريق فضايح...
جابت له ثلج.. وخلته ينسدح و يحطه على خشمه...

الا برنة تلفونهم..
راحت بترفعه.. الا عباس سبقها...
تركته شكله التلفون له...

ما سمعته الا منصرع..
ــ لاااا.. من متى... هاااااا.. وييييييييه.. آآآه...
ما راحت له الا متشنج وماسك السماعه...
شالتها من ايده ..
حطتها على اذونها لقت نغمة المشغول.. المكالمه انتهت..
سكرت السماعه..
ــ حجي ... حجي ... ويش فيك..
عباس قاعد متشنج وفاتح عيونه..
ام عادل:
ــ حجي عسى ماشر .. ويش صاير..
عباس ابدا مافي رد..
ام عادل تحط ايدها على كتفه :
ــ حجي..!!
الا عباس فقد التوازن و طاح على جنب...

الى الملتقى..

أيوآآ أيوآآ عـآآشوآ عـآآشوآ
مآآآت البخيل ثقيل الدممم << على طول حكمت انه مات
وماال البخييييييييل يااكله العياار عااشوو << باقي تقوم تررقص هع هع
وجزء كشووخي بس ما طمنتيني على حمييد ؟؟ << عشقته
وجااسمو ما بين اليوم ؟؟
بس فطرتي قلبي على سالفه صاالح وليلى عفر الا
بتستجن آخر شي هالخبلهـ ..
هع هع يسلمووو أميروو ..
بآنتظآر الجديد ..
لآعدمـ ..
كبريآء

يـــآآآي جونــــــــــــــآن
أحسهآ مآرآح تزوج مدري ليش.. يمكن عشآن صآلح !!
عآدلوه هذا وسوآلفه تحفه
والله اللي سوآه دكرني بوآحد من النسآيب هآع<<إذآ جآش فضول تعآلي المسن هــآآآآع
عبآسوه هلجلف ده أكيد كلموه عشآن الأسهم أوم شي في الشغل وكآن الخبر سيء جدآ جدآ جدآ
ولذلك سوف يمت ونفتك منه<<خوش فصحة وعآميه
وإذآ مآت يمكن عآدلوه يفرح ويعقل.,. الله كريــم
تسلمين قلبو ع الجزء الروعه
ربي يعطيك ألف عآفيه
بانتظآر جديدك
تحيآتون
ضحكوه البطه

يسلمو يسلمو على هالبااارت الرووعة

اما انش فطرتي قلبي وصيحتيني على ليلى وصالح الله يرحمه

وامااااااا عااادلووووه تـــُحفه بجد في كل المواقف

يووووه ويش اخبار زينب ، عفر ما طلعتي وصار لش موقف مع اشرف خخخخ ( يا حبش للشماته هههههه)

واخبار سوسن وعلا وامل خالتها وسجاد من زمااان ما شفناهم

اما عن حميد وجاسم هذولا ما اطيقهم بعيشه الله ما ادري ليش ....

وخيتو كبرياء عاشقتنه ما ادري ليش ....

يسلمو خيتو والله رووووووعة قليله عليها

والله يعطيش الصحة والعافية

ولا عدمنا هالنور



دعواتكم

مشكوره على الجزء

:closedeyes::closedeyes::closedeyes:حزين الجزء بالمره كل صياح :closedeyes::closedeyes::closedeyes:

تسلمي

لاهنتي

انتظر الجزء الجديد

اقتباس:

---

كعور.. زدت الفضول ياخوك.:nosweat:. حياك متابع وحيا الله المتابعين اللي دلوك على كتابتنا.. بلغهم سلامي ايا كانو...:amuse:

---

ههههههههههه
خلااااااص خلش جذي مايحتاج تعرفـي
إذاا خلصتي الروايه يمكن أقول لش من
وإن شااء الله يوووصل
وليلى عورت افااادي مسكينه
وريماا من وين طالعه الرحمـــه منهاا
انا بداية الروايه قلت ريموه ترفع الضغط يبغى ليها دست
وحميد مادري أمجد وجااسمووه وينهم مابينو
وعلاا بعد
لكن كالعااااده الرواااايه رووووووعه

تسلم ايااديش
ويالله لا تطوولي علينا
نستنى الجزء الجديد