روايتي الأولى ::ذايب في هواهم::

الساعه 11:55ص في المستشفى ...
سمانه..فتحت عيوني شفت أشعة الشمس من وراء الستاره فركت عيني كيف نمت هالكثر !!! , ناظرت ساعتي اللي بين أثرها ع جلدي تمددت ع الأريكه الطويله وقمت , حتى أكسسوراتي مافسختها ولا حتى بدلت فستاني , بس حدي إذا جت الممرضه تتطمن ع خالد أفتح لها الباب وأنا مفهيه , ناظرت شكلي في المرايا بسم الله الكحل سال ع وجهي والميك آب أعتفس و غيرالصلوات اللي راحت علي , أبي أتحمم لكن ماعندي ملابس شكلي تحففففه بفستاني القصير أحس نفسي مو ماخده راحتي فيه حتى في الصاله أنتظر متى أرجع عشان أبدله , شلت الميك آب وتوضيت وبعدها طلعت من دورة المياه أبي أصلي رنيت الجرص ع السستر وسألتها عن القبله , بعدها صليت وجلست جنب راس خالد أقرأ قرآن ...
خالد وهو يكح كح وبصوت مبحوح: سمـ.......ـانـ.....ـه
سمانه وأجواء الروحانيه محاوطتها ودموع الخشوع بللت خدودها"صدق الله العلي العظيم": لبيييييه ياعيونها
خالد أشر لها وهو يكح ع المويه , فهمته وجابت لعنده المويه رفعته وهي خايفه لا توجعه عند محل الخياطه اللي في خصره ...
سمانه: بسم الله "بعد ماخلص قالت له وهي تحاول ترسم الإبتسامه ع وجهها: كيفك الحين
خالد بصوت واطي: بخير أهم شي أنك جنبي "سكت فترة أخد نفس وبعدها قال: سمانه لاتروحين عني
سمانه مسكت يده وباستها: معاك ياقلبي ماراح أخليك "دمعت عينها وقالت تسأل: خالد مين سوا فيك كذا؟
خالد سكت فترة , بعدها قال يغير الموضوع: من متى وأنتي هنا
سمانه ودموعها سيل ع خدها: خالد جاوبني
خالد ببتسامه: خلاص أنا قدامك ومافيني إلا العافيه مو مهم تعرفين
سمانه: لازم أعرف مدري خالد حاسه أنك أنطعنت عشاني "لاحضت سكوته وقالت تخمن: طارق اللي طعنك صح؟
خالد هز راسه بالإيجاب , سمانه أنهارت تبكي: حتى وأنا أحبك حاسه أني ما أستاهلك أخوي حاول يقتلك وأبوي زوجني وياك لجل مصلحته ...
خالد بصعوبه أنحنى يرفع راسها ناظر في عيونها: سمانه أنتي حبيبتي وحبي لك أقوى من كل شي
سمانه وهي لازالت منهاره تبكي: وش فايدة هالحب ياخالد إذا بتكون حياتنا معرضه للخطر وش فايدة حبك لوحده أخوها سكير وحاول يقتلك وأختها سيرتها ع كل لسان و .........
خالد قال لا إرادي: أنتي بعد لازم تسألين نفسك النذل اللي حاول يعتدي عليك شنو يقرب لي
هنا سمانه زاد بكيها , خالد سكت منصدم من الكلام اللي قاله قال يتدارك الوضع وهو يمسح ع راسها: سمانه كلميني ناظريني
سمانه رفعت راسها بعد محاولات خالد وترجيه لها ووجها منتفخ من البكي وآثار الصدمه ع وجهها ...
خالد: سمانه وربي وربي أنا ماقلت لك هالشي عشاني بمسكه عليك أو أعايرك فيه هالشي صار غصب عنك وأنتي مالك يد فيه زي الحين لمن طعني أخوك وأنتي مالك يد في هالشي , سمانه وين كلامك مو كنتي تقولين أن أبلتك اللي تحبينها كثير علمتك أن مو أحنا اللي نختار أهلنا وأن كل واحد مسؤل عن نفسه وماتحكمه تصرفات غيره وين راح هالكلام "لاحض سكوتها وشهقاتها المتتابعه ضمها إلى صدره وهي تبكي: خلاص ياروحي لاتقطعين قلبي ما أتحمل أشوفك تبكين , ليه البكي أنا قدامك ومافيني إلا العافيه وكل شي بيتصلح إن شاء الله
سمانه حست لنفسها في حضن خالد بعدت بخوف وقال: خالد يامجنون خل أقوم لا أوجعك
خالد ضحك: هههههههه ومين قال بخليك تقومين
سمانه: خالد عن الجنووون أخاف أدعم الخياطه وتتوجع
خالد: تخافين علي ...
سمانه: خالد مو وقته هالكلام خل أقوم لا أوجعك خااااااااالد
خالد بعناد: قلت ماتقومين يعني ماتقومين
سمانه بمزح: بتخليني أقوم ولا أضرب ع خصرك أفك الخياطه اللي فيك
خالد: تقدرين ؟!!
سمانه مسويه فيها قويه: وليه إن شاء الله ما أقدر كلها بكس والخياطه منفكه
خالد: أجل تحملي اللي يجيك خل صحتي تتحسن وأوريك ياسمانوه
سمانه: أبي أقوم خالد
خالد: أول شي عيدي الكلام اللي قلتيه قبل شوي
سمانه: أي كلام ؟!!
خالد ببتسامه: يعني صحيح أنا زوجك"وهو يشدد ع كلمة زوجك"وحبيبك وكل حياتك وماتستغنين عني ؟
سمانه أستحت قالت بمزح تخفي حياها: أنت غلطانين يوم جابوك المستشفى مافيك إلا العافيه
خالد: بــل!! حتى وأنا ع السرير حاسدتني
سمانه: هههههه شدعوه الله يقومك بالسلامه , تحس للحين توجعك الخياطه؟
خالد: لا شوي بس إذا ضحكت وتحركت كثير أحس بنغزات
سمانه: سلامتك من النغزات
خالد: يسلمك ربي , تبيني أتشافى بسرعه؟ "سمانه هزت راسها بحماس" قال يكمل: ترى في خلطه يمدحوووونها كثير ولا في منها
سمانه ببتسامه: شنو؟
خالد: بصراحه هي موجوده بس عاد أنتي وكرمك
سمانه: أفاا عليك إذا شي أقدر عليه لو ع رقبتي مابقصر أشر أنت بس
خالد برومنسيه: بوـوـوسهـ
سمانه نزلت راسها , خالد قال يعاندها: بكيفك إذا مو مستعده ياكثر المزيونات في المستشفى
سمانه بعصبيه: نعم نعم نعم , عيد عيد ماسمعت
خالد يكتم ضحكته: أقول ياكثر المزيونات وكلهم يتمنون يبوسوني بس أنا ما أعطيهم وجه
سمانه: خلود أعقل لا بالمقص أفك لك الخياطه
خالد: شريييييييييره
سمانه بدون نفس: طالعه عليك
خالد شوي وينفجر بالضحك ع شكلها وهي معصبه: فدييييت الغيوره
سمانه بدون نفس: من زينك أغار عليك
خالد قرب منها: حلفي أنتي بس
سمانه أرتبكت لقربه منها وسكتت ...
خالد همس لها: سمـآآنه
سمانه: همممـ "رن التلفون وقفزت ركض"
خالد ضحك ع عفويتها: ههههههههههههههههه أنقدك التلفون مني لكن وين بتروحين وراك وراك والزمن طويل
سمانه: هلا والله........الحمد لله بخير..........مدري والله للحين ماسألنا.............تسلمين يالغلا............ههههه وربي بعدني بفستاني.........لا ماعندي ملابس.................ههههههههه أيه أبي أتحمم عفنت............خلاص الحين إذا جت السستر نسألها وأرد لك خبر...........طيب حبيتي.........ماتقصرون يالغلا..............سلمي لي ع الأهل...........أوكي يوصل..............بيباي,
خالد ناظرها بتعجب: مابدلتي ملابسك من الأمس !!!
سمانه أنحرجت: أيوة رجعت الزواج وطوالي جيت المستشفى
خالد: بعد قلبي تعبتك معاي
سمانه: لاشدعوه "سرحت شوي"
خالد: سمانه "لفت له وجهها وقال يكمل: أحسك مو ع بعضك وش فيك
سمانه: مدري خالد مو قادره أستوعب اللي يصير حاسه أني في حلم , ماتقول لي كيف بناظر في عين أهلك اللي عدوني بنتهم وفي النهايه أخوي حاول يقتلك!! والله يستر من الجاي
خالد تنهد: سمانه لمتى بظل أفهمك حبيبتي قلت لك محد يدري عن شي وبعدين بس أبوي اللي عرف تنازل ع القضيه , وقسم ياسمانه أن طارق مسجون مو عشانه حاول يقتلني هو أنسجن لأن الشرطه مسكو عليه قضيه ثانيه
سمانه: حتى لو تسجنه ولا تتنازل عنه طول عمرك ما ألومك أصلاً لو أنت تتنازل أنا أطلب منك ترجع ترفع عليه القضيه خله يتأدب يعرف أن في حد يوقفه عند حده والدنيا مو سايبه عنده
خالد: حبيبتي لاتشيلين هم كل شي أن شاء الله ينحل
سمانه هزت راسها ورنت الجرص تطلب الطبيبه , وصلت الطبيبه السعوديه طقت الباب تستأذن دخلت وكعبها العالي يتردد في الغرفه وريحة عطرها مفوحه , ناظرتها سمانه بحتقار يعني تعمل أغرائات حضرتها ...
الطبيبه بمياعه: كيفك أستاذ خالد
خالد بخشونة الرجوله: الحمد لله
الطبيبه وهي تناظر الكشف وتتبع بالقلم: أممممـ كل شي أوكي
خالد: يعني متى أقدر أطلع
الطبيبه: مفترض أنك تطلع بعد 9أيام ع الأقل بس إذا تحب ممكن تراجع المستشفى تطلع بس لازم تجي يومياً يتطمنون ع جرحك
سمانه بقهر: شكراً دكتورة
الطبيبه: العفو ولو , تآمر بشيء أستاذ خالد؟
خالد وهو يكتم ضحكه ع حياء سمانه: سلامتك "وطلعت الدكتورة"
سمانه وهي تقلدها بقهر: تآمرني بشيء أستاذ خالد "رجعت صوتها طبيعي: والعمى إن شاء الله هذي مدري جايبينها تعالج لو تستعرض
خالد وهو ماسك نفسه لايضحك: أنا براجع المستشفى أبي أطلع اليوم
سمانه: كنت ما أبيك تطلع بس الحين عساك لو تنقل لمستشفى ثاني ولا تجلس هنا
خالد: بللل مو غيره عليكم يالحريم , لاتخافين أصلاً أنا سوءاً هي قالت أو لأ كنت ناوي أطلع لأن جلسة المستشفى تسد النفس
سمانه: طيب وجرحك ؟ "قالت تغير رايها: لا خالد أجلس هنا يهتمون فيك أكثر و....
خالد قاطعها: مو أنتي دكتورتي؟ "سمانه هزت راسها وقال يكمل: خلاص ليه أجلس بالمستشفى وأحلى دكتوره في الدنيا عندي في البيت
سمانه..أبتسمت ع كلامه وفكرت في اللي جاي كيف بصير معاه في البيت وكيف بتكون علاقتنا عقب مانرجع من المشتشفى ؟ , كيف بعامله وهو مريض ومحتاج حد يساعده في حركته وهالأحد هو أنا ...
خالد: سمااااانه "ألتفت له وقال يكمل: تصدقين في كلام كثير في قلبي من كثره مو ذاكره زين
سمانه: ههههههه إذا ذكرته علمني عليه
خالد: آآه بس ياسمانه خاطري أقوله لك اليوم قبل بكره حاس كل شي فيني يهون إلا أني أكتم في قلبي هالكلام
سمانه: ماعليه خالد أرتاح الحين تكلمنا كثير وأنت تعبان أجل الكلام لين رجعنا لاتنسى بعد شوي عمي بيجي يخلص أوراق خروجك
خالد: طيب بس بقول لك شي
سمانه بحده: ترى مانرجع البيت اللي مايسمع كلام دكتورته............
خالد: خلاص خلاص
سمانه قربت عربة الأكل وهي تضحك: يلا أشوف أفتح فمك ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 5:30م في فيلا عبد العزيز ...
كانو دانا ورزان جالسين بروحهم في المجلس يسولفون , والأنوار مبندة إلا من نور الثريه الأصفر الخفيف لأن ريان نايم ...
دانا: تتوقعين ليه راشد يبيني أنا بذات أتعرف عليها؟
رزان: أنا نفسي مستغربه أصلاً السالفه مو راكبه ع بعضها كيف صديق راشد وماقد سمعنا عنه ولا سمعنا أنه مات لو بالغلط , وكيف يعني راشد توه يكتشف أن زوجة صديقه وولدها ساكنين في عمارتهم اللي فيها محله !!!
دانا: كيف يعني تتوقعين أنه يحبها مثلاً ؟
رزان: مدري والله كل شي جايز , أنتي وش تحسين من كلامه ؟
دانا: مدري أحسه عاد ساري ولده يمكن عشان يبي يتقرب منه يبي يعرفنا ع أمه
رزان: يعني تتوقعين راشد يتزوجها ؟
دانا !!!!!!!!!! "سكتت فترة وبعدها قالت: مو راشد اللي أتوقع أنه يتزوج بهالطريقه
رزان تقربت منها: وربي حاسه لك ياقلبي , حتى لو ماكنتي تحبيه فهو ولد عمتك و....
دانا: بدون لا أقول لك أنتي عارفه كل شي , مدري رزان حاسه أن راشد يبي يعرفني عليها أنا بذات عشان لا أنصدم إذا سمعت خبر خطبته
رزان: معقول راشد يفكر بهالطريقه !!!
دانا: ولو أنه مايحبني ولا أحبه وعادته أخوي بس غصب عني فيه أشياء تفرض علي أني أنعجب فيه بس مو حاطه ولا ذرة أمل أنه لي
رزان: أكيد ولا تفكرين أني فهمتك غلط لا أنا عارفه أن الحب يختلف عن الإعجاب
دانا: طيب وش رايك نتصل لأم ساري يمكن شوي نلقى حل للأسئله اللي محيرتنا
رزان: أوكي بس أنتي اللي كلميها
دانا: طيب أصلاً لو يدري رشود أني قلت لك ذبحني لأنه قال لي لا تقولين لحد بس تعرفين مقدر أخبي عليك
رزان: ههههههههههه يلا أتصلي
دانا: السلام عليكم , :وعليكم السلام ,كيفك أم ساري وكيف ساري عساكم بخير ؟ , :الحمد لله .. السموحه ماعرفتك مين وياي ؟ , معاك دانا , :أوووو دانا أنتي اللي تقربين لأبو عبد الله صح ؟ , هههههه أيوة عليك نور , :هلا والله دانا تشرفنا "ظل يسولفون سوالف ناس توهم يتعرفون ع بعض بعدها أستأنت دانا وقالت تلكم رزان: مدري يارزان حاسه إن هالمره طيبه وتنحب
رزان: أنا بعد حسيتها كذا بس كلامها عادي وكأنها عاده راشد أخوها
دانا: يجوز ويجوز بعد لأنها أول مكالمه وماتبي تعطينا فكره مو كويسه عنها أو أنها ميته ع الولد
رزان: الله يستر من رشود أحسه ع مزحه وضحكه إلا أنه فيه غمووووض مو طبيعي
هنادي فتحت الباب: بوووووووه وش تسوون
دانا: هههههه جالسين نسولف حياك بس ريانوه نايم
هنادي: حركات بعد أجواء رومنسيه شكلك رزون تاخدين بروفه ع المطعم الليله
رزان: هههه شكلي
هنادي: كيفك الحين تعودتي ع فيصل؟
رزان: شوي
دانا: أي شوي حتى راسها ماترفعه الله يعينه أخوي
هنادي: هههههههه شوي شوي وتتعودين
رن جوال رزان وحمر وجهها ناظروها هنادي ودانا ينتظرونها ترد , ردت بخجل: هلا.....بخير.........أيوة....أي والله.........عادي أسألها.....الحين!!.......أوكي ثواني........إن شاء الله.......باي,
هنادي: ههههه وقعتي ولا حد سمى عليك
رزان وهي مرتبكه وترتب شكلها: ينظرني عند البوابه
دانا رتبت شكلها: حلووو يلا خلاص
رزان: دانو وصليني عند الباب
دانا: لا إله إلا الله شكلك نسيتي طريق بيتكم
رزان عرفت أن ماوراها رجا طنشتها وطلعت لفيصل ...
ناظرتهم دانا من الشباك , كان فيصل توه شايف رزان مسك يدها وصارو يمشون مع بعض في الحديقه: الله يوفقهم
هنادي: آآآمــين عقبالك
دانا: لاعاد مو الحين
هنادي دفتها بمزح: مو الحين أقول بس أمشي قدامي
دانا: ههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:17م في فيلا أبو وافي , بالتحديد في المجلس عند حنين وسيف ...
سيف كان منسدح ع فخد حنين وهي تلعب بشعره , قطع عليهم جوهم صوت جوال سيف ...
حنين: حبيبي رد يمكن يبونك ضروري
سيف تنهد: لاحول الله
حنين: هذي هدى؟
سيف: أيه
حنين: عطيني أكلمها أوقفها عند حدها اللي ماتستحي
سيف: لاحنين أخاف عليك منها
حنين: شنو تخاف علي أنا معاك وبعدين بكلمها فون يعني ماراح تطلع لي من الجوال مثلاً
سيف: ياحنين ما أنصحك هذي أنسانه حقيره , خلك بعيده مشاكلي أنا أحلها
حنين: سيف إذا بجد أنت تحبني وعادني روحك مابتشوف فرق بين مشاكلي ومشاكلك
سيف قام من ع فخد حنين وقابلها: حنين صدقيني هالبنت مو بالسهوله اللي أنتي تتصورينها هذي سيرتها ع كل لسان
حنين: طيب شالمانع أني أكلمها ؟
سيف: أخاف تأذيك أو تسوي لي شي وأنا ما أبيك تتأذين بسببي
حنين: لاحول سيف كم مرة قلت لك مشاكلك هي مشاكلي يلا عشاني عطني الجوال
سيف سحب حنين لحد ماجلسها ع رجله وعطاها الجوال: أخاف عليك تكلمينها وأنتي بعيده عني
حنين: يمآآ شكلها بجد تخوف
سيف باسها في خدها وضحك: ههههههه خلاص غيرتي رايك؟
حنين: لالالا تكفى , ألووو"أشر لها سيف بمعنى حطي سبيكر , حطت سبيكر وكملت تقول: معاك حنين زوجته ,:أوووو ماشاء الله زوجته زوجته ولا ,أحترمي حالك قلت لك زوجته ع سنة الله ورسوله وأشرف وأنظف منك ,:نعم نعم الأخت واثقه ومبسوطه ,أكيد ياحبيبتي لأن سيوفي حبيبي مو مقصر علي في شي وتوني قايمه من حضنه أزعجتيني بصراحه قلت أرد أشوف آخرتها معاك ,:هههههههههههه حلوة لا يكون مبسوطه لأني جلستي ع حضنه ترى ياما جلست عليه وشبعت منه أنا وغيري يعني ماينفع قديييييييييم ومو بس لك ,كلي ثقه بالغالي لا أنتي ولا عشر من أشكالك تحاولين تقصين علي وتستفزيني كلامك مايحرك شعره فيني فاهمه "قاطعها سيف اللي باسها وقال بصوت مسموع: حبيبتي لا تعصبين كل شي ولا أعصابك هدي هدي ليه معصبه ,ههههههههه أنا معصبه ومن مين هالأشكال أنت معي مايهزني شي ,:أنت قد الكلام اللي قلته ياسيف متأكد أنك رسيت ع هذي ,لو سمحتي أنا أسمي حنين -أيوة أسمها حنين حبيبتي تسواك وتسوى عشر مثلك مرميين في سوق الحراج ,:أنا مرميه في سوق الحراج أوريك تحمل اللي يجيك إذا مو اليوم بكره وإذا مو بكره السنه الجايه بس لاتظن أنك أنت وهذي اللي مستانس لي فيها بتروحون كذا مع ألف سلامه -يلايلا طسي بس "هدى قفلت الخط بقهر , سيف لف حنين الساكته له وهي لازالت ع حضنه"
سيف: حنينـــي
حنين: هــلا
سيف: لاتتضايقين وربي وربي أنها ماقد جلست في حضني ولا أشوفها إلا بالغلط صدقيني
حنين ودموعها ع طرف أهدابها: مو لهدرجه ماعندي أحساس أسمع هالكلام ولا أتأثر
سيف ضمها: ماعليه حنيني أنا قلت لك لاتكلمينها بتضايقك بس أنتي ماتسمعين كلامي
حنين: النذذذله الحقيييييييره قهرتني تطلع عليك كلام عينك عينك
سيف: حبيبتي صدقيني مثل ماقلت لك هدى مجرد نزوة طيش وتعرف ألف واحد غيري ولا يمكن أحبها أو أفكر أني أحبها
حنين: أدري عنها النذله تقط بلاها عليك
سيف رد ضمها: ياقلبي يعني متضايقه عشان الكلام اللي طلعته علي؟
حنين: أكيد لأن أسمي مرتبط بأسمك واللي يضرني يضرك وأنت نفسي ولا حد يرضى ع نفسك
سيف: طنشي الكلام حبيبتي ولا كأنك سمعتيه هذي وحده مريضه صدقيني
حنين:.....................
سيف: صافي ياعسل
حنين بدلع: أممممـ
سيف برومنسيه: ماتضرك هذي وراسي يشم الهوا ولا تلمس شعره من راسك حتى
حنين: تسلم لي
سيف: وبعد
حنين: وبعد شنو؟
سيف: مافي بوسه قبل حبيبك يطلع ؟
حنين: أستريح ليه مستعجل بكره ماعندك دوام
سيف: عندي شغل في الخبر ولازم أصحى من بدري وحنون حبيبتي بتصحيني
حنين: من قال !!!
سيف: يعني مو ناويه تصحيني
حنين: لاشدعوه متى حاب تصحى بصحيك
سيف: يلا لا تأخريني بسرعه بوسيني ولا أنام عندك
حنين باستنكار: شنو تنام عندي
سيف: هههههههههههههه أمزح أمزح يلا بوسيني ولا أسويها جد
حنين: طيب ههههههههه لا تناظرني ههههههههههههههههه قلت لاتناظرني
سيف: طيب مابناظرك يلا بوسيني
حنين باسته بسرعه ماعطاها فرصه ولف لها وباسها في نفس الوقت , بعدها أستأذن سيف وطلع ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الرابع والعشرون
((هذا الجزء
-حادثة محاولة طارق قتل خالد , وسلامة خالد إلا من إصابته المتوسطه اللي في خصره , ومصارحة خالد وسمانه لبعض بمشاعرهم بشكل غير مباشر , تتوقعون بيصارحون بعض بشكل مباشر؟وكيف راح تكون علاقتهم عقب مايرجعون من المستشفى؟
-رزان وفيصل اللي أحلى من العسل تتوقعون شالمفاجئات اللي تنتظرهم؟
-حنين وسيف ومكالمتهم لهدى تتوقعون هدى راح تضرهم بشي ولا كلامها مجرد تهديد؟
-راشد شنو علاقته بأم ساري , وأم ساري شنو قصتها؟
يعطيكم ألف عافيه
تابعونا
تحياتي))

.
.
.
.:دانهـ العشآق22:.

يسلموووووووووو كتييييييير على البااارت الرووووووووووووعهـ
يسلمووو دانه كثيرررر على الباارت
ننتظر البااارت الجاااااي
تحياتي .. مجنونة وحلوة..

ولوووو مجنونه مرورك الأرووع

لا خلى ولا عدم غنآتي

///

ذايب في هواهم
((الجزء الخامس والعشرون))
بسم الله الرحمن الرحيم
((المستجدات في هذا الجزء...
-أول مولود لجهان أخت فارس خبر فرح الكل ...
تابعونا))
أنا بدونك ليتني اليوم ماكنت"
بس إنت قلي كيف حالك بدوني"
باقي على عهد الوفاء وإلا تغيرت"
وإذا كان الوفاء مازال عايش عطوني"
لاتستغرب إن ماسألناك وين إنت؟!
ليه أسألك مادمت داخل
{ عيووووني }.
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:43م في فيلا عبد العزيز ...
رزان..كنا راجعين أنا وفيصل من المطعم أمممـ أحداث كثيره ومميزه صارت لي اليوم , كنت بفسخ عبايتي بس قالو أن راشد موجود في الصاله تذكرت سالفة أم ساري اللي فضولي بيذبحني منها , دخالنا سوا أنا وفيصل تفاجئت راشد حامل رهوف ورجلها مجبسه ناظرت فيصل وهو ناظرني نبي حد يقول شالسالفه ...
رزان: سلامات وش فيها رهف ؟؟
دانا: صح النوم , أبد بس المجنونات يلعبون في المراجيح وطاحت رهف
رزان: ياقلب الخاله توجعك رجلك حبيبتي؟
رهف وهي مبسوطه لأن راشد حاملها وهي متعلقه برقبته: أيوة , عمو وصلني لخالتي
راشد: وصلني بعد صاير لها تكسي ع غفله
الكل: هههههههههههههههههههههههههه
راشد: يادلوعه بنزلك
رهف: مابي مابي رجلي توجعني
روابي بصوتها الطفولي: الحين دوم عمي راسد بيحمل لهفوه وأنا مابحملني متى بث تنكثر ردلي
الكل ضحك ع براءتها: ههههههه
ريهام: يذوبي وحدة منكسره رجلها بعد الثانيه تتمنى تنكسر رجلها !!
راشد: نكسر رجل حمود بالمره و على الطريق أنتي وطلال وأنا أصير حمالي لكم
الكل: ههههههههههههههههههههههه
مريم: فال الله ولا فالك بسم الله ع بنتي
راشد: بنتي !! بصراحه ياخالتي خيبتي ظني ماقلتي ولد أختي وأولاده بينت الحقيقه عرفنا قدر معزتنا
مريم: لاوالله قصدي كلهم أحبهم و........
راشد قاطعها: لاتجادلين كل شي أنكشف
مريم ضربته ع كتفه: حسبي الله ع إبليسك
الكل: ههههههههههههههههههه
روابي بصوتها الطفولي: لهفوه من أي مرجيحه تحتي؟
راشد: هييييييي رهوف لاتدلينها من ناقصين تكسر لنا رجلها
رهف: عارفه بس أنا اللي تنكسر رجلي عشان عمي راشد يحملني
عهد: ههههههه مستانسه الأخت
راشد: هي مستانسه وأنا لي كسار الظهر الله يعيني مابتطيب رجل رهوف إلا وأنا مزفوف للمستشفى
فضيله: أنت عودتهم ع الدلع الله يهديك
مريم: حنون راشد ماشاء الله عليه , يلا عقبال مانشوفك تدلع أولادك
الكل: آميــن
هنا دانا سرحت , طول ماهي سرحانه كانو يسلمون ع بعض ويستأذنون جلست جنبها رزان بدون عبايه ...
دانا: بسم الله جنيتي رزون
رزان: ههههههههه شكلك بالمره مفهيه من زماااااااان طلع راشد
دانا: أهاااا
رزان: الحلوة سرحانه في شنو؟
دانا: تصدقين دائماً أقول عليها بالعافيه اللي بتاخد راشد ع حنانه شوفي كيف علاقته مع أولاد أخوه وريوف بنت أخته وكأنه أبوهم
رزان: ههههه وأنا بعد أقول كذا طول مارهوف وروابي وحمود نايمين معي في البيت ماعندهم سالفه غير عمي راشد طلع معانا وعمي راشد سوى وعمي راشد قال
دانا: تتوقعين يعامل ساري مثل مايعامل أولاد أخوه؟
رزان: أكيد , تعالي صح كلمتي أم ساري؟
دانا: أيوة بس ماعرفت شي عن علاقتهم كانت سوالفنا جداً عاديه عزمتني ع زواج أختها
رزان: بتروحين؟
دانا: إذا حصل لي فرصه ليش لأ بروحي متحمسه أشوفها
رزان: تصدقين وأنا بعد
فيصل نط عليهم عرض: تصدقون وأنا بعد "ناظر دانا اللي بعبايتها وهادئه ع غير العاده: وش فيك دانينو؟
دانا: أبد بس نعسانه شوي
فيصل: ترى كلهم طلعو تقومين معي البيت؟
دانا: براحتك إذا تحب تجلس مع رزان أنا أنام في غرفتها ووقت تبي تطلع ناديني
فيصل: أنا الحين معزوم عند الشباب بس قلت إذا تبيني أوصلك البيت
رزان: لا بليز خليها تجلس معي وإذا رجعت من عند الشباب مرها
فيصل: دام رزان قالت مين اللي يقدر يرفض "قام يستأذن: يلا أستأذن بس أرن عليك تجهزين
دانا: طيب
رزان قامت توصله عند الباب: أنتبه لنفسك
فيصل: من عيوني حبيبتي وأنتي كمان أنتبهي لنفسك
رزان: إن شاء الله
فيصل: بس أوصل بكلمك خلي جوالك جنبك
فهد جا من وراء: ياسلااااام ع هالسالفه مابنطلع كل واحد يسلم ع الثاني ساعه
فيصل-رزان: ههههههههههه
فيصل: ياخي وش حارك واحد مع خطيبته , إذا محتر أخطب
فهد: أقول الشباب حرقو جوالي ترى مابقينا إلا أحنا كلهم وصلو
رزان: أنتبهو للطريق لاتسرعون
فهد قال يحرجها: أحلفي بس لو طالع بروحي كان قلتي لي في ستين داهيه
فيصل: لا حول أنت أفهمها ع الطاير بعد لازم حد يفهمك واحراجات روح شوي , بقول لخطيبتي شي ولاحقك
فهد مشى يتحرطم: نروح وش ورانا ننتظر روميو وجوليت يخلصون في سبيل الحب نتحمل
فيصل تقرب من رزان ولف يده حول خصرها ناظرها بعيون تلمع وهو ماوده يفارقها: بتوحشيني لا أوصيك ع نفسك ولا تنسين تخلين جوالك جنبك
رزان: إن شاء الله , أنتبهو للطريق ولا تسرعون
فيصل قرب يبي يبوسها "سمع صوت فهد يسوي هرنات وبعد عنها قبل يبوسها , قال بقهر: هذا اللي بيجلطني "أرسل لها بوسه في الهوا وطلع ...
رزان..دخلت وأنا أضحك عليه وهو طالع معصب في فهد ياحبي له , مريت عند المرايا وأنا داخله لمحت طقمي اللؤلؤ وأبتسمت أتذكر شكله وهو يلبسني إياه في المطعم , بعدها رحت لدانا نكمل سوالفنا ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:33م في فيلا أبو صقر ...
شهد..عشان خاطر بابا جيت البيت دخلت البيت حسيت نفسي ضيفه بعكس لمن كنت في شقة خالي حاسه البيت بيتي , مشيت شوي شوي وجرحي ينزف من جديد كل زاويه أناظرها أشوفه فيها كل مكان يتردد لي فيه صدى ضحكاته ولحظاتي الحلوة اللي عشتها معاه , رحت أشوف خواتي كالعاده طالعين رحت غرفة صقر ...
صقر بنبرة مشتاقه لأخته الوحيده: هلا بالقمر
شهد ضمته: أهلين صقوووري حبيبي وحشتني
صقر: لو وحشتك كان جيتي البيت زرتيني دوم أنا اللي أروح لك ولو ما أسأل عنك ماتسألين عني
شهد: أف أف أف كل هذا في خاطرك علي وأنا مو عارفه !!
صقر: خلاص صرتي بنت ضاري من يوم ورايح بسميك بنت الخال
شهد: ياقلبي صقور وربي أنشغلت أعذرني , تعال يابطل يقولون ماتجلس في البيت ؟
صقر: ومين اللي يدري دخلت البيت أو طلعت
شهد ضحكت بسخريه: أي والله هالبيت كأنه فندق محد يدري عن الثاني
صقر يغير الموضوع: وأخبار إيادووه
شهد: بخير ياقلبي هو مدري كيف بعرف أنام بدونه
صقر: أقول لك صرتي بنت ضاري ماتصدقين
شهد..ضحكت ع تعليقات صقر وأرتحت كثير لمن جلست معاه حسيت أني محتاجه أني أجلس مع أخوي من زمان , أحس أن عندي أخو يحس لي كان محترم مشاعري كثير ماجاب لي طاري بسام ولا حتى اللي تقدمو لي وع راسهم بسام وولد عمي اللي كأن كل بنات الدنيا خلصو ومابقيت إلا أنا , اللي قاهرني ليه يتقدم لي بسام السالفه تحدي ولا عناد ولا يبي يعذبني أكثر !! ماكفاه اللي سواه فيني وش يبي أكثر كل شي يبيه خداه , أصلاً أنا رافضه الزواج من أساسه دراستي أهملتها وأهلي ونظرة الناس لي وكلامهم الجارح والإشاعات اللي كل وحدة أكبر من الثانيه وآخر إشاعه قالو أن إياد ولد خالي ولدي بس خالي متبنه وخاشين عن الناس أنه ولدي عشان الفضيحه !! , طلعت من غرفة صقر بمجرد أني دخلت غرفتي تغيرت نفسيتي حسيت أني أشتقت لها ضحكت ع نفسي صرت أشتاق لهمي غرفتي تذكرني بأقسى لحظات حياتي ومع كذا أحبها رميت أغراضي ع السرير بإهمال شفت ألبوم حفلتي فتحته بكيت وبكيت وبكيت وأنا أناظر الصور مشاعري تضاربت أحياناً أحس نفسي مشتاقه له وأحياناً أحس نفسي أكرهه رميت الألبوم ع جنب وجلست أبكي ع الأرض ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:23م في فيلا خالد وسمانه ...
سمانه..وربي أنبسطت من قلبي لمن دخلنا الفيلا وأحنا نشوف عمتي وحمواتي يزغرتون ويتحمدون لنا بالسلامه والفرحه تطل من عينهم , أنا أحس شكلي غلط للحين مابدلت فستاني القصير أستأذنت وركبت أتحمم وأبدل , بعد ماخلصت نزلت للبنات تحت مالقيت عمي وخالد سألتهم عنهم قالو لي أن الرجال وصلو يتحمدون بالسلامه لخالد ...
غدير: ياقلبي سمسوم كيف هالناس اللي ماعندهم قلب كيف وصلك الخبر وأنتي في الملكة!!
سمانه..آآآآه ياغدير ليتك بس تدرين اللي وصلو لي الخبر هم أهلي اللي مفترض أنهم يوقفون معي في هالمواقف , وليتك تدرين أن اللي يحاول يقتل أخوك هو أخوي , بس أتذكر أن طارق اللي حاول يقتل خالد أحس نفسي خوانه وما أستحق خالد ولا أهله ولا معاملتهم الحلوة لي ...
غدير: سمسوم وين سرحتي؟
سمانه: معاك ياقلبي
سحر: لا بصراحه أنا أشك أن عقلها راح للمجلس
الكل: هههههههههههههههههههه
الجوهرة: سمسوم وش هالخلطه السحريه ترى بنخلص السينبون كل شوي ناخد لنا قطعه بنقضي عليه قبل يوصلون ضيوف خالد
غدير: هههههههه ماشاء الله عليك سمسوم يبي لك تعطينا كورسات في الطبخ
دخلت عمة خالد وهم يسولفون ع الطبخ سلمو وكملو سوالفهم ...
سمانه: أنا طبعي كذا بس يعطوني طريقة الطبخه وأطبقها ما وصلت لمرحلة أني أخترع طبخات
أم خالد: هههه الله يوفقك يابنتي في المستقبل بتوصلين لهالمرحله وأعلى
سحر: ماقلتي لي سمسوم من متى أبتدأت عندك الموهبه؟
سمانه: من لمن كانت ماما الله يرحمها موجوده حتى عقب ماتوفت صرت أطبخ بروحي في جناحي وبس بابا اللي يذوق طبخي
عمة خالد: تطبخين في جناحك !!! , كيف كان عندك جناح بروحك يعني مو ساكنه مع مرت أبوك ؟
أم خالد غيرت الموضوع بطريقتها , والبنات أستأذنو راحو المطبخ سوا ...
سحر فتحت الثلاجه وخدت لها سينبون وقالت وهي تتلذذ في طعمها: أممممـ شكله السينبون مابيوصل للجماعه اللي في المجلس
سمانه: أفاا عليكم إذا ماكفى نسوي وش ورانا
غدير: والله فكره منها ناخد كورس ووناسه
سمانه..كلنا أيدنا فكرة غدور ملاحلآلآآآهـ الشغل الجماعي , دخلت علينا عمة خالد وعمتي طبعاً عمة خالد قامت تعلق ومدري شنو والله تلقون محد بياكل السينبون غيرها خخخخ , وعمتي أم خالد بعد عمري قامت تشجعنا وعطتنا كلام زادنا حماس لدرجة أنا تفننا لين مابغينا نخرب الطبخه بس الحمد لله جت سليمه خخخخ , تفاجئنا بجية زوجة مبارك صديق خالد يآآآه من متى خاطرنا نشوف بعض أنبسطنا معاها وكأنا نعرفها من زمان ماشاء الله عليها , مرة وحدة كلهم طلعو جلست أرتب المكان عقب ماطلعو وأخلص أشغالي رن علي خالد ...
سمانه: هلا
خالد: هلا والله هلا بهالصوت
سمانه: هههههه هلا فيك
خالد: أخبارك
سمانه: تمام , وينك أنت؟
خالد: أنا في المجلس
سمانه: معك حد؟
خالد: لا , إذا ماعندك حد تعالي
سمانه: طيب جايه "قالت وهي تمشي والجوال لسه في أذنها: صدق أنك تحفه في المجلس وتكلمني جوال
خالد: هههههههههههه ترى أسمع خطواتك قريبه قفلي الجوال سبحان الله لوين وصلتنا هالتكلوجيا
سمانه وهي تفتح الباب: هههههه خلاص الحين قفلت الجوال
خالد بعد ماتطمن ع الوضع عندهم وسألها عن أخبارها , سكتو فترة قطع الصمت يقول: سمانه ممكن الحين نتكلم
سمانه: مو وقته خالد صدقني الحين أنت تعبان وأنا تعبانه فكر في صحكتك شوي صاحي من الصباح ولا نمت
خالد: مو ظروري صحتي ولا ظروري أنام الظروري هو أني أقول لك بكل شي لأني صراحه ماعاد أتحمل
سمانه أستسلمت: طيب تكلم أسمعك ...
خالد حكى لها كل شي من أول ماحبها قبل لايشوفها وقبل لاهي تحبه ولا تعرفه حتى .. لين ماصارحها اليوم ...
خالد ناظر سمانه الساكته: قولي شي سمانه , لاتسكتين لاتحبطيني أكثر
سمانه بهدوء: لاخالد مو قصدي أحبطك بس منصدمه !!!
خالد بخيبة أمل: منصدمه من شنو؟
سمانه بعفويه: عمري ماتوقعت أنك تبادلني نفس الشعور
خالد نط من ع السرير وقام يأشر بيده ويسوي حركات بدون شعور: يعني أنا وأنتي يعني يعني تحبيني مثل ما أحبك
سمانه هزت راسها بحرج وهي تضحك ...
خالد ضمها وباس راسها: الله لايحرمني منك
مع السوالف والوناسه والضحك سمانه صارحت خالد بكل شي من يوم ما خطبها لين ماتزوجها وعاملته كأخ وبعدها حبته ...
خالد ضمها: وربي سمسوم حبيبتي مو مصدق أنتي تبادليني نفس الشعور يآآآه حاس أني مالك الدنيا لحالي
سمانه أستحت من حركاته اللي تطلع عفويه: خااااااالد أنتبه عمليك لا تتوجع
خالد: أمممـ ياسمانه أنتي لو تقولين لي أحملك ع أكتافي وأفر فيك الدنيا ومافيها ما أتعب دامي معك
سمانه حست أنها بتروح فيها قامت تتثاوب: أنا بروح أنام تآمرني بشيء؟
خالد: نعم نعم نعم نعم شنو اللي تروحين تنامين اليوم أنتي بتنامي هنا معي
سمانه: بس خالد ........
خالد ماعطها فرصه وو.......
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:22م في فيلا فارس ...
جهان..كل التعب راح لمن شفت فرحة أهلي وناسي , لمن فكرت أسمي أول ولد لي قلت بسميه ع أسم اللي عمره ماحسسني بفقدان أبوي وقف معاي وكان بيضحي بحلمله الكبير وبيترك دراسته ماسافر وتغرب إلا يوم تزوجت وتطمن علي بداني ع نفسه , أهتم فيني وعلمني ورباني لين ماتزوجت ودخلت أحسن الجامعات ورفعت راس أهلي ,, كل هذا بفضله ...
أم تركي: صار عندنا فروسين
فارس: أي والله الحين مايمديني أتدلع أقول كم فارس عندكم صارو أثنين
جاسر اللي توه داخل: كلللشلللوووويش
الكل ضحك ع جاسر اللي مايعرف يزغت: ههههههههههه
جاسر وهو يسلم ع جهان ويتباوس معاها: الحمد لله ع السلامه خالي عقبال عشره
جهان: ههه الله يبارك فيك , عشرة مرة وحده خل أنسى تعب فروس وبعدها أفكر أجيب غيره
جاسر وهو يأشر ع فارس: أنت يبي لك مقابله
أم تركي: وش مقابلته بعد أنت ماشفته الأمس شوي ويطيح من طوله
رانيه تستهبل ع جهان: توجع الولاده؟
جهان: لاتصدقين تضحك
رانيه: أووووه خلاص جيبي لك بعد درزن
جهان: هههه إن شاء الله أنتي
مشاعل: أنا من سمعت صراخك خلاص هونت مابي أولد
أم فارس: لاحقه لاتستعجلين خمس شهور وأنتي ع نفس السرير مع البيبي
رانيه: هههههههههه أنا بصراحه عاجبتني قصتك وش لك عازمتهم وأنتي بتولدين
جهان: ههه والله مدري أشتغل وقايمه وقاعده ويوم جلست أسولف مع عبور ومشاعل حسيت شوي وجع يروح ويرجع يجي , لين ماقلت لهم طبعاً ماقلت إلا يوم وصلت حدي و ع الباب صارخت ...
جاسر: راحت علي أنا النحيس اللي مارحت معاهم فاتني
عبير: هههههههه صح متفرغين بجد بجد , جهون توها ولدانه وهذا"وهي تأشر ع فارس: يتطنز
فارس: كسرو خاطري بنات أحمد ربك جسور أحنا مو بنات
جاسر: الحمد لله رب العالمين , عاد تخيل أشكالنا بالبراقع فطسانين ونرفع ونشيل ونحط في العبايات غير الحمل والولاده وتشقيق البطون
رانيه: عشان تعرفون قدر المرأه لو ما المرأه ما صرتو رجال , المرأه أمكم وخالتكم وعمتك وأختكم وزوجتكم أحمدو ربكم بس
فارس-جاسر: الحمد لله
جهان: ترى أهل ثامر ع وصول
جاسر: قوم قوم نطلع قبل ننطرد جد
فارس: يلا تآمروني بشيء؟
جهان: ماتقصرون
جاسر ووجهه مصدووووم: ماااااااااااات!!!
الكل بصرخه: ميــــــــــــــــن
جاسر بتأزم: جهان تقول مات قصرون
فارس يجاريه: الله يرحمه قصرون كان خوش رجال
الكل توهم يستوعبون: هههههههههههههههههههههههههههههه
أم تركي ضربت جاسر ع كتفه: أنت ماتتأدب ماتستحي أحنا في شنو وأنت جايب لنا طاري شنو الله يكفينا شرك بس تيسر الله ييسر لك دربك
جاسر: أوووه الحلو زعلان علي؟
أم تركي: تيسر الله ييسر لك دربك محد زعلان عليك
رانيه: ألقط وجهك جسور دلوعة أبو تركي تبي الفكه منك
جاسر: كل شي ولا دلوعة أبو تركي راسك راسك أبوسه
أم تركي وهي تكتم ضحكتها وتسوي نفسها معصبه: وخررررر عني
جاسر: لاوالله حالف أنا ما أطلع إلا إذا بست راسك
أم تركي نزلت راسها وهي تسوي نفسها زعلانه: بوسه وتيسر
جاسر باس راسها وبعدها قال: تراني حلفت حلفت ما أطلع إلا بدعوه من الغاليات من قلب
أم تركي-أم فارس <<مشتغلين في الدعوات اللي ماتخلص ...
جاسر: لا أنا حلفت حلفت
مشاعل: جسوووووور وآخرتها
جاسر: هههههههه خلاص خلاص أنا طالع
سيف اللي توه واصل مع حنين قال يسلم من وراء الباب: الحمــد لله ع السلامه أم فارس
رانيه: أي أم فارس الكبيره ولا الصغيره
سيف: هههههههه صحيح في ثنتين , خلاص ثنتينهم
أم فارس-جهان: الله يسلمك
أم تركي اللي واقفه معه عند الباب: بالغين ياولدي نشوف أولادك
سيف: آمين يايما "بعد ماسلم ع خلاته وجده وسولف معاهم قال يستأذن: يلا تآمروني بشيء
الكل: تسلم
سيف ناظر حنين اللي تسولف مع البنات: تآمريني بشي حنين؟
حنين ببتسامه: سلامتك
سيف: يلا خدي راحتك وأي وقت تبيني أمرك أتصلي
حنين: طيب
عبير: بننتبه لها لاتخاف
سيف وهو طالع: أيه عاد ما أوصيكم
عبير: هههه لاتوصي , كيفك حنون مع التجهيز
حنين: زحمه والله كل ماخديت في هالأغراض أحس باقي بعد ماكملو لازم أشياء ناقصه
مشاعل: ههه قاسيناها الله يعينك
حنين: جميعاً , وأنتو خلصتو؟
قامو يسولفون كل وحدة تسولف وتقول وش خدت ووش ناقصها وسوالف السوق والمحلات الحلوة والميك آب والإكسسوارات والملابس والعطور وهالشغلات ...
لمى: متى بتبدين مقاطعه؟
حنين: هههه مدري يمكن بعد أسبوعين كذا ترى حده معصب سيف من فكرة المقاطعه
جهان: ماعليك منه لازم يعصبون بس ترى حلاتها المقاطعه
حنين: لاتخليني أبدأ المقاطعه من الحين
مشاعل: أي صح سويها فيه أرجعي مع حمواتك ولا أمك وإذا أتصل أعطيه خبر أنك بديتي مقاطعه
أم مشاري: ههههههههه حرام عليكم لاتتفقون ع ولدي
رانيه: هههه وش رايكم أسويها في سيوف إذا ع حنين يعطيها خبر أنه وصل أركب معاه أنا
حنين: خخخ عادي تلبسين نقابي ولا بيعرفك بعد
رانيه: حلووووووو خلاص شكلي بسويها بخليه يعشيني بطعم وحركات وإذا قريب يوصل بيتكم أفتح وجهي وأقول له غير طريقك , بس تصدقين أخاف يسوي شي غلط أنا وحدة خجوله بريئه
عبير: ههههههههه مره الخجل والبرائه ينقطون من عيونك
رانيه وهي ترمش بعينها: تبعاً تبعاً
الكل: هههههههههههه
رن الجرص وبدو الضيوف يجون وهدأو البنات نوعاً ما وقامو يساعدون الحريم ويضيفون الضيوف , بعدها دخلو البنات المطبخ سوا لأن جو مجموعه كبيرة وهم مسويين زحمه في المجلس فـقامو يجهزون صحون الضيافه ...
عبير وفي يدها سلة الضيافه: بسرررعه رانيوه يلا أفتحي لي الباب
عبير..مشيت للمجلس وأنا ماشيه شفت جسور ووؤل يلعبون بلايستيشن تحشرت فيهم شوي خخخ وبعدها دخلت المجلس أضيف الضيوف وأنا أحس لعيون تراقبني وصلت لعندها رفعت عيني بقول تفضلي أنربط لساني لمن شفتها مدري حسيت أني بفقد توازني أبي بس أتماسك قدام الضيوف مديت لعندها السله وأنا متوتره حتى ماقلت لها تفضلي , لفيت شفت البنات جلسو في الكنبه اللي قبال الكنبه اللي جالسه فيها , حاولت أبين طبيعيه حطيت السله ع الطاوله وعيوني ع البنات عشان يسوون لي مكان أجلس سمعتها تناديني ياصبــر رديت وأنا أحاول أبين طبيعيه ...
عبير بنص ألتفاته: هـلا
أم مطر: أسمحي لنا يابنتي.........
أم مشاري قالت تقاطعها بأدب وهي تشوف الناس وعيونهم المتسائله بعضهم يعرف السالفه وبعضهم لأ: مسموحه أحنا خوات وعبير بنت عاقله
أم مطر تكمل: والله ماكان ودي باللي صار وأحنا مفتشلين معاكم ودوم أقول عبير كاسره خاطري
عبير بصوت مايسمعه حد غير أم مطر: مو محتاجه الشفقه من أحد "وراحت للصاله ورانيه لحقتها"
رانيه مسكتها عند الباب الفاصل بين فيلا فارس وفيلا أبو تركي: لحظة عبورة
عبير بهدووء عشان ماتحط حرتها في رانيه: خلاص رانيه بروح أرتاح في غرفتي "فكت يدها منها وراحت لعند غرفتها ورانيه لحقتها"
جاسر: راااانيه
رانيه بربكه ملحوظه في صوتها: نـعم
جاسر: وش فيها عبير ؟؟
رانيه حاججت شوي وتناقرت مع جاسر ووائل بعدها قالت لهم السالفه , جاسر قام ...
رانيه بخووف: جاسر وين بتروح؟!!
جاسر بتنهيده: لاتخافين بروح لعند عبير لاحد يجي وراي
رانيه-وائل: طيب
جاسر طق الباب يستأذن وبعدها دخل: ممكن ؟
عبير هزت راسها وجلس قبالها ع طرف السرير ...
جاسر بعد فترة صمت طويله وهو يتأمل تعابير وجهها: عبير تكلمي قولي اللي في قلبك
عبير طاحت دمعه من بين الدموع المتحجره في عينها: جاسر مايحسون
جاسر تقرب منها ومسح ع راسها: خليك منهم لاتطيح دموعك عشان ناس مايستاهلون ظفر منك
عبير: والله جاسر مو عشان شي أنا أساساً نسيت السالفه بس ليه يذكروني فيها كل مانسيتها
جاسر: ماعليه تحملي لاتضايقين نفسك
عبير بهدوء: ومين قال لك أني متضايقه
جاسر: هو يحتاج حد يقول كاشفك , ياعبير الدنيا كذا لو ماذقنا مرها مانذوق حلوها
عبير: والدنيا ماتسوى لو مافيها أخو مثلك
جاسر: هههه ياحبي لك عبيروه وأنتي مبتسمه قومي بس خوفتيني عليك
عبير: مالي خلق أنت إذا تبي تتعشى روح أنا بنام
جاسر: طرده يعني !!
عبير: ههههههه لا بس قصدي إذا بتطلع بنام يعني إذا بتجلس بسولف معك
جاسر: طيب لو قلت لك أني ماراح أتعشى إلا معك عاد أنتي وضميرك إذا بتخليني بدون عشاء
عبير قومته من يده: قوووم مابخلص معك
أم تركي اللي توها جايه من فيلا فارس وأبتسامتها ع وجهها لمن شافت عبير وجاسر يتناقرون كالعاده: أنتو ماتجوزون عن سوالفكم
فارس جاي من وراها مسوي نفسه عاقل: أبداً ولا راح يعقلون بعد , الله يهديهم
عبير: أدعي لنفسك تعقل وبعدين لو دعيت لنا
أم مشاري اللي توها داخله: لاحد يغلط ع عبورة القمر شيخة البنات
عبير وقفت باست أم مشاري في خدها وهي تسوي لفارس بيدها حررره: فديت أختي حبيبتي اللي ما أستغني عنها الله لايحرمني منها ولا يشمت العدوان فينا قولو آمين
جاسر ضحك يتشمت ع فارس: هههههه آآميــن وتطلع للعدوان وضيفه ثانيه وتفكنا منهم قولو آمين
فارس رماه بالخداديه: أنا العدوان ياللي ماتستحي
جاسر: ترميني بالمخده وأنا خالك !!
فارس: تسميني العدوان وأنا ولد أختك أكبر منك !!
الكل ضحك ع مناقرهم اللي مايخلص: هههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:45ص في فيلا عبد العزيز ...
رزان..ياربي ليه ما أتصل للحين هو قال أنه راح يطمني إذا وصل أخاف أنام ويتصل مايلاقيني رحت غرفة فهود أشوف إذا وصلو أو لأ , النور مبند أففف أتصلت ع دانوه ولو أني عارفه أني بتهزأ ...
رزان: دانو بسألك بس سؤال صغنون عفيه...............والله حاله......فيصل وصل أو لأ............."طقطقت بلسانها"............توك نايمه , بسم الله.........ماسوى فيني سوايا.............والله أنا مابعد أتعود وهو زعلان ماعرفت وش أسوي............هههههههه أحراج ماعرفت كيف أراضيه..............حلفت ما أبعد جوالي عني..............أخدت درس مو عارفه أنام أخاف يتصل ولا يلاقيني يزعل مدري كيف أراضيه هالمره إذا زعل......هههههه............طيب برايك أنام أو لأ؟.............أخاف أتصل له يكون مع الشباب يعني فشله أزعجه.............يلا باي نامي أنا شكلي بنام واللي فيها فيها ...
رزان..تقلبت ع السرير ولا جاني نوم بدأ الشيطان يلعب في راسي أستعذت منه وحطيت لي دعاء الصباح , خلص الدعاء وأرسل له مسج عشان يطمني إذا وصل يااااربي مارد مالي إلا دانوه ...
رزان وصوتها رايح من المحاتاه: دانوووه وربي مو راضيه تغمض عيني
وصلها صوته الدافي: أفااااا حبيبتي مو عارفه تنام ليه ؟
رزان أستحت وحمرت وتغير صوتها: أأ لأ بس كنت خايفه تتصل علي ولا تلاقيني
فيصل بزعل: يعني ما أشتقتي لي بس خايفه أني أتصل ولا ألاقيك ؟
رزان بدلع: إلا
فيصل: بعد روحي آسف خليتك تحاتين بس جوالي في سيارة فهود
رزان"تذكرت الرساله اللي أرسلتها أكيد بيشوفها فهد يافضيحي": أمممـ
فيصل: خلاص حبيبتي أنا أخلي فهد يعطيك الجوال وبكره إذا مريتك آخده
دانا دخلت في النص: عز الله خلص رصيدي ياويل قلبي جوالي بيذوووب متعود ع الكلام المؤدب خفو عليه شوي
فيصل: ذالتنا بجوالك أخديه بس "قال يكلم رزان: بروح أكلمك من تليفون غرفتي خلك جنب التليفون
دانا: عااادي فصول خد راحتك وربي أمزح أهم شي راحتكم
فيصل أبتسم: لا بس عشان رزان أخاف أذنها توجعها من الجوال
دانا: يااعيننننننننننننني روح بس روح لايطق لك عرق
دانا..ياحليلهم أحلى ثنائي شفته في حياتي, تقلبت ع السرير الله طااار النوم من عيني شفت جوالي ينور فتحته لقيت مسكول من أم ساري قزيتها قزة سلام بعدها رنت طولت الرنه ورديت , كالعاده جلسنا نسولف بس تفاجئت من شي!! أحسها تتعامل وتتكلم معاي ع أن راشد خطيبي ياااربي أبي أفهم بس سالفة هالمره قفلت منها , توها عيوني بغمض أتصلت رزون ...
دانا: هلا جوليت خلصتو مكالمه ؟
رزان: أيه وأنتو خلصتو مكالمه ؟
دانا: هههههههههههههه أم ساري كانت معاي ع الخط , تصدقي تفاجئت تسولف معي وكأن راشد خطيبي
رزان: يؤؤؤؤؤؤؤ يمكن رشود قايل لها شي ؟
دانا: والله مدري ضايعه في الطوشه
رزان: يمكن عشان في المنتدى لاتنسي كلنا في منتدى راشد بنفس اللون المخصص للأهل ومزحنا وسوالفنا معاه والتوقيع اللي مسويه لك قبل كم يوم
دانا: تدرين جا ع بالي أن ساري ولد ر اشد
رزان: !!!!!!!!!!! دانوووووووه يالجنون وين أحنا نور ولا سنوات الضياع تخيلي راشد يتزوج بدون لاحد يدري وعنده ولد في هالعمر
دانا: مدري كل شي جايز
رزان: أنتي شوفي فرق العمر اللي بين أم ساري وراشد وبعدين أكيد كان راشد صغير لمن ولدت ساري
دانا: يمكن كان متزوجها لمن كان مراهق ومحد يدري
رزان سكتت فتره طويله وبعدها قالت: دااااااانوه دخلتي الشك في راسي يعني لو راشد يخبي ع الدنيا كلها إلا أمي
دانا: أي والله عمتي مريم محد يقدر يخبي عليها شي
رزان: الله يخليها "قالت تتثاوب: يلا تصبحين ع خير
دانا: وأنتي من أهله باي
رزان: دانوه دانوه
دانا: خير
رزان: راشد تحت مع أمي
دانا: لايكون بيقول لها ع السالفه!!
رزان: أقول أنا راسي أفتر من التفكير بنام وإذا صحيت يحلها ربي
دانا: أوكي بيباي , إذا عرفتي شي من هنا ولا من هناك عطيني خبر
رزان: طيب مع ألف سلامه
رزان..جاني فضووول ولو أن راشد مو أول مرة يجي أمي من الصباح طلعت من غرفتي جلست ع الدرج أبي أتطمن كالعاده سمعت راشد وفهد يتناقرون وسوالفهم اللي ماتخلص ومزحهم , دخلت غرفتي تقلبت ع السرير ولا جاني نوم فتحت لابتوبي فحطت شوي في النت غيرت جو مع رنوووش بعد ساعتين فكرت أنزل من الزهق لبست عبايتي أحتياط ونزلت , شفت أمي وفهد بعدهم جالسين ع طاولة الفطور يسولفون أول كلمه لقطتها أمي تسأل فهد "وش رايك في دانا" صدمه مصيييييييييييييبه كيف فهد متعلق طول عمره في عهد ويحبون بعض وفي النهايه ياخد دانا !!! وراشد اللي ماندري باللي يدور في راسه واللي متقدم لها من كم يوم والتقديم ع الجامعات , ياربي الله يعينك يادانوه أبي أتدارك الموضوع سلمت ...
فهد: هلا والله وش فيك قالبه الوجه
رزان: أبد مو جايني نوم
فهد: أممممـ الله يعينك , أنا أستأذن بعد ساعتين عندي دوام
مريم: بالتوفيق يايما بس ترجع تعال عندي
فهد باس راسها: مايهمك يالغاليه دعواتك لي
مريم أشتغلت في الدعوات فهد ركب وراح في سابع نومه وهي لسه تدعي>> , رزان بزعل: أفااا يماا كل هذا لفهد وأنا مالي شي
ريهام دخلت ومريم تدعي ورزان مستانسه تردد وراها , سدحت رهف ع الكنب وسلمت: السلام
مريم-رزان: وعليكم السلام
ريهام: ها يما وش صار ع موضوع فهود ؟
مريم: مدري والله للحين ماعطاني كلمه ولا كلمت أبوك
رزان: وش موضوعه شالسالفه!!!
ريهام: بختصار شفتي فهد وفيصل أختلفو في شي ؟ "رزان هزت راسها بلأ" "ريهام قالت تكمل: يعني يصير فيصل يخطب وفهد يظل عزابي!! بالأحرى فكرة الخطوبه دخلت في راس أخوك
رزان ناظرتهم مصدومه خايفه من الرد اللي بجيها: ومين العروس
مريم: للحين فهد ماعطانا كلمه
رزان..شبيت نااااااار وش يفكر فيه الأخ فهد وأحنا ع بالنا أنه يبي عهد وش بيكون موقف البنت لو أخد أختها أو غير أختها وهي طول عمرها ع بالها أنه يبيها وهي له , أستأذنت صعدت الدرج وودي أكسر راس فهود فتحت باب غرفته ناظرته بحقد نايم حظرته كان ودي أزنطه بس غيرت رايي دخلت غرفتي وقفلت الباب وقعدت أكتب خواطر من القهر ...
في نفس المكان ريهام: هههههههههههه كنا ناوين نسوي المقلب في فهود بس الحين أنقلب ع رزون بعد
مريم: هههه شوفي نظراتها أنتي أخاف تسوي في أخوها شي , وش لي فيكم أتابعكم أنتو وخططكم بروح أقول لهم عن السالفه بكبرها لا أتعب نفسية أولادي
ريهام مسكت يدها: يمااااا جلسي وش أتفقنا من البدايه ؟ يعني لازم فهد يقول أنه يبي عهد ع عظمة لسانه مو يقول ع راحتكم ع راحتنا قلنا له دانا هي الأقرب لعمره
مريم: والله أن ولدي مسكين شوفي فصول الكل عارف ومخلص أنه يبي رزان حتى لمن جا بيخطب محد سأل مين بياخد
ريهام: ولو أني أحس أن فهد أنفتح أكثر لمن راح فرنسا بس اللي باط كبدي ليه مايقول يبي عهد وش بنسوي فيه مثلاً
مريم: هههههههه أنتي لو شفتيه وأنا أعدد له البنات شوي ويبكي
ريهام أنفعلت: ياااااااااااخي قول أبي عهد وخلصنا مسوي حاله روميو ومتأثر ولا هو راضي يقول يما يبط الكبد ولدك
مريم: أنا يايما أبيه هو اللي يختار مابيه يقول أمي فرضت علي أبيه يذكرني بالخير إذا شاف سعادته مع زوجته وأولاده وبعدين يمكن عشان عهد تدرس ماتدرين
ريهام: لا يمااا أنتي بس تقولين كلمه كلهم بيوافقون"شافت نظرات أمها: لاتفهميني غلط أنا مو حسوده اللهم صلِ على محمد وآل محمد
مريم: هههههههه هو بس فهد يعطيني كلمه أنه يبي عهد وأنا أتصرف
"وظلو يتكلمون عن مواضيع متفرقه وريهام طبعاً منبطه كبدها ع فهد خخخ "
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:56ص في فيلا أبو بسام ...
أم بسام وهي تبكي بقلب محروق ع ولدها: الله لايوفقها ولا يبارك فيها ولا في الساعه اللي عرفناها فيها ولا يستر عليها
ضحى: يمااا البنت ما لها ذنب محد يعرف شنو أسبابها يمكن يكون الحق وياها
أم بسام: أنتي ساس البلا أنتي اللي مدحتيها لأخوك شهد وشهد مدري وش جانا من وراء هالشهد
ضحى بقهر: أمشي وراء جنازه ولا أمشي وراء جوازه "راحت ع غرفتها"
أبو بسام جلس جنب أم بسام: يا أم بسام أذكري الله إن شاء الله بنلاقيه لاتدعين ع البنت ولا تحطين المسؤليه ع بنتك
أم بسام: قلبي محروق ع ولدي أول ماسافر يتصل كل أسبوع ع الأقل نتطمن عليه الحين أبد لاحس ولا خبر , أحاتيه هو في غربه ومحد معاه ولا حد يطمني عليه
أبو بسام: أنا أقول يا أم بسام إذا الولد راغب في البنت خل ترجع له
أم بسام: عقب شنو ترجع له عقب ما أكلت عقله وخلته مايشوف غيرها وتركته , عقب ماخلته يطلقها ويرد يتقدم لها مرتين ومحد يدري ليه
أبو بسام: يا أم بسام إذا رب العالمين يسامح أحنا البشر مانسامح
أم بسام: أبو بسااااااام أنا في شنو وأنت في شنو أبي أشوف ولدي وأتطمن عليه وأنت تفكر تزوجه
أبو بسام: عشاني أم بسام إذا أتصل بسام أو تكلم في الموضوع لاتوقفين في طريقه خله يسوي اللي يريحه أهم شي الولد يرجع لنا
أم بسام: يصير خير , نذر علي من يرجع لي بالسلامه أسوي اللي يريحه لو ع آخر قطره من دمي بس أهم شي أكحل عيني بشوفة ولدي
أبو بسام: الله يحفظه ويرجعه بالسلامه , نامي وأن شاء الله أنا رايح السفاره
أم بسام: إن شاء الله خير
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:00ص في محل راشد , كالعاده كانو راشد وعبد الله يتقهوون من الصباح ويباشرون شغلهم والزباين ...
عبد الله: رشود
راشد وهو مندمج يصمم نغمات: همممـ
عبد الله: شوي بس ممكن
راشد خلص شغله ولف له: أيووه
عبد الله: أخبار ساري الأمس ماشفته
راشد: الحمد لله , هو نايم مع بيت جده وحشني مع أنه كلمني مرتين
عبد الله: ههههه حافظ رقم المحل قبل أمس أتصل ع الفرع الثاني وهبلت فيه
راشد: حراااااام عليك
عبد الله: تصدق طول عمرك تحب الأطفال بس هالمره غير , صرت تداوم في هذا الفرع وقاط الفرع الثاني ع راسي
راشد: هههههه وأنت وش وراك إذا أحتجت شي في الفرع الثاني قول لي
عبد الله: ليه أنت وش وراك لامره ولا حماره
راشد: أسكت بس خايف ع نفسي أنفلونزا الزواج حاشت معظم الشباب
عبد الله: وأنت الصادق يبي لنا ناخد تطعيمات مو ناقصين وجع قلب
راشد: ههههههههههههههههه لايفوتك بعد فهود شكله بيخطب
عبد الله بإنفعال: فهوووووووود الخجووووووووووووول أبو خدود حمراااا بيخطب
راشد وعيونه دمعت من الضحك ع سوالف عبد الله: هههههههههههههههه لايغرك فهود من تحت لتحت
عبد الله: اللي يشوف توني أعرفه يعني أدري عنه يشوفك يوم ع بالك أنه خجول يوم ثاني يطيح الميانه
راشد: يعني مو مثلنا من أول يوم نطيح الميانه ههههههههه
عبد الله: رجائاً تكلم عن نفسك فقط
راشد: أو صح نسيت أنت هالأيام صاير مؤدب وأستغفر الله
عبد الله: خليني ماشي سيدا لالفه ولادوره وش حارك أنت ؟
راشد: سلامتك الله يثبتك ويزيدك من الإيمان
عبد الله يناظره بنص عين: تتطنز حضرتك
راشد: لاوالله دعوه طالعه من قلب , إلا أخبار الجار ؟
عبد الله: أي واحد فيهم خوب أنت مصاحب لي كل الجيران حتى الشياب ماخليتهم في حالهم ولا الهنود
راشد: ههههههههه أقصد هندي البقآله
عبد الله: أييييييييه نانسي؟
راشد: عليك نور , ماقلت لي أخباره ؟
عبد الله: شكله راح الهند وراحت الرقه كلها
راشد: أجل بنسمه أبا طلحه
عبد الله: هههههههههههههه خلاص مايلوق عليه نانسي
راشد قال يناقره: وش عندي مداوم معاي ناوي تلوع كبدي ع الصباح
عبد الله: لاتكفى أنا اللي أنفتحت نفسي لمن شفت وجهك "غير ملامحه للجد: راشد قول لي ؟
راشد تنهد: وش أقول لك ؟
عبد الله: أبي أعرف كل شي أنا أخوك ولا مو عادني أخوك ؟
راشد: لا حشى أنت أخو وأكثر يمكن الأخو مايوقف مع أخوه من كثر ماوقفت معاي
عبد الله بمزح: أهئ أهئ تكفى تكفى خلاص لاتكمل تأثرت
راشد يغير الموضوع قلبها مزح: خلاص مابقول شي كل شي ولا تتأثر مقدر ع دموعك
عبد الله جر شعر راشد: بتتكلم ولا لأ ؟
راشد: أترك شعري , بنت عمتي
عبد الله: أخت فيصل !!!
راشد: أيوه , أفتر راسي أحياناً أحسها أختي وأحياناً أحسها خطيبتي
عبد الله: لاحول الله , تدري ليه أفتر راسك ؟
راشد: ليه ؟؟؟
عبد الله: لأنك تكابر ع مشاعرك ياخي تحبها أخطبها
راشد: أنا ماقلت أحبها
عبد الله: يحتاج تقول لي؟
راشد: مدري أنا أحس أني مو فاهم نفسي , مو قادر أفسر أهتمامي فيها حتى لمن بغيت أعرف الأهل ع أم ساري ماقلت لأختي ولا لوحده من حريم أخواني قلت لها من بينهم كلهم معنهم أقرب لي منها
عبد الله: ولمن تقدمو لها حطيت يدك ع قلبك لحد ما أنتهى الموضوع , كل هذا وتقول لي أختي؟ اللي يحب أخته يتمنى له السعاده مو يزعل إذا أنخطبت الواحد يزعل إذا أنخطبت حبيبته مو أخته
راشد: يمكن لو تقدمت لها تضحك علي
عبد الله: تضحك عليك !!!!
راشد: بجد يمكن عمرها ماتخيلت أني ممكن أحبها أو أفكر فيها , بس صدقني حاس أن مشاعري ممكن أنها تتبخر مع الأيام البنت ماتناسبني
عبد الله: ليه فيها عيب ؟ شايف عليها شي؟
راشد: لا بس أحس أن أحنا مانناسب لبعض
عبد الله: طيب الزبده بتتقدم لها ولا لأ؟
راشد: لأ
عبد الله: أفففف منك , خلك أقعد ون ونوح إذا أنخطبت
راشد كالعاده قلب الموضوع ضحك وطناز لحد ماتغير الموضوع ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الخامس والعشرون
((هذا الجزء
-راشد ومشاعره المتضاربه تتوقعون شنو راح يصير عليه؟ , سالفة أم ساري تبون تعرفونها ولا لأ؟<<تعاند هع
-دانا بالها مشغول ومشاعرها مضطربه تتوقعون وش راح يصير عليها ؟
-فهد أبو خدود حمرااا تتوقعون بينطق ولا لأ ؟ , وعهد تتوقعون راح تصير من نصيبه أو لأ؟
-سمانه وخالد وأخيراً رجعت علاقتهم طبيعه تتوقعون شالمفاجئات اللي تنتظرهم ؟
-سيف وحنين وقرب زواجهم ...
-شهد وضيقها تتوقعون في شي بيغير روتين حياتها ؟ , بسام وأختفائه؟ تتوقعون شاللي خلاه يرجع يخطب شهد؟
يعطيكم ألف عافيه
تابعونا
تحياتي))

بناتوووه ,,’’

وصلنآ لأكثر م النصف ,,’’

ويلآ عاد مو تنشغلون بالروايه عن الصلآه وأهلكم ساعدو أمهاتكم مابي حد يدعي علي هع ...

والدراسه قربت إذا ماخلصنا قبل الدوامات لاحد يشغل نفسه وقت دراسته والروايه لاحقين عليهااا ^_^

بالنسبه للابتوبي الله يفشله فشلني أول مانزلت الروايه اعتفس عندي المتصفح وصار الخط مايتكبر بس تصدقون طلع عادل أعتدل لي نصف الروايه .. صار نصف الخط معفن والنصف الثاني زي الناس~>الأخ يستخف دمه يبي يسوي أجواء هآآ"ع ...

نشوفكم في الأجزاء الجايه ,,’’

متابعه شيقهـ
.
.
.
.:دانهـ العشآق22:.

يسلموو على الجزء الروووووووعه
تحياتي.. مجنونة وحلوة

مرورك الأرو غاليتي ,,’’

^_^

ذايب في هواهم
((الجزء السادس والعشرون))
بسم الله الرحمن الرحيم
((المستجدات في هذا الجزء...
-أسبوعين مرت ع أبطالنا سريعه كلن منشغل بشي يشغله
-هالأسبوعين مرت ورزان قالبه وجهها ع سالفة خطبة فهد ولا عاطيه حد وجه , مريم كلمت ناصر في موضوع خطبة فهد على عهد من أسبوع ورزان لسه مو داريه من زود الزعل ...
-فيصل وفارس صار لهم 4أيام مسافرين يكملون العقود مع الشركات اللي راح يشتغلون فيها
-خالد وسمانه في سوريا وتركيا يقضون أحلى شهر عسل
تابعونا))
لوأفترقنا سنين باقي العمر ماأنساك
ولو زعلنا يوم كل الليالي رضاك
حاولت انهي رحلتي
وأكتب نهاية قصتي
ماقدرت أعيش بدنيتي
وهادي الحقيقه يالحبيب
لاقلب يرضى يبتعد
ولاعين تصبر عالوعد
"أحبك وهذا وعد مني يبقئ للأبد"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن الشرقيه وأهلها . في أمريكا ...
بسام وهو يشرب سجاره وراء الثانيه: من المتصل ؟
الجرسونه الأجنبيه: لا أعلم
بسام: أخبريه أني خارجٌ الآن
الجرسونه: عذراً , لكنه يطلبك للمرة الثالثه وأنا أعتذر
بسام: أعطني الهاتف..........ألو.....لاوالله ماعرفتك..........ميــــــــن!!.....ولك عين تتصل ياقليل الأدب ياللي ماتستحي.............آسف مافي شي بيني وبينك نتفاهم عليه.........زوجتي وطلقتها..........متأسف وندمان روح توب لربك مو تتصل علي............"قفل الخط"
بسام بعصبيه: من فضلك أطلبي لي رقماً آخر
الجرسونه: يا إلهي , للمرة الخامسه !!
بسام: نعـــم!!
الجرسونه: على الرحب والسعه , تريد شياً آخر ؟
بسام: لا شكراً
بسام..كرهت كل شي حولي أحس كل الدنيا حولي ظلام مو متحمل الحياة كل شي ينرفزني ويعصبني حتى أهلي مو طايق أكلمهم , هذا وش يبي ليه متصل!! لو ندمان أنا وش دخلني !! معقول شهد تطلع بريئه!! لو طلعت بريئه ماراح أسامح نفسي طول عمري , بس كيف أعرف أممممـ لو أكلم النذل ماجد يمكن يبرد قلبي حتى لو ماكانت بريئه ع الأقل يرتاح ضميري ما أحس أني ظالمها , ناظرت صورتها اللي ماتفارقني ناظرت في عيونها قلت أعاتبها: شهد ليه تعذبيني ليه تسوين كذا أنتي بريئه أو لأ .. أحبك وربي أحبك بس أبي أعرف زوجتي تحبني أو لأ زوجتي كلمت حد غيري ؟ أنا أول واحد في حياتها ؟ "حس بطعنه في ظهره لمن تذكر" آآآآآآآآآآآآآآآآه ماعدتي زوجتي ياشهد أنا طلقتك!! للحين مو مصدق اللي سويته فيك للحين مو عارف اللي سويته صح لو غلط أبي حد يتكلم يجاوبني ليه الدنيا كلها ضدي !!!! ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 4:30م في فيلا عبد العزيز ...
ملاك: بعرف بس وش يقولون
دانا: المشكله كلهم يدرون إلا أحنا
ملاك: أتصلي لرزون
دانا: إلا صحيح ع طاري رزون ماكلمتها زي الناس من أسبوعين
ملاك: غريييييييييييييييييييييييبه
دانا: لاتفهمينا غلط بس الظروف يعني الظروف أنشغلنا صرنا نكلم بعض بس يعني سلام وكذا مانسولف
ملاك: أسمع عمتي وهنادي يقولون أن رزان مره متضايقه
دانا: يؤؤؤؤؤ كله من فراق فيصلوه!!!
ملاك: شفتي كيف طلع مو هين أخوك تقول عمتي ياذوبها بس تنزل تسلم وتآكل لها شي وماتحتك في حد غير عمتي وخالي
دانا: وأنتي يالسوسه كل شي يصير تعرفين عنه !! بدجارد العائله ياكافي الشررر
ملاك: صلي ع نبيك لاتصكيني عين
دانا: هاهاهاا من زينك
ملاك: تعالي شوفي بابا من زمان جالس في الصاله!!
دانا: وعهـــــــــــــــــــــــــد!!
ملاك: لايكون سفرها من نافدة مكتبه!!
دانا: عن التلاخه ملكوووه وين جالسن حناا , خل نركب جناحنا نشوفها يمكن هناك
ملاك فتحت باب غرفة عهد بقووووووووة وقالت بصراخ: أنتي هنااااااااااااا وأحنا ندورك
عهد ببتسامه بارده: أيه هنا
ملاك: ومتى خلص المؤتمر؟
دانا شافت وجه عهد: عهود صاير شي؟
عهد وهي منزله راسها وتلعب في طرف قميصها: أممممـ
دانا: عهدووو وقسم ماعدت أتحمل وش صاير أخلصي , رزون صار لها أسبوع مو ع بعضها , عمتي جايه الصباح , خالي رجع من الدوام جا عندنا وبعدها بابا سوى مؤتمر معاك بالله ماتقولون لي وش صاير ؟
ملاك: أي والله نكسر الخاطر بنات الجيران ع غفله
فضيله دخلت وهم يتناقرون قالت ببتسامه: وكيفها العروسه
ملاك ودانا ناظرو بعض , ملاك رمت عهد بالخداديه لمن أستوعبت: يااااااااانذله سويتيها من ورانا ؟
دانا ضمت عهد من وراها: مبروووووووووووك
عهد بعدتها: دانوووه ماصار شي
ملاك بعباطه: والله حركات , متى الملكه ؟
فضيله تطقطق بلسانها ع عباطة ملاك: أنتظري أنتي مابعد يصير شي البنت بعدها ماتوافق
ملاك بعباطه أكثر: أي صح , نجي للأهم مين المعرس؟
دانا: الله يعينك ع عقلك تباركين لها وتسألين عن الملكه وأنتي مابعد تعرفين المعرس
فضيله: هههههههههههههههههههههه الله يهديكم "قالت وهي طالعه: خفو ع أختكم شوي "ألتفتت لعهد: ماما فكري زين
عهد: إن شاء الله
دانا جلست جنبها: عفيه عفيه عهود قولي لي من المعرس , طيب بس أول حرف من أسمه
عهد كتبت ع بطانيتها حرف الـf , "دانا ضمتها: يآآآآآآآآي يعني بيتحقق حلمكم
عهد بنظرات تايهه: مدري أصلاً متردده
دانا: وش تترددين عليه ؟
عهد: أحس أن عمري مو مناسب وأحتمال ما أكون قد المسؤليه وغير كذا دراستي وأنتو
دانا: عهود فكري عدل , أنتي لو تلفين الدنيا كلها مابتلقين واحد يحبك وبيحافظ عليك مثل فهد وبعدين تربية عمتي وأمي ومتأكيدن من أخلاقه
عهد: ودراســتي
دانا: عهد أنتي إذا لك رغبه في الدراسه مافي شي بيشغلك عنها تقدرين تنظمين وقتك وبعدين تقدرين تشرطين أن الزواج يكون بعد ماتخلصين ثالث
عهد: أي عارفه عمتي وبابا قالو لي أن السالفه ومافيها خطوبه وبس يعني نملك سنه كامله تخيلي !! إذا مو أكثر
دانا: ووش فيها الخطوبه سنه كامله , عادي ناس خطوباتهم توصل4 أو6سنوات
عهد: والمسؤليه ؟!! , أفرضي لو ما تفاهمنا
دانا: حبيبتي عهود أنظري للشيء بإيجابيته مو بسلبياته أنتي كبيره وتقدرين تقررين أنتي قد المسؤليه أو لأ , وإذا ع شهد لاتحصرين تفكيرك ع تجربه وحده .. شوفي الجوانب الإجابيه والأشياء اللي تساعدك في التفكير وتسهل عليك التفكير مو الأشياء اللي تعقدك
عهد: وأنتي ليه متحمسه كذا ؟
دانا: أبي أنبسط أفرح في أختي
عهد: لاوالله أصلاً أنا مابي أنخطب قبلك
دانا: مركبه علي ولا مركبه علي , أنا أصلاً مابي أنخطب الحين كيفي
عهد: أنا بعد ماراح أوافق كيفي
دانا: مجنوووووووونه لو تضيعين فهد عليك
عهد: إذا عاجبك ترى متبرعه لك فيه
دانا: لاواللــــــــــه شايفه ولد عمتي بنقالي من الشارع تتبرعين لي فيه لكن هين لما أشتكي عليك "قامت"
عهد مسكت يدها: أمززززح وقسم أمززززح
دانا: والأخت ملاك جالسه مستمعه
ملاك وهي تحط رجل ع رجل: ومنكم نستفيد
دانا: صدق بنات آخر زمن مايستحون
ملاك: شوفي أنتي الفرق بيني وبين عهود3سنوات يعني كلها 3سنوات وأنا في بيت رجلي
دانا رمتها بالمخده: ياللي ماتستحين أعملي أدب شوي مو جالسه تحسبين كم سنه باقي وتنخطبين
ملاك: الزواج سنة الحياة كلنا مصيرنا لبيوت رجالنا
عهد: هذي فاسخه الحيا حالها من حال أخوها فيصلوه الله يذكره بالخير
ملاك: ههههههههههههههه والله حاله تسب فيه وتقلب أسمه وبعدها تقول الله يذكره بالخير
دانا: أقول
ملاك: لاتقولين ولا شي أنا رايحه أشوف حبيبي النت
دانا: زين اللي حسيتي ع دمك "لفت لعهد: إلا رزون النصابه طول هالفتره مخبيه علينا وأنا أقول ليه ماتكلمني كثير إلا الأخت خايفه يزل لسانها وتقول لي لكن أنا أوريها الزفته
"وظلو دانا وعهد يسولفون وعهد عارفين حالها مع التفكير ودانا مشاركتها وجدانياً"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:20م في فيلا عبد العزيز ...
رزان..كنت مع بابا نراجع ملفات نرتبها ونسدد الفواتير ونسولف بالمره وماما تشاركنا السوالف رن جوالي سمعت نغمة فيصل ماعرفت كيف أستأذن عشان أرد عليه رديت وأنا جالسه مكاني ...
رزان بصوت واطي: هـلا والله وغلا..............بخير الحمد لله.........كلنا بخير نسأل عليك........."ضحكت لمن مريم أشرت لها بمعنى قومي خدي راحتك وطلعت"....أممممـ أرقى الدرج...............لابس كنت جالسه مع ماما وبابا في المكتب................"قالت بصوت مبحوح لطاري ملكة فهد: إن شاء الله خير............."وهي تمسح دموعها: ولا شي..............أممممـ ولا شي........."قالت لا إرادي وهي تشهق: بس وحشتنـــــــــي"و زاد بكيها"
فيصل وهو مبسوط في نفس الوقت مو قادر يسمع صوت شهقاتها قال بصوت حنون: حبيبتي رزان أنتي كمان وحشتيني وقسم أن يومي بدونك كأنه دهر "سكت شوي وبعدها قال: لاتخليني أجي لك مشي من الإمارات للسعوديه
رزان وهي تحاول تتفادى دموعها وشهقاتها اللي تطلع غصب عنها: لاحبيبي خلص شغلك ربي يوفقك , بس
فيصل: بس شنو حبيبتي ؟ "لاحض سكوتها وقال: حياتي وربي ولا لحظه نسيتك حتى في شغلي أذكرك , أي وقت يصير عندي بريك ما أفكر في شي غير أني أسمع صوتك
رزان: تسلم لي , توارد خواطر وربي
فيصل: بجد حبيبتي لاتزعلين بس عندي شغل كثر شعر راسي عشان كذا صاير ما أكلمك إلا قليل , حتى خطوبة فهد وعهد توها أمي الأمس قايله لي عنها
رزان "فهد وعهد أكيد فيصل غلطان أو ماقالو له أنهم يبون يزوجون فهد لدانا , ياقلبي هو خل أمشي معاه مابي أشغل باله كفايه عليه شغله: الله يعينك ياقلبي , يلا هانت
فيصل: رزاني تحبيني ؟
رزان: أيـه
فيصل: عشان خاطري حبيبتي لاتبكين
رزان: أنا ما أبكي بالعكس أدعي لك بالتوفيق من كل قلبي
فيصل بعدم تصديق: لااا حلفي ياشيخه
رزان: ههههههههه كيفك إذا مو مصدق
فيصل: يعلني فدى هالضحكه وصاحبتها , إن شاء الله قريب أرجع السعوديه وأجلس معك لين ماتقولين لي طفففففففشت منك فيصل فك عني
رزان بدفاع: لا مابقول
فيصل بخبث قال يناقرها: خلاص أجل بنام عندك
رزان: ....................<<من الفشله
فيصل: ههههههههههههههههههههههههههههههههههههههههههه
رزان..أمممممـ ياحبي له فصول أحب مزحه رومنسيته وجرئته وكل شي فيه , كلمته تقريباً ساعه ربع آآآه أطول مده كلمته فيها من سافر الله يحفظه ويرجعه لي بالسلامه , رنت علي دانوه الخبلللله وحشتني من زمان ماكلمتها مثل الأوادم من يوم قالو بيخطبونها لفهد وأنا قالبه عليها بصراحه مالي حق دانوه وأعرفها زين هي مالها ذنب وأكيد مابتوافق وفي نفس الوقت توئم روحي مالي غنى عنها ...
رزان: هلا بالزينه هلا بالقمر
دانا بعصبيه وصراخ وسب: لاهلا ولا مرحبا يالخوانه يالنحسيه يا........
رزان وقفت وقالت تقاطعها: شوي شوي علي كل هذا سب ؟؟!! وش سويت؟
دانا: لاوالله ماتدرين وأنا أقول وش فيها بنت العمه منخشه عنا ومنخشه أثاريها خطبه من ورانا!!!
رزان"ياويلي أكيد الحين ع بالها أني أنا اللي قلت لهم يخطبونها لفهد: لحظة لحظة صدقيني دانوه مالي شغل
دانا: شاللي مالك شغل أخوك يخطب وتسوين نفسك ماتدرين ومالك شغل ع الأقل قولي لي مو كأني قرعه في الزفه كلهم ع بالهم دريت منك وهذي آخرتها
رزان: أصلاً أنا مو راضيه ع السالفه ومتهاوشه مع فهود ولا كلمته من أسبوعين
دانا عصبت: لا والله وليه أن شاء الله وش شايفه في أختي مو تارسه عينك ولا مو تارسه عينك؟أنتي أحسن منها بشنو تاخدين فيصل وهي ماتاخد فهد؟........
رزان عصبت أكثر منها وقاطعتها: أي أختك أنتي وش جالسه تخرفين أنتي ماتدرين أنهم خاطبينك أنتي مو عهد
دانا: لاوالله أنتي اللي غيبة فيصل أثرت عليك ولا أني قادره تسمعين زين بابا كلم عهد ماكلمني أنا
رزان بنفس العصبيه: وأنا سمعتهم يتكلمون يقولون أنهم بيخطبونك لفهد أنتي مو عهد
دانا: وأنا وش دخلني في فهد , فهد أخوي ولا عمري فكرت فيه تعرفين كيف يعني أخوي؟
رزان: وأنا وش يدريني عن تصانيفم والله كاسره خاطري عهد ولا أقدر أناظر في عينها
دانا: أقول لك بابا كلم عهد تقولين لي كاسره خاطرك خلاص يعني فهد تقدم لعهد رسمي أمك أتفقت مع بابا وعمي والكل يدري عن السالفه
رزان رجعت لها حالة البكي , قالت وهي تشق بالبكي: مدري
مريم اللي سمعت صراخ رزان دخلت وأنصدمت لمن شافتها تبكي: رزان تكلمي وش صاير فيصل فيه شي؟ "خدت التليفون: دانا وش صاير؟ "أنصدمت أكثر بدانا تبكي: خوفتوني وحده تقول وش صاير؟ تكلموووووو
]]في نفس الوقت في فيلا ناصر[[
فضيله: دانا ماما تكلمي عدل مو فاهمه شي
دانا وهي تضرب فخدها بحسره: ياحسرتي عليك يامرت أخوي ماتهنيتي بشبابك
فضيله ضربت صدرها: يماااا بنت أخوي وش فيها رزان تكلمي؟
دانا وهي تبكي: يما رزان خرفت
فضيله أتصلت لنسيم متروعه وبدون لاتبدل ببجامتها لبست عبايتها ودانا وراها وراحو بيت عبد العزيز , طول المشوار ودانا تبكي وتتحسر ع رزان وفضيله متوتره تفكر في حال رزان , دخلو دانا وفضيله سوا وركبو طوالي لغرفة رزان أنصدمو برزان تضحك مع مريم ودموعها ع خدها وكحلتها سايله حزتها صدقو أنها جد أستجنت راحت لها دانا تبكي وضمتها ...
دانا وهي تبكي: ماتشوفين شر الله يشفيك في أسرع وقت ياقلبي
رزان وهي تضحك وتضم دانا أكثر: دانوووه فهد خلاص بياخد عهد كانو يمزحون
أرتبكو وأختطلت عليهم السوالف لحد ماكل وحدة شرحت موقفها عاتبو بعض شوي وكل وحدها قامت تحط الغلط ع الثانيه لأن زين ماراحت أرواح وبعد مابردت السالفه جلسو يضحكون ع الموقف اللي صار: ههههههههههههههههههههههه
بعد ماهدأ الوضع نزلو فضيله ومريم سوا , طلعت رزان من دورة المياه وهي تنشف وجهها: ياربي مسخررررررره
دانا: فليم هندي مو بس مسخره , إلا أخبار فصول معاك؟
رزان ببتسامه: تمام روعته بعد اليوم ياقلبي هو
دانا: وأنتي من اللي ظل ماروعتيه , وش سويتي في أخوي بعد؟
ظلو رزان ودانا يسولفون كالعاده وأتصلو لعهد يهبلون فيها وباقي أنواع الهباله والجنون المعتاده في جلستهم ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن الشرقيه وأهلها , في تركيا عند العرسان ...
خالد وهو يناظر الناس والمناظر من فوق الجبل , قال ببتسامه: أخبارهم الأهل ؟
سمانه: بخير يسألون عنك قلت لهم أنا فوق الجبل وعاد عمتي عطتني تعليمات السلامه
خالد: هههههههههههههه ياحليلها الوالده
سمانه جلست جنب خالد: الله لايحرمنا منها
خالد: آمين
سمانه: خلودي وش رايك نروح المستشفى أبي أتطمن ع عمليتك
خالد: عمليتي بخير قد شفتيني أشتكي؟
سمانه: لا بس حبيبي عفيه أبي أتطمن
خالد: وش بيقولون عني مجنون رايح المستشفى أتنقز وأقول لهم أكشفو ع عمليتي
سمانه وكأنها تضايقت: خلاص براحتك
خالد ببتسامه: مو أنتي دكتورتي؟
سمانه بزعل: أيه ودكتورتك تبيك تروح المستشفى
خالد: والدكتوره تراعي نفسية مريضها
سمانه عصبت: ترى ذبحتني لاعب علي دكتورتي ودكتورتي ماتسوى علي أقل شي قلت لي الدكتوره تراعي نفسية مريضها
خالد: شسوي فيك دلوووعه وماتقتنعين بسرعه مالنا إلا هالطريقه , من له حيله فليحتال
سمانه: لامو دلوعه قول حنونه وطيبه وأنت مستغل نقطة ضعفي
خالد: مداح نفســـه
سمانه قامت بعصبيه: يبي له رفسه ع عمليته عشان يروح المستشفى
خالد: كل هذا حقد!!
سمانه وهي تنظف عبايتها عن الغبار: سميني حقوده اللي تبيه بس مو دكتوره كرهتني في الطب
خالد ببرود: شوي شوي لاترميني من الجبل ترى بيحطون صورتك في الجرايد ويشهرون فيك ((أمرةٌ ترمي زوجها من قمة الجبل))
سمانه..ناظرته ببرود أكره شي في حياتي لمن أعصب وأحرق دمي وهو يستخف دمه ويعاند , نزلنا من الجبل وأنا حجرررررره ساكته حضرته ماد يده يبي ياخد الأغراض عني لكن سويت نفسي مو منتبهه وصلنا السكن وأنا لسه قالبه وجهي بدلت عبايتي وملابسي وجلست ع الكنبه ...
خالد وهو يقلد حركة سمانه وهي قالبه وجهها ومتسنده ع الكنب: الحلوة زعلانه والحلوة زعلآلآلآنه
سمانه والنعومه اللي تعود عليها خالد راحت كلها من زود العصبيه: والشين يقلد وإذا يقرب مني مابيحصل له طيب
خالد: يما يما سمسوووم وش فيك ؟
سمانه بزعل وهي تبعد عنه: مافيني شي
خالد: تصدقين أنك مو حلوة وأنتي مكشره
سمانه من بين أسنانها: شكراً
خالد يحاول يراضيها: تصدقين أنا سمعت أن الحريم إذا حملو يصيرون عصبيات
سمانه: هيهيهيهي ومين قال لك أني حامل؟
خالد: مدري بس يمكن شيدريك
سمانه ناظرت خالد بعيون تايهه وكأنها هدئت: خاطرك يصير عندك ولد صح ؟
خالد: خاطري يصير عندي ولد منك أنتي ووقت اللي رب العالمين يكتب لنا مو مستعجل
سمانه بهدووء: خالد حاسه أني سببت لك أحراج كثير مع أهل أبوك بذات لمن يسألونك متى بحمل أو أني للحين ماحملت
خالد تنهد: سمانه أفهميني أنا لو أبي غيرك مايردني شي لكن أنا أبيك أنتي ولا أبي الولد إلا منك وإن شاء الله قريب تجيبين لي الولد , أنتي الحين صغيره وعندك دراسه وأنا بعد مو مستعجل
سمانه: بجد خالد
خالد: بجد ياعيون خالد
سمانه..ياخوفي بس يجي اليوم اللي يتغير فيه رايك ياخالد يااااااااارب بارك لي في زوجي وخليه لي ولا تغير عليه , صحيح أحياناً تجينا حاله كل واحد يبي يهاوش الثاني وبدون سبب من الشيطان أعوذ بالله منه بس يلا حلاتها ع قولتهم ملح المحبه ...
خالد: سمانه
سمانه بترجي: خالد عفيه خل نروح المستشفى أبي أتطمن عليك
خالد: ولو أني ما أحب المستشفيات بس لجل عين تكرم مدينه
سمانه: أي قص علي بهالكلام قم يلا قم
خالد: لاحول وش قلنا مو الدكتوره تراعـ.....
سمانه ضربته ع ظهره من زود القهر: آخر مره بتقوم أو لأ
خالد: ههههههههه خلاص باقوم بس أشحنيني
سمانه: جوال أنت ولا لابتوب هاهاها إذا ماتقوم واللـــه
خالد مسوي نفسه خايف: خلاص خلاص قمنااا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:40م في فيلا أبو وافي ...
أنهار..ياويلي تكسرنا من الصباح وأحنا في السوق مع خالتي إيمان وسدومه وباقي الشعب , طبعاً هذا حالنا من حددو زواج حنون فديتها , كنت جالسه في غرفتي سويت لحنون وحور عرض أزياء كل شوي ألبس الملابس اللي شريتهم وهم يعطوني رايهم , وزي ماعرفتوني حركيه وما أحب أجلس نزلت أفحط في البيت ناظرت في وفوي وهو عينه ع التليفوون بيرد عليه رحت أناقره أبي أرد ع التليفون آآآخـ النحيس لف يدي حطيت يدي ع خصري وأنا أناظره وهو يكلم ...
البنت وصوتها قض طبلة أذن وافي: يالشييييييييييييييينه وين طايره من صبح ربي ؟
وافي مسوي نفسه بنت: لاوالله ومين أنتي تتحكمين فيني ؟
البنت: صدق خيانه , إلا صحيح وش فيه صوتك متغير أكيد من التسوق
وافي وهو لسه مسوي نفسه بنت: أيه شسوي الماركه اللي أحبها مو متوفره عشان كذا تغير صوتي
البنت: ياااعيني , أخبار حنون شرت لها قمصان نوم ؟
وافي هنا أستحى ع وجهه وعطى أنهار السماعه , أنهار بصوت يسمعه سابع جار: لاوالله ساعه صار لك تكلم والحين تقول لي يبونك ؟
وافي عطاها نظره بمعنى ردي وأنتي ساكته ...
أنهار: هلا............سموور!!.........أأ مدري والله عنه أخوي..............أوكي أوكي .............يلا بيبااي, "مسكت أذن وافي: شسوي فيك
وافي: تووووبه والله ع بالي خالتي إيمان
أنهار: يالزفت هذي صديقتي وش بتقول عني الحين أففففففف
وافي وهو متضايق: ياربي , أستسمحي لي منها والله ع بالي خالتي
أنهار شافته متأثر وركبت غرفتها بدون لاتجادله: هلا سمور
سمر: أهلييييين ودي أختفي وقسم
أنهار: ههههههههه هذا أخوي وفوي يقول لك أسمحي له ع باله خالتي إيمان
سمر: يافشيلتي وأنا ماخده راحتي قمصان وما قمصان
أنهار: ههههههههههههههههههههه عادي أخوي مره فله لو ع كيفه تناقش معاك
سمر بمزح: أجل لو أدري سولفت معاه ,, صدفة ومن بين كل الناس علقني
أنهار: ههههههههههههه قلت أنا سمور ماتستحي مسكين أخوي هو اللي أستحى
سمر: وش بغير إذا أستحيت موقف صار وأنتهى
أنهار: أي والله صديقتي تعجبيني مو البنات يجلسون يونون وينوحون كأنهم بيغيرون شي
سمر: لازم من هالمواقف ,إلا تعالي وش شريتي لك اليوم من السوق ؟
وبدأت السوالف شعللها وبعد ماخلصو سوالف نزلت أنهار وسماعات الجوال في أذنها وتردد: لقيتك طيف بحلامي .. شفتك نور دنياي
وافي: تآآآآآآآه
أنهار شالت السماعات من أذنها: خير ؟
وافي: وش فيك أنتي كأنك تردين ع واحد يغازلك في السوق ماكأني أخوك
أنهار: ههههههههه شسوي لك يالدب قطعت علي المقطع اللي أحبه
وافي: وأنا دايم مجعم في هالبيت ياخي المقطع أي وقت تعيدينه بس أخوك حبيبك
أنهار: تعال أجلس شكله وراك شي
وافي جلس: أممم ولا شي , صحيح سوري ع الموقف اللي صار
أنهار: عادي عادي غير سمور
وافي: أي والله عادي لو أدري عنها سمور سولفت معاها
أنهار: هيهيهي وين عايشن في أمريكا
وافي: مو هذا بنت عم مويس اللي معانا في العمره ؟
أنهار: أيه بعدك تذكره
وافي: تقول لي بعدك تذكره!! أبشرك أمس ساهر معاه في الإستراحه
أنهار: حركات طلعت إجتماعي
وافي: مو أحسن مني أنتي ماخليتي زبونه تجي المحل ماتعرفتي عليها
أنهار: ههههههههههههههه ع فكره سمور متعرفه عليها من المحل
وافي: بعــــــــد!! أنتبهي ترى في ناس مو أوكي تتعرفين وبس
أنهار: لالا صحيح أنا إجتماعيه بس بحذر .. الأمس جت وحدة طلبت حنين ماتطمنت لها ولمن قلت لحنين تغيرت ملامحها سألتها وقالت لي مو شغلك
وافي: غريبه حنون مو من النوع اللي لها عداوات مع الناس
أنهار: مدري والله هي ماعطتني فرصه أسأل طوالي غيرت الموضوع
وافي: طيب تقابلت معاها ؟
أنهار: لأ بس قالت أنها اليوم بتجي أنا متكسره من السوق بس قلت أنزل أشوف كيف تقابلها حنون
وافي: يلا روحي بس جالسه تهذر ومخليه أختها تقابل هالأشكال بروحها
أنهار..حسيت نفسي أرتحت لمن قلت لوافي عن البنت , رحت الصالون سألت عن حنون قالو لي مو موجوده طلعت الحديقه شفت حنون كاشخه وطالعه قممممممر وجالسه مع البنت حاولت أسمعهم شيقولون أففففف صوتهم واطي لكن مايخصني ...
أنهار وهي تتقرب: السلام عليكم
هدى-حنين: وعليكم السلام
هدى تأشر ع أنهار: هذي أختك ؟
حنين: أيوه أختي
أنهار: أنا أنهار وأنتي ؟
هدى بغرور: هــدى
أنهار اللي ما أرتاحت لحركتها: تشرفنا
هدى وهي قايمه: تسلمين يلا أنا أستأذن
حنين عطت أنهار نظره وراحت مع هدى توصلها "بعد ماطلعت هدى قالت تأنب أنهار: وليه رازه فيسك عندي؟
أنهار: ومن متى تمنعيني أسلم ع صديقاتك!! جزاتي خايفه عليك أنتي شوفي البنت كيف وشكلها مايطمن
حنين: لاتخافين أنا منتبهه لنفسي تآمريني بشيء؟
أنهار: سلامتك
حنين قفلت باب غرفتها وتسندت ع الباب وهي تتنهد..حمدت ربي مليون مره أن اللي شافتني أنهار مو ماما ولا وش بيفكني من أسئلة ماما , رن جوالي رديت وأنا مبتسمه: هلا بالغالي
سيف: هلا بدلوعة الغالي
حنين سألته عن حاله وسلمت وتطمنت عليه , بعدها قال سيف بضيق: حنين حاس أنك مخبيه علي شي
حنين بارتباك: لالا ولاشي مافي شي
سيف: حنين أنا عرفت أنك تقابلتي مع هدى مابعصب عليك بس قولي لي ليه قابلتيها ؟
حنين: خلاص سيف أنا قابلتها وخلاص , مين قال لك أني قابلتها ؟
سيف: مو مهم من قال لي أنا عرفت وخلاص , بس أنتي ليه قابلتيها ؟
حنين"تسندت ع الجدار ودموعها تطيح لا إرادي: خلاص حبيبي سيف لا تسألني
سيف: حنيــــن لاتخليني أزعل منك
حنين: سيف أنا غلطانه أوعدك أني ماعاد أقابل هدى ولا أكلمها
سيف: حنين لاتزعليني تكلمي
حنين طلع صوت شهقاتها: صدقني سيف مابي أتكلم
سيف وكأنه لان شوي لمن سمع صوتها تبكي بس قال بحده: صدقيني ياحنين كل شي عندي يهون ولا حد يستغفلني أو يكسر كلمتي
حنين: بس سيف كان قصدي
سيف بعصبيه: شنو كان قصدك ماكان قصدك وش معناتها أنك تعزمين البنت اللي حذرتك منها ألف مرره وش معنى هي بالذات , تتحديني؟؟!! لو تستغفليني وقسم ياحنين كل شي قلته لك عشان ترضين وتتطمنين أن مافي بنت في حياتي غيرك لكن خذلتيني بالهحركه لهدرجه ماعندك ثقه فيني ولا في كلامي !!
حنين..أففففففف قفلت الجوال وأنا أبكي ومعصبه حدي أنا معصبه وسيف معصب وكل واحد منه كلمه لين ماتهاوشنا عن جد , قفلت جوالي ورميت نفسي ع السرير .. طق علي الوليد الباب "الوليد حبيبي روح لأنهار أنا بنام" .. مالي خلق شي الله يعين بس ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:33م في الإمارات , بالتحديد في شقة فارس وفيصل ...
فيصل..توني راجع من شركة من الشركات وتعبان من الظهر وأنا أفتر من شركه لشركه ومن وزاره لوزاره يلا هاانت قريب إن شاء الله برجع الشرقيه وبتتصلح الأوضاع , طلبت لي من المطعم وخديت لي شاور وأتصلت ع رزاني ياقلبي هي ردت روحي لمن كلمتها , وصل العشاء وجلست في الصاله أشاهد وأنا آكل , دخل فروس يآآه ما كأنا مع بعض في نفس المكان كل واحد في حال سبيله جلس معاي ع العشا وسوالف وأحلوت الجلسه وردينا طلبنا لنا عشاء ثاني من المطعم خخخخخ ...
فارس: والله أنا عندي أكرف هالكرف وفي النهايه أشتغل في السعوديه ولا أشتغل بالراحه وأنا في غربه
فيصل: مي توو , تعرف بعد الحين الخطوبه ومشاغل الحياه
فارس: الله يقطع اللي مايدرون وين الله حاطهم ويتفلسفون ع خلق الله أعصابي تلفت
فيصل: فروس أترك عنك العصبيه لازم كذا في الشغل حاول تضبط أعصابك
فارس: شسوي ياما حاولت بس ماينفع , عن جد شي ينرفز لاطعني 3ساعات وفي النهايه هو الغلطان وشغلي مايبي له غير نص ساعه
فيصل: يلا هانت بكره طائرتنا , قلت للأهل
فارس: لا وش ناوي علي خديتها درس ما أقول لهم أمي وجدتي أم تركي طول الوقت يحاتون جيتي ويخافون من الطائره ويوصوني وكأني بموت مو بركب طائره
فيصل: ههههههههههههههههههه عمتي مريم كذا
فارس: لو بس يحاتون ماعلى الدنيا قهر إلا يستقبلون وكأن ميت من عندهم حد يتباسون ويتحاضنون وهم يبكون
فيصل وهو يقلد طريقة الحريم ويحضن فارس ويطبطب ع ظهره: الحمد لله ع سلامتك يابعد روحي الحمد لله يوم الله بلغني أشوفك"مسح عند عيونه ببلوزته: يابعد قلبي وحشتني"قال وهو يتلمس في فارس: نحفااان"رجع صوته طبيعي: عجلللل قدامك طول وعرض وتقولون نحفان صدق القرد في عيون أمه غزال
فارس: هههههههههههههههههههههههههههههههههههههههههههه أحترم نفسك أنا قرد
فيصل: ههههههه لامو قصدي بس يعني يبالغون , أنا ما قلت لأهلي أبي أفاجئ المدام
فارس غمز له: أووووووه ناوي تنزل طوالي عندهم ؟
فيصل: لالالا أنزل لها بعفني خل أكشخ أسوي مفاجئه شي حلوو وبعدها أروح لها
فارس: ماشااااااء الله خلاص بس أخطب عليك بالكورسات
فيصل: أفاااا عليك ع يدي , وأنت يالشايب متى ناوي تخطب ؟
فارس: والله شفقان لحالك خل تستقر أوضاعي وبعدها أخطب , بس أنتو تشجعون أنت وأبو خدود حمراا
فيصل: أي والله ما أنصحك تخطب الحين أنتظر تستقر أوضاع شغلك وتتفرغ للمره عدل , مدري وش أخبار أختي مع التفكير
فارس: أي والله الشغل ماخد كل وقتنا الحمد لله أختي تزوجت ع الأقل مابحاتيها مثل قبل
فيصل: الحمد لله , بس تصدق فهود ماشاء الله أستقرت أوضاعه وأشتغل توفيق من الله
فارس: عليه بالعافيه يلا ع الله ننزل وتتصلح الأوضاع طوالي , وحشني فروس
فيصل: أنا كل بزارين العائله وحشوني
فارس: بكره تشوفهم وتشبع منهم"سكت فتره بعدها قال: والله أحس الطيران من الإمارات للسعوديه مسخررره
فيصل: أي والله ماتحس نفسك في طائره أصلاً تعودنا نخيس في الطائره
فارس: والله بغيت أموت من الضحك عليك وأنت نايم والناس تنزل ع بالك راحين فرنسا
فيصل: هههههههههههههه لاتذكرني عن جد حسيت نفسي شقول لك هههههه , قلت لمرتي وضحكت علي
فارس: هو بس ترتب وضعك وأغراضك تشوف نفسك وصلت
فيصل: أي والله
فارس: أقووول قم نطلع ماشفنا الدنيا من جينا هناا طول الوقت شغل وكرف
فيصل..طلعنا تنفسنا غيرنا جوو صنفناها مع الشباب وأحلوت الجلسه وتعشينا عشاء ثالث وصلينا الفجر عندهم , بعدها رجعنا جهزنا أغراضنا عشان مابقى شي ع طائرتنا وماجانا نوم وطلعنا المول رجعنا وطوالي خدينا أغراضنا ورحنا المطار ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:40ص في شقة ضاري ...
أمل..طاح جيك المويه من عندي دخلت غرفة شهد أنصدمت من بكيها الغير طبيعي قربت منها حاولت أهديها خمت أنها تبكي ع سالفة الزواج ...
أمل وهي ضامه شهد: ياشهد ياحبيبتي مصيرك بتتزوجين سواء ولد خالتك أو غيره والولد شاريك ويحبك ومايبي غيرك
شهد وهي منهاره: وأنا ما أبيه لو يحبني بجد يتصل ع أبوي يلغي الخطبه
أمل: ماعليه حبيبتي أهدي أنتي قولي لي شاللي تفكرين فيه ؟!
شهد: أنا مابي أتزوج مو ميته ع الزواج أبي أدرس وأكمل دراستي محد فاهمني
أمل: ماعليه حبيبتي تقدري تكملي دراستك وأنتي متزوجه
ضاري اللي جا من غرفته متروع وشكله قايم من النوم: شهد بابا وش صاير؟
شهد: فهميهم أمل قولي لهم مابي أتزوج أبي أحس أن في حد فاهمني في هالدنيا
ضاري جاب لها مويه لأنه عرف أن أمل ماجابت لها من الربكه: ماعليه كل شي بينحل شهد ناظريني
أمل..حسيت أنها فرصه لضاري وشهد يجلسون مع بعض , من فكت شهد خطبتها وهم مايجلسون مع بعض زي قبل أو يجلسون بس بينهم حواجر برور وبحور خديت إياد من سريره وطلعت وسكرت الباب بهدوووء ...
شهد وهي منزله راسها وتبكي: الله ياخدني وأفتك
ضاري قال بحده: شهـــــد ناظريني
شهد رفعت راسها: خالي كيف أناظرك , حاسه نفسي عله وماجبت لك خير ساكنه معاك في بيت ومشاكلي يوم عن يوم تكبر وأنت صابر ومتحمل
ضاري: بــس , شهد أنتي بنتي اللي خلاني أربيك وأنتي صغيره يخليني أتحمل مشاكلك وأنتي كبيره أنتي من ريحة الغاليه
شهد: خالي خل أرجع بيتنا
ضاري: شنووو؟!!! شهد أنا ما أمنعك عن بيتكم بس ليه تبين ترجعين لييه!!
شهد اللي صارت ضعيفه من همومها ونظرة الإنكسار تبين في عيونها: خالي
ضاري قاطعها: براحتك إذا بتروحين بس أعرفي أن محد راح يرتاح وأنتي بعيده لا أنا ولا أمل ولا حتى إياد الصغنون
شهد وهي تشهق أكثر في البكي: وأنا بعد ماراح أرتاح وأنا بعيده عنكم بس حاسه أني هــــــم عـ.........
ضاري قاطعها: أنتي نور بيتنا وإذا ماشالتك الشقة تشيلك عيوننا وإذا مو عاجبتك شقتنا نغيرها لخاطر عيونك
شهد وهي منزله راسها: تسلم خالي
ضاري: ياشهد أكبر وأحلى هديه في حياتي لمن أشوفك بنت ملتزمه ومحافظه ع صلواتها ودراستها وباره بأبوها ولا تأذي حد
شهد: إن شاء الله ما أخذلك
ضاري: ماراح تخدليني واااااثق أنك ماراح تخدليني لأنك تربيتي
شهد: خالي خد جوالي خد لابتوبي خد التلفزيون خد كل شي عصيت فيه ربي وخلاني أنحرف وأنا ما أستاهله
ضاري: ماراح آخد شي لأن أبي أثبت لك إن الأشياء اللي عصيتي فيها ربك تقدرين تستخدمينها في شي يرضي ربك
شهد سكتت منزله راسها ...
ضاري: شهووود
شهد أنخرطت في دوامة بكاء: خالي حاسه أني ما أستاهل كل ذا منكم
ضاري ضمها: كم شهود عندنا وحده وهي تآمر وتتدلل , قولي خالي أنتي تبين ولد خالتك ولا لأ"لاحظ سكوتها وقال يطمنها: أنتي تكلمي وخلي كل شي علي
شهد وراسها في الأرض سكتت فتره طويييييييله بعدها قالت: حاسه أني ما أعرف مصلحتي قولي خالي شنو مصلحتي؟
ضاري: أنتي قولي لي اللي يدور في راسك وبعدها أنا أقول لك وأنتي جب ولا كلمه
شهد أبتسمت ع طريقته وقالت بنظرات تايهه: أنا أفكر أكمل دراستي وأعوض نفسي عن السنه اللي راحت بذات أن السنه اللي راحت أهملت دراستي كثير ولأن هذي السنه ثالث فما أبي شي يشغلني عن دراستي وأنا حالياً ما أفكر في الزواج
ضاري: بالعربي مو موافقه ؟
شهد: مدري خالي أنت وين تشوف مصلحتي؟
ضاري: شوفي هو ولد أختي مابنلاقي مثله بس بعد شهودتنا تبي تكمل دراستها مانبي نشغلها
شهد: ويعنــــــــــي!!
ضاري يقلد صوت شهد: ويعنــــــي!! , يعني كملي دراستك ووقت تخلصين أعرسك ع ذوقي
شهد ضمته من الفرح وهي تبكي ...
ضاري ضرب راح على راح , وقال بمزح: وأنا مابفتك من مصاريفك أبد يابتتزوجين يابتدخلين مستشفى المجانين
شهد قالت بألم: وبعد ما أفتكيت من مصاريفي لمن تطلقت طلاق خلعي
ضاري قال بحنيه: ماحد ياخد إلا نصيبه والله يعوضك
شهد ناظرت الساعه: خالي سووووري أخرتك ع الدوام
ضاري قام وهو يتحرطم: يلا بنحصل لنا تهزيئه من صبح ربي بس لعيون شهوده "عقب مابدل طلع الصاله بملابس العمل: شهوده الدلوعه أخرتنا ع الدوام
شهد اللي تفاجئت من مرت خالها جهزت الفطور وكل شي بحيث أن ضاري خلص كلامه مع شهد طلع وكل شي جاهز: تفضل خالي الفطور
أمل بمزح: آآآه يانصاابه أنا اللي مجهزه الفطور وأنتي ع الجاهز تفضل خالي
ضاري: هههههههههههه مو أطلع وأرجع وأنتو متهاوشات
شهد باست أمل في خدها: أحنا حبايب مانتهاوش
ضاري: ياخوفي بس تتآمرون علي عطوني إياد ببوسه قبل أطلع , "باس إياد وطلع وبعدها جلسو أمل وشهد يرتبون الشقه ويسولفون سوا" ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء السادس والعشرون
((هذا الجزء
-بسام ونفسيته التعبانه وغيابه عن أهله وأتصال ماجد الغير متوقع ...
-فهد وعهد وموضوع خطبتهم تتوقعون شنو راح يصير عليه ؟
-خالد وسمانه وسفرهم لسوريا وتركيا ...
-حنين تتوقعون شاللي خلاها تتعرف ع هدى ؟
-شهد ورفضها لولد خالتها .. هل أنتهت مشاكلها أو لأ ؟
-فارس وفيصل ورجعتهم للشرقيه , شنو المفاجئات اللي تنتظرهم
يعطيكم ألف عافيه
تابعونا
تحياتي))

.
.
.
.دانهـ العشآق22:.

يسلموووو كتيييير على البااااااارت الحلوووو
لاخلا ولاعدم
ماننحرم من جديدك
تحياااتي.. مجنونة وحلوة

ولوووووووو غناتي مجنونه :in_love:

لاخلى ولا عدم منك ومن تعليقاتك الحلووه:clap:

///

ذايب في هواهم
((الجزء السابع والعشرون))
بسم الله الرحمن الرحيم
((المستجدات في هذا الجزء...
-فيصل وفارس ع وصول ولا حد يدري عن مفاجئاتهم
-بسام فاجئ الكل برجوعه من أمريكا
-عهد لازالت تفكر في موضوع خطبتها
تابعونا))
"أقسم بربي مابقى غيرك انسان
أفرح بصوته لاملا الضيق صدري
‏
بنيت لك بالقلب منزل وبنيان.
يامالك
احساسي
وروحي وعمري
‏
أوعدك أحفظ محبتك طول الازمان..
وماانساك حتى يدخلوني بقبري..."
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:19ص في فيلا عبد العزيز , رزان رسلت لفيصل الرساله وراحت في سابع نومه ...
رزان بصوت كله نوم: هممممممممممممممـ
دانا بصراخ: أصحــــــــــــي
رزان وهي تحت تأثير النوم: وش صاير حررو فلسطين ؟
دانا: رزااااااااااااااااااااااااااااااان أصحي فيصل وصل
رزان قامت متروعه: متى؟!!!
دانا: صحيتي ولا أجي أصب ع راسك مويه بارده؟
رزان: لالالا صحيت
دانا: فيصل مسوي لك مفاجئه لاتقولين له أني قلت لك أنه جا سوي نفسك ماتدرين عن الدنيا بس لأنه في الطريق رايح بيتكم أنا شفقت بحالك لايشوفك مبهدله
رزان: حللللللللللللفي
دانا: وقسم ألعب معك أنا , يلا روحي أستعدي
رزان وهي قريب تبكي: يبي لي أتحمم وألبس مابيكفيني الوقت
دانا: مو ظروري تكشخين بس أهم شي ترتبين شكلك يعني ألبسي بدله خفيفه نعومه حق جلسة أهل وشعرك لاتشوريه ماشاء الله أنتي مايحتاج سشوار شعرك , يعني سوي نفسك ماتدرين كأنك كاشخه عادي في بيتكم لايتفشل أخوي
رزان وهي تفتح دولاب ملابسها: وش رايك في البلايز الطوال اللي خديناهم آخر مره من براندو ؟
دانا: بالضبـــــط كذا سوي نفسك نازله تسلمين على أبوك وبتشوفين فيصل ولاتنسين سوي نفسك مفتشله من شكلك
رزان: هههههههه طيب يلا طسي لا يضيع علي الوقت
رزان..قمت خديت لي دش سريع يروح آثار النوم من وجهي , لبست البلوزه الطويله اللي بالون الوردي مع البيج ع برمودا ضاغط وأكسسورات بسيطه , رفعت نص شعري بعضاضه وخليت الشعر الطالع من العضاضه متناثر ع طبيعته وقدلتي سشورتها كالعاده وحطيت لي كحل وجلوس بيسط , ع قول دانوه كأني مدري عن الدنيا خخخخ , حسيت أني لو جلست أكثر قدام المريا بحط لي ميك آب كامل فتباعدت وأنا كذا نعووومه خديت جوالي ونزلت سلمت ع مامي وبابي , بعدها طلعت الحديقه أتمشى عند البركه وسماعات الجوال في أذني , أتصل علي فصول بشريحته الإماراتيه الدب لكن خل أمشي معاه ...
رزان: هلا والله
فيصل: هلا وغلا هلا بنور عيني
رزان: أهلين فيك , مساعدين
فيصل: جميعاً , وينك أنتي؟
رزان: في البيت ماجاني نوم قلت أتمشى شوي عند المسبح , وأنت؟
فيصل: أنا توني صاحي بشتري لي فطور
رزان"يقطع أم الكذب": الله يعينك حبيبي
فيصل: يلا حبيبتي عندي شغل بس حبيت أسمع صوتك آخد لي طاقه شوي
رزان: هههه تسلم لي , يلا عمري لا أأخرك ع شغلك باي
فيصل: بحفظ الله باي
رزان..يمكن أنا حلمانه ودانوه ما أتصلت خل أشوفها أتصلت لها عرفت أني مو حلمانه لمن تأكدت جلست ع طرف المسبح وحطيت رجليني في المويه جلست أتذكر أحلى لحظاتي مع فيصل فجئه شفت نفسي في الهواء صرخت لا إرادي , ضمني فيصل ولفني لجهته ماقدرت أرده بجد مشتاقه له ضميته وبعدت عنه وبست راسه ...
رزان وهي تبعد عن راسه: الحمد لله ع السلامه
فيصل اللي الدنيا مو شايلته من الفرح لأستقبال رزان له: الله يسلمك
رزان: توك صاحي من النوم هااا
فيصل: هههههههههههههههههه حبيت أفاجئك
رزان مسويه حالها متفشله من لبسها: تفضل
فيصل..دخلت مع رزان سلمت ع عمتي ومت ضحك نفس الحركه اللي مثلتها مع فروس صارت آآآآآه يابطني ...
فهد: ماماا تدغدغيه ولا شي وأنتي ضامته ؟
مريم: لاوالله
فهد: أجل الله يعين أختي
فيصل: هههههههههه جب أنت لا أخلي عهد ماتوافق عليك"قال يعاند فهد: كاااااااككككككككككك حمرت خدووووده
فهد: الإمارات تجيب الجنون , بصراحه وضعك يشكك , ياخي أعقل خطيبتك موجوده
مريم: خلي ولد أخوي يعبر عن شعوره , تعال عمه أفطر مع زوجتك
فيصل وهو يسوي لفهد حره: تسلمين ياعمتي بس تراني فطرت في الطائره بس جاي أسلم عليكم
فهد: أحلف ياشيخ , أنا طالع لدوامي بس أنته لايكثر سلامك ترى يقولون(رحم الله من زار وخفف)
رزان تضحك ع مناقرهم ومريم تدعي لهم وفيصل يدعي وراها ...
رزان تسوي نفسها مستحيه من شكلها: عن أذنكم ببدل ملابسي
مريم: وش فيهم ملابسك تجننين عيوني عليك بارده , يلا أستأذن
فيصل اللي تقرب من رزان لمن ظلو في الصاله بروحهم: جلسي جلسي حبيبتي أنا لو أبيك تبدلين ملابسك كان عطيتك خبر أني جاي لكني أشوفك قمر في جميع أحوالك
رزان: تسلم لي
"وظلو رزان وفيصل يسولفون ويضحكون ورومنسيات وآكشن وكل واحد يتطمن ع أخبار الثاني لحد ما أذن الظهر وطلع فيصل يصلي ورزان راحت في سابع نومه" ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:21ص في محل راشد ...
راشد وهو مندمج يشرح لزبون رن جواله: هلا عبوود , مشغول أنا أكلمك بعد شوي"بعد ساعه خلص شغله وأتصل لعبد الله: هلا
عبد الله: هلا والله هذا قدري حتى سلام ماتسلم
راشد: ههههههههههههههه والله راسي فاقع جالي لي شايب مايدري وين الله حاطه ويتفلسف أفهمه ولا يفهم في النهايه فهمت ولده
عبد الله: هههههههههه الحمد لله أني اليوم مداوم في الفرع الثاني
راشد: أيه تشمت وش عليك , ماعلينا وش تبي؟
عبد الله: أنا جاي لك الحين فاضي ولا بزي؟
راشد: عادي تعال لو أنشغلت أقلعك منت غريب غير عبووود
عبد الله بعد ربع ساعه وصل وصفق في وجه راشد بقوه ...
راشد بروعه: خييييييير!!
عبد الله: هههههه خير هااا عيونك طلعت وأنت تقول خير مين الحلوة اللي خدت عقلك ؟
راشد: أي حلوة أتطمن ع الزبونه الشارع فاضي
عبد الله: ههههههههههههههههه تطمن عليها ولي أمرها ع غفله
راشد: لا إله إلا الله , الواحد مايناظر بالغلط
عبد الله: طيب يامناظر بالغلط أأقصد رشود وش سويت ع موضوعنا
راشد: تعبان والشغل زايد ع راسي مدري مو مرتاح للموضوع
عبد الله: أنا من رايي نتوكل ع الله غيرنا ينتظر الفرصه وأحنا الفرصه جات لعندنا ونضيعها
راشد: مدري عبد الله أنا ماودي أطمع وأغامر خلني راضي باللي ربي كتبه لي
عبد الله: إذا ماتقدر تروح جده خلي الموضوع علي
راشد: مدري عبد الله الحين فروعنا في الشرقيه ماشاء الله مابي أطلع عن الشرقيه
عبد الله: الفروع ناجحه ولله الحمد وماعليها قصور والمنتدى ولله الحمد يوم عن يوم يكبر والمصانع بعد الحمد لله مابيضرنا شي لو طلعنا شوي رحنا لجده
راشد: مدري حاس أن الشغل خدا كل وقتي مابي أشغل نفسي أكثر أبي أشوف نفسي خلاص راح نص عمري
عبد الله: فكر وأنا أول المأيدين لك إذا أقتنعت
راشد: مايهمك بس لازم قبل أسوي شي أخبر الغاليه خالتي كلها بكلها دعواتها
عبد الله: ماتقصر أم فهد الله يخليها لك
راشد: ياقلبي خالتي لولها بعد عين الوالد والوالده كان ماوصلت للي أنا فيه
عبد الله: الله يخليها لك أذكر من تخرجنا من الثانوي وأنت تمدح فيها يحق لك
راشد: ماحسيت أني غير عن زملائي في الصف يوم نتايجنا لأن أول شخص أبشره خالتي تفرح لي وتشجعني
عبد الله: الله يخليها يارب ويبلغها فيك
راشد: وش فيكم علي اليوم الصباح بعد حريم أخواني يقولون لي الله يبلغنا فيك
عبد الله: ههههههههه خلاص اليوم إذا رحت لخالتك خلها تدور لك مره
راشد: أكيد مابي إلا أختيار خالتي بس مو الحين خل أفضي شوي
عبد الله: يلا قوم نروح المسجد مابقى شي ع الصلاة
راشد..رحت المسجد صليت ودعيت ربي يوفقني ويقدم لي اللي فيه الخير وبعدها رحت بيت خالتي , كالعاده الغاليه خالتي ماقصرت رحبت فيني وضيفتني وكأني أول مره أدخل بيتهم جلست جنبي وأنفتحو السوالف سالفه بعد سالفه لين ماجا الوقت المناسب أني أفاتحها في الموضوع ...
راشد: والله صاحبي مشجعني وهي فرصه ماتتكرر بس أنا مدري وش فيني متردد
مريم: أستخرت ؟
راشد: أي أستخرت والحمد لله خير , بس قلت لازم أشاورك قبل
مريم: يايما أنا ماراح أوقف في وجه شي فيه مصلحتكم أسعد يوم في حياتي يوم أني أشوفكم ناجحين وسعيدين الله يخليكم لي
راشد باس راسها: تسلمين ياخالتي , إلا أخبار أبو خدود حمراا
مريم: هههههه فهد بخير يسأل عنكم , مشغول مع دوامه الله يوفقه
راشد: والله خاطري فيهم هو وأبو الفياصل من زمان ماجلسنا مثل قبل صاير أبد مافيني خير مع حد
مريم: لاوالله يايما فيك الخير ندري عنك مشغول مع دوامك , يلا متى أدور لك العروسه
راشد بمزح: مايحتاج أنا أروح جده وأدور لي وحده جداويه يقولون عنهم مزيونات وأدور لأبو فهد مزيونه بالمره
مريم بزعل تحاول تخفيه: والله إذا يريحك ما أقول لا
راشد ببتسامه: أنا إذا بخطب شرط تكون خطيبتي حنوووونه مثلك
فهد نط عليهم وهو ياكل: شرط تعجيزي يعني؟
راشد: ههههههههههههههه أيه وأنت الصادق
مريم: خلاص أنت وياه
فهد: يؤ يؤ يؤ يؤ أستحت أم فهد
راشد: أنا بغير لقبكم بسميكم بيت أبو خدود حمراا
مريم: ههههههههه الله يغربل شيطانك , مافي طلعه تتغدى عندنا سامعني؟
راشد: لاحول الله الله بلانا بخاله طيبه مثل العسل
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعد أسبوعين // الساعه 8:22م في فيلا نورة الله يرحمها بالتحديد في شقة سلمان , كانو الصبايا متجمعات ع العشاء ...
هنادي بصوت عالي وهي طالعه من المطبخ: لا عااااااد ياذوبنا ع وحدة مخطوبه والثانيه لاحقتها
رزان: الأمس وفيصل يكلمني الشباب مستلمينه
مها: ههههههههههه تعودي ترى للحين الشباب يستلمون أسامه حفظت أصواتهم واحد واحد
رؤى وهي تدف رزان: وأنتي تعودتي ولا لسه تستحين ؟
رزان: لاتعود أكثر من قبل بس مو في كل شي
هنادي غمزت لها: أهم شي مو في كل شي
الكل: ههههههههههههههههههههههه
ريهام: والله وصرتو حريم أحس أنكم كبرتو بسررررررعه ماشاء الله
هنادي: أي والله أتذكر جنونهم أول ما أنخطبت كأنه أمس
مها: وأولادنا حاسه أن أحنا شيبنا السنين تجري بسرعه
رؤى وهي تناظرهم: تصدقون ما أتخليكم أمهات
رزان: لااااااا عاد بدري من الحين أمهات تونا بسم الله مخطوبات
هنادي: هااا عهود بكره أنا أروح معك
عهد بخجل: مدري براحتك
هنادي تدف رزان: وليه أن شاء الله أنتي ماتروحين معاها مو مرت أخوك
رزان: أنا نفسي ماجربتها , وربي لو أروح معاها أخاف أكثر منها
هنادي: مشلكة الخجولات , الله يعينك ياعهود
دانا حطت يدها ع خصرها وقالت تكلم هنادي: ياسلاااام مو عاجبتك ولا مو عاجبتك!!
هنادي: سوري سوري توني أدري أنك بتروحين معاهم , بس ياخوفي تخافين أكثر منها
دانا: ما أخاف وأنا دااانا أروح معاها وألزم ماعلي كاميرتي
الكل: ههههههههههههههههههه
مها: هذي اللي تشجع مو رزون
رزان: ماعليه يقول لي فهد مو تسوون لي حزب تروحون كلكم المستشفى , قلت أستهبل عليه ناوين تروحون بروحكم ؟؟يقول لي وصلتك شحنات نذاله من فصول
الكل: هههههههههههههههههههههههه
دانا تقول لعهد: عادي عادي خيوو مايخوف بس بيعطونك أبر يسحبون دمك فيها وبتطلعين بسلام
عهد: والله حاله أنا مافيني شي سليمه بعد ليه أروح أحلل
هنادي: خلاص قولي لهم مافيك شي وأحنا الشهود
مها: ههههههههههههه ياليتها تصير والله يفكونا من القلق
ريهام: نحس نفسنا عجايز مالحقنا ع التحليل
رؤى-مها: ههههههههههههههه عاد تكلمو عن نفسكم حنا لحقنا ع التحليل
هنادي: لأنكم بزارين
ريهام: بقوم أشوف أطفالُنا
مها: عاد كل شي ولا أطفالُنا قومي وطمنينا
عهد: والله حركات كلهم في نفس العمر شله محترمه وغلوي الزعيمه
هنادي: لحظة لحظة عهود ممكن ؟
عهد: تفضلي
هنادي تسوي نفسها مذيعه: بما أن بكره تحليك فما هو شعور ؟
عهد: أممممـ توتر وقلق وخوف نوعاً ما
هنادي: جميل , طيب ممكن تقولين لنا شنو أصعب شي يخليك تتوترين وتقلقين من بكره ؟
عهد: أنا بنكون سوا في سياره وحده
البنات بهبال يصفقون ويصفرون: هيآآآآآآآآآآآآآ وآآآآآآآآآآآآآآآآوووو
هنادي تسكتهم ومصدقه أنها مذيعه: نكمل المقابله مع عروستنا , بما أنك بكره راح تشوفين فهد كيف مخططه تشوفيه//بتناظيره أو لأ؟
عهد حمرت خدودها: .............................
هنادي: عذراً لكن يبدو أن عروستنا تعتذر نكمل المقابله في وقت لاحق
الكل تصفير وتصفيق وهبال وعهد جالسه تناظرهم بعيون تايهه: اللي يشوف خلاص طلع التحليل أعقلو عني شوي
رؤى: وش لنا بالعقل خلاص أنتي سليمه وفهد سليم يعني ضامينين النتايج خل نعيش كل فرحه بفرحتها
البنات يصفقون ويصفرون تأييد لكلام رؤى , ودانا اللي كانت تسجل أغلقت مسجل الجوال<<ياحليلها هالبنت ماتفوت شي خخخ ...
ريهام: هههههههههههههههههه راحو فيها أطفالنا
مها: ليــه !!
ريهام: أختك المزيونه مجمعتهم ماسكه الميكرفون وتخطب فيهم مدري شتعلمهم وهم منصطين ومستمعين
الكل: هههههههههههههههههههههه
رزان: ياحليلها غلوي عليها حركات
هنادي: يبي لنا نبدي نجهز لملكة عهووود
هنادي تكلم رزان: وأنتي جهزتي لزواجك؟
رزان: وين لسه بدري والزواج مابعد يتحدد
هنادي: لاحبيبتي إن شاء الله تنتظرين الزواج يتحدد أي شي يعجبك خديه من الحين جهزي شوي شوي ع رواق مو حزة الحزه تصير الزحمه عندك
رزان: خلاص يبي لي هالمره إذا رحنا وعجبني شي للزواج آخد
ريهام: أي لاتقصرين حتى تحف للشقه خدي لك
مها: ماشاء الله الشقه حلوة لأنها تصميمي هههههههه
رؤى: هههههههههههه عن الغرور يابنت
رزان: والله فشله ماكان ودي في بوابه خارجيه بس عمتي تقول عشانك بنتي تصيرين مثل ماطلبو بناتي مو أقل منهم وأي وقت تجين عندنا البيت بيتك
مها: أقول لك بصراحه , هي البوابه الخارجيه أريح تحسين أن لك خصوصيه ولك بيتك مو مقيده
رزان: بس عادي الوضع يعني أنتو متعوده عليكم وأحبكم وتحبوني ومابيننا خلاف
ريهام: الله يديم المحبه بس دام الشقه أنبنت مابتغيرين شي وعندك البوابه الداخيله أي وقت تروحين بيت عمتك "الكل أيد كلام ريهام"
هنادي: باقي شقه في فيلاتنا بعد سنه بتسكن معانا وحده الله أعلم من تكون
مها: حلوووة فكرة المجمع السكني الله يرحم أبو سلمان "كل قام يترحم عليه وعلى نورة الله يرحمها"
رؤى: إن شاء الله تطلع مرة رشود حبابه وطيوبه
ريهام: إذا طلعت حبابه وطيوبه مابيتغير علينا شي نفس سهرتنا والآكشن تبعنا
هنادي: وأنتو مصدقين جالسن تخططون رشود ماشكله ناوي اليوم سوالف معاه ويوم جبت له طاري الخطوبه كالعاده تهرب
مها: ماتدرين هم بس يطخ في راسهم الزواج مايخلون الواحد في حاله حنه لين ماتخطبين لهم
هنادي: يلا الله يهديه إذا ع كلامه يبي وحده نحبها وتحبنا إن شاء الله نلقى له بس هو خل يعطينا كلمه
رن جوال رزان , هنادي ببتسامه: قومي الغرفه
دانا مستغربه مو من عوايد هنادي العاده تتنيذل ولازم تستلم رزان وفيصل شوي: حلفي أم شوق مو حاطه مسجل في الغرفه؟
الكل: هههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:21ص في سيارة فهد ...
فهد..وقفت عن باب بيت عمتي جتني رعشه في جسمي كله رنيت ع عمتي رنه وطلعو لي رفعت عيني أبي أشوف وينها عهد لكن كانو متغطيات ماميزت عهد من دانا ركبو السياره سلمو ورديت السلام جلست عمتي جنبي وعهد ودانا وراء , توكلت ع الله وحركت السياره ...
دانا..يؤؤ قام قلبي يدق مع عهدوو كل الشجاعه راحت شوي إلا حسيت نفسي طفرت فووووق ((مطبه)) مسكينه عهود راسها دعم في الشباك خخخخخخخخ ...
فهد..لايفهود أضبط أعصابك من بدايتها مواقف وش بتقول عني ما أعرف أسوق الله يعدي هالمشوار ع خير ...
فضيله: فهد حبيبي ركز
عهد..توني مستوعبه أن راسي دعم في الشباك سألتني دانوه وجعك راسك هزيت راسي بلأ ...
فهد..عمتي تسولف وأنا ممشي معاها وعقلي مو في راسي بحمد الله وعونه أستوعبت أنا وصلنا وهـ أطول مشوار بركنت السيارة ونزلنا ...
دانا..نزلو ماما وفهد ونزلت أنا ووراي عهود فتحت كميرتي وتأخرت عنهم صورتهم وهم يمشون فهد متقدم ووراه ماما ووراها شوي عهد وأنا وراهم أصورهم^_^ , صورت لقطه عالميه فهود وهو يسلم الإستقبال بطاقة العائله ويده ترتجف خخخخخخخخ , طبعاً أنا رافعه الكاميرا بحيث أن ماحد ينتبه أني أصور دخلت عهود غرفة التحليل ودخلت وراها وأنا أصور صورتها وهم يسحبون منها الدم آآخـ خساره مايمدي أصور فهود بعدها طلعنا من غرفة التحليل ورحنا السياره ووصلنا بعد هالمشوار طواااااالي ركبت جناحنا وراء عهود ...
دانا: ها أخبار النفسيه
عهد وهي تشرب مويه: الحمد لله عدا هالمشوار ع خير
دانا ردت ع رزان: هلا هلا..........بخير الله يسلمك................هههههههه أكيد ماخديتي منه لاحق ولاباطل..............لاتخافين صورت لك كل شي..........ياخي حرررررررررمت أركب مع فهود حتى المطبات ماقام يشوفها.........نعمة رب العالمين سلمنا..............الله ستر علينا.......مسكينه عهود أحمدي ربك ماجربتيها..............يلا هانت إن شاء الله الليلة تطلع النتايج...........وأنتي متى بتجين إن شاء الله؟........ياخي تعالي معاه مو هو الحين رايح يكمل دوامه؟................خلاص ننتظرك "قفلت الجوال"
عهد: بتجي رزون؟
دانا: أيوه فهد الحين طالع لدوامه بتجي معاه , لاتقولين تستحين منها ؟!
عهد: لا عادي , دانا بسألك ليه مستعجلين ؟
دانا: يالله يعني أنا مابفتك من أسئلتكم لا أنتي ولا رزون
عهد: قولي لي وقسم بيكون سر بيني وبينك ولا حد بيدري
دانا: أوكي , أهم شي رزون لاتدري فيصل بيذبحني لو رزان درت
عهد: لاتحاتين , قولي وش صاير خوفتيني
دانا: لا عهد مافي شي يخوف بس , خلاص عهد أمنوني ما أقول لحد أنا نفسي عرفت بالصدفه
عهد: يلا دااانا لاتخليني أحاتي , صدقيني أنا ماقبلت أنهم يقدمون ملكتي إلا لأني حاسه أن في شي بيصير
دانا: يلا حتى لو تقدمت إن شاء الله نخلص كل شي قبل الملكه
عهد: دانا أفهميني مدري أحاتي شنو ولا شنو , نتايج تحاليلي لو ملكتي اللي بتصير عقب مايطلع التحليل بسبوع لو السالفه اللي كلكم مخبيينها عنا أنا من شفت ريهام تبكي وقلبي ناغزني
دانا بكذب: ريهام كانت حامل وأجهضت
عهد: ياربي عن جد حزنت عليها , طيب من متى؟
دانا"يااااربي مدري كيف طلعت هالكذبه: مدري والله بس مثل ماقلت لك رزون لاتدري
عهد: طيب وليه يقدمون ملكتنا ؟
دانا"يارب ساعدني ماعندي حد يلفق معاي: مدري بس هي تبي الملكه تتقدم , يمكن عشانهم يبون نفسية ريهام تتحسن
عهد..رفعت كتوفي بمعنى يمكن , مدري ليه أحساسي يقول أن الموضوع أكبر دخلت رزون وجلسنا مع بعض سوالف وضحك ووناسه ...
دانا..مدري ليه كذبت يمكن عشاني مابي أضايق أختي وهي عروس مابيها تتضايق مثل ما أنا تضايقت , تعبت وأنا أبين نفسي طبيعيه من أشوف رزان تضحك ما أتحمل ودي أسكتها أقول لها لاتضحكين آآآآآآه الله أعلم شاللي بيصير فيها لو درت , ياااااااااااااااااارب شافي عمتي يارب ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:17م في فيلا أبو بسام ...
أم بسام وهي تبكي: ليه يايما سويت فينا كذا ليه ماطمنتنا عليك؟
بسام باس راس أمه: كاني عندك يما خلاص , يلا أستأذن تآمروني بشيء؟
أم بسام: ماشبعت منك يايما , أهم شي ترجع لي بالسلامه
بسام باس راس أمه وهو طالع: مايهمك يالغاليه , مع السلامه
بسام..حركت سيارتي آآآآه أشتقت للشرقيه وأهلها صرت أفتر في الشوارع بدون لا أحس لنفسي وقفت عند باب بيتهم ناظرت شباك غرفتها لقيت النور مبند , تذكرت أنها ساكنه في بيت خالها من يوم ماطلقتها تنهدت بضيق لهدرجه كارهتني ياشهد وكارهه كل شي يذكرك فيني !! , رحت عند بيت خالها وقفت بعيد شوي آآآآآآآآآآآآآآآآآآآآآآآآآآآآآآآآآآآآآآآآآه ياقلبي شفتهاااااااا شفتها طالعه من بيت خالها وبيدها طفل مدري من ولده , شفتها تبتسم لكن مو الإبتسامه اللي تعودت عليها مو الإبتسامه المرحه اللي ترد الروح حاس هالإبتسامه إبتسامة إنسانه بالحيل مجروحه وفي عيونها لمعة حزن وكأن كل هموم الدنيا ع راسها , لكن تفاجئت من شي عبايتها مو العبايه اللي تعودت أشوفها عليها صحيح كتف لكن محتشمه ع غير العاده معقول ياشهد تغيريتي!! , لمن أختفت سيارة ضاري عن عيني حركت سيارتي , مدري ياشهد هذي آخر مرة أشوفك فيها أو لأ ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:33م في فيلا ناصر // ليلة ملكة فهد وعهد ..
رزان..بعد ماطلعت نتيجة توافق تحاليل فهد وعهد حسيت بسعاده لاتوصف لكن مدري ليه حاسه في شي يضايقني مدري شنو , ناظرت في عهود ياقلبي هي طالعه قمر ...
دانا: وأنتي مابدلتي ملابسك للحين ترى المعازيم وصلو
رزان..بدلت ملابسي عقب ماخلصت ناظرت شكلي في المرايا ببدلتي , عباره عن بلوزه برتقاليه فخمه سترابلس ترتبط بكرستال زيتي علاقي ع الرقبه وتنوره زيتيه قصيره وكب زيتي أطرافه مخيطه باللون البرتقالي وصندل كعب عالي باللون البرتقالي وشنطه جنابيه صغونه للجوال والمفاتيح ...
دانا: وااااااااااااااااااااووو قمر وقسم قمر
رزان..أبتسمت لدانا هي بعد طالعه قمر لابسه نفس بدلتي وأكسسوراتي بالضبط لكن هي بدلتها لونها أصفر في وردي وأنا برتقالي في زيتي , وقفنا جنب بعض عند المريا كل وحده تساعد الثانيه ع الأكسسورات وبعدها رحنا عند عهود ...
هنادي: ع هالكشخه يبي لكم تصوير مع بعض , والله لو في مقاسي مثل بدلاتكم كان شريت لي مثلكم
رزان: هههههههههههههه خلاص إذا نحفتي ألبسي بدلتي
هنادي: تسلمين , ترى صاحباتكم وصلو
رؤى اللي توها جايه: أنصحـــــــكم لاتنزلون فشلللللللله قرايبنا ما أعرفهم كيفك فلانه وتطلع علانه
دانا: ههههههههههههههههه ياخي سلمي وأنتي ساكته
ريهام: بصراحه معذورين إذا مانشوفهم إلا في السنه مره وين بنحفظهم!!
رزان: أي والله أنا بسلم وأنا ساكته
دانا: قولي الله يساعد فكنا من التبويس ورجايلنا من الرقص
الكل: هههههههههههههههههههههههههههههههه
رزان باست عهد في خدها: تآمرنا بشي ياقمر قبل تصورين ؟
عهد: سلامتكم بس تعالو شوفي شكلي أوكي؟
رزان أشرت لها بيدها بمعنى أوكي , بعدها نزلو دانا ورزان سوا وعهد ضلت في جناح مها مع المصوره تصور ...
رانيه وهي داخله عند الممر ولسه مافسخت نقابها وفي يدها الأكياس: رزووون
رزان راحت تركض وضمتها وتباوست معاها وخدت الأكياس من يدها ورفعت غطاها: هلا والله هلا برنووووش وحشتينا يالدبه
رانيه بعد ماسلمت ع الموجودين في الممر: وين أحط عبايتي؟
دانا: عطيني وياها , وأنتي عبور عن الدلع يلا أفسخي عبايتك
بعد كذا جلسو البنات ع الطاوله واللي تجي تسحب لها كرسي ووناسه وضحك ورقص وهبال وأجواء رووعه ...
مرام: بصراحه بصراحه كلنا فتيات بس رزون وعهد صارو حريم
رزان: هههههههههه لا أنا فتاه ماتشوفيني بريئه
رانيه: أنتبهي بس لاتروح البرائه
الكل: هههههههههههههههههههههههههههههه
دانا اللي توها مخلصه مكالمه: تعالي رزون"تقربت منها رزان همست لها في أذنها وباستها في خدها ...
رانيه غمزت لدانا: ههههههههههههههههه فهمت
دانا ردت لها الغمزه: تعجبيني ياذكيه
عبير تسأل رزان: ههه ماشافك فيصل ؟
رزان: لا للحين , شافني لكن قبل لا أتعدل
مرام: هههههههههه ما أستفدنا شي
دانا: رزون قومي الأوادم يتبسمون لنا وأحنا ماسلمنا ع الكل
رزان..قمنا نسلم ثلاثة أرباع اللي سلمنا عليهم ما أعرفهم بس يلا أهم شي سلمنا , بعدها ركبنا سوا نضبط الوضع عشان عهود بتنزل , ناظرتها وهي تنزل ماشاء الله عليها , بفستانها الموف المخصر وجاي عند الصدر تطريز باللون الفضي وعند الخصر حزام فضي مربوطه نهايته بفيونكه فضيه كبيره وبعد الحزام يكبر الفستان بالتريج لين ماينتهي بذيل مطرز بالفضي , وشعرها مرفوع بتسريحه ويزينه أكسسوار فضي فخم وغير عن مكياجها اللي زادها جمال , نادتني دانوه رحت لها تأملت في وجه اللي معاها مو غريبه علي سلمت عليها ...
أم ساري: رزان صح ؟
رزان: أيوه
أم ساري: حفظك من لمن جيتو زواج أخوي
رزان: هههههههه ماشاء الله عليك أم ساري صح ؟
أم ساري: ياقمر عليك نور
دانا: وينه ساري ماجبتيه معاك ؟
أم ساري: وين أجيبه صار طولي
رزان: هههههههههههه الله يخليه لك يارب
أم ساري-دانا: آآمين
دانا..أقنعت أم ساري تجي كانت مابتجي عشان ماعندها حد يجي معاها لكن قلت لها أنا بنصير معاها وبنستقبلها وماخيبتي , سلمت ع البنات وتعرفت ع الكل وبالصدفه كانت تعرف عبير , وأستانسنا معاها وضحك وسوالف ...
رانيه..ماتوقعت أبد أن عهود تطلع بالهروعه ماشاء الله بس أحسها صايره عاديه يعني مو متروتره كثير تضحك معانا وتسولف عادي , لكن خرررررربنا الدنيا أنا والصبايا فليناها فللله مع الطقاقه طلبنا منها تقول يا أغلى أصدقائي وأحنا نسلم ع عهد , ركبنا سوا ع الستيج وأحنا نتمايل مع النغمه"يا أغلى أصدقائي ويا أحلى البنآآت .. تبقين الأميره الأولى والأخيره دووون كل المعجبات" قالت الطقاقه أكمل؟ أنا والبنات بحماس"كمـلـــــــــــي" وبدت بالطق الشغل العدل وبدينا بالرقص ...
هنادي: حركاااات حركااات رنوووش أيووووه
رانيه وهي تنزل من الستيج: ههههههههه خلاص أحرجتيني أصلاً ما أعرف قاعده أستهبل
هنادي: حلاتها الهبال , بس للأسف حكومتنا مانعه الرقص
رانيه: الله يعز حكومتنا مدري إذا جو يرضون ولا لأ خل أرقص الحين دامي في بيت الوالد
هنادي: ههههههه
دانا: لابالله فلحنا رنوش وهنادي مجتمعين!!
رؤى: المسخره مع المسخره بجد لابقين ع بعض , رزوووووون
رزان وهي تلبس عبايتها: هلا
رؤى: ع وين ؟
رزان: فهد وصل في المجلس
رانيه: وبتخربين الكشخه بالعبايه؟
رزان: لابخليها مفتوحه بس أهم شي أغطي ظهري وسيقاني الباقي عادي , متعمده آخد عباية ملوك أشيك وأضيق ماتخرب الكشخه
عبير: تعجبيني
رزان ببتسامه: تسلمين , يلا ريهام قومي نعدل فهود"وصلت المجلس شافت فهد سرحان: هلاااااااااا بالمعرس
فهد قام يسلم عليها ويتباوس معاها: هلا هلا بالورده "بعدها سلم ع ريهام: حيااا الله أم أحمد
دخلت مريم بدون لاتتكلم ولا كلمه ضمت فهد وجلست تبكي: الله يبارك لك يايماا
فهد وهو يبوس راسها: يبارك في حياتك يالغاليه"قال وهي يمسح دموعها: شدعوه يما أنا عندك
مريم: فرحانه لك يايما الله يتمم لك ع خير
ريهام"آآآه يايما لاتقطعين قلبي كافي أتحمل": عاد يما لاتخربين كشختك صوري مع المعرس
رزان: تتدلع أم فهد وش رايك نجيب لك أبو فهد يراضيك ؟
مريم: هههههههههههههه عساني ما أعدمكم يا أولادي"ضمت فهد مرة ثانيه ...
رزان: بصراحه بديت أغار
فضيله: أفضل الصلآة والسلآلآم عليك ياحبيب الله محمد كللللللللللللللللللللللللللللللللووووووووووووش"ضمت فهد: مبرووووك ولد أخوي
فهد: يبارك في حياتك عمه
فضيله: وش دعوه أم المعرس لايكون صرتي مثل المصريين دموع الفرح
الكل: ههههههههههههههههههههههههه
فضيله: يلا عمه مستعد نزفك الحين ؟
فهد: في حريم واجد ؟
ريهام: أدخل أنت عليك من مرتك ماعليك من الحريم
دخل فهد ع أنغام أغنية راشد الماجد ...
يلوموني حبيبي فيك .. صراحة قمة الروعة .. وأنا والله من شفتك .. دخلت بقلبي بسرعة
ماصدقت أنا ألاقيك .. أحبك وأعشقك وأبيك .. أنا ياعمري لو تدري .. أنا مجنون والله فيك
وحشني صوتك بقوه .. وحبك داخلي جوه .. وقلبي صار تحت أمرك .. وإنت اللي تبيه سوه
حبيبي خل يلوموني .. مدامك ساكن عيوني .. وحتى لو أغمضها أشوفك داخل عيوني
فهد..عقب مامشيت مسافه طويله رفعت راسي لقيت عهد قبالي سلمت عليه وبست راسها حسيتها متوتره من حرارة جسمها , أشرت لي رزان عشان أجلس جنبها وجلست ...
عهد..طول الوقت كنت عاديه وأسولف مع البنات وضحك وفالتها حدي حتى لمن دخل فهد مدري أحس نفسي عاديه بس لمن سلم علي وباس راسي حسيت أني دخلت داخل ملابسي من الحيا ...
رانيه..كنت أراقب وجه عهود من لمن وقفت وأنا والبنات وفالينها وضحك وطناز عليها وهي بعد مو مقصره تسايرنا حتى حسيتها غير عن رزون عاديه جداً مو مستحيه ذاك الحيا حتى الصبايا علقو ع هالنقطه , لمن دخل فهد هم عاديه ذبحنا العجب بس سلم عليها وباس راسها الله لايراويكم وجهها أختبص فوق تحت من الحيا صار أخضرررر ...
مرام بطناز: شوفو وجهها صار أزرق
البنات: ههههههههههههههههههههههههههههههههههه "شافو عهد اللي تسمع تعليقاتهم تناظرهم"
رزان.. أحم أحم حاسه نفسي شخصيه مهمه أخت المعرس يآآآه من متى أنتظرت هاليوم, دفيت العربه الفضيه اللي تلمع مه الأنوار واللي فيها الشبكه والساعات والدبل ع الستيج , لحد ماوصلت ساعدت فهد وعهد في لقطات التلبيس وبعد ماخلصو لقطات التلبيس سلمت علهم وتباوست معاهم وبعدها سلمو عليهم ماما وريهام , بعد كذا نزلت أجيب الكيك والعصير أنا حملت التوته ورهوفه بنت ريهام حملت العصيرات ومشينا ع الستيج والكاميرات علينا لحد ما وصلنا قطعو الكيكه وأكلو منها ذبحني فهود غصب يبي يأكلني فديت أخوي , وبعدها شربو العصيرات وشربني بعد فهود ههه وتصورنا معاهم ,كلهم نزلو من الستيج إلا أنا مسكتني عهود وجلست أساعدهم ع السوالف نادو الطقاقات في الميكرفون أن بابا وخالي بيدخلون قلت بنزل أزفهم توني بستأذن شفتهم داخلين حسيت شكلي غلط ماباقوم إلا هم في نص الستيج جلست وأنصدمـــت فيصــــل معاهم فديته وقفت حالي حال العرسان خخخ سلمت ع بابا وخالي بعدها سلم علي فيصل ووقف جنبي باس راسي حددددي أستحيت بذات أني أشوف البنات يناظرونا سولفنا شوي أنا معاه أشرت لنا عمتي نروح ع جنب رحنا ع جنب جت لي المصوره تبي تفسخني عبايتي أتعرضت قال لي أن كلهم مشغولين يصورون ومافي إلا فيصل يشوفني أقتنعت فسخت عبايتي عشان التصوير مسكني فيصل من ظهري وبعد شعري عن ظهري وصارت يده ع ظهري مباشره حسيت ببروده في كل جسمي صونا وبعدها طوالي لبست العبايه بعدها زفينا فيصل وبابا وخالي عشان يطلعون والعرسان زفيناهم للمجلس يصورون , طلعت من المجلس وأنا هلكانه وصلت عند البنات ورميت نفسي منهلكه ...
رانيه: وش رايك في شغلة أخت المعرس
رزان: روووووووووووووووووووووووووووعه طرت فوووق من الوناسه فرحه لاتوصف
دانا همست لها: بصراحه أنتي مع فيصل تحطييييييييييييم
هنادي: هييييييي أنتو حتى قدامنا تتساسرون ؟
دانا: هههههههه نحش فيك
رانيه ماخلت نفسها من التعليقات ع رزان والبنات يضحكون ع تعليقاتها ...
مرام: تقولين ماشافك الحين مايمديك تقولين ماشافك شافك وصور معاك
رزان: ههه وقسم مدري أنه بيدخل محد قال لي أنصدمت
رانيه: أي أي فعلاً
شهد: تلاقينهم مخططين ويسوون نفسهم مايدرون لايقول بعد فيصل مايدري أنه بيشوفك
الكل: ههههههههههههههههه
مها..أتصل لي أسامه وأنا معصبه ريان طلع لي القرون هذي اللبسه الثانيه اللي ألبسها وياه ويوسخها لبست عبايتي بوديه لأسامه جت لي عمتي وأنا ألف لفتي ..
مريم: لاتزعليني مها من الحين بتطلعين ؟
مها بصوت مبحوح من العصبيه وصراخها ع ريان: لالا بس ريان أذاني وقلت لأسامه يمره
مريم: يايما هدي أعصابك وطولي بالك على ريان لازم في هالعمر يتعبون إن شاء الله يكبر ويعقل
مها..قلت لعمتي إن شاء الله وأنا أحاول أعصب نفسي ع الإبتسامه معقول ياعمتي كل هالطيب والحنان آآآآآآآه عسانا مانفقدك الله يشافيك ...
هنادي: أرتاحي عمه ماجلستي من الصبح للحين
مريم"خلوني أتعب في ملكته يمكن ما أحضر زواجه"صحت من سرحانها وقالت لهنادي ببتسامه: إذا ماتعبت في ملكة فهد الغالي أتعب في ملكة مين؟!
هنادي: الله يخليك له ويبلغك في أولاده
الكل: آآمين
ريهام قالت لمها اللي توها داخله وتفسخ لفتها: ع وين ؟
مها: بروح فوق أحط عبايتي وأضبط شكلي بالمره , تآمريني بشيء؟
ريهام: سلامتك يالغلا
دانا..شفت مها طولت ركبت لها ومحد أنتبه لي كانو البنات يسولفون ويرقصون وضحك ومسخره ووناسه , دخلت جناحنا ماشفتها في غرفة عهد رحت غرفتي فتحت الباب لقيتها تبكي آآآه مدري كأني أبي أشوف حد يبكي أبكي معاه رحت ضميتها وبكينا وأحنا ضامين بعض ...
مها وهي تشهق في البكي: مدري يادانا من أشوف حنانها وكيف الكل يحبها ولانستغني عنها خايفه نفقدها
دانا وحالها مو أحسن من حال مها: آآآه ياعمتي أنا أشوفها وهي تضحك وتشتغل وتسلم ع الناس ماجلست ولا دقيقه وأخاف عليها تطيح علينا
مها وهي تمسح دموعها وتحاول تركد: مين قال لك أنتي؟
دانا: بالصدفه سمعتهم يتكلمون وتأكدت من الكلام من فيصل"شافت نظرات مها وقالت تطمنها: لاتخافين محد يدري من أولاد عمتي لافهد ولا رزان بس ريهام قال لها طلال , أنتي من قال لك ؟
مها: دريت من أسامه ورؤى بنت خالتي ماتدري محد قال لها تعرفين كيف هي وراشد متعلقين في عمتي
دانا: ومين اللي مو متعلق فيها أنا خايفه ع رزون
مها: إن شاء الله تطيب ياااااااااااارب
دانا: قبل شوي شفت ريهام وهي طالعه من جناحنا وعيونها حمرا ماقدرت أتحمل
هنادي دخلت عليهم وهم يبكون: يلا عاد دانا-مها لازم تقوون شوي , أنا ألاقيها من مين ولا مين شوي أنتو تبكون وشوي ريهام خلاص قوو قلبكم يلا حبايبي قومو أنزلو ترى البنات أفتقدوكم , خل نجلس مع عمتي نشبع منها وندعي لها مو نبكي عليها البكي مابيغير شي إن شاء الله تنجح العمليه وترجع لنا بالسلامه
هنادي..هديتهم بعدها ضبطو أشكالهم ونزلنا ياربي شقد حساسات الله يعينهم ويصبرهم يارب ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء السابع والعشرون
((هذا الجزء
-رجوع فيصل وفارس للسعوديه بالسلامه
-ملكة عهد وفهد اللي فرحت الكل وتمت ع خير
-رجوع بسام للشرقيه اللي فاجئ الكل وحالته النفسيه التعبانه
-راشد وأقتناعه بالمشروع اللي في جده
-مريم ومرضها وعمليتها الأسبوع الجاي تتوقعون شنو بيصير عليها ؟!
يعطيكم ألف العافيه
تابعونا
تحياتي))

مشكوووووورة على الجزء الحلوووو
ماننحرم من جديدك
تحياتي.... مجنونة وحلووووة....

العفووو غاليتي مجنونه

لا عدمنا تواصلك العطر يالغلآ

///

ذايب في هواهم
((الجزء الثامن والعشرون))
بسم الله الرحمن الرحيم
((المستجدات في هذا الجزء...
-رجوع سمانه وخالد من شهر العسل اللي قضو فيه أحلى أيامهم بالسلامه
-مضى أسبوع ع ملكة عهد وفهد ولازالو يتعرفون ع بعض وعايشن أحلى أيامهم
-بقى يومين عن عملية مريم وكل اللي يدرون عن حالتها في توتر وقلق
تابعونا))
المعذره دنياي صارت شحوحه ..
كيف أبتسم وأحباب قلبي بعيدين ..
كيف العمر يزهى بليا طموحه ..
وكيف العبير يعيش دون الرياحين ..
العفو ثم العفو ثم العفو ثم السموحه ..
قلبي المهموم في بعدهم حزين ..
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:33ص في فيلا عبد العزيز ...
عبد العزيز..صحيت متأخر ناظرت في الساعه وأنصدمت من الوقت أول مرة أظل نايم لهالحزه خديت جوالي شفت 12مسكول من ناصر غريبه مو ع عادتها أم فهد نغزني قلبي أستعذت من إبليس ورحت الغرفه اللي تصلي فيها لقيتها منسدحه ع السجاده والعرق يصب من جبينها وهي تون رحت أركض لها ...
عبد العزيز: سلامتك يالغاليه
مريم وصوتها يتقطع من التعب: الله يسلمك , لاتحاتي أنا بخير كلكم لاتحاتون أنا بخير
عبد العزيز جن جنونه لمن شاف حال زوجته راح غرفة فهد مالقاه أستعاذ من إبليس وذكر أنه في الدوام أتصل عليه: هلا يبا فهد...........وينك؟.....خلاص خلاص لا أشغلك عن دوامك.................لالا خلاص ............مع السلامه ,
عبد العزيز..المشوار من دوام فهد للبيت بعيد خفت عليه يسرع ولا شي أتصلت ع ناصر وأنا أناظر مريم وهي تون: هلا أبو فيصل...........لا هي تعبانه أبي أنقلها للمستشفى ماعندي حد يساعدني,, قفلت الجوال دقايق إلا ناصر وسلمان في البيت تعاونا ونقلنا مريم للمستشفى ...
سلمان: طمنا دكتور؟
الدكتور المصري: بصراحه حالتها حرجه أوي كان مفروض أنكو تنألوها للمستشفى تحت الملاحظه من أول ما أكتشفتو المرض ع كلٍ أحنا حننألها للعانيه المشدده والبائي ع ربنا
عبد العزيز تسند ع الجدار وطاحت دمعه حاره من عينه مسحها وقال يتذكر: رزان بروحها في البيت
ناصر حط يده ع كتفه: خلاص الحين أنا أتصل لفيصل ودانا يروحون عندها لاتحاتي
ناصر..تعمدت أتصل ع فيصل بذات لأنه يدري بمرض عمته أتصلت عليه تروع الله يعينه لكن وصيته لايسرع وقال أنه بيتصرف ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:13ص في فيلا ناصر ...
فيصل اللي توه داخل: السلام
فضيله بروعه قامت: وش صاير فيصل جاي هالوقت
فيصل: إن شاء الله خير يما بس عمتي تعبانه ونقلوها للمستشفى جاي آخد دانا عشان نروح بيت خالي رزان بروحها
فضيله بربكه: ودني عندها المستشفى
فيصل: يما جلسي الحين وإن شاء الله بعدين إذا رحت المستشفى آخدك معاي
فضيله: لا يما قلبي مايطاوعني أقعد
فيصل بقلة حيله: خلاص بس قبل بودي دانا لرزان
دانا جت بعبايتها: يلا فيصل
دانا..طول ما أحنا في السيارة ولا نفس محد يتكلم وصلنا عند بيت خالي فتحت الباب بنزل نادتني أمي درت لها وأنا ماسكه الباب ...
فضيله: يما أنتبهي لبنت خالك ولا تروعينها سمي عليها بالرحمن وطمنيها
دانا: إن شاء الله , بس توصلون أتصلو طمنوني
فضليه: إن شاء الله
دانا..دخلت عند المدخل ذكرت عمتي في كل زاويه كيف كانت تستقبلني أول ما أوصل بيتهم أو لمن أرجع مع رزون من المدرسه كانت أبتسامتها تملي البيت وترد الروح أحس البيت ظلآلآم بدون عمتي, دخلت الصاله شفت صورتها في ملكة فهد حاضنه رزان وعلى وجههم أحلى إبتسامه ياربي ترجعين ياعمتي وتنورين البيت كملت مشي كل الفيلا مبخره ومعطره من يومها عمتي نظيفه وماندخل بيتهم إلا وأحنا نشم ريحة عطرها , رقيت الدرج درجه درجه وأنا أناظر زوايا البيت وأتذكر عمتي وصلت جناح زران لقيتها نايمه ماحبيت أزعجها رحت الغرفه الثانيه توضيت ولبست جلال الصلاة وجلست أقرأ الدعاء ع نور الإضاءه الصفراء ودموعي تطيح وأدعي ربي وأتوسله يرجع لنا عمتي ...
رزان اللي توها صاحيه من النوم دخلت ع دانا وهي تقرأ الدعاء ودموعها ع خدها: تقبل الله
دانا: منا ومنك
رزان: إلا وش عندك من صبح ربي في بيتنا ؟
دانا: ليه ماتبيني , لو أول مره أجي بيتكم من صبح ربي؟
رزان: لابس غريبه ماصحيتيني أول مره أعرف أنك مؤدبه , قومي خل نفطر أكيد ماما مسويه لنا الفطور
دانا"ماعرفت شتقول لرزان" , رزان سحبتها من يدها ودانا قامت مو عارفه شتسوي أو شتقول ...
رزان لمن شافت البيت فاضي: دانا متأكده مافي شي ,قلبي حاس أن في شي كلكم مخبينه عني وين أمي ؟
دانا"حست نفسها بتنفجر"قالت بصوت مبحوح: عمتي تعبانه
رزان طاحت دمعتها: طيب أنا سألت وين أمي"لاحظت سكوت دانا قالت ودموعها تطيح: في المستشفى صح ؟
دانا هزت راسها بأيوه ...
رزان تبكي مثل طفله وهي تسأل: طيب وش فيها؟ قلبي يقول أنها تعبانه كثير وتبيني
دانا ضمتها: إن شاء الله مافيها إلا العافيه حبيبتي
رزان: أبي أروح لها أسلم عليها وأبوس راسها ماتعودت أجلس الصبح ولا أشوفها وأسلم عليها وأبوس راسها , ودوني عندها
دانا: إن شاء الله كلنا بنروح عندها بس مو الحين وقت الزياره إن شاء الله
رزان: طيب جوالها عندها ع الأقل أسمع صوتها أتطمن عليها
دانا"آآآآآه أي جوال يارزان أي جوال عمتي مافيها حيل تتكلم: لاجوالها مو عندها
رزان خدت جوالها وأتصلت لأبوها: هلا بابا.............أي معي دانا..........بس أبي أكلم أمي............نايمه؟........خلاص إذا صحت خلها تكلمني........لا بابا سلامتك باي,"ألفتت لدانا بنظرات تايهه: نامت بدون لاتكلمني وتسمع صوتي"فجئه أنهارت ورمرت الجوال ع الأرض وتناثرت قطعه ع كبر الصاله وصرخت: أبــــــــــــــــــــــــــــــــــــــــــــــــ ــــــــــــــي أمي
دخل فيصل ومسك رزان وجلسها: أهدي رزان
رزان وهي تبكي بهستيريا مثل طفله: أبي أمي تكفى فيصل أنت تحبني وديني عند أمي
فيصل أشر لدانا تجيب لها مويه , عطاها فيصل الكاس ...
رزان رمت الكاس بكل ماعندها: ماتفهموووووووووووووون أنا أبي أمي مابي مويه مابي ولا شي
دانا..أخدتها لغرفتها وقرأت عليها وسميت عليها بالرحمن لين ماهدت رزان ونامت , طق فيصل الباب ...
فيصل وهو يجلس ع الكرسي الهزاز: كيفها الحين ؟
دانا وهي تمسح ع شعر رزان: الحمد لله أحسن , كيف عمتي؟
فيصل بتعب: عمتي في تعبانه يادانا مانعينا حتى نشوفها
دانا: الله يقومها بالسلامه
فيصل: يااااااااااااارب ,أنا نذرت بس تطلع من العنايه إن شاء الله
دانا: إن شاء الله
فيصل: قلتي لرزان عن حالتها؟
دانا: لأ , ماتدري أصلاً عن شي اللي قلته لها أنها في المستشفى وتعبت
فيصل..آآآه بس درت أنها في المستشفى تعبت هالكثر كيف لو تدري بمرضها ...
دانا: أسوي لك شي تاكله ؟
فيصل: تسلمين , وصتني أمي أجيب فطور من البيت أكو موجود تحت إذا تحبين تاكلين وإذا صحت رزان خلها تآكل
دانا: لا مالي نفس الحين خليه لين صحت رزان
فيصل: ياقلبي رزون مو بس من اليوم وهي تعبانه من الأمس وهي حاسه طول الوقت متضايقه
دانا: لعلمك قبل أمس تأخر خالي ونامت مع عمتي
فيصل: أدري قالت لي, هي متعلقه في عمتي كثير بالذات عقب ماتزوجت ريهام وسافر فهد بقت بروحها معاها في البيت
دانا: مو بس رزان يافيصل كلنا متعلقين في عمتي
فيصل: الله يشافيها
دانا أنسدحت ع السرير جنب رزان: إذا تعبان روح نام
فيصل أنسدح ع الكنبه: لالا بنام هنا عشان إذ أحتجتو شي
دانا قامت تطلع له لحاف ورجعت أنسدحت جنب رزان"بعد نص ساعه تقريباً قالت لفيصل: نمت ؟
فيصل: لاوالله مو جايني نوم
دانا: ولا أنا قوم نستعد للصلاه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:30م في المستشفى , كل العائله تجمعو في المستشفى ويحاتون في الإنتظار ...
دخلت رزان وشافتهم ساكتين وراشد منزل راسه تحت ركبه وفهد وأسامه وطلال ورائد وسلمان واقفين وناصر وعبد العزيز يروحون ويجون والحريم جالسين ع الكراسي راحت طوالي عند فهد ...
رزان بترجي: فهد أبي أشوف أمي
فهد: إن شاء الله , بس الحين عندها ريهام ومها مايصير تدخلين لازم ثنتين ثنتين
رزان راحت تسلم ع أبوها: بابا ماما بخير؟
عبد العزيز"شقول لك يابنتي الطبيب قال لي مابتعيش أكثر من ساعتين"قال يهدي رزان: أدعي لها يايبا
رزان: طيب بابا بس يطلعون مها وريهام أبي أشوفها
عبد العزيز: إن شاء الله بس لاتبكين ولا تسوين فوضه
رزان: إن شاء الله
طلعو مها وريهام من عند مريم وهم يبكون , قامو رزان ودانا عشان يدخلون عندها ...
ناصر اللي معترض أنهم يدخلون: خلوها لين تطيب تشوفونها
رزان بترجي ودموعها متجمعه في عيونها: خالي تكفى أبي أشوف أمي
عبد العزيز: خلاص أبو فيصل خليهم يدخلون يشوفونها إذا هذي رغبتهم
رزان..رحت لعند الغرفه اللي فيها أمي وكنت ماسكه يد دانا بس وصلنا عند أمي تركت يد دانا شفتها والأجهزه عليها تقربت منها حطيت راسي ع صدرها وبست يدها ...
رزان ودموعها تطيح ع يد أمها: ماما أنا رزان كلميني "خدت يد أمها حطتها ع راسها: ماما أمسحي ع راسي , ماما قومي سولفي معي اليوم الصبح ماسولفت معك ولا بست راسك , ماما أنصحيني علميني هزئيني إذا غلطت ضميني إذا فرحت , شاركيني فرحي وحزني
مريم بصعوبه وهي تلف وجهها: ر.........ز........ا...ن
دانا تقربت وهي تبكي متأثره من كلام رزان وحال عمتها: خلاص رزان خل نطلع
رزان ظلت جالسه لين ماجا ناصر ناداهم , طلعو وهم يبكون راحت رزان في حضن فضيله ...
رزان وهي تبكي: عمتي أمي كلمتي لكنها تعبانه ماتعرف تنطق أسمي
فضيله ضمتها: أدعو لها يابناتي أدعو لها
فجئه مرو من عندهم مجموعة أطباء وممرضات كلهم راحو لغرفة مريم الكل وقفو ينظرون حد يطلع يطمنهم ...
طلع الطبيب السعودي المسؤول عن حالة مريم ووجهه مايبشر بخير ...
فيصل بربكه: ها دكتور ؟
الدكتور السعودي وهو ينزل كمامته: أحنا عملنا اللي علينا لكن .. إنا لله وإنا إليه راجعون البقى في راسك
فيصل تسند ع الجدار من هول الصدمه والسكون عم المكان في هاللحظات سمعو صوت طراااااااااااااااااااااااااااااااااااااااااااااااا اااااااااااااخ , كلهم ألتفتو للصوت لقو رزان ممدده ع الأرض راشد اللي هو أقرب واحد لها شالها من ع الأرض , حطوها في السرير طوالي ونقلوها لغرفه خاصه يحطون عليها مغدي , بعد كذا توزعو الرجال عبد العزيز وناصر راحو يكملون إجراءات الوفاه والدفن , ودانا وفيصل ضلو عند رزان ينتظرون المغدي يخلص , والباقي راحو يوصلون الحريم فيلا ناصر ...
فضيله دخلت غرفة مريم وهم يشيلون الأجهزه من عليها وهي تبكي .. مريم مرت أخوها وأخت زوجها .. مريم اللي تعدها أكثر من أخت .. راحت ...
فهد ناداها وركبو السيارة لأنهم الوحيدين اللي بقو في المستشفى , كانت عهد جنب فهد وفضيله وريهام وراء يبكون وفضيله تحاول تهدأ وتهديهم عشان فهد يركز في السياقه ...
فهد..كنت ما أشوف الطريق ما أشوف إلا ظلااااااام خلاص أمي راحت , كنت أسوق بجنون وكأني بايع عمري أخطر السيارات حتى في المنطقه السكنيه قمت أخطر البزارين لين ماوصلنا برحمه من رب العالمين اللي سلمنا ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
مرت أيام العزاء ثقيله ع الكل // الساعه 8:44م في فيلا ناصر كان في عشاء بعد ما أنتهت أيام العزاء للأهل والجيران ...
رانيه..ما أتحمل أشوف حد يبكي قدامي بكيت من قلبي أنسانه غاليه فقدتها أم فهد مو بس أم صديقتي عادتها أمي , ورزان كل يوم في العزاء تنزل تجلس شوي يسلمون عليها الناس وتركب تعبانه ماعادت رزان اللي نعرفها , ولا دانا كلهم متأثرين ...
أم مشاري..أم فهد أخت دنيا فقدتها كلٍ بكى عليها كبير وصغير حتى الخدامات يجلسون معانا في العزاء ويبكون , وأم فيصل ماشاء الله عليها أستغربت منها لمن دخلت تساعد الغاسله ع تغسيل المرحومه سبحان الله هذا من قوة الإيمان ...
في نفس المكان في جناح البنات بالتحديد في غرفة دانا ...
دانا: قومي رزون حبيبتي تعشي
رزان: مابي عشاء
فيصل طق الباب ولمن أذنو له دخل: السلام
دانا-رزان: وعليكم السلام
طلعت دانا وفيصل جلس قبال رزان كلمها لمن سمع صوت الباب يتسكر: رزان
رزان: هلا
فيصل: حبيبتي ناظريني لاتسوين في نفسك كذا
رزان وهي تشهق في البكي بقووه: أمي ماتت يافيصل أمي ماتت
فيصل..ماتحملت دموعها رحت لعندها وضميتها بكل ماعندي لصدري وأنا أحس لدموعها تبلل ثوبي وشهقاتها تتردد في أركان الغرفه ...
رزان..حاوطت جسم فيصل بيديني وكأني أهرب من هموم الدنيا في حضنه ضغطت ع يديني وحسيت أني بدخل داخل بطنه من كثر ما أنا ضاغطه ع يديني , حاسه أنه أماني يخبيني عن هموم الدنيا مابي أرفع راسي وأشوف هموم الدنيا خلك ضامني يافيصل لاتبتعد عني لاتتركني لاتروح عني ماما راحت عني وخالتي نورة راحت عني ...
فضيله..دخلت جناح البنات طيقت باب غرفة دانا محد رد علي خفت ع رزان دخلت لقيتها نايمه ع رجل فيصل وهو متسند ع السرير يناطرها بحنان ورقبته تتمايل من النعس ...
فضيله بهمس لاتروع فيصل: فيصــل
فيصل فتح عيونه اللي تسكرت من التعب: سمي يما
فضيله: روح حبيبي أرتاح أنت مانمت أنا بجلس عند رزان
فيصل: لا يما أنتي باشري ضيوفك وإذا طلعو أجلسي عندها
فضيله: محد غريب اللي بقو كلهم من الأهل , قوم أرتاح يايما
فيصل عدل نفسه بيقوم , سمع رزان تناديه بهمس: فيصل لاتروح عني فيصل أنا أبيك
فيصل: خلاص يما إذا جو خواتي بينامون أنا بروح غرفتي أنتي أرتاحي
فضيله: ماتقصر يايما دير بالك ع رزان
فيصل: إن شاء الله
فضيله نزلت ...
رانيه: كيفها رزان الحين ؟
فضيله: بخير
دانا: ليه ماجلستي معاها أقوم أنا ؟
فضيله: لا حبيبتي الحين معاها فيصل بعدين إذا بغيتو تنامون نامي عندها
دانا: إن شاء الله
رانيه: يلا أستأذن وصل أخوي سلمو لي ع رزان
وصلوها البنات للباب وبعدها ركبو جناحهم ينامون مع رزان ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

&الفصل الثآني&

مرت الشهرين الباقيه من الإجازه بعد موت المرحومه سريعه ع الكل , آخر أسبوع من الإجازه يوم الخميس الله جمع بين قلبين((حنين وسيف)) ...
رانيه..كنت مبسوطه لزواج أخوي وكالعاده خاربه الدنيا خخخ , لكن أفتقد صاحباتي رزان-دانا-عهد وحتى أهلهم تعودت أنهم يشاركون أفراحنا لكنهم ماشاء الله عليهم ماقصرو أتصلو لي وأنا في الصالون باركو لي وعطوني خبر أنهم ماراح يقدرون يجون عشان نفسية رزان , مرة أخوي حنين أحلى من القمر وسيف مبسوط فرحتهم مع بعض تسوى الدنيا ومافيها زفيناهم وكلٍ يدعي لهم بالتوفيق والذريه الصالحه ...
أنهار..ياحبي لها حنون راحت عني صحيح بكيت عشانها بتروح عني بس بعد كنت مبسوووطه لها , جاتني رنوش وأنا بعبايتي أنتظر موسى الأخ حالف هو اللي يوصلني الليله خخخ ...
رانيه: هاا أنهار أشوفك ماطلعتي ؟
أنهار: ههه أنتظر موسى حالف حلف أنه بيوصلني
رانيه: ههههههه الله يوفقك هذاك الأسبوع هالوقت ملكتك
أنهار: وهـ لاتذكريني بذاك اليوم فيلم رعب كأنه حلمه
رانيه: يلا راح وأنقضى ع الخير
أنهار وهي تقوم: يلا حبيبتي أستأذن وصل موسى , يلا حووور قومي
رانيه: أفاااااا يعني معاكم حور ؟
أنهار: أجل هالحزه أركب معاه بروحي وأنا متمكيجه ومع فستاني بايعه عمري , يلايلا حور
رانيه: هههههههه باي
أنهار وهي تركب جنب موسى: السلام
موسى: وعليكم السلام
حور..بعد كم شهر بتروح عني بعد أنهار وببقى بروحي في البيت مع وليدوووه ووفوي الله يساعدني عليهم , بس بعد مبسوطه لأن خواتي مبسوطات ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:44ص في سيارة وافي ...
وافي..والله حاله زاعط نفسي وموصل العرسان في النهايه توقف علينا السياره في نصف الطريق ...
عبد اللطيف خال حنين: السلام
سيف-وافي-حنين: وعليكم السلام
عبد اللطيف: هههههههههههههههههه صار لكم طاش ماطاش , يلايلا خلي العرسان يركبون معاي وأنت وفوي دبر لك حد يجي لك
حنين..نزلت بفستاني اللي أكبر مني وأنا مفوووحه الفستان ثقيل والمصوره أخترتنا وبعد السياره توقف في نصف الطريق غير التوتر والقلق , ولا خالي قدام جالس يسخر ...
عبد اللطيف: والله زين لكم لو تنزلون تدفون السياره
الكل: هههههههههههههه
سيف: لو نكمل مشي بعد
الكل: ههههههههههههههههه
حنين..ماشاء الله داقتهم خفة الدم , وصلنا شقتنا فتح لي سيف الباب وساعدني ع فستاني حسيت نفسي أميره وهو رافع لي الفستان ع الدرج دخلت الشقه وريحة العطر تملأ المكان والشقه راااائعه بكامل التجهيزات والعشاء ع الطاوله جوعااااااااااااااانه زين ما أنقضيت عليه خخخ , دخلت غرفة النوم أبدل ملابسي وخديت لي دش عن الميك آب والتسريحه اللي فوق راسي طلعت وطوالي سشورت شعري خوب أنا أستخدم السشوار عن مشط , توني حاطه السشوار ع التسريحه وضبطت الكحله والجلوس جاني سيف من وراي ...
حنين وهي منزله راسها: تعشيت ؟
سيف ماقدر ع حركتها: هههههههههههههههههههههههه , جوعانه حبيبتي؟
حنين: أمممـ
سيف لف يده عند خصرها وهو يوديها عند الطاوله وجلس جنبها وقام يفتح الأطباق: تفضلي حبيبتي"غمز لها: وبعد العشاء يصير خير ...
"اللهم بارك لها وأجمع بينهما بخير" -->>هذا دعاء للعرسان *..*
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعد سته شهور من موت المرحومه //الساعه 11:13م في فيلا عبد العزيز ...
فهد..مرت سته شهور ع موت المرحومه ورزان لازالت متأثره لكن أخف من قبل , أنقضى الفصل الدراسي الأول لها في الجامعه والحمد لله نتايجها اللي طلعو يبشرون بخير ونفسيتها أحسن وعلاقتها مع دانا مثل قبل وأكثر لأنهم يدرسون في جامعه وحدة , واليوم هي وأبوي رايحين العمره مع رؤى ورائد وأنا بوصلهم المطار ...
عبد العزيز: يلا فهد
فيصل اللي توه واصل مع فضيله والبنات يسلمون ع رزان , باس راس رزان وسلم عليها: خالي لا أوصيك ع رزان
عبد العزيز: في عيوني رزان
دانا وهي تضم رزان: بتوحشييييييني لاتنسيني حبيبتي من الدعاء
رزان: إن شاء الله , وأنتي بعد إذا طلعتي باقي نتايجنا طمنيني
دانا: لاتشيلين هم
وصلو رائد ورؤى ومعاهم ريوف , سلمو ع فضيله والبنات وركبو سيارة فهد متوجهين للمطار ...
في السيارة رن جوال رزان: هلا والله.........ياحي أهل جده............ههه خلاص بعد تدرسين في جده صرتي من أهلها............أنا رايحه العمره........هههههه وقسم ماكنت أدري توها الأمس رؤى متصله علي عاطيني خبر أنها تبيني أروح معاها العمره..................لالا دانوه مو معي بس أنا وبابا ورؤى ورائد ومعانا ريوووفي الصغونه............خلاص يوصل.......أدعي لك يالغلا لاتشيلين هم............مع السلامه........توصيني بشيء من مكه والمدينه؟............تسلمين عمري باي,"قالت لرؤى الجالسه جنبها: تسلم عليكِ رنوش
رؤى: ياحليلها وحشتنا الله يسلمك وياها من الشر , نزلت من جده ولا لسه ؟
رزان: نزلت عشان الحين الإجازه
رؤى..نزلو الرجال يكملون الإجراءات أنا ورزان جلسنا في السياره لحد مايخلصون , بعدها نادى فهد علينا وركبنا الطائره طول المشوار أنا سوالف مع رزون لين ما أحرمنا ووصلنا مكه بالسلامه وأدينا العمره ورحنا ع السكن وطوااالي دخلت شقتنا أنسدحت ع السرير بدون حتى لا أنتظر رائد ونمت مع ريوف ...
في نفس المكان في شقة رزان وعبد العزيز بالتحديد في غرفة رزان ...
رزان وهي تنقلب ع السرير وتعدل سماعاتها: منا ومنك حبيبي
فيصل: إن شاء الله المره الجايه أكون معك
رزان: إن شاء الله , بس عن جد كأنك معاي في كل مكان ذكرتك
فيصل: تسلمين , وكيف حسيتي العمره متعبه ولا ؟
رزان: لالا جداً مريحه أنا صرت مع رؤى وبابا مع رائد ولمن خلصنا ألتقينا في السكن
فيصل: حلووو , وينه خالي؟
رزان: مع رائد في الكفتيريا يشترون لنا فطور مانبي نفطر نبي ننام
فيصل: ههههههههههههه الحين بيجي خالي وبيأكلك غصب عنك
رزان: شسوي رشاقتي بتروح والسبه أنتو
فيصل: في ذمتك زدتي نص كيلو ؟
رزان: هههههه لانقصت 6كيلو
فيصل: إذا تنقصين غيرهم أوريك شغلك
رزان: هههههههه "سمعت صوت الباب ينفتح: وصل بابا
فيصل: يلا حبيبتي روحي أفطري ولا تنسين قبل تنامين ترسلي لي مسج تطمنيني
رزان: أوك بعد روحي باي
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:30م في فيلا ناصر ...
دانا: أففف طفش ملل زهق
عهد: خلاص دانوه زهقتينا وش هالزهق النازل عليك
ملاك: يعني وش هالزهق , رزان مو معاها
فضيله وهي تضحك ع دانا اللي تفتر في البيت لاشغله ولا مشغله: شوفي لك شغله بدال ما أنتي جالسه تتحرطمين
دانا: وش هالإجازه ياربي أول مره أحس أن في إجازه تطفش كذا
عهد: هذي غلطانين ماسفرتوها مع رزان , الليله بنطلع مع فهد
دانا: وأنا أجلس أزرع بقل من هنا لين الليله ؟
فضيله: أشبكي ع النت وبيضع وقتك
دانا وهي تفتح لابتوبها: أووووووووووه أهل بريطانيا شابكين
ملاك: خلاص بيروح زهقها
دانا شغلت المايك وراحت عنهم المجلس عشان تسمع عدل , بعد ساعه رجعت لهم مبسوطه ...
عهد: لالا خدت لها طاقه الأخت دانا , أخبارها مرام ؟
دانا: بخير كالعاده لازم تقلبها مناحنه إذا كلمتنا
فضيله: الله يعينها في الغربه , أخبار أمها؟
دانا: أمها مثل حالك أول ماسافر عنا فيصل
فضيله: والله صعبه الغربه
دانا: تقول حتى أخوانها الصغار حالهم حال أمها
عهد: كلهم صغار أخوانها صح ؟
دانا: أيوة هي أكبر وحده واللي بعدها ع طول في عمر ملكوو , حشينا في رانيوه وحشتني
ملاك: ورنوش نزلت من جده لو لأ؟
دانا: نزلت يوم الأربعاء , والله حاله ماتمنيت نفترق بس كل وحدة صارت بروحها في جامعه بس أنا ورزون مع بعض
عهد: وأنتي ورزون بعد ماعندكم سالفه داخلين تخصصات مختلفين
ملاك: بعرف بس شالفرق بين الطب والعلوم الطبيه
دانا: يعني أنا إن شاء الله في المستقبل باصير طيبيه ورزون بتصير أخصائيه
عهد: آآآخـ بس مالي خلق أسوي شي ع أعصابي أبي أعرف كم نسبتي
دانا: قاسيناها ياعهود يلا إن شاء الله بداية الفصل الدراسي الثاني تعرفينها , وشدي حيلك أنتي ثالث
عهد: أفا عليك بس إن شاء الله برفع راسكم أحم أحم
فضيله: الله يحقق أمنياتكم يايما
الكل: آآميــن
عهد..دخل فيصل ياقلبي أخوي يكسر الخاطر من سافرت رزان حاشته أنفلونزا خخخ جلسنا نتطنز عليه بعدها وصل فهد وصنف معانا فيصل وراح معانا هو صار يمشي مع خواتي وأنا مع فهد ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:32م في فيلا أبو تركي ...
نور اللي توها تشوف رانيه: عمتي راااااااااااانيه
رانيه وهي تفتح يدينها وتضمها: حبيبة عمتها , كيفك حبيبتي؟
نور: بخير , وش جبتي لي من جده ؟
رانيه: هههههههههههههه حبيبتي والله جايبه لك حلاوة وملابس لكن خليتهم في البيت
نور: خلاص ماما بنام عند بيت جدي أوكي؟
نرجس: ههههههه أسألي أبوك أنا وش دخلني
حنين اللي توها واصله: السلام عليكم
الكل: وعليكم السلام
عبير حطت لها خداديها ووسعت لها: تفضلي
حنين: تسلمين
نرجس: ياحي مرت حميي , أخبارك مع الحمل؟
حنين: والله بخير
نرجس: بشوف طلعت لك دبه
حنين: ههه لابدري
نرجس خصرت عباية حنين: لالا بدت تطلع لك كرشه شوي
رانيه: حركات يعني بقى كم وأصير عمه"وهي تحسب ع يدينها: 7شهور
عبير: ههههه اللي يشوفك أول مره تصيرين عمه , ولا من الحين تحسب تو الناس بعدها مرت أخوك في الشهر الثاني
مشاعل: أخباره سيوف معاك ؟
حنين: مسكين متعبته معاي حتى الدوام هو اللي يوصلني
جهان: الله يعينكم أنتي ولمى ماحملتو إلا يوم جيتو تطبقون
لمى: والله أشكالنا فللللته إذا ألتقينا في الكفتيريا كل وحده تشكي حالها للثانيه
نرجس: الله يعينكم تولدون بالسلامه يارب
الكل: آآميــن
رانيه وهي تتشمشم: آآآآحـ أشم ريحة مؤامره
عبير: هههههههههههههههههههههههههه كاشفتهم يارنوش
رانيه: بجد وين أمي وخالتي أم فارس وجدتي وجهان وأفراح ؟
عبير: في المجلس قومي قومي خل نتآمر معاهم
رانيه: لا شنو يخصني"حكت راسها: كأني صرت أستحي من فروس
الكل: هههههههههههههههههههههههههه
عبير: قومي ترى أنتي الخسرانه , ترى أنتي لازم يدخلونك شريكه في المؤامره
رانيه وهي تعدل لفتها: ع قولتك يلا"وهم رايحين لمجلس بيت أم فارس قالت رانيه: عن جد عبور وش صاير؟
عبير: بالعربي دانا الـ***** بتصير مرت ولد أختي
رانيه بدهشه: دانوووه صديقتي ماغيرها؟!!
عبير: هههههه أيه دانوه , أبشرك بعد هو اللي أختارها
رانيه: والله طلع مو هين فروس
عبير: قديمه السالفه من زمااااان قال يبيها وكلم أخوها قبل موت المرحومه
رانيه: وربي فرحت لها دانينو خوش بنت
عبير وهي تفتح الباب: تآآآآآآآه
فارس: الله يرد عليك عقلك "أنتبه لرانيه قام يتكلم جداوي: أيوووه يابويه , كيفك رنوش
رانيه: ههههه بخير , كيفك أنت ؟
فارس: بخير الله يسلمك , هااا وش رايك في بنات جده ؟
رانيه: ما أنصحك بنات الـ***** أحلى
فارس بدهشه: بـــــــــــل حتى أنتي وصلك الخبر!!
رانيه: ههههههههههههه مايخفى علي شي وأنا رنوش , تقدمتو ولا لسه ؟
أم تركي: اليوم جدك كلم أبوها , وأخوها يدري من زمان من فارس
أم فارس: ها رانيه وش رايك في دانا
رانيه: ماعليها خوش بنت لو تلفون الدنيا مابتلاقون زيها
جهان: شفتها ليلة ملكة أختها ماشاء الله عليها اللي لابسه برتقالي وزيتي؟
رانيه: لالالا هذي رزون , دانا اللي لابسه مثلها لكن أصفر في وردي
جهان: أيووه ذكرتها ماشاء الله عليها تجنن
أفراح: بس كأن حجمها صغير , توقعتها في متوسط
رانيه: ههههه هي كذا
عبير: خلاص أنتو أسترو ع البنت فروس جالس وأنتو ماظلت عظمه فيها إلا وصفتوها
الكل: ههههههههههه
أم مشاري: الله يكتبها من نصيبه
الكل: آآميــن
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:23م في الكورنيش ...
أمل: مابقى إلا أسبوع وتجيبين شهادتك
ضاري: عساك بس تبيضين وجهنا بالنسبه
شهد: أفاا عليك خالي إن شاء الله , يلا عن أذنكم بروح ألعب إياد
ضاري: أذنك معك لاتبعدون كثير , شوي ولاحقك
شهد..أعشق هالمخلوق إياد ولد خالي مو بس ولد خالي حتى أحياناً يناديني ماما أحياناً مايبي أمه ويبيني أنا , ما أحب أنام في بيتنا عشانه مابينام معي مايجيني نوم وهو بعيد عني , كان ضامني بكل ماعنده ياقلبي خايف من الزحمه حطيته ع المرجحانه وصرت أمرجحه وأسمع ضحكاته اللي ترد روحي بعد مالعب وأستانس أقنعته يقوم عشان الأطفال ينتظرون هههههههه يجنن وهو ماد البوز مايبي يقوم , جلست عند الصخور في مكان صاد وحطيت السماعات أسمع في جوالي وأنا أشوف إياد يلعب ...
وينك حبيي طالت الغيبة علي ..
عن عيني طيفك محجوب
ويا الغايب و انت المحبوب
وينك حبيبي طالت الغيبة علي ..
كل محب لحني تغنى به**يعزفه بعمره
من يلاقي اغلى احبابه** ينشرح صدره
ينسى جرح الفرقه وصوابه**ينجبر كسره
بس حبيبي طول غيابه**قلبي مل صبره
وينك حبيبي طالت الغيبة علي ..
كم يصيح بزعمه ينصحني** لكن يغشني
يقلي خذها واستمع مني** لا تصد عني
حبك بخيبة امل ظني** بعمرك بيفني
لو درى الي الغايب شيعني** والله يعذرني
ما يدري حبك سيدي شيعني الي ..
الله العليم بالقلوب** ويالغايب وانت المحبوب
غالب ولاني مغلوب **يالغايب وانت المحبوب
شهد..أندمجت مع كلمات الأنشوده رفعت راسي ماشفت إياد قدامي جن جنوني قمت مثل المهبوله شفته يركض عند الممشى وولد يمشي بالدباب قريب يصدمه رحت أركض في نفس الوقت اللي مسكت فيه إياد من يده مسكه واحد من اليد الثانيه رفعت راسي ناظرته طاحت عيوني بعيونه آآآآآآآآآه يابسام ليه كل مابي أنساك يصير شي يذكرني فيه خديت أياد ضميته لصدري والدموع متجمعه في عيني رحت أركض سمعته يناديني "شهد شهد"خلاص كافي يابسام, رحت أركض وعطيت خالي ضاري وأمل خبر أني بركب السيارة ودخلت السيارة وأنا أبكي , ليه يابسام تعذبني كافي أبي أنساك أبيك تكون ماضي في حياتي أنا مو شهد اللي حبتك أنا الحين وحده ثانيه أنا رجعت لربي طاعة ربي هي الشي الوحيد اللي يهمني رضا الله ثم رضا خالي وأبوي هو اللي يهمني مايهمني كلام الناس ولا شي ثاني , دراستي صرت أحبها قد ماكنت أكرهها درست وتعبت وبدلت كل طاقتي عشان أجيب أعلى الدرجات وأثبت للناس جدارتي وأرفع راس أهلي ...
في نفس المكان بسام..آآآآآآآآآه شفتها وصدتني شفتها ولا ناظرت في عيني ولا كلمتني هي معقول ياشهد هالكثر تكرهيني!! ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:44ص في مكه // في شقة عبد العزيز بالتحديد في غرفة رزان ...
رزان..صحيت من النوم وخديت لي دش ضبطت شكلي وحطيت لي قلووس وكريم ع وجهي مكه جوها جاف كثير حتى بشرتي تأثرت , رنت علي رنوش ههه تونا قبل شوي نحش فيها أنا وفيصل رديت عليها ومت ضحك لمن وصلني صوتها ...
دانا أسنانها يطقطقون في بعض وأشفتها تتراجف: ظظظظظظظظظظظ
رزان: ههههه خلاص فاتحوك في الموضوع ؟
دانا: لاوالله وأنتي حضرتك تدرين من متى ؟
رزان: قال لي فيصل من زمااااااان من أول ماملكنا
دانا: النحيسه
رزان وهي تضحك: لحظه لحظه دانوه لاتقولين لي أنك تبكين؟
دانا أنفجرت في البكي ...
عهد خدت الجوال من عند دانا: ههه هلا رزون ترى دانوه من قالو لها ع الموضوع جتها حاله هستيريه ياتضحك ياتبكي
رزان: ههههههههههههه آآآآآآه ياويلي
دانا وهي تضرب عهد: لاتضحكون علي يانحايس , ولا بعد الثانيه تدري من زمان ولا قالت لي
رزان: ههههههههههههههههههههههههههههههههه هذا اللي مزعلك ؟ أول وآخر هذا أنتي دريتي , بس وش رايك فيني أعرف أخبي
دانا وهي تبكي وتنف دموعها: مالت عليك أنا أقول مرت أخوي ماقالت لي تراعي مشاعري أثاريها تختبر قوة تحملها
عهد: لالا بصراحه يارزون أنجاااااااااااااااز تخبين ع دانا موضوع كذا !!
رزان: أفاا عليك بس أعجبك
عهد: إلا رزون شمصحيك هالحزه ؟
رزان: الحين في مكه ماكأنه الفجر يروحون ويجون ولا محل مسكر , بنطلع أنا ورؤى بنصلي صلاة الليل
عهد: تقبل الله مقدماً , لاتنسونا من الدعاء
رزان: إن شاء الله علينا الدعاء وعلى الله الإجابه , وأنتو من أهل الدعاء
عهد: موفقين يارب , المجنونه دانوه راحت تكمل بكي
رزان: ههههههههههه خليها تطلع اللي في قلبها عطيني وياها قبل أطلع بقول لها شي
دانا: هلا رزون
رزان: هلا عمري , دانينو حبيبتي بس أرجع بيننا ألو فكري عدل عشان بقول لك شي الحين رؤى تنتظرني طيب ؟
دانا: طيب ...
في غرفة دانا// فيصل دخل وهو شاق حلقه: هلا دانووه
دانا بدون نفس: أهلين
فيصل: هههههههه عشان تقدمو لك أربعه في نفس الوقت صرت مو من مقامك ؟
دانا: لا شدعوه
فيصل: قومي قومي الحديقه بسولف معاك
دانا: مالي خلق
فيصل: أفااااااا , ترديني؟
دانا: ماعاش اللي يردك
فيصل: نطور المكان ولا يهمك ألبسي عبايتك وأنا أطلع معك"مسكها من يدها: قوووووومي
دانا..ياحليله فصول طول عمره حنون قمت لبست عبايتي ونزلت تحت لقيته في الصاله ينتظرني ...
فيصل: تروحين معانا ملوك ؟
ملاك: لالا شنو يطلعني صاحبتي تبيني ع النت
فيصل: مشكل عاد , وعهود طبعاً طاسه مع فهود ؟
فضيله: هههههههههههههه أيوه الله يوفقهم
فيصل: يلايلا دانا خواتك مامنهم رجا
دانا..ضحكت ع حركات فصول , عاد الحين فرصتي قلت له باخد فره ع القبو بسيارته وهـ من زمان ماسقت خديت فره ع القبو وآخر شي فحطت عليه ووقفت ...
فيصل: ههههه صدق بنت سعوديه , الله ستر ع سيارتي
دانا: أتحداك ما أعرف أسوق أحسن منك ؟
فيصل: ماحب أحرج حد أركبي السياره أحسن لك
دانا..ههه تعودت ع هبال فصول ركبت السياره وأنا ساكته كان فصول يحط الأنشوده اللي تحبها رزان ويتنهد إذا أنتهت ويرجع يحطها, لالا الأخ منتهي عايش الجو صح ...
أنت لجروحي دواء ومن كل جرح داواني ..
شلون أنساك شلون أنساك ؟!
أنت بلسم وأنت دم يتراوح بشرياني ..
شلون أنساك شلون أنساك ؟!
قلبي ساكن مكانك وأسمك سكن بلساني ..
روحي وياك ..
شلون عن عن عيني تغيب وأنت لجروحي طيب؟!
شلون أنساك؟! شلون أنساك؟!
فيصل: وش رايك في هالأنشوده ؟
دانا ببتسامه: تجنن ورزون تحبها
فيصل تنهد: ياقلبي خطيبتي طول عمرها ذووق
دانا: إن شاء الله كلها أسبوع وترجع لك بالسلامه
فيصل: الله يسمع منك"قال وهو ينزل من السياره: شنو النوع اللي تحبيه ؟
دانا: عارف ذوقي مثل رزون توفي بقطع المكسرات والبسكوت
فيصل: ههههههه خلاص بجيب لك أثنين تاكلن عنك وعن رزون
دانا أتصلت ع رزان: هلا وغــــلا
رزان: هلا واللــــــه
دانا: وينك أنتي؟
رزان: في الحرم , وأنتي؟
دانا بدلع: طالعه مع فيصل
رزان: هههههه ياقلبي نيالك
دانا: تسلمين , شافني ملانه وقال لي ألبسي عبايتك
رزان: بعد قلبي فصولي حنون , وينه هو الحين ؟
دانا: نزل يآخد لنا آيسكريم , تصدقين شكلي باقول له خل نرجع عنده دوام
رزان: فيصل بايع النوم لو تقولين له يزعل
دانا: عارفه , طول ما أحنا في السياره نسمع(أنت لجروحي)وفصول يردد وراها وعايش الجو صح واضح أنه مشتاق
رزان: ياقلبي هو أنا بعد مشتاقه له
دانا: لايفوتك طلب لي آيسكريمين يقول لي ياكل عني وعنك مابقدر
رزان: هههههههههههه هو خله ياكل عني
دانا: لحظة بحط اسبيكر كلميه
رزان: هلا فيصل
فيصل: هلاهلا بنور الدنيا هلا والله كيفك ؟
رزان أنحرجت قدام دانا: تمام بخير وأنت ؟
فيصل: الحمد لله باخلي دانوه تاكل آيسكريم عنها وعنك
رزان: وليه أنت ما تآكل عني دانا ماتقدر
فيصل: هههههههههههه وأنا الدب اللي آكل آيسكريمين وراء بعض؟
رزان: ههههه لامو قصدي بس أعرفها دانو زيي وأنت زي فهود ماشاء الله
دانا: أي والله يصرفهم يتعشون أربع عشيات وراء بعض
فيصل: أيه صادقه وفروس أعظم منا
دانا حمرت وسكتت , رزان: ههههههههههههه آآآخـ يادانوه الله يعينك
فيصل: هههههه الله يعينها علي أنا أوريك
رزان: لالا سوري حبيبي ماقصدي
فيصل: بعدين نتفاهم , وينك أنتي حبيبتي؟
رزان: في الحرم أدعي لك
فيصل: نسألك الدعاء , يلا حبيبتي لا أشغل باي
رزان: بااي
فيصل لف لدانا: نسيت أنك معاي وش فيك ساكته ؟
دانا: ولا شي , أنت سولف
فيصل: أخبار رزان معاك؟
دانا: تمام تصدق أحس لمن سافرو تحسنت نفسيتها كثييييييير يعني قامت تضحك وتسولف
فيصل: وأنا بعد أحس كذا "تنهد: الله يرحمك ياعمتي
دانا: الله يرحمها , رزون أكثر وحده تأثرت هي ورؤى
فيصل: أنتي ماشفتي راشد مو راشد الأولي
دانا: الله يعينه هو ورؤى متعلقين في عمتي كثير , حتى غلا ورهف وشوق متأثرات , بصراحه موتتها ماكانت ع البال
فيصل: أنا لمن شفت حال رزان أول ماتوفت أمها خفت تروح مني كانت مرررة متأثره , لمن قال لي خالي باروح معاها العمره ماترددت أني أوافق أبي نفسيتها تتحسن ولو في مجال أني أروح معاها رحت معاها
دانا: الله يوفقكم يارب ولايغير عليكم
فيصل: آآآميــن , تصدقين يادانا وش قد فرحت لمن رزان غيرت لبسها عن اللون الأسود ماكنت أقول لها عشان لاتحسه تدخل مدري شاللي قنعاها
دانا ببتسامه: أمي قالت لهم هي وعهود الأسود يعكس ع النفسيه وأن أنت وفهد من حقكم تشوفونهم بملابس ملونه وتعرف أمي
فيصل: 6شهور ع نفس اللون , الله يخليها لنا أمي ولا يحرمنا منها
دانا: وكيف تحس رزون تعودت عليك ولا ؟
فيصل: أممممـ في التليفون صوت ع كيف كيفك وضحك ووناسه , بس إذا جلست معاها تستحي مو زي قبل بس تستحي
دانا: هههههه أحمد ربك أنت هذي رزون ترى أحس أنجاز أنها تعودت عليك كذا ماتوقعتها
فيصل: الله يخليها لنا "فيصل بدأ نذاله مع دانا ع سالفة خطبتها"
دانا: أنا وش لي طالعه معاك بروحي تتوحد فيني
فيصل: هههههههههههههه لهدرجه طاري فروس يحوم الكبد ؟
"بعدها جلسو يسولفون بجد أكثر وفيصل قام يعطي دانا معلومات عن فارس تساعدها في التفكير لين ما أذن ورجعو البيت وفيصل راح في سابع نومه عشان يصحى بدري لدوامه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثامن والعشرون
((هذا الجزء
((الفصل الأول))-موت مريم اللي ضايق الكل
((الفصل الثاني))-خطبة أنهار ع موسى
-زواج حنين وسيف
-سفر رؤى ورائد وَ عبد العزيز ورزان للعمره وتحسن نفسية رزان في بيت الله ...
-أنقضاء الفصل الدراسي الأول ع خير وتفرق البنات في الجامعات
-خبر حمل حنين اللي فرح الكل
-فارس وخطبته لدانا تتوقعون توافق أو لأ ؟
يعطيكم ألف العافيه
تابعونا
تحياتي))

.:دانهـ العشآق22:.

حلوووووووو كثيييييييير الجزء يسلموووو
ننتظر البااارت الجديد
تحياااتي:) مجنونة وحلوة:(

مجنونه عسى ماقمتي تصيحي في الفصل الأول~>الأخت ع بالها كل الناس مثلها قتلت عمرها وهي تكتب ..~

عوافي غلآتي ع المرور

لا عدمناك قلبووو

///

ذايب في هواهم
((الجزء التاسع والعشرون))
بسم الله الرحمن الرحيم
((المستجدات في هذا الجزء...
-مضى أسبوع كامل ورزان وعبد العزيز ورؤى في مكه وبعدها راحو المدينه بعدها صلو للشرقيه بالسلامه
-دانا اللي لازالت تفكر في موضوع خطبتها
تابعونا))
"العين عافت نضرة الغير لرضاك'
كله على شان أحتري نضرتي فيك'
دامك سكنت بداخل القلب برعاك'
هذا خفوقي وأسأله كيف يغليك؟
قلبي وأعرفه بالغلا كم تمناك"
مدري على كثر الغلا (وين بأوديك)"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:14ص في فيلا ناصر ...
رزان..كنت في بيت خالي عمتي مو راضيه أظل في البيت بروحي إذا فهد وبابا في الدوام , صحيح أستحي لكن أقتنعت لأن الوقت اللي أكون موجوده فيه يكون فيصل في الدوام وبعد أساعد عمتي ع الغداء ورجعة بابا للبيت يمرني أروح معاه للبيت , يلا هانت السبت جامعه ...
دانا وفي يدها أكواب الكوفي: يلا تفضلي بعد وش تبي دانا بجلالة قدرها تسوي لك كوفي
رزان: تسلم لي دانا
دانا: الله يسلمك , الليلة إن شاء الله بنروح جرير نشتري لنا كتب للجامعه
رزان: إن شاء الله"قالت تتذكر: لا دانا مو الليلة , الليلة عازمتنا رنوش
دانا: يؤؤؤؤؤؤ تصدقين نسيت , ياقلبي رانيوه إن شاء الله نروح لها الليلة نسلم عليها قبل تروح جده وبكره نروح جرير أوكي
رزان: أوكيشن
دانا: عاد مو يبدأ الدوام في الجامعه وتهجرين بيتنا
رزان: ههههه وأنا أقدر أهجركم ؟! , وبعدين انتي آخر وحده تتكلمين كل يوم تشوفيني في الجامعه
دانا: هههههههههه شسوي أحبك
رزان: تسلمين ياقلبي , إلا ماقلتي لي شالجديد
دانا: مدري يارزان محتاره , الولد محد ظل مامدحه لي وطيب وأخلاق وتقريباً بنفس المواصفات اللي أتمناها بس
رزان: راشد ولد خالتي نوره صح ؟
دانا: لا مو ع كذا , الله يشهد أن ماعمري فكرت في راشد غير أخو بس مدري أنا شنو بالنسبه له
رزان: سمعي ياحبيبتي راشد ماشاء الله ماعليه قصور كامل والكامل رب العالمين يعني مافي شي يمنعه أنه يتزوج ولا حد بيمنعه لو قال أنه يبيك بالعكس الكل بيفرح , لكن راشد ع مزحه وخفة دمه إلا أنه أنسان غامض ماتعرفين شاللي براسه ما أستغرب لو سمعت أنه خطب طول عمره حياته مفاجئات في مفاجئات , وأنتي مو ملزومه تنتظرينه إذا هو ماحرك نفسه وخطبك وفارس فرصه ماتتعوض هذا رايي وأنتي فكري عدل لاتتسرعين
دانا: كلامك صح وربي هذا اللي يدور في راسي بس مو عارفه كيف أوصله لك
رزان: ههههههههه ياقلبي , نقول مبروك ؟
دانا: ع شنو أنتظري أقول لبابا عن موافقتي والتحاليل وووو.........
رزان: الله يتمم لك ع خير ياقلبي , وناسه دانوه أنتي بتاخدين فارس وأنا فيصل وعهود بتاخد فهد الثلاثي المرح
دانا: ههههههههههه بقى مرة راشد
رزان: إن شاء الله تطلع خوش وحده عشان نفلها
دانا: إذا مو عدله نعدلها يعني كذا ولا كذا أحنا بنفلها
رزان كفك: ههههه
ملاك اللي توها صاحيه من النوم: صباح الخير
رزان-دانا: صباح النور , شاللي منيمك لهلحزه ؟
ملاك: الأمس شفت شي حفللللللللللللله
دانا: وش شاااايفه
ملاك: نسيم وناسا متهاوشين وناسا تتغلى طردت نسيم برا الملحق ورمت عليه ملابسه
رزان: هههههههههههههههههه راح علي الموقف بصراحه
دانا: هههه وهذي السوسه ماتطيح إلا ع هالأشياء
عهد: صباح الخيرر
الكل: صباح النور
رزان: حلو حلو وش رايكم نفاجئ عمتي اليوم ونسوي الغداء؟!
البنات: أوكي بس أنتي الشيف وأحنا مساعدات طباخ
فضيله..نزلت وأنبسطت من قلبي لمن شفت بناتي يسوون الغداء كلنا تفاجئنا , كان الغداء ماعليه كلام بس مالح شويات يلا إن شاء الله المره الجايه أحسن ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:23م في فيلا أبو مشاري ...
رانيه ضمت دانا ورزان في نفس الوقت: وحشتوووووووووووني
رزان-دانا: هههه وأنتي أكثر
رانيه ضمت عهد وعطتها خربوق: عهووود أخيراً شفناك وين مختفيه ؟!
دانا: ههههه الله يسلمك واقفه مع رميو ع الباب
عهد: حرام عليكم بس كان يسألني الساعه كم أمركم
رانيه حطت يدها ع خصرها: لاوالله وهو حضرته ليه مستعجل!! قولي له مابنفتح الأبواب إلا إذا أنتهت السهره محد بيطلع قبل تنتهي
في نفس المكان داخل المجلس حنين متروعه: نرجس وش صاير ؟
نرجس: ههههههههه بسم الله عليك تراهم يسلمون ع بعض
حنين: هههههههه محلاه من سلام ع بالي صاير شي
رانيه وهي تصارخ: وأنتي ليه ماجو خواتك ؟
حنين: أنهارو مع موسى وحور مافي حد في عمرها
رانيه: لاوالله الحين أوريك في أنهارو وحور الحين تجي وتجيب معاها ملووك وسدوم مابتتعطل"لفت تصارخ: وأنتو ليه مافسخو عباياتكم ؟
:ههههههههههههه رنوش حرام عليك عازمتنا وتصارخين مانبي نفسخ
رانيه: شسوي ما أحس أني مبسوطه إلا إذا صارخت , يلايلا أفسخو تراني طارده كل أهل البيت كلهم هذي سهره للبنات فقط واللي جار عليهم الزمن وتزوجو من بدري سمحنا لهم بالدخول يعني أكبر شي عندنا32سنه
نرجس تناظرها بنص عين: لاتطرين سالفة الأعمار الله ستار ع عباده
الكل: هههههههههههههههه
رانيه: لاحد يستحي تسدحو تبطحو سوو اللي تبونه أنا رايحه المطبخ "معظم الموجودات راحو معاها المطبخ"
مشاعل تأشر ع حنين ولمى: أنتو ترى ماندخل حوامل المطبخ
لمى: وش دعوووه غير جالسن نقطع الخضار
عبير حطت لهم خداديات وراء ظهورهم: أمانتي أذيتها وميثاقي تعاهدته فشهدو لي بالموافاه
حنين: هههههه ماتقصرين حبيبتي
رانيه: ماشاء الله ماشاء الله ربات منزل"قالت رانيه وعلى بالها أنها تساسر دانا والكل يسمعها: أيووه أشتغلي عدل ترى بعد شوي بيجون حمواتك
الكل: هههههههههههههههههههههههههههههههه
دانا أستحت وكملت شغلها وهي ساكته ...
رزان: ع فكره أحنا اليوم اللي سوينا الغداء
رانيه: أي ماشاء الله سويتو الغداء
رزان: عن جد وقسم
رانيه: حركااااااات أكيد طلع مالح
عهد: هههههههههههههه ياخطيره كيف عرفتي؟
رانيه: مبين من وجوهكم
ليلى: رنوش شنو سويتي؟
رانيه: أحم أحم ورق العنب
ليلى: الحمد لله قلتي لي عشان أقي نفسي من التسمم الغدائي
الكل: ههههههههههههههههههههههههه
شهد: وحشتنا مرام الله يذكرها بالخير
عهد: يلا إن شاء الله الصيف إذا تجمعنا تكون معانا
أنهار: السلآلآلآمـ
الكل: وعليكم السلام
رانيه وهي تضمها ضربتها ع ظهرها: أوريك يالدبه كل هذا موسى ماخدك منا
أنهار: هههههههه ماعاش اللي ياخدني منكم
رزان: هلاهلا ملاك ماعرفتك
ملاك: هههه تصدقين حتى أنا ماعرفتك
دانا تكلم حنين: هذي بنت خالتك
حنين: أيووه
دانا وهي تسلم ع سديم: هلا فيك نسخة أنهار
سديم: ههه الكل يقول
رانيه: رزووون وين الثلاثي تبعكم ومها؟
رزان: حشى تبين تشبكين العائله الكريمه كلها ماقلت لهم
رانيه: يالنحيسه جيبي أكلمهم
دانا وهي دايره وحده غمضت عيونها: أممممممـ من أنتي؟
:قولي إن شاء الله
دانا: إن شاء الله , بس من أنتي
أفراح فتحت عيونها وضمتها: إن شاء الله أصير حماتك
هنا دانا لاتسألون عن حالها , والبنات تصفير وهبال وضحك ووناسه ومستلمين دانا ...
رانيه راحت لدانا من وراها وهي تتعشى وساسرتها: بوسيه بوسيه "دانا ببراءه باست فارس" البنات بدو تصفيق وهبال وضحك ووناسه ودانا تناظرهم ماتدري شالسالفه ...
رانيه: هههههههههه تسوي نفسك تبوسيه هااا مو حباً فيه عشان أسمه فارس ع أسم فارس الغفله وولد أخته
دانا أسوعبت الموقف من الفشله ضربت رانيه ع ظهرها ...
رانيه: ياخي أعملي أدب صيري مؤدبه بس هاللحظه حمواتك موجودات
الكل ناقعين ضحك ع سوالف رانيه: ههههههههههههههههههههه
الثلاثي المرح ومعاهم مها دخلو: السلام
الكل: وعليكم السلام
رانيه: راح عليكم الآكشن , أفا أم شوق ماكنتي موجوده تساعديني
عبير: لو كانت موجوده كان راحت فيها دانا ياذوبها عليك بروحك كيف لو معاك وحده تساعدك !!
الكل: ههههههههههههههههه
هنادي: وأخبارك مع جده ؟
رانيه: تمام يلا السبت عائدون إلى جده وبئس المصير
الكل: ههههههههههههههههه
مها: بس يقولون وناسه هناك
رانيه: لالا طول أيام الأسبوع دراسه بس في الويك آند نغير جو شوي هذا إذا ماكان علينا أختبار , ولنا مرتين في الأسبوع يودينا صاحب السكن المول
مها: معاك أخت أسامه ؟
رانيه: أيه بس في الشقه اللي تحتنا مرتين سهرت معاها مع الصبايا ماشاء الله خوش بنت
مها: تسلمين , كيف عرفتيها ؟
رانيه: كنا جالسن نسولف وأنا عندي لابتوبي ويا السوالف قلت لها أنها تشبهك تفاجئت هي تقول مرت أخوي كيف أشبهها!! بعدين رسلت لها صور ريان من لابتوبي تقول لي أنا ماعندي صور هالكثر لولد أخوي
عبير: رنوش تتعرف ولا عندها فيها تلاقينها حافظه بنات الجامعه
عهد: إذا مثل حال المدرسه ماشاء الله مشهوره محد مايعرفها
رزان: هههههههههههه ومين ينسى تفحيطها وركضها في وسط الساحه وسوالفها مع الأبلات
رانيه: بجد ذكريات حلوة نفسي أروح مدرستنا أسلم ع الأبلات
عهد: خلاص دوري لك يوم تعالو أنتي ودانا ورزان وفلوها
رانيه: النزله اللي راحت شفت أبلة الجغرافيا في الصالون وضحك ووناسه معاها
ع نهاية العشاء كل البنات شبعو والأكل وصل لفوق , رفعت نرجس الطبق الرئيسي: يارب بحق هالنعمه يجمعنا قريب عند النبي
الكل: يااااااااااااارب
رانيه غمزت لدانا: حاسه بعد أن قريب بنتجمع بس في ملكه
الكل: ههههههههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 5:44ص ع البحر ...
"صدق مخطوبه يافلانه .. صدق باكر يزفونك"
عبد الله: راشد حرام اللي تسويه في نفسك
راشد: أنا شسويت في نفسي؟! , ياخي تعبت مني وماودك تجلس معاي روح الله معاك
عبد الله: مو أنا اللي أتعب منك ياراشد بس أسمح لي أقول لك ليه ماخطبت البنت دامك تحبها
راشد: ما أحبها قلت لك ما أحبها
عبد الله: أجل ليه متضايق عشانها أنخطبت , اللي يعد بنت خاله أخته يفرح لها إذا أنخطبت مو يزعل ويقاطع الناس
راشد: ماقاطعت حد ولا زعلت والله يوفق لها
عبد الله: يلا إن شاء الله ربك يرزقك ببنت الحلال ولا ناوي نعنس؟
راشد بطفش: مابخطب إلا إذا أنت خطبت زين
عبد الله بألم: أنا مابتزوج عقب المرحومه
راشد حس أنه فتح لعبد الله جروح قال يواسيه: ياعبد الله أنت أنسان مؤمن وين كلامك لي لمن توفت عمتي ؟
عبد الله: يمكن الكلام اللي أقوله لغيري صعب علي أطبقه ع نفسي (سجود) روحي وأنا الحين جسد بلا روح
راشد: الله يرحمها , عبد الله أرحم حالك هي كملت سنتين من توفت وأنت ماتهنيت بأكل ولا نوم من يوم ماتوفت
عبد الله: سجود ماكانت بس خطيبتي سجود عمري وروحي وحياتي كلها
راشد: تتوقع سجود بتنبسط في قبرها إذا شافتك في هالحاله ؟
عبد الله..آآآآه ياسجود , سجود خطيبتي اللي حبيتها من كل قلبي توفت بعد شهرين من ملكتنا وكانت موتتها فجئه وصعبه ع الكل للحين مو مصدق كان الحناء في يدها وهي ميته كانت متحنيه لزواج أختها شفتها عروس بالكفن الأبيض تزفين للجنه ياسجود , من يوم ماتوفت وأنا أحس نفسي أنسان جسد بلا روح أشتغل وآكل وأعيش بلا هدف مايهمني أعيش وأترفه ولا أتلذذ بأكل اللي يهمني أني أعيش آكل بس اللي يكفيني أني أعيش وأبر أمي وأبوي ويتطمنون علي أني عايش وبس , كنت أرجع من الدوام أول شي أسويه أناظر صورتها وأشكي لها همي وأبكي ...
راشد حط يده ع كتف عبد الله: عبود ما أحب أشوفك كذا أبتسم أضحك
عبد الله دفه: وأنت ماهمك غير الضحك والوناسه
راشد: اللي مثلي يمكن الضحك والوناسه يخفون ألمه
عبد الله: لاحول هذا اللي يواسيني , ياخي أنا معاك في الهوا سوا
راشد ضحك بدون نفس: الله يفرجها
عبد الله: أنت يمكن بس أنا ما أتوقع
راشد: مثل ما أنا أقدر أخطب وأتزوج وأكون سعيد أنت بعد مو ناقصك شي , وش فيك عبود قلبت متشائم
عبد الله تنهد: لأني تعبت أكتم اللي بداخلي والصبر تعب مني
راشد: صاير لنا حامد زيد ع غفله قم بس نروح ع دواماتنا والله يفرجها
عبد الله أبتسم بخبث: ومين قال بنروح دواماتنا ؟
راشد: لاوالله وين ناوي تروح معي تراني كرهت مفاجئاتك
عبد الله: اليوم ياطويل العمر بنداوم بس مو في الشرقيه
راشد: لايكون فتحت لنا فرع جديد في لندن ؟
عبد الله: هههههههههههههههه رشود لاتتطنز لا مفاجئه
راشد: مالي خلقك بتقول لي لو كفففففف يعدل وجهك
عبد الله: داعيه علي أمي يوم الله بلاني بصديق مثلك , خلاص يلا تعال معي المطار
راشد: فيها مطار بعد!! , وش ناوي ع المحلات والله تبي تسافر سافر بروحك أنا ما أطيق أخلي حلالي بيد العمال وغيرهم لو أنت موجود أوكي بس أثنيننا نسافر نووو
عبد الله: لاحول , رشود ع مسؤليتي
راشد: وش هالسفره المهمه اللي ماتصير بدوني؟
عبد الله: اليوم أفتتاح محلنا في جده
راشد سكت فتره طويله وبعدعا ضم عبد الله من الفرح: ويلومووووووووووووووووووني ليش أحبك
عبد الله اللي ماتوقع راشد يفرح هالكثر: ههههههههههه تسلم يلا أنا علي نسقت المحل وحفل الأفتتاح وأنت نور المحل
راشد: ياربي عبود مو كذا بجد كيف سويتها من وراي؟
عبد الله: عشان تصدقني أنك متغير , بديت في المحل وخلصت إجراءاته من بعد وفاة المرحومه خالتك باسبوع
راشد: الله يرحمها لو كانت موجوده كان فرحت كثير
عبد الله: الله يرحمها , هذا التوفيق ببركة دعائها هي والغاليه أمي
راشد: طيب أبي أسلم ع الأهل قبل نروح المطار
عبد الله: من عيوووني بس أهم شي تروح معي
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:00م في فيلا ناصر ...
فيصل: وين دانا؟
فضيله: فوق مسكينه حدها مشغوله اليوم العصر بتروح المول تجهز للجامعه والليلة بتروح جرير
فيصل: الله يعينها , ترى كلمني فارس متى تقدر دانا تحلل؟
فضيله: مدري والله متى قال لك فارس؟
فيصل: قال لي بكره , قلت له بشوف إذا يناسب دانا أو لأ
عهد: عاد الجمعه صعبه , تخيلو بتروح الصباح تحلل وبترجع تستعد للجامعه
دانا: السلام عليكم
الكل: وعليكم السلام
ناصر: تونا نطريك
دانا: لاوالله تحشووون؟
فضيله: لاوالله بالخير , ماما بكره الصباح عندك شي ؟
دانا: أيه أبي أنااااااااااااااام قبل لاتبدي زحمة الجامعه وقتها مابيمديني أحك راسي
ملاك: جاينك الصيف حكي راسك بكيفك بس خلصيني روحي حللي بكره
دانا: لا والله تعالي عطيني كف بعد
فيصل: برد ع الرجال , ها وش قلتي يناسبك أو لأ؟
دانا: مدري بكيفكم "قامت غرفتها ولحقتها عهد"
عهد: وقسم مجنونه من متى وأنتي تأجلين موعد التحليل كذا ولا كذا بتحللين لامفر
دانا: عهدو سكتي عني
ملاك جت متفرغه: تعالي دانوه بادربك قولي قبلت بفارس بن .........بن...........الـ***** زوجاً
دانا ضربتها ع ظهرها: إذا ماتتأدبين كف ع وجهك الحين
ملاك: شنسوي لازم ندربك مابقى شي
عهد: وأنتي ماشاء الله حافظه الجمله نصاً وحافظه أسم فارس كامل!!
ملاك: شسوي علمتني الحياه شفتك أنتي وأنتي تملكين ورزون حفظت الجمله
عهد: ههههه عقبال مانشوفك وقتها مابتتعبينا حافظه الجمله وخالصه , دانوه الحين من بصورك وأنتي تحللين ؟
دانا: مابي حد يصورني ولا أبي حد يصورني
عهد: حلوووة حلال عليك وحرام ع غيرك بس أنتي تستلميني تصوير ولا حد يقول لك شي
دانا وهي قريب تبكي: حرام عليك عهود توبي علي أعتبريني ماسويت شي
عهد: هههههههه ياقلبي والله لو مامريت في موقفك مارحمتك بس بخف عليك قربةً طاعهً الله تعالى
فضيله: يلا ماما أنزلو تغدو عشان تروحون المول بعد الغداء
البنات: إن شاء الله
]]ـ-ـ-ـ-ـ-ـ-ـ-ـ-ـ-[[
في نفس المكان يوم الجمعه الصبح الساعه 8:14ص ...
دانا لبست نقابها وجلست ع الأريكه وهي تتنهد ...
عهد: الله يعينك ياقلبي
دانا: خلاص عهود مو لازم أتزوج مابي أروح أحلل مابي أركب معاه في سيارته
عهد: مابتركبين بروحك معاك أمه وماما , عن الجنون الحين بتخافين وتقلقين وبعدين بتذكرين نفسك وبتضحكين
دانا: مابي مابي بتصل لفيصل ..هلا فيصل..............لا للحين............فيصل تعال أبيك........مابي مابي"طاحت دموعها: خلاص مابي أروح أحلل...............خلاص مابي.......إن شاء الله باي,
رزان: ها وش قال فيصل ؟
دانا: هو مابعد يطلع من الشركه
عهد: مين فيصل ؟
دانا: لا هو
رزان: ههههههه ذكرتينا بحالنا أول ما أنخطبنا مانتعامل إلا بالضمير
عهد: خيرتك تنطقين أسمه وتدلعينه بعد , وش قال فيصل؟
دانا: فيصل بيمرنا وبيلحقه في سيارته
ملاك بطناز: بيلحق هو ؟
دانا: هههه أيه
ملاك: بصراحه بصراحه يادانا ثبت أنك من سلالة بيت عمتي مريم ع هالحيا
الكل: هههههههههههههههههههه
فضيله: قومي معانا رزان إذا فيصل اللي بيوصلنا
رزان: لالا مابي باخاف أكثر منها
عهد: عادي مع فيصل يمكن أنا بعد أروح معاكم
ملاك: حشى حشى جيش بتزفونها في المستشفى ؟
فضيله: لا عادي قومو بس جلسو في السياره عشان تشجعون دانا بعد
عهد: ع هالخوف يبي لنا ندخل معاها غرفة التحليل هيآآآآآآآ شااااطره ونسوي حفله في المستشفى
رزان: كان يطردونا أحنا وياها
ملاك: ومتى بيطلعون التحاليل ؟
فضيله: المفروض بعد أسبوعين بس فارس عند واسطه بيطلعهم بكره الصباح
عهد: أيه ع ما أعتقد هو اللي توسط لنا في التحاليل
رزان: لأن زوج أخته دكتور
فيصل دخل شافهم كلهم بعباياتهم: خير!!
الكل: هههههههههههههههههههههه
فضيله: خليهم بيجلسون في السيارة
فيصل: يلايلا أمرنا لله
دانا..في سيارة فيصل كان حاط (حلم شاعر) أنا أموت عليها ومندمجه مع كلماتها , وكلهم يسولفون ويتطنزون وملوك الخبله مو مفوته ولا لقطه مشتغله في التصوير عاد أنا هاللحظه أعتزلت التصوير مالي خلق شي وصلنا المستشفى سميت بسم الله ونزلت أنا وأمي وفيصل وهم ضلو في السياره ...
ملاك: مالي شغل مالي شغل بنزل معاهم
عهد: لايفشلك فيصل
رزان: لاعادي ملوك إذا بتنزلين بس روحي قبل يدخل فيصل
ملاك..رحت وراء فيصل لف لي أبتسمت له ضحك على هبالي , دخلت مع دانوه غرفة التحليل وصورتها وصورت فارس وهو واقف في الممر مع فيصل بعد خخخ ...
جهان: السلام عليكم
فضيله-دانا-ملاك: وعليكم السلام
جهان: أخبارك دانا؟
دانا بخجل: الحمد لله أخبارك أنتي وأخبار"كنت بقول فارس بس ماطلعت من فمي قلت: الصغنون ؟
جهان أبتسمت: بخير , يلا تفضلو معانا
فضيله: تسلمين يا أم فارس
جهان: يسلمك , عن جد تفضلو
ملاك: تسلمين , الحين فارس وفيصل واقفين سوا شيخلصهم !!
فضيله: نسو أنهم في المستشفى وفي ناس ينتظرونهم
الكل: هههه
فيصل ألتفت لهم: خلصتو ؟
ملاك: لا أحلف أنت روح كمل سوالف
فيصل: هههه يلا يلا
فارس: مع السلامه
فيصل: الله يسلمك
دانا أنكفس كعبها وهي تنزل الدرج مسكت في ملاك وهي تتمنى الله ياخدها ع هالموقف ...
فارس: سلمــتي
فيصل وهو يضحك: سالمه إن شاء الله تعورتي
دانا مشت للسياره من الفشله وهي حاقره فيصل ركبت وفيها الغبنه شافت عهد ورزان يسألونها ماتحملت وأنفجرت معصـــبه ...
رزان: دانا حبيبتي وش فيك عادي
دانا: من أول مرة مواقف كذا بيقول عني عميه وما أشوف أو بيفتكر علي متعمده
فضيله فتحت باب السياره: تعورتي دانا ماما ؟
دانا: لا
فيصل: حيا الله سندريلا
البنات يضحكون بصوت واطي خايفين لاتفجرهم دانا لأن مالها خلق ضرافة فيصل في هاللحظه ...
رزان ردت ع جوالها: هلا وغلا رنوش..............تمام بخير.......هههههههههههه لابخير ماتعورت.........الله يعينك ياقلبي..............متى تقلع طائرتك؟.............طيب حبيبتي............بالتوفيق....................بيبا ااي,
عهد: حتى رانيه وصلها الخبر !!
رزان: الظاهر هي في بيت جدها تاخد لها كم شغله من جدها وسمعت الحكايه من جهان
عهد: الله يعينها , تروح وترجع بالسلامه يارب
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:14ص في المطعم ...
صقر..نزلت راسي مو مستوعب اللي قاعد يصير معقول الدنيا هالقد حقيره !! ...
ماجد حط يده ع كتف صقر: ياخوك لاتتأزم وتتضايق وأنت متكتف حاول تحل الموضوع
بسام اللي أعصابه فالته: شنو يحل السالفه خلاص خطيبتي طللللللقتها عافتني البنت والحين يوم قريب نكمل سنه من تطلقنا جاي تقول لي السالفه
صقر وهو ماسك راسه بيدينه: أهدأ بسام "قام بسرعه: أنا أتصرف
مسكه ماجد: شنو تتصرف أجلس قول لي شنو بتسوي؟
صقر: مالكم دخل مو طلبتو مني أحل الموضوع محد له دخل "مسك مفتاح سيارته وطلع بسررعه جنونيه"
صقر..مسكت الدركسون وأنا مو قادر أركز بسام اللي كرهته من يوم طلق أختي ولا عرفت إلا الأشياء السطحيه عن سبب طلاقهم بس المهم أنه ظلم أختي الوحيده من أمي , تطلع أختي من أبوي اللي عايشه معاي في نفس البيت وراء كل هالبلا رحت البيت وأنا ما أشوف قدامي فتحت باب غرفتها وهي ترقص عطيتها كفففففففف ...
نغم اللي طاحت ع الأرض من قوة الكف ومسكت خدها ودموعها تطيح: مو من حقك تضررربني
صقر وهو لاوي يدها: جببببببب اللي مثلك ماتتكلم يانذله يا*****
نغم رفعت راسها: وش سويت لك إن شاء الله أتررررررررركني
صقر: مابتركك بتموتين في يدي سااامعه "شاف مرت أبوه داخله كان وده يكفخها هي الثانيه "
مرت أبوه: أترك البنت ياصقر
صقر: أنتي الثانيه لاتتكلمين ماتطلقت شهد إلا من بنتك المصووون وسواد وجهها
مرت أبوه ضمت نغم: وش سوت بنتي
صقر سحب نغم وهو يضربها: لاتداااافعين عنها وأنتي ماتدرين عن شي ماخرب بيت شهد غير تساهلك مع بناتك صارو يشوفون الصح والغلط مثل بعض
مرت أبو صقر , شافت عصبية صقر وراحت تتصل ع أبو صقر ...
صقر..تركتها مو رحمة فيها والله هذي حتى القتل حلال فيها , يوم شفتها متمدده عن الأرض طلعت ودعم كتفي في كتف أبوي ناداني بس أنا طلعت مافيني طاقه لتهزئ أبوي ...
صقر وهو يسمع مرت أبوه تقول خل نوديها المستشفى: لاحد يوديها المستشفى خلها تمووووووووت "سكر الباب بقوووه وطلع"
أبو صقر اللي شاف عصبية ولده وعصب صرخ: وش مسويه بنتك ؟!
أم نغم: مدري مدري"وصلت نغم لسريرها وتطمنت عليها وطلعت"
أبو صقر: ولدي وأعرفه زين مايعصب كذا إلا إذا كان في شي يستحق ولا هو من متى صار يمد يده ع خواته !!
أم نغم: هذا اللي أنا خايفه منه
أبو صقر: أبي أتطمن عصبيته ماتبشر بخير وبنتك مدري وش سالفته معاها , أنا قايم أشوف وينه فيه تآمرين بشيء؟
أم نغم: سلامتك ولا تنسى تطمني
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:44ص في فيلا خالد وسمانه ...
خالد: هههههههههههه سمسوم أشك في عقلك الليله
سمانه: لحظة بس هذا الفستان آخر شي وخلاص
خالد..بعد وش ورانا اليوم الأخت سمانه مسويه لي عرض أزياء كل شوي فستان وأنا أضحك ع هبالها , طلعت لي بفستان ضيق من عند الصدر وواسع عند البطن وكانت حاطه خداديه عند بطنها وصاير شكلها رهيييييييب كأنها حامل قمت لا إرادي حوطت خصرها ومسحت ع المخده ...
سمانه بعيون تايهه: خالد تبي ولد صح ؟
خالد تنهد: سمانه كم مره تكلمنا في هالموضوع , خلاص أنتي تتعالجين وأنا أتعالج والباقي ع ربك
سمانه بلعت ريقها وناظرته: بس خالد الكل قام يسأل وكأنهم حاسين بشيء , كلها أربعه شهور وأتخرج من الثانوي حزتها مابيكون لنا عذر الحين نتعذر بأني صغيره ودراستي.......
خالد: هالشي لابيدي ولا بيدك بيد رب العالمين وربك كريم , أنتي تستخدمين الأدويه بإنتظام ؟
سمانه: أيه
خالد: وأنا أستخدم الأدويه بإنتظام ونراجع الطبيب وندعي الله , وربك بيفرجها
سمانه: آميــن , تدري خالد أنا مو زعلانه عشاني تأخرت في الحمل بالعكس أريح لي مع الدراسه بس أحاتي إذا كنت بجيب أولاد أو لأ
خالد: حبيبتي الحين فكري في الدراسه , والولد إن شاء الله تخلصين دراسه وتجيبينه لي
سمانه: إن شاء الله
خالد: وبعدين أنتي عندي بالدنيا وجودك بحياتي مايخليني أفكر بولد ولا غيره إلا إذا كان الولد منك أنتي وولد من غيرك ما أبيه
سمانه: بس خالد الناس ماترحم وأنت دوم تبرر لهم حاسه أني حطيتك في موقف صعب
خالد: حبيبتي أنتي مو أول ولا آخر وحده تتأخر في الحمل , وبعدين اللي فينا مو شي صعب قالت لك الدكتوره مع العلاج إن شاء الله تجيبين أولاد وربك كريم
سمانه: الله كريم , بجد خالد ماتجاملني؟
خالد ضمها: بجد ياعيون خالد
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:30م في مكتب فارس ...
فارس اللي كان يكلم ثامر زوج أخته: طيب والنهايه بتقول لي النتايج أو لأ ؟
ثامر: بقول بس , فارس بختصار النتايج عدم توافق
فارس وقف بصدمه: كيــــــــــــــــــــــــــف!! , أنا سليم حتى لو البنت فيها شي
ثامر: الظاهر أثنينكم عندكم أنيميا
فارس بعصبيه: بقــــــر هذول من متى عندي أنيميا ؟
ثامر: أهدأ أهدأ فارس , تقدرون تعيدون التحليل أحتمال كبير أنكم ماكنتو ماكلين زين يوم التحليل تصير كثير , كلم صاحبك وعيدو التحليل
فارس: طيب الحين بشوف فيصل , باي
ثامر: مع السلامه وأهدأ إن شاء الله خير
فارس: إن شاء الله , مع السلآمه ..ألو هلا فيصل................شنو اللي أبشر........أغبى مستشفى شفته في حياتي..........من متى أنا عندي أنيميا قول لي!!...........يعني مشكللله أثنيننا مافينا أنيميا كيف طلعت وقت التحليل!!..............شكلها الدكتوره اللي تطلع نتايج التحاليل معنننسه وماتبي بنات خلق الله يتزوجون.............أفففف الحل قال لي زوج أختي نعيد التحليل.........طيب رد علي..............مع السلامه,
]]ـ-ـ-ـ-ـ-ـ-ـ-ـ-ـ-ـ-ـ-[[
في نفس مجمع الشركات // في مكتب فيصل ...
فيصل يكلم رزان: هلا وغلا حبيبتي.................بخير ياقلبي........طلعو النتائج بس...........مدري الظاهر في غلط في النتائج.............إن شاء الله يعيدون التحليل وخير...........لالا لأن أثنينهم ماعندهم أنيميا...............طيب حبيبتي أنا طالع من الشركه..............أرجعي مع دانا البيت.........طيب يلا أنزلي مع دانا............تقولين لنسيم يرجعك لو أنا أمرك ؟..........طيب أشوفك.............بيباي ياعمري,
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 5:00م في فيلا ناصر ...
دانا: خلاص مابي أعيد التحاليل
ناصر: يابنتي مابيضرك شي , عيدي
دانا: أنتظر لين مايخلص دمي!! , خلاص مو رزقي
فيصل: عشاني دانا , اللي خلاك تحللين المره اللي راحت بيخليك تحللين الحين
دانا: أنا قلت اللي عندي وسوو اللي تبو "ركبت جناحهم"
رزان: ها حبيبتي بشري؟
دانا: خلاص مافي نصيب , أنا مابي أعيد التحاليل
رزان: طيب وش بيضرك لو تعيدين
دانا: شنو أعيدهم كأني مفجوعه , وبعدين لو طلعت نفس النتيجه يعني مابغير شي
رزان: طيب لا تتشائمين , يمكن تتوافق النتائج
دانا: خلاص رزان قفلي ع هالسالفه نزلت تحت يزنون ع راسي وركبت فوق جيتيني أنتي
عهد اللي توها صاحيه من النوم: ها أخبار النتائج
دانا عصبت لأن السالفه أنفتحت من جديد وراحت دورة المياه وسكرت الباب وراها بقوه ...
عهد: وش فيها هذي؟ "رزان قالت لها السالفه من وإلى , عهد: ياربي أجل تحلمون دانا تعيد التحاليل عنيده مثلها ماراح أشوف
رزان: أنفجر راسي وأنا أحاول أقنعها وخالي وبابا وأمك وفيصل
عهد: وطبعاً ما أقتنعت , والحل ؟
رزان: خلاص خليها ع راحتها
عهد: توكم راجعين من الجامعه ؟
رزان: من نص ساعه تقريباً بقوم أبدل ملابسي
عهد: مابتتغدين
رزان: لا بنتظر الأذان وبنام
ملاك دخلت وهي تنفخ من الركض: وين دانا ؟
عهد: خير خير!! دانا في دورة المياه , مين اللي متصل ؟
ملاك: لمى
دانا أنقلب وجهها أزرق وهي طالعه توها بتتكلم ملاك رفعت الجوال وحطته في أذنها , دانا بصوت واطي: هلا والله.......الحمد لله.......ههه مدري.......أممـ........أيوة.........أهاا......إن شاء الله خير...........خلاص أوعدك..............باي,
ملاك ناظرتها بفرح: خلاص بتروحي تحللين ؟
دانا: أفففففففف وأنا مابفتك من هالسالفه , لا مابحلل زين تحلمووووون
عهد: طيب وش توعدين لمى ؟
دانا: أنا بنااااااااام عندكم ماما تحت أسألوها هي تدري عن كل شي"دخلت غرفتها وقفلت عليها الباب"
عهد: ملكوو شالسالفه أكيد تدرين يا بدوجار البيت أنتي
ملاك: أيه أدري
رزان: وش تنتظري قولي لنا
ملاك: أمممممممـ طيب شالمقابل ؟
عهد: قولي لا كف ع وجهك أنا شوي وطالعه فهد جاي لي أخلصي علينا
ملاك: طيب بشرط تجيبون لي عشاء محترررررم
عهد: أمرنا لله يلا قولي
ملاك: بما أنهم ضامنين سلامتهم من الأنيميا , يقدرون يعقدون بس يوقعون ع ورقه أن الدوله مو مسؤله عن علاج أولادهم وو........ , سالفه طويله ولمى قالت بتكلم دانا بتشوف وش رايها وعطتها فرصه تفكر
رزان: ع الله توافق , يلا بنام تآمروني بشيء؟
ملاك: خديني معك أول يوم تعـــــب
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:07ص في فيلا ضاري ...
شهد: متى تخلص إجازتك خالي؟
ضاري: لالا أفااا يالخال مليتي مني ؟
شهد: لاوالله بس أسأل
ضاري: لالالا أعترفي
شهد: ههههههههههه وقسم بس كنت أسأل
أمل: ضاري جوالك
ضاري قام ياخد جواله: هلا.....................متـــــــى؟!!!............ ....طيب طيب وينه فيه الحين ؟.............جايكم باي,
أمل وهي تلحق ضاري: وين ؟
ضاري وهو يلبس ثوبه بسرعه: لالا بس شغله ضروريه"ما عطاهم فرصه وطلع"
شهد: الله يستر
أمل: إن شاء الله خير
ضاري وهو ينزل درج العماره"ياربي أستر ياربي طلعه بالسلامه" وصل للمستشفى عند الطوارئ لقى ماجد وبسام عند الطوارئ سلم ولا عبر بسام ولا كأنه يعرفه سلم عليه ببرود وكأنه واحد في الشارع ...
ضاري: خير يادكتور ؟
الدكتور: الحمد لله بس عند كسر في الرجل اليمى ورضوض والله يشفيه
ضاري: طيب أبي أشوفه
الدكتور: تقدر تشوفه لكن حالياً آثار البالون في وجهه وصاير أحمر ومنتفخ ماتخاف شوي ويروح
ضاري..أهم شي سلامته , دخلت سلمت عليه حمدت ربي ألف مره أنه طلع من الحادث سالم ولا حوادث هالأيام يادافع البلاء تطمنت عليه وشريت له غداء وطلعت وأنا نازل الدرج ناداني بسام ألتفتت له وأنا مالي خلقه ...
بسام: لازم نتكلم
ضاري: وش نتكلم فيه ؟
بسام: في موضوعي أنا وشهد
ضاري: لو سمحت أنت مالك دخل في شهد , شهد بنت أختي وأنا ولي أمرها ومالك حكم عليها ولا لك علاقه فيها عشان تتكلم في موضوعك أنت وياها , إذا ع موضوع خطبتكم فهو موضوع أنتهى من سنه تقريباً وهذا اللي عندي "كمل طريقه"
مسكه بسام: أبو إياد واللي رزقك إياد تعطيني فرصه أشرح لك موقفي
ضاري: والأخ اللي معاك وش محله من الإعراب ؟
ماجد: آسف الظاهر ضايقتكم , أنا أستأذن
بسام: لا ماجد , أهدأو وخلونا نتفاهم
ضاري بحكم أنه رجال كبير ومتفاهم , تنهد: وين تحبون نجلس؟
بسام: عادي أقرب كوفي شوب
ضاري جلس ع الكرسي وناظر بسام: تفضل , أبي أعرف شاللي خلاك تسوي اللي سويته في البنت وما ترضى تطلقها إلا طلاق خلعي بعد سين وجيم؟
بسام رجع راسه لوراء: خلاص أبو إياد أبي أنسى
ضاري: أنت تجرح البنت ممكن تنسى لكن البنت مجروحه منك وما أتوقع نست
ماجد: أهدأ أبو إياد أحنا جايين نحل الموضوع مو نذكر بعض بالماضي وكل واحد يلوم الثاني عليه
ضاري: بعرف بس أنت شدخلك في السالفه ؟
ماجد: أسمعني للآخر وهدأ أعصابك
ضاري: نسمع وش ورانا
ماجد بلع ريقه ونزل راسه: أنا السبب في طلاق شهد وبسام بدون لا أدري شاللي صاير , كنت أكلم وحده من خوات شهد وهي تعطيني معلومات عنها وصور لها وأنا أسمع المعلومات وأشوف الصور كان هالشي عادي عندي قبل يتوفى أبوي الله يرحمه كنت طايش بس الحين أنا تغيرت
ضاري مرر يده ع شعره بعصبيه: ومن فيهم اللي كانت تعطيك المعلومات ؟
ماجد: أسمح لي
ضاري رن جواله رد عليه وهو معصب: خير أبو صقر؟.............ذبحها قتلها هذي حتى الذبح حلال فيها طيب.................لا تخاف صقر بخير هو الحين معاي.............مو وقته الحين...............مع السلامه"قفل السماعه وقال يكلم ماجد: يعني نغم وراء كل هاللي صار ؟
ماجد هز راسه بأيوه ...
ضاري ضرب فخده بعصبيه: والله لو أنا محرم عليها كان رحت وكملت على ضرب صقر لها وخليتها تموت مره وحده
بسام: لو أنت كنت تشوف صور خطيبتك وتسمع أخبارها من واحد غريب تتوقع شنو بتكون ردت فعلك ؟
ضاري: أتفاهم معها أتأكد من الكلام ما أسوي سواتك ولا أرضى أطلقها
ماجد: حس أن الموضوع بدأ يحمى: أنا أستأذن , وأي شي تبونه أتصلو علي "مشى عنهم"
بسام ناظر ضاري: أنا آسف وعارف أني غلطان
ضاري: أوكي عرفت أنك آسف وغلطان والمطلوب ؟
بسام: أبي "سكت فتره طويله وأخد له نفس بعدها قال: أرجع شهد
ضاري: !!!!!!!!!!!!!!!!!!!!!!!!!!!!!!!!!
بسام: عارف أني طحت من عينك وما تأمن ع بنت أختك معي بعد اللي صار بس أوعدك أوعدك أنها راح تكون في عيوني وأعوضها عن كل اللي صار يابو إياد أنت ماتعرف شاللي صار لي عقب ماطلقت شهد
ضاري: طحت من عيني أوكي بس مو سبب رئيسي<<صريييييييييح
بسام: شنو أسبابك مستعد أسمعها وأحل الموضوع باللي يناسبكم بس أهم شي شهد ترجع لي
ضاري: البنت تدرس وجايبه نسبه ترفع الراس مابيها تنخطب لاعليك ولا على غيرك الحين عشان لايخترب مستواها وصدقني أنت مو أول واحد أرفضه
بسام: بس أنا غير كنت خطيبها
ضاري: كنت خطيبها أمممممـ تذكر لمن كانت في صف ثاني ثانوي كم كانت نسبتها نجحت ياذووووبها جابت جيد وهي الحين في ثالث وراغبه في الدراسه مابيها تنشغل
بسام: مستعد أنتظرها وأرجع المبلغ اللي خديته منكم عشان الطلاق الخلعي بس تكفى ما أقدر أعيش بدون شهد
ضاري: ع العموم مو الحين وقت هالموضوع لين جا الوقت المناسب أرجع أفتحه وربك يحلها
بسام: تكفى أبو إياد فكر في الموضوع , وأنا من تخلص شهد ثالث بتقدم لها
ضاري..ياذوبي أستأذنت من بسام رحت الشقه وأنا أفكر في الموضوع فتحت الباب جو لعندي شهد وأمل ...
شهد: أمانه أمانه خالي تقول لي وش صاير
ضاري غمض عينه..ياربي لايكون حد قال لها عن موضوع بسام ...
شهد صرخت: خاااااااالي تكلم صقر وش فيه ؟
ضاري"الحمد لله": لابخير بس فيه كسر في رجله ورضوض صدقيني بخير وجلست وسولفت معاه ويسلم عليك
شهد: ربي يسلمه , خالي أبي أشوفه
ضاري: بخير صدقيني بس هو الحين يحتاج أنه يرتاح أوعدك إن شاء الله بعد أذان المغرب أوديك عنده
شهد ضمت ضاري: يااقلبي خالي الله لايحرمني منك
ضاري: هههههه ياعياااره , إلا أنتو وش دراكم أن صقر في المستشفى ؟
أمل: أتصلت علينا أم نغم مافهت شتقول بالضبط بس الظاهر أن صقر ضارب نغم وطلع معصب وأنت طالع مستعجل عرفنا أن الموضوع يتعلق بصقر , إلا صحيح شنو اللي بيخلي صقر يضرب نغم ؟
ضاري.. لااااا لاتسألين أمل بليز , ياذوبي تملصت من أسألتهم رحت غرفة النوم جت وراي أمل ...
أمل: ضاري وش صاير
ضاري: لو أقول لك ماتصدقين"ضاري شاف حماسها وقال لها السالفه"
أمل: ياربي شهالدنيا حتى الأخت صارت تخرب حياة أختها !! أهم شي شهد لاتدري بالسالفه الحين خليها في دراستها
ضاري: لاتوصين أنا نفسي ما ودي أنها تعرف بالسالفه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء التاسع والعشرون
((هذا الجزء
-تحسن نفسية رزان بعد مارجعت من العمره
-جمعة الصبايا في فيلا أبو مشاري والآكشن اللي فيها وأستلام الصبايا دانا تعليقات وضحك
-راشد وعبد الله وأفتتاح فرعهم الجديد في جده , شاللي ينتظرهم ؟
-تحليل دانا وفارس , والغلط اللي صار في النتائج تتوقعون دانا بتقتنع أنهم يملكون أو لأ؟
-صقر وضاري وأمل عرفو سبب طلاق شهد , وضرب صقر لنغم
-سمانه وتأخر حملها
يعطيكم ألف عافيه
تابعونا
تحياتي))

.
.
.
.:دانهـ العشآق22:.

مراااااااحب..}ْ
البااارت جدا حلووو
لاخلا ولا عدم
تحياتي..
:(مجنونة وحلوة:)

مرحبتين غلآتووو ,,’’

مرورك الأحلى ,,’’

نورتي الصفحه بتواجدك ,,’’

لا عدمنآك غاليتي

,,’’

كل الود

,,’’

ذايب في هواهم
((الجزء الثلاثون))
بسم الله الرحمن الرحيم
((المستجدات في هذا الجزء...
]]بعد شهر[[
-أتفاق العائلتين ع ملكة دانا وفارس وتحديد موعد الملكه((بكره))وفرح الكل لهالخبر ...
تابعونا))
"تدري ليه الليل يتليه النهار؟
لأجل تفرج بعض ضيقه الصابرين.
وتدري ليه الحظ مافيه أختيار؟
لأجل نبلا ثم نعين ونستعين.
وتدري ليه خلق الله قلبي يسار؟
لأجل قدرك دايم بصدري يمين."
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:22م في فيلا ناصر ...
فارس كان جاي ياخد أغراض من عند فيصل وبالمره يشوف دانا نظره شرعيه ...
فيصل: أستعد شوي وبناديها بس مثل ماقلت لك تراها ماتدري لو تدري فزعت الدنيا
فارس: هههههههههههه طيب"راح عند الشباك ينتظر دانا تدخل"
فيصل فتح الباب: تعالي دانا
دخلت دانا وملاك وعهد ورزان وراها يستهبلون رابطين في شعرها لفه وحاملينها: أفضل الصلاة والسلام عليك ياحبيب الله محمد كلللللللللللللللووووووووووووش
فيصل أنحرج: أنا قلت دانا أنتو وش جيبكم
ملاك تقدمت: يا أخي العزيز وش بتقول لها كذا ولا كذا بصير عروسه وبتقول لي نفس الكلام واللي وراي أكيد حفظو الكلام وخلصو
عهد: والله حاله عروس وبكره ملكتها وجالسه ببجامه قومي فوق ندربك ونعدل
دانا: هاهاهاها عادي غير أنتو عشان بكره تشوفوني شي ثااااااااني
فيصل وصلت معه: أطلعو براا الشره علي اللي منادي هذي اللي ماتقدر تتحرك بدون مرافق
ملاك تستهبل: بوسيه بوسيه رزان عشان يرضى
البنات: هههههههههههه
فيصل ركض وراهم يبيهم يطلعون طلعو قبله وسكر الباب وتسند عليه من الفشله ...
فارس اللي أنحرج أهو الثاني: عادي ياخوك تحصل في أرقى العائلات
فيصل: يفشلون هذووول
فارس يستهبل: من قدي شفت خطيبتي وخواتها ومرت أخوها نظره شرعيه
فيصل: ههههههه يالهويس لايكون جلست تناظر؟
فارس: لالالا وقسم بس سمعت كلامهم ولمحتهم بس عادي النظره الأولى حلال
فيصل: يلا بدون مطرود أطلع برااا كفايه بكره بتعسكر عندنا
فارس: الله بلاني بنسيب مثلك أطلع بكرامتي أحسن , سلم لي ع خطيبتي
فيصل: بكره سلم عليها لين ماتشبع يلايلا وريني عرض أكتافك
فارس: مع السلامه
فيصل: تصدق كسرت خاطري خلاص عادي نام عندنا
فارس: بشرط أنام مع خطيبتي
فيصل دفه: عن جد ماتنعطى وجه
فارس: مع السلامه
فيصل: كم مره قلت مع السلامه ترى حفظت هالكلمه
فارس وهو يركب سيارته: هههههه مع السـ......
فيصل حط يده ع فمه: لاتسلم لوعت كبدي , بكره من الصبح بمرك نروح الصالون طيب
فارس: الله كاتب لي ما أفتك منك أمرنا لله طيب
فيصل دخل وركب جناح البنات طق باب غرفة دانا لقاها جالسه بروحها جلس يسولف معاها لين طاحو عليهم البنات ...
ملاك: سهرااات من ورانا !!
فيصل: نستأذنك قبل نسهر مع بعض؟
الكل: ههههههههههه
فيصل: إلا رزان وينها ؟
عهد: الظاهر نامت
فيصل: يلا أنا قايم أنام سلمو لي ع رزان , تآمروني بشيء؟
البنات: سلامتك
بعد ماطلع فيصل تجمعو البنات في غرفة عهد مع رزان يسولفون ويضحكون ويواسون دانا لحد ما أذن صلو وراحو ينامون ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
يوم الملكه .. الساعه 4:30م في فيلا عبد العزيز // في مجلس الرجال ...
فيصل كان مجنب ويتغزلو هو ورزان بالمسجات ...
فهد: هههههههه فصول فشلتنا هذا شكل أخو العروس
فيصل: وش سويت أنا ؟
طلال: أبد أنت اللي يشوف وجهك يعرف وش جالس تكتب أقول عدل جلستك يابو الشباب
فيصل عدل جلسته: أحم الحين شكلي يدل ع أني أخو العروس؟
أسامه: أفااا عليك يالنسيب
سلمان يناظر راشد: وأنت وش فيك ساكت ؟
راشد راز نفسه: لحد يكلمني
عبد الله: خير راشد وش صاير؟
راشد: أنا الشاهد مو من مقامي أكلم ناس مثلكم مجرد جالسن في المجلس
الكل: ههههههههههههههه
عبد الله: أعذروه ياجماعه أول مره يحس نفسه شخصيه مهمه
الكل: هههههه
ناصر: فيصــل
فيصل: سم يبا
ناصر: خد الدفترخل أختك توقع
فيصل ببتسامه عريضه: إن شاء الله
رزان فتحت الباب لفيصل: ها حبيبي خلصتو ؟
فيصل مسك خدها: لا ياحلوه بس جاي عشان دانا توقع والشيخ يبي يسمع موافقتها بعد شوي
رزان: أمممـ طيب تفضل دانا داخل
فيصل وهو يدخل: وين أمي؟
رزان: عمتي خلصت بدري وراحت بيتكم تنسق الوضع قبل يوصلون المعازيم
فيصل: وأنتي ليه ماتعدلتي للحين ؟
رزان: أنا أبي أتعدل آخر وحده
فيصل يسوي نفسه زعلان: طيب مافكرتي في حبيبك اللي يبي يشوف كشختك
رزان"حلمه يشوفني الليله بالفسان اللي أختاروه لي الصبايا , قالت تراضيه: إن شا الله الليله
مها تكلم فيصل: هيييييييي لاتصدم في الجدار وأنت تسولف
فيصل أنتبه للباب قدامه: هههههههههه أحلفي خيوه أني مو معذور وأنا شايف هالزين قدامي
مها غمزت له: إلا معذووور وبعدك ماشفت شي الليله الله يستر عليك ياخوي
فيصل: رزاني أبي أشوف الفستان اللي بتلبسينه الليله
رزان"رحت فيها ياويلي": في بيت عمتي عشان ألبسه روحتنا مره وحده
فيصل: خلاص الليله أشوفه , وين دانوه"أنتبه لها متخبيه وراء ملاك وعهد: هههههههههههه تعالي وقعي
دانا: خلاص أنت وقع لو خلي رزان لو أقول لك خلي ناسا توقع بدالي
فيصل: هههههههههههه مجنووونه , قومي وقعي
مها: لا أنت لاحض كل الحلول جاهزه عندها
فيصل: ههه دانوه أعقلي لا أتهزأ
دانا سلمت أمرها للخالق ووقعت وصار خطها لولبي من الرجفه خخخ ...
فيصل: هههههههههههههههههههههه ترسمين مؤشر الأسهم أنتي
الكل: ههههههههههههههههههههههههههههههههه
مها: يلا تيسر لا تتهزأ
فيصل: يلا دانا البسي عبايتك وأوقفي عند الباب عشان يسمعون موافقتك الشهود والشيخ
مها قامت ساعدتها وهي تلبس عبايتها وشجعتها وجلست جنبها , خدو موافقتها وملكو وتباوسو معاها البنات وضموها وقامت الزغايت والوناسه ودانا متغببببببنه شوي وتبكي ...
مها اللي كانت تكلم فضيله في الجوال: الحمد لله.........دانااا تعالي كلمي أمي"دانا: هلا ماما...........الله يبارك فيك......الله يسلمهم............سلمي عليهم.........مع السلامه,
مها: واللــــه صار نفسي أورح البيت مسويين حفلللللله
عهد: هههههههه لاتستعجلين بس باقي أنا ورزان وأنتي بس الميك آب إذا خلصتي قبلنا تقدمي
مها: وين أتقدم أسامه مشغووول يعني لازم أنتظركم , وأنتي ماخلصتي؟
رزان حطت يدها ع الجوال عشان لا يسمع اللي يكلمها وقالت وهي مرتبكه: مها ألحقيني
مها: شنو ؟
رزان: فارس مع فيصل يبي يكلم دانا
ملاك: عدددددددددددل حركااااااات
عهد: جب أنتي وش حركاته تبين أختك تموت
مها: من حقه هم ملكو , تعالو تعالو نروح لدانووه
دخلو البنات لدانا والكوافيرا تحط لها اللمسات الأخيره ...
رزان تقربت منها: دانا خدي نفس بقول لك شي
دانا خدت نفس: خير؟
رزان: نفس قـــــــــــوي
دانا: رزون قولي ترى النفسيه ماتتحمل تفكير و......
رزان: خلاص خلاص بقول فارس ع الجوال يبي يكلمك
دانا فزعت الدنيا: لاوالله
مها: عيب دانا من حقه خلاص أنتو ملكتو
ملاك سحبت الجوال من عند رزان: هلا فيصل............دانا معاك
عهد: اسبيكر اسبيكر ملكووه
ملاك حطت الجوال اسبيكر وعطته دانا ,دانا: ........
فيصل: هلا دانا , فارس خدو نفس وأستعدو
فارس: أحم السلام عليكم
دانا بصوت واطي: وعيلكم السلام
فارس: كيفك
دانا: تمام .......
فارس مالقى له سالفه قال: لاترتبكين الليله إذا لبستك الشبكه
البنات يكتمون ضحكهم ع وجه دانا اللي صار فيه مليون لون , قالت وهي تتوعد فيهم: إن شاء الله
فيصل صرخ يدخل نفسه في النص: أشوووووووف أحلوت المكالمه قوم بس أنت الرجال ينتطرونا داخل وأنتي روحي كملي تعديلك
فارس: جب فيصلوه , خلاص أشوفك الليله مع السلامه
دانا: مع السلامه"سكرت الخط"
ملاك اللي منسدحه ع الأرض من الضحك: هههههههههههههه مسخررررررره رجلك دانوه يهزأ فصول الحمد لله طلع خطيب أختي خفيف دم
عهد: أحلى شي لاترتبكين وأنا ألبسك الشبكه
مها: ههههههههههه ياويلي
رزان: كله كوووم وتعليقات فيصل كوم , لكن يستاهل فارس ماقصر فينا ليلة الملكه
عهد: أحنا كلهم أتفقو أول مادخل فهد وجلسنا مع بعض كل شوي يرن جواله ويقولون بصوت واحد يامعيرييييييييييس وعين الله تراه
رزان: ههههههههههههه وقسم نفس الحركه وبذات رشود , ع قول فيصل كره يامعيريس منهم
الكوافيرا: يلا رزان تعالي إزا برتريدي الحين ببلش في الميك آب
رزان جلست ع الكرسي: بسم الله
الكوافيرا: عينك الواسعه وألوان الفستان مع الميك آب كذاا "وهي تأشر لها بصبعها بمعنى شي"
رزان أبتسمت: تسلمين
بعد ماخلصو كلهم , مها: يلا أستعدو نسيم وعبد الحق في الطريق
رزان: أنا ماراح ألبس من الحين لأني مابعرف أمشي في الطريق من البوت
مها: أحسن لك , لاهنتي حبيبتي أحملي ريان أنتي أخف مني
رزان..حملت ريانوه الصغنون وطلعنا ركبنا السياره كانت الأجواء روووعه مع صوت المسجل والمكيف البارد , نزلنا بيت عمتي كان رهييييييييب بكل التجهيزات وريحة الطيب كان فوق الوصف مره مره خيااال , سلمت ع عمتي وأم فارس وأم مشاري وأم تركي وخوات فارس وركبت مع البنات الجناح وكان الوضع عندنا زنقه وزحمه اللي تعدل مكياجها واللي تبدل واللي تفك شعرها ودانا في الغرفه الثانيه تصور , دخلت غرفة عهد أبدل ملابسي لبست الفستان والبوت وطلعت ...
عهد: واااااااااااااااااااااو رزااااااااان ماشاء الله رهيييييييييب الفستان والميك آب وكل شي طالعه خياااااااااااليه
رزان: تسلمين ياقلبي تعالي ساعديني أربطي لي الشريطه وساعديني ع الأكسسورات
رانيه..دخلت وكل وحده منشغله تعدل شكل الثانيه , لفتت نظري رزان كانت رهيييييييييبه يمكن لأني من زمان ماشفتها متعدله من وفاة المرحومه أمها بس طالعه جنااااان مولعه بالأحمر , قامو لي البنات كل وحده تعلق وتسلم ع الثانيه ووناسه ...
هنادي تكلم رزان: إغرااائات من ورانا
الكل: هههههههههههه
رزان: شسوي لكم أنتو اللي أخترتو لي الفستان , أحس أني ما أرتاح إلا إذا جلست ع جنب
نرجس: بصراحه اليوم كلنا متقصقصين((لابسين قصير))
لمى: كأني جايه حفل في الأل بي سي ع غفله
الكل: هههههههههه
قامو البنات يشتغلون ويوزعون الحلاوة والمكسرات ع المعازيم ويسلمون ...

رزان أميرة ملكة جمال حطمت كل الموجودين ، جمالها ظاهر بشكل خيالي بحيث أنها تشد الأنظار تلفت الأنتباه إذا مرت جنب حد غصب عنه يناضرها طولها وجسمها وغير كذا فستانها و أكسسواراتها ومكياجها كان كل شي فيها مميز في نفس الوقت فخم وناعم.. فستانها كان ناعم لونه أحمر مخصر ع جسمها الرشيق والمتناسق جاي علاقي ع الرقبه ومن ورا سبعه بحيث أن الظهر ثلاثة أرباعه طالع وتغطيه خصل شعرها المتناثره ع ظهرها ، وفيه شريطه ساتان لونها سوداء عند الخصر وتنربط من جنب ع شكل فيونكه ، يوصلها الفستان لفوق ركبتها ، لابسه بوت أسود يغطي ثلاثة أرباع الساق فيه كرستال أحمر منتشر بطريقه حلوة ،، يعني تطلع الركبه وجزء من الساق ، وشعرها العسلي الطويل مرفوع بتسريحه بسيطه و يزينه أكسسوار شعر أحمر مموج بأسود ، ولابسه ع الفستان أكسسورات سوداء ولاننسى الدبله اللي تزين يدها اليمين ..
رانيه عقب ماخلصت سلام وتوزيع رمت نفسها ع الكنبه بتعب ...
حنين: ها رنوش تعبانه ؟
رانيه: مانمت إلا ساعتين توني اليوم الصباح راجعه من جده
حنين: ع قلبي خدي لك غفوه قبل يوصلون المعازيم
رانيه: الحين بيروح التعب كله مع الوناسه
ريهام: ههههههه الله يعينك , ذكرتني بحالي في ملكة مها كنت راجعه من الرياض
رانيه: كأني مفجوعه دخلت المطبخ وجلست آكل ما أكلت إلا الوجبه في الطائره
رزان: أنا ودانا اليوم مارحنا الجامعه عندنا محاظرتين طنشناهم
جهان: هههههههه والنعم , ماقلتو لي وين مرت أخوي؟
رزان: فوق تصور بعد نص ساعه بنزفها
شهد: مراموه لها وحشه غير طبيعيه
رانيه: تونا مكلمينها باركت لدانا , ههههههه تقول لي ياويلك لو تنخطيبن وأنا في بريطانيا قلت لها خلاص مايهمك
رؤى: يلا إن شاء الله تنخطبين في الصيف عشان تحضر ملكتك
الكل: آآآميــــــــن
عهد: ع هالكشخه رانيوه بتنخطبين بكره
الكل: هههههههههههه
عهد..عجبني فستان رانيه بالمره كان قصير لتحت الركبه وبفتحة سبعه عند الصدر(كت) ومطرزه أطرافه بدرجة البنفسج الأغمق من لون القماش الأساسي , مع جسم رانيه المليان والأكسسوارات وصندلها العالي اللي عاطينها طول طالع روووعه ...
هنادي..الصبايا كل وحده تقول الزود عندي مدري ليه يمكن لأن ماشفناهم متعدلين بعد وفاة المرحومه الله يرحمها مفتقدين وجودها , حتى رزان أحس عيوونها حمرا برغم أنها طالعه قمر بس لولا أصرارنا عليها وعشان خاطر دانا ماكشخت كذا , حتى لمن قامو الصبايا يرقصون ماقامت معاهم راحت تسلم وتوزع الحلى , مع أنها تحاول تبين طبيعيه إلا أني حاسه لها هي ورؤى الله يعينهم ...
وحده غمضت عيون عهد وقالت: فديييييييت الأخضر
عهد لفت وضمتها: سدووووم كيفك حبيبتي؟ أخبارك
سديم: الحمد لله بخير وش رايك في المفاجئه ؟
عهد: تهببببببل , يعني ملوك وحور تباركو علينا خلونا نشوفك
سديم: هههه حور مع أنهار في الطريق أنا جايه مع ماما
حنين تأشر ع إيمان: خااااالتي هناا
إيمان سلمت ع حنين وجلست تسولف معاها , أنفتح موضوع الحمل: أخبار صغيرنا أكيد مشتاق لي
حنين: ههههه زين أنك عرفتي بقى 5شهور وتحملنه وتلاعبينه
إيمان: الله يبلغني فيكم كلكم يارب
الكل: آآآميــن
رانيه تكلم حنين: ع فكره اللي هالقمر اللي جالسه جنبي تزوجت في نفس ليلة ملكتك
حنين: واللـــــــــه محاسن الصدف
سمانه: الله يسلمك
إيمان بعفويه: يلا أحملي عشان ملكتكم في نفس الليله ويصيرون أولادكم في نفس العمر
سمانه أبتسمت: ههه الحين خل أخلص ثالث ع خير وبعدها الله يجيب الخير
الكل: إن شاء الله
رزان: يلا صبايا دانا خلصت تصوير قومو نزفها
قامو البنات يزفون دانا كانت رهيييييييبه بفستانها بالألوان الناريه المتدرجه والمتناسقه والغالب ع الألوان العنابي والبرتقالي , كان الجيب بشكل التفاحه بدون أكمام وعند الصدر شك فخم بتدرجات الألوان الناريه وفي الوسط كرستاله عنابيه وعند البطن تول عنابي مطرز بالبرتقالي , وعند نهاية التول العنابي ورده بفس القماش اللي عند الصدر وتزل من عند الورده قصه بشكل ثمانه فيها كشكش بالألوان المتناسقه ويكبر الفستان بالتدريج وينتهي بذيل عروسه كان الفستان والتعديل وكل شي في دانا أنيق وفخم ...
رانيه..كالعاده بعد الزفه أنطربنا ولا وقفنا خخخ حتى رزون سحبناها معانا ووناااسه ومسخره , نزلنا من الستيج وأحنا هلكانات رحنا عند الطاوله كل وحده شربت لها قارورة مويه ههههه ...
رزان مسكت بطنها اللي أنتفخ من كثر المويه اللي شربتها: أبـــــــي ماما "هنا الكل سكت وبان ع ملامحهم التأثر ولا حد عرف يصرف الموضوع , صرخت رزان: أبــــــــــــــي ماما فضيلــــــه
هنا الكل بان ع وجههم الوناسه , رانيه من الفرح ضمت رزان وهي تضحك: أحبـــــــــــــــــــــــــــــــــــــــــــــــ ــــــك
رزان: ههههه خلبه صديقتي بجد بروح لها قبل شوي أنبسطت وهي تقرأ علي
هنادي: هههههههههه يلا بنات كلكم أهجمو ع عمتي خلوها تقرأ عليكم
راحو البنات عند الطاوله اللي يستقبلون فيها المعازيم .. كانو الجالسات فضيله-أم مشاري-أم تركي-أم فارس وباقي خلات فارس الكبار وبدءو البنات يسلمون ...
رزان..أمممـ أم تركي تخيلتها أمي نفس الأسلوب ونفس ريحة العود والبخور والمشمر الزري الله يرحمك يايما سلمت عليها وتباوست معاها ...
أم تركي: تحبين الكعبه يابنتي , كبرتي
رزان: الله يسلمك ياخالتي
فضيله: هذي مرت ولدي فيصل
أم تركي: والنعم فيها بنت المرحومه صح؟
فضيله: أيه وهل يخفى القمر
رانيه اللي تمون ع الكل: خلاص بسكم حمرت خدود البنت
أم تركي: ههههه ياليتها بس تعطيك درات من حياها
رانيه: والله ياجدتي جربت الأدب تبين الصدق تراه متعــــــب جاتني أنفلونزا يوم ثاني
الكل: هههههههههههههههههه
عبير: الله يخلف عليك يابنت أختي
عهد: ههههه رنوش والأجر ع الله , يلا تآمرون بشيء؟
الحريم: ماتقصرون بس ترا فارس بعد شوي بيدخل
رانيه: لا والله ما أستانسنا بتصل باقول له يأجل بعد نص ساعه
أم مشاري: رانيه أعقلي
رانيه تتهزأ وماتفرق عندها: والله أنا قايله اليوم بتغطى من فروس صار رجال
فرح: ههه يعني من ذاك اليوم لليوم أخوي حمار عندك !!
رانيه: لا بس الحين يمكن دانا تغار عاد أنا أخاف ع مشاعر صديقتي
عبير سحبتها لأنها بدت تخور وراحو البنات يكملون رقص ...
رزان وهي ترقص رن جوالها راحت ع الباب عشان تسمع زين حطت يدها عند فمها: هلا غناتي فصول..............بسم الله وش صاير حبيبي؟........ياقلبي........والله مدري عنك.......خلاص أخلي وحده من الخدامات تفتح لك باب المصعد............خلاص خلاص أنا أتصرف لاتعصب.........يلا ثواني ...
رزان..ياربي وش هالورطه الحين كيف أركب لفيصل وأنا كذا مابيه يشوفني بهاللبس المشكله أن عباياتنا كلنا فوق يعني لا مفر لازم أمر عليه , رحت للخدامات وحده وحده أترجاهم يودون المفتاح لعنده كلهم مشغولات مدري وش سالفتهم يااااربي , يعني لامفر نزلت فستاني طلع صدري رفعته طلعو ركبي خل أرفعه يطلعون ركبي ولا يطلع صدري ضبطت شكلي في مراية المصعد وركبت ...
]]ـ-ـ-ـ-ـ-ـ-ـ-ـ-[[
بعيد شوي عن الصاله وحوسة الملكه في الحديقه , فيصل نادى ع ناسا ...
ناسا: نأم فيصل ؟
فيصل: سمعيني زين أياني وياك تركبين فوق لو حد يقول لك تجيبين شي وتجيبينه
ناسا: إن شاء الله , بس شيسوي أنا إذا حد يقول يبيني أركب فوق
فيصل: تحججي بأي شي صرفيهم بس إياني وياك تركبين لا أنتي ولا خوياتك الخدامات ترى أذبحكم
ناسا: لالالا خلاص مافي يركب
فيصل: وإذا سألتك رزان عني قولي أنك ماشفتيني مافي موجود
ناسا: بابا كذب حرااام
فيصل وهو يتلفت لاحد يكشفه: تخسي إلا أنتي أنا أصير أبوك , سوي اللي قت لك عليه لا أذبحك
ناسا: خلاص خلاص أنت مافي موجود
فيصل وهي يأشر لها بيده ووده يزنطها: يلا أنقلعي
فيصل..بعد ماراحت ناسا قفلت باب المصعد وجلست فوق أتدرب كيف بسوي نفسي معصب إذا جت لعندي رزان خخخ , أجل ماتبيني أشوف كشختها لاوالله مو علي وأنا فصول , وقفت لمن شفتها كانت رهييييبه وهي تدورني وأنا وراء باب المصعد قفلته عقب مادخلت وتقربت منها لا إرادي ضميتها من وراء ولفيتها لصدري ...
رزان..حاولت أتملص من فيصل كان ضاغط علي بكل قوته بعدت عنه شوي رجع ضمني حسيت نفسي لاحول ولا قوه خلاص وصلت معي دموعي بتطيح حسيت يده ع مكان غلط نطيت عند الكنبه والدموع متجمعه في عيني , رجع لي وقفني وهو مو حاس أني ببكي وضمني مره ثانيه وباسني في كتفي ...
رزان بعدت عنه وهي مو قادره تتحمل بتبكي: فيصل خلاص
فيصل شاف الدموع متجمعه في عينها وهو مو قادر يتحمل شكلها الطفولي مسح دموعها: ليه الدموع ياحياتي أنتي؟
رزان لفت وجهها: ليه تكذب علي
فيصل: لأني أبي أشوفك وقسم وحشتيني ومالي إلا هالحل
رزان: طيب أبي أنزل
فيصل: بس أنا أبيك
رزان صار صدرها يرتفع وينزل من ضربات قلبها القويه , طاحت دموعها: خلاص فيصل
فيصل باسها في خدها: حبيبتي مستحيل أنا أسوي شي يزلعك أو مايرضيك ماطلبتي شي الحين ننزل بس بكره أشوفك طيب
رزان هزت راسها: طيب
فيصل: زعلانه ياقمر ؟
رزان: لا بس تأخرت
في المصعد كانت رزان ساكته وسانده راسها ع جدار المصعد وفيصل يناظرها ...
فيصل: أبي بوسه "ماكمل كلامه وأنفتح باب المصعد وهربت رزان من باب الصاله وهو طلع من الباب الثاني للحديقه وهو يضحك ع حياها ...
رزان..دخلت سندت راسي للجدار وهـ طلعت منها سالمه , ياقلبي فصووول أحبه ضربتني رانيوه ع ظهري لالا رحت فيها ...
رانيه: أعترفي وين كنتي؟
رزان ببراءه: كنت فوق أضبط الميك آب
هنادي: كنتي فوووق هاااا وعلامة الجوده موجوده
رزان ناظرت عند كتفها لقته محمر حطت خصل شعرها عليه وقالت تبرر: أيه دعمت الباب وأنا أركض
عهد: غنااتي كلنا بنات عاتي عاتي يتهنا بك فصول
رانيه: بصراحه فيصل شافك كذا ورجعتي لنا !! الحمد لله اللي جاب العواقب سليمه
الكل: هههههههههههههههههههههههههه
رزان أحمرت من تعليقاتهم: ليه لابسين عباياتكم
مها: صباح الخير ترى فارس في الممر
رزان قريب تبكي: ماعندي عبايه
فضيله اللي توها جايه: رزان من زمان أدورك تفضلي حبيبتي عبايتك
رزان لبست عبايتها وشكرت عمتها , بعدها دخل فارس ...

عهد..تفاجئنا من فارس الموضوع عنده إيزي وهو يمشي ع الستيج يسولف ويضحك مع خواته وخلاته ويناقرهم ماكأنه أول ليله فالنها بقوه الكل قام يعلق وصل لعند دانا سلم عليها وباس راسها وعطاها باقة الورد اللي عنده وجلس وجلسها معاه قبل لاتقول له المصوره هههه , بعدها جابو لهم الكيك والعصير ووقفو عشان لقطات التلبيس , دانا كانت لافه وجهها وهي تشرب العصير عشان لاتناظر في عيونه ...
فارس بصوت عالي: أول شي ناظريني بعدين أعطيك العصير
الكل: ههههههههههههههههه
رزان..ياحليلها دانا ناظرت فيه وهي منزله عينها , بعدها عطته قطعة الكيكه ...
فارس: مافي أكبر منها <<يتطنز عشانها صغيره
جهان: ههههههه حرام عليك فروس تراها بنوته متعوده ع الرقه
فارس: خلاص أنا بعد بصير رقيق "قطع لها قطعه من جهة الكريمه"
أم فارس: حرام عليك لايجيها سكر البنت
فارس: عاد أم فارس خل نكون صريحين قولي أن نفسك فيها "حطها في فمها والكل قام يضحك , جهان قطعت لدانا قطعه صغيره من جهة الشكلاته وأكلتها دانا بسلام , بعد كذا خلصو لقطات التلبيس والتصوير اللي كانو فيها فارس وخلاته وخواته ممسخرين الدنيا ودانا مستحيه ...
أم مشاري: الله يبارك ليكم ياغنااتي
فارس: يبارك فيك خالتي
جهان: يلا قومو نزفكم للمجلس المصوره تنتظركم ...
في المجلس بعد الزفه بقو فضيله ومشاعل مع دانا وفارس قالت لدانا: دانا ماما ارفعي راسك تراني ما أشوف إلا شعرك
مشاعل: وفارس انا ما اشوف اللي شماغه , لمتى بتضلون معتكفين؟
فضيله: ههههه يلا أخليكم ع راحتكم "طلعت وطلعت وراها مشاعل ...
فيصل دخل بعد ماطلعت فضيله سلم على دانا وفارس وتباوس معاهم ...
فيصل: مبروك دانينو وأنت أبو الفوارس
فارس: الله يبارك بعمرك
فيصل: دانا مبروك
دانا: الله يبارك فيك
فيصل: انتي عن جد دانا اللي اعرفها مو كأنك نسره وش صاير لك حتى وجهك مو مبين بس شعرك وهالخاتم اللي كأنه ذا خاتم علاء الدين اللي يطلعونه في سبيستون ويفركوه ويطلع منه جني بس أحلفي مو بعشره ريال
دانا شوي وتصيح ابتسمت من الفشله , بعدها صور معاهم فيصل وطلع وبقو بروحهم يصورون ...
]]ـ-ـ-ـ-ـ-ـ-ـ-ـ-[[
بعد ما أنزفو دانا وفارس ع المجلس , كملو البنات رقص وهبال ورانيه مصادقه الطقاقه تاخد الميكرفون وتغني معاها ...
رزان: أهداء إلى فيصل
عهد: بس فيصل مو موجود
رزان: وصلو له "كل البنات هيآآآآآآآآآآآآآآ هووووووووووووو وااااااااااااااو يآآآآآآآآآآي كللللللللللللوووووووووووش<<هبال
الذهب يالون عينه .. يالذهب اللي فضحني .. تعذبني نظرة عيونه ...
عشقت دنياه وكونه .. هالعيون اللي سكنتها .. فديت العيون وصاحبها ..تعذبني نظرة عيونه ...
أنا بدونه شلوني؟! .. وهو بدوني شلونه.. حنا جسدين بروح وحده .. وهو حبي اللي مابعده .. وتعذبني نظرة عيونه ...
صرت أسيرة قلبه .. من يوم سكني جفونه .. تعذبني نظرة عيونه ...
هو روحي هو قلبي .. ما أرده ما أرده .. فديته وفديت عيونه .. تعذبني نظرة عيونه ...
تقاسمنا المحبه .. ياكثر قدره بقلبي .. وياكثر قدري بقلبه .. تعذبني نظرة عيونه ...
يزعلني وزعله .. فداه قلبي اللي أنخلق لجله .. وعيني اللي أسرتها عيونه .. تعذبني نظرة عيونه ...
قامو البنات تصفيق وهبال وضحك وتعليقات وطناز ...
رانيه: هههههه وأنتي كل ماتقدمتي في الكلمات حمر وجهك أكثر
ملاك: أحم أحم سجلت صوتها لأخوي
رانيه: تعجبيني
رزان: لا ملكوووه صوتي يفشل
عبير: حتى لو مجعر هو بيسمعه عذب زلال
الكل: هههههههههههههههه
جهان: بقوم أتطمن ع العرسان بشوف إذا يبون شي
رانيه..صرت أمون بقوووه قمت المطبخ فتحت الثلاجه جوعااااااااااانه طلعت وجبتي حطيتها في المكرويف لمحت حد في المطبخ الخارجي جاني فضول أعرف مين , دخلت راسي شفت ولد مدري وش سالفته رحت أركض في الصاله المفتوحه ع المطبخ ...
راشد..شفت بنت وأنا أتعشى جات تطل كملت أكلي ولا معبرها خليها في حالها يمكن وحده من بنات عمتي , شوي جت تناظر من الباب لا ياشيخه ؟! نزلت راسي وكملت أكل ولا كأني شفت شي شوي إلا أسمع صوت طرااااااااااااااااااااااااخ عاد هنا ماتحملت قمت الصاله , مسكينه أنزلقت بها الفرشه جتني الضحكه ع شكلها , أختفت ضحكتي لمن شفت صندوق الزينه اللي ع الأرض أرتز في ظهرها مسكينه غاب هواها وتمددت ع الأرض وفستانها أرتفع أستغفر الله العظيم مو قصدي أناظرها بس أبي أتطمن عليها أتصلت ع هنادي ...
راشد: هلا مرت أخوي..............بسرعه تعالي المطبخ الخارجي وجيبي معاك عباية بنت عليها فستان بنفسجي................مدري رانيه أو غيرها المهم عليها فستان بنفسجي تعالي ولا حد يحس لك............يلا بسرعه ,
رانيه..أسمع صوت هنادي وأسمع صوت الولد بس مو قادره أقوم غاب هواي من الصندوق اللي أرتز عند خصري في نفس الوقت ماكنت ماكله شي أبي مويه أصحصح فتحت عيوني حسيتها تتقفل بروحها من التعب ...
هنادي وهي تلبس رانيه عبايتها: بسم الله الرحمن الرحيم رانيه حبيبتي بخير أنتي؟
رانيه ياذوبها ركزت ع الصوت: أيوه بخير بس أبي مويه
راشد اللي كان عاطينهم ظهره عشان لايناظر رانيه جاب كاس مويه وحطه ع الطاوله وبعد عنهم ...
هنادي: قومي بنوصلك المستشفى
رانيه: لالا مافيني شي خلاص أنا بخير
هنادي: ماعليه عشاني أبي أتطمن عليك
رانيه: تطمني أنا بخير , خلاص بقوم أدخل داخل
هنادي مسكتها من ظهرها رانيه بعدت عنها من الألم , قالت هنادي: شفتي أنك تعبانه قومي حبيبتي دقايق بس
رانيه ماقدرت تكابر وركبت مع هنادي سيارة راشد ...
هنادي: صرتي بخير؟
رانيه: الحمد لله
هنادي: جده تتعب صح ؟
رانيه: أيه مره , مو بس من جده أنا اليوم مانمت ولا أكلت زين
هنادي: الله يعين
رانيه: بتصل أطمن ماما أكيد الحين تحاتيني
هنادي: تلاقينهم ماحسو من الزحمه أنا الحين بتصل لحنين حتى هي تعبانه قبل نطلع كان سيف معاهم
بعد ماكلمت هنادي حنين , رانيه: وش تقول حنين؟
هنادي: جايين لنا المستشفى
راشد..نزلنا المستشفى وحطو ع البنت مغدي وبعدها جا أخوها تفاجئت أنها بنت أبو مشاري يعني بنت خالة فروس !! ...
سيف: ماقصرت ياراشد يعطيك العافيه
راشد: يعافيك ولو هذا واجب حنا أهل
سيف: تسلم يابو عبد الله , هالبنات مدوخيننا الله يعين بس
راشد: ههه أنا مرتاح لا مره ولا حماره عايش حياتي بالطول وبالعرض
سيف: أحسن لك , خلاص يالغالي ماقصرت أنا بنتظر المغدي يخلص وباخدها معي
راشد: جبناها خل نتطمن عليها وأنا ماوراي شي بكره عبود اللي بيداوم أنا الشاهد عشان كذا بكره ماراح أداوم
سيف: ههههههههههههههههه لاتذبحني والله أني مو قادر ع سوالفكم
في نفس المكان في إنتظار النساء , هنادي: مساكين والله يتعبون
حنين: الحين أنا في التطبيق أمي وخواتي مو راضيين أطبق في قسم الولاده
هنادي: أيه مايصلح مجنونه أنتي , خليه إذا ولدتي بعدين طبقي
حنين: هو القسم الوحيد اللي ماطبقت فيه , لمى طبقت فيه قبلي شكلها بعد بتتخصص قبلي
هنادي: الله يسهل عليك يارب , أكيد ماتوقعتي أنك تحملين
حنين: ههه أيه حتى تضايقت في البدايه بس في نفس الوقت فرحت نعمه من ربي
هنادي: أنا كنت في ثالث ثانوي حملي بشوق ولا كملت بس الحمد لله الأطفال شمعه في البيت حتى لو زهقونا وتعبونا
حنين: أي والله حتى الوليد أخوي أحسه أكثر واحد متحمس مع أني مساكين أخواني ما أجلس معاهم مثل أنهار
هنادي: ع النفسيه أنا أميل لأخواني الصغار أكثر من الكبار
راشد ينادي من برا: أم شوق
هنادي راحت تشوفه: هلا
راشد: خلاص خلصت البنت نادي ع أم يوسف
هنادي: يلا أم يوسف نشوفك ع خير
حنين: الله يسلمك وأسمحي لنا
هنادي: لاشدعوه رنوش بنتنا أنتي أسمحي لنا
حنين: مسموحه يالغلا نشوفك ع خير
هنادي: الله يسلمك , وأنتي من أهله
حنين اللي صارت جنب رانيه: خير حبيبتي سلامات
رانيه: الله يسلمك بس تعبت شوي
سيف وهو يفتح لها باب السياره: أكيد من الرقص
رانيه: ههه زين أنك عرفت"رانيه وهي تمسك يدة الباب بتفتحه طلع الدم من مكان أبرة المغدي ولعوزت ثوب سيف ويدة الباب"
عقب ما وقف الدم , سيف: الله يغربلك لعوزتينا
رانيه: أهم شي سلامتي
حنين: ههههه وهي الصادقه حماتي
سيف: عاد مو تقولين لأمي الحين تجلس تبكي ولا بتخليك تنامين
رانيه: مجنونه أنا مابقول لأمي ولا لجدتي خليها إذا بردت السالفه بقول لهم وياذوبي ؟, يلا مع السلامه
سيف: بوصلك عند باب البيت تعالي أمشي معانا
رانيه وهي تمشي معاهم: حلاتها الواحد يمرض يحس أنه مهم
حنين-سيف: ههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:30م في فيلا ناصر ...
عقب ماطلعو المعازيم كانو البنات يسولفون ...
ملاك: إلا رنوش طلعت من بدري
رزان: مسكينه تعبانه توها راجعه من جده راحت مع مرت أخوها
عهد: وفيصل ليه ما جا للحين ؟
رزان: شاف المعازيم تأخرو وهو تعبان نام في بيتنا مع فهد
دانا وهي تشيل الميك آب: الله يعينه
ملاك: وش رايك في فارس؟
دانا: تمام
عهد: هههههه أحلى شي أول مادخل الصاله
دانا: كان بودي أذبحه , هو يقول لي أنا إذا أستحيت أستجن قلت له تكفى عاد لاتستحي
رزان: هههههههه أجل قمتو تسولفون؟
دانا: شوي مو مره
ملاك: وش قال لك ؟
دانا: لا عاد ملوك مسختيها أتركي عنك هالسوالف وروحي ذاكري السبت عليك أختبار
ملاك وهي تتحرطم: مجالس المخطوبات خل أطلع بس لا يخربوني
عهد: ياخوفي بس أنتي اللي تخربينا
رزان: وش كنتي بتقولين لي قبل شوي
دانا: أشك أنه شافني قبل
عهد: أيه هو شافك مره في المجلس بس من زماااااااان
دانا: لالا مو هالمره يتكلم وكأنه شافني قبل يوم أو يومين
رزان: يمكن حلمان فيك
دانا-عهد: ههههههههههههههههههه
رزان: والله من حقه يتحلم شهر وشوي من وافقتي وتحاليل وسالفه وتوكم مالكين
عهد: بس فرق شاسع بينك وبينه الكل علق
دانا: أيه حتى لمن وقف جنبه فيصل , فيصل ع طوله طالع قصير قدامه ماشاء الله
رزان: لوين يوصلك ؟
دانا: أممم أقل من كتفه شوي يعني عند صدره تقريباً
عهد: هههههههه دانوه من الحين قستي؟
دانا: هههههههههههههههه بلا نذاله بس عشان الصور تعرفين غصب نقيس
رزان: يلا قومي نامي وراك جلسه عشان تروحين بيت عيالك
دانا: بودي تكونون معاي أول مره صعبه
عهد: معاك رنوش ماراح تقصر وجهان وعبوره
كالعاده البنات بدلو ملابسهم وجلسو كل وحده ع سريرها سوالف وضحك لحد ماطلعت الشمس ...
دانا: بعرف بس وش السحر ماتحلى السوالف إلا إذا تسدحنا
عهد: أقول قومو بس الحين أكيد بابا طالع للدوام خل نسلم
رزان راحت عند الدرج: ترى فيصل وفهد تحت
دانا: خلاص شكلي بنام
عهد: لايكون تستحين من فهد؟ , ع فكره قبل شوي كان يبي يبارك لك بس كان فارس لسه موجود
رزان: يلايلا لبسي عبايتك أنا ببدل ملابسي لا يتروع فيصل
عهد ورزان بدلو ملابسهم لبسو برمودات وتيشرتات ودانا لبست عبايتها عشان فيصل وفهد تحت , البنات سلمو وجلسو يسولفون ...
فهد: مبروك دانا
دانا: الله يبارك في عمرك
رزان: هااا دانا أشتكي؟
دانا: ههه
فهد: وش مسويه العروسه ؟
رزان: مستحيه منك
فهد: لالا دانا تستحي مني ماشاء الله , ماشاء الله
فيصل: معذووور ياولد الخال أول مره تشوف دانوه مستحيه
عهد: ههه حرام عليكم طول عمرها أختي خجوله
فيصل: أنا ماصدقت أنها خجوله إلا الأمس
ناصر: ها بابا عجبك فارس ؟
الكل ضحك ع السؤال: ههههههههههههههههههههههههههه
دانا وهي محمره وتبتسم: أيوه تمام
فيصل: مين أحلى أنا لو فارس
دانا: أمممممممـ
رزان: فصول ترى أنت تستلمها وبعدين بتنتقم مني أنا
فيصل: أفاااااا
رزان: ههه أمزح بس ما أرضى ع الغاليه توئم روووحي
فيصل: أخ بس لو دانوه مو أختي كان فنيتها من الوجود
دانا: وش هالغيره ؟!
فضيله: لاتخافين شوي وفارس يغار من رزان , الله يخليكم لبعض
الكل: آآمـــين
ناصر: إلا ملوك وينها ؟
البنات: نايمه
رن جوال دانا وأرتبكت وأحمرت وقامت ترد , والكل سوو فوضه ووناسه وزغاريت وصلوات ...
دانا وهي طالعه للحديقه: لابس كنت جالسه أفطر........لا الحمد لله خلصت.........يعافيك"وتمو يسولفون لحد ما أتفقو نهاية المكالمه أن فارس بيمر دانا الظهر عشان تتغدى في بيتهم"
بعد الفطور تفرقو .. البنات وفضيله راحو ينامون وناصر راح الشركه وفيصل وفهد فالينها طلعات ووناسه بما أن اليوم خميس ...
دانا..جلست من الساعه 11ٍالصباح عشان أستعد وكانت رزون جالسه وساعدتني بعدها صليت وأستعديت ياذووبي خلصت طوالي وصل فارس ركبت مع فارس السياره أفترينا شوي بالسياره وأحنا نسولف وبعدها رحنا بيتهم أمممـ أرتحت كثييييير الحمد لله رب العالمين كانو يعاملوني مثل بنتهم حتى عمي أبو تركي ماتغطيت عنه بعدها رجعت البيت وأنا مبسوطه ورزان وعهد متحمسين للسوالف وأنا أسولف معاهم لكن كان حاز في نفسي أن أفراح حماتي مو متقبلتني ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:17م في فيلا أبو تركي ...
جاسر بعد ماسلم: وش ماخدين لفروس أنتو ؟
أم تركي: ماخدين له بنت ولا كل البنات
جاسر: في ذمتكم هذي مو في متوسط
عبير: هههههههه لا في سنه أولى جامعه
جاسر: شفتها في السياره مع فروس أبد ماتبين صايرين الفيل والنمله
الكل: هههههههههههههههههههههههههههههه
أم فارس: صلِ على محمد وآل محمد لا تحسد ولدي
جاسر: اللهم صلِ على محمد وآل محمد , بس عن جد كنت أستهبل فاتح شباك سيارة فروس أنحرجت أنها معاه ما أنتبهت لها وقسم
رانيه: وش فيك خالي متعجب تحسين نسل
الكل: هههههههههههههههه
مشاعل: وأنت وس لك تقز في بنت الناس
جاسر: لاحول أقول ما أنتبهت لها هذي تقول لي تقز , عمك أصمخ
رانيه: لا خالك هههههه , قوم بس روح مع بنت أختك المول بكره بتروح عنك جده
جاسر: تصدقين كسرتي خاطر قومي قومي
رانيه: هياااااااااااا أحبك خالي قومي قومي عبوره
جاسر: لاحول متى بتعقل هالبنت هي معزومه وتجيب معاها معازيم
عبير ورانيه ركبو يستعدون وهم يستهبلون ...
رانيه: تصدقين للحين ظهري يوجعني
عبير ناظرتها بنص عين: أتحداااااك يوجعك
رانيه: وليه ان شاء الله وش شايفتني ؟!
عبير: يقولون فارس الغفله ذلك ظهرك وقفل لك عبايتك ووصلك لعند السياره وهو حاملك ع أكتافه
رانيه: بل بل بل !! وهالإشاعات ؟!
عبير: والله هذا اللي سمعته
رانيه: لهدرجه صرت مشهوره وقامو الناس يطلعون علي أشاعات
عبير دفتها بكوعها: خاويني خاويني كيف شكله حلو ؟
رانيه: أمممـ أنتبهت له أبيضاني وعريض مثل فروس بس أقصر وبس هذا اللي أنتبهت له
عبير: حلفي بس هذا اللي أنتبهتي له ؟
رانيه: وقســــم أقول لك كنت تعباااااااانه مو قادره أفتح عيني
عبير: خلاص خلاص كل هذا وتقول بس قزت الولد قز وتقول لي وبس
رانيه: عبيروه لاتفتحي مخي ع أشياء غلط ياذوبي أقدر ع جده خل أخلص دراسه بالأول وبعدها يصير خير
عبير: أووووووه الظاهر لشوفته تأثير إيجابي ع عقلك ماشاء الله ماشاء الله
رانيه: عبيروه أعقلي هاا
عبير: بس تصدقين رنوش حتى لو أنتي ماقزيتيه أكيد هو قزك
رانيه: لاحووووول أقول لك كان داير وجهه وين ينتبه لي
عبير: يعني أنتي كنتي تناظرينه ؟
رانيه ضربتها بالشنطه ع وجهها: الكلام وياك ضايع الحين هذي الخاله لو كل الخلات مثلك كان ماظل حد صاحي في هالدنيا
جاسر: بتجون لو أغير رايي ؟
عبير-رانيه: لالالا خلاص جايات جايات
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثلاثون
((هذا الجزء
-ملكة دانا اللي كانت أول فرح بعد وفاة المرحومه كان حلو صحيح بس صعب ع الأهل أول فرح بدون وجود الغآليه , واللي صارت بارت كامل بسبب كثرة الأحداث فيها ...
يعطيكم ألف عافيه
تابعونا
تحياتي))

.
.
.

.:دانهـ العشآق22:.

يسلموووووو على البااارت الحلووو
تحياتي,....

عوآإآإآإفـي غنآتي ع المرور

لا عدمتكـ يارب ,,’’

’’,,

ذايب في هواهم
((الجزء الحادي والثلاثون))
بسم الله الرحمن الرحيم
((المستجدات في هذا الجزء...
-فهد وسفرته المفاجئه لكندا يكمل الماستر
-مرت شهرين سريعه ع أبطالنا أغلبهم كانو مشغولين بالدراسه
-الإختبارات النهائيه ع الأبواب<<بالتوفيق للجميع
-زواج رزان وفيصل راح يكون بعد شهرين
تابعونا))
ياغربة الأيام ياحيرتي بدونه
شلون الجفن له ينام؟!
ومفارق عيونه؟!
ياغربة الأيام ياحيرتي بدونه
شلون الجفن له ينام؟!
ومفارق عيونه؟!
يكفي حبيبي بعاد والفرقه ما تنراد ..
صدق الدمع لو زاد مايرجع الغالي ..
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:40م في فيلا ناصر ...
دانا..كنت راجعه من الجامعه أختبرت ومو متأكده إلا من ثلاثه أسئله والباقي السنه الجايه بينزلوهم مناهج مطوره خخخ سألت ماما عن الغداء وركبت أبدل ملابسي دخلت جناحنا رحت غرفة ملوك ذكرت ان اليوم حفل تخرجهم من الأمس وهي رايحه مع حور تشسور شعرها ومصحيه عهد من الصباح تحط لها ميك آب ناعم وتفك لها شعرها سكرت باب غرفتها , رحت لغرفة عهد شفت الأنوار مبنده إلا نور الثريه الأصفر ونور الشمعه اللي جنبها , أكيييد تكلم فهد ...
رفعت عنها البطانيه لفت وجهها عني: لاتقوليييييييييين نايمه ترى أذبحك خاطري فيك يالدبه صار لي يومين ماشفتك
عهد أنقلبت ع الجهه الثانيه وقالت بصوت مبحوح: دانا تكفيييين أبي أنام
دانا لفت وجه عهد لها أنصدمت من وجهها محمر وعيونها منتفخه: عهووود تبكين ؟؟!!
عهد: لا , أبي أرتاح شوي
دانا: والله وأنا حلفت ما أطلع إلا وأنا عارفه وش فيك , تكلمي فهد فيه شي ؟
عهد: لا
دانا: دوختي راسي قولي لي وش فيك ؟
عهد: مافيني شي
دانا: ترى أكره صفه فيك أنك سكيتيه وكل شي تكتمينه في قلبك ياخي أنا أختك فضفضي
عهد: بس كذا ماشفت نفسي إلا أبكي
دانا: ههههه يعني فراغ عاطفي ؟
عهد ودموعها تطيح بصمت: تخيلي لو أنك ماتشوفين فارس شهرين وأربعة أيام ؟
دانا ضمتها: بعد قلبي أختي , يعني زعلانه عشان فهد وحشك ؟؟ خلاص يالغاليه مايهمك كلها كم شهر وهو عندك
عهد وهي دموعها تطيح: وتتوقعين كم شهر قليله خلاص زهقت من كل شي مالي خلق شي حتى المذاكره أغصب نفسي عليها
دانا وهي تلعب بخصل شعرها: يرجع لك بالسلامه إن شاء الله , أنتي الحين خلي همك في دراستك لاتنسي أنك ثالث لازم تجيبين نسبه ولا ترى كلنا بنزعل منك
عهد: لا إن شاء الله بترتفع نسبتي
دانا: إن شاء الله ترتفع أهم شي ماتنزل حتى لو ظلت نفس ماهي 97,16% مو شينه
عهد: بس نفسي أنها ترتفع أنصدمـــــــت لمن عرفتها الفصل الدراسي الأول
دانا: حبيبتي لازم مع الخطوبه والإنشغال زين منك , بس عن جد حلوة نسبتك حاولي ماتنزل
عهد: إن شاء الله
دانا: طيب ليه التكشيره أبتسمي
عهد ابتسمت: دانوه مالي خلق , توه مقفل من عندي فهد
دانا: حركات أخباره ؟
عهد: تمام
دانا: تصدقين تسألني عمتي وين يدرس خطيب عهد ؟ قلت لها أنه يكمل الماستر في كندا ولاية ترن تو , جاسر يقول لي الله يهداك ياخالي أمي مابتعرف ترن تو قولي ترن ترن بتفهمها
عهد: هههههههههههههههههه , وكيف علاقتك بخيلان فارس؟
دانا: بس أسلم , لكن جاسر غير يعدني مثل أخته ساعات أكون في المطبخ وهو في الصاله يسولف معي ع خفيف
عهد: حلوو , بس عاد ما أحب المبالغه
دانا: ههه لاتحاتين أصلاً ما أسولف معاه إلا إذا كان فارس معاي يعني نسولف جماعي
عهد: أحسن , تتغطين أو لأ ؟
دانا: عهدووو أرحمي حالك توك تسأليني هالأسئله صار لي شهرين مخطوبه وبعد 5شهور زواجي
عهد: ههههههههههه شسوي مشاغل الحياه
دانا: مشاغل الحياه لو فهد شاغلك ؟
عهد: أممممـ شوفي أنا وحده تدرس ثالث علمي طيب وتجهز لزواج بنت خالها وأخت خطيبها ومرت أخوها اللي هي رزون طيب وخطيبها مسافر ومكالمات طيب ....
دانا: بل بل بل خلاص لاتكملين عذرناك
عهد: زين أنك عذرتيني , متى تخلصين أمتحانات ؟
دانا: آآآآآآه لاتقلبي المواجع الأربعاء يعني بعدكم بيومين
عهد: الله يعينكم هذا وباديين قبلنا , إلا صحيح اليوم الثلاثاء لو الأربعاء؟
دانا: الثلاثاء , أستعدي ياحلوووة السبت إختبارات أتركي عنك كل شي يشغلك
عهد: فهد حضرته حاكم علي أول المكالمه لازم يسألني كم درس بقى لك بالأمانه؟ إذا قلت له يقول لي ذاكر كم درس وأتصلي علي
دانا: هههههههههههههههه بس تصدقين أحسن كذا أثنينكم تدرسون وكل واحد يشجع الثاني ع الدراسه
عهد: الحمد لله , ليه مانزلت معك رزون ؟
دانا: تعرفينها يعني فيصل موجود في البيت تستحي , ولازم بتجلس مع خالي ع الغداء
عهد: تصدقين أحيي في رزون ثقلها تحسينه بحدود يعني حلو لوحده مخطوبه مو حلو الوحده 24ساعه لازقه في خطيبها
دانا: ههه ع قولها إذا كل يوم نزلت معاك شاللي بيتغير ع فيصل بعد الزواج , مع أني ودي أزنطها بس كلامها يقنعني
عهد: تعجبني حماتي , أخبار شقتك ؟
دانا: تمام للحين ماطلع شكلها بعدها طابوق وأسمنت
عهد: هههههههه نيا لك ياحبيبتي
دانا: مع أني ما أأيد أن الوحده تسكن مع أهل زوجها باستثناء رزون , رزون غير بنتنا قبل ماتاخد فيصل , بس لمن شفت طيبة عماتي وحمواتي أقتنعت وبذات أن عبور بتكون جنبنا وكل أسبوع تقريباً رنوش بتكون موجوده
عهد: الله لايغير عليكم , أنا أقول لفهد بس غرفة النوم نأثثها مو مهم باقي الشقه والله عادي عندي , كذا ولا كذا البيت مافيه حد بس أنا وفهد وخالي ورزون بتتزوج قبلنا
دانا: أحسن كذا تكبرين في عينه , بس بعد حلو تكون لك حريه شخصيه
عهد: خلاص الشقه كامله لي بس أتخيل في المستقبل طول الوقت بكون تحت بس وقت النوم وكذا بنكون في الشقه
دانا: بس عاد تعلمي تطبخين ترى خالي مايمشيه أكل المطاعم
عهد: هههههه حتى لو ماطبخت الوالده مابتقصر , لا أكيد بتعلم بس عقب ماتستقر أوضاعي
دانا: صحيح أتفقنا أنا ورزون بما أن بيتهم فاضي ننام معاها وناخد كورسات للطبخ
عهد: ههههههههه الله يستر ع خالي مسكين , بس الحين الإختبارات ع الأبواب
دانا: عاتي عاتي وش دعوووه يعني نسوي شغل تعاوني في البريكات بس نطبخ وباقي الوقت كل وحده تذاكر في مكان
عهد: يعني نسوي أحتلال لبيت خالي عز الله مابيوصل فهد إلا ويبي للبيت تأثيث من جديد
دانا: هههههههههههههههه تصدقين مافكرنا في هالفكره إلا عشان نتشجع للمذاكره فكري في رزون محد معاها بالنسبه لي أنا أنتي وملاك في البيت تذاكرون أحس أن في حد يشاركني فاللي أنا في بس رزون محد معاها غير خالي
عهد: صحيح , بس شرط أنا أنام في غرفة فهد
دانا: هههههههههههههههههههههههههههههههههههههه ياخطيييييييييييييييره , ورزون تحب تجلس آخر الليل في المجلس اللي كانت تصلي فيه عمتي الله يرحمها
عهد: الله يرحمها , بجد هذاك المجلس من أدخله أشم فيه ريحة عمتي
دانا وهي تتثاوب: الله يرحمها , ياهذاره توني جايه من الجامعه ماخليتيني أنام الأحد وراي إختبار
عهد: ههه ياحلو الهذارين يسلوون ويضيعون الوقت
دانا: يلا بقوم أنام عشان الليله بذاكر
عهد: ماعليه بتذاكرين قولي بتطيرين مع فارس
دانا: ههههه أفكوووورس بس بجد رجعتنا بذاكر
عهد: يلا موفقه , فيصل بعد ناوي يطلعنا بكره أنا وملكو عشان تنفتح نفسنا للمذاكره
دانا: كاسر خاطري أخوي هي رزون مابدت المقاطعه بس خففت ومتطعطع كيف لو تبدي المقاطعه ؟!!
عهد: خخخ كان ينتحر أخوك مره وحده
دانا: لا أزيدك من الشعر بيت تقول رزون بعد الإمتحانات خلاص بتبدأ تقاطع حتى بيتنا مابتجي إلا عشان الشقه , طبعاً أنا ماقصرت سويت لي إقامه في بيت خالي لحد ماتتزوج قلت لفارس شوووف بيت خالي مثل بيتنا مافرقت عندي ومافي أولاد فلا تستغرب أي وقت تتصل لي تلقاني نايمه عندهم
عهد: ههه تعجبيني , تعليمات أم شوق هاا
دانا: أفااا عليك من أول أسبوع قلت له أني ما أتغطى عن أولاد عماتي
عهد: حلووو بس أهم شي ما أعترض ؟
دانا: قال لي إذا كلهم مايتغطون عادي قلت له بس اللي في عمرنا ومها أختي والباقي يتغطون قال لي أوكي
عهد: أحسن يعرف عنك كل شي عشان تتفاهمون من البدايه
دانا رفعت أكتافها: ومنكم نستفيد !!
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 6:33م في شقة ضاري ...
ضاري اللي توه راجعه من العمل: إلا شهوده وإياد وينهم ؟
أمل: شهوده تذاكر ومو راضيه آخد إياد نيمته عندها
ضاري: ياحليلها شهود وش قد تحب إياد , مدري كيف بتقدر تتركه إذا تزوجت
أمل: مو الحين تتزوج وش دعوه خليها تخلص دراسه مسكينه طول الوقت تذاكر في غرفتها عشان تجيب نسبه
ضاري: لو أقول لك ماتصدقين
أمل: قول أسمعك
ضاري: تخيلي أن أعمام شهد طول الفتره اللي راحت للحين مفزعين لي الدنيا يبون يزوجون شهد؟!! , أنا واقف في طريقهم قلت لهم أني مو عجزان عن البنت وخلها تكمل دراستها وو....
أمل: مع أحترامي بس أحس العقول اللي تنظر للأشياء السطحيه وكلام الناس ولا تفكر في مستقبل البنت ماتعجبني وشهد لاهي أول وحده ولا آخر وحده تفك خطبتها معقدينها عشانها فكت , صحيح أن هالشي صعب علينا وعليها والمجتمع مو متقبل هالشي بس قضاء الله وقدره هذا نصيبها مانقدر نغير شي .. ضاري عاجبك كلامي أو لأ ؟
ضاري ابتسم: ع راسي عن جد هذا اللي أفكر فيه , بس بعد في شي ثاني
أمل: بعد ؟!!!
ضاري: بسام خطب مني شهد للمره السادسه
أمل: لاحول , تدري ع السالفه اللي قلتها لي يمكن أحياناً أعذره بس بعد ماله حق المفروض يناقش خطيبته يتأكد منها مو يسوي سواته
ضاري: والله وأنا بعد محتار حدي , المسأله صعبــــــه مو مثل مايتوقعها بسام أنا صارحته قلت له أهلك عقب ماجونا يترجون شهد عشانها ترجع لك ومارجعت لك تتوقع بيرضون يخطبونها لك مره ثانيه؟!! ثانياً شهد ع اللي شافته منك تتوقعها توافق عليك؟!! ثالثاً أبوها ع المبلغ اللي ضغط ع نفسه عشان يعطيك وياه حق الطلاق الخلعي والضيقه اللي صارت له ع هالسالفه وأنه شاف حال بنته تتوقع أنه يأمن عليها معاك مره ثانيه
أمل: بجد المسأله صعبه , أنت بغض النظر عن هالأسباب وش رايك في الموضوع ؟
ضاري: مدري يا أمل الحين الولد خوش ولد , أصلاً لو حد يدري أنه خطب شهد ولا وافقت عليه بيطلع كلام ع شهد نفسها
أمل"لهدرجه تغير": طيب أنت تقدر تقنع شهد بس ع أبوها وأعمامها
ضاري: تعرفين شهد متحسسه من مسألت الزواج قلت أنا ما بتدخل في هالموضوع لاتفكر أني مستثقل منها أو شي وأنا قلت لبسام بعد الإختبارات أخطب شهد من أبوها مهما كان فأبوها موجود
أمل: وأنا بعد أوافقك خلك بعيد , إذا سألتك شهد عن رايك قول لها رايك وبس
ضاري: يلا الله يسوي اللي فيه الخير
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:41م في فيلا عبد العزيز ...
هنادي: وليه إن شاء الله البنات ماشرفو ؟
فضيله: دانا بتطلع مع فارس وعهد وملاك عجزت وأنا أصحيهم
ريهام: ورزون طبعاً معسكر معاها فيصل فوق
فضيله: ههههههه أيه , ملوك الأمس حفل تخرجهم رحت معاها المنتجع ماوصلنا إلا الساعه 11وشوي بالليل
رؤى: واااو يعني طولتو , بس بجد متفرغين السبت أختبارات وهم مسويين حفل التخرج الثلاثاء قبل الإختبارات
فضيله: لاوالله المدرسه سوو لهم حفل التخرج قبل ثلاث أسابيع هذي رحله البنات مسويينها واللي يحب يحضر من المعلمات
مها: خوش والله , وكيف الوضع عندهم ؟
فضيله: تبين الصراحه ماعجبني بس ماحبيت أكسر خاطر ملاك أهم شي هي أنبسطت
مها: الحمد لله , بس أحسن أنك رحتي معاها لاتتضايق تخيلي رحتي مع خواتي وهي ماتروحين معاها
فضيله: بس بصراحه فرق حفل تخرج دانا ورزان اللعام وعهد السنه حتى أنا أنبسطت
هنادي: لازم عمــه بنات متوسط مراهقات
فضيله: يكبرون ويعقلون , يلا بروح أشوف رزان وفيصل إذا يبون غداء
ريهام بمزح: طقي الباب قبل لاتدخلين عمتي
الكل: هههههههههههههههههههههه
فضيله أستأذنت ودخلت سلمت عليهم وسولفت معاهم بعدها قالت: الحين تحبون تتغدون ؟
فيصل: أيه أنا جاي من الداوم تعبااااااااان وبطني لازق في ظهري
فضيله وهي تأشر ع عيونها: من عيوووني
فيصل مسك يد رزان وباسها وقال وهو يناظرها: بس أنا أبي من يدك
فضيله أستحت وقالت تستأذن: يلا أخليكم تاخدون راحتكم
بعد ماطلعت فضيله , رزان وهي معصبه: فيصل وش بتقول الحين عمتي؟
فيصل وهو يقرب منها: مابتقول شي حلآلي ولا أنتي عندك أعتراض
رزان: بس مو حلوة قدام عمتي , فيصل والله مستحيه من عمتي مابي أنزل وأحط عيني بعينها
فيصل: خلاص وش رايك أنا أحملك ع الدرج
رزان: كان أرميك من الشباك مره وحده
فيصل: هههههههه ياشريره , أهون عليك ؟
رزان: لا
فيصل: طيب ناظري عيني
رزان: بقوم أساعد عمتي
فيصل: هههههههههههه أمووووت في مرتي الخجوله , بنزل معك
رزان: أوكي بس بدون حركات
فيصل يتفلسف وهو يشبر: بصراحه يارزان بدون حركات يعني يبي لها شغله يعني يعني لازم ضمان عشان ماتصير حركات قدام حد
رزان حطت صبعها عند فمها: أمممـ يعني كيف ضمان ؟
فيصل: عطيني بوسه قبل ننزل
رزان باسته بسرررعه وتقدمت عنه ع السلم وهي تضحك: هههههههههه
فيصل وهو يلحقها: أوريـــك
مها تناظرهم وهم يناقزون ع السلم: عز الله أستخفو أخوي وبنت خالي وش رايكم أجيب ريان يركض معاكم
رزان راحت وراء مها: ههههههههه أخوك شرير خبيني عنه
فيصل: بتجين ولا ؟
رزان: أجي بس مثل ما أتفقنا
فيصل: تعالي "جت لعنده وطولي لف يده ع خصرها عشان لاتهرب"
مها: أستغفر الله "سوت نفسها متغطيه تستهبل وراحت وهي تضحك عليهم"
رزان..ياربي اليوم فصولي جايتنه حاله مو طبيعيه مستضرف حده وفلها بقوه حتى أناظر في لبسي أقول يمكن فيه شي غلط , حتى قبل شوي لمن كنا فوق كنت واقفه أشرح له موقف رماني ع الكنبه وهو يضحك الله يستر منه اليوم ...
فيصل: ترى اللي يسرحون يبي لهم بوسه تأدبهم" ولا حد له تقرب من رزان وباسها في خدها"
رزان بعد خمس دقايق أستوعبت كلامه وأنتبهت أنه باسها مسكت يده وراحت معاه المطبخ وسحبت له كرسي وجلسته: ماتقوم إلا إذا خلصت شغل
فيصل ببراءه: بس أبي أساعدك
رزان: تكفى أنت بس , أنا أبي أريحك ياقلبي توك راجع من الدوام
فيصل: بعد قلبي اللي تخاف علي , بس تعبك راحه
رزان: لاتخاف اليوم أريحك لأني أبي أذوق طباخك بكرا يقولون كنت طباخ وأنا ماذقت طباخك
فيصل: بل هذي اللي تقول تبي تريحني
رزان: ههههههه مو أنت تقول تعبي راحه أنا قلت لك اللي في قلبي
فيصل: ههه ولا يهمك كبســـــــــــه ملكيه لأحلى رزونه
رزان وهي تحط الصحون ع الطاوله: تسلم لي "جلسو ياكلون سوا في جوهم الرومنسي اللي يخالطه مزح ومناقر"
]]ـ-ـ-ـ-ـ-ـ-ـ-ـ-ـ-[[
بعيد شوي عن رزان وفيصل في المجلس // وصل راشد وحطو له غداء من جديد وطبعاً كلهم ماخدين راحتهم لأنهم يمونون ع راشد ومايتغطون منه بس يتحجبون بستثناء رؤى أخته ...
هنادي: أخبار جده ؟
راشد بمزح: أفا عليك جده غير البنات غييييييير شكل
فضيله: أفا أفا أفا راشد
راشد: ههه أمزح يالغاليه , جده تمام والشغل أوكي بس ناقصني وجودكم
رؤى: تسلم , بس البيت ماينطاق حتى ريوف ماتسكت خالو رااااشد خالو راااشد
راشد وهو يبوس ريوف الجالسه في حضنه: ياقلبي هي بعد وحشتني , يلا هالأسبوع كله بداوم هنا
ريهام: وكيف نظامك الحين ؟
راشد: ع حسب أداوم طبيعي هنا وهناك بس لازم يومياً تطمن ع المحلات أنا وعبود هالأسبوع أنا بدوام في المحلات اللي هنا بشوف العمال وش يحتاجون وبضبط الوضع ويمكن أروح جده نهاية الأسبوع
فضيله: الله يوفقك يايما أهم شي مو تعب عليك ؟
راشد: لا بالعكس أحس براحه غير طبيعيه الحين ظروفي أستقرت
رؤى: دام ظروفك أستقرت بقت المره
الكل ناظرو تعابير راشد وقالو بصوت واحد: صادوووووووووووووه
راشد: ههههههه مصدقين أنكم صدتوني مو الحين
رؤى ترفع المكنسه اللي في يدها: وقسم بالله رشود"سكتت شوي وتنهدت: رشووود ترى طفح الكيل آخر أخو عندي ومابي أكون عجوز في زواجك
راشد: هههههههه تطمني بتكونين شابه وبترقصين إن شاء الله في الصيف بخطب
هنادي: مابقى شي ع الصيف ترى بس أسبوعين ندور لك مره من الحين ؟
مها: لحظه لحظه كيف تبي مواصفتها ووين تدرس وكم عمرها و........
راشد: بس بس بس بالعه مسجل , مدري أنا عادي عندي أي شي أهم شي وحده تحبكم وتحبونها وماتتكبر عليكم
ريهام وهي تصفق: عاش ولد خالتي وأخو زوجي وعم أولادي
الكل: ههههههههههههههههههه
رؤى: هنادي أختك خوش بنت من زمان وأنا حاطه عيني عليها
هنادي: أختي ننتظر نتائج تحاليلها , بس أنا في بالي وحده بتعجبكم كلكم بس قبل صلو ع محمد
الكل: اللهم صلِ على محمد وآل محمد
هنادي: رنووووش
الكل: هههههههههههههههههههههههههههههههههههههههههههههههههه ههههههههههههههه
هنادي: بسم الله وش صاير؟
ريهام: هالبنت خفيفة دم بشكل غير طبيعي من يذكرون أسمها أذكر سوالفها وأضحك
فضيله: هههه حتى أنا , تصدقون كانت ع بالي
رؤى: حتى أنا
ريهام: حتى دانوه قالت لي عنها الأمس
مها: حتى أنا كانت ع بالي بس بصير عندنا جو فكاهي
راشد: بتخطون لي طارق العلي ع غفله
هنادي: هههههه مسخره أكثر من طارق العلي وداؤود حسين وعبد الناصر درويش وعبد الحسين عبد الرضا
رؤى: بالأحرى مسخره+مسخره=أنت ورنوش , الله يستر لو تاخدون بعض أثنينكم مسخره وماتخلون حد في حاله
ريهام: وافق شن طبقه
فضيله: ههههههههه الله يغربل إبليسكم ماسمعنا راي الولد
راشد: شقول بعد خلاص أنتو طبختو الطبخه وخلصتو , الله يكتب اللي فيه الخير
مها: يعني بالعربي نخطبها لك؟
راشد: لا مو الحين خلوها للخميس لأنها تخلص إمتحاناتها الأربعاء
ريهام ناظرت بعيون تلمع: وأنت وش دراك هااااااا؟
راشد: مو هي تدرس في جده ؟
الكل متحمسين يعرفون وش دراه: أيـــــــــه
راشد: اليوم الصبح كان معي في المحل المقاول حق بنات الشرقيه وقال لي
فضيله: تراها تدرس هندسة أجهزه طبيه
راشد: وأنا متخرج من الجامعه قسم هندسة كمبيوتر
هنادي: ياربي أحسهم لابقين ع بعض , هو مهندس وهي مهندسه هو ماعنده فيها وممسخر الدنيا وهي بعد
فضيله: الله يجعلها من نصيبك ياراشد خوش بنت , شوفي سبحاان الله ربك يدبر هي تدرس في جده بالصدفه راشد فتح له محل في جده يعني ظروفكم مناسبه لبعض
هنادي: هههههههههههههه تبون الصراحه أنا ماحطيتها في بالي إلا يوم تطيح في ملكة دانوه , وش رايك فيها رشود ؟
راشد: نفسها اللي وصلناها المستشفى؟!!
مها: لا أحلف أنك ماتدري
راشد: هههههههههههههههههههههههه
هنادي: مايحتاج نوصفها رشود حافظها ومخلص
راشد: لا عاد مو لهدرجه بس يعني لمحتها
فضيله: ههههههه لاتذوب قلبي راشد قول أنك شفتها وخلاص
الكل: هههههههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:14م في سيارة فارس ...
دانا نزلت ع صوت المسجل عشان تتكلم ...
فارس: أعيوني وين تحبين نروح ؟
دانا: أمممـ تبي الصراحه خاطري نروح الدمام الشاطي مول نطلع منه نمر جرير اللي قباله باخد لي كم شغله وبعدها نروح الجديعي اللي جنبه نشوف الشغلات اللي عنده
فارس: هههههههه ماشاء الله يعني تبين تضربين ثلاثه عصافير بحجر واحد ؟
دانا: تقريباً بس طبعاً إذا ماعندك مانع
فارس وهو يلف الدركسون: أكيد ماعندي مانع , وش رايك بعد طلعتنا نمر مطعم لفانا ؟
دانا: هههههههههههههه عن جد صار هالمكان أستراتيجي , خلاص إذا كفى الوقت أوكي
فارس: ذاكرتي ؟
دانا: أيه أنا باديه قبل وخلصت لي كم درس قبل أطلع ورزون معسكره مع فيصل لمن أتصلت لي قلت في مجال يعني الليله نذاكر سوا أنا ورزان
فارس: وتدرسون نفس المناهج أنتي ورزان ؟
دانا: أيه بس مو كل المواد بس هالمره حالفنا الحظ بنختبر السبت ثنتيننا في نفس الماده
فارس: بالتوفيق ياربي , رجعتنا بتنزلين بيت خالك
دانا: أفكووورس لحد نهاية الإختبارات ناويين نسوي لنا قروب المخطوبات لتعلم الطبخ
فارس: ههه ما أقول إلا الله يستر ع أبو فهد , بس عاد كل يوم بجي آخد لي من طباخكم
دانا: لا عاد شوف ع حسب إذا عجبتني الطبخه أقول لك تجي تاخد لك وإذا ماعجبتني الله يعوضك خير
فارس: هههههه لاعاد هذا يسمونه غش
دانا: بكيفك بس إذا جاك تسمم غدائي مو تحطها فينا أنت تحمل المسؤليه
فارس وهو يبركن السياره: خلاص صار
دانا..نزلنا الشاطي تذكرت رزون مسكينه كرهت الشاطي لأن أول مره هزأها فيصل فيه خخخ , كالعاده فارس كل شوي يدور لي(غطي عيونك) الله يعين بس صرت آخد لي أرق لفه في السوق عشان لا أمشي وأطيح , تسوقنا في الشاطي وبعدها مرينا جرير خديت لنا أنا ورزون دفاتر مذاكره وأقلام بعدها مرينا الجديعي بس تفرجنا ع الأثاث والستاير وطلعنا مرينا في طريقنا ع مطعم لفانا نزل فارس يشتري العشاء وأنا جلست في السياره أشوف الأشياء اللي شريناهم دقايق ووصل فارس لأننا موصين ع العشاء قبل نوصل المطعم ...
دانا: لمن العشاء هالكثر ؟!!
فارس: مو بس أنتي تاكلين أخدت للبنات عشان الليله وأنتو تذاكرون
دانا: وربي كلفت ع عمرك , أكيد الحين فيصل شرا لهم عشاء
فارس: أعرفه فصول في الأكل ينسى كل اللي يعرفهم تلاقيه أكل ولا درى عنهم جوعانات لو شبعانات
دانا: هههههههههه حرام عليك , ترى حتى أحنا مانذاكر إلا في المطبخ
فارس: هههههههههه أشوفك كل ماجاك تسمنين
دانا: لاتتنطز علي بجد والله آكل أكثر منك
فارس: لا عاد ماتاكلين أكثر مني , أسألي فيصل تخيلي لمن كنا في فرنسا نتعشى بالثلاث الأربع مرات
دانا: ماشاء الله ماشاء الله , بالعافيه عليكم
فارس: بس الحين طبعاً قل أكلنا شغل وألتزامات
دانا..ظلينا نسولف لحد ماوصلنا بيت خالي سلمت ع فارس ودخلت ع البنات ...
دانا: بوووووووووووووووووووووووووه
ملاك وهي تركض لها من بعيد وتاخد عنها الأكياس: عنك عنك خيو"شمت ريحة العشاء: يااااااااااعمري أحبك
دانا: هذا فارس ما أدري أنه بيشتري لكم , ياقلبي خطيبي كريم
عهد: مااااااالت عليك فارس يذكرنا وأنتي أبد أمحق أخت
ملاك: لامشكوره ولا شي نشكر فارس أحسن لنا
دانا: لا بعد رقميه أحسن
رزان: هههههههه نحمد ربنا العشاء وصلنا ما رحتي فيه المجلس وقضيتي عليه , قولي لي وين رحتو ؟
دانا حكت لها عن طلعتهم بإختصار وبعدها قالت: تصدقين رزون أول مارحنا عند الشاطي ذكرتك
رزان: هههههههههههههههههههه لاتذكريني
عهد: وش سالفة الشاطي؟
رزان: صح عهود ماقلت لأنك بعدك ماتنخطبين
عهد: واللي يشوف دانوه يعني أنخطبت لمن قلتي لها
دانا: لأنك ياعمري أصغر مني , وبعدين أنا غير خازنة أسرار رزون أحم
رزان: لاشدعوه بعدين ثنتينكم مالي غناة عنكم لاسيما أنكم خوات الغالي وعهود مرت الغالي
ملاك: ياسلام وأنا في الزباله
رزان: لا ياقلبي هم أنتي لك معزه خاصه بعدين كلهم بيطلعون وبنظل أنا وياك في البيت
عهد: ههههههههه صايره مصلحجيه حماتي مأمنه مستقبلها من ورانا , يلا قولي السالفه
رزان: السالفه ومافيها أن أول مره هزأني فيصل في الشاطي , عاد طلعت من البيت ومستانسه كالعاده بنفسيه مفتوحه مضبطه الكحل والجلوس ولا بعد مستعجله وماتغطيت المهم ركبت السياره شفت فيصل ماتكلم ع الغطاء مشيتها قلت خل أريح هالمره نزلنا الشاطي تسوقنا وهم ماتكلم عادي عاد أنا مره فالتها رحت عند العربه اللي يبيعون فيها حلويات وأجرب الأنواع وأنقي لي ولكم ما أشوف إلا فيصل سحبني من يدي وهو معصب أنا ماتكلمت
الكل: ههههههههههههههههههههههههههههههههههههههههههه
عهد: هههههه ياحفله كملي كملي
رزان: ههه ولا ركبنا السياره بكل براءه أقول له وش فيك فيصل ؟ قال لي: حمار أنا أمشي معاك تخيلي لو واحد من أصاحبي شافك معاي مو متغطيه , بعدها رحنا بدون أسم خديت لي نقاب ماحبيت أقول له نقابي في الشنطه لايهزأني
عهد: قويه قويـه قويــه عن جد رزون مالك حق يعني لو تفيهجنا وماتغطينا لمن كنا صبايا وحتى الحين بس أهم شي مو مع رجالنا
دانا: أنتو كلكم تهونون إلا أنا فارس محرم علي حتى النقاب ولا لازم نقاب عليه غطاء ع قولته عيونك محد يشوفها غيري
رزان: هههههه صدق حفله ياكله ياخله , بس من جد من حقه عيون رماديه ورموش كثيفه ويشوفها غيره طبيعي راح يغار
دانا: مشكل وأنتي ماشاء الله أوسع من عيني بمرتين ما أشوف فصال حرم عليك النقاب
رزان: أنا عيني واسعه لكن مافيها لون أنا يبي لي أخلي فصال يتغطى ع العين العسليه
عهد: أطلــــــــــــــــع يالغيره .. أقول جب لا يخليك فيصل تتغطين بأربع لفات وعبايه راس وقفازات
رزان: تفتتفتف لا بسم الله علي اللهم لاحسد خليه كذا متوسط
الكل ع ردة فعل رزان: ععععععععععععععععععع
ملاك: سكتو سكتو بقول لكم خبر يسوى مليووووون
عهد: تكلمت بدوجارد البيت قولي يلا
ملاك: رشوووووووووووووووووووووووووووووووود بيخطب
البنات بصوت واحد: هااااااااااااااااااااااااااااااا<<مو مستوعبات
ملاك: لو تدرون من تتفاجئون أكثر
عهد ضربتها ع راسها: تكلمي , دانا ضربتها من الجهه الثانيه: يلا قولي , رزان: كويكلي حمستينا
ملاك: طيب طيب , الظاهر أنها رنوش
البنات بصوت واحد: يــــــــــــــــــــــــــس
بدوء البنات بالتحقيق مع ملاك ونسو نفسهم , أنتبهت دانا للوقت صرخت: قووووووووووومو مذاااااااااااكره ضاع علينا الوقت
ملاك: وحده منكم تترجم لي البرقراف
عهد: ماعيله إذا ماعرفتي شي تعالي لأي وحده فينا يلا توزعووو
"تفرقو البنات كل وحده راحت تذاكر في المكان اللي يريحها"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:19م في فيلا أبو تركي ...
عبير..كنت منسدحه ع سريري تعبااانه كالعاده مخلصه أمتحانات قبل الناس رن جوالي ...
جاسر: ها عبور أخبارك الحين ؟
عبير: الحمد لله , تآمر بشيء؟
جاسر: أنزلي أنا تحت لو أركب لك ؟
عبير: لالا نازله باي "وصلت تحت لقت أم مشاري وأم تركي وجاسر وأم فارس , كالعاده بدون مقدمات قامت تناقر جاسر ...
جاسر: الشره علي اللي مناديك طسي يلا غرفتك
عبير: يمااااا شوفيه
أم تركي: أنا محد بيقضي علي غير هالإثنين
أم مشاري: ماعليك منهم يما , ماقلتي لي وش رايك في الموضوع ؟
عبير بلقافه: أي موضوع؟
أم مشاري: ومن متى صرت أمك!!
جاسر: كككآآآآآك ألقطي وجهك عبووور
عبير: لاحول خيو يعني لازم تشمتين العدوان فيني؟!
أم تركي: وأنا يمديني أقول رايي من هالإثنين جابو لي الصمرقع
سيف اللي توه داخل باس راسها: سلامتك يالغاليه من الصمرقع
أم فارس: هلاهلا بوليدي الغالي وين حنين؟
سيف: تسلمين خالتي , حنين في بيت أبوها معاها صاحباتها
عبير وهي تأشر لسيف بعنى خلاص أسكت: الله يوفق لها الله يوفق لها , كملي يماا
سيف: ههههه تعالي عطيني كف بعد , إلا وش صار ع موضوع رانيه
عبير!!: جسور قد سمعت سيف يعدل أسم رانيوه ؟
جاسر ناظر ساعته: أي والله اليوم الساعه تسعه إلا ربع
أم تركي: ياربي شسوي في هالإثنين نبي نتكلم مو عارفين
سيف: أنا أأدبهم لكم "ألتفت لجاسر وعبير: يلا طسو إجتماع مغلق ممنوع دخول الأطفال
عبير: أنا الشهر الجاي بكمل الـ22 بدخل الـ23
أم فارس: آآآخ وياليت مبين فيك
جاسر توه بيفتح فمه , قال سيف: جب أنت جحا سمحت لكم تجلسون"رسلت له عبير بوسه في الهواء بهبال ,خشن ملامحه وقال يكمل: لكن بشرط
عبير-جاسر: مواااااااافقين
سيف: جدتي الحين أقدر أقول الله يخلف عليك في أولادك , يلا أنتي وياه جلسه صحيه "جاسر وعبير تكتفو وجلسو كل واحد في زاويه مثل البزارين في الروضه"
سيف: ههههه شاطرين , "ألتفت لأمه: ها يما وش سويتو ؟
أم مشاري: أنا توها اليوم أم فيصل مكلمتني سولفت لي عن الولد وشغله و......
سيف: أنا بعد أبوي سألني عن الولد ماشاء الله عليه خوش ولد
عبير تساسر جاسر: جسور السالفه فيها خطبه "سيف عطاهم نظره أبتسمت عبير ببراءه وتكتفت وعدلت جلستها ولف سيف وجهه عنها"
أم فارس: راشد ماشاء الله عليه الكل يمدح فيه
عبير نطت تدور جوالها حطت الجوال في أذنها وقالت بحماس: ياغنااااااااااااااااتي ياغناااااااااااااتي أكييييييييد ماقدر يقاوووم السيقان البيضان "جاسر سحب الجوال وقفل الجوال"
أم مشاري عصبت: البنت ماتدري عن شي محد فتح لها الموضوع متفقين مانخبرها إلا بعد أمتحاناتها
عبير باست راس أم مشاري: سوري سوري خيه هذا من الحماس بس كملو إجتماعكم
سيف اللي يكتم ضحكه لأنه فهم قصد عبير: يلا أنت وياها جلسه صحيه بنكمل الإجتماع
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:22م في جده بالتحديد في شقة رانيه ...
رانيه تكلم نفسها بصوت مسموع: خرفت عبيرووه عن جد وش سيقانه وش بياضه هالخبله شتتكلم عنه!!
زميلتها سلمى دخلت المطبخ: خير رانيه ع بالي معاك حد
رانيه: كنت أكلم خالتي شكلها مخرفه خلصت الإمتحانات وخرفت
سلمى: يلا عقبال مانخلص إمتحانات
رانيه: مابقى شي الأربعاء أحنا مخلصين قبل صاحباتي اللي في الدمام وأخوي
سلمى: ههههههه الله يعينهم عليك
رانيه: ههه هم بعد ماقصرو فيني لمن بدأت أختبارات قبلهم
سلمى: يلا هذي الحياه يوم لك ويوم عليك
رانيه: أي والله , والبقر اللي تحت ماعندهم إمتحانات؟
سلمى: شنسوي بعد كل ماكلمناهم زادت فوضتهم
رانيه: هذول مو جايين يدرسون جايين يستهبلون ويشغلون أمة محمد عن الدراسه
سلمى: الله يعين
رانيه وهي ترد ع جوالها: لحظه حبيبتي أنتبهي للصلصه ع النار , هلا جسور أكلم صديقتي.........ههههه........والله جوعانه........وش سالفتها عبيروه...........أهاا شكلها نايمه بقووه............سلم عليها إذا صحت...........والله ممشيين مابقى علينا إلا أختبارين..............واحد الأحد وآخر شي الأربعاء................جميعاً.........سلم عليهم كلهم.........يسلمك خالوو..........مع السلامه يالغالي,
سلمى: غريبه ماطولتي
رانيه: مدري وش سالفته خالي بيكلمني بعد شوي
سلمى: يعني بعد شوي مابنشوفك
رانيه: هههههه الظاهر كذا لازم ناخد الأخبار منه
سلمى: ههه كان زين لو عندي خال قريب لعمري
رانيه: عندك أنا في جده صح ماتستحين قولي صديقتي رانيه هي حبيبتي وخالي وعمي وجدتي وأمي وحياتي كلها
سلمى: ههههههههههههه صديقتي رانيه هي حبيبتي وخالي وعمي وجدتي وأمي وحياتي كلها زين كذا ؟
رانيه: أيه أنا أعرف اللي في قلبك
سلمى: بقوم أذاكر لا أستجن ويضيع علي الوقت , تآمريني بشيء؟
رانيه: تسلمين بس إذا بتنامين عطيني خبر عشان لا أزعجك
سلمى: طيب , وش رايك نذاكر برا ع السلم
رانيه: يلا بس أنتي اللي تجلسين في السلم اللي عند طفاية الحريق
سلمى: هههه يامصلحجيه يلا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 4:15م في شقة إيمان ...
إيمان وهي تحط المواعين بروعه: لايكون حد قال لها عن موت أبوها ؟
عبد اللطيف: لالا ماتدري حتى تلعب وتضحك وتذاكر , يعني الوضع عندها بقوه إيزي
إيمان: عبد اللطيف , أنا أفكر أقول لسديم عن موت أبوها
عبد اللطيف: أنجنيتي البنت عندها أختبارات ومشغوله
إيمان: خايفه ع بنتي لاتدري من برا البيت حزتها مدري أكون جنبها أو لأ
عبد اللطيف: خليها لبعد إختباراتها
إيمان: ما أضمن أنها ماتدري من المدرسه
عبد اللطيف: ثلاث أيام وأحنا نتناقش في هالموضوع , خلاص سوي اللي يريحك
إيمان..ولو أن الشي صعب علي أني أخبر بنتي بموت أبوها بس لازم تدري مصيرها تدري , طلبت من عبد اللطيف يكون معاي حتى لو ماتكلم كذا ولا كذا المتوفي أبوها ومتوقعه منها أي ردة فعل , وقفنا عند باب غرفتها كل واحد ينتظر الثاني يدخل تقدمت أنا وجلسنا نسولف معاها كل واحد مو عارف يفتح السالفه لين مافتح عبد اللطيف السالفه ...
عبد اللطيف: ياسديم أنا خالك وبحسبة أبوك والله يعوضك خير إن شاء الله وعظم الله أجرك
سديم ناظرت السقف وعيونها تلمع من الدموع مررت عيونها ع أنحاء الغرفه بعيون تايهه وقالت ببرود محد توقعه: الله يرحمه
إيمان اللي تفاجئت من برودها ضمتها: عظم الله أجرك ماما
سديم ودموعها متحجره في عينها بعدت عن أمها: أجرنا وأجرك , ماعليش ماما بكرا عندي أمتحان أبي أذاكر
إيمان هزت راسها وهي متضايقه ع حال بنتها: اللي يريحك "طلعت وطلع وراها عبد اللطيف"
سديم مسكت دفترها وقامت تكتب مشاعرها بشكل عشوائي: لماذا سقطتي يادمعتي ؟! أوجود الأب محاك من قبل ؟! هل أنستي ياعيني يوماً بوجوده؟! هل ضمك يوماً إلى صدره ؟! آآآآآآه وألف آآه خرجت من أعماقي , هل غير اليتم مسار حياتي ؟! فأنا عشت اليتم مند صغري قبل موت أبي "لاشعوري قامت ترسم خطوط عشوائيه ع الكلام اللي كتبته بقسوه لين ماتشقق الدفتر رمت الدفتر وجلست تبكي ...
سديم..مدري ليه أبكي يمكن عشان بداية الشهر يكلف نفسه يجيب لي المصروف بنفسه"ضحكت بسخريه"هذا الشي الوحيد اللي بفتقده , أو الرحلات اللي زييييين إذا جت في السنه مره آآآآه الله يرحمك ويسامحك يايبا ...
]]ـ-ـ-ـ-ـ-ـ-ـ-ـ-ـ-[[
في نفس المكان بعيد عن سديم // في الصاله عند إيمان وعبد اللطيف ...
إيمان وهي تبكي: مدري مدري ياعبد اللطيف مايهون علي أشوف بنتي في هالحاله وأنا ساكته
عبد اللطيف: بعرف بس ليه تبكين؟! مو أنتي خايفه من ردة فعلها
إيمان: ياخوي أفهمني سكوتها مو طبيعي لو تصرخ تفزع الدنيا تكسر البيت ع راسي ولا تسكت كذا
عبد اللطيف: يعني أروح أقول لها تبكي ولا تذاكر ؟
إيمان: عبد اللطيف اللي فيني مكفيني خلني بروحي
أنهار اللي توها داخله قالت وهي تفسخ نقابها: أو ماي جد , وش صاير
عبد اللطيف دعم كتفه في كتفها وهو طالع: مدري عن خالتك
أنهار وهي تقرب لإيمان: ماي آنتي أمون شصاير ؟
إيمان: مدري مدري , بإختصار سدوم درت عن موت أبوها
أنهار: ياقلبي هي من قال لها ؟
إيمان: تكفيييييييين أنهار مالي خلق وقت ثاني أسألي اللي تبين
أنهار: أوكي أوكي , بس ماقلتي لي أخبارها سدوم ؟
إيمان: سدوم ساكته مدري شنو سبب سكوتها ردة فعلها مخوفتني يا أنهار
أنهار: أعذريها ياخالتي , أنتي لو تسمعين عن موت واحد شفتيه مره في حياتك في الشارع تذكرينه وتذكرين شكله وحركاته .. كيف لو الميت أبوها
إيمان وهي تمسح دموعها: بروح أتطمن ع بنتي
أنهار: بروح معك
إيمان..دخلت غرفتها لقيتها منسدحه ع طرف السرير والمكيف موجه عليها رفعت المكيف وغطيتها ,بست راسها وطفيت النور وطلعت ...
أنهار: هاتطمنتي ؟
إيمان: ماراح أتطمن إلا إذا صحت
أنهار: الله يعين , يلا عطيني الأغراض موسى ينتظرني في السياره
إيمان عطتها الكيس: يلا سلمي ع موسى وتعذري منه ع التأخير
أنهار: صدق ماتستحين طرده يعني الناس يقولون تفضلي
إيمان: ههه تفضلي
أنهار وهي طالعه بمناقرهم المعتاد: لالا خلاص أنطردت ماراح أدخل
إيمان ضحكت ع هبال بنت أختها ودخلت تكمل شغلها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الحادي والثلاثون
((هذا الجزء
-أبطالنا وحوستهم وزنقتهم مع الإختبارات
-عهد مع ثالث ثانوي وفراق فهد // فهد وسفره لكندا تتوقعون شاللي ينتظرهم ؟!
-بسام وتغيره للأحسن وإصراره ع خطبة شهد
-راشد وخطبته المبدأيه لرانيه , ورانيه مشغوله في الإختبارات وماتدري وين ربي حاطها
-سديم ووفاة أبوها وردة فعلها الغير متوقعه تتوقعون شنو سببها
يعطيكم ألف عافيه
تابعونا
تحياتي))

.
.
.
.:دانهـ العشآق22:.