ضعنا يا صبرنا...

افااااااااااا
قهرني حميد حده
اخرتها حرااااامي
مشكورة اميرة على الجزء الحلو
وخليك براحتك لا تضغطين على نفسك

:clap::clap:هلا والله هلا هلا بميرو هلا بالفرح كله هلا بعد شبدي من جد وحشتينا وينش خيتوا غبتي وغابتادموعنا معاش عيشتينا باجواء خيالية ورائعة وختفيتي<<<<<<< يالله عاد تراش مصختيها دخلي بالموضوع وجع:seif:

ماشالله عليش بداية راائعة وان شالله نهاية هلوة بع:icon30:د , ميرو ياابعد شبدي ماانبغى نصيح واايد الله يخليش<<<< اقول موعاجبنش لاتقري:embarrest::embarrest:
(((( التعليق احم احم:coool:))))
ام هذا ابو جااسم ولد لذين كبير بس ابوها في الخرطيي ينفع يمثل في الافلام الهندية ومايشوف شر على رجوله<<<< مادري على من طالع خخخ اجنن هو وياامرته مثل الوالد والوالدة الله يحفظهم, والله يستر على جاسموا كان ماايموت وهذا ابو ريحة حميدوا في البداية قلت عنه بيطلع شخصية مهم:rocket:ة وبياخذ ليلىمع قلبها الرقيقة مااقول الا مالت خوش شخصية الحرامي انزين بتبوق بوق حاجة عدل ساعة الماس ذهب لان الحين غالي صحيح ماايفهم<<<< والله انش موهينه بدل مااتنصحيه , وعلي واي عليه:in_love: ياارب يعرس وياخذا ام الزيز مع ان شكلها بياخذها اشرف وريموا هذي بنتف شعرها:angry:قاهرتني حدهامااتنفع تدخل في مسابقة ملكة جمال الاخلاق الي بصفوى , وعلا هذي بطت شبدي بس يالله مدام بتسوي كيكة بتصير خوش وحدة وسميرو مااحبيتها وامل الله يعينها وهذا ابو مالكوا ويا ولده اشوف فيهم يوم انعل شكله موت الرجال وبلا ذمة وضمير, اماعادل:kaseh: خووووش ولد ماخل بنت ماافضحها بالفريق وان شالله عيونه مافيها شئ ويستااهل ويش ماايسوي بعباسوا البخيل <<<<<< خلاص بلا هدرة زاايدة مااتنعطي وجه
ساامحينا ميرو على الهدرة بس من زمان مااشفناش ولاخلانا الله من هالقصص الرائعة :icon30:ونتظر جديدش والله يوفقش بكل كلمة تكتبيها يااااااارب:wavetowel2:

ياحرام على العشرة

مسكين علي الله يكون بعونه

انصدم من الصوبين ولد خاله ورفيق عمره

الله يعين

وننتظر الجاي

شكله هالحميد أبو الدواهي !!!!

_______

يوه والله وطلع حميد داااااااااااااهية مو قليل..
الله يغربله...
ليكون هو اللي باق سيايرهم ديك الليلة هههههههههههههههههههههههههههههههه
شكله هههههههههههههه

أما علا بصراحة يعجبني تعلقه بأهل البيت وعليها بالعافية على هالأبداع والرسم...
هههههه صدقت
اي هي لازم تكون فيها من الواقع..

خيتي أميرة المرح....
لكِ خالص دعائي ...بالتوفيق والسداد وقضاء الحوائج للدنيا والآخرة بحق من هو باب المراد...
موفقة لكل خير إن شاء الله تعالى..
..دمتي بعين المولى الجليل..

امورة ليش كذا اخرته حميد حرامييييييييييي

ماتوقعت لالالالالالالالالالالا اميرة

وعلي مسكين من الصدمه الله يعينه

تسلمي علجزء ومعذورة حبيبتي امورة اخدي راحتش

اوه اخاف اجيني صواريخ من الأعظاء الحين

ننتظر البقية

هذي اللي ماتوقعته

حمييد حرامي....!!

يسلمو اميره ع الجزء الأكشن وونتظر البقية

تحياتي

تعالوا
شكلهم حميد وجاسم قلبوا السالفة على علي
والحين هذي الشرطة جاية لبيتهم

الله يعين علي الصراحة يعور القلب

ما يستاهل احد يخدعه مثل حميدوه الميده ولا جاسموووه ولد خال علي تخلخلت اعظامت جاسموووه بواقيين بعد

واندمجت مع علا بقصيدتها ايه رووووعة الله يحفظ باسم وان شاء الله تفوز علا بالجائزة من رسمها الحلو


والعذر معك خيتو اميرة المرح لكن لا طولي علينا هع هع هع

وان شاء الله تتعدل ظروفك وما تشوفي شر ولا ضر ( ههه صرت عجوز )

أفا ثم أفا ماهقيتها من حميدووه حرآآآمي .. الله يغربله غربااال
هلمره مابتوقع .. اخاف يطلع غلط هع
تسلمين عيوني ع الجزء
والله يعدل الظرووف..
ننتظر البقيه
يعطيك العافيه

عاشت الايادي

حلوة مرررررة علة كولتكم

انتظر المزيد

تقبلي تحياتي

تسلم الأيادي خيتي

والله يفرج عنا وعنك خيتي

مبدعــــــــــــــــــــــــــــــــــه

بإختصار خيتي


مبدعــــــــــــــــــــــــــــــــــه


فمان الله

يوة حراميه جاسم قلت ممكن
بس حميدوة ماتوقعته حرامي قلت غلطان غلط وخايف منه بس يطون حرام ماهقيتها منه
ومسكين علي وشكلهم زي مقالوا انهم قلبوا الموضوع على علي المسكين
الله يوفقك ويسهل كل امورك
مشكورة

مرحبا
ياهلا بالمتابعين الجدد :bigsmile:
وياهلا باللي وحشوووونا وااايد..
تسلمو والله من كل مكروه من ذوقكم..:embarrest:
فرحتني هالتعليقات الحلوه .. الا ضحكتني.. والتخمينات اللي مره تصيب ومره تخيب ..:rolleyes:
رائعين ومنوررين...

وتسلمو على دعاكم حبايبي..
بس لا اخوف احد علي << ما يندرى مين اللي يخاف عليش :notrust:>> تتغلى:toung:

عندي زواج ,,عقبال حبايبكم يارب.. ومعروف الزواج اقل شي غفصته 3 ليال.. فأعذرووووني:wacko:
واوعدكم بالتعوويض وخوش تعويض بعد من عيوني ليكم...:nuts:
لو يتطلب موضوع التأجيل اني في فجر الخميس والجمعه انزل اجزاء.. و انزل في يوم الأربعا العصر جزء بعد راح اسويها

انتظروني
واعذروني :in_love:

دمتم بخير
وبحفظ الرحمن

الله يبارك لكم إن شاء الله وعقبالك يارب..
خيتي أميرة المرح
بتوحشينا وبتوحشنا القصة مرررررررررررررره
على العموم
نلقاك على خير إن شاء الله..
موفقة لكل خير إن شاء الله تعالى..
..دمتي بعين المولى الجليل..

على ما يخلص العرس
نكون قريناها مرة ثانية
الف الف مبروك
وعقبالك

مســـــــــــــــــــــــــاكم اللهـ باالخير ،،
أني قايلهـ من الأول ،، حميدوه هذا داهيهـ ،،
شكيت فيهـ ،، لكن زين سوى فيهـ علي برد قلبي فيهـ ،،
وجاسموه ذا النحييييس ما يحس في أهلهـ وأبوه ،،
أما حجي عباس مو خوش شي ،، ورم عيون الرجال ،،
لكن حرام عليهـ ،، مسكين ما يفهم ،،
أممممممممم ،، لكن من إلي جاي بيت علي ؟!!
يكون جاسموه جاي يترجاه ما يبلغ عنهم ،،
أو حميدو الزفت ناويهـ نيهـ شينهـ ،،
اللهـ يستر وبـ الأنتظار ،،
وألف ألف ألف مبرووووكـ ،،
عقبالكـ إن شاء اللهـ ،،
ويعطيكـ ربي ألف ألف عااااافيهـ ،،
على هيكـ حمااااااس ،،
تحياااااااااتي ..
للدموع إحساس ..

افااااا ...لا عااااااااااااااااااد ماتوقعت ابد يكون حميد حرامي ماهقيتها منه والله


جاسموه يجي منه ونص بس حميدوه ابد :wacko:


وشكل حميدوه وجاسموه قلبوا السالفه على علي المسكين :sad2:


ومبروك عليكم الزواج وعقبالك ان شاء الله


بتوحشينا وننتظر التكمله :amuse:

بانتظارك حبيبتي أمورة..
موفقة لكل خير إن شاء الله تعالى..
..دمتي بعين المولى الجليل..

:huh::huh::huh: الاثنين والثلاثاء والاربعا وبعدين الخميس اففففففففففف طويل الوقت..

بس يالله وش نسوي لازم ننتظر

الظاهر بنصب لي خيمة هني ومانا متحرك لذاك اليوم..

****
الله يوفقك خيتي ويبارك ليكم بالزواج وافراح دايم انشاء الله
كوني بخير

مرحبا
يسلمو جميعا احرجتوني والله لاعدمت طلتكم
ياعلي
مفتشله منكم

يقول المثل .. اعطي اميروه حظا .. وارميها بحرا :nosweat:

متباركين بالمولد الشريف والله يعوده علينا وعليكم بالخير ان شاء الله

:nosweat: ببالغ الحزن والأسى
انعى فقد شاحن لاب توبي .. فقع ... احترق الحمدلله اللي سلم عمري وما فقع فيني :toung:

الحين اني سلف من لاب توب اختي كبرياؤوه جزاها الله خير

فيا متابعين روايتي... ويا اعضاء ويا مشرفين ويا المتدربين في دورتي

جاري البحث عن شاحن جديد من يوم غد
دعاكم احصل في اسرع وقت :closedeyes:

دمتم بخير
وبحفظ الرحمن

الحمد الله على سلامش خيتو أميرة المرح والله يسلم لاب توبش

وان شاء الله اتحصلين واحد عدل وتعطي كبريااء شاحنها ومعاه هدية هههه

وموفقين لكل خير خيتو

وداااامت افراحكم عامرة بالمسرات وعقبالنا وعقبالش يا كريم يا حق

تسلمي غناتي

الحمد على سلامتش
وان شاء الله تحصلي لك واحد عدل وبسرعة

تحياتي

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله

اجزاء قمة في الرووووعة

والاحداث تسلسلها حلووو

وترانا هنا بس ننتظر التكملة..

والحمد الله على السلامة وكأن على الاب توب

لا تشيلي هم

كبرياء موجودة ((هههههههههه ما شاء الله عليي كريمة من مال غيري))

بانتظارك

موفقة لكل خير

أهم شي سلامتش خيتي...
وإن شاء الله حظك رفيع يارب بحق محمد وآله الطاهرين..

المهم ترجعي قريب وتكملي الرواية لأن أعصابي توترت..
أبغى اعرف وش بيصير..
موفقة لكل خير إن شاء الله تعالى..
..دمتي بعين المولى الجليل..

مرحبا
:embarrest:
تسلمو لي والله
لعيونكم دبرت عمري مع جهاز آخر لين اجيب لي شاحن
دعاكم احصل في اسرع وقت اريح لي ..

تفضلو الجديد

الحلقه الثامنه...

علي كان توه قاعد من النوم .. فتح الباب لقى رجالين غريبين عليه..
ــ السلام عليكم
ــ عليكم السلام والرحمه ياهلا..
ــ هذا بيت حسن علي آل ....
ــ ايه نعم .. وصلتو
ــ وين علي حسن علي آل ..
ــ انا..
ــ انت.. طيب تفضل معانا
علي اختلع .. : ــ وين ؟؟!! وليش ؟؟
ــ قسم الشرطه يبونك .. هناك راح تعرف كل شي .. تفضل ..
علي مذهوول !!:
ــ طيب بس ابدل ثيابي واعلم اهلي .. دقايق..
دخل علي الصاله كان ابوه حاط الأخبار وصاير البيت ازعاج..
..
راح المطبخ .. اخذ كاس وعباه ماي تعبأ الكاس وصار يفوض ..
ليلى : ــ علي خير ؟؟ ويش فيك ؟؟ ومين عند الباب ؟؟
علي مخطوف لونه .. وبنبره هاديه :
ــ وين امي ؟؟

ــ طلعت راحت تشتري خيط اسود خلص عليها البارحه ووراها على قولتها خياط ثياب وايد

لمحرم .. نسوان موصين عليها مدري ويه

ــ محرم.. ايه.. زين.. مع السلامه..

ليلى مستغربه من اخوها ويش فيه وليش يتكلم كذا..
بدل ثيابه.. وراح لأبوه باسه على راسه:
ــ مع السلامه يبا..
ابو علي مستغرب ماخبره في ولده يسوي له هالحركه كل ما يطلع للحداق :
ــ الله يسلمك.. ويرزقك ياولدي..

طلع علي .. سكر بابهم الحديد وراه.. لأول مره في حياته يحسه ثقيل .. ويحس صوت صريره يعور القلب .. يحس انه طلع ورجعته راح تطول..

ركب وياهم السياره ... وتوجهو لقسم الشرطه..

وهم في الطريق مرو على عادل كان قاعد على باب بيتهم عيونه ملفوفه بعد فلعة حجي عباس .. ونعاله طبقه منقطعه وسبحان الصدف طبقة النعال و عيونه المفلوعه بنفس الأتجاه...

هواية عادل المفضله .. اي سياره غريبه عن فريقهم تمر .. يرمي عليها حجر..

متأثر بجو الحروب اللي يشوفها في التلفزيون وسيارات العدو الدخيله و عمل الفدائيين من الشباب والأطفال ناحيتها..

مسكين غالب عليه وصف الجنون مع ان الهباله هي الأساس .. والا هو عليه حركات اعقل من العاقلين...

مرت السياره اللي فيها علي .. وكانت سيارة شرطه سريه.. مو باين عليها انها لشرطه.. ومظلله من ورى ولا يبين مين فيها راكب ...

وبدأ مشوارالرجم مع عادل.. ماخلى حجر قوطي الا رماه على هذيك السياره..

حمقو فيه الشرطه ووقفو بينزلو له وبيتصرفو وياه و اقل تصرف يحجزوه لمدة كم يوم لتعرضه على املاك الناس ...

علي صار يهدي فيهم ويبين ليهم انه مجنون ولا شرهه عليه.. لين صدرت من عادل حركه عفويه جبرت الشرطه فعلا يخلوه ..

رفع ثوبه وغطى فيه راسه وصار يصارخ ويصفق ...

صارو الشرطيين يهدرو بينهم انه المفروض يمسكوه عن الشارع وعن الناس لا يأذيهم...

وعلي ابدا مو وياهم وهمه في قلبه...

وفي صندقة حميد.. جاسم حاط راسه بين ركبه وقاعد يصيح...

حميد : ــ طاح حظك يا خيخه ويش خليت للبنات.. !!
جاسم وهو حاط ايده على راسه :
ــ حرام عليك.. ولو كان

... ولد عمتي هذا.. وماليهم احد الا هو قايم بهم كنك ما تدري عن حالتهم..

حميد بأسى : ــ ياخوك ويش تبغاني اسوي ...؟؟ هو اللي هدد وتوعدنا بيبلغ علينا.. نسيت كم بوقه بقنا !! و كم تبليغ عن حالات السرقه في الفريق والفرقان القريبه !!.. ولا عاد بوقتنا القويه ذيك الليله في مزرعه ابو ناصر حتى كفرات البي ام شلحناها...

تدري لو بلغ علينا وخذونا وعلمنا على باقي الجماعه اللي من برى الديره ويش مصيرنا ؟؟ بيحبسونا مادري كم سنه حسب سرقاتنا و قيمتهم .. تبغى تخلينا نفني عمرنا بين حبوس هذا اذا ما ذبحونا الشله اللي نتعامل وياهم.. تشيه منت صاحي..!!؟؟
ــ لا اجل انت اللي صاحي تتهم واحد بريء..
ــ والله حذرته ..وقلت له مالك شغل ووخر عنا ويا بااب ما دخلك شر ما طاوع
ــ يالله .. موقادر اتصور اصلا .. مالي عين اقابل عمتي ولا بيتنا اصلا .. ان شالله يطلعوه وما تثبت عليه اي تهمه ..
ــ مستحيل ..
جاسم يصرخ : ــ شلووون.هااااااا. شلووووووووون ؟؟؟ يالداهيه مستحيل..... ويش سووويت ؟؟؟!!
ــ مو شغلك .. وقسم بالله يا جاسموه احس انك ناوي تفتن لو تكشف شي لأي مخلوق لبتودينا

بستين داهيه.. سمعت.. بنترحم على عمرنا..

ــ افا.. ولد عمتي اللي وياك عشرة سنين وغدرت به .. ما منك امان اصلا..

ــ الزمن جبرني وقساوة الظروف .. وقلت لك انا ماكان ودي ابلشه هو اللي جبرني .. فخليك في حالك احسن لك و لي لا اللي نشتغل وياهم يودوك ويودوني لأسفل سافلين

جاسم خاف.. اللي متعامل وياهم حميد من شرار القوم زي ما يقولو ومتأكد من تهديده له لو صار ما صار وخانه اكيد ما بيرحموهم..

رجعت ام علي البيت... بتفتح الباب الا قلبها مقبوض .. ظلت ماسكه العروه من برى وهي تحس بخنقه... صارت تضغط على العروه تحاول تاخذ نفس ..

شالت ايدها ومسحت بها وجهها.. وقلبها وهي تسمي بالرحمن وتصلي على محمد و آله...

دخلت البيت وعلى طول ولأول مره في هالوقت مرت المجلس ... محل نومة ولدها علي ..مرت وهي على امل تشوفه .. ماتدري ليش هالشعور جاها... وهو اساسا هالوقت يكون بالبحر ...

استقبلتها ليلى ... وعلى طول سالتها عن اخوها :

ــ متى طلع علي ؟؟
ليلى استغربت اول مره امها تسأل هالسؤال ...
ــ توه من ساعه طقو الباب ناس وقالو يبغوه وطلع ...
ماقالت لأمها عن حالة اخوها خافت عليها تهوس ..
ام علي قعدت ورمت اكياسها على جنب وصارت تفصخ دلاغها (شرابها)
ــ مين هالناس ؟؟
ــ مادري ما سألته..
ابو علي : ــ يمكن حميد..
ام علي : ــ يجوز.. بس حميد!! ما عنده سياره و وولدك اللي يروح له البحر صندقته هناك ويش جيبه..
ابو علي : ــ يمكن شي ضروري احد يبغاه .. ما تدرو .. ولويه هالسؤال المفاجئ عنه مو من عادتش .. عادتش اذا تأخر تهوسي ..
ــ مادري ...
وتاخذ نفس عميق وتغمض عواينها ..
ــ قلبيييييييي يابو علي مقبوووض
ابو علي : ــ مافيه الا الخير ان شالله,, سلامة قلبش وخلي عنش التهوس الزايد..
ليلى راحت غرفتهم وهي تفكر .. وفي بالها .. قلب الأم دليلها .. علي مو طبيعي اليوم وفيه شي..

في قسم الشرطه.. اجرائات التحقيق مع علي ..من متى وهو يسرق .. وكم عمليات السرقه اللي تمت بمعرفته..

علي منهار و يحلف ويقسم مليون قسم ان ماله علاقه بالموضوع .. الضابط طبعا مرت عليه حالات وايد تقسم وتحلف وتنكر علاقتها بالتهمه فلذلك لا مجال للأنكار والتصديق ...

التهمه كانت ثابته على علي .. لقو في طراده مخشوشين.. مجموعة سرقات قديمه مبلغ عنها وكانت خاليه من بصماته وجديده تواجدت فيها البصمات... صار الضابط يحقق وياه السر في هالشي وليش ما اخفى بصماته اواستخدم قفاز مثل المجموعه اللي تخلو من دليل ادانه ضده ..!!

علي متبلعم واساسا مو عارف ويش يرد.. ويش يقول اصلا مهو داري .. قسم وحلف ومهم راضيين يصدقوه .. والحين يسالوه عن سر هالبصماات..

ــ اصدق يا علي كل هذولي تنكر علاقتك فيهم
علي : ــ يا حضرة الضابط .. انا مالي شغل .. والله العظيييييييم؟؟؟
رفع له الضابط جوال ..
ــ منت هين ولا مقصر .. راديوهات.. جوالات ... دي في ديات .. حتى التواير ما شالله عليك

ومنت براضي تقر وتعترف وتريحنا..

علي خلاص حاس بأنهيار في اعصابه .. لفت نظره واحد من الجوالات ..

ــ هذا.. هذا اذكره ..والله شفته عند حميد البارحه وشلته ورميته على ولد خالي كان معاه ..

بصماتي اللي عليه طالعه من بعد ما شلته ورميته احلف ليكم بالله العظيم.. وشلت كم راديو رميتهم على حميد وواحد منهم مسكه هو راح تلاقو بصمته عليه... والله ما اكذب ..

ــ اي حميد؟؟ ومين ولد خالك.. بسرعه عطيني معلومات عنهم..

وجابوهم بعد ساعه.. دخلو الغرفه وياهم..

علي ماقدر يمسك اعصابه : ــ سوتيها يااكللللللللب...سويتها ياحقير
حميد ببرود اعصاب وبتمسكن.. ــ ويش صاير ..!!
الضابط .. ــ اي كلمه ثانيه ياعلي راح احجزك .. وانت يامحمد دالحين راح تعرف ..

جاسم كان خايف ووجهه مخطوف .. من طاحت عيونه بعين ولد عمته ماقدر على نظرته .. كانت تخوف و تحمل عتب مو طبيعي ... صار يغض النظر ويبلع في ريقه و بداخله ضميره يأنبه.. بس الخوف ماكل قلبه..

وبعد اخذ بصمات جاسم و حميد..

وكشف البصمات اللي على المسروقات..

طلعت النتيجه..

الضابط يقلب في الورق .. وعلي قلبه يتقلب بتوتر .. وحميد ابدا عادي الوضع ..

الضابط : ــ لساتك ياعلي تنكر علاقتك بالمسروقات؟؟
ــ ايه.. والله يشهد ..
الضابط : ــ بس نتائج البحث الجنائي تثبت العكس.. مالقينا بصمات لا لحميد ولا لجاسم على المسروقات .. و زي ما قلت لك مسبقا .. كم شي لقينا عليه بصماتك وبصمات اخرى متشابهه اكيد لراعيهم
علي كان قاعد.. وقف منذهل وحط ايده عالطاوله ..
ــ واللي خلقني اني رميت من قهري على حميد البارح واحد..
الضابط: ــ تقدر تتعرف عليه من بين هالمسروقات؟؟
علي بخيبة امل كبيره ارتسمت على وجهه :
ــ لااا.. كنت مصدوم ومعصب و مو في وعيي شلته ورميته ولا انتبهت لشكله .. ما ركزت..
الضابط : ــ يا اخي .. مالك اي حجه .. جاسم وحميد برى الموضوع راح يطلعون .. وعلى فكره يقدرون يرفعون عليك قضية لأنك تهمتهم بشي مالهم علاقه فيه..الا عاد اذا ما يبون؟؟؟ شرايكم يا جماعه..
حميد وببرود لامتناهي : ــ الله يسامحه.. ما بنرفع قضايا,, ولو كان عزيز وغالي .. الله يلعن بليس اللي غواه وخلاه يسوي هالعمايل .. ايه.. الله يسامحك ويعينك ياخوك..
علي شرر يتطاير من عيونه ,, وده يرتكب في حميد جريمه بهاللحظه ..
الضابط : ــ وانت ياجاسم..؟؟
جاسم بارتباك : ــ ها.. لا .. مابغى ارفع شي
الضابط : ــ بلاك مرتبك ومتلعثم!!؟؟
حميد في باله.. هذا اللي بيودينا بداهيه..ورد على الضابط
:ــ لا ياحضرة الضابط.. زي منت شايفه لسا شباب وصغير .. اول مره يدخل هنا وهيبة المكان والوضع وهيبتكم سبب حالته
ــ هههههههه اهاا.. طيب تقدرون تتفضلون.. ومشكورين ازعجناكم
حميد وهو شاق البوز: ــ لاااااااااا ولووووو حاضرين في الخدمه..

لا مجال للهروب من الواقع الأليم... بصمات علي مثبته عليه التهمه.. وراح ينحبس كم يوم على ذمة التحقيق لين يعترف ببقايا المسروقات وكيف تم التصرف فيهم... ويتم ارجاعها لأصحابها و استجوابهم هل يبغو يسقطو عنه الحق الخاص فياخذ الحق العام فقط من وراء هالتهمه... او متحلفين فيه يخلوه ياخذه ...

جاسم مو قادر يستوعب هالخسه اللي في حميد ولأي درجه من الدنائه والخباثه وصل ..

ساله بحزن و تعب :
ــ ويش سويت البارحه؟؟
حميد بلا مبالاه:
ــ لميت القش المسروق اللي ضبطه ولد عمتك عندنا و اللي مخشوش مادرى به و حطيته في

طراده و طلبت من واحد من جماعتنا يبلغ عنه انه شافه على طراده في الفجر وفي اوقات متقطعه ... و شك في سالفته ..

جو ودورو طراده وحصلو الغنايم...وتجيك يا علي التهايم وانت نايم

ــ المسروقات انا وياك كنا نلبس قفازات واكيد البارحه حطيتهم في طراده وانت بعد لابس...

فما عليهم ولا اي بصمه منا.. بس الراديو اللي تلقيته لما رماه عليك .. وينهو؟؟؟

حميد بأسى..

ــ عطيته الذيب يتصرف فيه ..
كانت الجماعه اللي يتعامل معاها حميد.. يتعاملو مع بعض بالألقاب .. ولا واحد فيهم يعرف اسم الثاني و لا اصله و فصله... عملهم وجرمهم بسريه تامه.. اللي ينصاد ما يقدر يبلغ عن غيره...كان حميد يدري بهالشي وخافيه عن جاسم... و قايل له ان مسألة الألقاب بس كذا متعودين عليها...
و حجزو علي على ذمة التحقيق....

تابع>>

العصر.. الساعه 3 تقريبا.. باب بيت ابو علي يطق...
لبست ليلى مشمرها..

ــ مين؟؟

ــ اني ...

ــ مين انتين ..؟؟

ــ علا..

ليلى كشرت حواجبها.. واستغربت...
فتحت ليها الباب .. دخلت وهي حامله كيس ..
سلمت على ليلى .. وباستها...
ليلى مستغربه مره .. ومهي عارفه كيف تتصرف ..
دخلتها المجلس على طول ...
كان منام علي مفروش مارتبه لأنه طلع على طول..
صارت ليلى تطويه وتشيله وهي تعتذر من علا ان هالمكان نومة اخوها وعفسه وتسمح ليها.,,
علا مبتسمه :

ــ مسامحه شدعوه خذي راحتش...

عطت ليلى الكيس ..
ليلى :ــ ويشو دا؟

علاوهي فرحانه : ــ افتحي الكيس وشوفي...

فتحت ليلى الكيس .. شافت صحن فيه كيك...
كشرت و بنبرة تساؤل : ــ وليش يعني .... ويش قصدش ؟؟

علا ارتبكت و حست بأحراج: ــ لا .. والله ما اقصد شي بس .. حبيت اكفر عن تصرفي هذيك المره.. اسمحي لي ما كان قصدي خيه ..

ليلى تغيرت نبرة صوتها : ــ تكفري عن غلطش كذا..!!! يكفيني اعتذار

علا مهي عارفه ويش تقول تحس نفسها غلطت مره ثانيه...
الا تلفون البيت يرن...
استأذنت منها ليلى و ردت عليه... وشوي
تغيرت الوانها.. وصارت تصرخ.. و عيونها غرقت دموع...

ــ علي .. ويش فيك؟؟ وليش اخذوووك؟؟؟ ويش صاير !!

علي بغصه ويحاول قد ما يقدر يكون طبيعي:

ــ خيه انتبهي لروحش ولأمي و ابوي .. ان شالله مايصير الا كل خير.. بس شوفو لي احد

يكفلني حزة التحقيق لين اقدر انفي التهمه

سكرت ليلى التلفون .. وصارت تصيح و مهي عارفه ويش تسوي
وبعفويه صارت تشتكي لعلا :

ــ اخوي في قسم الشرطه .. تاهمينه سرقه .. قسم بالله اخوي مو كذا مو كذااا

وصارت تلطم خدودها
علا تاثرت وياها وصارت تصيح قامت ليها حضنتها وصارت تهديها
ام علي سمعت الصريخ راحت المجلس تركض .. فكرت علا تشابقت ويا ليلى

: ــ ويش تبغي هالمره وويش ناويه بعد

<<قالتها لعلا بلهجة غضب

علا ما تحملت زادت صياح .. و صارت تمسح على ظهر ليلى
ام علي حست انها فاهمه السالفه غلط..

ــ امل ؟؟ فيها شي خالتش؟؟ ويش فيكم.؟..

علا هزت راسها بمعنى لا..
ام علي صارت تصرخ عليهم :

ــ اجل ويش فيكم ؟؟؟؟؟؟؟؟؟

ليلى وكلامها متقطع..

ــ علي ... علي اتصل

ام علي من سمعت طاري ولدها وهي من الصبح متهوسه وحالتها حاله وكل على بالها..
ضربت صدرها ..

ــ ويش فييييييييييييه؟؟؟؟؟؟؟

ــ يقول

... الشرطه حجزوه........ ويبغى احد....... يكفله...

ام علي دار راسها .. وطاحت غشيانه...
ليلى انصرعت وصارت تصرخ.. اماااااااااه .. اماااااااااااه

ابو علي سمع الصريخ و صرخ.

ــ ويش صااااااااااااير ؟؟

لا مجيب ولا احد يرد عليه..
ريما في سابع نومه ولا تدري ويش صاير...
قام ابو علي يتحسس الجدران متوجه للمجلس..
وصل له ..
علا كانت حاطه ايدها ورى راس ام علي ... ومسندتنها على صدر ليلى..
ليلى تضرب في خدود امها كان تصحى..



الا بدخلة ابو علي وقف على باب المجلس :

ــ ويش فيكم.؟..

علا اختلعت وقامت بتتغطى .. تذكرت انه ما يشوف .. رجعت قعدت وصارت تعاون ليلى على امها...
ابو علي يحس الحاله قايمه وفيه مصيبه صايره بس مهو فاهم شي ..
صار يصرخ فيهم ويش صاير .. ولا احد يرد..

ليلى ماعادت تسمع من صدمتها بأخوها وحالة امها
ابو علي صار يمشي داخل المجلس وهو يتعثر وصوته يتقطع ::

ــ ماتقولو لي ويش فيكم...

علا عور قلبها ابو علي :

ــ عمي .. ولدك في قسم الشرطه ويبغى احد يكفله..

ابو علي قعد مختلع:

ــ هااا...

ليلى انتبهت لأبوها..

ــ يباا.. ويش فيك..

وصارت علا تسال :ــ ويش فيك عمي قعدت..؟؟؟

ابو علي بصوت تعبان و بالكاد ينسمع وهو ياشر بيده:

ــ مافيني .. مافيني شي .. شوفي امش .. امش..

طلعت علا من شنطتها عطر .. وصارت ترش في وجه ام علي..

لين اوتعت... حضنتها ليلى.. وصارت تصيح..

علا ما تحملت المنظر .. اثر فيها وايد. .. خصوصا انها يتيمة ام من لما كانت صغيره ..
و شكل هالعايله مره مترابطه في الشده والرخاء...
حست نفسها تعيش وياهم هاللحظه بتفاصيلها وكأنها تعرفهم عدل...
الا برنة جوالها...

للعليم امرنا.. يعظم لأجرنا.. ضعنـــــــــا يــــــاصبرنــــــــــــــا.. من لينا !!

نغمة للشيخ حسين الأكرف حفظه الله

والى الملتقى...

:closedeyes::closedeyes::closedeyes::closedeyes:

نحييييييييس حميدوووه و حتى جاسموووه ان شاء الله يعترفوا هالخايبين :evil:

،، الحلقه مررره روووعه و حزينه ،،
ننتظر الجزء الجديد بحمااس
الله يعطيش العافيه و تسلم يمنااش و عينااش
الله يدبر الامور //

(((:ongue:(تسلم الايادي الي كتبت:ongue:)))
الاحداااث مرة روعة بس جزينة وااجد مسكين علي والله حراام:no: ينسجن وكسرت خاطري ام علي مااشاءالله على قلب الام الله لايحرمنا من امهاتنا يارب يااكريم وان شالله ماايصير فيها شئ ولا في ابوهم وحميدوا عسااه المااحي ان شالله هذا خوي عمره الله يغربلة يقوم يشتكي عليه النحيس صحيح ماافي الدنيا امان ولا وفى صديق الا النادر عمت عينه الفلوس ابو الصنااديق يااعسااه ماادري ويش بس:med: وهذا جااسموه مالت عليه من نسيب طلع موخوش ولد:thumbdown: <<<<<< عاشت الجو الاخت

نتظر الجديد خيتو والنشاف جااهز على العموم بس طلعي علي حرام وان شالله
يمسكوا الذيب ويعلم على حميدوه النحيس<<<<< شماته :evil:يستاهل لكن
تحياتي لك وان شالله اتشوفي اليش شااحن جديد

بسم الله الرحمن الرحيم
http://www.mekaeel.com/images/crying.gifhttp://www.mekaeel.com/images/crying.gifhttp://www.mekaeel.com/images/crying.gif
مسكييييييييين علي حرام عليهم يظلمووووه,,,
تأثرنا بالأحداث مررره وهذا دليل على رووووعة القصه
و إبداعكِ خيييييييه اميره http://www.mekaeel.com/images/thumbup.gif
ماذا سيحدث ومن المتصل لعُلا ؟؟؟http://www.mekaeel.com/images/smiles_a/310.gif
ننتظرررررر
و موفقين لكل خير

اهئ اهئ اهئ

الراوية اتصيح مؤثر جداً هذا البارت

الله يعطيش العافية خيتو اميرة المرح ابداااااع بجد


واتوقع اللي متصل على علا خالتها أمل وبجيهم بعد لبيت ليلى ان شاء الله

واللي بيكفل علي في قضيته شكله ابو علا ،،، (( اهم شئ يطلع من الشرطة ))

وان شاء الله تثبت براءته يا الله يا كريم


مشكورة خيتو على هالبارت المؤثر

جداً روووووووووعة وتسلمي

مســـــــــــــــــــــــــاء الخير ،، :sad2:
حسبي اللهـ ونعم والوكيل على الظالم ،،
هذا حميدو لو بس يطيح في أيدي لأقطعة تقطيع اليهد ،،:seif::seif:
ناكر العشرة والمعروف ،، :ranting::ranting:
كان زين ديكـ المرة خلاه علي يغرق وفكنا منهـ الزفت ،، :rocket::rocket:
لا حول ولا قوة إلا بـ اللهـ العلي العظيم ،،
شكلي عصبت بـ القوووة ،،:wink:
قهرني هاالنحييييس ،، لكن يجيهـ يوم ،،
و الحين علي ،،
من إلي بيكفلهـ ،، أممممم أعتقد شخص من طرف علا ،،
يمكن أخوها ،،
وهذي ريموه بعد للحين نايمهـ ،، :ranting:
ولا تقوم تشوف أبوها ،، يا صبر أيوب ،،
أني بطلع الحرقيهـ في كل من أشوفهـ اليوم ،، هع هع
خيوووه ،،
يعطيكـ ربي ألف ألف عاااااافيهـ ،،
على هيكـ بارت مأساوي ،،
وبـ الأنتظار بـ فارغ الصبر ،،
تحياااااااااااتي ،،
للدموع إحساس ،،

بسم الله الرحمن الرحيم

اللهم صل على محمد وآل محمد

وعجل فرجهم

اهئ اهئ

جزء حزززززززززين

مسكين علي والله انه ما يستاهل

وهذا هالخايس حميد ما توقعته يسوي كذا بصاحبه

والاخس جاسموه يعني ولد خالتك تسوي فيه كذا..!!

ايه يالدنيا صحيح الناس صاروا يخوفوا

(( ههههههههه عشت الجو الظاهر))

بس بصراحة ابدااااع ما شاء الله

الله يوفقك يالغلا وسلامات الشاحن ما يشوف شر

سيووو

ياعلي
لهذي الدرجة وصلت في حميد
وين الصداقة
وش أصله دا؟؟
ياعلي
مره تأثرت
من دخلت أم علي البيت واني جسمي يقشعر ..
وحاسة بإحساس الأم بفقد ضناها..
مأجورة الزهرا صلوات الله وسلامه عليها..


حرام اللي قاعد يصير لعلي حرام
بس لازم يظهر الحق لازم..
بانتظار البارت الجديد بكل شوق وحزن...
وهذي علا مرة عجبني تصرفها زي ماتوقعت..
يعطيك العافية خيتي الغالية أمورة..
موفقة لكل خير إن شاء الله تعالى..
دمتي بعين المولى الجليل..

...

..

يؤيؤ

ويشسوى ابــن ...:amazed:. << عيب يابنـتـ..


ليش كذا لو يطيح في ايدي << ويش بتسوي يازاعطهـ


:closedeyes::closedeyes::closedeyes:

بـس جزء مره روعـهـ

مشكوره خيووه ونستنـى الجـزء الجديد ..:kaseh:


.. تـحيــاتــيــ ..

...

..

يا الله

جزء رووووووووعة واكشن .

ننتظر التكملهـ ع ـلى أح ـر من الج ــمر.

تحياتو

امورة مو قايلين الش لاتصيحينا

قصة روعه وتصيح بصراحة

التوقع كان صح ان علا بتودي هلكيكة الي ليلي

امورة طلب حبيبتي ممكن

هلمقطع الي حسين الأكرف ممكن تقولي لي وش اسم عنوان المقطع

عفر عجبتني
تسلمي عزيزتي اميرة وانشاء الله لاب توبش يصلح

امور مشكورة ع الجزء وكان قصير وقلت الك امس
وانا مو جايه اتشكر لانك تعرفي راي قلته لك امس
بس وين الجزء الجديد
يلا نقراه الليله اذا مالي نصيب الحين
عوافي عليك وربي يوفقك
والف شكر الك

حمــــــــــآآآر حميييدوه صحيح طلع قليل ذآت طآح حظه <<بدون شي طايح
إيه والله طآيح حظ وفعايه سوده زيه <<<محمقه الاخت الله يستر
الله يكون بعون هلمسكين الفقير علي..إهيء إهيء
الصبر مفتاح الفرج ..
تسلمين حبيبتي
يعطيك العافيه
ننتظر

مرحبا
يعطيكم الف عافيه
و مأجورين
و لا خلا ولا عدم من هالتواجد الرائع والمتابعه والتعليقات الحلوه...

هذا المقطع للغالي الشيخ حسين الأكرف حفظه الله.. من اصدار
اولياء..
قصيدة..
الكاظم عليه السلام..
ملهمتي في احداث القصه.. اضافه الى باب الحديد في صورة التصميم للروايه..
(( الباب لبيت قديم من بيوت القطيف .. شكراً لصاحبه على الصوره))
للتحميل والأستماع..
من هنا...

واليكم الجديد...