`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

يسلمو جميعا وربي ماني عارفه وي اقول ويش ارد من جد اثلجتوا صدري بهالترحيب الجميل وهالإفتقاده الروعه لي.. الله
لا يحرمني منكم ومنوريني والله ويسعدكم جميعا .. و..........و......... والله مو داريه ويش اقول

وتفضلوا حلقة اليوم
اعذروني على قصرها.. شويه قصيره.. بس الجايات ان شالله احسن
اني كنت ناويه اخليها بس 20 حلقه.. بس لعيون بعض الناس عارفين روحهم ..خخ
حابينها تطول شوي.. فصبروا علي اجمع افكاري وامغطها ليكم بالراحه

الحلقه الثامنه عشره

يوسف جالس بصالتهم.. يقلب الفكر.. مممم خلني ادق على ابو القواسم اشوفه وينه..
مسك جواله.. شوي .. بيدق غير رايه.. رفع سماعة التلفون.. وفباله يهلوس..
ــ انا ادق بيتهم احسن.. خخخ يمكن ترفعه.. اخته الشديده.. ههه خلني اغير جو..
::::ـــ الو ..
ــ ياهلا والله.. كيف الحال..
ــ حياك الله دقيقه... قاااسم... قااااااسم....
يوسف انفقع من اضحك.. ــ بللللللللل ما مداني اكلمها الا نادت اخوها.. عرفت الصوت
ــ قاسم مو موجود دق عليه جواله.. حياك الله
ــ طيب ..دقيقه..
طوووط طوووووووط طووووووووط
ــ هههههههههههههههههههه والله حاله.. والله انها عجيبه.. خخ لا ضروري اعرف هالبنت عدل..
ودق يوسف على قاسم.. واتفقوا على مكان يتقابلوا فيه...
يوسف يبغى يزود العلاقات ويا قاسم ويخليها عائليه اكثر
ــ الا ابو القواسم انت عندك خوات صح..
ــ ايه عندي ثلاث خوات..
ــ اها الله يستر عليهم..
ــ الحمد لله ثنتين تسهلوا.. باقي بس وحده..
ــ يعنوو.. شكلها قد اختي..
ــ ليش اختك كم عمرها
ــ بثالث متوسط..
ــ لا اختي بالكليه تدرس اختي قد سجى بنت عمي عدل..
ــ اها .. الله يستر عليها ويوفقها ........ وفباله مستانس .. عرف أي قد هي..
ــ يارب ويستر على اختك بعد..
ــ الا ابو القواسم ويش رايك نعرف الأهل على بعض.. يعني اختي واختك.. ونطلع لينا رحله مكان شي.. يعني نقوي العلاقات.. والله اختي كله لحالها ومستمله وخاطري اعرفها على احد يسليها.. منها احنا اخويا ومنها يتخاوو<<< حجج ياعيني على الحنين...
ـــ والله خوش راي.. ان شالله .. نحدد يوم ويصير خير..

وبالفعل حددوا يوم... وقرروا ..البحر.. يوسف وجنان.. وفطوم وقاسم

جنان بالسياره.
.ــ والله واحشتني سجى عدل .. لو دريت دقيت عليها.. تدري ادق عليها الحين يمكن تروح ويانا مو هي بنت عمهم عادي..
يوسف رد عليها بنبره عدم رضا::
ــ عمش ما بيرضى وخليها في حالها مهي قاصره مشاكل من تحت راسنا..

<<< وهو كان فباله ان سجى اساسا بترفض بمجرد انها تدري ان قاسم معه .. شي اكييييييد.... بس رقعها بعمه ..خخخ
ــ ايه والله اخاف اني بعد من هالعم.. لا ياكلني والا شي مفترس..
ـــ عيب هذا عمش ..
ــ عدال حلال عليك الحش حرام علينا
ــ انا ما حشيت..
ــ الا حشيت ..
ــ اقول..... ا ن ط م ي...
ــ كله يسكتني .. ما ترضى بكلام الحق.. لكن ما عليه..
ووصل يوسف بيت قاسم ..
ــ اقوول بطيخه قومي انطقي ورا..
ــ والله حاله,, ويش هالطلعه.. مسخره وسب فيني من الصبح للحين.. اذا مو خاطرك تطلعني رجعني ما تسوى علي والله.. وبعدين ليش انطق الحين ورا.. كان من قبل قلت لي بيروحوا وينا بالسياره كان ما كلفت على عمري وقعدت قدام مع وجهك..
ــ خخخ امزح وياش يالهبله ما حل لش تعرفيني .. وبعدين قالوا لش سواقش الهندي اضرب مشوار من بيتنا لهنا وانتي ورا...
ــ خخخخ اصلا يليق عليك.. ولا تسوي حالك..
يوسف عدل مراية السياره لجهة وجهه ورفع حواجبه اعجاب بنفسه وقام يتدلع وهو يقول..
ــ انا .. هندي.. عاادي هندي ويش حلاتي.. حاصل لش هالجمال.. من الغيره
وصار يرفع وينزل حواجبه :wink:
ــ وكيييد عذالك يا يووسف...
ــ اقول ا ن ط م........
قالتها وهي نازله من السياره.. وتكفخ الباب..
ويوسف يشهق مع الكفخه.. وتفتح الباب اللي ورا كأنها بتشلعه ياادافع.. ويوسف يصرخ هييييييييييييييييييه
وتكفخ الباب اللي ورا حد ما عندها .. ويدور ليها يوسف ويصرخ
ــ خبله انتين.. قالوا لش عراوي.. لا خرده . لا قوطي فيه كفرات هييييييه جديده... وربي باخفس وجهش ان عودتي هالحركه..
ــ هههههههههههههه ... والله خوش نقطة ضعف عندك.. وعناااااااد .. با عيدها
ــ اقول خلاص شررررررب... جا ابو القواسم..
ركب قاسم السياره.. وركبت فطوم مع جنان .. وطاااااخ تكفخ الباب.. ويصرخ قاسم
بعفويه..
ــ وعمى.. شوي شوي شلختي سيارة الرجال..
يوسف ضحك
ــ لا عادي تفداها...
جنان من النوع العفوي .. وبهداوه همست همس وهي تضحك سمعته فطوم
ــ هههه ايه اني بيشلخ راسي يوم اكفخ الباب.. بس غيري حلو وبارد .. خخ الله لينا ... صدق تسوية حال
فطوم ابتسمت وهي منحرجه هلوسة جنان عجبتها.. وصاروا يسولفوا طول الطريق .. قاسم ويوسف سوالفهم مشلخه الدنيا.. وفطوم وجنان يتهامسوا سواليف بداية التعارف..خخخ<<< مستحيين توهم..
لين وصلوا البحر... وصاروا يتمشوا.. طبعا السيد يوسف يبغى يلفت النظر فكاشخ الأخ حده.. ومتعدل.. ومره اكشنات.. وشوي نادى على جنان...
ــ تبغوا ايس كريم ويش
راحت جنان تسأل فطوم.. فطوم قالت ما تبغى.. ويوم درى يوسف انها ما تبغى صار يسولف بصوت قوي..
ــ افا.. افاااااااا... ابو القواسم.. تردوا عزيمتي. امحق عزيمه هو الا ايس كريم.. لويش اختك ما تبغى.. على فكره انا مانا شاري لأختي الا اذا اختك قالت ويش تبغى...
جنان قامت تضحك.. وقامت تقول لفطوم..
ــ يللا عاد.. قولي ويش تبغي .. بتطوفي علينا عرض مغري..
فطوم ضحكت عليهم وعلى خبالتهم.. وطلبت فرواله
يوسف : ــ من عيوني
جنان: لا من البقاله.. عيونك ما نبغى منها شي
ــ عناد فيش من دبتي
ــ بللللللل.. من دبتك من دبتك المهم جيبه
وصاروا فطوم وقاسم يضحكوا عليهم من جد ثنائي اهبل...
شوي وهم قاعدين دق جوال قاسم.. كانت ريم.. تدق له مسد كول وتقفل.. صجت راسه مسد كولات..
وقاسم مطنننننننش
ويوسف كعادته تليقف شوي.. هااا ابو القواسم لويش هالطناش .. رد يا اخي.. اذا حبيبه لا تخاف ما بعلم خطيبتك...خخخخ
ــ ياكرهك لا صرت تستظرف بهالطريقه.. يا ثور هذي الخطيبه..
ــ اوه اوه.. والله شي.. سلامها مسد كولات..خخخخ
ــ لا بس تبغاني اتذكرها.. الله يخلف.. اقول باقوم اكلمها شوي .. كان تبطل ازعاج
يوسف بنبره مسخره:
ــ علينا .. تبطل ازعاج.. صرفني ياحلو.. قول باكلمها.. تسوي حالك مو مهتم فيها.. خخ والله انك حيال نفر..
ــ نفر فوجهك.. صدق هندي .. فارق بس..
وقام قاسم يشوف ريموه ويش عندها........
ويوسف قال يللا نروح نشوف القطوات ويش يسووا <<< يقصد جنان وفطوم
راح ليهم.. لقاهم مثل اليهال قاعدين قريب الماي.. جنان قاعده تبني جبل .. وفطوم قاعده تخربش على الأرض.. ترسم قلوب وعواين..
ويوسف واقف وراهم... ولا سمعوا الا واحد يقول::
ــ ياعيني ياعيني.. هذي عيني .. يسلموو والله فنانه.. طالعه على اخوش
جنان وفطوم بنفس واحد شهقوا
ــ يمـــــــــه بسم الله
ــ ههههههههههههههه خلعتكم.. اسف والله مو قصدي
ــ يا اهبل لويش ما تقول يالله..
ــ خخخخ اقول يالله.. انتون كذا والا كذا متغطيين.. لويش مافي رجال في البحر الا انا..
ــ لا بس يمكن عندنا اسرار .. نسولف سواليف بنات.. وانت طاب علينا طبه...
ــ هههههه الله الله والله زين,, ما مداكم صار بينكم اسرار.. وي وي... ما شالله
اللهم صلي على محمد وال محمد...تف تف لا احسدكم
ــ تف ويش عمى بإبليسك خخخ هيه محنا صبيان من ربعك ها.. ويللا فارق
وفطوم طول الوقت ضحك..
يوسف وده يمسك وجه جنانوه ويدعسه بالجبل اللي مسوتنه ويفطسها تفطيس على طولة لسانها..
بس سكت عنها.. وصار يهلوس فباله.. ــ لكن مو منها مني انا اللي قاط وجهي خخخ..
يوسف كان منعجب بفطوم .. ووده يعرف عنها اكثر .. بس جنانوه مهي عاطتنه فرصه وطايحه مسخره بكل هداوه وبرودة اعصاب ..<< أي بالله جابها عون.. طلعت فرعون...

وبمكان مو بعيد مره..
ــ ها ويش عندش بعد
ــ لا بس ابغى اسمع صوتك.. والله حرااام سولف لي
ــ اقوول كلها كم اسبوع وتشبعي من رقعة وجهي
ــ اني اشبع يمكن.. بس انت اتحداك ما بتشبع مني
قاسم يهلوس فباله.. ــ انا شبعان ومانى طايقنش من الحين.. اففففف ويش هالحاله..
ــ الووو قساااام
ــ لا فيش.. واير... قاسم ويش يخليه قسام..
ــ خخخ ولو... عمّ ندلعك
ــ شووو .. لك امحق تدليع هيدا... اقول تراني مشغول مع الربع باي
ــ دقيقه
ــ باي ... باااي... بااااااااي...
وطاخ قفل الجوال .. خيييييير شر...
وراح ليوسف اللي كان جالس على الرمل... وووقف فوق راسه يطالعه ويش قاعد يخربش

والى اللقاء في الحلقه القادمه...

مشكورة أختي بصراحة القصه روووووووعة
اتمنى لش التوفيق
ونتظر قصص ثانية
لأن أبداع بدون مجامله
وأنا شخصيا من المتابعين لقصتك
الله يوفقك وللأفضل دائما

يسلمو خيتو اميرة المرح
تعووور قلبي ريمووووووو

تسلمين اخت اميره احداث القصه جدا جميله
الله يعطيك العافيه

يسلموا أميرة على الاحداث الروعة
نتظر التكملة بفارغ الصبر

أميره بسرعه كملي القصه

بصراحه رووووووووووووووووووووووووعه

إبداع

بس مسكين ريم تكسر بالخاطر

حرام اللي يسويه قاسموووووووووووووه فيها

يسلموووووووووو يالغلا

تحياتي

هلا أختي أميرة على القصة الرئعة .والبدع الجميل...

بصراحة موتني من الضحك.....

الله يعطيش العافية...

أختش ..منحوسة..

تسلم الايادي اميرة

يالله بنتظار التكملة


اختك ام محمد

وينش يالغاليه طولتين علينا
من امس ومانزلتين الحلقه
يلا اميرة الاحساس نتظر على احر من الجمر
والله يعطيك العافيه كاتبتنا المتميزه
مع تحياتي لك
خيتك همسات وله

ويه أميروووووووووووووووووووووووووووووووووووووووووووووو وووووووووووووووووووووووووة


مع وجهك الحين أقعد يومين ما أقرأ القصة علشان تجمع اشوي ...

آخر شيء بس حلقة ...

عجبني (قالوا لك عراااوي ) هههه

مشكورة غناتي

يلا مديها على كيف كيفك ...

يسلمووو يالغلا

يسلموو على التفاعل الجميل جميعا
امول غناتي وربي كنت بنزل حلقه بس النت على خبرش من اخر مره اني وياش فيها فصل وما ادري ويش بلاه.. خخخ الله يعيناا بس

عموما تفضلو التاسعه عشره... وهذاني امغط فيها قد ما اقدر لعيوونكم

الحلقه التاسعه عشره

ــ هههههههههههههههههههههههههههه ويلي.. يوسفوه ويش هالرسمه..
يوسف يطالع قاسم بنظره على جنب .. ويتحنطب..
ــ عدال شفت روحك رسام قمت تتمسخر مو شغلك..
ــ خخخخ عيون ويش هذي..
ــ عيون صخله.. ويش عليك...
ويقعد يوسف يمسح في الرسمه من القهر..
وقاسم ضحك عليه.. ورايح جهة البنوتات.. لقى فطوم ترسم عيون
ــ خخخخ ويش سالفتكم ويا هالعيون.. ها.. مسويين تحدي..
فطوم:؟؟
ــ ههه يوسف مناك عيون صخله..وانتي هنا عيون تيس..خخخ خوش والله
جنان وهي ميته من الضحك..:
ــ ههههههههه يوسفوه قلود.. شاف فطوم ترسم عيون قلدها...
ــ هههههه وانا اقول من وين هالإبداع العجيب اللي طلع على يوسيف... اتاريه بايق الفكره من اختي... فطوم لويش كحله ثقيله فهالعيون.. صدق تيس خكري..خخخخ
فطوم وهي ميته من الضحك:
ــ ما تيوز عن سوالفك.. لا تتمسخر على رسمتي.. روح لخويك بس
ــ ومين قال لش ما باروح.. باروح اشوف اخبارها عيون صخلته,, ما يسلفنا تيسش كحله.. خاطرها تتعدل
ــ لا خكري ما يستغني...
فطوم وجنان وقاسم..
ههههههههههههههههههههههههههههههه

ويطب يوسفوه: ضحكوني وياكم..
جنان وبكل عفويه:
ــ على شرط تعرس التيس على الصخله..
يوسف :
ــ خخخخ ياليت.. اذا التيس ما عنده مانع.. الصخله تتشرف
قاسم: هههههههههههههههه
وانا اول الشهود..
جنان : اني الثاني
يوسف: لا نبغى رجال...
جنان: عدال غير الا عرس زرايب.. فيه بعد تسوية حال..
وطقت على صدرها..ــ احم.. اللي قدامك يعني ما تعجبك..
ــ خخخ افكر بس ماظني
ــ تراها اخت رجال..
ــ هههههههه دام كذا لا شهادتش تكفي وتوفي ...
قاسم:: ويعه.. يوسفوه ها استغنيت عن خدماتي...
ــ لا يالمفهي.. بس نسكت هالبنيه.. ويغمز على قاسم وهو يهمس..:
ــ نجاريها على قد عقلها...
جنان تشب حريقه...وتقول وبكل مسخره
ــ اذا جااائتك مذمة من .....فراااااااااااااغ.... عاد انت كمله بكيفك... فتلك شهادة بإنك كامل..
فطوم وقاسم. مع تصفيق حااار.: ــ هههههههههههههههههههههههههههه
فطوم: مذمة من صخلة...
يوسف: ــ صخله ما عليه.. ولا تيس خكري...
قاسم: ــ خخخ اقول صدقتوا عمركم.. بس يللا مصختوها..
جنان :: لالا حليو.. خليهم تيس وصخله
فطوم: ـ هيه.. محنا حيواين.. ماني
يوسف: مين قال.. كذا.. افا.. والله انكم يالبنوتات اظرف وانعم والطف الخلق..
>>>> صيغة جمع.. المقصود بها مفرد واياكن اعني فإسمعي يافطووم؟؟
فطوم:ــ ايووه.. هاا .. اذا جائتك مدحة من فاهم.. فتلك شهادة بإنك.. حركتات..خخخخ خوش مثل تقليد على جنان..
يوسف:ــ ايه اكيد خووش مثل دام انا الفاهم فيه.. وانتين الحركتات...
قاسم: ــ يللا عاد صدقوا روحهم.. قوموا بس قربت تغبب الشمس..
جنان: ماني.. نبغى نقعد شوي
يوسف : بيأذن والمشوار بعيد مانبغى نأخر الصلاه
جنان: عادي نصلي هنا وبعدين نمشي...
يوسف: ما عندنا ماي نتمسح به..
جنان : ماني لا تتحجج بالماي هذا وشووه ..
وتأشر على البحر .. الا اذا خايف على بشرتك
يوسف : عدال.. خخ بلا مسخره ها...

قاسم وفطوم... ههههههههههههههه... ايوه عاشوا شبقه
جنان ويوسف :: هههههههههههههههههه لا متعودين كله كذا
فطوم: لول اني وقاسم كذا.. كله مجاكر الحين هون قاسم.. اعتزل الفن...
قاسم فباله: ــ مالي خلق يا خيتي .. صايبني هم..
يوسف: ابو القواسم نحيس ما عليش منه تعلميني عليه هذ1.. الله يهديه بس ويرجع يجاكرش
فطووم:ــ يااارب قادر ياكريم.. من جد قسووم وحشني مجاكرك
ــ وحشش هاا.. اجل قومي البيت
جنان : لاااااااااااا... واني ابتلش بمجاكركم.. ما فيه
يوسف: ههههههههه يالخبله.. خلنا نجاكرهم احنا بعد ازيد
ــ شلوون؟؟
يوسف يفرك ابهام ايدينه بالسبابه وهو يرفع حواجبه ويتمسخر
ــ حره حره.. السياره سيارتي وبكيفي
قاسم: اه يالملعنه.. اتعاااندني ايها الغلام
ــ غلامٌ دبتك.. انني رجل ... ونعم سوف اجاكرك مدري اعاندك.. وسوي اللي تسويهو..
ــ اللي تسويهو مع وجهك ايها الأهبل..
ــ ماذا .. انا اهبل..ثكلك ابليسك
ــ اتدعي علي بالموت.. ايتها الصخله
ــ اهذا جزائي لأفكك من ابليسوو..
ــ شرربٌ لا اصكك بكسُ على فمك انفر ضروسكَ واحدا بعد الثاني..
جنان : ــ فطوم.. وت هبن
فطوم: اشرب لبن.. أي دونت نووو
جنان.. ات از شبقه.. هلب مي لنفكهم
فطوم: سوري .. ذس از شبقة بووي.. مالي بيزنيس فيها
جنان: رلي.. بوي يكسر بعضه.. وت دخلنا..
قاسم ويوسف يطالعوا جنان وفطوم ويفقعوها من قلب
ههههههههههههههههههههههههههههههههههههههههههههههههههههههههه

جنان: فطوم.. واي ذيس بوي از يكركر
فطوم: اني وت دراني..

واذن الأذان وجوا بيتمسحوا للصلاه.. وفطوم تتمسح اختل توازنها وطاحت في البحر وتبللت
: اااااااااااااااااه ويش هالحاله..
جنان سبقتها تصلي.. قاسم راح بعيد لقضاء حاجه>>> خخخخ الله يكرمكم ..
يوسف كان الوحيد اللي يستنى فطوم توخر عن الساحل عشان يتمسح ما يبغى يضايقها..
جاها يركض .. ويش صاير
ــ ااااه .. طحت و تبللت..
ــ خير ان شالله .. عسى ما تعورتي..
ــ لا بس تبللت ونقابي كنت حاطتنه فحضني ويوم طحت راح في البحر .. ويش هالحاله..
ــ لا حوول..سلامات.
ـ الله يسلمك.. ياعلي ويش هالمقطنه..
ــ ههههه لويش تقولي كذا.. حرام عليش
ــ اف .. مره اللحين بتنترس عباتي رمل من الرطوبه.. وييع... وباوصخ سيارتك.. والله فشيله
ــ لاااا.. ولو.. السياره وراعي السياره كلهم تحت امرش
فطوم كانت متغطيه باللفه بس كانت مره شفافه.. ويوسف ما قصر تبقق.. يامال عيونه الفقع.. ويوم سمعت كلام يوسف هذا..
بطريقه عفويه طالعته بنظره قهر .. ونفضت عباتها نفضه قويه.. خلت يوسف يسبح بالماي اللي فيها <<< خخخ مبالغه قوويه
يوسف يمسح الماي اللي على وجهه.. ويبتسم
ــ يللا يوسف يقول ويوسيف قال: من رشك احبك...
ويصرخ بصوت قوي : يـــــــــاااااااااااااااااااارب
فطوم فبالها: ــ صدق مخرف.. وتبتسم اتسامه خفيه.. بس خفيف دم..خخخخ

جا قاسم.. ويش صاير ..
حكى له يوسف السالفه.. قاسم فقع من الضحك وهو يطالعها ركوع سجود وحالتها متدحنه..خخخ

ويوم خلصوا صلاه كلهم..
قاسم: قومي فطوم الجو زين الحين ماهو بارد خل عباتش تنشف..
يوسف فباله: ــ يووه بيفصخها العبااه... خخخخخخ .. الله..
فطووم: شلون انشفها...
ـــ قومي امشي وانتي فارده اياديش ..
فطوم: لا بات مان قالوا لك.. ينيه .. حق اخلع الأوادم بهالظلمه...
قاسم: اجل ويش الحل..
يوسف : لويش يعني ما بتمرض ان شالله الجو حلو...
قاسم: على سيارتك ياخووك .. والله فشله جديده وبتنقع اسياتها وبتنترس رمال
يوسف : اترك عنك هالقرقر الفاضي.. عادي ولا تسوي حالك..
قاسم: لا مو عادي مو بكيفك ويللا بس اسكت ولا نفس
يوسف يسووي زي الياهل اذا هزئوه وفيه صيحه كأنه ويتمسخر:
ــ بااادول لأمي.. انت لويس تسرخ علي..,,,,,,,,, يللا عاد اذا مصر لا تسوي لينا شبقه وانا عندي حل..
ياترا ويش هو حل يوسف ..<<< خبركم حلوله جهنميه هههههه :wink:
.. هذا ما ستعرفونه في الحلقه القادمه

يسلمو خيتو اميرة المرح على التكملة الحلوة

هااااااااااااااااااااااااااااااااااااااي امووووووووووووووووووور كيفك
ماصدتنوني البارحه
اسف عليك يافلبي مو على كمبيوتري
لاني خسرتكم

استني بعلق ع التصفقيق وبعدين ع القصه

اما التصفيق مو كله تصفيق لاتفرحي مع وجهك ذا
بعضها مالت عليك لانك حطيتيها وماقلتي الي
او قلتي الي بس مانتبهت خبرك
عاد ذيك الايام والبنت الاحم احم تذكريها
اما التصفيق الباقي حُييت فيه ع الروعه الي
كتبتها اناملك فلسمت وسلمتِ انت

الحين الباقي
امووووووووووووووووووووور القصه ررررررررررروعه
وزين حننت قلبي ماجدوة ع سجى
بس مسكين قااااااااااااااااااااااسم ويستاهل في نفس الوقت عشان مادافع عن شي هو متاكد انه راح يكون ملكه وريمووووووووووووة
تستاهل ماحد قال لها تاخذ واحد قلبه مو ملكه
ولو تعرف تتصرف بنقول ها ها يمكن بعد
تقدر او تحاول تنسيه شوي وتخليه يميل لها
بس طلعت بنت فاشله وسطحيه ومن بنات هاليومين

اما الحلقه الاخيرررررررررررررررة والله انها حته وحتياه كمان
والله يعين ويصبرني نشوف ابو الاختراعات يسووووووووووف في شنو يفكر

تسلمين يالغلا وربي يحفظك ويكملك

دمعة الاحزان

ياااااااااااااااااااااااااااااااااايي

وش هالحركات امووور

والله حلقه فنتازيا
رهيبااااااااااااااااااااااااااااا

وخاصه المثل العجيب

اذا جائتك مدحة من فاهم.. فتلك شهادة بإنك.. حركتات
ههههههههههههههههه

ضحكت عليه ضحك
بس والله ونستينا بهالحلقه الحلووه
تسلمي يالغلا
وووننتظر الحلقه الاخيره بفااااارغ الصبر
:)
وبالتوفيق

هاااااااااااااااااااااااااااي

أموووووووووووووووووووووووووووووووووووووووووووووره

الحلقه روووووووووووووووعه بس قصيره كان مديتها شوي

والله قهر بس يلا يالغاليه نستنى الحلقه الجايه بفارغ الصبر

تحياتي

هههههههههههههههه
زين غيرتي اشوي مود الكئابه الي في بدايه القصه..........
بصراحه حسبوني اهلي استخفيت.........

ههههههههههههههههههههههههههههههههه
ولا الكلام الانجليزي كان تحفه....
غلبوا الهنود.........
المهم اخر مره اسمحلش تتاخري فاهمه......
ونلحقش بحلقتين ....جزاء التاخير...

ما امزح......

استناهم اوكي...

وانتظر....

ومو تدلعي بالنت ....اخترب ...فصل ...

يالله لاتزعلي ....لا ازعلي بس نزلي اجزاء...

جــــــــــــــــــــــــــــــــــاري الانتظــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــار

يا الله عاد اميرة

خلك احليوه وحطي الينا حلقتين او ثلاث مرة وحدة

هههههههههههههههه

طماعة ادري اني طماعة


تسلمين خيتو

ويالله عجلي على الباقي

ام محمد

يسلموو جميعا حبايبي على التفاعل الجميل
وكياانوه حسابش وصل لش اظن .. بس لسا باقي
بصفيه وياش بعدين خخخ
وتفضلوا اليوم
الحلقه العشروووووووون

الحلقه العشروون >>>> لا تخاافوا مهي الأخيره خخخ :toung:

ــ ويش حلك يا سنفور اتحفنا
ـ سيارتي...
ــ ويش فيها
ــ قررت تعتزل الصياعه و تتحجب
ــ خخخ يخرب بليسك فاضي انا لمسخرتك
ــ لا والله من جد.. اذا ما عندكم مانع خل اختك تفصخ عباتها وتشارك اختي عبايتها لمدة ربع ساعه ..
ــ طيب ويش بتسوي..
ــ قلت لك سيارتي بتتحجب .. لا حوول .. ويش فيك
ــ نشووف ويش بتهبب.. انا الحين باطوعك لأني مفتشل ما ابغى نوصخ سيارتك..
وسوي اللي تسويه
ــ نياهاهاهااا .. روح بس جيب العبايه
قاسم قال لفطوم السالفه..
فطوم : هاااااا.. وشلون افصخ عباتي
قاسم: بسيطه ادخلي ويا جنان بعباتها وكل وحده تدخل ايد وحده بس وافصخي العبايه وانتي داخل زي لما تقيسي عباه اذا جيتي تشتري .. والا وقت الصرف والتفخفخ بس تقدري تسوي الهوايل
ــ خخخ عن المسخره.. زين الحين
وسوت فطوم مثل ما قال ليها قاسم
نفض قاسم العباه عن الرمل..
ــ هاا ويش نسوي..
ــ دقيقه....
وطلع يوسف قطعه قماش وصار يمسح سقف السياره .. وفتح النوافذ اللي ورا شوي وصار يمسح براويزها..
وقاسم يطالعه مستغرب ويش يسوي هالمخرف..
ــ هاا يللا.. افرش وياي العباه فوق سقف السياره ودخل شوي من اياديها بالنوافذ .. قاسم ينفذ العمليه وهو مستغرب مره... وسكر يوسف النوافذ على ايادي العبايه ودق سلام تحيه لقاسم..
ــ يللا باي .. بروح اتفتل مع الخطيبه .. ربع ساعه وبرجع لك ..خخخخ
ــ ههههههههههه من صجك يالأهبل
ــ خخخ ايه ويش فيك
ــ انت اللي ويش فيك.. بتفشل روحك يالمينون
ــ اولا ظلمه.. والناس لاهيه بحالها بس لأنك تدري بي بتنتبه.. وثانيا .. مو شغلي بالناس بيقولوا مينون يقولوا بالطقاق ما همني احد...
ــ ههههههههه بكيفك بس لا تروح بعيد ابغى اطالع الفيديو كليب ترى باصور وبرسل بلو توث
ــ هههه ان شالله وسوي اللي تسويه ما يهمني .. يللا سلامووو
ــ حياكووو
وركب يوسف السياره ..دق السلف.. ويللا انطلاق .. وتخيلوا عااد شكل العبايه وهي منتفخه بالهوا وتهبب من جد .... سياره بشراع خخخ ...
قاسم راح لفطوم وجنان يخبرهم عشان ينتبهوا ..
وصارو يتفقعوا من الضحك..
وشوي سمعوا ياهل قريب منهم يصرخ جاي لأمه وابوه..
ــ يماااه .. يبه .. سياره عليها عبااااه .. مناااك تمشي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امه وابوه فقعوا من الضحك .. ما صدقوه .. وقاموا يخوفوه

ــ قلنا لك لا تروح بعيد اقعد مكانك حبيبي لا تاكلك الأووه...
....................................
قاسم وجنان وفطوم صاروا يتدحنوا من الضحك

فطوم:
ــ والله اشوى ظلمه طالعي حلاة شكلنا... ثنيتن بعباه ويش هالدبه
ــ خخخخ ويش عليش من الناس هههه خلنا كذا كشخه
ــ هههههه بس من جد من وين لأخووش هالأفكار
ــ يووه هذا افكاره جهنميه وتضحك..
وسكتت جنان شوي وبعدين فقعت من الضحك وهي تقول
ــ انتين لو شفتيه ويش سوا مع بنت عمش سجى.. كان متي بعد من الضحك
فطوم انذهلت واستغربت:
ــ سجى؟؟.. ليش تعرفوها
ــ يووه خخخ يعني ما تدري ان محاميكم ماجد هو نفسه خطيبها
ــ لا .. اصلا ما حضرت حفلتها ولا كنت اعرف اسم عايله المحامي ولا ادري مع انها خويتي الروح بالروح بس ويش نسوي حكم القدر قاسي.. طلع عمش يعني خطيبها !!!!!
ــ ايه..
وسكتت فطوم وصارت تطلع في قاسم والشكوك والظنون ضاربتنها
: ياترى ياقاسم ويش سر هالعلاقه مع يوسف لا يكون تبغى تعرف اخبار سجى منه .. صبيان وما يندرى ويش تخبوا..
وصارت تقلب الفكر.. لين قطع عليها التفكير سؤال من جنان..
ــ فطوم ممكن اصير ملقوفه
ــ هههه لويش تقولي كذا.. سولفي غناتي انتي هاديه بالعكس وحبوبه.. قولي ويش عندش..
ــ لا بس تقولي انش كنت ويا سجوي صحبه ورفقه عمر ويش اللي فرقكم
تنهدت فطوم من قلب .. وحكت لجنان القصه كلها بالتفصيل..
ــ ياعلي.. احلفي قاسم كان خطيب سجى.. ليش سوا كذا والله حرام.. اسمحي لي فطوم ولو انه اخوش بس حرام اللي سواه وين يلاقي زي سجى بطيبتها وحنية قلبها..
ــ ااه يا جنان.. مسموحه والله هالشي مقطع قلبي تقطيع. اني خسرت انسانه كانت من اعز الخلق على قلبي كنت اظنها بتصير نصيب اخوي وتصير اقرب لي واقرب.. بس جاير يازمن.. فرقنا..
ــ يللا الله يساعدكم ويرجع المياه لمجاريها..
ــ ههه يارب.. تعجبيني جنان.. اسلوبش حلو رغم صغر سنش
ـــ هااا .. لويش اني ماني ياهله.
ــ خخخ ما قلت ياهله.. بس عاقله حليوه
ــ خخخ حلت دنياش الله يكملني بعقلي
ــ هههههههه امين...تعالي بس ما قلتي لي ويش سوى اخوش بسجوي
ــ أيــــــــــــــــــه.. هههههههههههههه....
وقصت جنان السالفه على فطوم.. وتفقعت فطوم على سجى..
ــ وي على عمري خويتي .. ركبوها عربانه نخيل ههههههههههههههههه

ومرت نص ساعه وسيد يوسف مستحلي السالفه وقاعد يفرفر .. ويدق عليه قاسم جواال
ــ ها ابو القواسم
ــ نزل على المسجل يا خبل..
ــ خلنا ندق الرقبه متفاعل مع الفيديو كليب
ــ خخخ صدق اهبل .. خلصنا تعال بنمشي..
ــ زين بس سيارتي حليان ليها التحجب ماهي كاشفه.. حرام
ــ هههههه يلعن يوم ابليسك تعال الحين لا انتفك..
ــ زين جااي...
وجا يوسف ... ويرجع الياهل يركض لأمه وابوه وهو يصيح ويصاارخ
ــ يمـــــــــــــــــــــــــــــااااااه ....اوووووووووه عليهاا عبااااااااااه ...اهي اهي اهي اهييييييييييييييييييييي...
وفطوم وجنان : هههههههههههههههههههههههههههههههههههههههههه
وسلم يوسف العباه لأصحابها ناشفه.. ويش حلاتها.. خخخخ

ركبوا السياره.. راجعين .. ووصلوا قاسم واخته البيت .. وتواعدوا ما تصير قطاعه .. وبينهم ان شالله لقا قريب..
ويوم نزلوا من السياره وركبت جنان ويا يوسف قدام.. فتحت له موضوع سجى..
ما استغرب يوسف قال اكيد يعني فطوم قالت ليها
وقال لجنان شقد هو زعلان على قاسم من هالسالفه.. وانه قهره بهالفعله اللي سواها.. بس يظل خويه.. وكل واحد معرض انه يغلط...

وبالطرف الثاني فطوم.. دخلت غرفة قاسم وسكرت الباب..
ــ قاسم.. ابغى افتح وياك موضوع.. بس احلف انك تكون وياي صريح
ــ هلا قولي..
ــ اول شي احلف
ــ لا حوول.. والله ليش في مره طلبتي مني اكون صريح وشلخت عليش
ــ لا بس احس هالمره بتشلخ
ــ لا والله قسم قسمات ما بشلخ قولي..
ــ ويش سبب علاقتك المفاجأه بيوسف
ــ خخخ بالله احلف وما ادري ويش هذا السؤال.. تذكري يوم ادخل عليش وانتي محمقه على واحد بالتلفون وتبغيني اأدبه وترمي علي السماعه وتطيري ما ادري وين رحتي..
ــ ايه هذاك اللي يستنعم كأنه خكري .. يمااه.. ايه صدق هزأته انت..
ــ هههههههههه والله انش متفرغه.. هذا يوسف
ــ هااا.. ههههههه احلف وربك .. لا تقوول عاد
ــ والله ...
وحكي قاسم لفطوم السالفه كلها
فطوم ارتاحت وصدقت كلام قاسم.. وكذبت ظنونها مليون بالميه السبب صداقه قديمه.. مو شي ثاني..
وفعلا كان هذا السبب مع ان قاسم مو قادر يتناسى سجى.. بس.. كان يحط نفسه دوم مكان ماجد وما يرضاها على نفسه هالحركات شلون يرضاها على غيره.. فيتجاهل احاسيسه قد ما يقدر.. والله يكون بالعون ...
ــ الا ما قلتي لي ليش هالسؤال وليش قلتي باشلخ هالمره
ــ لا بس استغربت من هالعلاقه المفاجأه.. فجأه طلع لك خوي وعرفتني بهالسرعه على اخته.. طلعتوا صحبه من سنين.. وكان على التشليخ انت راعي سوابق خخخ
ــ ايه ويش على بالش اجل ولأنه اخته يتيمه ووحدانيه حب يعرفها على اخت خويه حق الطلعات لا تمل لحالها ... والله صدف ويش حلاها.. <<< خخخ ما يدري بسوالف يسفووه وغرضه الحقيقي ..خخخ

وقفلوا الموضوع...وقاسم في ظنه باله ان فطوم ما تدري ان ماجد هو خطيب سجى...
اما يوسف هذيك الليله طلع لسيارته.. وصار يهلوس
ــ أيــــــــــــــــــــه... يابختش يا سيارتي.. لبستي عباتها ها.. يللا الله يحنن علينا قلبها ياكريم...
يوسف تولع بفطوم.. ودخلت قلبه.. وده يكلم قاسم ويصارحه بهالشي بس خايف
ولا هو عارف شلون يبدي السالفه..<<< راح فيها الأخ وضربه الفايروس...
فطووم بعد... صارت تفكر بيوسف وتكركر ضحك.. والله انه خفيف دم وكشخه..
يللا عاد فطوموه ويش هالهلاوس اخزي بليس خخخ


و..............
.. في بيت سجى.
في نفس الليله.....
كانت سجى جالسه تطالع تلفزيون.. وشوي يجيها مسج :

اخاف الناس تسبقني تهني قلبك الطيب.. ابيك دوم متهني واشوفك كل سنه طيب..

ولو انه ليلة الجايه عيد ميلادش بس انا سبقت الوقت و اتمنى اكون اول المهنئين عيد ميلاد سعيد حبيبتي .. ..

سجى فتحت عيونها منذهله ... ومره منصعقه .. ويش هذااا ؟؟؟؟
مهي مصدقه.. ؟؟؟؟؟؟؟؟؟؟؟؟؟؟؟؟؟؟؟؟

ياترى مين اللي ارسل ليها المسج

هذا ما ستعرفونه تومورو على خير

سياا يااا حبايبي

يسلمو امورة عن جد اتحفتينا بروائعك ....

خخخخخ
اكيد متااااجدوة
يسلمو اميرووووة على التكملة
وحركة العباية شفتها على الحقيقة س مو عبااااية خيمة
خخخخخخخخخخخخخخ

ههههههههههههههههههههههههههههههههههههههههههه

والله الحلقه اليوم رووووووووعه

وحتى العبايه تموت من الضحك

والرساله اكيد من ماجد

مشكوووووووووووووووووره يالغلا

تحياتي

يسلمووو خيتووو
يعطيك العافيه
بلييييييييييييييز
كمليها
تقبلي تحياتي
العنود

الله الله ياعيني ع القصص الكشخه
والله طلعتي يا اميره مو هينه
اقول لش سر اميرووه مو تقولي الى احد
(القصه كشخه وناسه فيها اكشن اني يعجبوني اللي كده)
اقول حجيه كملي القصه تراني ابغى اعرف ويش اللي بيصير
تسلمي عيوناتي ع القصه الاكشنات ومادري ويشو
يعطيكِ ربي العافيه
تحياتي
ضحكووه

يسلمووووووووووو والله يعطيكي العافيه

ولا

يسلمووووووووووو والله يعطيكي العافيه

ولا تطولين علينا بالتكمله اوكي

مع خالص تحياتي بوفيصل:sad2:

يعطيك الف عافية أختي
وفعلا الكل يشهد أن القصه مبدعه
ننتظر تكملة القصة
للأفضل دائما

ماعليه يا بطبوط....

وعيدك قريب ...

وين الحلقتين هاه...

وين والوعد ؟؟

بس ماعليه........

امن السياره المتحجبه ههههههههههههههههههههههه
كشخه....

بسرعه لا اطولي..........

والله حركات

ولا حركة العباءة المحجبة ويه مرة واحده ..علمها اول على الكتف ..مو ناقص الا النقاب بعد


يلا ترى نحترق على جمر

يسلمو جميعا على التواصل الجميل
واعذروني على التأخير والله هلكانه متابع في هاللقاء لا يتراكم علي خخخ
ما يمديني حتى احك راسي :toung:
وتفضلوا

الحلقه الواحده والعشرون

سجى فتحت عيونها منذهله ... ومره منصعقه .. ويش هذااا ؟؟؟؟
مهي مصدقه.. ؟؟؟؟؟؟؟؟؟؟؟؟؟؟؟؟؟؟؟؟
شوي...
ــ الوو هلا قاسم
ــ هلا بعمري وحياتي.. ودنيتي .. افا هلا قاسم بس..
ــ ايه بس وايد عليك هلا بعد
ــ افا افا.. اوه .. ويش فيه الحلو زعلان
ــ اجل يالنحيس متى عيد ميلادي .. مفتكرنه حضرتك ..
ــ ااااااااا
ــ ايه خلاص ..خخخ يللا ما عليه اهم شي انت وياي ومستحيل مهما كانت الظروف تتركني .. عدل والا لا..
ــ اكيد ياعمري مليون بالميه.. انتي لي وانا لش.. اسف غناتي لأني ما ذكرت عيد ميلادش صدق هو متى عشان السنه الجايه اسوي الش احلى عيد
ــ ههههههه امس ياقلبي عيد ميلادي
ــ ياعمري عقبال مليون الف سنه...

راحت سجى بعيــــــــــــد بعيـــــــــــد وصارت تتذكر موقف قاسم يوم عيد ميلادها.. وهي تطالع المسج اللي وصلها وابتسامه راحه منرسمه على وجهها
حبيبها وخطيبها ماجد تذكر عيد ميلادها.. ماجد اللي ما كانت تتوقع منه ولا ذرة حنيه .. تذكر شي نساه قاسم.. ونسته هي من زمان...
وبضحكه ساخره
ــ هه انا لش وانتي لي .. هه صدق الدنيا والمواقف تكشف من اللي يستاهل الحب الحقيقي

اما قاسم.. كان وقتها يتفتل بالسياره,, تذكر عيد ميلاد سجى بهالسنه..
جى على باله ابيات لحامد زيد
ماتــقبـلت الفراق ما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها


ويقطع عليه هالإندمااج يوسفوه متصل ....
ــ الووووووووووووووو
ــ فقعت اذوني ويعه
ــ هههههه مو مني من هالصجه اللي عندك.. ويش عندك
ــ ابد اتفتل بالسياره..
ــ طيب مر علي ..
ــ وين على الله
ــ خخخ ليش تشتغل تكسي
ــ هههههه صدق متفرغ.. وين بنروح
ــ اتفتل وياك.. زهقان حدي.. الا ما تبغاني وخايف اصير غثه على قلبك
ــ هههه لا ولو محتاج لك هالوقت تسليني
ــ قالوا لك مهرج .. لا .. قولها..
ــ ههههههه ايه مهرج زين.. ربع ساعه وانا عندك...
ــ طيب قبل لا توصل بكم دقيقه عطني مسد كول
ــ لويش
ــ عشان البس عباتي ما بلبسها من الحين لا افطس
ــ هههههههههههههههههههههههههههه صدق مينون وما عندك ساالفه
ــ خخخخخخخ اسوي زي اختي خخخخ
ــ مالت عليك .. والله لو ما اعرفك قلت خكري رسمي.. اعقل يالمخبل
ــ يللا عااد ترى هبالتنا ما تصير الا وياك
ــ ههههه زين والله.. يعني ويش ؟؟ لما تصير ويا الأهبل تتهبل زيه ؟؟؟
ــ ايووووووووه عليك لمبه..
ــ طيب اجل .. حسابك اذا جيتك هين
ــ يمااه .. وي وي خفت يا مااامي..
ــ ههههههههه لا ابصم بأصابع ايدي ورجولي .. فيك لمسة خكاره..
ــ هي .. خلاص يللا عاد مصخت خكري في عينك
ــ ههههههههههه عصب الأخ خلاص حقك علينا ولا يهمك... كم يوسف عندي
ــ ايه بعد... خذ الحذر..
ــ ههههههه اقول ... قفل بس جاينك
ــ الحين انا المتصل والا انت
ــ انت
ــ اجل انطم.. مو شغلك ... الا عاد اذا اذيتك.. وعناد حتى لو قلت ايه مانا مقفل
ــ لا ما اذيتني
ــ اجل باي
ــ هههههههههههههههه صدق .. انك سالفه
قاسم بالمره يرتاح ويا يوسف ويحب مزحه يخفف عنه همومه وقبل كان وياه الثنائي المرح بس الأيام غيرت في قلبه اشاي وايد

وشوي بييييييييييييييييييييييييييييييب بييييييييييييييييييييييييييييييييب
بيب بب بييييييييييييييييييييييييب
ويطلع يوسفوه يركض وهو يشبر ويفتح باب السياره ويصرخ على قاسموه
ــ يلعن يومك.. في اختراع اسمه جوال دق مسد كول ما تخسرك شي يالبخيل
ــ ههههههههه شرب بس
بيييييييييييييييييب بيييييييييب
ــ وبيب يفقع راسك قول امين قاسموه سويت لي فضايح ..
ــ ههههههههه .. خلاص خلاص
بب..
ــ اقول الشرهه مو عليك علي يوم اطلب منك تمرني فارق بس هونت مانا مخاونك بهالطلعه ..
ويكفخ باب السياره
قاسم: هههههههه يوسفوه من صجك تعااال
بييييييييييييييييييييييييييييييييييييييييييييييييي ييييييييييييييييييييييييييب
ــ ولعنة الله تنزل على كل مزعج هااا
ويركب ويمشوا .. وقاسم يكركر من الضحك .. ويوسف مقهور منه
قاسم : ههههههههههههههههههههه هههه هه اه اه ويطلع تنهيده حزينه من قلب..: ااااااااااااااااه
كان استهباله من حرة فيه مهو عارف شلون يطلعها ...
يوسف فتح عيونه عدل وهو يطالع وجه قاسم ..
ــ ويش فيك ابو القواسم خير عسى ما شر
ــ ااااه ياا يوسف تعبااان وربي تعباان
ــ سلامتك .. ويش يعورك بطنك.. اذا بطنك روح الحمام << خخخ متفرغ
ــ خخخ صدق الشرهه مو عليك على اللي يفتح قلبه لك
ــ افتح قلبك قااسموه افتحه.. يللا باصير جورج قرداحي .. مين الطرف الثاني
:: يوسف رمى هالتعليق وخاطره يسحبه لأنه حس من جد قاااسم متضايق حد ما عنده وهو متفرغ ينكت وخاف لا يزعل قاسم عليه.. لكن قاسم رد:
ــ اااه يا يوسف ليتك افتح قلبي صدق والطرف الثاني سجى
ــ سجى.. قاسم ويش فيك ويش قلنا احنا..
ــ ويش اسوي يا خووك غصبن عني ابغى انساها.. واذا صرت انساها ما اقدر انسى اللي سويته فيها.. اتمناها تسامحني
ــ قاسم يا اخوي سجى قلبها طيب وانت تعرفها اكثر مني لا تقعد تفكر وخل الأيام تعدي وتمشي وانسى..
ــ ادري مافي زي طيبة قلبها وربي وهذا اللي معذبني اني كسرت هالقلب وجرحته.. غصبن عني يا يوسف وربي
ــ قاسم ويش خلاك تطري هالطاري.. ليش كذا تقلب المواجع هونها وتهون
ــ ااه يا يوسف ليلة الجايه عيد ميلادها العام وانا معاها نسيته وهي اللي تذكرت عيد ميلادي واحتفلت به وسوت لي اللي ما يتسوى وانا ابد ولا شي .. والسنه يوم فارقتها ذكرته.. مقهووور يا يوسف وبقلبي حرايق ..
ــ يا اخوي استهدي بالله وصلي على محمد واله وانسى همومك خيي وعيش ايامك
ــ لا اله الا الله ... اللهم صلي على محمد وال محمد ان شالله .. الله يساعدني بس


سجى قاعده تدور في كبت ثيابها على لبسه كشخه حق ليلة الجايه
ويرن جوالها
ــ هلا ماجد.. هلا حبيبي
ــ اهلين ياعمري اخبارش
سجى وهي مبتسمه..: تمام الحمد لله اخبارك انت
ــ الحمدلله مبسوط ومستانس ومكيف حدي..
ــ عسااه دوم.. وتسلم حبيبي على المسج الحلو
ــ هااا عسى بس ما احد سبقني
ــ لا ياعمري انت الوحيد .. اللي ذكرته.. وانت الوحيد بدنيتي ...<<< قالتها من قلب من قلب... وابدا ما خالطتها ذكريات ولا زارها طيف قاسم..
ــ تسلمي لي يا الغاليه..
ــ ماجد.. ممكن سؤال
ــ تفضلي
ــ كيف عرفت تاريخ ميلادي
ــ هههههه ولو العصفووره خبرتني
ــ ههههههه لا من جد
ــ هههه طيب مو انا محاميكم,,,
ــ ايه
ــ مو كل شي ليكم عندي
ــ ايه
ــ من دفتر العائله ياغناتي
ــ ههههههه .. صح راح عن بالي والله
ــ المهم يالغاليه.. يا أم حمودي.. خخخ كنت اقهرش صح اذا طلبت منش تناديني هاللون ..
ــ هههه الصراحه ايه شويه..
ــ هههههه خلاص .. هونت .. لاحقين على حمودي .. ناديني باللي يريحش
سجى وهي مستحيه
ــ حبيبي مجوودي
ــ اللله هههههه ياعيني على مجودي.. دخيل من يدلعني انا
ــ هههههه تسلم لي مجودي
ــ تسلمي لي سجوي.. طيب لقانا ليلة الجايه.. راح ..
وشوي في مكتب ماجد.. بين ما كان ماجد يكلم سجى
رن التلفون..
ــ دقيقه سجوي .. باشوف ويش صاير
ــ طيب حبيبي
ويرفع ماجد سماعه التلفون ..
ــ خير يا علي <<< علي سكرتير ماجد <<< كومباارس خخخ
ــ استاذ ماجد في وحده عندي تبغى تقابلك عندها قضيه مهمه تقول وضروريه..
ــ ليش ما قلت لي عنها
ــ بدون موعد هي جايه طال عمرك.. وتقول ضروري
ــ طيب شوي خلها برى لين اطلبك
ــ على امرك
ــ هلا سجوي
ــ هلا حبيبي.. مشغول ؟؟
ــ لا بس في زبونه جايه بلا موعد وانا مو فاضي للي يجوا بلا موعد خلينا نسولف شوي وبعدين اشوف ويش عندها
ــ لا
ــ هههه ويش اللي لا
ــ ما نسولف شوف ويش عندها .. وبعدين كلمني .. حرام عليك تلطعها
ماجد عجبته سجى.. كان مهو حاب يقفل معاها المكالمه لما جت الزبونه خايف على مشاعرها بس اكتشف انها وحده متفهمه طبيعه شغله ودره نادرا يحصل زيها هاليومين...
ـــ ياعمري .. ياعيني على حنية قلبش.. طيب يا الغاليه اكلمش بس اخلص سالفتها
ــ ان شالله على خير
ــ يللا فأمان الله عزيزتي
ــ حياك الله يالغالي

وضمت سجى الجوال لصدرها وصارت تدور وتدور في غرفتها وهي مستانسه تحس نفسها طايره من الفرحه.. توضت وصلت ركعتين شكر لله.. وقرت الفاتحه..لأمها..

ــ يا علي خلها تتفضل
ــ ان شالله طال عمرك
ودخلت الزبونه..
ماجد ما رفع عينه عليها .. قال تفضلي .. بدون ما يطالع .. ولكنها ما قعدت.. رفع ماجد راسه و...

ياترى من هي هالزبوونه

هذا ما ستعرفونه تومورو ان شالله

سي يااا ياحلوين

معرووووووووووووووووووووفه
~~~~~~~~~~~~~~~
ننتظر التكمله

تسلمي امووووووووووووور ع القصه
موفقه
وفي الانتظار

حركات الاحداث

اتوقعها هاذي اللي كان يحبها ..مو ...


يلا مو مو كملي ..ارحمينا لكي نرحمك باللقاء خخخ...

نفسي تخلي القصة تخلص مع اللقاء حركتات صح ...

سي يووو

يسلمو اميرة على التكمله وماباقولش ابغى الحلقة الجاية طووويله اخاف ينكسر كيبوردكم من معكم يحلو القاءوالقصة خلينا راضين احسن
خخخخخخخخخخخ

يسلموووووووووووووووو والله يعطيكي العافيه

ولا تطولين علينا بالتكمله اوكي

مع خالص تحياتي بوفيصل

مشكووووره خيتووو
وبليييييييييييييييييييز
كمليييييييييها
ولا تطولي علينا
لا عدمناك
تقبلي تحياتي
العنود

قصه روووعه بجد والله

مشكوورة يالغلا

وانتظر تكلمة القصة

تحياتي

معروووووفة على قولة خواتي الي قبلي


يالله بنتظار التكملة



تسلمين خيتو

ننتظر تكملة القصة الحلوة
ويعطيك ألف عافية خيه

يسلموو جميعا على التفاعل
ومثل ما قلتوا معروفه
بس ياترا ويش كنتوا تتوقعوا سبب هالجيه
يللا اقروا هالحلقه وقولوا لي صح توقعكم والا كان شي ثاني

الحلقه الثانيه والعشرون

ودخلت الزبونه..
ماجد ما رفع عينه عليها .. قال تفضلي .. بدون ما يطالع .. ولكنها ما قعدت.. رفع ماجد راسه وما سمع الا صوت مر عليه من سنين
ــ هلا ماجد كيف حالك
رفع ماجد عينه بيشوف مين هذي
وتفاجأ بالمره..:
ــ سحر.. انتين سحر.. والا غلطان
ابتسمت ابتسامه بارده .. صفرا .. والشحوب كان طاغي عليها كأنها في الخمسين من عمرها
ــ ايه سحر اني .. اخبارك ماجد عساك بخير

سحر.. حبيبة ماجد الأولى.. اللي صارت المشاكل بسببها.. وتركته بعدها..

ــ الحمد لله بخير.. تفضلي.. بويش اخدمش..
جلست سحر وعينها على الأرض كانت بالمره متغيره.. حزن طاغي عليها.. ووجها ذبلان ومخطوف لونه لو تغطيه استر لها وارحم لحالها بس هي مهي متعوده..
وبنبره مخنوقه .. قالت جمله.. تقطعت تقطيع يالله طلعت وخلفت وراها دموع:
ــ ابغاك تسامحني..
ماجد وبكل استغراب وبنبره مسخره
ــ اسامحش.. هه.. بدري والله على ويش والا على ويش
وتقطع سحر كلامه..
ــ ماجد اني تعبانه.. ويالله حصلتك.. وابغاك تسامحني مافيني حيل على العتب
ــ العتب ؟؟ ما بينا عتب...
ــ سمي كلامك الحين اللي تسميه اني جايه اعتذر ,, واتمنى السماح.. ما باقي شي من عمري ما باقي شي.. ارجوك سامحني
وصارت تصيح صياح فظيع..
صب ليها ماجد ماي .. شربته وتنهدت من قلب..
ــ سامحني ارجوك .. ويوسف بعد اتمنى توصل له اعتذاري
ــ يوسف بعد ويش فيه اثنينكم بلاء في حياتي .. وعلى فكره تراني خاطب ومبسوط ومانا قاصر مشاكل اوكيه
ــ هه.. ومين قال لك اني اعتذر عشان ارجع لك.. .. قالت هالجمله ودمعتها تنحدر.. وكملت: اني خلاص ايامي معدوده
ــ ايامش معدوده ,,خير ان شالله
ــ ماجد ابغى ارتاح.. ابغاك تسمعني للآخر وبعدها اتمناك دخيل الله تسامحني
ــ طيب قولي << قالها بكل تجهم..
ــ اااا.. الصراحه.. من قبل ما تعرفني ... اني بنت ماني اوكيه
ماجد استغرب منها ومن صراحتها هذي وقطع كلامها وهو يسخر
ــ هه مو اوكيه وليش بالله ..
ــ ماجد لو سمحت ممكن تسمعني للأخير وما تقاطعني
ــ طيب .. تفضلي ..
ــ من يوم اني في اول ثانوي واني اعيش حاله انحراف لا حسيب ولا رقيب اطلع وادخل بكيفي.. مع اللي ابغى ووقت ما ابغى.. الوضع في بيتنا عادي .. ما احد فاضي لأحد.. ابوي دوم يروح امكان بعيده لشغله.. وامي مشغوله بإخواني .. واخوي بطالي عطالي وهمه بقلبه و بالشوارع يدور رزقه واني تايهه بينهم وضايعه ..
وتسكت شوي ...: وتتنهد من قلب وتكمل كلامها ..
تذكر ياماجد يوم تصيدني نازله من سياره غريبه .. كذبت عليك ومنت اول ولا اخر واحد كذبت عليه فحياتي.. حتى اللي كنت راكبه وياه كذبت عليه.. كنت العب بالنار.. كنت بس طلعات وما سويت شي قوي بس ماهمتني سمعتي. وشرفي اللي راح يضيع فيوم من البلاوي اللي اسويها ...
والكذب كان عندي فنون.. بس يا ماجد.. ما حبيت احد في حياتي كثر ما حبيت ولد اخوك يوسف.. من جد استجنيت عليه.. وكان قاهرني ليش ما يعبرني.. كل الشباب يتمنو اشاره مني وهذا شايف حاله علي ليش.. فيوم كنت لحالي في البيت.. وجا هو يبغى اخوي.. دخلته المجلس.. وقلت له شوي وانادي عليه.. واصلا اخوي ما كان في البيت.. ومهلت شوي ورحت ليوسف واني ..

وصارت تصيح صياح ندم وقهر ,,والكلام يطلع بغصه

طبعا يوسف انصدم مني .. قام لي زي المجنون وعطاني كف على وجهي وقال لي كلام قهرني داك الوقت بس الحين ندمانه لأني رميته وراي وما سمعت كلامه..
قال لي:
ــ اذا انتي منتي خايفه على شرفش وسمعتش... انا خايف على شرف وسمعه صديقي وانا في بيته وتراني مو من النوع اللي فبالش .. انتبهي لروحش الله يستر عليش قبل لا يوقع الفاس بالراس.. واسف على عمي يوم يحبش من جد .. حرام هالخيانه هذي بحقه.. انا كنت سامع عنش كلام بس قلت لا حرام.. اظلمش بحسب كلام... لآنه في شباب طايش وعديم اخلاق اذا البنت ما عطته وجه يطلع عليها كلام واشاعات بس الحين تأكدت بنفسي ..
كنت اشوف عمي مرتاح ومبسوط وياش عمي هذا اخوي وما ارضى اخونه انا,,, استغفري ربش يابنيه والله يهديش..
وطلع عني وهو مقهور.. واني شابه حريقه شلون يتجرأ ويضربني.. وليش يسوي فيني كذا واني اللي حبيته ومن القهر قررت .. اني اصير فلتانه زود وزود
وكثرت طلعاتي وامتدت حركاتي للألعن والأخس وكل يوم مع مصيبه.. لين فيوم صار اللي اكيد لأي شخص بيسوي سواتي .. اكتشفت اني حملت مرض الإيدز من حوالي سنه وهو فيني .. وبالكثير 3 او 4 سنين وخلاص انتهي.. الحين صار لي 3 سنين و7 شهور.. هه.. صرت احسب ايام عمري.. ما حسبت افعالي وحاسبت روحي قبل.. طبعا ما يحتاج اوصف لك حال اهلي.. واني العار ليهم..ماجد دخيل الله ابغاك تسامحني ويوسف بعد اتمنى يسامحني.. لأني كذبت في حقه.. وقلبت السالفه عليه.. ارجوك ياماجد

ماجد.. مذهول من الكلام.. صار يفكر بحاله.. باللي سواه.. بدنيته شلون تقلبت وتغيرت طبايعه عشان وحده ما تسوى
ويوم طاح الفاس بالراس جت تتعذر ووتتوب وياكثر هالأصناف..صار يفكر بيوسف اللي كان اكثر من اخو بالنسبه له وشلون ظلمه وقسى عليه وشلون علاقتهم الحين بسببها
ضحك ضحك من قلبه.. صابته ردة فعل عكسيه
ــ بالله عليش.. متأخره في اعتذارش لويش ها.. لو مااللي فيش الحين.. كان اقسم باللي خلقني ما راح تفكري حتى انش تهوني عن فعايلش مو بعد تعتذري..
صارت سحر تصيح وصياحها يزيد..
ــ ارجوك يا ماجد .. سامحني .. وربي ندمانه ادري الندم ما ينفع اللحين ادعي لي ربي يسامحني وسامحني انت بعد
ــ روحي الله يسامحش دنيا واخره.. روحي الله يساعدش على بلاش
قامت سحر .. وهي مبتسمه والدمعات تتناثر
ــ شكرا ماجد الله ييسر لك ويوفقك .. مع السلامه وادعي لي بالرحمه والمغفره
ــ مع السلامه. والله يغفر لش ويسامحش.
طلعت سحر وتركت وراها افكار وهواجس تدور فبال ماجد.. حاس نفسه مو طايق الدنيا مو طايق نفسه.. ما شاف روحه الا بعفويه يدق على سجى ويقول ليها انه جاينها حالا..
سجى خافت .. نبرة صوته ما عجبتها ..
ويوم وصل .. وجلس وياها,, مسك ايدها .. وصار يطالع في سجى وعيونه حزينه
ــ احضنيني يا سجى .. تعباااان ..
سجى خافت عليه ويش فيه .. حضنته وصار يصيح..
سجى ماتت من الرعب .. ماجد يصيح.. ماجد الشديد .. تشوف دمعاته وبحراره وحزن عنيف ..
ــ ماجد حبيبي ويش فيك
وهو كل ما كلمته عصرها ودمعاته تزيد..
ــ سجى .. انا قارف نفسي .. قارف دنيتي .. قارف سواتي.. سجى.. يوسف ولد اخوي.. محتاجه.. ابغاه.. ابغى اريح قلبي.. من سنين تعبان وانا دوم متخالف وياه.. ظلمته وتعبته.. ابغاه.. سجى ويش اسوي..
سجى مهي فاهمه شي.. ويش صاير .. ماجد حبيبي هدي واقعد وقول لي ويش صاير
,, وحكى ماجد القصه لسجى ...
سجى بهتت.. ومهي عارفه ويش ترد ويش تقول.. كيف صار كذا وليش ومسكين يوسف هو اعظم الضحايا في هالسالفه..سجى دقت على جنان بسرعه
ــ الوو هلا جناني اخبارش عمري
جنان وصوتها فيها النوم .. نومة عصريه بعد المدرسه
ــ ااا ااه.. تمام حبيبتي .. اخبارش انتي
ــ الحمد لله اسفه عمري قعدتش من النوم بس ضروري
ــ لا عادي خير عسى ما شر
ــ عطيني رقم يوسف بسرعه
ــ ويش صاير
ــ لا بس عمش يبغاه..
ــ ولويش مو عمي اللي يكلمني
ــ جنان عمش تعبان ويبغى يوسف يوديه المستشفى
ــ ياعلي سلامته .. زين سكري واني شوي وارسله لش
ــ الله يسلمش غناتي يللا باي
وشوي جاها الرقم
وعلى طول سجى دقت عليه

يوسف كان مع قاسم يتفتلوا بالشوارع
ويدق الجوال ..
يوسف يطالع الرقم بدون اسم..
ــ ما يندرى مين.. خخ قاسموه تتوقع ولد والا بنوته
ــ هههههههه صدق متفرغ..
ــ لا شكلها بنوته
ــ لويش يعني
ــ من الرقم ..خخ تحليل فاشل بس البنات يحبوا الأرقام السهله واللي تكرر اكثر من رقم ..لا شكلها بنوته.. شوف هذا هو سكت.. لو ولد قلع الدنيا عشان ارد.. خخ ..
ــ هههههه.. لويش كم الرقم..
ــ والله فله هالرقم ********** شي هااا
قاسم من سمع الرقم ضرب بريك..
ــ وويعه.. ويش فيك كل هذا من حلاة الرقم بغيت تكسرني انت..
ــ عيد الرقم..
ــ هههههه لويش تبغى تشتريه حلو صح
ــ يوسفوه مانا فاضي لمصاختك .. مو **********
ــ ايه بل عليك تف تف لا احسدك صدق بسيط بس مو تحفظه من اول مره وبهالسرعه..
ــ هذا راقم سجى .. يوسفوه هذا رقم سجى
ــ هااا.. احلف .. ويش صاير ..
ــ ما ادري .. دق عليها وشوف
وما مدى يوسف يدق .. الا يكتشف ان رصيده خلص .. خخخ اخر مكالمه له مع قاسم قال طلعته بيشتري بطاقه شحن.. ونسى..
ــ اوهووووو وقف عند اقرب سوبر ماركت بشتري بطاقه..
ــ ايهييي علينا.. بعيده شوي اقرب وحده.. خذ كلمها من رقمي
ــ اوكيه ..
دق يوسف .. سجى شافت الرقم وانصرعت.. قاسم هذا.. وش جابه...
يمكن يوسف وياه,, بس ليش يوسف ما يدق بجواله ؟؟
.. يعني ما فيه رصيد,, !!
وصارت تقلب الفكر.. وماجد ضايق باله وتعبان وهي ماحبت تضيق باله زود بقاسموه.. وهي تفكر وتفكر.. ويش تسوي تخاف ترد ويطلع قاسم صدق .. لييين سكت عن الرن..
يوسف: ــ ما ردت
ــ ااه.. اكيد ما بترد .. دامه رقمي .. اقول ارسل لك من عندي رصيد بس ..
ورسل يوسف رصيد ... ودق على سجى..
سجى من شافت رقم يوسف قالت فبالها:
الحمد لله ما رديت من شوي معناها قاسم هذا,, صدق ما يستحي ومتفرغ
ــ الوو هلا يوسف
ــ هلا مرت عمي خير ان شالله
سجى استغربت اول مره يسمع صوتها في التلفون وما عنده رقمها شلون عرف انها هي
ــ تعال بسرعه بيتنا عمك يبغاك
ــ عمي يبغاني ,, ليش ويش عنده... وانا مشغول برى .. ومع واحد مو بسيارتي
ــ يوسف ارجوك تعال ضروري
يوسف خاف .. سجى تترجى
ــ ويش صاير خير ..
ــ تعال وانت بتعرف..
ــ اوكيه مسافة الطريق..
ــ يللا مع السلامه
ــ الله يسلمك
قفل يوسف وهو مستغرب ..
ــ اقول ابو القواسم وديني بيت عمك
ــ خير ويش صاير..
ــ ما ادري .. بس شكلها السالفه قويه ترجى سجى وعمي يبغاني ضروري ما يندرى ويش عنده الله يستر..
ــ ان شالله خير عموما انا بنزل بيتنا بعد بس تخلص عطني خبر عشان اوصلك اوكيه
ــ اوكيه
ووصل قاسم يوسف بيت عمه
ودخل يوسف المجلس.. ويوم جت سجى بتطلع عنهم ماجد ما رضى قال ليها تلبس عباتها وتقعد وياهم..

والى اللقاء في الحلقه ا