ماعرفتوني .. كثر .. ما عرفني ..

تسلمي خيه غناتي على الجزء


اني من زمان مادخلت وطول الوقت احاتي

لاني مرره انشغلت بزواج بنت عمي وعقدي

بس اليوم لقيت شوية فرصه وقلت اجي اشووف

يلا غناتي الله يوفقش في الدنيا والآخره

وتتوفقي في اامتحان يارب ياكريم

دمتي لنا

هلا
امور اني انتظرت وااااااااااااااااااااااايد متى بتجيبي الجزء

مليت انتظر

...............جاري الانتظار...............


تحياتي

:bigsmile:هلاااا حبايبي
شكرا على الإنتظار
شكرا على التفاعل
تسلموا وعلى قلبي وجودكم عسل

:rolleyes:
متبـــــــــــــــاااركين بالمولد
ان شالله بعد المولد من الليله الجايه على خير اذا الله قدرني وسمحت لي الظروف
جاري تكملة المسلسل المكسيكي خخخ

ومنوررين :cool:

دمتم بحفظ الرحمن

هلا اموور

هلا وغلا برجعتك الله يوفقش ان شاء الله وتنجحي يا رب يا كريم
يا الله احنا ننتظر واق الي تحبي حطيه

تحياتي
رهفوه

مــشكوره


اختي اموور على القــصه الروعــه

والله يبارك فيش على المولد

ونستنى باقي القصه وانشاء الله تكوني قدمتى عدل في اختبارش..

بسم الله الرحمن الرحيم
هلا وغلا أموووورة
متباركة بالمولد
وننتظرك باااااااااي
بالتوفيق

السلاااااااااااااااام عليكم

مرحبااااااااااااااا اختي اميره

اني اتابع قصتش من اول ما كتبتيها بس ما كنت اعلق

بالصراااااااااااااااااحه القصة روعه وتجنن وتخبل ....................الخ

الله يعطيش العافية خية

وانتظر التكملة بأحر من الجمررررررررررر

خلينا نشوووف أم الراء الحليوة ويا فاااااااااااااااااااااالس ويا بعض مستانسين وان شاء الله ما تخترب العلاقة بين فارس ورااااااااااااائد كفاية حزن أموووووووووووور

خليتيني أصيح واااااااااجد في الجزء الأخير


مووووووووووووو تتأخري عليناااااااااا :wink:

يسلمووو عالتفاعل الأكثر من روعه
يسلمووو على التواجد العسل
ويا هلا بالجدد المنضمين << ولو اني مهدده ومتحلفه باللي يتابعوا من ورا الكواليس بس زين نوروا بطلتهم عساها دايم علينا
ويعطيكم العافيه ومتباركين

تفضلوا الجديد

الساعه 12 الليل... سكوون صمت.. وهدوووء طاغي بأرجاء البيت.. من شدة الهدوء.. ما تسمع الا صوت القلم وهو يخط على الورق ...

تكسرالقلب بيده وشتته بكل وادي

بعد ماكان لي الدار بعد ما كان بلادي

ظلمني بظنه وحرمني نومي و زادي

لكني بصدق احبه واللي يحب ما يعادي
كنت له اسامح ولزلاته اوكل قلبي محامي
كان القلب من زود حبه عن غلطاته عامي
جعله السعاده اللي حرمني منها ومن منامي

انكسر قلم الرصاص.. كان فارس قاسي عليه وهو يكتب.. انكسر.. وتششت الفكر.. وبإبهام رطب.. مسح السطور.. كون عليها ضباب رصاصي.. تنهد من صميم قلبه...
ــ ااااه.. اشتقت لك حييل يالغالي.. يومين.. يومين لا سلام ولا كلام ولا خبر.. اخخ يا زمن...

وعلى الطاوله.. في مكان اخر.. رائد..حاط كفوفه على راسه.. وفاتح الكتاب .. لعل وعسى تدخل كم كلمة في راسه.. ما باقي شي على اختبارات الثانويه العامه... كلها 8 ايام بس.. ويبتدي الجد.. ورائد خياله ما تفارقه الأحداث الأخيره اللي صارت..
وما يفارقه شكل اخته المسكينه اللي رجع ليها البيت.. لقاها حاطه لزقه على عيونها.. ومكذبه على امها قايله ليها انها بتنزل كرتون من سقيفة غرفتها وطاح على عينها...
زهرا ما مشت عليها السالفه.. بس رؤى مهي حابه تقول شي.. وزهرا مخلتنها براحتها...

يتذكر عتب امه عليه.. انه رجال البيت في غياب ابوه.. شلون يسوي بإخته كذا.. يتذكر جلسته مع اخته وهو يطلب منها تعذره.. وهو اللي عمره ما قال اسف.. بس حزتها لأنها طلعت من قلب وبدموع.. اكتفت بإبتسامه ولا ردت عليه ولا كلمه.. متحسف على نحاسته معاها..
متحسف على ظنه بخويه,.,
قام يضرب على راسه.. والأاه.. بدت نغمتها بشويش.. وزاد الضرب واعتلى الصوت..
وبكفه رمى كتابه بعييد.. مسك جواله.. وفي باله..
ــ ادق.. مالي عين.. ابدق على بيتهم.. اااخ.. فارس وربي مو قادر انا.. محتاجك...

فارس بإبهامه الرطب ما زال رايح جاي على سطوره.. لين خلاص انمحت وما بقى الا بقعه رصاصيه غامقه.. ولاحت على شفته طيف ابتسامه..
قام وانسدح على سريره.. التفت يمينه.. لقى على الطاوله جنب سريره.. في برواز.. صورته هو مع رائد وعبدالله المرحوم.. مد ايده اخذ البرواز.. صار يمسح عليه بخفه... ويحس بحراره في جسمه .. بصداع في راسه.. بدمعه طاغيه في عينه.. وصل لجهة رائد.. ضغط بأصابيعه وصار يمسح.. وسالت الدمعه.. وكملت الأصابع المسير.. لجهة عبدالله.. ضم البرواز لصدره.. وبهمس هادي..
اذا الأقدار خذت منا حبايبنا.. نردد ااه.. يا قسمتنا والنصيب
واذا العين تعبت من مدامعنا.. نعاتبها يستاهل دمعش الحبيب

ظل فارس يهمس .. لين بح صوته... وغفت عيونه والصورة في حضنه...

طووط طووط طوووط..<< تلفون بيت فارس
وبخفه ويأس قفل الخط ...
ــ ااه وينك.. ليش ما رديت.. معقوله نمت.. فاارسووه وحشتني.. اسف وربي.. تكفى رد علي...
حط راسه على الطاوله ما بين ذراعه..

باب رائد يطق... وينفتح بخفه..
رائد عاطي ظهره للباب..وبصوت مبحوح..
ــ امااه قلت لش ما ابغى شي نفسي مسدوده شبعاااان...
شوي الا كاس عصير ليمون انحط على الطاوله معاه سندويشتين.. وكف يد لمست كتفه..
رفع رائد راسه... ولقى اخته رؤى.. ببتسامه تطغى عليها الدمعات.. وبصوت مبحوح..
ــ اكل واشلب .. على شان خاطلي.. اليوم كله ما اكلت شي...
رائد مو عارف ويش يسوي.. ويش يرد.. كيف يتصرف.. موقف رؤى هذا زود الألم في قلبه.. ضمها وهو جالس على الكرسي.. حاسس رجوله ما تشيله .. مقهوور.. وعصرها وصار يصيح.. مدت كفوفها على شعره.. وصارت تصيح .. اول مره تشوف اخوها كذا..
ــ لائد.. خلاص .. يكفي عاد.. خلاص انتهت السالفه حصل خيل..
ــ سامحيني..
ــ مسامحتنك اني.. اني ما ازعل ولا عملي زعلت عليك.. انت اخوي خليصي حبيبي.. مالي غيلك.. كفخني كسلني سوي فيني اللي تبغى.. بس لا تسوي في لوحك كذا.. ولبي ماني قادله افتح كتاب .. قابل دلوسك الإسبوع الجاي امتحانات..
ــ ماانى قادر.. شلون اقابلها.. ابغى فارس.. تفهمي شلون ابغاه.. مايرد علي.. شكله ...
ــ نايم يمكن.. ما تدلي.. فالس طيب وما يزعل عليك.. صدقني..
ــ ان شالله.. ابغى اروح له بكره.. مو قادر وربي..
ــ بتلوح له وبتتصالحوا صدقني بس هدي وانتبه لدلوسك.. واكل..
ــ ماالي نفس..
ــ على شاني تكفى.. على شان فالس الله يخليك..

رائد مد ايده على السندويشه..
ــ انا باكل بس بشرط..
ــ اللي هو..
ــ تاكلي معاي.. وتجيبي كتابش الرياضيات نذاكر سوا..
رؤى وهي طايرة من الفرحه..
ــ اييييي زين...
وسوت اللي قاله ليها اخوها...

وبين ما هم يذاكروا.. وكل واحد يشرح للثاني ويتفلسف عالثاني.. استعصى عليهم سؤال.. صاروا يدوروا على قانون في الكتاب.. يفروا في الصفحات.. وشوي فتح رائد صفحه ما قبل الأخير وصار يطالعها وهو مختلع.. .. ووجهه تغير ورجعت حالة الكابه..
رؤى.. وهي تفر بالصفحات..
ــ اوهووو ويش هالقانوون الدفش ماني شايفتنه..
والتفت لرائد .. وصارت تتأمله وهو يتأمل الصفحه..
طالعتها.. لقت رسمه كاريكتوريه بحبر اسود سائل .. كفين متشابكين.. كل صبع مكتوب عليها رائد.. فارس.. بالتناوب.. وبين الكفين ورده.. مفتحه.. وحولهم اشعة شمس مضويه.. ومكتوب تحتها..
ــ هذي خربشوه تعبر عن صداقتنا الأبديه حبيبي رائد... على شان اذا وصلت لهالصفحه بالمذاكره تذكرني.. وتكون انجزت الشيء الكثير..
بعد هالكلام سمايل مرسوم يغمز,, ومكتوب تحته تعليق..
ــ شااطر وصلت للنهايه عفيااا عليك.. عسى بس ما قحصت ونطيت عن كم دررس... ترى بأعطيك دست.. ريووس على ورا ان كنت مطيح هااا...
وصورة سمايل يبحلس..
بالتوفيق.. فاارس...

كانت صفحه جدا حلوه.. بس وقعها كان مره مؤلم على قلب رائد.. حس لو وضعهم غير.. كان بتفرحه.. بيضحك.. ويوم ثاني بيتمسخر على فارس وهالحركه المفاجأه منه..
... صار رائد يفكر وطغت بعينه دمعه وفي قلبه تنهد..
ــ متى فتحت الكتاب.. متى كتبت .. شلون ما صدتك.. يا الله صحيح ما عرفتك.. وانا طول عمري معااك.. فارس محتاج لك.. وربي مالي غنى عنك...
تناثرت الدمعات على الصفحه.. وسال الحبر الأسود.. رؤى ساكته مهي عارفه ويش تسوي.. لأنها هي بكبرها اثرت فيها هالحركه وصارت تبكي معاه.. ظلوا يصيحوا... دقايق ..
سكر رائد الكتاب..
ــ بقووم انام..
رفع راسه لرؤى.. لقاها تصيح.. ابتسم ابتسامه مصطنعه ..وبصوت مبحوح ومخنوق..
ــ ويش فيش تصيحي..
رؤى مسحت دموعها بسرعه .. وابتسمت.. وحطت ايدها على خد اخوها..
ــ ولا شي.. انتبه لنفسك بس.. وما بيحصل الا كل خيل.. نومة العوافي..
وقامت بتطلع.. وقبل لا تطلع..
ــ رؤى...
التفت له..
ــ سامحيني خيه.. سامحيني وربي ما كان قصدي..
رؤى تسوي له حركة اششش..
ــ ما صال شي.. يللا نام.. وانسى .. تصبح على خيل..
ــ وانتي من اهله..

قام رائد.. طفى الليتات.. وانسدح على سريره.. دق على رقم فارس.. يحس نفسه زي الطفل.. يبغى يسمع نغمة حامد زيد..
ان الرقم الذي طلبته غير موجود بالخدمه مؤقتا ..

سالت دمعته.. وغفت عينه...

يوم ثاني الساعه 10 الصباح...باب بيت فارس الحديد يطق...
فتح فارس الباب.. لقى رجال يسأل
ــ السلام عليكم ورحمة الله وبركاته
فارس مستغرب اول مره يشوف هالرجال وشكله اجنبي مو سعودي...
ــ وعليكم السلام ياهلا...
ــ هذا منزل علي الــ.... << جده ابو امه..
فارس ..
ــ أي وصلت....
ــ الحمدلله واخيرا.. منذ متى وانا ابحث عن هذا المنزل .. << الرجال يتكلم بالفصحى

تابع>>>

ــ الحمدلله ...الله يعطيك العافيه..خير يا اخوي..
ــ ان شاء الله كل خير.. انا الصديق سالم من المغرب جئتك من طرف محمد الــ.....
فارس فتح عيونه..
ــ نعــــــــم....محمد الــ... << ابوووه..
وهو مرتبك مو عارف ويش يسوي ..
ــ تفضل اخوي حياك..
ــ لا يا أخي شكرا لك انني مستعجل فقط اردت ان اوصل الأمانه لك..
ــ شكرا ما تقصر يعطيك العافيه..
ــ عافاك الله وعفوا لا شكر على واجب.. مع السلامه..
ــ الله يسلمك..
ظل فارس ماسك ظرف بيده من عند الرجال تقريبا عشر دقايق وهو سرحان.. مختلع.. ويش صاير..؟؟؟
شوي صوت امه ام حسين..
ــ امــي .. فارس .. من دا على الباب..
فارس مع صرير الباب القديم..
ــ جاي جاي..

دخل وقعد في الحوش مع امه.. وفي ايده الظرف و ايده مهي عارفه كيف تفتحه..
ام حسين وهي مستغربه..
ــ هاداويش يا ولدي...
فارس وهو مبهوت..
ـ مظروف ..
ــ أي ادري ويش اجل .. شيس فلافل لو شباتي..ههههه.. مظروف ويش << حلاوتها الضبعه تستظرف..
ــ ههههه.. انا لو اقول لش من وين تختلعي ..
ــ وي علي بن ابي طالب .. يخلع بعد.. ويش به خلعتني بكلامك..
ــ ما ادري للحين بس من عند ابوي..
ام حسين ضربت صدرها..
ــ ابووك.. وي خير اللهم اجعله خير.. ومين اللي جابه لك..
علمها فارس بالقصه.. وهو يفتح فيه... طلع ورقه.. وفلوس ..
ــ ما ادري ويش اكتب بعد هالغياب.. غير اعترف بتقصيري.. يا فارس قرب يومي.. خاطري اقول يا ولدي .. بس ما استاهل اكون ابوك.. عساك بخير.. وويش اخبارك.. محتاج اشوفك.. واعذرني.. هذي فلوس ثمن تذكرة طيران للمغرب.. وهذا عنوان البيت.... وبراحتك بغيت تجي والا لا.. منت مجبور.. ولا الومك لو ما شفتك قبل ما ارحل..
ابوك.. اللي عمره ما كان ابو.. محمد الــ...

فارس ايده تتنافض وهو يقراها.. وصار يتنفس بسرعه.. ام حسين خافت.. مسكت ايده .. تهديها عن الرعشه..
ــ وي ولدي .. ويش فيك ويش مكتوب..
بصوت مخنوق..
ــ ابوي .. مريض..
ام حسين بعفويه..
ــ جعله يستاهل..
فارس ..
ــ لااا.. لا.. يبغى يشوفني..
ــ عقب ووويششش..
ــ ما ادري ما ادري..
ــ خليه يولي..
ــ ما ادري .. ما ادري..
قام فارس ..
ــ بطلع انا..
ام حسين ..
ــ وين بترووح..
ــ ما ادري بطلع وبس..
ــ امانة الله انتبه لروحك...

برى البيت.. على الشارع.. واقف فاتح باب السياره.. وحاط كوعه عليها ومسند راسه على كفه.... مو عارف ويش يسوي.. يطالع بصمت..وده يدخل هالزرنوق .. ويطق بيده باب الحديد.. ويفتح له اغلى انسان بحياته.. يستقبله بالبسمه والترحيب.. وياخذه بالإيد.. وسوالف حلوه ان انتهت تبتدي من جديد .. << خخ قلبتها خاطره

طلع فارس وسكر وراه الباب .. وقف شوي.. ماله خلق طلعه..رجع فتح الباب ودخل..
وقبل لا يسكره.. حس بشي غريب.. حس وده يطلع.. وده يشوف رائد.. يبغى رائد.. بس مو عارف يش يسوي.. ورجع طلع وقفل الباب.. وهو يمشي بالزرنوق.. مليون فكر يضرب براسه.. بخاطره يروح بيت رائد... وفي باله..
ــ لأ.. مانى رايح.. كفايه.. احس روحي ثقيل عليهم.. ويش هالموقف اللي حطيتني فيه.. ااااه بس...
وبعفويه جت رؤى على باله.. ابتسم وتنهد..
ــ والله مسكينه ما تستاهل اللي صار ليها.. كان الوصل قريب .. الله يهديك يا رائد...
وطلع فارس من الزرنوق المظلم للضوا... الا رائد في وجهه.. وقف فارس يطالعه .. ورائد بعد .. كل واحد يطالع الثاني.. هدووء.. والجو كان هوا خفيف.. وبين ما كل واحد يطالع في الثاني..
الا عصفور صغير.. توه فريخ.. طاح من على عشه..من فوق في فتحه صغيرونه في احد البيوت القديمه في بداية الزرنوق.. لفت نظرهم ثنينهم بطيحته...

ولفت نظرهم.. العصفوره وهي تحوم.. خايفه على فرخها اللي طاح.. ومهي عارفه تتصرف..
فارس ابتسم.. وشال الفرخ.. ورجعه عشه...

التفت لرائد.. لقى الدمعات طاغيه في عيونه.. سكر باب السياره.. وتوجه له..
فارس هو الثاني توجه لرائد.. ولغة الكلام تعطلت عندهم.. كل واحد حضن الثاني حد ما عنده.. حسوا بهالضمه بإندماج الأرواح.. حسوا كل واحد روحه تخللت جسم الثاني...
بنبرة مخنوقه ..
ــ سامحني غلاي.. سامحني يا اعز انسان.. الله يلعن الشيطان .. الله لا يفرقني عنك.. محتاجك وربي.. دخيلك لا تخليني...
فارس صار يمسح على ظهر رائد.. ودمعاته تتناثر عالخد شلال ويشاهق مثل الأطفال..
ــ مسموح يالغالي.. حصل خير.. خلاص.. وربي على بالي ما فارقت قلبي ولا عقلي ثواني.. الله لا يحرمني منك.. هذي الدنيا .. لازم يصير كذا بين الأحباب.. بس مصيرهم يرجعوا لبعض وتقوى علاقتهم بحيل الواحد الأحد اقوى من قبل
رائد وهو شابك على فارس..
ــ ان شالله.. الله لا يعوده من يوم..

فارس..
ــ خلاص يللا.. نسينا.. وانتهت السالفه.. مشينا..
رائد بفرحه..
ــ ويناا..
فارس..
ــ امش وبعدين تعرف .. بسيارتي خل سيارتك هنا..
ــ اوووكي...

لا تلمني.. لا تلمني لو قسوت عليك.. لا تلمني .. انا منك وانت مني... لما لا يرضيك عتبي .. فأنا ما خنت حبي... لا تلمني لالا.. لااا.. تلمني..
لا تلم فيك ثباتي .. انت مهما كنت ذاتي.. ليس اغراء صديق .. من صفاتي.. ضحكي في العثراتي.. ليس من معتقداتي.. ما انتصحنا في طريق للشتاتي..
انت مرآءة حياتي .. لا تجامل سيئاتي.. فإذا مرآة جفني.. لك ابدت دمع حزني..لاتلمني.. لالا..لااا.. تلمني..

ــ رووعه الأكرف من جد.. روووعه.. الله يخليه ويحفظه ..
ــ يارب يا كريم.. من جد يحرك المشاعر..
ــ فارس..
ــ عيونه..
ــ تسلم عيونك.. اهديك اياها هالأنشوده...
ــ تسللم الله يخليك...

وظل الأكرف يداعب مسامعهم.. شوي فارس قصر على الصوت..
ــ رائد..
ــ حياته..
ــ ههههههههههه الله يخليك.. كنا واحد ويا حبيبته..
ــ اه أي حبيبه.. احنا ثنين حبينا.. تزاعلنا وتراضينا .. بكينا يوم وحنينا.. ودوام الحال من المحال.. احنا اكثر من احباب.. احنا اخوان واصحاب.. أي حبيبه خخخخ...
ــ عاشوا بيغني الأخ..
ــ هههههههه بطييييخ... أي ويش كنت بتقول..
ــ هااا.. بس سالفه تخلع..
ــ ويش هي..
ــ ابوووي...
ــ ويش فيه.. ..؟؟
ــ يبغاني اروح له المغرب..
ــ هااااااااااااااااااه.....

والى الملتقى... غدا.... واعذروني عالقصور :amuse:

ردي وصلك هناك
بس تسلمي وربي يوفقك ويسعدك وينجحك ويهدي سرك<<<لا البنت نست حالها وجلست على باب المسجد
وزين ماسويتي وخليتيهم يتصالحوا بس هذا الي اقول
وموقف رومنسي وشاعري منك على العاده
موفقه حبابه

الله الله على هالجزء
بجد خلاني أصيح
خخخخخخخـ
يسلمووو أموووره على الجزء الروووعه

تحياتي

اه أي حبيبه.. احنا ثنين حبينا.. تزاعلنا وتراضينا .. بكينا يوم وحنينا.. ودوام الحال من المحال.. احنا اكثر من احباب.. احنا اخوان واصحاب.. أي حبيبه خخخخ...
:
:
:

ههههههههههههههههههههههههههه
عجبتي امور ممكن اسرقها ؟.................................... حراميه اخر زمن
تسلمي امور الله يوفقش يا رب وتنجحي وتكتبي اجزاء اكثر واكثر ...................... ايه ديه الي هامنكم
اتوقع فالس بيروح المغرب اهو مع رائد بعد امتحانات رائد بس ما اضن انه بيلحق علي ابوه ما بيوصل اله الرجال قضى وتيسر وخلص البنزين ........................ هي وين وصلتي

تسالميامور بنتظار الجديد
تحياتي
رهف

جزززززززززززززء روووووووووووووعه بعد انتظاااااااااار طويل يسلمووووووو اميروووووووة

من جد رووووووووعه لقائهم و رجوعهم لبعض

لا تتاخرري علينا بالباقي هااا

بالانتظااااار

تقبلي مروري وتحيـــــــــــــــــــــــااتي

سلامو ..
امووور ويشو هدا بكاء مابعده بكاء
الكيبورد فسحته عشان ماتطيح عليه دمووع
ودمعه ضقتها بالغلط مالحه يبغى ليها سكر
احم يالله ماعلينا ...

تكسرالقلب بيده وشتته بكل وادي

بعد ماكان لي الدار بعد ما كان بلادي

ظلمني بظنه وحرمني نومي و زادي

لكني بصدق احبه واللي يحب ما يعادي
كنت له اسامح ولزلاته اوكل قلبي محامي
كان القلب من زود حبه عن غلطاته عامي
جعله السعاده اللي حرمني منها ومن منامي
..
صح الله لسانك غناتي عن جد جدوه كلام فلته
..

التفت لرائد.. لقى الدمعات طاغيه في عيونه.. سكر باب السياره.. وتوجه له..
فارس هو الثاني توجه لرائد.. ولغة الكلام تعطلت عندهم.. كل واحد حضن الثاني حد ما عنده.. حسوا بهالضمه بإندماج الأرواح.. حسوا كل واحد روحه تخللت جسم الثاني...

...
اييييييييييييه دنيا يابنتي ايه مع الكلام والمسيقى تنذرف الدمعة من عيناي يعني اني ها المهم نكمل
وبإبتسامه اوه اسوي حالي اعرف اتشلم عدل المهم
صراحه هني دموع وبتسامه يعني مادري كيف الله لايفرق بينكم يالغوالي <<<بل سوتهم غوالي

..

لا تلمني.. لا تلمني لو قسوت عليك.. لا تلمني .. انا منك وانت مني... لما لا يرضيك عتبي .. فأنا ما خنت حبي... لا تلمني لالا.. لااا.. تلمني..
لا تلم فيك ثباتي .. انت مهما كنت ذاتي.. ليس اغراء صديق .. من صفاتي.. ضحكي في العثراتي.. ليس من معتقداتي.. ما انتصحنا في طريق للشتاتي..
انت مرآءة حياتي .. لا تجامل سيئاتي.. فإذا مرآة جفني.. لك ابدت دمع حزني..لاتلمني.. لالا..لااا.. تلمني..
..
وهنا لأزيد من البكاء أوقفت المسيقة الحزينه وحطيت ليي ها الأنشوده وصياح صياح
....
http://www.3tt3.net/smile/smile_files/69dcda3605.gif ايه أما هدا ابوه ها الصراحه يعني عندي احساسين واحد منهم بيطلع صح الا هو
اما ابوه بموت (رحمك الله ياعبد الله)وطبعاً فالس قلبه طيب وبصيح
او انه مابموت الا ادا فالس وصل يعني بسلم عليه وبقول ليه كمن كلمه و (رحمك الله ياعبد الله)
او <<توش ثنين<<يلا ضحكوه اصص صدق ملقووفه
انه مابروح ليه وهشكل يعني
بتقول ليش بقول ليكم الطياره صار فيها لزاق ولزقت في الارض هشكل .....
تسلمين يالغلا ع الجزء الفلته يعني فلاتته مو طبيعيه<<<الا النعس ماثر فيش حجيه
وعذريني ادا قلت شي هبل لان صراحه نعس مو طبيعي ومفهيه حدي:bigsmile::embarrest:
ربي ينجحش يااااااارب احم
يعطيكِ ربي العافيه حبوبتي
بانتظار الجديد
تحياتي
ضحكوه البطه
أمــ عبااس