ماعرفتوني .. كثر .. ما عرفني ..

اموور عيوني مايحتاج تتأسفين
أخذي راحتك حبيبتي أخذي لك إجازه لو تبغين <<كريمه ترا اعطي
بس أهم شيء لاتضغطين على روحك وتتعبين
أحنا نبي بس راحتك حبيبتي
دمتي في حفظ الرحمان
تحياتي
ضحكوه البطه

مشكورين حبايبي وما قصرتوا والله هذا عشمي فيكم
شكرا لمراعاتكم ظروفي
بعد اسبوع عندي اختبار.. ادعوا لي ولا تنسووني
فراح يقل تواجدي بالمنتدى خلال هالإسبوع..

تفضلوا الجديد

رائد دخل قبلها الحمام .. هي على بال ما طلعت ثياب ليها ونزلت ودخلت... فسبقها وخلص وطلع..
لبس ونزل بيشرب له ماي.. وهو مار على غرفة اخته.. سمع جوالها يصيح..
دخل غرفتها.. وهو مستغرب.. مين اللي يدق عليها هالحزه .. الوقت كان متأخر الساعه 2 الليل...
رفع الجوال يطالع الأسم.. واختلع.....
فــارس.. يتصل بك..
رائد حمق.. ويش متصل فيهاااا.. يبغاني انا يدق علي.... ويرد عليه وهو مولع..
ــ الووووووو
طوووووط طووووووط طووووووط
رائد قام يدق عليه .. الا هو حاط الرنه ابيات شعر من قصيدة التمثال لحامد زيد .. مع خلفيه موسيقيه..
علامك كل ما جيك متواضع جيتني تختال؟
معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال
ترى لاني تبيع لك.. ولا ني باصغر عيالك
أنا جيت اعشقك نبض ومشاعر مااعشقك تمثال
أنا جيت اسكنك واحياك وابقى فيك وابقى لك...
لم يتم الرد ...!!!
رااائد عصب حده.. وزادته بعد هالنغمه اللي حاطنها..... راح غرفته اخذ جواله وقام يدق عليه.. ووخر اذونه ماهو طايق يسمع النغمه اللي حاطنها فارس اله...
وبعد ابيات من قصيدة الثريا لحامد زيد <<< شاعر فارس المفضل ...
مع خلفية موسيقيه..
اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ومايروح الا ذراعي فـي ذراعـه
ان رضيت ارضيه وان عييت عيا
وان طلبني قلت له سمـع وطاعـه

لم يتم الرد ... رائد صار يعض في شفايفه مقهوور... وقام يهلوس..
ــ ذراااعك بذرااعي هاا.. ووجهك بوجهي .. هين بس انا اوريك؟؟؟ صدق ما تسحتي لكن هين..
وصار يتذكر له مواقفه وهدرته.. اللي كان يظنها عفويه.. وتمشي عنده عاديه...
تذكر بالبحر .. موقفه يوم يقول يبغى جزره.. تذكر الشوكلاته.. تذكر قووولته احسااااسي عرفتها. لزقة الجروح اللي شراها......
ــ اااااااه واااايد حركااات يا فااارس كنت تسويها وانا خبل على نياااتي...
.. صارت المواقف تجي واحد ورى واحد..
ــ والله ما توقعتهاا منك يا فارس .. والله ما توقعتها.. ما توقعتها...
لين بح صوته... من القهر..
رمى الجوال على سريره ورمى روحه جالس.. وصار يحوس بشعره الرطب.. ويمرر كفه الرطبه على وجهه.. موو مصدق..
ــ فااارس .. يطلع منك كذا.. تدق على اختي .. واخر الليل...

رؤى خلصت .. ولابسه روب الحمام ولافه شعرها بالفوطه.. وراكبه وهي داييخه تبغى بس متى توصل لمخدتها....
زهرا .. من زمان خلصت وراحت بسابع نومه...
وطبعا فاضل مو معاهم بالشمال للعمل..
دخلت رؤى غرفتها.. الا قبل لا تسكر الباب رائد طالع من غرفته.. وبحمق وبدون نفس..
ــ خلصي البسي وابغاش..
رؤى..
ــ ويش تبغى فيني نعسااانه حدددي..
رائد يعطيها نظره بسم الله وبنبرة غضب وامر..
ــ خللللللصي وبلا هدره زايده فاهمه..
رؤى اختلعت..
ــ زين..
سكرت الباب شوي شوي.. قفلته.. وتسندت عليه تفكر..
ــ ويييش صايل.. يا ساتل.. لا يكون اني في البحل قلت شي غلط لو سويت حلكه مهي عدله.. لالا.. ويي اووف من لائدوه ونحاسته..
لبست .. وطلعت له.. طقت باب غرفته ودخلت..
رائد..
ــ سكري الباب..
رؤى..سكرته..
رائد ..
ــ اقعدي على كرسي التسريحه..
رؤى تستظرف عليه..
ــ لويش بتمشط شعلي خخخ
رائد..
ــ اصصصصص ولا كلمه بسرعه انثبري
رؤى وهي مختلعه وفي بالها..
ــ يمه ويش صايل ياعلي .. شكلها سالفه عظيمه.. والله كل شي في بالي في البحل ما اتذكر طلعت كلااام...

رائد يشيل جوالها من على سريره.. وفتحه وصار يحوس ..
رؤى..
ــ وييش جابه عندك؟؟؟ ووويش تحوووووووس؟؟؟
رائد يطلع رقم فارس ويدق...
وحط السبيكر ... وابتدت النغمات .. وحامد زيد ابتدى يلقي ابياته..
رؤى مسكينه وعلى النيات.. ما تدري..
ــ الله ابياااااات لحامد زيد.. في جوالي.. ويش هذي لسالة وسائط جايه لي والا ويش..
وبحمق عن مزح...
ــ جيييبه مين قال لك تفتحها..
رائد خلاص طفحت جبده ووصل حده..
ــ لاااااااا والله وتنكري بعد.. سوووي روووحش اول مره تسمعييييييها..
رؤى مستغربه..
ــ أي سمعتها من قبل .. مو هادي قصيدة التمثال لحامد زيد...
رائد خلاص شوي ويسطرها..ويمسكها من ثيابها جهة كتفها ويسحبها حد ما عنده يوقفها على طولها..
رؤى خافت..
ــ هدني.. ويش فيييييك...
ــ لحامد زيد.. هااا.. التمثال هاااا.. سوووي روحش غشيمه.. لا اسطرش الحين ادوس فبطنش بالقاع..
رؤى دمعتها شوي وتطيح وبعفويتها وبرائتها المعتادين..
ــ وييييش فيك علي .. ويش دلاني يمكن مو لحامد زيد.. بس اني متأكده انها لحامد والتمثال بعد ولويش تصالخ علي على حسابها ويش فيها ؟؟؟..

رائد قام يمسح وجهه بكفه اليمين .. كان يهدي عصبيته... وبكفه اليسار ماسك الجوال وضاغط عليه حدده شوي ويشلخه...
ــ رؤى.. رؤوووى... رؤوووووووه.. ووجع.. رؤى باطيح فيش دست والله... لحامد زيـــــــــــــــــــــد والا ...للحبيـــــــــــب الغالي..
رؤى مختلعه..
ــ أي حبيب غااالي..
رائد يمد الجوال عليها وهو داق على فارس.. وحاط السبيكر يسمعها النغمه..

وبيد ترتجف خذت رؤى الجوال .. طالعت الشاشه الا اسم فارس...
رؤى مهي مستوعبه الموضوع.. مهي فاهمه ويش صاير..
رائد..
ــ وااايد حركات استعباط.. من متى تكلميه ويكلمش هاا.. وانا الحمار نايم على اذوني ولا ادري واثق فيه ..
رؤى عورها قلبها على فارس قبل لا تخاف على نفسها من رائد << الحب والحنيه الحركتات..
ــ لالا... لائد لا تظلمه.. لا تفهمه غلط .. حلام عليك.. والله ما عملي كلمته .. ولا كلمني...ولا دقيت عليه ولا دق علي..
ويوصل حامد زيد لهالمقطع
أنا جيت اعشقك نبض ومشاعر مااعشقك تمثال
أنا جيت اسكنك واحياك وابقى فيك وابقى لك...
تابع>>>

رائد.. وهو يشبر بيده يفرها حركة دائريه عن مسخره...
ـــ يعشقش.. وبيسكن فيش.. وتبقي له ويبقى لش.. خخ.. وتقوولي ما يكلمش ولا كلمتيه...
ويمسك رؤى من شعرها ويقرب فمه جنب اذونها .. وبحمق يهمس..
ــ بسرررعه من متى..؟؟؟
رؤى.. ودموعها تصب..
ــ والله العظيم اقسم بالله ما كلمته.. ولا كلمني..
رائد..وهو يزيد الشد بشعرها ..
ــ اجل من وين لش رقمه.. وليش حاط لش هالنغمه...
رؤى ودموعها تتزايد ..
ــ اااي .. والله ما في شي من اللي فبالك.. والله يوم تنسوا المفتاح داك اليوم.. وتدق علي من جواله و ظل عندي وخزنته. والنغمه ما ادلي به هو اللي حاطنها .. اااي .. مو اني .. خلي شعلي .. اااااي ....
ــ وليييش تخزنيه... حق طق الحنك اخر الليالي يازفته انتين وياه..
رؤى..عصبت..
ــ حدددددددك عاااااااااااااد.. ما دق علي ولا دقيت عليه..
رائد يسحبها ويرميها على الأرض..
ــ لا والله.. وهاللي بالوارد .. ويش هووو..
ــ .. شوووف اذا في غيلها مكالمه اذبحني..
ــ مو ماخذه احتياطش وما سحتنهم.. افااا بس انه سوا مو فواتير.. كان طلعت كل المكالمات يا حيوانه..
رؤى عصبت..
ــ لاااااااااااا تتتلفظ علي هالكلام لا اوليك.. ما تستحي على وجهك.. انت منت مسؤوول عني ولا تمد ايدك علي.. باايخ حدك.. غبي .. قلت لك والله ما كلمته ولا كلمني.. انت ويييييييش فيك ما تفهم..
رائد..
ــ انا ما افهم ها.. ما افهم...
ويعطي رؤى بكس على عينها.. وتصير بنفسجيه..
رؤى صارخت حد ما عندها...
ــ اااااااااااااااااااااااااااااه والله ما سويت شي
وصارت تصيح من قلب..
رائد انتبه لنفسه..
ــ اووف انا ويش سووويت..
صار يهدي فيها عورت قلبه .. وفي بالها يعتب على روحه..
ــ انا حمااار لويش طقيتها.. كل شي بالهداووه.. اوووف يلعن بليس..
انا لو بااطق اشلخ بدن فارسووه.. والا هي بنيه.. تلاقيه لعب بعقلها...
وصار يمسح على اخته..
ــ خلاص خلاص . اسف مو قصدي.. خلاص..
رؤى محمقه وتصارخ..
ــ مووو قصدك.. وهاللون.. اجل كيفااا لو قصدك.. فااالق عني..
وقامت وهي تصيح.. راحت غرفتها وكفخت الباب.. وقفلته..

زهرا عااد.. بالصلاة على محمد وال محمد.. نوومها ثقيل.. على قولة فاضل.. :
ــ لو تشب حريييقه في البيت ما حسيتي... !!!
فما سمعت ولا شي..
رائد صار يطق الباب على اخته..
ــ رؤى.. رؤى افتحي.. خلاص انا اسف .. ما كان قصدي..
رؤى..
ــ لووووووووووح عني مالك شغل فيني .. فاااااااااالق..
ــ رؤى صلي على محمد واله وافتحي لي..
ــ اللهم صلي على محمد وال محمد.. وماااااني فاااتحه.. خليني لحالي..

رائد صار يطق .. ويطق.. لين تعب.. ولا في امل..
تسند على برواز الباب.. وببطىء شديد ومتهالك.. قعد.. وسند راسه على باب اخته..
وصارت دمعاته بعفويه تطيح.. مصدوم ..
ــ ويش هالموقف يافارس.. والله ما توقعتها منك...
لين غفت عيونه...
رؤى داخل غرفتها على سريرها تصيح..
ــ اني ما سويت شي.. لويش مو مصدقني.. لايكون مبين علي .. والله لفالس ما اعطي حتى وجه.. كيفا لو اعطي.. حتى هو ما سوى لي شي.. ياعلي.. ويش يبغى داق علي.. ولا بعد حاط لي التمثال.. هئ هئ.. اني تمثااااال.. تهي.. ويش فيني اني فويش لو ويش.. يا لبي دخيلك ساعدني والله مظلومه...

وقامت قعدت على كرسي التسريحه تطالع في وجهها.. رفعت الخصلات من على جبهتها وعيونها... وصارت تطالع في العين المتورمه .. وتحوس فيها بصبعها السبابه والوسطى..
ــ ايييي.. هئ هئ.. عيووووني تشووهت.. ويش هذا تولمت.. بنفسجيه.. ماني هئ.. والله ما سويت شي.. الله يغلبك يافالس.. جبت لي مشاكل.. هئ..هئ..

ــ رائد.. رائد..
رائد انتبه... وصار يشكي بحرقة قلب..
ــ شفت.. شفت ويش سوى فيني.. مخنوق وربي.. مخنووق و مصدوم وقلبي محروق ..
ــ فكر بفارس بهذا << ويأشر على قلبه...
لا تفكر فيه بهذا << ويأشر على عقله...
ــ ويش تقوول اقول لك ما توقعت منه.. ويش تبغاني افكر فيه. وثقت فيه وكل صفقه وياه داخل وطالع بيتنا على راحته.. وتالي هذي سواياه.. يعني انا كنت قووطي حمار ما ادري ويش يصير حولي... اااه.. مانا مستوعب اللي صاير..مانا عارف كيف افكر فيه...!!؟؟
ــ فكر فيه بهذا.. لا تفكر فيه بهذا...
ــ ااااااااه انا ودي اذبحه..
ــ فكر فيه بهذا.. لا تفكر فيه بهذا...

وعلى صوت اذان الفجر انتبه رائد.. فتح عينه وتنهد من قلب...
ــ اااااااااااه... رحمة الله عليك يا عبدالله.. محتاج لك مووت..
وشوي الا قفل باب رؤى ينفتح..
وتفتح الباب شوي شوي.. بتطلع بتروح تتمسح.. ومن شافت اخوها على الباب قاعد..
طاااااااخ.. وترجع تقفله... وتتسند عليه وهي تنافخ..
ــ ويش فيه هذاا.. قاعد لي حلس على الباب.. تهئ تهئ.. ما بيقضي هاليوم على خيل..
رائد يطق الباب..
ــ اطلعي باقوم انا خلاص ...
دخل الحمام .. تمسح .. ودخل غرفته وسكر عليه بابها..
رؤى كانت تراقبه من فتحة الباب من تحت.. شافت مافي احد...
فتحت الباب شوي شوي << زي الحراميه..
وركيض الحمام.. قفلت عليها الباب.. وصارت تغسل في وجهها.. وتطالع مراية الحمام.. مهي عارفه .. شكلها مفهي وعيونها بنفسجيه.. ما شافت روحها الا تضحك على منظرها.. ودموعها تصب..
قامت تهلوس في بالها..
ــ يؤ.. خلفت اني.. تهئ.. ياقلبي والله ما سويت شي...
تمسحت وبسرررعه رجعت غرفتها.. وقفلت عليها الباب..

جبهته على التربه.. وضاغط عليها .. ساجد ودمعته تصب..
ــ يارب.. يارب.. ساعدني.. على فراق احباب قلبي.. يارب الهمني الصبر.. يارب..
وغمضت عينه.. وبس دمعته تصب وزفرات تردد يارب...

رؤى قاعده على السجاده.. خلصت صلاه وصارت تصيح.. مهي عارفه ويش تسوي وتفكيرها مشوش... ....فتحت القرآن.. قرت شوي زين .. سكرته وضمته لصدرها .. حست براحه نفسيه.. قامت وحطت راسها.. دخيل الله تنام ليها كم ساعه وتريح بالها...

ويوم ثاني.. الساعه 10 الصباح.. باب بيت فارس.. يطق ...
يفتح فارس الباب الا رائد..
ــ هلااا رائد.. هلا وغلا..
رائد في باله.
ــ يصقعك قوي عييين.. ما كنه مسوي شي البارحه..
ــ من حظك توني قاعد وسويت لي خووش قرص بيض ويا حليب.. يللا زين جيت تخاويني.. على شان تالي بروح وياك بكنسل رقمي ..نسيت من امس ما كنسلته..
رائد فتح عيونه..
ــ ويش تخربط انت.. ولويش تكنسله.. نسييييييييت ويش مسوي البارحه.. ويش فيك خفت يعني .. فارسوه والله لوريك شغلك ..
ويمسك فارس من جيبه << صدره..
ويسحبه..
ــ ليش كذا هاااا... فهمني..؟؟؟
فارس مليون استفهام وتعجب فوق راسه.. ونظرات تستفسر ويش صااااير..
رائد ..
ــ لا تطالعني كذا نظرة عبط.. اجل..

علامك كل ما جيك متواضع جيتني تختال؟
معاك اليا متي بصبر وصبري معك يحلالك؟فارس فتح عيونه وحس الدنيا دارت به.. وفي باله,,
ــ ويييش دراااه....
فارس ..
ــ هدي هدي .. لا تفهمني غلط..
ــ ويش لا افهمك.. هااا..
ــ جواااااااالي مو عندي انسرررق..ويش فيك نااسي؟؟...
رائد هدت اعصابه ... ومختلع مو عارف ويش يسوي .. ضرب كفة بالجدار..
فارس حزين يطالع في رائد..
ــ ويش صاير؟؟
رائد.. قام يحوس برقبته يحس بخنقه والكلام يتقطع تقطيع..
ــ تبغى الصراحه نسيت انه انسرق والبارحه اللي سرقه دق على اختي..
فارس فتح عيونه << كان مسمنها بجواله " قلبي"
وفي باله ..
ــ الزفت اللي سرقه دق عليها ..
فارس..
ــ يا ساتر.. رقمها انا خزنته يوم تنسى المفتاح يوم تدق عليها..
رائد حاسس بالذنب تذكر كلام اخته.. نفس الكلام.. يااربي...
فارس..بهداوه.. وغصه..
ــ ايه وويش فكرت البارحه ووويش سويت؟؟
رائد سند ذراعه على الجدار.. وحط جبهته على على ذراعه.. وبهمس..
ــ ظنيت فيك سوء
فارس جته الجمله زي الصاعقه.. وبنبرة مخنوقه..
ــ ايه..
رائد..
ــ وتهاوشت مع اختي..
فارس حط ايده على قلبه..
ــ اييه..
ــ وضربتها بكس على عينها.. << هنا طاحت دمعة رائد..
فارس . فتح عيونه..
ــ لااااااااااا.. منت صااااااااااحي..
رائد قام يضرب بكف ايده وهي مضمومه على الجدار..
ــ ما ادري .. ما ادري .. نسيت ان جوالك انسرق.. رااح عن بالي..
فارس..
ــ انت مو بس راح عن بالك ان جوالك انسرق.. رحت انا عن بالك.. راحت الثقه..
نسيت كل ايامنا الحلوه بظنك فيني.. اقسم لك باايات الله ما شفتها الا بحضرتك.. ولا كلمتها من ورا ظهرك.. غلاها من غلاك وربي يشهد.. بس انت صدمتني.. شلون تفكر فيني هالتفكير.. وانا كلمن حولي اقول ليهم.. رائد هذا حياتي وخويي وكل شي بدنيتي.. وما عرفتوني كثر ما عرفني...............بس شكلك حتى ما عرفتني حتى اقارن معرفة غيرك بي..
رائد جته هالجمله مثل القنبله حس روحه طلعت.. وفي باله
ــ ما عرفتوني كثر ما عرفني.. يالله شقد فارس يغليني انا ما استاهله..
رفع رائد راسه.. ودموعه طاغيه في عيونه..
ــ فارس سامحني .. اعذرني... ااااا
فارس يحط كفه على فم رائد..
ــ لا تكمل.. خلاص.. ما ادري اقول الغلط مني لو منك.. ثنينناغلطانين واختك الضحيه.. انا المفروض من اول ما انسرق امس اكنسل الرقم.. بس نسيت والله.. وصار الموقف السخيف وانظلمت انا.. وما احد راح فيها الا اختك.. هي اللي تعتذر منها.. مو قليل اللي سويته فيها.. بس افا ما توقعت هالظن منك فيني وانا وياك عشرة عمر..

رائد مو عارف ويش يقول... بس الدموع صارت تحكي حكاية ندم وهي عالخد تسيل..

والى اللقاء..

اسألكم الدعاء :amuse:

الله يعينك حبيبتي وداكري زين
كل كلمة داكريها مو تنسين
...
احم تثلمين عنوني ع الحلقه الروعه

اقتباس:

---

ويعطي رؤى بكس على عينها.. وتصير بنفسجيه..

---

هـــدي الشباب (بعضهم) يسوونها تقولون ماعندهم شي اسمه تفاهم بالكلام
لا عندهم التفاهم بالضرب يعني حتى لو البنت مظلومه راح تتهم روحها من الطق:evil:

اقتباس:

---

ــ الزفت اللي سرقه دق عليها ..

---

صدقت زفت وأزفت من الزفت
يلعب الاخ والناس يطيحون فيها الله لا يسامحه النحيس:ranting::mad:
اميروووه هديني عليه اروح افقعه ترا عادي :seif::rocket:

تسلمين عيوني ع الجزء
والله يساعدك ع الاختبار وارد اقول لك للمره الثالثه داكري زيين:bigsmile:
تحياتي
ضحكوه البطه

اكشننننننننننننننننننننننننننننننننننننن
نيهاااااااااااااااااااااااااااااااااااااي
امووووور حرام التحميس لاتحمسينه
يا الله رئوده الي ما يستحي بيروح النار لانه ان بعض الضن اثم ههه
ومسكينه رؤى خربوا الجمال ضربوها
وضلموا فالس حبيب القلب مازولا
يا الله اكيد رئوده بيعتدر من اخته ومن فالس والحيوان الي باق الجوال اني ارويه بشلخه تشليخ بنعال الحمام .................................. ايه الاخت عواميه هههههههههه
تحياتي
رهوفه

مسكينه رؤى يبغى ليها صوره http://www.deeiaar.org/uppicdir/uploads/0b33ae441a.gifهي ووجها


خخخخخخخخخخ



بس الصراحه جزء كلش كلش حزين


عورو قلبي

وكسرو خاطري


صحي ياما في الحبس مظاليم

مادري وش دخل المثل بس إلهوا




http://www.deeiaar.org/uppicdir/uploads/87632cd33b.gifيارب يوفقش



يارب تنجحي http://www.deeiaar.org/uppicdir/uploads/87632cd33b.gif


http://www.deeiaar.org/uppicdir/uploads/87632cd33b.gifيارب يعوض صبرش http://www.deeiaar.org/uppicdir/uploads/87632cd33b.gif




ان شاء الله ترجعي لينا بخبر حلو عن تقديمش في الاختبار


دمتـــ بود

مشكووووووووورة خية:bigsmile:
بصراحة الجزء رووووووووووووعة:wink::rolleyes:
وطبعا إحنا بعد مسو التفاعل نسينا إن الجوال إنسرق:wacko:


بس ماعلية غلبتينا:bigsmile:
مشكورة خية وبتوفيق

مشكوووووووره أمووووره على الجزء الروووعه والقصييييييييييييييير
بس صدق والله نسيت أنه جواله أنسرق
خخخخخخـ
يلا المهم ذاكري عدل هااااا ونبغى نتايج حليوووه زين

يسلمووو حبابه

تحياتي

:closedeyes: والله قربت الدمعه تطيح بس مااطااحت :wink:


يسلمووووو اميرووه على الحلقه الاكشنات هذي من جد روووووووووووووعه

اااااااه اااااااه الله يعين رؤووه بس مسكينه والله

تقبلي مروري

كبــــــــــــــريااء

:no::no:


:closedeyes::closedeyes:


:sad2::sad2:


اميررررررررررررررررررروووووووووووووووووووووووووووو وووووووووووووووووووووووووووه



حسبي الله على شرك

ويش هالجزء عور قلبي

قطعتني تقطيع

وربي لو كنتي معاي بالمسن كان ذبحتك على ذبحة رؤى احمدي ربك نفذتي بجلدك


عورتي قلبي الله يغربل شرك <<على عمري امور مايسوى عليها الجزء


وربي نسيت انه الجوال موب معاه ومسروق

شوف انا كنت افكر بمقاطع التخرج طلع شيء اقهر


بس تبي الصدق امور

شكيت بواحده ..


ماكوو غيرها

عدوتي اللدوده شكيت بمفرقة الجماعات <<عاد لااحد يصدق


شكيت

بحنينوووه ...


استغفر الله ياربي ان بعض الظن سوء <<<قصه ياجماعة الخير قصه

اعتذري عني الى حنينووو هاااا

ربي يوفقك غاليتي امووووووووووووووووووووووووووووووووووووووووور

ويساعدك على هالقرف

وماترجعي لنا الا وانت مرتاحه من الهم يااااااااااارب


الله يريح بالك ويطمن قلبك


سي يووووو

http://www.deeiaar.org/uppicdir/uploads/87632cd33b.gifيارب يوفقشhttp://www.deeiaar.org/uppicdir/uploads/87632cd33b.gif

http://www.deeiaar.org/uppicdir/uploads/87632cd33b.gif يارب تنجحي http://www.deeiaar.org/uppicdir/uploads/87632cd33b.gif

http://www.deeiaar.org/uppicdir/uploads/87632cd33b.gifيارب يعوض صبرش http://www.deeiaar.org/uppicdir/uploads/87632cd33b.gif
جزء رووووووعة ومحمس بس حزين الضحية رؤى وفارس و المجني رائد
اااااااه
والشباب ما عندهم تفاهم ورائد من هو صغير يضرب اخته تالي اسف
تدري ما انسا الرساله الي كتبتهامسكينة والله عانت من اخوها
ان بعض الظن اثم
واني بعد فكرت فارس الي داق من الحماس نسيت ان الجوال انسرق >>>> خخخخ كلنا في الهوا سوا
مشكوورة
والله يوفقش وبشرينا
ان شاء الله تكون خير
تحيااااااااتي

مشكوره خيوه عالحلقه
الله يعطيش العافيه
ويوفقش في الامتحان
تحياتي

http://www.deeiaar.org/uppicdir/uploads/87632cd33b.gifيارب يوفقش
مسكينه رؤى ضحيه الجوال المسروق

ظن السوء مشكل كبيررررررررررررر
مشكوره على الجزء البنفسجي خخخ

الله يعطيش العافيه .....
ويوفقج في الامتحان .....