روايتي الأولى ::ذايب في هواهم::

يسلمووو على البااارت الحلوووو
تحيااااتي.. مجنونة

ذايب في هواهم

((الجزء السابع عشر))
بسم الله الرحمن الرحيم

((لا أطول عليكم ببدأ في الأحداث طوالي ...
تابعونا))

"جيتك فيني عتب وفيني لوم كل شي
فيني يشتكي !!..
غابت افراحي وزارتني الهموم حس فيني ورجع فرحتي..
حس فيني ياحبيبي لوبس يوم وتعال وطف نار لهفتي!!"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:16م في فيلا أبو تركي ,, بالتحديد عند عبير اللي ماتكلمنا عنها البارت اللي راح ...
عبير..أففف طفشت كل ما أطلع من غرفتي يفتحون الموضوع حامت كبدي اللي يشوفني بموت ع الزواج خاطري لو اليوم أقول لهم يلغون كل شي ,, رحت غرفة جسور هو الوحيد اللي فاهمني في هالبيت طقيت باب غرفته ...
جاسر: تفضلي عبورة
عبير ببتسامه: كيف عرفتني؟
جاسر: من طقتك المميزة "سكتو فترة وقطع الصمت جاسر يقول": كيف المعهد؟
عبير: الحمد لله تمام ,, أنت كيف الشغل معاك؟
جاسر: والله عيوني راحت من الكمبيوتر بس يلا الحمد لله ع كل حال
عبير: الله يعينك
جاسر: عبير وش رايك في الموضوع؟
عبير: جااااااااسر حرام عليك ترى غثوني صرت ما أطيق أطلع من غرفتي لأن ماعندهم غير هالموضوع
جاسر: أنتي عارفه أني غير عنهم كلهم ,, تكلمي
عبير: أكيد عارفه أنك غير عنهم كلهم لو مو عارفه كان ما جيت لك أنت بذات
جاسر: طيب تكلمي وش رايك؟
عبير: جاسر مو قادره أفهمهم مو مقتنعين بوجة نظري كل ما قلت لهم رايي قالو لي فكري زين أحسهم يبون يغصبوني بطريقه غير مباشره
جاسر: محد بيغصبك ع شي ماتبينه تطمني ,, عساني لو أوقف في وجه الكل بس أهم شي سعادتك
عبير: تسلم والله أخوي ,, جاسر أنت فاهمني؟
جاسر: فاهمك وربي ,, أنتي متحسسه من نهى مرت فتحي وماتبين تتقربين منها أكثر صح؟
عبير: أيوه ,, حتى الولد يدخن وأنا ما أطيق التدخين
جاسر: تقدرين تشرطين عليه يترك التدخين إذا وافق أوك إذا ما وافق خلاص
عبير: طيب ونهى؟
جاسر: بيني وبينك نهى مالها يد في الموضوع
عبير: أنت وش عرفك!!!!
جاسر: سمعت أم مطر وهي تكلم أمي لمن جابت صور مطر البيت ,, تقول نهى شكلها زعلت عشان أنها عرفت عن خطبت ولد خالتها من بيت أهل زوجها
عبير: بس ولو بصير قريبه منها ,, أنا خايفه أوافق وهي تدري ومتقبله الموضوع كيف الحين لمن أكتشفت أنها مو متقبلتني
جاسر: عبير أنتي بتاخدين ولد خالتها يمكن مرة أو مرتين في الأسبوع تشوفينها
عبير: مدري جاسر محتاره
جاسر: أنتي أستخرتي؟
عبير: أيوة ,, بس بعد أبي آخد وقتي في التفكير
جاسر: الله يقدم اللي فيه الخير إن شاء الله ,, قومي خيه بطلع معاك غيري جو
عبير: ياعمري أخوي ,, دقايق
جاسر: ههههههههههههه تيب أنتظرك

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:19م في شقة سمانه ...
سمانه..أممممـ خلصت ترتيب الشقه وشميت ريحتها أمممممـ تجنن ريحة البخور اللي من عند عمتي ,, لبست لي برمودا محير تقريبا لنصف الركبه لونه أسود مع بلوزة برتقاليه فيها رسوم باللون الفضي ولبست أكسسوارات وصندل فضي((تكرمون)) سشورت شعري وحطيت لي ميك آب ناعم ,, يعني لبسي كان يدل ع أني عروس في بداية أيام زواجها ماكنت أبي حد يشك مجرد شك في علاقتي مع خالد خلينا طبيعين ع الأقل بس قدام الناس رن الجرص ورحت أستقبلهم سلمت عليهم وجلسو في المجلس جلست جنب عهد ...
سمانه: أجل وين دانا ورزان؟
فضيله: دانا نايمة مع رزان سألتهم إذا بيجون بس الظاهر عندهم مذاكره
سمانه: الله يوفقهم إن شاء الله ,, مها وملاك ماحد جا معاكم؟
فضيله: ملوك بيتوتيه ماتحب تطلع ومها في شقتها
سمانه: الله يوفقهم يارب ,, كيف الدراسه معك عهد؟
عهد: الحمد لله ,, أنتي كيف الدراسه معك؟
سمانه: والله بعدني إجازة بكره إن شاء الله بداوم
عهد: بالتوفيق ياربي ,, والله يعينك مقدماً
سمانه: ههههههههههه جميعاً
سمانه..جلسو معي حوالي ساعه وشوي أنبسطت معاهم بجد أصريت عليهم يجلسون معي بس أعتذرو عشان إن بكره أول يوم أداوم فيه ,, قدمت لهم حلى طبعاً أنا اللي مسويته وعجبهم كثير أحم أحم طلعت طباخه ع غفله ,, بعد ماضيفتهم ركبو البنات يسلمون وهم منشغلين مع بعض سألتني أم فيصل عن علاقتي مع خالد قلت لها الحمد لله ماحبيت أنها تعرف بعلاقتنا كأخوان أهم شي أن أحنا مرتاحين أنا مرتاحه لكن خالد مرتاح أو لأ!! مدري أسأله أو لأ لالالا مو حلوة أصير جريئه لو هو متضايق أتوقع تكلم معاي ,, عقب ماطلعو من عندي ضلو معي البنات كملنا العشاء خخخ طبعا خديت راحتي في الأكل لأن خالد راح يتعشى برا ,, جا خالد جلسو البنات يسولفون معه تقريباً5دقايق وبعدها طلعو أنحرجت كثير من لبسي حاولت أبين طبيعيه سألت خالد اللي منشغل بأكل الحلى ...
سمانه: عجبك؟
خالد: يجنن تسلم الأيادي
سمانه: يسلمك ربي
خالد: يلا نوم بكره وراك مدرسه قومي عن وجهي
سمانه: ههههههههه أنت بعد وراك دوام ,, وبعدين لاتكثر من الحلى أنت الحين بتنام
خالد: إن شاء الله دكتورة سمانه
سمانه: وش يدريك أني أبي أصير دكتوره؟!!!
خالد: هااااه ,, أأ أحساس
سمانه: أهاا
خالد: يلا أنقلعي غرفتك
سمانه لفت فمها: طيب "وقامت"
خالد..تأملتها وهي تمشي لغرفتها تجنن هالبنت تسحرني بشكل مو طبيعي أتوقع لو تظل معي أكثر تصير أشياء ماودي أنها تصير عشان أراعي خاطر سمانه حرام مابعد تتقبلني كزوج قمت رحت غرفتي فسخت ثوبي وقفلت الباب أنسدحت ع السرير تخيلتها جنبي أبتسمت ع تفكيري <<راح في سابع نومه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:00م في شقة ضاري ...
أمل..من جا ضاري من الشغل وأنا مفكره أفاتحه في الموضوع بس مو محصله فرصه تغدا ع خفيف وبعدها نام صحى من النوم وطلع عنده شغل الحين رجع وحطيت له العشاء وجلست قباله ...
ضاري: وين شهوده؟
أمل: تنيم إياد ماشاء الله عليها تحب الأطفال
ضاري: الله يبلغني وأشوف أولادها يارب
أمل بلعت ريقها: يارب
ضاري: طيب أنتي وش فيك من جيت من العمل وأنتي مو ع بعضك
أمل: أمممم أبي أفاتحك بموضوع لازم تهدأ وتتفهم الموضوع
ضاري: خير وش صاير؟
أمل: خلص عشاك أول
ضاري بعد العشاء جلس ع الكنت ونادى ع أمل تجلس جنبه ,, أمل جلست وهي ساكته ...
ضاري: تكلمي حبيبتي أسمعك
أمل: ضاري بعد عمري الموضوع حساس
ضاري: أنا هادئ قدامك قولي حبيبتي
أمل قالت لضاري من لمن كانت شهد مراهقه والأستهبال اللي في الجوال................ألخ ,, طبعا مع مرعاة الخصوصيات ^_^
ضاري فتح عيونه ع وسعها ووقف مصدوم: طيب كيف يطلعون ويروحون ويجون مع السواق الدنيا سايبه عندهم!!
أمل: ضاري حبيبي أجلس عشاني لاتعصب عارفه أن الموضوع مو سهل بس كل شي بالتفاهم ينحل ,, وبعدين البنت أعترفت بغلطها دلاله ع أنها تابت خلاص وهذا صار لها ماضي وأحنا لازم نساعدها
ضاري: وكيف هذا بسام الـ#### يسوي في البنت كذا هذي آخرة الثقه لكن الشره مو عليه الشره ع مرت أبوها اللي المفروض تحل محل أبو صقر في غيابه ,, أنا الغبي اللي ماحافظت ع وصية الغاليه أنا ضيعت الوردة وعطيت لهالنذل فرصه أنه يطعن ويجرح فيها
أمل: خلاص حبيبي لاتلوم نفسك مابيفيد شي الشي صار وأنتهى وإذا لمت نفسك مابيتغير شي فكر بعقل البنت خلاص عافته ماتقدر تعيش معاه عارفه أنه صعب عليك بنت أختك يطلق عليها لقب مطلقه وهي في هالعمر بس إذا هذا أوله ينعاف تاليه
ضاري: ويروح كذا عقب اللي سواه لازم يتعاقب
أمل: ضاري شنو يتعاقب مافي قانون يعاقب حد ع زوجته هو ماسوى هالشي إلا وأنه عارف وواثق أن مافي شي بيمنعه
ضاري: آآآآه يا أمل آآآه
أمل: هدي نفسك إن شاء الله الموضوع ينحل بهدوء وبدون مشاكل أنت بس قول حسبنا الله ونعم الوكيل ورب العالمين يتكفل
ضاري: حسبنا الله ونعم الوكيل حسبنا الله ونعم الوكيل ,, لازم أكلم أبو صقر مو معقوله البنت تضل معاه يجرحها أكثر
أمل: ياليت ياضاري لو الموضوع مايطلع ,, ع فكرة شهد كلمت أبوها
ضاري: هو وش قال؟
أمل: أكيد صعب عليه أن بنته تفك خطبتها بهالسهوله
ضاري: لكن شهد ماراح ترجع بيتهم مرت أبوها بتضيعها إذا ظلت معاها أنا خالها ولي حق فيها
أمل: تكفى ضاري حل الموضوع بهدوء أستخدم عقلك وخلي العصبيه ع جنب
ضاري: لاتحاتين"رن ع أبو صقر: هلا أبو صقر...........مشغول أنت الآن؟.........أيوة في موضوع شهد...........سمعت أسباب البنت أنا عن نفسي مقتنع............والله يابو صقر البنت ماقالت لي بس وصلني الكلام عن طريق زوجتي...............ماتبي حد يعرف بس الشي اللي سواه بسام في البنت ماينسكت عليه..............أي وأنا أخوك................ما أتوقع أن في حل غير الطلاق.................البنت مابيعيبها شي والله موجود..............عارف ياخوك................أنا أكلمهم إذا تبي.............مع السلامه, "تنهد تنهيده طويله"
أمل حطيت يدها ع كتفه: ضاري لاتتضايق عسى أن تكرهو شيء وهو خير لكم
ضاري ببتسامه: من اللي تكون هالجوهره مرته ويتضايق
أمل باسته في خده: مابتنام حبيبي؟
ضاري: مابيجيني نوم يا أمل عارف نفسي
أمل..إذا أنت ياضاري مابيجيك نوم كيف شهد اللي بتتطلق وهي حتى ماكملت الـ17سنه الله يعينك ياشهد يايما ...
ضاري: وين سرحتي؟
أمل: أفكر في شهد ,, لحظة شوي باخد إياد منها تعال معي ما أتوقع نامت
ضاري: لا أمل روحي بروحك مدري حاس نفسي متوتر مابقدر أشوف شهد
أمل: طيب "جت بعد 10دقايق تقريباً وإياد يبكي في يدها"
ضاري: بابا إياد ليش زعلان تبي شهد؟
أمل: كان نايم فتحت الباب وصحى
ضاري: وشهودة نامت؟
أمل: لاوالله كانت جالسه تنيم إياد حتى مارضت آخده بس قلت لها برضعه وبرد أعطيها وياه
ضاري: مع أنه إياد ماصار له إلا أيام مولود بس ماشاء الله شهودة تعلقت فيه كثير
أمل: الله يخليهم لبعض يارب
ضاري رجع فتح موضوع فك خطبة شهد: بكره راح أكلم بسام
أمل: الله يقدم اللي فيه الخير ,, وش قال أبو صقر؟
ضاري: ماقلت له شنو أسباب البنت بس شرحت له أنها أسباب خاصه حتى أنا ماعرفت عنها إلا منك هو أقتنع قال أنه واثق مني وواثق أني مابسوي إلا الشي اللي فيه مصلحة البنت
أمل: الحمد لله رب العالمين ياربي تسهلها
ضاري: يارب ,, أتمنى أن الموضوع ينحل بدون طلاق
أمل: الله يقدم اللي فيه الخير والصالح
ضاري: يارب ماتدرين يمكن الله يهدي بسام ,, لكن مو بهالسهوله ترجع له البنت
أمل: أكيد عشان يحس بقيمتها
ضاري: تتوقعين يا أمل الموضوع راح ينحل بدون طلاق ومشاكل؟
أمل: مدري ياضاري أنا مثلك أفكر ,, لكن الخيره في ما أختاره الله ماتدري يمكن هالشي صار عشان لاتتعلق البنت فيه أكثر وتفتك منه قبل لايصير عندهم أولا يربطونهم في بعض أكثر
ضاري: رحمتك يارب العالمين ,, يارب تقدم اللي فيه الخير

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

ساعه 1:40ص في فيلا عبد العزيز ...
كانو دانا ورزان منسدحين ع السرير من ثلاث ساعات وكل مابغو ينامون يفتحون سالفه ...
رزان: يلايلا بس نامي بكره ورانا مدرسه
دانا: يلا خل ننخمد "بعد ربع ساعه من الهدوء: نمتي
رزان: لاوالله مو جايني نوم
دانا: أقول قومي قومي بس ماشكلنا بننام "راحت شغلت النور"
رزان: دانوه أمانه أمانه البنات مايدرون عن الموضوع
دانا بعباطه: أي موضوع"رزان عطتها نظره وقالت بتلعثم: لا إن شاء الله ماحد راح يدري من برا العائله إلا بعد موافقتك والتحليل
رزان: دانوه بس أنام 5دقايق وأصحى مو قادرة أنام مثل خلق الله
دانا: ههههههههههههههههههههه هذا من التفكير لازم
رزان: والله لو ماتنامين معي مدري وش جاني يمكن أستخف ولا شي
دانا: ههه عارفه نفسي مهمه في هالمواقف
رزان: عقبال ما أشوفك في هالموقف وأنام معك وأشاركك وجدانياً
دانا: لا مو الحين ما أتوقع ,, الحمد لله أنك أنخطبتي قبلي عشان لا أصير خبله تعطيني كورسات
رزان: شكلك أنتي اللي بتعطيني كورسات أنا عبيطه في هالسوالف
دانا: ههههه بس ياحلوة لايشغلك التفكير والسهر عن الدراسه
رزان: لا إن شاء الله ,, تصدقين يادانوه أجلس ع الكتاب شوي أركز وشوي أفكر أغصب نفسي ع التركيز في الكتاب
دانا: ههههههههه الله لايبلانا ,, أنتبهي في المدرسه أن إنتبهو رنوش ومرامووووش إلى سرحانك إلا رحتي فيها بدون شي رنوش عندها الحاسه السادسه
رزان: في نفس اليوم قبل تفاتحوني في الموضوع الصباح كنت أكلمها تقول لي حاسه أن وحدة فينا راح تنخطب وأنا مصدقه أقول لها لا من اللي بتنخطب كلنا بدري علينا
دانا: هههههههه ,, وش قالت لك ريهام اليوم؟
رزان: قالت لي كيف أفكر يعني عطتني فكرة قالت لي مو تفكرين أن الزواج مجرد رومنسيه ولعب وضحك ووناسه ترى مسؤوليه أسئلي نفسك مليون مرة أنتي قد المسؤوليه أو لأ ويعني من هالكلام
دانا: ونعم الأخت تساعدك حركات
رزان: أزيدك من الشعر بيت هنادي مسويه لي أجتماع معاهم بس قالت لي عقب ما أوافق
دانا: هههههههههههههه يعني ممنوع دخول العازبات
رزان: ههههههه خطط هنادي والأجر ع الله ,, لا أقول لها ممكن أصطحب معي دانوه قالت لا هي غير بعدين إذا أنخطبت أنتي معانا بتعطيها الكورسات وبيكون في أشياء جديدة منك أنتي أحنا مانعرفها من هالجيل
دانا: مالت عليهم محتاجة لهم عندي أنتي تكفيني
رزان: ههههه أفا عليك أعجبك ,, لكن بعد هنادي مو هينه
دانا: أخاف بس تنضمين لشلتهم وتنسينا
رزان: وش دعوة أنساك أنتي توئمة روحي
دانا: ياقلبي ,, طيب تتوقعين متى راح تردين عليهم؟
رزان: مدري للحين خايفه ,, فهد قال لي أنتظري يوم بس أخلص أختباراتي وأنشر لك غسيله النظيف والوسخ
دانا: ههههههههههههه راح فيها أخوي
رزان: لازم أعرف كل شي مو من حقي؟
دانا: أكيد ياقلبي ,, بس رزانوه هلكتيني لمن كلمك فهد تهزين راسك وكأنه يشوفك ههههههههههههههههه وش هالحيا
رزان: وش أسوي في نفسي والله الكل مستلمني ناس كورسات وناس تعليقات
دانا: الله يعين أخوي ع حياك ,, ويعينك ع جرأته
رزان: دانوه لاتذكريني الكل قال لي الله يعينك ع جرئته خايفه ياربي
دانا: هي وحدة من الثنتين يا أنتي تركدينه ياهو يرجك
رزان: ههههه الله يستر بس ,, دانوه ما أبي أنخطب قبلك بنتظرك
دانا: ههههههههههههههههههه رزانوه عن الجنون ,, يمكن مثل ماقالت هنادي اللي مثلنا ينخطبون مع بعض بس تنخطب وحدة من الشله الباقي وراها
رزان: كان زين
وظلت رزان تفكر ودانا تشاركها وجدانيا لحد ما أذن صلو وبعد الصلاة نامو لهم شوي عشان يتنشطون للمدرسة ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 6:14م في الطائف بالتحديد في الفندق ...
إيمان..حاولت أكون هادئه وأتفهم حنين مهما كانت أسبابها توكلت ع الله ودخلت غرفتها شفتها منسدحه ع السرير ...
إيمان: مساء الخير
حنين اللي توها تنتبه لوجود إيمان وهي تعدل جلستها: مساء النور
إيمان: كيفك الحين
حنين: خايفه ع سيف
إيمان حاولت تقسي قلبها عشان تحسس حنين بغلطها قالت بهدوء: دامك خايفه عليه ليه تعامليه كذا؟
حنين والدموع متجمعه في عينها: مدري ياخالتي أحبه وأعشقه وأموت فيه ولا أقدر أعيش بدونه بس مو قادرة أتعود ع قربه مني أتوتر طوالي
إيمان: حنين حبيبتي أنا ماجيتك عشان تبكين أنا أبي أعرف مشكلتك عشان نفكر سوا ونلقى لها حل
حنين مسحت دموعها وبلعت ريقها: خالتي مو قارة أعبر له عن حبي حاسه أن في شي يمنعني شنو هو مو عارفه
إيمان: طيب حاولتي تقولين له تصاريحيه؟
حنين: لا ,, وش أقول ياخاله أقول له ما أقدر ع قربك يوترني
إيمان: بس لو صارحتيه يمكن يكون أحسن ع الأقل يتفهم موقفك مو يشوفك تصديه ولاتعبيره وهو مايعرف وش السبب
حنين: مدري ماكان فيني عقل ماكنت أقدر أصارحه حتى كلمة حلوة تجي ع طرف لساني أسمع صوته ويتبخر كل الكلام اللي كنت مجهزته له
إيمان: طيب ليه ماقلتي لي من البدايه
حنين: من البداية ولا النهايه أنتي عرفتي وخلاص
إيمان: حنين أنا حاسه مو بس هذا اللي صار أكيد في شي أكبر يخليك تنفرين منه يمكن موقف أو شي صار بينكم
حنين بلعت ريقها ماتوقعت إن إيمان ممكن تفهمها أو تكشفها نزلت راسها يمكن عيونها فاضحتها وقالت: مدري ياخالتي ودي أعطيه ولو ربع من اللي يعطيني وياه بس مو قادره
إيمان: صح كلامي حنين صار موقف أو شي؟
حنين نزلت راسها وبعد فترة قالت: أيوه
إيمان: شفتي ياحنين لازم كل شي له سبب مافي شي بدون سبب ,, مو شرط تذكرين لي الموقف إذا كان فيه خصوصيه لك مع زوجك بس حبيبتي أهم شي أن زوجك يحبك وأنتي تحبيه ويكون حبكم أقوى من موقف وأقوى من الدنيا كلها
حنين: مدري ياخالتي حاسه أني خسرت سيف اللي صار اليوم الصباح مو هين أكيد هو زعلان علي لأني حرجته مع وافي وجرحت مشاعره
إيمان: أهم شي أنك تعترفين له أنك غلطانه وتتأسفين منه مو عيب ياحنين أن أحنا نغلط العيب أن أحنا مانعترف في غلطنا ونستمر فيه
حنين: مدري ياخالتي خايفه أنه ماعاد يبيني
إيمان: لاتقولين خايفه ولا تقولين ما أقدر حسسي نفسك أنك قويه وتقدرين صدقيني راح تقدرين ,, يلا أتصلي ع سيف
حنين ناظرتها بصمت فترة بعدها نزلت راسها وقالت: خايفه
إيمان بمزح تبي تروح توتر حنين شدت أذنها: أذبحك إذا تقولين خايفه أذبحك وش أتفقنا عليه يلا أتصلي أنا معك
حنين بعد تردد مسكت جوالها ودقت ع سيف يـــــــــــــــــــــــــــــــــرن ويــــــــــــــــــــرن ويــــــــــــــــــــرن ويـــــــــــرن ويــــرن ويـــرن في النهايه طلعت لها النافدة "مامن مجيب" غرقت عينها دموع: خالتي أكيد زعلان مني أكيد مايبي يكلمني
إيمان بطبعها الحنون ضمتها: هو يحبك واللي يحب يسامح إن شاء الله بيسامحك بس يبي له وقت صدقيني لازم يجلس مع نفسه مو بهالسهوله ينسى
حنين: بجد تتوقعين يسامحني
إيمان: وجد الجد
حنين ضمتها أكثر وصرخت: خالتي أحبـــــــــــــــــــك
إيمان: ههههههههههههه الله يفرح قلبك ,, يلا قومي نروح السوق
حنين: مالي خلق
إيمان: حنينوه تبين تحبسيني مستحيل أطلع وتظلين بروحك قومي إن شاء الله سيف مافيه إلا العافيه
حنين: إن شاء الله ,, متى بنروح مكه؟
إيمان: والله ع وفوي ياليوم بعد صلاة الفجر يابكره ,, ع مايحصل لنا حجز وسالفه
حنين: أسمع أمي تقول بيحجز لنا في حملة من الطائف إلى مكه
إيمان: ترى حلو السفر مع حملة جربته تتعرفين ع ناس ووناسه ,, بس ترى بس من الطائف لمكه بنروح بالباص إن شاء الله راح نرجع الشرقيه طيران
حنين: أشوه ما أتحمل الباص المشوار طويل
إيمان: أقول عن الهذره قومي
حنين: ههههههه طيب

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 6:30ص في شقة خالد وسمانه ...
سمانه..مبسوطه مبسوطه مبسوطه ,, اليوم هو أول يوم أداوم فيه ماجاني نوم طول الليل صليت وطلعت من غرفتي جهزت الفطور ع الطاولة وغطيته بالسفرة ودخلت غرفتي أستعد للمدرسة ...
خالد يناديها وهو في الصاله: سماااااااااانه ياسمسوم
سمانه جت تركض وابتسامة ع وجهها: لبيه ..!!..
خالد بادلها الإبتسامه وجلس ع الطاولة: أووووه أشوف النفسية ماشاء الله
سمانه: طبعاً اليوم راح أروح المدرسه "سكتت وأختفت أبتسامتها من وجهها وكأنها تتذكر شي"
سمانه..اليوم أنا مبسوطه مو بس عشاني بروح المدرسه وبس ,, طول عمري أروح المدرسه ماتغير شي بس اليوم غير اليوم راح أرجع من المدرسه وألاقي مين يسألني وش سويت وكيف كان يومي بروح وأنا أحس أن اللي حولي يهتمون فيني حالي حال غيري ,, صحيح أن الأبلات في المدرسة مايقصرون بس غير إذا حسيت بالإهتمام من اللي معي في البيت ...
خالد بهمس حنون: سمانه
سمانه: هلا
خالد: وين رحتي ؟
سمانه: سلامتك تبي حليب أصب لك
خالد: شربت وخلصت وأنتي مو حاسه لي
سمانه: آسفه سرحت شوي ,, يلا بروح ألبس عبايتي
خالد: تعالي أنا مو مستعجل أكلي لك شي
سمانه: خالد ماله داعي تتعب نفسك بروح مع البنات عادي
خالد: تكسرين بخاطري ,, أنتي عارفه أن خاطري أوصلك
سمانه: خلاص بلبس عبايتي كل شي ولا خاطر أخوي
خالد..وش هالحزن الغريب اللي أشوفه في عيونها فجئه وبدون أي مقدمات!! كيف ياربي بقدر أشاركها ولو جزء من همها ,, آآآه تذبحني إذا قالت لي أخوي رفعت راسي لقيتها وصلت عطيتها الفطيرة اللي جهزتها لها ...
سمانه: وش دعوة تعبت حالك
خالد: ماعندنا بنات مايفطرون مفهوم
سمانه مشت وهي تتحرطم: شسوي أخوي الكبير ولازم أطيعك
خالد دفها من رقبتها بمزح: قدامي يلا قدامي
سمانه..نزلنا تحت سلمنا ع أهل خالد وصبحنا عليهم ,, قلت للبنات يروحون معانا مارضو ع قولتهم يبون يخلونا ع راحتنا طلعنا سوا أنا وخالد سولفنا في السيارة ناظرت في النافده أنتبهت أنه مو طريق مدرستنا قلت ...
سمانه: خالد مو من هنا المدرسه
خالد ببتسامه: عارف "شاف التكشيره ع وجهها ونقع ضحك"
سمانه: أضحك وش وراك
خالد: هههههههههههه لا تخافين راح أوصلك المدرسه بس أبي أوريك الشركة
سمانه: يااااااااااااااي وناسه
خالد..ياحلوها هالبنت أنبسطت ع ردت فعلها الطفوليه وريتها الشركه وحلفت علي لازم أصور لها مكتبي ,, بعدها وصلتها مدرستها وأنا رحت الشركة ...
سمانه..نزلت من السيارة وأنا أضحك ع وصايا خالد كأني بيبي في الروضه دخلت المدرسه وأستلموني البنات ع التأخير وقالو لي أن وجهي منور أبتسمت ,, بعدها رحت الإداره سلمت ع أبلة فضيله وكلمتها وطبعاً هي عارفه عن إجازتي ,, وكالعادة في المدرسه تكون معي رسميه أكثر من برا المدرسه بذات لمن يكون معانا حد في الغرفه ,, شكرتها ورحت ع فصلي وأنا متحمسه للدراسه ليت الترحيب من عند الكل وأكثر البنات توقعوني أترك الدراسه وعاد أنا أفتر راسي أسلم ع اللي قدامي تناديني اللي وراي أسولف مع اللي ع يميني تناديني اللي ع يساري حسيت نفسي في مقابله صحفيه خخخخخخ ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 6:40ص في فيلا أبو مشاري بالتحديد في غرفة سيف ...
سيف..بعد الشارو اللي أخدته وعصير المانجو الطازج هدأت أعصابي ,, تذكرت كيف السرعه الجنونيه اللي سقت فيها الحمد لله إن واحد من الشباب الله يجزاه خير وقفني وأستأجر لي سويت لحد 4ساعات تقريباً هدأت أعصابي ودخلت المسجد صليت وقرأت لي قرآن وبعدها كلمت سياقه بجد القرآن يريح الأعصاب حسيت أني رخيت أعصابي لمن قرأت قرآن ,, تذكرت الموقف اللي صار لي آآآآآه نظرات حنين الخايفه حسستني بالذنب ذكرتني بيوم حاولت فيه......... آآآه وش قد أنا غبي أكيد هي تتحسس مني من كذا تتخيل أني وحش مثل ضعاف النفوس ياخدون اللي يبونه من البنت وبعدها يتركونها ,, بس بعد أنا منجرح من حنين ياليتها صارحتني قالت لي من البدايه ماكنت بلومها مثل الحين أنا وعدت نفسي أصبر وأنا عند وعدي ماراح أفقد الأمل حنين اللي علمتني الأمل وأنا لايمكن أنسى شي علمتني وياه حنين "رن جوالي" شفت رقمها ماصدقت عيوني يمكن أنا أتخيل أرد ولا ما أرد أرد ولا ما أرد ,, أممممممـ لا حرام خليها تجلس مع نفسها شوي يمكن أحنا محتاجين نبعد عن بعض عشان كل واحد يآخد راحته في التفكير ,, جرحنا بعض كثير ولازم كل واحد ياخد وقته "وصلني مسج" قلت بفتحه خفت أفتحه وأتضايق أو أضعف وأتصل لها "أغلقت جوالي" لأني عارف لو ما أغلت جوالي راح أتصل لها ,, حطيت راسي ع المخده بنام توها مغمضه عيني سمعت أزعاج أفففف قمت من سريري وأنا متحلف في هالمزعج أنا بالموت غمضت عيني طلعت ...
سيف بعصبيه: محد ينام في هالبيت
نور بخوف خدت ألعابها وراحت بتهرب ,, ضحك سيف من قلبه ع شكلها ناداها وهي تركض لحقها وحملها باسها ع خدها: ليه خالو الإزعاج
نور بخوف: كنت أسولف مع عرايسي
سيف: يلايلا بوسيني عشان أروح معاك السوبر ماركت
نور أبتسمت وباسته: يعني أنت خلاص مو شرير؟
سيف راح معاها غرفته وجلسها ع رجله: لا أنا عمك وأحبك وباروح معك البقاله
نور: أن أحبك كثيييييييييييييييييييييييييييييير
سيف: ههههههههههه ياعياره
نور: متى بتروح معي البقاله؟
سيف: أنا تعبان الحين
نور: أنا دتورة يلا أنثدح ع الثرير بثوف
سيف ضحك ع برائتها وأنسدح ع السرير: يلا شوفي وش فيني
نور: لحظة شوي "جابت لعبتها اللي فيها أدوات الطبيب وحطت السماعه عند قلب سيف: لالا عمو مافيك إلا العيافه
سيف: هههههههههه من وين تطلع هذي العيافه؟
نور: مدري أمسعهم يدولونها ,, يلا قوم معي البقاله
سيف: ههههههههه يلاااا
سيف..ولو أني تعبان بس ماحبيت أكسر بخاطر نور نزلت أستأذنت من أمها وخديتها للبقاله ياحليلها والله كأنها عجوز سوالفها ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:22ص في فيلا أبو تركي ...
كانو أم تركي وعبير وجاسر وأم فارس جالسين يفطرون وهم يولسولفون ...
أم فارس: إلا عبورة متى تبدأ محاضرتك؟
عبير: تقريبا الساعه 1 الظهر
أم فارس: أحسن عشان تجلسين معانا وحشتني الجلسه معك
عبير: تسلمين خيه
أم تركي: عاد هي تنزل من تقدمو لها وهي حابسه نفسها في هالغرفه
عبير تهمس لجاسر: لاحوووول
جاسر: هههههه الله يعينك
أم تركي: وش عندكم؟
جاسر: يما غثيتوها كل ماتنزل فتحتو لها السالفه خلوها تفكر ع راحتها
أم فارس: ههههههههه حتى لو حاولنا لازم تنفتح السالفه
عبير: صبراً جميلاً والله المستعان
أم فارس: أهم شي تفكرين عدل
عبير: إن شاء الله
رن الجرص أم فارس لا إرادي قالت: فااااااااااااارس
جاسر بتريقه: أي فارس الله يهديك وش يجيبه لك الحين أجلسي بروح أشوف يمكن عمال ولا شي
أم فارس ما أهتمت لكلام جاسر وراحت وراه وعبير وأم تركي قامو معاها ,, دخل فارس والكل في ذهووووووووووول بدون شعور يضمونه ويبوسون فيه بجد كانو مشتاقين له ,, بعدها جلسو ع السفرة ردت أم فارس ضمته ...
أم فارس والدموع في عينها: ماني مصدقه يايما أنك قدامي
فارس: ههههه حلوة المفاجئه؟
أم تركي: أكيد يايما ,, بس ليه ماقلت لنا نستعد لرجعتك؟
فارس: ماحبيت تحاتوني ,, قلت خل أفاجئكم
عبير: ياقلبي فروس بجد أحلى مفاجئه كلنا حاسين ,, أنا كل يوم أروح المعهد بدري إلا اليوم مدري ليه
جاسر: وأنا بعد اليوم أستأذنت من الدوام
أم فارس: أنا من رن الجرص لا إرادي قلت فارس
أم تركي: هههههههههههه أنا اليوم لمن صحيت جدك من النوم يقول لي حلمت أن واحد يقول لي فارس وصل من قال لي وأنا من يرن الجرص يفز قلبي
فارس: هههههههههه أنا خفت حد يخرب مفاجئتي
أم تركي: ليه مانزلو معاك أصحابك؟
فارس: نزلو أكثر الشباب اللي معاي في دفعتي
جاسر: فهد وفيصل نزلو؟
فارس: لاوالله فهد لسه ماتخرج وفيصل يشتغل في شركه عشان ياخد شهادة خبرة
أم فارس: الله يوفق لهم قبل أسبوع بس سولفت مع أمهاتهم في حفلة سيف أكثر سوالفنا عنكم
فارس: ههههههههههههههه يقطع أم الحش
أم تركي: أي حش كله مدح فيك ماخدين فيك مقلب
فارس: ههههههههههههههه لهدرجه طايح من عينك جدتي؟
أم تركي: لاوالله شاب ولا كل الشباب ,, يلا متى بتخطب؟
فارس: لا إله إلا الله أنتظرو أتنفس أشوف أوضاعي أدبر أموري أستقر في شغلي وبعدها أفكر أخطب
عبير غمزت له: العروس موجودة
فارس: أفاا عليك بس تضبطيني هااا
عبير: أيوة وبيني وبينك
جاسر يشبر بيده: هيييييي شنو جاهرة وبيني وبينك مين تعيسة الحظ؟
عبير غمزت لفارس: سر صح فروس؟
أم تركي: نعرفها أحنا؟
عبير: أيه وسلمتو عيها ومدحتوها كثير
فارس: هيييييي أسكتي لاتوصفين جسور رامي أذنه لايخطبونها له
الكل: هههههههههههههههههههههه
جاسر: قصص حب ولد أختي خربتك فرنسا
فارس قال بتريقه: ياهي فرنسيه مزيوووووووونه آآآآه بس آآآآآآآه
أم تركي بعصبيه: مالت عليك وعلى وجهك شنو فرنسيه هذي قيمة التربيه ياقليل الذات ياقليل الأصل روح مكان ماجيت أحسن لك خد الفرنسيه ولا أني جدتك ولا تعرفني إذا بتاخدها
عبير وجاسر ناقعين ضحك ع تهزيء أم تركي ونظرات فارس المسكين: ههههههههههههههههههههههههههههههههههههههههههههههههها اااي
فارس: أمززززح وربي أمزح جدتي
أم تركي: أجل تبي تاخد لنا فرنسيه ما أعرف أتكلم معاها
فارس: أفا عليك جدتي أنا أعلمك أنجليزي وفرنسي
أم تركي: مابيك تعلمني شي
فارس: أفااا الحلو زعلان؟
أم تركي ضحكت: والله محد بيجيب أجلي غيرك أنت ورانيوه بنت خالتك
فارس: هههههههههههه وش أخبارها رانيوه من زمان عنها؟
أم فارس: بعدك تسأل عنها البنت كبرت صارت في ثالث ثانوي
عبير: هذول لو يشيبون بيظلون يناقرون ويسولفون مثل البزارين
فارس: والله عادها مثل أختي الدبه
أم فارس: وش رايك نخطبها لك؟
الكل: هههههههههههههههههههههههههههههه
فارس: الله يهديك يما توني أقول لك عادها مثل أختي تقولين لي نخطبها لك
أم تركي: هذول مايصلحون لبعض هم كذا وإذا أجتمعو يجيبون لي الجنون كيف لو يتزوجون
أم فارس: تربيتنا وعارفينها أولى من الغريبه
فارس: سكري ع الموضوع يما إذا قررت أخطب أقول لك "قال يغير الموضوع: وين خواتي؟
عبير: كالعاده أفراح في الدوام وجهان ياذوبها تقوم
فارس: هههههههههههه في أي شهر هي الحين؟
جاسر: السادس صح؟
أم تركي: وجيههم مغسولين بمرق يتناقشون قدامنا في أي شهر ولا الأخ الثاني حافظ يحسب لها
عبير: ههههههههههههههههه عادي مامااا فروس مستانس جهانوه بتجيب له بيبي
أم فارس: من أول نحمل ونولد ولا حد يدري عنا الحين يسولفون ويتناقشون عااادي
فارس: وخالتي مشاعل ماحملت؟
أم تركي: لاوالله للحين
عبير: هههههههههههه فروس لاتهلكني مهزأ وبعدك تتسأل
الكل: ههههههههههههههههههه
وظلو ضحك وسوالف ومناقر وفارس كلم خواته وخبر وصوله وصل للعائلة الكريمه كلها ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:30ص في مكتب ضاري ...
ضاري..من عرفت بمشكلة شهد وأنا مو قادر أناظر في وجهها ,, واليوم أبو صقر راح الرياض وكلفني بالمشكله أنا مو متضايق بالعكس شهد بنت أختي اللي عادها مثل بنتي بس مو عارف كيف أتصرف وأتفاهم مع بسام بروحي أتصلت لأمل مكالمتي لها شجعتني ودعمتني توكلت ع الله ورنيت ع بسام ...
بسام: هلا والله بالنسيب كيف الحال عساكم بخير
ضاري وهو يحاول أنه مايفقد أعابه ع برود بسام: الحمد لله بخير ,, كيفك أنت وكيف الدراسه؟
بسام: الحمد لله ,, آمرني إن شاء الله يومين وأنا عندكم
ضاري: ما يآمر عليك عدو بس ياليت تحدد وقت نجلس فيه مع بعض
بسام: ولا يهمك الإثنين أوصل إن شاء الله مالك إلا طيبة الخاطر
ضاري ماقدر يطول معه أكثر: يلا نشوفك ع خير
بسام: أوكي مع السلامه
ضاري: في أمان الله
ضاري..أخخخ بس أخخخ ع كلامه المعسول اللي يسمعه يقول برئ من حقها شهد تتعلق فيه ع هالأسلوب والكلام ,, ما أقول إلا الله يعينك ياشهد "أتصلت أمل" أبتسمت ع أهتمامها رديت عليها وأنا أوصف لها طريقة بسام وقهري منه ...
أمل: خلاص حبيبي لاتاخد ع خاطرك أنت إن شاء الله راح تلقون حل للمشكله
ضاري تنهد بضيق: وربي خايف ع شهد منه خايف يسوي فيها شي
أمل: ضاري حبيبي أهدأ شنو يسوي فيها شي وهي معانا في البيت مايقدر يسوي شي لو يفكر مجرد تفكير أنه يعتدي عليها في البيت تشتكي عليه
ضاري: مدري صرت أتوقع كل شي من هالمخلوق
أمل: شنو أحنا وين عايشين الدنيا مو سايبه لا هو ولا عشره من أشكاله يقدر يسوي لنا شي
ضاري: مدري يا أمل أنا شايل في قلبي هالمخلوق بشكل ماتتصورينه حاس أني إذا ألتقيت معه ماراح أعديها ع خير
أمل: حياتي حاول تكون هادئ عشاني وعشان شهد وإياد كلنا محتاجين لك مانبيك تتهور أو تتسرع أهدئ عشاننا
ضاري: إن شاء الله حبيبتي المهم الرئيس شكله جاي تآمريني بشيء؟
أمل: سلامتك عمري وأنتبه لنفسك
ضاري: أوووكي عيوني باي
أمل: مع السلامه حافظك ربي,

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:33م في المول كانو حنين وإيمان وأنهار يتسوقون سوا ...
أنهار أشرت على محل العطور: خل ندخل نشوف يمكن عندهم شي جديد
إيمان: تأخرنا حبيبتي لو نخليها لمرة ثانيه
أنهار: خالتي بس هالمحل لأن أحتمال نطلع الصباح
إيمان: خلاص بس هالمحل"دخلو سوا ,, لفت لحنين تكلمها: حنون شوفي هالعطر حلو بالمرة
حنين ناظرت العطر اللي من ماركة ديور واللي معاه المجموعة كامله: حلو مرة بس لمين؟
إيمان: لخطيبك إن شاء الله تبين ترجعين ويدك خاليه
حنين ناظرت أنهار: وش رايك آخده؟
أنهار: تسأليني أنا عندك الذوووق كله طبعاً خديه
حنين شمت ريحته: أمممممـ يجنن خلاص راح آخده
إيمان نادت ع العامل يعطيهم العطر ,, سألها: أغلفه أو لأ؟
إيمان: لالا لاتغلفه "خدو المجموعه كامله وطلعو من المحل"
حنين: ليه خالتي ماخليتيه يغلفه؟
إيمان: من رايي شي حلو أن خطيبك يشوف ذوقك مميز وراقي يعني هالمحل فكرته عاديه مجرد تغليف يمكن نروح مكان نشوف أفكار جديدة
أنهار: اللـــــــــه خالتي بصراحه أنا في المستقبل ماراح آخد لخطيبي هدايا إلا معك
إيمان: هههههههه نتشرف بخدمكم"ردت ع جوالها: أيوة حبيبي............ياعمري............خلاص راح الحين أحنا في الإستقبال..............أنت في الشقه؟.............خلاص راكبين,
حنين: وش يقول وفوي؟
إيمان: شكله يحاتي عشان تأخرنا
دخلو الشقه وفرشو الأكياس ع كبر الغرفه ,, دخل وافي مصدوم: هذا كله شريتوه الحين؟؟!!!!!
أنهار: ههههههههههههه أيه وش فيك
وافي: أول مرة تنزلون السوق شكلكم مو طبيعيين
إيمان: هههههههه تعال شوف شريت لك عطر
وافي أنحرج: وش دعوة خالتي تتعبين نفسك
إيمان ضربته ع ظهره: أقول أنطم بلا هبال ,, قول لي وش رايك فيه؟
وافي: رهييييييييب عارفه من زمان وأنا أدور هالعطر الشباب شروه من الإمارات لمن رحت مالقيته رديت رحت الراشد مالقيته والظهران ماخليت محل
إيمان: ههه زين والله طلعت أعرف ذوقك
وافي: بس ليه ماخدين أثنين؟
حنين أنحرجت ,, أنهار تكلمت بلقافه: لسيف
وافي: كويس ليه ماغلفتوه؟
إيمان: هذا المحل ماعنده أفكار جديدة مجرد تغليف وحنون حابه تسوي فكره
وافي: ماشاء الله متى بس الله يرزقنا ناس يهتمون فينا
أنهار: خخخخ كسرت خاطري من بكره راح أدور لك مرة
وافي: مين قال لك أني راح أخطب توني صغير ,, صح ماقلت لكم اليوم الصباح راح نمشي
إيمان: صدق!!! ,, ع الساعه كم تقريباً؟
وافي: مدري كم بالضبط بس الحملة راح يتصلون لي قبل يوصلون بساعه عشان نلتقي معاهم في الميقات
أنهار: ماشبعنا من الطائف والله أنها توسع الصدر
وافي: أنتي سكتي ع هالتسوق والمنتزهات اللي رحتوها ولا شبعتو لو تظلون من هنا لين القيامه ماراح تملون سوق وطلعات وروحات وجيات
أنهار..بعدها قامت الحوسه كلنا نترب أغراضنا ,, بجد أنبسطنا مع خالتي اللي عادتنا مثل بناتها وأسلوبها الراقي معانا كلنا ,, رحلة مريحه حتى سهراتنا آخر الليل مايجينا نوم ضحك ووناسه وسوالف ولا تخلو الرحلة من الأجواء الروحانيه خالتي إنسانه رائعه في كل شي علاقتها مع بنتها ومعانا ومع الناس وحتى مع الله بس يومين صرنا معاها تعودنا ع صلاة الليل كلنا ,, ضلينا نخطط كيف بكره بنروح العمره وخالتي تسولف لنا عن الحملات وكيف نظامهم وأن شي حلو وبننبسط إن شاء الله ,, تحمست بيني وبينكم كلنا ماجانا نوم خخخ ...


:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء السابع عشر
((هذا الجزء
-شهد هل راح تنحل مشكلتها مع بسام ودياً ولا راح يفكون الخطبه؟!!!
-إيمان-وافي-أنهار-حنين في طريقهم إلى أطهر البقاع تتوقعون شنو ينتظرهم هناك وحنين هل بيأثر بعدها عن سيف ع علاقتهم؟
-رجعت فارس إلى السعودية ,, وموضوع خطبة عبير تتوقعون شنو يصير عليه؟
-رزان تتوقعون توافق ع فيصل أو لأ؟
-خالد وسمانه تتوقعون وش التطورات اللي راح تصير في علاقتهم
يعطيكم ألف عافيه
تابعونا
تحياتي))

.
.
.

ولوووو كم مجنونه عندنا-->>توها منتبها أنها ماردت عليهاااا

سوري غناتي بس هالأيام عقلي مو في راسي

متابعه شيقه للجميع

تحياااتي

.:دانهـ العشآق22:.

يسلموووووووووووووووووووووووووووووووو
عالبااااااااااارت رووووووعة

ولووووووووو أحلى ماخلق ربـي

مرورك الأروووع

لاعدمنآك يالغلآ

///

ذايب في هواهم

((الجزء الثامن عشر))
بسم الله الرحمن الرحيم

((المستجدات في هذا الجزء
-حنين-وافي-أنهار-إيمان متوجهين لبيت الله ...
تابعونا))

"إذا الأيام.. تبعدنا تراك
في قلبي مهما ... صار!

وإذا الأفكار تشتتنا ..ترى
الذكرى بقلبي ... نار!
->>حياتي<<-
مانسيتك يوم
ولاقلبي سواك اختار!

وإذا قصرت في وصلك
أكيد .بيكون من الأقدار!

أحــــــــــــبك"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:40ص في الباص ...
حنين..أرسلت لسيف الرساله وأنا متردده لأنها أول رساله أرسلها له كانت جنبي خالتي إيمان وأنهار شكلها نعسانه جلست ع الكرسيين اللي ورانا تقول أنها بتحاول تنام ,, بعد ما أرسلت الرساله سألت خالتي ...
حنين: خالوو حلوة الرساله؟
إيمان: تجنن ,, أرسلتيها لسيف؟
حنين نزلت راسها: أيوة هذي أول رساله أرسلها له
إيمان أبتسمت: إن شاء الله ماتكون آخر رساله خطوة حلوة منك حنون
حنين: بس سيف مايرد علي خايفه أنه زعلان
إيمان: تفائلي بالخير يمكن يكون عنده شغل أو يمكن لصالحكم أنكم تبتعدون عن بعض فترة بسيطه
حنين: الله يسمع منك ,, خالتي شوفي أنهاروه
إيمان ضحكت ع أنهار: هههههه تحفه أختك
أنهار: أسمعكم لاتحشون"عدلت جلستها: مو جايني نوم أخاف أتعب وأحنا نتعمر
حنين: لا إن شاء الله ماراح تتعبين كلنا أصلاً مانمنا
أنهار..أبتسمت ع اللي معانا في الباص باين أنهم عوائل يعرفون بعض حتى يلعبون أونو ع الأرض في الباص وياكلون وضحك ومسخرة يااااي كان زين لو كل عائلتنا نجي مع بعض ياسلااام شكل المشوار في الباص حلوو رفعت راسي لوحدة تناديني ...
أنهار: هلا "شفتها أنصــــــــــــدمت بدون مقدمات قم وضميتها: من وين طلعتي لي يالجنيه
سمر: هههههههههه وش هالمفاجئه الحلوة
أنهار: للحين مو مصدقه سمووووور بشحمها ولحمها
أنهار..هذي سمر أتوقع عرفتوها تعرفت عليها من المشغل بنت طيوبه وتدخل القلب ,, عرفتني ع خلاتها وعماتها وعائلتهم الكريمه وكلنا تعرفنا ع بعض وشاركناهم سوالفهم ...
وهي تأشر ع إيمان: أنتي باين عليك صغيرة مو مبين عليك عندك بنت
إيمان: ههههه تسلمين من ذوقك أنتي بعد شكلك صغير
سمر: ليه ماجت معك سدوم؟
إيمان: عشان المدرسه
:عندك صورتها
إيمان ببتسامه: عندي بس صورة الجواز "مدتها لها"
:ماشاء الله عليها قمر
إيمان: تشبهني؟
:لا كأنها تشبه أنهار
أنهار: الكل يقول أنها تشبهني
إيمان: أنا كل ماتوحشني سدوم أناظر في أنهار وساعات أناديها سدوم
:هههههه أول مرة تسافرين عنها؟
إيمان: ثاني مرة بس صعبه مايجيني نوم إلا إذا كلمتها
:الله يخليها لك "رجعت عليها الصورة"
الكل: آآآمين
ألتفتت لحنين: صار لك كم مخطوبة؟
حنين: تقريباً شهرين وشوي
:ماشاء الله ,, متى زواجك؟
حنين: مدري للحين ماحددنا
:الله يتمم لك ع خير
إيمان رن جوالها: هلا محرمنا..........ههههه هلا وغلا خالتي..............مانمت؟........كلنا مانمنا........صاحبات أنهار اللي معانا ومبسوطين معاهم..........ماشفت حد تعرفه؟...........طيب تعرف.........ههه ماطلعت ع خالتك............وين؟........أهاا لحظة أسألهم"علت صوتها: حد محتاج شي بينزلون المحطه؟............تسلم خالة بس أشتري لي شي ع ذوقك...........أوكي بنزل معاك......يلا أنتظرني.........باي,
أنهار: وين بتروحين مع وفوي؟
إيمان: بننزل السوبر ماركت تجين معانا؟.
أنهار: بلا شك"وقامت ترتب عبايتها وتعدل لفتها: حنون بتنزلين؟
حنين: لا مو محتاجة شي
أنهار نزلت من الباص وهي تتمتم: مو محتاجة شي ,, كيفك والله خلك لازقة في الكرسي طول المشوار أنتي الخسرانه
إيمان: ههه أنهارو عن الهبال أحنا في الشارع فضحتينا
وافي تقرب: خالتي
إيمان: حبيب خالته تعال محرمنا العزيز
وافي وهو يتقدمهم للسوبر ماركت: ههههه كبرتوني أصغر واحد فيكم ومحرمكم
إيمان: شفت عاد الدنيا ,, تعرفت ع حد حبيبي؟
وافي: لاوالله من ركبنا الباص وأنا يانايم يا أسمع في الجوال
إيمان: أهم شي ماتسمع أغاني أنت رايح بيت الله
وافي: مايهمك خالوو ,, وين رايحه؟
أنهار: لحظة بروح جهة البساكيت دقايق وراجعه
أنهار..مليت من الحلى نفسي في شي مالح أممممممـ رفعت عيوني وشفت بسكوت ريتز يااااااي صار خاطري فيه خديت كرتون توني برجع سمعت حد يناديني لفيت لقيتها سمور كنت منزله عيني لأن معاها ولد أتوقع أنه أخوها ...
سمر: وش رايك أنهارو في هذا البسكويت؟
أنهار..الله يقطع شرك ياسمر ع هالمواقف أخوك واقف جنبك وأنتي تسأليني عن البسكويت هو نفسه أنحرج قلت: مدري ماجربته
سمر لفت لموسى: موسى وش رايك في هالبسكويت
موسى: مدري والله ,, عن أذنك شوي
سمر وهي تغمز لموسى: تعال بروريك شي
أنهار..أنا وش موقعي من الإعراب الله يقطع ياسمور ع هالمواقف مشيت وأنا منحرجه مو حلوة تناديني ومعاها أخوها وأنا الغبية اللي لفيت لها الحين وش بيقول الولد أكيد بيقول ماصدقت خبر أففففف رحت لخالتي ورجعنا سوا الباص ناظرت النافدة شفت سمور ومعاها نفس الولد جايين للباص وهي تتناقر معاه مبين من ملامح وجهها وحركة فمها قفلت الستاره ...
حنين: لالا أشهد أنك مو صاحيه بس هذا اللي شريتيه من السوبر ماركت؟
أنهار: منسده نفسي وخالتي ماقصرت
حنين: شي عجيب أنهار تكتفي باللي خدته خالتي بس
أنهار..ناظرت حنون وأنا مالي خلق مدري ليه تضايقت بس حسيت أن الموقف سخيف شفت خالتي توزع ع الجماعه اللي في الباص أكل وتسولف معاهم أبتسمت ,, شفت سمور جايه برجتها كان ودي أذبحها بس يمكن ماتقصد ...
سمر: الحمد لله أن أنا ومويس ماتذابحنا في الشارع قدام الأوادم
:وأنتو هذا حالكم ع الأقل بتروحون بيت الله أحترمو المكان اللي أنتو رايحين له
سمر: شسوي هالمخلوق ما أنبسط إلا إذا تهاوشت معاه ترتسم الإبتسامة ع وجهي إذا تناقرت معاه
إيمان بمزح: ههههه يبي لنا نخلي المكشرين يتناقرون معاه يمكن يروقون
أنهار..ياربي خالتي مو طبيعيه يمكن قالت الكلمة عفوية بس بجد أنحرجت شنو أروح أتناقر مع الرجال وهم ماقصرو يعلقون ,, بعدها قالو في المايكروفون أن الشيخ راح يلقي المحاظره عن العمرة ومحظوراتها وو......... ,, قالت لي خالتي أسمع زين لأني أول عمرة سكتت وأنا مبسوطه أني بعد ساعات بكون في بيت الله لأول مرة ...
في نفس المكان جهة الرجال ,, موسى..سبيت سمروه لين قلت بس وش هالمواقف وش بتقول عني البنت أكيد بتقول أني راعي بنات وسوالف بنت عمي تكلمها وأنا راز وجهي صدق أن ما عندي ذوق لفيت وراي لقيت ولد باين عليه أنه أصغر مني أبتسمت له لأني شفته طالع من السوبر ماركت مع البنت يكون خطيبها لالالا باين عليه صغير يمكن أخوها مد علي فطاير ...
وافي: تفضل
موسى ماحب يرده: تسلم
وافي تجرأ شوي وكأنه أرتاح لموسى: تعال جنبي إذا تحب
موسى..جلست جنبه وربي حباب هالولد دخل قلبي سولفت معاه وتعرفت عليه أكثر الحمد لله أني عرفت حد قريب من عمري شوي ,, لأن اللي معاي كلهم شياب كدت أن أطفش منهم خخخخخخخخخ ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن الشرقية في فرنسا بالتحديد في غرفة فهد ...
فهد..كنت أشتغل ع الاب داخل موقع جامعتنا أعدل جدولي شفت رزون داخلة كلمتها ...
نك فهد.."حال الهوى أحوال ... كل يوم يجيك بحال ..."
نك رزان.."طبعي كذا محب أنا الف وادور .. الله خلقني واضحة في حياتي اهوى الصراحة وأكره الكذب والزور وحبي لغيري مثل حُبي لذاتي"
فهد: هلا وغلا بالوردة
رزان: هلا وغلا فيك ياهلا والله
فهد: شغلي المايك لأن بالموت أكتب بالعربي ما أدل الحروف
رزان: هههههههه عادي نتكلم أنجليزي إذا تحب
فهد: لا خيه أخاف أجيكم ما أعرف عربي خخخخخخ
رزان: تيب أقبل الدعوة
فهد: أحم ألووو
رزان بصوتها الهادئ: هلا وغلا
فهد: هلا والله ,, كيفك؟
رزان: الحمد لله تمام ,, كيف دراستك؟
فهد: والله تمام قريب إن شاء الله بخلص
رزان: الله يوفق لك يارب ,, أصحابك نزلو صح؟
فهد: أيوواا أكيد سمعتي من رنوش
رزان: ههههههههههههههه حتى أنت تعرف رنوش
فهد: أعرف رنوش وعبير ومشاعل ولمى وجهان وأفراح
رزان: هههههههههههههههههههههههههههههههههههههههههههههههههه ههههههههههههههههههههههههههههههههههههههه ماشاء الله العائلة الكريمه كلها ,, وش يعرفك فيهم؟
فهد: أسمع فروس يكلمهم صرنا نمون نوصل سلامات
رزان: هههههه حركات أجل الحين ضيعكم
فهد: أوووووووه أفتقدناه بقوة وبذات أنه مو بروحه تخيلي معظم الشباب نزلو مابيقينا إلا أنا وفيصل وخمسة من الشباب تقريباً
رزان: الله يعينكم ,, يلا هانت قريب إن شاء الله بتنزلون
فهد: إن شاء الله ,, إلا كيفك مع التفكير ؟؟
رزان وردت خدودها وبان ع صوتها الحيا: الحمد لله
فهد: ترى فصول محد يعرفه غيري نيالها اللي بتاخده "سكتت رزان فترة طويله من الحيا قال فهد: رزان من حقك تسألين اللي تبيه لاتستحين هالشي حق مافيه حيا
رزان بخجل: ههههه تسلم ,, دانا نايمه معي
فهد: ههههههههه يعني وصلتك جميع المعلومات؟
رزان: .........................
فهد: لاحول الله بلاني بأخت تستحي من ظلها
رزان بخجل: عادي تكلم أسمعك
فهد: لا ماراح أتكلم كذا ما أحس أن حد يتجاوب معي أبيك تسألين تاخدين وتعطين ,, وش دعوة هالحيا أنا أخوك
رزان تجرأت شوي: إلا أسمعك صدقني معاك
فهد: اللي أبيك تعرفينه أن من حسن حضك أنك راح تسأليني عن فيصل عارفه ليه
رزان: ليه ؟!!!
فهد: لأن يارزان محد يعرف فيصل كثري أنا فيصل توئم روحي وشي ثاني إن لا دانا ولا مها أو أي وحدة من بنات عمتك يعرفون فيصل مثل ما أعرفه أنا مو بس لأن هو معي الروح بالروح بس اللي يبي يسأل عن الشباب يسأل عنهم عند الشباب
رزان: أكيد
فهد: شنو تبين تعرفين عن فيصل؟
رزان بخجل: كل شي
فهد: شوفي فيصل نسخه مني حتى الأشياء اللي نختلف فيها مع الوقت أتفقنا عليها يختلف عني أنه مزوح وجررررررررررررئ واللي في قلبه ع لسانه وعلاقته حلوة مع الناس محبوب عند الكل يجلس مع واحد كأنه يعرفه من سنين طبعاً مايدخن إلا في السنه مرة إذا جلسنا مع الشباب زيي أطلقنا عليه لقب الشيف فيصل لأنه هو اللي يطبخ لنا ,, أمممـ تخصصه محاسبه وأنتي عارفه ,, أمممـ شنو بعد تبين تعرفين قولي لا تستحين
رزان: ترى كلكم قلتو لي نفس الكلام
فهد: وأنتي وش رايك؟
رزان بحيا: مدري للحين مارديت ع أبوي
فهد: يلا الله يسوي اللي فيه الخير ,, الحين معقولة ماعندك وسؤال في بالك؟!!!!!!
رزان اللي أخيراً طلع معاها سؤال: مستغربه من شي معقولة في إنسان مايعصب؟
فهد اللي ماورى عليه رزان سـألته سؤال: شوفي يمكن أنا مثلك ع بالي إن فيصل مايعصب بس في الغربه نكون دائماً مع بعض وكشفته ,, هو يعصب بس مايحب يطلع عصبيته ع حد يعني يدخل غرفته مايطلع إلا إذا هدأ أو يظل ساكت لين مايهدأ وهالشي يعتبر أحياناً سلبي وأحياناً إجابي
رزان: أهااا
فهد..مبسوط لأن أختي الدلوعه راح تنخطب وراح ياخدها أخوي وصديقي أبو الفياصل حاس أني تطمنت عليها بس اللي مو مستوعبه كل هالخجل وتاخد فيصلوه الجرئ والله أني حاس أنه بيطلع الحيا من عيونها ,, رفعت راسي وأنا أكمل لرزان عن فيصل شفته دخل قلت بمزح ...
فهد: جلللللللللللللللللف وبخيييييييييييييييييييييييل وحده منســــــــــــم
فيصل وهو يسوي حركه بيده بمعنى بشنقك قال وهو يزم شفايفه: حسن الصورة يالجلف لا أكسر المايك ع راسك
فهد: لاوالله رب العالمين مايرضى بالظلم ما أغش أختي وأنا ولد أمي
فيصل: فهدوه والله ثم والله ثم والله إذا ماتحسن الصورة أجوعك أسبوووع
فهد: لالالالالا تكفى "قال يكلم رزان: أصلاً فيصل طيب وحنون وطباخ ومؤمن وتقي نقي وبار بوالديه وفاعل خير مافي مثله
رزان: ههههههههههههههه "قالت تستأذن: يلا دانو جلست بنذاكر سوا
فهد: يلا بالتوفيق ولا يشغلك التفكير عن الدراسه
رزان: إن شاء الله ,,بيباي
فهد: مع السلامه
فيصل والإبتسامه شاقه الوجه: وش قالت رزان قلبي؟
فهد يمثل أنه متضايق: والله يافيصل مو عارف وش أقول لك بس هالشي قسمه ونصيب
فيصل تحطم ونزل راسه: ماتوقعت أن يجي يوم من الأيام أتقدم لحلم حياتي وترفضني بنيت كل أحلامي معاها كنت ألاحض صدها بس أقول يمكن تستحي لكن للأسف حبيت وحدة وذنبي أنها مابادلتني الشعور
فهد اللي يكتم ضحكته: الله يساعدك ياخوي ويوفق لك ويعطيك بنت الحلال اللي تسعدك
فيصل: أي سعادة بدون رزان خليها ع ربك يافهد
فهد نزل راسه مو قادر يكتم ضحكته أكثر: هههههههههههههههههههههههههههههههههههههههههههههههههه هههههههههههههههههه
فيصل دفه بمزح: نذذذذذذذذذذذذذذذذذذل كنت متوقع
فهد: ههههههههههههههههههههه أنا ضحكت لأني خفت أتأثر معاك في الكلام وأبكي هههههههههههههه
فيصل: حرام عيك فهود وربي أن قلبي بغى يوقف
فهد: ههههههههههه ع فكره رزون للحين ماردت
فيصل: ياقلبي أكيد تعبانه مع التفكير
فهد ضربه بخفه ع راسك: أحترمني تتغزل في أختي عينك عينك تراني أغار إذا صارت مرتك خد راحتك
فيصل بخبث: اللي يشوفني بستأذن منك عشان آخد راحتي
فهد يمثل الأسى: الله يعينك يا أختي طحتي ولا حد سمى عليك بتاخدين واحد مطلق الحيا بالثلاث
فيصل: ههههه أحترمني لا ما أعشيك الليلة
فهد: لالالالالالالا تكفى باكر عندي أختبار
وظلو مناقر وسوالف لحد ماكل واحد دخل غرفته يذاكر ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 6:40م في فيلا أبو تركي بالتحديد في المجلس ...
رانيه: لاحول بالدرور يطلعون لين مابقينا بروحنا
عبير: أخدمك في الأفراح رنوش والله محد مغير جوي غيرك
رانيه رفعت كفوفها: ياااااااااااااااااااااااااااااااااااااااااارب ينزل علينا مطر
عبير فهمت قصدها أستحت وضربتها ع راسها: هذا أقول محد غيرك مغير جوي تقلبين لكن هيــــــــــن يارانيوه
رانيه: مسختيها بصراحه متى بنسمع رد جلالتكـ؟
عبير: مدري متردده
رانيه وهي تقلد كلام عبير أول ما أنخطبت: رانيوه ماني موافقه"رجعت صوتها طبيعي: اليوم قلتي متردده بكره بتقولين موافقه
عبير: ههههههه الله يرجك
دخل عليهم تركي: السلام
عبير-رانيه: وعليكم السلام
تركي: عبورة تعالي المجلس
عبير: إن شاء الله "طلع تركي وقالت: ياربي رانيوه أكيد بيكلموني في الموضوع
رانيه: الله يعينك ياخالتي حالتك صعبه أخاف بس تنسين أسماء أخوانك ولا شي تعالي معي برافقك "مسكتها من يدها ودخلت المجلس"
أبو تركي: هلاهلا بنتي
رانيه كشرت: كأن الكلام مو لي؟
جاسر: أنتي أصلاً وش جابك حنا نادينا عبير لو تغير أسمك ع غفله
رانيه: نعم نعم أخ جاسر أنا جايه مرافقه مع خالتي أتطمن عليها
سامر: جايبتها عند حيوانات مفترسه أحنا أخوانها
أبو تركي: بـــــــــــسكم صدعتو راسي
سمير: خلي هذي تطلع نبي نعرف نتكلم
رانيه: خالي وش فيك صاير حقود أنا بنت أختك طفله بريئه
سمير: إذا أنتي بريئه عز الله أنفنت البرائه من الدنيا
تركي: وبعدين يعني؟"الكل سكت لمن تكلم تركي وقامت رانيه ناداها: تعالي رافقي خالتك بس هالمره مرافقه
رانيه باست راسه: تسلم خالي حبيبي بالغ إلا خير في عرسي
الكل: ههههههههههههههههههههههههههه
جاسر قرصها: خلاص أستحي كل خوالك موجودين أحترمي حالك ولو مرة في الحياه
أبو تركي وهو جالس جنب عبير ومنزل راسه بحياء: عبير سمعتي عن مطر ولد الـ............
عبير بحياء: أيه
أبو تركي وهو لازال منزل راسه: ترى خطبك
عبير ماعرفت وش ترد سكتت ...
في نفس المكان كانت رانيه وخوالها جالسين .. مو عارفه الحين جدي توه يكلم عبير وكلنا موجودين ماقدرت أمسك ضحكتي لمن شفته مزل راسه وهو يكلم عبير هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه كأنه هو العروس ههههههههههههههههههههه عبيروه أجرأ منه أشوف خوالي كلهم يكتمون ضحكتم بس أنا اللي فالتها وأهتز من الضحك وجسور يقرصني لين ماسحبوني خوالي وطلعنا سوا الصاله عاد أنا أنفجرت من الضحك: ههههههههههههههههههههههههههههههههههههههههههههه
الكل: ههههههههههههههههههههههههههههههههههههههههههههههه
أم تركي-أم فارس-أم مشاري-مشاعل-جهان: وش صاير؟
الكل: هههههههههههههههههههههههههههههههههههههههه "جلسو كلهم ع الكنب وهم ناقعين ضحك"
جهان اللي تقربت من رانيه: وش صاير؟
رانيه وهي لازالت تضحك وصوتها يتقطع من شدة الضحك: لو تشوفين جدي مستحي كأنه هو العروسه ههههههههههههههههه
الكل نقعو ضحك ع الموقف وشكل رانيه وهي تقول السالفه حتى جهان اللي ماسكه بطنها وهي تسمع تعليقاتهم ووجهها محمر: ههههههههههه
رانيه: توني مكتشفه أن جدي خجول هههه بغيت ألبسه ثوب زفاف وطرحه
جهان ودموعها تطيح من الضحك: هههه حرام عليك رانيوه خلاص بسكم مو قادره
فارس وهو يناظر جهان اللي ذايبه ضحك: عز الله ولدتي علينا
جاسر: ههههه الوالد خجول كأنه بنت ناقصه بس جبوونه
الكل: ههههههههههههههههههه
سمير: ههه أنتو ماتدرون عن شي ترى ع فكره كلنا مجتمعين نقنعه يكلم عبور
الكل: ههههههههههههههههههه
رانيه: كان سويتو مثل الأجانب لمن شفتوه تشجع يكلمها صفقتو له
الكل: هههههههههههههه
تركي اللي الكل أول مرة يشوفونه يضحك بهالطريقه: طول الوالد ياخوفي بس أغمي عليه وهو يعطي عبور خبر
رانيه وهي تسأل أمها وخلاتها: الحين كلللللللللللللللكم جدي أستحى كذا لمن كلمكم ؟
مشاعل: ههه أنا كلمني تركي وأبوي ع آخر شي سألني إذا موافقه أكيد أو لأ
أم مشاري: إلا كلمنا أنا وخالاتك بس مدري وش فيه ع آخر شي مشاعل وعبير صار يستحي
الكل: هههههههههههه"وهم يضحكون طلعو أبو تركي وعبير وأثنينهم منزلين روسهم ,, والجماعه زادو في الضحك" ههههههههههههههههههه
فارس: جدي ع هالحيا يبي له عروسه
أم تركي عطته نظره والكل ضحك: هههههههه
قال أبو تركي: مبروك يابنتي
الكل: أفضل الصلااة والسلام عليك ياحبيب الله محمد وآل محمد صلوااااااااااااااااااااااااات صلِ على محمد كلوووووووووووووووش
أم تركي من الفرحه ضمت عبير: مبروك ياحبيبتي مبروك
عبير باست راس أمها: الله يبارك فيك"قالت بحياء: عن أذنكم"ورقت الدرج"
بعد كذا عطو أهل المعرس خبر وتحددت الملكه الجمعه الأسبوع الجاي والكل عايشين في أجواء الفرح والتخطيطات وووو......... ,,طبعاً تحددت الملكه بهالسرعه لأن المعرس دكتور وبالواسطه أخد تنايج التحليل خلال ساعتين ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:00 في الباص ...
أنهار..مضى الوقت بدون لانحس مع الضحك والوناسه والسوالف ماتوقعت أنا نوصل الميقات بهالسرعه بس لأن الميقات في الطائف أبتسمت لمن قرأت اللوحه ((ميقات السيل الكبير(قرن المنازل))) ,, بدأو الناس بالحوسه في الباص اللي تدور حرامها واللي توها صاحيه من النوم واللي مضيعه أغراضها أنتظرنا لين ما قالو لينا الحمله الخطه في الميكرفون ونزلنا سوا أنا وحنون وخالتي أم سديم خالتي عطت كل واحد منا أحرامه وافي راح قسم الرجال وأحنا دخلنا الميقات شفت ناس من جميع الجنسيات وكلن له لبس يميزه طبعاً شفنا هنود أنسحرت ع شعورهم اللي مبللتهم المويه وأقل طول لتحت ركبهم وقطعة حريييييييير رحنا جهة دورات المياة كل وحدة دورت لها غرفه فاضيه تغتسل فيها ,, فتحت المويه يآآآآي بارده ومع الصباح صايره غير شكل شوي شوي تعودت ع برودة المويه أختسلت وخلصت ولبست ملابسي وطلعت مالقيت حنون وخالتي توقعت أنهم مازلو يغتسلون شفت سمور باين أنها مخلصه أول وحدة مثلي رحت جنبها ...
أنهار: هاا خلصتي؟
سمر: أيه بس مويس ناسي جواله في الباص وحرامه عندي
أنهار: يؤؤؤ والحل الحين؟
سمر: والله علمي علمك كلهم يغتسلون
إيمان جت لعندهم: ها خلصتو؟
أنهار-سمر: أيوه
إيمان: يلا ألبسو عشان نقرأ النيه ونصلي في المسجد
سمر: أنا مدري وش أسوي إحرام ولد عمي عندي وهو ناسي جواله في الباص
إيمان: يؤؤؤ ,, أنهار جبتي جوالك؟
أنهار: أيوة"وعطها الجوال: بس بتتصلين لمين؟
إيمان: بتصل لوافي يوصله له ,,هلا والله.......خلصت؟.........أها ,, خاله ماعليك أمر تعرف موسى الـ...؟.........حلو لأن هو ناسي إحرامه عند بنت عمه إذا تقدر توصله له...........أوكي الحين باطلعه لك.............مع السلامه,
سمر: مشكورة أم سديم تعبناك معانا
إيمان: ولوووو عطيني الإحرام"أخدته وطلعت لجل تعطيه وافي"
سمر..بعد 10دقايق تقريباً كلنا إجتمعنا وأم سديم رجعت طبعاً رحنا المسجد قرأنا النيه وصلينا ركعتي الإحرام بعدها طلعنا سوا شفت مويس رحت لعنده ناديته ...
سمر: موسى
موسى: هلا
سمر: حضرتك ليه مخلي إحرامك عندي سببت لي قلق
موسى: يابنت الأوادم أنتي محرمه أجلي الهواش ع الأقل لين ماتحلين إحرامك
سمر: ماعليه لكن أأجل الهواش ليه لأ ,, تعال تعال بقول لك شي
موسى بملل: هاااا
سمر: شفت هذي اللي عندها شنطة ورديه هذي أنهار اللي قلنا لك عنها قبل لانجي العمره وبالصدفه صارت معانا
موسى: سمروووه وخري عني لاتبطلين إحرامي تخليني أناظر في خلق الله
سمر: جزاتي أبيك تشوفها نظرة شرعيه
موسى: بالله عليك الوقت مناسب روحي بس روحي "مشى لعند وافي وهي راحت مع الحريم وهي تتحرطم: أففف خيراً تعمل شراً تلقى
إيمان..بدأت أحس بجو الروحانيه بعد ساعه إلا ربع تقريباً راح نوصل لبيت الله تمنيت لو سدوم تكون معاي إن شاء الله الصيف أجي معاها ركبنا الباص وبدأنا في التلبيه طلبو مني الجماعه أعلي صوتي في التلبيه المستحبه قرأتها وهم يرددونها وراي بجد أجواء روحانيه أكتمل العدد ومشى السواق في طريقه إلى بيت الله ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:34م في شقة خالد وسمانه ...
خالد..مدري ليه اليوم جيت من الشركه بدري حاس أني مشتاق لسمانه ولو أني عارف أنها جايه من المدرسه تعبانه بس يلا شسوي في نفسي ع الأقل أتطمن عليها وبعدها أرجع الشركه فتحت الشقه بالمفتاح وحطيت المفتاح والشماغ والمحفضه ع طاولة الطعام بإهمال جلست ع طاولة الطعام دخلت أصابعي في شعري سمعت صوت أنين يقطع القلب توقعت أني أتخيل دخلت غرفتي بدلت ملابسي وطلعت ياربي نفس الصوت يتردد في أذني رحت عند غرفة سمانه أقترب الصوت أكثر من أذني يعني سمانه تبكي!!!! ليه من مزعلها طقيت الباب ماردت علي قلت ...
خالد: سمانه أفتحي الباب أنا خالد
سمانه وهي تمسح دموعها قامت فتحت الباب: هلا خالد متى وصلت؟
خالد: مو مهم وش فيك تبكين؟
سمانه نزلت عيونها لاتفضحها: ماكنت أبكي بس لأني رايحه المدرسه مواصله
خالد مسكها من يدها وجلسها ع السرير القريب وقال بحده: سمانه مو أنا اللي تكذبين علي وش فيك تبكين؟
سمانه خافت من نبرة صوته: صدقني مافيني شي بس لأني كنت سهرانه خالد أنا أختك تعرفني لو في شي كان قلت لك
خالد: مو لأنك أختي ماتقدرين تكذبين علي"قال بحنان: سمانه قولي لي ليه تكتمين في قلبك تكلمي
سمانه تجمعت الدموع في عينها: بس لأني تذكرت أمي الله يرحمها
خالد: سمانه أمك الله يرحمها ماتحب تشوفك تبكين "رن صوت مسج في جوالها وخالد أخد الجوال بدون أستأذان فتح المسج قال بحده: هذا اللي يخليك تبكين صح؟!!!
سمانه نزلت راسها: خالد مو مهم خلاص عطيني الجوال
خالد عصب: لا ماراح أعطيك الجوال لهدرجه ياسمانه عادتني واحد غريب توصلك رسايل أشوفك طول اليوم متضايقه ولا أدري من شنو يعني أنا عندك مو رجال بزر مايفهم تمشينه بكلمتين صح؟
سمانه بدأت تبكي: لا ياخالد بس ماكنت حابه أضايقك كنت أبي أحل مشاكلي بنفسي
خالد شاف دموعها ورخى صوته: طيب ليه ماقلتي لي؟ لا تفكرين أني يوم من الأيام راح أتضايق منك أو من مشاكلك "ضغط ع نفسه وبلع غصته وهو يقول: مو أنا أخوك الكبير ويحق لي أعرف مشاكلك وأحلها معاك؟
سمانه وهي تبكي: مدري ماجا ع بالي أبكي وبعدين التهديد مو شي جديد علي ولا الضرب خلاص تعودت عليهم من لمن كنت صغيره
خالد..ماتحملت كلامها ودموعها والبرائه في وجهها ضميتيها بكل ماعندي لصدري وتمنيت أن هالحظة ماتنتهي ,, كانت تبكي ع صدري وأنا أهديها ...

عذاب القلب ياصوت تغنـى باعـذب الالحـان
على قافي وطار ورقي صدح بالصوت واشقانـي
تغنت لي طيور الحب وجرتني علـى القيفـان
اخط الحرف واشطب حرف اراعي ذوق خلاني
سمعته واسرف بحالي يغنيهـا وهـو طربـان
يردد بيـت مختـاره يقـول ان كـان تهوانـي
انا جيتك امل عاشق وانا كلـي الـم واحـزان
ابي ضمه على صـدرك تبـدد كـل احزانـي
يثور الشعر في صدري ويسعرني كما البركـان
ولولاني ازج الحـرف اطفـي نـار تصلانـي
الا ياليت موجات لفـت بالصـوت والاشجـان
تجيب الزين قدامي واشوفه شـوف الاعيانـي
وابادله العهد صادق ما ابيـع الحـب بالنكـران
ولا فكرت في هجره ولا فكـرت فـي ثانـي
ولو حتـى تفارقنـا فـداه الـروح والوجـدان
ومصير اللي يبي شوفي يجي له يوم ويلقانـي

خالد..نامت ع صدري وهي تبكي وقلبي يتقطع عليها ومو قادر أمنع نفسي من أني أتأمل ملامحها وأعيش أحلامي وأنا أناظر عيونها وأطبع بوسه ع خدها ,, غطيتها بالبطانيه وأنا أمسح ع شعرها بحنان ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 2:26م في فيلا أبو وافي ...
حور..وحشوني خواتي صحيح أني ما أجلس معاهم إلا قليل بس صاير البيت هادئ مافي إلا أنا والوليد وسديم وماما وبابا ,, ماعندنا آكشن لأن أنهارو مو موجوده حتى المشغل صايرن الصبايا هادئين بدون أنهارو طقيت باب غرفة أنهارو أشوف سديم صاحيه أو لأ ,, طبعاً سديم أكبر مني بسنتين وعلاقتي معاها حلوة مو مثل علاقتي بملوك لدرجة أسرار بس أغلب الأوقات في إجتماعات العائله نجلس سوا لأن هي أقرب شي لعمري في العائله ,, فتحت لي الباب أبتسمت لها وسألتها ...
حور: مانمتي؟
سديم: لاوالله أدخلي حياك
حور دخلت وجلست ع كرسي التسريحه: صاير البيت ممل مافيه روح
سديم: هههههههه حتى أنا مو متعوده ع فراق أمي مو عارفه أنام ع السرير بروحي ماتشوفيني كل ليلة رازه وجهي عندك
حور: ههه وش دعوه بالعكس مبسوطه حدي معاك
سديم: تسلمين والله ,, توني مكلمه ماما
حور: جد!! أخبارهم؟
سديم: بخير ,, خلصو عمرة بس شكلهم تعبانين بينامون حتى ماطولت معاها
حور: الله يعينهم ,, تتوقعين متى راح يجون؟
سديم: يمكن بكره أو بعده ما أتوقع يطولون
حور: عشانك يادلوعه
سديم: لاوالله قلت لماما أهم شي تنبسطين وتدعين لي بس عشان خواتك وأخوك وراهم دوامات
حور: أي صحيح ,, لكن في الصيف لازم نسافر
سديم: أكيد ماما وعدتني ,, إلا كيفك مع ثاني؟
حور: الحمد لله أنتي أول ثانوي الله يعينك
سديم: بالعكس ماخده راحتي ع الآخر لأن نومي قليل أجلس مع ماما والكتاب عندي ويمديني أخلص مو مثل البنات يحبون النوم ويستصعبون الدراسه
حور: أحسدك صراحه أنا لو أنام مثل نومك أنجن
سديم: هههههههه خلاص تعودت لين نمت أكثر من 7ساعات راسي يوجعني وأتعب ماينفع معاي النوم القليل
حور: عليك بالعافيه ,, خلينا نغير جو مو جايني نوم يمكن أنتقلت لي العدوه ع غفله
سديم: هههههههه يجوز ,, أبوك موجود
حور: لا خدي راحتك يلا خل نصير حريم ونحط لنا غداء
سديم: ههههه بصراحه خايفه يصير شي لو دخلنا المطبخ
حور: هههههههههههههههههه اللي يسمعك يقول كل يوم مطيحه في المطبخ ,, خل نجرب حضنا غير بنحط لنا غداء راح نخلي الخدامه تساعدنا
سديم: وووووع ما أطيق الخدم
حور: مو هي اللي طابخه بس تساعدنا شوي
سديم: إذا كذا أوكي"دخلو المطبخ وقالت سديم: تصدقين حور خاطري في بان كيك
حور: وأنا بعد بس مين اللي يسوي لنا ماما نامت؟
سديم: خل نجرب حضنا
حور: أجل من الحين بتصل للمستشفى يجهزون لنا أسره
سديم: هههههههههههههههههه وش ورانا خل نجرب "فتحت الثلاجه شافت ورق عنب لفت لحور وقالت: يممممممـ صار خاطري في ورق عنب
حور: ههههههههههههه عمره ماتبخر تبخر وأحترق عمرنا ماطبخنا نبدأ بورق عنب
سديم طلعت علبة الورق العنب مع الجبن دهنت لها جبن في ورق العنب: يممممـ لذيذ تعالي جربي
حور: الحمد لله والشكر في وحده صاحيه تآكل ورق عنب مع جبن!!!!
سديم وهي تتلذذ بالطعم: صدقيني لذيذ يممـ يقول لك الحاجه أم الإختراع
حور: طيب والغداء؟
سديم: مالي خلق غداء عندي شيبسات وآيسكريمات وهالطبخه الزينه
حور: تصدقي وأنا بعد نفسي أنسدت عن الغداء
أزهار اللي دخلت مصدومه: السلام
حور-سديم: وعليكم السلام
أزهار: وش تآكلون؟
سديم: تعالي خالتي ذوقيه لذيذ
أزهار ناظرت في سفرة الشيبسات والورق عنب مع الجبن: مجانين ,, الحين أنا طابخه الغداء عشان تآكون هالخرابيط
حور: وش نسوي ماما منسده نفسنا عن الغداء
أزهار: الله يساعدكم
سديم: هههههههههه ,, خالتي كلمت ماما قبل شوي تسلم عليك
أزهار: الله يسلمك وياها يارب ,, خلصو العمره؟
سديم: أيوه "وسولفت لها عن الحمله اللي أنضمو لها وأخبار أمها"
أزهار: كويس والله ,, يلا تآمروني بشيء؟
سديم-حور: سلامتك
أزهار: أنا راحه المشغل إذا أحتجتو شي نادوني
سديم-حور: طيب
حور: سدوم ليه اليوم رجعتي من المدرسه مع خالي؟
سديم: أبد بس يقول أشتاق لي
حور أبتسمت: ماشاء الله عليه خالي عادك وحده من بناته
سديم: حتى أنا عادته مثل بابا ,, تصدقين أنه بالموت رضى أنام معاكم حلف ع أمي أني أنام معاهم بس أنا مارضيت
حور: ههههههههه ياخطيره ليه؟
سديم: أولاً لأن ماعندهم بنت في عمري وراح أظل ملانه بروحي وأولاد خالي موجودين وتعرفيني أنا ما أحتك فيهم كثير
حور غمزت لها: من الحيا يعني؟
سديم: مو سالفة حيا بس مدري قليل إذا أحتكيت فيهم طول الوقت أكون في شقتنا مع أمي أو إذا طلعت بيت خالي مايكونون موجودين وإذا جو أدخل شقتنا بس حدنا سلام يعني
حور: طيب ماتفكرين في واحد من أولاد خالك؟
سديم: لا ماقد فكرت ,, أنتي وش جاب ع بالك هالأفكار؟
حور: لا بس ساكنين معاهم وأعماركم مناسبين لبعض يعني في أمل
سديم: لاتخافين خليتهم لك صدقيني لا أنا ولا أي واحد منهم فكرنا في هالشي
حور: الله لايبلاك بالحب بصراحه أنا أشوف المبتليين وأحمد ربي
سديم: ههههههههههه لايكون بس مبتليه؟
حور: يعني تقريباً
سديم: لايبي لنا سهره الليله
حور: ههههههههههههههه الله لايبلاك

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:23ص في فيلا عبد العزيز ...
كانو رزان ودانا يسولفون دخلت عليهم ريهام ...
ريهام: السلااااام
دانا-رزان: وعليكم السلام
ريهام بمزحها المعتاد: أنتي هي لمتى راح تضلين معسكره عندنا ملت أختي مسكينه حرام عليك تبي تفكر براحتها
دانا بدلع ممزوج بمزح: لاوالله بيت خالي ماحد يمنعني منه وبعدين يقولون اللي تجلس مع العروس تلحقها
ريهام رمت ع مخ دانا فرشه: وأنا أقول بنت عمتي طيبه وتواسي أختي وقايمه بدوري طلع مو لله
دانا: هههههههه أمزح وش فيك أم أحمد لايكون حامل
ريهام مسحت ع بطنها بمزح: يمكن وش يدريك
رزان: لا إله إلا الله مستعده لايكون تبين تجيبين لنا بيبي؟
ريهام: لاعيوني بنتظركم كفايه اللي عندي طلعو لي الشيب
رزان: هههههه أجل وين هنادي ورؤى؟
ريهام: مدري والله خبري فيهم من الظهر قبل أطلع صار لنا أسبوع ما أجتمعنا تحت
دانا: ليييييه؟؟ لايكون صابتكم عين؟
ريهام: لا بسم الله علينا بس تعرفين رؤى في الجامعه أمتحانات ,, وهنادي مشغوله مع جسومي وشوقوه مدرسه لازم تنيمها من بدري
رزان: الله يعين إذا أنتو اللي مع بعض في بيت ماتتلاقون وش نقو أحنا
ريهام: والله تجينا أيام نسهر يومياً وجينا أيام مانشوف بعض أصلاً
دانا: مهيوه قريب أكمل أسبوع وأنا ماشفتها لاهي ولا ريانوه
ريهام: مهيوه من اللي يشوفها مشغوله مع أسوم وريانوه والجامعه
رزان: مسكينه بنت خالتي الأمس أسمع أمي تقول أنها سيرت وأحنا نايمن
ريهام: تمام والله ,, فكرتي عدل رزون؟
رزان نزلت راسها: أيوه للحين أفكر
ريهام جرت خد رزان: ياقلبي أختي العروس الله يقدم لك الله فيه الخير
دانا-رزان: يارب
ريهام: عاد خدي راحتك بس لاتطولين عشان الأخ مستعجل وإذا وافقتي بتكون الملكه نزلتهم بمعنى أصح عشان تجهزين ع راحتك لأن جايتك إمتحانات وبتصير زحمتك زحمه مع التجهيز
رزان: إن شاء الله
ريهام تسأل دانا: وش أخباره فصول؟
دانا: ههههههههههه في حاله لايعلم بها إلا الله
ريهام: هههههههههههه الله يساعده العشقان تخيلي أقول لطلال أبيه يركز وياي ناس متقدمين لرزان أنتظره يسألني مين لامجيب بعد فتره قلت له ماسألتني مين اللي خاطبها قال لي أدري فيصل
دانا: هههههههههههههه مسكين أخوي عشقه مفضوح الكل كاشفه
ريهام شافت رزان المحمره ضرب راح ع راح: الله يساعدك يافيصل
دانا: ههههههه أنتي لاحضي التناقض رزان وفيصل بجد شي عجيب!!!
ريهام: بجد تناقض جرئه مع خجل مايلبق
دانا: تصدقين عاد محد ظل ماعلق ع هالنقطه
ريهام: لازم بيعلقون شوفي أنتي "وهي تأشر ع رزان المستحيه"
دانا وهي تجهز أغراضها: هههههههههه مسخره رزون
رزان تغير الموضوع: وين ع الله؟
دانا: خست في بيتكم بكره بكمل أسبوع خليني أروح بيتنا وبكره إن شاء الله راح نرجع معك أنا وعهود من المدرسه
ريهام: نامي معاها دانوه ترى أختي تستحي تنام بروحها
دانا مدت كفها لريهام وهم يضحكون ,, قالت دانا: لاتستحين بكره إن شاء الله أحنا عندك كم ساعه وتشوفينا في المدرسه
رزان: بس عشان بشوفك في المدرسه باخليك تروحين لكن بكره تنامون معاي
دانا عطت رزان بوسه في الهواء وهي طالعه: إن شاء الله بيباي "ونزلت الدرج ركض"
ريهام: ها رزون فكرتي في الكلام اللي قلناه لك؟
رزان: أيوة اليوم بعد أتصلت لي مها
ريهام: ههه تعطيك معلومات؟
رزان: أيوه
ريهام: مين قدك الكل يعطيك معلومات من جهه ,, يلا الله يوفق لك يارب
رزان: آآآمين "سكتت فترة وبعدها قالت: ريهام
ريهام: هلا
رزان: خايفه أني مو قد المسؤوليه
ريهام حطت يدها ع كتفها: صدقيني رزان أنك أنتي تحددين أنك موافقه أو لأ محد يقدر يقول لك وافقي أو لأ ,, هذا مصيرك وأنتي اللي تختارينه أستخيري ربك وإذا ع دراستك فيصل عارف أنك تحبين دراستك وماخطبك إلا وهو عارف بهالشي وما أختارك أنتي بذات إلا وهو عارف أنك أنتي اللي راح تسعدينه فكري عدل
رزان..كلامها زاد حيرتي رفعت راسي لقيتها طلعت تنهدت الله يعينني الليله بنام بروحي ,, غرقت في بحر تفكيري وأحلامي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الثامن عشر
((هذا الجزء
-حنين-أنهار-وافي-إيمان وروحتهم للعمره وألتقائهم بسمر وأهلها تتوقعون شنو تأثير ظهورهم ع قصتنا؟
-عبير وموافقتها ع مطر تتوقعون شنو ينتظرها؟
-خالد وسمانه تتوقعون سمانه راح تبوح لخالد بأسرارها عقب اللي صار ,, علاقتهم شنو اللي راح يتغير فيها؟؟
-رزان اللي ماظل حد ماعطاها معلومات عن فيصل تتوقعون راح توافق أو لأ
-شهد اللي ماتكلمنا تتوقعون شنو راح يصير عليها؟
يعطيكم أف عافيه
تابعونا
تحياتي))

.
.
.

.:دانهـ العشآق22:.

لي عودة لقراءة الرواية أخلص اللي عندي قبل وأتفرغ لروايتك

موفقة لكل خير

سلموووو على لبااارت مررره روووووعهـ
بس بسألش؟؟ كم جزء القصه؟؟ تحياتي... مجنونة وحلوة

حلم لطيف ..

حيآك الله غناتي ..

عوااافي ع المرور

///

ولوووووو مجنونه

مرورك الأروع

القصه 38بااارت-->>عزز الله هونو هع

ووصلنا للنصف

متابعه شيقه

كل الود

///

ذايب في هواهم

((الجزء التاسع عشر))
بسم الله الرحمن الرحيم

((المستجدات في هذا الجزء
-وصول بسام الشرقيه ,,
-حنين-إيمان-وافي إن شاء الله الليلة راح يرجعون الشرقيه
-اليوم الأربعاء اللي الكل ينتظره ع أحر من الجمر
تابعونا))

"«انا الموجود بوجودك وانا اللي ظلي بورودك وانا عمري ابتدأ معاك ونهاية عمري حدودك»"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:16ص في مكتب ضاري ...
ضاري..كنت أنتظر بسام مو عارف أضبط أعصابي فريت المكتب يمكن 20مره وأنا أنتظره رن جوالي وأنكسر القلم اللي في يدي وأنا أرد عليه: هلا...........أنتظرك............خلاص أنا نازل الكوفي.............يلا مع السلامه ,, قفلت من عنده ونزلت للكوفي اللي قبال مبنى الشركه لقيته جالس رحت سلمت عليه سألني عن حالي وتباوس معي ولا كأن شي صاير ماحبيت هالمقدمات السخيفه قلت ببتدي في الموضوع لأني طفشت ...
ضاري: بسام أنا حاب الموضوع ينحل بدون محاكم وسين وجيم
بسام بشك: أي موضوع؟
ضاري: موضوعك أنت وشهد
بسام: رجاءاً لاتتدخل بيني وبين زوجتي
ضاري: أنا ما تدخلت إلا يوم طلبت مني شهد هالشي
بسام بسخريه: ماشاء الله ,, إن شاء الله عرفتك ع الشباب؟
ضاري: لاتتوقع أنك تستثيرني بهالحركات أنا عارف كل شي
بسام: وراضي عنه؟
ضاري: مو راضي بس أهم شي أن البنت عرفت غلطها وتابت هذا المهم عندي لو حاسبتها ع الماضي ماراح أغير شي
بسام: طيب والمطلوب مني؟
ضاري: أنك تطلق البنت بدون مشاكل وسين وجيم
بسام بدأ يعصب: من قال أني بطلق لو أبي أطلق ما أنتظرت حضرتك تعرض علي هالشي
ضاري: بسام أهدء أحنا جايين نتحاور ونحل الموضوع ودي مو عشان أنت تعصب علي ولا أنا أعصب عليك
بسام: ياخي زوجتي ما أبي أطلقها كيف أفهمك؟
ضاري: بس هي ماتبيك وأنت ماترضى لنفسك ولا أنا أرضى لك أنك تعيش مع أنسانه ماتبيك
بسام: مو بكيفها ماتبيني وين جالسين حنا الظاهر الأخت لمن شافت كل شي تبيه تحت أمرها تبي تتحكم في كل شي حولها
ضاري: بسام لاتغلط علي ولا ع بنت أختي ,, خلاص خل البنت تروح في طريقها وأنت في طريقك بدون مشاكل
بسام: طلاق ماراح أطلق وأعلى مافي خيلك أركبه "طلع من الكوفي وهو معصب"
ضاري..دفعىت الحساب وركبت لمكتبي دخلت وسكرت الباب رميت شماغي ع المكتب وفتحت أزارير ثوبي حاس أني مختنق رن تليفون المكتب عرفت أنها أمل أكيد ماحبت تتصل ع الجوال رديت عليها ...
ضاري وصوته مايبشر بخير: هلا أمل
أمل حست له: حبيبي الله إذا حب عبد أبتلاه أصبر أنت مؤمن
ضاري: أمل أنا لو كنت حاط الطلاق أحتمال فالحين أنا مصر عليه مستحيل بنت أختي تعيش مع هالأنسان أنا اللي في عمر أبوه ما أحترمني ولا حشمني كيف بتعيش مع أنسان غير محترم يطلقها غصب عنه حتى لو أتجرجر في المحاكم ليل نهار قابل بس البنت ماتتعذب
أمل: طيب حبيبي الدنيا مو فوضه وفي شي أسمه طلاق خلعي يعني مو بكيفه
ضاري: بعد شوي بستقبل أبو صقر في المطار لكن صدقيني ماراح أسكت عن الموضوع لو ع جثتي
أمل: طيب حياتي بس أنت أهدئ ولا تستعجل وأنت تسوق وأقرأ آيات وأنت راكب السيارة
ضاري: إن شاء الله مع السلامه
أمل: حافظك ربي "توها بتقفل سمعت ضاري يناديها ردت عليه: لبيـــه
ضاري: لباك ربي ,, حبيبتي أنتبهي ع شهد وقولي لها إن الموضوع إن شاء الله راح ينحل
أمل: إن شاء الله ,, مع السلامه
أمل..الله يوفقك ياضاري ويهديك ياشهد ويعوضك خير يارب ,, محتاره أبي أقرب ضاري وشهد لبعض بس كيف مو عارفه ضاري من درى بالموضوع مايحتك بشهد إلا قليل وشهد نفس الشي أحاول أبتعد عنهم إذا كانو مع بعض أعطيهم فرصه يتقربون من بعض لكن ما أرجع إلا واحد منهم قام عن الثاني الله يهديهم يارب ,, قمت أشوف إياد اللي يبكي وأستعد لجية شهد ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:55ص في المدرسه الثانويه ...
رزان..اليوم مدري وش فيني الأفكار توديني وتجيبني كلام شهد في الفسحه والتفكير أحس راسي بينفجر ,, معقول شهد اللي كان المثل ينضرب في علاقتها مع خطيبها يجي يوم ووحده منا تسألها عن حالها وتقول ما أتفقنا سكرو ع الموضوع!!! يعني معقول تفك خطبتها وشنو السبب اللي يخليها تفك؟!!! ...
الأبله: رزان
رزان: هلا أبله
الأبله: لا اليوم أنتي أبد مو معانا "غمزت لها وقالت: وافقي
البنات: ههههههههههههههههههههههههههههههههه
رزان..تعومست تخسبقت تلعثمت وش يدريها الأبله لايكون يبين ع وجهي يمااا نزلت راسي وسكتت وكل اللي حولي يضحكون ...
الأبله: خلاص بنات مزحنا شوي هدوووء خل نكمل الدرس
رزان..الأبله كملت الدرس وأنا أفهم كلمه وأضيع عشر مو قادره أركز الحمد لله أن الصافره أنقدتني وقفت أرتب أغراضي وألبس عبايتي ...
رانيه: وش فيك اليوم رزون أبد مو معانا؟
رزان: أفكر في الكلام اللي قالته شهد
مرام: أي والله حتى أنا أفكر قبل شهر تقريباً شايفين صور ملكتهم والحين بهالسهوله تقول ما أتفقنا
دانا: أنا بعد من قالت هالجمله وراسي يوجعني مدري كيف مو مستوعبه
رانيه: صحيح أنشغلنا ونسيت أقول لكم خالتي عبيرووه أنخطبت والجمعه الجاي ملكتها
مرام: مبروك حبيبتي الله يتمم لها ع خير وعقبالك يارب
البنات: آآآآميــــن
المناوبه: لمتى إن شاء الله بتضلون في الفصل؟
رانيه وعبايتها مبهدله ولفتها ع كتفها: يلا مع السلامه أبله الله يعينك
الأبله ضحكت ع شكل رانيه: ههههه مع السلامه
طلعو البنات سوا والتقو بشهد وعهد ,, جلسو كل وحده تنتظر سايقها وهم يسولفون ...
رانيه: كالعاده مراموه سواقهم ينام عند البوابه
شهد: هههه أي والله صادقه فيه حتى دقايق ما يتأخر
دانا: هههه يلا بناتوه سواقنا وصل باي
شهد-رانيه: باااي
رزان..ركبنا السياره وراسي مفتر الدوام طويل وفي نفس الوقت سالفة شهد وتفكيري في موضوع خطبتي حاولت أطلع نفي من الجو اللي أنا عايشته وقلت للبنات ...
رزان: أكيد في بيتنا
عهد-دانا: أكيد
عهد: كذا ولا كذا الليله بنجتمع في بيتكم فننزل من الحين أريح لنا
دانا: أي والله ,, نسيم حط لنا شي "نسيم شغل المسجل وهو يهز رقبته"

عيوني تشتاقله والقلب يحنله
عيوني تشتاقله والقلب يحنله
حبيبي حبيبي حبيب قلبى محمد

أفديه بعمرى كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والجذع حن وبكي لفراق الهادي المكي
اشوفى بعد هشي قلوبنا ماتحنلوا

وعيوني تشتاقله والقلب يحنله
وعيوني تشتاقله والقلب يحنله
حبيبي حبيبي حبيب قلبي محمد

افديه بعمري كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والجمل جيلو يبكي دمعه على خده يجرى
والجمل جيلو يبكي دمعه على خده يجرى

عن جوعو وحملوه يشكي وعن حاله قايلوه
وعيوني تشتاقله والقلب يحنله
حبيبي حبيبي حبيب قلبي محمد

افديه بعمري كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والقمر لطه انشق نصفا عن بعضه افترق
وطه مؤيد من الحق وكلامه صدق كله

وعيونى تشتاقله والقلب يحنله
وعيونى تشتاقله والقلب يحنله
حبيبى حبيبى حبيب قلبي محمد
افديه بعمري كله ...

رزان: ماشاء الله طيور الجنه والله تطور
دانا: عشان رهف وغلا وشوق لا يأذونه يحط لهم أناشيد
رزان..نزلنا سوا للبيت سملنا ع الغاليه وبسنا راسها ركبنا غرفتي صلينا ,, بعد الصلاة رحت عند المرايه أضبط شكلي وبعدها نزلت تحت لأن عهد ودانا مشغولات دانا تاخد لها شاور وعهد تصلي طقيت باب مكتب بابا مثل ما توقعت رد علي ودخلت جلست سلمت عليه وبست راسه وجلست قباله ...
رزان: مساعدين بابا
عبد العزيز: جميعاً حبيبتي ,, كيفك وكيف الدراسه معاك؟
رزان: الحمد لله تمام "سكتت فتره وبعدها قالت وراسها للأرض: بابا أنا فكرت في الموضوع زين مثل ماطلبت مني
عبد العزيز: قبل لاتقولين رايك أنا بقول لك شي
رزان وراسها للأرض: أسمعك بابا
عبد العزيز: فيصل ولدنا مثل ما أنتي بنتنا وأثنينكم غاليين علينا وكلنا تمنيناكم لبعض لمن كنتو صغار وحتى المرحومه خالتك نورة ,, أنا ما أقول لك هالكلام عشان أضغط عليك أو أغصبك لايابنتي أبيك تعرفين أن اللي متقدم لك ولدنا ويعز علينا كلنا وتربيتي ولا تنسين أنه ولد عمتك اللي تعزك وتحبك وأخو توئم روحك دانا ,, طول عمري ربيته مع فهد وياما هزأته وضربته وفرحت له وزعلت عشانه يشهد علي ربي أنه عاده مثل ولدي "ناظر فيها ينتظر تعليقها
رزان وراسها لازال للأرض: مدري
عبد العزيز: لايابنتي مافي شي أسمه مدري هذي حياتك ,, في شي أسمه موافقه أو لأ وشرط يكون الجواب واحد من الإثنين وعن قناعه منك مو غصب من أحد
رزان والكلمه ياذوبها تطلع: مــ.......ـوافقه
مريم كانت عند الباب دخلت وضمتها: الله يتمم لك ع خير يايما ,, الله يشهد أني ماراح أتطمن عليك إلا مع إنسان مثل فيصل
عبد العزيز أبتسم ع شكلهم: أقول لا تبكين ولا شي مو الليلة الملكه حتى ليلة الملكه لاتبكين البنت بتظل معاك لين ماتتزوج
مريم: وحاسدني عشان بنتي معاي خليها في حضني تاخد حنان كم بنت أنا عندي
ريهام دخلت عرض: ثنتين
مريم ضمتهم سوا: الله لايحرمني منكم ,, الله يجيب لي فهد سالم وتكتمل فرحتي فيكم
الكل: آآآميــــن
ريهام: متى إن شاء الله التحاليل؟
عبد العزيز بتعجب: مو أحنا محللين لهم من زمان
ريهام تسوي نفسها ماتدري عن الدنيا: متى؟
عبد العزيز: لالا ولا شي إن شاء الله الليلة خميس أروح مع رزان المستشفى وأخلي فيصل يرسل لنا تحاليله
ريهام..ضحكت من قلب الوالد ع باله ماندري عن شي مايدري أن حتى رزون وصلها الخبر ,, أحترمت وجهة نظره لأن واضح أنه يبي يحسس رزان بقيمتها وإن رايها هو المهم ,, إن شاء الله يضبط التحليل لأن الحين يادافع البلاء الأمراض زادت وأحياناً يطلعون لنا أمراض مدري من وين يجيبوها رفعت راسي ماشفت إلا غبار رزون هههه أختي وأعرف حياها ظليت أسولف مع بابا وماما ,, وحمود وروابي ورهوفه يلعبون حولنا وبابا مبسوط يسولف ويلعب معاهم وماما نفس الشي شفت بابا يكلم خالي خديت أولادي وطلعت معاهم للصاله ...
عبد العزيز: إن شاء الله الليلة راح أروح مع رزان المستشفى.............ههههه معروف عنه فيصل توقعت هالشي...............خلاص أجل قبل أروح المستشفى بمر بيتكم..............أي صحيح الحين جيبوها معاكم................أي والله........ع العشاء إن شاء الله أحنا معزومين لاتنسى..........أي يبي لي أروح مع رزان ياقبل العشاء يابكره............إن شاء الله خير.........هههههه مداهم يخبرون فيصل..........يارب بس يضبط التحليل............أوكي يالغالي نشوفك ع خير.............مع السلامه,
مريم: شنو بتاخد من بيت أخوي؟
عبد العزيز: فيصل المستعجل أرسل نتايج تحاليله
مريم: ههههههههههه ولد أخوي وأعرفه زين ,, دايم مستعجل
عبد العزيز: إن شاء الله التحاليل تطلع أوكي ,, خايف ع كل هالحوسه والعجله ويتحطم
مريم: إن شاء الله ياربي أدعي لهم في كل صلاه
في نفس المكان ,, رزان..طلعت من مكتب أبوي وأنا أحس العرق يتصبصب من وجهي ماورى علي قلت هالكلمه ياويلي عديت شي باقي لي أشياااء باقي التحاليل والملكه وووو........ ,, يارب تسهلها بس دخلت المجلس مددت جسمي ع الكنب ,, تذكرت إن اليوم الأربعاء قمت خفت أن حد يدخل رقيت الدرج دخلت غرفتي ولقيت عهد ودانا في حوستهم شكلهم مادرو بموافقتي خخخخخ خليهم ع عماهم جلست ببرائه ولا كأن شي صاير ,, سولفنا وأحنا مستلقين ع السرير الكبير نريح دخلت عمتي ومعاها ملوك حسيت قلبي نزل في بطني مو لأني أول مره أشوف عمتي بس عشان الحين غير وقفت سلمت عليها وجلست ع السرير أرتب شكلي وأحوس في شعري مو عارفه وش أسوي ...
فضيله ببتسامه: رزون حبيبتي ع الساعه أربع أبوك بيروح معاك المستشفى
عهد-دانا: مستشفــــــــــــــــــــــــــــــــــــــى!!!!
ملاك: الحمد لله والشكر أستجنو خواتي وش فيكم؟
دانا فهمت السالفه رمت رزان بكرتون الإكلينكس: آآآه يالخوانه طول الليل ما أنام معاك ومشاركات وجدانيه وفي النهايه أنا آخر من يعلم بموافقتك
عهد رمتها بعلبة الإكلينكس من الجهه الثانيه: كان أنتظرتي ليلة الملكه بعدين قلتي لنا
فضيله: هييي شوي شوي عليها تراها عروس
دانا تتحرطم: رزون عروس عز الله ضاع كرتنا ياعهدو ,, أنا اللي باط كبدي أني آخر من يعلم
فضيله: وش تبونها تقول لكم البنت تستحي
عهد: لكن بتشوفين اللي يروح معاك المستشفى
فضيله تضحك ع خبالهم: ههههههههه تبون تروحون معاها المستشفى بعد وش هالأخلاص
دانا: تخيلي يايما أترك توئمة روحي وهي تخاف من الإبره
فضيله: أقول أجلسو مكانكم بس ناوين يقفلون المستشفى
عهد: رزون قولي شي
رزان برجاء: عمتي خيلهم يروحون معاي
فضيله: مشكلتي ما أقدر أردك عز الله سوو لنا حفله في المستشفى
مها دخلت ببتسامه: كيفها مرة أخوي؟
رزان نزلت راسها وبهمس خجول: الحمد لله
مها: يلا خالي ينتظرك
رزان: إن شاء الله"ونزلو كلهم بعباياتهم"
مها أنصدمت من الجيش كلهم لبسو عباياتهم: هذول وش دخلهم لايكون كل وحده دورت لها رجل وبيحللون؟
فضيله: هههههههههههه لابس بيرافقون العروس
مها بطناز: أقول أجلسو مكانكم بس لايرفعون عليكم شكوى ويشيلونكم البلديه
الكل: ههههههههههههه
أسامه: أخاف بس يحطون صوركم في الجرايد مسببين أزعاج للمرضى
ناصر: بناتي مبسوطات
ملاك: أيوه يبا بليز نبي نروح مع رزان
أسامه: صدق المصري يوم قال عندكم أنبياء واجد هذا نبي جديد أسمه نروح مع رزان
الكل: هههههههههههههههههههههههههههههه
ناصر: خلاص بس ع شرط
دانا-عهد-ملاك بدون لايسمعون الشرط: موافقين
ناصر: خلاص لاتنزلون من السيارة
دانا: مانروح أحسن
عبد العزيز: أنا بتقدم مع بنتي ,, الليلة أنا معزوم وأنتو تشاورون نفسكم
عهد-دانا-ملاك: خلاص خلاص "وطلعو مع عبد العزيز"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 12:33ص في المطار ...
أنهار..كلنا كان نفسنا نجلس أكثر محد يمل من بيت الله ,, لمحنا خالي عبد اللطيف وسدوم من بعيد جو لعدنا سلمنا عليهم علق خالي عبد اللطيف لمن شاف سديم ضامه أمها ...
عبد اللطيف: ماصار أسبوع مايحتاج يلايلا أمشو بس الوقت متأخر
أنهار..مشينا كلنا وخالي عبد اللطيف ووافي قدامنا وصلنا للسيارة طبعاً طول المشوار نذكر المواقف اللي صارت لنا وتفاجئت أن وافي أخوي يتكلم عن موسى ولد عم سمر ,, أخوي وأعرفه زين مو من النوع اللي يتعرف شلت هالأفكار من بالي وتذكرت لمن كنا في مكه مع سمور والبنات ماظل سوق مارحناه والحرم نظل فيه للفجر ولا نمل ولا أنسى المنظر اللي أعشقه وهو لمن تشرق الشمس وأحنا في الحرم بجد يهبل الموقف نزلنا من السيارة وحاولنا مع خالتي تنام معانا قالت أنها بتروح شقتهم ماقدرنا نضغط عليها أكثر دخلنا وسلمنا ع ماما وبابا وحور والوليد اللي كانو ينتظرونا ,, أنا عن نفسي ماقدرت أجلس أكثر لأني ما أنام إلا قيلولات بسبب وقتنا الضيق فأغلب الوقت نكون في الحرم وباقي الوقت السوق وآخر شي نفكر فيه النوم أستأذنت وركبت غرفتي خديت لي شاور دافي يروح تعبي<<بعدها راحت في سابع نومه ...
حنين..شفت أنهارو أستأذنت وأنا مو قادره متكسره حدي بكره من الصباح باقول لسناء تسوي لي مساج هلكانه أستأذنت وركبت غرفتي خديت لي شاور دافي يروح تعبي وبعدها تمددت ع السرير فتحت جوالي اللي نسيته مغلق من نزلنا من الطائرة للحين ,, تذكرت سيف وعلاقتي معاه تضايقت من قلب لأنه مايرد علي أتصلت عليه بعد تردد ع آخر رنه رد ...
سيف ع غير عادته وبصوت عادي: هلا
حنين: هلا وغلا "سكتو فتره طويله قطعت الصمت حنين تقول: سيف أحنا رجعنا اليوم قبل ساعه وصلنا
سيف خف بروده شوي: الحمد لله ع سلامتكم ,, تقبل الله
حنين بفرح لأن سيف بدأ يرجع إلى طبيعته: الله يسلمك ويتقبل منا ومنك
سيف: إن شاء الله مانسيتينا من الدعاء؟
حنين: لا وربي دوم ع بالي
سيف: تسلمين لي
حنين قالت بهمس: سيف
سيف ذااااب لأن حنين تكلمه بهالطريقه ولأول مره: عيوني
حنين: تسلم عيونك ,, آسفه ع اللي صار
سيف سكت فترة طويله وقال: حبيبتي مو وقته تعتذرين نامي وأرتاحي
حنين والضيق باين ع صوتها: يعني أنت زعلان مني؟
سيف: حنين مو أنتي اللي لازم تعتذرين أنا اللي المفروض أعتذر
حنين وهي قريب تبكي: ع شنو تعتذر أكيد لأنك عطيت قلبك لوحده ماتستاهلك
سيف: حنين وش هالكلام!!!!
حنين زاد بكاها,, سيف ماتحمل يسمع بكاها قال بتهور: حنين أنا جاي لك الحين
حنين من بين شهقاتها: إن شاء الله
حنين..مسحت دموعي دخلت دورة المياه وغسلت وجهي طلعت من دورة المياه وفتحت شنطتي شفت الملابس اللي خديتهم طلعت فستان ليموني فيه كاوهات باللون البني محروق جبنيز ومن الخصر حزام باللون البني المحروق وبعد الحزام كسرات يوصلني الفستان لنصف ساقي لبست عليه أكسسوارات باللون البني المحروق وحطيت لي الكحل والجلوس وناظرت في شكلي في المريا ,, ع هالكشخه يمكن ينتهي اللي بيننا رفعت يدي أبي أشيل الإكسسوارات جا في بالي كلام أنهار وخالتي حطيت في بالي إن إرادتي أقوي من كل شي وراح أتحدى نفسي عدلت شعري وسمعت صوت جوالي عرفت أنه سيف رديت عليه عطاني خبر أنه وصل ,, فتحت باب المجلس لقيته يمشي وهو منزل راسه وصل لعندي ماعرفت كيف أسلم عليه لا إرادي ضميته وأنا أبكي ...

أبيك تضمني ضمــة غــــلا فيها حنان وشـــــــوق
أبــي أتــوه في نظـــرة عيونك وأنثر أشواقــــــي
أبي ضمـة دفا تروي ضمى في خــافقي المحروق
أبيـــك ولا أبـــي غيرك غريب يبعثر أوراقـــــــــي
أبيـــك إنت تبعثرني وأبيــك تلمنــــي برفـــــــوق
أبـي أحس إنك يالغـــــلا مشتـــــاق لعنــــــــــاقي
أبي تنسى وتنسيني الولـه وأنسى هذاك الشــوق
وأبي أكون في دنيــــــاك أنا العطشان والساقــــي
وأبيك تضيع فيني ياغـلاي وسيــــد أهل الـــذوق
وأبي أضيــــع فيك ياغـــــــلاي وكل عشاقـــــي
وأبي أغيب عن دنيا البشر من جد مابغى أفـوق
وأبي أنـام في حضنك أنا والحـــب وأشـواقــــــي
وأبي أكون لك غيمه وتكون إنت رعــد وبـــروق
ومطر يسقي خفوقٍ ضـــامي إلقياك مشتـــــــاقي
خيالاتن رسمها الشاعر بشعره وزاد اشـــــــواقي ,,,

...

سيف..شعور غرييييييييب وأنا ضامها لصدري مسحت ع شعرها وبست راسها بعدتها عن صدري اللي تبلل من دموعها وجلستها جنبي ع الكنب ولفيت يدي ع خصرها وهمست لها ...
سيف: حنينـــي
حنين: سيف أنا آسفه بجد آسفه وربي ماكان قصدي مدري ليه.....
سيف حط يده ع فمها: لاتكملين
حنين هزت راسها بالنفي: سيف إذا تبي راحتي بتخليني أقول اللي في قلبي
سيف بستسلام: تفضلي أسمعك حبيبتي
حنين بصوت مبحوح: سيف وربي متنذمه ع كل لحظة صديتك أو تجاهلتك فيها صدقني هالشي مو بيدي صدقني سيف مدري شنو اللي كان يمنعني أني أظهر لك مشاعري وأصارحك فيها مثل كل بنت بس أحبك وربي أحبك
سيف وهو منزل راسه: أنتي تعاقبيني ع ماضيي صح؟
حنين أنصدمت ماتوقعت هذا تفكيره: لا سيف صدقني ماقد فكرت في هالشي
سيف: حنين أنا حاس أني ما أستاهلك مدري ليه أنا تجرأت وخطبتك وأنا عارف أني ما أستاهلك بس أنتي خليتيني أعرف قدري وأعرف أني ما أستاهلك و.........
حنين قاطعته والدموع في عينها: وربي ماقد فكرت في هالشي أصلاً لو أني حاسه أنك ماتستاهلني كان ماوافقت عليك من البدايه أنا وافقت عليك وأنا أعرف كل شي ماجد علي جديد وواثقه ومتأكده من حبك لي وأنك تركت كل ماضيك عشاني ,,"طاحت دمعتها وهي تقول: سيف ليه تقول هالكلام تحسسني بالذنب تحسسني أني خديت الإنسان اللي تتمناه كل بنت وماقدرته عطاني الحب والحنان وأنا ماقدرته
سيف: يعني أنتي مقتنعه فيني؟
حنين: أنا مو بس مقتنعه فيك أنا أحمد ربي ليل نهار لأن ربي عطاني إنسان رائع مثلك
سيف ضمها وباس راسها: الله لايحرمني منك
حنين: سيف آسفه لأني
سيف قاطعها بمزح: لاحول الله مضى نص عمرنا وأحنا مو فاهمين بعض تبينا نقضي باقي عمرنا وأحنا نعتذر لبعض خلينا نعيش حياتنا
حنين: هههههههههه
سيف: فديييييييييت هالضحكه وراعيتها
حنين حمرت وبعدت عنه شوي ,, سيف قال بقهر: لاحول الله أنتي يبي لك بوسه تأدبك
حنين: سيييييييييف
سيف: هههههههه بعد عمري والله حنيني الخجوله
حنين: بقوم أحط لك شي تاكله
سيف: لاحبيبتي بمشي الحين خليك ترتاحين توك راجعه من مشوار إذا صحيتي أمرك طيب
حنين وبان ع وجهها الضيق لأن سيف بيطلع: طيب
حنين..أرسل لي بوسه في الهواء وهو طالع أبتسمت ع حركته رقت الدرج دخلت غرفتي من النعس أنسدحت بملابسي وأكسسواراتي وحالتي ولا حتى فكرت أبدل ملابسي اللي شميت فيهم عطره ونمت وأنا أشتم عبير عطره ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 5:44ص في شقة خالد وسمانه ...
سمانه..خلصت صلاة وطوالي جهزت صينية الحلى وأنتظرت خالد يجي من المسجد عشان ننزل نفطر سوا ,, فتح باب الشقه قابلته ببتسامه ...
سمانه: تقبل الله
خالد: منا ومنك صالح الأعمال ,, جهزتي؟
سمانه..جاوبت بأيوه ونزلنا سوا كالعادة رحبو فينا وجلست بين خالد وغدير ,, الكل علق ع الحلى اللي سويته أنه مرة لذيذ وطبعاً كان خالد أول المشجعين ساعدت عمتي والبنات وبعدها قالت لي عمتي أركب لخالد ما أعترضت أعتذرت وركبت لقيت خالد يرتب ملفات عنده وقفت حسيت لقافه لو أروح جنبه لفيت لعند غرفتي ناداني ...
سمانه: هلا
خالد: تعالي معي ساعديني ع الملفات الله لايهينك
سمانه: إن شاء الله من عيوني "جلسو يرتبون الملفات بصمت رن جوال سمانه قالت بشوق: هلا وغلا............الحمد لله.............لاوالله جالسين لا إزعاج ولا شي............كيف الوالده ولبنات...........الحمد لله...........أيوة عندي......أوكي لحظات بس..........أيوة هذا هو.......خلاص أرسله لك ع الإميل.........إن شاء الله.............تآمريني بشيء؟............أوكي حبيبتي......مع السلامه,"ناظرت خالد وقالت: هذي عهد بنت أم فيصل
خالد: والنعم ,, "حاول يستدرجها في الكلام: باين عليك متعلقه فيهم كثير
سمانه سرحت: أكثر مما تتصور ياخالد هالإنسانه علمتني شي لايمكن أنساه علمتني أن الإنسان مو بيده يختار أهله ,, كانت تشاركني مشاكلي وتقول لي أشياء حتى لو مافهمتها أكبر ويوم عن يوم أفهمها أكثر
خالد: الله الله الله صرت شاعره ع غفله
سمانه: هههههه لو تعرف هالإنسانه زين مالمتني
خالد ترك اللي في يده وتسند ع الكنبه قبال سمانه: كملي كملي أسمعك
سمانه: وش أكمل
خالد: سمانه أنتي وعدتيني تقولين لي ولا نسيتي؟
سمانه: خالد أنسى الموضوع خلاص موضوع قديم وأنتهى
خالد: لا ما أنتهى صدقيني لو تقولين لي عن الموضوع تحلين لي مشاكل كثيرة مو قادر أحلها ولا قادر أفسرها
سمانه: طيب وش دخل مشاكلي في مشاكل شغلك
خالد: خلاص براحتك سمانه إذا تبين تعتبريني غريب
سمانه: لا مو كذا بس
خالد: بس شنو؟ حرام عليك أنا أخوك ما أعرف عنك ولو شي قليل ,, مشاكلك ماتبيني أشاركك فيها ولا حتى أدري عنها ترى مو عاجبني الوضع
سمانه أستسلمت: طيب أسمع وإذا مليت قاطعني ,, أنا من لمن توفت أمي الله يرحمها كنت صغيره ومابعد فتحت ع الدنيا زين كانو أهل أمي أغنيااااء مرة وفلوس أمي كلها صارت لي ولا حد يدري وين راحت فلوس أمي لين ما وصلت صف أول ثانوي وصل مرت أبوي كلام أن فلسوي عند إنسان مجهول وعذبتني وضربتني وأتهمتني في أشياء أنا ماسويتها لدرجة أن تقدم لي رجال عمر 55سنه كانو بيوافقون عليه بس عشان يتخلصون مني "سكتت"
خالد: أيوة كملي
سمانه: وصارت لي مشاكل مالها أول ولا تالي تعبت في المدرسه ورحت مكتب أم فيصل مديرتنا لقيت عندها الحنان وقلت لها مشكلتي من...إلى ,ووعدتني أنها تساعدني والحمد لله أن زوجها طلع يعرف الرجال اللي تقدم لي وكلمه أنه يتراجع عن خطبته لي ,, الرجال تنازل بدون نقاش لأن بابا مألف عليه قصه حزينه ماعرفت شنو هي بالضبط بس لأن الرجال قلبه طيب ويحب يساعد وافق أنه يتزوجني مع العلم أنه سعيد ومرتاح مع زوجته .. وقال لها بالقصه اللي ألفها عليه بابا ولمن عرف بنوايا أبوي كلمه وقال له أنه خلاص يلغي الموضوع عاد أنا لاتسألني عن فرحتي ذيك الحزه بس تفاجئت لمن عرفت "سكتت"
خالد: سمانه لاتسكتين أسمعك أنا
سمانه: أكتشفت أن بابا قبل أسبوع من مساعدتها هي وزوجها لي حاول يحرق مصنعهم ,, صرت ما أكلمها ما أناظر في عينها لمن سألتني ليه قلت لها أني عرفت بالسالفه فهمتني أن الإنسان مو بيده يختار أهله ,, ماعرفت كيف أشكرها قالت لي تشكريني بدرجاتك الحلوة أبي أرفع راسي وأقول هذي طالبتي وبنتي اللي ربيتها ,, تخيل ياخالد كنت أنجح بالدف والحين بمساعدتها صرت آخد المركز الأول ع الشرقيه
خالد: بجد هالإنسانه رائعه حتى زوجها ماشاء الله
سمانه: تبي تضيع السالفه قول لي شنو المشاكل اللي راح تحلها في شغلك
خالد: سمانه أسمعيني للآخر
سمانه: أسمعك تكلم
خالد: سمانه أنا الإنسان المجهول اللي يشتغل ع فلوسك
سمانه بصدمه: كيـــــــــــــــــــــــــــــــــــــــــف!!!!
خالد: أنا في بداية حياتي قبل لا أوصل للي أنا فيه كنت أدرس برا ورجعت وحبيت أني أكون نفسي بدون مساعدة أي حد تعرفت ع خالك الله يرحمه وعقب ماتوفت أمك الله يرحمها قال لي بيعطيني أمانه لأني الإنسان اللي يوثق فيه وسويتي لي توكيل عام وصرت أشتغل ع فلوسك وكل شهر أحطهم لك في حسابك الخاص اللي أنتي ماتدرين عنه أصلاً وتكون لي نسبه لكن أنا سويته للأمانه وجا الوقت اللي أسلم لك فيه الأمانه لمن شفت تاريخ ميلادك وعرفت أنك كبرتي لكن تحيرت كيف أوصل لك كنت متردد وخايف وعايش في قلق الإنسان الوحيد اللي يعرف عن سالفة الفلوس مبارك صديقي نصحني أني أنتظرك تتزوجين وأعطي فلوسك لك أو لزوجك إذا كان إنسان ثقه أخدت بشوره وسكت ع الموضوع ,, بعدها بفتره أبوي عرض علي الزواج كنت رافض الزواج أساساً لكن ليلة الملكه تفاجئت من الأسم
سمانه: بجد قصتنا كأنها فلم كيف يصير كذا سبحان الله
خالد..أبتسمت لأنها كشفت لي الشي اللي حيرني ,, كنت بقول لها حبيتك قبل أشوفك بس حسيت أن مو وقته خلينا أخوان وإذا جا الوقت المناسب أقول لها ...
خالد مد لها البطاقه: هذي بطاقتك ياسمانه
سمانه: لاوالله ما أبيها فلوس أختك هي فلوسك وبعدين أنا ما أحتاجها فلو تشتغل فيهم يكون أحسن
سمانه..أنبسطت لمن عرفت بالسالفه ع الأقل عرفت أن في حد يهتم لي خالي الله يرحمه ولو أنه مات بس المهم عرفت أن في حد يهتم لي ,, في نفس الوقت مقتنعه باللي سويته عشان لا أحس أني ضيفه ثقيله عند خالد حسيت أني رديت له من جميله ولو قليل وأنا مو داريه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:44ص في شقة إيمان ...
سديم..صحيت من النوم وخديت لي دش سريع أتنشط لأن اليوم الخميس ,, تذكرت لمن وصلت ماما سويت لها مفاجئه كنت مرتبه شقتنا ومسويه عشاء بمساعدة مرت خالي غاده أنبسطنا مع بعض ومانمنا إلا بعد أذان الفجر ,, تقربت للسرير شفت ماما لسه نايمه ياقلبي شكلها تعبانه بستها في خدها ماحبيت أصحيها توضيت وصليت توني بفسخ جلال الصلاة سمعت ماما تناديني ...
سديم: هلا ماما
إيمان: هلا حبيبتي ,, ليه ماصحيتيني؟
سديم: لأن شكلك تعبانه ما حبيت أصحيك
إيمان: ياقلبي يلا أنا بصلي عشان أسوي الغداء
سديم: طيب
إيمان..خلصت صلاة وأتصلت ع أنهارو وحشوني بنات أختي الأمس هالوقت هم معاي ردت علي ...
أنهار: هلا والله خالتي
إيمان: هلا فيك وحشتوني توني أقول لسدوم خاطري في بنات أختي الأمس هالوقت هم معي
أنهار: هههههه زين أنك أتصلتي لأني توني مطروده
إيمان: يووووه مين اللي طارد بنت أختي؟
أنهار: حنون ههههههههههه عمره ماتبخر تبخر وأحترق
إيمان: لاتقوليييييين
أنهار: إلا الأمس من وصلت حتى مانامت جا لها سيف
إيمان: ههههههههههههه كيف كشفتيها؟
أنهار: نايمه بفستانها ومكياجها والإكسسوارات أثرهم طبع ع جسمها
إيمان: ياقلبي أكيد طلع وهي تعبانه
أنهار: لا وأزيدك من الشعر بيت أقول لها وش صار قالت لي سوري سوري أشياء خاصه
إيمان: ههههههههههههه من جد عمره ماتبخر تبخر وأحترق
أنهار: من صحت من النوم نزلت الصالون تسوي لها مساج وتنظيف وتسشور شعرها بيتغدا معاها
إيمان: الله يوفق لهم يارب
أنهار: يارب ,, عارفه من أنخطبت حنون للحبن توني حاسه أنها مخطوبه مثل العالم
إيمان: الحمد لله كنت خايفه عليها والله صابني هوس ماظلت صلاة مادعيت لها فيها
أنهار: ماتقصرين والله خالتي ,, متى بتجين ترى حدك وحشتينا
إيمان: بعد شوي باجي لكم إذا أتصلو لي البنات برجع الشقه للحين محد قال أنه بيجي لي
أنهار: أوكي ننتظرك بيبياي
إيمان: باي "لفت لسديم: ها ماما وش تسويني
سديم: ع النت
إيمان: تروحين معي بعد شوي بيت خالتك؟
سديم: أيوه
إيمان: يلا ماما أجهزي عشان إذا طلع خالك نروح معه
سديم..سكرت لابتوبي وقمت ألبس أمممـ تحيرت وأنا عند دولابي طلعت لي بلوزه تركوازيه علاقي ع الرقبه مخططه بالون الفوشي مع برموده فوشي وأكسسوارات لبست عبايتي وطلعت شفت خالي في الصاله ينتظرني سلمت عليه ...
عبد اللطيف: حيا الله اللي ماتبينا أجل ماتبين تنامين عندنا
سديم أنحرجت: لا مو كذا بس عشان في بيت خالتي بتكون حور معي
عبد اللطيف: قولي ماتبينا يالدلوعه
إيمان وهي تقفل باب غرفتها: يلا أنا جاهزه
سديم..ركبنا السيارة وأحنا نسولف لين ماوصلنا بيت خالتي سلمنا ع خالتي طبعاً خالتي توها تشوف أمي لأن أمس نزلنا طوالي في شقتنا ...
حنين اللي توها جايه من المشغل: هلا خالتي"وضمتها وتباوست معاها: وحشتيني
إيمان: وأنتو أكثر هاا أخبارك
حنين عرفت إن الأخبار وصلتها أنحرجت: الحمد لله
إيمان: أساعدك؟
حنين: لاخلصت بس باقي لي ألبس تعالي معاي غرفتي
إيمان: عن أذنكم
أزهار-سديم: أذنك معك
إيمان وهي ترفع الفستان اللي ع سرير حنين: واااااو هذا اللي بتلبسيه؟
حنين: لا هذا اللي لبسته الأمس
إيمان: بشريني وش صار أمس؟
حنين: ماتتصورين ياخالتي كنت أذكر كل كلمة تقولينها لي مدري من وين جتني الجرأه ماتوقعت أني أكون كذا
إيمان: أهم شي ماتجيك الجرأه كثير
حنين فهمت قصدها: ههههههه لاتخافين
إيمان: الحمد لله يعني خلاص أنحلت المشكله
حنين: أنحلت وأنحل أبوها
إيمان بتريقه: عقبال أمها
حنين: لا أمها خليها عقب الزواج
إيمان: هههههههههههه كأنك صرتي ماتستحين بنت أختي كل هذا من الوناسه
حنين: ماتدرين يمكن "رفعت لها الفستان: وش رايك؟
إيمان: رهيييييب يلا ألبسي لاتتأخرين ع الرجال أخاف يتحمس وتصير أشياء
حنين: ههههه لا تخافين حتى لو تحمسنا نتحمس بحدود
إيمان: أي ع بالي بعد تحملين لنا من الخطوبه
حنين شهقت: بسم الله علي و على عمري لا تخليني أهلوس وأجلس مكاني
إيمان: هههههههه
حنين..جلسنا ضحك ومسخره أنا وخالتي وأنا أجهز وهي تساعدني وآخد رايها رن علي سيف ونزلت أركض ...
وافي بطناز: ماراح يطير الرجال شوي شوي
أنهار-إيمان: ههههههههههههههههههه
وافي: والله أنك مو هينه ياخالتي
إيمان: أفا عليك أعجبك
حنين..حقرت طنازهم ودخلت سيف المجلس جلسنا شوي نتغزل في بعض (^_^) وبعدها طقت علينا الخدامه الباب قالت أن الغداء جاهز رحنا غرفة الطعام جلسنا ع الطاوله جنب بعض ...
سيف بعد ملعقته وشوكته وعصيره ع جنب وقرب له ملعقة حنين وشوكتها وعصيرها ...
حنين حطت يدينها ع خصرها: لاوالله
سيف: مالي شغل تشربين من نفس الكاس اللي أشرب منه "مدلها الشوكه وفتحت فمها
نط عليهم وافي: ياسلااااام ياسلاااااام"قام يصفق ,, شوي وسوى نفسه مستحي قام يتغطى ببلوزته: أستغفر الله أستغفر الله
سيف وهو يضحك ع هبال وافي: تفضل حياك
وافي: أنا إنسان خجول مع السلامه
وافي..أنبسطت من قلبي لمن شفتهم والبسمه ع محياهم مدري ليه صفقت يمكن صحيح من الفرحه ماكنت حاس لنفسي ,, طلعت وأنا مفتشل من حركتي وش بيقول عني سيف ياربي أنا ماعرفت وش أسوي نادتني خالتي ...
وافي: هلا
إيمان: وش فيك صار لي ساعه أناديك
أنهار تساسرها: شكله شاف شي غلط
وافي سمعها لأن أذنه عندهم: ع قولت أنهارو "ومشى"
إيمان: هههههههههههه مادخل إلا في وقت غلط ,, قومي بس نروح الصالون وحشوني الصبايا ووحشتني سوالفهم
أنهار: يلاا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:22م في شقة ضاري...
أبو صقر: طيب ياضاري ماحاولت تتفاهم معاه؟
ضاري: أقول لك الولد قليل أدب أنا لو كنت حاط الطلاق كإحتمال من قبل فالحين أنا مصر عليه
أبو صقر بضيق: لاحول ولا قوة إلا بالله ,, أنا اليوم كلمته مو مقتنع يطلق
ضاري: في شي أسمه طلاق خلعي مو شرط يقتنع
أبو صقر: والله أنا ماودي في مشاكل وسين وجيم ,, وش رايك أكلم أبوه
ضاري: اللي تشوفه بتكلم أبوه كلمه
أبو صقر: إن شاء الله يقدر يقنعه بدون مشاكل
ضاري: إن شاء الله

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء التاسع عشر
((هذا الجزء
-بسام وعناده تتوقعون بيقتنع بالطلاق أو لأ؟
-رزان وموافقتها ع فيصل تتوقعون التحاليل بتطلع مضبوطه أو لأ؟
-حنين وسيف وتحسن علاقتهم تتوقعون شنو يتنظرهم؟
-سمانه ومصارحتها لخالد بأسرارها تتوقعون خالد عرف كل شي ولا في أشياء لسه ماعرفها؟
يعطيكم ألف عافيه
تابعونا
تحياتي))

.
.
.

وصلنا للنصف !!

شنو تعليقاتكم ع الروايه ؟!!

متحمسين تكملون أو لأ ؟؟!!

.:دانهـ العشآق22:.

مرآآآآآآآحب ..}ْ
الباارت مرة حلووو
ننتظر البااارت الجديد
تحياتي.. مجنونة وحلوة

مرحبتين غناتي مجنونه

عيووونك اللي مررره حلوووه

لا عدمناك يارب

مستعده تكملي للنهايه ؟؟!!

///

ذايب في هواهم

((الجزء العشرون))
بسم الله الرحمن الرحيم

((المستجدات في هذا الجزء
-توافق نتائج تحاليل رزان وفيصل وهالخبر فرح الكل وكلن مشغول في التجهيز للملكه
-أصرار أبو بسام وأبو صقر وضاري ع بسام أنه يطلق شهد وعناد بسام
-اليوم الخميس وكلن مشغول لأن بكرة ملكة عبير
تابعونا))

"عندماأحسب عمري
ربما أشتاق شيئاً من شذاكم
ربما (أبكي) لأني لا أراكم

إنما
في العمر يوماً
هوعندي كل عمري

عندما
أحسست أني
عشت بعض العمرنجماً في سماكم

أخبروني

بعدهذا ...

كيف أعطي القلب يوماً
لسواكم"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:33م في فيلا أبو تركيلا...
عبير..سكرت دفتري بجد صعبه أني بعد سنه أو شهور راح أودع بيتنا اللي عشت فيه طفولتي وضحكت وبكيت فيه ,, كنت مبسوطه وأنا أشوفهم يعلقون الزينه ع البيت ويزينون الصاله والعمال اللي رتبو الطاولات توهم طالعين وخواتي وبنات خواتي وأخواني كلهم موجودين ويزينون ويرتبون وينفخون البالونات وأنا أقوم معاهم شوي وأمي تجلسني تقول لي عشانك عروس أرتاحي أضحك من قلب على أهتمامها فيني ,, والأخوان مو مقصرين من يشوفوني سرحانه ولا شي يعلقون علي ...
جاسر اللي لاحض سرحان عبير قال بطناز: وؤل أقرأ دعاء الأستسقاء
جهان اللي ماتدري عن الدنيا: ليــه؟
وائل: عشان ينزل علينا مطر ههههههههههههههه
عبير..الدفشين قمت عنهم مو مخلييني في حالي أبد دخلت غرفتي وسكرت علي الباب وأنا أسمع تعليقاتهم وضحكهم وطنازهم ...
في نفس المكان بس في الصاله كان الأزعاج والفوضه وصوت المسجل والبالونلات مملي المكان ...
مشاعل تسولف مع جهان: مانزلت نهى؟
جهان: لاوالله ما أشوف اليوم الصباح بس سلمت وطلعت تلقيها مشغوله مع بيت خالتها
مشاعل: أي هي صايره في الوسط مطر ولد خالتها وعبير حماتها
لمى شاركتهم: المفروض تقسم نفسها بما أنها معانا في نفس البيت
جهان بقلة حيله: الله يهديها
نرجس جت لعندهم: ترى العروس جايه
لمى: مين حنون؟
نرجس: أيه ,, أتصلت لها قالت أنها بتكلم سيف يجيبها
مشاعل: ماشاء الله عليها حنين مع أنها توها عروس وتشاركنا أفراحنا عكس اللي عندنا بتكمل 15سنه في البيت ولا تشاركنا في ولا شي
أم تركي: مشاعل سمعتك سكري ع السالفه لاتنسين أن ولد خالتها بياخد أختك يعني المفروض تحسنون العلاقه
مشاعل ماحبت تناقش أكثر وغيرت السالفه: وين رانيوه؟
ليلى: توها رايحه البيت تجيب أغراض لعبور
نرجس: ياحليلها رنوش مبسوطه لعبور لاعبه الدور عدل في التجهيزات والحين وبكره في الرقص
جهان: هههههه عاد رنوش لهسوالف لاتوصونها
سيف اللي واقف ع الباب مع حنين: يالله يالله
عقب ماتغطو اللي يتغطون من سيف وتحجبو اللي يتحجبون قالت ليلى: تفضل أخوك
أم تركي-أم مشاري-أم فارس: أفضل الصلاة والسلام عليك ياحبيب الله محمد وآل محمد كلللللللللللللللللللللللللللللللللوووووووووووووش
البنات شاركوهم وقامو يسلمون ع حنين وسيف وبعدها جلسو وهم يسولفون مع حنين ويسألونها عن حالها وحال أهلها وهي تسولف معاهم ...
سيف: يلا أستأذن بروح أساعدهم ,, تآمريني بشيء حنين قبل أطلع؟
حنين بخجل: سلامتك
لمى تبي تحرجها أكثر: قولي أنتبه لنفسك أحلى
حنين بخجل: أنتبه لنفسك
سيف: ههههه طيب من عيوني ,, ما أوصيكم ع مرتي
أم تركي: في عيوننا بس أنت رووووح
سيف راح والكل ضحك ع طريقة أم تركي وهي تطرده: هههههههههه
حنين: أجل وين رنوش؟
أم مشاري: راحت البيت تجيب لعبير أغراض
أم فارس: ماشاء الله رنوش الكل مفتقدنها
أم تركي: من هالرجه قبل شوي راجه البيت رج شوي تشتغل معانا وشوي مع خوالها برا
حنين: هههههه تذكرني بأنهار أختي
أفراح: لاعاد أنهار هادئه
حنين: بس قدامك خليها تتعود عليكم شوي
مشاعل: زين يعني عندكم جو في البيت ع بالي كلكم هادئين
طلعت عبير مع بنات أختها من غرفتها وسلمت ع حنين ...
حنين: هلا والله بالعروس مابغينا نشوفك
جهان: ههههه مسكينه ماقصرو فيها
حنين: لازم ذقناها قبلك ياعبور ,, كيف النفسيه
عبير: مو عارفه وش أسوي أدخل وأطلع
نرجس: هههههههه الله يعينك ياقلبي
الكل: آآآميـــن
رن التليفون ردت أم تركي اللي تحاول تخليهم يهدأوون شوي عشان تعرف تكلم: هلا..........الحمد لله.............تمام والله...............ملكة عبير ماتدرين؟...........أيوة ع مطر الـ*****......."شهقت والكل سكت لشهقتها وطاحت من عندها السماعه والكل ألتمو حولها ...


:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:13م في فيلا أبو بسام ...
بسام: يبا قلت ماراح أطلق يعني ماراح أطلق
أبو بسام: بيدفعون لك اللي تبيه بس أنت طلقها البنت باعتك وأحنا ناس عندنا كرامه
بسام: أي كرامه يايبا صار لك أسبوع وأنت تزن ع راسي
أبو بسام: إذا تبيني أرضى عليك طلق البنت خل تروح في حالها لو بتغير رايها كان غيرت رايها لمن كلموها أمك وخواتك بس البنت عايفتك
بسام: أطلق ع شرط
أبو بسام: أشرط بنشوف آخرتها
بسام بعد تفكير طويل: أبي أكمل دراستي في أمريكا
أبو بسام: خلاص جاك بس ألزم ماعلينا كرامتنا الله يهديك
بسام: ومتى إن شاء الله المدام تبي ورقتها توصلها؟
أبو بسام: اليوم مو ناقصين مشاكل ياولدي الله يعوضك خير
بسام: خلاص مالك إلا طيبة الخاطر يبا
أبو بسام: يايبا مانبي مشاكل طلقها وكأنك ماعرفتها خليها تروح في حالها وأنت روح في حالك
بسام: إن شاء الله ,, بكرة من الصباح راح أروح المحكمه
أبو بسام: الله يهديك ياولدي ويرضى عليك
بسام..طلعت من البيت كله وكان نفسي الله ياخد روحي وأطلع من هالدنيا ماكنت متصور أبداً أني أطلق شهد أنا سويت اللي سويته عشان أعاقبها أو بمعنى أصح أنتقم لنفسي للحين مو مستوعب أن شهد تخونني لكن كل شي واضح خلاص هي ماعادت تبيني يمكن هالشي لصالحي عشان ما أعيش طول عمري مخدوع مع إنسانه تخونني الله يصبرني وأتناساها آآآآه صعب علي أني أطلقها صعب وربي ,, طلبت من أبوي أني أكمل دراستي في أمريكا عشان أقدر أعيش حياتي هناك , هنا حتى الشوارع تذكرني فيها كل مكان يذكرني فيها كل ذكرى لي معاها أحلى من الثانيه لكن وش فايدة الذكريات إذا هي تخونني ظليت أفتر في الشوارع مو عارف وين أروح أبي حد يقول لي يفهمني اللي سويته صح أو غلط؟!! ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 5:36م في شقة خالد وسمانه ...
سمانه وهي تبخر خالد: أدعي لي
خالد: إن شاء الله أكيد بدعي لك ,, إلا أقول سمسوم تعالي معاي ترى المسجد فيه قسم نساء
سمانه تتهرب: لا الحين يبي لي أتحمم وأبدل ملابسي
خالد: توك متحممه وإذا ع تبديل الملابس أنتظرك
سمانه نزلت راسها: ما أقدر أروح معاك المسجد
خالد توه مستوعب: كان قلتي من البدايه ياشيخه ,, يلا مع السلامه
سمانه..وصلته للباب ياربي فشلة كنت أسمع البنات يقولون لي عن مواقف كذا مع أخوانهم لكن أنا ماعشت مثل علاقة كل الأخوان مع بعض ,, توني الحين أعيش الأخوه ومع مين مع زوجي لفتت نظري كلمة زوجي فز لها قلبي أي زوجي ليه أنكر هالشي وأنا مهما أنكرت أو تناسيت أنه زوجي ما أقدر أغير الحقيقه خالد زوجي ,, شغلت التلفزيون أبي أشوف شي شاهدت شوي وبعدها فتحت شنطتي عدت ع مذاكرتي ما أبي مستوايي يتغير سمعت صوت طق ع الباب ...
سمانه: مين؟
غدير: أفتحي الباب أنا غدير
سمانه: هههههههه هلا وغلا
غدير: وش تسوين؟
سمانه: والله طفشانه أفتح كتاب وأسكر كتاب من الطفش
غدير: ههههههه طيب ليه ماتنزلين لنا؟
سمانه ماعرفت شنو تقول: لا بس خفت أنكم مشغولات ولا شي
غدير: حلوة هذي مشغولات قومي بس قومي أنزلي معاي
سمانه: لا غدور خلينا نجلس هنا أنا تعبانه
غدير: أوكي بتصل ع سحور والجوهرة يجون معانا
سمانه..الحمد لله أني قدرت أقنع غدير أنهم يجلسون معاي في الشقه ,, ماحبيت أقول لها أنا ما أرتاح لنظرات أخوها عمر مهمها يكون هو أخوها وأكيد أنها ماراح ترضى عليه سولفت مع البنات وونسوني لين ماطلعو لأن خالد أتصل قال لي إذا أبي شي ولا شي لأنه ع وصول ضليت أنتظر خالد وصل وأبتسمت له ...
سمانه: تقبل الله
خالد: منا ومنك صالح الأعمال
سمانه: كيف كانت المحاضرة
خالد: روووعه إن شاء الله مرة ثانيه آخدك معاي
سمانه: إن شاء الله "سكتت فترة"
خالد: سمانه فيك شي؟
سمانه: لا بس اليوم طارق أرسل لي رساله
خالد: طيب وش رايك أغير رقمك أريح لك؟
سمانه: مدري أخاف إذا غيرته يعرفونه عاد أنا أظل طول عمري أغير في رقمي
خالد: مو شرط تعطينهم الرقم خليه بس أنا وأمي وخواتي وأبوك إذا بغاك يقدر يتصل لي
سمانه: مدري اللي يريحك
خالد: خلاص إن شاء الله بكره رجعتي من الشركه أطلع لك رقم جديد عطيني جوالك الحين
سمانه بإنصياع: تفضل
خالد: وش طابخه لنا اليوم سمسوم؟
سمانه: الحلى اللي يحبه قلبك دقايق وأكون عندك
خالد..أبتسمت ع برائتها عن مزحه أقول لها سوي لي حلى هي تسوي عن جد ,, حمدت ربي مليون مرة لأن أمي أنسانه متفهمه ماتخلي سمانه تطبخ لأنها لسه صغيره لكن سمانه ماشاء الله عليها ذوق رجعتها من المدرسه تنزل تساعد أمي وإذا سوت الغداء أو أي طبخه في الويك آند لازم تنزل لأمي تذوقها ...
سمانه: لاحول لمتى بضل واقفه
خالد: ههههه سوري سرحت شوي
سمانه: اللي ماخده عقلك تتهنى به
خالد..والله محد ماخد عقلي غيرك الله يقدرني وأسعدك ,, أكلت من الحلى اللي سوته وأنا مستمتع بطعمه يمممممـ صدق أن الحلو مايجي منه إلا الحلو ^_^...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:12م في فيلا عبد العزيز ...
دانا بطفش: رزانوه والله إذا ماتقومين معي ما أدخل بيتكم
رزان: دانوه حرام عيك أستحي
دانا: وش فرقت يعني توك تتعرفين علينا أنتي؟
رزان: لابس الحين غير
دانا: لو فيصل موجود في البيت عذرتك بس مافي إلا أحنا مقابلين وجهك 24ساعه وتستحين منا
رزان: تخيلي كأني مفجوعه ماصدقت تخطبوني أنام في بيتكم
دانا: ياناس الله يعين أخوي ع هالبنت ,, الحين بتروحين معي ولا لأ؟
رزان: لا طبعاً
دانا: أفففففف عنيد هالبنت عنيده شكلك مابتدخلين بيتنا إلا بعد الزواج
رزان: دانوه تونا راجعين من السوق وراسي مفتر وأفتر أكثر من حنتك
دانا: طيب أنا ماراح أنتظر العشاء بروح بيتنا
رزان بنبره تكسر الخاطر: دانوه لاتخليني بظل في البيت بروحي
دانا: لاحول بيطردوني خالي وعمتي منك كم أسبوع صار لي معاكم
رزان: طيب مو يقولون الصديق وقت الضيق أردها لك في الأفراح
دانا غمزت بخبث: في الأفراح ها بتنامين معانا بس مو في غرفتي
رزان ضربتها: أفكارك سوداء مثلك
دانا: هههههههههههه "سمعو صوت ناصر يناديهم ,, دانا بصراخ: هلا بابا
ناصر: هلا والله بنتي ترى العشاء جاهز تعشو عشان أوصلكم البيت وأنا رايح الشركه
دانا سحبت يد رزان ومشت معاها الدرج تنط فيها 3درجات في نفس الوقت ورزان مسلمه أمرها لله ...
مها ضحكت ع شكل رزان: هههههههههههههههههه ياقلبي رزون مرة وحدة مسحوبه
ناصر: هلا هلا هلا باللي ماتبينا
عبد العزيز: هلا ببنتي اللي منخشه عنا
ريهام: هلا بأختي اللي ماتنشاف
هنادي: هههههه هلا بالقمر المستحيه منا
مريم جت لرزان من وراء وباستها في خدها: كيفك ماما؟
رزان أستحت ع ترحيبهم وحمرت ردت البوسه لأمها: بخير ماما الحمد لله
عهد: مرت أخوي أنا هنا
رزان أبتسمت بخجل: هلا عهوده
ملاك: هنا هنا رزون أنا
رزان راحت جنب ملاك سلمت عليها وعقب ماتأكدت أنها سلمت ع الكل جلست جنبها: هلا وغلا ملوكه
روابي: خالتي ردان ماما بتستري لي فثتان لمكتك "نطت في حضنها"
ريان بغيره وهو يضربها ع فخدها: أزان أزان "رزان حطته ع رجلها"
هنادي: هههههه من الحين ريانوه لزق في مرت خاله
عبد العزيز: تعالو تعالو خلو بنتي تآكل
رزان: عادي بابا آكل خليهم جالسين
مها: تتدرب عشان في المستقبل إذا صار عندها أولاد
مريم: متى ياربي الله يبلغنا ونشوف أولادها ملتمين عندها يارب
الك: آآآآآمـــين
فضيله: خلو البنت تآكل وجهها راح من الحياء هي ياذوبها تنزل تسلم تحرجوها
ناصر: أنا زعلان على رزان
رزان: ليه خالي ماعاش اللي يزعلك
ناصر: كذا التغلي كلهم يجون البيت إلا أنتي لهدرجه مانستاهلك
رزان نزلت راسها: تعرف خالي أمتحانات وثالث....
ريهام قاطعتها: وحيا
الكل: هههههههههههههههههههههه
هنادي: أخبارك مع التجهيزات؟
رزان: الحمد لله
مريم: بعد قلبي بنتي تجهز لي ولها
رزان وهي تعدد ع أصابعها: أفااا عليك كم غاليه وحنونه وتجنن ومحد في الدنيا يسواها ,, كم أم عندي أنا!!؟
مريم باستها: والله مو عارفه كيف بتروحين عني
هنادي..ناظرت في رزان وعمتي مريم كيف يتمازحون ويسولفون بصراحه قليل إذا شفت بنت علاقتها بأمها كذا ما شاء الله عليهم ,, عمتي مريم محبوبه عند الكل كبير وصغير حتى راشد وسوالفه ومزحه معاها وربي أنهم يونسون ...
دانا: هناااااااادي
هنادي: هلا
مها: تكلمك دانوه وش فيك؟
هنادي: سرحت شوي
ريهام: اللي ماخد عقلك...
الكل: هههههههههههههههه
هنادي: ماعليش دنووووش ما أنتبهت لك ,, آمري عيوني
دانا: أقول لو في الملكه نخلي أمي وعمتي يطقمون
هنادي: حلووو بشرط يكونون جلابياتهم ع ذوقنا
ريهام: بصراحه الجلسه مو شي بدون رؤى حاسه أن شي ناقص ريوف وصراخها
مريم: أتصلت لها شوي وبتجيب لي ريوف
هنادي: ماشاء الله عليك ياعمتي أمس بطوله وأنا أحاول معاها أبي ريوف تنام معي ولا لانت كيف قدرتي تقنعينها
عبد العزيز: هذي الغاليه من يقدر يردها
مها: أي والله تصدق خالي حتى أسامه يلين إذا قلت له عمتي مريم قالت ع قولته مقدر أرد طلب لأم فهد
فضيله: حتى راشد أذبح عمري عليه عشان يجي ينام مع فيصل وفهد بالموت يرضى بس إذا كلمته أم فهد طوالي يرضى
عهد: وطلعاتنا لازم ندخل عمتي مريم في السالفه عشان يقتنع أبوي
ملاك: عطينا المقادير عمتي
مريم: تفتفتفتفتفتفتفتفتف بروح لشيخ يقرأ علي لاتصكوني بعين
ناصر: ههههه صايره العروس يمدحونك وش عليك
هنادي: سر المهنه ياملاك
مها تأشر ع ملاك: أنتي آخر وحده تتكلمين لمن كنا في المدرسه نذبح عمرنا نبي نغيب لا ماما ولا بابا يلينون وأنتي مدري كيف تقنعينهم
ريهام: هالجيل كلهم ورزان ودانا من نفس الطينه ,, أخف وحدة فيهم يمكن عهد
فضيله: والله أنتو ع زمنكم غير وهم غير
هنادي: لازم ع النهايه تدليع
قطع نقاشهم عبد العزيز: يلا أستأذن تآمروني بشيء؟
الكل: سلامتك
ناصر: يلا اللي بيروح معي في طريقي "لف لرزان: يلا ليه مالبستي عبايتك؟
رزان: بجلس مع أمي
ناصر: عن التغلي يلا ألبسي عبايتك بيتنا صاير ظلمه من زمان مانورتينا
عهد: صح رزون تعدلي معانا عشان بكره ملكة عبير نروح سوا
مريم: يلا رزون روحي مع بيت خالك مو حلوة تردينهم
هنادي بخفة دم: ههههههههه رزون عمتي تبي تفتك منك
رزان: هههههههه صح ماما ؟
مريم: لا ياقلبي بس غيري جو شوي روحي أنبسطي والصباح بتكون معي ريوف
فضيله: مانضرب رزون يلا قومي
رزان..أستحيت ع وجهي كلهم يحاولون يقنعوني مو حلوة أردهم في نفس الوقت مدري كيف أحس بعد شهرين وشوي ملكتي أحس فشله أروح بيتهم اللي في كل مكان فيه موجود صورة له وكل زاويه فيه لي معاه ذكرى حلوة معاه ,, جهزت ملابسي والميك آب ونزلت ع السريع ركبت السيارة طول الوقت كنت سرحانه وأفكر كيف بدخل بيت عمتي وكأني أول مرة أدخل هي مو أول مرة بس هالمره غير ,, دخلت وأنا أسمي بسم الله مدري ليه حسيت أني مو قادره أرفع راسي دخلت وجلست ع كنب الصاله شفت صورته قبالي نزلت راسي ,, رفعت راسي شفت البنات يتطنزون علي وعمتي وخالي راحو ينامون ...
ملاك: ههههههههه الظاهر أن الأخت تتخيل نفسها جالسه معاه من جد
دانا: بعرف بس هذي كيف ليلة الملكة إذا الحين الصورة قدامها مستحيه منها كيف ع الطبيعه وجهاً لوجه!!
رزان: دانوه لاتذكريني أتوتر
دانا شافت حياها وقالت بخبث: تخيلو لو فيصل يسوي لنا مفاجئه وينزل اليوم البيت
عهد: هههههههههههه حلوة أتخيل رزون طول هالفتره منخشه ولمن جت بيتنا وأخيراً يجي فيصل
ملاك شافت توتر رزان: خلاص أعقلو لاتروح بيتهم مشي مو ناقصين مغامرات
دانا: أتخيل يصير فلم آكشن تركض وتطيح جزمتها((تكرمون)) ويلحقها فيصل وإذا وصل لها يلبسها وياها
الكل: هههههههههههههههههههههههههههههههه
عهد: ياشيخه زين إذا ماجاب الشيخ يملك فيهم
ملاك: والله هذا فصول مغامراته أعظم من عدنان ولينا تتوقعين منه كل شي
رزان بخوف: أبي أروح بيتنا
دانا حركت حواجبها بخبث: قفلنا الأبواب
رزان تنهدت وبصوت واطي: يعني مايقدر يدخل
ملاك: ههههههههههههههههه بنت خالي الذكيه فديتها
عهد: أفسخي عبايتك مافيه حد ولا صدقتي أن فصول بيجي
رزان وهي تفتح أزرارات عبايتها: صاير بيتكم غير
ملاك: لأنك عروس طالع النور غير شكل
رزان: لاتذكروني ينمغص بطني
عهد: ههههههه صحيح خلو بنت خالي تعيش العزوبيه لآخر قطره
دانا: خخخخ حلوة لآخر قطره كلها شهرين وشوي وتودع العزوبيه
بهبال كانو عهد ودانا جالسين وفي الوسط بينهم رزان وقبالهم ع الأرض دانا ويخططون للملكه والآكشن ورزان مستحيه .. رزان تناديهم مايجاوبونها مندمجين جلست بالعرض بحيث أنهم مايشوفون بعض راحو يكملو سوالفهم من وراء ظهرها وهي تتلقى الضربات مع الحماس ...
عهد وهي تبعد ظهر رزان: يااااخي هذي قطعت علينا سوالفنا صايره الحاجز بيننا لو نقومها يكون أحسن
دانا حطت يدها عند صدر رزان ودفتها ع الكنب بحيث أنهم يشوفون بعض ويكملون سوالفهم ...
"وجلسو ضحك وهبال ومثلكم عارف سهرات البنات وسوالفهم لين ماقامو يتثاوبون ...
عهد: يلا خل ننام من الحين عشان نروح السوق من الصباح يآآآآآه يازين طلعة الصباح إلى غير المدرسه
دانا: اللي يسمعك يقول أنا بنام أصلاً يصرفنا نروح السوق مواصلين ورجعتنا ننام وإذا صحينا نروح ملكة عبور
رزان: صحيح خل نتصل ع رنوش أكيد الحين قالبه الدنيا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:00م في فيلا أبو تركي ...
حنين..كلنا مصدومين محد عارف كيف يتصرف الموقف صعب ,, معقول في ناس بهالقساوه وأحنا نزين للمكله نسمع من الجيران أن الولد ملكته الأسبوع الجاي ومحد منهم كلف عمره يقول لنا حتى مرت أخوهم اللي معاهم في البيت!! ,, جلست مو عارفه كيف أتصرف شفت عبير المصدومه رايحه لغرفتها وأم تركي ع الكنب والكل حولها يهدونها والرجال اللي يزينون برا كلهم دخلو المجلس الكل كان في حالة صدمه وذهوووول محد حسب حساب هالشي ,, فكرت في سيف ياقلبي أكيد متضايق تذكرت كيف كان يسولف معي وأحنا في السياره عن سوالفهم هو مع عبير لمن كانو صغار وأنه مو متخيلها عروسه جت جنبي نرجس حسيتها أنقدتني قمت معاها ...
في نفس المكان ,, مشاري..صدمه محد حسب لها حساب البيت قبل ساعات الفرح يملي أجوائنا لاكبير ولا صغير الكل مبسوط لملكة عبير دلوعة الكل اللي الكل يشوفها صغيره فجئه كذا كل شي ينتهي,, كلهم دخلو داخل المجلس أنسدت نفسنا حتى عن الأكل اللي توه واصل ,, جلست أفك الزينه اللي علقناها ع البيت لاتشوفها عبير ينكسر خاطرها ,, أنتبهت لرانيه داخله ناديتها قبل تدخل تشوف الوضع وتنصدم ع الأقل أمهد لها ...
مشاري: رانيه
رانيه: هلا أبو نور
مشاري يحاول يبتسم: هلا والله رنوش
رانيه بمزحها المعتاد: ليه تشيل الزينه لايكون الهيئه خالك حرم الزينه
مشاري ضحك بدون نفس: رانيه بقول لك شي
رانيه وكأنها حست بشي قالت بخوف: شنو؟
مشاري: أنتي كبيره يارانيه وعارفه أن كل شي قسمه ونصيب
رانيه تأكدت أن في شي: مشاري تكـــــــلم عبير وش فيها؟
مشاري: مافيها إلا العافيه بس
رانيه: حرقت أعصابي بس شنو؟!!!!!
مشاري: مالها نصيب مع الولد
رانيه من الصدمه تسندت ع الجدار والأكياس طاحت من يدها: مشاري أكيد تمزح
مشاري: ياليتني أمزح
رانيه دمعت عينها: طيب كيف وليش!!
مشاري: مدري يارانيه علمي علمك بس وحدة من الجيران أتصلت لأمي وقالت لها أن الولد ملكته أسبوع الجاي كلمنا أهله وللأسف الخبر طلع صحيح بمعنى أصح ألغو كل شي بدون لايبلغوننا
رانيه صرخت: كله من اللي ما تتسمى مرة خالك عارفه أنها ماتحب عبير ولا تتمنى لها الخير كنت حاسه أن في شي بيصير
مشاري حاول يهديها: رانيه صيري عاقله أهدي عشان جدتي وعبير كلهم متضايقين بس هالشي قسمه ونصيب ماله داعي تبكين
رانيه: كيف ما أبكي خالتي وحبيبتي أشوفها مبتسمه وبهالسهوله يجي من يخرب فرحتها وينتزع بسمتها وما أبكي
مشاري: اللي صار صار والبكي ماراح يغير شي أدخلي داخل هدي جدتك سولفي مع خالتك الله يعوضها إن شاء الله
رانيه: ما أبي أدخل أبي أروح البيت وصلني كيف أقدر أدخل وما أشوف الإبتسامه ع وجوههم !! كيف أدخل وأشوف الزينه معلقه وكل شي أنتهى
مشاري: رانيه حبيتي هدي حالك أمسحي دموعك وغسلي وجهك عشاني أنا ولا مالي خاطر عندك
رانيه: تكفى مشاري وصلني البيت
مشاري: يعني أخوك الكبير ماله خاطر عندك؟!!
رانيه: صدقني مشاري ما أعرف أتصرف في هالمواقف
مشاري: ماعليه رنوش عشان أخوك بتصل لنرجس تجي لك عند الباب طيب؟
رانيه بقلة حيله: طيب
رانيه..تضايقت بجد ماتوقعت هالشي يصير ياقلبي عبورة الله يصبرك شفت حنين ونرجس جايين لعندي بعد ماسلمت عليهم مسكتني نرجس من يدي وسألتها ...
رانيه: كيف عبير؟
نرجس: توه الحين الوضع أستقر نوعاً ما بدأنا نسولف بس عبير في غرفتها
رانيه طاحت دمعه من عينها: أكيد متضايقه
حنين مسحت دمعة رانيه: أفا عليك رنوش أهدي لازم تكونين أقوى من كذا إذا أنتي تبكين وش خليتي لعبير صيري هادئه وأدخلي سولفي مع عبير ونامي معاها الليلة هي محتاجه لك الحين
نرجس: صحيح رنوش أدعي إن الله يعوضها ,, الحمد لله أنها أفتكت منه من الحين إذا هذا أوله ينعاف تاليه
رانيه..عقب كلام حريم أخواني اللي ينحطون ع الجرح ويبرى دخلت سلمت ع خلاتي كانو طبيعيين يسولفون لكن ماخفى علي الحزن اللي في عيونهم حتى أنا كنت بارده مالي خلق ضحك وطناز حاسه أنه مو وقته ,, أذن وتوزعو خلاتي ناس راحو يصلون وناس طلعو وجدتي راحت غرفتها ترتاح وأنا رحت أصلي خلصت صلاتي ورفعت كفوفي دعيت ربي أنه يسوي اللي فيه الخير لنا ولجميع المؤمنين والمؤمنات ويصبر خالتي عبير ويعوضها خير ,, ذكرت أن الليلة الجمعه فتحت كتاب الأدعيه وقرأت الدعاء بخشوع ...
حنين..دخلت الغرفه وأنا أسمعها تقرأ آخر مقطع من الدعاء ...
((فَإِلَيْكَ يارَبِّ نَصَبْتُ وَجْهِي ، وَإِلَيْكَ يارَبِّ مَدَدْتُ يَدِي ، فَبِعِزَّتِكَ أَسْتَجِبْ لِي دُعائِي ، وَبَلِّغْنِي مُنايَ ، وَلاتَقْطَعْ مِنْ فَضْلِكَ رَجائِي ، وَاكْفِنِي شَرَّ الجِنِّ وَالاِنْسِ مِنْ أعْدائِي . ياسَرِيعَ الرِّضا إِغْفِرْ لِمَنْ لايَمْلِكُ إِلا الدُّعأَ ،فَإِنَّكَ فَعَّالٌ لِما تَشأُ ، يامَنْ إِسْمُهُ دَوأٌ ، وَذِكْرُهُ شِفأٌ ، وَطاعَتُهُ غِنىً ، إِرْحَمْ مَنْ رَأسُ مالِهِ الرَّجأُ وَسِلاحُهُ البُكأُ ، ياسَابِغَ النِّعَمِ ، يادافِعَ النِّقَمِ ، يانُورَ المُسْتَوْحِشِينَ فِي الظُّلَمِ ، ياعالِماً لايُعَلَّمُ ، صَلِّ عَلى مُحَمَّدٍ وَآلِ مُحَمَّدٍ ، وَأَفْعَلْ بِي ماأَنْتَ أَهْلُهُ ، وَصَلَّى اللّهُ عَلى رَسُولِهِ وَالاَئِمَّةِ المَيامِينَ مِنْ آلِهِ وَسَلَّمَ تَسْلِيما))
رانيه..قفلت الكتاب وأنا أحس براحه عقب ما خلصت من الدعاء ضميت الكتاب لصدري ,, رفعت راسي أنتبهت لحنين أبتسمت لها ...
حنين: تقبل الله
رانيه: منا ومنك
حنين: كان قلتي أنك بتقرأين الدعاء كان أجي أسمعك
رانيه: وش دعوه تسمعيني صوتي مو حلوو
حنين: بالعكس شي رهيييييب
رانيه: تسلمين ,, عبير طلعت من غرفتها؟
حنين: لاوالله للحين ما أشوف عسى بس دعيتي لنا
رانيه: أكيد وأنا أقدر أنساكم
حنين: الله يخليك لنا
رانيه: طلعو خلاتي؟
حنين: مو كلهم أم فارس ومشاعل وأمك هنا والباقي طلعو وخواتك وبنات خالتك أم فارس كمان موجودين
رانيه: تأقلمتي ع الوضع مع خلاتي وبنات خالتي
حنين: أي ماشاء الله ينحبون كأني أعرفهم من زمان
رانيه: من ذوقك ,, حنين أبي أروح لعبور بس مو عارفه كيف أقابلها
حنين: إذا كنتي متوتره وماتقدرين تمسكين نفسك لاتروحين لها حاولي تهدأين وبعدين روحي لها
رانيه: أيه أنا قلت بروح لها إذا طلعو كلهم
حنين: أيوة كذا خليك قويه
رانيه: ههههه نقوم الصاله نجلس معاهم؟
حنين..رحت مع رانيه الصاله ياحليلها هالبنت ع ضحكها وهبالها إلا اني أكتشفت اليوم أكتشاف خطير أنها حساسه بالمره ,, جلسنا في الصاله كنت أحس أني جالسه مع أهلي كانو يتكلمون بدون قيود كنت جاسه بين لمى ورانيه سمعت صوت رجولي ماميزته تغطيت وعدلت جلستي ...
فتحي: السلام عليكم
محد رد السلام غير أم فارس-أم مشاري: وعليكم السلام
فتحي ببرود: من ميت عندكم؟
مشاعل بتأفأف: أعوذ بالله من الشيطان الرجيم
فتحي: خير وش صاير ؟!!
أم فارس وقفت له بهدوء: ياخوي اليوم كنا نزين لملكة عبير وسمعنا أن مطر خطب والأسبوع الجاي وملكته
فتحي بنفس البرود: خير يعني الرجال يبي يخطب !!
أفراح قامت بعصبيه: شنو اللي الرجال يبي يخطب ع الأقل يقولون لنا يعطونا خبر مو يخلونا تحت الأمر الواقع وأحنا نزين ومبسوطين يصدمونا
فتحي: مو ملزومين يقولون لكم أهم شي العروس والمعرس يدرون الله يبارك لهم هذا بدال ماتفرحون لهم
ليلى بطناز: أبشرك راح أكون أول الحضور وراح أرقص في ملكتهم "قامت وقفلت وراها الباب بقوووة"
فتحي: صدق ماعندها أحترام لخالها ماكأني أكبر منها يما فيها شي لو الولد يبي يخطب؟
جهان اللي كانت قباله: ياخي أفهم محد معترض ع خطوبته الله يبارك له بس أحنا معترضين ع الطريقه اللي وصلنا فيها الخبر
فتحي مسك يدها وقال بحده: قصـــري صوتك
جهان: آآآه أترك يدي
فارس دخل ع صرخة جهان مسك يد فتحي وقال: بعد عن أختي
فتحي: أوووو خريج فرنسا وصل ,, لايكون أنت يامثقف معترض ع الطريقه
فارس: خالي لو سمحت أحترم حالك ما أبي أغلط لأنك أكبر مني
فتحي طلع بعصبيه وهو يتحرطم: يعني الولد بيخطب لازم يستأذن منهم
فارس قرب من جهان: جهان توجعك يدك؟
جهان وهي شوي وتبكي: لا "طلعت جوالها من شنطتها"
أم تركي: يايما ياجهان لاتطلعين من بيتنا زعلانه
جهان أبتسمت غصب عنها: كلي راضيه عنك يا أغلى الغاليات بس تعبانه شوي بروح بيتنا أنتظر ثامر
أم مشاري: أنتظريه هنا أنا ياذوبك تقومين ماعليك من خالك
جهان بكذب: باخد لي أغراض من البيت "وطلعت"
أم فارس: فارس يما ألحق أختك هي حامل ماتصلح لها لعصبيه
فارس..طلعت وراء جهان وأنا من جد معصب وش هالخال اللي مايبرد قلب حد ,, والله زين سوت جهان يوم طلعت لاتدخل العقربه مرته وترمي عليها كلمة من هنا ولا من هناك ,, شفتها وافقه عند الباب عرفت أنها ناسيه المفتاح فتحت لها الباب ودخلت وراها ...
فارس: لا تضايقين نفسك ولا شي
جهان: بالعكس أصلاً كنت حاسه أن الكل ظالم خالي فتحي ومرته ع كلامهم عنهم واليوم تأكدت أن الكل ع حق وما أعتب عليه إذا هذي سوايا مرته في أخته وهو ساكت
فارس: جدي حده متضايق
جهان: من اللي مو متضايق يافارس خليها ع ربك الله يعوضها إن شاء الله
فارس: إن شاء الله ,, كيفها عبير؟
جهان: من سمعت الخبر دخلت غرفتها بهدوووء وللحين ماطلعت
فارس: الله يعينها "قال يغير الموضوع: كيف البيبي؟
جهان: الحمد لله يسأل عن خاله
فارس: هههههه خاله بعد يسأل عنه ويستناه يشرف
جهان: يلا مابقى شي "رن جوالها وقالت تستأذن: يلا جا ثامر
فارس وقف معاها وأخد شنطتها يوصلها لها: الله يسلمك مو تضايقين نفسك
جهان: تطمن عطيني شنطتي
فارس: بوصلها لك وبسلم ع ثامر بالمره
في نفس المكان في سيارة سيف ,, حنين..ركبت السيارة محتاره مو عارفه وش أقول لو من وين أبتدي سلمت وأحترمت سكوت سيف شفت عيونه تايهه وباين أنه متضايق حطيت يدي ع فخده وقلت...
حنين: حبيبـــي
سيف: همممـ
حنين: الله يعوضها خير إن شاء الله لاتضايق نفسك
سيف: إن شاء الله
حنين..خيم الصمت السيارة مرة ثانيه لفيت وجهي شفت سيف لاف عند بيتنا أستعديت عشان أنزل من السيارة وقبل أسكر الباب دخلت نص جسمي وحطيت يدي ع يد سيف وقلت...
حنين: في أمان الله حبيبي ,, أنتبه لنفسك لاتسرع
سيف..هزيت راسي لها وأنا مبتسم ع أهتمامها فيني وخوفها علي الله لايحرمني منها ,, لفيت الدركسون للبيت وأنا أحس نفسي تعباااان من رجعتي من الدوام وأنا في بيت جدي أساعدهم والخبر صدمنا ,, يلا الله يعوضها خير ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:30م في فيلا أبو تركي ...
جاسر..بعد ماجلست في المجلس وأنا أغصب نفسي ع الكلام أنتهت الجلسه ع خير والحمد لله ,, توزعو أخواني ورجال خواتي وأبوي دخل يرتاح وأنا دخلت البيت كلهم طلعو مافيه إلا مشاعل ورنوش موجودين في الصاله سلمت عليهم ورحت لعند غرفة عبير طقيت الباب مرة ومرتين وثلاث ماردت خفت وقمت أوسوس فتحت الباب لقيته مفتوح شفتها ع السرير ضامه رجلينها لصدرها بصت وسرحانه ناديتها ...
عبير بصوت مبحوح: هلا جاسر
جاسر: ممكن أدخل؟
عبير وهي تتحاشى تناظر في عيونه: تفضل
جاسر جلس قبالها ع السرير: عبير تبكين!!!!!
عبير..ماتحملت سؤاله طول الفتره اللي راحت وأنا أضغط ع نفي بالقوة ماسكه نفسي لا أبكي , كنت أسمع تعليقاتهم ع الموضوع وتهديأهم لأمي والكلام اللي قاله فتحي مع كل كلمه ينزف جرحي أكثر لقيت جاسر ضامني لصدره وهو يهدأني ...
جاسر..صعب علي أشوف أختي اللي هي روحي الثانيه أقرب إنسانه لي تبكي!! ماتحملت دموعها ضميتها لصدري كان نفسي أسوي أي شي عشان لاتطيح دمعه من عينها كان ودي لو أقتل هالمطر ولا أشوف دمعه في عين عبير قلت أهدأها ...
جاسر: ماعليش حبيبتي الله يعوضك خير الحمد لله أن أحنا عرفناه من البدايه أنه كذا قبل ترتبطين فيه
عبير وهي تشاهق في البكي: جاسر محد فاهمني محد فاهم شعوري الكل ع باله أني أبكي لأني أبي أتزوج "سكتت هي تشهق في البكي"
جاسر بحنان: فضفضي أنا جاسر أخوك أسمعك
عبير وهي لازالت تشاهق في البكي: جاسر أنت أكثر واحد عارف أني ترددت كثير في هالموضوع لأني مو مستعجله ع الزواج ولأني ما أبي أتقرب من نهى أكثر
جاسر: هذي نهى ماتحس دام الشي جا من طرفها الحمد لله أنك تخلصتي منه قبل تتقربين منها أكثر
عبير: مو سالفة أتقرب منها أكثر أو أني مستعجله ع الزواج أنت لو تفكر فيها تخيل الناس اللي عزموهم والزينه المعلقه ع البيت في دقايق كل شي ينتهي ومحد يعرف شنو السبب , الكل بيجي في باله أنه سمع عني شي ولا وش اللي خلاه ينهي كل شي خلال يوم وليلة الكل راح يشك فيني
جاسر ضمها مرة ثانيه: خلاص حبيبتي أهم شي أنتي واثقه من نفسك والناس ماترضى ع شي وتدور شي تتكلم عليه , أنسي السالفه وتخيليها حلم مزعج وكأنك صحيتي منه مثل الحلم تصحين منه وكل شي ينتهي
عبير: إذا أنا تخيلتها حلم ونسيت تتوقع أن الناس بيتخيلونها حلم وبينسون!!
جاسر: عبير حبيبتي لاتفكرين بس في نفسك ولا بس في كلام الناس فكري في أمي وأبوي وخواتي وبنات خواتي كلنا نحبك وبنتضايق إذا شفناك متضايقه صيري عبير الحبوبه المرحه اللي شوفتها مبتسمه تبهج القلب
فتحي فتح الباب وناظرهم من فوق لتحت وقال بعصبيه: وين جالسين حنا!! ضامها وشوي وتنام معاها أستح ع وجهك رجال وش طولك وش عرضك تغلط مع أختك
جاسر قام بعصبيه: كلن يرى الناس بعين طبعه , وبعدين رجال وش طولك وش عرضك تشك في أخوانك أختي متضايقه جلست معاها أهديها فيها شي؟
فتحي: لا ياحلوو ياخوفي بس تشوفها مرة ثانيه متضايقه و........
جاسر صرخ فيه وهو رافع يده: أحترررررررم نفسك ع الأقل أستح ع وجهك حس لأختك اللي قبل ملكتها بيوم يوصلها خبر أن اللي خاطبها الأسبوع الجاي ملكته كله يهون إلا مرتك العقربه اللي معانا في البيت ولا فكرت حتى تعطينا خبر أن بيت خالتها ألغو الموضوع
مشاعل ورانيه سمعو الصراخ وراحو عند غرفة عبير , دقايق وأبو تركي وأم تركي جو وراهم ...
أبو تركي: بــــــــــــــــــــس
فتحي: يبا هذا ولدك مو محترم نفسه يغلط علي وعلى مرتي , غير جلسته مع "وهو يأشر ع عبير: هذي وكأنها مرته
أبو تركي: هذا كلامك لي وأنا أبوك أحترم الشيب اللي في راسي تتهاوش مع أخوانك قدامي وكأني بزر ماله أحترام تخليني أغلط عليك وأهزأك وأولادك صارو طولي "فتحي طلع وقفل الباب وراه بقوووه"
جاسر باس راس أبوه: آسف يبا وحقك علي
أبو تركي: لا تتأسف ولا شي ياولدي
جاسر: راضي علي يالغالي؟
أبو تركي: هو أنا أقدر أزعل
مشاعل قالت تغير الجو: قام يتغزل أبو تركي أطلــــــــع يالغزل
أم تركي: هههههه وكيفها بنتي الصغيره؟
عبير أبتسمت: الحمد لله
مشاعل وقفت جنب جاسر: ضاع كرتنا ياجسور
رانيه: ههههههههههه دورنا أنا وعبورة نتدلع أنتو شيبتو
عبير..ردت روحي لمن شفتهم حولي ويخففون عني حسيت أن عندي ناس يحسون لي ويهتمون لي , فديت رنوش نامت معي مشاركه وجدانيه خخخخ ياحليلها ع رجتها إلا أنها حساسه صايره أنا أهدأ منها ...

"مابنكسر صابر لو فرصتي تمضي ..
والحظ لو عاثر بصنع أنا حظي ..
لو تنثر أحلامي برجع أرتبها ..
لو تصعب أيامي بعيش وما أحسبها ..
يامسهل الدنيا مهما تعاندنا ..."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء العشرون
((هذا الجزء
-بسام وأقتناعه أنه يطلق شهد وسفره للخارج تتوقعون شنو ينتظره؟وشهد شنو ينتظرها وكيف راح تكون حياتها بدون بسام؟
-بيت أبو تركي وصدمتهم بإلغاء أهل مطر الملكه بدون لايعطونهم خبر ,, عبير تتوقعون كيف راح تكون نفسيتها؟
-فتحي وعدم مبلاته ,, تتوقعون إلغاء خطبة مطر وعبير , نهى لها يد فيه؟
-قرب الإختبارات النهائيه اللي كل ما أقتربت زادت معاها دقات قلب أبطالنا وبذات رزان لأن بعد الإمتحانات باسبوع راح تكون ملكتها ...
يعطيكم ألف عافيه
تابعونا
تحياتي))

.
.
.

.:دانهـ العشآق22:.

مرآآآحب..ْْ}ْْْ
الباارت رووعهـ >>:bigsmile:
(:>> اكيد اني مستعدهـ للنهاااااايهـ>>:)

ياهلآ مجنونه ,,’’

مرورك الأروووع

عسى بس نخلص قبل زنقة الدراسه

وتطمني النهايه ماخليت شي في قلبي ماكتبته هع

///

ذايب في هواهم
((الجزء الحادي والعشرون))
بسم الله الرحمن الرحيم
((المستجدات في هذا الجزء
-أنقضاء الأسبوع الأول من الإمتحانات النهائيه ع خير ع خير وقرب موعد ملكة رزان وفيصل
-تم طلاق شهد بكامل الإجراءات
-تحسن نفسية عبير عقب إلغاء موضوع خطبتها
-تعالو معاي نشوف حال أبطالنا في يوم السبت الأسبوع الثاني
تابعونا))
"أحبك لوتصير آهات ودمــوع..وأحــزان*..أحبك لوتصير الماي واتوسلك عطــشان*..أحبك لوتصير الموت والتابوت والدفــان*"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:40ص في فيلا ناصر ...
دانا..قفلت الكتاب ع الجزء اللي وصلت له وتمددت ع السرير وحسيت بتعب , مدري وش فيني من بدأت الإمتحانات وأنا دوم تعبانه حتى رحت المستشفى الأمس عطوني مغدي كانو يبون يرقدوني بس الحمد لله بابا أقتنع أنه يطلعني ع مسؤوليته , حتى ماما ماتنام تجلس معاي الفجر تشوف طلباتي خواتي اللي معاي في نفس البيت ما أشوفهم ورزون كالعاده دوم معي إذا في مادة نحتاج أن كل وحدة تشرح للثانيه ننام سوا وإذا مانمنا مع بعض تنواصل بالجوال وشي أساسي كلنا البنات نتواصل بالجوال مع بعض كل وحدة تشجع الثانيه ونغير جو شوي حلوة أيام الإمتحانات تعب بس بنفتقد هالشعور لأن آخر سنه لنا ,, شفت رقم رزون ورديت ...
دانا: هلا والله وين وصلتي؟
رزان وصوتها متغير: في الفصل قبل الأخير وأنتي؟
دانا: أنا باقي لي درسين وأوصل لك أنتظريني بذاكرهم عشان نبدأ مع بعض
رزان وهي شوي وتبكي: مدري وش فيني مو قادره أذاكر مليت محد معاي في البيت كل شوي أنزل أشوف ماما تصلي صلاة الليل تحت , ماعندي حد يذاكر معاي في البيت مو حاسه بأجواء الإمتحانات
دانا: ياقلبي كان جيتي معاي هو نفس يوم اختبار الكيمياء مع بعض بس كل وحدة تذاكر في غرفه بروحها
رزان: حتى ولو بس أحس أن في حد معاي أسمع صوت أحس أن مو بس أنا اللي أذاكر
دانا: يلا عن العيارة بكرة واللي بعده وخلاص بتعدي هالسنه ع خير مضى الكثير مابقى إلا القليل
رزان: الله يعين , صحيح صرتي أوكي الحين؟
دانا: أيوه بكره بعد بروح المستشفى يعطوني مغدي
رزان: الله يعينك قلبو ذكرتيني بحالتي أيام اختبارات نصف السنه
دانا: عاد أحنا لازم , يلا بروح آكل لي شي عشان أكمل مذاكره
رزان: طيب وإذا خلصتي رني علي بشوف باقي البناتوه عشان أتشجع
دانا: هههههه أوكي ياقلبي بااي
رزان: باايو "وقفلت"
فضيله ببتسامه: ها حبيبتي كيف المذاكره معك؟
دانا: الحمد لله ماشي حالي , ليه مانمتي للحين؟
فضيله: كنت أصلي صلاة الليل وما بقى شي ع الأذان قلت خل أنتظره
دانا: تقبل الله عسى بس دعيتي لنا
فضيله: أكيد ياماما , توني الحين رحت تطمنت ع خواتك ملوك نامت وعهوده لسه تذاكر
دانا: الله يوفق لهم يارب
فضيله: آآآميــن ,, تحبي أسوي لك شي تاكلينه؟
دانا: توني أخطط أني أنزل أسوي لي شي آكله أغير جوي زهقت من المذاكره
فضيله: طيب حبيبتي إذا أحتجتي أي شي أنا في الغرفه أصلي
دانا: ماتقصرين يما
دانا..خخخخخخ هذا حالي أيام الإختبارات ما أذاكر إلا في المطبخ وأنا آكل ع قول البنات ياليت لو يبين فيني ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن الشرقية وأهلها في فرنسا ...
فهد..اليوم وناستي لاتوصف أخيراً خلصت دراستي ما أرتاح قلبي إلا يوم أستلمت وثيقتي ,, تونا راجعين من حفل تخرجي أنا وفيصل فتحت باب الشقه وشغلت التلفزيون وحطيت الاب ع روجولي والشيبات جنبي ...
فيصل: يادافع البلاء مفجوع مافي إلا أنت في الدنيا تخرجت!!
فهد وهو ياكل: وش عليك أنت خل أستانس
فيصل: آآآخ ياقلبي بقى ع ملكتي أسبوع و3 أيام
فهد: ههههههه ياخي ريح نفسك وقول أسبوعين إلا 4أيام
فيصل: أنقلع عني أنا أبي أقصر المده وأنت تطولها علي كفايه أني بنتظر بعد أختباراتها أسبوع
فهد: الله رحم بحال أختي أن الشركه أخروك ولا كان تخلص أمتحاناتها من هنا وتملك فيها من طووواااالي
فيصل: أنت نحيس
فهد: ههههههه أقول جب لا أوريك النحاسه ع أصول
فيصل: عاد أنت ورشود قصرتو الأمس بغيت أرتكب فيكم جريمه ع نذالتكم "قال يقلد راشد: عمتي مايصير تخيلي مسكين فيصل يوصل يوم ويوم ثاني الملكه لازم يرتاح
فهد: ههههههههههههههههههه يعجبني ولد الخاله "قال يقلد عصبية فيصل: أنت وش حارك عساني لو أموت مالك شغل أنا أبي أملك بعد ما أوصل بيوم
فيصل: جب أنت الثاني "قال يقلد فهد: وهو الصادق راشد أنا أعرف فيصل مايرتاح إلا بعد المشوار بسنه ع الأقل , "رجع صوته طبيعي: عجيز قدامك ما أقول إلا مالت عليك لكن أردها لك
فهد: ليش محتر يعني الملكه وتحددت ع رايك خلاص أعفو وأصفح
فيصل: أوريك لكن أعفو وأصفح هاااا
فهد: قوم بس سوي لي العشاء
فيصل: ياسلام خادم عنددك؟
فهد: أحترمني أنا نسيبك يالجلف ولا ترى والله.........
فيصل يمثل أنه خاف: لالالا تكفى
فهد: ضربتك ع الوتر الحساس ها
فيصل: مشكلتي طيب والكل مستغل طيبتي
فهد: عدال ياطيب أنت قوم بس خليني أكلم أختي براحتي
فيصل: سلم عليها
فهد: كان تطلع من المسن خليها إذا ملكتو سلم عليها كثر ماتبي
نك فهد.. @المهندس فهد@
نك رزان.. "حسبـ..الدنيآ مثل أمي أزعلها وترضيني...ـت"
فهد: بآآآآآكـ
رزان: ولكموو نور المسن
فهد: منور فيك
رزان: وين كنت إن شاء الله؟
فهد: خطيبك أذاني بالموت تركني
رزان أنمغص بطنها لطاريه بس كتبت: أهااا
فهد: غريبه شابكه هالوقت
رزان: توني راجعه من المدرسه الحين بكره آخر يوم
فهد: أهاا
.تقدمين زين؟
رزان: أيوة الحمد لله
فهد: أيوة خيه أرفعي راسي
رزان: مايهمك أكيد
فهد: صحيح من وين شابكه أسمع راشد يقول لابتوبك عنده!!
رزان: أيوة عنده أخترب مع الإمتحانات يدور مصلحتي
.خخخخخخ
فهد: ههههههه
.من وين شابكه؟
رزان: من الجهاز اللي في غرفتي
فهد: مو فيه صورك (فيس احباط)
رزان: أيوة لاتخاف حظرت كل اللي عندي في المسن بس أنت وبنات العمه يعني ناس واثقه فيهم ومو داخله بالجهاز مكان غير المسن
فهد: أنتبهي خيه
رزان: أكيد منتبهه أصلاً أنا شابكه , أنتظر الصلاة شوي وبقوم
فهد: برب شوي بروح دورة المياة تكرمين
رزان: تيت
فيصل..يآآآي فهدو قام من ع الجهاز بشوف وش كاتب قرأت المحادثه , بسرعه جبت السي دي اللي عندي والفلاش سرقت الصور اللي في جهاز رزان كلهم ببرنامج عندي في سي دي دخلتهم في الفلاش وبعدت ع لابتوب فهود كنت متأكد أنه ماطلع من دورة المياة ((تكرمون)) , دخلت غرفتي سحبت الورقه اللي في الفلاش وكتبت عليها "يكفيني أحس بوجود صورك حولي بدون لا أشوفهم.. مثل العطر يكفي عن الشوف شمه!!" ,تركت الورقه ودخلت الورقة في الفلاش بروحها رديت سحبتها قرأت الكلام اللي كتبته ورديت تركت الورقة ودخلت في الفلاش إذا ملكت بشوفهم ماراح أشوف الصور قبل أملك وهذا عهد بيني وبين نفسي , قمت أتحمم حاس أني مو طايق نفسي ...
فهد..لاحول الله الواحد مايمديه يتهنى حتى في دورة المياه دقايق بس وطس فصول يسبح أففف أنا جوعان ما كأني متعشي قبل شوي خخخخ , تعودنا في فرنسا ع كثرة الأكل نتعشى مرتين ثلاث دخلت سويت فصول , سويت حفله جلست أطقطق باب دورة المياه وأنا أغني وأستهبل ...
فهد: أفضل الصلاة والسلام عليك ياحبيب الله محمد كلللللللللللووووووووووووش ,, يامعيريس وعين الله تراه الحمار يمشي والحمير يمشون وراه
فيصل: ههههههههههههه , بتحمم تعشى أنت بالعافيه
فهد: بنتظرك يلا أخلص
فيصل: ربع ساعه بالكثير
فهد..أمري لله بنتظره وش وراي دراسه وخلصت هو مسكين اللي عنده دوام من الصباح خخخخ يوم لك ويوم عليك , جلست أحوس في مكتب فصول شفت فلاش خل أفتحها عن الزهق دخلتها في الاب وحطيته ع رجلي وفتحت الفلاش مافيها إلا ملف صور فتحته !!!! فتحت عيوني ع وسعها وأنا أشوف صورة أختي رزان جالسه ع المسبح بمايوه وحاطه رجل ع رجل وتاكل سينبون وهي تضحك معقــــــــــــول!!!! قلت يمكن صورة بالغلط أنتقلت للصورة الثانيه شفت صورة ريان يبوس رزان في خدها , خلاص مو قادر أستوعب , سحبت للصورة اللي بعدها كانت صورة لرزان جالسه ع المرجحانه وضامه دبدوب وهي تبتسم , أنتقلت للصورة اللي بعدها لقيت صورة لرزان صاحيه من النوم وتفرك عينها ,شلت الفلاش وطقيت باب دورة المياة ع فيصل أبي أفهم السالفه قام يستهبل علي خديت لابتوبي ورحت قفلت علي باب غرفتي كيف صور رزان وصلت لفيصل أختي وعارفها زين مستحيل تسوي هالشي , فيصل فيه هبال مزح جرئه بس مين اللي بيعطه صور رزان معقول وحدة من خواته !! سحبت الورقة اللي في الفلاش قرأت المكتوب فيها "يكفيني أحس بوجود صورك حولي بدون لا أشوفهم.. مثل العطر يكفي عن الشوف شمه!!" ,, تركت الورقة ودخلت داخل الفلاش , تطمت أن فيصل ماشاف الصور قبل الملكه بس من وين وصلته الصور؟!! حطيت الفلاش في درجي وقفلته وطلعت بره ولا كأن شي صاير شفت فيصل ينشف شعره من المرايا رحت له غرفته جلست أحوس في أغراضه كالعاد . شفت السي دي حق سارق الصور سألته ...
فهد: وش لك في سارق الصور؟
فيصل: أبد بس حبيت أهبل في واحد من الشباب نكشف فضايحه
فهد: هههههه ,, عن أذنك
فيصل: تعال الحين بنتعشى
فهد: طيب دقايق
فهد..رحت غرفتي الحين تطمنت أن الصور ماوصلت في فيصل عن طريق حد لكن يافيصل بخليك تتعلم درس ماتنساه ع تهورك لو حد دخل الغرفه وخدا الفلاش كان راحت فيها أختي , خليت الفلاش في غرفتي وطلعت ولا كأن شي صاير شفت فيصل يدور شي ...
فهد: وش تدور؟
فيصل: في فلاش لي مدري مين شالها
فهد بكذب: ترى العامل اللي ينظف توه طالع
فيصل بصدمه: كيـــــــــــــف!!
فهد بلا مبالاه: وش فيك الرجال جا وخليته يدخل ياخد الأكياس
فيصل: ومن متى تخليه يدخل أنت عارف أني إذا طلعت باطلع الأكياس معي وهو يجي ياخدهم
فهد: والله عاد دخل وخلص وخدا الأكياس
فيصل وهو قريب يبكي: والفلاش اللي ع مكتبي؟
فهد: مدري عنها ماشفتها
فيصل: فيها أشياء مهمه
فهد: ياخي حافظ ع أغراضك شي مهم تحطه ع المكتب كذا , أنت عارف أن الشباب في أي وقت يجون الشقه وأنت مو واثق في الكل والشيطان شاطر
فيصل: فهد قول إن شاء الله ألاقي الفلاش فيها شي مهم لو ما لاقيتها راح أأجل موعد رحلتنا
فهد: إن شاء الله , بس ماقلت لي شنو فيها؟
فيصل: مو وقته بعدين أقول لك بس تكفى حاول تساعدني ألاقيها
فهد: إن شاء الله
فيصل..تضايقت من قلب حتى مو عارف أركز ع شي حتى الأكل مو راضي يدخل في فمي كيف صور رزان اللي أنا ماشفتهم يشوفهم حد غيري أنا غبي ليه مافكرت قبل أسرقهم ياربي تفرجها قبل موعد رحلتنا ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:20ص ع البحر ...
جاسر: أول مرة أشوف الكورنيش كذا
فارس: ههههههه خوب كل الناس عندهم امتحانات إلا أحنا
عبير: وش بقى خلاص اليوم آخر يوم تعالو بكره هالوقت شوفو الكورنيش ههههه يبي لي أصوره اليوم وأرد أصورة بكره وأكتب الفرق
جاسر: الله يغربلك ياعبور هذا وقت نطلع فيه
عبير: لاحول بتمنون علي بهالطلعه
فارس: لا وش دعوه كم خاله صغيرة عندي أنا
عبير: هههههه أصبغني بهالكلام بس تجي الخطيبه يروح كل هالكلام هباءاً منثورا
فارس: مايروح وقسم والخطيبه لازم تكون ع ذوقك
عبير تناظره بنص عين: مو أنت أخترتها وخلصت
فارس: هههههههههههههههه أي أخترتها بس أهم شي هي عاجبتك؟
عبير: أي والله خوش بنت لو أنت ما أخترتها كان أنا أخترتها لك
جاسر: ماعندها خوات مني مناك
عبير: ههههههههههههه ليش ناويين تشبكون العائله الكريمه كلها
فارس: ههههههه أخاف بس جسور بعد كم سنه تتغير ألقابنا نصير أولاد الــ*****
عبير: أقول أخطب البنت لاتروح عليك
فارس: في الإجازه إن شاء الله راح أخطبها الحين هي أختبارات الله يوفقها
جاسر: ماشاء الله سمعت رنوش تقول أنها الثانيه ع الشرقيه
فارس: وأنت وش لقفك تسمع أخبارها
جاسر: هههههههه ياخي سمعت وش أسوي يعني أسد أذني إذا سمعت طاريها !!
فارس: أيه سد أذنك
عبير: بصراحه أحس شكلي معاكم تحفـــــه
فارس: ههههههههه إذا شافونا الناس بيفكرون أنا زوجك وجسور ولدنا
جاسر ضربه ع راسه بخفه: يانذل أنت حتى أبوي يبين كأنه ولدك طول وعرض
فارس: صل ع نبيك لابكره أجلس من النوم نحفان وقصران
جاسر: هههههههههههههههههههه مافي أمل
فارس: خلاص أحرجتني لاتخليني أسوي رجيم
عبير: يااااي يابو الرجيم أنت , أصلاً أنت مافيك لحمه أحس أن عظمك كذا عريض
جاسر: لا إله إلا الله حتى عظمك قاسته
عبير: وش عليك أنت ولد أختي وكيفي
فارس: عقبال الخطيب
عبير: أقول جب بس جب , خله نايم في بيتهم لايجي أحسن
جاسر: تخيل فروس لو تتزوج عبور كان نضيع يصير ماعندنا حد نتهاوش معاه
عبير بأسى: وش هالأخو ع بالي بيقول ماعندنا وجه حلو نصبح فيه وحدة تسأل عنا أثاريه يفكر في الهواش!! الله يكون في عوني
فارس: ههههههههه نمزح عبور
عبير: أنت يمكن تمزح إلا هذا
فارس: لاوالله مايستغني عنك حتى أنه ذاك اليوم مو راضي تنامين مع بيت خالتي أم مشاري عشان مايسهر بروحه
عبير: عارفه بس مين يعترف يقول عناد طاخ في راسي ما أخليك تنامين هناك وهو أساساً مايبي يسهر بروحه
فارس: صاااااااااااااااااااادوه
جاسر عطى فارس نظرة: أنت أبد ماتعرف تغبي شي محد يقول لك شي
فارس طقطق بلسانه ولف راسه بالنفي: أبد
عبير: خاطري في آيسكريم من باسكن
جاسر: لاحول الله , الله بلانا بأخت ماتشبع
عبير: محد طلبك أنا أبي آيسكريم من يد ولد أختي حبيبي فروووسي
فارس: وأنا أقدر أردك تــــم
جاسر: يلايلا خل نمشي لاتمسكنا الهيئه
عبير: شنو هو ع كيفهم يمسكوننا بنت جايه الكورنيش مع ولد أختها وأخوها فيها شي؟
فارس: ههههه لامافيها شي بس الوقت متأخر خل نفرفر بالسيارة
جاسر: بتطردنا الوالده من البيت هي موصيتنا لانتأخر
عبير: خل الوالده علي
فارس: خطيرة أنتي طالعه ع ولد أختك
عبير: أفا عليك أعجبك
جاسر بمزح: الهيئه اللي في البيت أن مسكتنا عز الله مانمنا
عبير: وش عليك منه أهم شي أستأذنا من أمي وأبوي ماقالو شي هو يسد حلقه وينطم ماله حكم علي
فارس: سبحان مغير الأحوال عبير اللي تلعن خامسنا إذا حشينا الحين تحش !! سبحانه جلت قدرته
عبير تغيرت نبرة صوتها: اللي شفته منه ومن مرته مو قليل "سكتتو فترة"
جاسر قال يقلبها مزح: شكلنا ماراح نداوم بكره ع حسابك
فارس: الدوام وأبو الدوام إذا فيها عبور هي تتدلل والكل طزززز
عبير: بعد عمري ولد أختي "شافت نظرات جاسر المسكينه وقالت: الله لايحرمني منكم
فارس: هههههههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:44ص في شقة خالد وسمانه ...
سمانه صحت مفزوعه..بسم الله الرحمن الرحيم ناظرت في الساعه ياربي وش هالنوم اللي نمته دخلت دورة المياة((تكرمون))غسلت وجهي ع السريع مافي وقت آخد دش ,, دخلت المطبخ أبي أشرب مويه عطشااانه فتحت الثلاجه مافيها مويه أففف ياربي وش هالقلة التوفيق ع آخر يوم الثلاجه مليانه عصيرات بس أنا طبعي ماترويني إلا المويه الباارده .. أكيد خالد نسى صناديق المويه تحت , لبست عبايتي بروح أشرب لي مويه قفلت باب الشقة بشووويش وخديت معي جوالي وصلت المطبخ شفت الأنوار مسكره فتحت النور ورحت عند برادة المويه شربت ثلاثه جلاسات موية وراء بعض من العطش سمعت صوت حركه من الروعه طاح جلاس الموية من عندي لفيت شفت عمر أخو خالد وراي عدلت لفتي ورحت لعند الباب طاح قلبي في بطني لمن حصرني عند الجدار وهو شكله سكران قال لي بخبث ...
عمر وهو يتخبط في مشيته: ع وين ياحلوة
سمانه..ما أبي أصارخ لاحد يجلس يشوفني في المطبخ هالوقت وهو جاي عندي شنو بيفهمونها!! قلت بهدووء ...
سمانه: عــ....مــ..ر وخر
عمر ضحك ضحكه خبيثه: كيف أوخر يامرت أخوي وأنتي مرت أخوي ههههه أنتي متزوجه أخوي يمكن يصير نشترك فيك ههههه مو بس خلووود ياخد وحدة مزيونه وأنا لا
سمانه قدرت تتملص من يده بالقووه وركضت ...
عمر بصراخ: تعالي قلت لك تعالي
سمانه ركضت وجت تلف من عند طاولة الطعام عشان تطلع من المطبخ ما أنتبهت للكرسي اللي في طريها من الخوف وطاحت صار نصف جسمها ع الكرسي والنصف الثاني ع الأرض ...
عمر بضحكه شيطانيه: قلت لك ماراح تفرين مني يامرت خلووود
سمانه قاومت ألمها وبعدت عنه: تخسي إلا أنت تلمسني سامع تخسي إلا أنت
سمانه..تقرب لي ماعرفت وين أروح أدافع عن أغلى ماعند البنت بدون تفكير ركبت فوق طاولة الطعام مسك رجلي حسيت أني فقدت توازني غمضت عيني وأنا أتخيل طول المسافه بين الطاوله والأرض حسيت أني ماراح أقوم بعدها سمعت صوت مو غريب علي يصرخ عمـــــــــر وقتها فتحت عيني شفت عمر يهرب مثل الطفل اللي يخاف من حد وهو ماشي دف الكرسي بجسمه الضخم ثواني إلا أنا طايه ع الكرسي آآآآه مسند الكرسي أنرز لي في ظهري بكيت مدري من الألم لو من الخوف لو من الدنيا اللي مو راضيه تضحك لي أنتبهت لنفسي خفت حد يجي يشوفني جمعت قطع جوالي المتناثره ع كبر المطبخ وشلت كتابي ورقيت الدرج ,, حاولت أنسى اللي صار عشان أذاكر لأن بكره آخر يوم ...
في نفس المكان ,, خالد..مدري ليه من سمعت باب الشقه ينفتح لا إرادي بعد ربع ساعه قمت من السرير ورحت وراها حسيت أنها محتاجتني شفت عمر النذل صرخت فيه علمته الأدب بكم طراق وهزأته تهزيئه محترمه وبعدها رحت المطبخ مالقيت سمانه قرصني قلبي خفت لاياخدها واحد من هالنذول اللي يسهرون مع عمر دورت عليها في كل البيت مثل المجنون يوم تأكدت أنها مو موجوده فتحت باب الشقه سمعت صوتها تذاكر ,, قفلت باب دورة المياة عشان تفكرني طالع من دورة المياة ولا تحس أني بمسك شي عليها ولا بعايرها بشي خليها تذاكر بهدووء ,, رحت عند غرفتها ناطرت من الجزء المفتوح من الباب تطمن عليها ورحت أكمل نومي عشان بعد شوي تصحيني للصلاة ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:33ص في فيلا نورة ((الله يرحمها)) كانو الثلاثي متجمعين ...
رؤى اللي توها واصله: السلام عليكم
هنادي-ريهام: وعليكم السلام
رؤى: ياربي اليوم صحينا متأخرين وتوه رائد طالع
ريهام: الله يعين , سمعت صوت ريوف تبكي قلت باخدها من عندك بس خفت تزعجك
رؤى: آآآآآه ومين اللي ماسمعها تبكي الساعه 1 الفجر رحنا معاها المستشفى
هنادي: الله يعينكم الأطفال لازم يمرضون في هالسن حتى جسوم تجيه أيام كذا ماينام لي
رؤى: اللي باط كبدي أني سهرانه وتعبانه وأنصاف الليالي من مستشفى لمستشفى ولا هو تارس عينهم كل ع بالهم أني متعبه ولدهم
ريهام: لايهمك ولا تحطين في بالك ولا شي أهم شي علاقتك مع زوجك
رؤى: وربي الوضع يطفش مليت دوم ع بالهم أني ما أفهم حتى لو أول بنت عندي صارو عندي قبل أولاد أخواني صح أو لأ؟
هنادي-ريهام: صح
رؤى: خلوها ع ربكم
هنادي: شنو يقول رائد إذا سمعهم يتكلمون عليك؟
رؤى: يسكت مايتدخل بس حده متضايق
ريهام: أحسن ترى أنه يسكت عشان لايقولون حرضتي ولدهم عليهم
رؤى: الحمد لله ع كل حال
هنادي: إلا مهيوه وينها؟
رؤى: بتجي إذا طلع أسامه للدوام
مها اللي توها داخله: السلام
الكل: وعليكم السلام
ريهام: ماتنطرين بنت حلاااااااال
مها: هههههههههههه أعترفو وش كنتو تحشون؟
هنادي: أبد بس نسأل عليك
ريهام: وين ريان؟
مها: عند جدته هههه عمتي معصبه فيني صار له أسبوع ماجلس معاهم
رؤى: كويس والله أرتحتي
مها: أي والله , عارفين اليوم بنطلع السوق؟
هنادي: طبعاً ماتشوفيننا مسفرين رهف وشوق
ريهام: هههههه وبنسفر الباقي بعد شوي
مها: خخخ والله لو مايرضعون كان سفرتوهم من زمان
ريهام: كان ودي أسفر روابيوه بس حرام نايمه إذا جلست بسفرها
هنادي: ترى مابقى شي ويطلعون من المدرسه أستعدو
مها: أكشـــــــخ يعني تنتظرون العروس؟
ريهام: هههههههه أيوه
هنادي: من قدهم اليوم آخر يوم يعيدون
رؤى وهي تعدد ع أصابعها: بعد قلبي رزون أكيد مزحومه التجهيز والإمتحانات والقلق...........ألخ>>
مها: هو بس رزان كلنا حايسين من زمان ماصار عندنا مناسبه كذا
هنادي: أي والله فرحه تتورخ (ملكة رزان وفيصل)
مها: أصبري شوي بتنخطب رزان وكللللللللهم بينخطبون وراها
رؤى: أي والله دوم كذا المناسبات كلها تجي مرة وحده والحين بعد خطب فيصل أكيد فهد وراشد بيلحقونه
ريهام: مشكل رشووود مو راضي يخط بالمره
هنادي: كلهم كذا بعدين بتشوفين طوااااالي بيقرر فجئه
مها: زي فيصل تفاجئنا خطبته ماكانت ع البال ولا على الخاطر كان يسولف مع بابا جا طاري رزان فجئه قال أخطبوها لي
هنادي: ههههههههههههههههه فصول تحـــفه
سمعو طقة راشد المميزة ,, راشد: أحم أحم يالله "دخل عقب مالبسو عباياتهم وقال: كيفكم؟
مها: الحمد لله , وأنت من نحش في أخوي تطلع لنا
راشد: ههههههههههه الحش في فصول عباده
هنادي: هههههههه توني أسمع , سمعت النظر إلى الكعبه عباده
راشد: كله واحد نفس الثواب
رؤى: هههههههههههههههههه أستغفر ربك رشوود
راشد: أستغفر الله "ناظر في ريوف اللي ع حضن رؤى: جيبي جيبي بس "أخدها وحملها بيد وحده وعلقها فوووق"
رؤى بصرخه: رشوووووود نزل بنتي
راشد ناظر إبتسامة ريوف البريئه: قووويه قويه بنت أختي "نزلها وعطاها رؤى"
رؤى ضربته ع كتفه: يالدب بنتي مريضه
راشد: يااااااااي مريضه أنتي ماتدرين إنها إذا تعودت ع هالحركات تقوى بنيتها
هنادي: تكفى لاتقوي بنيتها مانبيها تقوى بنيتها , قوي بنية أولادك
رؤى: أقص يدي إذا يلعب في أولاده كذا
ريهام: هههههههههههه يارب نشوفهم قريب
راشد: عقب عمر طويل
مها وهي تقلده: عقب عمر طويل "رجعت صوتها طبيعي: شيبت سمعنا إن هذي الكلمه للبنات
راشد: أقول هذرتكم ماتخلص بابدل ملابسي وبرجع محلي مافيه إلا الهندي
هنادي: وأنت وش جيبك هالوقت؟
راشد: طفشوني البنات زي الحمير يجون الاب مخترب ويقتلون حالهم في النهايه يطلع مو مشحون ولا وحدة تدق ع الجوال تسوي نفسها تستفسر وهي تتميع
رؤى: وأنت أكيد مستانس
راشد بغرور: أصلاً البنات ميتين علي بس أنا ما أعطيهم وجه
هنادي: أحلف ياشخ توم كروز ع غفله؟
الكل: ههههههههههههههههههههههههههههههههه
راشد بمزح: أقول أنا رايح محلي في مزيونه تنتظرني لا أتأخر عليها
رؤى رمته بالخداديات وحدة وراء الثانيه: قليل الأدب لكن أوريك إذا ماعلمت سلمان ع سوالفك والله لأخليه يقفل محلاتك كلها
راشد طلع وهو يضحك ويحاول يصد الخداديات: ههههه خوب سلمان إذا غابت الهيئه يحل محلهم
ريهام: ههههههههههههههههه رؤى شكلك يقتل ضحك صدقتيه أنتي ماتعرفين رشود وسوالفه صايره كأنك أمي
رؤى: عارفته بس بط مرارتي الدب هذا كلام يقوله
هنادي: ههههههههههه والله أنه حفلة رشود الله يعين اللي بتاخده ع مزحه
دخلو البنات سوا: السلام
الكل: وعليكم السلام
مها: ها قدمتو زين؟
دانا: خليني ساكته أحسن
عهد: وأنتي متى قلتي أنك حليتي زين مدري كيف يطلعون الدرجات
رزان: ياويلي يدي ع قلبي لين ماتطلع النسبه
هنادي: أنتي يدك ع قلبك لين ماتطلع النسبه ويدك ع قلبك لين ماتملكين الله يعينك بجد حالتك صعبه
ريهام: ههههههههههههه ياقلبي أختي , ليه تأخرتو؟
رزان: رحنا البيت بدلنا ملابسنا وعباياتنا وتحممنا
مها: كويس ومتى إن شاء الله بنروح؟
دانا: صح نسينا نسيم ع الباب
رؤى: هههههههههههههههههه مسكين الحين بنطلع وهو يتحرطم
ريهام: يذبحني إذا ترحطم مقدر أسكت
رزان: بالعكس يكسر خاطري
مها بمزح: قومو قومو لا ينكسر خاطر رزون
الكل: هههههههههههههههههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:00ص في شقة ضاري بالتحديد في غرفة شهد ...
شهد..كنت جالسه ع كرسيي الهزاز أفكر في حالي صار لي ثلاثة شهور وأسبوعين مطلقه من يوم رجعنا من المحكمه ماناظرت في وجه خالي ولا أبوي كيف أناظر فيهم وأنا عارفه أنهم ضغطو حالهم عشان المبلغ اللي عطوه لبسام عشان يطلقني وعارفه أن خالي محتاج هالفلوس بس عطاهم لبسام عشان راحتي ويدري بكل اللي صار بيني وبين بسام ويجوز أنه قال لأبوي عشان يقنعه بطلاقي من بسام ,, غير نظرة البنات اللي في المدرسه لي أشوف ناس تأشر علي من بعيد أكيد يقولون هذي اللي تطلقت , صديقاتي صح أن علاقتي فيهم ماتغيرت من يوم رجعت علاقتي فيهم مثل قبل لكن أحسهم يبون يعرفون وش السالفه ليه تطلقت من بسام بس أنا خديت عهد ع نفسي أني ما أقول لحد غير أمل وخالي ضاري , دراستي حاسه أني إذا نجحت فهذي معجزه لأني حتى المذاكره ماصرت أهتم فيها مثل قبل حتى السوق مارحته من يوم تطلقت للحين ولا حتى طلعت , غرفتي صارت مملكتي غرفتي اللي في بيتنا كرهتها صارت فيها أشياء تخليني غصب أبكي لمن أشوفها , بيتنا بكبر مو طايقه أدخله أحسه ماتدخل فيه الملائكه خواتي طول الوقت أغاني ورقص وطلعات وروحات وجيات لاحسيب ولا رقيب حاسه أن هالشي هو اللي ضيعني وبيضيع خواتي من بعدي , ولو أني مرتاحه من جلستي في بيت خالي في نفس الوقت مستحيه من خالي وأمل اللي عمرهم ماضايقوني ومعتبريني بنتهم بس بعد أحس جلستي معاهم مو حلوة في حقهم , أنتبهت لأمل بصوتها الدافئ اللي فيه حنان الأم اللي أفتقده من لمن كنت صغيره تقول ...
أمل: وش فيها شهودتي حبيبتي
شهد: أبد بس حاسه أني ماراح أنجح
أمل: لاتقولين كذا حبيبتي إن شاء الله بتنجحين وبتصيرين دكتورة
شهد ضحكت بسخريه: أنا أفكر إذا بنجح أو لأ وأنتي تقولين لي دكتورة
أمل: حبيبتي شهد لاتصيرين متشائمه إن شاء الله تعوضين السنه الجايه ثالث أهمتي وجيبي النسبه اللي نرفع بها راسنا
شهد والدموع متجمعه في عينها: أمل تدرين أني أنانيه
أمل اللي تفاجئت من الكلام: ليه حبيبتي من قال لك؟
شهد: مو لازم حد يقول كل شي واضح خالي اللي ضغط نفسه وتسلف فلوس عشان راحتي طمعانه عليه بنسبه حلوة يرفع بها راسه , أبوي اللي سوى اللي محد يسويه عشان راحتي حتى كلمة شكراً ماقلتها له
أمل سحبت كرسي التسريحه وجلست قبالها: شهد كل شي يتصلح أنتي بتروحين ثالث أجتهدي وأرفعي راسنا وأبوك وخالك جلسي معاهم سولفي معاهم أفتحي صفحه جديده
شهد: وتتوقعين هالشي سهل؟
أمل: أكيد سهل إذا أنتي تبين هالشي بإرادتك تقدرين
شهد: أحاول مع أني متأكده أني بفشل
أمل ناظرتها بحده: شهد لازم تكونين متفائله وإرادتك أقوى من كل شي عشان تقدرين
شهد: إن شاء الله
أمل: من اليوم تتغدين معانا والأربعاء أبوك بيجي من الشغل تروحين وتسلمين عليه
شهد: ما أقدر أحط عيني بعينهم
أمل: شهد كم مرة قلنا لاتقولين ما أقدر قولي أقدر قولي أنا قوية شجعي نفسك لاتكونين ضعيفه
شهد: إن شاء الله
أمل: يلا أرتاحي لك شوي إذا وصل خالك بناديك
شهد..ناظرت أمل وهي تطلع من الباب مافي مرت خال مثلها صارت لي الأم والصديقة والحبيبه , قطع علي تفكيري صوت إياد يبكي ياقلبي هو ولد خالي اللي أنتظرته سنين رحت خديته وضميته لصدري طوااالي سكت , تعلقت بإياد كثير بذات لمن تطلقت وهو بعد تعلق فيني لدرجة أنه أحياناً مايبي أمه ويبيني , جلست أغني عليه وأنا ضامته وأطبطب ع ظهره لين ما نام وأنا نمت وراه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:40م في فيلا أبو وافي ...
حنين..حطيت القلوس واللمسات الأخيرة وناظرت شكلي بإعجاب كنت لابسه فستان أبيض مطرز باللون السماوي مع أكسسوارات سماويه وبوت قصير لفوق الجوزة باللون السماوي وكب سماوي , سمعت رنت جوالي ونزلت لسيف ...
سيف ناظرها بإعجاب وهي تفتح الباب وقال بحالميه: هلا بقلبي هلا بعمري هلا بحياتي كلها
حنين نزلت راسها بنعومه ممزوجه بخجل: تسلم لي , تفضل
سيف جلس ع الكنب جنبها: وش هالحلاوه وش هالزين قمر وربي بقرأ عليك لاأحسدك وأحسد نفسي عليك
حنين كل ما سمعت كلامه دخلت في ملابسها أكثر مع أنه فستانها مو فاضح يطلع أقل من ثلاثة أرباع الساق وجبنيز بحركه بسيطه عند الصدر بس طالع عليها خيااال , ناظرت شكلها من كلامه حست أن في شي صاير ...
سيف برومنسيه: حنينـــــي
حنين: ياهلا "قبل تسمع رده سمعت صوت حد يناديها أستأذنت منه وطلعت , فهمت حور مسأله في العلوم ع السريع وبالمره راحت تجيب الحلا والمكسرات لسيف ودخلت قالت له: آسفه تأخرت "ناظرت في عربة الضيافه اللي تجرها وقالت: تفضل "وجلست جنبه بس بعيدة شويات"
سيف: تسلمين لي ياقلبي , أخبارها حور مع الإختبارات؟
حنين: الحمد لله تمام الثلاثاء يخلصون
سيف: غريبه رانيه يخلصون الإثنين
حنين: لأن مايبون يضغطون عليهم , الحين رحت أشرح لها معادله
سيف: بكره عليهم رياضيات؟
حنين: لالا علوم عندهم فصل كيمياء
سيف: كويس الله يوفق لها يارب
سيف..ناظرت فيها وأنا أتبادل معاها السوالف تسحرني بكل مافيها ماقدرت أمنع نفسي من أني أقرب منها أكثر وألف يدي حول خصرها شفت في عينها نظرة الخوف اللي كنت أشوفها قبل تتحسن علاقتنا قلت بدون شعور وأنا أحس أن ضيق الدنيا كله رجع لي ...
سيف بنظرات كلها حزن: حنين أنتي كذا تذكريني بماضيي
حنين أنتبهت لنفسها وقالت بدون شعور: لا سيوفي وربي........
سيف..نادتني سيوفي وربي أكتشفت أكتشاف خطير أكتشفت أن أسمي حلوو بدون شعور قاطعتها ونزلت تحت الكنب قابلتها وبوست يدها وأنا أقول ...
سيف وهو يبوس يدينها ويسمع ضحكاتها الطفوليه: تكفين حنيني عيديها
حنين وهي تضحك ع عفويته: ههههههههههههه خلاص راح أعيدها "سوت نفسها تحاول وقالت بدلع: ماتطلع , "سيف كشر وضحكت حنين ع تكشيرته: ههههههههههههه
وافي.. طقيت الباب وما أنتظرت حنين ترد دخلت المجلس لأن الخدامه قالت لي أن حنين بروحها , أستغفر الله أستغفر الله غضيت البصر لمن شفت سيف يبوس يدين حنون وهي تضحك طلعت وأنا مغمض عيني بإستهبال عشان يشوفوني ويقولون عني مؤدب وسمعت صوت طرااااااااااااااااااااااخ صدمت في الجدار ويلي ياجبهتي , الأخوان صحو من اللي هم فيه ع صوت شدختي في الجدار وجو لعندي ...
حنين وهي مو قادره تكتم ضحكتها: هههههههههههه تألمك جبهتك
وافي عصب لمن ضحكت حنين: هاهاهاهاهاها روحو كملو مغازلكم ورومنسيتكم وأنا أصدم في الجدران ع حسابكم
سيف اللي مو عاف شنو يقول من الإحراج: أوصلك المستشفى توجعك كثير؟
وافي وهو يشوف حنين اللي كل ماجا لضحكتها تعلى: لا ماتقصر "سمع صوت حنين وهو طالع تقول له وهي لازالت مهستره في الضحك: حط عليها ثلج تراه زين لاتتورم لك
سيف..أنحرجت لمن دخل وافي مايطيح علينا إلا في هالمواقف ع باله أن أحنا طول الوقت كذا سبحان الله ماتحصل هالمواقف إلا إذا دخل علينا ناظرت حنين اللي مهستره في الضحك ...
حنين بنعومه وهي تضحك: وربي ماني قادره ع وفوي
وافي مر من عند المجلس وسمعها: ضحكتي من سرك بلاااااااااا , طالعين لنا روميو وجوليت وأنا الضحيه
سيف قال يخفي أحراجه: أنت اللي ماتدخل إلا في لحظات غلط ياخي طق الباب
وافي بمزح: هو أنا بس طقيته قول كسررررررررته من كثر ما أطقه بس مين اللي يسمعني
سيف: لأنك رقيق وناعم صرنا مانسمع طقك ع الباب
وافي ناظر سيف اللي لسه مو حاس ع نفسه ولف يده حول خصر حنين: ياخي أستح واحد عزابي واقف قدامك
سيف أنتبه لنفسه وقال يخفي أحراجه: زوجتي حلالي عندك مانع؟
وافي قال وهو طلع: لا خطر الله يخليها لك
سيف..ضحكت من قلب ع نسيبي أنحرجت بس في نفس الوقت حلو أن كل الناس يعرفون أن حنين تحبني وأنا أحبها رميته بعلبة الإكلينكس أجل حنيني حبيبتي خطر!! شفته طالع وهو يضحك وكملت سوالف مع حنين ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن الشرقيه وأهلها في فرنسا ...
فهد..كسر خاطري فصول صار ماينام الليل يدور ع الفلاش لكن أنا حالف حلف أعلمه أن الله حق الشي السلبي اللي فيه أبي أصلحه قبل ياخد أختي , شفته جاي لعندي وآثار السهر ع وجهه وشكله تعبان ...
فيصل وصوته بارد ع غير عادته: فهد ماشفت الفلاش؟
فهد وهو مايبي عينه تفضحه: لا ماشفتها
فيصل مسك راسه بتعب: بقى ع رحلتنا 6 أيام وأنا ماشفتها
فهد يحاول يستدرجه: فلاش بدالها ألف شنو يعني فلاش تعطلنا !!
فيصل: أنت ماتعرف وش فيها يافهد , ماتعرف
فهد: طيب وش فيها قول لي من متى يافيصل وأنت تخبي علي؟
فيصل نزل راسه: صدقني يافهد ما أبي أطيح من عينك خليني ساكت أحسن
فهد بمزح: أنت من زمان طايح من عيني
فيصل ع غير عادته: مو وقت مزح يافهد
فهد: طيب قول لي وش فيها الفلاش شنو اللي يخليك تقلق كذا !!؟!!
فيصل سكت فترة طويله وبعدها قال بسرعه: صور رزان "أنتبه للي قاله ونزل راسه"
فهد ووجهه يوحي أنه مصدوووم وتوه يعرف بالسالفه: كيــــــــــــــــف!!
فيصل: فهد وقسم مو قصدي لاتفهمني غلط
فهد بإنفعال: كيف مو قصدك عندك صور أختي وأنتو لسه ما ملكتو ومو قصدك الجني وصلها لك ولا إيش بالضبط؟!!
فيصل: محد له دخل فهد أفهمني
فهد: أجل كيف وصلتك "صرخ فيه: تكلــــــم
فيصل نزل راسه: محد له شغل أنا بروحي سرقتهم صدقني ماكان قصدي شي بس....
قاطعه فهد: بس شنووووو لو ضاعت الفلاش مو أنت اللي بتتلوث سمعتك مو أنت اللي بيتكلمون عليك الناس....
فيصل قاطعه: خلالالالالالالالالاص كافي اللي فيني ع بالك أني مبسوط أنت عارف أن قريب بيرتبط أسمي بأسم رزان
فهد: هذا اللي همك يعني لو مابيرتبط أسمك بأسم رزان عادي تروح الفلاش مع ألف سلامه !!
فيصل: فهد.........
فهد قاطعه: هذي مشكلتك لو أن السالفه راجعه عليك أنت كان خليتك تتحمل المسؤوليه كلها بس الموضوع مرتبط بأختي , لكن أنا قلتها وماراح أتراجع عن كلمتي ملكه ماراح تملكون إلا إذا شفت الفلاش وعرفت أن الصور ماراحت لحد غريب "دخل غرفته وقفل الباب بقوووة"
فيصل..ياربي ساعدني ما أبي حلمي يتحطم عشان لحظة تهور مني ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الحادي والعشرون
((هذا الجزء
-قرب موعد ملكة رزان وفيصل والكل في حوسه والتجهيز والفرحه اللي غامرة قلوب الكل
-سالفة الفلاش تتوقعون بتعيق الملكه أو لأ ؟ , فهد تتوقعون بيقول لفيصل عن الفلاش أو لأ<<يقهر صح؟
-سمانه ومحاولة عمر أنه يعتدي عليها ومساعدة خالد لها بدون لاتعرف , تتوقعون شاللي ينتظرها؟
-شهد كونها مطلقه وتعلقها في إياد تتوقعون شاللي ينتظرها؟
-سيف وحنين ولا أحلى تتوقعون شاللي ينتظرهم؟
يعطيكم ألف عافيه
تابعونا
تحياتي))

.
.
.
مراااحب أكيد طبعاً تغير الروتين تبعنا وكبرنا الخط ..

لأن كانت المشكله عندي من المتصفح نفسه مايتحمل أشياء كثيره حتى الخط حاولنا نكبره مع المتصفح القديم ماقدرنا .. بس الحين الحمد لله المتصفح تغير والخط كبرناه والنفسيه أنفتحت أكثرر ..

متابعه شيقه للجميع

.:دانهـ العشآق22:.

يجنن البااارت ..
يسلمووو كثيررررر
ننتظر الأجزاااء القاااادمه...~ْ}

مرورك اللي يجنن غناااتي ,,’’

العفوووو ,,’’

الأجزاء القادمه راح تنزل وأنتظر مروركم اللي بينور صفحآتي^_^

///

ذايب في هواهم
((الجزء الثاني والعشرون))
بسم الله الرحمن الرحيم
((المستجدات في هذا الجزء
-مضى الأسبوع ولكن منشغل بنفسه ومافيه أحداث تستحق الذكر إلا أن:
-اليوم راح تكون رحلة فهد وفيصل , وفهد مابعد يقول لفيصل أن الفلاش عنده
-بقى 4أيام ع ملكة فيصل ورزان
-اليوم راح يكون حفل تخرج بطلاتنا من الثانويه أذكركم فيهم(رزان-دانا-رانيه-مرام)
تابعونا))
"على طاري الفرح نحكي حكاية حفلنا الليلة..
حكايه عن طموح كبير في رؤيتنا تفاصيله..
قصص وأيام عشناها تعبها وفرحها حلوين..
نعيش اليوم ذكراها سنين وكأنها يومين..
على طاري الفرح نحكي حكاية حفلنا الليلة..
حكايه عن طموح كبير في رؤيتنا تفاصيله..
معلمنا صنع أجيال صياغة عقلنا فنه..
تواريخ وأدب وأمثال ياربي ترزقه الجنه..
على طاري الفرح نحكي حكاية حفلنا الليلة..
حكايه عن طموح كبير في رؤيتنا تفاصيله..
في رؤيا تهدي الأبصار تعلمنا وتربينا..
كبرنا والأماني كبار وحققنا أمانينا..
على طاري الفرح نحكي حكاية حفلنا الليلة..
حكايه عن طموح كبير في رؤيتنا تفاصيله..
تخرجنا ورفعنا الراس حمدنا الواهب المنان..
وفرحنا أحب الناس وتحلى الفرحه بالخلان..
حلاة الفرحه بالخلان..
على طاري الفرح نحكي حكاية حفلنا الليلة..
حكايه عن طموح كبير في رؤيتنا تفاصيله..
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:30م في الشاااليه ...
كانو الصبايا يصعون الستيج بهدوووء ع أنغام الأغنيه وبيدهم ورد روز يلوحون فيه وطالع شكلهم جنان بلبس التخرج الموحد ع نهاية الأغنيه رمو الورد في الهواء وتناثر في أرجاء قصر الأفراح بطريقه حلوووة , بعدها نزلو كل وحدة راحت عند أمها وضمتها وتصورو مع أمهاتهم , بعدها كل وحدة من الخريجات ألقت كلمة وأستلمو شهاداتهم من عند المديرة وسلمو ع أبلاتهم , ودخلو يبدلون ملابسهم عشان باقي السهره راح يققضونها بفساتين سهره ...
رانيه: ياحظك يارزون اليوم صعدتي الستيج لتخرجك وبعد 4أيام ملكتك "قالت بطريقة أغنيه: عين الحسووووووود فيها عوووووووووود
كل البنات وراها يرددون ويرقصون ورزان تهز بنعومه وتضحك ع هبالهم: ههههههههه
مرام: عارفين صبايا أنا ماودي أرقص كثير
:ليـــه؟
مرام: بعد4 أيام وراي رقص أخاف تنفد الطاقه
دانا: هههههههههههههه المفروض رزون تطلع حرتها في الرقص لأن بعد 4أيام كلنا بنرقص بس هي بتترزز ع الستيج
رانيه: لاوالله ماتجلس وأنا رنووووش أرقصها وأرقص أمها
رزان: ههههههه أتحداك ترقصين أمي هذي أم فهد ياجبل مايهزك ريح
مرام بمزح: يعني أنتي عادي ترقصين؟
رزان باستنكار: لااااااا تخيلي وش بيقولون الناس عروس مفجوعه
عهد دخلت عليهم وهم ضحك وطناز , حطت يدها ع خصرها: أستحو ع وجيهكم جالسين هنا ومعازيمكم تحت أعملو أدب
مرام: وأنتي الصادقه في أمهات؟
رانيه: لاتخافين أنا مستجوبه البنات وحده وحده ولا وحدة عندها أخو صالح للزواج
عبير اللي دخلت وسمعت كلام رانيه: ههههههههه أنتي لو يتقدم لك واحد عادي حتى لو مغازلجي توافقين
رانيه: هههه لا عاد مو لهدرجه بس شكلي بنزل أوجب الحريم أوزع تمر وقهوه
رزان اللي مو قادره تسكت من الضحك: هههه رنوش أحنا في شاليه وعاملين حفل تخرج مو في صحراء
دانا: هههه عشان يقولون عنها أصيله وربة منزل
عهد: ههههه تبي تثبت حسن النوايا الأخت
مرام: تكسرت من الظهر ماوقفنا مشي ولعب ورقص وهبال
عبير: محلاها بس لكن مو الحين يطلع التعب إذا خلصنا وناستنا
رزان..أمممـ اليوم ما أنساه يوم حفل تخرجنا بجد شي حلوو الأمس طلعت نسبنا واليوم حفل تخرجنا صحيح أن نسبتي نزلت من التفكير والقلق بس الحمد لله سجدت لربي شكر 98% نعمه , كالعادة دانا أشطر وحدة في مجموعتنا ماشاء الله عليها ,, أبتسمت لليوم أحداث كثيرة صارت فيه والكل يناديني عروستنا أستحي بس تعودت ع الوضع ,, من الساعه 1:20م وصلنا الشاليه تغدينا ولعبنا وماقصرنا طلعنا حرة أيام الإختبارات والدراسه كلها في هالرحله ...
رانيه برجتها المعتاده وهي تدف ملاك: لاحول أخوك ماسوى فينا خير
ملاك تجاريها: هو بس أنتو ترى كلنا أخد عقل البنت وراح فيه فرنسا
مرام: تطمنو بقى ثلاث أيام ويرجعه وبعد يوم الملكه
البنات بصوت واحد لطاري الملكه: أفضل الصلاة والسلام عليك ياحبيب الله محمد وآل محمد كلللللللللللللللللللووووووووووووووووووش
جت لعندهم مها شافت نظرات رزان: هههههههه وش مسويين في مرت أخوي؟
البنات: ههههههههههههههههه النون ومايعلموووون
مها: خفو عليها تراها عروووس
ريهام حطت يدها ع خصرها: ليه أن شاء الله وش مسويين في أختي؟
رانيه: من قدك يارزون يدافعون عنك , جلسو معانا حياكم
ريهام: تسلمين والله مو عارفين مع مين نجلس شوي مع الحريم وشوي معاكم كوكتيل
مرام: ههههههه في المستقبل رزون بتصير مثلكم
مها: يارب الله يتمم لها ع خير وأنتو وراها
الكل: آمين
رانيه: لكن أنا زعلانه منكم ماجبتو معاكم أم شوـوـوـوق
ريهام: أنتي نحط معاك هنادي لابالله خررررررربت
الكل: ههههههههههههههههههههه
عهد: لاحقه كلها 4أيام وتشوفينها
ملاك: هههههه شكلها رنوش تبينا نجيب العائله الكريمه كلها
رانيه: ياليت والله أن الجلسه معاكم ماتنمل
عبير: ههههههههههههههه أم ريان قولي الصدق عندكم ولد ولا شي؟
مها: هههههههههه عن نفسي أخوي الوحيد بعد أربعه أيام ملكته
مرام: هو حتى لو عندكم ولد من جدكم السابع تلقين رنوش أكتشفته
الكل: ههههههههههههههههههههههههههههههههههههه
ريهام: أبي أعرف أنتو من الظهر للحين ماتعبتو ولا مليتو؟
البنات بصوت واحد: لااااااااااااااا "وقامو اللي ترقص واللي تغني واللي تتمرجح<<مطلعين حرة الدراسه صح ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:40م في شقة سمانه وخالد ...
سمانه..خلصت وتأكدت أن الشقه مافيها أغراض لنا , اليوم إن شاء الله راح ننتقل لفلتنا أنا وخالد مدري كيف من حاول عمر يعتدي علي وأنا عايشه في رعب حتى خالد لاحض علي وصرت ما أنزل إلا إذا كانت معي وحدة من البنات أو خالد ولا أبعد عنهم طول ما أنا تحت ,, لمن فاتحت خالد بالموضوع تفاجئت أنه تفهمني بدون لايسألني ليش أو إذا ضايقني حد خفت أنه فهمني غلط وبينت له أننا راح نظل أخوان نفس الشي تفهم الوضع حتى أهله فهمهم الوضع وخلى المسؤوليه كلها عليه وأنا برا السالفه , أبي أعرف كيف هالأنسان يفهمني بدون لا أتكلم الله لايحرمني منه , تخيلت لو يوم من الأيام يكون عندنا أنا وخالد طفل , صحيت من أفكاري ما أبي أحلم كثير الولد حاشمني وعادني أخته حتى لو حبيته خل أكتم داخلي آآآهـ ليه حبيتك ياخالد , صحيح أن أحنا عادين بعض أخوان لكن مواقفه معاي وأسلوبه وتفهمه لي وكل شي فيه وصفاته أشوفه بصورة فارس أحلامي اللي حلمت فيه ...
خالد: سمانــــــــه
سمانه صحت: بسم الله روعتني
خالد: ههههههههههه ساعه وأنا أناديك وأنتي سرحانه
سمانه: ليه حظرتك حرمت السرحان؟
خالد: بصراحه من رأيي الشخصي.......
قاطعته سمانه وهي تتناقر معاه كالعاده: بس بس بس مسوي نفسك فاهم
خالد بإحباط: يعني أنا حمار قدام عينك؟
سمانه ماقدرت تكتم ضحكتها: هههههههه وربي مو قصدي ههههههههههههه
خالد: أضحكي يالدبه وش وراااك
سمانه: هههه أفا خلود أخوي زعلان "قربت منه"
خالد..ماتحملت قربها حسيت أنها لو قربت مني أكثر ماراح يعدي هاليوم ع خير تداركت الوضع ودفيتها بمزح ...
سمانه ع بالها أنه زعل من جد: خالد آسفه
خالد وفي قلبه..هالبنت بتذبحني أشك أن الليلية راح تعدي ع خير... قال يغير الجو: يلا يلا لا نتأخر الليلة السهره صباحي أهلي وأهلك لاتنسين عشاهم عندنا
سمانه: أي والله ع قولتك لا نتأخر "وهي تعدد ع أصابعها: ببخر الفلة وأعطرها وو...
خالد دفها بمزح: قداااااامي بخلص النهار وأنتي تعددين اللي بتسوينه
سمانه وهي تتقرب من خالد لأنهم وصلو عند المدخل: خل ننادي البنات
خالد..ياقلبي سماانه كسرت خاطري أكيد ماتبي تدخل بيتنا بروحها ماحبيت أبين لها شي دخلت معاها نادينا خواتي , رحنا للفله كنت أنزل الأغراض من السيارة وسمانه وخواتي يساعدوني صحيح أن الأشياء بسيطه بس كل وحدة حملت معاها شي , فسخو عباياتهم هنا أنا خقيت ع سماااانه طالعه رهيييييييييبه لابسه برمودا محير لنصف الركبه مع بلوزه كت أريح لها في الشغل , حسيت أني مو قادر أجلس أكثر أستأذنت ورحت للمجلس أشوف الوضع عشان عشاء الرجال ...
سمانه فتحت الباب وهي تنزل نظارتها الشمسيه وشعرها يتطاير مع الهواء , قالت بنعومه: خالد تآمرني بشيء؟
خالد اللي مايبي يرفع عينه عشان لايصير شي غلط: تسلمين
سمانه بانفعال: خلوووووود أكلم نفسي
خالد: هــــــــاااه
سمانه عصبت وراحت عند الباب: خلي حد ثاني يجي يفهمك
خالد لحقها: آسف وش كنت تقولين
سمانه نظمت له دلات الشاي والقهوه وهي تقول له عن كل وحدة اللي بدون سكر واللي...ألخ>> ,, رن جوالها وردت: هلا والله...........تمام بخير ..........أيوة ناقصني وجودك والله................جميعاً بوجودك...........هههه تسلمين يالغلا والله تمنيت أنكم تكونون معاي....................بوسيهم عني وباركي لهم......إن شاء الله..........سلمي لي ع البنات...........وأنتي كمان لاتنسينا من الدعاء...........مع السلامه........الله يسلمك...............مع السلامه, "قفلت جوالها"
خالد ببتسامه: أم فيصل؟
سمانه: ياشرييييييييير , كيف عرفت؟
خالد: ههههههههه من طريقتك معاها , ليه ماراح تجي؟
سمانه: الليلة حفل تخرج بنتها وبنت أخوها وبعد4 أيام ملكة ولدها
خالد: الله يعينهم
سمانه: إن شاء الله , يلا أنا رايحه تآمرني بشي؟
خالد: سلامتك وأنتبهي لنفسك الليلة
سمانه ببتسامه وهي تأشر ع عينها: من عيوووني "وطلعت"
خالد تنهد وسند راسه للكنب وهو يناظرها وهي تطلع ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:30م في محل راشد ...
راشد..كنت مشغول مع الزباين لمن حسيت أن الوضع هدأ تقريباً معظمهم كانو يتفرجون جلست ع الكرسي أنزل لواحد من الزباين نغمات , أنتبهت لطفل صغنون يهبل أعطه 7أو8سنوات وقفت ضربته ع صدره بخفه ...
راشد: شسمك يابطل؟
الطفل ببراءه: ساري
راشد: آمرني يالغالي
ساري: بكم الآيبود؟
راشد: شوف حبيبي في آيبود وفي أم بي ثري أنت شنو تبي بالضبط؟
ساري: أول شي بكم؟
راشد: ماعليه حبيبي خلي البابا يجي معاك قول له راشد يبي يتكلم معاك عشان أنا أضبط كل شي معاه
"ساري هز راسه بالموافقه وطلع من المحل"
راشد..لمحت تغير في ملامح الطفل أختفي من قدام عيني وبعدها دخلو مجموعة شباب وقفت أشوف طلباتهم وأتكلم لهم عن الأجهزه ومواصفات الأجهزة.....ألخ>> ,, وقف ع بال ماهم يتشاورون أكمل شغلي ع الاب , سمعت صوت حد يناديني رفعت راسي سلمت عليه وتباوست معاه ...
فارس: يالقاطع لو ماجينا لك كان ماشفناك
راشد: هلا والله فيكم حياكم الله في كل وقت
جاسر وهو يضرب ظهر وائل: عاد ولد أختي يبي يغير جهازه
راشد: يآمر هو يتدلل يشوف الجهاز اللي يعجبه وبالسعر اللي يعجبه
وائل: تسلم والله
فارس جلس ع الكرسي اللي قبال راشد: أجل اليوم طلعو فهد وفيصل
راشد: أي والله الكل ينتظرهم
فارس: الله يجيبهم بالسلامه كلمني العريس قبل يركبون الطائره
راشد: ههههههههههههههههه العريس خون فينا
فارس: ههههههههه فصول من يوم عرفته وهو مايتوب عن مفاجئاته
راشد: هو بس أنتو تفاجئتو حتى أحنا كذا ماشفناه الا عزم عزايمه وقال بملك
فارس: هههههههه فصول بيودع العزوبيه
راشد: أقول له هذا اللي مايبي يخطب قال لي خايف ع يدك
فارس: ههههههههههههههههههههههههههههههههه ليه وش سالفة يدك؟
راشد: قلت له أقص يدي إذا تجلس أسبوع عقب نزلتك
فارس: هههه مكشوف , عاد الحين بيهيص لاشغل ولا مشغله بيلهي مع الخطيبه
راشد: اتوقع والله أعلم أنه ماراح يشتغل دامه بيملك
فارس: ههههههههههه حرام عليك لهدرجه طايح من عينك
راشد: وأكثر أنت ماشفتنا أنا فهود وش سوينا فيه
فارس: ههههههههه آآآآآهـ هـ ذوب مهجتي أبو الفياصل
جاسر اللي تقرب منهم: وهالفيصل محد مخليه في حاله وين مارحنا نسمع خلق الله تحش فيه
راشد: ههههههه قلت لهم الحش فيه عباده محد صدقني , سامع مين يحش فيه؟
جاسر: الشباب في المقهى
وائل اللي توه متقرب ومايدري شالسالفه: مين فيصل؟
فارس: هههههههههههههههههه أطلـــع صديقي طلع مشهور أنت شنو يعرفك فيه؟
راشد: الظاهر أنه سمع عنه في التلفزيون ولا شاف صورته في المجله
وائل: لاوالله ماشاء الله عليه خفيف دم ومحبوب عند الكل
فارس: أنتو ماشفتوه في فرنسا صادق كل سكان فرنسا
جاسر: ههههههههههههه الحمد لله أنه صار معك أقلاً صرت أجتماعي شوي
راشد: ههههه ياحليله فصول الله يرجعه بالسلامه "لف لوائل: رسيت ع شنو؟
وائل: n95
راشد: حلووو وأنا أنصحك فيه مطلوب كثير , يلا عاد السعر مالي دخل فيه اليوم أنت صاحب المحل
وائل: لاتحرجنا عاد حقك قول بكم؟
راشد: مالي دخل في الأسعار أعتبر نفسك صاحب المحل
فارس: ههههههه وؤل فرصتك خد لك 4جولات بـ100ريال
الكل: هههههههههههههههههههه
جاسر: ماتنعطون وجه عز الله فلست ياراشد
راشد: حلالهم إذا تبون بعد لابتوبلات حلالكم المحل محلكم
فارس: نخاف بس نطلع وتسب فينا
راشد: ههههههه شدعوه نورتوني
وائل: النور نورك "عطاه المبلغ"
راشد ناظره بعيون تلمع: يبقى لك 200
راشد..أنبسطت معاهم هالناس حسبة أهلنا من سنين نعرفهم ماشفنا منهم إلا الخير , جابو لي جهاز من الفرع الثاني جلست أشتغل عليه سمعت نفس الصوت الطفولي يناديني ...
راشد ببتسامه: جا معاك البابا يابطل؟
ساري بعون تايهه: بابا راح الجنه
راشد..نظرته البريئه سلبت كيااااني ذكرتني بحالي لمن كنت في عمره بدون شعور حملته مثل العصفور بين يديني وضميته لصدري بكل ماعندي ومسحت ع راسه , أنتبهت لنفسي وأنا ناسي كل اللي حولي وأنا ضام الولد نزلته جلسته ع المكتب وأبتسمت له قال وكأنه أرتاح لي ...
ساري: شسمك؟
راشد: أسمي راشد
ساري: عاشت الأسامي
راشد جر خدوده وهو مبسوط ع كلامه: تسلم ,, قم خل أختار لك آيبود
ساري: كم سعره الآيبود؟
راشد: أنت ماعليك من السعر أختار لك اللون اللي يعجبك
ساري أختار له آيبود أسود وعطى راشد الفلوس وقال ببتسامه: مشكوور عمي راشد
راشد: وين رايح؟
ساري: بروح بيتنا ماما بروحها هي قالت لي لا أتأخر
راشد: بيتكم بعيد؟
ساري: لا هنا قريب
راشد قام معاه وهو يوصله لعند بيتهم: أنتبه لمدرستك وأسمع كلام الماما ولا تقطعني
ساري: إن شاء الله "أشر ع باب بيتهم: تفضل
راشد..أستأذنت منه ورحت لمحلي , الله يقطع الشيطان نسيت المحل مفتوح الحمد لله أن الشارع مليان ولا اللي ماعندهم ضماير ممليين الدنيا , ياحليله ساري دخل قلبي حسيت وأنا أضمه ببراءته في نفس الوقت حسيته يذكرني بنفسي لمن كنت صغير ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
في أجواء غيررر أبطالنا يطيرون مع الطيور يحلقون في السماء راجعين لديرتهم وأهلهم وناسهم بعد الأغتراب .. راجعين وهم رافعين رؤوسهم ورؤوس أهلهم وناسهم .. راجعين وعن قريب بيصيرون عسرسااان ...
فيصل..كنت جالس جنب فهد ولاني جالس جنبه , كنا جالسين جنب بعض لكن قلوبنا مو ع بعض حاس أن فهد شايل علي في قلبه عمري ماشفت فهد يكلمني بهالبرود , أحسه يكلمني بس لأن أحنا في غربه ومالنا إلا بعض , حتى لمن لقينا الفلاش كنت مبسوط ورايح أبشره رد علي ببرود وقال يمكن حد خدا اللي فيها ورجعها , أنهبلت أنجنيت قلت له خل نجلس أقلاً لحد ما نتطمن أن الصور محد شافها أو أخدتها , قال لي أني أناني وما أفكر إلا في نفسي قال كيف بيكون موقف رزان لو تأجلت ملكتها كذا بدون لاتدري كيف , في النهايه طلعت صدقه وتوكلت ع الله ...
فهد..كاسر خاطري فصول بس في نفس الوقت ضاغط نفسي عشان أأدبه أنا حالف أني بأدبه ولا راح أبطل حلفي , قبل لا نطلع بساعتين حطيت الفلاش في شنطته الصغيره , ههههه حاس نفسي شرير بس يستاهل فصول ماراح أقول له إلا إذا جابو درزن أولاد خخخ ...
فيصل: فهد
فهد وهو خايف يضحك وينفضح: هلا
فيصل: ما أشوفك تآكل حطو العشاء من فتره
فهد..حاس نفسي توم كروز وأنا ممثل هالتمثيله الطويله العريضه اللي يشوفني يصدق أن السالفه صدق , سميت بالله وسويت نفسي آكل بدون نفس عشان أعلم فصول أن الله حق , ياويلي متى بس نوصل المشوار طويل ومن مطار لمطار وحاله ولازم نعيد صلاواتنا اللي فاتتنا في الطائرة إذا وصلنا وبعد مانوصل بيوم ملكة رزان وفيصل , غمضت عيني وأنا حاس أن وراي أشيا كثيرة لازم أسويها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:16م في فيلا خالد وسمانه ...
سمانه..كنت قايمه جالسه وجالسه قايمه أباشر طلبات الضيوف صحيح أن البوفيه مفتوح بس لازم يحتاجون أشياء , في نفس الوقت كنت متضايقه من نظرات أهل خالد كأني مجرمه لو قاتله لهم قتيل ويبون يأمرون علي بأتفه الأشياء وكأنهم يبون يعجزوني لكن أنا حاظره ع قول الشاعر
وأني لعبد الضيف مادام نازلاً ولاشيمة لي غيرها تشبه العبدا
نادتني غدور أكيد حست لي , هي بعد مثلي عز الله نزل وزنا 15كيلوو مع هالحركه ...
سمانه: هلا حبيبتي غدوور
غدير: الجوهرة تقول أن خالد ضروري يبيك
سمانه بروعه: الله أجعله خير
غدير وهي تغمز: خير بس شكله الأخو مشتاااااااااااق
سمانه ضربتها بخفه وراحت تركض لعند الباب وصلت لعند خالد أبتسمت في وجهه وقالت: هلا خالد
خالد يناظر عيونها التايهه ولبسها الأنيق وشعرها وتميزها اللي يليق بأنها صاحبة البيت: هـــــــلا والله
سمانه بتوتر: آمرني خالد الجوهره تقول أنك تبيني خير في شي
خالد ضحك ضحكات عاليه تثير الشك ...
سمانه بحرج: خالد عندنا ضيوف
خالد أنتبه لحاله ورجع للوراء وهو حاط يده ع فمه وماسك يد سمانه يرجعها للوراء معاه لين صدم في الجدار وصارت سمانه قباله ...
سمانه..تفاجئت من ضحكاته العاليه بس لا إرادي أذوووب بقرب أنفاسه مني ضليت أناظرة أبيه يتكلم , سمعنا صوت طراااااااااااااااخ رفعت راسي شفت بنت عمة خالد مقفله النافده بقهر , يمكن تفاجئت لمن شفت ضحكاته العاليه وقربه مني لكن آآآآه طلعت تمثل ياخالد بس قدام الناس لهدرجه ما أعني لك شي!! ...
خالد..تفاجئت لمن رفعت راسي صحيح أني نحيس وعنيد لكن ماتوصل فيني أني أمثل أو أجرح مشاعر زوجتي أو بنت عمتي مهما يكون فكل وحدة لها مشاعر , ناظرت في عيون سمانه أكيد متضايقه ع تصرفي أكيد بتعتبرني واحد غبي وسخيف قلت أبرر موقفي ...
خالد بتبرير: ماكنت عارف أن في حد يناظرنا من الشباك
سمانه: ...............................
خالد: سمانه زعلانه؟
سمانه تنهدت وقالت تغير الموضوع: خالد ناديتني بغيت شي؟
خالد: لابس حبيت أتطمن ع الوضع عندك عسى ماحد مضايقك مو ناقصك شي؟
سمانه: تسلم , تآمرني بشيء؟
خالد: لا أبد "ناظرها لين ماطاحت عينه بعينها: سمانه زعلانه؟
سمانه أبتسمت غصب عنها: لا "لفت ظهرها بتروح"
ناداها خالد: سمــــانه
سمانه: هلا
خالد: أنتبهي لنفسك
سمانه: إن شاء الله
خالد يحك راسه: خلصتو عشاكم؟
سمانه: يعني ناس خلصو وناس يشوفون الفيلا وناس جالسين يسولفون وأنا كل شوي أصير مع ناس
خالد: الله يعينك أكيد تعبانه
سمانه: لا والله وناسه البنات مو مقصيرن معي
خالد: يلا لا أأخرك وأنتبهي لنفسك "أنتبه لخط أحمر في كتفها سألها: سمانه وش فيك
سمانه..نزلت راسي بحرج ياااااااااااربي محد ظل ما سأل واللي ساكت معناها فاهم غلط ...
خالد: آسف إذا...........
سمانه قالت بسرعه لايفهم غلط هو الثاني: كنت أدخل الملابس في الغساله وطاح علي غطاء الغساله
خالد حط يده عند كتفها: يوجعك؟
سمانه: شوي الحين بعد فتر الألم الحمد لله
خالد: ألبسي عبايتك خل نروح الطبيب
سمانه من بين أسنانها: خااالد عندنا ضيوف وبعدين مافيني شي , يلا عن أذنك تأخرت
خالد: أوكي وأنتبهي لنفسك
سمانه..لوحت له بيدي ودخل شفت النظرات اللي أكرهها نظرات الحقد والحسد والغيرة , المشكله حتى مرت أبوي جالسه مع عمات خالد وكأنها منهم حاولت أكون طبيعيه وطول الوقت الإبتسامه منظر وجهي , ظليت أباشر الضيوف لين ماركبو البنات معي فوق يتفرجون ع الطابق الثاني للفيلا وصلنا لغرفة خالد هنا أنقبض قلبي ...
:تجنن الغرفه
:بس ليه كذا مأثثه!!
سمانه تغطي توترها: هذي الغرفه أحتياط لين وحدة منكم بتنام معانا أو إذا كان عندي أختبارات أذاكر فيها عشان لا أزعج خالد
سحر غمزت لها: يمكن البيبي جاي في الطريق وهذي الغرفه له
غدير: أو يمكن ناويه تطرد أخوي من الغرفه إذا تهاوشت معاه
سمانه..ضحكت ع تعليقاتهم مدري أضحك ع حالي أو ع شنو بالضبط , بعد ساعه تقريباً فضت الفيلا ضلو معاي حمواتي السيارة ماكفت لهم خخخخ توهقت حضراتهم ناوينين ينامون في غرفة خالد يستهبلون طبعاً الله يستر بس ...
غدير: لاحول شكلنا بننام عندكم
سمانه: ياليت والله
سحر: صحيح أنك متفرغه أول ليلة في الفيلا خدو راحتكم أنبسطو مع بعض مو ننام معاكم
الجوهره: عشان تعرفون حسن نوايا مرت أخوي هذي حزات الغرفه المأثثه الزايده
سمانه: الحمد لله في إثبات لحسن النوايا "قامت وقالت وهي تمدد يدينها: بقوم أبدل ملابسي وبالمره أشوف خالد إذا نام أو لأ
غدير: البيت بيتنا طبعاً
سمانه: ههههههههه طبعاً "ورقت الدرج لين ما وصلت لغرفة خالد لقتها فاضيه طقت باب غرفة النوم المشتركه اللي هي غرفتها"
خالد..سمعت صوت طقتها المميزه ع الباب قلت لها تفضلي كانت رهييييييييييييييييبه بمعنى الكلمه حاولت أصرف نفسي عشان لا أسوي شي غصب عني ...
خالد: آسف كنت تعبان كثير ومو حلوة أنام بغرفتي النوم وعندنا ضيوف
سمانه أبتسمت: عارفه "قالت بمزح: بعد شوي يطلعون خواتك تروح غرفتك مفهوم
خالد: هههههههههه مفهوم ميت ع غرفتك أناا
سمانه وهي تروح عند غرفة الملابس: لايكثر بس ببدل ملابسي البنات تحت ينتظرون السايق لا أتأخر عليهم
خالد لا إرادي ناظرها بإعجاب وهو يسمع صوت كعبها يتردد في أركان الغرفه: حلو عليك الفستان بلييييييز لا تبدلينه
سمانه أنصدمت: شنو اللي لا أبدله حامت كبدي منه من بعد المغرب وهو علي
خالد أنتبه للكلام اللي قاله: قصدي يعني ع بال ما خواتي تحت كملي بالفستان لحد مايطلعون
سمانه فكرت شوي يعني شنو بتلبس تكمل بالفستان أحسن لها لحد مايطلعون البنات , رفعت كتوفها: ع قولتك يلا بروح أشوف البنات
غدير ناظرت سمانه وهي تنزل الدرج: هذي اللي بتبدل
سمانه بكذب تبين لهم أن علاقتها بخالد طبيعيه: شسوي في أخوكم عاجبه الفستان
البنات قامو يصفرون ويصفقون , سحر: الحمد لله أنك نزلتي توقعتك ماتنزلين
سمانه رمتها بعلبة الإكلينكس: أقول لا يكثر
الجوهرة اللي توها مقفله جوالها: يلا خالي برا
غدير بمزح: الحمد لله أنه جا عشان نطلع بكرامتنا
سحر تجاريها: وأنتي الصادقه لو تأخرنا 5دقايق نلقى نفسنا مشردين
سمانه: ههههههههههههه مهابيل وربي , أستريحو نامو معانا
سحر: لا يعيوني ماننام مع متزوجين أحنا ناس عزابيه ونخاف نتعلم ع أشياء غلط "طلعت تركض وراء خواتها اللي تقدمو عنها قبل تسمع رد سمانه"
سمانه..ههههههه ياحليلها سحور , دخلت الفيلا جلست عند المرايا اللي في الممر لفيت شعري ورفعته بإهمال وفسخت الصندل والإكسسوارات شلت الميك آب من وجهي وركبت الطابق الثاني , أستحيت أطق باب الغرفه أكيد خالد نايم , رديت نزلت تحت خديت لي بجامه من الخزانه مشيت حالي فيها , دخلت غرفة خالد يلا أقص شريطها خخخ أول ليلة أنا أنام فيها لكن مردوده مثل ماهو جرب سريري قبلي أنا أجرب سريره قبله , أنسدحت ع السرير وركبت لي المنبه للصلاة تقلبت ع السرير وتقلبت أفففف مو جايني نوم هو من التفكير والفيلا الجديدة والأحداث اللي صارت اليوم قمت من ع السرير جلست أتمشى في الفيلا الكبيرة اللي مافيها حد غيري أنا وخالد آآآه اللي يشوف هالفيلا الكبيرة ويسمع عن أنتقالنا المفاجئ لها يقول هذول أسعد زوجين مايتوقع أبد أنا نكون أسعد أخوااااااان , أستعذت من الشيطان وأنا أسمع صوت الأذان رحت أستعد للصلاة وبالمرة أصحي خالد ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 2:44ص في فيلا أبو وافي ...
حنين وهي تنقلب ع السرير: لحظه سيوفي بركب السماعات
سيف: ياعيووونه خدي راحتك
حنين: أيووة كمل حبيبي وش كنا نقول
سيف: أبد بس كنا نحش في أختك أنهار كملي حش
حنين: هههههههههههه مسكينه أنهارو
سيف: دامها مسكينه خل ندور لنا حد ثاني نحش فيه
حنين: سييييييف وش فيك تبي تحرقنا الناس هالحزة يتعبدون وأحنا نحش في خلق الله
سيف: ههههه لحظة بعد قلبي دقايق وأكلمك
حنين بدلع: مابي مابي , مافي تقفل
سيف: ههههههه عيوني اللي ماتبيني أقفل , لحظة بس أشوف المسج اللي واصلني
حنين: يلا أقرأه بصوت عالي
سيف وبانت نبرة حزن ع صوته وبرود: هلا
حنين اللي مابعد تنتبه لصوته المتغير: هلا والله حبيبي مشغول؟
سيف: لالا مو مشغول
حنين: فيك شي؟ المسج اللي وصلك ضايقك؟
سيف: لالا ولا شي
حنين: حياتي حاسه أنك مو ع بعضك , من المسج اللي وصلك صح؟
سيف بهدووء: خلاص حنين قفلي ع الموضوع كملي وش كنتي تقولين؟
حنين: إلا ماراح أقفل ع الموضوع لازم أعرف ولا مو من حقي؟
سيف: حنين صدقيني لو أشوف أنه في مصلحتك أنك تعرفين كان قلت لك بدون لاتطلبين مني
حنين: مابي مصلحتي أهم شي أتطمن عليك سيف تكفى قول لي
سيف تنهد تنهيدة طويله وقال بضيق: هـدى
حنين: مين هدى؟ "سكتت قالت بسرعه وصوتها فيه بحة: طيب وش دخل هدى مو هي خلاص طلعت من حياتك؟!!
سيف: قلت لك ياحنين هالبنت مابتتركني أروح في حال سبيلي هذي بتخرب حياتي حالي من حال غيري
حنين ودموعها ع طرف أهدابها: يعني تتوقع أن في شي في الدنيا يفرق بيننا !!
سيف تعجب من كلامها وقال بدفاع: مافي شي يفرق بيني وبينك فاهمه تدرين ليش؟
حنين نزلت دموعها من نبرته الحاده وسألته: ليش؟
سيف بهدوووء: لأنك لي لي وبـــــس ياحنين
حنين أقشعر كل جسمها تنهدت وقالت بضيق: طيب وهدى؟
سيف: هدى أنا أعرف شغلي معاها بس أنتي أصبري علي شوي
حنين بخوف: سيف أرجوك لا تسوي شي وأنت معصب لا تسوي شي تندم عليه طول حياتك ويخرب حياتنا
سيف: أنا أبي أأدبها تأديب فقط لاغير
حنين بخوف: سيف أتركها عنك تكفى
سيف: ههههههههههههههه ياخوافه قلت لك مافي شي يخوف مجرد تأديب
حنين: حتى ولو إذا لي معزه عنك بتتركها
سيف: هههههههههههههههههه حبيبتي خوافه خلاص لعيونك بتركها راضيه علي؟
حنين: بعد عمري المطيع كللللللللي رضا عليك
"ظلو يتبادلون الحديث ويسولفون ويخططون لشقتهم وموعد زواجهم اللي أحتمال يكون قريب , لين ماسمعو صوت الأذان قفلو من بعض وقامو يصلون ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:39م في الشاليه ...
رزان..ناظرت أشكالهم تهلك ضحك ههههههه كل وحدة منسدحه من جهه عقب التعب واللعب والرقص والهياص من صبح الله أخيراً تعبو , ولا اللي هالكني أكثر أنهم منسدحين ع الكنب يرتاحون شوي ويوقفون يرقصون بعباياتهم والله أنهم مهابيل , في القاعه اللي جنبنا الأبلات والأمهات حنا بروحنا والصبايا ماخدين راحتهم , لا وأزيدكم من الشعر بيت مراموه متعمقه في النوم ههههههههههههههههههههههه ...
دانا: بصراحه مرام يبي لك صوووورة
عبير: ومين اللي مايبي لها صورة كل وحدة شكلها أعظم من الثانيه
رزان: أنا مستغربه في اللي يرقصون ماشاء الله كيف للحين ماخلص ديزلهم
البنات: ههههههههههههه تحلمين يخلص
رانيه بملل ترمي عليهم نكت: لايكون شاربين بارو هورس صبايا
:ههههههههههههه ياويلي ياما حلمت أشوفك يارانيوه مالك خلق
:هذي يصير مالها خلق هذي حتى وهي معصبه ترمي نكت
عبير: وقفو شوي حرام عليكم معانا وحدة حامل
رانيه: ياااااااااااااااي لو تولدين علينا آآآآآآكشن نولدك يكتبون في الجريدة "طالبات المدرسه الثانويه في رحلة إلى الشاليه وعملو النون ومايعلمون حفل تخرج وعرس ووناسه ومالم يخطر ع البال وفي النهاية آخر إنجاز ((تم توليد طالبه في الشهر السابع))"
الكل: هههههههههههههههههههههههه
:رانيوه اليوم صايرة مذيعه كل ماصار حدث أعلنت عنه
:هههههههههههههه ياويلي ولدوني أنا في السابع
عبير: أرحمي حالك شكلك بجد بتولدين من الضحك
:شوي وبيجي لي رجلي ياخوفي مايخليني أطلع من البيت أسبوع
رانيه: هو بيشوف شكلك , هي وحدة من الثنتين يابيحكم علينا مؤبد يابيفجرنا
:لا حرااام تراه مسالم
:جب بس حتى لو جلف بيصير معاك مسالم
الكل: ههههههههههههههههههههههههههه
:يلا وصل أستأذن
تعالت أصوات البنات يودعونها: نشوفك ع خير .. تولدين بالسلامه .. أسمحي لنا .. تحظرين الملكه أكيد ...
رانيه وهي تناظر من الشباك: حركات
الكل أنتبه لها شهقو بستنكار , عبير: رانيه وش تشوفين؟
رانيه: لاتخافون ياجماعه ماشفت شي غلط بس خدا أغراضها ومسح ع بطنها ومسك يدها
عبير رمتها بالخداديه: تفووووووو
رانيه: وش فيك أنتي حسيت أني أبي أكسجين فتحت النافده وشفتهم طالعين شسوي لك يعني أغمض
عهد بطناز: أي والله مسكينه رنوش غرضها شريف
دانا: لا إله إلا الله ما أنقطع الأكسجين إلا يوم طلعت البنت
رانيه: يآآآآه ياحبي للنسيم والطبيعه الخضراء
ملاك: أستغفر الله ترى سواقنا أسمه نسيم
عبير: هههههههههههه زين لك كذا رانيوه تنحطين مع وحدة تفكيرها مثلك
مها فتحت الباب قطعت عليهم ضحكهم: يلا بنات ترى السايق وصل
مها..شفت حوستهم وهم يقومون اللي تصحي صديقتها واللي تدور لفتها واللي تدور نقابها , ضحكني شكل رزان ورانيه شايلين مرام كل وحدة من إيد ومرام ولا حاسه لهم والبنات تعليقات وطناز , ركبنا الباص الكبير جلسنا قريب نهاية الباص ماما كانت واقفه تعدد أسماء البنات عشان تتأكد أن كلهم موجودين عقب ما تأكدت مشى الباص وسوينا صلوات عاليه ...
الكل: اللهم صلِ على محمد وآل محمد ,, رحم الله من أعادها ثانيه ,, اللهم صلِ على محمد وآل محمد ,, الثالثة لقضاء الحوائج ...
مها..تقريباً وصلنا 15صلاة خخخ بعد ماهدأت الأوضاع أتصلت ع أسامه ياقلبي من الظهر وأنا طالعه عنه وصلني صوته رديت عليه بحب..هلا حبيبي........كيف أمورك؟..........بعد قلبي...........تجي لي ولا أروح مع بيتنا؟.........لاحياتي إذا بتنام خلاص كذا ولا كذا نسيم بيمر أمي وخواتي ع طريقهم يوصلوني.............براحتك........كيف رياني؟........"صغرت صوتها: حبيب ماما كيفك؟..........لعبت مع أولاد العمه؟......بعد روحي الشاطر...........لاتتعب البابا الحين أجيكم............هلا أسامه حبيبي............يحليله عسى ماتعبكم؟........الحمد لله.........ههههههههههههههه.........هذول البنات توهم منتبهين أني أكلم............طيب حبيبي تآمرني بشيء؟............حافظك ربي أنتبه لنفسك ولريان...............إن شاء الله مع السلامه,
رانيه: هنا كورسات مجانيه ثنتين جنب بعض كل وحدة تكلم زوجها من جهه
دانا-رزان: ههههههههههههههههه
ريهام اللي توها مقفله جوالها: يسلم عليكم طلال
فضيله بمزح: بعرف بس كم مرة سلمو علينا طلال وأسامه
الكل: ههههههههههههههههههه
:يارب مثل هالجمعه نروح للنبي بنفس هالباص
الكل: آآمين
دانا..وناسه الرحله أنبسطنا كثير بنات كثيرين صارو معانا في المدرسه وماحصل لنا الشرف نتعرف عليهم الرحله عطتنا فرصه نتقرب لزميلاتنا في المدرسه أكثر ونوسع علاقاتنا حتى بنات كنا مانعرفهم زين تغيرت فكرتنا عن معظم البنات للأحسن أنبسطنا بجد حسينا أن أحنا كلنا خوات وكل البنات اللي معانا في الرحلة إن شاء الله بيحظرون ملكة رزان خخخخ ع فكرة ترى رزون ماخليناها في حالها هي وثلاث من الصبايا قريب بيملكون الحمد لله أنهم مو في نفس الليلة , و4بنات حوامل إن شاء الله يولدون بالسلامه والباقي عزابيه أمثالي خخخخخخخ ...
رانيه ناظرت دانا اللي مسنده راسها عند الشباك وتسمع في الآيبود ولا تدري وين رابي حاطها: أحححـــم
دانا ورزان نقزو: هلا رانيوه
رانيه: ههههههههههههههههه "مدت لهم الشيبس: تفضلو نقنقو معانا
رزان خدت وحدة: شبعانات والله أنا حاسه أني بنفجر أول مرة آكل مثل هالأكل
مها بصوت عالي عشان تسمعها رزان: ياخوفي بس يضيق عليك الفستان
رزان بخوف: أمبييييييه حزتها شسوي بالله؟
عبير بمزح: أجلي الملكه
ريهام: هههههههههههههههه لايفجرك فيصل
مرام اللي كانت توزع المويه: تفضلي أم ريان
مها: صح النووووم مرام
مرام: هههههههه صح بدنك
رانيه بهجومها المعتاد: وأنا ما صح بدني جاني خولنج وأنا أحاول أرفعك يبي لك أنج ياكافي الشررر
رزان: ههههههههههههه صح بدنك رنوووش
:بنات خل نلعب أونو ع الأرض
ريهام: ماشبعتو لعب!!
فضيله: أنا بسألكم أسأله تستفيدون منها وش رايكم؟
الكل وافقو ع أقتراح فضيله اللي جلست تسألهم أسئله منوعه وهم يتناقشون ويجاوبون ولا ننسى أجواء المرح اللي تملي المكان والصلوات والتصفيق والتشجيع والأناشيد والهدايا لين ماوصلو عند المدرسه بالسلامه وكل وحدة أتصلت ع أهلها وراحو بيتوهم بالسلامه ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثاني والعشرون
((هذا الجزء
-حفلة تخرج الصبايا اللي عطتنا جو بالمرة حلوو
-أنتقال خالد وسمانه لفيلا بروحهم تتوقعون شنو تأثير هالشي ع علاقتهم وهل بيصارحون بعض بشعوهم؟
-ساري..الطفل اللي تعلق فيه راشد تتوقعون له تأثير ع حياة راشد؟
-فهد وفيصل ع وصول <<يرجعون بالسلامه
-هدى وظهورها من جديد في حياة سيف وحنين تتوقعون شو تأثير ظهورها عليهم؟
-بالإضافه إلى قرب ملكة رزان وفيصل
يعطيكم ألف عافيه
تابعونا
تحياتي))

.
.
.

.:دانهـ العشآق22:.

سوري بقوووه خيتوو مجنونه ع التأخير

///

ذايب في هواهم
((الجزء الثالث والعشرون))
بسم الله الرحمن الرحيم
((المستجدات في هذا الجزء
-وصووووول فهد وفيصل بالسلامه للسعوديه من الأمس والكل أستقبلهم بالمطار وعاد لاتسألوني عن وناستهم
-اليوم حدث مميز الكل أنتظره على أحر من الجمر((ملكة رزان وفيصل))
لا أطول عليكم
تابعونا))
صحيح أنشغلنا بالدنيا
لكــــــــن ماتغيرنا
نــــــــــدوس الوقت لو فكر على كيفه يمشيـــــــنا
ونعيش العمــــــــر
ونقدر عيون اللي يقــــــــدرنا
ونعرف إن الزمــــــان
مهما يباعدنا
"يجيله يوم يجمعنا"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:14ص في فيلا عبد العزيز , بالتحديد في غرفة فهد ...
فهد..خلصت تجهيز وحوسه رشيت لي العطر اللي أحبه من أيام الجامعه وحطيت نظارتي الشمسيه في جيب قميصي وطلعت من الغرفه شفت رزون في البوفيه تسوي لها كوفي ...
فهد ببتسامه عذبه: أحلى صباح ع أحلى عروس
رزان ردت له الأبتسامه: صباح النور ع أحلى أخو "سحبت له كرسي: أفطر معاي
فهد: من قدي العروس عازمتني ع الفطور
رزان: هههههههههه شدعوه , وين ع الله أشوفك كاشخ؟
فهد: بمر العريس وآخد ثوبي وشماغي بالمره
رزان: أهاا كويس , أخبارك من تعب الطيران؟
فهد: متكسر حدي توني الحين حسيت أني مرتاح , الله يعين الليلة بنكرف كرف بس لجل عين تكرم مدينه
رزان: يسلمووو
فهد: بعد عمري خيو كبرتي صرتي عروس , إلا وينهم عنك بنات العمه
رزان: الفجر طلعو عشان يجهزون ويضبطون أمورهم
فهد: طلعو الفجر مع السايق !!!!!!
رزان تلعثمت قالت بخجل: لامرهم أخوهم
فهد: هههههههههههههههههههههههههههههههههههههههههههههههههه أي أخو؟
رزان: اللي معاك في فرنسا
فهد: قصدك خطيبك
رزان: هههه
فهد بتريقه: غريبه مارحتي الصالون
رزان: من الحين عاد بعد صلاة الظهر بتوصل الكوفيرا
فهد: ههههههه وش يدريني عنكم أنتو البنات
رزان: ع بالك مثلكم ثوب وشماغ وقام الدور
فهد: أي والله حالتكم صعبه , يلا خيه أستأذن تآمريني بشي؟
رزان: سلامتك وأنتبه لنفسك
فهد..أبتسمت ع توترها وربكتها اللي تحاول تخفيهم لكنهم واضحين وضوح الشمس , نزلت من السلم بسرعه وسويت حركتي اللي تعودت عليها رميت السويج من بداية السلم ولقفته وأنا ناط ع نهاية السلم ...
رزان: جمباز ماشاء الله
فهد: ههههههههه تعودي يلا باي
فهد..خاطري أجلس مع رزون وحشتني الجلسه معاها بس الوقت ضيق الأمس وصلنا وأنشغلنا بالحوسه والليلة الملكه , سويت نفسي زعلان عشانها ما أستقبلتني في المطار لكن كلمتها وأنا ما أدري خخخخخ هو أنا أقدر أزعل , أختي وأعرفها زين أكيد مستحيه عشان فصول معانا في المطار بس يلا عذرتها , ع طاري فصول ههههههههههههههههههههههههههههههه ذكرت أني للحين ماقلت له عن الفلاش مسكين , توني مكتشف أني نحيس يابعدي فصول طول الوقت وهو متضايق ع الفلاش وأني ما أكلمه مثل الناس قالب وجهي طفيت السيارة ونزلت بيت عمتي شفت نسيم يسقي الزع اللي بره ...
فهد وهو يسلم ع نسيم ويتباوس معاه: هلا نسنس كيفك وش الأخبار؟
نسيم: الهمد لله ئايش كيف أنت وكيف فرنسا
فهد: أنا وفرنسا بخير , إلا وين فصول؟
نسيم: للحين ما نزل شكله نايم في العسل
فهد دخل وهو يضحك ع نسيم اللي من كثر ماعاش معاهم اللي يشوفه يقول أنه سعودي ...
ناصر: هلا بالذيب هلا بأخو العروووس
فهد: هلا بالخال , كيفك؟
ناصر: الحمد لله , ع حضك أني متأخر اليوم بروح بس الشركه ساعتين بتطمن ع الوضع وبرجع
فهد: أيه أستانس وش عليك أبو المعرس وخال العروس
ناصر: هههههههه يلا وأنت متى بنفرح فيك؟
فهد: قريب إن شاء الله , إلا وين فصول؟
ناصر: فوق قاتل النوم قتال اللي يشوفه مايقول عنه معرس
فهد: ههههههههه بخليهم يسوو لي طريق وبروح أصحيه
ناصر: أقلط البنات في جناحهم بس حمحم قبل توصل
فهد..رقيت الدرج وأنا مبتسم فيني الضحكه ع حال العاشق الولهان اللي للحين ماطمنته وريحت قلبه حمحمت أول ماوصلت للطابق الثاني الظاهر أن مافي حد طقيت باب جناح فيصل , أخخخخخخخخ ياويلي أنفشخ مخي هذا أكيد فصول أعرف حركاته لفيت لمحت وحده تركض ههههههههه أكيد وحدة من البنات ع بالها أني فصول الله يهديها فشخت مخي ...
فهد وهو يجر البطانيه من ع فيصل: ماعندنا عرسان ينامون لهالوقت
فيصل اللي صحى يفرك عينه مو مستوعب الوضع , شاف فهد وضمه ...
فهد ضمه أكثر وهو يضحك يتخيل ردت فعله إذا عرف بالسالفه ياخوفه بس يرمه من الشباااك ...
فضيله اللي توها داخله شافتهم ضامين بعض: الله يديم المحبه
فيصل بعد عن فهد وباس راس أمه: بوجودك الغاليه ,, عند أذنكم بروح دورة المياه
فهد-فضيله: أذنك معك
فضليه ببتسامه: أخبار العروس؟
فهد: بخير والله , أخبارك أنتي والبنات
فضيله: الحمد لله مبسوطين بوجودكم
فيصل وهو ينشف شعره: عفواً ماما كان قصدها بوجودي بس أستحت تحرجك وقالت بوجودكم
فهد: قصدك العكس
فضيله: هههههههههههه الله يهديكم ويوفق لكم "وطلعت تشوف التيلفون اللي يرن"
فهد: لاتضيع الوقت فصول ترى ورانا شغل لين فووق الحين بنروح ناخد الملابس وبعدها الصالون والأستديو......>>
فيصل: الله يعين
فهد لاحظ أن فيصل مابعد يرجع لطبيعته ذكر أنه لسه ماقال له عن الفلاش وضحك: ههههههههههههههههههه
فيصل: سكنهم في مساكنهم وش صاير؟
فهد: بصراحه أخاف أقول لك شي وتحذفني من الشباك
فيصل بضيق: اليوم المفروض أكون أسعد أنسان بالدنيا آآآه صحيح أني سعيد لكن فرحتي مابتكتمل وأنا أحس نفسي خاين
فهد تعالت ضحكاته: هههههههههههههههههههه وقسم فصول لو تدري بتحذفني من الشباك خلني ساكت أحسن
فيصل تفاجئ أن فهد ماهزأه ع السالفه ولا حتى عبره لمن جاب طاريها , قال وهو بناظره بنص عين: بعرف بس شاللي يضحك هذا بدل ماتواسيني وأنا متضايق
فهد بعفويه: ياعمي لاتضايق نفسك ولا شي الفلاش ماراحت عند حد غريب الفلاش كانت عندي
فيصل من الفرحه والقهر والوناسه عطى فهد جمع ع ظهره: بجــــــــد!!
فهد: ههههههههههههههههههههه فيصلوه وخر عني كسرت ظهري
فيصل وهو يسب بدون شعور: يالنذل طول هالوقت وأنا أحاتي وما أنام الليل أثاري الفلاش تطلع عندك "عطاه خفقه ع الظهر"
فهد: هههههههههههه أرحمني فصول لاتخلني أندم لأني قلت لك
فيصل: والله أنك باط كبدي والقتل فيك حلال طول هالوقت كيف طاوعك قلبك
فهد: أقول قم بس قم تأخرنا في السيارة كمل هذرة وتحرطم
فيصل..قمت وأنا أناطط من الفرحه أمشي كأني بزر صحيح أنقهرت من فهود وخاطري أشنقه بس حمدت ربي مليون مرة أني تطمن ع الفلاش وأن الصور ماراحت لحد غريب , سلمت ع أمي وبست راسها وأنا مو قادر أقفل فمي من الوناسه ركبت السيارة وأنا أغني بدون شعور ...
فهد: هههههههههههههههههه الله يعين أختي بتاخد واحد مجنون
فيصل ببتسامته العريضه: مجنون بحبها
فهد: ياعينـــــــي مقدر ع الحب تراني عزابي
فيصل: أسكت بس ولو أني خاطري أمسح فيك الأرض بس عشان القمر أعفيت عنك هالمره
فهد: هههههههههههههههههه وقسم ماكان قصدي شي غلط بس كان قصد أأدبك وأعلمك أن الله حق أصلاً أحمد ربك لأني قلت لك من الحين كنت ناوي أقول لك ليلة ملكة ولدك الصغير
فيصل: ههههههههه نذذذل
فهد: والله لو ماكسرت خاطري كان ماقلت لك
فهد.. نزلنا الصالون والوناسه مبينه ع وجه فصول وفي عيونه لمعة فرح مميزه ماقد شفتها في حياتي وحتى في تخرجه , دخلو فروس ورشود لا بالله خربت...
راشد وهو يسوي نفسه متأثر وهو يسلم ع فيصل: عظم الله أجرك في عزوبيتك
فيصل: هههههههههههههههههههههههههههههههههه قصر الله عمر عزوبيتك
الشباب بصوت واحد: اليوم يومك ياعرييييييييييييس
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:44ص في شقة ضاري ...
أمل..صحيت ع صراخ إياد أففف ياربي ماخلاني أنام أبد الله يهديه نيمته وضميته لصدري مشيت وأنا أطبطب ع ظهره بهدوء لين ما وصلت لغرفة شهد سمعت صوتها تضحك من زماااااااان ماسمعتها تضحك كذا دخلت وأنا أشوف وجهها محمر من الضحك والجوال في يدها سألتها وش فيك أشرت لي ع الجوال بمعنى شوفي .. خديت الجوال أبي أشوف شاللي يضحكها قرأت المسج ...
"خبر عاجل جوليت بعد حب طويل سيتتم ملكتها ع روميو وذالك في ليلة الأربعاء في صالة منزلهم السعيد ...
جوليت اللي ياماتطنزنا عليها وعلى حياها ...
خدودها يحمرون ع أقل شي لا إله إلا الله ...
ماتمشي إلا بطبقة نعالها وبنت عمتها ...
لم تفضح حبها لكن عيونها فضحتها<<الله يسامح عيونها ...
بعد المواقف اللي سمعناهم بالغلط وشبهناهم بالأفلام الإباحيه بتتم الملكه ...
بعد المعاناه ودراسة حياها المختلف ومحاولاتنا في تخفيفه اللي كلها بائت بالفشل ...
بعد ماعجزت رنوش عن الأختراع ...
ونط لدانا عرق الخجل ...
رزان بنتزف لفيصل بقصة حب أحلى من العسل ,,,"
أمل: ههههههه حلوة يعني الليلة ملكة رزان؟
شهد: أيوة من أسبوع راسلين لي البنات الرساله بس كنت مقفله الجوال توني فتحته اليوم
أمل: إن شاء الله بتروحين غيري جو عن جلسة البيت
شهد: مدري أنا بعد خاطري أشوف رزون بس ماودي أطول
أمل: يلا خلينا نروح تغيرين جو مع صاحباتك
شهد: يمكن بس أسلم وأطلع
أمل هزت كتوفها بلقة حيله: براحتك أهم شي تطلعين تغيرين جو
شهد..مارفضت طلب أمل أني أطلع لأني بجد محتاجه أغير جو أشوف الناس بس في نفس الوقت خايفه من نظرة الناس القاسيه لي وكلامهم الجارح اللي حتى في المدرسه ماسلمت منه , مدري كيف مشاعري متضاربه مبسوطه لرزان في نفس الوقت أحسدها , من تطلقت ونفسيتي زفت وأتأزم لمن أعرف أن وحدة من صاحباتي أنخطبت أو بالأحرى يحز في خاطري هالشي آآآآآه كيف وأنا تخيلت أني أكون متزوجه وعندي أولاد في ملكتهم بس الحين معظم صاحباتي بيملكون وأنا مطلقه !!! , مو لأني أبي أملك أو أتزوج لكن ياليت لو أقدر أغير لقب مطلقه اللي كرهته ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:24م في فيلا عبد العزيز , بالتحديد في غرفة رزان ...
رزان..دخلت غرفتي عقب ما خلصت الميك آب والشعر وكل شيء بس باقي لي ألبس الفستان عشان أروح للكوافيرا تضبط لي أكسسوار الشعر ناظرت وجهي في المريا بتأمل حسيت ببرودة بوسه ع خدي أبتسمت ...
ريهام: وربي تهبلين أحلى عروس شفتها بحياتي
رزان ببتسامه خجوله: تسلمين
هنادي اللي توها جايه من بيتهم ضمت رزان: هلا وغلا وش هالجمااااال بسم الله , اللهم صلِ على محمد وآل محمد
رزان: من ذوقك يالغلا تسلمين
رؤى دخلت: وااااااااااااااو ماشاء الله , ملكتو ولا لسه؟
ريهام: توه متصل بابا هم في المجلس ينتظرون يلا حبيبتي رزون ألبسي عبايتك
رزان ودقات قلبها تتسارع: يصير وحده منكم توقع عني
هنادي: ههههههههههههههه لاتقتليني يلا ينتظرونك أنا زوجة الشاهد أحم أحم
مها دخلت: بسررررررررررعه يلا رزون ترى الشيخ مع الجماعه من زمان ينتظرون
رزان تجمعت الدموع في عينهم وبانت الربكه ع ملامحها: أبي دانا
دانا دخلت , قالت وهي تحط عبايتها ع كتفها واللفه بيدها: بعد قلبي معاك يلا خل ننزل
الجيش كلهم نزلو بعباياتهم جلسو في الصاله , مريم اللي كل شوي تضم رزان رجعت ضمتها ...
رزان..لمن ضمتني أمي حسيت بالأمان ضميتها أكثر وأحس أن دموعي بتنزل , حسيت لماما تبعد عني بشويش وهي تغطي وجهي وتسكر أزرارات عبايتي اللي أنفتحو مع الحركه سمعت الشيخ يقول يالله يالله عرفت أنه بيدخل ياخد كلمتي زادت نبضات قلبي وماقدرت أرفع راسي حسيت أنه تحجر كذا , سمعت أصوات الرجال زاد توتري لمن حسيت أن فيصل معاهم سمعت الشيخ يناديني"رزان"دفتني هنادي بمعنى قولي نعم قلت "نعم" سمعت سلمان يتطنز كالعاده: عمتي ماعشيتوها مافيها صوت ترى أنا ما أشهد زور ماراح أشهد إلا إذا سمعت صوتها ,, رد ناداني الشيخ"رزان" حاولت أن صوتي يكون أركد من المرة اللي راحت قلت وأنا شوي وأبكي من الفشله"نعم" سمعت الشيخ يقول جمله طويله وأنا كأني بزر قالو لي أردد وراه رددت وراه بعدها سألني "موافقه" هنا عاد حسيت نفسي غتمت مافيني صوت الكلام مايطلع من فمي دفوني هنادي وريهام , سمعت هنادي من زود الحماس قالت " أيـــــه" , سلمان مامشت عليه ميز صوت هنادي قال: لايكون ناويه تملكين قالو رزان , رزان قالت بصوت واطي"نعم" قال الشيخ بالبركه وطلع مع الرجال , فهد عطاني الدفتر ووقعت حاسه أني أرسم مؤشر الأسهم من كثر ما أرتجف ضمني فهد ...
فهد: الله يبارك لك ويساعدك ع فصول
رزان بخجل والدموع متجمعه في عينها: عقبالك
مريم-فضيله من الوناسه: أفضل الصلآلآلآه والسلآلآلآلآم عليك ياحبيب الله محمد وآل محمد صلوات صلِ على محمد كللللللللللللللللوووووووووش
فهد باس راس أمه وسلم عليها وطلع يودي الدفتر ...
دانا مدت جلاس المويه لرزان: تفضلي
رزان شربت المويه بيد ترتجف: تسلمين
ريهام: يلا حبيبتي ألبسي الفستان قريب بتوصل المصورة
رزان..ركبت غرفتي ألبس الفستان ماعرفت أقفل السحاب اللي وراء أفففف هذا وقته شوي وأبكي سمعت صوت دق ع الباب قلت "مين" ...
دانا: أنا رزان خلصتي؟
رزان: لحظة السحاب متعطل معي
دانا: أدخل أقفله لك؟
رزان بقلة حيله: تفضلي
دانا..شفت وجه رزون وسكت حسيت أني لو تكلمت كلمه بتبكي علي , قفلت سحابها وأنا أحس لبرودة جسمها ومساماتها اللي مبينه من زود التوتر ناديت الكوافيرا تضبط لها أكسسوار الشعر وتفتح لها اللفات , خلصت شغلها وسألت رزان إذا تبي إضافات ولا شي وبعدها طلعت وظليت مع رزون بروحنا ...
رزان: حلو شكلي؟
دانا: وقســــم تهبيلن خايفه ع أخوي يخق ولا يصيبه شي
رزان أستحت من كلامها: شوفي فستاني أحسه واسع علي عند البطن
ريهام دخلت: من قلة الأكل لحظة أوقفي أعدله لك
هنادي: ترى وصلو معظم صاحباتكم أنا نازله أساعد عمتي تآمروني بشيء؟
الكل: تسلمين
رزان..كلهم نزلو يباشرون المعازيم وأنا ظليت في الغرفة والبنات يتناوبو علي كل شوي تصير معي وحدة أحس البيت كأنه خلية نحل كلن منشغل وصوت الأستيريو وفوضة المعازيم , نادتني مها أروح الغرفة الثانيه للمصورة عشان تصورني قبل أنزل ورحت أتصور ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:00م في فيلا خالد وسمانه ...
خالد..لين هنا وبس حسيت أن شي بيصير الليلة مو طبيعيه هالبنت تجذبني بكل مافيها ناظرت فيها من المرايا بفستانها البني المطرز بالذهبي واللي يوصلها لنصف ركبتها ويكشف أكتافها .. وهي تلبس شبكة حفلتنا الذهب اللي تميزها مع صندلها العالي اللي يتردد صوته في أرجاء الفيلا واللي عاطينها جاذبيه أكثر وريحة عطرها اللي أستنشقها في كل مكان , دخلت غرفتي وتسندت ع الباب ماتحملت أناظرها أكثر وقفت عند المرايا وأنا أناظر نفسي قلت أتدرب ...
خالد: أحم سمانه حبيت أعترف لك بشيء لأني مو قادر أتحمل أكثر .. سمانه أنا حبيتك قبل أشوفك وقبل أعرف بمشاكلك وقبل أنتي تحبيني كأخ .. سمانه أنا حبيتك كأخت وحبيبة وزجه مو أخت وبس .. سمانه صدقيني أنتي تعنين لي شي كبيييييير غير عن اللي في بالك ...
سمانه وهي تطق الباب: الله بلاني بأخو مجنوووووووون وش فيك تكلم نفسك؟
خالد "شسوي هوستيني جننتيني" راحت كل شجاعته وفتح لها باب الغرفه وكلمها برسميتهم المعتاده: جهزتي؟
سمانه وهي تقفل زرارات عبايتها: أيه أنا لو أروح الساعه عشره مافي أي برابلم أنت اللي تأخرت
خالد: أي والله ع الساعه 8ونص بيحطون العشاء
سمانه: يلا بروح آخد شنطتي وأغراضي أنت أنزل سخن السيارة
خالد نزل سخن السيارة ورجع , تردد كثير بعدها دق باب غرفة سمانه ردت عليه بتفضل وهي تلف لفتها وتحط شنطتها ع كتفها: يلا مشينا
خالد: سمانه لحظة بقول لك شي
سمانه بأستغراب: شنو؟
خالد لاحض لمه بعيونها قال بتهور: سمانه ماله داعي نعذب بعض أكثر سمانه أحنا مو بس أخوان ريحي بالي قولي لي أنك تحبيني مثل ما أنا أحبك تكفيـــن سمآنه
سمانه بصدمه من كلامه قالت وهي مابعد تستوعب الكلام: خالد ماعليش تأخرنا خل نأجل الكلام لرجعتنا
خالد: بس ريحيني سمانه قولي لي تحبيني مثل ما أنا أحبك أو لأ؟
سمانه " آآآه ياخالد يمكن أكثر" ردت: خالد تكفى تأخرنا
خالد هز راسه وركبو السيارة وهم ساكتين لاصوـوـوت ولا حرـرـرـرف ولا نفـ .. ـفـ .. ـفـ .. ـفـ .. ـفـس لين ماوصلو فيلا عبد العزيز ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:14م في فيلا ناصر , بالتحديد في مجلس الرجال ...
فيصل..الشباب مو مقصرين فيني طول الوقت ضحك وطناز علي وخليني أسرح ثوااااني قالو كلهم بصوت عالي يامعيريس وعين الله تراااه... , لكن الله بيوريني فيهم بالذات رشود وفروس بالمرة مو مخليني في حالي لكني تشمت فيهم لمن نادو عليهم الرجال عشان يشتغلون معاهم هههههههههههه ...
راشد يناظر فيصل بنظرات حقد: وش عليك مترزز العرس لثنين والتعب لألفين
فيصل بعناد: هههه أشتغلو زين حبايبي
أسامه جلس وهو يناظر قارورات المويه اللي تحت فيصل: ههههههه بسك عاد خلصت المويه عن المعازيم
فارس: هههههه هذا شكله بيروح عند العروس وبيصير شي هناك
سلمان: لاتنسى فيصل تروح دورة المياه قبل تشوف العروس
الكل: ههههههههههههههه
فهد: عاد بيض وجهنا فصول ع الأقل لو أول ليلة
طلال: يلا عاد لا حد يتحرش في عديلي
راشد جلس جنبه وقال بصوت بناتي رومنسي: فسوـوـوـولي أبي بوسه
فيصل قرب منه مو مستوعب , راشد دفه بمزح: لالا الولد رايح فيها
الكل: ههههههههههههههههههههه
فهد وهو يكتم ضحكته: فشلتونا أعقلو لا يطردنا الوالد من المجلس
رائد اللي توه راجع جلس جنبهم بتعب: أفففف
سلمان: وش صاير فيك ؟ وين هالغيبه كلن من جا سألني وين زوج أختك
رائد: الله لا يراويكم شايب أستلمني تحقيق لين ما طلعت روحي
الكل ضحك لمن لفو للشايب اللي جا من عنده رائد وشافوه يتبسم لرائد: ههههههههههههههههههههه
راشد: بصراحه توني مكتشف أنك مزيون
فارس: وأنت توثق بذوق شياب !!
الكل: هههههههههههههههههههههههههههههههههههههههههههههههههه هههه
رائد: لهدرجه طايح من عينك؟
فارس أنحرج من كلامه: سوري بس طلعت عفويه
عبد الله صديق راشد أعقل واحد فيهم: أنا هالإثنين "وهو يأشر ع فارس وراشد" محد بيرحمهم محد ظل ماتطنزو عليه
راشد: بالغين إلا خير فيك "أنتبه لفيصل يكلم: يامعيرييييييييييييييس "والشباب يرددون وراه"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:22م في فيلا عبد العزيز ... البنات دخلو سوا غرفة رزان عقب ماخلصت رزان تصوير وحاوطوها يسولفون ويضحكون معاها ويتطنزون عليهاا ...
مرام: طيب أنتي قولي فيصل حبيبي وكل وحدة توعدك في مبلغ
هنادي: ههههههههههه وأنا بعد أنصحك رزون تصيرين مليونيرة بعدين نصير مو من مقامك
دانا: ههههههههههه الله يرجكم , وش سويتو تحت؟
رانيه: مسويه نفسي شغيله ومؤدبه وربة منزل أصب القهوه للحريم وأشوفهم يتبوسمون في النهايه صبيت القهوه لوحدة عجوز بيدي اليسار وشرشحت أبو اللي جابني
الكل: هههههههههههههههههههههههههههههههههههههه ..
:يارنوش لا تلبسين ثوب مو ثوبك
مرام: وأزيدكم من الشعر بيت صبت لمره القهوه وكبت ثلاث أرباعها ع عباية المره
الكل: هههههههههههههههههههههههههههههههههههه ..
عهد: ع هالسالفه مابتنزلين من الفشله
رانيه: وش علي منهم أنزل ولا كأنم صاير شي في الدنيا
دانا: بنات قومو معاي نحط الزفه عشان الحين بتنزف رزون
رزان بعيون مترجيه: دانا أنزلي معاي
رزان..الحمد لله الكل نزلو وبقو معاي دانا وريهام ذكرنا أن باقة الورد في الغرفه اللي صورت فيها راحت دانا ركض تجيبها وريهام أنشغلت مع روابي في دورة المياه , وقفت قبال المرايا ناظر في فستاني التركواز اللي جاي علاقي ع الظهر بفتحة قلب من عند الصدر والشك الذهبي من عند البطن والصدر وحفات الفستان والذيل الطويل اللي عاطي الفستان شكل أروع , وشعري مرفوع بنفخه ومسوى كامل (بف) يزينه تاج ذهبي متناسق مع ألوان الفستان , ومكياجي اللي أحسه غير ملامحي كثير كان بودي أنه يكون أخف بس الكل أعترض لمن قلت للكوافيرا تخففه فخديت بنصيحتهم وخليته مثل ما هو جلست ع كرسي التسريحه وأنحنيت أفقل صندلي اللي فسخته مؤقتاً أريح رجلي شوي وتوني الحين ألبسه ...
دانا: لحظة لحظة لاتتحركين حلو شكلك وأنتي تقفلين الصندل بصورك
رزان ضحكت ضحكه بانو فيها كل أسنانها ع هبال دانا اللي مافوتت ولا لقطه ماصوتهااا ...
نزلت رزان ع أنغام الموسيقى الكلاسيكيه والكل هلل وكبر ع جمالها مشت ع الدرج وكأنها أميرة بين الناس لين ماوصلت عند الستيج تصورت مع حمواتها وعمتها وأختها والبزارين ولا ننسى الغاليه أمها وبعدها جلست ع الأريكه تناظر البنات يرقصون وكأنهم مشربين شي حماسهم في الرقص مو طبيعي وهي تضحك من داخلها ع أشكالهم وهم يرمون نفسهم ع الطاوله اللي ع جنبها اليسار بتعب ويشربون مويه ...
رانيه تناديها وهي ع الطاوله: شرايك في رقصي رزون؟
رزان لفت تسولف معاهم: تحطييييييم
مرام: أفااا عليك مو تقولين قصرنا
رزان: لاحشى ماقصرتو
عهد: مفاجئه رزون في وحدة نحبها كثير توها واصله
الكل: مين؟
عهد: مع وجهكم لو أبي أقول لكم ماقلت مفاااجئه شوي وتشوفونها
"بعد دقايق دخلت عهد مع بنوته مثل القمر تمشي معاها لعند البنات بهدووء وهم يضحكون ويسولفون لمحوها البنات وكلهم قامو يسلمون عليها"
عهد بصوت عالي تكلم رزان: وش رايك ؟؟!!
رزان: أحلى مفاجئه ,, كيفك شهوووده؟
شهد: ههههه بخير يالغلا أسأل عنكم وحشتوني
رانيه: أقول خلينا نكون صريحات يلايلا أفسخي عبايتك عن الدلع
شهد: خليني بعبايتي خلاص فسخت لفتي خير وبركه
مرام: ترى مانفسخ عباياتنا في زواجك
شهد ضحكت بسخريه: ههههه عقب عمر طويل إذا جبتي ولد زوجيني عليه وتصيرين أم المعرس وتضطرين تفسخين عبايتك
مرام: هههههههههههه حلوة من الحين صرتي مرت ولدي
دانا: بنات أستانسو ترى ساعه بالكثير وبيدخل فيصل
رانيه قامت: ما أجلس هالساعه وأنا رنوش
رزان..ناظرت البنات وأنا أبتسم ع وناستهم وهبالهم ورقصهم ودانينو بعد روحي ترقص شوي وتجلس معاي ع الأريكه , ورهف وغلا وشوق اللي لاعبين الدور في الرقص هههههههه ياحليلهم , ورنوش اللي خفة دمها وصراخها وحركاتها تجذب الكل , ناظرت أمي الغاليه وهي تجي وسعت لها وجلست جنبي تقرأ علي وتوصيني أقرأ المعوذات والأذكار , حطيت ريوف ع رجلي وأنا ألعب في شعرها وأسولف مع ماما ...
رزان: ماما فكي الحلق تعلق في شعري
مريم فكت الحلق من شعرها وباستها في خدها: الله يكفيك شر الحساد ويوفقك يايما
رزان باست راس أمها بخجل: آمين
مريم: حبيبتي حاولي تهدأين شوي تركدين نفسك "مسحت ع شعرها بحنان"
رزان حطت راسها ع كتف أمها وهي ناسيه اللي حولها: أنا هادئه طول ما أنا جنبك يالغاليه الله لايحرمني منك
مريم: عساني أفرح فيك وفي أولادك وأولاد أولادك
دانا اللي توها جايه جنبهم: آمين , هااا عمه أخبار عروستنا دلوعتنا كيف نفسيتها
مريم لفت يدها ع خصر رزان: متوتره تنتظر المعرس
دانا: هههههه جبتيها عمه
شوي إلا كل البنات بسطو ع الستيج يسولفون مع رزان جالسين ع الأرض وكأنهم في المدرسه , رانيه: قومي قومي أم فهد جلستك مو حلوة
مريم: هههههه وين أقوم ما أعرف أرقص
رانيه خدت يد مريم وقومتها وخلت البنات كلهم يرقصون حولها بحيث أنها ماتقدر تطلع بمعنى أصح حاصروها خخخ , شوي إلا عهد جابت فضيله ترقص معاهم وكبرت الدائره صارو كل الأهل والحبايب يرقصون ع الستيج وفضيله ومريم في وسط الدائره , شوي إلا مها ورؤى دخلو رزان في وسط الدائره وهم يرقصونها والطقاقه أنفعلت صارت تقول أغنيه ورا أغنيه لحد ماتعبت عااااااااااااااااشوو بعدها جلسو كل اللي كانو يرقصون صورو فوتو وبعد الصورة نزلو من ع الستيج وظلت رزان تصور بروحها ع الستيج ...
كلهم نزلو وهم متسدحين ضحك ع أشكالهم وهم يرقصون وكل وحدة تتنطنز ع شكل الثانيه , جلسو قبال طاولة أهل رانيه ...
لمى: وش هالفن رنوش توها بس طلعت المواهب
هنادي: أنتو ماشفتوها وش سوت في الوسط مو حاله مصررررري مرة وحدة
الكل: هههههههههههههههههههههه
هنادي: وقسم حالتها صعبه فيها شي ولا شي ودوها لشيخ يقرأ عليها
نرجس: هههههههههههه والله كلكم مرة وحدة رقصتو رقص
رؤى: تحمسنا ولو أن الحكومه مو سامحين لي بالرقص بس يلا بعد ثلاث أيام بقول له أني رقصت
ليلى: وأي حكومه اللي تسمح بالرقص
رانيه: ههههههههههههههه الحمد لله ماورانا حكومات خل ناخد راحتنا
هنادي: أيووة عليك نور عيشي كل لحظة بلحظتها أستانسي لاتضيعين ولا لحظة ترى بعدين تكبرين تقولين ياليت سويت وفعلت
ريهام: هههههههههه سكتي يامخربة الأجيال
حنين: لاوالله أم شوق مربية أجيال ناجحه لأن هذا اللي يبونه بنات هالأيام
دانا: هلا حنين توني منتبه لك قبل شوي سألت حور عنك
حنين: هههههههههههه حورو ما أرتاحت إلا لمن جيت معاها
عهد: لازم هي وملوك يوجبون بعض
مها اللي توها جايه و ع كتفها ريان: ويلي تكسرت أسلم ع الناس بالأربع المرات وناس مدري سلمت عليهم أو لأ ومعظم اللي أسلم عليهم ما أعرفهم
عبير: هههههههههه معذورة تعودي هذا هو الحال في المناسبات
مها: حتى ريانوه أتصلت لأبوه يجي له , ع فكرة الرجال خلصو عشاء وفصول فاضح الدنيا يبي يدخل
دانا بستغراب: وصل !!!
مها: أيوه موجود في المجلس مع أمي وعمتي والبزارين
شهد قالت تستأذن: يلا نشوفكم ع خير وصلو سلامي لرزون
عهد: بدري شهود
شهد ببتسامه: مرة ثانيه إن شاء الله خالي ينتظرني
عهد راحت مع شهد تحط لها عشاء وتوصلها للباب ...
ع الستيج رزان تهز رجلها بقلق والدموع متجمعه في عينها وقالت للمصورة تنادي أمها ...
مريم: خير حبيبتي رزان وش فيك؟
رزان ضمت أمها: مدري ماما لاتروحين عني
مريم: معاك أنا حبيبتي ما رحت مكان بس فيصل وصل ورحت أسلم عليه "جلستها وشربتها مويه"
رزان وهي تنتفض من القلق وجسمها ناااار ومساماتها بارزه من التوتر: ماما مو لازم يشوفني اليوم خليها لبكره
مريم: توكلي ع الله حبيبتي لازم في البدايه تقلقين شي طبيعي صدقيني في المستقبل بتذكرين توترك وراح تضحكين ع نفسك
رزان: طيب ماما مو قدام الناس أستحي
مريم: خلاص حبيبتي تروحين المجلس يشوفك هناك وإذا خديتو ع بعض تدخلون الصاله سوا؟
رزان نزلت راسها حست أن هالفكره أرحم من أنه يشوفها أول مرة قدام الله وخلقه , هزت راسها لأمها بالموافقه "قامت مريم تبلغ البنات يسوون لرزان زفه"
ألتقت مريم ع الستيج مع مها وهي هلكانه ياذوبها نسقت للزفه: ها أخباره فصول؟
مها: مرتبك حده تصدقين أحسن أن جت هالفكره ع بالك حتى هو يقول أول شي طردو الحريم من الصاله وبعدها أدخل
مريم: ههههههه خلاص إن شاء الله مايدخلون الصاله إلا كل فضت شوي
بدت الحوسه والبنات سوو لرزان زفه لاتخلو من الرقص والهبال لين وصلو للمجلس رتبو شكل رزان وطلعو , ع باب المجلس كانو البنات واقفات ...
رانيه: أوريها رزون تروح علينا هاللقطه المهمه
عبير: ههههههههههههه رنوش أعصابك
عهد: الرجال أول مرة بيشوف مرته أنتو وش دخلكم
رانيه: شوف النحيسه لأنها كذا ولا كذا بتشوف اللقطه
مرام: وأنتي بتقصرين يعني حتى لو تشوفينها في الفيديو بتعيدينها لين ماتشبعين
هنادي: ههههههههه عادي دخلو معانا أحضرو اللقطه
رانيه: ناوين ع نفسنا بطرده قالها بالصريح ما أبي غير الأهل
رؤى: شدعوه أنتو من الأهل
مها اللي جايه بتزف فيصل: يالله يالله طريق
دخلت هنادي المجلس ودفت البنات وراها ...

فيصل..كنت أمشي وجنبي خواتي وعمتي وأمي يزغرتون ويصفقون ويغنون , أبوي عطاني المسباح صرت بدل ما أسبح أقول "صبر قلبك يافيصلووه صبر قلبك يافيصلوووه صبر قلبك يافيصلوووه" دانوه سمعتني هههههه أشوفها تمشي وهي تتخضخض من الضحك , وصلت لعند رزان سلمت عليها وبست جبينها وصلتني أنفاسها الدافيه بعدت عنها وعطيتها باقة الورد خدتها بيد مرتجفه , جت دانوه حطت باقة الورد ع الطاوله وبعدها قالو لنا نجلس وجلسنا صارو يباكون وأنا حتى لو محد بارك علقت ع الله يبارك فيكم ...
هنادي: عطوهم مويه خلو العصير هناك في الصاله مع تقطع الكيكه ولقطات التلبيس
بعد ما الكل بارك لهم قالت فضيله بأسلوبها الراقي: يلا خدو راحتكم عشان شوي ونزفكم للصاله
الكل طلع وضلو رزان وفيصل مع بعض ساكتين لـ5دقايق تقريباً قطع الصمت فيصل ...
فيصل: كيفك حبيبتي <<ياكله ياخله ماعنده تفاهم الأخ ههههههههههه
رزان أنكمشت معدتها ع كلمة حبيبتي بلعت ريقها وقالت: بخير وأنت؟
فيصل: بخير دامك بخير "جته الجرأه ورفع قدلتها عن عيونها وهمس: عشان أشوفك زين
رزان أبتسمت ع حركته: .................
فيصل: أرفعي راسك ناظريني
رزان أستجمعت قواها ورفعت راسها لكن عيونها للأرض ...
فيصل وكأنه يشجع بيبي: أيوة أيوة شطوووورة بشوف عيونك "مسك دقنها لين ماطاحت عينه في عينها عاد هنا لاحد يسألني عن حال رزان ...
رزان ياذوبها قدرت تنزل عينها ...
فيصل حس لحياها: كيفك مع الإجازة ؟
رزان: الحمد لله وأنت؟
فيصل: أكيد أحلى أجازة في حياتي تعرفين ليه؟
رزان رفعت راسها شوي لكن عيونها للأض وقالت بستفسار: ليه؟
فيصل: لأني بكون معك
رزان بلعت ريقها وزادت حمرتها وضربات قلبها: من ذوقك تسلم
فيصل سكت فتره بعدها قال يدور له سالفه: حاولي ماترتبكين إذا لبستك الشبكه
رزان بلعت ريقها لمن تذكرت الآكشن اللي بيصير بعد شوي: إن شاء الله
فيصل: كيفك مع التقديم ؟
رزان: الحمد لله
فيصل: ناويه تقدمين في الشرقيه ولا برا ؟
رزان: لالا أكيد في الشرقيه ماقدر ع الغربه
فيصل: أي والله الغربه صعبه مو الكل يتحملها "سكت فترة وبعدها قال: أنتي راغبه في أي قسم
رزان: أمممـ طب
فيصل: حلوو عارفه كان ودي في طب بس سبحان الله , الله كاتب لي محاسبه
رزان: سبحان الله أحياناً تصير أشياء عمرنا ماخططنا لها والأشياء اللي نخطط لها سنين ماتصير
فيصل بتأييد: أي والله
طقت الباب غلا بأدب دخلت وعندها وردتين سلمت على رزان وفيصل وعطتهم الورد ...
فيصل باس أخته الصغيرة في خدها: ثانكيوو يا أمورة من وين الورد؟
غلا والأبتسامه شاقه الحلق: من هنا
التفت فيصل وراه ناظر الباقه اللي من عند هنادي مافيها إلا 4وردات غلا حضرتها وزعتها على المعازيم , فيصل وهو قريب يعطيها كف بس أحترم حاله قدام رزان وقال: مشكوره "أشر لها بيده عند رقبته بمعنى أنقلعي غلا أبتسمت وطلعت ولا كأنها مسوية شي"
رزان من داخلها ميته ضحك ع حركة غلا وردت فعل فيصل ...
فيصل أنتبه لها تبتسم: تضحكين هااا
رزان نزلت راسها وأتسعت أبتسامتها الخجوله ...
فهد طق الباب ودخل والأبتسامه شاقه الحلق سلم ع رزان وتباوس معاها .. فيصل قام بيسلم عليه فهد حط يده عند صدره بمزح وبعد عن فيصل يحرجه ...
فهد بمزح: سلمت عليك لين شبعت مايحتاج الحين
فيصل ضحك منحرج من حركة فهد: هههه "فهد شاف حرجه ضمه بمزح ...
فهد: مبروووووك والله يساعدك يا أختي ع ما بلاك
فيصل ضربه ع راسه بخفه , وقال يهمس له: عن الجلافه خلك مؤدب لو مرة في حياتك
مريم دخلت وفهد وفيصل يتناقرون وكل واحد يضرب الثاني بمزح ورزان جالسه ع الكنب تبتسم ع حركاتهم ...
مريم: أعملو أدب بنتي تستحي
فيصل تجرأ لمن دخل فهد وقام يسوي حركات مايحس لها الأخ لف يده ع خصر رزان وجلسها معاه صارت قريبه منه مررررررررة قريب تصير في حضنه , ورزان أحمــــــرت وجسمها قام يرفع حرارة وحتى فهد ومريم أستحو وفيصل يسولف ولا هو حاس لنفسه , فهد حمحم بصوت عالي , فيصل حس لنفسه وعدل وضعه ...
مريم ضحكت من داخلها ع فيصل: يلا عشان تدخلون الصاله , فهد وش رايك تدخل تزف أختك ؟
فهد: لا وش أدخل سلمت خلاص وش لي بالبنات بصراحه خايف يخقون علي
مريم: أستح بس أستح
فهد: والله ماما أحلفي أني مو حلو؟
مريم قالت تجاريه: خلاص خلاص لاتدخل نشيل ذنبهم بنات الناس
فهد هز كتفه: زين أنكم عرفتو يلا أستأذن
رزان نادته بنعووومه: تعال
فهد: آآآخ ياقلبي لبيه
فيصل ضربه ع راسه: لاتغازل زوجتي
فهد بعناد: ههههه آمريني حبيبتي
رزان بخجل: لاتطلع قبل تصور معي
"فهد صور معاهم وجو عبد العزيز وناصر صورو معاهم وطلعو , بعدها صورو رزان وفيصل مع بعض أحلى صور وبعدها أنزفو ع الصاله ...
في نفس المكان ع طاولة البنات القريبه من طاولة أهل رانيه ...
رانيه: جايتني حره بعرف بس وش يسوون
عبير: هههههههه أحمدي ربك أنتي رزيتي فيسك ودخلتي مع الأهل
رانيه: سكتي بس اللي يسمعك يقول أنك مسكينه
عبير: البركه في أم شوق
هنادي وهي تآكل مكسرات: وش فيها أم شوق؟
عبير: ع يوم تدخلينا المجلس
هنادي: هههههه أعجبكم هااا
رانيه: أي والله بس كان خاطري نركب كام نشوف وش جالسين يسوون الحين
دانا: يآآآآه اللقافه تسري , لاتستعجلين ماراح عليك شي الحين بيجون
حور جت لعندهم مع ملاك: وين حنين؟
رانيه: حنين مرها سيف
حور: أمبيـــه راحت عني؟
عبير: أيه راحت عنك قالت خلاص أنتي نامي مع ملاك
ملاك ضمت حور: يآآآآآآي وناسه
حور شوي وتبكي: أبي أروح بيتنا
رانيه: هييي بناكلك حنا ولا بناكلك تمزح معك عبيروه حنون راحت مع سيف أحنا بنوصلك معانا
حور تطمنت: أهاا وين عبايتي؟
رانيه عطتها عبايتها: يلا ألبسي الحين بيدخلون فيصل ورزان ولا تبعدين كثير عشان نشوفك طلعتنا
حور لبست عبايتها وجلست معاهم ع الطاوله , وملاك راحت مع خواتها يزفون رزان وفيصل اللي كانو يمشون مع بعض وطالعين أحلى ثنائي , قطعو الكيكه وشربو العصير وفيصل لبس رزان الشبكه والدبله والساعه وهي لبسته الدبله والساعه وبعدها جلسو ...
رزان تساسر دانا: طلعو البنات ؟
دانا: أيوه بس ظلت رنوش مع أمها وعبير وخالتها الكبيره
رزان: أهاا متى طلعو؟
دانا: وأنتو داخل أستأذنو يسلمون عليك كثير
رزان: ربي يسلمهم ماقصرو
دانا: كيف لقطات التصوير؟
رزان: آآآه لا تذكريني طلعت روحي , حشى أفلام إباحيه مو صور
دانا: هههههههههههه الله يبارك لكم
رزان وسعت لها: جلسي جنبي
دانا: جنبك فيصل أنا خلاص مالي كرت بروح عند البنات
رزان ناظرت فيصل المنشغل مع أحمد: بلا سخافه جلسي معاي
فيصل لف لهم: أحم أحم ترى في واحد أسمه فيصل يبي يجلس مع زوجته براحته
دانا: صحيح ياحراااام وش اللي مانعه؟
فيصل: بنت الجيران رازه فيسها عندهم وهم مستحيين يطردونها
دانا فهمت قصده"ههههههه": قول لي عليها بنت الجيران اللي ماتخلي العرسان ياخدون راحتهم أوريها
فيصل: الحين أنا اللي باوريها إذا ماتروح مكان ماجت
دانا راحت عنهم وهي تضحك ع حركات فيصل , ناداها فيصل: أبي أطلع مليت وأنا مترزز قدام الله وخلقه أبي أجلس مع زوجتي براحتنا
دانا: ههههه طيب بنادي خواتي بنسوي لكم زفه عشان تطلعون
"نادت دانا خواتها وركبو الستيج مع مريم وفضيله وكانت الزفه روعه .. كانو رزان وفيصل واقفين عند الأريكه وعهد ماسكه يد فيصل ودانا ماسكه يد رزان ورافعين يدينهم لفوق ويلوحون مع أنغام الأغنيه لمن بدأت الأغنيه تحتر ملاك قامت ترقص في الوسط وتهز ورهف وغلا وشوق يقلدون عليها , مها ودانا وعهد ماتحملو الأغنيه مرة حارة راحو وراء الأريكه وقامو يرقصون بحيث أن فيصل مايشوفهم لف لهم فيصل وهو يتبسم أنحرجو بالقوة بس كملو رقص وفضيله ومريم كالعاده كانو يصفقون ويزغرتون لحد ماوصلو لنهاية الستيج , وراحو رزان وفيصل للمجلس سوا والبنات دخلو للصاله وهي شبه فاضيه إلا من الأهل والحبايب وأكثرهم كانو لسه بعباياتهم ...
دانا وهي تمشي سمعت أمها تناديها: هلا ماما
فضيله: تعالي دانا سلمي
أم فارس: هلا والله بنتي كيفك؟
دانا: الحمد لله بخير
أم تركي: ماشاء الله كبرتي خبري فيك صغيرة كبرتي وحلويتي
دانا: من ذوقك ياخالتي تسلمين "دانا أستأذنت بذوق وراحت لعند البنات" ياربي فشله توني أسلم ع أمك وخالتك
رانيه: هههههه عادي عاذرينك لازم كذا في المناسبات
نرجس: ماشاء الله ريهام نحفتي كثير
ريهام: أسوي رياضه
ليلى: حركات في أي صاله؟
ريهام ببتسامه معبره: أبو أحمد
تعالى صوت تصفيق البنات وتصفيرهم ...
ريهام: أثنيننا نحفنا من الرياضه وتعودت أسوي أكل ع مقدرانا
عبير ضحكت ع رانيه اللي عاجبتها الفكره بقوه: ههههههههه خلاص رنوش ندور لك رجل عشان بالمره ينحفك
رانيه: هيهيهيهي ضريفه
وظلو ضحك وسوالف ووناسه ورقص وكانت ليلة مميزه بالنسبه للكل وبذات رزان وفيصل ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الثالث والعشرون
((هذا الجزء
-ملكة رزان وفيصل والفرحه اللي تغمر قلوب أبطالنا , ولا تنسون فهد أعترف لفيصل عن سالفة الفلاش خخخ
-سمانه وخالد تتوقعون كيف بتكون ردت فعل سمانه من مصارحة خالد بحبه لها هل بتعترف أو لأ؟
يعطيكم ألف عافيه
تابعونا
تحياتي))

يسلموووووووووو كثيررررر على الباااااارتين
الحلووووووووووووين
ننتظر الأجزاء الجاااايه
تحيااتي..
مجنونة وحلووة

العفووو كثييير ع المرور الأحلى ـى ـى ,,’’

لا عدمناك مجنونه وحلوة ,,’’

.
.
.
.:دانهـ العشآق22:.

ذايب في هواهم
((الجزء الرابع والعشرون))
بسم الله الرحمن الرحيم
((لا أطول عليكم أبدأ طوالي بالأحداث ...
تابعونا))
عطشان ودنيا مطر..
والعين ماتشبع نظر..
مشتاق لأحلى البشر..
وينك يانور القمر.؟!
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 3:42ص في المستشفى ...
سحر..الوضع صعب بالنسبه لي وأنا أشوف التعب والإنكسار في عين بابا وماما وهم يحاولون يهدون سمانه المنهاره , وغدير والجوهره اللي مسويين مناحه في البيت وكل شوي يتصلون يسألوني عن خالد ...
أبو خالد بصوت حنون: سمانه يابنتي الدكتور طمنا بكره أن شاء الله نجيبك عنده يلا حبيبتي خل نوصلك معانا البيت
سمانه..كنت أبي أصرخ أقول لهم أنتو ماتفهمون ماتعرفون خالد شنو بالنسبه لي خالد أمي وأبوي وزوجي وأخواني وكل هلي قلت لعمي بلهجه تناسب أحترامه لي ...
سمانه: درب السلامه ياعمي رحو أنتو الله معاكم أنا ببقى مع خالد
أبو خالد: بس يابنتي "قطع عليه كلامه الدكتور: خير دكتور بشرني؟
الدكتور: خير تطمن , أنت أبوه؟
أبو خالد: أيوة أبوه آمرني
الدكتور: بصراحه المريض حالته مستقره حالياً وإصابته متوسطه وصحى لكن
كلن وقف ينتظر اللي بيقوله الدكتور , الدكتور شاف نظراتهم الخايفه: ماعليش مافيش أي حاجه تستدعي الخوف لكن المريض طلب سمانه
سمانه تقدمت: أنا سمانه وينه خالد؟
الدكتور: ماعليش ياسمانه تفضلي بس بهدوووء عشان ماتزعجي المريض
سمانه دخلت الغرفه بشوق , وناظرت الدكتور اللي واقف ع الباب: ممكن تخليني معاه بروحنا؟
الدكتور: طبعاً بس مسل ماوصيتك تماماً أتركي العياط والنياح عنك
سمانه هزت راسها ولمن تأكدت أن الدكتور طلع تقربت من خالد نادته وراسها ع صدره ودموعها تسيل ع يده اللي تبوسها: خالد تكفى كملني خالد أنا سمانه خالد أنا أحبك مثل ما أنت تحبني وأكثر "خالد أبتسم وكأنه أسوعب كلامها"
خالد وهو يتكلم بصعوبه: سمـ .. ـمـ ... ـمـ..ـآآنه "أنقطع صوته ومسك يد سمانه بقوووة يطمنها"
سمانه وهي تبكي وراسها لازال ع صدر خالد ويدها بيده: ياعيون سمانه أرتاح أنت لاتتعب نفسك
خالد من التعب لف رقبته للجهه الثانيه وهو مشدد ع قبضة يد سمانه ...
أنا عيوني حرمــــت غيـــرك تشـــوف ..
والقلــب حرم غيرك يحـــــب ثانــــي .."
كف الدمـــوع وأبعد الشــــك والخــوف ..
القلــب لك يا بعد عمـــــري موانــــي .."
دخيل قلبــــك سو بي عــــاد معـــروف ..
لا تــذرف دموعـــك تبعثـــــر كيانــي .."
إضحـــك أنا لضحتــك مشتاق ملهوف ..
يا من غرامــــك عن زمانــي خذاني .."
ويا من بحبـه صرت مغرم ومشغـوف ..
للـــه درك ويـــــن حــبـك رمانـــــي .."
ماقول لك بالـــــروف ماقول بالــروف ..
أقول زدنـــي من الهـوى ماكفانـــــي .."
أنت الوحيد اللي على القلــب مألـوف ..
وانت الذي أسقيـــه صافـــي حنانــي .."
في وسط قلبـــي يالغلا أدخل وطـوف ..
أنـــــا بحبـــــك يـا حبيبــــي أنانـــي .."
لني عطيتك في الهوى عهــد وحلـوف ..
واعطيك قلبـي فوق عهــدي ضمانـي .."
ويا خل غيرك حرمت عينـــي تشوف ..
والقلـب غيرك حرم إيحــــب ثاااااااااااااااااااااااااااااااني .."
الدكتور طق الباب وسمانه عدلت وضعها ومسحت دموعها ...
الدكتور: إذا ممكن تخلين المريض يرتاح
سمانه: تكفى دكتور أبي أجلس معاه ماراح أزعجه بس تكفى خليني جنبه "مسكت طرف ثوب أبو خالد اللي توه داخل: تكفى عمي قول لهم يخلوني معاه
أبو خالد أبتسم: ع راحتك يابنتي إذا تبين تاخدين شي من الفيلا
سمانه: تسلم ياعمي حالياً ما أبي شي "نزلت راسها: بس أبي أظل جنب خالد
أبو خالد: الله يوفقكم يابنتي بس تحتاجين شي أتصلي
سمانه: إن شاء الله
أبو خالد..قلبي مو مطاوعني أطلع والبنت في المستشفى في نفس الوقت مابي أكسر خاطرها وأنا بالقوه أقنعت سحر وأم خالد أنهم يجون معاي الفيلا , توكلت ع الله وطلعت بذات أن الوضع أمان والمستشفى خاص يعني مهيأ لهم جناح ياخدون راحتهم فيه وأي حد من المستشفى إذا بيدخل لازم يدق الجرص قبل وأنا ماراح أخلي طلعتي للدوام بمر أشوف إذا يحتاجون شي ...
عند خالد وسمانه .. سمانه نامت وهي مو حاسه لنفسها من التعب ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 8:14ص في فيلا أبو وافي ...
حور..جلست من النوم صليت الصباح وخديت لي دش وطلعت من غرفتي سمعت صوت هذره في غرفة أنهارو طقيت الباب دخلت وااااااااااااو خالتي إيمان وسدوم معانا جلست معاهم سألوني عن الحفله والوناسه وأنا سولفت لهم عن كل الأشياء اللي صارت هناك ...
أنهار: حركات والله كيف تحسين علاقة حنون مع أهل زوجها؟
حور: مررررررة تمام لو تشوفونهم يحبونها وتحبهم ماشاء الله حتى نرجس أقل شي يعطونها وياه تقول مرت حميي الوحيدة متوصيين فيها عدل
إيمان: حركات الله يهنيها حنون تستاهل
أنهار: أحتمال زواج حنون بعد3شهور
إيمان: قالت هي من زمان بس ع الحجوزات
أنهار: هي شافت كل شي وشقتهم كملت تقريباً بس تبي تتأكد من كل الحجوزات ماتبي تتعطل حزة الحزة
حور..لاحضت سدوم علاقتها مع أمها ع غير العاده صاير ساكته ومالها خلق وتتكلم بالقطاره ناديتها تنزل معاي الحديقه نزلنا سوا وجلست معاها ع الدرج وأحنا نشوف البط يلعبون في البركة الصغيرة ...
سديم وهي تتأمل المنظر: تصدقين أحياناً إذا شفنا حد مبسوط في حياته نحسده حتى لو كان حيوان
حور: حتى الحيوانات عندهم هموم يفقدون ناس غاليين عليهم .. أحنا البشر نحبسهم ونفرقهم عن أهلهم .. مو شرط كل حيوان يكون مبسوط ومرتاح في حياته .. مثل ما أحنا البشر ننبسط ونزعل في حياتنا هم مثلنا
سديم وهي تلعب في الرمل برجلها: عارفه الأنسان مايدرك أن الدنيا وش قد حقيرة ودنيئه إلا إذا شاف بلاويها وهمومها
حور: يمكن لأن العيب مو في الدنيا يجوز أن العيب فينا أحنا أو نظرتنا للدنيا نفسها ...
سديم: صح أحنا نشوف اللحظات الحلوة واللي نحبها قصيرة ونشوف اللحظات اللي تزعلنا طووووويله ونزعل عليها وكأنها بتدوم العمر كله
حور بحنان وهي تشوف عيون سديم تلمع: عمرها الدنيا مامشت ع كيفنا
سديم: آآآآه ياحور أنا أحسدك أحسدك أحسدك
حور باستغراب: ع شنو؟
سديم ودموعها قريب تطيح: أنتي عندك أبو يسألك كيفك يابنتي عساك بخير , تحسين بوجوده في البيت ماتغمض عينه إلا إذا تطمن عليك بس أنا آآآآه ماقد حسيت بحنان الأبو
حور ضمت سديم: بس أنتي عندك اللي كل البنات يتمنونه عندك أم قربها منك بالدنيا هي أمك وهي أبوك وهي صديقتك وكل حياتك
سديم: بس الأبو غير ياحور غير
بدون الأبو كل العائله تضيع..
ولا تصفى ولايلتم شملها..
هو البيت كله وكشخة الدار..
وشمعتها وضواها وكل أهلها..
علمنا الولد عونه له بالضيق..
ومحبته لك ترى تموت لأجلها..
وجيرانك أعز من أختك تصير..
وأغلى من نظر عينك خجلها..
الله موصي بيه بأقدس كتاب بالقرآن..
وأمي وياه جعلها..
يارضا الله ورضا الوالدين..
وميزات الأبو عونه لوصلها..
تقي ويخاف ربه بيوم الحساب..
ويحمده على اللقمه اللي أكلها..
سديم..مو من هنا والطريق تضايقت وحسيت بقفد بابا بالعكس طول عمرها ماما ماخده دور الأم والأب في حياتي لكن الأمس في زواج أخت صديقتها كانو كل صاحباتها يسولفون معاها وكأنها بنت قريب بتنخطب ويدعون لها إن شاء الله تنخطب وهي تضحك وتجاريهم مدري راضيه عن كلامهم ولا تمزح معاهم ماتخيلت أبد أن ماما تروح عني أو تتزوج حتى لو كان هالشي من حقها ...
في نفس المكان كانت عيوـوـون تراقبهم , وافي..طول عمري أعرف أن خالتي إيمان عندها بنت وأشوفها طالعه من بيتنا وتجلس مع خواتي وأمر عليهم وهم جالسن وأسلم لكن مايجي ع بالي أناظرها , اليوم صحيت من النوم فتحت شباك غرفتي شفت لمعة الحزن في عينها سمعت كلامها اللي أكبر من عمرها ناظرت بتأمل في وجهها حسيتها صغيرة ع الهموم , لمن نزلت دموعها حسيت أن كياني أهتزززز قفلت الشباك ونبضات قلبي تتسارع خفت لا أناظرها أكثر وأفقد السيطره ع نفسي , حسيت نفسي ضعييييف قدام دموعها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:22م في فيلا ناصر ...
فيصل اللي نازل وهو كاشـــــــــــــخ ع سنجة عشره: السلام عليكم
الكل: وعليكم السلآلآلآلآمـ
فيصل ضرب أحمد ع ظهره: قوم يابطل أعطي نسيم مفتاحي خله يشغل لي السيارة
أحمد: إن شاء الله خالي
فيصل: أنا رايح بيت خالي مين بيروح معي؟
عهد بطناز: ماشاء الله أول مرة أشوفك مستعجل ع بيت خالي
دانا: معذوور تراه عريس جديد "ناظرت شاشة جوالها تنور: الطيب عند ذكره
فيصل خمن أنها رزان سحب الجوال من عند دانا , دانا ضربته ع يده وسحبت الجوال وهربت فيه ...
فيصل: ههههههههههه أوريك يادانوه
دانا وهي تقفل باب غرفتها: ههههههههههههههه...............تراه من الحين كاااشخ.................أستعدي شكله بيجي لك من الحين..............وش لبستي؟............آها الله يساعد قلب أخوي..................ههههههههههه كلنا متفقات ترى.........لحظة رزون عندي مكالمه شوي وأكلمك..........باي ,, هلا............الحمد لله.........الحمد لله.......تمام.........لا شدعوه.........آمرني؟..........إن شاء الله.......إذا قدرت ليش لأ.............لا ما أعرفها.........أهاا....الله يرحمه..........الله يعينها...........نتعرف عليها!!............أهاا.........خلاص إذا كذا عطيني رقمها أتعرف عليها...........وأعزمها في بيتنا أو هي تعزمنا...........العفو ماسويت شي.........أوكي..........سلامتك باي,
دانا..قفلت جوالي ومليون علامة أستفهام فوق راسي , مين تطلع أم ساري وإذا ولدها عمره 8 أو 7سنوات كيف راشد يبيني أتعرف عليها أنا؟!! يعني إذا ولدها في هالحدود فهي في عمر ريهام وهنادي وهم أقرب له مني ,, أو إذا كانت متزوجه صغيره فهي بتكون في عمر رؤى ومها , ليش راشد يبني أتعرف عليها؟وليش أنا بذات؟ وشنو علاقته فيها ..!!.. , قطع علي حبل أفكاري صوت المسج حفظت الرقم عني بأسم أم ساري وبعدها أنتبهت لنفسي وقمت أستعد عشان أروح بيت خالي ...
ملاك تطق باب غرفة دانا بإزعاج: دانوووووووه ترى فيصل اللي بيوصلنااا إذا ماتجهزي الحين روحي مع ماما في السيارة مع بابا
دانا طلعت وأزرارات عبايتها مو مقفله ولفتها ع كتفها والشراب في يدها وفي يدها الثانيه شنطتها والمساكه حق اللفه بين أسنانها , طلعت تركض ع الدرج: أنتظرووووني
فيصل يتطنز ع شكلها ويناظر عبايتها اللي تطير من وراها: هههههههههههههههه حشى باتمان
دانا وهي تنافخ من الركض: الحمد لله مامشيتو عني
فيصل وهو طالع: يلايلا لانتأخر "نزل قبو السيارات والبنات وراه , ركبو السيارة عهد كانت قدام وملاك وراء ودانا اللي لازالت في حوستها جنبها ...
ملاك: بليييييز فيصل خل ناخد فرة ع القبو
عهد تأيدها: صحيح فصول خل ناخد فرة قبل تفتح باب القبو
فيصل: مجنون أنا أسلم بنات سيارتي !!
دانا: مو لازم سيارتك حتى لو سيارة نسيم
فيصل: ههههههههههههه مرة ثانيه خواتي أوعدكم الحين تأخرنا
ملاك: أيه قول أنك مستعجل ع شوفة ليلى
فيصل: هههههههه فاهمتني "حرك السيارة"
دانا: المره الجايه تخلينا نسوق في القبو ومعانا رزون مو شغلي
فيصل: ههه خلاص كم مرة أنا وعدتكم بشيء ولا نفذته !!!
دانا: لا حشى
فيصل يناظر دانا من المرايا: دانوه وش رايك في حلاقتي؟
دانا: رهيييييييييييب وقسم تجنن خيااالي
ملاك: لاوالله وليه إن شاء الله تسأل دانوه يعني مو مهم رايي
فيصل يقلد ملاك: يعني مو مهم رايي "طنشها ولف لدانا: يعني تتوقعين تعجب رزان؟
دانا: ههههههههههههه أكيد بما أنها عجبتني غصب عنها تعجبها
فيصل: طيب وقميصي؟
دانا: تهبل يااااناس لمتى بظل أفهم في هالأخو بس تعال ترى قميصك نفس ألوان الفستان اللي بتلبسه رزون
فيصل: كذاااااااااااابه
دانا: وقسم نفس الألوان حتى توقعتكم متفقين تلبسون نفس الألوان
ملاك: هذا أرسال القلوب ...
فيصل ناظرها بنص عين: وأنتي وش فهمك في هالسوالف
ملاك تلعثمت وحمرت
عهد: هههههههههههه هذي تفهم أحسن مني ومنك
"وظلو ضحك ووناسه وطناز لحد ماوصلو فيلا عبد العزيز , دخلو الصاله سوا لقو مريم وفهد في الصاله فهد قام يزغرت "
فهد وهو يروح لعند فيصل ويمشي بستهبال: كلللللللللللوووووووووش يامعيرييييييييييس
فيصل يكتم ضحكته وهو يسوي نفسه معصب: يامعيريس هاااا
فهد مسوي نفسه خايف: لالاتكفى أن الله تواب رحيم , عفا الله عن ماسلف , ماسويت شي
فيصل سوى له حركه بيده بمعنى حسابنا بعدين وراح يسلم ع مريم اللي كانت مشغوله تسلم ع البنات ...
مريم تضحك ع سوالف فيصل: هههههههههه ماتجوز عن سوالفك
فيصل: شسوي في نفسي كلهم يقولون عني خفيف دم
ملاك: والعكس صحيح
فيصل طنشها قال وهو يهز رجله: إلا وين خالي
هنا عاد محد تحمل: ههههههههههههههههههههههههههههههههههههههههههه
فهد: أحلف أنت بس تبي أبوي
عبد العزيز حمحم ودخل: السلآلآلآلآمـ عليكم
الكل: وعليكم السلام
فهد مستلم فيصل: الله جابك يايبا زين رأفت بحال فيصل كان بيموووت من الشوق لك
الكل: ههههههههههههههههههههههه
عبد العزيز وهو فاهم قصد فهد: مايشوف وحش أبو الفياصل هذاني قدام عيونه
ملاك راحت تسلم ع عبد العزيز: السلام , كيفك خالي؟
عبد العزيز جلسها جنبه: هلاهلاهلا بالغاليه بنت الغاليه أنا بخير دامك بخير , إلا وين عهد ودانا
مريم: في المطبخ يسمعونك
عبد العزيز: تعالو تعالو بناتي مافي حد غريب
دانا وعهد سلمو ع عبد العزيز بهدوووء وجلسو من جنبه اليمين عشان لايصيرون قبال فهد ...
عبد العزيز: إلا رزان مو مبينه "فيصل أنشق حلقه لطاري رزان والكل قامو يناظرون بعض ملاك ماتحملت ونقعت ضحك والبنات وراها يضحكون بهدوووء "
مريم اللي جايه من المطبخ ماتدري وين الله حاطنها: شفيك ملاك؟
فيصل: خبللللله
دانا: عن أذنكم بننادي رزان "وركبت مع عهد سوا لجناح رزان "
عهد لفت رزان لها وضمو بعض وبعدها سلمت ع دانا ...
رزان: وهـ الله جابكم مو عارفه أنزل
دانا: هههههههههه ياقلبي حاسه لك من زمان وأنا أقول لعهد خل نركب بس مو حلوة نجي وطوالي نركب جلسنا شوي وجينا لك
رزان: بعد عمري أنتو , حلو فستاني؟
عهد: تهبليييييييييييين , ع فكرة فستانك نفس ألوان قميص فيصل
رزان ناظرت دانا بشك , دانا: وقسم وقسم ماقلت له أنا نفسي تفاجئت
عهد: هههه ع قول ملاك أرسال القلوب
دانا: بس والله أثنيناتكم طالعين روعه بالتركواز والبني , أتخيل أشكالكم جنب بعض يآآآي
رزان: ههههه عقبال ياربي ما أشوفك جنب هذاك الفارس قولي آمين
دانا: آآميـــن بس مو الحين
رزان وهي تاخد عبايتها: مين اللي تحت ؟
عهد: فهد وفيصل وخالي وعمتي وسلامتكـ , بالأحرى مايحتاج تلبسين عبايه
رزان حمرت خدودها: طيب أستحي أنزل كذا
دانا: جب يلا جب , ترى فيصل حده معصب توقعك تستقبلينا الله أعلم كيف بجازيك
رزان بخوف: لا ماني خلاص مابي أنزل
عهد: يلا رزون عن الدلع شوي شوي تتعودين
رزان: طيب كيف أسلم
دانا: هههههههههههههههههههههههههههههههههههههههههههه بيبي أنتي نعلمك السلام مدي يدك وخلاص
رزان: شوفو لي وين فيصل جالس عشان أعرف كيف أبدأ أسلم
دانا جرتها عند الدرج الحلزوني الكبير وقامو يطلون ع الطابق الأول , دانا: أساساً فيصل مو موجود
رزان: طيب نادي ملاك
دانا جرت خد رزان: دلوووووعه بس يلا ماعليه نتحمل بس عشانك عروس , ملآآآآآك ياملآآآك ملووووك مليييييييييييك ملكووووو
ملاك وهي ترقى الدرج: خير وش صاير
عهد: وينه فيه فيصل؟
ملاك: راحو هو وفهد يدخلون الخضار المطبخ
دانا: حلووو يلا فرصتك رزون سرينا قبل يوصلون عشان يمديك تسلمين
رزان: طيب عدلي شعري
"دانا عدلت شعر رزان ومسحت الكحل اللي نزل من عيونها ونزلو سوا , دخلو البنات سلمو ع هنادي ورؤى وريهام اللي توهم واصلين واللي مدحو رزان كثير لأنها بالمره محلوه وشكلها يوحي أنها عرووسه , بعدها جلسو سوا ع الكنب"
دانا طلعت الروج من شنطتها الصغير اللي تتعلق باليد: أشوف رزون بعدل لك الروج راح لونه من التبويس والسلام
رزان: طيب يلا "دانا حطت لها الروج ووضحت رسمة كحلها التركوازي اللي بنفس ألوان فستانها والشدو المخملي النعوم باللون البني مع الذهبي"
دانا: وقســم قمر
فيصل اللي داخل وعنده صندوق البرتقال: أحم أحم يالله "قال يتحرطم: وش هالحاله عريس ويكرفوني كيف لو مو عريس الله يسامحك بس يارشود "رفع نظارته الشمسيه وحطها في جيب قميصه وهو ينزل الصندوق , أنتبه لعهد ودانا جالسن ورزان في الوسط بينهم تلعب بحزام فستانها وطالع شكلها خيالي راح لها بدون شعوور تقدم جنبها رزان وقفت تسلم"
مها وفضيله اللي توهم جايين من برا وشافو رزان واقفه تسلم ع فيصل: أفضل الصلاة والسلام عليك ياحبيب الله محمد وآل محمد صلواااااااات صلِ على محمد كلللللللللللللللوووووووووووش "طلعو اللي كانو في المطبخ شاركوهم وصارو يزغرتون ويغنون ويطبلون ع المواعين خخخ , ورزان ذاااايبه بعدها جلسو فيصل ورزان جنب بعض , أشرت فضيله للباقي عشان فيصل ورزان ياخدون راحتهم , وراحو المطبخ وظلو رزان وفيصل بروحهم في الصاله"
فيصل مسك يد رزان اللي مبين من لمستها أنها متوتره: كيفك ؟
رزان ببتسامه خجوله تذوووب قلب فيصل: بخير وأنت؟
فيصل وهو لازال مستمتع بنعومة يدها: دامك بخير فأنا بألف خير دامك جنبي
رزان: تسلم
فيصل توه بيبدأ يسولف سمع جواله يرن قال يتحرطم: هذا إذا يخطب ماراح أسوي فيه خير إذا مانيمت أولادي عنده ليلة زواجه ما أكون فيصل "رد بدون نفس: خيييييييير...........وأنت يعني ماتقدر تشوف واحد مع خطيبته ياخي محتر أخطب................دور لك شغله ماعندك شغله إلا أنا..............وربي إذا ماتقفل الخط لأنط لك من الشباك وأترفس في مصرانك ياشين يامعيريس ع لسانك كرهت هالأغنيه وربي.................ما أبي غداء تغدو خل أموت جوع مالكم شغل فيني............طيب يلايلا أفففف,
رزان اللي تضحك من داخلها سألته: تحب تتغدى الحين؟
فيصل: لاحبيبتي إن شاء الله الليله أتعشى معك الحين بروح أتغدى في المجلس مع الرجال
رزان ببتسامه: بالتوفيق ياربي هني وعافيه مقدماً
فيصل: تسلمين حياتي ع قلبك , أبي أجي ع العشاء وأشوف الفستان يوقف عليك مفهوم
رزان: ههههه
فيصل: أكلي زين حبيبتي وأنتبهي لنفسك
رزان: إن شاء الله وأنت بعد
فيصل يقرب منها: وأنا شنو؟
رزان: أمممممـ أنتبه لنفسك
فيصل: آآآآخ ياقلبي , من عيوني لا توصين "ناظرها ثواني وهم ساكتين وبعدها قال: مافي شي يعطيني طاقه قبل أطلع من عندك
رزان: أمممـ لأ
فيصل قرصها في خدها: دلوووووعه حبيبتي , بعدين أوريك "أرسل لها بوسه في الهوا وراح مجلس الرجال"
"راح فيصل المجلس يتغدى مع الرجال وطبعاً ماسلم من تعليقاتهم وبذات راشد وفهد طلعو له النخل في راسه خخخ , ورزان راحت عند الحريم"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*