غربة الأوطــــــــــــــــــان...

وين الجزء اموره ؟
يلا ان شاء الله المانع خير
ننتظر الجزء بشوق
تحياتيـ٠٠

خيتووو ترى ننتظر الجزء بس لا تتأخري
اووووووك
تحياتي... مجنونة وحلوة

السسلام
الباارتات مرررررة جنان اني مارديت
عليها من قبل لاني مادخلت
المنتدى تقريبا اسبووعاو اكثر
وتوني قبل يومين دااخلة وشفت المووضوع
المهم عن الرواايه
اني شااكة ان شفيق في شي وزي
ماقالت جنون من سكون بيسوي رعب
امااا حبيب شخصيية جونان مو تقتليه لينا
ومرااد احسسه ثقيل دم
وبس ماعندي تعليقاات
خيتوو الليله الثلاثاء مدري الاربعاء ملخبطة اني
بس مانزلتي الباارت ان شااء الله اي ماانعش خير
وبأنتظارش وبأنتظار البارت الجديد
مو تتأخري علينا<<<ترااش طولتي هدرة خلصينا
اوك يلا سي ياا..~

اللهم صل وسلم على محمد وآل محمد وعجل فرجهم وفرجنا بهم ياكريم..

ههههههههه البااارت يجنن......

وابو مجتبى ذكرني بأبو علي وليلى في قصتك ضعنا ياصبرنا ..

عبد الاله شكله يحب ماريا من الطفولة ..


وحبيب خفيف هالدم مسوي جووو :)

وهذا سام ماادري وش اسمه سالفته سالفة

ننتظر الجديد بشوووق القلوب..

موفقة ومقضية حوائجك ..وتقبل المولى طاعتك..

دمتي بعين المولى الجليل

مشكوره اميره على البارت النايس
ننتظر البارت الجاي على احر من جمر

ننتظرك أختي أميرة ,,,عسى المانع خير

مشكورة بارت ولا احلى يالغلا
سلمت يمناك غاليتي وعزيزتي
ابي اعرف وشي دي مرت ابوه الهندية احسها خبلونة

با انتظاإأآإأآأإأآأإأآإأآإأآإأآر الباإأآإأآإأآأإآرت
وعسى المانع خير ياارب
^_^

متابعة من خلف الكواليس >>
وبانتظاركِ في الملتقى القادم ..
:wink:

ماما كانت هنا :rolleyes:

اسجل حضوري وبأعجاب ياصغيرتي الحلوه

لي عوده بأذن الله

وااااااااو عن جد روووعة

سلمت هذه الانامل والخيال الراجح

انا من المتابعين لاعجوبتك

تقبلي مروري

دمت بود

مرحبا
زهور تسلمي عالملاحظه و سلمي لي على صاحبتش

حبايبي تسلمو عالتعليقات الحلوه و الأنتظار لا عدمتكم..

:embarrest:>> مفتشله
راح احاول اكون متواجده و اكتب في الأجزاء قد ما اقدر
امس ما قدرت اجي .. << في ايدي حناء :amuse:
عندي زواج اغلى صاحباتي من هالليله لليلة السبت راح اكون معاها ..
عقبال الغوالي عندكم يارب
بس راح احاول الليله قد ما اقدر حتى لو الفجر اكتب جزء
غير تجهيزات العيد و الحوسه على نهاية الشهر الفضيل
فمره .. وقتي جدا محدود...

راح احاول هالكم يوم اتواصل ولو بالشيء القليل

اشكر لكم مراعاتي مقدما
و اشكر انتظاركم ..

موفقين
دمتم بخير
وبحفظ الرحمن

غاليتي اموره مايحتالج اوصل سلامش تتواجد هي هنا زائره ..!

::

يعني راح تشوف سلامكِ غاليتي

::

ومبروك غاليتي وعقبالكِ انتِ نفرح فيكِ يالغلا
موفقينـ يارب

تسلمي زهووره .. عقبالش انتين بعد عزيزتي

تفضلو الجديد... :rolleyes:

ابو مجتبى قام للصلاه.. حماماتهم برى البيت في الحوش.. المكان ظلمه .. عدا نور خافت للمبه
وفوق هذا نظر ابو مجتبى ضعيف بعض الشيء.. وبين ماهو يمشي لسانه يلهج:
ــ لا اله الا الله ..توكلت عليك ياحي ياقيوم..

الا يشوف قدامه شمطوط ابيض كبير يركض خلاه يتصروع و يصارخ ...
ويسحب الشمطوط بلا شعور .. الا يطلع ولده امير,,, قام من سريره.. و الشمطوط شرشفه ...ملوتنه عليه و ابو مجتبى نظره على قده..

شان يصرخ : ــ واااااااااااااه..

امير هو ابنه المصاب بالتوحد.. بسبب تسمم امه بالرصاص من تلوث الجو .. اثناء فترة الحمل كانو ساكنين في منطقة صناعيه بحكم عمل ابو مجتبى قبل لا يتقاعد ...
وبعد ما تقاعد انتقل للعيش في القطيف و شرى له مزرعه يتسلى فيها..

امير .. صبي موهوب يحب يرسم من يمسك الورقة والقلم يرسم اشياء عجيبه.. اخوه احمد يشجعه و يتابع وياه هالهوايه..

يفهم بس ما يتكلم.. فقط يردد كلام اللي حوله.. بصوت عالي ومرتفع ويقعد يضحك.. له بعض الحركات اذا عصب او روق بزياده.. توتر اللي حوله وتعيشهم في قلق عليه...

صار يكرر صرخة ابوه المختلع و يضحك..
ابو مجتبى ما قدر من الخلعه عفويا بلا شعور صار يصارخ فيه...
ــ ويش مقعدنك.. ولويه طالع هالحزه .. يلاااا .. عود غرفتك.. يللااااا
امير مستمر بالضحك و ترديد آخر كلمه يقولها ابوه..
صار يردد يللااا بصوت عالي ومزعج... وهو قاعد في الحوش
ابو مجتبى عصب فيه .. ومسكه يوقفه:
ــ قوووم..
الا يصرخ امير و يقلع الدنيا صياح ...
طلعت امه تركض .. من شافت ابوه ماسكنه خافت تفكره بيضربه << بالعاده ابو مجتبى اذا عصب بشده... يضرب امير..
راحت تركض وسحبت ولدها وقعدت وياه عالأرض وصارت تهدر على ابو مجتبى:
ــ بتضربه؟؟؟ بتضربه بعد.. يالله صباح خير .. ويش مسوي ...
امير امه حاضنه راسه وهو يصيح ...
طلع احمد من غرفته..
ــ ويش فيكم..؟؟ ويش صاير
ابو مجتبى سااااكت ...
تركهم ودخل الحمام..
احمد راح لأمه: ــ اماه ويش صاير؟؟؟
ام مجتبى قامت تصيح : ــ اسأله اللي ماكنه ولده...من الصبح طايح فيه صريخ..

ابو مجتبى داخل الحمام متسند عالباب و يتنفس بصعوبه..
ــ استغفر الله .. ربي العلي العظيم
طلع من الحمام و دخل احمد وراه ...
المغسله برى.. فتح ابو مجتبى الماي وهو يسمع صوت امير داخل الغرفه لسا يصيح وامه تحاول تهدي فيه..
غسل وجهه وظلت كفوفه تغطيه...
احمد طلع وانتبه لأبوه .. وبهدوء :
ــ يبه.. خير ان شالله؟؟
ابو مجتبى يتنهد من قلب:
ــ ايييه .. الله كريم.. يابوك مانى داري ويش اسوي .. ما باليد حيله.. وامك تنفعل على اتفه الأمور...
.. ويسمح الماي عن وجهه ويكمل وضوئه
احمد حز في نفسه حالة ابوه و قلقه على امير .. و امه الحساسه جدا ناحية مرض امير وخوفها المتزايد عليه و اتهاماتها السريعه لأبوه بين فترة وفتره ..



في بيت ام فتحي ... عبدالستار بعد ما فرغ من صلاته .. طلع الحوش يمشي شوي .. ارق صايبنه ومانعنه من النوم...
وقاعد يفكر في حاله:
ــ لمتى انا كذا... ليش هالأحساس مو راضي يتركني ... حسبي الله على اللي كان السبب ... حسبي الله عليه...

عبدالستار مطلق زوجته (( ابرار )) ماصار ليها شهرين ... اكتشفها تخونه وتتواعد ويا واحد
طاح عليها وهي تكلمه بالجوال...
صار يتذكر كيف صدمته وشلون حاول يفهمها ويستفسر منها عن اللي سمعه؟؟
يتذكر ارتباكها وخوفها و مداراتها لفعلتها الشنيعه بالصريخ و ترفيع الصوت...
ولا اعترفت .. الا ما ضربها ضرب ...
صارت تصيح من قلب و هي تقول له ان اهلها غصبوها عليه لأنه تاجر و ميسور الحال ..
و انها تحب اخو صديقتها وهو يحبها... وغالبا تكلمه تلفون او جوال او حتى ماسنجر ...

الكلام كان سيل قنابل ورصاص على عبدالستار..

صارت تذكر له ان ابوها ماكان موافق لأن اخو صديقتها يشتغل شغله بسيطه وراتبه على قده مره ما يكفيه لآخر الشهر حتى.. بس كان الرجال مصر و هي موافقه عليه مامانعت ... فصار الأبو يسأل عن اخلاقه كحق واجب و طول وهو يسأل عل وعسى يلاقي فيه عيب يمنع .... !!

بس الحظ جاب عبدالستار في نفس الأسبوع اثناء ما كانو يسألو عن اخو صديقتها..
و ابوها من النوع اللي يحب الفلوس فمن سمع بحالة عبدالستار .. وقف السؤال عن اخو صديقتها و صار يسال عن عبدالستار كم يوم وعلى طول وافق عليه...
خافت هي تصر على اخو صديقتها ضد عبدالستار ..
ابوها واخوانها مابيرحموها...
ويش حجتش تقبلي بالفقير و تتركي الغني اللي مافيه عيب..!!
صايم مصلي و اخلاقه عال العال والف بنت تتمناه...؟؟؟

خافت تتكلم و على طول يكتشفو عمايلها و يعاقبوها ويعاقبوه..
قررت تترك حلمها لأجل سمعتها و خوفا على اخو صديقتها من اخوانها خصوصا انهم شرانيين..
وتقبل حبيبها الأمر الواقع لأنه يحبها ويخاف عليها .. فأنسحب من حياتها بهدوء...

و تزوجت عبدالستار على مضض.. بعد اسبوع واحد خطوبه ..
لأن ابوها ما يرضى الخطوبه تطول ولا يحب بعد العقد تظل بناته فتره عنده و ازواجهم يصيرو يروحو ويجو عليهم....

كان عبدالستار... شاب خجول اخلاقه عاليه..
غير متكلف ولا يعرف للسوالف الرومنسيه...
فصارت تقارن بين معاملة حبيبها وعبدالستار !!
مع ان عبدالستار ماكان مقصر عليها بشي ...
يعطيها فلوس يطلع وياها السوق يخليها تاخذ كل اللي نفسها فيه بس ماكان رومنسي ولا يفاجأها بهدايا ولا حركات حلوه.. ماكان شاطر في صف العبارات و الكلام الحلو ..!!

عمره ما غازل جمالها ولا مدح اناقتها لما تتعدل له..

مشاعرها الدافيه اللي كانت لحبيبها صارت تحرقها تحر ق وتخليها تحن له ...
لين ما الشيطان اكل بعقلها وخلاها تبادر و ترجع تكلم حبيبها عالماسنجر... ازالت الحظر لتكتشف انه ماحظرها فكلمته...

في البدايه رفض حبيبها كلامها .. اخلاقياته ماكانت تسمح...
بس صارت تترجاه يسمعها بس.. شقد هي مكبوته وتحس بالحزن.. بس تبغى تفضفض له...
كأخ... صديق ... لا اكثر ...!!

ولأنه يحبها.. حب مو طبيعي..
ولأن مشاعره ما خمدت حتى بعد ما تركته و تزوجت غيره..

صار يسمع شكواها..
صار يخفف عنها..
صار يمدحها ويغازلها اذا زوجها اهمل هالشي..

لين ما رجعو.. للحب القديم.. ورجعو لسوالفهم المعتاده.. !!

ابدا ماكانو يفكرو ويش نهاية هالحب الحرام وويش عواقبه...
وعبدالستار ياغافلين ليكم الله..!!

لين ما اكتشفها وهي تواعده في الجوال بتروح بيت اخته وتتمناه يجي تشوفه ..
كان غرضها بس النظر.. بس تبغى تشوفه.. ماكانت تفكر في أي شي ثاني..

وحبيبها كذلك .. ماكان يقدر يكمل هالمسرحية بنهاية تغصب رب العالمين فوق غضبه عليهم و تزيد نيرانهم سعير....
بس الله شاء عبدالستار يكتشف ... ويحق له ما يفكر في اللي سمعه ببراءه..

فصار يسألها بحسره وحرقه :
ــ ليش ... انا مقصر عليش بووويش؟؟

كانت حزتها تلبس ذهب .. قطعت سلاسلها.. فصخت اساورها.. رمتهم عالأرض وهي تصرخ :
ـ كل هذا مابغاه.. اني مو عبدة فلوس .. اني ما احتاج الفلوس..

صار يصرخ عليها: ــ ويش تبغي .. ؟؟معامله حسنه اعاملش عمري ما مديت ايدي عليش ولا ضربتش الا الحين لقباحة فعلتش..

صرخت عليه: ــ بــــــــــارد .. ماعندك احاسيييس .. حجررر.. تعبت منك .. من خجلك هذا.. اني مرتك مو غريبه عليك.. ليش تعاملني بهالطريقه.. ما احبك اني .. مـــــــــــــــا احبك.. ما احسك رجال ابدا..

....
ما احبك...ما احسك رجال ابدا...
...


هالجمله صعقت عبدالستار.. اهانته.. كسرت كبريائه...عيونه احمرت ويداري دموع القهر... وبهدوء وقلبه محترق:
ــ ثيابش لميهم وروحي بيت اهلش.. انتين طالق ..وورقتش بتوصلش بعد كم يوم من المحكمه..
قامت مرته بهدوووء عطته ظهرها بتترك الغرفه..
عبدالستار بصوت متقطع .. وقلبه متألم :
ــ و السبب .......... قولي لأهلش انش ما تعرفي لشغل البيت و لسانش طويل .. وانا عصبي وما اتحمل هالأشياء .. فضربتش ..
ان دريت بش قلتي غير هالكلام .. ما بينتابش غير الفضيحه و بينكشف فعلش المستور عنهم...

ستر عليها المسكين .. و دارى حزنه ولوعته .. وصار يلوم في حاله على بروده .. ويصبر قلبه على اللي صار له...
يذكرها لما قال ليها هالحل ...
انها ابتسمت.. وفرحت ,, وقامت بدون ما يبين عليها أي شعور بالحسره و لا الأسف حتى ولا الشكر اقلها.. !!!

و اللي خلاه يتألم.. ويزيد ناره نار.... و خلاه من قلب يصيح لأول مره.. انها بس تطلقت على طول من خلصت عدتها .. تزوجت من حبيبها .. اللي كأنه كان ينتظر هاللحظه..

وابوها طبعا وافق على طول .. شلون مايوافق وبنته صارت مطلقه.. من بعد شهرين من زواجها...!!

شلون ما يوافق ؟؟؟ وسبب طلاق بنته انها ربة منزل فاشله و لسانها طويل...!!
مو مستعد يخليها وياه بقايا العمر و فيه احد راغب بها..!!

وهالمره بدون حتى ما يسأل عن حبيبها وسيرته.. على طول وافق و تزوجو ....

قطع هالذكريات على عبدالستار .. فتحي اللي رجع من سهرته.. يترنح...
عبدالستار فتح عيونه.. ومسكه من كلر قميصه..
وتفاجأ بريحته :
ــ تشرب .؟؟؟... عودت ياملعون تشرررب.. مو عن حساب تركت... تكذب على امك و علي هااا..
فتحي مو في وعيه :
ــ ويش فييييك .. خليني .. هفففففففففف دي ريحة معسل تفاح
عبدالستار يهز في فتحي :
ــ معسل .. وتفاح.. تكذب على مين انت....
فتحي صاير ثقيل ومو في وعيه وعبدالستار مو قادر عليه..
ــ ادخل الحين غرفتك الله يلعنك.. وبس تقعد من نومك لي كلام وياك..
فتحي :
ــ اووووو .. شلاااام .. وشلاااام.. مالي شلامات وياك.. وخررر عني زين..

ودخل البيت ...

عبدالستار يمسح وجهه بكف ايده وياخذ نفس عميق..
ــ يالله تصبرني..

دخلوراه ... لقى فتحي منسدح عالدرج طول بطول..
راح له وحمله وركب فيه.. ورماه على سريره.. و انتبه لأيده خلف الكوع فيه بقعه حمرا..
صار يدقق فيها .. الا فتحي منقلب على بطنه و اخفاها...

تركه وطلع عنه.. ودخل غرفته عل وعسى يجيه نوم...

في امريكا...

سام يقعد مع توم في غرفة العمال كلما صار عندهم شغله على انه من سكان هذا الفندق .. وفي كل مره يجي الفندق يغير في هيأته ومنظره على شان لا يشكو فيه
سام :
ــ ألم تعرف أي معلومات عن تلك السائحه اللبنانيه الى اين ستذهب ..؟؟؟
ــ حاليا لم اعرف أي شيء ولكن المتوقع منها ان لا تظل طوال ليلتها في الفندق .. قد تخرج لأي مكان.. فترقب ذلك..
ــ حسنا.. سأزرع نفسي عند ممر غرفتها ...

وبعد حوالي 3 ساعات.... طلعت السائحه من غرفتها ...
سوى سام نفسه يسكر باب احد الغرف .. والتفت ..
ــ اوه.. مرحبا..
السائحه ابتسمت بهدوء:
ــ اهلا بك...
ــ ماهذه المصادفه الجميله.. على مايبدو اننا جيران...
اكتفت السائحه بأبتسامه...

طلعت من الفندق ... وهو طلع وراها بعد فترة.. صار يراقبها على بعد .. لين ما جى ستيف ..
وبدأت الخطه...
لما ركض ستيف ناحية السائحه بسرعه صدمها و طيحها وباق شنطتها...

قامت تصارخ بس ما احد قدر يلحق ستيف كان مره سريع.. الا تنتبه لواحد يركض ناحيته بسرعه ويصرخ على ستيف يوقف ... وكان في ايده علبة ببسي ماهي مفتوحه ويرميها على ستيف يشدخه و ياخذ الشنطه منه ويصير يسوي روحه يضربه ...
لين ماقام ستيف وفلت من بين ايده..
وصلت السائحه وهي مره ميته تعب من الركيض الى الرجل اللي استعاد شنطتها ليها ..
التفت عليها وهو يمدها..
ــ تفضلي
فتحت عواينها:
ــ سيد ميشيل.!!!.
فتح عواينه وصار يضحك :
ــ لاااا.. لابد ان في الأمر سرا ما.. اهذه مصادفة اخرى ايضا؟؟؟
ــ شكرا لك.. لا ادري ماذا كنت سأفعل بدونك...
ابتسم سام و استدار ليها ورفع ايده:
ــ الى اللقاء .. انتبهي لنفسكِ....
و لف عند اول ملف ..
السائحه ظلت واقفه و ابتسامتها مافارقت وجهها
وكملت طريقها...

ستيف مع مايك منسدح على بطنه بعد الركيض اللي ركضه وقاعد يدلك راسه من ورى مكان الفلعه بقوطي الببسي :
ــ آآآي.. ههه ماكان يجدر بك ياسام ان تفعل بي هذا... هههه تمثيل جيد...
مايك يتحمق:
ــ يجيد التلاعب ذاك السام.. ولكنك تستحق ذلك..
ــ ولمَ استحقه؟؟؟
ــ الا يكفي ان جون لا يرى رجلا جديرا بالثقه سواه.. قل لي لماذا لم يدعك تقم انت بالمهمه..عوضا عنه .. ويقوم هو بمهمتك تلك.. هه انظر ماذا جرى لك..
ستيف يطالع مايك على جنب:
ــ تقصد لمَ لم يدعك انت مكانه و انا مثلما انا لم يتغير حالي ابدا..
ــ الللعنه
ــ اعلم ياعزيزي انك تجيد العربيه .. وانك حاقد وناقم على سام لأخذه محلك .. ولكن كون سام له جذور عربيه فهو قادر على تكلم جميع لهجاتهم .. بشكل افضل منك مسبقا .. كنت فقط فصحى و بصعوبه... ..و ..
يقاطع مايك ستيف وبقهر:
ــ اووووه.. عربي و عربي .. وماذا في كونه عربي .. حثالة كم اكره العرب ..
ويضرب بأيده على ظهر ستيف
ــ .. آآآآآآآآه ايها المجنون... لا تصب جام غضبك علي ..

في السوبر ماركت .. كانت السائحه تشتري حوايج ليها.. بساكيت على شقاليط..
على كم شامبو وصابون ماكانت تحب حقات الفندق..
طبعا سام كان يراقبها فلحقها ودخل نفس السوبر ماركت بدون ماتشوفه وحمل سلته وصار يتبضع هو الثاني...
وبين ماهي تقلب في الأغراض .. رفعت غرض وكان سام في وجهها بالجهه المقابله..
ــ اوه.. هههههههه .. لا حقا.. حقا حقا.. لقد بدأت اخاف منكِ..
صارت السائحه تضحك:
ــ ماللذي اتى بك الى هنا..
رفع سلته بعد مافلت فيها صابونه:
ــ هههه الذي اتى بكِ الى هنا...
لف ليها الجهه اللي هي فيها:
ــ مصادفاتنا اليوم تستحق ان نشرب شيئا ما معا...

ابتسمت و ما ردت عليه برفض ..
سام يكمل:
ــ حسنا .. ابتسامتك علامة قبولك الدعوه.... فقط ننتهي من تبضعنا. ونتوجه الى كوفي شوب قريب من هنا وكوب قهوه عربونا لتلك المصادفات...

وفي الكوفي شوب
سام يقطع الصمت وبهدوء يصطنع الخجل:
ــ هل لي ان اسألك شيئا...
ــ تفضل..
ــ الا ترين انك تعرفين شيئا ليس بيسير عني وانا اجهل عنك الكثير سوى انك سائحه...؟؟؟ ما اسمك ومن أي بلد..؟؟؟
ابتسمت :
ــ آسفه لم تسمح لي أي فرصه لأعرف عن نفسي .. انا جويل نيكولاس .. عربيه من لبنان..

الا تتفاجأ بسام يفتح عيونه ويبتسم ابتسامه عريضه :
ــ ولك شوووووووو هالصدفه هيدي كمان...
فتحت السائحه عيونها و بوزها شبرين من الذهول:
ــ انت .. انت عربي ؟؟؟
سام يضحك:
ــ ايه اختي .. و شامي كمان...
ــ ههههههه والله.. ولك ما يبين عليك بنوب..
سام يغمز عليها:
ــ دخلك انت اللي بيبين عليكِ .. يخزي العين حولك .. تتكلمي انجليزي تمام..
ــ متلك انتا.. والله افتكرتك اجنبي .. بس شكلك خلاني اشك شويه..
ــ اه.. ولك شو فيه شكلي ..!!!
ــ هههههه لا ما بو شي .... بس ملامحك مانها اجنبية
صار سام يعدل في فيابه:
ــ شو اللي فيني ما خلاكِ تفتكريني اجنبي ..؟؟؟
ــ يعني.. بشرتك.. شعراتك.. تآطيع وشك <<< تآطيع وشك = ملامحك
سام : ــ شو أصدك.. ؟؟
ــ هههههه لا ما أصدي شي ..
ــ ولك أصدك انهم احلى مني ...
ــ لاااا ولو .. انت احلى بكتير ...
سام ابتسم:
ــ ايه.. عم فكر انون عاجبينك اكتر منا نحنا العرب..
وصار ضرب سوالف وياها .. ويعطيها من طرف اللسان حلاوة... لين عرف منها شي يعرفه مسبقا انها صاحبة محلات ملابس وعندها فرع في فرنسا وحابه تفتح فرع في امريكا...

ابتسم : ــ ازا حابه اساعدك في أي شي انا حاضر .. لا تنسي اني بعرف في هيك شغلات..
وصار يتفلسف عليها و كم فرع عنده في فرنسا وفي ايطاليا و النرويج و الحين ناوي مثلها يفتح في امريكا...

وظل وياها لين رجعو للفندق .. هي بتدخل غرفتها .. وعلى اتفاقه ويا سام من يشوفه يدخل الفندق يدق عليه جوال.. وينهي أي لقاء بينه وبين جويل بمكالمه...
ينصرف فيها سام ويخلي جويل تكمل طريقها..

في الرياض ..
الساعه 7 الصبح.. حبيب قعد من نومه و صار يقلي بيض وهو مندمج..:
ــ عندي بيضه كبر الداار ... وين احطها ياشطار ... حطيتها في الصينية .. باقوها الحراميه .. باعوها بألف وميه .. هلا هلا .. هلهل هلا..

الا بصوت كاظم من وراه :
ــ صباخير << صباح الخير بأحد اللغات الهنديه..
حبيب : ــ اووو نفر كظومه .. صابابات خيرات..
كاظم وهو يتفاوب : ــ ويش تسوي..؟؟
حبيب يطالعه على جنب : ــ يعني ويش اسوي ... اسوي كانا نطفح به..
كاظم صار يضحك : ــ والله وصرت تعرف هندي..
ــ افا عليك بس .. اعجبك.. والله خوش كانات دجاجات محترمات..
كاظم رفع حاجب وحاجب:
ــ شدعوه صرنا دجاج..؟؟
ــ شدخلك انت.؟؟
ــ اجل تسوي هالبيض للدجاج هذا قولك .. ؟؟
ــ ليش.. ويش يعني كانا بالضبط؟؟؟
ــ ههههههههه يعني اكل ياحظي مو بيض ...
ــ اه.. هههههههه شمدريني عنك ذاك اليوم تقول ابغى كانا و اكلت بيض حسبالي يعني بيض..
ــ لااا ..
ــ اجل ويش يعني البيض ؟؟؟
كاظم وهو يتفاوب:
ــ شمدريني عن امه..
ــ اه .. يبغى لك تسأل يدتك..
ــ اهوو عني .. صدق متفرغ .. بس تدري في حياتي ماسمعتها تقول بيض...
ــ اف منك...
ــ سويت سليماني وياه.. << سليماني = شاي
ــ سوينا سليماني .. من قوطيك الخرندعي العجيب .. اللي جايبنه.. اكو باقي كم وحده ويخلص..
ــ زين اليوم رجعتي اجيب غيره
ــ لاااا تكفى خل السيد ارحم..

شوي الا بدخلة شفيق عليهم:
ــ صباح الخير
ردو عليه..
الا يسألهم: ــ ابغى كاس..
كاظم وهو مستغرب منه كيف ماشاف الكاس وهو كبير وقدامه:
ــ اكو على المغسله في واحد
ــ لا .. ابغى غيره...
ــ لويه يعني ..؟؟
ــ مو نظيف ..
حبيب رفع حاجب وحاجب وطفى القز عن البيض:
ــ شدعوه.. زين غسله بالماي..
شفيق بهدوء .. مسك الكاس و صار يفرك يفرك فيه مره..
مرتين...
وعشر ...
وكل شوي يصب صابون فيه..
حبيب عصب .. ومسك غرشة الصابون:
ــ اخوووك هذا مو كاس .. هذي عافية آدمي ..
طايح فيها دعش وتفريك.. حشا.. والله الصابون اللي كبيته يكفيني اسبح فيه لمدة اسبوع.. داويش انتاااااا .. ؟؟ نظيف صار والله يلق .. هاا اشوف وجهي فيه...

شفيق بهدوووء .. سكر الماي ..
فتح الثلاجه لقى 3 اغراش وحده منهم مفتوحه ومشروبه لنصها..
ترك المفتوحه وراح بيفتح ثانيه..
كاظم : ــ اخوك.. فيه وحده مفتوحه...
شفيق : ــ نظيفه..؟؟
حبيب ماتحمل : ــ لا شارب فيها شلب .. ويش نظيفه بعد مانظيفه..
ــ لا يعني احد شرب منها ببوزه..؟؟
ــ اخوك.. بعد شبدي انتااا.. ما احد يسويها.. ويعني لو سواها.. وبيش بصير فيك يعني ..؟؟
شفيق سكت وحقر حبيب وفتح غرشة جديده..
حبيب دار للفرن وضرب الشوكه في مقلى البيض ..وبحمق ويا روحه:
ــ يالله صباح خيررررررر...
سكر الغرشه و راح الغرفه .. شوي رجع منها و في ايده قلم.. كتب على الغرشه اسمه..
وحبيب وكاظم يطالعو فيه مستغربين..
التفت ليهم و ابتسم ابتسامه بارده:
ــ لا تخافو باشتري غيرها ليكم بس هذي لي حزة حاضر..

وطلع عنهم...
حبيب : ــ ويش فيه دا؟؟
كاظم : ــ اخوك انت بعد هدي صاير شخاط.. ما تهون عن النحاسه والتعيلف
ــ يبط الشبد صراحه .. عجيب امره... اذا هذا اولها وياه الساتر من تاليها..
ــ مادري .. بس مالاحظته الفجر للصلاه,, كم مره دخل الحمام وكم مره عاد صلاته ..
ــ ياعلي .. فيه هوس عفر..
ــ شكله..
ــ الله يساعدنا.. جلدي جلدي .. اخوك..خذ الخبز و الحليبه وانا باجيب البيض والشاي.. << جلدي = بسرعه..
كاظم : ــ زين بيااااااااااا ... << بيا = اخي
وطلع...
حبيب : ــ بيااا,.,؟!!؟؟ الساتر الله شان ماهي مسبّه..

ماطلع كاظم لشفيق في الصاله الا هو.......

الى الملتقى..
ان شالله قريبا :embarrest::amuse:

شكله هالشقيق بيرفع الضغط لحبيب ..}
تسسلمي أموره ع الجزء الفنتكه .,,
بالأنتظار ..~

وماطلعوأإ الى شقيق
يخم ويفرك الزوآأإلي هههههههههه < تكمل
الله لآيبلآنا ..
جزء حليو أإميروه هههههه
عافية أإدمي ماقدرت عليهااااا
شفيق يبغى ليه تنتيف عافيه ..

شكريـآأإت بيات < حطت التـآأإء للثأإنيت ..
ماننحرم

مشكوووووووووووورة أختي
وننتظر جديدك

امورره :in_love:

رائع ماطرحتيه :icon30:

واشكرك على الاجزااء

واكثر شخصيات عجبتني

سيد هاادي <<شخصيه راائعه:embarrest:
حبيب<< شخصيه لطيفة ومضحكه:kaseh:
يوسف <<مثال الى الاخ الحنوون:amuse:
احمد شكله طيب:shiny:
تقريباا بس اذا اي شخصيه عجبتني راح اقول على طول << تهدر واااجد:atkal:

ومبرووك على زواج صاحبتك وعقبال باقي العزابيه

يسلموووو على الجزء الروووعهــ
تحياتي ... مجنونة و حلوووة

الجزء مرررة حلوو
يسلمووو
بانتظاارك وبأنتظار التكمله
بس عااد مو تتأخري علينا

واااااااو
امور يسلمو الجزء روعه
ويا هالشقيق شكله فيه هوس وهوس مو طبيعي بعد
يلا ننتظر الجزء الجديد
تحياتيـ ..

مررره رووعة الجزء

ننتظر بشوق خيتوو

لا تطولي

تحياتي

يووو عفر بنقلب هندي اموره هههه ..!

::

اممم وحشوني اطفال التوحد اللي دربتهم اهي

::

ننتظر الجديد غاليتي
موفقينـ

حركآت ...
هوس / وهنود
هع هع
الله يعين كاظم ...
بس عفر البارت قصير والا ويش ؟؟؟:huuh:
بانتظارش غناتي اموووورهـ ....

اللهم صل وسلم على محمد وآل محمد وعجل فرجهم وفرجنا بهم ياكريم..


أمير عور قلبي......احس ابوه قاسي شوي عليه وامه مزودتنها في التعاطف ومبينه له انه كأنه عاجز...!!


عبد الستار خوش رجال... مايستاهل اللي يصير فيه.....دنيا دار ابتلاء..>هي قصة بس اكيد احداثها بالواااقع تصير..



حبيب ياخفة دمه ....

شفيق الله يعينه على مابلاه ويجيرنا وياكم من وسوسة الشيطان الرجيم..




وأمورة تجنن ....وكل بارت عندها يقول الزود عندي :)




(سلمت راحة يديكِ الرائعتين النابضتين حس ابداعي ضخم)

بانتظار كل المزيد من روائعك..


موفقة ومقضية حوائجك...

وع البركة غناتي وعقبالك يااارب..

دمتي بعين المولى الجليل

قصير البارت بس مره حليو
نتتظر البارت الجديد

وينكم
وينك امورة

سلاااااااام

ماشاء الله ماشاء الله شو هالإبداع خيتو:amazed:

احتراف ومهارة وروعة وجمال و...الخ

حقاً مبدعة فعلننننن فعلننننن>> بلا تقليد:seif:
تابعي:cool:

وآـآآآهـ وأخيرا ً وصلت لهـينآـآ ... :)
توي أقرأهآ ..
مآشآء الله تبآرك الرحمن .. إأآبــــــــــــــ ــــــ ـــــدآع ،،

سأبقى صآمته فليس هنآكـ مآيبدي إعجآبي ،، سوى الصمت ..

رآئعه بكل مآتحويه الكلمة ..

من المعســــــكرين هنـــــآ ...!

دمتِ بخير وبحفظ المولى ..

من بعد حماس بنات اخوي الفراش الفاطمي و طفلة تحت المطر وهدرتهم عن هالرواية شغفوني حبا في قرائتها
وجيت الحين وقريت كل الأجزاء

يعطيش العافية خيو
باين عليها حركاااااااااااااااااااات وناس واااااااااجد وأحداااااااااااااث


متابعين يعطيش العافية
وعيد سعيد

باااارت يجنن امووورة
يسلمووو قلبووو
بالانتظااار

البارت قصير جدا
يسلمووووووووو...{

في انتظار الأميرة

مرحبا
آخر ليالي الشهر الفضيل
الله يعوده علينا وعليكم بالخير و السعاده
وتوي والله هالفجريه بس افضى اكتب جزء ..
الفال للعزاب الله يسعدكم ويبلغنا فيكم جميع...
الف شكر ليكم جميعا عالتعاليق الحلوه
ومليون شكر للمسجلين الجدد بس على شان يتابعو وياي ويتفاعلو..

الله لا يحرمني منكم ويخليكم ويحقق امانيكم..

هالجزء عيديه مني ليكم..

:amuse: مستغربه منكم.. الجزء اللي طاف كان 9 صفحات وورد وحجم الخط 14 وتقولو شويه.. واللي قبل الأجزاء 7 صفحات ونص لو بالكثير 8..
الظاهر خشيتو جو عدل فصايره البارتات في نظركم قصيره
اسمحو لي اللي اقدر عليه في كل مره اكتب انزله...

تفضلو..

ماطلع كاظم لشفيق في الصاله الا هو ياكل بريد.. شكله جايبنه وياه .. والعجيب في الموضوع انه ياكله حافي بدون مايحط فيه شي ..
قعدو جميع.. حطو البيض .. توقعو منه يحط له منه في البريد او يشاركهم به.. بس هو ابد مستمر ياكل وحده وحده و لسا .. حافي !!!
لفت نظر حبيب بقعه خضرا في وحده من البريدات..
فتح عيونه : ــ اخوووك.. خله عنك من وينا جايبنه دا؟؟؟
شفيق يقلب فيها : ــ لويه..؟؟
كاظم : ــ اكي معفنه.. ماتشوف العفن ؟؟؟
شفيق يصدمهم وياكل جهة العفن وببرود :
ــ انا ما احبه الا كذا.. صار له اسبوع في شنطتي يالله خمر
حبيب وهو مذهول : ــ خمر!!!
شفيق : ــ الأكل احلى اذا ظل فتره
كاظم يحس روحه بيرجع ..
حبيب : ــ قصدك اذا قطن.. خلااااص لوعت شبدنا.. بيعورك بطنك..
شفيق حمل كيس بريده وقام عنهم الغرفه..
كاظم مسك بطنه..
ــ مانى مصدق .. هوسي نظافه وياكل عفن....!! وين تصير دي ؟؟؟
حبيب : ــ انا بديت اتوتر منه ماصار له يوم حتى وسوالفه سوالف...

في الشقة اللي تحتهم...
نوري قعد من النوم وصار يسوي تمارين ضغط..
محسن قاعد يجاكر فيه.. كل شوي يحط فوق ظهره كتاب .. على كتاب .. ونوري يسوي روحه قوي و يكمل التمرين..
ومحسن يصفق ويشجع..
ايمن قعد من الأزعاج وطلع ليهم :
ــ افففففف .. مزعجين .. ماتخلو الواحد يرتاح...
محسن يعاند في ايمن ويكمل تشجيع لين ما خلاص نوري رمى الكتب .. و انسدح على ظهره من التعب..
مصطفى في المطبخ يحوس :
ــ اوووه.. ياجماعه.. عفر مافيه غاز.؟..!! مخلص سلندرنا..
محسن : ــ بللللل من اولهااا...؟؟
ايمن : ــ والحل ... ويش هالحاله دي تجو شقه تنسو تبعو الغاز .. مفكرين روحكم في بيوتكم افران كهربا... ؟؟؟
نوري : ــ من حلاة دا فرن عاد... الحين اطلع منها تمرين حمل اثقال.. ومنها اشوف وين الغاز هنا .. ماتبغو شي بعد؟؟؟
مصطفى : ــ لا سلامتك كل شي موجود..

وحمل نوري السنلدر وطلع يشوف وين يعبيه..

في الطابور المدرسي
شهربان : ــ وووووفففف
ماريا : ــ ويش فيش؟؟
ــ قاع رجولي تحكني ..
ــ حكيها...
ــ تسخري كيفا وعلي الجوتي والدلاغ.. شلووون اف اف .. عورو راسنا بهالأذاعه الصباحيه.. لا وبالأنجليزي .. خلنا نفهم اللي في الكتب تالي نفهم هالرطنه..
ــ ههههه احمدي ربش مو كل يوم انجليزي
ــ دخيلش من حلاة الأذاعه بالعربي .. كلها هرار في هرار.. متى بيخلصو بس ..ابغى اقعد شان افصخ الجوتي دخيل الله و احك..

نور حماة اماني اخت ماريا.. كانت صافه مع غادة صديقتها و عضو رابع في الشله المتكونه من شهربان و ماريا بالعلمي و نور و غادة بالأدبي ..
طوابيرهم جيران بعض ..
نور خبيرة بالمدرسات تقعد تراقب الصبح مين جت مين ماجت.. فأنتبهت ان مدرسة الرياضيات تبع صف ماريا و شهربان ما جت لبدايه الطابور فحبت تبشرهم انها غايبه عفر..

صارت نور ترمي قرطاسة علك على شهربان اللي كانت تحرك في رجولها تحاول تخلي الحكه تروح..
ما انتبهت ليها.. ردت خذت نشافه لوتتها رمتها .. ماوصلت ليها...
شالت شباص من شعرها ورميته على شهربان..
الا بالغلط تمر فجأه مدرسة التاريخ (( حصه )) اللي كانت عليهم الحصه الأولى..
شان يصيبها الشباص قريب عيونها..
وتنتبه و تنفعل: ــ شهذااا؟؟؟
نور تصروعت.. خصوصا ان هذي المدرسه مايسموها الا قراقوشه.. << نسبة الى قراقوش وتعني النسر الأسود وهو قائد جيش في عصر صلاح الدين الأيوبي .. يعرف بقوته واستبداده و احكامة الغريبه..

التفتت استاذه حصه الى الموقع اللي جتها منه الشباصه.. وبصوت هادئ والطوابير تمشي ..
ــ جايتكم يا ثالثه ادبي و اعرف مين اللي سوت هالفعل..

غادة : ــ وووووووييييي .. الحين ويش يرقعنا ويا حصيص .. بتبدي الوقعه على بداية الحصه..

شهربان ونور مستغربين مو داريين ويش فيها الأستاذه ولويه محمقه على ثالثه ادبي..
و استاذة الرياضيات للحين ماشرفت ولا بينت .. ليتضح بعدها انها لم تصل ..

دخلو الفصل وهم فرحانين ومسووين هيصه على بالهم انها غايبه.. الا يتفاجأو بأستاذة الكيمياء تدخل عليهم وتعطيهم خبر انها بتبدل وقت الحصص مدرسة الرياضيات بتتأخر كم ساعه... << ويافرحة ماتمت..

بالصف الثالث ادبي ..
استاذة حصه مسويه تحقيق وهي تطالع في نور وغادة و الثنتين اللي كانو صافين وراهم واللي كانو صافين قدامهم.. منطقة الأشتباه :
ــ مين اللي رمت البنس ؟؟<< بنس = شباص الشعر..
نور في بالها : ــ والله دي متفرغه يعني لو احد متعمدنها كان جتها وهي محلها شدرانا انها بتتمشى...
غادة في بالها : ــ ياعلي الله يستر عليش يانورو.. ويش فيها دي متحججه تعديها هالمره..
حصه : ــ بتتكلمون والا انتو الستة راح انقصكم من المشاركه..
وحده من البنات الست : ــ بل استاذه .. يالله على علامه حنا .. ليش كذا..؟؟
حصة : ــ اجل علميني منو اللي رمتها..؟؟
والتفتت لغادة: ــ انتي اللي كنتي بجهة ثالثه علمي .. انتين اللي رميتيه.. او انتي او انتي .. << تقصد اللي ورى غاده وقدامها على طول ..
وحده من هالبنات كانت دافورة وتقتل روحها قتال على العلامه.. مامداها بتتكلم وبتعلم مين اللي رمت الشباص
نور سبقتها وقامت : ــ اني.. اني اللي رميته..
حصه : ــ والله ما استبعد هالشي منك .. وليش بالله..؟؟
ــ ابغى انادي شهربان بالصف اللي جنبنا
ــ وليش شعندكم من الصبح
نور عفست وجهها وسكتت..
حصه: ــ طلعي برى .. لأستاذه رمله .. و لا تجين الا بورقة من عندها..

رملة .. مشرفتهم الطلابيه..من الجماعه.. هادئه و بشوشه .. و اخلاقها حلوه مع البنات.. بالمختصر تعطي وجه بالقوه

راحت ليها نور وقالت ليها السالفه..ولويه رمت الشباص اصلا..
استاذه رمله صارت تضحك عليهم..
وبهدوء : عاذرتنكم اني سنه ثالثه ودكم على آخر السنه بشوية نفس شوية وقت تقضوه ويا بعضكم اكثر قبل التخرج.. بس مره ثانيه غناتي انتبهي لتصرفاتش لا تطيحي في مشاكل .. اووكي..
نور تحب المشرفه وتحترمها وايد... ردت وهي مستحيه : ــ ان شالله استاذه..
كتبت استاذه رمله لنور ورقه طلب من استاذه حصه تدخلها الصف وتسمح ليها هالمره اخر مره..

الساعه 8 السيد قعد من النوم..
حبيب : ــ صباحك جوري فواح.. وماي ورد وتفاح.. صباحك نور انور... و...
كاظم : ــ احسدها هاللي بتاخذها انت .. ياساتر عليك
السيد يضحك : ــ يصبحك بالخير والسرور حجي حبيب...
حبيب يوسع للسيد محل ويضرب بكفه على الأرض :
ــ بل .. غبار.. يبغى لينا ننظف ... تفضل غناتي هنا.. يللا قبل لا تروح لمحاضرتك.. غذي روحك عدل..
كاظم : ــ كح .. كح كح... ايييه لا بالله ما احسدها.. ابحسد السيد..
السيد جته ضحكه وشرق ..
حبيب : ــ خناقه كظموه حسود.. قوم جيب ماي...

يوسف قعد من النوم..
حبيب : ــ هلا وسهلا .. صبحك الله بالخير ابو يعقوب .. تفضل ..
يوسف : ــ زاد الله فضلك .. تسلم
غسل و قعد وياهم يفطرو...
حبيب : ــ الحين ويش ابو يعقوب ..بتروح ويانا الجامعه والا ماعندك شي؟؟
ــ مادري للحين يبغى لي اروح اشوف الوضع و ارتب جدولي ..
السيد : ــ الله يساعدك.. عاد اول يوم يصير دوخه بالعاده.. انا ماعلي الا محاضره وحده ساعتين باخلصها و اذا تبغى شي قبل لا ارجع الشقه اعطيك رقمي تكلمني واساعدك..
حبيب بهدوء : ــ انا باروح ويا السيد جميع بس محاضرتي بعد ساعه من وصولي للجامعه.. عادي اشوف وياك الوضع...
ابتسم يوسف : ـ ماتقصروا ... شدعوه.. ادبر اموري لحالي ..
حبيب يغمز له: ــ اخونا الصغيرون ولووو..

كاظم : ــ الكل الحين قعد.. باقي بس هالمراد... سؤال ... هل قعد صلى الفجر لو لا؟؟ << وجه السؤال ليوسف بحكم انه وياه في نفس الغرفه..
يوسف : ــ للأمانه ماشفته.. يمكن قام لما عودت نمت انا.. يجوز...
كاظم : ــ انا من جى هالمخلوق وهو موعاجبني صراحتن..
السيد مستاء : ــ الله يهديه..

طلعو السيد و حبيب ويوسف بيروحو الجامعه..
السيد يضغط زر الأصنصير,, وهم ينتظروه .. بطيء شوي..
حبيب : ــ اوووه .. خلني اسوي رياضه صباحيه احسن لي
ونزل الدرج ..
يوسف نسى جواله بالشقه فرجع يركض يشوفه والسيد ظل ينتظره على ما يفتح الأصنصير

نوري داخل العماره حامل سلندر الغاز معبأ فوق كتفه.. متوجه للشقه ... شقتهم كانت جنب الدرج للعماره والدرج يقابل باب العماره و الجهه الثانيه باب الأصنصير .....

حبيب يناطط عالدرج مروق حضرته وهو نازل على آخر الدرج لفت نظره نوري اللي كان اولا: غريب على العماره ..
وثانيا : صاير طول بعرض ولابس مزلط وشورت وعضلاته مره بارزين ...
ثالثا : حامل السلندر كنه حامل ياهل خفيف على كتفه..

.. شان يتعثر حبيب على آخر درجه .. وطراااخ يطيح على نوري ويصفق جبهته في السلندر..
نوري شهق شهقه ما توقع يطيح عليه .. فمسك روحه لا ينقلب لو تطيح من كتوفه السلندر وتصير مصيبه .....
حبيب طاح على الأرض : ــ آييييييي ...
الا بطلعة السيد ويوسف من باب الأصنصير ... ويشوفو حبيب مفلوت عالأرض ونوري متوقل والسلندر بعده على كتفه ماشاله.. ويطالع في جبهة حبيب :
ــ سلاااامااات اخوووك...
يوسف والسيد ركيض الى حبيب .. :
السيد : ــ خير ..؟؟ ويش صاير؟؟؟
نوري يقوم بخفه ولا كنه حامل شي ،!!،
ويوسف يطالع فيه بأبتسامه وفي قلبه يسمي عليه ويصلي على محمد وآله..
نوري: ــ مادري اخوك هو نازل وصفق فيني .. جبهته اكي تورمت.. قومه دخله الشقه نعالجه..سلامات اخوك .. آسفين..
والتفت ليوسف : ــ هلاااا خوينا.. شحالك..
يوسف : ــ حياك الله ويش اخباركم من البارحه..
ــ الحمدلله .. تفضلو ويانا افطرو,, الشباب توهم قاعدين ..
السيد : ــ تسلم فيه العافيه.. بنروح الجامعه..
نوري : ــ لا دا المنصمع خله يدخل ويانا نداويه اول تالي روحو..
السيد : ــ نسبقك انا ويوسف .. على ما تداوي روحك و تضبط وضعك...
ومشو عنه..
حبيب يحاول يمسك التورم موقادر :
ــ آآي .. يسلمك.. مني انا اعمي ما شوف ..
نوري اصر عليه يدخل عالأقل يحط له ثلجه عليها و يدلكها له..


في طريقهم للجامعه ... السيد سأل يوسف : ــ يقرب لك ؟؟
يوسف : ــ لا بس معرفه توني من امس في الباص .. وصار يحكي للسيد القصه...

في شقة الشباب اللي تحت..
نوري ضام راس حبيب بذراعه ،، وماسك خلقه فيها ثلج و يدلك في التورم ..
حبيب يرفس برجوله زي الياهل : ــ آآه.... ويلي ..
محسن ماقدر صار يضحك..
مصطفى يحاول يداري ضحكته..
حبيب بألم : ــ اضحكو ماعطاكم الا ربكم..
فقعوها ضحك عليه ماهم قادرين على شكله..
ايمن : ــ شوي شوي عليه فطسته.. خمدت على انفاسه..
نوري حاقرنه ومستمر تدليك..
مصطفى: ــ خله عالأقل ينزل التورم شوي ..
الا الباب يطق طق ..
محسن : ــ بل .. نوريوه جوك الشرطه بتهمة صفع واحد بسلندر غاز
نوري : ـ خخخخ بااااايخ.. قوم بس شوف مين .. شدخ الباب..
محسن : ــ زييييييييييين لا تشدخ.. جاي جاي..
فتح الباب الا هو هاني ناط عليه ومتعلق ..
محسن : ــ هلاااااااا.. قردانوو .. >> محسن يسمي هاني قردانووو.. و هاني يسمي محسن النخله عن مزح.. لأن محسن طويل وهاني قصير ونحيف و كل يتعلق على محسن يأذيه..

بقية الشباب.. من سمع قولة قردانوو.. عرفو انه هاني .. اللي دخل عليهم ركض ومن شاف نوري ماسك حبيب بطريقة عجيبه فتح عواينه:
ــ ويش تسوووو..؟؟؟
محسن يبغى يسوي جو وبطريقة منقهره و خايفه :
ــ الحق علينا.. الحق .. نوريوه تشابق وياه وفلعه.. و سحبه داخل الشقه وناوي يكمل عليه .. محنا قادرين حنا نسيطر عالوضع..
حبيب فيه ضحكه عاجبنه الوضع..

شوي الا نوري يضغط على جبهتة فجأه بقوه كبيره خلته يدوووخ ..ويصرخ صرخه عالميه...
ما انتبهو الا مصطفى طايح فوق حبيب.. ومخمد على انفاسه..
هاني بلا وعي من السالفه دف مصطفى على نوري حق يترك حبيب .. ومصطفى ما توازن وطاح على حبيب بالغلط..
حبيب : ــ آآآآآآآآآآآآآآععععععععع
و اغمى عليه..

هاني شهق : ــ ووواااااه .. دبحنااااه..
مصطفى منحرج : ــ انتون امزحو وانا ادفع ضريبة مزحكم الفقييييل..
محسن : ــ سوووو له تنفس صناعي ..
نوري : ــ بهيم انت.. شه غرقان...؟؟؟
هاني بالسرعه رمى شنطته وطلع غرشة العطر وصار يرش على وجه حبيب و نوري يسطر خدوده.. لين اوتعى..
مصطفى بسرعه جاب له ماي وهو مره مرتبك وخجلان حده..
ايمن فيه الضحكه .. ويهمس لمصطفى..
ــ ويش فيك امس واليوم ما شغلتك الا تطيح على العالم..؟؟
مصطفى مره مو عارف ويش يقول ..
بأبتسامه مرتبكه: ــ آآسف.. والله هاني اللي رماني عليك..
حبيب يشرب الماي و يبتسم وهو ينافخ :
ــ قتلتوني هههه.. مو شقه دي ..هههه .. مقصبه..
نوري : ــ مسامح اخوك هههههه ... لا تشره على هانيوو
هاني مستحي : ــ شمدريني عنكم شلة صواريخ .. كنت ابغى اساعده..
ايمن : ــ ايه جيت تكحلها عميتها..
قعد حبيب وياهم شوي تعرف عليهم و حسهم خوش شله.. ووعدهم بزيارات تكون بينهم..


في الصف الثالث علمي .. شهربان فيها النومه.. واستاذة الكيميا زكية تشرح تشرح وهي تغمض وتفتح..
استاذة الكيميا امها عراقيه فماخذة اللهجه :
ــ شهربان .. تفاعل الصوديوم مع البوتاسيوم.. شينطيناااا..؟؟؟ << ويش يعطينا..
شهربان فتحت عواينها وقامت واقفه:
ــ صودييمد بوتاسييومي .. << بعدها نايمه ومفهيه
البنات صارو يضحكو..
أ‌. زكية : ــ معلوم ما تكونين ويانا بالدرِّس .. آني ما عطيتكم تفاعل هالعنصرين بالذات جِبتهم من راسي هالسا.. استريحي .. لو انج كنتي مركزه وياي عيني انجان اعرفتي إنّي جايبة هالشي من راسي ..
شهربان مفتشله .. قعدت وهي مره تحس روحها بهيمه..
ماريا فيها ضحكه صارت تهمس ليها وتجاكرها..
ــ اجل .. صوديوميد بوتاسيومي.. ولد مين دا..؟؟؟
شهربان تطالعها على جنب :
ــ ولدش ..


وقت الفسحه في المدرسة الأبتدائيه...
باقر ولد اماني نسى مصروفه... فقاعد على جنب .. انتبه له محمد ولد خاله وتوجه له:
ــ ويش فيك ماتاكل..؟؟
باقر نفسه عزيزه : ــ فطرت في البيت... << وهو ميت من الجوع..
محمد : ــ شداب .. ويش فطرت .. ؟؟؟ ماشفتك .. !!
ــ مانى جوعان..
ــ مو على كيفك..
وراح شرى لباقر زعتره وعصير ..
محمد جدا عفوي .. و تفكيره زي الأطفال مهما كبر ..
وبين ماهم ياكلو .. سال باقر سؤال:
ــ خلصت فلوسكم يعني .. ؟؟
باقر وقف عن الأكل : ــ لا ... نسيت مصروفي بس ..
محمد : ــ لا تستحي اذا خلصو... ادري ابوك بعيد وشغله مايعطوه فلوس وايد ,,على شان كذا ماعندكم بيت.. اذا صرت مفلس قول لي عادي اقول لأمي تزود مصروفي و اعطيك ريالين لو ثلاثه ريال ..
باقر وقفت اللقمه في حلقه..
حط الزعتره في حضن محمد:
ــ الحمدلله .. مابغاها كملها انت..
وعطاه العصير وكان لسا مافتحه:
ــ روح بدله في المقصف بحاجه..
محمد : ــ تعااال .. ويش فيك..
باقر تركه ودخل الحمام .. وسكر عليه الباب..
وظل شابح بعيونه.. ومنقهر من محمد .. اللي تصرفاته دايما طفوليه و دايما يستعرض الخير اللي معيشنه فيه ابوه.. وباقر من دون شي عزيز نفس ومايحب احد يعايره بأي شي..

الساعه 10 الصبح
في بيت ابو مجتبى...
ام مجتبى وياها مرأه جايتنها من الصبح وقاعده وياها تدرع ..
ابو مجتبى يبغى فطور.. بس مو زهقان يسوي لروحه ولا هو عارف ينادي على مرته..
الا بقعدة احمد..
ابو مجتبى : ــ جيت والله جابك ..
احمد : ــ دقيقه بس باسبح امير ... بلل روحه..
ــ اوووووو.. انا لله.. من امك اللي ما تلبسه شي قبل لا ينام.. مفكرتنه بيتعلم ..
امير يسمع ابوه وفهم عليه.. فصار يصارخ و يون ..
ابو مجتبى حس بتأنيب الضمير بس عمره ما يتنازل ولا يبين جانب الحنان فيه..

ام مجتبى ويا المرأه اللي كانت تشتكي..
ــ يا ام مجتبى.. بتي وصل عمرها 29 .. وللحين ماجاها معرس .. مع انها بنيه حليوه و مثقفه كامله والكامل الله.. ابغى تعطيني حجاب لو شي .. اخاف مسحوره لو محسوده..
ام مجتبى : ــ صلي على محمد .. اني باسوي اللي علي والباقي على الله .. جيبي لي من عندها بلوزه لو بوشيتها .. أي شي تلبسه.. و قصي من شعرها شوي .. و هذا الحجاب .. خليها تحطه في قلاده وتلبسه او تخليه على طول في جيبها.. ولا تدش فيه حمام ترى فيه كلام الله.. و خلها تقرى هالدعاء بعد كل فريضه 70 مره والله يجيب ليها ولد الحلال اللي يسرها و يهنيها ..

ابو مجتبى يحوس في المطبخ يسوي له شاي .. حطه على النار يغلي وطلع عنه
احمد خلص من سبوحة امير .. لبسه :
ــ حبيبي امير روح اقعد ويا بابا .. انا بسبح الحين وباجي..
ودخل عنه يسبح..
ابو مجتبى يحوس في راديوه مو منتبه للدنيا..
امير دخل المطبخ وشاف ابريق الشاي يبخر الماي منه..
تقرب منه وصار يطالعه.. عرف انه غلى..
حب يشيله بس كانت عروة الأبريق حاميه
مسكه حمله شووي ,, ولما حرقه تركه وطاح وانكب عالأرض .. اختلع امير فصرخ و صار يصيح..
ابو مجتبى انصرع فلت الراديو وقام يركض له المطبخ لقى الشاي منكب و امير واقف عيونه فيها دموع ..ويصيح من قلب ..
مطبخهم كان بلاط مو مفروش .. ابو مجتبى خاف فكره انحرق بالشاي المغلي... شوي الا يزلق و ينشدخ شدخه معتبره على البلاط .. تخلي امير يقلب موجة الصياح الى ضحك..
ابو مجتبى متكسر قام وهو محمق : ــ لابوك لابو ...
الا بجية ام مجتبى المرأه طلعت من عندها ..:
ــ ويش صااااايرررر..؟؟؟
ابو مجتبى حده معصب ... يزحف زحف .. ويسب ويلعن:
ــ مره فانيه من تقعدي تسوي شاي لو قهوه .. مهي حاله دي..
ام مجتبى : ــ ويش اسوي فيها دي .. مامداني جايتني من غبشة الغباش.. << من صباحة الله خير..
ــ وولدش مره فانيه قبل لا ينام حفظيه لو سمحتي مهي حاله دي ..
ام مجتبى تحضن ولدها:
ــ بيتعلم.. كبير هو..
ابو مجتبى : ــ ايه قعدي عجل لين تموتي وانتين تغسلي شراشف وتنشري دواشق << دواشق .. جمع دوشق = منام..
ام مجتبى بأسى وقهر من كلام ابو مجتبى : ــ رحم الله والديك.. طول الله عمرك..
ابو مجتبى .. رجع وحس انه غلط.. فقام يبغى يغير السالفه:
ــ سوي لي دلة شاي باروح الزراعه.. مع اني متكسر بس اريح لي من هالبيت..



الظهر.. وباقر راجع البيت.. اعترض طريقه واحد معاهم هو ومحمد بالصف .. محمد كل يقعد وياه.. وساله:
ــ وين محمد؟
باقر : ــ مادري .. قال بيروح البقاله ؟. لويه ..؟؟ تبغى منه شي ..؟؟
ــ لا بس باقول له بنجيه العصر انا و صالحوه بنلعب وياه بلاي ستيشن ...
باقر مستغرب : ــ بلاي ستيشن!!
ــ ايييه .. بلاي ستيشن 3 بعد .. حركات.. يقول عنده من زمان .. قلنا نروح ونلعب وياه يوم.. اذا ماشفته خبره انت بدل عني دام انك وياه في نفس البييت ..
ومشى .. وترك باقر مابين التساؤول والصدمه..
هل محمد يكذب عليهم بس يتفخفخ..
والا صدق عنده وخاشنه عنه ولا يبغى يراويه اياه...

في امريكا...
جويل منسدحه بتنام.. تفكر في سام و في مواقفها وياه من اول يوم ليها في امريكا...
الا برسالة من اخوها في لبنان..
ــ كيفك اختي.. شو عامله .. ان شالله مرتاحه.. انا صار لي ظرف مستعجل في السويد فراح اسافر لهنيك وازا خلصت شغلي راح اجيكي امريكا و اخلص معكي الأمور .. بعرفك شاطره وما راح تحتاجيني .. ديري بالك على حالك..

ابتسمت جويل وفي بالها: ــ ايه.. هيدا المتوقع منك.. طول عمرك ماكنت معي في أي شي .. كتر خير الله اللي خلاني شاطره وبعرف ادبر اموري

في مقر العصابه..
سام مع جون يحكي له ويش سوى وويش صار ويا السائحة..
جون مستانس :
ــ على مايبدو انك ستوقعها في الفخ قريبا..
ابتسم سام : ــ صبرا .. فهذا النوع من النساء لديه الفطنه والدهاء ويحتاج للكثير من الوقت
جون يغمز لسام : ــ استخدم سحرك وجاذبيتك.. و انت الخبير
سام : ــ اذا سائت الأمور .. سأضطر لذلك...

مارك وستيف معاهم بس بعيدين شوي ..
ستيف : ــ يعجبني في سام دهائه و رويته
مارك ساكت ...
وستيف لازال يمدح ويعيد ويش سوى سام ويا السائحه هالمره وكيف ضبط تمثيله على الصدف ..
مارك زهق وترك المكان...
جون انتبه له.. وصار يوصي سام:
ــ ممممم .. اظنك تشعر بمارك و تصرفاته الغريبه ازائك .. اتمنى ان تتحمله وان لا تأخذ اعتباطه هذا على محمل الجد..
ابتسم سام : ــ لا علاقة تجمعني به سوى العمل .. اطمأن..

الساعه كانت 12 الفجر .. سام مو جاينه نوم.. فطلع يتمشى ...

وبين ماهو يتمشى ... سمع صوت في احد الزرانيق .. على مايبدو شبقة جماعه وواحد يستنجد.. ساعه بالأنجليزي : Heeeeeeeeelp me
وساعه بالعربي : ــ ساعدوووووووووني..

الى الملتقى بعد العيد بأذن الله
وكل عام وانتم بخير :bigsmile: