عضـــو في مطبــــخ الناصرة الثقافيه

مساااااااء الخير للجميع ..
جاء اليوم الموعود .. وجبت لكم طريقة العصيدة .. بس المعذرة لأنها بدون صور ..
أبو زييييييييييييييييييييين ما علي أسمح لي الوالدة تعبانة شوي ..
أن شاء الله بس تخف أحطها مرة ثانية وباالصور .. وعنوانها بيكون العصيدة يا أبو زين ..
المهم يالله نبداء رحلتنا مع الشيف للدموع إحساس ..:toung::toung:
طبعا أني لأني طباخة ماهرة جبت لكم طريقتين .. طريقة أيااااام زمااااان .. وهي الصعبة ..
وطريقة هاالأيام وهي السهلة .. والنتيجة في الثنتين وحدة ..
طريقة أياااااام زماااااان لطهي العصيدة .. < خخخخخخخخخخخخخخخخ عن عبارة طباخة ..
المقادير .. بشكل عام هي لكل 3 أكواب من الطحين 2 كوب من الدبس ..
3 أكواب طحين إماراتي ..
2 كوب من الدبس ..
وطبعا مع قالب زبدة ..
الطريقة ..
نبداء بالطحين ..
يقلب الطحين على نار هادئة لمدة ربع ساعة تقريبا .. إلى أن يبداء لونة بالتغير إلى البني الفاتح ..
طبعا هذا على حسب الرغبة .. يعني إذا ما ودكم تحمرو الطحين على راحتكم ..
ثانيا .. نجي للدبس ..
ونحطه على نار هادءة أيضا حتى تبداء رغوتة بالأرتفاع للأعلى .. ومن ثم نقوم بإزالتها والتخلص نهائيا منها ..
ثم يترك حتى يفتر .. أو يبرد ..
بعدها نضيف الدبس بعد أن يفتر إلى الطحين ونبداء بتحريكه وهو على النار حتى يمتزجان مع بعضهما البعض .. مكونين العصيدة ..
ثالثا .. طريقة وضعة ( التزبيط )
توضع العصيدة في طبق متوسط الحجم ونضيف عليها الزبدة إلي المفروض ذوبناها من قبل ..
ونقوم بالتزبيط .. حتى تطلع كشخة .. وبالهنا والشفا ..
الطريقة الحديثة .. والأسهل أيضا ..
المقادير ..
3 ملاعق من الدبس ..
1 كوب من الماء ..
1 كوب من الطحين ..
الطريقة ..
أولا .. نضيف الدبس إلى الماء ونتركة على نار هادئة حتى ترتفع الرغوة ..
ونبداء بإزالتها .. ونتركة حتى يفتر .. تجنبي أن تضعي الدبس على الطحين وهو حار .. لانه سيؤي إلى تكتل العصيدة .. < وكل التعب إلي تعبتيه يروح بلوشي ..:wink::wink:
ثانيا .. نضع المكونات ( الطحين + الدبس ) في آله الخلط الكهربائية < عن التكشخ يعني الخلاط
وبعد خلط المكونات مع بعضها البعض ..
نحمل المحتويات في قدر إلى النار .. ونبداء بالتحريك ..
حتى تتماسك وتتكون العصيدة ..
ومن ثم نبداء بوضعه في الأطباق .. ونقوم بالتزبيط .. بعدها تقدم .. وبالجانب منها دلة القهوة ..
وبالهنا والشفا .. وعليكم بألف ألف ألف عافية ..
وسامحونا عاالقصور ..
أما إلي أرشحة من بعدي ..
أممممممممممممممممممممممممممممم ..
مافي غيره أبو زيييييييييييييييييييييييييييين ..
وهاالمرة ودي بطبخة كشخة .. وياريت وياها صور بعد ..
يالله سلااااااااااااااااااااااااااااااااااااااااااااااام ..
تحيااااااتي ..
للدموع إحساس ..

مشكوووره حبيبتي للدموع احساس
خلاص يالغلا انا انتظرها منك:embarrest::toung: هههههه
من الطريقه شكلها روووعه
يعطيك العااافيه ولاحرمنا تواااجدك الغااالي
راااح نرسل الى ابو زيــــــــن وانشاء الله مايطول
موفقييين

السلام عليكم ورحمة الله وبركاته

اللهم صل على محمد وآل محمد الطيبين الطاهرين


بس أروح البيت ان شاء الله أسوي ليكم طبخه كشخه

ما أدري ويش هيه الى الحين هههههههه

بس ما عليكم بنزهلها زهااااااااال

وبتطلع خووووش طبخه ان شاء الله

انتظرونا

تحياتي

طبخات مشهيه

مشكووووووووووورة خيتي على العصيدة
يلا ننتظركـ أخي أبو زين

معليش تأخرت عليكم بس ان شاء الله

بنجيب ليكم طبخه حلوه


خالص تحياتي

عادي خذ راحتكـ أخوووي بس أهم شي ماتنسى الطبق

آآآآآآآسف جداً على التأخير الوااااااااااايد
الطبخه توني مسوينها اليوم
بسيييييطه مرررررره
للأسف ما فيه صور لأن اللاب توب ما أدري ويش فيه
عموماً نقول ليكم الطبخه ...وتخيلوها انتون هههه

المقادير
هامور صغير (بالول) نصف كيلو الى كيلو الا ربع
فلاف بصلات متوسطه
أربع طماطيات صغيره
ملعقتين زيت متوسطه
ملعقة ملح كبيره ( أو حسب الرغبة)
ملعقتين بهارات ( أو حسب الرغبة)
حبة بطاطس متوسطه (تقطع مكعبات كبيره)
كمية من الماء (خمسة أكواب ماء )

الطريقه
يوضع الهامور في القدر
ويوضع عليه ملعقتي الزيت
ويترك على النار لمدة دقيقتين
ومن ثم يقلب على الجهة الأخرى ويترك دقيقتين أيضاً
ومن ثم يوضع عليه الماء ويترك ليغلي قليلاً
ويوضع الملح والفلفل ويقطع البصل في القدر مباشرة
(لا توسخوا مواعين )ههههه
وأيضاً تقطع الطماطيات الى أربع قطع وتوضع في القدر مباشرة
ويترك القدر ليغلي لمدة عشر دقائق
ومن ثم يوضع البطاطس
ويترك ليغلي لمدة عشر دقائق أيضاً وهنا يجب ملاحظة الماء حتى لا ينشف وتحترق الطبخه
يعني كل شوي طلوا عليه ، واذا قرب ينشف الماء
طفوا النار عنه ( النار تكون قوية في البداية - أول عشر دقايق - ومتوسطه بعدين- فاني عشر دقايق- )
وبعدين جيبوا صينية فرن وحطوا فيها الموجود في القدر
وحطوها داخل الفرن وشغلوا عليها الشواية لمدة خمس الى عشر دقايق .....وتالي

عليكم بالعافيه
طبعاً حطوها في صحن تقديم وزينوها بالكسبره وقطع الخيار
والطماط الحلوين

وعليكم بالعافيه

ان شاء الله نكون أفدناكم

خالص تحياتي وتقديري

يسلمووو خيي ابو زيـــــــــن..
ع هيك طبخه شكلها رووووعه لا وبعد سمك هنيئناً لمحبين الاسماااك :embarrest::wink:ههههههه
يعطيك العااافيه خييي
وبما انك اخوووي لم تطلب احد من بعدك ؟؟
اختااار انا والمعذره ..اممممم اورط مييييييين يااارب ..
اورط ،،ملك العاشــقين ،، امــــــــير ..
يللا ورينا الابداااع ..
نريده بالصوووره ولانقبل بالمنقووول احلى نحااااسه:wink::toung: هههه

وال هههههه

خيتوووو ويش اممممم تبين بالصورة توني اسوي لي سمك

والله ااااامممم ويش اسوي

تعرفي الفليته

طبعاً تشتري الصحن من مزايا مع بهاراته مبهر هووو

قومي بتقيع البصل وخلي البصل على شكل الهلال يني قوس

واذا تبي فليفله تقطعي فليفله

وتقشري الطماطه نص دائره بس ما تحطيه في المقله حطي بس الفليفله والبصل مع اللحم

اللهم تحطيه بالمقلى

مع زيت الزيتوون طبعاً زيت الزيتون على كمية لحم الفليته المبهر

وتقعدي تقلبي فيه لين يستووي اللحم

تحطي الصموله على التاوه الساخنه وتخلي الصوموله شويه محمره يعني كيف ما اعرف ويش اقول

على قولتكم طريه حتى لو كانت طريه لازم تسوي هالحركه عشان تكون الذ واذا ما تبي كذا

شفتي الة التسخين حق الصمول سوي فيها تمشي عمل بس بالتواه تصخني الصممول شي مو طبيعي

عقب ما يستوي كل شي

قصي الصموله وحطي اللحم فيها

جيبي الطماطه وصفيه على الصمووله

وبعده شوي شطه ابو ديك


وتطلع الطبخه ميه ميه

نزلت تحت بسويها عشان اصور خيتووو مافي فليته

تصبري بعدين وعد مني اصوور الطبخه وانا اطبخ ولا تزعلي


عندي طبخه ثانيه بعد مع البريد

بس بعدين اسويها بالصورة



اسف بس مالي بالطبخ طبخاتي بسيطه توني ماكل سمك لو انتبهت من اول صورته

بس العيش شوي مالح ما اعرف اوزن الملح في العيش

يسلمواااا على الدعوه الجميله


ونستدعي من ساعديني فروووح من اي رايش كذا

عادي ولا يهمك ولا اردك نستدعي الاخت شمعة تحترق بسرعة يالله

شموووووع


نستدعيك حق الطبخه وياويلش ترديني

وها ابغى بالصور


اعذار مو مقبوله بالصور زين


يالله سي يووو ام طيور

فرووح تسلمي والله على هالدعوه وما نسيت الوعد

بس اسوي الفليته بصورها وبحط لصور والله


الله يعطيش العافيه يارب

خالص تحياتي
أمير العاشقين

اقتباس:

---

المشاركة الأصلية كتبت بواسطة أمير العاشقين

ونستدعي من ساعديني فروووح من اي رايش كذا

عادي ولا يهمك ولا اردك نستدعي الاخت شمعة تحترق بسرعة يالله

شموووووع

نستدعيك حق الطبخه وياويلش ترديني

وها ابغى بالصور

اعذار مو مقبوله بالصور زين

يالله سي يووو ام طيور
اعتذر خيي امــــــير ..
بما ان شـــــــمووع لاتتواجد هذه الايام
اتمنى تختار احد الاعضاء :embarrest:..

فرووح تسلمي والله على هالدعوه وما نسيت الوعد

بس اسوي الفليته بصورها وبحط لصور والله

الله يعطيش العافيه يارب

خالص تحياتي
أمير العاشقين

---

مشكوور خيي
وتسلم يدينك ويعطيك العااافيه
موفق انشاء الله

اممممممممممممم من من من

تدري اختار زهرة البنفسج

يسلموا فروح ويعطيش العافيه

يالله خيتووو زهرة البنفسج نتظر طبختك


وبالصور مانقبل المنقول خيتووو

يعطيش العافيه يارب


خالص تحياتي
أمير العاشقين
جاسم أحمد

تسلموووووووووون على الطبخ
ويلا ننتظر الأخت زهرة البنفسج

بسمه تعالي

ويييييييييييييييييي وش صايرر ليش اني عاد من كثرر دخولي اخ اميرررررر

اممممممممممم بالصور بعد يعيني

لما فروحه راسله ليي علخاص كان مادري عن الدنيا

الي اشوف اني طباخه تحمدد ربك امييرر اذا كتبت اللك الطريقه والمقاديرر

بس اشوف خلاص يومين بس واحطها الله من عيوني وش اسوي

موفقين علموضوع الحلووو

بس لحضه شي ضروري ليش اذا قطعت فتره وعودت ادخل في بلوه براسي

متعاونين عليي الضاهرر

بس انشاء الله خير

السلاام

أولا شكرا لأخ أمير لاختياره لي علدعوه

بس لاتفشلوني تري أني كله اطبخ حلى والي جايبتنه اليوم سهل

الي مايعرف يطبخ اجي بيعرف يطبخ لأن مايبي اليهم شي مره

سهلين..

أول حلى.. كيكة أرامكو..حتي أرامكو صار اليه كيك المهم

المقادير..والطريقة

2ونصف كأس طحين أرامكو طبعا هلطحين أجي جاهز تشترونه

من جنة الحلويات

1كأس ماء.

طبعا تخلطوهم مع بعض وتحطونه في صينية وطبعا تحطونه في

الفرن بمعدل حرارة450درجه

وفي الناحية الثانية الكريمة إلي فوق الكيكة مقاديرها..

نصف حليب محلي

6 مكعبات لبنة كيري

قليل فانيلا

ربع قشطه

1 ونص دريم ويب

فنجان ماء بارد

كل هلمقادير نضعهم في الخلاط

ونضع هذه الكريمة فوق الكيكة طبعا بعد مالكيكة تستوي نضع

هذه الكريمه ونضع الكيكة في الثلاجة لتبرد

قليلا وبالهناء والشفاء

.................

الحلي الثاني.. كرات جوز الهند ..

هذي بعد سهلة مره ومايبي إليها شي شفتوو أدور الشي السهل

المهم المقادير..

3 كأس جوز الهند

1 قشطة

قليل من فانيلا

نصف حليب محلي مكثف

الطريقة..

نخلط جميع المقادير مع بعض ونعملهم علي شكل كرات

وندحرجهم في جوز هند بحيث الكرة تكون من الخارج مدحرجه

بجوز هند وتوضع الكرات في الثلاجة لتتماسك جيدا وبالهناء

والشفاء

اما علصور اذا سويتهم اصورهم اليكم واحطهم وش تبي بعد أخ

أمير ودي اختارك أنت بعد أتسوي إلينا طبخه بس حرام توك شايل

وحاط في الطبخه نورط أحد غيرك والله في بالي ناس واجددد

بس بختار احد يتواجد دائما أممممم اختاررو كبرياء واختارو أم الحلوين من بقااا

أميرة المرح خلنا أنشوف طباخها وتفننها بالمطبخ

مشكوووره زهوووره
ولو انك طولتي اكتييييييييييير
يعطيك العاااافيه
ودوووم ننتظر تواااجدك هووون
موفقه
جاااري انتظااار اميره

تسلميييييييييييييييييييييين يالغلا على الحلى الرااااااااائع
وننتظر الأخت أميــــــــــــــــرة المررررررررررح

هااا
ويشووو .. ويش صاير .. :weird:
شفت توقيع فرح وتصروعت.. << الله لا يروووعش ..

اولا
مرحباا
:embarrest:
ههههههههه بالذمه.. احد يدخل المطبخ الساعه 4 الفجر
خوب اني انبش بالمطبخ هالحزه ادور لي اكل كني قطوه..
ما ينفع رووب ..
كورن فليكس !!!
زين زين.. عاد اني مشكلتي التقدير للمكونات اذا جيت اطبخ نظري .. :huh:
يعني حسب اللي اطلعه احط باقي المكونات و ما التزم بمقادير معينه.. :wacko:
فبحاول اقدر عن غيب .. و باسوي ليكم
كفتة لحم + بطاطس مقلي على كيفاتكم:toung:.. وحلى..:wink:
عاد التبوله سبقتني بها امي الغاليه ام الحلوين
فمتعلمتنها منها ما بعيد :bleh:


كفتة اللحم..
بسم الله..
المقادير..
قالبين لحم مفروم
2 ملعقه طعام ملح
ملعقه ونص طعام كمون
نص ملعقة فلفل اسود..
3 فصوص ثوم
بصلتين كبار
ربع حزمة بقدونس
نص درازه بارده ((فليفله))
طماطيه حمرا كبيره

الطريقه..
تفرم البصل والثوم والبقدونس والطماط و الدرازه في الخلاط فرم ناعم
وتضاف للحم وتخلط باليد بعدين البهارات وخلط زين ما زين
بعدين اصااابع وفي قالب على قصدير مزيت عدل لا يلصق .. صفوهم
وحطوهم في الفرن وشوووهم..

واقلو بطاطس وياهم.:toung:. وخلصنا الطبق الرئيسي..


والحلى .. ابسط منه مافي..
بسكوت جوز الهند بالمربى..

بسم الله

المقادير :
1\2 كوب سكر مطحون
بيضتين
1\3 كوب طحين ((ازرق المخمر))
2\3 كوب طحين احمر او متعدد استعمالات
مربى اي نوع تحبوه .. اني احب مربى التوت ((سماكرز))
2 كوب جوز هند
زبده حسب العجن..

الطريقه..
نحط في الخلاط السكر و بيضه وحده مع الزبده ((نخفقهم ونزيد الزبده )) لين تستوي متماسكه شوي زي الرغوه يعني ..
وبعدين باليد نخلط معاهم الطحين المخمر والأحمر .. حتى يصبح عجينه ملساء..
ندهن سطح القالب ونفرد فيه العجينه..
نضع فوقها المربى..

بعدين في طاسه نخلط جوز الهند ويا البيضه الثانيه.. بيصير شكله مثل الجبن المبشوور
ننثره على المربى ..
نقطعها قبل لا ندخلها الفرن الى مربعات صغيره
وندخلها الفرن بحراره متوسطه نحمرها اول شي من تحت لين تحمر العجينه
بعدين من فوق بسرعه وبحراره مهي عاليه لين يحمر جوز الهند _(( بسرعه زين لأنه يحترق اذا طولنا عليه )) << احلفي عاد..:noworry:

خلوها تبرد شوي.. :rolleyes:
وبسسس
بالهنااء والشفاااء...

عفر نفذت بجلدي الحين.. :nosweat:

اللي بعدي ..

نوارة الدنيا :shiny:

حالا بالا..:bleh:

يسلموو عالجهود المبذوله
ويعطيكم العافيه لراعية الموضوع ريحانة الحسين
والمشرفه فروح
ولصاحبة الدعوه اللؤلؤ المكنون

دمتم بحفظ الرحمن

مشكوووره اميرتنا الغاااليه
ع الوصفااات الرااائعه وقبووولك الدعوووه
يعطيك العااافيه ولاحرمنا هالطله البهيه
جااااري انتظااار الغلا نوااره الدنيا

تسلمين عزيزتي على الطبخ الرااااااااااااااااااائع
بس مو أنا صاحبة الدعووووووة :weird:
عندكـ خطأ مطبعي :toung:
انا بس اجي واشووووف مين الي تعرررف تطبخ والي ماتعررررررف :wink:
بس ماشاء الله طبخاتكم رووووووووووعه تسلمووووون
موفقيــــــــن وننتظر نواااارة الدنيــــــــــــــا :rolleyes:

هلا وغلا بالغوالي
عاد في البيت طبخ
وفي المنتدى طبخ
وين ما نروح الريحة ورانا ورانا
عاد فكرت شسوي لكم
اليوم قاعدة من صباح الله خير وناوية اسوي صالونة لحم والحين باقي شوي واللحمة تنضج
بس لا تخافون مو ناوية احط لكم طريقة الصالونة
بسوي لكم مكرونة بالبشاميل
طبعا طريقتي الخاصة
لا تسألوني عن مقادير لاني اسوي حسب تقديري الشخصي بس بحاول اخربط عليكم شوي واتفلسف شويات

البشاميل
من 4-5 ملاعق طحين
من 4-5 ملاعق حليب بودرة او ممكن نستبدله بحليب سائل بس مانحط ماي
حوالي 4 كاسات ماي
حبتين جبنة كيري
ملعقتين زيت
بهار ابيض
شوية ملح ( تشونة مو واجد)

لعمل اللحمة المفرومة
خلينا نقووووووول امممممم حوالي ربع كيلو لحم مفروم
بصلة كبيرة مفرومة لحد مالله ياخد روحها
فصين ثوم
كزبرة وبقدونس
بهارات مشكلة
بهار لحم
بهار اسود
كمون
ملح
قليل زيت

في البداية نسوي اللحم
نحط مقلاية او صفرية صغيرة على النار
نضع قليل من الزيت والبصل والثوم
وبعد ما يتحمر البصل والثوم نضيف اللحم المفروم
ونقلبه تقليبا
نضيف عليه البهارات بانواعها
وبعد ما يقرب يستوي نضيف عليه البقدونس والكزبرة
وآخر شيء نضيف الملح
وهيك خلصنا اللحم المفروم

الحين نسلق كيس مكرونة عاد كل وحدة واختيارها
الي تفضل المكرونة حبة صغيرة مافيه مانع والي تفضله حبة كبيرة هم بعد مافيه مانع
نغلي الماء ونضيف عليه قليل من الزيت والملح
وبعد مايغلي نضيف محتويات كيس مكرونة
وهو يستوي
ناخدها فرصة ونسوي البشميل
في الاول نضيف الزيت في صفرية صغيرونة
ونحط عليه الحليب والطحين والماي
وحبتين الكيري واذا حبينا بعد ممكن نضيف عليه ملعقة جبن سائل
والبهار الابيض والملح
ونحركها بملمعقة سلك لغاية ما يبدا قوامها بالتماسك
طبعا النار تكون هادية نوعا ما عشان ما يحترق البشاميل
في هالاثناء يكون المكرونة استوى
نصفيه عن الماء ونرجعه للصفرية
وأضيف عليه شوية من البشاميل الي سويناه
وملعقتين كبار جبن سائل
وحوالي كأس من الجبنة المبشورة
نخلطهم مع بعض
الحين نجي للصينية ونمسحها بقليل من الزيت
ونضع نصف كمية المكرونة في الصينية
بعد كذا نضيف اللحمة المفرومة بشكل متساوي
وبعدين نضيف بقية المكرونة
ولما نعدل السطح نصب عليه باقي البشاميل
وفوق البشاميل نرش السطح بجبنه مبشورة
وندخلها للفرن لحد ما يتحمر سطحها ويصير لون الجبنه ذهبي
نطلعها وناكلها بالهناء والعافية

اتمنى مكرونتي تعجبكم زي ماتعجب صديقاتي
يموتون عليها
ايام الكلية كل فترة يطلبوها مني خخخخخخخ

مني مسوية لكم حلا
واجد عليكم مكرونة

المهم مطلوب للمطبخ
الاخ واحد فاضي
مثل ما دبسني بالمسنجر الحين بدبسه في المطبخ

سووها راح تعجبكم
زييييييييييين

مشكوووره حبيبتي نــــوااارة
ع هيك وصفه تسلم الايااادي يالغلا
ويعطيك العااافيه
جاااري انتظااارك خيي ابو زيـــــن

إسم الله الرحمن الرحيم عليي وعلى عمري

دشيت اليوم المنتدى الا أشوف شي يولع ويطفي

ويشهوووووه دا ....ما أدري ويش هوووه

عفر معاريس وأنا ما أدري:toung:

مكتوب فيها المطاقة ...دعوة

قلت زين بناكل مفاطيح

الا أشوف دعوة يمبوك في المطبخ

ودبستك نوارة في المطبخ

عاد شمشرت عن ساعدي

ودشيت المطبخ وقلت يالله بعدويش

اليوم إطبخ لك شي

وأنا أطبخ وحجي زين يساعدني
بس مسوى الشقة معفوسة عفيسة
قرب النقل للبيت اليديد
إدعوا لينا
وما أدري ويش فيه الكمبتوتر ...مو راضي
يسحب الصور من جوالي <<من زمان وما صلحته :toung:

با أحط ليكم الطريقة وبعدين المقادير ههههههه

شوفوا كفير ناس يعرفوا ياكلوا الهريسة
بس ما يعرفوا يسووها

اليوم بنسويها بالدياي ....أسهل :bigsmile:

اللوازم
- نص ديايه
- ترست فلافة الى أربعة كاسات حب هريس
- بهارات
- زيت ودهن
-ملح
- ملاس وقدر وفرن طبعاً ......وأهم شي مطبخ هههههه:toung:

كيفه تسووها

أحسن شي انكم تنقعوا حب الهريس من الليل عشان لا يأذيكم في الطبخ
وأحسن شي حب الهريس الإماراتي ،
يعني اللي مرسوم عليه قدر

وبس ايي الصبح ...صبحكم الله بالخير يا طويلين العمر

وإذا بغيتوا تسووا الهريسة تييبوا الدياية وتحطوها في قدر

وياها ماي وتخلوها تطبخ شوي وبعدين تحطوا عليها البهارات وشوية زيت خفيف يعني كمشه صغيره
وتخلوها تطبخ ليمن تتفتف
وبعدين تنزلوها من على الضو وتفتفتوا اللحم وتشيلوا العظامة
واللي يمبى بعد يسوي بها شوربه يصير أحسن

بعدين تعودوا اللحم على الضو وتحطوا الملح وتحطوا بهارات زيادة شوي
وبعد كده تحطوا حب الهريس المنقوع من الليل وخلوا الضو هاديه
لامنت شوفوا الحب انتفخ أزيد من الأول وتالي عاد الله يعينكم

كل شوي تدوروا الملاس ، تدوروا لامن تتكسر أياديكم وتحطوا ماي بعد عشان لا يلزق الهريس في القدر
من تحت وخليكم تدوروا وتحركوا الهريسه

وبعدين تخففوا الضو بعد شوي ، ولا تنسوا ...خليكم تحركوا الهريس

وشوي شوي تشوفوا الهريسة استوت وذاب الحب في الدياي

وبعدين تييبوا مشاكيب وتحطوا فيها الهريسة وتمسحوها بالدهنه

وعليكم بألف عافيه


مشكورة خيتي فرح على الدعوة للمطبخ

وأنا با أخلي منهوووه يطبخ وينفخ عندكم من بعدي

ما فيه يا غناتي الا ..............الا .............ما عليه ننسى وايد هالايام

أيه أيه

خلونا نشوف عفاف الهدى وطبخها .....

نمى خوش طبخه من عندها عاد

فمان الله

الله الله
شهيتنا للهريسة خيي
عاد جيب صحن على الماشي
وخلي زين يجي يلعب ويا الجهال
ويزيدوا عفيسة البيت فوق العفيسة عفيسة
تسلم ايك على الطبخة اللزيزة

شووو هالحركـــــــــــاااات خييي
ابو زيـــــن
بجد حمستني الى الهريس وزين بدياااااي قلبت البنت بالهجه:embarrest: ههههه
بجد من الوصف روووعه بجد خيي بس تحسيييييييييييره
لا وبعد الصووره مو موجوووده ننتظر الصووور خيي:toung::embarrest: هههههه
تسلم يدينك ويعطيك العااافيه ولاحرمنا ابدااااعك دوووم
موفق
جاااري انتظاااار عفاف الهدى

نوااااارة الدنيـــــــــا
تسلميييييين يالغلا على المعكرووونة عاد كان عزمتيني
يمكن أخذ لي حووول السنه مااكلتها هع
واحد فاضي
أبي هريس لأني في رمضان مااشتهي آكل شي ثقيل على الفطووور
ومن زماااااان فوووق الشهرين يمكن مااكلت هريسة
والله شهيتوووووني
تسلموووووووووووووووووووون على الطبخ اللذيذ
وننتظر الأخت عفاف الهدى
تسلمييييييييييين فرررررروحة على الجهد
باركـ الله فيكـ
وربي مايحرمنا منكـ يالغلا

اهلين

وصلت الي ما تعرف تطبخ ابد

ها ها ها

مشكور يبو زين على الدعوة وصحن الهريس اللذيذ

بس وش اطبخ لكم وش اطبخ

طيب راح اعلمكم طبخة لذيذة مرة من زمان ما اكلتها

الحوايج

بريد...الكمية حسب حاجة الشخص

بيض ..تقريبا على عدد البريدات

ملح و بهارات على حسب الرغبة

زيت او دهنه للقلي

وبس

طريقة التحضير

نكسر البيض ونخفقه في طاسه

بعدين انملحه ونبهره

بعدين انغمس البريدات في البيض
واخر شي نقليهم

ويلي على اكلهم لذيذ مرة

مع اضافة الجبن السايل غيها وهي صاخنة

يم يم

يلا يا جماعة كلكم معزومين

بس كل واحد يجيب لخ كيس ابريد وورقة بيض

ها ها


مشكورين على الفكرة الحلوة

واني راح اختار العضوة

أنا والبحر توأمان

مشكووووووووووووورة خيتي عفاف على الطبخة
بس أنا مااحبها أحس البريد يتشرررب دهن
>>>>> ياااازعم دايت هع
تسلمييييين يالغلا وبانتظار أنا والبحر توأمان

مشكووره غااليتي عفاف
ع الوصفه يعطيك العاافيه
وتسلم يدينك
وجاااري انتظااار انا والبحر توأمان

او خسارة اللؤلؤ بما بتحبها

اسمحي لينا

مرة ثانية اعزمش على شي اتحبيه

فروحة

الله يعافيش

ننتظر بنت اخوي

مشكوووره عمتو على الدعوه
بس انتي تدرين اني ماأعرف اطبخ
بس ولا يهمج رااح اطلع لكم طبخه تاكلون اصابعك وراها
أنتظرووني

يلا بالانتظار

وينكم فروحة

جماعة

جهزوا ملاعقكم

وتعالوا

شكله ورانا اكلة طيبة

رجعت لكم بطبخه لذيذه
حلى الاولكر
يلا نبتدي بسم الله
المقادير:
حليب سائل+بسكويت الشاي + اصبع زبده(ذائبه)+كاس سكر
2 كاس حليب نيدو(نشقره_نحمره) +علبة قشطه
حليب نستله+كافي+شوكلاته اولكر (اللي لون كرتونه احمر)
الطريقه:
نغمس البسكويت في الحليب ونصفه في صينيه
نخلط باقي المقادير كلها مع بعض بالخلاط
(الزبده+السكر+حليب نيدو+القشطه) بتكون شوي سميكه
ونصبه على البسكويت
نصف قطع الشوكلاته فوقه بطريقه مرتبه بحيث تكون بين كل قطعه مسافه
ونصب حليب النستله فوق كل قطعة شوكلاته ونضع قليل من الكافي فوقه
وتذخل الثلاجه
وبالهناء والعافيه
اتمنى تعجبكم
رااح اختار:
~ مريم المقدسه ~

الأولكر لحالة لذيذ

واحنا مجربين هذا الحلى

تراه لذيذ مرة

بس نحتاج بعده الى قهوة

يسلموا يابنت اخوي

بانتظار الأخت مريم المقدسة

مشكوووره حبيبتي انا والبحر توأمان
بجد حمستييييينا بس الحمدلله طلع شي لزييييييييز
حلى هههه تسلم الايااادي حبيبتي ويعطيك العاافيه
دووم ننتظر هالطله الحلوووه المشرقه
جــــــــاااري انتظااار مريم المقدسه
راااح ارسل ليها انشاء الله ماطوووول ،،،

اشوى بيضت وجهي
ها ها

اولا اشكرك خيتى فرح على الدعوة وما احرم من وجودك وفكرتش مرة رووووعة وتسلمين وجبت ليكم طبق انا شاء اللة يعجبكم
قوااالب الكوسه المحشيه

http://www.mmlkti.com/up500/uploads/766ced0332.gif

نبدأ
http://www.alriyadh1.com/vb/images/smilies/fw/FW08.gif



1) نحمر بصل ونضعه في قااااع صينيه

http://www.free-salah.com/salah/pics...fggncacbw2.jpg


2) نقطع الكوساااا من النصف ونسلقهاااا
ثم نزيل لب الكوساااا ونرصهاااا على البصل
http://www.free-salah.com/salah/pics...gkvtc5jq4n.jpg


3)نحشيهاااا باللحمه المفرومه والذره


http://www.free-salah.com/salah/pics...bt0i357oiv.jpg

4) تخلط قشطه مع ملعقتين جبنه ساااائله وتسكب على الكوساااا


http://www.free-salah.com/salah/pics...k8ljn7uouj.jpg

5) نرش جبنه الموزريلاااا وتدخل الفرن للتتحمر من الوجه فقط


http://www.free-salah.com/salah/pics...uv7qo7bso7.jpg


http://www.free-salah.com/salah/pics...qpo5fh814r.jpg

http://www.free-salah.com/salah/pics...gjvtva3cu5.jpg

http://www.deeiaar.com/vb/deeiaar/sn/23.gif

يعطيك العااافيه حبيبتي مريووومه
ع هيك اكله شكلها اكتييييييير حلووو
تسلم يدينك غاااليتي ودووم هالاشراااقه الحلوووه منك ياااقلبي
العفووو حبيبتي وهذه فكرة الاخت ريحانة الحسين ..
بس حبيبتي ما اخترتي بعدك عضووو :embarrest:.؟؟؟؟

شكل هالكوسا لذيذة

بس اني ما احب اللون الأبيض في الأكل

تسلم لي اختي مرايم

وان شاء تجي بسرعة تختار لنا

طباخ لو طباخة