`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

يا أنا مجهزت لك حتتة علقة ماتخرش المية

أميروووووة مسكينه حرام عليك... سجوي تأخذ هالدلخ

يلا عاد عجلي على القصة

ننتظرها

تسلمو لي جميعا يالغوالي
وان شالله دوم عند حسن الظن
خخخ اعدل الحظ .. يا حبايبي لا تستعجلوا شوي شوي
عموما عقابا لي
بس وربي مجبوره عالغياب هالفتره .. راح احاول انزل الليله حلقتين على خير
خخخ تكفيرا عن هالقطاعه
عموما ولو ماحصل الليله ,, اللي بعدها 3 حلقات .. عااد يللا تصيدوا وعدوها علي
تسلموا جميعا اعزائي
ودمتم بحفظ الرحمن

تسلمين خيووووه اميره
القصه واااايد روووووعه يعطيك الصحه والعاااافيه
امووووره حبيبتي بلييييييز
غـــــــيري من حاااال سجى حرااااام يكووون جذيه؟
موفقه انشاااااء الله
غــــــــفران

هلا خيتوو

وش هالحركاات

ترى انا اتاابعك من ورى الكواليس

:)

يالله يالمبدعه نبي اكشناات واحداث حلوه مثلك

يسلموووووووووووووووو

وننتظر

وبالتوفيق

يسلمووو خيتي غفران ياهلا بطلتك منوره
وياهلا ببيسووووو .. من ورا الكواليس .. ياعيني عليش وعلى كواليسش :wink:
منوره ياقلبي
طيب يللا تفضلوا الجديد

الحلقة الثالثة عشره

ــ هي جنانوه يالبطيخه سكري النافده يللا عاد من زين الجو المكيف شغال

ــ يسفووه.. اسكت عاد انت خايف عالحرير لا يطير .. خليني اشم هوا ربي بين هالمزارع
ــ صكيها لا اصكش طراق ايهييييي.. هذي اللي بتخرب مكيف السياره .. جديده يالدبه .. هذي لكزس مو عراوي لو عراوي ركبتش ورا وخليتش زي الغنمه تشمي هواا ...خخخ.. كان تصيري رقيــــــــــــه ... ونغني لش طاش طاش ..طاش ما طاش
ــ زين يا النحيس يالدب اني رقيووه هااا .. اقول النافده ماني مسكرتنها .. وشعرك ما بيقبع ..خخخ وين يقبع ونص غرشة الجلي فيه .. حق الدبان يلصق الحين.. رايح مزرعه ويتميلح بعد .. وععععع.. مالت
يوسف يضرب راس جنان بأصابيعه زي التيله.. وهو يضحك
ــ ااي .. قالوا لك تيله اني .. نحيس ...
ــ يس ..هههههه واكبر تيله ...
ــ يوووه .. الا تعال.. ترى مرت عمنا ويانا يالدب .. والله فشلتنا
ــ اوووه .. هههههه اسفين مرت عموو .. ويفلص جنان وهو يطالعاها على جنب ويهمس : غربل الله شرش فشلتينا .. نسيت انا ..ــ اااااااااي... كله منك انت ...
سجى:ــ هههههههه لا عادي اخذوا راحتكم...
ــ لالا .. تكفي لا تقولي اخذوا راحتكم.. اخاف يحدفني من هالنافده.. ما تسوى علي
ــ هههه ..اه.. افا .. انا.. احدف جنوني..
ــ جنوني دبتك.. أيه مو انت مخبل .. اجل جنوني..؟؟ جناني يالمفهي.. امحق تدليع اللي عليك..
ــ افا .. اللحين يسووف ما يعرف يدلع .. افا افا..
ويصير يدلدغ اخته ..ــ وخر اصابيعك هالمسامير .. اهووو فارق عني..
ــ يللا عاد خيتي بلا دلع .. وربي مالي غيرش ولا لش غيري.. احبش والله
ــ ...................
ــ طيب اوريش...ويفتح نافدته:
ــ ياااهنوووووووود ياللي بالمزاااارع .. خلوا عنكم الرويد والبصل .. اسمعووني
انا احب جنااااااانووووه الهبله.. احبهاااااااااا
جنان تكفخ فيه وهي تضحك
ــ ههههههههههه خلاص مالت عليك درينا ايه مو ما بتصارخ الا بهالطريق الزراعي ما ادري ويش فهم الهنود ..ههههه لا ..ورويد وبصل هاااا... اقول ترى ماني حبيبتك..
ــ خخخخخ .. ادري ليش حبيبتي باقول ليها رويد وبصل .. لا طبعا
ــ بــــــــــــــعد ... حسبي الله عليك...ههههههههههههه
ــ خلاص مو كأنا مصخناها .. ام احمد ويانا عيب <<< يوسف تحرج يناديها سجى وهي مرت عمه.. وطويله عليه قولة مرت عمي ..
ــ هههه لا عادي تونسوا عن طول الطريق والله
ــ هههه سجى ترى يوسفوه كله كدا يتمسخر .. بس مو جاد يعني يحبني
ــ خخخخ .. خايفه على عمرش .. لا ما احبش
ــ اتحداااك
جنان مع انها هاديه .. الا مع اخوها .. تفرط خصوصا انه ما يكون وياها وقت طويل..هو يدرس في البحرين و ايام يرجع البيت على حسب الوقت وايام يظل بالسكن الجامعي .. فتفرط وياه من تشوفه ما تصدق على الله.. هي مثل سجوي وحيده بالبيت ..
وعلى الرغم من انها انطوائيه بعد.. ما تحب الإجتماعات وايد ولا تحب تفضفض بهمها .. الا ان اخوها عندها غير بالمررره..
فكان هذا الشي المشترك لتحصل علاقه حلوه بين جنان وسجى .. الوحده..و الكتمان..وظلوا يسوفوا ويوسف طايح بجنان مسخره ومجاكر وهي ترد له الصاع صاعين ..ظلت سجى تضحك متونسه وياهم طول الطريق .. وشوي سكتوا... مر ملك...اللهم صلي على محمد وال محمد... سكتوا يجي ليهم ربع ساعه وبهالربع..
سجى .. لازم تخالط لحظات سعادتها ريحة احزان.. تذكرت حركات قاسم مع فطوم .. يالله شقد يوسف زي قاسم بهالحركات.. والله دنيا .. وحست بحلاوة وجود اخو عند البنت.. يواسيها ويسليها .. ااااه ياخوي ياصادق.. عصفور.. ملاك بالجنه ياحبيبي.. وقرت الفاتحه لروح امها .. وشردت بهمومها ...
الا على صوت يوسف يناديها
ــ ام احمد...ام احمد.. الله .. جنانوه .. شكلها مرت العم نامت .. داخت من هدرتش..
ــ ههه ايه يصير خير
ــ هلا .. لا ما نمت ...
ــ لا بس بتليقف شوي
سجى استغربت من يوسف .. بس قالت يللا اشوف ويش عنده
ــ ما عليش منه سجى ما ينعطى وجه ..
ــ اقول اسكتي .. أي بالله بحدفش بهالسد ويا الضفادع ان ما سكتي
ــ يمه .. اسم الله علي .. يالضفدع العود..
ــ ماعليش منها ام محمد .. مممم عاد بكيفش تردي على سؤالي والا لا.. براحتش ..انتي ... تدرسي؟
ــ حاليا لا.. بس على خير السنه الجايه اذا اسعفتني الظروف
ــ اها... ويش كنتي ناويه .. وويش على خير بالجايه
ــ طب .. بس ما حصل نصيب .. الجايه على خير حاسب الي
جنان : الله .. كمبيوتر .. حليوو والله .. والله يوفقش
ــ جميعا تسلمي غناتي
ــ الله يسلمش
يوسف: اهاا..لا انا بعدني فيني لقافه.. طب؟؟ ليش ما قبلوش...نسبتش مو لهناك
ــ الا.. بس قصه طويله
ــ عادي نسمعها بالتفصيل الممل.. احسن من الشباق ويا جنان.. من ركبنا يا ام احمد وانتي هدوء ..
سجى ارتاحت ليوسف.. حست من زمان ما سولفت وفضفضت .. بس ما كانت حابه قولة ام احمد هذي.. تحسسها كنها وحده كبيره.. وهي لسا.. بس يالله حكم القدر...<<< خخخ الا حكم قرقوش...
وحكت سجى القصه بالتفصيل
لين وصلت لرغبتها بالحاسب وتنهدت
ــ اااه.. بس شكلي يمكن حتى الحاسب ما اروحه..
جنان ويوسف: لويــــــــــــه؟؟
ــ ههه لا ولا شي السنه الجايه بتزوج وبرتبط بيت واولاد .. مسؤليه
ــ بس ياسجى اني اعرف وحده تصير لينا خلصت الجامعه وهي متزوجه وعندها 3 اولاد وما شالله تقدر الوحده توازن ..
ــ ان شالله...
يوسف ساكت .. يدري ان مو هذا السبب اللي خلى سجى ما تفكر بالدراسه من طريقة تبريرها وضحكتها مو من قلب..و مهي عارفه ويش تقول .. عرف ان عمه هو المطبه وهو المشكله ..وفباله صار يقول : يالله شقد غثييييييييييث.... انا دراي به ..وربي حرام ياخذ هالبنيه..
يوسف:ــ يالله.. شقد ظلم.. انا الله فكني يوم اهج البحرين.. حتى لو الدراسه بفلوس.. ابعد وارتاح
سجى جا ليها فضول وفلتها شويه ويا يوسف
ــ ترتاح من ويش؟؟
ــ هااا .. من هالعالم الأديه...<<< وهو كان فباله من هالعم الأديه..
كان ابو يوسف رجال كبير .. وما عنده اخو الا ماجد .. ماجد كان دوم يحن على راس اخوه .. انتبه لولادك.. بنتك مراهقه.. لاتطلع منا .. لا تلبس كذا.. لا تحط كذا..
ولدك ليش يدرس في البحرين..؟؟ ويش عنده...ياخوفي ما يدرس ..
يعني ممكن يكون كل هالزن لمصلحتهم.. بس الزايد ناقص وهالشي مطفش حياة يوسف لأبعد الحدود ..
وشوي .. وصلوا للمزرعه ... بعد مشوار ساعه تقريباً...فتح الهندي باب المزرعه..
وكانت قطعه من الجنه.. ما شالله رهيبه.. خضرة وبركه سباحه .. وحيوانات.. بالمره تجنن..وفيها فيلا ... يعني بالمختصر عزبه.. تصلح للواحد يغير فيها جو..
نزلوا من السياره...وسجى كانت مستانسه خذت نفس عميييق...
وصارت تتمشى... رافقتها جنان .. وصاروا يسولفوا...
ــ باروح اتمشى ويا سجى
ــ وانا بتخلوني لحالي قطو ..هنا..؟؟
ــ خخخ ويش تبغى نسوي لك فقعت راسنا بالهدره في السياره اقعد ..لِم لك شلة القطاوه .. وحشتهم يالزعيم
ــ اما انش .. يبغى لش تشميخ..انما ايه.. بس مو هنا ,, بعدين
ــ يمه .. قطو ما عليك شره..
ــ يعني بتمشوا وباظل اقرقر ويا الهندي..
ــ خخخ ويش تبغ نسوي لك.. نحملك فوق روسنا .. ويش هالحاله
سجى قامت تضحك..
ــ خلنا قاعدين لين يجي ابو يوسف وبعدين نخليهم..
ــ مو على كيفه .. امشي ما عليش منه..
ومشوا .. وصارت سجى تسمع سواليف ايام متوسط مع جنان وتتذكر هالمرحله .. ويضحكوا..
شوي الا يوسف ينااادي:
ــ جنااانوووه لووووز .. الحقي والا باكله كله <<< الأخ مل لحاله يبغى ونس .. دور وسيله تضعف عندها جنان..
ــ والله ان اكلته با نتفك ريشه ريشه.. .. دقيقه احنا بعيدين..
ــ ههههههه .. راح عليش ..
ــ جنان قامت تضحك..: ههههههه يالدب .. اقطع لي غيره...
جاها يوسف من بعيد حامل سطل مليان لوز...
ــ لووووز... مممممم... لوووووووز...هههههه
ــ يا نحيس ,, عادي نقطع لينا الحين...
يوسف يبغى يسوي جو اكشن ..
صرخ وهو يأشر تحت ..
ــ وزغـــــــــــــــــــــــــــــــــــــــــــــــ ـــــــــــــــــــــــــه...
تراكضوا سجى وجنان .. والصريخ قايم...
ويوسف يكركر ضحك ..ومن السرعه .. التوت ارجول سجى وطاحت على طابوقه.. وجنان راحت بعيد..
سجى تعورت مووت ,, وصرخت :: اااااااااااااااااااه
يوسف رمى سطل اللوز وراح يركض ليها مو عارف ويش يسوي..
وهي تصيح. رفعت غطاها بعفويه تطالع ويش صار برجولها.ــ اااي ماني قادره اقوم.. شكلها انكسرت
يوسف قعد على ركبه قريب شوي
ــ حركيها..
ــ اااي ماني قادره .. ودموعها تسيل
يوسف موداري عن عمره يفكر حاله عادي في البحرين سجى مكشوف وجهها وهو يطالعها شويات ويغض النظر..ويرجع يطالع دموعها معوره قلبه مد ايده بليا شعور لرجلها
ــ وين هنا..
ــ ايييه ..اااااي...
ــ خلاص .. اسف وربي اهدي ياسجى...<< طلعت منه بعفويه
ما كنت اقصد وربي...
ــ عادي .. حصل خير ...اااه...
قام يوسف حس روحه مصخها وهو مع مرت عمه.. بس مو عارف .. ويش يسوي وين هذي جنانوه الجبانه الخوافه..
ــ جنااانوووه...
جتهم تقرض لووز
ــ هااا .. واني اركض مريت على قضب لوز وقبعت اللي ابغــاااها ...حّره .. حّره
ــ يالهبله انتين فويه وحنا فويه.. تعالي سجى طاحت وانرضت رجولها
رمت جنان اللوز
ــ يووه اسم الله عليش سجويه.. كله منك يالدفش
ــ اووه عاد الحين مو وقت عتاب وشباق
ــ لا تتشابقوا .. حصل خير .. بس رض
ــ تعالي امسكيني قومي خلنا نروح للفيلا ..
حاولت سجى تقوم تسندت على جنان.. مشت خطوتين طاحت .. مهي قادره..
ويش يسوو . الفيلا بعيده..
ــ والله لو منت حرام عليها يالدب كان قلت لك شيليها جزاء على هبالتك
ــ والله اشيلها ليش جزاء يعني فوق راسي والله... والله اسف ما كنت اقصد
ــ هههه خلاص عاد كل شوي اقول ليكم لا تتشابقوا..
ــ طيب ويش نسوي
يوسف طالع بخبث وضحكة مسخره..<<< له عين بعد ,, ظريف..خخخ
ــ انا عندي الحل... ولازم توافق سجى .. رضاها مهم.. وللضرورة احكااام
والى الملتقى

ههههههه .. لا اني وعدتكم بحلقتين.. اخذوا يللا الرابعه عشر... مع انه حلاتها تتوقعوا ويش حل يوسف...؟؟ :wink:

الحلقه الرابعة عشر

ــ اتحفنا ياعبقوور .. ويش عندك.. ويش هو الحل؟؟
ــ سجى بتوااافقي على الحل
سجى تضحك بريبه..ــ ههه على حسب ..!!!
ــ طيب دقايق
راح عنهم وشوي جاهم يركض والغبره قايمه وراه... جاهم يدف عربانة نخيل خضرااااا <<<< تعرفوووووهااا... ام كفر وااحد
سجى وجنان طالعوا بعضهم وتفقعوا من الضحك؟...
سجى والغطى طايح من عليها بس محجبه ومن الألم ناسيه عمرها:
ــ يوووه هههههه نسيت اني اتغطى عن اخوش الشدخه ماقصرت فيني.. بس وربي احس اعرفكم من زمان كني اختكم
ــ ههههههه حتى اني نسيت اقول لش .. يللا عادي واخوي متعود من كثر ماهو في البحرين ما بيحس بأحراج ذاك الزود .. وانتين اختنا الحبيبه يسعدني والله ياغناتي
سجى وجنان : ههههههههههه
ومهم قادرين على يوسف وهو يدف العربانه..شكله هندي من الحلوين..
.. يوسف اسمراني وطول وجسم رياضي .. وشعر ناعم .. وعيون مرسومه رسم.. وخشم مثل السيف .. هندي حلوو يدف العرباانه ...
جنان يوم وصل يوسف وهو ينافخ من التعب:
ــ بس هنا صديق .. وقف وقف
ــ صديق فعينش يالدبه.. يللا نطبق الخطه
ووترك العربانه وطاااخ .. طاحت مقدمتها على الأرض واذرعتها فووق
ــ يللا جنان ساعدي سجى تركب
ــ هههههههه لا عاد من صجكم... ياعلي .. ويش يركبني
ــ يللا عاد سجوي من متنش.. اضعف مني.. يللا عاد
ــ ايه مو انتين دبه..
ــ مااااااااااااااااااااااااااااااااالك شغل
ــ ههههههه خلاص لا تتشااابقوا ساعديني بركب
وركبتها جنان بالدف والغبره اللي قامت.. والعبايه اللي بسم الله صاروا ساحرات طالعين من زريبه
وقف يوسف .. دق السلف حقه ..
ــ نن نن نن نااااااااااااااااااااااااااااااااااااااااااااان
وقامت الغبره
سجى :
ـــ اااااااااااااااااه ههههههههههههههههههههه شوي شوي ...ههههههههههههه
لين وصولوا للفيلا .. وسجى متفقعه من الضحك على شكلها بالعربانه

وصلت جنان ليهم وهي متفقعه
ــ هههههههههههههه مره يوسفوه.. فلم هندي .. رومنسي يدف حبيبته بالعربه
جنان ويوسف وسجى :
ههههههههههههههههههههههههههههههههههه
يوسف:
ــ خخخخ عيب استحي يالهبله .. هذي مرت عمش..

سجى خفت من الضحك.. حست السالفه مصخت.. بس نفسيتها مرتاحه.. صار ليها زمان ما استانست كذا.. حست بالسعاده وهي مع يوسف وجنان.. سعاده زمان ما ذاقتها.. دخلوها الفيلا .. يوسف راح تسطح عالكنب منهلك.. من الركيض..
جنان راحت تجيب مرهم لسجى.. واشتغلت فيها تمريخ ولفت ساقها ليها

شوي جا ابو يوسف .. ويال العجب .. شرف ماجد معاه
ماجد:
ــ ويش صاير ويش هالأشكال الا متدحنين..
جنان: ــ لا بس سجى طاحت.. ويوسف شالها بالعربانه.. لو تشوفوا شكلهم يضحك..ههههههههه
ــ نعم .. شالها..!!!. وهي عميا ما تشوف تطيح.. وهو حمااار يشيلها!!!
ــ ما شالها بيده اني حطيتها بالعربه وهو دفها كانت متعوره عدل ومهي قادره تمشي و ...
ماجد توجه ليوسف:
ــ وانت بأي حق تلمسها هااا...
يوسف ببرود
ــ انا ما لمستها اولا دفيتها و للمساعده كانت متعوره مره ويش تبغاني اسوي اقعد اتفرج
ــ لا حلت لك .. فرصه هااا...صدق ابو عين زايغه.. هيه ..حبيبي.. منت في البحرين.. في البحرين سوي مع الهباب اللي وياك اللي تبغى هنا .. اقص ايدك
يوسف ما تحمل وصرخ:
ــ انا ساكت ومحشمنك على حساب ابوي .. اسمع ,, انا اشرف من اني ادخل وياك في نقاش عقيم.. شبعت من كثر ما تسمعني وياه.. اقوول كلن يرى الناس بعين طبعه..
ــ بعين طبعه يازفت طيب اوريك
وشوي بيتضاربوا
ابو يوسف صرخ:
ــ يلعنكم لا حشيمه ولا احترام..هذا وانا موجود.. يا حسافه على رجال زيكم.. ماجد انا ما بدافع عن ولدي .. بس ويش بيسوي صدق .. البنت قالوا لك طاحت وتعورت.. تبغاه يطالعها.. ويش بتسوي لو كنت مكانه
ــ ما بسوي شي .. باخليها عميا ما تشوف
سجى كان الكلام والشباق يحز فيها زي السكاكين.. بدل لا يقول ليها سلامات وبدل لا يجي يشوف وين الرض ويداويه.. بدل لا يشكر يوسف.. قاعد يسب ويلعن وعميا وما تشووف.!!!!!!!..
يوسف صرخ:
ــ عميا ما تشووف.. هذا اذا صرت زيك عديم احساس .. باقول عميا وما تشووف
سجى في نفسها حست صرخه تقول
: أيــــــــــــــــــــــــــــــــــــــــــــــــ ـــه والله عديم احساس..
وطاحت دمعاتها .. مو سجى خلاص الدمعه خويتها بهالحياه من فارقت امها..
ماجد ما تحمل كلام يوسف وهجم عليه ومسكه من بلوزته وشده قريب لوجهه وهو يخز فيه
ــ اسمع .. هالمره بكتفي بالتهديد بس .. عيدها مره ثانيه يازفت وبتشوف بنسفك من هالأرض.. مسوي حالك راعي الشهامه يعني..
يوسف مسك ايادي ماجد ووخرهم عنه >> يوسف كان بالمره قوي يقدر يرصع ماجد زي الدبانه بس محترم ابوه ..
ــ انت اللي اسمعني .. انا هالمره باعديها لك على شان ابوي.. مره ثانيه قسما باللي خلقني.. اني ما اسكت على أي اهانه منك .. ولو كنت عمي ..

جنان قامت تصيح:
ــ خلاص .. فضوها سيره.. ويش فيكم.. جايين احنا نستانس والا نتشابق.. لويه انتون كدا.. ودونا البيت احسن
يوسف راح لجنان يهديها .. وضمها له:
خلاص حبيبتي حصل خير ..خلاص
سجى تطالع يوسف وهو ضام اخته.. حست بحاجه للحنان .. بحاجه لحد دخيل الله يقول ليها ها ارجولش ويش اخبارها.. يواسيها .. يحس فيها
ولكن ابد.. ماجد راح بعيد وهو يسب ويلعن..

ابو يوسف صار يهدي الجو..
ــ يللا عااد غداا.. اما جاايب ليكم سمك .. انما ايييييه
جنان:
ــ ههههههه حق القطو مياو(=‘.‘=)مياو... تت تت..
يوسف:
ــ أي قطو ..!!؟؟
ــ ههههههه انت .. نسيت..
ــ هههههههه مياااااوووااايه
ــ هههههه ويش يعني ..؟؟
ــ يعني ايه ... نسيت ..خخخ
سجى وجنان : هههههههههههه

وحطوا الغدا..
وصاروا يتغدوا..
يوسف قام يدلع اخته
ــ ميااو.. بطل بووز مال انتي
ــ تت .. تت . هههه . ما ابغى لا اشمخك صديق..
ــ هههههه .. افا .. افتحي لا بهالعظم على وجهش انا القطو .. واوامري مطاعه
ــ ان شالله.. امممممممممممم
ــ ههههه.. اااي صبعي يالقطوه.. صدق مفترسه
ــ خخخ ما احد قالك..
سجى تطالعهم .. وتسمع ماجد جنبها يتنحطب...
ــ الحمد لله والشكر .. ياهل ولا بيكبر.. يالله تكمله بعقله..
سجى فبالها..: ياليتك تسوي زيه.. الا انت اللي يالله تهدي لك عقلك..
ويوم خلصوا غدا.. ابو يوسف اخذ له غفوه
جنان صارت تخز يوسف يقوم وياها يتمشوا..
ويخلوا عمها وخطيبته على راحتهم.. قام يوسف وهو يهدر فباله: امحق يعني من الرومنسيه الزايده بنخليه لحاله.. أي بالله لو نقعد وياهم ارحم لهالمسكينه بس يالله لا نصير غثه..
وقاموا يتمشوا وسجى بودها تقوم وياهم..
ماجد وقف عند باب الفيلا ينادي :
محمد .. يــــــــــــــامحمد...
ــ نعم بابا
ـ روح سيارتي في السيت اللي ورا.. في شنطه جيبها
سجى جتها الحره... شنننننننننطه.. وهنا.. لا والله تمشيت اليوم..
جاب محمد الشنطه
فتحها سي السيد وطلع اوراق وصار يحوس .. وسجى مثل الطفله جالسه جنبه تطالع.. خاطرها تمد ايدها على الأوراق وتشقهم كلهم.. وتصيح مو وقته ابغى نتمشى.. وابغى العب..
ملت من ماجد وحوسته اللي ما تخلص .. وعدم اهتمامه.. صارت تطالع من نافده الغرفه.. شافت جنان ويوسف يلعبوا الصيده.. وجنان ماليه المزرعه صراخ يوم يوسف قريب يصيدها.. صارت تطالعهم وتضحك زي الطفل المحروم خاطرها هاللوح يقوم وياها.. زين دخيل الله يسولف شوي وياها.. يخلي هالأوراق والقضايا على جنب لو ربع ساعه.. يخليها هي قضيته.. ويوليها اهتمامه.. بس اسف ..ولا حياة لمن تنادي
ــ اففففف<<< طلعتها من قلب
ــ ها .. مليتي.. كان قلتي من امس ما باروح
سجى فبالها..<< هذا اللي يطلع معاك.. المسخره وقلة الإحساس ..
ــ اففففففففففففففف.... وقامت تنشد بهداوه .. بنعومه .. وصوتها بالمره حلو
ــ قومي اطلعي تمشي بدل هالتأففف علي وهالهلوسه خليني اشوف شغلي
سجى في قلبها اللي خلاص تقطع.. اااااااااااه هذا اللي طلع منك...
وهي بطريقها للباب تذكرت قاسم .. واااه من هالقاسم.. تذكرت كيف كان يترجاها تنشد له وهي مستحيه .. وكيف كان يروح فيها لما تنشد له صارت دمعها تطيح بعفويه وهي تهمس لخاطرها: لمتى وهذا حالي .. لمتى اتعذب من ماجد ويزود همي طيف قاسم .. ياربي ريحني دخيلك...
وما مداها توصل للباب الا ماجد ينادي:

والى الملتقى..................................

عاد الليله من جد هلكتوني .. خخ طلعتوا علي الراحه كلها
بس لعيووونكم... :amuse:

مسكينه ويه عليه

مع وجه ماجد لاحس ولا خبر الا مع اوراقه

على سالفة انه يوسفوه كأنه هندي نسيتي مفرق الشعر اميرة ...

يلا كملي ننتظر

البارت هذا كان فظيييييييييييييع

ولا العربه......

بصراحه تحفه.....

ننتظر

تسلمين اميرتنا على القصه
بس لا تتأخريت علينا
القسه كل مالها تحلى زياده
تحياتي

يعطيك العافيه خيوووه

واني ما استغرب من تصرفات ماجد

لأن بواقعنا أمثاله كثير .. والمصيبه مايصيرو إلا من حظ الرومنسيات

والله مساكين .. الله يعينهم

ننتظرررررررررررررررررررررررر

هههههه خيتو اميرة صارلبي زمااااااااااان ادور هالنك نيم
مياو(=‘.‘=)مياو
واني اقرء القصة شفته
ههههههههههههههههههههههههههههههههههه
مشكوورة على الحلقات وعلى النك
والله يعين سجى على هالعلة

يسلموووووووووووووو علي الحلقه

والله يعطيكي لعافبه

مع خالص تحياتي بوفيصل

:clap: :clap: :clap: :clap: :clap: :clap: :clap: :clap: :clap: :clap:
ايه احلى اموووووووووووووور
ها اخبارك ؟ ها ماصدتوني البارحه
على فكرة القصه اذا اقول فيها روعه اطلع كذااااااااااااااااااااااااااااااابه
وربي احلى من روعه كمااااااااااااااااااااااااااااااااان
تسلمين يالغلا وربي يوفقك
واقول لا تطولي علينا
يلا عوافي
دمعة الاحزان

الله يعطيكي لعافيه

على القصه

افا

عرفت متاخر

كنت افتر جدية في اقسام المنتدى وانا عادة ما اجي اهني قسم القصص الا وقت كلش اذا الملل ضاربني حدي

وشفت قصة ومن حاطنها
اميرررررررررررررررررة

انا اقول اذا هي حلوة وروحها مرحة جدية

شلون بتكون قصتها اكيد جنان


بس ويش طلعتي مو سهلة اميررررررررررررررررررررروه


تسلم يدينك على هالقصة


ويالله ببنتظر رجوعك عشان تكملي لنا القصة

مشكوره اختي على القصة الرااااااااااااااااااااااااااااائعة جددددددددددددددددددا

يعطيك العافية

مشكوووره خيتووو على القصه
يعطيك العافيه
لاعدمنا تواجدك
مع اعذب تحياتي اختك العنود

ههههههه ياعيني على اموول
واحشتني ياعمري
قلت مع هالطله بهالعصريه بخش المسن
بس ما ادري ويش علته .. هالأقشر
خخخ يسلموو ياغناتي


كيووون هااا بعد كثر الحنه والزنه على راسي حطي الباقي حطي الباقي
ويي اني قلت باعاندش بس خفت منش كفايه مقابلتني هالأيام بارووح فيها منش
خخخ عجبتش العربه .. ياعيني عليش يسلمووو

كلي جرووح الله يسلمش ومايصير خاطرش الا طيب

شمووعه يالغلا تسلمي لي عالتواجد الجميل
لا عدمته .. خخخ ويش نسوي هذا حال الدنيا .. ادعي بس لسجوي الله يصلح حالها ..

بشوووور ياهلا وغلا ...ههههههه عجبك النك نيم .. هذا نك نيمي بالمسن.. خخخخخخخخ
حليوو موو.. ههههه حلالش يالغلا... ودامت هالطلات الحلوه

بو فيصل .. خيي الله يسلمك ويعطيك الف عافيه على المتابعه

ههههههه وي وي ويش هالصفااق دمووعه
واحشتني يالدبه .. اذا ما صدناااش .. خيرتي اصيدش .. فيش تو فيس مثل ما يقولوا .. بس خل ظروفي تتعدل وهين اوريش
ويسلموو يالحلا على التواجد

خيي نور الهدايه الله يعاافيك
ويسلموو عالتواجد

ويييي .. من هنا عندي
واني اقووووووووووول القصه منوره.. اتاري ام محمد عندنا ,,, يا مرحبا يامرحبا .. يسلموو غناتي خجلتيني والله
من ذوقش
زين والله يكثر خير هالفره اللي طيحتش عندي ..

زهرة القلووب الله يعافيكي خيتوو ويسلمووو

خيتو العنود ياهلا .. ويسلمووو علاتواجد ويعطيش الف عافيه

وتفضلوا حلقتين لين الله ييسر لي وارجع ليكم مو طله على طوول ان شالله

الحلقه الخامسه عشره

وسجى بطريقها للباب تذكرت قاسم .. واااه من هالقاسم.. تذكرت كيف كان يترجاها تنشد له وهي مستحيه .. وكيف كان يروح فيها لما تنشد له صارت دمعاتها تطيح بعفويه وهي تهمس لخاطرها: لمتى وهذا حالي .. لمتى اتعذب من ماجد ويزود همي طيف قاسم .. ياربي ريحني دخيلك...
وما مداها توصل للباب الا ماجد ينادي:
ــ يا سجى.. بتمشي ..
سجى فرحت :
ــ ايه.. اكيد ما بقول لا..<<<< مسكينه ما فهمت قصده
ــ يللا اجل الم اوراقي .. وانتي اسبقيني السياره .. ما اعرف اشتغل هنا
سجى فتحت بوزها ورفعت حواجبها وحست في قلبها ضحكة قهر ودها تطلعها
ــ يعني تمشي البيت ؟؟؟
ــ ايه اجل وين..؟؟
ــ لا مفكره برى نتمشى..
ــ ما ادري .... ليش خاطرش تتمشي..؟؟
ــ ااااااااااا .......ايه ...............ياليت.............................. ........ومعاك..
ــ هههههه .. زين ما عليه امشي
سجى طارت من الفرحه.. حست الأرض مو شايلتنها ..
واخيرا تلحلح السيد ماجد شويه.. طلعوا يتمشوا.. جتهم جنان تركض
ــ ااااااااااااااااااااااااه ...ههههههههههه ... خشووني بيصيدني القطوو..
ماجد صار يتحمق:
ــ روحوا العبوا بعيد عنا .. خلوني مع سجى .. لوووو........ سمحتوا
جنان تفشلت .. راحت تركض ليوسف ووجها مبين عليه الفشله.. ويوم عرف يوسف السالفه .. استااانس .. زين تحرك هالعم والله.!!!!!!!
يوسف : ــ الا جناني بسألش .. مرت عمي من بيت ويش؟؟
ــ .. امحق مالت عليك ما تدري..
ــ .. لا ... ولويش ادري ؟؟
ــ اجل لويش تسأل يالمفهي الحين.. اهوو فارق بس..
ــ لا بس كذا... في باله كان مشبه عليها... ملامحها يوم يشوفها ورجولها منرضه قريبة شوي من ملامح ناس يعرفهم حس انهم من نفس الدم ..
ـــ ما بتقولي لي يعني..
ــ من بيت الــ.....
ــ والله ... ههههههه وانا اقول ...
....مممم... ان زين هي ما عندها اخوان ولا خوات صح..
ــ ايه ما عندها كان عندها اخو وتوفى من فتره ...صغيرون ياحرام
ــ طيب بطلب منش طلب .. ابغاش تسأليها ويش يصير ليها قاسم الــ........
ــ لويش يعني .. واذا سألتني لويش اسأل عن رجال اني ويش موقفي..؟؟
ــ لا لأنه قاسم هذا درست وياه كم سنه بالثانوي وصرنا صحبه الروح بالروح بس يوم سافرت البحرين انقطعت اخباره عني وانا على خبرش جوالي انسرق والأرقام كلها بالجهاز مو بالشريحه فنقطعت اخباره بالمره .. يالله لو يطلع يصير ليهم والله واحشني عدل طايح الحظ.. ايام مو قليله اللي عشتها وياه>>> طبعا قاسم اكبر من يوسف بكم سنه بس خبركم قاسم وفشالته بالدراسه تمر عليه وتروح عنه اجيال واجيال ..وهو ويسفوه من نفس الطينه .وعليهم نفس السوالف ..فصار يوسف بالنسبه لقاسم مثل الأخو..
ــ ولا يهمك اسألها بعدين.. اخاف الحين ياكلني عمي ان قربتها..
بالطرف الثاني من المزرعه.. كان ماجد يتمشى مع سجى ... سجى كانت تعرج من رجولها منرضه ..
ماجد لا حظ عليها ..
ــ ااااااا.. احم.. رجولش تعورش بعدها
سجى فرحت بهالسؤال:
ــ ايه شوي ..
ماجد مسك ايد سجى .. ــ تسندي علي واحنا نمشي.. وبس تتعبي قولي ..
سجى ما صدقت على الله وفبالها طايره من الفرحه وتهلوس حتى لو تعبت مينووونه اقول ما صدقت على الله يحن علي .. وصارت متسنده على صدر ماجد والأرض مهي شايلتنها.. مستانسه وهي فبالها تردد عساه دوووم مهو يووووم..
وظلوا يمشوا وهم ساكتين.. ماجد من النوع اللي ما يسولف ما يعرف ويش يقول .. وسجى مهي عارفه ويش تفتح وياه مواضيع.. فقالت خلني ساكته عالأقل يكون جنبي ولو عالصامت احسن من بعيد عني بدون احساس...

ومر اليوم على خير... ورجعهتم البيت.. ماجد بالسياره:
ــ اااااااااااااااااااااااااااااا.. ويش رايش كل واحد يروح البيت نسبح ونريح شوي .. بعدين نطلع
سجى وجهها نور من الفرحه..ــ ايه ما عندي مانع .. ياليت والله <<< قالتها بعفويه وفرحه مثل اليهال .. مستانسه
ــ ههههههه .. زين اركزي شوي... بنروح مطعم نتعشى.. اوكيه
ــ اوكيه.. ......................................ااا ... ماجد
ــ نعم
ــ شكرا..
ماجد ابتسم.. ــ عفوا ... بس ثاني مره لا تعيديها
ــ لا اعيد ويش..
ــ الطيحات اللي ماليها داعي .. خليتي يوسفوه يشيلش ..لويش ؟؟
سجى حست بفرحه ممزوجه بخوف . وصارت تفكر فبالها. لويش يعاتب الحين يغار يعني؟؟؟؟
وقطع عليها هالتفكير ماجد ..
ــ انا ما ارضى احد يلمس شي يخصني .. ومن كان ليكون .. وبالأخص يسفووه هذا..
ــ ان شالله حبيبي ما يصير الا الخير ما اعودها .. ... انتبهت انها قالت حبيبي وصارت فبالها تقول..ياويلي ويش فيني هبله ..لا بروح فيها
ماجد بخجل مخفي ــ هههههه لا ما بتتوبي .. طيب برضى بس بحبيبي وبيني وبينش ها.. يالله كلمه ما بتضر
سجى فرحانه حدها .. ــ الله ياااليت من زمان رحنا المزرعه ومن زمان رجولي انرضت ومن زماان جااا هاليوووم يالييييت .. ااااه الحمد لله اللي هداه علي شوي

وصلها البيت .. نزلت وسبحت وكشخت .. وصارت تنتظر .. ساعه .. ساعه ونص... ــ اففف وين راح.. مو حلوه ادق عليه .. كأني حسره .. بس ويش صاير عساه خير بس ..
جاها ابوها
ــ هلا يبه..
ــ هلا بنيتي اخبارش واخبار ماجد وياش
سجى مستانسه وحكت لأبوها كل شي بالتفصيل الممل
ــ لا زين الحمد لله عسى الله يحنن قلبه عليش دايم الدوم
ــ يارب امين.. يسمع منك
شوي جاها مسج
ــ سجى اعذريني بس صارت عندي ظروف فجأه وانا ما ادري والحين مشغول .. اعذريني والله
ماجد من النوع اللي مايعرف يعتذرشفهي.. ما اتصل بسجى وسمعها هالكلام يحس نفسه ابدا ما بيعرف يعتذر بهالطريقه .. ولكن رغم انه لوح بس طيب ..فرسل مسج اريح له ..
سجى ابتسمت.. وما زعلت .. وخبرت ابوها .. ابوها قال يللا شغله وزين منه هاللي سواه اليوم... سجى فرحانه .. يكفي انها كانت بجنبه وعرض عليها الطلعه بس ظروفه خانته ويكفي انه ذكرها وارسل ليها مسج اعتذار .. حطت راسها ونامت واول مره سجى تسيل دموع الفرحه على خدودها من فارقت امها ...



في بيت ابو قاسم
ــ ياولدي متى ناوي عالزواج ها .. من متى خاطب ريم وللحين ما حددت لينا وقت لعرسكم..
ــ يا يبه انا مانى مستعجل ... بس ما ادري ويش فيكم خلاص ريم ما بتطير مني هذا هي وياي .. ما تصبروا شوي
ــ بس الناس ياولدي قامت تهدر.. سنه صار ليكم وكم من شهر .. وكل شي متوفر عندك .. شقه وشغلك وياي.. والحمد لله ويش تستنى..
ــ يا الله.. واحنا ما يفقع راسنا الا هالناس وهدرتهم .. خلاص يايبه اللي تشوفه ...
ــ خلاص اجل بعد شهرين على بركه الله عرسكم
ــ على خير
طلع ابو قاسم من غرفة قاسم . وهو ما له نفس يحس ولده مو مستانس بس ويش يسوي له ... اما قاسم جلس على السرير.. وشرد بعيد..
ــ ياترى ويش مسويه سجى مع ماجد.. مرتاحه .. مستانسه.. متهنيه... ااااااااه يا قلبي انا اللي مقاسي.. كله مني .. خلاص كلها شهرين وبتصير احلامي كومة غبار بعد ما حطمتها وضيعتها انا ...انااا.. بيدي...

يوسف: ــ هااااا جناني سألتي سجى ويش يصير ليها قاسم..؟؟
ــ يووه لا الحين ادق عليها واسألها
::::::: ـــ الو هلا جنان
ــ اهلين مرت عمووو كيفك
ــ منيحه اخبارش انتين ويش مسويه..
ــ الحمد لله تمام
ــ دوووم ان شالله
ــ يارب جميعا........... الا سجويه ابسألش ..
ــ تفضلي غناتي ..
ــ قاسم الــ..... يصير لش موو..
سجى حست بصعقه كهربا بجسمها يوم سمعت اسم قاسم
ــ ايه.. ولد عمي .. لويش تسألي..
ــ لا بس يوسف يسأل عنه يقول كان خويه ................ وقصت ليها السالفه..
ــ اها.. يعني.... ايه ولد عمي هو...
يوسف يأشر على جنان يبغاها اذا تقدر تجيب رقم بيتهم عالأقل
ــ اااا.. سجوي اذا ما عليش كلافه.. يوسف يبغى رقم بيتهم
ــ لا عادي ..
وعلى طول عطت سجى جنان الرقم.. جنان في البدايه استغربت من سجى... تذكرت انها بالمزرعه ضحكتها.. ما تحفظ ارقام... رقم جوالها مهي حافظتنه ولا بيتهم.. شمعنى هالرقم حافظتنه وقالته بسرعه.. ما مداها حتى تدوره بجوالها لو كان بيدها
بس طنشت .. عادي يمكن تدق عليهم وايد وحفظته..
ــ تسلمي لي يالغاليه ازعجناش
ــ لا ابد عزيزين والله اهلي حياش الله بأي وقت
ــ الله يخليش يللا باي
ــ باي وخلينا نشوفش لا تقاطعينا
ــ ان شالله .. اذا فضى يوسف قبل لا تخلص اجازته اجيش فيوم..
ــ حياش الله.. باي
ــ باي

يوسف اخذ الرقم وهو فرحااان... الله ياااقاسموه البرشووومه.. والله سنين.. يالله ذاكرني والا نسيتني خلني ادق واشووف ......
ودق يوسف بيت قاسم...
رفعت السماعه فطوم ....يوسف بصوت هادي :ــ مرحبا ...
فطوم مستغربه .. اول مره تسمع هالصوت اخوها ما احد يدق عليه البيت دوم اخوياه يطلبوه على جواله وابوها مستحيل هالصوت يكون من دقة ابوها..:
ــ نعم.. >>> قالتها بشده
يوسف جت له الضحكه.. وهو من النوع الجرئ شوي:
ــ الله ينعم بحاالش... بس قلنا يا خيتي مرحبا..
فطوم من نبرة صوته وهدرته خافت قالت مغازلجي.. وطاااااخ بوجهه...
يوسف طالع السماعه..: هههههههههه والله خطيره لكن ما عليه
العب شويه .. وبعدين نعترف
ورجع دق ::::فطوم: ــ نعم
ــ هههههه نعم بعد.. مافيه غيرها ؟؟ يللا .. زين ..الله ...ينعم..... عليش .. بس .... ليش صكيتي بوجهي ؟؟
ــ................................
ــ الووووووووووو
ــ مين تبغى انت .. شكلك غلطان..
ــ لا والله مو غلطان متأكد..
ــ اخوي لو سمحت بغيت من والا اسكر السماعه
ودخل قاسم الصاله كان راجع من برى
ما سمع يوسف الا فطوم تقول:
ــ قاسم جيت بوقتك شوف هالتافه ويش يبغى صاير غثيث واديه حدددده..
ــ هااااا .. ويش يبغى.. جيبي اوريش فيه
يوسف انفقع من الضحك..وفباله.. ــ الله ياعيني عليها.. هههه والله وحده غيرها من الربكه من تشوف اخوها طاااخ بتقفل السماعه حتى لو غلطان .. خخخ خطيره هذي..
قاسم: الو .. نعم..
يوسف بصوت هااادي ...
ــ ههههه حتى انت نعم .. طيب الله ينعم بحاالك ومرحبا
ــ يامراحب .. خير اخوي امرني
ــ والله .. ما يامر عليك ظالم... هذا مو بيت الــ....
ـ ايه .. من معاي وبغيت مين..
يوسف عدل الصوت...
ــ هههههههه ياهووو........ يا ابوو برشوومه ما عرفتني ؟؟؟
قاسم صرخ من قمة راااسه
ــ يوووووووووسفووووووووه يالملعنه يالخاايس ... ياااااااااااالله وين كل هالغيبه >>> خخخ تعرفوا سبايب الصبيان :: حتى خويه الروح بالروح ما يسلم منها
ــ هههههههههههههههههه ... والله ومفتكرني زين
ــ افا.. وشلون انساك.. وينك يالحمار..
ــ ههههه اقول يالدفش بلا سبايب .. لا اقفل بوجهك..
ــ افا وتسوي حالك بعد.. مشتاقيين يالثوور..
ــ ههههههه .. لا شكلي بقفل الخط
ــ بلا دفاشه .. وين اراضيك..
ــ هههههه ... بوسني وتراضيني
ــ ههههههه صج حمار ولا بتهون عن هالمسخره .. وين ارضك.. وينك
ــ خخخخ انا كنت ادرس بالبحرين وباقي لي كورس واخلص وانت
ــ خخخ انا يالله خلصت الثانويه انسى ياشيخ .. نسيت كيف يمسكوا القلم حتى ..
ــ هههه اخ منك بس ... والله كثر الله خير حبيبة القلب اللي نجحتك.. خخخ زين والله الحمد لله والشكر ..
ــ حبيبة القلب... أي حبيبه...؟؟؟؟؟

الحلقه السادسه عشره..

ــ حبيبة القلب... أي حبيبه...؟؟؟؟؟
ــ افا ,, نسيتها.. حبيبة قلبك .. ومعشوقتك الأبديه
قاسم ارتبك؟؟ ويش تقول يا شيخ
ــ لا حووول .. اسف اسف ... نسيت انا .. خلاص طلقتها انت افا تراك ..طلقتها...
ــ يوسفوه ويش تهلوس ويش تقول <<< كانت سجى فبال قاسم والكلمات تطعن فيه طعن
ــ افا .. حبيبتك.. البرشومه .. حبيبة القلب .. يالخوان.. تخرجت وطلقتها..و نسيتها
ــ يوووووووووووسفوووووه .. يا مصااختك يا ثقيل الطينه.. طيب يصير خير اصيدك ××××××
ــ ههههههه.. اوه اوه .. ما يندرى ويش فهمت.. هااا ابو القواسم... لا يكون قلبك ضاربنه فايروس اذا ضربه قول لي .. خلني اشغل مكافح الفيروسات حده محنا ناقصين<<< مصطلح بين قاسم ويوسف فيروس = حب
ــ خخخ.. اقول .. ويش عندك الحين
ــ ابد حاط رجول على رجول ومتفرغ لك.. لويش بتعزمني على عشا
ــ ههه وهذا همك وين بيتكم بامر عليك ؟؟؟؟؟
يوسف نقلوا بيتهم من بعد ما تخرج من الثانويه على طول .. فضاعت اخباره عن قاسم عدل ..
وصف يوسف البيت لقاسم ,, وجاه قاسم طياري وبالأحضان .. وطلعوا يتمشوا ويتذكروا ايامهم الخوالي...
صار يوسف يقص لقاسم ويش سوى وويش صار له بهالفتره...وجا دور قاسم .. قاسم ما يخبي شي على يوسف.. قال له انه خاطب الحين.. يوسف بارك له واستغرب منه
ــ قاسمووه وين دبلتك.. والا حق تتصيد بنااات وتطيحهم هااا <<< يوسف دوم مزوح..
تنهد قاسم بحزن وحكى ليوسف كل شي .. كل شي بالتفصيل الممل.. بس ما قال له ان حبيبته الأوليه كانت سجى بنت عمه.....
يوسف حمق على ماجد:
ــ اسمح لي ياخوي انت اللي غلطت على نفسك ودمرت حياتك وحياة المسكينه اللي حبتك.. فلا تقعد تندب حظك الحين وانسى خلاص
ــ ان شالله احاول وربي قد ما اقدر...
قاسم يبغى يلطف الجو.. بس الفايروس قوي والله يايووسفوه قووي..
ــ هههههه خلاص ياشيخ هونها وتهون عسى ان تكرهوا شيئا وهو خير لكم وعسى ان تحبوه وهو شر لكم ما تدري الله يمكن كاتب لك الخير مع الخطيبه الجديده..
ــ ان شالله مع انه ما ظني المكتوب مبين من عنوانه ×××
ــ بل بل ... لا عاااااد.. لا تقول كذا انت توهم حالك من كثر ما تعلقت وحبيت الأوليه صرت ما تشوف غيرها فتح عيونك ابو القواسم ما عهدنا منك هالشي.. خلاص انت فطريق وهي فطريق ..الا بسألك... ويش صار عليها هي .. والا انقطعت عنك اخبارها ؟؟
ــ هو من ناحية انقطعت .. انقطعت.. بس اخر شي عرفته عنها انها انخطبت ....
ــ زين .. ومين اللي اخذها .. لا تقول تعرفه.. ان شالله ما تعرفه اهون لك..
ــ لا والله من قرادة حالي اعرفه... و القهر اني ما اطيقه دم ضروسي
ــ بللللللل يا ساااتر ومين هالتعيس اللي صاير دم ضروسك.. مو عوايدك تكره احد
ــ لاااا... انا ما اكره احد كثر كرهي لمااجدوه هذا,, وزاد كرهي وحقدي له يوم اخذها...
ــ هههههه .. لا وماجدوه.. الا ويش سالفة هالماجد ... تدري عمي بعد اسمه ماجد.. وياكرهي له
ــ هههههههههههههههههههه .. ويش عقدة هالأسم... ويش يشتغل بعد عسى مو محامي
ــ هههههههههه ايه ويش دراك
قاسم نغزه قلبه...
ــ يوسف بسأل سؤال ولو انه لقافه.. بس عمك هذا متزوج
ــ خخخ لا خاطب .. زين لقى وحده تاخذه لوحٍ ما يتلحلح.. ايه وعلى فكره نسيـــــــــت ما قلت لك.. هو خاطب بنت عمك .. يالمفهي.. و ما سألتني من وين جبت رقم بيتكم بعد هالغيبه .. جبته من عندها
قاسم صرخ بدون وعي : هاااااااااااااااا.. ليش سجى هي خطيبة عمك
ــ بسم الله ايه ليش ما تدري
ــ لا انا ما اعرف ويش عايلة عمك هو محامينا وما اطيقه ويش لي احتك فيه واعرف عايلته .. وتغيرت نبرة صوته... يوسف .. سجى ...ااااااا
ــ ويش فيها خلعتني..؟؟
ــ هي حبيبتي وخطيبتي الأوليه
ــ هااااااااااااااا..
يوسف صعقه الخبر .. ــ سجــــــــى....... هي خطيبتك الأوليه .. !!!!!!!
ــ ايه يا يوسف ..
ااااااه.. خليني بهمي.. ههه والله دنيا صغيره
وضرب كتف يوسف..: صرنا يا يوسف نسايب
يوسف عوره قلبه على حال خويه ,, بنفس الوقت كان يعتب عليه على اللي سواه.. ويواسيه ويتمناه ينسى...
سجى تقلب فكرها.. يوسف طلع خوي قاسم.. والله من جد صدف غريبه عجيبه.. اجل لا اتعجب يوم احس ان يوسف زي طبع قاسم.. لأنهم اخويا.. بس ان شالله يكون يوسف احسن.. شكله مبين عليه مجتهد ومكافح ما قعد وحاول وسافر .. الله يوفقه يارب..
وبين ما سجى تفكر .. كانت عيونها على التقويم.. طالعت التاريخ.. قامت تركض.. بل من متى ما شلت هالورق.. وصارت تشيل تاريخ تاريخ.. لين وصلت للتاريخ الصحيح..وهي تشيلهم خطرت فبالها فكره...
يوم ثاني .. جاها ماجد.. صاير بهاليومين طيب وحليو.. جاها يجلس وياها ساعه حكم ظروفه.. ما تسمح له بأكثر.. بس سجى مبسوطه ومستانسه هالساعه عندها احلى ساعه..
استأذنها ماجد بيروح الحمام الله يكرمكم..سجى جتها الفرصه العدله.. فتحت محفظة ماجد .. وهي ترتجف بسرعه.. طلعت بطاقة الأحوال شافت تاريخ الميلاد وعلى طوول رجعتها.. وابتسامه عريضه شااقه بوزها..:: الحمد لله مااا طااااف التاريخ..

كان عيد ميلاد ماجد بعد اسبوع.. سجى فرحانه حدها انها انتبهت قبل لا يعدي التاريخ .. شرت ساعه كشخه وعطر .. رهيييب... وقلم حركتات .. لزوم شغله.. خافت تدق عليه قبل بيوم ويقول ليها ماعليه بيجيها ويطلع له شغل فجأه معروفه هالحركه.. قالت ادق عليه يوم ثاني من بدري وحظي نصيبي اذا طلع عنده شغل يللا خيرها فغيرها مالداعي احتفل وياه.. وان طلع ماعنده شغل .. الله هذا,, المطلوب ....

وجا يوم الأربعا.. كانت ليلة الخميس هي ليلة عيد ميلاده.. دقت عليه سجى الصباح
ــ هلا حبيبي
ــ ياهلا سجى اخبارش
ــ تمام الحمد لله ... ماجد ودي اطلب طلب
ــ تفضلي
ــ الليله اذا ما عليك كلافه .. ممكن تجيني بغيتك بسالفه
ــ ان شالله على خير .. باشوف اذا قدرت
ــ ان شالله تقدر من جد ضروري ابغاك
ــ سجى خوفتيني فيش شي.. صاير شي
سجى استانست على سؤال ماجد ..: ــ لا الحمد لله ابد بس ودي تجي ..
ــ خير ان شالله باشوف
ــ يللا مع السلامه
ــ الله يسلمش

ماجد ما استغرب من سجى هالطلب طلبته منه كذا مره.. فتح جدول مواعيده.. افففف عندي موعد ضروري مع واحد من الموكلين.. لا حوول... مسك الجوال بيكتب مسج... تردد.. ما شاف حاله الا يدق على موكله ويعتذر له بظروف انه يأجل الموعد ليوم السبت.. واول مره يسويها ماجد ويعتذر من احد !!!
والحمد لله الموكل رضى...

سجى راحت العصر الكوافير وكشخت قصت شعرها على طوله حركتات.. خافت تقصره ويعصب ماجد..ومكياج وطلعت شي نعومه شحليلها...
ورجعت البيت.. راحت المجلس وحطت الكيكه.. وعبت المكان شمووع .. .. وجابت مسجل .. ونفرت ورود بالمكان .. وخلت الجو رهيب اكشنات.. ودقت على ماجد...
وفاجأها وهو يقول انا عالباب......
حست رجولها مهي شايلتنها من الفرحه.. فتحت له الباب بالأنتر فون من داخل وقالت له يروح المجلس ... استغرب ويش السالفه غريبه ما طلعت له..!!
راح المجلس لقى الدنيا ظلمه وشموع مضويه المكان .. وهو واقف على باب المجلس يطالع ويش صاير .؟؟. وشوي يسمع انشودة عيد ميلاد..
Happy Birth day to you.......
سجى تستنى ردة فعل ماجد
ماجد: ويش صاير .. سجى ويش السالفه ..
قالت له بابتسامه : ــ ماعرفت
ــ أي هبي برث ما برث.. ويش السالفه
جت له سجى ولبسته قلادة ورد واخذته من ايده للكيكه كان يستوعب السالفه ..
ــ كل عام وانت بخير حبيبي .. عقبال مليون سنه
ما شافت الا ماجد فاااقع المكان بضحكه
ـــ ههههههههههههههههههههههههههههههههههههههههههههه كح كح كحححح الحين.. تعال .. وتعال... عشان كل عام وانا بخير وعقبال مليون سنه.. والله كبرت انا على هالحركات .. وانا مأجل شغلي مفكر عندش سالفه..قومي بس ولعي اللمبات.. صاير الجو ما ادري كيف كأنه البيت المسكون.. كأننا بنحضر جني .. وطفي هاللي ينعق صار له ساعه عورني راسي.. >>>> يال الإحباااط
سجى : ؟؟؟؟؟؟|||||؟؟؟؟؟؟؟×××××||||؟؟؟؟؟؟؟؟؟؟؟||||||؟؟؟؟؟؟ ؟؟ ××××××
ــ سجى .. هيه .. ما تسمعي .. قومي سوي اللي قلت لش عليه
ــ طيب طفي شموع الكيكه اول
ــ ههههههه والله حاله .. ياهل قالوا لش ..
Happy Birth Day To uهههههه قومي بس مالي خلق هالخرابيط؟؟؟
سجى انكسر خاطرها على كل هالشغل وحاله ..: صارت تطفي الشموع لحالها .. كل شمعه تطفيها خاطرها تذرف وياها دمعه.... بس خايفه المكياج يخترب قالت خليه يمكن لما اولع اللمبات ويشوف المكياج والكشخه الله يهدي باله ...
وقامت للمبه ولعتها ...
دارت لماجد .. ماجد عفوي بالمره.. واول مره يشوف سجى بمكياج حتى بالعقد ماحطت فتح عيونه يطالعها وهو ما كان يحب هالألوان .:
ــ ويش مسويه بروحش .. خخخخخ لويش كذا.. والله عالطبيعه احلى انا هالشخابيط ما احبها <<< بل عليك جامل يا اخي ..
سجى فرحت بهالجمله .. وما فرحت.. ما تدري كيف توصف شعورها .. ما تدري ويش تسوي .. خاطرها تصفع ماجد كف .. وتصرخ هيـــــــــــــــــه بطل برودك هذا حس .. خل عندك ذرة حنيه.. بس ويش تسوي .. يللا .. خليها في القلب تجرح..

قصت الكيكه.. عطت ماجد قطعه.. وصارت تاكل وهي تبلع حاسه بغصه... وشوي قامت تطق بالملعقه على الصحن ...وما شافت حالها الا بعفويه ودموعها تتناثر قامت تشتكي:
ــ ليش كذا ياماجد.. ليش قاسي علي.. والله اني احبك ,, واحاول قد ما اقدر اسعدك.. بويش اني مقصره.. ماجد ليش ما تحس فيني.. كفايه علي مصايب بدنيتي .. ابغى الاقي حضن حنين.. أم وما عندي.. اخوان وخوات وما عندي.. ما عندي الا ابوي وانت.. اطالع الله واطالعكم.. ابوي تعبان فيه اللي يكفيه.. وما ابغى اكون هم عليه زود على همومه.. ماجد.. ارحمني.. اذا ما تبغاني ليش ماخذني والله لو مخليني بحالي ولا معذبني ارحم لي .. حرام عليك اللي تسويه فيني ... والله حرام
وحطت راسها بين ركبها وصارت تصيح صياح يقطع القلب..


ياترى ويش تتوقعوا ردة فعل ماجدووه..؟؟؟؟. هذا ما ستعرفونه في الحلقة القاادمه خخخ... :wink:

يسلموووووووووووو أمـــــــــــيره علي الحلقتين

والله يعطيكي العافيه ولا طولين علينا بتكملتهااااا

مع خالص تحياتي بوفيصل

هلا والله خيتوووووووو
اهم شي انتي تكووني بخير
الحلقتين جنااااااان والله
وحشتينااااااا يالدبه
والله لك وحشه
اكيد بتكوون رده فعله هههههههههههههههههههههههههههههه صح مع تعليق سخيف زي وجهه
تسلمي يالغلا
ونحن في الانتظااااااااااااااااار

افااااااااااا اميرررررررررررررة

تدخلي النت ولا اشوفك يلا العتب مو عليك ...على المخرف والجني اللي عندك ....

القصه اليوم مررة مررة مررة روعه حسيت فيها تشويقات واحداث حلوة

خاصة انها بردت لهيب انتظار البقية ...طول هالفترة


بس صدق انك بخيله ..مطوله علينا كل هالمدة واخر شيء حلقتين صغار بس ....يلا عودي وعوضي ...

نبي كل يوم قصة ...

عاد اتخيله هالدب ماجدوووه يستحي على وجه ويتعدل مع هالمسكينه ....

عاد اموورة لاتقولي لي تصير ليلة زواجهم ليله واحده هي مع قاسموه ..

يلا يعطيك العافية

ننتظر البقية

بل بل بل
حرام عليج جان حطيتي ردة الفعل
توج جاية وبعد اتحمق
عليج
يسلمو دياتك غلاتي
الحلقتين شكلهم كسروا ايدج يسلموووووووو

هلا وغلا باميرة الاحساس
طلعو الحلوين يكتبون قصص بعد
يلا ياعمري اتحفينا بما عندك
نحن في الانتظار على احر من الجمر
ولاتطولين علينا يلا احنا نتظر
مع تحياتي لك
خيتك همسات وله

امووووووووره
الحلقتين اكتير حلووووووين يبشرون بخير انشاء الله
تسلم يدينك ولا طولييييييييين علينا
موفقه

افا اميرة تخلينا نندمج في القصة اخر شي

تقولي باي

الحلقة الجاية


افااااااااااااااااااااا


يالله المرة الجاية 3 او 4 حلقات ورا بعض


ولا تطولين

هاي اميروووووه...
تسلمي على القصه .....
وبصراحه رحمتي نفسش من شري لما نزلتيهم .........<<<شفتي الحنه تنفع صدق من سمى المره زناااااانه>>>
على كل لا اطولي علينا اوكي........

هاااااااااااااااااااااااااااي اميرووووووووووووووووووووووووه

آسفه يالغلا توني جايه

طبعا اني طبعت القصه علشان اقراها واتفاعل معاها

لأن بجد شكلها روعه من كلام الأعضاء الغاليين

ولي رجعه

تشاااااااااااااااوو

أموووره اني رح أقرأ الحلقات اللي حاطتها على رواقه

يعطيك العافيه حبيبتي .. ويارب بسرعه تتعدل ظروفك

وتنوري المنتدى من جديد ترى لك وحشه كبيييره

وربي مبين غيابك

اميرة والله لش فجه حبيبتي المسن صاير ضلمه بدونك
والقصه انشاء الله تتكمل ننتضر عودتك حبيبتي..

يسلموووووووووووووووووو جميعا على التفاعل الجميل وهلا بكل الجدد المنورين والله ماني عارفه ويش اقوول
ولكنني رجعت بعد غيبه اتعبتني والله وجننتني ان شالله ما تعود
وتفضلوا حبايبي
الحلقه السابعه عشره

وحطت سجى راسها بين ركبها وصارت تصيح صياح يقطع القلب..

وما حست الا يد تمسح على شعرها .. رفعت راسها شوي.. لقت ماجد قدامها قاعد على ركبه.. وعينه .. شافت فيهم نظره بحياتها كلها ما شافت مثلها.. نظره كلها دفى وحزن.. ممزوجين بحنيه .. والدموع عاطتنها لمعه مهي طبيعيه..

نزل ايده بشوي شوي على خدها ومسح بإبهامه دموعها.. وبكل هداوه.. تنهد..

ــ ااااه... اعذريني يا الغاليه.. والله لو تدري باللي فيني يمكن تعذريني.. قلبي متحطم ياسجى.. وربي متحطم,, والحس انعدم منه.. ماكنت كذا.. سجى ولو انه مو من حقي واكون بدون احساس لو اقول لش هالكلام .. بس صراحه تعبت .. من متى وانا اداري واخبي.. من متى وانا متحمل كلام الناس فيني .. واتهامهم لي بالجفا والقساوه.. وحتى البخل..
وضحك ضحكه مهي من قلبه ... بس تدري ما الومهم.. لأني ضعيف .. ونفسي بدل لا تواجه الحقيقه المره.. صارت تتدارى ورا قناع القسوه والجفا.. بس لا ابين ضعفي .. مع انه هالشي اللي اسويه هو الضعف بعينه...

سجى استغربت .. انذهلت.. من وضع ماجد ومن كلامه.. ابتسمت ابتسامه هاديه..
حطت راسها على صدره.. وهمست
ــ واني ابغى اسمع قصتك.. ان كان هالشي يريحك .. وماعندي أي مانع.. وصدقني ابدا ما بزعل.. راحتك عندي بالدنيا
طوق ماجد سجى بذراعينه.. وصارت سجى تسمع دقات قلبه.. تدق بسرعه مهي طبيعيه.. وابتدى ماجد يسرد قصته...

ــ مثل ما انتي عارفه ابوي توفى من زمان .. من لما كنا صغار .. وامي تزوجت.. وعاشت مع زوجها.. انا ظليت وحيد رباني اخوي ابو يوسف.. وعدني مثل ولده الكبير كان عمري وقتها 7 سنوات.. وكان عنده يوسف لسا صغير سنتين بس..
ماقصر علي ابو يوسف فيوم.. كان لي الأبو والأخو.. ودنيتي كلها.. رباني وعلمني.. ويوم صار عمري 23 سنه.. اااااااا....
سكت ماجد شوي وتنهد من قلبه تنهيده حزينه
ـ حبيت.... حبيت بنت جيراننا وعمرها كان 17 سنه البنت كانت من البنات المحجبات.. كاشفه ما تتغطى.. .. كنت طايش انفتنت بجمالها وما همني الا اتعرف عليها .. همي بس كيف اكلمها.. وعرفت بالصدفه ان يوسف ولد اخوي يعرف اخوها.. زميله بالدراسه..
يوسف كان بالثانويه وعمره وقتها 18 سنه.. وكان دوم يجلس وياي ويفضفض لي اذا تضايق .. كنت بحسبة اخوه الكبير.. ماكنا كذا قبل..

سكت ماجد...
سجى ما حبت ترغمه على الكلام.. ظلت ساكته... قامت وهي على قولتها بتجيب له ماي..
ما مداها تقوم .. مسك ايدها :
ــ اقعدي ما ابغى ماي.. ابغى افضفض.. ابغى احد يسمعني..
سجى شافت فعيون ماجد.. وللمرة الثانيه.. عالم.. عالم مليان اسرار.. وحكايات.. طفل مخبى داخل هالإنسان..طفل محتاج يشتكي .. محتاج احد يسمعه..
همست سجى بكل حنيه..
ــ اسمعك.. لآخر يوم في عمري ابسمعك..
ابسمعك.. فضفض عن كل اللي يجرحك..
ماجد ابتسم من كلام سجى.. جلسها قدامه.. وصارت عينها بعينه.. وهو يكمل كلامه...
ــ من يوم عرفت ان يوسف يعرف اخوها.. صارحت يوسف .. وطلبت منه يتقرب اكثر لأخوها.. فبالي ابغاهم يصيروا صحبه بعدين يعرفني يوسف عليه.. بس عشان الاقي حجه لمعرفتهم واصير اقرب .. للبنت.. وبالفعل هذا اللي صار..

ومرت الأيام .. انا قلت يا ولد تحرك.. صارحها بحبك.. بس شلون.. ماني عارف...
قلت مالي الا اغامر واكلمها مره اذا حانت الفرصه.. وجاب الله الفرصه رجعتها للبيت.. كانت راجعه من المدرسه.. تقربت من باب بيتهم.. وانا مرتبك.. حدي سلمت.. سألت عن الحال.. لقيت البنت ابدا مهي مستحيه.. والوضع عندها عادي .. لا وتدلع علي بعد.. وتتميع.. انا قلت لا تحبني .. وذايبه فيني.. وما استغربت هالتصرف منها ابدا..

وصرت كل يوم اقابلها قريب باب بيتهم طلعتها للمدرسه ورجعتها... وحدي سلام وكيف الحال.. وهي عليها الباقي...
سجى استغربت.. ونظرتها تسأل سؤال .......الباقي؟؟
ماجد فهمها...
ــ ايه هي تقعد تسولف وتتكلم كلام حلو شقد تحبني .. وانها متعلقه فيني من زمان.. وخرابيط مراهقين.. وكنت طبعا اصدق كل كلمه تقولها..
تدري .. كانت جريئه لدرجه ما تتصوريها وانا دوم اقول هالجرأه من زود حبها لي .. لدرجة انها .. عطتني بنفسها رقمها بدون طلب.. ما اخفي عليش انه كان خاطري اطلبه منها .. بس ماكنت عارف شلون كنت خايف تاخذ عني فكره .. بس يوم شفتها هي اللي عطتني اياه.. فرحت .. ظنيت هالشي من زود حبها لي...
تعلقت بهالبنت بشكل رهيب ما تتصوريه.. ياسجى.. كنت فاقد الحنيه من كائن اسمه انثى.. وجتني هذي وسقتني منه كاسات ... وفيوم....

كنت انتظرها ترجع من مدرستها كالعاده.. وتأخرت هي بذاك اليوم.. قلبي نغزني عليها.. صرت اتفتل قريب من بيتهم.. وحواليه.. منا.. مناك... كان القاها.. وشوي عند الشارع العام اللي ورا بيتهم..وقفت سياره ما تشوف من داخلها من كثر ما تظليلتها كاتمه.. من جميع النواحي .. ونزلت.. نزلت وحده مغطيه وجهها. بس عرفت انها هي. من هيئتها وشنطتها....

انا انصعقت.. سياره مين هذي.. قلت ياماجد لا تتسرع,, وتظلم البنت.. ياكثر الشنطات.. والبنات اغلبهم كذا اجسامهم.. لالا .. مهي هي.. غاورت بالسياره بسرعه ورجعت جهة بيتهم بس وقفت في مكان بعيد شوي .. وشوي بينت لي المتغطيه.. ويوم قريب توصل البيت كشفت... وانا تسمرت مكاني.. لا .. مو معقول.. هذي هي...

نزلت من السياره بسرعه.. وبدون وعي قربت منها وصرخت عليها .. مييييييييين اللي كان موصلنش..

حزتها هي صرخت منقهره فيني .. هذا اخو صديقتي ومعانا صديقتي بالسياره.. اني استحي منه تغطيت.. وبعدين ما حبيت ادخلهم بداخل الحي وبيتنا قريب وهم بيتهم بالشارع العام المقابل للشارع اللي نزلوني فيه.. لويش الكلافه.. كثر الله خيرهم يوم وصلوني ورحموني بهالشمس عن الحر..

والله حزتها اكلتني تبن.. ردها كان مره كامل .. ما تركت لي ولا ثغره اسأل عنها.. صدقتها.. وربي من كثر ما احبها.. صدقتها..
صرت اعتذر ليها... وهي تتغلى.. لين رضت وبدلع قالت جمله جريئه

" لو فيك خير كان وصلت حبيبتك بسيارتك بدل لا تتهمها".. والله انت احق من اخو خويتي وغيره..

انا انصعقت لجملتها هذي. ويش اللي احق.. وويش غيره ؟؟ . بس صرت ارقعها يمين شمال.. واقول فبالي ... لا تبغاني قريب منها.. تحبني .. و... و.... صارت هلاوس ابليس اللعين تتجمع على بعضها.. وافهمها على النيه..

بعد حوالي كم يوم.. رجع يوسف البيت متضايق.. وزعلان.. وحالته حاله.. جاني غرفتي وصار يقول كلام ما انساه...
" عمي.. ابغاك تسمعني للآخر.. انا بإمكاني ما اعلمك بس انت اخوي الكبير.. ولازم اخبرك باللي اسمعه .. عمي ااااااا.. فلانه.. اللي تحبها.. مهي اوكيه.. خلها عنك..".

انا حزتها حمقت على يوسف .. وصرت اصرخ عليه.. ليش ويش شايف عليها..
قام يقول" ان فضايحها فايحه .. والصبيان كلهم يهدروا عنها.. وعن حركاتها وصياعتهاا.."

انا ما تحملت.. حاولت اداري القهر اللي فيني .. بس القلب والعواطف حاكمتني .. قلت ليوسف يصير خير.. يوسف طلع من هنا.. انا دقيت عليها من هنا

... ويوم ترد.. علي .. كانت تصيح..
انا عورني قلبي... وبلا وعي صرت اسألها

ــ خير حبيبتي لويش تصيحي ؟؟
ردت علي :
ــ اسأل يوسف ولد اخوك .. ويش مسوي

انا انصدمت وصرت اتذكر كلام يوسف .. كنت داق ابعتب بطريقه غير مباشره.. بسألها .. بس صياحها نساني كل كلامي..

ــ يوووسف .. لويش ويش مسوي؟؟؟؟
ــ جا بيتنا من شوي يبغى اخوي.. اني كنت مفتكره اخوي موجود ما ادري به طلع.. دخلت يوسف البيت.. ورحت انادي اخوي.. كنت لحالي بالبيت .. امي نايمه وابوي بالعمل.. وشوي لقيت يوسف وراي ..
وسكتت ... وما كملت كلامها..
طبعا انا فهمت.. سبب صياحها.. الأرض ما شالتني.. لليوم ماني طايق اطالع وجه يوسف ... شلون سمح لنفسه يفكر بحبيبة عمه.. لا وسافر البحرين بعد على انه يدرس.. هربان من فعايله... صدمه قويه صابتني .. وتقتل وما تنّسى اذا جت للواحد من ناس عزيزين عليه.. كنت مفتكرتنهم اقرب الناس لك ... ما يحتاج اوصف شعوري انتي ادرى بهالمشاعر وكيف تجرح وجرحها ما يبرى ولا يطيب .. سجى انا وياش مجروحين خلينا بلسم نداوي جروح بعضنا..

سجى سكتت.. ماهي عارفه ويش ترد.. مصدومه من يوسف.. من كلام ماجد.. من التغير المفاجئ .. من قصته.. من كل شي .. لسانها انربط .. اكتفت بابتسامه.. وسندت راسها على صدر ماجد ....
وساد السكوت المكان.. لين سألت سجى ماجد:
ــ حبيبتك.. ويش صار عليها...
ابتسم ماجد.. وضم سجى بالقوه لصدره...
ــ حبيبتي بين ايدي الحين,, ولا احب ولا راح احب غيرها احد.. سجى من جد انا حبيتش.. ودخلتي قلبي .. وان كنت اقسى عليش .. وما ارضى بالدلع والرومنسيه.. لأني اتذكر معاهم ذكريات اتمنى اطويها فحياتي وانساها.. بس انتي خليتيني احب الحياه من جديد.. اثبتي لي غلط هالمقوله "" مالحب الا للحبيب الأولي."" ادري انش كنتي تحبي قاسم بالمره وانه كان لش عديل الروح وزياده.. بس تعاملش وياي.. وصبرش على اللي سويته معاش.. صبرتي على جفاي.. بخلي .. مع اني ابدا ماني بخيل.. بس الرومنسيه معدومه.. وانتي احيتيها الحين.. دموعش الغاليه سقت بروحي منابت جفت من سنين.. وان كان على فلانه اللي كانت بحياتي فيوم.. ..يوم صارت لي مشاكل بيني وبين يوسف بسببها .. بدت تجافيني.. وبعد فتره غيرت رقمها.. وبيتهم كان اجار .. وانتقلوا.. وانقطعت اخبارها .. وابدا ماني متحسف عليها.. متحسف على حب عطيتها اياه.. على مشاعر صادقه ابدا ما استاهلت حتى ربعها .. لأنها لو تحبني من جد ما تركتني كذا.. ما ادري ويش ظروفها.. ولا انا قادر انسى الموقف اللي سواه يوسف .. ما ادري صرت متخبط.. تايه.. وقررت انساها.. ونسياني كان بطريقه غلط.. ظلمت فيها نفسي.. وظلمتش معاي..
تنهدت سجى ومن قلبها قالت:
ــ اسف على قلبي مو عليك ياحبي..
ابتسم ماجد..:
ــ صدقتي يالغاليه.................. """ اوه اوه حبيبتي .. ويش هالكلام الجميل.. تكتبي شعر..؟؟
سجى جتها الرعشه من انفعال ماجد اول مره يقول ليها هالكلام الحلو.. وبخجل...:
ــ ايه.. هذا بيت من قصيده.. كتبتها من زمان .... وسكتت سجى
ــ كتبتيها على قاسم.. يوم يتركش.. عادي ياعمري تراه ما يستاهلش.. .. ومثل ما فضفضت لش وحكيت لش كل شي فيني.. حاب اسمعها منش اذا ما عندش مانع..
ــ لا عادي.. من عيوني
ــ تسلم لي هالعيون وراعيتها..
سجى فرحت .. ماجد من جد انسان حنين.. وطيب.. وعيونه اكبر شاهد عليه.. سجى كانت بالمره حساسه وتقرا الواحد من عيونه.. وبعيون ماجد قرت كلام.. بحياتها ماقرته.. حتى من قاسم مع انهم كانوا يحبوا بعضهم موت...
وبدت سجى تسرد قصيدتها ...

اسف على قلبي.. مو عليك ياحبي...
اسف على قلبٍ حواك ما بين اضلاعه..
اسف على قلبي.. مو عليك ياحبي...
اسف على قلبٍ هواك وخلفني ملتاعه..
جرحّه صمت حبك.. وحفر قبري بدربي..
وحرقّني لهيب الهجر وذوبني بأوجاعه..
تزيد بي انفاسي كلما طاريك مر بي..
ويغرقني دمعي وانا قارب كسيرٍ شراعه..
بدمع قلبي اعيش.. هي زادي وهي شربي..
اسبابها اني تركت ماضيك بهالساعه..
و تجيني حاضرٍو ذكرك قتلي من بعد ضربي..
وقلبي مجروح شيداوي شروخه واصداعه..
جرحت الصبا في عمري بعد ما كنت بقربي..
ومن الصدمه مكسوره موجوعه ومرتاعه..
عينك الدايم اقراها وحاشاها علي تخبي..
بعز ماكنت بحاجتها .. ولنظره منها طماعه..
لقيتك بجنبي ولكن نظرتها ما حست ابد بي..
لقيتها تهرب مع الفرحه وتفارقني بلا وداعه..
ايه.. كنت احبك.. واحبك..واليوم شقاي وكربي..
ان كنت احن لك الاقي الروح لطاريك منّاعه..
كرامتي فوق كل شي.. ايه نعم .. حتى فوق حبي..
نعم مستحيل اعود احبك.. وحزني.. ولوعتي..
وعشقي الميت.. وانت معهم.............................
كلـــــــــــــــــــــــــــــــــــــكم.. بعلقكم.. في شماعه...

وصار ماجد يصفق .. تصفيق حاار .. لسجى ...
ورفع راسها.. وعينها بعينه.. وهمس ليها
ــ سجى.. انا احبك..
سجى ودموع الفرح تنهمر شلاااال...
ــ واني بعد .. انت كل دنيتي..

وقرروا يفتحوا صفحه جديده بعيده عن الماضي والذكريات .. صفحه مليانه حب وسعاده...

والى اللقاء في الحلقه القادمه

عااااااااااااااااااااااااااااد اليوم .. بس حلقه .. وبالهداوه علي ياحبايبي.. توي راجعه.. والله لا يجيب لي أي ظرف يفرقني عنكم.. يارب.. وترقبوا مني كل شي يسر خاطركم..

اواوا تصفيق حار (حطوا فيه شطة خخخخخخخخخ) لاميرة المرح على الابيات
وتكملت القصة
والحمد لله على السلامة
اذا بتسوي قصة ثانية نبيها عن الدراسة في الغربة والضحك والمسخرة فيها خخخخخ<<<<<شفتي الدفاشة كيف؟؟؟
خخخخخخخخخخخخخخخ
امزح وياج
الصراحة هالحلقتين عجبوني واااجد
يسلمو دياتك

واخيرا تعدلت هالظروف

وعدلتي ظروف هالسجى معاك الحمد لله

يلا عاد متى العرس ...لاتقولي في ربيع خخخخ

يلا ننتظر التتمة ياحلوة

هلا بالغلا اموووووووووره
بجد كنت مضااااايقه مووووت بس قرات القصه
وشفت تغير وضع سجووووي ردت ليه الرووووح هههه
بجد ونااااسه .....
يعطيك الف الف الف عااااااااافيه
وحمد الله ع السلامه وخلاص مانبي غياااااااب
موفقه

اميرووووووو والله رووعه واكثر من رووعه بعد ووووووووووووووه

تسلمي يالغلا

والله مو مصدقه

معقووله

والله وربي قمة في الروعه والحبكة جت عدله

وخليتي الوضع كانك شفتيه في حياتك مو من نسج الخيال

تسلمي والله وونتنظر حلقااات بفاارغ الصبر

واهم شي من القصه صااحبتها الحمد لله على رجعه سالمة

بس ها لاتعيدينها مره ثانيه

see you

هلا اميرووووووووووووووووووووووووووووو نورتينا بعد طول غياب

بس بصراحه المنتدى مظلم من دونش

وثانيا القصه رووووووووووووووووووووووووووووووووووووووووووووووووو ووووووووووووووووووعه

واني طبعتها وسويتها في ملزمه

ولما تجهز بتشوفين شكلها هنا في المنتدى

وألف الف الف شكر على القصه
الرووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووعه


والحمد الله على السلامه

ولاتغيبي عنا مره ثانيه اوكيه

هلا والله امورة وحشتينا بجد..
والقصه بعد واخيرا بتتكمل رجع التفاعل علقصه ..
بس اكثر شي لش فجه عدل ...