الرقص في صالات الأعراس .......من الرجال؟؟

السلام عليكم ورحمة الله وبركاته .

إيش رايكم انتم ؟؟؟؟

ضــد الفكرة .. اساسا مالها داعي وماهي من الاســلام ..
ولاهي من شيم الرجــل المحترم الرقص بوووسط حريــم .

===========

مع الاسف الشديد
هــذا اللي غربلنا .. انها ليلة في العمر ماتكرر . يعني ياعالم عادي تكشفوا وتفسقوا لانها ليلة وعذرا على هذي الكلمة
بس هذا اللي صاير . عند البعض

قبل فترة في حفلة زوااج .. بعد دخووول العريس بشووي .. دخــلوا اخوة العروس وهذا شيء عاادي لكن الغريب

ان من ضمن القروب دخل اخو المعرس ..!! على زوجة اخوه العاريــة وماشاء الله عمره فووق 18 سنة يعني يحمل مسمى رجـــال ، وهااات يااارقص مرة مع العروس مرة مع اخواتها وانقضت ليلتهم المباركة .

هذا مثــال مؤلم ومخزي للي صايرعندنا .. عادات وتقاليد غربية دخلت مجتمعنا وبفعلها
فقدوا الرجــال هيبتهم
بحجة انهم بيصوروا مع العروس . مع ان المعروف انه في اماكن في الصالات مخصصة للتصوير
فما ادري وش هالاصرار الغريب للدخووول !!!!

الصرااحة الاول على ايام الخيــام وغيرها كانت افضل واجمل
على الاقل لو قالوا ان هذا الزواج حضرته الملائكة بنصدق اما الحين ...!!!!
اللي صاير تعدى الحدود الشرعية والاخلاقيــة . ومايرضى فيه لا نبي ولا وصــي .

وفي النهايه أقول الله يهدي الجميع .

مساء الخير ....
عن نفسي أني من المؤيدين
لدخول اخوان العروس ووالدها
بس في نهاية الحفلة للتصوير فقط
مو لرقص ولا للاستعراض ،، وهذا يعتمد
على اخلاقيات اهل العروس ،، قبل فترة
كانت خطوبتي والحمدالله استانست بدخول
والدي واخواني لحفلتي والتقطنا صور
رائعة ... لا صار رقص ولا استعراض ولا غيره
كل السالفة انها ذكرى جميلة تحفظ في
البوم الصور .....

تحيــــي
حزن العمـــر

السلام عليكم
برأيي أن دخول الاخوه والاب
مع أبنتهم شئ عادي
لكن رقصهم أمام حشد من النساااااء
فهذا غير مستساغ أبداً
ولكن لم نتحدث ولا من مجيب
شكرا لكم وتقبلوا مروري

مرحبا...
يعطيك العافيه عزيزي...

الأعراس وما يحدث فيها.......حدث ولا حرج..

طيب في البدايه راح اقسم الرجال الى ثلاث فئات:
1) رجال لا يحبذون دخول الصالات ويمثلون30%
2) رجال يدخلون ولكن مؤذيين يقفون كأنهم خشب مسنده بجانب العروس...لأنهم يستحوا بس يجبروا روحهم ...من اجل مواكبة التطور أو كما يزعمون من اجل ان لا تشعر عروستهم بالنقص دون كل البنات >>> (غريب والله يعني إذا دخلوا راح تحس بالكمال ....إذا الكمال هيك ما اسهله إذا)
وهولاء للاسف تمثل نسبتهم 50%
3)رجال يترقصون امام النساء تمثل نسبتهم 20%
الله لا يزيدهم بصراحة هذه الفئه من الرجال اعتبر شخصيتهم مهزوزه
ولكن المصيبه المرة التي يدمى منها القلب وتدمع منها العين..عندما تتجرء الفتيات بالرقص امام محارمهم
والمشكلة حتى الأب والعم و...عندهم هذا الشي عادي جدا .
فأين ذهب الحياء ...هل دفن في مقبرة الانفتاح؟؟!!
وعندما تقول لهم كيف ؟؟....وليش؟؟
يقولون هي مره في العمر ..وخلي الواحد يفرح ...
لا والرقص في كفه وكاسيتات الاغاني في كفه ثانيه ...
ففي هذه الليلة المباركة بذل أن تتنزل الملائكة وتحفهم لا نرى إلا الشياطين يترقصون معهم.......

تحياتي...

صراحه مصخره اول ابو المعرسه مايحظر العرس والحين يترقص يم الحريم
ماكو قيم ولا مبادئ

موضوع حـــــلو وشيق

أوافق على دخول الرجال في الصالات

لكن كل واحد يعرف حدودة طبـــــعآ

يعني الركااااااااازة للرزة صح كلامي

مشكورررررررررر اخوي بس انا ما اقول غير(ظهر الفساء في البروالبحربما كسبت أيدي الناس) صدق الله العظيم

من وين تحضر الملائكة ويكون العرس مبارك 0
والكل في رقص وغناء وتبرجالرجال والنساء 0
إلى متى ياصاحب العصر والزمان ؟؟

أضم صوتي مع الأخ ضوي ضوي
وما أحب أزيد في الكلام لأن الناس تعرف الخطأ وتصر عليه

كلمة مرة ..
الموضوع فيه رأي الشرع المقدس ~ ما يتحمل رأيي ورأي غيري .

ضد دخول الرجال لصالات الافراح بعض الرجال ما يصدقوا حالهم انهم وسط النساء الا وترى عيونه تفتر على كراسي النساء والنساء بعدماتصدق فتراها فاتحة وجهها او متلثمه والمكياج مغطي وجهها بحجة ان المعرس والرجال الا معه ما يشوفوا لانهم مشغولين بالعروس .وبعظهم يزودها فيقوم بالرقص وياخد راحته مع اهله ويصير العرس كملهى ليلي زي الا نشوفهم في التلفزيون . فبدلا ما يكون العرس مناسبة لاحلال البركة يكون مناسبة لاحلال العقاب علينا واحنا غافلين

الرقص في حضرة نساء غرضه معروووف وواضح وهو قي قمة السخافة البياخة والغباء المقذع
فان لا اؤيد هذا النوع من السخافات لانها تجر الهوايل
والله هوايل موطبيعية انا حضرت زواج وكان اخو العروس يرقص ويرمي فلوس وبعدين من قلة الادب صعد على طاولة فيها بنات وقامو البنات يغنو معه و يجرو ثابه وغترته علشان الفلوس
هذا الشي فك عقلي وحسيت انه هذا الفكرة احسها وقحة وقبيحة جدا

؟؟؟؟؟؟

السلام عليكم
قوه واحد فاضي عزالله انك فاضي هي ليله في العمر لن تتكرر بافراحها ومساوئها وبذكراها ستكون الذكرى الدائمه بين الزوج وزوجته وبين الاهل ايضاً شوفوا اعزائي لكل شخص فكرته في هذا الموضوع ولكن عندم يأتي الحدث تضيع الفكره لم اجد عرس في اي مكان لم يكن هناك طق طقه وهيصه وفي النهاية يدخل المعرس وزوجته واهلهم واللي يتلصقون فيهم الى الصالة وعيونكم ما تشوف الا الرقص والمطالع والغمز واللمز والموضوع ما يطول كلها ربع او نصف ساعة وانتهت فخلوكم شماليين لأننا في زمن لا أحد يسمعلك وكل واحد يساير الموضة فلا تحرج نفسك وخل راسك مع الروس

ويالله السلامه

يعطيكم الف عافية شباب وشابات الجميع وفا وكفا

وعجبني الاخ ضوي بتعليقه الله يعطيه الف عافية


واشكر الاخ فاضي على الموضوع الجميل

بس عندي الك اقتراح اخ فاضي

قبل تطرح هذا الموضوع المفروض اتسويه جزئين

قبل الرقص نطرح موضوع الغناء
الحمد لله اغلب اعراسنا وبلاخص الحريم يحيون
ليلة العمر بالغناء والفحش والاشياء الحرمة

اذا كانت ليلة مباركة هل بالغناء تكون مباركة
هل ملائكة الرحمة تقترب من هذا الحفل التعيس

ويعبر احد العلماء بانه من مجلس فرح
بالغناء يكون احد مجالس يزيد
اعزنا الله وياكم من هذي الامور الباطلة
تحياتي الكم