ضعنا يا صبرنا...

قصير شوي

يسلمو

واكييييييييييييد احارس الجزء

تسلمي امورة عللجزء ماتقصري والله

ننتظر البقيه

موفقين

,,,

خلااااااااص عاااد هدوني على هالنكديه خلوني أذبحهـآ مع وجههـآ ...
أم ذكريآت الطررررمه <-- طوط طوط طوط ..
يسلمو أميروه على الجزء الحلوو ..
يعطيكـ ربي ألف عـآفيهـ ..
لآعدمـ ..
ـتحيـآآــتو ..
ــكبرـيآء

لاتعليق

في الانتظار

عيشتينااااااا في نكد ويااا هالنكديه دي والله ما اتوقعتها كذااا الله يغربل ابليسها
بس ما لومها هع ( ماليي راي هههه ) بس بجد صارت تقهر وين عقلها عفر
أن شاء الله يجي اليها علي ويكفخهااا طراااق بس هو صح وداااها المصطشفى مغمي عليها هع
ولااا علا جايه ليها بالعرض اتوريها صورته بعد وين قاعدين احنا عفر

وسوسن اكيد رجعت عليها حالتها الله يعافيها من انفعالها ويااا علا الله يكون بالعوون

يسلمو امووور عيشتينا بداخل القصة عدل وعشت النكد ويا ليلوه هع
لا والله ايل افلحنا ههههه
اسمحي لي على التخرييف تعرفي بكره دووام هع هع
ننتظر الجديد

>>> جزء حلوووووووو
مشكورة خيتو

ســـــــــــــــــلااااام ،،:huh::bigsmile::weird::nosweat:
أحلى شي أن الواحد يكتشف أنهـ بعدهـ ياهل ،،:wacko::wacko:
ما يعرف شي ،،:wink::wink:
و اللهـ وزين نبهتيني لكن لازم بجرب بغنيها قدام أمي بشوف ويش تسوي لي ،،:cool::cool:
و نرجع لـ الروايهـ ،،
ياعلي مسكين شرشوف ،، فاتت عادل هاالشدخهـ ،،
كان مات من الفرح لو هو حاضرنها ،،
لكن ياللهـ يكبر و ينسى ،، بس بصراحهـ إحراااج عاالأخر ،،
و بعدين و الأخير و يا هااليلى دي ؟!
خناقهـ جابت لي علهـ عاد البني أدم يتأثر ،،
بس مو يتأثر و يروح يخربط ،،
لكن بردت قلبي علوووهـ ،،
و أحسن أنها قالت ليها كل شي ،،
و صالحوهـ هذا النحس بس قولي ليي وين يشتغل ،،
و هدووووني عليهـ :mad::mad:
بكفخهـ أني ،، مالت عليه و على وجههـ بعد << لا صار لازم أسكت :silal::silal:
و حينبوهـ قولي ليها تسد حلقها لا تسوي روحها قويهـ لا أراقع بـ بيت أبو علي كلهم :laugh:
و بيت أبو جاسم وياهم بعد ،،:shiny::shiny:
<<< مو كأني طلعت من طوري لهـ ؟! :nosweat:
خلاص أني بطلع جابت لي العلهـ هاالـ ليلى ،،
و هشوم ما يضيع وقت ،، حاضر على طوووول ،،
أمور ياالـ غلا ،،
يعطيكـ ربي ألف ألف عااااافيهـ ،،
و سلمت يمينكـ ،،
و بـ الأنتـــــــــــــــــــــــــــــظار ،،
خااالص التحاااياااا ،،
للدموع إحساس ،،

ألحين اني مابجين العصاية غيرت رايي..
بالعكس..
اللي سوته علا هو عين الصواب.
داااااااااويش هالليلى هذي ..
حزنها مو طبيعي ..


بس صدمة وبتوتعي ومافيها شي إنت شاء الله..

بصراحة عشت الأجواء وياهم كأني وحده منهم..
حبيت أبطال هالقصة كأنهم أسرتي..
وتعلقت فيهم..
ماابغاها تنتهي أميرة ..

ياالله انتظر بكرة متى يجي بسرعة متى ...

موفقة يارب..
ويعطيك العافية دوم يارب..

صاقوووووع

هداويش هاذي ليلوهـ ىثقيلة هالدمـ

قهرررررررتني

ويش هالرحكهـ البايخهـ

اللهـ يسترر بس

بإنتظار الجزء الجديد

ثيوووو

يااااااااااااااربي ماحد بجننى غيرك ايمرووووووووووووووووووووووووووو
<< بجيك كف:weird:
حرام لو مسوي حادث وقتلتي بيت ابو علي كلهم ارحم ليهم :sad2:
من وين لك كل هالقسوى:evil: وكلها على بيت ابو علي مساكين:sad2:
>> صاير طيب وحنون:embarrest:

يعطيك ربي الف الف عافية على الابداع
لاعدمناك يارب دمتي بحفظ الرحمن


بنتظار الجديد:bigsmile:

مرحبا
يعطيكم الف عافيه..
اشوووفكم كلكم متحاملين على ليلى .. واتفقتو عليها.. لا بالله راحت فيها..
ههههههه وسلامتكم من الخوبال والينوووون..

والبارت.. عاد قصير لو طويل اني احط حسب المستطاع واللي يمديني..
وعموما قربنا نخلص يا جماعه ..
دعاكم بس..

اليوم البارت على جزئين راح يكون
وهذا جزءه الأول..

الحلقة 48 ..

سوسن تحس نفسها مهي طبيعيه.. تجاهلت هالأحساس بحجة انها متأثره على علا والموقف اللي صابها .. ونامت...

3 الفجر...قعدت وهي تعبانه عدل مهي قادره.. وابو مالك لسا مارجع...
حاولت تقوم تحس جسمها كله متوروم والآم مو طبيعيه..
تحسست جوالها واتصلت على علا..

علا كان فيها ارق .. تفكر في ليلى واللي صار ليها.. وكلام زينب اللي جاها في الصميم..وحاسه بالذنب.. الا تشوف جوالها يولع ويطفي ..
كان عالصامت.. صارت تطالع الشاشه وهي مذهوله ..
ــ سوسن!!
ردت:
ــ هلا... وينش ويش صاير
سوسن حدها قالت:
ــ آآآه
بتعب شديد..
علا اختلعت.. وقامت بالسرعه راحت ليها لقتها مهي طبيعيه.. صارت تتصل على ابوها جواله مقفل.. << كانت بطاريته مخلصه وهو ما انتبه..
علا مهي عارفه ويش تسوي وحالتها حاله .. وسوسن نص غايبه عن الوعي..
صارت تفكر ويش ممكن تسوي ..
راحت رسلت لهشام رساله... كتبت له تعال ضروري سوسن محتاجه المستشفى..
هشام نايم وما سمع نغمة الرساله..

انتظرت علا يتصل تحس انه درى بالسالفه .. نصف ساعه مرت لا حس ولا خبر ..
وبتردد اتصلت على هشام .. اول اتصال مارد...
علا مهي عارفه ويش تسوي.. رجعت اتصلت .. ثاني اتصال فتح هشام عيونه انتبه .. كان مقصر صوت النغمه.. انتبه للضوا وبصعوبه قرا الأسم من النعس..
وقعد قعود .. وصار يهوس ويش فيها متصله هالحزه .. وعلا ؟؟!!!!
رد عليها بأرتباك..
ــ هلا..
علا مهي عارفه ويش تقول على طول لا سلام ولا كلام:
ــ هشام بسرعه تعال بيتنا سوسن تعبانه...
هشام طفر من سريره..
ــ يالله.. جاي جاي..

وبالسرعه حتى زرر قميصه غلط .. وطلع يركض .. عشر دقايق هو عندهم..
دخلته علا ومسك سوسن نزلها وراحو المستشفى..


تحت سقف هالمستشفى ...
اجتمعو بالصدفه 3
حميد في غرفته الى اجل غير مسمى..

ليلى متنومه بالمغذي وجنبها امها.. واخوها علي...

وعلا توهم داخلين بسوسن اللي على طول طوارئ .. وطلعو ملفها ,, بيشوفو الحالات المسبقه ليها..
علا متوتره وفوق انها متوتره مستحيه من هشام حدها ولا هي عارفه ويش تسوي.. !!
من دخلو سوسن غرفه خاصه دخلت وياها .. وقعدت..

هشام:
ــ يالله يالله..
تغطت علا..
هشام : ــ خيه .. ابو مالك حق ويه مقفل جواله وينهو..؟؟
ــ في الشركه بس مادري لويه مقفلنه..
ــ عساه خير ..

علا عور بقلبها شكل هشام.. متوتر كان بالمره.. وفوق هذا منظره مبهدل .. لفت نظرها القميص اللي مو مزرر عدل.. في نفس الوقت اللي كانت تطالع طريقة التزرر هشام بالصدفه انتبه لروحه وصار يسكرهم عدل ..
علا استحت حست انه انتبه عليها.. شالت عيونها عنه.. وصارت تتأمل سوسن وهي تدعي الله يقومها بالسلامه..


في غرفه قريبه..ام علي بحزن:
ــ وين نولي على عمرنا.. من مصيبه لمصيبه.. افففففف .. ياليتك ظليت ميت يا صالح في نظرنا.. ولا درينا بك بهالحال .. استغفر الله ياربي..
علي قاعد يتفرج على الرايح والجاي للمستشفى من النافذه ..
ويحس قلبه يغلي غلي على صالح وتصرفه.. وفي باله..
ــ مستحيل تكون منت قاصد او مجبور.. مستحيل .. والله اخر شي توقعته تطلع بهالخسه والنذاله ياصالح.. وترسل اغراضك لينا بعد.. انتقم الله منك على هالسواه اللي فعلتها فينا..يالله الطف بنا وغير الحال...

وهشام قاعد في الأنتظار .. اتصل عليه ابو مالك..
ابو مالك وهو خايف بالمره:
ــ خير يا هشام ويش صاير وينكم.. ؟؟
ــ انت اللي وينك جوالك مقفل..
ــ البطاريه مخلصه كانت وماكنت ادري بها رجعت مالقيت سوسن ولا علا ولما فتحت الجوال لقيت المكالمات. وينكم وويش صاير
ــ في مستشفى الـ... ,, سوسن رجعت حالتها زي ذاك اليوم ورجعناها..
ابو مالك.. من قال له هشام زي ذاك اليوم.. انصرع.. وانقبض قلبه.. ورجعت على باله فصول الحلمه..
وطيران المستشفى...


جوال علي يرن,, بيت خاله..
علي متعود اذا بيت خاله اتصلو وهم طالعين محل.. يعني زينب فيعطيه ليلى على طول
ــ اماه.. زينب متصله..
ام علي خذتها تكلمها.. وكانت تسأل عن ليلى واخبارها..
علي رجع وقف عند النافذه الا ينتبه لأبو مالك يدخل المستشفى..
علي انقبض قلبه وتذكر حميد وصار في باله :
ــ معقوله؟؟ معقوله جاي الى اخوه..؟؟؟
بيطلع من الغرفه ام علي سكرت الجوال..
ــ هاك.. وين رايح امي ؟؟
علي وهو طالع :
ــ لحظات وباجي..
طلع علي من القسم تبع تنويم النساء بيروح جهة غرف الرجال بيشوف غرفة حميد دخل عليه ابو مالك لو لا؟؟
لقى ابو مالك طافها وراح جهة قسمهم...
علي في باله:
ــ مايندرى مين مريض عنده.. !!
صار يطالع في باب غرفة حميد..تنهد:
ــ الله يغير حالك ياحميد افتكرته تذكرك..

رجع الغرفه لقى امه تنود تعبانه..
ــ اماه قومي ارجعش البيت..
ــ لالا بقعد وياها..
قومي برجع انا وياها.. قومي ريحي ماتقدري انتين..
ــ عطاك العافيه امي.. بالغه فيك ياغناتي..

وصل امه البيت.. ورجع لأخته انسدح عالكرسي وصار يقلب الأفكار ,, على صالح،، وحميد لما شاف ابو مالك..على اخته ومؤيد واللي سوته.. من فكر لفكر لين نام...

صندوق قفله حديد.. وجاسم قاعد يطق فيه..
مع كل طقه يسمع ناس تصيح .. وواحد يقول له..
كثر الطق يفك اللحام..

فتح عيونه وصار يطالع في السقف..
ــ خير اللهم اجعله خير..
طلع لقى زينب قاعده في الحوش..
ــ مانمتي؟؟
ــ لا ماجاني نوم قلت اطلع اشم الهوا واحارس الأذان..
ابو جاسم قعد:
ــ اييييه... نحارس وياش اليوم..
ــ مانمت انت بعد؟؟
ــ لا .. نمت لي كم ساعه... وقعدت..
ــ يعني...
ــ مادريتي عن بت عمتش؟؟
ــ توي متصله من كم ساعه كلمتني عمتي تقول الحمدلله نايمه ..
ــ خير اللهم اجعله خير...

الله اكبر الله اكبر..
ابو جاسم..
ــ يالله تزيح الهم وتكشف الغم.. نقوم نتمسح ونصلي.. روحي قعدي امش..

راحت زينب الغرفه وانصرعت.. امها مهي عالسرير نايمه ولا هي في الغرفه..
و لا شافتها تطلع طول الوقت هي في الحوش..
طلعت لأبوها وهي منصرعه..
ــ يباااااه.....



للبارت.. بقيه...

قصيييييييير

يسلمو

ونحن بانتظار البقية على احر من الجمر

بااااااااقووهآآ أم جـآآسموووووووووووووه ههههههههههههههههههه
وين طـآآرت دي ...
وييييييييييلي أميروه ذكرتيني بحميد <-- بتصيح هاااع ..
وهذي ليلوه أن شآلله ماتقوم زهقت خلق الله <-- نحيسه هع هع ..
بآنتظآر البقيه ..
كبريآء

بانتظار البقية
سلامي

نحن بالأنتظار امورة يالغلا

ربي يعطيك مليون الف عافيه

موفقين

,,,

الله يساعد علي يفكر في ويه ويخلي ويه هع هع

وين راااحت ام جااسم بعد ما يندرى وينه
لا تخليني احاتيها لاااا

بالانتظاار ولا تطولين علينا خيتو
والله يعطيش العافية ما قصرتي

بتجي لي ازمة قلبية وين الجزء

؟؟؟
أني مفهية ولا ويش؟؟
أميرة شفتك كاتبه جاسم..
فكرت جاسم يحلم وفي الحلمة حلم..
إنه شاف زينب أخته..
انتي قصدك أبو جاسم اللي حلم ؟؟؟

شكله المقصود أبو جاسم...

وين هالأم جاسم ؟؟؟

يمكن تدعي مسكينة ..
الله يفرجها لولدها..

يعطيك العافية أميرة..
بانتظار البقية ..
موفقة يارب..

يوووو

وين راحت امـ جسووومـ..؟!

بإنتظار الجزء اليديد

هوووع

ها اموره حراااااااااااااااااااااااااااام الجزء قصير متحمس الواحد ترى

ننتظرررررررررررررررررررررررررررررررررررررررررررررر رررررك

صــارت القصه حزينه مره ثانيــه:(
.
.
بإنتظاااار تكملة الجزء

:) :)

في الانتظااااااااااااااار

اميرة علنيا قعدة من الصبح والحين فجر
وين الباقي << يعني لازم نقراء الاعادة !!؟؟
بنتظار تكملت البارت على احر من الثلج

مرحبا
يعطيكم العافيه
والله عاد صداع وعيوني حارتني,, بس فيني ارق اللهم ياكافي الشر :notrust:
قلت اقوم اكمل بقايا البارت لعيونكم.. يمكن انعس وانخمد..:sad2:
تسلمو عالتواجد المعصب .. لا عدمته بس عساه رايق المرات الجايه..:unsure:

غناتي دمعه عالسطور
ويلي عالتفهي .. عندنا وعندش خير :nosweat: ,, اللي واخذ عقلش لكن :wink:<< متعيلفه ماعليش منها :bleh:
ابو جسوم فديتش اللي يحلم بولده .. يطق قفل الصندوق ولما صحى شاف زينب جاينها ارق.. عفر عدتني الليله

تفضلو التكمله..

تابع الحلقة 48 ..

راحت زينب الغرفه وانصرعت.. امها مهي عالسرير نايمه ولا هي في الغرفه..
و لا شافتها تطلع طول الوقت هي في الحوش..
طلعت لأبوها وهي منصرعه..
ــ يباااااه.....
ابو جاسم انصرع..
طلع من الحمام :
ــ ووويش هالصريخ على ويه..؟؟
ــ وووين امي؟؟
ابو جاسم ببرود ويمسح الماي عن وجهه:
ــ نايبه تصكش فزعتي الفريق.. امش دي اسبوع تنام عالأرض شوفيها الصوب الفاني بين السرير والطوفه..
زينب فتحت عيونها:
ــ هاااا
ــ هههههههه يحق لش تختلعي .. صارت فار على اخر العمر امش..
ــ يوو لوووويه يعني؟؟ متشابقين!!
ابو علي بأستياء:
ــ وبتحمس علي و بتنام عالأرض .. صحيح انش فااضيه.. ظهرها تقول تبغى تسطحه على خشونه.. ويش مدريني عنها حنت الى ايام طفولتها..
ولا يسمعو الا ام جاسم وهي تثاوب:
ــ الصخانه تشتغل لو مطفيه...
ابو جاسم:
ــ ها .. خذ لك هالفاضيه..
زينب ابتسمت وراحت تتمسح..

ابو جاسم يفرش مصلاه ويتذكر حلمته في ولده..
تحسس مخباه شاف فيه خمسه ريال .. راح حطها في صندوق الصدقات... وتعوذ من بليس ..

انتبه على صوت الأذان.. قام وجسمه كله متكسر .. التفت الى ليلى لقاها غاطه في نوم عميق.. قام بيطلع الحمام بيتمسح للصلاه.. وهو طالع شاف الحاله قايمه في الغرفه اللي قريبه منهم..
والممرضات بالسرعه يطلعو سرير منوم عليه شخص ووراه يطلع ابو مالك وشخص مايعرفه وبنيه..
وقف علي وهو مفهي مو داري ويش السالفه..
فضول فيه يعرف .. راح الرسبشن وسأل الموظف..
ــ في مريض تبع خالد آل ..؟؟
الرسبشن:
ــ ايه نعم.. زوجته..
ــ آهاا.. عساه خير..
وعلى طول خمن علي ان اللي معاهم اكيد اخو زوجة ابو مالك .. والبنيه خمن انها يا مرت اخوها يا اختها...وماجت على باله ابدا انها تكون علا بت ابو مالك...
تمسح ودخل الغرفه ويا اخته بيصلي..
ابو مالك متوتر من التشجنات الفجائيه اللي صابت سوسن.. وصاير متلخبط وحالته حاله..
هشام:
ــ اذن.. نصلي ياخوك وندعي ليها بالفرج..
ابو مالك يحس الدنيا ضيقه في وجهه ومو عارف ويش يرد وويش يقول..
ــ الله كريم.. الله يفرجها..
علا راحت انتظار الحريم للصلاه وهشام اخذ ابو مالك..
قلبهم ويا سوسن يترقبو ويش يكون الخبر..

وبعد الصلاه..
الدكتور طلع من غرفة الطوارئ
ــ سوسن عدت الشهر السادس؟؟..
ابو مالك فيه قهر :
ــ انتون ادرى..
الدكتور عصب:
ــ في ايه .. مالك معصب كدا .. هدي ياخويا
ابو مالك:
ــ صبرا جميل .. ويش فيها الحين؟؟
ــ انا شفت ملفها هي عندها قابليه للتعرض لتسمم الحمل ,, المره اللي فاتت نجيت منه .. بس هالمره للأسف
ابو مالك : ــ ويش تقووول؟؟
ــ انتو ليه ما بتتابعوش حالتها اول باول .. وليه سايبينها لحد دي الوأتي من غير ملاحظه..
ابو مالك يحس بالذنب لقلة اهتمامه.. سوسن تحبه وايد وصابره على كثرة مشاغله ولما تشوفه في وقت راحته ماتشكي له تعبها وهمها ووجعها.. مريحتنه على طول .. على حساب راحتها وصحتها..
ابو مالك يحس نفسه يسمع طقات قلبه في اذونه بالقوه..وبهداوه:
ـ والحل؟
ــ مافيش حل غير اننا نضحي بالجنين على شان سلامة الأم..
ابو مالك تنهد:
ــ العوض على الله اهم شي سلامتها...سوو العمليه بأسرع وقت..
ــ ايوا محنا حنجهز غرفة العمليات حالا..


ودخلت سوسن غرفة العمليات وحالتها حاله.. ظلت قرابة الساعتين .. طلعت الشمس وابو مالك منهار .. علا غفت عيونها في انتظار الحريم و هشام رايح وجاي ما هدأ لحظه..

الساعه 6 الصباح.. فتحت ليلى لقت اخوها منسدح عالكراسي و نايم..
صارت تطالع في السقف والدموع متحجره..وما ينسمع الا صوت نفسها..
تحس قلبها من بعد الحب الكبير والوفا.. من بعد هالخيانه اللي شافتها من صالح.. واللي تجهل اسبابها... صار ضيق ومال لصالح فيه ولا أي مكانه..
تحس ماتكره مخلوق في الدنيا كثره.. جرحها.. خذلها.. ماتوقعت منه هالتصرف ابدا وهي اللي كانت تنتظره سنين وكلها شوق ولهفه...
وعزمت في بالها تنساه.. وتطوي صفحة الماضي عليه..

بعد نص ساعه الدكتور طلع .. ومبين عليه ارتباك.. ويكلم الرسبشن يستدعي وياه أي دكتور مناوب هالصباح يساعده
ابو مالك من شافه على هالحاله اختلع زياده..
ــ ويش فيها دكتور .. خوفتني عليها..
الدكتور:
ــ ماتخفش وخليك شديد.. العمليات دايما تطول بالشكل دا..<< كان يواسيه بينما الحقيقه المره.. عمليه اجهاض جنين سوسن صايره صعبه مع التسمم و لأنها بكر ..
هشام مو مرتاح لكلام الدكتور يحسه خافي شي عنهم..
راح سال الرسبشن عن طبيبة النساء والولاده اذا داومت لو لسا..
خبره انها بعد ساعه تداوم..

هشام افتقد علا .. مايدري وين هي .. خاف لايكون صار ليها هي شي بعد..
راح جهة انتظار الحريم.. ورن عليها رنه..
علا غافيه عيونها مانتبهت..
هشام اتصل .. انتبهت علا على الجوال ومن التعب ماتدري منهو المتصل اصلا.. ردت وصوتها مبحوح من النوم:
ــ الوو..
هشام بتوتر:
ــ وينش ؟؟
علا انتبهت: ــ هااا..
وصارت تطالع حوالينها..
ــ في .. في انتظار النساء..
ــ طيب .. خلاص..
ــ صاير شي ؟؟
ــ لا بس طمنتيني .. مادريت بش وين رحتي..
علا ارتبكت:
ــ مشكور هذاني بطلع..
سكرت الجوال وطلعت.. ولأول مره توقف قدامه وتكلمه مباشره:
ــ ويش صار على سوسن..؟؟
هشام يطالع في الأرض و اعصابه تلفانه:
ــ في غرفة العمليات..
ــ.. ياربي .. ماتشوف شر ان شالله
وتركت هشام وراحت على طول لأبوها.. اللي لقته قاعد عالكرسي قريب من غرفة العمليات..و ضام كفوفه وحاط لحيته عليهم وقاعد يهز ..

قعدت جنب ابوها وصارت تواسيه وتخفف عنه.. ثاني مره تشوفه بهالحاله.. شريط الذكريات يمشي بها للورااء للماضي .. لما فارقتهم امها المرحومه.. وتبهدلت احوال ابو مالك.. نفس المشهد ينعاد..
قلبها مو متحمل تحسه مقبوض.. وفي داخلها تدعي لسوسن تقوم بالسلامه..


تابع<<

عادل نايم ..وكان له صديق يحبه ويستانس يلعب وياها .. الرجال متين ..قعد من فجر الله وزهقان حده ينتظر متى يصحى عادل.. ويوم شاف عادل ما قام....
وقف على راسه وصار يحاول يقعد فيه..
ــ عادل قووووووم قوووووووم..
عادل معصب :
ــ ماااناااا
ــ اوووه قوووم نلعب الصيييده
ــ اووووووه فارققققق بانااااااام
ــ زين تيل
ــ الحححححق امك
الصبي مصمم عاللعب ..
ــ مانى مانى قوم قوم..؛؛<< وهو يهز في عادل
عادل يحس روحه مره تعبان ودا قاعد يأذيه ويقوم له بلا وعي ويسطره كف ..
الرجال حمق وصار يصيح:
ــ الااااويه تطقننني ..
عادل رجع انسدح وعطاه ظهرره..:
ــ باشااادخ بك بعددد مو شفففت روحككك متييين تفكررر بتقدررر علييي
هو خلص كلامه الا يحس ثقل فوقه يكتم على انفاسه..
قعد فوقه صديقه عناد ..
عادل وعيونه شوي وتطفر :
ــ آآآآآآآآه .. ققققووووووم عنننني
..
ولا عنده فيها زايد بالضغط ويرجع على ورى بثقله كله..
عادل خلاص صار احمر:
ــ باا.. باااا موووووووووت... قوووووووم..
ــ مانى قايم لين تقول بلعب وياك..
ــ بلعببببببب ..
ويقوم عنه .. هو مامداه يقوم ما حس بالدنيا عاجله عادل ببقس حد ماعنده على عيونه..
دور راسه وخلاه يقعد.. وتجمعو القاعدين عليهم من صرخته من بعد الضربه..
وتبتدي الفوضى..
عادل مطنش الوضع ورجع بينام..
ولا يسمع الا واحد ثاني يحن:
ــ طفوووو الليت.. طفوو الليت..
عادل :
ــ اسسسسسسسكت ابغى انااااام..
ــ شلوون تناام والليت مولع..
ــ أي لييييييت مافي لييييييت مولععععع؟؟
ــ اكوو في النافذه ياخبل
عادل حمق:
ــ مالخبلللللللل الا انت هذي الشمسسس يا اطرررم..
ــ طفيها زين..
ــ كيفا اطفيهاا..اسسسسسكت لا اعطيك بقس انت الثاني..
ــ مانى مانى طفيهااااااااااا
هو مصخها صريخ
عادل تولاه .. شدخه شدختين وسكته..

شوي .. وكأن هالصبحيه كلها عناد في عادل .. ماينام يعني ماينام..
مايسمع الا واحد ثالث .. حاضن مخدته وقاعد يحن:
ــ سعدووووووو... سعدووووووووو
عادل :
ــ لااااااااااسععععععععدك ررررررربي << متعود على امه ودعاويها وسوالفها..
ــ سعدووووووووو
ــ اااااااااااااه اسكت باناااااااام..
ــ وديني لسعدوووووووو...
ــ منهههههههي سعددووووووو...
ــ حبيبتي..
عادل :
ــ يوووو زيي بس انا مو سعدو.. انا زنبو
ومسك مخدته وصار يون هو الثاني..
ــ زنبوووووووو
ــ سعدوووووووو..
ــ زنبوووووووووو
ــ زنبوووووووووو
ــ يلعن شككككككككلك لا تققوووول زنبوووووووو .. سععددددو حقك انت قووول سعدددو وانا زنببووو..
ــ دلااااالووووووووو
عادل : ــ منهي ددددددددي دلاااالللو
الرجال بحزن: ــ نفسها يوم كبرت..
عادل مستغرب:
ــ مادرررري ويش اسم زنبووو يوم كبرررت..
الرجال يعطيه راي:
ــ سميها .. فتحووووووو
عادل شلق البوز شبرين..
ــ زين..
وبدى يون:
ــ فتحوووووو.. زنبوووووووووووو ... سعدوووووو دلاااالووو
ــ هييييييه تشه كلهم لك؟؟
عادل : ــ اييييييييه..
ــ مو علي كيفك..
ــ على كيفففففففي
ــ قلت مو كيفك..
ــ بتسسسسكت لاااا..
ــ مااانى ساكت..
ويقوم عادل ويدوس ببطنه..

هالصبحيه عادل ماخلى واحد ما راقع به.. لين قام الصريخ وزادت الحاله سوء.. جا الممرض الفلبيني يركض.. لقى الوقعه قايمه.. اللي مبقس واللي يصيح واللي منسدح ويون..
وبس عادلو قاعد عالسرير حاضن مخدته ويون:
ــ زنبووووووو..
الفلبيني:
ــ ايش في؟؟
واحد من المطقوقين يأشر على عادل:
ــ طقنا كلنا ..
الفلبيني فتح عيونه:
ــ مشكل..
راح اشتكى عليه عند ادارة المركز.. خذو عادل وقررو له عقوبه تأديبيه.. الحبس يوم كامل في غرفه انفراديه..

انتهت العمليه...
طلع الدكتور..وهو... متوتر !!
ابو مالك واعصابه مشدوده..
ــ بشر!!
الدكتور بأرتباك:
ــ الجنين تخلصنا منه.. بس المريضه.. دخلت في غيبوبه.. وراح ننقلها لغرفة الأنعاش...
علا من سمعت طاري غرفة الأنعاش .. شهقت شهقه..
هشام تنهد من قلب و حط ايده عالجدار..
ابو مالك ولا حركه.. كنه جبل واقف .. مايهزه ريح...


قعد علي من النوم.. الساعه كانت 8.. انتبه من الممرضه تقيس الضغط لليلى..
علي:
ــ ها سستر .. كويس؟؟
ــ ايه تمام..
ــ شكرا..
ــ عفواا..
وطلعت الممرضه
علي يسوي روحه ماهو متهم في ليلى وزعلان من حركتها ..
ليلى حاسه عليه وفي قلبها حره .. مهي طايقه روحها نهائيا.. وبصوت مبحوح:
ــ علي..
علي بهداوه وبدون مايطالع فيها:
ــ نعم..؟؟
ــ علي .. سامحوني ياخوي والله غصبن عني..
ــ خلاص انتهت السالفه
ليلى انحدرت دمعه من عيونها:
ــ سامحوني .. كنت مو في وعيي الله يجازي اللي كان السبب..
ــ خلاص قلت لش..
ــ خذلني.. ماتوقعتها منه.. واني اللي ما خنته في لحظه.. << قالتها بنبره متكسره وغطت وجهها بكفوفها وصارت تصيح
علي عورت بقلبه اخته قام ليها وضم راسها وصار يمسح عليه:
ــ خلاص خيه.. انسيه.. من عافش عوفيه.. خليه يولي.
ــ ان شالله..
ــ هدي بالش باروح اشوف اذا بيطلعوش اليوم لو لا .. وبرجع..





ابو مالك حس ان قعدته ويا هالحاله ماليها فايده... وبهدوء:
ــ برجع البيت .. مشينا علا.. وانت هشام روح شوف عمرك بتنام لو بترجع البيت
هشام مستغرب من تحجر ابو مالك :
ــ انا مابرجع بظل ويا اختي..
ــ براحتك.. مشينا علا..
علا الود ودها ماتخلي سوسن بهالحاله.. بس ماتقدر تقعد لحالها وياها..
علا: ــ الله كريم .. تقوم بالسلامه..
ومشت ويا ابوها..
وتلاقو عند الرسبشن هو مع علي ..
ابو مالك ينتظر علي يتباعد على شان بيعطي الرسبشن اجر العمليه وبيسأله مين الدكاتره المناوبين وشلون التكاليف في غرفة الأنعاش...
علي كان يدفع تكاليف علاج ليلى و يسأل الرسبشن:
ــ امجد عبدالكريم آل ... اقدر ازوره الصباح
الرسببشن ــ ايه ياخوي لكن على الساعه 10 ..
ــ اهاا.. خير ان شالله.. طيب ليلى آل .. تقدر تمشي الحين؟؟
ــ راجع الدكتور اللي مشرف على علاجها .. ويعلمك..
ــ طيب .. مشكور..

ابو مالك.. حس رجوله تخشبت.. وقلبه انقبض.. يوم سمع الأسم..
علا ماتعرف علي .. مافي حياتها شافته بس تسمع عنه ..
وماليها بالته ويش كان يسأل..
ابو مالك:
ــ اوقفي هنا دقيقه..
ولحق علي:
ــ يا خوي.. لحظه..
التفت له علي اللي كان رايح يشوف الدكتوره اللي اشرفت على ليلى..
علي بأرتباك:
ــ نعم .. يابو مالك..
ابو مالك توتر:
ــ ينعم بحالك.. تعرفني؟؟ مين انت؟؟
علي ابتسم:
ــ انا علي حسين آل ...
ابو مالك مو عارفنه.. قام علي عطى ابو مالك ضربه في الصميم..
ــ ولد اخت عبدالرحيم آل ..
من قال علي الأسم الثاني .. ابو مالك خلاص صار الكلام وياه يقطع تقطيع.. ويتذكرهم في الحلمه وويش كان حالتهم..
وبصعوبه سأله..
ــ امجد....... سمعتك تقول امجد.. امجد اخوي ماغيره.... والا واحد ثاني..
علي :
ــ لا .. امجد اخوك.. ولد العراقيه..
ابو مالك يحس نفسه في حلم..
ــ وينهو... امجد,,,؟؟؟؟
علي يأشر بأتجاه الغرفه:
ــ آخر غرفه على ايدك اليمين..
ابو مالك والقلق بادي عليه:
ــ طيب مشكور..
علي والفضول ماكل قلبه ويتمنى ابو مالك يزور اخوه:
ــ العفوو ياخوي..
ومشى عنه..
ابو مالك رجع جهة الرسبشن.. ويحس روحه مايسمع شي غير صوت مرت ابوه.. صوت صياحها وهي تترجاه يرفق بحالهم.. وشكل امجد وهو صغير والبؤس اللي عيشه فيه.. يذكر الحريق اللي كان سببه في بيتهم.. عجلة الماضي تسير به وهو راجع الى بته..
بهدوء .. سأل الرسبشن:
ــ سمعتك تقول الساعه 10 فيه زياره
الرسبشن : ــ ايه نعم..
ابو مالك:
ــ علا.. اذا تعبانه روحي انتظار النساء.. بظل هنا للساعه 10
علا مهي فاهمه ويش صاير .. وليش غير رايه.. ماليها الا تسمع كلامه.. وتروح تقعد هناك...
الى الملتقى..

جزء حلوو وحزين وكشوخ

يالله ابو ماللك دري عن امجد واخيرا

ننتظر البقيه امورررررر بفارغ الصبرررررر

موفقين

,,,,

واااااااو إبداع يصيح الجزء

بس اللي ضحكني من قلب عادل ههه

بالانتظار وبقوووووووووة الساعة 10

الله يعطيك العافية أختي ...

أجل ابو مالك بيروح لحميد ..أقصد أمجد..
عدل.......
وأخيراً صحا الضمير النائم..
بعد ويش..
بعد ماطلعت الحوبة في أهله..
إن الله يُمهل ولا يُهمل..

يعطيك العافية غناتي أميرة.....

هههههههه اي مفهية طلعت عدللللللللللللللللللللل..

موفقة يارب..

اللهـ الجزء مررهـ حليووو

يصلموو اموورهـ

لاعدمناس

أخيرآ أحد ررفق بحآل حميييديي وهـ يآآقلبي
شكلك إلآ بتذبحي أبو مآلك بهالمصآيب أميروه هآ .. خله أحسسن هع
يسـلمو ع الجزء
بالانتظـآآآر

لاتعليق بس جزء ثاني

يسلمو

بانتظار الجزء

البارتات حلوه وحزينه

تسلمي


مسكينه ليلى اصدمه كانت قوية واجد

وان شاء الله سوسن ماتموت حرام مسكينه


وتسلمي

بالانتتظاررر

أخيرا اهتز الجبل مابغينا

بزور الفقير المسكين المرمي بين الحي والموت

كسرت خاطري سوسن الله يعوضها ويقومها بالسلامة<<<<<< متأثرة الاخت

عادلوه قتلني من الضحك ويش جيب زينب لفتحيه هههه الله على نعمه العقل

بالانتظاآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآر

خخخخخخخخ
رووووووووعة الجزء

ويلي ع عاااادلوووه يقتل

بإنتظار الجززززء الجااي

بسم الله الرحمن الرحيم

اللهم صل على محمد وآل محمد

وعجل فرجهم

جزء كشوخي

تسلم الايادي

بالانتظار