جيبو
عرض للطباعة
جيبو
الجزء
بدون
صالحو
وبالانتظار
اذا الجزء فيه صالحو اقطعيه ومسحيه
وسوي جزء ثاني:wink:
والانتظار بموتني
با الانتظااااااااااااااااااااااااااااااااااااااااار
ونحن نننتظر
بالإنتـــــــــظار
أموره وينك طولتي عليناااااااااااااااااااااااااااااااااااااااااااااا ااااااااااااااااااااااااااا
بالانتظاآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآر
جاري الانتظار..
وكلنا شوق ..
موفقة يارب..
مرحبا
ماعليه تأخرت..
كل تأخيره فيها خيره..
ويش فيكم مسويين مظاهرات على صالح
يمكن مو هو؟؟
ولو هو؟؟
ليش اول خاين بالدنيا..
:wink:
اليكم اليديد..
الحلقة 47 ..
بعد اسبوع..
ابو عدنان :ــ ها يا ابو مالك .. كن مضى اسبوع كل هذا تفكير .. ويش ياخوك اذا ماليها رغبه فيني يسهل الله علي وعليكم .. ولو اني طامع بقربكم مابحصل احد احسن منكم..
ابو مالك منحرج من اخته اللي مصختها.. وهو ماقصر سأل عن ابو عدنان في كل مكان.. غير انه صاحبه من قبل ..ويعرفه حق المعرفه..
ــ ياخوك خير ان شالله اشوفها وما يصير خاطرك الا طيب ..
ــ عساه خير .. ولا تستحو اذا صار نصيب .. اذا تبغى حفله والا أي شي .. مايردكم الا لسانكم..
ــ عساك سالم .. وان شالله خير..
بالصدفه رساله جت لابو مالك.. فتحها الا هي اخته سميره
ضحك ابو مالك:
ــ ما شالله عليك ,, من الطاري .. اكي رسلت .. تقول موافقه.. على بركة الله
ابو عدنان بطير من الفرحه..
ــ الف مبرووك علي وعليكم لو ادري من زمان جيت
ــ هههههههههههههه الله يبارك فيك .. غربلك الله ولا اول مره..
ــ تعبت ياخوك من الشحططه والوحده ذبحتني..
ــ عساه خير والله يسعدكم..
ــ يارب..
سميره.. ولأول مره.. تروح جهة غرفة سوسن.. وكانت معاها علا..
طقت الباب..
علا بعفويه..
ــ ادخلي تريزااا...
سميره دخلت وبهدوء :
ــ مو تريزا
سوسن كانت منسدحه .. قعدت مذهوله اول مره سميرة تركب ليها غرفتها من جت ليهم...
علا اعظم منها ذهول ... سميره جايه ليهم فوق؟؟
علا: ــ اسمحي لي فكرتش تريزا
سميره تسحب كرسي التسريحه وتقعد وهي مرتبكه..
ــ لا .. عادي..
علا مليون الف استفهام وتعجب فوق راسها.. ويش صااااير؟؟
هدووء ..
سميره: ــ الظاهر بخرب عليكم قعدتكم..
سوسن :ــ لا ويش دعوه.,,
سميره : ــ من دخلت وانتون ساكتين..
علا : ــ هاا.. لا بس اني كنت احوس وسوسن منسدحه.. ساكتين من قبل..
سميره :: ــ ايه.. زين..
سكتت شوي..
بعدين بتوتر صارت تحوس في بلوزتها.
ــ لا بس .. بقول ليكم.. اني وافقت على ابو عدنان..
سوسن بعفويه ..
ــ كلووووووش الف الف مبروك
علا منذهله.. وبابتسامه.. :
ــ وااااااااااااااو الف مبروووك عمتي ..
سميره مستحيه ومرتبكه.. وتصطنع اللا مبالاه..
ــ الله يبارك فيكم..
علا بفرح:
ــ الله من زمان مادخل بيتنا عرس .. افادي بعرس .. عمه سوي حفله تكفي..
سميره مرتبكه..
ــ تتوقعو..
سوسن : ــ اييييييه ليش لا ويش ناقصنش عن البنات..
سميره بنبره متكسره:
ــ البنات!!
سوسن بهداوه:
ــ ايه البنات.. انتين بنيه .. والله جاب لش نصيبش .. لزوم تستانسي ونستانس وياش..
سميره بأبتسامه صفرا:
ــ اللي يسمعش تقولي هالكلام يفكرني بت العشرين مو بت الأربعين..
علا وسوسن سكتو,,, مو عارفين ويش يردو..
سميره :
ــ ايه الحمدلله على كل حال ,, المهم الله عوض صبرنا وان شالله يكون ابو عدنان خير لي ..
سوسن بابتسامه:
ــ ايه .. كل تأخيره فيها خيره,.. ويارب كل خير...
علا :
ــ عمه لا تقللي من قدرش.. والله انش غاليه وعزيزه .. ولافي كلام ثاني .. حفله بنسوي يعني بنسوي..
سميره تلونت:
ــ ماليها داعي,,
علا راحت جهتها ومسكت ايدها..
ــ نبغى نفرررح.. وبرسل لمالك الخبر اذا يقدر ينزل البلد يومين على شانش ..
سميره:
ــ لا تأذيه خليه مقابل دراسته..
ــ عمه.. منتين اذيه..
وصارت علا ترسل لمالك..
سميره قلبها بطق بسرعه...
وصلت الرساله لمالك .. عشر دقايق واتصل
علا بفرح:
ــ قاااااااااااعد.. فكرته نايم..
وردت:
ــ الوو يالقاااطع.. لويه سهرااان لهالحزه
مالك ميت ضحك:
ــ الهوليدي اليوم .. اليوم سبت ويش فيش
ــ يوووو ههههههههه صح نسيت..
مالك:
ــ ويش هالخبريات الحليوات اللي وصلتني ,, ياخونه خلصتو كل شي
ــ ههههههههههه لا لسا باقي التحليل .. تقدم وهي وافقت
مالك : ــ كلووووووش...
ــ ههههههههههههههه حشا مليكه مو مالك
ــ وجهش بعد ماقلتي ملاك... وين هي .. قريبه منش ؟؟
ــ منهي .. ملاك لو مليكه...
ــ هههههههههه علوه عن اللعانه وين عمتي ..
ــ هههههههههههه هذي هي..
ومدت الجوال عليها
سميره صار وجهها احمررر’’ وعقدت حواجبها:
ــ مابكلم.. سلمي عليه
علا رجعت السماعه..
ــ تسلم عليك ماتبغى تكلم,,
ــ افااااااا لوييييييه ماوحشتهااا
علا تنقل ليها الكلام
سميره ابتسمت:
ــ وحشني هو ونحاسته.. بس مابغى اكلم,,
مالك صرخ:
ــ اهوووووو قولي ليها بلا دلع بنات.. وبسرعه جيبيها...
علا تنقل ليها الكلام..
سوسن ماتت ضحك,,
سميره تلونت.. خذت الجوال:
ــ الو..
ــ هلااااااااااااا هلا بالرقه هلااااااااااا هلا بالعروووس
ــ هههههههههه مالكوه استحي على وجهك عييييب
ــ ههههههههههههههه بعدش على هالعيب ..
وصار يتعيلف فيها:
ــ بكره ويا ابو عدنان مافي شي عيب
سميره فتحت عيونها:
ــ مالكوه.. قلة حيا.. استح على وجهك..
ــ ههههههههههههههههه فديت الحياويه.. الف مبرووك يالغاليه .. منه المال ومنش العيااال >> نسى انه مايجيب ولاد..
سميره بأبتسامه بارده:
ــ ايه.. تسلم...
ــ عطيني علوه..
خذت علا السماعه تكلم اخوها اللي سالها عن ابوه وسوسن اخبارها واخبار الحمل وياها وويش مسووين ...
وطلب منها بس كل شي يضبط واوكي يعطوه خبر حق يحاول يرتب جدوله وينزل البلد كم يوم على شان خالته...
ولما خلصت علا المكالمه.. صارت تصفق وتغني.. وسوسن وياها:
ــ ولااله الا الله .. على العروس ماشالله هلا هلا
سميره مهي متحمله الموقف .. لأول مره تحس روحها موجوده بالحياه وليها قيمه.. وان في احد يفرح وياها ويشاركها ..
بعفويه طغت الدموع في عيونها ..
سحبت نشافه و ومسحتهم بالسرعه
سوسن وعلا لاحظوها بس طنشو لا يحرجوها..
يعرفوها عزيزة نفس وقويه وماتحب تبين لأحد أي مشاعر ولا أي عاطفه...
ريما مع امها وابوها في الصاله...
ام علي :
ــ وين اختش ليلى ..؟؟
ــ وينا بعد في الغرفه فترة الحداد ماخلصت
ابو علي حمق فيها :
ــ استحي على وجهش يابنيه..
ريما عصبت : ــ خلها هي تستحي عايشه على ذكرى واحد ميت وجاينها نصيبها وترفسه وتتدلع..
ام علي : ــ ااااخ منش ومن هدرتش اللي ماتخلص ..
ريما : ــ واني الصادقه حاصل ليها رجال مثل مؤيد في هالزمن.. ولو انه كان متزوج.. خسااره بس ما يبغاني
ابو علي يشدخ بالعكازه :
ــ اهو.. اهو اهو.. دلوني وينهي خلني الاعب بدنها بهالعصاه... استحي يا بنيه..
ام علي : ــ ايه.. وين يستحو هالجيل .. لول حنا طاري العرس يخلينا مره ندوب دوبه وهديلا مصفعين ياكافي الشر من هالزمن..
ابو علي : ــ وفاني شي كبير عليش وايد..
ــ ويشو فرق 12 سنه .. عادي..
ابو علي يرمي عصاته بجهة الصوت..
ريما تتفاداها:
ــ ياااااااااعلي صعايده مو اهل .. كل شدخ ومشادخ..
ابو علي بيقوم :
ــ هدوني عليها قليلة هالحيا دي .. هدوني..
ريما هربت الغرفه وسكرت عليها الباب.. وهي تنافخ وميته ضحك.. والتفتت لليلى اللي كانت تقلب بقايا اوراق وذكريات..
ريما بحمق :
ــ باموت.. قهررر .. طلع من خشمي دخااان..
ليلى ببرود وهداوه:
ــ ثور ؟
ريما بسخريه: ــ هي هي هي .. تعرفي تستظرفي حضرتش..
ليلى ما ردت عليها و رجعت تقرى في الدفتر..
ريما تتعيلف :
ــ اقري .. اقري ذكريات روميو الحبيب .. الله لا يبلانا.. والا وحده يحصل ليها رجال خوش فله ... وتقعد تنحب على واحد خلاص ما بيرجع..
ليلى جتها غبنه:
ــ الخوش فله اخذيه لش..
ريما صفقت صفقه قويه وفردت ايدها بقهر وهي تشبر:
ــ موووووو ماااااااايبغاااني لو يبغاااني انحلت المسأله..
ليلى ببرود:
ــ بايخه..
ريما تطالع في المرايا:
ــ ويش ناقصني .. والموضه الحين ياخذو الصغيره ويخلو الكبيره..
ليلى تنهدت وسكرت الدفتر..
ــ لوعتي شبدي..
انسدحت وتغطت..
ريما :
ــ نامي .. يا خيشة النوم والنكد.. ما يلوع الشبد غيرش ... اصدق ما جفت عيونش من الصياح..
ليلى حاقرتنها وماترد...
ريما : ــ تزهقوووووو .. والله لو ادري لحقت علووه في الميكرو احرسه من النسوان احسن لي ماااااااالت...
قعدت على سريرها وحطت السماعات.. وانسدحت..
تابع>>
ليلى تحت البطانيه.. حاطه ايدها تحت خدها و عيونها غرقانه دموع...
ورحلت للذكريات..
علي : ــ وفففففففف ... وفففففففففف
صالح : ــ طار الورق شوي شوي..
علي : ــ هلكتني دي كل دقيقه اسحب فنتين .. اسحب اربع
صالح : ــ ماتعرف تلعب اونو حق ويه قاعد
علي حمق : ــ مسوا يبغى ليها ذكااء .. الا حظي معفن ..
ويحط ورقه .. وببرود:
ــ حطي يا حظي
ليلى فيها ضحكه .. وترجع تحط له ..ورقة السحب 4
علي فتح عيونه:
ــ داااااااااااااويه خلصووو كلهم عندي ويش مانى لاعب
صالح يدحن ضحك ..
علي ينفر الورق .. وبحمق :
ــ زيا ليهال هاا.. ان شالله اشقهم بعد..
صالح : ــ ههههههههههه ماااااااااالت عليك .. صبر بنغير اللعبه بنلعب بطريقه ثانيه..
ــ مانى لاعب .. بطلت..
ــ ايه انت الصيده وتخب عليك..
ــ هين اراويك .. مفكر بسكت عنك..
ــ هههههه يمه يمه خفت.. ويشب تسوي..
ــ هين..
ويلم علي ورق الأونو ويروح يرميها درام.. >> كانت لصالح
صالح مات ضحك:
ــ ههههههههههههه قسم بالله زي اليهال .. ظررررررريف حدددك...
ليلى طلعت من تحتها وحده بالغلط مرميه وكانت مقلوبه .. عدلتها .. وكان لونها احمر..
ــ ظلت هذي..
علي : ــ اهو جيبيها برميها ويا اهلها....
صالح : ــ يصقعك.. ماعليش جيبيها..
ليلى بين نارين.. :
ــ اهوو عني انت وياه .. برميها واللي يصيدها له..
وترميها ويتراكضو عليها ويتدحنو.. بالأخير انشقت والجزء الأكبر عند صالح..
صالح ميت من الضحك:
ــ هو هو هيييه.. ههاااي ربحنا..
علي : ــ غربال .. دست فبطني عساك ويش اقول..مادري ويش بتسوي فيها عاد..!!
صالح بابتسامه وهو يحرك حواجبه:
ــ مممممممم ويش باسوي فيها.. دقيقه..
ويروح يجيب قلم .. ويكتب عليها..
سأعود يوما.. وكل شوق ..اذكريني .. ولا تنسيني ..
صالح حطها بالمقلوب جهة ليلى..
ليلى شالتها قلبتها وقرت اللي عليها ,, استحت ..
علي فتح عيونه:
ــ ويش كاتب فيها من صاقعه..
صالح : ــ احم ويش لك من شغل .. كاتب لمرتي
ــ هههههههههههههه احلى يا مرتي.. هيه.. تراكم مخطوبين بس.. ولا معقود عليكم.. انتبه هاا.. وخلك سيدا لا يمين ولا يسار
ــ هااا.. تشه ويش باسوي؟؟؟
ــ تلعب وياها اونو .. تلعب وياها الخشه.. طراقين اعدلك..
ليلى استحت وقامت عنهم..
صالح : ــ ههههههههههههههه قلل الله حياك.. صحيح متعيلف .. انشب لا انتفك واستح على وجهك زين..
ــ احم.. على امرك عمي..
ــ ايه.. مخاوي بليس ..
ــ هههههههههههه خاواك جني مو انا مخاوي بليس..
علي يرجع للسالفه:
ــ اقوول لا تغيرها .. مامن مفر .. جيبي باشوف ويش كاتب..
ليلى عطته الورقه...
قراها..وصار يدحن ضحك:
ــ ايوا ايوا... يصقع الأونووووووو... يصقع الرومنسيه
صالح : ــ كح كح ويش على بالك ؟؟
علي : ــ ايه .. فشلتنا.. الناس يكتبو على ورق على ورود على حركات وانت على ورقة اونو منشقه
صالح : ــ لا تغلط .. حمرااااااااااااا ,, وهذا يكفي للرومنسيه
علي : ــ برميها..
ليلى بعفويه صرخت:
ــ لااااااا
علي نقز: ــ ههههههههه بسم الله.. خذيهاااا
صالح استحى:
ــ ايه مفكر الناس زيك جلفين..
علي : ــ الله يعيني عليكم يالرومنسيين.. قوم بس نطلع
ــ وين بنروح..
ــ أي مكان..
ــ زهقااان..
ــ الا لصقة ريح ولا تشبع .. لاااااااااااحق على المقااابل قووم نطلع ضايق بالي
ليلى استحت ودخلت غرفتهم.
صالح فلص علي:
ــ يا متعيلفووه يا نحيسووه... اللي يسمع مانا وياكم 24 ساعه.. اراويك لكن.. امش بس ..
انتبهت ليلى من سرحانها المعتاد على صوت بابهم يطق شوي شوي..
الا هو علي..:
ــ نايمه؟؟
ريما تتحمق :
ــ لا قاعده تندب الحال
علي تنهد .. وقرب منها كانت مغطيه جسمها كله بالبطانيه.. قرب منها وكشف راسها لقاها ضامه المخده وخاشه وجهها فيها..
صار يمسح على كتفها وشعرها..
ــ خيه مهي حاله دي .. مايصير تدفني روحش بالحيا.. اللي مات الله يرحمه والحي ابقى من الميت..
ريما :
ــ تعبت منها.. لساني تقطع من الهدره مايفيد..
قعد على جنبها.. وانتبه للدفتر
شاله وهو محمق:
ــ انا هذا اللي برميه درام
ليلى قامت بلا وعي وصرخت:
ــ لااااااااا.. جيبه
خطفته من ايد اخوها وصارت تصيح,, علي عصب عليها:
ــ لا والله دي مهي حاله.. انا الحين جاي بسألش عن رايش .. وويش فكرتي للحين..
ريما : ــ خخخ خخخخخخخخ أي راي .. المكتوب مبين من عنوانه
علي بقهر:
ــ مين كلمش انتين؟
ريما : ــ وففففف وانتون كل تسكتوني وكل تشابقوني ماكني اختكم مالت عليكم
وقامت طلعت عنهم..
علي بهداوه:
ــ ياخيه مؤيد مافي منه.. رجال والنعم فيه.. مدرس و شقته موجوده في بيت اهله وحالته مستوره والأهم ملتزم واخلاق ..
ليلى سكووت ..
علي : ــ ردي علينا زين .. ايه لو لا.. حرام نخلي الرجال معلق كذا .. مايدري تبغيه لو ماتبغيه.. والله شفته اليوم حسيته يدور الرضا لأرضى.. مو عارف ويش يسوي لي .. كل دا على شانش..
ليلى ابدا ماكن علي موجود في عالم اخر..
علي بعصبيه..
ــ وبعدين .. كني اكلم روحي .. والآخير..
ليلى بهدوء متقطع:
ــ مابغاه..
علي بذهول: ــ ليش عااد.. ويش فيه من عيب حق ترفضيه؟؟
ليلى وانفاسها مخنوقه:
ــ مابغاه ولا ابغى غيره..
ــ حرام هاللي يصير حرااااااااام .. بتموتي روحش بالحيا .. خلاص عاد عيشي حياتش ..
الا جوال علي يرن .. وكان عبدالرحمن..
ــ هلاااا حمنّوووه اخبارك .. ايه... زين ربع ساعه وانا عندك.. حياك..
سكر الجوال والتفت لأخته..
ــ فكري اكثر .. ولا تستعجلي .. بطلع الحين ويا عبدالرحمن ..
طلع عنها... وطلعته من البيت صادف اشرف ..
وبعد السلام والسؤال عن الأخبار..
اشرف بعفويه:
ــ الا ويش اخبار بيت خالك .. من تركهم جاسم ماليهم حس
علي : ــ الحمدلله على كل حال الله يعينهم ويصبرهم..
ــ رحم الله ايام عادلوه بعد والتعيلف ..
علي : ــ وين هو صحيح؟؟
ــ خذوه الجمعيه .. اشتكو عليه ناس اذى العالم ضرب وتشدخ وماخلى سياره الا شلخها بحجر..
ـــ الله يعين امه ويساعدها..
ــ الا متى زيارة جاسم؟؟
علي مستغرب:
ــ اللي ادري به كل شهر مره والحين باقي اسبوع تقريبا و يمر عليه شهر .. لويه..؟؟ بتزوره؟؟
اشرف يحك راسه:
ــ مممممم افكر اخذ حجي عبدالرحيم واروح وياه
علي ابتسم ابتسامه عريضه..
ــ يعطيك العافيه انا متفق ويا خالي اول زياره باروح وياه...
اشرف واماله خابت..
ــ ايه.. عساه خير .. المهم ياليت لو تعطيني خبر قبل لا تروحو حق اروح وياكم
علي : ــ خير ان شالله.. كم رقم جوالك..
وخذو ارقام بعض .. ومشى علي عن اشرف..
اللي كان بليس يلعب في راسه..
ــ ووووووففففف ولد عمتها .. و ما يعيبه شي .. وثنينهم على قد حالهم.. ياربي .. لا يكون ابو جاسموه من اللي يتبعو المثل .. دهنا في مكبتنا.. لا بالله بينكت دهني لو طرتي مني يازينب..
تابع<<
علي مع عبدالرحمن في مطعم...
عبدالرحمن بسعاده بالغه:
ــ الحمدلله عرفت التكاليف واحكام التقليد و بديت اقرأ في المسائل المنتخبه لعل وعسى اتثقف اكثر واكثر..
علي بسعاده: ــ الله يكملك بعقلك ويعطيك على قد نيتك.. ياخوك شباب منا ما يعرفو شي من التكاليف ولا احكام التقليد حدهم مين تقلد وبس ..
عبدالرحمن منذهل :
ــ والله !!
علي بأسى : ــ أي والله.. ويجيك بعضهم يجيب الهم والمرض حتى اسم المرجع اللي يقلده مايعرفه...
ــ ياساااترررر...ليش كذا؟؟
ــ والله ياخوك .. شي راجع ليهم هم اللي بيتحاسبو.. طمني عن اخبارك ويا الدنيا واخبار شغلك..
ــ الحمدلله خبرك اني شاطر في التصميم والحمدلله ماشيه اموري في المطبعه من الصباح الى العصر وبعدها اروح اداوم كاشير في سوبر ماركت ابو شريف ماقصر الرجال ..
علي : ــ ايه.. ابو شريف خيره سابق على الكل ومن عرفك وشاف حماسك و التزامك وهو منعجب فيك..
عبدالرحمن ارتبك وخجل..
ــ ههههههههه اف .. والله من ذوقه ومن طيب اصلكم يوم عرفتوه علي ..
علي : ــ اخوي وعزيز وغالي افا عليك .. منا وفينا الحين انت..
ــ الله لا يحرمني منكم..
ــ ولا منك يارب..
عبدالرحمن بفضول:
ــ ولو اني احس فيك شي ومخبيه علي .. منت على بعضك و متلخبط
علي تنهد:
ــ مالوم روحي اذا عزيتك وحبيتك.. وانت تحس فيني..
ــ ايواا يعني صدق احساسي.. ياخوي فضفض ماحد واخذ منها شي..
ــ اختي يا خوك.. اختي..
ــ خير ..شفيها...؟؟
وصار علي يقص على عبدالرحمن مأساة ليلى عل وعسى اذا ماجاب له حل يكون طلع همه وفضفضه..
كان في الجمعيه ممرض فلبيني .. عادل كل يحط دوبه دوب هالممرض..
الممرض يمهل بين كل كم يوم يجي يسألهم مايبغو شي لو مايعورهم شي .. وعادل متعيلف يوم بطنه يوم راسه يوم ظهره..
وهالمره قام يتعيلف في الممرض:
ــ طششششششششووونه انت من وييييناااااااااا جااايبينك شوووف انااا اطوول منك
الفلبيني صار يضحك عليه..
شوي :
ــ هاادااويه وجهك ششششششخطين نقققطتين شخخخخخط << قالها وهو يأشر على وجهه شخطين العيون نقطتين الخنافر و شخط البوز..
الفلبيني عصب فيه..
ــ خلاااس عاادل ..
ــ ويشووو خلااااس بعد ههههههههههههههه.. لا صحيح شيفااا تشووف وعيووونك كككدااا ؟؟
ويشحط عيونه يسويها زيه:
ــ مااششششوووف اننااااا ,, بلللل عليك كيفااا تشوووف..
الفلبيني حاقرنه.. ويشوف شغله مع البقيه..
عادل:
ــ هيييييييه ماتحقر انت لا سطططااار..
الفلبيني مستمر في الحقران..
عادل يتعيلف..
ــ احححلى مافيك شعررك.. بس تدررري حتى هوو ويييع.. يذكررررني بأشرررفووو
ويحوس في شعره..
ــ هههههههههه الله يخلللي الفلالالالافففل لييي.. اققققوول صددديق قققول ليهم عععااادل افففاااده بفلاااافل..
الفلبيني يوزع ابتسامات.. وطلع عنهم..
عادل زهقان ولا هو عارف ويش يسوي... طلع برى الحديقه.. وصار يتمشى.. شاف خنفسانه سوده كبيره بعض الشيء .. صار يلاحقها ولما صادها اخذ غرشة ماي فاضيه وحطها فيه.. وصار يخرش بها .. لاعبها تليعب وكلمن مر عليه خرش جنب اذونه..
ــ اسسسسسسسمع..
وهو يخرشها واحد من اللي وياه جته نفضه انتفض ..
عادل صرخ فيه:
ــ بسسسسسسم الله الررررحمن عزرررااائيل نفضك شااافك بعدك ماااجى حييييييييينك وخلاك.. << متأثر بسوالف امه..
شوي الا الخنفسانه ماتت ..
عادل صرخ:
ــ وووووووووو يش هالنااااااااايبه خذها عزرررراااااااااائيل مو لو ماااااااااخخخخخذذنك احسسسسسن .. تهي تهي .. خنفساااااانتي..
جمع له كم واحد وراح وياهم الحديقه..
ــ يللاااا بندفنهاا الله يررررحمهاااا
دفنها وحط فوق قبرها عود ريحان..
ورجع يلعب ويا الصبيان..
بعد كم يوم طلعت نتيجة تحليل سميره.. توافق... وفرحو بيت ابو مالك ومعزمين يسوو حفله الأسبوع الجاي.
وصارت علا تتصل على العالم تعزمهم..
اتصلت على بيت ام علي ..
ردت عليها ريما..
ولما قالت ليها الخبر و سألتها عن ليلى..
ريما ماصدقت على الله وبطت السالفه لعلا .. وقالت ليها انها مقهوره عليها بتطير الخطيب ..
ام علي جت ليها:
ــ يلعن الفضايح تكلمي مين ماصااار شي..
وخذت السماعه..
علا :/
ــ هلا خاله اخبارش ..
ــ هلا بتي هذا انتين.. هلا غناتي ويش مسويه..
ــ الحمدلله.. ماعليه الليله باجيكم ابغى ليلى..
ــ يابتي ياليت والله تقعدي وياها وتهديها وتنسيها همها.. نبغى نفرح تعبنا هموم..
ــ ان شالله خاله.. مايصير خاطرش الا طيب
سكرت علا.. والفكر شاغلنها..
ويش بتسوي.. وشلون توصل المعلومه لليلى بطريقه ما تفجعها بها..
وفرضا مو صالح ولد عمتها واحد ثاني وتشابه اسماء..
بس مستحيل.. دمه ملامحه شكله.. مر عليها وتذكر شافته.. مو غريب..
في بيت ابو جاسم..
ابو جاسم في الحمام يسبح .. ومروق وقاعد يغني:
ــ سيسبان الحلو
يا سيسبان الحلو قلبي حنون عليه
واتسحجت من عصر وارمت ابروحها عليه
واتعجفت من عصر وارمت ابروحها عليه
ام جاسم تبغى الحمام.. مستعجله.. وتسمع ابو جاسم يغني كذا.. وتشادخ في الباب..
ــ اخلللص بلا سيسبان بلا بطيخه.. وهون عن هالأغاني لول على النيات نهربد ولا ندري ويش نقول الحين ما تصلح..
ابو جاسم بغاها من الله تفك نكدها ووتعيلف..
ويكمل الأغنيه وهو يصفق:
ــ واتلبست من عصر وارمت ابروحها عليه
واتخضبت من عصر وارمت ابروحها عليه
زينب فاتحه عواينها برى..
ــ ووووويش يقوول ابووووووي
ام جاسم تشادخ في الباب:
ــ حررررررررررريقه.. خلااااص
ابو جاسم:
ــ تغاري من سيسبااانوو..
ــ غاارت عليها دبااابه.. يللا اطلع..
ـــ ولا مافي الا هالحماام روحي الفاني..
ــ مابغاه ابغى اسبح اني..
ــ وانا افكرش طوارئ ومستعجله.. صبري اخلص تسبوحتي تالي دورش..
ويكمل اغانيه:
ــ يا سيسبان الحلو قلبي حنون عليه
ياليتني اميمته امشي واسمي عليه
ياليتني اخويته امشي ابارك و عليه
ياليتني امريته امشي واهمز عليه
ام جاسم وصلت حدها..
وطرااخ تشوت الباب..
ابو جاسم طلع من الحمام:
ــ ههههههههههه من الغيره ياحلو.. ماغيرش سيسبانوو
ام جاسم مستحيه وفيها الضحكه بس تسوي روحها وتكابر..
ــ اهووو عني...
ودخلت الحمام ..
زينب تضحك على ابوها...
ابو جاسم:
ــ يؤ .. برى تتصوخي هااا..
تلونت زينب..
ابو جاسم : ــ الله يسعدش ويبلغنا فيش..
زينب في بالها: ــ ويدوم عليك هالروقان يارب..
شوي الا بصرخة ابو جاسم:
ــ وخناااااااقه قايل ما اطلع من الحمام الا مبكره القدووو
ام جاسم تصرخ داخل:
ـ متسبح ويبغى يتعطررر
ابو جاسم:
ــ سكتي فضحتينا .. اهوو بس اطلع احسن لي.. بتروحي وياي..؟؟
زينب : ــ ويناا؟؟
ــ وينا.. يعني ويناا انا اخذش عادة..
زينب : ــ ايه .. ايه باروح من زمان مارحت..
ابو جاسم :
ــ ام جسوم نتانيش لو لا
ام جاسم:
ــ لا روحو.. نعسانه اني بانام..
ــ نايبه الا خيشة نوم..
وطلع بيروح بيت اخته..
اشرف كان يطالع في النافذه.. من الزهق في الرايح والجاي.. وبس شاف ابو جسوم يتمشى ويا زينب من بعيد ..
نزل بلا وعي يررركض من غرفته .. ويطلع من باب البيت ولا ينتبه للدرج عدل .. نسى درجه
وطرررم طرااااخ على وجهه
الى الملتقى..
خخخخخخخخخخخخخخخخ
ويلي ويلي
وا فشيلتاه على أشرف لا يكون طاح قدام حينب ؟
وإن شاء الله علا تفهم ليلى عن هالعلة صالح
وسميرة طلعت تستحي وخوش بنية
ههههههههههههههههههههههههههههههههآآآي
أكشن في أكشن ودخل في النص نكد
عدووول حركتآآت لآزم يتعيلف <~~سر سعآدته هع هع
أتوقع شرشفوهـ<~~بل
المهم خشمه بينكسر مسكيييييييييين كل هذآ حب أويلي
حركآت أني أول وحده قريتهآ هآآع
تسلمي يالغلآ ع الجزء الفلته
ربي يعطيك ألف عآفيه
تحيآتون
ضحكوهـ البطه
صبـــــــــــــــاح الخيرآآآآآت ،،
و يا سيسبان الحلو قلبي حنون عليهـ ،،
مرة جخهـ أغنية أبو جاسم ،،
جعبتني عفر << عجبتني نعنو ،،
إلا ما جبتي طاري صالحوه نحسوهـ << أستغفر اللهـ سخطت عليهـ ،،
أدري في البارت الجاي ،،
لكن و اللهـ صدقت أم علوي على بنات هاالأيام ،،
و سمورهـ عاشووو بـ تعرس و أن شاء اللهـ الله بيرزقها ولد ،،
و شراشف ،، هع هع
أحلى شدخهـ بس واللهـ أشتهيت أشوفهـ و هو طايح ،، هع هع
و يا سييبان الحلو قلبي حنون عليهـ ،،
بـ الأنتظــــــــــــــــــار خيتي ،،
يعطيكـ ربي ألف الف عااافيهـ ،،
و سلمت يمينكـ ،،
خااالص التحاااياااا ،،
للدموع إحساس ،،
:signthankspin:
يسلمو خيتو على الطرح الروووعة
بس لحين ماقلتي لينا ويش سالفة صالح؟؟:angry:
روحي تاكيد هذا اي صالح وتعالي قولي لينا زين:bigsmile:
بنتظار البارت اليديد
يعطيك ربي الف عافية
ولاعدمناك يارب
دمتي بفظ الباري
ههههههههههههه
ههههههههههههههههههههه
بصراحة ضحك ووناسة عدل..
بس ليلى الله يهديها..
حزنها حزن عجم..على قولتهم..
وهذي علا شكلها بتخوره عدل..
بقول كل شي..
حتى لو بتتراجع بتزيد البنية..
يعطيك العافية أمور..
موفقة يارب..
انتظر علا تقابل ليلى..
وفي ايدي العصاية أن فتحت بوزها..
ناقصين احنا بعد..>>اوه مجرمة البنت ..
هههههههههه
بطلع بلاهدرة زايدة
موفقة يارب..
حلو الجزء
والحمدلله سميرة وافقت وتطلع اتحليل عدل
وليلى ان شاء الله توافق
واشرف مسكين ان شاء الله مايصيبه شي
وتسلمي على الجزء
بالانتظاررر
لا تطولي
شكرا ع الجزء الروعة
انشاء الله صالح مو حي
وانشاء الله ليلى توافق على
مؤيد الصراحة خوش واحد
واتوقع اشرف بتنكسر ارجوله
واخيراسميرة بتعرس ونااااااااااسه
وانشاء الله بعد ليلى
وتقبلي مروري
تحياتي
فاطمة المعصومة
مرحبا
على فكره... على شان لا احد ياخذ اي فكره
اغنية ابو جسوم وهو في الحمام يسبح
من اغاني اهل لول القديمه..
ومن المتعارف عليه اغانيهم ( وصخه) وفيها ما يخدش الحياء..
زي ماوضحت ردة فعل ام جسوم وقهرها من رجلها وهو يقولها بأنها لا تناسب الوقت الحالي لجهلهم مسبقا بها..
يعني لا احد تعجبه و تصير على لسانه واصير اني السبب في نقلها ليكم..
وهذاني بلغت
لفت نظري رد الغاليه للدموع احساس وحبيت انوه عن هالنقطه :embarrest:
تسلمو عالتواصل حتى التقيكم مع الجديد
لكم مني خالص الشكر
دمتم بخير
وبحفظ الرحمن
بسم الله الرحمن الرحيم
اللهم صل على محمد وآل محمد
وعجل فرجهم
جزء رااااااااائع
تسلم الايادي
موفقة
شيلو صالح
والباقي لا تعليق
يسلمو
والله من زمان ماقريت قريت يمكن 10 اجزاء مع بعض
رواية رائعة يااميرة تسلمييي لنا
وان شاء الله التكملة احلى واحلى ومثل ماقالوا
الباقي نبي ختامها مسك يعني فرح مانبي نهللل دموع هههههه
تقبلي مروري
fatemah
سلمو امورة عللجزء الكشوخ
واني اقرا لفت انتباهي هللغنيه شكيت ان معناها مو زين
من قهر ام جاسم
ننتظر البقيه امور
موفقين
,,,
بااااااااااارت روعه
وفي انتظار الباااااااااااااقي.........
ههههههههههههههههه
الله يسعدك ياأمورة مثل ماسعدتيني على هالبارت الروعة
هههههههه
ويلي على أشرف بيصير وجهه طماطه إذا شافته زينب<<<<<<<< يضرب الحب شو بيذل
ننتظر البارت الجديددددددددددددددددددددددددددددددددد على أآآآآآآآآآآآآآآآآآآآآآآآآآآآآآآآآآآآآآآآحر من الجمر
مرحبا
تسلموو عالتفاعل والتواصل
يللا ياحلوين
اللي عليهم مدااارس
بكره السبت مدرسه..
قومو نامو:wink:
واللي ماعليهم مدارس .. بعد ينامو... :bleh:
واني بعد بنام.. وبقعد قعدتكم الصباح.. بكتب الجزء و بنزله ليكم ان شالله.. اذا الله قدرني ..
موفقين ويعطيكم العافيه
دمتم بخير
وبحفظ الرحمن
اني ما عليي دوووام بكره
الاسبوع الجااااي :wink:
بس بنتظر البااارت بفارغ الصبر خيتو
والله يعطيش العافية
مو طولي علينااا
هآآآيز
اموورة حرام اني قريت كل الاجزاء اللي خليتهم قلت علشان المدرسة مايمدي خليني اتابع عدل
حرآآم حطي اليوم اهئ بكره بننشغل بنروح نشتري دفاتر وخرابيط وبنسوي الطوابع مايمدي اهئ اهئ
مسآآآكين احنا طلاب المدارس مظلومين حتى في الروايات خخخخخخخخخخخخخخخخخ
ننتظرش
حتى أني اللي ما عندي دوام ولا همك الله
أقوم انام يعنو ؟
يللا عشان نقعد الصبح ونصوور حسوني بكرة اول يوم له بالروضة
متحمسة له ومرة وحدة نقرأ الجزء الجديد
الله يعطيش العافية وبالانتظاااااااااااااااااااااااااااااار
اقتباس:
المشاركة الأصلية كتبت بواسطة اميرة المرح
و بـ إنتظاركـ ياالـ غلا ،،
قبل لا يجي وقت الدوام ،،:wacko::wacko:
أحتمال الأحد نبدء و اللهـ يستر ،،
بـ الأنتظار ،،
خااالص التحااايااا ،،
للدموع إحساس ،،
اللهـ ونآآآآآسهـ القصهـ
عجبتني حد الدعسهـ هع
امممممـ
بكتب كمـ توقع اتوقعهـ
اتوقع علا تكون من نصيب هشامـ
وو ساروونهـ من نصيب ابو علووهـ (( علاوي ))
ووو زينب اكيد لشرووفنا هع هع
يلا امووور القمررر ننتظر الجزء الجديد على احر من الجمر
ع ـفكرهـ ترى اني اتابع القصهـ بس من وراء الكواليس هع هع
يلا ثيوووو
مرحبا
جيت ليكم قبل لا ارووح << خوش كلام..
وجبت ليكم الجديد..
مشكورين وما قصرتو على هالوصل الحلو..
للدموع احساس.. يافديتش البدايه اللي اخذتيها هي اعظم شي على فكره :toung:<< بتتكفخ..:nosweat:
بس شي جميل ينوع الكاتب في الماده اللي يكتبها:rolleyes:.. ويتناول اطروحات فيها شيئ من الجرأه الواقعيه
هالجرأه جت في هالأغنيه القديمه اللي مازالت الى يومنا هذا تنقال في بعض الأعراس.. مع الجهل بالمعنى العميق للكلام ... الله يهديهم اهل لول .. << يبغى لي احط اغانيهم القديمه في قسم التراث من غير تشفير:nosweat: >> ايه هين حق تتشفري من الشبكه.. :suspicious:
احم.. ماعلينا :laugh:
تفضلوو حياكم..
والجزء 47
الحلقة 47 ..
اشرف كان يطالع في النافذه.. من الزهق في الرايح والجاي.. وبس شاف ابو جسوم يتمشى ويا زينب من بعيد ..
نزل بلا وعي يررركض من غرفته .. ويطلع من باب البيت ولا ينتبه للدرج عدل .. نسى درجه
وطرررم طرااااخ على وجهه ..
زينب شهقت... وبنفس الوقت جتها ضحكه بس عور بقلبها وصارت تداري ..
ابو جاسم من شافه انشدخ راح له يركض .
ــ بسم الله على عمرك ياولدي قوم قوم.. تعورت؟؟
اشرف مو متعور من الشدخه.. اشرف بيمووت من الأحراج..
وقام وابو جاسم ماسكنه..
ولا رفع وجهه الا مبينه في جبهته الضربه..
ابو جاسم يمسكها..
ــ ويلي .. تورمت.. تعورك..
اشرف يفز على عمره ولا كن شي صار..
وبأحراج:
ــ لالا حصل خير...
ابو جاسم: ــ خير ان شالله .. انتبه مره فانيه ولا تستعجل..
اشرف مره بيموت ويلعن الساعه اللي خلته ينزل فيها ..
ــ ان شالله..
ــ سلم على ابوك..
ــ يوصل ..
ومشى ابو جاسم ووراه بته..
واشرف مره يحس روحه قد النمله ويسب ويلعن في نفسه ياليته ظل فوق ولا طلع..
زينب :
ــ ولا نشوفه الا انشدخ على وجهه..
ريما :
ــ هههههههههههههههههههههههههه ياعلي فاتني
زينب:
ــ حرام عليش عور بقلبي ..
ــ اتحداش ماجت لش ضحكه..
ــ ههههههههه صراحه جتني.. بس بلعتها..
ليلى ساكته بس تسمعهم..
زينب :
ــ ويش صاير ..؟؟
ريما : ــ من شروط الحداد التزام الصمت..
زينب خزت ريما بنظره.. ريما بقهر..:
ــ اف حتى انتين .. اهوو بس..
ليلى بهدوء:
ــ باقوم اسلم على خالي..
زينب :
ــ قومي باقوم وياش نقعد وياهم احسن..
ريما : ــ وراااكم.. عالأقل ناس تسولف...
ما مداها ليلى بتدخل وكانو في غرفة الخياطه امها وابوها وخالها... الا تسمع ابو جاسم:
ــ افاا وليش مهي راضيه؟؟
ام علي بهداوه : ــ ما غير صالح.. رحمة الله عليه .. خبره كدر حياتها وخلاها بهالحاله..
ابو علي : ــ لا ليلها ليل ولا نهارها نهار.. بغيناها تخف وتنسى .. خفت شوي ومن جى مؤيد شاريها اعتفست احوالها ورجعت للهم..
ابو جاسم : ــ انا لله..
زينب تدف ليلى:
ــ دخلي ويش فيش وقفتي..
ليلى دموعها في عيونها:
ــ مابدخل خلاص ..
ورجعت الغرفه..
زينب :
ــ ياعلي ويش صاير؟؟ ويش سمعت..
ريما :
ــ اهوو تزهقو.. بدخل اني وياهم بابسط..
مامداها دخلت..
ــ قواك الله خالي..
ــ هلا هلا بتي .. شحوالش..
ــ حياك الله..
ام علي تبغى تصرف ريما ترجع وياهم ليكملو سوالفهم...
ــ امي ريما.. قومي شوفي عندنا موز لو لا .. نسيت ماحطيت ويا الفاكهه..
ابو جاسم فهم عليها وجت له ضحكه..
ريما ببرود: ــ ماعندنا .. ماشرينا اصلا ..
ام علي : ــ زين روحي شوفي اختش ويش فيها..
ريما بتحمق: ــ ويش فيها بعد كل نكد في نكد..
ام علي :
ــ اوهوو ويا هالعناد..
ريما : ــ قولي افارق ماتبغوني ..
ــ اخيرا فهمتي..
ــ وففففف مادري وين ارووح اني على عمر روحي..
ابو علي: ــ ام لسانين..
ــ اطلع الصاله احسن لي للتلفزيون..
ام علي : ــ احسن لش..
وطلعت
ابو جاسم:
ــ ههههههههههههه مسكينه..
ام علي : ــ الا لساان مغربلنا ومغربلنها..
ــ الله يهديها يارب..
ــ ان شالله..
وصارو يتكلمو عن مؤيد واخلاقه ويفكرو شلون يخلو ليلى توافق..
زينب في الغرفه تحاول تفهم ويش صاير .. وويش فيها ليلى.. بس ليلى شاده على عمرها وسرحانه.. ماشافتها الا قامت فتحت الدرج وطلعت دفتر صغير مسجله فيه ارقام تلفون..
وعلى طول راحت الصاله..
واتصلت..
ريما: ــ يوووووو تتصلي في مين..؟؟
زينب طلعت : ــ ويش صااير؟؟!!
و لا يشوفو ليلى الا ارتبكت :
ــ السلام عليكم..
مؤيد: ــ عليكم السلام...
ــ موجوده ساره؟؟
ــ ايه.. لحظه..
ونادى على ساره..
ساره: ــ مين؟؟
ــ مادري.. خخخخ حلاتي اسأل بنيه مين انتين..
ــ خخخخخ ويش دراني..
وردت..
ــ هلا..
ليلى تحاول تعدل صوتها:
ــ هلا ساره..
ساره بعفويه فرحانه:
ــ هلااا ليلى هلا غناتي..
مؤيد كان بيروح عنده شغله .. من سمع اسم ليلى وقف .. ورجع عند راس ساره يتصوخ..
وبعد سؤال عن الحال ..
ليلى بأرتباك..
ــ ساره.. غناتي.. بقول شي وابغاكم تفهموني وماتزعلو مني..
ساره قلبها حسها.. وبأرتباك:
ــ تفضلي ..
ــ غناتي.. اخوش عالعين والراس.. مايعيبه شي .. رجال والنعم فيه والف من تتمناه.. بس العيب فيني اني ..
ساره جتها غصه وهي تطالع اخوها اللي يترقب خبر حليو من هالمكالمه..
ساره توخر عنه بالتلفون.. هو خاف .. السالفه اكيد ماتفرح..
ساره بهدوء:
ــ ليش يالغاليه؟؟ ويش فيش من عيب .. ؟؟
ليلى : ــ اني انسانه مجروحه عايشه على الماضي..
ريما قامت بالسرعه لغرفة الخياطه:
ــ الحققوووووووووووووووووووو..
ام علي انصرعت: ــ ويش صااااير؟؟
ــ ليلو استخفت اتصلت بيت ام مؤيد واكي تقول ليهم ماتبغى ولدهم..
ابو علي وقف .. ولأول مره يصرخ بحمق:
ــ لاااااااااا لهنااا السالفه مصخت..
طلعو ليها .. لقوها خلصت المكالمه وزينب واقفه ومنصرعه من تصرف ليلى..وفهمت السالفه ..
ابو جاسم طلع ورى ام علي اللي بصريخها لأول مره بهالحال على ليلى.
ــ وين قاعدين حنااا.. سكتناا وايد.. توصل فيش المواصيل تتصلي للناس وترفضيهم..
ليلى سكووت ..
ابو علي صرخ:
ـ وكأني طوف في هالبيت.. لا راي ولا مشوره.. وين قاعدين الرجال جاي ويا اهله وشارينا .. تبيعيه وبهالطريقه.. لا حيا ولا مستحى..
ليلى انفجرت:
ــ لا تضغطو علي قلت ليكم مابغاه.. مابغاه ... وانتون كل يوم هدره علي .. والحين لخالي بعد..
ابو جاسم اثرت فيه كلمة بعد.. وبعفويه:
ــ افااا.. ماتبغيني ادري..
ليلى ارتبكت:
ــ لا مو هذا المقصد.. بس اني تعبانه وماحد يفهمني.. خلوني بحالي مابغاه..
ام علي معصبه.. ومتوتره.. مسكت ليلى من بلوزتها وسحبتها بأتجاه غرفتها..
ــ رووحي.. رووحي عيشي في النكد على طول.. احرمينا واحرمي روحش الفرح.. خلش على ذكرى اللي مات.. وموتي بالحيا وياه.. روحي .. ولا تراويني وجهش..
ليلى تأثرت وايد.. اول مره امها تعاملها كذا..
دخلت غرفتها وسكرت الباب..
ابو جاسم وزينب صارو يهدو في ام علي اللي كانت منفعله:
ــ بتحرمنا الفرح.. مابغينا يجي لينا ونعيش ايامه.. بتقتلنا هالبنيه.. نكدها مو طبيعي..
ابو علي قعد:
ــ انا لله وانا اليه لراجعون..
ابو جاسم:
ــ جيبي لأمش ماي..
ام علي: ــ ولا ادري متى بتفك هالعقده وبيتغير حالها.. مفكره روحها الحين ياهله.. بكره تندم اذا راحت عليها..
ليلى في الغرفه تسمع كلام امها وصياح..
تابع>>
ساره مهي عارفه ويش تقول..
مؤيد:
ــ ساره ويش صاير؟؟ ويش فيش ؟؟ وويش تبغى ليلى؟؟
ساره مرتبكه.. هزت راسها وبهداوه بالكاد تسمع:
ــ رفضت..
مؤيد : ــ ليششش؟؟؟؟؟؟؟!!
ــ تقول ماتقدر ولا بتسعدك.. وعايشه على ذكرى ولد عمتها المرحوم..
ــ يــــــــــــا الله.. يعني انا اللي نسيت المرحومه.. حالها من حالي ويش فيها معقده الأمووور...
ام مؤيد سمعت انفعال ولدها وراحت ليهم تشوف ويش صاير ..
ام مؤيد : ــ ويش فيكم..
مؤيد بعده منفعل: ــ انا مالي حظ اصلا .. ولا احد يجيب لي هالسييره مره ثانيه زييين..
ام مؤيد مختلعه / ــ ويش صاااير .؟؟ ويش فيكم..
مؤيد : ــ بطلع مع السلامه..
ام مؤيد اعصابها تلفت..
ــ ساره,, ويش صااير؟؟؟
ساره:
ــ ليلى .. رفضت مؤيد..
ام مؤيد طقت صدرها:
ــ وي.. ولاااااويه؟؟؟!!
صارت ساره تعلمها السالفه..
ام مؤيد عصبت:
ــ قلة حيا.. اول مره اشوف البنيه هي اللي ترد على العالم.. ما توقعتها منها...
ساره :
ــ اماه.. اعذريها شوي .. صراحه مالومها اني.. عندنا مؤيد وشايفه حالته.. نفس حالتها..
ــ مااادري عن شي خليني خلاص .. ويلي عليك ياااولدي .. ويلي..
مؤيد طالع من بيتهم بالصدفه تقابل ويا عبدالرحمن وعلي ..
علي :
ــ هذا هو.. مؤيد .. اللي تقدم لأختي..
عبدالرحمن : ــ والله..
وضرب له هرن شان ينتبه..
مؤيد ماله بالة احد،، ويمشي بالسرعه..
عبدالرحمن:
ــ ياساتر بلاه متهور..
علي : ــ الله يستر .. مادري غريبه..
اتصل علي عليه .. رن رن ولا رد..
مؤيد في باله..
ــ مابرد.. مو ذنبك احط فيك الحرقه..
ابو جاسم بيرجع البيت..
ام علي :
ــ ياخوي بعد اذنك.. تخلي زينب ويانا الليله.. حاسه روحي ماني طايقه الوضع ولا شي.. خلها ويا ليلى الله يغير الحال ان شالله..
ــ من عيوني خيه.. افا عليش... يللا مع السلامه..
وطلعة ابو جاسم من الباب الا في وجهه بنيه
ابو جاسم اختلع من سواد العباه في هالليل وواقفه قدامه..
شهق شهقه:
ــ بسم الله الرحمن..
علا شهقت من شهقته .. لأنها سمعت الباب ينفتح ودرت ان احد بيطلع.. وقفت وهي منحرجه...
ابو جاسم استحى .. خلع البنيه:
ــ تفضلي يابتي .. تبغي بيت ابو علي.؟؟
علا بهداوه:
ــ ايه..
ــ تفضلي حياش..
ونادى:
ــ خيه جوكم ضيووف..
ام علي : ــ ايه حياها.. هذي علا..
زينب في بالها : ــ بل بل بل الله يستر ،، كملت..
وبعد ما دخلت علا وسلمت عليهم.. لاحظت الحاله اللي هم فيها.. وصارت مرتبكه..
ــ عسى بس .. ماجيت في وقت مو مناسب؟؟
ام علي تتنهد:
ــ لا يابتي .. خذي راحتش البيت بيتش.. بالعكس.. روحي انتين وزينب ليها.. هدوها هاللي رفعت ضغطي..
ودخلت ام علي ويا ابو علي الغرفه..
علا ضايعه..
ــ ويش صاير؟؟
ريما : ــ ليلو.. رفضت مؤيد..
علا حمقت:
ــ هااااااا... يااربي عليهااا..
وقامت ليها الغرفه..
زينب فيها قهر من علا .. مره تتصرف كأنها اقرب منها.. ووراها على طول..
دخلو لليلى اللي كانت قاعده عالسرير .. و ذبلانه..
سلمت على ليلى .. وبدت وياها الكلام ..
ــ ويش فيش .. ولمتى هذا حالش ..
ليلى ماترد..
علا :
ــ حرام تطيري الفرص من ايدش .. لويه رفضتي الرجال وطريقتش مهي عدله..
ليلى بعصبيه:
ــ علا.. علا لا تزوديني قهر وهم.. خلاص .. اخر كلام لي وما بتراجع عنه.. ولا احد يضغط علي..
زينب : ــ مايصير كذا لكن.. اللي مات الله يرحمه .. لويه منتين راضيه تتقبلي الواقع..
علا : ــ ماتوقعتش بهالضعف... كنتي في نظري انسانه قويه وصبوره..
ليلى : ــ اني اضعف وحده في الدنيا واجبن وحده تواجه الحقيقه الصعبه.. خلاص خلووني لا تفتحو هالسيره وياي..
علا : ــ مايصير لكن.. اللي سمعته خوش رجال ..
ليلى بدون قصد من القهر:
ــ اخذيه الش..
علا حمقت:
ــ اخذه الي.. ليش .. لعبه السالفه.. وانتين ما بتقتلش الا الذكريات.. ويا هالصالح ..
ــ ايه .. ماحد يفهم ولا يحس لو تحسو ماقلتو كذا.. يكفي مات في الغربه.. مات وهو ينتظر متى يرجع لي ..
ريما : ــ حررررررريقه تحرق دفاترش .. وحريقه تحرق دفتره اللي رجع ويا اغراضه
ليلى بحمق:
ــ وتحرررقش ولا لش شغل.
ريما :ــ لا اراويش الحين شي ماشفتيه...
تابع<<
زينب :
ــ صلو على محمد خلاااص...
ليلى :
ــ كلكم.. اطلعو برى.. مابغى احد... ولا أي احد..
علا خلاص كرامتها تحس انهانت وعلى ويش عاد.. على النصيحه..
من قهرها فتحت جوالها..
ــ بطلع.. بس قبل لا اطلع.. باراويش حاجه.. بتبين لش مدى الغفله اللي عايشه فيها انتين.. وبتندمي .. وقولي علا قالت..
ليلى :
ــ خلييني قلت لش ولا ابغى اشوف شي ويللا .. ابغى انااااااااام..
زينب بعفويه صارت تصيح على حالة بنت عمتها..
ريما مسكت زينب ..
ــ امشي نطلع.. علا خليها هالنكد دي.. تولي .. ناصحكم يابدو في الناااااار...
علا فتحت الصوره....و مدت الجوال على ليلى ..
ــ شوووووفي...
ليلى :
ــ ويش اشووف
ــ شوفي ولد عمتش صالح..
ليلى خلاص وصلت حدها:
ــ تسخري ويا وجهش ..!!!
علا صرخت فيها.
ــ اسخر طرااق اللي بجيش ويصحيش من هالحاله..
ليلى وايدها ترتعش مسكت الجوال.. وصارت تطالع..
ــ ايه... صالح... صااالح.. من وين ؟؟ شلون جى في جوالش.؟؟ اشرحي لي..
علا لزيادة التأكيد:
ــ صالح ال... صح لو لا..
ليلى تطالع في علا وهي مره مذهوله:
ــ ايه.. علا .. ويش السالفه تكفي ؟؟
ــ الحين تبغي تسمعي لو اطلع برى..
ــ علاااااااا لا تلعبي بأعصااابي.
علا :
ــ هو اللي عالج ولد خالتي امل .. دكتور توه متخرج.. بس شاطر و ووصل لأعلى المراتب والكل يجيه بمختلف حالات ولد اختي..
ليلى صرخت:
ــ ويش .. قصة حياته دي .. ويش تقوووولي وشلوون عالج ولد اختش ؟؟ وهو...
علا: ــ مامات اصلا.....!!
ريما كانت واقفه.. هي ويا زينب..
زينب دار راسها .. وقعدت عالسرير..
ريما شهقت شهقه وطقت صدرها..
ليلى بس عيونها مفتحه.. وتسيل الدموع..وبأبتسامه
ــ مااا .. ماااات !!!!
علا بأنفعال وصارت تصيح هي الثانيه..
ــ ايه .. ما مات...بس .... بس...
ليلى صرخت فيها.. وقامت ليها مسكتها من كتوفها ونفضتها..
ــ بس وييييييه؟؟؟
ــ بس ..متزوج .. وعنده بنيه..
ليلى من سمعت هالكلام.. طاحت مغمى عليها..
على طول اتصلو على علي اللي جى بالسرعه وودوها المستشفى..
زينب حمقت في علا وصارت تصارخ فيها:
ــ كل منش .. انتين السبب ..
علا ماتحملت زينب وصارت تصارخ فيها..
ــ لااااا اجل تسكتوو . وتخلوها عايشه في وهم.. وهو يلعب من وراها وعايش حياته حراام هاللي يصير..
زينب مهي طايقه الوضع:
ــ اسكتي بس ..من تجي بيت عمتي ماتجي الا بمصيبه..
علا ماتحملت.. كلام زينب اثر فيها وايد خصوصا انها كانت تحس بهالشي لول .. شلون يجيها كلام الحين.. اكد ليها هالأحساس..!
ريما بدت تصيح وياهم..
ــ ياربي .. خلاص اهدووو..
زينب قامت وهي مره معصبه:
ــ عمتي راحت ويا ليلى
ريما : ــ ايه وداهم علي..
زينب : ــ باروح بيتنا اني...
علا مصدومه والدنيا ضايقه بها.. اتصلت برجل خالتها يجيها يرجعها البيت...
الا سوسن متصله بالصدفه وكانت مع هشام...
ردت علا وصوتها مخنوق
سوسن: ــ هلا غناتي ويش فيييش؟؟؟
هشام اختلع..
علا : ــ برجع البيت اذا رجعت بعلمش..
ــ مامداش لكن؟؟ ويش صاير؟؟
ــ اذا رجعت اعلمش ..
ــ مين برجعش؟؟
ــ حسين..
ــ لويه اتصلتي .. اتصلي فيه اذا ماطلع لا يجيش هذا حنا قريبين
ــ اتصلت خلاص
ــ علوووه اسمعي الكلام ولا تمشوري رجل خالتش هذا حنا قريبين
ردت اتصلت لرجل خالتها وقالت له...
ومرو عليها هشام وسوسن..
من ركبت علا .. وسألتها سوسن
ويش صاير؟؟
ما تحملت وصارت تصيح
هشام من سمعها تصيح .. بعفويه .. مد عليها علبة النشاف ..
ــ هدي .. لا تصيحي عاد..
<< كان وجهه مبين عليه متأثر وياها عدل..
سوسن لاحظته .. بس غضت النظر عنه بالها ويا علا وويش فيها..
صارت علا تقول ليهم بلهجه زي الأطفال .. متقطعه ..
ــ اني.. شؤم .. وجه نحس.. كل مني اللي راويتها صالح.. وخليتها بهالحاله
هشام مرتبك وضايع..
ــ مين صالح؟؟
سوسن ..
ــ هدي غناتي.. انتين اللي سويتيه عدل ولو كان بطريقه مهي عدله بس الأحسن انها تعرف وتعيش حياتها بدل لا تموت وياه وتبقى عالذكريات..
ــ خاايفه عليها اني.. ان صار فيها شي باموت..
ــ سلااامتش لا تقولي كذا وان شالله مايصير الا الخير..
ــ يارب..
رجعو البيت وكانت سميره تنتظرهم وهي مرتبكه تبغى تاخذ رايهم في الكوافير ومن وين تاخذ الثوب لحفلتها اللي مصرين عليها الأسبوع الجاي.. تحس روحها ماتعرف تتصرف ومحتاجه مساعدتهم..
دخلت علا وهي متوتره وعلى طول غرفتها..
سوسن وراها.. قعدت في الصاله وهي مهي قادره تتنفس..
سميره
ــ ويش صاير ؟؟ ويش فيكم..
سوسن تحك عيونها..
ــ لا بس علا متزاعله ويا صديقتها سوء تفاهم بسيط ان شالله يعتدلو..
ــ عساه خير.. وانتين ويش فيش؟؟
ــ مادري .. بس الزغلله رجعت احس.. ومهي طبيعيه.. ودااير راسي بالقوه..
ــ ياساتر .. ارتاحي زين..
سوسن:
ــ ايه باقوم غرفتي .. بانام ابو مالك بيتأخر في شغله الليله.. تصبحي على خير
سميره بخيبة امل:
ــ وانتين من اهله...
سوسن تحس نفسها مهي طبيعيه.. تجاهلت هالأحساس بحجة انها متأثره على علا والموقف اللي صابها .. ونامت...
3 الفجر.........
الى الملتقى...