اخذ رائد سويش سياره ابوه وصار مع رؤى يحملوا في الأغراض ويرتبوهم..
رؤى ضاربنها فضوول وين فارس ومهي عارفه تسأل اخوها... وفي بالها,.,, لا يكون ما بيلوح..
ــ ااااا.. الا خالي حيدل وينهو << احم..
ــ خالش يسبح تعرفيه ....
رؤى في بالها..
ــ بل يجاوب على قد السؤال يا اخي كمل والثاني وينهووو...
ترجع تسأل..
ــ اااااا يعني طلعتنا بنمل عليه..
ــ خخخخخ ويش رااايش.. .<< رائد قاعد يحوس ويعدل الأغراض وباب السياره الخلفي" الدبه" مفتوح بس مو حده...
رؤى في بالها..
ــ ياااعلي هذا اللي بيلفع ضغطي.. اوووف ..
ورجعت تسأل..
ــ يعني بس هو اللي بيلوح ما بيلوحوا جدي ولا ملت جدي..
رائد رفع راسه بسرعه وصفق في الباب..
ــ اااه وصاقعه.. وانتين ويش فيش قرقر قرقر.. مستلمتني تحقيق من الصبح.. اححح يا راسي..
ــ بللللل ما يسوى علينا كم هالسؤال يا دافع البلا..
ــ لا تسألي اسكتي .. اصص.. اااح ,,,راسي والله.. هااداا ويش هالبنات..
ــ أي بنات اللي يسمعك شايف بنيه غيلي..
ــ لااااحووول الله .. اناااا لله,,, بتسكتي لو اشوتش برى..
ــ لا والله كوله حقك اني.. تشاوت فيني.. دب مالت عليك.. ماني معدله وياك..
ــ رووحي فرقاش عيد.. عاد اللي يسمع من فايدتش.. بس فقعتي راسي بالهدره.. ياااساااتر ..
رؤى تركته.. ودارت عليه .. وعطته كم بحلوس...
رائد وهو محمق..
ــ رووحي..
فارس قدام المرايا..
مره يحط على صدره البلوزه السودا.. ومره القميص الأبيض.. مره التي شيرت الأصفر.. وكل شوي حاجه ومهو عارف ويش يلبس.. لين طاحت عيونه على تي شيرت احمر عليه شخابيط بيضا.. ولبس معاه بنطلون جينز كحلي.. وعبى عمره عطر << حشاا مو بحر...
ويضبط بشعر هالراس.. وشعره طافره من سكسوكته قاعد يبغى يعدلها لو يقبعها..
ــ اففففففف ترى ما عندي جواال نسيت.. اوهووو.. الحين اظل انتظر متى يجي رائد...
راح التلفون.. ودق على بيت رائد.. رفعت رؤى..
ــ الو..
فارس من سمع صوتها .. في باله,,
ــ اااه.. دخيل هالألو انا..
رؤى ..
ــ الووو..
ــ هلا .. قوه..
ــ الله يقويك..
ــ كيف الحال.. <<< الأخ مستانس يللا بيسولف شوي..
ــ حياك الله..
ــ ويش الأخبار,,
رؤى بلهجه شوي قويه..
ــ نعم اخوي ويش بغيت..
فارس.. في باله..
ــ والله لو تحصلي لي طول العمر ما ابغى غيرش..
رؤى..
ــ اخووي نعم..
ــ الله ينعم عليش.. رائد هنا...
ــ اتصل عليه جوال... << زهقانه الأخت تنادي على اخوها من برى..
ــ لالا ما اعرف جواله.. و ضروري ابغاه...
ــ صفل خمسه خمسه... << قامت تمليه الرقم
فارس.. في باله..
ــ دخيل الصفل .. والخمساات انا...
ويرد عليها..
ــ لا لو سمحتي ما عندي صفر دولي وينهو طلع مو موجود.. << صدق ما عنده صفر دولي..
رؤى تفشلت حست انها مصختها..
ــ هو بلى في الحوش .. دقيقه اشوفه واناديه..
ــ اوكي
رؤى وهي متفشله طلعت لأخوها اللي توه مسكر باب السياره ومخلص ترتيب..
ــ لائد..
ــ نعم ويش عندش..
ــ بل بل يمه منك.. لا تاكلني زين... واحد يبغاك على التلفون..
ــ كان قلتي له يدق جوال .. غريبه مين المتصل فيني..
ــ ما ادلي بس صوته مهو غليب.. كنه مل علي..
ــ ليش انتين تفرقي كل شي عندش زي بعضه..
ــ فالق بس .. اكو ينتظل على التلفون..
ــ زين..
رائد...
ــ هلا..
ــ اهللين وينك يالدب..
ــ هلااا فارسووه خلصت سبوحتك..
رؤى من سمعت انه فارس.. ابتسمت وفتحت عيونها.. وصارت حمراا .. وفي بالها..
ــ بلللل يصقعني مله صلت نحيسه.. ولا كلما يقول حاجه .. اقول له حاجه...ويش هالفشله مالت علي..
فارس..
ــ أي والله ضايع بلا الجوال متى بتجوا..
ــ الحين دقايق بس ادق لك هرن اطلع..
ــ اوكي يللا بنتظارك..
سكر فارس السماعه.. ووقف قدام المرايا في مغسلة بحوشهم..
يعدل في شعره.. ويهلوس في باله..
ــ والله انا قمر.. اموواه.. بس لو تحن علي السماا.. كان اطلع اسعد كوكب.. ههههههه ويش فيني قمت اهلوس..
ركبوا السياره..
ركبوا كلهم ورى.. ام حسين وزهرا.. وينتظروا رؤى..
جت رؤى بتركب ورى وياهم..
الا رائد ..
ــ هيه هيه.. هنديكم عفر.. تعالي قدام..
ــ وتالي حيدل وفالس ويشوو..
ــ اذا رحنا لفارس انزلي ورا.. مافي الحين تخلوني كني الا هندي,,
زهرا..
ـــ هههههههههه صدق.. امي اركبي وياه قدام..
ـــ اوووف الكب الحين وانزل تالي..
رائد..
ــ حركينا...
ركبت رؤى.. وهي تحاتي النزله تالي قدام فارس... ووصلوا بيت فارس.. وما دق هرن لأن فارس كان برى ينتظر خبركم بيتهم في زرنوق.. طلع من الزرنوق وقام يتمشى.. لين يجي له..
رؤى من شافته من بعيد وهو لابس الأحمر.. ورائد يوقف عنده.. ويضرب له هرن على خفيف.. حست قلبها طفر مع دقة الهرن..
وقام يرقع رقع.. ويطق طق مو طبيعي...
شالت عيونها بسرعه.. وفتحت الباب..
فارس وخر على جنب..
رؤى وهي مرتبكه بالغلط تدوس على طرف عباتها.. وطاااااااااخ
تطيح على ركبها
فارس تقرب بسرعه منها ووخر .. مستحي..وقال ..
ــ بسم الله عليش .. تعورتي..
زهرا فتحت النافذه..
ــ وي امي.. تعورتي ..
وبتفتح الباب بتنزل ليها..
رؤى قامت ونفضت الغبرى وفي عيونها دمعه..
ــ لا .. ما تعورت..
رائد..
ــ شوي شوي.. هادا ويش انتين.. لو منتبهه.. هاذا حالش ويا الشدخات..
زهرا..
ــ استح على وجهك عاد اختك من دون شي منحرجه وتحرجها زياده..
رائد..
ــ اسف.. خلاص خلاص..
ركبت رؤى جنب امها وفيها صيحه بس كاتمتنها..
ام حسين..
ــ على عمري متأكده ما تعورتي..
رؤى ..
ــ لااا..
وركب فارس قدام..
عشر دقايق ووصلوا لحيدر.. دق عليه رائد ونزل حيدر يركض..
وركب السياره.. ورى جنب بنت اخته... وانطلاااق للبحر...
