|*| لطمـيات مكـتـوبـة |*|

" ويلي على الكرار "
للرادود باسم الكربلائي
من إصداره "بعدما أشوفك"
استشهاد أميرالمؤمنين "ع" في 1427هـ
للشاعر المرحوم ملا عطية الجمري
....................................

ويلي على الكرار ..
ويلي على حامي الجار ..
ريضوا بنعش المرتضى ركن العرش مال ..
من شال أبو الحسنين ويّاه المجد شال ..
ويلي على الكرار ..
ويلي على حامي الجار ..
ردّوا نعش حيدر إلى المنزل اشويّه ..
بـتـودّعـه زينـب و كلـثـوم الزﭼيّـه ..
فـراﮔــك يَـبويـه أعظـم الفرﮔــه عليّه ..
خلّى الدّمع يجري دما و بالـﮕللب ولوال ..
ويلي على الكرار ..
ويلي على حامي الجار ..
ﮔـلهـا المشـكّر بـو الفضـل عبّـاس يَخـتي ..
لا ينسمع صوتـﭻ ترى ﮔــللبي شعـبتي ..
آنـا كفيلـﭻ من بـعد حيدر دسكتي ..
مـا دام انا موجود ما ينضام لــﭻ حال ..
ويلي على الكرار ..
ويلي على حامي الجار ..
لـكـن يَـزينب لـو نـزلنـا الغـاضريّه ..
عـذري كفـيلـﭻ من تشوفينـه رميّـه ..
صـاحت تهـيجني رزيّـه عْلَى رزيّـه ..
ﮔـللبي امفتّت لا تذكّريني ابهَلحوال ..
ويلي على الكرار ..
ويلي على حامي الجار ..
والله اشعبت ﮔـللبي ابذكرك ذاك لمصاب ..
و اشغلت بالي عن مصيبة داحي الباب ..
اسم الله على زنودك و راسك يَبن لطياب ..
ريّـض يخويه ابنعش ابـونا سـور لعيال ..
ويلي على الكرار ..
ويلي على حامي الجار ..
ردّوا النّعـش ليـّه و خلـونـي أنـظره ..
أسـفر عـن اجفانـه و احبنّـه ابصدره ..
ﮔـلـهـا و عـبراتـه عـلى الخـدّيـن تجـرى ..
هـيهات يازينب يرد عـنّـﭻ علي انشال ..
ويلي على الكرار ..
ويلي على حامي الجار ..
لَمـلاك شالوا امقدّمه و شلنا المؤخّر ..
ردّي الخـدرﭺ وايّـسي مَيعود حيدر ..
نـادت ابعـالي صوتهــا الله و اكــبر ..
و الله فجيعـه مـاجرت فـي أوّل و تـال ..
ويلي على الكرار ..
ويلي على حامي الجار ..
ﮔـلهـا الحسـن ردّي الخـدرﭺ يـا مصونـه ..
من طلعـتـﭻ يَختي نسينا امصاب ابونا ..
لا ترفـعـي صوتـﭻ ترى يصعب علينـا ..
و احنا فلا نرضى تعاين شخصـﭻ ارجال ..
ويلي على الكرار ..
ويلي على حامي الجار ..

:cool:

" ويلي على المسموم "
بصوت الرادود باسم الكربلائي
وفاة الإمام الكاظم "ع"
ليلة 25 رجب 1427هـ
حسينية الرسول الأعظم - الكويت
للشاعر ملا عطيه الجمري
.......................

ويلي على المسموم ..
ويلي على المهموم ..
يا ﮔـلب ذوب و يا دمع عيني تفجر ..
للي ﮔـضى بسجن الرجس ﮔـللبه تفطر ..
ويلي على المسموم ..
ويلي على المهموم ..
ما شاف بالدنيا و لا ساعة هنيه ..
سرداب مظلم جرع كاسات المنية ..
بالسجن ما يعرف نهاره من العشية ..
هضم و صبر ﮔـللبه تفطر و الصبر موت ..
ويلي على المسموم ..
ويلي على المهموم ..
آمر الطاغي تشيل ابن جعفر حماميل ..
شالوا الجنازة و لا مشت خلفه رجاجيل ..
و على الجسر ذبوه و برجله زناجيل ..
و ﮔـللوب شيعتهم عليه بنار تسعر ..
ويلي على المسموم ..
ويلي على المهموم ..
شيعة علي كرار فجعتهم شديده ..
من عاينوه مغلل و بالساﮒ ﮔـيده ..
مطروح فوﮒ الجسر ما فكوا حديده ..
صاحت يَبو ابراهيم يومك صاير أﮔـشر ..
ويلي على المسموم ..
ويلي على المهموم ..
عزنا تبدد يا فخر طيبة و تهامة ..
كل يوم نترجاك تطلع بالسلامة ..
ثاري الدهر بـﮕللبونا صوب سهامه ..
فوﮒ الجسر مطروح يا موسى ابن جعفر ..
ويلي على المسموم ..
ويلي على المهموم ..
ردت الشيعة تنوح و الحالة شنيعه ..
ينادون بالذلة و مصيبتهم فظيعه ..
فوﮒ الجسر مطروح يا كعبة الشيعة ..
بالسم فتوا مهجتك و اللون مخضر ..
ويلي على المسموم ..
ويلي على المهموم ..
يَولاد عدنان و مضر قلَت الغيرة ..
عن جسر بغداد ارفعوا شيخ العشيرة ..
ذبوا العمايم و امشوا بجانب سريرة ..
ثوروا ترى ما من صديج عليه ينغر ..
ويلي على المسموم ..
ويلي على المهموم ..

" حادي الظعن "
للرادود الحسيني باسم الكربلائي
من إصدار "إقصدوني"
في موسم عاشوراء الحسين 1426هـ
للشاعر المرحوم ملا عطية الجمري

حُسين .. حُسين حُسين
حُسين .. حُسين حُسين
يَحسين حادي ظعونا عزم على الشيل .. من الصبح دنوا لينا نوﮒ المهازيل
ما أشوف أنا يَحسين غير جبال الهموم .. تترادف ﮔـبالي يا خويه مثل الغيوم
من حنة الأيتام صرت بحال ميشوم .. و احنا حرم تدرون ما نسلك بلا كفيل
حُسين .. حُسين حُسين
حُسين .. حُسين حُسين
ﭼيف الحريم بغير والي تـﮕطع البيد .. و الشام يَبن امي علينا دربه بعيد
مشي الحريم بليل فوﮒ الهزل انشيل .. لو عثرت الهوادج لازم تميل
حُسين .. حُسين حُسين
حُسين .. حُسين حُسين
محمل سكينه لو تزلزل من يجي له .. و لو طاح من عندنا طفل يا هو يشيله
و حادي الظعن ترويعنا يبرد غليله .. و هالبر الأﮔـشر ما تـﮕطعه الا الرجاجيل
حُسين .. حُسين حُسين
حُسين .. حُسين حُسين
و حرﮒ الخيم يَحسين ما خلى لنا حال .. و حريمكم ذوب ﮔـلبها فـﮕد الرجال
و الله ما ضل النا جلد لركوب الجمال .. ما غمضت عيني و لا ساعة من الليل
حُسين .. حُسين حُسين
حُسين .. حُسين حُسين
يردونا نسافر يَبعد أهلي و نخليك .. يا ليت من ﮔـبل السفر نـﮕعد نواريك
هذا الفارﮒ و وين يَبن أمي نلاﮔـيك .. لَـتـﮕول خلتني العزيزه بغير تغسيل
حُسين .. حُسين حُسين
حُسين .. حُسين حُسين
لَـتـﮕول عني سافروا ما ودعوني .. شالوا خواتي و للـﮕبر ما شيعوني
يا ليتهم وياك بالبر يتركوني .. و لا روح حسره اميسره فوﮒ المهازيل

" فجروا المرقدين "
للرادود الحسيني باسم الكربلائي
في مسجد الموسوي / الكويت
استشهاد الامام السجاد عليه السلام
و ذكرى تفجير القبتين / 1428هـ
للشاعر أبو أيمن الإحسائي
.................

بأي ذنبٍ فجروا المرقدين ..
و استكبروا إذ هدموا القبتين ..
يا حجة الباري بقلبٍ جريح .. جئنا و صوت الحزن منا يصيح
تباً لمن فجر ذاك الضريح .. و الويل كل الويل للحاقدين
بأي ذنبٍ فجروا المرقدين ..
و استكبروا إذ هدموا القبتين ..
من هدم القبة طاغٍ جريء .. للحق بالمنكر أضحى يسيء
و الدين من ما قد جناه بريء .. ليس لمن أفسد في الأرض دين
شُلت يد الإرهاب حين اعتدى .. و اغتال بالأحقاد صرح الهدى
لكن جهود البغي ضاعت سُدى .. فالنور يبقى يملأ الخافقين
بأي ذنبٍ فجروا المرقدين ..
و استكبروا إذ هدموا القبتين ..
مولاي ما أقسى الخنا و الجحود .. من زمرةٍ فاقت فعال اليهود
ظنوا بأن الهدم يمحوا الخلود .. لما بسامرا عثوا مفسدين
يا سيدي ما زال نزف الدماء .. يشكو رزايا معشر الأبرياء
إذ جُزِروا ظلماً بجسر الفداء .. دماؤهم قد روَت الرافدين
بأي ذنبٍ فجروا المرقدين ..
و استكبروا إذ هدموا القبتين ..
عادت مآسي كربلاء من جديد .. و عاد بالإرهاب حكم العبيد
في كل عصرٍ سوف يأتي يزيد .. يريد بالطغيان قتل الحسين
مولاي قد عادت ثمودٌ و عاد .. إذا أكثروا بالأرض نشر الفساد
طابت مساعي الجور و الإضطهاد .. و الناس و العزة للمؤمنين
بأي ذنبٍ فجروا المرقدين ..
و استكبروا إذ هدموا القبتين ..

" بأي ذنبٍشلون أصبر على الآه"
من شريط : جرح الحبيب
الشاعر : جابر الكاظمي
الرادود : الحاج باسم الكربلائي
مساهمة من : محسن أمير

*** *** ***
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
تعنّى يم علي السجاد .. أبو حمزة الثمالي اليوم
يـﮕله سيدي الوادم .. بِدَت تحـﭽـي و عليك تلوم
شكثر تنحب يبو الباقر .. يـﮕولون النحب مذموم
يريدونك تكف دمعك .. تعيش بلا كدر و هموم
و عن دمعتك يـﮕلون .. لمن تسحها
هالدمعة للأموات .. تلـﭽم جرحها
خايف تصير .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
يجاوب حُجة الباري .. و يصب دمع المحاجر دم
يـﮕله يا أبو حمزة .. الوادم حـﮕها ما تعلم
أنا القابض على الجمرة .. و يظللني سحاب الهم
أطَشر بالصبر حزني .. و ردود الحزن يلتم
و الوَجرت بحشاي .. نار المصيبة
شحال اليصد و يشوف .. مصرع حبيبه
يسعر لهيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
يبو الحمزة البعض يفـﮕد .. عزيزه يظل عليه بنوح
و يظل طول الوكت ينحب .. و لا يملك زمام الروح
و هذا آنة الشِفت أهلي .. ضحايا بين ايدية تروح
بين الـﮕطعوا ﭼفوفه .. و بين اللي وﮔـع مذبوح
حـﮕـه اليريد يلوم .. و يبدي الملامة
ماحاضر و لا شاف .. جثة إمامه
دامي و عجيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
يلوموني يبو حمزة .. و لا علينفجع معتب
فَرِد يوسف فـﮕد يعـﮕوب .. و ظل طول العمر ينحب
و أنا شـﭽم يوسف ﮔـبالي .. أشوفه على الثرى امترَب
رجع يوسف و أنا الما عاد .. حبيبي و بالدما تخضب
يوسف عَدِل ماطاح .. جسمه و تعفر
و ﮔـبالي جسم حسين .. طاح و توذر
خلف نحيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
يبو حمزة العتب مذموم .. على اللي فـﮕد ضي عيناه
يلوموني البعض حـﮕهم .. محد شايف الشفناه
ماشافوا طفل ضامي .. عوض ما تطفى نار حشاه
تصيبه بمنحره النبلة .. و يتروى بنجيع دماه
و لا شاهدوا عريس .. و موذرينه
و تتحنى من دماه .. راحة يمينه
بالدم خضيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي
يبو حمزة الزلم تطلع .. تقاتل تعرض المنحر
لـﭽن شنهو الجعل هالـﮕوم .. تشن غارتها عالخِدَر
عـﮕب ذبح الزِلِم بالطف .. علينا صالت العسكر
الأرامل و اليتامى بخوف .. هَجَت و الخيم تسعر
مرفوعة ليش الروس .. فوﮒ العواسل
ليش بيسر للشام .. تمشي الأرامل
و اللي يجيب .. جرح الحبيب
لتظن يطيب .. جرح الحبيب .. و اترك نحيبي

هضموني هضموني
من شريط : نار
الشاعر : سيد سعيد الصافي
الرادود : الحاج باسم الكربلائي
مساهمة من : محسن أمير

*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
يابويه شحـﭽـي لك اشصار بحالي .. من ودعتني بويه
لا محنه و اثنين و تمر ببالي .. يالدللتني بويه
حال اليتيمة الضلت بلا والي .. ياليتمتني بويه
يتموني يتموني .. من زغري يتموني
ليش انحرم من شوفتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
لمن رجع خيل المهر صديته .. بالدماء مخضب بويه
بويه و مثل طير الـﮕطا اتلـﮕيته .. الطم و انحب بويه
خبرني طاحن يا كتر ناديته .. ﭽـبد المصوب بويه
صابوني صابوني .. بالـﭽـبد صابوني
يوم اللي صابو ﭽـبدتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
آنا ادري ما تـﮕدر يابن حامي الجار .. تسمع عتابي بويه
ريتك ﭽـنت و تعاين بحالي شصار .. يكلف مصابي بويه
من شبت بوسط الخيم بويه النار .. حرﮔـت ثيابي بويه
ضربوني ضربوني .. يا بويه ضربوني
لو عاعتنيت بجثتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
يا والدي و ﭽـم لوعة لك هدم الحيل .. مرت عليه بويه
خوف و مصيبة و هضم يا بويه و لين .. بالغاضريه بويه
جينا احمل سياط العدا و بين الخيل .. و اسـﮕف بيديه بويه
بنتوني بنتوني .. و الأثر بنتوني
ريتك تعاين طفلتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
اصعب مصيبة الهيجت آلامي .. و الـﮕلب مفجوع بويه
راسك ياخيمة عزتي جدامي .. عالرمح مرفوع بويه
ﮔـبل لعيوني انتحب ﮔـلبي الدامي .. دم يبـﭽـي و دموع بويه
ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
موقف اللي شيب دليلي هو الراس .. و شلون اوصفه بويه
بنت النبي و تتصدق عليه الناس .. يا ألف وسفه بويه
نحت و صحت ﭽـا وينه عني العباس .. صاحب الكلفه بويه
شتموني شتموني .. يا عمي شتموني
ما اظن تقبل غيرتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
مجلس يزيد الصوبك لسهامه .. خابت الضنه بويه
خذوني عند اهل الغدر خدامه .. طلبوني منه بويه
يالراسك بوسط الطشت جدامه .. ﮔـمت اصدنه بويه
بعيوني بعيوني .. من شفته بعيوني
بالعصا يضرب شفتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني

صرخات يا حبيب قم وانصر الغريب
ليلة 6 محرم 1424هـ
مأتم الديه – البحرين
الرادود : سيد هاني

يا كربلاءُ يا لغزَ عمري .. ما أنتِ الاّ بقعة َ المجدِ الأثيل ِ
فيكِ الالهُ أودع سرّاً .. قدّسه العالم ُ جيلا ً بعد جيل
من عهدِ آدم و الأنبياءُ .. من بعده نوحٌ مروراً بالخليل
موسى وعيسى كلٌّ و طه .. و قد أسالَ الدّم من أمر ِ الجليل

حتّى محمّد جاهُ الأمينُ .. بتربةٍ من ملؤها فيها الدّماء
من أنتِ قولي حتّى تطولي .. كلَّ ذرى العزِّ ألا يا كربلاءُ
هل أنتِ لغزٌ سرٌّ كبيرٌ .. في طيّه مرتكزٌ فيه الولاء
و كلّ قلبٍ في صدر مؤمن .. من سرّكِ فيه و فيضٌ و ضياءُ
- - - - - -
انّكِ الأرض التي ترابها مقدّس
منذ كان خلقكِ تاريخنا تأسّس

منذ كان .. خلق آدم .. عندها .. قد بدأ التأريخ

أنتِ أصلٌ ثابتٌ في عالم الطريقه
كلّ شيء دونكِ وهمٌ بلا حقيقه

أنتِ أصلٌ .. أنتِ عمقٌ .. أنتِ سرٌّ .. يجهله التأريخ

ما ترى العالم ماذا منذ أن تأسّس
هل يساوي ذروة ً من تربكِ المقدّس

هي أرضٌ .. في الجنان ِ.. و ثراها .. قدّسه التأريخ

* * * *

بندائي أتقدّم بندائي
صرخاتٌ يا حبيب .. قم و انصر الغريب

يا نجوماً .. للمغيبِ .. سوف تمضي
يا غصوناً .. للّذبول ِ.. سوف تقضي

أيا نجماتَ فيقي لا تغيبي
فموضاتك تنزاحُ أفولا
و يا أزهار عمري فل تفوحي
و لا تذري شذاكِ أن يزولا

يا سماءُ .. بالهطول ِ.. أنعشينا
ثمّ روّي .. بالدموع .. ملتقينا
- - - - - -
شموسُ .. تغيبُ

و في وضحِ النهّار ِاليومَ عنّا ترحلُ
ستمضي للمنايا و الهوى ينتقل

سحابٌ .. أخفى الشّموسا
و دهرٌ .. أمسى عبوسا
- - - - - -
و وردٌ .. في الغصون ِ.. تجلّى .. جمالا
أتمضي .. للمنايا .. ترومُ .. رمالا

والداهُ برهة ً .. كيف تمضي راحلا
قف قليلا ً ها هنا .. حاضناً مستقبلا
هِب اليها نظرة ً.. فبكاها قد علا
من أليم ِ الوجع ِ .. للحنايا زلزلا

يتاما .. وأياما .. باعتصار ٍ .. و نوح ٍ
أسالت .. دمع حزن ٍ .. و مصابٍ .. و جرح ٍ
- - - - - -
صغيري صغيري .. الفراقُ هيّمني
لصدري لصدري .. ضمّني يا عيوني
وداعاً وداعاً .. و المصابُ أفجعني
بقلبي احتراقٌ .. من لهيب الأنيني

على .. جمر ِ أتراب كربلا ... أرى .. نحركَ المتعفّر
فرى .. عرقكَ السيف و اعتلى ... على .. صدركَ المتجبّر

بندائي أتقدّم بندائي
صرخاتٌ يا حبيب .. قم و انصر الغريب

أيّ شوق ٍ .. و شعور ٍ .. يا حبيبه
أيّ حزن ٍ .. فيكِ يحنو .. يا طبيبه

أأنتِ الرّوض و الجرحُ أناقه
و نحن الورد و الموكب باقه
تلاقينا بأشواق مراقه
أيا عاشورُ يا معنى الصداقه

عانقينا .. أنعشينا .. بالحكايا
قرّبينا .. للشجون ِ .. كالمرايا
- - - - - -
أتينا .. اليكِ

على الوعد بسردال السّواد المشرق
بأعلام الفدى خفّاقة ً و البيرق

ننادي .. أين الحسين
اليه .. فاض الحنين
- - - - - -
و عدنا .. يا طفوفُ .. و الطّيوف .. قريبه
نراكِ .. و الحبيب .. فيكِ يدنو .. حبيبه

ذا حبيبُ الوالهُ .. شقَّ أغوارَ الفلا
فانثري ريحانكِ .. فوقه يا كربلا
ها هو السّبط دنا .. نحوهُ مستقبلا
و الصّدى من زينبٍ .. باللّقاء هلهلا

حبيب .. طابَ دمعٌ .. و بكاءٌ .. تعطّر
بمسكٍ .. للرسول .. و البتول .. و حيدر
- - - - - -
أفيضي أفيضي .. يا عذوبات نينوى
فداءً فداءً .. من مجيبٍ و ناصر

تسامى الوفاءُ .. تلبياتٌ و محتوى
زهيرٌ بريرٌ .. و الحبيبُ بن ظاهر

لكِ .. جمرةٌ و القلبُ جوى ... لكِ .. نازفاتٌ مشاعر
فما .. شعشع العمر و ارتوى ... سوى .. من مداكِ المؤزّر

رجال الحسين .. بالفداءاتِ قادمه
ليوم ِ الجهاد .. كلّما الحقّ نادى
نموتُ و تحيى .. كربلاءُ المقاومه
بفيض الدّماء .. حين تملي الوهادى

هنا .. صرخة الحرّ عارمه ... هنا .. جون بالدّم جادا
هنا .. كلّنا لابن فاطمه ... معاً .. نستطيبُ الرّقادا

بندائي أتقدّم بندائي
صرخاتٌ يا حبيب .. قم و انصر الغريب

شريط زائر الحسينالرداود : صلاح الرمضان

الشاعر : علي الكربلائي
ــــــــــــ

**********

يا الرايح تزور حسين إخذ قلبي يزور وياك

و خذ دمعات من عيني تهلا من تهل عيناك
**********

إخذ دمعات من عيني و اهديها لحبيبي حسين

و بعد لا تشكي بلسانك و خل تشرح دموع العين

حبيبي و ذايب بحبه و منور إلي الدربين

درب يشرح خفايا الحب و الثاني أصول الدين

نظل على العهد وياك يمن رب السما عناك

يالرايح تزور حسين إخذ قلبي يزور وياك

**********

يا الرايح تزور حسين خذ قلبي يزور وياك

خذ دمعات من عيني تهلا من تهل عيناك
**********

إذا خليت يا الزاير أول خطوة بالحضرة

إحني راسك و قَبَّل عتبته و انظر القبره

و شم ريحة تراب حسين و اتنسم هوى عطره

..... يا الزاير تطوف و فرِّض الحسرة

و اذكر كل صديق الـ قال تذكرني رجى اترجاك

يا الرايح تزور حسين إخذ قلبي يزور وياك

**********

يا الرايح تزور حسين خذ قلبي يزور وياك

خذ دمعات من عيني تهلاً من تهل عيناك
**********

و إذا عاد شفت أبو السجاد يا الزاير تذكرنا

و خبره أحبابك تودك و خبره حبه ساحرنا

و نتمنى يا بو الأكبر خدم للموت تقبلنا

و بدفتر خدمتك يا حسين عليك الزورة سجلنا

إنحيى نموت يا مظلوم و بيوم الحشر ننخاك

يا الرايح تزور حسين إخذ قلبي يزور وياك

**********

يا الرايح تزور حسين خذ قلبي يزور وياك

خذ دمعات من عيني تهلا من تهل عيناك
**********

إذا مريت يا الزاير و نيتك تعتني الأنصار

سلم و انحني إلهم تحية لصفوة الإيثار

رجال التضحية صاروا و رفعة راس للأحرار

و رفعوا راسهم بحسين أمام الخالق الجبار

قبل ما تغادر و ترحل أوقف قَّبِّل الشباك

يا الرايح تزور حسين إخذ قلبي يزور وياك

**********

يا الرايح تزور حسين خذ قلبي يزور وياك

خذ دمعات من عيني تهلاً من تهل عيناك
**********

يا الزاير شريد أوصيك إذا مريت عالعباس

كفيل الحرة الصنديد هيبة كل هذول الناس

أحلفك لو رجى اترجيت أبو الغيرة أبو النوماس

أبد لا اتحلفه بزينب ترى قلب القمر حساس

و لا تذكر طفل جدام أبو فاضل أنا أترجاك

يا الرايح تزور حسين إخذ قلبي يزور وياك

**********

يا الرايح تزور حسين خذ قلبي يزور وياك

خذ دمعات من عيني تهلا من تهل عيناك
**********

شريط زائر الحسين


الرداود : صلاح الرمضان


زينب و الزهراء

الشاعر : مقداد الهمداني

ـــــــــــــ
**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

بين المدينة و الطفوف نسمع مآسي تهز الرواسي


دمعة ضلع بين السيوف زينب تواسي و الهم تقاسي


ظلت تحج بين النسا بهم الصفا المر و الأسى


دمعة قبر ضايع و لزينب تبايع


تتكرر الأزمان و يبقى الحزن عنوان


زينب تأدي الدور

**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

حجيها هالدمعة و تون و آنا شجية تبجي الرزية


يا بنتي جم هم و حزن يصعب علّي بالغاضرية


لمصابج مصابي يهون و همومي أسهل ما تكون


أرسلتلج دمعي صرخة ألم ضلعي


قلتي لهم يحضرون و بدالي يعتذرون


عندي ضلع مكسور

**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

يا بنتي من أرض الونين قررت أهاجر بالطف أسافر


خفت على لمن هالجنين يشوف المناظر دم المناحر


كل من أذوا من أمتنع و بقبري صبيت الدمع


محسن شكى لربه جم نايبة بقلبه


عبد الله تجري دماه بذنب الذي سواه


كل عمره ست شهور

**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

يا زينب و اليوم بشهر عشت المصيبة آنا الغريبة


عباس أشوفه على النهر جثة خضيبة حالة عجيبة


اشلون أحضر بارض الطفوف و أنظر حبيبي بلا جفوف


ضلعي انهشم حسبي لا ينهشم قلبي


و السطرة تاذيني اشلون أقدر بعيني


أنظر قمر منحور

**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

و آنا بوسط قبري أحس خيل الأعادي سحقت فؤادي


حجبت حوافرها الشمس و ظلت تنادي بين البوادي


يوم على صدر المصطفى و يوم انذبح مني القفى


و انصبتي بيت أحزان يم منحر العطشان


ظلل عليج رماح صوت المصايب لاح


من خنصره المبتور

**********


دمعة ضلع مكسور صرخة دمع منثور


يا بنتي و لفي من قبري المخفي


أنظر حزن عاشور


**********

شريط زائر الحسين
الرداود : صلاح الرمضان

هالأربعة

الشاعر : مقداد الهمداني

ـــــــــــــــــــ

**********
هالأربعة هالاربعة قدمتهم هدية لوجودك

هالأربعة صاغوا بدم نحرهم خلودك

آنا أم البنين و إجيتك

ريت أنا بدم وريدي فديتك
هالأربعة هالأربعة

**********

بعدها تنتظر طلعت كواكبها

عقب ما نامت الشمس بمغاربها

على نجوم السما تخيلت حبايبها

تذكرت فاطمة و ذكرت مصايبها

تحجي بحزن و ي نفسها بقهرها و أساها

تحجي بحزن تلعن السن ظلمها و أذاها

يا ضلع فاطمة ما تنسيك

ريت أنا بدم وريدي فديتك

هالأربعة هالأربعة

**********
هالاربعة هالاربعة قدمتهم هدية لوجودك

هالاربعة صاغوا بدم نحرهم خلودك

آنا أم البنين و إجيتك

ريت أنا بدم وريدي فديتك
هالأربعة هالأربعة

**********

على العتبة نفسها وقفت تنادي

منو العنده خبر عن أربع أولادي

أحلفج يالنجوم ببضعة الهادي

و لج أهدي العمر لو آخذ مرادي

أهدي القلب لليدليني درب الحبايب

أهدي القلب لو أشاهد ليوث الكتايب

يا الهي و رجائي دعيتك

ريت أنا بدم وريدي فديتك

هالأربعة عالأربعة

**********
هالأربعة هالأربعة قدمتهم هدية لوجودك

هالاربعة صاغوا بدم نحرهم خلودك

آنا أم البنين و إجيتك

ريت أنا بدم وريدي فديتك
هالأربعة هالأربعة

**********

انكسر خاطر نجوم الليل من ونها على الداحل

الحزن و الدمع هملنها و فرش نوره القمر بأنواره يحضنها

طوت بيها الأراضي بكربله لنها

رب العرش ما يخيب أمالها و رجاها

رب العرش هالحزينة استجاب لدعاها

يا غياثي دخيل اعتنيتك

ريت أنا بدم وريدي فديتك

هالأربعة هالأربعة

**********
هالأربعة هالأربعة قدمتهم هدية لوجودك

هالاربعة صاغوا بدم نحرهم خلودك

آنا أم البنين و إجيتك

ريت آنا بدم وريدي فديتك
هالأربعة هالأربعة

**********

صحاري موحشة و دم و حرم و أطفال

نهر يجري و على الشاطي قمر و هلال

سراب الليل تشوفه لو تشوف إخيال

فرس أبيض يلوح لفرقة الخيّال

تبعت خطاه شافته يتجه للشريعة

تبعت خطاه شافت جفوف ابنها القطيعة

نادته عالترايب لقيتك

ريت أنا بدم وريدي فديتك

هالأربعة هالأربعة

**********
هالأربعة هالأربعة قدمتهم هدية لوجودك

هالاربعة صاغوا بدم نحرهم خلودك

آنا أم البنين و إجيتك

ريت أنا بدم وريدي فديتك
هالأربعة هالأربعة

**********

كواكبها لجنها موسدة الغبرة

و على حسين اقبلت و تقبله بنحره

حزينة و باللسان تنادي متعذرة

لون عندي بعد من هالولد عشرة

فدوة إلك و لا أشوفنها جثتك رمية

فدوة إلك ترضى عني عساها الزجية

جنت أبيع الوِلِد و اشتريتك

ريت أنا بدم وريدي فديتك

هالأربعة هالأربعة

**********
هالأربعة هالأربعة قدمتهم هدية لوجودك

هالاربعة صاغوا بدم نحرهم خلودك

آنا أم البنين و إجيتك

ريت أنا بدم وريدي فديتك
هالأربعة هالأربعة

**********

شريط زائر الحسين
الرداود : صلاح الرمضان

حميدة

الشاعر : مقداد الهمداني

ـــــــــــــــــــ

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

**********
طالت السفرة و الدمع شفرة تجرح بخد اليتيمة

هالبعد طول و الهنى تحول لناحية و محنة و هضيمة

يم أبو اليمة حلفته بأمه فاطمة الزهرة الكريمة

وقفت تناشد و الحزن شاهد صاحب الكف الرحيمة

يمسح بإيده شعرها باليتم حست شِعرها

والدي وينه يا أبو سكينة

تسأله و همه تزيده و الدمع بالعين

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

**********

ينظر الحالة و عينه همالة و القلب يسعر لهيبه

يدري هالطفلة لمن تسأله تشعر بنار المصيبة

ساكت لسانه يحجي باجفانه قلبي صار الهم نصيبه

تشرح دموعه قصة اللوعة بسفرة الموت الرهيبة

ينفتح جرحه و يشده دمعة عيونه يضمده

تسأله الطفلة اشطول الرحلة

تناشده بروح الصميدة و الدمع بالعين

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

**********

حست بخوفه لمسة جفوفه و اسمعت نبضة دليله

تشرح أحزانه و تجوي وجدانه مسلم و ساعة رحيله

تشعر بناره و تفهم أسراره قصته قصة طويلة

مهجته تلهب تسمعه ينحب والدج آنا بديله

إنتي من هالساعة بنتي و بوسط عيني سكنتي

نامي بعيوني تغطي بجفوني

اتبسمت بسمة سعيدة و الدمع بالعين

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

**********

يا حميدة اليوم قلبج المهموم ما من أخبار الـ تفرحه

كل خبر عنه قلبج يطعنه و تنزف جروج ويا جرحه

غدرته الكوفه و خانته سيوفه و هالغدر حيرني شرحه

و لجسر الوادم ياخذ الظالم يرمي بيه من عالي صرحه

من وقع لأجل العقيدة صاح عذريني حميدة

سالت دمومه و تشرح علومه

للحزن تكتب قصيدة و الدمع بالعين

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

**********

دم حميدة صاح يعني مسلم راح و افقدت عزي و دلالي

أبقى محرومة طفلة مهضومة و أقضي عمري بليه والي

شمعة أيامي حرقت أحلامي و دفنت أفكاري و خيالي

غابت أفراحي اتكسر اجناحي من غرب بدر الليالي

شنهي هالكوفة و أهلها و الغدر ظل شيمة إلها

اتهيمتني اليوم غرقتني هموم

قلبي يغلي دم وريده و الدمع بالعين

**********

تذرف الدمعة حميدة من بعد مسلم وحيدة
ينظر لها حسين تشكي هضم البين

يِنحب و يحضنها بيده و الدمع بالعين

حميدة

شريط زائر الحسين
الرداود : صلاح الرمضان

روح يا جسام

الشاعر : مقداد الهمداني
ـــــــــــــــــ

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

رملة تنادي ولدها و القلب ينزف دما يروي نيران الظما

تحجي و ي نجمة سعدها بالصبر متحزمة للشهادة تقدمه

قلبي وي سيفك يشارك لمن تخوض المعارك

تسمع بدقاته وني يرتل بكل نبضة آية

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

قلبي بيدينك أمانة تقلي يمه ادَّللي آنا بن حيدر علي

السيف يدري منهو آنا و الرمح يشهد إلي للحرب ابنج ولي

ديني هاليوم الشجاعة و لا ديانة بلا إطاعة

أخلص لديني و تهني حصدي أثمار الرباية

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

للحرب بيدي أزفك تهلل عروق القلب و احبس دموعي غصب

أكتب اسم الله على جفك يحفظك طول الدرب يعينك بهاي الحرب

قلبي لا يوقع من ايديك لو وقع ينحز وريدك

حتى لو ناداك ابني لا تطيع أمري و هوايَ

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

قتلي يمه براحة نامي إنتي بحماية أسد لا تهابين الشدد

صرت آنا عندك أحامي قلبي سور لهالجسد دمي سيل و عزمي سد

أمك يهمني الـ يهمك من دمى شرياني دمك

غصة سهرانة على جفني بغيبتك تبدي النهاية

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

تحارب و قلبي يعينك صاير لسيفك خليل نبضه أقوى من الصهيل

فجأة يوقع من يمينك تنزل تشيل الدليل تلقى قلب أمك جتيل

من كثر خوفك عليَّ تذبحك قوم آل أمية

يمه ردتك تدري آني بنزلتك شفت المنايا

**********
روح يا جسام يا ابني يا الـ قلت أمي بحمايَ
يا الـ قلت أمي بحماي

روح يا جسام يا ابني يا الـ قلت أمي أمي بحمايَ

**********

شريط زائر الحسين
الرداود : صلاح الرمضان

يا عمي يا عمي

الشاعر : مقداد الهمداني

ــــــــــــــــــ
**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

ودعتني و واعدتني شفتي تعيش بأمل

و آنا من ساعتها صابر بالعسى و ريت و لعل

كل أساليب التمني يا قمر ليلي دعيت
و بحضن وعدك يا عمي نامت عيوني و غفيت

و المهد مل البواجي ما ادري تذكر لو نسيت

يا عمي يا عمي يا عمي يا عمي

**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

عايش بيقظة منامي و بحلم ذاك الوعد

صابر و مل مني صبري و هم يقل اصبر بعد

و آنا بقماط الرضاعة سكة آمالي مشيت
و بدرب مسدود أسمع صاحت آمالي انتهيت

و المهد مل البواجي ما ادري تذكر لو نسيت

يا عمي يا عمي يا عمي يا عمي

**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

حيرت آمالي فكري و ظيمي ما اظن ينكر

ما أبالغ لو قلتلك راسب شاب من الفكر

عمي صدقني و حياتك لو ترد جني ارتويت

أنسى جمرات الظمى و أتناسى إنك واعديت

و المهد مل البواجي ما ادري تذكر لو نسيت

يا عمي يا عمي يا عمي يا عمي

**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

عمي مسجون بغيابك خلف قضبان المهد

و بسجل طف المآسي ألتمس رحمة نهد

لا صدر يرحم دموعي اشما صحت و اتوسلت
لو دموع أمي فرح جان اشربتهم و اكتفيت

و المهد مل البواجي ما ادري تذكر لو نسيت

يا عمي يا عمي يا عمي يا عمي

**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

عمي دمع الحزن مالح لا تصدق ينشرب

صرق ألملم بي و أطشه بالجنت دق الدرب

بالجن ترد و تجيني تقلي بوعودي وفيت

لاجن بعين العقيلة و لا خبر يفرح لقيت

و المهد مل البواجي ما ادري تذكر لو نسيت

يا عمي يا عمي يا عمي يا عمي

**********
يا عمي يا عمي يا عمي يا عمي

يا عمي حتى العطش ملني و إنت بعدك ما إجيت

و المهد مل البواجي ما ادري تذكر لو نسيت
يا عمي يا عمي يا عمي يا عمي
**********

شريط زائر الحسين
الرداود : صلاح الرمضان

عباس

الشاعر : أحمد العامر

ـــــــــــــــــــــ**********
عباس عنوان الفخر عباس عباس

عباس من طب النهر عباس عباس
الماي شافه و ما شرب منه
عايف حياته و رايد الجنة

عباس عباس

**********موقف شهامة بصفحة التاريخ من نور انكتب

و على الضماير من طبع مرسوم بحروف الذهب

عباس في صدره علم مخزون ما تزيحه القرب

هاذي شهادة من علي سجاد في عالي الرتب

با اللي سمعت بموقفه بعاشور لا يصيبك عجب

عباس خاض العلقمي عطشان قلبه و لا شرب

العطش فتت مهجته عباس عباس

بس همه يملي قربته عباس عباس

هيهات قبل السبط يتهنى عايف حياته و رايد الجنة
عباس عباس عباس عباس

**********
عباس عنوان الفخر عباس عباس

عباس من طب النهر عباس عباس
الماي شافه و ما شرب منه
عايف حياته و رايد الجنة

عباس عباس

**********

هاليوم عباس انذخر لحسين و لطف كربله

شاف زينب و الحرم صيت علي ..... الوله

شاف الطفل فته الظما و أم على ابنها معولة

دق صدره يروي لجبدته عباس راعي المرجلة

طب للغريب و ناشده لحسين ظل يتوسله
ارخص لي يا خويه العطش فتت قلوب العايلة

تنادي و بجاه الضامري عباس عباس

مكسور يا عم خاطري عباس عباس

من سمع طفل يجذب الونة عايف حياته و رايد الجنة
عباس عباس عباس عباس

**********
عباس عنوان الفخر عباس عباس

عباس من طب النهر عباس عباس
الماي شافه و ما شرب منه
عايف حياته و رايد الجنة

عباس عباس

**********

قله يا قمر عدنان يا خويه يا عزوة هلي

لا وين قاصد يا البطل يا عمد بيتي و منزلي

يا شمعة تضوي بحيرتي يالـ بيك همي ينجلي

خل الطفل و أم الطفل يحرون بس تبقى إلي

و عباس خر يقبل أجدامه يتوسل بالولي

خل أطلب الماي و أرد يحسين يا ضنوة علي

و حسين ظل يودعه عباس عباس

بالقاع يجري مدمعه عباس عباس

و زينب تودعه و تنتحب سكنة عايف حياته و رايد الجنة
عباس عباس عباس عباس

**********
عباس عنوان الفخر عباس عباس

عباس من طب النهر عباس عباس
الماي شافه و ما شرب منه
عايف حياته و رايد الجنة

عباس عباس

**********

و بهمته خاض الجمع عباس شيال اللوى

أرعب العدوان و اجف بالمعركة صوته دوى

شتتها طب وسط النهر عطشان لكن ما ارتوي

جمعت عليه قوم العدا و الظما هد منه القوى

قطعوا يمينه و يسرته و الجود خر مايه و ذوى

بالعند صابوا هامته و عالقاع هالضيغم هوى

ناداه يا خويه طحت عباس عباس

يوسفة من إيدي رحت عباس عباس

منك يا خويه انقطعت الظنه عايف حياته و رايد الجنة
عباس عباس عباس عباس

**********
عباس عنوان الفخر عباس عباس

عباس من طب النهر عباس عباس
الماي شافه و ما شرب منه
عايف حياته و رايد الجنة

عباس عباس

**********

شريط زائر الحسين
الرداود : صلاح الرمضان

هوسات -1-

الشاعر : مقداد الهمداني

ــــــــــــــــــ

**********
الوداع الوداع أهل بيتي الوداع

**********

أهل بيتي ألقي عليكم سلام

و الشهادة تنتظرني و انتظر مسك الختام

الضياع الضياع ينتظركم الضياع

**********
الوداع الوداع أهل بيتي الوداع

**********

يا سكينة يا رقية قبلوا هذا الوريد

دمه ينزف يا الحبايب عالترب و أصبح شهيد

لا انقطاع لا انقطاع قبلوا بلا انقطاع

**********
الوداع الوداع أهل بيتي الوداع

**********

يا العقيلة الهاشمية قدمتي لي هالجواد

يمج يرد يالغريبة لابس ثياب السواد

بافتجاع بافتجاع ودعيني بافتجاع

**********
الوداع الوداع أهل بيتي الوداع

**********ـــــــــــــــــــــــــــ

هوسات -2-

الشاعر : مقداد الهمداني

ـــــــــــــــــــ

**********
مأجورة يا زهرة مأجور يا حيدر علي

**********

عباس يالوديعة مذبوح عالشريعة

و جفوفه قطيعة مطروح عالغبرة الولي

**********
مأجورة يا زهرة مأجور يا حيدر علي

**********

و الأكبر توذر يا الزهرة و تعفر

عالغبرة و تطبر ناديه يا وردة هلي

**********
مأجورة يا زهرة مأجور يا حيدر علي

**********

و القاسم رمية يا حامي الحمية
من هالغاضرية جم نار بيكم تصطلي

**********
مأجورة يا زهرة مأجور يا حيدر علي

**********