ضعنا يا صبرنا...

يسلمو امورة عللقصة

ننتظر الجديد

ياهلا بخيتي أميرة أبغيك تشوفين هالرابط..
http://www.alnassrah.com/showthread.php?t=45667&page=17


واسمحي لي يمكن تعتبر نص سرقة أفكار ههههه بس كلامك أوحى لي بهالكلام..
موفقة غاليتي..

مرحبا

اعتذر احبتي .. الجزء ان شالله راح اكتبه اليوم العصر .. واشوف وقت اللي اخلصه بنزله..
فجأه جاني تعب .. عوارض انلفونزا و اللوز ملتهبه .. و صداع..و القولون العصبي اللعين.. الله يكافيكم شره قاعد يلعب معاي..

التقيكم على خير
دمتم بحفظ الرحمن

سلامتك خية ..
ماتشوفي شر إن شاء الله..
موفقة بإذن الله
..دمتي بعين المولى الجليل..

ماتشوفي شر اميرة والله يعافيك ويكفيك الشر

ان كان ولا بد انك تريحي راحتك اهم

جزء روعة وتسلم يدك


ننتظر الجديد

بسم الله الرحمن الرحيم
اللهم صل على محمد وآل محمد
وعجل فرجهم

هلا والله بك اموووره

جزء بصراااحة ابداع وصحيح شكله حميد ينسب الى مالك

وبالنسبة الى علي الله يفرج عنه ان شاء الله

الله يعافيك امووورة وما تشوفي شر

بالانتظار

موفقة لكل خير

الله يعافيك استاذتنا وما تشوفي شر

اهم شي عندنا سلامتك

تحياتي

مرحبا

:embarrest:

تسلمو والله والشر ما يجيكم.. الحين احسن بوايد
دقايق وينزل الجزء بس الونه ليكم في المنتدى

الحلقة الثامنة عشره..

ام مؤيد مختلعه من حركة حجي عباس.. ولا هي عارفه ويش تقول..
مؤيد نفس الحاله:
ــ لا بارك الله فيك.. صحيح قلة ذوق.. امشي اماه بس نرجع بكرامتنا.. لا حيا ولا مستحا..
ام مؤيد: ــ انا لله وانا اليه راجعون.. الله يعينش ياا ام عادل على هالريل..

ورجعو بيتهم...

في المستشفى... حميد اجرو له تحاليل وفحوصات .. وحطو عليه مغذي وعطوه كم ابره .. لين تطلع نتيجة التحاليل...
جاسم قاعد وياه.. و الأفكار توديه وتجيبه ..
ويش سالفة هالأوراق..
ومين امجد؟؟؟
شوي حميد فاق من الغيبوبه و بتعب... قال يبغى ماي
جاسم قام له سنده وصار يشربه ..
سدحه على المخده وهمس له:
ــ امجد..
حميد بلا وعي وعيونه مغمضه :
ــ هااا..
جاسم اختلع.. وحس قلبه بيطفر .. قام يكمل وياه الكلام..
ــ ويش اسم ابوك..؟؟؟
حميد يجاوبه : ــ عبدالكرريم...
جاسم مو عارف ويش يقول له...
ــ خالد آل ..... منهو دا ؟؟
حميد مايرد...
جاسم كرر عليه السؤال مره ومرتين وعشر..
وحميد ابدا لا حياة لمن تنادي..
صار يهزه وهو ابدا ما يتكلم...
خاف جاسم ... لا يكون مات..!!!!!!!!
طلع من الغرفه بسرعه وراح ينادي الدكتور...

علا في غرفتها قاعده في الظلمه.. سرحانه في عالم ثااااني...
تواسي نفسها ..
ــ اشرف.. عمره ما بيكون لي اصلا.. ليش تأثرت من سالفة زينب وياه..
ابتسمت والدموع تنزل بعفويه:
ــ ايييه.. الله يكتب اللي فيه الخير...

باب غرفتها يطق ... طلعت تريزا وماسكه سماعة التلفون..
ــ علا .. نايمه؟؟
علا تمسح دموعها : ــ هلا .. لا قاعده .. ويش صاير؟؟
ــ .. خاله امل تبغاك..
خذت علا السماعه..
ــ الوو << كانت مبحوحه..
ــ اهلين.. ويش فيه جوالش مقفل...؟؟ما رديت من ساعه كنت اسبح سجاد..
علا تحاول تعدل صوتها :
ــ لا البطاريه خلصت ومادري وينهو الشاحن..
ــ وويش فيه صوتش..؟؟
ــ شاربه بارد..
ــ اهاا .. لا تشربي في هالجو .. ما يفيد فيش...
ــ ان شالله.. ايه..كنت متصله باقول لش لقيت لش حنايه
ــ وووووالله.. اني كل من اتصلت بها قالت محجوزه و لا اعرف احد تسلمي غناتي .. منهي ؟؟ وحليو شغلها لو ويش ؟؟
ــ هههههههههههههههه شوي شوي علي .. شغلها مره روعه شفته بعد .. اما منهي .. خمني ..
ــ مييين ؟؟ ويش عرفني اخمن..
ــ ليلى ...
ــ ليلى... بنت ام علي ما غيرها..!!
ــ اييه.. شفت اليوم صور بنت خالهم زينب .. مره حليو شغلها وقلت ليها باخليش تكلميها وتحددي يوم تروحي فيه...
ــ تماام توي ادري بها.... اخبارهم وويش حالها ام علي... مادري احس وضعهم ما يسمح بحنى وحركات وهيك..
ــ الحمدلله تمام هم وام علي ما شفتها يوم اروح...و بالعكس هم اولى من غيرهم..
ــ الله يعينهم... زين تعاون امها شوي على المصاريف ...
ــ يووووووو ذكرتيني نسيييت..
ــ ويشوو؟؟
ــ مكينة ام علي خربانه .. قلت باقول ليهم باخذها نصلحها ونسيت
ــ انـــــاااا لله.. ناقصين هم .. الله يكووون بعونهم والله.. غريبه ويش اللي نساش ..
ــ مادري نسيت دق علي مالك وطلعت ونسيت << اللي ماخذ عقلها نساها..
ــ اصلا مهي حلوه منش تاخذيها تصلحيها مفكرتنهم بيرضو..
ــ اجل ويش اسووي...؟؟
ــ ممممممم كذبه بيضا.. اتصلي فيهم بكره وقولي مالك يعرف يصلح هالحوايج ويحب الحوسه وخذيها وديها المصلح ورجعيها .. اهم شي لا يدرو صلحتيها على حسابش وعند محل.. ما بيرضو ترى..
ــ خووش راي .. خلاص بكره اتصل واشوف.. وانتين اتصلي فيها حق حناش وحددي لش يوم..
ــ على خير ...

الدكاتره في غرفة حميد ...
جاسم خايف :
ــ ويش فيه..؟؟
الدكتور(سوري): ــ اغمى عليه مره تانيه.. من ايمتى ما اكل وشو كان فيه قبل لا تجيبه بالضبط
جاسم : ــ مادري .. مادري من متى ما اكل .. بس هو صار له فتره بطنه كل يعوره وينتفخ و قبل لا اجيبه كان يرجع و يطلع دم مع الترجيع..
الدكتور :ــ توتوتو.. لا حول الله.. النتايج راح تبين النا شو فيه..
ــ يعني من الأعراض ماعرفتو
ــ يا ابني الأعراض هيدي لعدة امراض باطنيه ونحنا شاكين في واحد منوون بس نتايج التحليل راح تبين النا اكتر..
جاسم في باله:
ــ الله يستر.. شكلها حوبة ولد عمتي قويه.. والدور علي .. ويلي ويش اسوووي... وانت ويش سالفتك .. امجد لو حميد لو ويش تطلع ؟؟؟

وطلع جاسم من المستشفى وهو يفكر .. وصل البيت .. دخل وهو سرحان ...لا سلام ولا كلام..
امه كانت تجهز عشاهم .. وابوه كالعاده في الحوش مع القدو..
ابو جاسم :
ــ كح.. كح احححاا .. هذا اللي ماخذينه منك لا سلام ولا كلام.. وين طاير من صباحة الله..
جاسم ما انتبه لأبوه فما رد..
ابو جاسم شال فنجان قهوه كان يشرب فيه .. وبقاياه رشه على جاسم...
جاسم انتبه ...
ــ اححح .. هااا.. ويشو..
ــ هااا.. في عينك... وينك من الصبح..

ما شاف الا جاسم يجي له بسرعه ويقعد جنبه.. وشكله كأنه بيصيح...
ابو جاسم مستغرب :
ــ بسم الله الرحمن.. ووويش صاير.؟؟ ويش فيك....؟؟؟
جاسم مو عارف ويش يقول..
ــ مادري .. حاجه غريبه..
ــ ويش الغريب بعد .. اغرب من حالتك ماميش ...
ــ يبا .. تعرف واحد اسمه عبدالكريم ال....

ابو جاسم انتفض و ترك القدو من ايده..
ــ هااااا... رحمة الله عليه... حق ويه تسأل
ــ تعرررفه مار علي اسمه..... بس مين هوووو؟؟؟؟
ــ حق وييييييه تسأل ؟؟
ــ يباا تكفى اول علمني ويش سالفته..
ــ أي سالفه .. هذا ابو خالد آل .. اللي هو ابو مالك شان تعرفه.
ــ ايييه اللي صارت وياك سالفه وياه من سنين...
ــ لا بارك الله فيه.. رحمة الله على ابوه .. ما خلف الا اللي ما يستاهل يعيش
ــ الله يرحمه ... يعني كان ابو خالد اسمه عبدالكريم
ــ ايه... ولويش تسأل..
ــ زين ماعنده الا خالد وبس..؟؟
ــ لا .. عنده عفر بس امه عراقيه كانت خوش مره طيبه واجوديه.. وتدري بكل شي يسويه ابو خالد رحمة الله عليه.. يعني ارضنا اللي اكلها ابو مالك اللعين .. تدري بها انها حقنا وملكنا ... بس سافرت بولدها من توفى المرحوم

جاسم بفضول : ــ ايه...
ــ ايه... .. كان صغير عمره عفر 7 سنوات لو 10 سنوات ,, ويوم جى ابو مالك يحصر الأرث قالو لأخوه حق فيه حتى لو صغير...بعدين سكتو مادري قالو مات مدري ويه من دي 20 سنه ياولدي ويش يذكرني...

جاسم بهمس وخوف :
ــ اسمه.. امجد...؟؟
ابو جاسم فتح عيونه : ــ هااا... ويش تهربد يا ولد.. ويش دراك بأسمه ولويه تسأل كل هالأسئله ؟؟؟

جاسم طلع شهادة الميلاد من مخباه..
وعطاها ابوه..
ابو جاسم مسك قلم القدو وهو محمق:
ــ اه..!!!. اشلخه على راسك... من متى ابوك يعرف يفتش الخط .. ويش هالورقه
جاسم اخذها .. وصار يقرأ اللي فيها..
ابو جاسم مو مستوعب..
ــ تلعب وياي ويا هالوجه.. ويش تقوول ... ويش دي ؟؟؟
ــ شهادة ميلاااااااااااد...
ــ ويش السالفه .. ؟؟ من وين جايبنها...؟؟؟
ــ من صندقة حميد...
ــ حميد الميد.. ماغيره ؟؟؟
ــ ايه...
ــ خوي ولد عمتك.. !!!
ــ اييييه
ــ مانى مستوعب .. يعني ويه..؟؟!!
جاسم وجهه اصفر .. ولا هو داري ويش صاير:
ــ ولا انا.. مادري ...
ــ لايكون هو امجد .. اخو خالدوه الملعنه..
ــ يجوز......

زينب طلعت من غرفتها ...
ابو جاسم : ــ نادي على امش بسرعه....
جت ام جاسم .. علمها بالسالفه ...
ام جاسم تصروعت..
ــ اخوووووه.. تتوقعو.. لا عاد... ولويه كل هالسنين في الصندقه .. حق ويه ساكت عن حقه...
ابو جاسم : ــ مااادري .. ويش شفت بعد من اوراق عنده...؟؟؟
جاسم: ــ ما نبشت عدل.. بس شهايد مدرسه وشهادة هالميلاد اللي انتبهت ليهم

زينب : ــ اخو ابو مالك.. اني اعرف بتهم..
ابو جاسم طفر : ــ ها ويش عرفش بها بعد..؟؟؟
زينب خافت: ــ لا معرفه سطحيه بس اسمها ليلى بنت عمتي تعرفها عدل .. مالي بها اني..
ــ ايه حسبالي بعد...لا بارك الله فيهم من عايله

ام جاسم : ــ ووينهو حميد الحين؟؟
جاسم : ــ في المستشفى .. وكل في غيبوبه..
ــ الله يعينه ويقومه بالسلامه..

تابع>>

بعد كم يوم
عبدالرحمن يشرب علي الماي بعد حبتين البندول... اللي مافي غيرهم هم لو الفيفادول وصار له على هالحال فتره لعل وعسى يخف..
سدحه عالمخده:
ــ فيه العافيه.. يللا خلك شديد يارجال الله يعين امك عليك.. شكلك ما تمرض واذا مرضت مرضتك كايده وقويه..
علي ابتسم : ــ اييه والله ياخوك.. خلاص طيحه مامنها قومه..
ــ بعيد الشر عنك .. فال الله ولا فالك.. هههههههههههه اسمع بس من يتكلم .. نفس حالتك انا الله لا يبلاني ويقومك بالسلامه..
ــ هههههههههه وقاعد تهدر هاااا..
ــ هههههههههههههه ثاني اسبوع عرس طحت على زوجتي مصخن..مسكينه ما مدانا .. كنا بنسافر اجلنا سفرنا... صاير مو طبيعي مسكينه خرعتها ما شغلتها الا صياح ,, ومن اسكت ..تصارخ.. تكفى عبدالرحمن رد علي ..
ــ ههههههههههههههه اهااا وانت الحين تطبق فيني ..
عبدالرحمن يدف خد علي بصبعه: ــ يقطع شيطانك..ههههههههههه لا بجد خرعتني وين ندبر لك علاج وهالخمه ما يعطون الا بندول او فيفادول.. وانت ما شغلتك الا هااا .. وهااا..

ابتسم علي .. شوي .. تنهد من قلب...

ــ آآآآآآآآآآآآآآآآآآآآآآآآه

عبدالرحمن : ــ اف اف اف . انعسكت الهااا وصارت آآآه. سلامتك ياخوي من الآآآآه ... شفيك؟؟
ــ امي.. وحشتني ... يا بو حنين..
عبدالرحمن ابتسم.. ــ ايييه رحمة الله عليكي يا اميمتي....
علي حط كفه على كف عبدالرحمن : ــ الله يرحمها ويحسن اليها ويرجعك لزوجتك سالم يارب.
ــ جميع يارب...

حط عبدالرحمن كفه الثانيه على راس علي وصار يردد ..
ــ احن إلى خبز امي.. وقهوة امي. ولمسة امي... وتكبر في الطفولة يوما على صدر امي.. واعشق عمري لأني اذا مت اخجل من دمع امي ..
علي : ــ الله... صح لسانك..
ــ لسان راعيها يارب...
ــ ليش ..؟؟؟ مو انت اللي مألفنها..؟؟؟
ــ ههههههههههههه لا ااا انا !!... ههههههههههههه ويني ووين هالتأليفات .. لا تفشلنا واللي يرحم والدينك..
ــ هههههههههههههههههه ويش دراني...
ــ لا عاد ياخي من صجك .!!. مشهوره هالقصيده .. كاتبها محمد درويش.. وتغنو فيها مواويل .. عن جد تقطع القلب ... ما قط سمعت به..!!؟؟

علي ابتسم : ــ هههههههههه خلني ساكت احسن لي لا اتفشل انا الحين..
ــ ههههههههه يقطع شيطانك.. شدعوه الثقافات تختلف من واحد للثاني...
علي : ــ حافظ الباقي؟؟
ــ ايه حافظها كلها...
ــ تممها ما عليك امر..
ــ ماعليك زود .. غالي والطلب رخيص... اييه.. واعشق عمري لأني اذا مت اخجل من دمع امي .. خذيني اذا عدت يوما ....

وصار علي يتأمل كلمات القصيده .. ويحس روحه مكتوم ومتضايق... ووده يصيح .. وطيف امه قدامه .. خايف عليها ومتأكد ان حالها مو حال في فرقاه...

ام علي بالها ضايق ... تحس روحها مهي على بعضها....
ليلى حست عليها:
ــ امااه ويش فيش؟؟
ــ مافيني شي على اخوش يا بتي ..و بالي بال مكينتي .. وولد خالش جسوم قلنا شان يعرف ماعرف ليها...
ــ الله كريم.. زين اماه اكو خالي يقول الأسبوع الجاي في يوم زياره ومن متى وهو يحايل فيش روحي وياه..
ام علي كانت تحمس بصل .. دموعها انسلت :
ــ يابتي قلت ليكم ماقدر اشوفه هناك وهو على هالحاله.. لا تزيدوني هم.. اخاف اروح اشوفه وازيد ..عساه الأسبوع الجاي في حضني..
ــ يااارب.. خلاص.. ابوي يروح ويا خالي ..

وشوي انتبهت لأمها :
ــ اماه ويش فيش تصيحي الحين.. خلاص عاد هدي وهونيها وتهون..
ام علي تمسح دموعها بذراعها..
ــ من البصل .. من البصل..

تلفونهم يرن.. رفعته ريما..
ــ هلااا..
ــ اهلين ريووم اخبارش..
ــ هلا زينب .. الحمدلله بخير .. اخبارش انتين
ــ تمام اسال عنكم.. وويش فيش ما تذاكري .؟.. كم يوم ويجي يوم السبت اول يوم اختبارات..
ــ اف لا تذكررررريني ويدخل محرم وحنا نختبر ويوم عاشر ما نقدر نغيب اختباااااارااات
ــ خخ الله والغياب .. تعلميني عنش ريووم...
ــ عن النحاسه حينب .. عن النحاسه..
ــ اهوووووو يلعن بليسش .. وين ليلو...؟؟
ــ دقيقه..

راحت ونادت اختها..
ــ ليلو .. تبغاش حنبوه
ــ ههههههههههههه زين الحين باجي..

ــ اهلين ..
ــ هلا والله اخبارش بطيخه..
ــ الحمدلله تمام وانتين ويش مسويه؟؟ و حق ويه ماجيتي ويا خالي وجاسموه يوم يجو للمكينه...؟؟؟
ــ ههههههههه والله قلت باجي ,,قال ابوي : انفبري << انثبري
ــ هههههههههههه خالي ويا انفبري .. حركات...
ــ ههههههههههه تعودنا...هااا .. ويش اخبار الحنى.. اتصلت عليش ؟؟؟
ــ ايه .. ليلة الجايه بتجي احنيها..
زينب بهمس :
ــ على خير الله يوفقش غناتي.... باقوول لش خبر .. مادري ابوي وجاسموه قالوه ليكم لو لا..
ليلى تبادلها الهمس : ــ ويشوو .. ماقالو لينا ذاك اليوم شي غريب..
ــ حميدوو خوي اخوش اللي وياه في الحداق...
ــ ايه .. ويش فيه؟؟ خذوه هو بعد ؟؟
ــ لاااااا.. طلع اخو ابو مالك.. يعني عم علا..
ليلى تصروعت: ــ هااااااااااا...
زينب : ــ وي وي الله لا يروعش لا تفضحينا .. وتوديني بداهيه.. يعني ما قال ليكم ابوي..؟؟
ــ لااا.. توي اسمع .. كيفا .. وويش دراككككم؟؟؟؟
ــ ياعليييييي يبغى ليها قعده هالسالفه مو تلفون .. ماعرف الحين امي اكي بتجي .. اهو تالي تالي..
ــ وصاقعه تصقعش هذي حالتش تقول نص السالفه والباقي تالي ,, ذلفي .. فارقي..
ــ امواااااااه لا تزعلي لا سطار... تالي اجيش واعلمش .. بس لا تعلمي اهلش.. باي الحين
ــ باي .. باي..

سكرت ليلى وهي تضرب فكر..
عم علا!! من وييييييين لويييييين .. خرفت زنبوه..
الا تلفونهم رجع يرن..
تابع>>

..

رفعته.. طلعت علا ..
وبعد السلام والكلام والسؤال عن الحال وكان تمام..

علا: ــ غناتي اخبار مكينة الوالده؟؟
ــ اييه على حطتها من يومها .. حاول فيها امس جسوم ولد خالي مافاد
ــ زين اقدر العصر امر اخذها .. مالك اخووي عنده خبره ويعرف يصلحها ان شالله
ــ صحيح.. مابغى نكلف عليكم..
ــ تكلفي ويه.. اقول لش حوااس يحب هالسوالف عادي شدعوه...
ــ زين .. تسلمي غناتي.. نردها لش يارب
ــ الله يسلمش ولا تردوها ولا شي . ..

سكرت ليلى وهي فرحانه عدل...
راحت علمت امها.. فرحت امها و تأملت خير ..

ابو علي ينادي :
ــ ليلى .. تعالي يبا..

ــ هلا ..
ــ جيبي السماعه واتصلي على جوال المحامي خلني باشوفه ويش سوى لليوم..
ليلى في بالها:
ــ لله صبرك يا يبه.. كعادته..بارد وهبل هالمحامي..

وصار ابو علي يملي ليلى الرقم..
ان الهاتف المطلوب لا يمكن الأتصال به الآن..

ابو علي : ــ داويه.. مقفلنه..
ــ تالي اجل ذكرني ارجع ادقه لك..
ــ عساه خير...

العصر .. علا في السياره تخبر مالك بقصة بيت ابو علي وويش سالفتهم ....
مالك تعاطف وياهم.. و فرحته فكرة اخته .. ووافقها يروحو ياخذو مكينتهم ويودوها المصلح..

وهم في الطريق لبيت ابو علي.. مرو على بيت اشرف .. الا بطلعته..
مالك ضرب له هرن و سلمو على بعض ..
علا .. حست الدم يسري في خدودها بالقوه.. وحاسه قلبها يطق طق..
صارت تحاول تتجاهل هالمشاعر...
مالك : ــ خخخخخ مع اني وياه مو مره.. بس احيانا يعجبني .. ما شالله عليه تصدقي خلص كورساته كلها في امريكا.. انا لو ما هالكورس اللعين اللي اجلته .. شان خلصت وياه واسترحت..
ــ هو ويش دارس..؟؟
ــ تقنيه وادارة معلومات..
ــ تمام.. والله حلو تخصصه...
ــ بس ويش بيسوي فيه .. مايناسب اموال واملاك ابوه..
علا تطالع فيه على جنب:
ــ يعني تبغاه زيك .. ادارة اعمال.. يا اخي يبغى هو شي يحبه مو شي على هوى غيره
ــ ويش قصدش ...!!
ــ ولا شي.. اسكت احسن لي..
ــ ايه خلش ساكته دام النفس عليش راضيه...

ليلى ترجع تحاول تدق على المحامي .. ونفس الحاله مقفل....
الا باب بيتهم يطق..
ليلى : ــ دقيقه يبا.. دي اكيد علا.. جايه حق المكينه..
قامت ليها.. ودخلتها...
علا : ــ اهلين.. ها وينهي ..؟؟
ــ هذا هي في المجلس..
ــ ياعلي مين اللي شالها.. اني قلت باخلي اخوي يدخل يشيلها ليكم..
ــ لا ويش دعوه شلناها اني وامي وصلناها للمجلس اقرب..
ــ زين غناتي .. ادخلي داخل لو البسي شي .. بيدخل اخوي ياخذ المكينه..
ــ زين بدخل.. تسلمو والله ما تقصرو .. عسى عمركم طويل..
ــ شدعووه يللا عن الرسميات...
ليلى بخجل...ــ ان شالله ..
ــ مع السلامه .. واشوفش على خير..
ــ على خير حياش الكريم..

ودخلت ليلى داخل..
ودخل مالك..
ــ يالله يالله..
شال المكينه وطلعو..

ام علي صارت تدعي ليهم .. الله يوفقهم ويبارك فيهم.. وصارت تقول: ــ سبحان الله فرق بينهم وبين ابوهم..
ابو علي : ــ ياما من بذرة السوء يطلع فمر طيب وياما من البذرة الزينه ما يطلع الا شوك و علقم..
ريما : ــ ويشوو علقم بعد...
ابو علي : ــ قومي لدروسش .. تشيه انتين في شي في هالدنيا تعرفيه..!!
ريما : ــ زهق .. ززهق .. ززهقااااااااااااااااااانه..
ابو علي يضرب بالعكازه: ــ ووجع .. قومي .. تعالي ليلى عيدي الرقم باشوف اخرتها ويا هالمحامي..

ونفس الحاله..
ابو علي : ــ اتصلي مكتبه.. لا بارك الله فيه .. انا اول مره اشوف محامي يقفل جواله...

اتصلت ليلى مكتبه...
وعطته ابوها..
رد السكرتير..
ابو علي بعد ما سال عن المحامي..
بذهول واندهاش ..
ــ هااااااااا...؟؟؟ من متى ؟؟؟!!!

والى الملتقى..

اعذرو تقصيري .. ..:embarrest:

الحمد لله ع السلامة

وبصراحة

بارت حلو وابداااااااااااااااااااااااااااااااااااااااااااااا اااااااااااااااااااااااااااااااااااااااااااااااع

وبنتظار البارت القادم على احر من اليمر(الجمر)

تحياتي

يجنن البارت كله حماس..
وهذا حميدو طلع عم علا.. ياالله..
بس علا عاجبتني شخصيتها وحنانها على ليلى.,..وتعاطفها وياها..

يعطيك العافية خيتي ومامنك قصور إن شاء الله..


موفقة غن شاء الله تعالى..
..دمتي بعين المولى الجليل..

وصاقعة تصقع هالمحامي الاغبر لا يكون سافر وكان ينصب عليهم ؟

سلامات أمورة ماتشوفي شر

لاتعصبي ولاتنقهري عاد وياهللقولون الله يغربله الله المستعان

قصة روعة كل ماجاها تحلي

الله يعطيك ربي الف عافيه