ماعرفتوني .. كثر .. ما عرفني ..

هلا امروش اخبارك واخبار المخرف عندك عساه بخير

اقتباس:

---

ـــ لااا .. انت تتأخر واني عليك اتطفر..
ــ هلااا.. امي صارت شاعره..
ام حيدر تضرب العكازه على الأرض ضربه على يمينه...
ــ عن المسخره.. وين رحتو..
ــ قلت لش يوم تدقي علي ..رحنا مزرعه... و..
ام حيدر تشمشم ...
ــ اشتم ريحة دخان...
وتضرب بالعكازه على الأرض ضربة على اليسار...
حيدر ما شغلته الا يتطفر مع الضربات..
ــ حيدرووه تشرب دخاااان... << قالتها بحمق..
حيدر رفع صبع ايده اليمين لعند جبهته..
ــ قسما بالله انها ما لمست بووزي...

---

هههههههههه اما شاعره فشاعره الوسواس ضرب فيها وعلمها الشعر

والتحقيق وربي حسيت انه ريقي يبس ول ول ولا ولا صرت انقز مع كل ضربة عكاز

اقتباس:

---

الا بفتحة الباب بسرعه تخليه يدق السقف ويقوم على طوله يحمل الفووطه والى الحمـــــــام سررر..

---

ههههههههههههههههههههههههههههههههههههههههههههه

سوت له رعب هو ناقص الرجال كفايه عليه السهره

اقتباس:

---

حنين:
ــ بااشووف..
طالعته..
ــ أي هاادا جوال فارس..
رؤى تخطف الجوال من ايد حنين..
ــ وانتين ويش دلاااش هاا..
ــ اتذكره يوم اشوفه من شويات..

---

ول عليها حفظته الله يستر منها بس اتوقع يصير صراع بينهم بسبب فالس <<مسكين مفلس

اقتباس:

---

وبعفويه يبغى يغطي سيقانها يسحب المشمر على تحت..
رؤى ما كانت ماسكتنه..
ويطيح المشمر على كتفها << جا بيكحلها عماااهاا..خخخ
رؤى صرخت
ــ يووووووووه
.. وشالت مشمرها بسرعه.. توقعت ان رائد داس عليه بالغلط << من الطول الزايد..

طبعا فارس التفت وانتبه لذاك الشعر السايح اللي نازل لورى المشمر ..
وفباله ..
ــ احم..... والله حليو ما شالله.. خخ مو زي اخوها.. افف .. غض النظر يا حمار..

---

والله سالفة هالمشمر سالفه

عاد هم الصراحه غلطانين كان خلوها تركب غرفتها بعدين هم دخلوا <<صدقت القصه

الله يسامحهم حرجوا البنت

هههههههههههههههههههه وغض النظر ياحمار هااااااااا شعقبه ههههههههههه

اقتباس:

---

ــ لاااا امي ... لا تعليق ... ونمت شوي بعد الصلاه الا بجية ابو رقبه بغى يفطسني..
فارس ما قدر ..
ــ هههههههههههههههههههههههههه
ورائد وراه..
ــ هههههههههههه ابو ويش رقبه بعد.. لاااا كملت هههههههههههه

---

هههههههههههههههههههههههههههههههههههههههههههههههههه ههههههههههه

من جد ضحكت ضحك على هالحيدر ماكفاهم ويش سووا له

رائدوه هو متصل اله يتطمن ولا يتشمت ههههههههههههههههه

اقتباس:

---

فارس ..
ــ وصاااقعه بسم الله الرحمن..
ــ ويش فيك مبقق عواينك فيني مفكرني ما اشوفك..

---

يوه يوه قطع عليه حبل افكاره خخخخخخخخ

اقتباس:

---

سكر رائد الجوال وقام الضحك هو ويا فارس ضحك لين تعبوا.. طفوا الليتات ..
وما مداهم بينامو.. الا فارس يقول لرائد..
ــ تتذكر رائد....

---

ويلي بعد هالضحك الحنين رجع اتوقع لايام عبود وذكرياته :sad2:

والحين بيقلبوها مناحه هم الاثنين :huh:

الله يكون بعونهم <<متأثره



امووووووووووووووووووووووور

الحلقه كلها على بعضها حلووووووووه وتموت ضحك :bigsmile:

في إنتظار البقيه

تسلمي امور الجزء رووووووووعه يجنن مثلش

اني عندي شك انه روئ بتعرس علي فارس

بس حراااااااااا م تقهرون حنين
بس اتوقع حنين الي فيها حب مراهقه ويروح

تسلمين اموور
تحياتي
رهوفه

أمورة يالغلا الله يعطيك العافيه حبيبتي

علقصة الروعه وي غبت كم سبوع جمعت بس5 أجزاء

بس يالله تدري طولت حوالي ساعتين واني اقراء وضحك ضحك

والله حركات واكشنات الحلقه روعه

أحم أحم أصير واجد احد اشوفك بدون قصد أصير

مسكينة اتخيل موقف رؤي لما شافها فارس

اميرة والله توك تعرفي بابو رقيب ضحكوه امجربتنها

لانها نايمه علي ظهرها ومرفعه راسها لفوق اني اتفادا هلنومه عشان

لايجيني ابو رقيب

بس من وين جايبه ادعيدع هذا لازم استفسر منها منو ذا بعد

ننتظر البقيه

طبعا كعادتك اميرة تفاجئينا بحلقات احلى واحلى..

انا ما اقول كذا الا لاني احس بالتقصير

بس,,

قدام ابداعش لابد من هذا التقصير فاعذريناااا..

طبعا عجبتني مقاطع من الحلقة اللي قبل شبقة السنانير

ولبس الوزار وخلعة الهندي..هههههه

وبهذي الحلقة عن..

خلعة كرار وغيرة رؤى من حنين على رقم فارس

عموما خية يعطيك الف عافية..

وتسلم يدك بالخير..

اخوك,, ي ع ا ل س ي ر

اقتباس:

---

ااه.. اااه.. لا تخنقني.. بسم الله.. بسم الله... ويلي... ابو رقبه.. لااا.. لااا.. كحححح.. ااه .. اااه..
وينقز حيدر من نومه..
ــ اعووذ بالله.. بسم الله.. اللهم صلي على محمد وال محمد...
ويرفع غرشة الماي ويشرب وحالته حاله..
ــ يلعن يووم هادي حاله.. من حاجه لحاجه.. ام حمار دعيدع والحين ابو رقبه.. هئ هئ...

الا برنة جواله في الظلمه مسد كوول..
ــ اااااااااه .. وصااقعه ..
وصار ينافخ من الخلعه..

---

حلو هالجزء مرررررررررة

اقتباس:

---

انسدحوا والليتات مولعه.. بيسولفوا شوي وتالي بينامو...
هدوووء ... فارس التفت لرائد.. لقاه يحوس بجواله .. وصار يتأمل وجهه وابليس يوسوس له..
ــ هو توأم اخته.. يعني يشبهها بس على انوثه ونعومه.. .. ويتخيل شكله بالشعر اللي شافه.. والله حليوه.. اذا رائدوه فلقة قمر ويش تطلع اخته...

---

قليل ادب خخخخ يمبليه دست وجمووع ورفوس من رؤى خخخخخخخخخخخ

اقتباس:

---

رؤى وحنين يصفقوا.. شوي الا رؤى..
ــ اششش ازعاج نايمين العالم واحنا مسويين معاليس .. الا اماه لويش تصفقي..؟؟ << توها متفرغه تسأل خخ..
ــ يؤ الليله مولد ... المهدي ..
حنين ورؤى :
ــ عجل اللهم فرجه الشريف..

الا رؤى شاهقه .. وحنين ضاربه صدرها..
رؤى :
ــ ويش مووولد المهدي نااصفه.. واني ماني منتبهه الحين احنا في جمادى كيفا صلنا شعباان
حنين..
ــ هههههه أي والله...
ام حسين تحط ايدها على لحيتها..
ــ يؤ صدق.. ههههههه.. نسيييت..

---

اقتباس:

---

هدووء غرفة رؤى شوي الا ام حسين تصيح..

---

اقتباس:

---

ــ السلااام عليك يا امير المؤمنين.. السلااام عليك ياحامي الجار .. السلام عليك يا حيدر الكرار ..

---

صارت مخرفة ام حسين
احين مولد وتالي وفاة خخخخخ خلاص كبرت وعجزت وصارت مخرفة

اقتباس:

---

ام حسين :

---

اقتباس:

---

ــ يؤ .. ما شاف ولدي ما يطالع << حجة الحريم في هالموقف ولدها ما يطالع كنها عيونه هي خخ..

---

اكيد ولدها وحبيبها بدافع عنه
بس صحيح وش هو ابو رقبة ودعيدع ما اعرفهم اعرف بس ابو الخلاقيين
ومشكورة امورة عالجزء المرة حلو
وناسة + ضحك × فرفشة <<< مسألة رياضية
يجنن يذبح ياعلي
ماشاء الله عليج الله يبعد عنج عيون الحساد
ومشكورة الضحكة على مساعدة اميره عدل كشخة
تقبلوا مروري
& تحياتي &

هلاااااااا حبايبي
وربي فرحتوا قلبي ردد ولا اروع تسلموا والله
وترى من البارحه بنزل هالجزءواسألو ضحوك وامول معاي بالمسنجر كانوا.. واني حاطه بالخارج وطايحه كتابه.. وكبرياؤووه معاي في البيت جت غرفتي وهي محمقه..
اميرووه فصل النت .. خللص الإشتراك.. خلعتني هههههههه كنت الونها وما نتبهت
قلت بااروح فيها
عموما تفضلوها الحين
وجاري كتابة الجديد
دمتم بحفظ الرحمن

ــ تتذكر رائد....
رائد حاط ايده ورا راسه وهو منسدح..
ــ ويشوو..
فارس تغيرت نبرته..
ــ والا خلاص ما شي..
رائد قعد على المنام...
ــ ويش اللي ما شي..
فارس :
ــ خلاص بس كذا ابغى اسوي لك اكشن واخلي الفضول يلعب براسك.. نام ما في شي..
رائد:
ــ مالت عليك.. زين.. ولو اني شاك بتقول شي بس ما ادري ويش غير رايك..
ــ لا ما شي .. تصبح على خير..
ــ وانت من اهله..

انسدح رائد... وصار يفكر.. وشوي عقله طار ليوم الأثنين من الأسبوع الجاي يصادف حفلة تخرجه ..

وهو يفكر.. ركز سمعه شوي.. يسمع صوت نفس.. كنه واحد يصيح بس يداري صيحته قد ما يقدر ...
ولع الجوال بسرعه وجابه على وجه فارس.. فارس بسرعه مد كفه ومسح دمعاته..
رائد اختلع... قام بيولع اللمبات,,, فارس مسكه وقعده..
ــ لا تقوم خلينا ظلمه..
رائد منقهر وبخوف..
ــ لويش ويش فيك..
فارس..
ــ مافيني شي..
رائد حمق ..
ــ الا.. فيك...
فارس حمق عليه وصرخ فوجهه:
ــ قلت لك مافيني انتهينا..
رائد حمق وصار يتحنطب..
ــ من شوي تتذكر رائد.. وبعدين تصيح.. والحين مافيك شي.. بتذبحني انت..
وسكت شوي.. وانسدح وعطا ظهره لفارس..
وبنبره مخنوقه..
ــ ماكني خويك واللي يزعلك يزعلني.. فارس مالي غيرك يفهمني .. اتعب اذا حسيت نفسي ما افهمك.. احس روحي .. ما ادري ما اعرف كيف اشرح لك.. ليش تخبي علي وانا عمري ما خبيت عليك.. براحتك زين...
وسكت.. وبعفويه سالت منه بس دمعه وحده.. خلاها تطيح بسلام..

وبعد حوالي عشر دقايق .. فارس حط ايده على كتف رائد.. وضغط عليها..
ــ اعذرني يا خوي.. بس ما ابغى اكدر خاطرك.. ما ادري لويش انا نحيس.. بس قمت اصدق كلام امي ام حسين.. كانت اذا زاد الضحك بزياده في اليوم.. تتنهد وتقول .. الله يعدينا شر هالضحك.. ما كنت افهم ليها,, ليش الضحك الزايد وراه شر.!!. ما دريت ان ممكن بعد الضحك نذكر مواقف وناس وحشونا ااااه يا رائد .. وربي ما ادري ليش جا على بالي هالطاري ..

رائد لسا عاطي ظهره لفارس.. وساكت.. فارس يدري به ما راح يقابله الا اذا قال له باللي فيه... تنهد فارس من قلب.. ومع التنهيده سالت االدمعه..
ــ تتذكر يا رائد,, من تسع سنوات.. يوم تجوني بالسوق مع المرحوم الغالي عبدالله وحالتي حاله..
رائد من سمع اسم عبدالله حس بغصه وصار يعض شفايفه...
فارس:
ــ هالمزرعه .ما ادري ليش.. ذكرتني بهالسالفه.. ذكرتني باللي صار لي..
ذكرتني بكلام عبدالله واللي صار له.. عبدالله الحبيب الغالي اللي ما راح انساه .. اتذكر لهفته وخوفه علي لا يصيبني اللي صابه.. اتذكر كلامه حتى دفا حضنه بعدني احس فيه.. كنت صغير ومحتاج أي احد يحن علي يكون جنبي.. وكان هو كل شي..
رائد سااكت هدوووء..
فارس يكمل..
ــ كان خايف علي لا يكون تأذيت.. عاش مأساه وصبر صبر ما صبر احد قده..
رائد مو فاهم شي .. رد على فارس بهمس..واستغراب ..
ــ مأساة ويش؟؟
فارس صبت دموعه..
ــ يارائد انت وقتها كنت صغير وممكن تكون ما فهمت اللي صار.. بس بإختصار.. انا يومها تعرضت لتحرش من صبيان اكبر مني..
رائد بهمس..
ــ تحرش ويش جسدي ..؟؟
فارس بهمس وكتمه..
ــ لا..
رائد ..
ــ لا تقول
فارس ..
ــ ايه,,,
رائد فتح عيونه حدها..
ــ وعبدالله ويش فيه..
فارس صبت دموعه..
ــ مو عاش نفس الحادث .. بس انا عدت سليمه.. بس تعرضوا لي .. هو لا جنوا عليه,,
رائد فتح فمه للأخروعيونه .. وحاس نفسه ضااق.. وكل هذا وهو لسا عاطي فارس ظهره...
رائد:
ــ ويش دراك انت..
فارس..
ــ تصرفاته.. خوفه.. لهجته.. طريقه كلامه.. اسئلته للدكتور...والدكتور بلسانه مره وهو يكشف علي يقول . الحمدلله ما صابك اللي صاب اخوك..
الحزن المرسوم على وجهه.. وصوت همساته جنبي وانا غافيه عيني.. كنت اسمعه.. جوارحي كلها معه.. اسمعه وهو يدعي الله.. يارب ما يصيبه اللي صابني.. دخيلك يارب.. ما ابغى مأساتي تتكرر مع اخوي..

رائد مو قادر يتحمل.. صار يحوس في رقبته.. جهة الحنجره يحس بغصه..
رجعت معاه الأحداث لورى ورى.. تذكر عبدالله يوم الحادث وهو بحمام المستشفى.. وتصرفه.. تذكر دمعاته.. تذكر خوفه ولهفته على فارس.. هالخوف كله مو بس على طق والا ضرب ,, على شي اقوى واعظم,,,
رائد ما تحمل .. رفع كفه وضغط على كف فارس .. ومع الضغطه فارس انفجر صياح.. كنه طفل ضايع.. كنه احد فاقد حبيبه للتو واللحظه..
وجلس فارس وحط ايده على وجهه يمسح الدموع .. رائد جلس وياه.. ومد ذراعينه حواليه .. طوقه وضمه.. فارس بادله الضمه وصار يصيح على صدره..
منظرهم رهيب كنهم امس فقدوا عبدالله.. مو من تسع سنوات....... انسدحوا بيناموا.. شوي
رائد يهمس
ــ اذا الأقدار خذت منا حبايبنا.. نردد ااه.. يا قسمتنا والنصيب
واذا العين تعبت من مدامعنا.. نعاتبها يستاهل دمعش الحبيب
فارس يمسح دموعه ويبتسم ويكملها مع رائد.. وصدى صوت عبدالله يشاركهم..


يوم الإثنين.. الساعه 8 الصباح...
رائد عند المرايا يعدل شماغه.. جواله يرن على التسريحه.. يطالع الإسم..
توأم روحي...
يرد عليه..
ــ هلااا فويرس
ــ هلاا فيك صباح الخير..
ــ صباح الأنوار..
ــ هاا خلصت.. ويش هالحوس اللي عندك..
ــ مانا عارف اعدل هالشماغ الأغبر.. قايل لأختي تكويه البارحه وتحط مريتو وايد .. صاير نايم.. كلما اكفس فيه مهو راضي.. كنه شماغ شايب..
ــ هههههههه غربلك الله خلاص انا الحين بمر عليك .. وسيارتك خليها بنروح بسيارتي ..
ــ اوكيه.. يللا تعال بس لبسني الشماغ عدل ..
ــ زين جاي مسافة الطريق..
ــ تعال امي ام حسين صاحيه..
ــ لا .. لويش..
ــ قلت خليها تجي باجيب غدا انا اليوم مناسبة تخرجي..
ــ ههههه حلاوتك ..رجعتنا اذا قعدت.. اجيبها... الا عمي فاضل ويش بيجي والا لا..
رائد بقهر وضيقه ..
ــ لااا .. بالشمال بعده للعمل وين يجي .. خخ البارحه كلمته بالجوال يقول لي تخيلني مع طلة كل شايب..
ــ ههههههههه حركات ابوك أي شايب .. ما شالله عليه احسن مني ومنك..
ــ كح بس تف بس ..لا تحسد ابوي..
ــ افا اللهم صلي على محمد وال محمد.. قلنا ما شالله.. يللا جاينك.. باي..
ــ بايات..
سكر فارس الجوال.. وحاس بغصه.. يفكر.. ويش حال هالأبو.. يا ترى عايش ميت.. ابد اخباره وعلومه منقطعه.. ولا كن عنده ولد.. هو ابو فارس كان رجال مهمل.. قاسي.. ما تعرف الحنيه مسالك لقلبه.. ودايم فارس يحط لوم موت امه عليه.. كانت مريضه وهو هاملنها.. وفارس صغير.. ما بيده حيله.. وام حسين ما تدري ويش تسوي.. تركها وراح تزوج عليها مغربيه.. وخلاها تولي.. وكل ما بين فتره وفتره ببلد.. لين استقر في المغرب تلبية لطلب زوجته المصون الكل وقتها كان يقول مسحور من هالمغربيه.... و زادت الحاله بأم فارس..كان معاها التهاب رئوي حاد .... تعبت بالمره.. وفارقت الدنيا..
كف فارس ارتفعت تمسح العبره...
ــ ااه رحمش الله يا يمه...
شوي ووصل فارس..

ودق جوال على رائد..
نزل رائد يرركض.. ومتلطم بالشماغ << الفارس الملثم..
وهو نازل يدوس على طرف ثوبه ويتعثر ويمسك عمره ويتعلق على الدرابزين على اخر درجه.. وطرااخ على الأرض ويطيح وهو قاعد..
ــ اييييي ..
ويقوم يشيل عمره شيل.. ويفتح باب الصاله..
ــ ايي ويلي ياظهري..
ويفتح باب الحوش..

فارس يدخل..
ــ هاا هلاااا بففف هههههههههههههههه..
شكل رائد وهو متطلم بالشماغ رهيب ضحك فارس..
فارس :
ــ ويش هذا .. لويش كذا..
رائد :
ــ خربت سكسوكتي.. وتلطمت..
ــ هههههههههههه من صجك..
رائد يشيل اللثمه وهو يرفع حواجبه..
ــ لا افا عليك.. هاا شوف القمر بس..
فارس بثلاث اصابيع يدف راس رائد..
ــ خخ خبل .. قمر في عز الصبح..
ــ أي قمر انا على أي وقت..
ــ رائدوه..
ــ هااه..
ــ خخخ ووجعااه.. مادح نفسه.. ويش..
ــ اكبر صادق في العالم..
ــ اقوول.. ويش رايك بحركة شماغي..
رائد:
ــ حليوه وتناسبك بس انا ما ابغى كذا كنك بدوي. بس احح فله صاير قمر يلعن يومك...
كان فارس فارد الشماغ وماخذ طرفه الشمال وحاطنه على كتفه اليمين وصاير كاشخ..
فارس :
ــ خخخخخ قمرين صرنا هاا.. ما تبغى كذا.. اجل ويش تبغى.. تبغاها مطويه..
ــ ايه وتكون عدله مو نايمه....
ــ خلنا ندخل الحين فطست من الحر .. وفوق نتفاهم...

وهم داخلين.. رائد ناسي عمره انه معاه اخته وامه في البيت.. قال نايمين فما حب يسوي ازعاج ويقول ليهم فارس عندي..


رؤى طالعه من غرفتها واثر النوم مبين عليها ببجامتها.. حاطه على راسها فوطه صغيره تنشف فيها وجهها اذا غسلت.. قعدت من الصبح.. وراها حوسه اليوم حفلة تخرج اخوها وتبغى تسوي له حركتات..
الحمام كان مشترك.. غرفة رؤى بعدين رائد بعدين الحمام.. الحمام قريب للدرج.. وغرفة رؤى ابعد وحده عن الدرج..
رؤى تسمع صوت احد يصعد.. قالت اخوها يمكن.. طنشت وما مداها بتفتح باب الحمام..
الا تحس ظل احد وصل..
وتلتفت وهي مفهيه على الدرج.. تلاقي رجال طول بعرض ومتشمغ.. ولا انتبهت لرائد.. الا هو يقول ليها..
ــ يالله يالله...
رؤى مهي عارفه وين تروح من الخلعه غطت وجهها بالفوطه ودارت تركض واقرب لفه ليها غرفة رائد.. دخلتها وقفلت عليها الباب..فارس حس بإحراج وزخه العرق ..
ــ يا الله كله مني المفروض استأذن.. اقول يالله.. ياربي اسف وربي مو قصدي..
رائد وهو مرتبك ويبتسم ومهو عارف ويش يرد..
ــ لا مني انا ما عليك.. انا الغلط مني ما قلت ليهم.. انا اللي دخلتك مالك ذنب.. حصل خير..

رائد راح غرفة رؤى.. وجاب عبايتها.. وطق باب غرفته..
ــ رؤى.. رؤى..
رؤى ما تجاوب.. كانت متسنده على باب الغرفه وقاعده .. دمها ناشف وتهلوس فبالها... ويش هالموقف .. هاادي ثاني مله وهالمله اعظم,, يا الله .. هئ هئ ..
وصارت تصيح..
ورائد يطق ومقرب بوزه من الباب..
ــ رؤى .. خلاص حصل خير.. ما انتبهنا لش اصلا.. قومي افتحي الباب.. جبت لش عباتش..

صوت المفتاح يفر ويفتح ..
دخل رائد وعطاها العباه.. لقاها تصيح..
كسرت خاطره.. مسح دموعها..
ــ حقش علي خيه .. خلاص حصل خير.. فارس هذا.. مهو غريب تعودنا عليه..
وبلا وعي رؤى تحضن اخوها وتصيح..
رائد حاسس بإحراج اخته خبره بحضنتها من يوم هم صغار .. مهو عارف ويش يسوي وكيف يتصرف .. صار يهديها.. ولبسها عباتها.. وطلع قدامها..
طلعت وراه..
فارس كان قاعد على الدرج وعاطيهم ظهره.. ويوم طلعت رؤى ..
فارس..:
ــ اسمحي لي خيه.. مو قصدي .. انا اسف..
رؤى بصوت واطي..
ــ لا حصل خيل .. ما صال شي.. << قالتها وهي مختلعه وقلبها يطق ودمعتها طايحه..

دخلت غرفتها..
رائد:
ــ البسي مشمرش واذا بغينا نطلع مكان بنعطيش خبر..
ــ ان شالله..

قعدت رؤى على سريرها وقدامها المرايا.. صارت تطالع في روحها..
شالت العبايه .. وحطت الفوطه على راسها .. ووقفت .. وصارت تعاين شكلها يمين وشمال.. وفبالها..
ــ اففف افششل مع هالكشه وهالبيجاما....
وشوي ..
ــ ويش اخلف اني .. ياعلي والله متفشله.. هئ هئ..
قعدت شوي زين .. وتالي طلعت للحمام..

رائد مقابل فارس يعدل له شماغه..
فارس ..
ــ هاادا ويه انت... لا تتخشب خليك عادي..
رائد يرخي عمره..
فارس :
ــ انا لله عاد مو كذا ولا كذاك..
ويصير فارس يطوي الشماغ لرائد.. كذا حركه.. ورائد .. مو عاجبنه الوضع..
فارس ..
ــ صدقني سويها زيي.. لأنك تالي بتتحرك.. وبتحوس رايح وجاي .. وبتقعدعلى اعصابك اذا انها مطويه.. احسن لك لفها زيي والله اريح.. وكل ما طاح الطرف رجعه لورى..
رائد ..
ــ صدق .. هذا رايك يعني..
ــ صدقني ..

سواها رائد مثل ما قال له فارس..
وطالع في المرايا..
ــ والله ماشيه حليوه.. وتناسبني الحركه بعد..
ويدور على فارس بسرعه..
ــ بس عليك افف شي والله ..
فارس..
ــ عاد بتصكني عين على شماغ ..خخ ..
ــ بس تدري .. حرام مغطي الحرير..
فارس يصفق رائد..
ــ هههههه وتاليتها ويا هالحرير.. والله ان قرعت لو صار لي شي بخبق عيونك..
ــ ويش تقرع .. انا اشوف كلما هدرت عليه زاد حلاه..
فارس يمسح ايده على شماغه..
ــ سترناه وخبيناه.. بالصلاة على محمد وال محمد..
ــ اللهم صلي على محمد وال محمد.. تف تف..
فارس يمسح وجهه..
ــ وصاقعه ويش هذا رشاش.. غسلت وجهي..
ــ ههههههه عن الحسد مالت عليك..
ــ ههههههه ماي ورد ماي ورد..
رائد..
ــ بدق على حيدوور الحين تلاقي امه على راسه وتكشخ فيه..
فارس ..
ــ هههههههه غربلك الله.. تدري نسيت انه يدرس بنفس مرحلتك راح عن بالي والله..
رائد وهو حاط سماعة الجوال على اذونه..
ــ خخخ مسكين خالي كان تخرج هادي سنتين.. بس احسن .. حلاوته وياي ..
وشوي يرد حيدر..
رائد ما عطاه فرصه يقول الو.. على طول هجم هو قبل ..
ــ الووووه..
حيدر..
ــ هوووه .. هو هووووه.. هلاااا قووه..
ــ يقوويك.. ها قعدت من النوم..
ــ اووه من زمان.. وخلصت لبس.. شغلت السياره احميها..
ــ بلل.. ويش بتسوي بتروح الحفل من فجر الله بتعدل الكراسي والطاولات.... احنا بنفطر تالي بنطير..
ــ خخ مالت عليك.. لا انا طالع بدبر لي فطور باشوف لي بوفيه والا شي جوعان....
ــ يؤ يؤ غريبه امك نايمه ما قعدت فطرتك..؟؟
ــ خخخ ايه نايمه عن المسخره مع وجهك..
ــ عجبا عجبا.. زين وابوي ابو كرار بعده ما غير رايه..
ــ لا ماغيره يقول ويش لي بهالسوالف ما فيني شدتها.. نايم هو بعد..
ــ خخ اجل ولي امرنا فويرس..
ــ حركاات.. أي اكبر واحد فينا.. ولي امرنا..
فارس..
ــ وجع سووني شايب.. وشوو ابوكم..
رائد..
ــ خخخخخ سمعته حيدر ويش يقول..
حيدر ..
ــ ههههههه ايه ويش فيه حمق هذا الواقع..
فارس..
ــ تلاقوا زيي ولي امر.. كاشخ كذا..
رائد..
ــ لا يطيح وجهك بس..
حيدر ..
ــ هااه .. اناا..
ــ ههههههه لا اقصد اللي وياي.. يعني الحين انت طالع بتفطر..
ــ ايه تعالوا معاي..
ــ خلاص اسبقنا وشوف أي مطعم ودق علي بس توصل وجايينك بالطريق....

رؤى كانت قاعده من الصبح بتسوي فطور لأخوها.. ويوم درت بعد وياه فارس قالت مره وحده يفطر وياه.. سوت الشاي.. وحطت بساكيت وكيكه مسويتنها من الليل.. وجبن مالح وزيتون ولبنه.. وصفتهم على الطاوله.. وهي تقلي بقرص البيض .. سرحت وجا على بالها شكل فارس .. وفبالها بلا شعور..
ــ والله حلكات.. صايل كشخه بالشماغ ما علفته..
وابتسمت.. وجت بتقلب القرص الجهه الثانيه.. وتطفر عليها طشارتين زيت على ابهامها..
ــ اححح وصاقعه.. ..
واستوى القرص العالمي .. وحطته مع الربع على الطاوله..
طق طق طق ..>> رائد طق عليها باب غرفتها يشوفها بيقول ليها بننزل ما لقاها .. قال اكيد تحت.. وشاف امه بطريقه توها قاعده وعلمها ان فارس وياه.. امه يالله انتبهت لكلامه سرحانه بشكل ولدها وهو كاشخ بالشماغ.. ودمعتها شوي وتطيح..
ــ حلاوتك يا بعد ابوي قمر عساني بالغه فيك بعرسك..
ورائد يضحك وفرحان ومستحي..

نزلوا هو ويا فارس وفارس ما سكت من قولة يالله يالله ..
دخل رائد المطبخ.. لقى الفطور الحركات..
ــ الله الله ويش هالحركات..
رؤى ..
ــ فطولكم.. لا تطلعوا الا وانتون فاطلين..
رائد استانس..
ــ تسلمي حركات والله والله اليوم عالمي على هالتخرج وكشخه..
بنادي على فارس تغطي..
تغطت رؤى وطلعت من المطبخ..
نادى رائد على فارس..
ودخل فارس المطبخ..
ــ الله ما شالله .. يا انا جوعان جووع.. الله يعطي اختك العافيه...
ــ الله يعافيك يللا بسم الله..
وقعد هو ويا رائد على الطاوله.. و بلع..
وبعد عشر دقايق.. الا جوال رائد يدق..
رائد.. يضرب جبهته...
ــ اووو.. حيدرووه نسيناه..
فارس غص باللقمه..
ــ بل علينا..
رائد كان حاط الجوال عالطاوله.. ضغط بصبعه على الزر .. وحط سبيكر.. وخلاه عالطاوله.. وصررخ حد ما عنده..
ــ الوووووووه..
حيدر ..
ــ هلااا .. يللا تعالو انا في مطعم الــ.....
فارس شرق ..
ــ كح كحح.. ويأشر على رائد .<<. بما معناه وييش نسوي
رائد ير فع كتوفه... <<حركة ما ادري..
رائد..
ــ خالوو.. ويش تتسوي
ــ والله قاعد في المطعم طلبت صحن كبده على كيف كيفاتكم..
رائد مو عارف ويش يقول..
ــ اقول خال.. احنا نفطر اللحين..
حيدر..
ــ هاااه... وييش مـــــــا سمعت..
رائد..
ــ كح كح.. نفطر.. هاا خال حياك تونا باديين ..
ــ الله يلعن بليسكم على الفضيل تعزموني زين ما عليه.. اوريكم يا دبب وانا عازمكم على حسابي.. صدق عند البطون ينسى حيدر.. افا بس يا دب انت وياه,,
ــ خلاص خال ولا تزعل.. جيب صحن الكبده وحياك معانا.. << قالها وطلع لسانه وصار يضحك ضحك
ــ بعددد.. هيين بس جاي اوريكم..
طووووط طووط ..
رائد..
ــ افاا .. حمق الخال ههههههه..
فارس..
ــ يحق له والله.. الله يستر بس منه...
ــ خخ عادي طيب ما يسوي شي.. باقوم بازيد الصحون اكل.. كنا ما اكلنا شي..
ــ خخخخ غربلك الله.. والبيض ريحته طالعه .. اكلنا نصه..
ــ اهوو عادي.. نحب البيض وهجمنا عليه هو اول .. خخ والله راح عن بالي.. عاد انت لويش ما ذكرتني..
ــ والله شفت الأكل وسكر مخي ونسيت انا بعد..


ربع ساعه الا بجيه حيدر ليهم وهو مروق
وحاط صحن الكبده على الطاوله..
ــ قووه للي ما يستحوا..
رائد وفارس مبين عليهم خوف من ردة فعل حيدر
رائد..
ــ هلااااااااا حيدووووووور يقووويك..
فارس يرفع ايده ..
ــ هلا وغلا ومية مرحبا..
قعد حيدر.. وهو يطالعهم على جنب مقهور..
ــ طفستوا وطفحتوا عني.. اااه يالملعنه..
رائد..
ــ لااا ما اكلنا وايد.. تونا .. بس البيض شوي..
ــ مالت عليكم.. اكلوا بس .. هالكبده ما صارت ولا استوت..
فارس ورائد ما كنهم ماكلين شي
مدوا اياديهم على صحن الكبده..
وشوووي....


بعد شوووي ان شالله اكمل واذا مره ما مداني بكره العصر :cool:

يسلموووووووووووو على الأبداع والله من جد ابداع والله ابداع

الله يعطيش العافيه أميره عليش أسلوووب فلته
ماشا الله
ذكرتني رؤى بقصه
كان ولد خالي ذاك اليوم لابس أسود لأن عصفوره متوفي وكنا أحنا في الصاله قاعدين في بيتهم لابسين عباياتنا
نتغطى منه
جت اختي وقعدت على الكنبه اللي جنبه وصار وجهها بعد ما انتبهت طبعاً زي الطماط ط ط ط ط إشارة خطر
وقامت تهروووول هههههههههه

هههههههههههههههه
والله ضحكتيني عليهم
الحلقه جدا جدا كفيرا كفيرا جميله
اللهم صلي على محمد وال محمد
تف تف <<<ماي ورد خخخخخخخخ
تسلمي عيوني وبانتظار التكمله خيوه
تحياتي
ضحكوه البطه

والله اكشن ههههههه

مرة صياح ومرة ضحك خخخخخخ

بس وش هالكلمة اميرة...رائد حمق وصار يتحنطب..

لانها مو بقاموس اهل تاروت وما اعرف معناها هههههههه

بس كانت الحلقة روعة وان كان المسرح مادر لا بمشهدين بس فخم بصراحة.. يعني قصيرة احسها.. على ان احداثها تغطي قصرهااا...

عوافي عليك خية ويعطيك الف عافية والله يساعدك

وشوووووكرررررن

ياسر

هههههههههههه
جزء رووووعه

وعاد مساكين

رؤى تطيح ليله حفل التخرج وهم رائد يطيح

والله حاله

الله ستر

انهم بس اثنين

خخخخخخخخخ



وعاد رؤى وموقفها ويا فارس قاعدة من النوم صج فشيله



بنتظاااار القادم



دمتـــ بود

يسلمووووووووو اميروووه من جد جزء رووووووعه

ــ خلاص خال ولا تزعل.. جيب صحن الكبده وحياك معانا.. << قالها وطلع لسانه وصار يضحك ضحك

هههههههههههه من جد موقف ذكرني بشخص من حركة لسانه حتى تخيلته
يسلمووو اميره وبانتظااااااار البقية

ودمتم

مي معورة أفادي ئله رؤي مسكينة وكله أشوفها فارس

ذكرتيني بموقف أني بعد

في وحدة كلما شافها ولد خالتها أقول إليها اوهوو كل أتشوفني

بدل ماهي أتقول أليه هو أقول إليها عن الفشلة

عن جدا روعه كلما جاها الأجزاء أصير احلي وأحلي