غربة الأوطــــــــــــــــــان...

اموورة غلااي وينج
انتظر مارح ازحزح

روووعة جدا وإسمها شدني بالقوة
تسلمي أميرة على القصة الكشخة
وشكلها فيها أكشنات مدام إن محورها عن الغربة ..
سأكون من المتابعين إن شاء الله لما هو آتي ..
دمتي بألف خير
وعساش على القوة

يـــآبعد قلبي أميرهـ وحشتيني كفـــــــآآآآري
أخبآرش وأخبآر اليهآل <~~ يهآل بيتكم توم وجيري <~~عرفتيهم ئه <~~خلاص له سكتي
كح كح أحم
صرآحه البـــدآيه روعه والميوزك تعطي نكهه للبارت وتدخلنآ جو فديييييييت قلبش <~~شدخلهآ الحين دي
إيه وبقولك هدآ حسن السيكل المسكوول اللي شكله كلا متآبع مرته ودآد مآحبيته عفر لآنه نحيسس
يآآمسكينه يآ مآريآ هدي إذآ مربووشه ومهبووله بخليهآ تصير شبيهتي <~~ليش على كيفش واني مآدري
يآآقلبهم إنتي ننتظر البآرت الجديد <~~ بحمآس تقول
ربي يعطيش العآفيه
ضحكوهـ البطه

حركات
سلمت بصراحة مبدعة
سلمك الباري
تصحيح الى ردي الي قبل اني قلت كل ما ابدي بوحدة ما اكملها قصدي كل ما ابدي اكتب رواية ما اكملها
بس القرائه طول اليوم اقرى روايات
وتسلمي ما قصرتي
مستينك
:bigsmile::rolleyes:

<< مسنتره هونا ~

لأحاسيسكم الحلوه..
ولتفاعلكم الرائع
جورية.. و صدق الدعاء ...

عذرا على الأطاله.. تزامنا معها طولنا البارت شويات..
و مأجورين بالليالي العلويه..
تبعا لها.. راح نوقف تنزيل الروايه الى ليلة السبت بأذن الله سنعود..
احتراما للأمام علي سلام الله عليه..
<< نظرا لعدم خلو الروايه من بعض المواقف الظريفه :embarrest::toung:
اسألكم الدعاء..

وتفضلو الجديد..

في القطيف


في بيت يوسف .. برى الحوش..
((ايثار)) بنت اخته اماني ... صغيرونه 5 سنين وهدرتها ظريفه .. وهي اللي تسميه يوفف ..
و اخوها الوحيد ((باقر)) اكبر منها بصف ثالث ابتدائي...
وولاد خالهم حسن ..(( محمد))... قد باقر و ((علاء)) عمره سنتين
وبنت ((فرات)) بصف اول ابتدائي ..

محمد متسلق على السور يقبع لوز... وايثار و فرات تحت يصرخو.
.وحده تقول يسار ووحده تقول يمين و محمد بس شدخ بالعصاه يحاول يطيح هاللوز مو قادر..
والشجره في بيت جيرانهم ... ومع صريخ اخته وبنت عمته ... وتعبه وهو رافع ايده ورقبته .. فقد التوازن و ..........طراااخ ....
يطيح من فوق السور في بيت الجيران .. و العجيب انهم ما سمعو صوت شدخته !!
فرات صرخت: ــ اخووووووووي مااااااااات
علاء اخوها مفهي مو فاهم شي بس من شافها تصيح.. مع القوم ياشقرا اشتغل هو الأخر صياح ...
ايثار وقفت مفهيه ... مهي مستوعبه الأمر..!!
باقر طلع يركض بيت الجيران بيشوف ولد خاله ...
باب جيرانهم صدفه كان مفتوح من دف باقر الباب انفتح.. وعلى طول للزراعه لقى محمد منشدخ على جبل رمل كان موجود من حسن حظه.. وغايص فيه من ثقله وقوة الشدخه..

يمسكه ويسحبه بالسرعه ويطلع وياه من بيت جيرانهم .. ويا دار ما دخلش شر...!!؟؟

ليترك اثر جثته الهامده فوق جبل الرمل دليل لجريمته !!

فرات لا زالت في البيت مقلعه الدنيا صياح هي و علاء...
وتطلع ليهم امهم (( وداد )) ..
ــ ويش صااااير ويش فيكم؟؟؟
فرات وهي تشاهق ولا ينفهم ليها ويش تقول: ــ طب .. طب محمد
وداد مختلعه وبعصبيه تلتفت على ايثار : ــ ايثااااروووو ... ويش فيكم؟؟ وين باقروووو ومحمد.؟؟؟
الا باب الطريق ينفتح على مصرعيه ويتراكضو باقر ومحمد ..
وداد فتحت عواينها:
ــ يامجرمين من وين جااااايين؟؟؟
محمد توه بيتكلم .. سحبته امه وشافت شعره مليان رمل والحاله قايمه..
ــ من وييييييييين جاي؟؟؟
محمد يبغى يشرح الموقف بس خايف من امه ويش يقول ليها؟؟ طبيت في بيت الجيران.!!! حق تشدخه فوق شدخته .. قام يكذب:
ــ لا بس العب ويا باقر برى الشارع...
وداد : ــ تلعب وياااه وهالحاله قايمه فيك واخوتك صياح و نياح ..؟؟؟. والله اراويك يا باقروه... مردغت ولدي في القاع ... ويش هالحاله دي..؟؟ هين اراويك انت و امك...

محمد مو عارف متبلعم .. وامه تسحبه للداخل وبيدها الثانيه ماسكه علاء:
ــ بسرعه الحمام وحساب هالملاعين تالي ... فرات قداامي بالسرعه

ظل باقر مع ايثار وفرات في الحوش مفهيين و قلوبهم الصغيره تصافق من وداد المتوحشه اللي ماعطتهم مجال ابدا يدافعو عن نفسهم..
باقر بعصبيه:
ــ محمدووو الجبان الشداب..لو خليته مرمي في بيت الجيران احسن..
ايثار مفهيه وتحس روحها مهي عارفه تقول شي ...
فرات حاسه بأحراج من اخوها ومن نفسها خصوصا ان امها درت من صياحها وصريخها..
انسحبت بهدووء..
ايثار بقهر: ــ جبانه زي اخوش...
وطلعت لسانها تبحلس ...
باقر .. ــ ماعلينا منهم...
ايثار : ــ ولا نبغى نلعب وياهم...
وطغت دمعتها في عيونها:
ــ واذا جى خالي يوفف باعلم عليهم خله لا يلعب وياهم ولا يطلع وياهم البقاله...

وداد داخل البيت هدرتها واصله للجيران... اماني عرفت السالفه .. اكيد شبقه مابين اليهال وهي جايه تحط الحره وتسوي من الحبه قبه.. فظلت ساااكته عنها .. مرت عليها ولا كأنها تشوفها.. وفتحت الباب ونادت على ايثار وباقر ..
وداد بحمق:
ــ ساعدش الله على غرورش . الله يعينش.. ما بيكسر هالخشم الا اخوش .. جيته من العمل يتفاهم وياش .. ويا ولادش خراب الأمم والديار...

اماني صمت ولا كلمه دخلت المجلس وسكرت الباب عليها وعلى ولادها..
قعدت منهاره تحاول تكون قويه حضنتهم وصارت توصيهم وهي متمالكه نفسها..
ــ امي.. خلكم عاقلين مافينا شدة مرت خالكم وخالكم.. بعد لو عندي محل ثاني اريح من هالمحل كان رحنا وعشنا فيه.
ايثار:
ــ اماه خلنا نروح بيت بابا ابو مجتبى..
اماني: ــ امي مافي مكان ولا ابغى يتضايقو مني اعمامش .. وعمش احمد تخرج و رجع البيت.. . اصبرو .. كم شهر ويجي ابوكم بالسلامه وتتحسن الأوضاع..

وتنهدت من قلب:
ــ ردك الله لينا ياولينا سالم من كل شر...


كاظم يصب له شاي وهو يكح كحه مهي طبيعيه...
حبيب :
ـ من هالصاقعه اللي تشفط فيه ليل ونهار... مو زين لك ياخوك .. خل عندك عزيمه واقطعه..
كاظم طالع من المطبخ فوطته على راسه وفي ايده كوب الشاي...
ــ بداية زكام فيني عفر
حبيب : ــ زكام ويه في عز الصيف .. متحجج زيك ماشفت ...
صوت مفتاح في باب الشقه.....
حبيب يهمس:
ــ مايندرى شقيق لو مزاد..
الا بدخلة واحد يهدر:
ــ اوووووو .. تالي تالي .. تالي لا اراقع بك..
حبيب يهمس للشباب:
ــ بل من اولها.. مراقع..
ويسكر الباب ويدف شنطته برجوله وهو مستمر يكلم بالجوال ومنفعل ...
وآخر المكالمه:
ــ فااااااارق زين مانى فاضي الحين...... و اعلى ما في خيلك اركبه..
وقفل الخط..
التفت للجماعه ورفع ايده حدها لفووق :
ــ سلااااااام ..
سيد هادي رافع حاجب وحاجب.,, يوسف يطالع بهدوء..
كاظم مفهي وبعده واقف بكوبة الشاي..
حبيب : ــ ههه عليكم السلام .. ياهلا..
الرجال بأبتسامه عريضه :
ــ المهلي مايولي..
حبيب : ــ ماتعرفنا ...!!؟؟
ــ مراد آل .. خويكم اليديد ان شالله...
حبيب : ــ بل .. خوينا..!!
يوسف يهمس له و يضحك: ــ ههههه لا تفضحنا .. تراها كلمه طبيعيه في بعض القرى,... مثل ... وصار يعدد على حبيب ..
حبيب : ــ خبره ما شالله عليك...
ويكلم مراد:
ــ والنعم... من وين اخوك.؟
مراد : ــ من .,,,............
حبيب ضحك... لأن يوسف عرف و نبهه..
مراد بأستنكار : ــ على ويه تضحك؟
حبيب : ــ ها.. لا ياخوك اسولف ويا خوينا يووسف .. وياك حبيب وهذا سيد هادي وهذا كاظم .. منورنا..
يوسف فيه ضحكه على حبيب مسرع ما لقط له كلمه..
مراد يتوجه لكاظم وياخذ كوبة الشاي من ايده ويشرب له شوي.. يرجع الكوبه:
ــ سكرك زياده ربي يسلمك...
حبيب حاط ايده على خده ويطالع في هالمراد اللي مره فله من اول لقاء ومستنكر منه..
مراد يقعد على الجلسه ..
ــ آآآه تعبان حدي...
يفصخ دلاغه يربطه ويدعسه ورى المخدات ..
يوسف ما قدر ابتسم ودارى ضحكته..

انتبه عليه مراد:
ــ داري داري .. ههههههههه بتقول زي الضبعان.. لا يضيع وتالي اقعد ادور عليه..
الا يرن جواله .. وكانت اغنيه و صجه قايمه..
حبيب على طول طالع في السيد.. يدري به ما يسكت .. مع انهم كلهم مايسمعو .. بس السيد يعلق وما يسكت بالعاده...
مراد عطى المتصل بزي ,, وهو محمق فيه..
كاظم في باله: ــ هالمصفع الله يلوع شبده مايدري بي ما اشرب ورى احد
وراح المطبخ بيصب له غيره...
يوسف هدووء من حظر وياهم بس يراقب الأوضاع...
مراد : ــ ماعليكم امر.. بس ممكن اعرف وين غرفتنا .. تعبان وودي ارتاح... جاي بسيارتي ومره متكسر...
حبيب يأشر على الغرفه:
ــ هذي غرفتكم .. ووياك اخونا يوسف وواحد اسمه شقيق
مراد : ــ هااا.. ؟؟ شقيق...!! فلسطيني؟؟؟
يوسف ضحك: ــ ههههههههههه قصده.. شفيق شفيق..
مراد : ــ اف اغلط بحرف الفاء تقلبه قاف يعني؟ عجيبه!!
حبيب يطالع على جنب : ــ مو اغلط .. اتغيلط..
ــ اهااا.. حسبالي ..

في شقة نوري والشله...
الغبار قايم و قاعدين ينظفو ...
محسن نزل عليه شيطان الشعر:
ــ اشوف الغبار بعيوني .. و اندب حظي و احوالي... شلون انظف لا تلوموني .. و البيز صار سروالي ... اشوف صرصور يتمشى .. واتذكر ايام الفيران.. واشوف مصطفى يحاتي ويش بنتعشى و اشوف ايمن مبرطم و زعلان...
مصطفى قام يضحك.. ــ غربلك الله يا متعيلف
ايمن محمق : ــ اشوف اشوف .. من عذر ابو عواين..
محسن : ــ و نوري يا عيوني .. يفلت صواريخ للجيران..
نوري : ــ و محسن هدار و يحن زي النسوان...
ايمن : ــ سكتو خلاااااااص

شوووي الا يسمعو ... فوقهم على طول..
طاخ.. طاخ.. طخ طخ..
كأن احد يشادخ شي على الأرض
وفعلا .. مراد في الشقه فوقهم..
كان يدف شنطته ماقدر من الفرش .. شوي يشيل فيها ويشدخ.. يشيل ويشدخ..
نوري مع الشدخات:
ــ اف .. ويش صاير ؟؟؟
محسن يرفع راسه: ــ بل .. قايم الشدخ فوق..
نوري : ــ تتوقعو لويه عاد.. هههههههههه خذ لك .. ايوه .. ايوه...
ايمن : ــ جايز مو عاجبنهم شي لو سعرها غااالي على خرطي زينا..
مصطفى: ــ حكم المص.....
ايمن يقاطعه بقهر : ــ لا اجل عندهم واحد متين ويناطط...

مصطفى انجرح وانحرج.. خصوصا انه ماكان يقصد ايمن بالكلام وايمن فهمه غلط...

مصطفى يدافع عن نفسه: ــ انا.. قصدي حكم المصارعه.. يضرب بأيده على الأرض
ايمن : ــ وضح كلامك مره ثانيه..
مصطفى : ــ مو مجبور اذا حضرتك تقاطع ..
نوري : ــ.. ليش ويش فهمت يا سيد ايمن؟؟
ايمن : ــ مو شغلك..
محسن : ــ ادري به حسباله مصطفى بيقول المصفع..
ايمن : ــ انت ما دخلك بعد..
محسن: ــ ايه مو على راسك ريشه..
ايمن : ــ التهي في حالك و ماخصك فيني..
محسن : ــ بل عليك نحوووس اغبر..
ايمن : ــ انت اخر واحد تتكلم فيهم...
نوري : ــ اف اف .. صلو على محمد ياشبااااااااب .. تونا بسم الله اول يوم ..
مصطفى: ــ اللهم صل على محمد وآل محمد..
ايمن ترك المكان وراح الغرفه..
نوري : ــ لا تلوموه .. تعرفوه مايقدر على الصرف والشقه ماعجبته ,, فعلا مافيها شي يفرق عن اللي قبلها الا بالمساحه ...
محسن : ــ يمسك لسانه الزفر .. ويحترم حاله ... مو مجبورين حنا نتحمل والله بتقوم شبقات واحسن من هيك على قدنا ما بنلاقي..
نوري : ــ هههههههههههههه شدعوه ماقامت مذابح.. وتالي تتصالحو.. طيب هو ..
محسن : ــ اه.. بس هو..؟؟؟
نوري : ــ ههههههه لا تخاف حتى انت.. عشرة عمر ماتهون بيننا معلوم نشابق ونتراضى عادي...
التفت نوري لمصطفى:
ــ ماعلى هالقمر دا.. اطيب منه ما فيه..

فوووق ...
حبيب قام مع مراد,, يعاونه:
ــ ما شالله عليك عفش بيتكم كله جايبنه وياك.؟..
ــ خخخخخخ ،،لا بس كم غرض...
وصلو وهم رافعينها ورموها على السرير ,, طراااخ
ويخر السرير على مصارعه ارضا..
حبيب شهق شهقه..
مراد : ــ افففففففف هههههههههههههههههه خذ لك...
حبيب : ــ ههههه انا مانى داري وهذا كم غرض فيها بس .. اشوى الأصنصير قريب .. شنطه مافيها كفرات مشكله دي .. هههههههههههههه سرير يوسف هذا .. << تسمى بأسمه سرير احمد حمي اخته من قبل ...
مراد : ــ اوه .. آسف لا فيها بس تكسرو يبغى لي جديده.. والله خساره قويه وتشيل واايد..
حبيب : ــ ايه.. وايد .. واايداات...توك كم غرض ..؟؟
مراد : ــ ياخوك لا تلومني .. لبيس واحب الكشخه.. هذاك يعني سريري..
واشر على السرير الثاني ..
حبيب يطالع فيه.. فعلا كاشخ الأخ وفي باله:
ــ استر... تحتك انا جرفلي..!!
<< قاعد بشورت وفانيله علاقي
حبيب : ــ هاا.. لا ياخوك هذا سرير شفيق ...
مراد : ــ ليش عبود ما كان عنده سرير ؟؟
حبيب : ــ خخخخخ لا كان ينام على منام اكو تحت سرير شفيق ...
مراد : ــ اف من بختهم اللي جايين من طرفهم.. افا يا عليك ابو العُبد..
حبيب : ــ مو مشكله اخوك تالي نطلع وياك نجيب لك سرير اسعارهم حلوه و مناسبه..
مراد : ــ مايهم السعر اهم شي الراحه..
حبيب : ــ خير ان شالله قضيها هالليله بس وبكره على خير نشوف..باروح اجيب مطرقه انا حق نعدل اللي انشلخ..
الا يوسف داخل الغرفه..بيعدل اغراضه...
حبيب بأبتسامه عريضه:
ــ شوي باجيب مطرقه حق نركب سريرك..

ما مداه حبيب يفتح باب الشقه بيروح لجيرانهم يتسلف مطرقه الا بوجهه يصادف واحد ملامحه تعبانه وباين عليه مبهدل واقف قدامه
ثنينهم شهقو من الخلعه..
الرجال : ــ سلام..
حبيب : ــ عليكم السلام هلا ..
الرجال : ــ انا شفيق .. مادري اذا هذي هي الشقه لو لا.. من طرف علي ال........
حبيب في باله: ــ يــــــــــا جميل الستر... مكحين واحد كاااشخ حد الدعسه والحين هذا عكسه تماما.. ويش هالنوايب ..!!
حبيب : ــ ايه.. هلا فيك .. تفضل تفضل..
ورجع دخل وياه ونادى الشباب..
ــ ياشباااب تعالو.. اكتملنا..
طلعو كلهم في الصاله وقعدو..
حبيب مسك استكانة الشاي الفاضيه :
ــ احم .. كح.. اهلا بكم في شقة العتاويه..
السيد : ــ هههههههههه عتاويه في عينك..
حبيب : ــ ولا يهمك.. اهلا بكم في شقة الأنوار
السيد : ــ تسخخخخخخر ويا وجهك.. هههههههه صبر يا بااايخ
صارو الشباب يضحكو...
حبيب : ــ احترنا وياك سيدو مو عاجبنك العجب.. ماعلينا.. اهلن وسهلن بكم جميعن نرحب بالضيوف الفلافه الجدد..
كاظم : ــ هههههه ركزو .. خط احمر تحت فلافه..
حبيب : ــ فلنرحب بضيوفنا الأكارم .. يوسف آل ....... من ....... ,, تصفيق..
ويصفقو السيد و كاظم..
يوسف و مراد وشقيق.. ماقدرو صارو يضحكو عليهم..
مراد آل ..... من ال....... تشفيخ... شفيق آل ....... من .....,,,
اهلا بكم جميعا.. ويسلم راس من دلكم علينا.. ونتمنى لكم اقامه سعيده..
طبعا سنقوم بأعادة شرح وضع العيش هنا للجدد بعد ان عرفه الأخ يوسف ..

ورجع حبيب يخبرهم بالوضع.. بالعزبه.. بالجدول للتنظيف كل يوم شي على واحد فيهم..
مراد : ــ اوووووو.. عاد انظف ممكن.. بس اطبخ.. ويش عرفني؟؟
حبيب : ــ ولا حتى بيضه؟؟
ــ ولا اعرف اشغل القز..
حبيب : ــ خابت .. ههههههه ماعندنا هالكلام .. هنا الكل يعمل الكل يؤدي وظيفته..
الكل انتبه الى شفيق.. كان طول الوقت.. ساكت وياكل في اظافره..
تقززو منه.. بس مابينو له أي شي ... وحاولو يدارو الأستغراب ...

في الطابق السفلي وفي شقة نوري وشلته..
محسن في الحمام يسبح ويصدح من اغنيه لأغنيه.. ماخلى اجنبي ولا عربي ..
نوري فوطته على راسه ويشدخ الباب..
ــ اخلص.. اعتزلو .. يللا وراك كم نفر .. ماصارت...

مصطفى يرتب اغراضه ومن بين اغراضه ,, طلع دبدوب .. وحطه على منامه...
نوري يطالع في ايمن ويتنهد..
ــ مصطفى .. طول عمره مصطفى...
مصطفى يطالع الدبدوب و يتنهد :
ــ رحمة الله عليش يالغاليه...

كانت لمصطفى اخت صغيره اسمها دانه .. غرقت في بركه .. كانت ماليه حياته خصوصا ان امه ماجابتها الا بعد فتره طويله ومن بعد فقدان الأمل انها تجيب لمصطفى اخو او اخت... ولكن الأقدار شائت انها ماتعيش...
يتذكر مصطفى لما تخرج من الثانويه وجاب مجموع مرتفع.. فرحة اهله ,, وخصوصا اخته لما عطته دبدوبها المفضل اللي ما تقدر تستغني عنه ابدا .. بس لجله ومن كثر حبها فيه.. اهدته اغلى ما تملك...
يذكرها .. ذيك الطفله ام 4 سنوات شلون واقفه قدامه على استحياء .. ايدها ورى ظهرها وتقول له غمض عيووونك عدل و اقعد ..
وشلون مصطفى يرفض للصغيره الحبيبه طلب .. على طول قعد وغمض ...
ليتفاجأ بها تحط الدبدوب على خده وتشغله وتقول وياه..
ــ امووواه .. آآآي لووب يووو
يضحك من قلب على برائتها ... ويفتح عيونه.. يحضنها وبكل حنيه:
ــ انا اللي لووف يو يادانة مصطفى..
دانه وبكل شقاوه: ــ لااااا مو لوف .. لوووب يوو
ــ ههههههههه كل واحد.. دانتي تعرفي ويش يعني؟؟
ــ يعني انت صديقييييي ...
ــ ههههههههههه ياغناتي.. لا.. يعني انا احبك...

انقبل مصطفى في البترول وفي سعود .. كان حظه جدا حلو اضافة لمعدله الأحلى..
ولما درت اخته ان المكانين اللي قبلوه فيهم واحد قريب والثاني سفر وبعيد..
صارت تترجاه وتقول له انها بتكرهه طول حياتها ان راح الرياض .. وهو يضحك ويطمنها مستحيل يخليها ابدا...
ولكن ... قبل الدراسه بشهر .. ترحل عنه دانه اللي سببت برحيلها لمصطفى صدمه مو طبيعيه ...خلته على اثرها يروح الرياض عل وعسى يهرب من طيفها والذكريات...

غرقت الطفله في بركه .. اهملوها بس ربع ساعه تسبح فيها مع سابق التحذير انها لا تتحرك من على الدرج.. كانت هذيك الرحله المشؤومه على العايله كلها.. لما طفت سيارة ابو مصطفى على بعد مسافه من المزرعه وراح مصطفى لأبوه يجيبه ..
في حين ام مصطفى راحت بتجيب ثياب دانه لا تبرد..طلبت منها تظل على الدرج تبع البركه.. ولا تتحرك لحين ترجع ليها..
آمنت الأم المسكينه.. وخوفها على بنتها من البرد وخصوصا ان ماعندها مناعه خلاها تفقدها بالمره..
في ايد دانه كورتها تلعب فيها.. زلقت في الماي وتحركت..
بعيد..
بعيد.....

لحقتها الطفله ونسيت تحذير امها..وغرقت..

جت ام مصطفى رمت الثياب وبلا وعي طاحت وراها في البركه.. وهي اللي ماتعرف تسبح..
ودانه غايصه في الماي وكلما حاولت ام مصطفى تغطس محاولاتها تفشل..

بلا شعور صارت تصرخ .. تستنجد.. بس ماحد حولها...

شوي..

صار جسد دانه الصغير يطفو..ام مصطفى اعصابها انشلت.. طلعتها للسطح وصارت تحاول تسعفها بس مافي فايده..دانة .. شمعة وانطفت...مصطفى ينتبه لنفسه .. لوين وصلت به الذكريات الأليمه اللي ما تنسى...

مسك الدب وضغط عليه.. وصار يسمعه وهو يكرر I Love you

في بيت يوسف ...
وداد على راس حسن:
ــ اف من ولاد اختك.. قليلين ادب وحيا وكل شي .. مخربين ولادي .. اليوم......
حسن يقاطعها بعصبيه:
ــ اووووووه وانتين اختي وولاد اختي ماعندش سيره غيرهم؟
ــ وفففف ليش في غيرهم بلى في هالبيت؟؟
ــ انتين .. اكبر بلى..
ــ اني .. اني وصلت فيك بعد.. مشكور .. رحم الله والديك..
ــ ووالديش .. فكيني من هالهدره المقدره.. ماتتعبي ؟؟
ــ آآآآآآه وين ارتاح اني واني بيتي ماحس فيه بالراحه ابد.. مقاسميني فيه 4 اشوى بعد الخامس راااح الرياض ... عاد شان زين بعد راح ووسع علينا.. الا صارت محله في هالمجلس اخته وولادها ...
ــ افففففففف
ــ انا لله.. وانت ابدا ماتحس فيني ولا توقف وياي !!!
ــ ويش اوقف وياش .؟؟؟ وبعدين مين الأربعه على قولش..؟؟
صارت وداد تعد على اصابعها زي المصروعه:
ــ امانيو.. وولادها الفنين و ماريووو
حسن فتح عيونه:
ــ اماني وولادها واصبراه وجودهم مؤقت.. ماريووو لووويه بعد .. وين تبغيها ترووح ؟؟؟
ــ وين تروح هااا.. قال ويه.. وين تروح ,, انت ادرى وين تروح؟؟
ــ وجع.. كم مره اقول لش لا تجيبي هالطاري .. مو ناقصني ازوج اختي الا لأخوش فتحوه ..
ــ ويش فيه اخوووووووي؟؟
ــ قولي ويش مافيه... فاشل .. دقاق عود وراعي بطاله ..
ــ لا تقووووول عن اخوي كذا هااا..
ــ شدعوه هو غير كذا..؟؟ مجنون اعطي اختي لواحد زيه... بعد لو زي عبدالستار ماعليه..
ــ يكفي عنده محل وبيت ... عبدالستار ويش عنده ياحسره !!
ــ محل ويه ياحسره؟؟ محل شيش ومعسل وجراك.. احد يفتح محل كذا.. وبعدين لويه انتين كل ضد عبدالستار .؟؟؟. ترى لولاه ماخذتش ...
ــ ايه .. عايرني .. مو انت ماخذني على شان اخته...
ــ اجل لويه.. ويش عرفني بش ؟؟ زين انش تدري ..
وفي باله.. ياليتني ماعرفتش ..
وداد انقهرت وبلعت غضبها وردت:
ــ و بعدين محل الشيشه ويش فيه؟؟..ماشي سوقه وكسبان..
ــ الا خراب امم وديار.. و مال حرام... صكيها هالسالفه ولا تعوري راسي ..

وحل الظلام .. والكل توجه للمنام..
وهذي اول ليله ليوسف ينام فيها برى البيت.. مراد يحاول يفرش مفرش على المنام اللي بينام عليه ومو عارف.. قام له يوسف وصار يعاونه وفي قلبه يضحك على خيابته وقلة معرفته...
اما شفيق .. قعد على سريره وسند راسه على الجدار ..

مراد :
ــ ما شالله عالشباب شكلهم خوش ناس .. كشخات..
يوسف : ــ ايه الحمدلله كنت احاتي هالشغله...
مراد : ــ وحليوين.. بس صراحه... انت احلاهم... اسم على مسمى ما شالله عليك..
يوسف ارتبك من كلام مراد..
مراد يضحك : ــ هيه .. ياهوو .. لا يروح فكرك بعيد.. بس انا احب الكاشخين والمرتبين والحليوين.. يلفتو نظري ..
يوسف ابتسم..
مراد: ــ ايه لا تخاف.. كيري ميري ماعندي...

طفو الليتات وسكرو الباب .. انسدحو .. خمس دقايق انفتح الباب .. وكان حبيب ..
ــ شباااب هاا شخباركم الوضع وياكم اوكي..
ضحك عليه يوسف :
ــ ايه لا تخاف اوكي .. تسلم ..
ــ طيب تصبحو على خير واحلام سعيده.. بكره الصبح الساعه 9 ورانا انا وكظموه محاضره فبنقعد من 8 اللي حاب يفطر ويانا يقعد اووكي
مراد : ــ ويش فطوركم..؟؟
حبيب : ــ الله يحيينا..
يوسف : ــ هههههه زين.. على خير
سكر حبيب الباب ...
الغرفه عتمه.. شوي مراد من تحت يحوس في جواله وينور الغرفه..

انتبه يوسف لشفيق لا زال قاعد ومسند راسه عالجدار ...!!
حط مراد شاشة الجوال على المنام بحيث لا تضوي عليهم ..
شوي .. يوسف يسمع صوت طقطه و كأنها اغاني؟.!!
يحاول يتجاهل الصوت مو قادر .. سأل :
ــ تسمعو اللي اسمعه..؟؟
شفيق و مراد ساكتين مايردو..
يوسف يحس ان مراد مانام من حركته .. فجأه ارتفع الجوال و صار يحوس وانتبه له حاط السماعات في اذونه..
يوسف : ــ مراد.. مراااد ..
نزل يوسف ايده ولمس جبهة مراد..
مراد انصرع وشهق شهقه..
يوسف جته ضحكه..
ــ بسم الله على عمرك.. آسف .. خلعتك
مراد شال سماعه وحده من اذونه اللي جهة يوسف.. وصار يضحك
ــ هلا ..هههههه ويش فيك ..؟؟
ــ هذا انت اللي تتسمع اغاني؟؟
ــ ايييييه هاااك تسمع وياي..؟؟
ومد على يوسف السماعه.. يوسف بأستياء..
ــ اعووذ بالله.. قبل لا تنام بعد ؟؟؟ تسمع هالمنكر..
ــ اووبس .. لا يكون مطوع!!
يوسف والتعليق هذا ماعجبه بالمره:
ــ ليش لأني ما اسمع صرت مطوع.. !!
مراد ارتبك : ــ لا.. ولا شي .. بس انا حاط سماعات.. شلون تسمع الصوت؟؟
ــ قصر عليه ماعليك امر.. تعبانين ونبغى ننام.. ماكأنك حاط صراحه..
مراد بنبرة غير مقتنعه: ــ ان شالله عمي...
يوسف ماعجبته طريقة مراد في الأخذ والعطا.. شكله من النوع اللي يصر على ارائه ومبادئه وما يحب يسمع النصيحه...
يوسف طنشه ما يبغى يصير بينهم أي نقاش مو اوكي من اول ليله.. قلب روحه على الجهه المعاكسه ... ونام...

الى الملتقى..:amuse:

حركات قدعـآإن ..}
تسسلمي إأمووره ..!
وش سـآلفة هالـ شقيق ..!!
بالإأنتظـآر ..}

كح كح كح ..~!
جززء كشوخيشنن .. !
ضحكت واإيد ..!
مرأإد ونـ‘ـأإسه وفله .. بس شكلواإ نحيسس...
كـآأإظموه دفش <~ كيفي ماحبيته
وودأإدوه أذآ ماعقلت لي معاها حسسـآأإب فـآأإني <~ عدها حبوه ههههههه
شكريـآأإت أموره
ننتظرك ..

شكله هللمراد مره شكله ثقيل دم

::

وهللشفيق شكله مسكين عور بقلبي

::

ننتظر الأحداث الجايه غاليتي موفقه يارب
ومأجورينـ

تسلمين أختي
وننتظر الجديد

بااااااارت جدااا روووعة
عوور قلبي مصطفى مع سالفتهـ مع اختهـ
<<<صاار نفسي في لووز>>>
الشقيق هذااا حاسه ورااه مصيبة
ومرااد فله بس احسه مرة نحيس واحس بعد بتكون
في هدرة مع سيد هاادي على سالفة الاغاني
اماا حبيب ماعليه كلاام وناااصهـ
باانتظااار البااارت قلبووو

بارت ولا احلى يسلمو
احسن الله لكم عزائكم
مأجورين

رواييهـ روعهـ
و اســلوب اروع
بـــ ج ـد ابدـاع
من المتاابعين
ننتظر بحماااس ليلهـ السببت

البارت ولا ارووووووع
بصراااحة كل بارت احللى من الثااانيي
تحياتي..مجنونةوحلووة

سامحوني ع التاخير
قريت البارت امس بس بعدها فصل

مشكوره اميره على الجزء

روعه يلا نستنى الجزء الجاي

على احر من الجمر

بالانتظار ....

تحياتيـ ..

بصرااااااااحة بارت جنإآإآإأآإأآإأن
والاحداث روعة
انا حبي جميع الشخصيات ماعدا كاظمووه
ومصطفى وشفيق معورين بقلبي>_<
با انتظار التكمله البارت

والله خوووووووووووش فله هالشبآإب ...
بس هالوداد ذي لو تموتيها وانفتك منها هههههههههههآي > كان اريح لينا كلنا ,,,
تسلم ايدك غناتي امووووووووووورة
والى الملتقى بإذنه
ومأجورة
سلام

آلله حيـِِـِـِوووو

وتمًٍ آكتشآف القصـٍِه .. حقويهـًٍ مـآقلتيليًٍ بديتيًٍ :evil: > :toung:

.. بس بج ـِـِد شخ ـصيآت القصـِـِه روعـٍـٍه ههههـٍ

اكثـٍِر شخصيتين ع ـجـٍـٍبوني حبيب × مصـٍـٍطفى

... ولآ آروعًٍ ووش سـآلفة هالشقيش >>> تقلـٍد حبيبوًٍ

وآلله يآآميروهـٍ الحم ـٍآس بآديًٍ من البدآيـًٍه ،، وهـآذيٍَ ودآدوهـ يبيلهـٍُآ تشليخًٍ ،، :evil:

حبيبـتيٍَ امورهـٍ

دآئمـٍآ مبدعهِ ومن الجميـِـِل للأإجمـٍِـٍل ,,

روعةًٍ الروآيهًٍ مبينهً من البـٍـٍدآيه ،،

تسلمًٍ الانـآًٍمـٍـٍل ح ـبوبهًٍ ومـآننحرمًٍ آبدآعك وعطـٍِـٍآئك يآربًٍ

... تحيآتيًٍ ~

:embarrest:

آآهلييييييييين خيتيي
من اول الاجازة انتضر روآآيتش

ولا أأحلى مرره تتتتتجنننننننننن آكشنااات شكلها
موفقهـ لـ كـل خير ..~
...
حكآياـآ ..:embarrest:

البــااارت رووووووعه

ننتظر الجديد

روووووووووعه القصصه يسلموو اميره..
في انتظار البقيه..

بصراحه ياأميرة المرح
القصه روووعــــه عجبتني<<<<<والله أحلفي بس
المهم ترى اني من المتابعين بس خلف الكواليس وبصمت
في انتظارررر ابدعاتك غاليتي

يلا اموره
بانتظار الجزء
تحياتيـ ..

نحن بالأنتظار ,, غاليتي أمورة

//

موفقينـ,,,,

اللهم صل وسلم على محمد وآل محمد وعجل فرجهم وفرجنا بهم ياكريم...

البااارت جنان وحماااس...وبدأت الصورة تتضح لكل شخصية ...

هذي اللي اسمها وداد ماني قادرة عليها ..وش هالأخلاق ....!! ياساتر...!! يعني ياأرض تهدي ماعليك قدي...:huh:>>ماادري وش فيني على المصري :toung:



ياعلي تأثرت ويا مصطفى بقووة ...:(

امممم مو كأن شفيق هذا اللي عنده الوساس..!! اللي كتبتي عنه ....!!

الله يكفينا وياكم شر الشيطان .......>>كذبت وصدقت كذبتها :weird:

تسلم الأيادي غناتييي ...

ننتظر الجديد الشيّق..

موفقة لكل خير ان شاء الله تعالى
دمتي بعين المولى الجليل

مرحبا

اعود اليكم احبتي..
مأجورين..
و نسألكم الدعااء في هذه الأياك الفضيله المباركه..
كل الشكر لكم على وصلكم..
والتعليقات الحلوه..

دمعه عالسطور.. هههههه ايه غناتي هو اللي فيه الوسواس .. الله يعديش ويانا كل مكروه ..

تفضلو الجديد..

في امريكا... <<< راح يكون الحوار بالفصحى بين الشخصيات هناك..
الدنيا لسا نهار...
جون : ــ . اين سام؟؟؟
ستيف : ــ على حد علمي انه في المطار الآن.. لأجل المهمه الموكله اليه.. من الأسبوع الماضي
ــ اها.. لقد نسيت ذلك تماما..
ــ لا انه لم ينسى .. من الجيد اعتمادك عليه في اغلب امورنا..
جون و بخباثه:
ــ رائع .. عظيم.. وسأظنه سيفعلها..
مارك يدخل عليهم ويقعد وياهم
ستيف : : ــ كل الشكر للعم توم.. الذي جلبه الينا ...
مارك في قرارة نفسه... : ــ عجوز احمق ذلك التوم الذي ورطنا به....

توم... رجل عجوز يعمل كرئيس عمال تنظيف غرف فندق فخم ومشهور... تلجأ اليه العصابه في الملمات الصعبه.. كالأختباء عنده هربا من اعين العداله .. او تزويدهم المعلومات عن السياح العرب الأثرياء...
وطبعا له نسبه عند نجاح عمليات النصب و الأحتيال...

كان مايك يحقد على سام بشكل مو طبيعي... لأنه قبل سنتين من انضمام سام الى العصابه.. كان مايك مستلم كل الأمور واقرب المقربين الى جون اللي يعتبره مثل ابوه اللي رباه و اعتنى فيه ..
لكن من جى سام و صار الكل بالكل .. لما يتمتع به من ميزات...
ذكاء ودهاء .. وسامه.. ويكفي انه من اصل عربي ... يجيد التكلم والقراءه بطلاقه.. اضافه الى الأنجليزية.... وهذا الأصل هو الأساس في عمل العصابه...

في احد مطارات امريكا الدوليه ..... سائحه غنيه من دولة عربيه صاحبة بوتيكات ملابس .. ثلاثينيه... مطلقه .. ماهي جميله للغايه .. بقدر ماكانت انيقه للغايه...

كانت تكلم جوال و شنطتها مفتوحه ..منزلتنها من على كتفها..
و ماسكتنها في ايدها.... وتمشي وهي مندمجه في المكالمه...
بين ماهي تمشي في طريقها تاخذ بقايا شنطها .. صدمت بشاب ..

طويل و عريض المنكبين.. شعره يصل بطبقاته الناعمه الى الرقبه
قمحي اللون ... يحمل في ملامحه.. نظره عميقه و انف حاد و ابتسامه هادئه...

بهدوء و ارتباك بادرها:
ــ آسف .. سيدتي ...
هي ارتبكت مثله .. كان ا لأصطدام قوي ... وفوق هذا جت عينها في عين الرجال
اللي كمل طريقه .. وخلاها تتنحى على جنب لين ماخلصت المكالمه...

خذت بقايا اغراضها.. و قعدت على كرسي من كراسي المطار ..
جت بترجع جوالها الشنطه.. انتبهت في شنطتها محفظه غريبه...

انصرعت.. خصوصا انها رجاليه... فتحتها الا تلاقي صورة الرجال اللي صدمها من شوي في كرت شخصي ..
صارت تتأمل فيه...
ميشيل باراك
مدير مؤسسة m&b العالميه للأحذيه النسائية الراقيه..
و رقم جوال .. و عنوان
و في المحفظه شوية فلوس وبطايق بنك...
صارت محتاره .. هل تسلمها لأمن المطار .. قسم الأمانات.. والا تتصل بالجوال..

مسكت جوالها .. و اتصلت على الرقم وهي مرتبكه..
ومن مسافه غير بعيده .. عيون تراقبها وتترقب الأتصال..
وبالأنجليزية.. بدأت السائحه الكلام
ــ مرحبا..
سام : ــ اهلا ..
ــ هل انت الأخ ميشيل ؟؟
ــ نعم.. من معي.
ــ لدي شيء مهم لك.. التقينا في المطار منذ قليل و اريد ان ارجعه لك..
ــ شيء؟؟
ــ نعم محفظتك وقعت منك سهوا.. انا تلك السيده التي اصطدمت بها منذ قليل..
ــ أووه.. نعم.. شكرا لك.. اين يمكنني ان اجدك الآن..
ــ حاليا انا على بوابة رقم 3 للمطار.. سأنتظرك حتى تأتي قبل ان استقل التاكسي..
ــ حسنا.. انا سأعود.. شكرا جزيلا على امانتك..
ــ العفو لك..
و انتهت المكالمه..
بأبتسامه مليانه مكر ودهاء... سام.. المنتحل شخصية ميشيل .. و في باله :
ــ ايواا.. ضبطت وياي .. << ما يدور في فكر سام بالعربيه العاميه لهجته الأصل..
بعد حوالي الربع ساعه.. توجه للبوابه رقم 1 و وقف تاكسي حط شنطته.. وبالأنجلزية:
ــ توجه ارجوك للبوابه رقم 3 .. هناك سائحه بأنتظارنا ...

في القطيف...
ايثار : ــ اماااه
اماني : ــ عيوني ..
ــ الحين خالي يوسف وصل الرياض؟؟
ــ ايه من زمااان ونام الحين بعد..
ــ يوو الرياض زينا ليل؟
ــ ههههههه ايه يابتي الرياض في السعوديه..
ــ يووو افكر بس القطيف في السعوديه..
اماني تتنهد:
ــ ايييه يابتي هههههههه لا الرياض ومكه والمدينه والقطيف والدمام ومحلات وايد كلها بالسعوديه..
ــ و الدنمارك؟؟؟
ــ ههههههههههههه الدنمارك عاااد لويه قلتي كذا؟؟
ــ من الدعايه يقولو يدللو ابقارهم الدنمارك وابوي ابو مجتبى عنده بقرات يعني دنمارك..
ــ هههههههههه ابوش ابو مجتبى.. وينه عنش بس .. لا ياغناتي الدنمارك بعيده ومايتكلمو عربي ..
ــ اجل ويش يتكلمو؟؟
ــ دينماركي.. وبعضهم الماني و انجليزي..
ــ شلون تكلمي زيهم؟؟
ــ خخخ ويش دراني اني.. كلامهم ما نعرفه حنا ..
ــ اماه وحشني ابوي ابو مجتبي وامي ام مجتبي ..
ــ هههههه من شي لشي تطيري بسوالفش ...اني بعد يابتي بس على السياره مين يودينا الحين خالش يوسف وراح وابوش وامش ماليهم بمرت خالش حسن وهدرتها اللي تسمم البدن حق يجونا..
ــ خالي حسن يودينا..
ــ خالش حسن.. ايه.. خليها على الله يابتي...
ــ عمي احمد..؟؟
ــ عمش احمد ياغناتي الله يسهل اموره ويلاقي وظيفه و ياخذ له سياره .. توه راجع من الرياض ..

عوده الى امريكا...
وصل سام للبوابه 3 و نزل.. وتوجه للسائحه.. سلم عليها و استلم منها المحفظه..
وصار يشكرها...
وبلطافه بادرها بالسؤال:
ــ اتيت لوحدك؟؟
صارت تطالعه مستغربه منه..
ابتسم بهدوء:
ــ لا .. فقط سيدة مثلك لا يجدر بها ان تكون لوحدها ..
صارت تطالعه بأستغراب اكثر..
سام :
ــ في أي فندق ستسكنين؟؟
ردت عليه :
ــ وماذا يهمك في ذلك؟؟
بخجل و ارتباك مصطنعين:
ــ أوه.. لا.. لا يشطح بك الفكر بعيدا.. فلست كما تتوقعين.. اظنك ستسكنين في فندق الـ.......... ..
فتحت السائحه عيونها:
ــ وكيف عرفت بذلك؟؟
ابتسم سام بهدوء:
ــ ألم اقل لك لم يجدر بك ان تكونين وحيده؟؟
السائحه وبين على ملامحها الريبه..
سام :

ــ ههههههه فقط امزح معك.. مابالك خائفه.. عرفت ذلك من اناقتك.. يبدو عليك ذلك.. عموما.. انا سأسكن في نفس الفندق .. وتلك سيارة الأجره التي كانت ستقلني الى هناك.. ان احببتي ان ترافقيني..
رفعت السائحه حاجب وحاجب وابتسمت بهدوء...
سام : ــ اوكي اوكي.. يبدو اني تعديت حدودي.. لك ما تريدين.. لم اقصد ازعاجك او التطفل في شؤونك.. شكرا جزيلا لك.. الى اللقاء..
ومشى سام بيرجع التاكسي .. والمداخل مزحومه والعالم رايحه جايه...
ما سمع الا السائحه تناديه:
ــ سيد ميشيل...
التفت ليها..
ابتسمت : ــ لا بأس ان ارافقكم.. شكرا لك..
ابتسم : ــ هو تاكسي للجميع.. عموما على الرحب والسعه..
حمل شنطتها .. و ركبت وياه التاكسي ..
وفي الطريق ....
السائحه بأرتباك:
ــ عذرا.. على تطفلي .. عرفت من محفظتك انك مدير مؤسسه للأحذيه الراقيه... ما نوع الماركات المتوفره لديكم.؟
ابتسم سام: ــ m&b
السائحه بأستغراب : ــ m&b
سام بأنفعال لطيف : ــ نعم.. من اشهر الماركات الأمريكيه.. والتي تصدر اغلب بضاعتها للبلدان الأوربيه ...
السائحه ساكته ماعمرها سمعت بهالماركه..
سام : ــ هي ماركه راقيه تستخدم افضل الماركات والخامات.. من جلود و اكسسوارات.. بالفعل كل قطعه منها لها قيمتها ووزنها في المتاجر العالميه الراقيه.. و زبائننا من اشهر سيدات الأعمال و المهتمات في عالم الأناقه والجمال...

وبطريقة مزح لطيف : ـ ايعقل انك لم تسمعي بها قبلا ..؟؟؟
السائحه ارتبكت.. فتداركت الموقف و سوت روحها خبيره:
ــ هل تظنني كذلك؟؟ بالطبع لا .. وهل يخفى القمر .. اظنني لمحت لكم متجرا في فرنسا..
سام فيه ضحكه يحاول يداريها وفي باله : ــ خذ لك دي .. جابت لروحها سالفه انصب عليها بها..
ويرد عليها بأبتسامه عريضه:
ــ رائع.. انه من اكبر متاجرنا هناك.. هل قمتي بزيارته...؟؟؟
السائحه وفي قلبها بتطير من الفرحه.. انها جابت تخمين وطلع صحيح .. وصارت تنفخ في ريشها وتزيد كذب:
ــ نعم.. و اشتريت منه حذاء لحفل افتتاحي لفرع متجري هناك..
سام : ــ وااو.. مذهل .. الديك سلسلة متاجر...؟؟
وفي باله ميت ضحك :: شدبت الشدبه دي وصدقتها..
ابتسمت السائحه بخجل: ــ نعم.. لبيع الملابس وانا على وشك افتتاح فرع هنا في امريكا..
سام : ــ مذهل.. عظيم... اتمنى لك التوفيق...
وصلو الفندق و نزلو...
السائحه: ــ الن تدخل ؟؟
سام يرن جواله وكان توم المتصل يراقب متى بيوصلو.... رد عليه:
ــ اهلا بك...
ابتسمت السائحه.. و دخلت الفندق .. و راحت غرفتها
في حين سام توجه الى توم اللي يشتغل في نفس الفندق...

...

بيت ابو مجتبى..

ابو مجتبى قاعد في الصاله.. وحاط راديو عند اذونه.. ويفرفر في الموجه... وماميش الا صوت الراديو .. طووط و طوووط.. و الأنتل حق الراديو رافعنه حد ماعنده وكل شوي يحرك راسه ويا الراديو يمين ويسار وفوق و تحت .. والتشويش زايد مع الحركه...
<< راديو لول البني القديم...
كان احمد قاعد وياه.. يحوس في لاب توبه وشابك انترنت...
احمد : ــ هههههه يبه ويش تدور؟؟
ابو مجتبى : ــ ويش بعد يابوك.. اذاعة ايران.. الحين شيخ بيقرى... اتسمعه قبل لا انام..
ــ عاد يبه من متى هالراديو عندك.. قديم .. من وين تلاقي فيه ايران .. زين من يوم بعده يوش ما اخترب..
ــ اهووو .. قديمك نديمك.. اجل ستررتوات الحين حقتكم.. والا مسجلاتكم.. اخرطي
ــ عرفنا المسجلات.. ههههه الفانيه ستريوات يبه .. ستريوات..
ــ اللي هو .. هو..
شوي .. صوت عزاء بداية برنامج الشيخ ...
الا يمد ابو مجتبى رجوله بحماس:
ــ ايوااااا
شوي خفت الصوت .. عصب ابو مجتبى وصار يطق يطق في الراديو..
شوي ارتفع الصوت حده..
نقز ابو مجتبى مختلع:
ــ ناااايبه.. ويش هالراديووو..
الا احمد يضحك من قلب ..
ــ يبه.. تعال هذي الأذاعه هنا على الاب توب.. الصوت اللي تسمعه من شوي..
ابو مجتبى مو مستوعب الموضوع..
ــ تتمسخر بي انت.. استح على وجهك..
ــ لا والله يبه دي الأذاعه الأيرانيه .. فتحتها لك بالأنترنت
ابو مجتبى فتح عيونه: ــ ماخلى شي هالأنترنت.. ولا بقى... المفروض يسموه عنترنت...
يعني الحين اشوف وجه اللي يتكلمو بعد.؟؟
ــ لالالا.. بس صوتهم زي الراديو عادي..
ــ يعني... عجيب هالنت والله..
وصار يتسمع المحاضره على الأذاعه الأيرانيه
و احمد قام عنه يشوف اخوه امير المريض بالتوحد..

شوي الا ..
تطفر على الشاشه افلام كرتون لدجاجه عواينها طافره وتبدي تصرخ
ككوووو كو...كاااك.. كك .. كاااك كاك كاك...
<< دعاية نغمة الدجاج الغفيفه تبع الجوال.. >> وهل تخفى عليكم..!!
شان يطير ابو مجتبى من الخلعه ويصرخ صرخه:
ــ أواااااااااااااااااااه..
يجي احمد يركض ركض ..
ــ خير يبه ويش فيك؟
ابو مجتبى معصب : ــ لابوك لابو كاكك داويه دا اللي طلع لي ..
احمد ماقدر صار يدحن ضحك ضحك..
ــ دي دعاية نغمة جوال
ــ ويه.. جوال؟؟ خناقه مو جوال..
ــ هههههههههه ايه ترسل ليهم رقمك ويرسلوها عليك
ــ حسبن الله عليهم.. ما احلاك احد يتصل فيك الا جوالك يكاكي .. وين اخوك امير؟؟
ــ نام ...
ــ اكل؟؟
ــ ايه ... خوبل بي .. نفر اكله بكبر المطبخ..
ــ الله يعين.. كان خميته عن امك .. الحين بترجع البيت منهده.. انا مانى داري عنها دي بعد ويش تسوي.. باقي ساعه على نص الليل..؟؟
ــ بعدها عفر تمرخ الآدميه اللي على قولتها طايحه على درج بيتهم
ابو مجتبى مقهور:
ــ اما انا لو اطب من فوق عماره ما مرختني.. نايبه تصقع النسوان.. ماميش الا البقر تمرخ فيني وهي رايحه
ــ هههههههههههههه ولا يهمك انا امرخك وينا بس وينا
وصار يدلك رجول ابوه..
ابو مجتبى يتدلع:
ــ اهو عني بس .. قوم نام.. باقوم انا انطبن على عمري ..
الا بدخلة ام مجتبى ..
ابو مجتبى يتعيلف :
ــ حيا الله المراخه..
ام مجتبى متنرفزه:
ــ يحييك...
ــ ويش ,.. تمت عملية المراخ بنجاح..؟؟
ــ لا تقهرني .. ساعه امرخ امرخ في شحمها ولحمها.. وهي ماميش الا تون علي و تتأمر ... فوق وتحت .. آخرتها تعطيني بس 50.. تسخر علي دي.. لو الود ودي مردت شبدها ..

احمد : ــ عاد اماه الله يهديش ..كان شرطتي عليها قبل لا تبدي شغل..
ابو مجتبى : ــ ماحد قال ليها .. انتون يالمدرعات ماخليتو شي .. خدمة تمريخ بالمنازل .. حد قال لش تروحي ليها..
ام مجتبى : ــ ويش اسوي .؟؟؟ قلت بتزيد الأجر على مشواري ... طلعت بخيله حتى اجري العادي ماعطتني اياه كامل... لو اشوفها طايحه من فوق جبل ماباروح ليها تالي ....خلني ساكته بس .. الله كريم..
ابو مجتبى بأسى : ــ الله يغير الحال.. ويعطيش العافيه..

عبدالأله.. جيران بيت اهل يوسف .. سائق باص الثانويه.. منسدح على سريره.. جاينه ارق .. و يتذكر ايام الطفوله.. لما كان عمره 10 سنوات
ــ ابغى العب وياكم..
شهربان اخته و ماريا جارتهم اخت يوسف وكان عمرهم وقتها 5 سنوات... كانو يلعبو مع بعضهم..
شهربان : ــ مانلعب ويا صبيان .. روح ما نمباك..
عبدالأله يحمق فيها ويسحب لعبتها ويرميها بعيد..
تقوم تعصب وترمي عليه مكعب تفلع عيونه..
وتقوم الشبقه وتصير ماريا تصيح ..
يوقفو شباق .. ويصيرو يسكتو فيها..
وهي تشاهق : ــ خلاص خلينا نلعب وياه... لا تشابقو..
شهربان محمقه: ــ ويش يلعب كلها العاب بنات...
ماريا : ــ نلعب بيت..
شهربان : ــ الله .. وناااسه... اني الأم..
ماريا : ــ مايصير انتين الأم..
ــ لويه؟؟
ــ اذا انتين ام.. عبود ابو.. مايصير انتون اخوان.. يعني اني الأم.. وعبود الأبو..
شهربان : ــ ماني ماني.. واني ويه..
ــ انتين جارتهم
ــ ماعندي ابو؟؟
عبدالأله: ــ لا مات..
شهربان : ــ ويلي ويلي ..
وتقعد تصيح..

توقفت الذكريات مع ابتسامه لعبدالأله.. اللي انقلب على يمينه يحاول ينام... وفي قلبه:
ــ ياليت ديك الأيام تعود..

اذن اذان الفجر ... وصدفه انتبه يوسف على الصوت رفع جواله يطالع الساعه صار يحاول يتنبه ويثبت الوقت وعلى مايقوم ويتمسح ويجهز الا اذن الأذان عدل...
قام وفتح الباب وانتبه لشفيق انه لازال جالس ..وراسه الى الجدار..

يوسف انصرع.. ولع الليت من الخوف .. مراد كان اشبه مايكون بالمتكفن بالشرشف فما حس على الضوا.. قرب يوسف من شفيق وهو يحك عيونه يبغى يشوف عدل ..
شفيق نايم!! على هالوضع من البارحه... شلوون؟؟

والا ... فيه شي لا سمح الله وغافلين عنه هم...

تقرب منه اكثر وصار يتأمل جسمه هل يتنفس لو لا .. الا شفيق يفتح عيونه فجأه وبالسرعه وينفض ايده نفضة مختلع
..
يوسف من شافه هيك فجأه.. شهق من قلب ووخر على ورى.. ويتعثر برجول مراد ويطيح على الأرض ورجوله على سيقان مراد اللي فزع من نومته مختلع..

يوسف يقوم ويقعد على سريره ... يحاول يلقط انفاسه ..
ــ ويش فيك شفيق؟؟
شفيق واصابع كفه متشنجه ..:
ــ انت اللي ويش فيك خلعتني!!
ــ نايم كنت؟؟
ــ اييييه..
ــ كذاا !!
ــ ما انام الا كذا..
يوسف في باله :
ــ بسم الله الرحمن .. غريب عجيب ...
مراد بقهر: ــ وفففففف طفووو الليت وبلا ازعاج..
يوسف : ــ قومو صلاه اصلا .. وتالي عود نام..
مراد يرجع يغطي وجهه بالشرشف وينقلب الجهه الثانيه..
يوسف استاء بالمره من حركة مراد...
وبلع القهر وسكت مايبغى يسوي مشاكل من اول يوم.. قام الحمام وشفيق وراه...
بالصاله كان السيد فارش سجادته وبدى يجهر بالأذان...
حبيب طلع من الغرفه وهو يحك راسه وتقابل ويا يوسف :
ــ صباح الخير
ــ صباح النوور ...
حبيب : ــ سيدوو بس اذن مو تسبقنا بالصلاه..
يوسف : ــ لويه عاد..؟؟
حبيب : ــ هو اللي يصلي بنا
يوسف : ــ ما شالله...
حبيب : ــ حصران؟؟
يوسف حده مستغرب من السؤال.. : هااا..!!
حبيب : ــ ههههههههه انا ميت معصور حدي... اذا منت حصران مره بادخل قبلك و ماعليك امر كظموه العله قعده للصلاه..
يوسف : ــ ههههههه يعني.. اوكي ..
حبيب بالسرعه من طلع شفيق من الحمام وراه على طول وهو يقول ليوسف :
ــ اذا مافاد وياك عليك بالصفاري..
يوسف مو فاهم شي ...
راح يقعد كاظم.. بهدوء:
ــ كاظم.. كاظم..
الا كاظم يهربد كلام مو مفهوم اشبه بالهندي ..
ظل يوسف على راسه ولا قعد... طلع حبيب من الحمام... وراح الغرفه يشوف الوضع.. الا كاظم بعده نايم..
يوسف : ــ ماهو راضي يقوم ويهلوس علي كلام كنه هندي..
حبيب : ــ ههههههههههه صح هندي.. كاظمو يعرف هندي ههاااااااااي من امه العوده.. .. عفر سبك..
يوسف في باله... امه العوده؟؟!!
ويجيب حبيب صفريه وملعقه وقرب لكاظم وصار يطق :
ــ اصحى ياااانــــــــــــــايم واعبد الدااااااااااايــــــــــــــــــم..
كاظم على طول فتح عيونه وانتبه... وقام..
يوسف ماقدر صار يضحك ويضحك... وحبيب وياه ضحك:
ــ عرفت الحين أي صفاري اقصد...؟؟
وتجمعو كلهم ورى السيد وبدى يصلي بهم.. عدا مراد اللي ماقام ولا تزحزح.. !!

ابو مجتبى قام للصلاه.. حماماتهم برى البيت في الحوش.. المكان ظلمه .. عدا نور خافت للمبه
وفوق هذا نظر ابو مجتبى ضعيف بعض الشيء.. وبين ماهو يمشي لسانه يلهج:
ــ لا اله الا الله ..توكلت عليك ياحي ياقيوم..
الا يشوف قدامه شمطوط ابيض كبير يركض خلاه يتصروع و يصارخ ..

الى الملتقى..

ههههههههههه
عفر الآأإ هذأإ قطوو ..
طـآأإحت عليه فوطه ونقز ..! ! <~ خيـ‘ـأإل وأإسع ..!
عبد الآله غرقان شكله في قصة حب جديده ..
وشقيق شكله بيسوي ليهم كل ليله رعب ..
الله يساعد علي على هالمرأإفقين في هالغرفه ..
مـآأإننحرم أموره

مشكورة اختي على الجزء
ننتظر الجديد

رررررررررررروعة القصة
ننتظر البارت القااااادم
تحياتي ... مجنونة وحلوووة

رووووعة ه البارت غنااتي
لاعدمنااااك يارب

مرحبا
نسألكم الدعاء في هذه الليله الفضيله
والله يتقبل منا ومنكم صالح الأعمال
الى ان التقي معكم ليلة الأثنين
اسألكم براءة الذمه
موفقين لكل ماهو صلاح
دمتم بخير
وبحفظ الرحمن

ولكموو اموره قمر..!

عبدا لأله شكله يحب مارياا والله اعلم

::

ربي يوفقك يارب غناتي

يسلمو خيتو اموره ع الجزء
تعليق
عجبتني دعايه الدجاج كاك كاك <<< مندمجه الاخت هه
وهالشقيق اكيد بيسوي ليهم رعب في الروايه زي ماقالت جنون من سكون
وبقر الدنمارك عاد هذي خلتني ميته من الضحك
وضحكني كاظموه هه مايقعد الا باالموت ويتكلم وهو نايم هه
ياسبحان الله زي اخويي حبيبي باسم بالضبط <<< هالفتانه الله بيوديها النار
يلا عادي بس مو تشتكو عليي عنده
خلاص هالمره باقعده بالصفريه احسن ليي <<< فتانه ادري خخخ
بانتظار الجزء ليله الاثنين <<< بلا خباله يعني بكره
تحياتيـ00

وااااااااااااااااو البارات يجنن مررة
وعجبتني دعاية الدجاجة
خخخخخخخخ
با انتظار البارت القادم

اقتباس:

---

المشاركة الأصلية كتبت بواسطة اميرة المرح

في امريكا... <<< راح يكون الحوار بالفصحى بين الشخصيات هناك..
الدنيا لسا نهار...
جون : ــ مايك .. اين سام؟؟؟ >> اموره المفروض مو مايك يقول ستيف المفروض لأن مايك دخل عليهم بعدين
ستيف : ــ على حد علمي انه في المطار الآن.. لأجل المهمه الموكله اليه.. من الأسبوع الماضي
ــ اها.. لقد نسيت ذلك تماما..
ــ لا انه لم ينسى .. من الجيد اعتمادك عليه في اغلب امورنا..
جون و بخباثه:
ــ رائع .. عظيم.. وسأظنه سيفعلها..
مايك يدخل عليهم ويقعد وياهم
ستيف : : ــ كل الشكر للعم توم.. الذي جلبه الينا ...
مايك في قرارة نفسه... : ــ عجوز احمق ذلك التوم الذي ورطنا به....

---

اموره تسلم عليك صديقتي واجد ..! هي اللي انتبهت تموت في قصتك من خلف الكواليس اتابعهاا ,,

::

تسلم يدينك غاليتي
ننتظر الجديد