قلوب مغلقة (قصة روعة لاتفوتكم)..

الاخير



نجود ماراحت للجامعه وقررت ترجع للبيت بالليل لان ببيت خالها مافيه احد يوصلها للجامعه لكنها ماعرفت ان البنات راحوا لجواهر العصر وهي رجعت عالمغرب ولاحبت تخرب على مزون وتتصل قالت تجلس مع ام صقر الي دخلت تريح بعد المغرب شوي ولافيه غير نجود الي كانت متضايقه ولاهي عارفه شو تعمل وراحت اتصلت بجواهر الي استغربت اول ماردت

نجود..كلميني برا لااحد يدري
جواهر..شفيك
نجود وصاحت..تعبانه ولالقيت غيرك اكلمه
جواهر..اسمعك خذي راحتك
فتحت الباب نجود وجلست بالصاله ولاانتبهت ان الباب انتفتح وكان فيه شخص مصدوم وهو يسمع هالكلام ...

نجود وتتنهد..جواهر بمووت
جواهر تحاول تكون طبيعيه..وينك فيه شصار
نجود..رجعت انا بالبيت بس تعبااانه وهالكلمه قليله قدام احساسي
جواهر..تكلمي انا اسمعك وقولي كل الي بخاطرك
نجود..خلاص احس هالدنيا ماتسوى شئ بعيوني مليت من كثر مااصيح ولااحد يواسيني تعبت من كثر مااتكلم ولااحد يسمعني احس الظلام مل من كثر مايحتويني صدقيني جواهر انا انبسط لما اشوف طيف ابتسامه بوجه مزون ولااحب اضيق صدرها بس خلاص تعبت ..احس اني ضيفه ثقيله لاصقر ماخذ راحته ولاخالد ولاحتى هلا وربي اتمنى اموت ولااعيش باقي عمري على هالاحساس
ساعات اقول اصبري وتحملي هذا قدرك بس ماقدرت جواهر هالحياة كل يوم تزيد ضغوطها علي مااقدر ودي ارجع لبيت اطين اهون من اني احس اني ثقيله على احد صدقيني جواهر ببيت خالي كأني غريبه لازوجته ولابناته وجهوا لي كلمه خايفين انبسط واقرر اسكن عندهم جواهر نجود بنت عبدالله انهانة كثير كثير وهالاهانه اقوى من اي طعنة غدر ممكن يتصورها الواحد اي حزن اقوى من حزني بنت فاقده امها وابوها الكل خايف من مسؤليتها الكل يحاول يجاملها باابتسامه الكل يراقب حركاتها رغم اني واثقه من نفسي واتحدى اي شخص يقول عني اي كلمه لكن تذبحني النظرات والله
سكتت نجود وهي تصيح
جواهر بصوت ثابت..نجود انتي قلتي انك يتيمه ووحيده ولالك حتى بيت رغم انه عندك اخت تسوى الدنيا
نجود بدموع..مزون هي كل حياتي والي يذبحني اني مااقدر اقولها ابي لها السعاده
جواهر..خليني اكمل انتي فقدت كل شئ مثل ماقلتي وذكرتيي كل شئ وقلتي ان الكل قفل بابه بوجه لو ضمننا مو علانا لكن نسيتي الي بابه مفتوح الي يسمعك ويعطيك ويرحم واحن عليك من امك وابوك نسيتي سبحانه وتعالي ليه يانجود مهما زادت همومك تذكري ربي وارفعي يدينك له وادعيه
نجود وهي تصيح..ياارب ارحمني تعبت

سعود ماقدر يتحمل اكثر طلع بهدوء ولاحتى شاف اخته الي جاي لها ..ركب سيارته وكلام نجود ينعاد مره وثنتين وثلاث ..
سعود..يارب ارحمني يالله شكثر هالانسانه تعاني
رجع سعود للبيت وكلمته امل لكن اشر لها ومشى ورجعت غرفتها لانها تعرف سعود اذا رفضت الكلام يكون بباله شئ بيرسمه ..

مرت ساعه وثنتين وثلاث وسعود ماطلع واستغربت امل انه مقفل المرسم وهذي اول مره يعملها سعود

بالبيت وصلت مزون وهلا وحصلوا نجود نايمه وجلسوا بالصاله يسولفون مع ام صقر

امل اتصل بها صقر..هلا امووول
امل مستغربه..هلا صقر
صقر..مستغربه صح
امل..تقريبا شفيك
صقر..انا قلت لسعود يجي للبيت عندنا عندي موضوع مهم وابيك تجين معه محتاج لك
امل خافت.شصاير خالد فيه شئ اتصلت عليه ولارد
صقر ويتنهد..لامافيه شئ بس معصب مني شوي واكيد مابيرد على احد المهم انتظركم باي
قفلت امل وطلعت لسعود الي حصلته بالصاله وشكله سرحان ويفكر
امل..شفيه صقر
سعود..علمي علمك يالله مشينا


بالسياره كان سعود سرحان ويفكر فضلت امل تتركه على راحته ..لكن بالها مشغول معه ومع صقر الي اتصل عليهم وطلبهم بالوقت وليه خالد معصب منهم


وصل سعود وامل وكانت نجود بتطلع لكن صقر طلب منها تجلس الكل مستغرب من جمعت صقر لهم

سعود..السلام عليكم
الكل..وعليكم السلام
سعود ويسلم على اخته..هلا وغلا شلونك الغاليه
ام صقر..بخير انت شلونك
صقر..الحمد لله التفت عالكل وقال..مساء الخير جميعا
امل..وين خالد
صقر..اجلسي اموول خالد مافيه شئ
ام صقر ..تكلم يمه شفيك
صقر ويتنهد ..انا جمعتكم لاني بقول لكم خبر ماابي احد يزعل
سعود..خير ان شاء الله قول
صقر..بكرا بدخل المستشفى
رفعت مزون يده لقلبها وهالحركه مافاتت صقر الي حول نظره لامه الي قالت
ام صقر..مستشفى
صقر عرف ان امه منصدمه من كلامه فااستعجل بالكلام..بدخل اعمل عمليه او بمعنى اوضح بتبرع بالكلى
ام صقر بصوت عالي وهي تصيح..تتبرع ليه عايف عمرك
صقر ويناظر سعود حتى ينقذه..بتبرع لابوي
مزون قامت وطلعت ولحقتها نجود اما ام قر الجمتها المفاجئه ماعادت قادره ترد
هلا وهي تصيح..ليه مايتبرع له بدر او غاده الي عايشين بعزه
سعود..امل خذي هلا واطلعوا
طلعوا البنات وظل سعود يواسي اخته

تماسكت ام صقر على قد ماتقدر..صقر رح شف زوجتك ماهو زين لها الزعل
صقر يحب راس امه ..سامحيني اعرف اني غالي عندك بس هذا ابوي
ام صقر..الله يوفقك رح لزوجتك يمه
طلع صقر بعد مااشر له سعود واول ماطلع انفجرت امه بالصياح
ام صقر..بيتبرع لابوه الي عمره مافكر فيه بيتبرع لابوه الي يما فشله وكسر خاطره وقلبه سعود شسوي علمني هذا ولدي جنيني عمري واول فرحتي مااقدر اقول له لا ولا اقدر اخليه يعملها
سعود..يالغاليه يااختي انتي انسانه مؤمنه وتعرفين اذا الله كاتب لولدك شئ بيصير تبرع لابوه او لا وبعدين هذا صقر الكبير كبير يالغاليه دائما تصرفاته هي الي تحكي ماهو كلامه ام صقر ولدك ماعمل الا واجبه كأبن تجاه ابوه مهما كان قاسي اذكري الله وادعي له
ام صقر وتمسح موعه..امسكني خلني ادخل اصلي يارب ثبتني
مسكها صقر وجلس بالصاله ينتظر صقر الي نزل بعد ماترك مزون رافضه حتى تفتح الباب له

دخل صقر وحصل سعود..وين امي
سعود..خلها تصلي وترتاح تعال اجلس قلي السالفه كامله
جلس صقر وتنهد وبدأ يحكي له السالفه..قلت لك ان ابوي طلب مني اروح للمحل المهم رحت وكلمه تجر كلمه قال لي الهندي انه تعبان واكثر من مره يوديه السواق للمستشفى المهم انا استدرجته لحد ماصدمني وقال ان ابوي بالمستشفى ولااحد يعرف غيره الزبده رحت وقابلت الدكتور وقال ان معه فشل من سنتين واكثر وان حالته تتردى طبعا من غير تردد جاني احساس مختلف وطلبت اني اتبرع له وعملت التحاليل وفرح الدكتور لان فيه حالات تبرع بس ماوافقت معه المهم اتفقنا اني اعمل العمليه بعد بكر الصباح هالكلام له اسبوع
سعود مستغرب..كل هالاجراءت تمت بهالسرعه
صقر..لان حالة الوالد متاخره كثير
سعود..وشقال لما عرف انك بتتبرع له
صقر ومنزل راسه..مايعرف قلت لهم قولوا له فاعل خير وبس
سعود ووقف ..بتظل صقر مايتغير فيك اي شئ مهما زادت قسوتك الي حولك عموما هذا ابوك والي تشوفه صح اعمله
صقر ويطلع معه..يعني تشوفه خطأ
سعود,,الي اشوفه خطأ وانت تشوفه صحه تحكمه عاطفه قويه انت تحس فيها تجاهه مااحسها انا يالله عن اذنك
صقر..الله معك

مزون كانت بغرفة هلا مع نجود وامل وكانت حالتها جدا سيئه ودموعها على خدها

امل..اذكري الله يامزون خلاص
نجود وتحاول تهدي اختها..مزون خلاص والله مو زين لك اهدي الله يعافيك
مزون وتمسح دموعها..مااقدر صح المنطق يقول هذا ابوه بس بنفس الوقت هذا الانسان الوحيد الي حبيته بحياتي هالانسان الوحيد الي دخل الفرح لقلبي بعد غياب طويل لاتلوموني وبعدين ماقال لي بكرا بيروح الصبح يعني الظهر مابيتغدى معنا .....
صاحت مزون وحضنتها امل لكن سمعو صوت صقر وتغطت نجود وطلب منهم صقر يطلعون وجلس مع مزون الي كانت تصيح بشكل يقطع القلب


صقر جلس قبالها عالارض ..اسمعيني يالغاليه انتي غاليه علي وتعرفين مكانتك عندي بس هذا ابوي صح علاقتي مو كويسه معه بس ابوي مااقدر
مزون..ليه ماقلت لي
صقر..ماابيك تتعبين بكرا مزون بروح وبعد يومين بكون بخير ابيك تدعين لي
صاحت مزون وجلس صقر يحاول يهديها لحد ماهدت


سعود وصل البيت وكلم اخوه وولده وحتى سلطان عرف والكل انشغل مع الموضوع الا خالد الي كان غايب عن البيت ولا رجع الا الفجر وحصل امل تنتظره

امل بخوف..وينك فيه
خالد..قال لكم صقر
امل..ايه
خالد..خلاص عصبت منه وتاخرت هذي السالفه يالله بطلع انام
امل..الله معك


انتهى اليوم بهدوء حزين ..مزون من كثر ماصاحت نامت من غير احساس ..هلا من التفكير تعبت ونامت ام صقر ماقدرت تنام الا الفجر والباقي بعد معناة قدر ينام ..

الساعه سبع الصبح صحى صقر وطلع بهدوء من الغرفه ومن البيت وراح للمستشفى وارسل مسج لسعود وخالد بلغهم انه دخل المستشفى وهالتصرف زاد مزون حزن منه وعليه ودخلت بحالة بكاء جديده خصوصا انهم رفضوا انها تروح له الا بكرا الصباح وهذا طلب صقر الي رفض اي احد يزوره قبل العمليه ..


راح خالد للمستشفى ودخل وسلم على ابوه

خالد..سلامتك ماتشوف شر
ابو صقر وشكله تعبان..الله يسلمك اخيرا احد تذكر اني بالمستشفى
خالد..ليه احنا احد عطانا خبر
ابو صقر..انا مكلم بدر وقايل له
خالد..المهم تقوم بالسلامه
ابو صقر..واخوك وينه مايبي يشوف وجهي والا فرحان
خالد حاول يمسك نفسه لكنه ماقدر..ولدك الي تقول انه فرحان بكرا بيعمل عمليه
ابو صقر ..حجه عشان مايجي يشوفني
خالد وعصب..لا مو حجه صقر ياابوي هو الي بيتبرع لك بالكلى
صدمه قويه بانت على وجه ابو صقر ماتحملها خالد وطلع من الغرفه وتركه مصدوم لدرجة انه بعد مااستوعب نزلت دموعه الي ماهي معروفه هل هي نابعه من فرح بولده او خوف او حزن او اي احساس اخر


سعود كان بالبيت مشغول يرسم الاحزان الي تراكمت بلحظه بداخله يفرغ احساس مكبوت بداخله من زمان توه يقدر يتنفس ..

امل عند اختها ساعه تهدي ام صقر وساعه تطلع لمزون الي حالتها كانت سيئه
مزون بحزن..خلا ص مليت من الحزن
جواهر..استغفري مزون خافي ربك لايخليك الحزن تغلطين
نجود..يالله عاد بكرا بتشوفينه مافيه الا العافيه ليه مكبره الموضوع
مزون..الموضوع بالنسبه لي صدمه
امل..يالله لخاطري ننزل تحت
هلا..يالله امي لحالها تحت
نزلت مزون بعد ماتذكرت ام صقر الي اكيد حالتها مو اقل من حالها


حاولت ام صقر تكون قويه ومتماسكه قدام البنات لكن الحزن كان واضح على وجهها وطريقة كلامها وصل خالد وطلعت له ام صقر عند باب الصاله لان جواهر موجوده

خالد..تطمني يمه مافيه شئ وعمليه بسيطه انتي ادعي له
امل من داخل تنادي خالد,,خالد توصلني للبيت
خالد..لا
امل..افا ليه
خالد..لاني تعباان من امس مانمت الا اذا مستغنيه عن عمرك يالله
ام صقر..شهالكلام يمه رح نام وهي بتنام عندنا
خالد..الا امل عندي لك خبر
امل..قوله
هلا..خلاص انتم قدروا ان عندكم ضيوف
خالد مستغرب..من عندكم
هلا..ههههههه وانا اقول مو بالعاده يسولف
خالد يسأل امه بصوت واطي..عندكم احد
ام صقر..صديقة مزون
خالد يهز راسه ويمشي..الله يهديكم ماتعطون الواحد خبر


امل عصبت..ماخليتيه يقول لي الخبر
هلا..روحي بسرعه قبل ماينام وتعالي علمينا

طلعت امل ودخلت بغرفة خالد الي واضح انه متضايق منهم
امل ..مايستاهل الموضوع خالد
خالد ويجلس قبالها..امل انا انظر للموضوع من جهه ثانيه
امل..الي هي
خالد..انا عن نفسي ماارضى ان واحد يسولف مع اهله بوجود اختي كصديقه لبنتهم وضيفه عندهم والي ماارضاه لاختي مابرضاه لبنات الناس صح
امل..صح بس جواهر حبوبه
خالد مبتسم..امل حبوبه اوكي بس تتوقعين انها بتقول لكم خلي اخوكم يسكت لازم يكون عندنا احنا احترام لناس وبناتهم صح بعدين البنت دخلت بيتنا ومن واجبنا نصونها مثل مانصون خواتنا انا بصراحه ماعجبتني حركتكم توقعت مافيه الا نجود الي تعودنا عليها بس بنت غريبه كبيره بحقنا نعمل هالحركه الي لو عرفوا اهلها مابيرضون
امل تبتسم..خلاص طيب قولي الخبر
خالد..مستحيل تعترفون بخطاكم الخبر ان سلطان كلمني
امل ..ليه
خالد ..عااساس اني قريب منك حاب اني اقرب مابينكم وهذا الكلام قبل مانعرف عن صقر

امل ..يصير خير
خالد ويضحك..ماعجبك الكلام المهم انا مو رايق لشئ بنام يالله
امل..طيب تصبح على خير

نزلت امل ولاحصلت جواهر راحت جلست مع البنات شوي بعدين تفرقوا بهدوء لان الجلسه غالب عليها جو الحزن

في بيت ابو صقر وصل بدر عالساعه عشر وحصل امه واخته جالسين
بدر..هاي
ام بدر..هلا رجعت
غاده..بدر بتروح لابوي
بدر وهو طالع..بكرا اذا صحيت
ام بدر..انا بروح الصبح مع غاده وانت اذا صحيت تعال على راحتك
بدر..اوكي
غاده..يمه ليه مانروه الحين
ام بدر..ماله داعي بكرا نشوفه بعد العمليه الحين بتجي عندي اختي
غاده..اجل انا بطلع انام

دخلت هلا وقطعت الكلام على نوره وغاده وتغير الموضوع لكنه ظل بذهن غاده تتساءل بينها وبين نفسها كيف هالانسانه بكل بساطه تقول لي اطلبي العفو والمغفره معقوله ممكن اكون انسانه ثانيه ..ظلت غاده بحيره من نفسها وبصراع مع يسر الدين ومغفرة الرحمن ورحمة الواسعه وبين مبادئ كذابه اوجدها ناس هدفهم زعزعة الدين والقيم الاسلاميه..

بالطريق كان بدر وعبدالله رايحين للمستشفى لكن كان فيه تناقض كبير بينهم عبدالله يسوق بهدوء ويسمع اذاعة القران وبدر يسوق بشكل استعراظي واكأنه يجاري النغمات الصاخبه الي الكل يتنرفز منها ..

اما نقطة الفصل بين االاثنين هي لحظة ماانقلبت سيارة بدر بأسلوب غريب وكأنها حتى بالحادث تجاري نغمات المسجل انقلبت مره وثنتين وثلالث الكل وقف ونزل يشوف واولهم عبدالله السياره شكلها انتهت صعبه يكون فيه امل ان الي بداخلها عايش الكل تدمر الا شئ واحد المسجل مازال يشتغل وبصوت عالي وبالاخير توقف الكل يدعي للولد بصعوبه طلعوه وبصعوبه وصل الاسعاف ونقله وكان معه عبدالله الي مستغرب معقوله مازال عايش بعد الدمار الي صار مازال عايش ..سبحان الله



شئ غريب الاب وابناءه الاثنين بيوم واحد بالمستشفى صقر وابوه عمليتهم انتهت ولله الحمد نجحت ..وعبدالله مازال مع بدر الي بغرفة العنايه المركزه
طلع الدكتور وراح له عبدالله..طمني دكتور
الدكتور..سبحان الله هالانسان الله كتب له عمر جديد كل شئ فيه يتألم رجوله وايدينه تكسرت الفك مكسور عنده تمزقات كثيره لكن قدرة الله سبحانه وتعالى فوق كل شئ
عبدالله..يعني بيعيش
الدكتور..انت اخوه
عبدالله..انا قريبه
الدكتور..اذا الله كاتب له عمر بيعيش لكن بيتعذب كثير كثير الله يكون بعونه عن اذنك

اتردد عبدالله ماهو عارف شو يعمل لكنه توكل على اله وراح عند خالد للمستشفى الثاني وطمنه خالد

خالد..الحمد لله صقر بكرا نقدر نشوفه اما الوالد يحتاج وقت
عبدالله..الحمد لله على سلامتهم
خالد..الله يسلمك الا وينك تأخرت
عبدالله..اعرف ان وضعك صعب لكن مجبر اقول لك
خالد..خير
عبدالله..بدر اخوك عمل حادث
خالد..عمل حادث وكيف عرفت
قال له عبدالله لي صار..
خالد..لاحول ولاقوة الا بالله والحين شلون بقول لامه
عبدالله..والله ماادري بس الولد حالته صعبه
خالد..يارب رحمتك
عبدالله ..سعود وينه
خالد..مع الدكتور هذا هو وصل
سعود..السلام عليكم
عبدالله وخالد..وعليكم السلام
سعود بعد ماعرف الي صار..اسمع خل نوره ام عبدالله تبلغها هي مشاء الله ايمانها قوي وبتقدر
خالد..اوكي كلم امك عبدالله وقل لها



بعد ماعرفت نوره الي صار قالت لام صقر والبنات
ام صقر..لاحول ولاقوة الا بالله الله يصبر قلبها
هلا..بتقولين لها
نوره..الله يعيني
نجود..طيب اكيد بتروح تشوفه
هلا..نروح معها يمه
ام صقر..انا مافيني يابنتي والله قلبي عورني ولاعاد اقدر اتحمل روحي انتي مع نوره
نوره..يالله ياهلا تعالي والله يعينا ويعينها

راحت نوره وهلا لام بدر الي استقبلتهم ببرود لكن طيبة قلب نوره ماشافت البرود بالعكس وجدت لها مليون عذر

نوره بهدوء..ام بدر انا عارفه انك تعبانه لكن انتي مؤمنه وتعرفين ان المؤمن دائما مبتلى والله ان شاء الله يرفع منزلتك بالجنه
ام بدر مستغربه بس ساكته..
نوره..ياام بدر الله سبحانه وتعالى يبني لنا بيوت بالجنه اذا قلنا بعد المصيبه انا لله وانا اليه لراجعون ويكتب عليها بيوت الصابرون وانتي ان شاء الله انك تعرفين ماقال الله ورسوله ياام بدر بدر ولد تعرض لحادث بس اصابته ان شاء اللله خفيفه
ام بدر مصدومه من سحر كلامه ومن صدمتها بولدها غاده عينها على امها استغربت صمتها امها ام بدر تسكت كذا صاحت غاده وهلا ونطقت ام بدر وقامت..انا لله وانا اليه لراجعون بروح اشوفه ودوني ..طاحت ام بدر مغمى عليها وبعد ماصحت اصرت تروح تشوف ولدها وشافت وصاحت بدل الدموع دم صاحت قهر وخوف والم حاولوا يمسكونها يهدونها لكنها وقفت قبال خالد وصرخت..ليه ياخالد فقدتهم بيوم واحد يارب رحمتك مااتحمل كذا اخطيت كثير عذبت هاليتيمات وعاقبني ربي الله مايطق بعصا هذا حقي هذا نصيبي هذي النار الي بداخلي مال هالايتام عاقبني ربي انا وياك بيوم واحد ياابو صقر ربي انتقم لكم مني يابنات عبدالله يارب سامحني يارب

طلب خالد من الممرضه تعطها مهدي وفعلا ارتاحت وظلت غاده عندها تايهه بكل ماتعني هالكلمه من معنى ..

دخل خالد لجناح ام بدر وجلس وهو تعباان والتفت وحصل غااده كانت جالسه بشكل غريب خايفه ودموعها على خدها كسرت خاطره ورغم الالم قام وجلس عندها..

خالد..خلاص غاده اذكري الله ان شاء الله بيقومون بالسلامه
خالد بدموع..انا خايفه
خالد..من شو خايفه
غاده ..خالد انا خايفه على بدر وامي وابوي وعلى نفسي احس ربي بيعاقبني انا من طلعت على هالدنيا ماحسيت بشو يعني حرام ماكنت اعرف هالكلمه عمري مافكرت فيها كنت اطلب وتتحقق طلباتي كنت اسافر ارمي عباتي واخوي وابوي وامي يبتسمون ويعلقون علي كنت اسمع البنات الي تقول ابوي مايرضى اتأخر برا والي تقول اخوي رافض يكون عندي جوال كنت اضحك واقول متخلفين خالد انا ماكنت اصلي الا اذا كنت تعبانه او برمضان عمر امي او ابوي ماصحوني اصلي حياتي كلاها سهر وطلعات وافلام وسفرات اخر شئ افكر فيه ديني اخرتي عمري مافكرت انبهرت بكل شئ حولي كنت حابه اكون مميزه وسويت كل شئ مقزز حتى الفت الانتباه وبعزيمة مزون كنت جايه افشلكم وابين اني احسن منكم لكن فشلت نفسي خفت لما شفت الكل يناظرني وكأني انسانه ساقطه لكن حسيت بالانسانه الوحيده الي اعطتني شالها كأنها حمتني من بركان نار كان بيحرقني
صدقني خالد انا لما اشوف بدر يكلم بنات قدامي احس انه هذا الاخ الي يشرف مو صقر الي ضربني عشان عباتي خالد انا خايفه احس ان ربي بيعاقبني مثل اهلي خايفه امووت
خالد رغم انه مصدوم من كلامها..غاده حبيبتي مو انتي الغلطانه حتى احنا انا وصقر وهلا وابوي لاننا ابتعدنا عن بعض بعدين يمكن ربي يحب بدر وصار له الحادث حتى يذكره ان الدنيا ممر للاخره هذا الحادث يمكن يكون خير وانتي ليه كذا متشائمه الله غفور رحيم انتي انوي التوبه وربي يسهل امرك الله سبحانه وتعالى يفرح بتوبة عبده يالله قومي وغسلي وتوضي وصلي ركعتين وادعي الله وربي ان شاء الله بيفتحها بوجهك لكن انتي ناويه تتوبين
غاده بدموع هزت راسها ..
خالد..اوكي انا بطلع نص ساعه وراجع لك مع احلى هديه
ابتسمت غاده وطلع خالد وهو فرحان ومصدوم بنفس الوقت ..

بالمستشفى الثاني الكل راح ولابقى غير سعود ينتظر صقر يصحى وكان باله مشغول ويفكر

بعد نص ساعه دخل خالد على غاده
خالد..السلام عليكم
غاده..وعليكم السلام
خالد ويمد له الكيس ..تفضلي اول القران مني وبعدين هالكيس
فتحت غاده الكيس وصاحت بعد ماشافت العبايه الي جابها خالد وقامت حضنت اخوه وهي تصيح من الفرح والخوف والكل المشاعر المتضاده..


وبلمح البصر مرت ثلاث شهور كأنها يوم عند البعض وكأنها سنين عند الباقي ..

صقر رجع مثل اول لكنه يحتاج راحه وعدم اجهاد

خالد رجع لشغله بعد الشد العصبي الي تعرض له

مزون رجعت تحس بالامان بعد ماشافت صقر رجع لها وبدأ يتعافى شوي شوي

هلا رجعت لحياتها الطبيعه لكن مع فرحه كبيره بعلاقاتها مع الي حولها الي تحولت بشكل ايجابي وخصوصا اخوانها

نجود رجعت لدوامت الحزن الخاصه فيها بعد ماطلعت لفتره لأحزان غيرها ..

ام صقر فرحانه مرتاحه لكن فيه بداخلها هموم كل أم الي مهما كبروا عيالها بعيونها صغار يحتاجون رعايه..

ابو صقر مازال تعبان ويحتاج وقت لكن الغريب انه بحالة صمت غريبه من بعد العمليه وهو رافض الكلام مع اي احد

ام بدر تغيرت كثير وخصوصا وهي كل يوم تعاني وتتعذب بسبب حالة ولدها

غاده مشت بالطريق المليان بالورود والفل والياسمين بدت تقطف كل يوم ورده وتتنمى ان تطير من السعاده الي مايحس فيها الا الي ذاق حلاوة الايمان ..

بدر حادث سريع غير حياته وحوله الى انسان عاجز عن كل شئ حوله لانسان مختلف مصدوم متردد ضايع

سلطان ..مافقد الامل بأنه يسترجع حياته الماضيه

امل..مازالت تقاوم عاطفتها

سعود ..يضع اللمسات الاخيره على لوحة عذابه

جواهر..كل يوم تنتظر الاجمل والامل يعطي لحياتها طعم اخر

ام عبدالله وعبدالله..كان لهم التأثير الاكبر



بيوم رجع صقر للبيت متأخر ولاحصل احد صاحي غير مزون الي استغربت من شكله

مزون..صقر شفيك
صقر ويحاول يبتسم..سلامتك انتي ياام جود شلونك
مزون..انا بخير بس انت فيه شئ شاغل بالك
صقر ويتنهد ويجلس..كنت مع عبدالله ولد خالي
مزون..وبعدين
صقر..السالفه اانه عبدالله قوية علاقته مع بدر اخوي الفتره الاخيره والحمد لله اثر عليه بشكل كبير يقول عبدالله اعطيته شريط لشيخ العجمي وكان كل يوم يسمعه بااعتبار انه صعب يقرا او يعمل شئئ المهم يقول عبدالله فاجئني بدر لما قال لي ان الممرضه قالت له انا كل ماادخل غرفتك اسمع هذا الصوت وتأشر على قلبها وتقصد انها ترتاح يقول عبدالله اني جلست اشرح لبدر كيف ان حادثه جلب له فوائد وان الله سبحانه وتعالى رحيم وانه ممكن هالممرضه تهتدي وتسلم يقول انه صاح وتذكر ايامه قبل وكيف كان يسجل على الاشرطه الدينيه اغاني المهم يقول قررت اجيب له كتيبات بلغتها ويخلي احد البنات تعطيه للمرضه
مزون وتمسح دموعها..الله يشفيه ياارب
صقر ويبتسم..مالفت نظرك شئ مهم
مزون..لا شو
صقر..عبدالله طلبت البنات يعطونها للمرضه خاف ان الممرضه تفسر اهتمام بدر على جانب شخصي خصوصا انها مو مسلمه
مزون..مشاء الله تبارك الله الله يحفظه
صقر ويفكر..تصدقين انا مفكر بشئ
مزن..شو
صقر..ابي عبدالله يتزوج هلا اختي
مزون مصدومه..شلون
صقر..عبدالله رجال انا بطلب من سعود يحاول يقوله
مزون..ماادري
صقر..ادري بيدخل بالموضوع كرامه وكلام نظري لكن تهمني مصلحت اختي عبدالله رجال
مزون..اذا الله كاتبهم لبعض مااحد بيمنعهم
صقر..صح


الصباح قبل مايطلع صقر قال لمزون انه بيتغدا مع سعود ..

الكل راح لدوامه ولاظل احد بالبيت غير ام صقر الي تعبت وهي تقول لمزون ترتاح لكنها قررت تنتهي من هالمستوى وتتخرج قبل ماتولد..

امل كانت محتاره خايفه خلاص ابراهيم قرر انه ينهي موضعها مع سلطان ولازم تتخذ موقف سلطان تعب وهو يرسل لها مسجات ولاترد عليها لكنها قررت ترد وهالقرار كان قبل موعد سلطان مع ابراهيم الي هو بعد يومين ارسلت مسج مكون من كلمتين ( انتظر اتصالك)

سلطان كان بالدوام واتفاجئ وفرح وانصدم من المسج وعلى طول استأذن وطلع واتصل عليها

وارتاعت لما شافت اتصاله ماتوقعته بهالسرعه لكنها انبسطت لانها لحالها وتقدر تأخذ راحتها ..

سلطان..السلام عليكم
امل بخوف..وعليكم السلام
سلطان..كيفك امل
امل..تمام
سلطان..دوم ان شاء الله امل انا حاولت وحاولت وحاولت لكن صديتني بااسلوب جميل وقاسي وجارح قدرت الايام تعلمك اياه وصدقيني مازال عندي امل اننا نقدر نتجاوز ست سنين لكن السؤال انتي عند استعداد
امل ........
سلطان..لشهور وانا اتكلم خلاص ارجوك الحين ردي علي وقولي اذا عندك استعاداد او بلاش اهانات زياده
امل وتتنهد..انا ماقصدت اهينك لكن كنت ابي اعتذاراتك لي تداوي جراحك

صمت استمر لمدة دقيقه سببته هالكلمه الجريئه من امل انصدم سلطان منها
سلطان..جراحي
امل ودموعها تسبق صوتها..ايه جراحك ست سنين وجروحي تنزف لبست قناع البنت القويه الي مو مهتمه وانا بكل ثانيه قلبي يتقطع تعرف شعور البنت لما تكون معلقه لاهي مطلقه ولامزوجه تعرف لماتسمع كل الي تزوجي معي عندهم طفل واثنين تعرف لما تنحط بموقف محرج وتنسئل عن الزوج الغائب هذي جروحي استكثرت علي كم شهر تعتذر لي فيها ولااستكثرت ست سنين دفعت انا ثمنها دفعت ثمن يتمي وعدم توعية اخواني وتكبر زوجي
سلطان باابتسامه..الله ياامل انا متكبر
امل باانفععال..ومليون متكبر
سلطان..ههههههههههه خلاص طيب انا متكبر لكن انا اسف عذبتيني خلاص
امل.........
سلطان..امل بقول لك سؤال وعلى اساس اجابتك راح تتحدد حياتنا
امل بخوف..اسأل
سلطان..انا عازم نفسي الليله عندك شرايك..؟؟
امل وحبت تحرق اعصابه وسكتت ....
سلطان حس بخيبة امل..اوكي
قاطعته امل..حياك الله
سلطان بفرحه غير..تسلمين لي
امل..يالله مع السلامه
سلطان..الله معك
قفلت امل من سلطان وعيونها مليانه دموع لكن هالمره دموع فرح دموع امل دموع احساس السعاده ..قامت ساعه تقرر شو بتلبس ولكن بالاخير دخلت للمطبخ تعمل كل شئ تتذكره من الي يحبه سلطان وتفاجئة بدخلة سعود

سعود..السلام عليكم
امل..وعليكم السلام
سعود..بكتبها بالتاريخ امل بالامطبخ
امل بضحكه..طبعا اليوم غير
سعود يفكر..ليه شو فيه اليوم ..؟؟
امل وعطت ظهرها سعود..عندنا ضيف
سعود..ضيف او ضيفه
امل..ضيف
سعود..مين ..؟؟
امل سكتت.....
سعود وكأنه تذكر..سلطان
امل..ايه
سعود..ههههههه اخيرا حنيتي عالرجال يالله الله يوفقكم ويسعدكم
امل..امين
سعود..اموول انا بغرفتي معي صقر اذا جهز الغداء عطوني خبر
امل ..اوكي

بغرفة سعود بعد ماقال لصقر عن سالفة سلطان حس ان صقر بيروح للمرسم
سعود..اجلس لاتروح
صقر مستغرب..ليه
سعود..لان عذابي ماكتمل
صقر..للحين
سعود..المهم قولي شو السالفه الي عندك
صقر ..يعني بتغير الموضوع اوكي السالفه تخص عبدالله وهلا اختي
سعود مستغرب..هلا وعبدالله
صقر..ابي منك تكلم عبدالله وتقول له شرايه بهلا اختي زوجه له
ابتسم سعود..بتخطب لأختك؟؟
صقر..ايه عبدالله رجال ينشرى بفلوس
سعود ويبتسم..تعرف دائما كنت اقول صقر رجال وافعالك الي تحكي وبوقتنا مايخطب لبنته او اخته الا الرجال وهم قليل
صقر..بس انا ماابي اهين اختي
سعود..اعرف راح تخطب لاختك بطريقه تتفق مع واقعنا ومجتمعنا وهي عن طريق وسيط الي هو انا وانت تعرف ان هلا وعبدالله مكانتهم غاليه عندي ابشر بسعدك انا بكلمه وكانها مبادره مني
صقر..كفوا والله الحين وين الغداء
سعود..تعال نروح لامل شكلها نستنا


ببيت ام صقر كانوا مجتمعين عالغداء

هلا..يمه كلم خالد يقول بيجي هالاسبوع
ام صقر..الله يوصله بالسلامه متى كلم
هلا..من شوي وقلت له اننا نتغدأ
ام صقر..حسبي الله على عدوانك ليه ماخليتيني اكلمك
هلا..هههههههه ماقال وين امي
نجود..ياكذبك مكلمته عندي وقالت له كلمها بعدين خلنا نتغدى
هلا غصت بالاكل..بسم الله منك مايفوتك شئ
ام صقر..قومي اتصلي عليه
هلا بزعل..يمه بكمل اكلي
ام صقر..اقول قومي
هلا..خلي مزون تتصل شوفيها ماتأكل
ام صقر وانتبهت لمزون..ليه ماتكلين يابنتي
مزون..شبعت ياخالتي
اام صقر..مايصير يابنتي
مزون..ان شاء الله بأكل خالتي
الكل انتهى من اكله ونست ام صقر سالفة خالد..


بالليا كانت امل مع سلطان وقدروا بجلسه هاديه رايقه يغسلون الالام ست سنين بعد ماقرروا انهم يتنازلون عن امور كثيره حتى تستمر حياتهم ولاتنهد بسبب افعال بسيطه لولا انها تراكمت ماكانت اثرت بهالشكل الكبير ..

كلمت امل مزون وقالت لها كل الي صار
مزون..الله يسعدكم بس عندي سؤال يحتاج اجابه
امل بفرح..اسألي
مزون..ليه مااحد حاول من اهله يصالحكم..رفض وقال بالحرف اذا قالت طلقني بطلقها لكن محاولات الصلح رفضها وهذا كله كبرياء كذاب
مزون..ههههههههه وينه يسمعك
امل..قلتها بوجهه
مزون..الله يسعدكمومتى بترجعين
امل..بعد اسبوع
مزون..ماهو قليل
امل..ههههههههه هذا بعد المحاولات
مزون..يالله اجل الله يعينك عالسوق
امل..وانتي مابتطلعين معي
مزون..والله انتي شايفه وضعي بس نجود وهلا معك
امل وتضحك..الله يعيني عليهم
مزون..امين


بنفس الوقت كان سعود وعبدالله سهرانين مع بعض وسأل سعود عبدالله بعد سوالف طويله

سعود ..عبدالله مافكرت تتزوج
عبدالله باابتسامته الدائمه..ليه فكرت انت
سعود ويتنهد..لاتجاوبني بسؤال
عبدالله..لاتتنهد ياعم ليه تعمل بنفسك كذا بس ولايهمك بجاوبك فكرت بس مأجل الموضوع شوي
سعود باابتسامه..وليه التأجيل
عبدالله..ظروف كثيره لكن بدت تنحل ولله الحمد
سعود..والعروس من هي
عبدالله..الي الله كاتبها لي
سعود ويبتسم ..اعرف يعني لسى مابحثت
عبدالله..قصدك الولده بحثت
سعود ويعدل جلسته..طيب لاتدقق على كلامي انا عندي لك شور
عبدالله..سمعنا ماعندك
سعود..هلا بنت اختي
عبدالله متفاجئ..هلا بنت عمتي
سعود..اسمعنى انت حر لكن هلا بنت ماعليها كلام من كل النواحي
عبدالله..بس انا ابي وحده ملتزمه
سعود..انا معك هلا ماهي ملتزمه مثلك لكن تقدر انك تعينها يعني بااسلوبك بسهوله تقدر تخليها تتخلى عن امور كثيره تافهه وماتسوى مثل الاغاني وغيرها لكن هلا بحجابها ملتزمه
عبدالله ..كلامك منطقي بس يحتاج تفكير
سعود ويقوم بيطلع..فكر والقرار لك انا قلت لك رائي ويالله تصبح على خير
عبدالله..وانت من اهله

طلع سعود وترك عبدالله يفكر بااقتراحه بان تكون هلا بنت عمته زوجته ..

تحدد يوم الاربعاء يكون يوم رجعت امل لسلطان ..وبنفس اليوم بيوصل خالد بااجازه لمدة اسبوع لرياض..لكن قبل هاليوم وتحديداً يوم الثلاثاء العصر كانت نجود بالصاله تتفرج عالتلفزيون لحالها ودخلت عليها الخدامه ومعها لوحه حطتها عالكنبه قبال نجود الي سالتها
نجود..مين فيه
الخدامه..بابا سعود اعطي انا وروح

طلعت الخدامه وتركة نجود تتأمل اللوحه بااعجاب وحزن ماقدرت تقاومه مسكت القلم وبدت تكتب احساس اللوحه الي تحمل بحر هايج امواجه عاليه بس بين الامواج كان الالم والحزن الي واضح جدا

هلا..الله ياعيني سعود عندنا
نجود..لاجابتها الخدامه تقول اعطاها وراح
هلا..خطير سعود رسمه رائعه
نجود..ايه مشاء الله عليه
هلا..بس احسها هالمره غامضه
نجود..كيف
هلا..فيه فرح وامل وحزن

سمعوا صوت سعود برا وطلعت نجود من الصاله بسرعه ودخلت هلا خالها الي ابتسم ووقف مع هلا يتفرج عالوحه وجلس قبالها


هلا ..مشاء الله عليك خالي شو هالرسمه
سعود..عجبتك
هلا..مره
سعود وظل يناظر الوحه والتفت على هلا بس شافها مشغوله تقرا وطاحت عينه على ورقه جنبه عنوانها

(((أحزان مجففه)))


ليلٍ اسود ..
بحر هايجٍ ..
موج متلاطم ..
ويرتفع صوت الرعد فوقه ..
وتتصادم سماه بموجه ..
ويظهر ذاك الشكل ..
شعرٍ اسود منسدل ..
يبعثره موج من بحر هايجٍ ..
ونشوفها يد غادره ترتفع ..
تحمل بكفها سكين !!
يا تذبحه او تنذبح ..
مسكين كافي مامضىله من ذيك سنين ..
ياترى ..؟؟
هو يحبها ؟! هي تملكه ؟!
ولا مجرد صورة مبهمة ..
اتقنتها ريشة الرسام ..
ياترى !!
هي تخونه..؟؟ هو يودها..؟؟
كني شفت بعيونه بقايا حنين ..
ابسألك ..؟؟
ياترى هي تجرحك ؟
او تحبسك طول السنين ..
ياترى تبي تذبحك ؟!
كأنك تمتلك سرٍ كبير ..
وعيونك بتفضحك ..هي الي تعرفك
ابسألك..؟؟
هذا حزنٍ لفى يبي يستقر ..؟؟
غريبه هو بقلبك دايم مستقر ..
اتركه لايلقى له مكان وخله يحتضر
جاء الوقت الي ينكسر به قيد الحزن
ويترك القلب يتهنئ ويحب ..
كان ظنك انك بهمك وحيد ..
وان كلك امتلى بطعون غدر تجدد تزيد
تعــــال ..
تعال شفني ..
وش تقول ؟!!
بكل ثانيه انجرح ..
وكل جسمي طعون ..
لاتظن الشقا لك مخلوق..
لا واللذي خلق موتي والحياه ..
كل تقاسم فرحه ويا شقاه ..
يا يطغى الفرح ولا الهموم ..
تعال شفني كيف عايشه ..
تدري في كل يوم اعايش حزنك ..
وتدري ان السكين ماخلت فيني مكان ..
طعنات في كل كلي ومابقى لي ..
غير قلبٍ ينزف اهات وانين ..
ودمعة متعلقه برمش هالعين ..
تتنتظر ارمش لها وتنزل وتهين ..
كان جرحك واحد ..
وطعنتك وحده ..
ياكثرها جروحي ..
كان ودك روح ولمها ..
اجمع شتاتها ثم ضمها ..
صدّقت وش كثر جروحي كثااااااار ..
لو تقعد سنين ماتقدر تعدها..
شفت ورود الكون وشلون ؟!
خذلك ورده وتركها تجف ...
شف شكلها بعدها وشلون يصير ..
بسرعه تتفتت بيدينك وتطير ..
هذي هي همومنا .. هذي هي الاحزان ..
مثل الورود الملونه ..
تكون ندّيه بالاول ..
ثم نجففها وتطييييير ..
هذي همومنا ..
تصيبنا بقوة وتصدمنا ..
ثم نبكي عليها ونصيح ..
ثم(ن) تجف دموعنا ..
ماعادت تطيح ..
وقتها ..
تكون احزاننا رحلت ..

ياانت
ياانت ..
بريشتك حولتها احزانك
بس وينها احزاني
منهو يجففها وتطير ..؟؟
أه أه يمكن بيسقيها الغدر
ويحميها الالم
وتداريها الجراح
وتظل عايشه فيني ومعي وماتجف
ياهمومي كوني مره مثل ورودي
وجفي وتفتفتي وطيري
وخليني ارجع احب واحس ..

( الخاطره لرائعه اختي عاشقة الوهم )

سعود ..هلا انتي كتبتي هالكلام
هلا وبزعل..مو من حقك تقراه
سعود..اوكي اسف بس انتي الي كاتبته
هلا..لا
سعود..مين..؟؟
هلا..مو مهم عطني الورقه
سعود ويبعد الورقه..جاوبيني
هلا..خلني اشوف شو مكتوب
سعود..خاطره
هلا ..نجود بنت عمي
سعود ومسك الورقه..بخذها
هلا مستغربه..لا والله
سعود..اجل اكتبها لي
هلا ..سعود مااقدر
سعود..اسمعيني وخلي عنك المثاليه
هلا..اسفه
سعود..اوكي خذي الورقه
هلا..سعود لاتزعل
سعود..روحي نادي امك خلني اسلم عليها
هلا..والله مايليق عليك الزعل
سعود..روحي
طلعت هلا ومسك سعود القلم وكتب الخاطره على بعض اوراقه ورجعها مكانها وبعد ماجلس مع اخته طلع ورجع يقرا الخاطره للمره الثانيه والثالثه والعاشره ولاقدر يوصل لربع احساس هالبنت اليتيمه الي واضح ان الحزن سيطر عليها لدرجة اي حزن ثاني تشوفه قليل وتافهه قدام احزانها



الاربعاء وصل خالد الصباح وطبعا ماكان فيه غير امه جلس معها وبعدها دخل ينام ..

امل رفضت انها تعمل اي شئ طلعت من بيت اهلها لبيت سلطان بكل هدوء ولاكأنهم لهم ست سنوات مفترقين

بالسياره

سلطان مبتسم..كأني بحلم
امل ..الاحلام دائما حلوه
سلطان..بس بسرعه تنتهي وانا ابيك معي طول عمري
امل..انت الي ضيعت من عمرنا ست سنين
سلطان..هههههههه خلاص اموول ذليتيني
امل..حتى تحس بقيمة الايام ولاتزعلني
سلطان..وانا اقدر اعيدها خلاص

في بيت ام صقر كان خالد جالس مع امه

خالد..يمه بطلبك
ام صقر..قول يمه
خالد..بتزوج
ام صقر..هذي الساعه المباركه
خالد..لان نقلي مطول ولاعاد اتحمل الوحده هناك مليت
ام صقر..ابشر من عيوني من بكرا ادور لك
هلا..شو تدورين له
ام صقر..بسم الله مايفوتك شئ بدور له عروس
هلا مبسوطه..بتتزوج الف مبروك
خالد..عندك لي عروس
هلا ..شرايك بنجود
خالد..لا ماابي اقارب
ام صقر..ليه
خالد..بس
هلا ..خلني افكر
صقرالسلام عليكم
الكل..وعليكم السلام
صقر..شخباركم
هلا..خالد بيتزوج
خالد..هههههههههههههه ماعندك وقت
صقر..صدق
خالد..ان شاء الله
صقر..الله يكتب لك الي فيه الخير هلا نادي مزون ونجود وتعالوا
هلا..طيب
ام صقر..شفيكم
صقر ..الحين بقولكم السالفه
دخلت مزون ونجود وسلموا عالكل وجلسوا
صقر قام وحط قبالهم ملف ..هذي اوراق تخص كل ميراثكم من عمي
مزون..شلون
صقر..ابوي اتصل علي واعطاني هالملف وقال هذا حق بنات عمك كامل ويستسمح منكم
مزون..الله يسامحه
نجود..كل شئ نقدر نرجعه بس احساس الكرامه والامل والسعاده مستحيل عن اذنكم
طلعت نجود وطلعت لها مزون



وصل سعود بالليل لبيت ام صقر وحصل الكل موجود

سعود..السلام عليكم
الكل..وعليكم السلام
سلم على خالد..الحمد الله عالسلامه
خالد..الله يسلمك
سعود..شلونك ياام صقر
ام صقر..بخير وانت شلونك
سعود..تمام
صقر..بار ك لخالد قرر يتزوج
سعود مستغرب..الف مبروك
خالد..الله يبارك فيك
سعود..تعال خالد ابيك بموضوع براا
طلع سعود مع خالد للملحق وحصل اللوحه وظل خالد مبهور بالاحاس الي حسه وهو يتامل اللوحه

سعود..انا بيوم وعدتك احكي لك قصة عالم دموعي بس لما تكتم لوحته وجاء الوقت الي احكيها لك
خالد..اذا هالشئ يضايقك انسى خلاص وارمي كل شئ وراء ظهرك
سعود..ماراح اقولك تفاصيل معرفتي فيها عرفتها بالصدفه وانا رايح زياره للمستشفى لواحد من العيال كانت منهاه وتصيح المهم تكررت زياراتي وكررت الصدف المتعمده وعرفتها يوم بعد يوم وشهر بعد شهر لحد ماوصلنا لسنين حبيتها بكل ماتعني الكلمه من معنى تمنينت اليوم الي اتزوجها فيها عرفت تفاصيل حياتي من صوتها تتغير نفسيتي وحالي يتبدل
خالد ولاول مره يشوف الضعف بعيون سعود ..وبعدين
سعود ويبتسم..كلمتني وبكل برود قالت خلاص بتزوج

احتد صوت سعود وقف وكمل..تعرف شو احساس والانسانه الوحيده الي ساكنه قلبك تتزوج غيرك ..تعرف شو الاحساسس لما تكتشف انها طايره من الفرح ..تعرف لما تتخيل الانسانه الي شفتها زوجتك تروح لغيرك..او بمعنى اوضح تعرف لما تحس بالفرح وفجاه ينسرق منك ومن نفس الشخص الي اهداك اياه خساره ياعبير حبيتك من كل قلبي
خالد..ليه ماتزوجتها
سعود..تقول لو تزوجنا زواجنا بيفشل لانه بالاساس خطا
خالد..معها حق
صرخ سعود..طيب ليه لعبت بقلبي واحساسي ومشاعري ليه خلتني احبها تعذبت انجرحت انطعنت من هالانسانه
خالد..انساها
سعود..ههههههه تصدق على قد ماحبيتها رحمتها لما ترجتني ماافضحها اول شئ استغربت قلت افضحك وانا احبك لكن بعد مافكرت عرفت اني غبي والا بوقتنا فيه حب
خالد..فيه بس نادر
سعود..خلاص قلت لك مختصر القصه لاني لو قلت التفاصيل بتنزل دموعي وعبير ماتستاهل الا لوحه ورسمه اعتبرها من اسوا مارسمت
خالد..ربي بيعوضك
سعود..من قررت تتزوج
خالد..قلت لامي تدور لي
سعود..وبنت عمك
خالد..نجود لاماابي من الاقارب
سعود..امممم اوكي انا بخطبها

خالد منصدم..بتتزوج..؟؟
سعود..ايه وبروح اقول لاختي وصقر تعال
طلع سعود مع صقر عند اهله

سعود..ام صقر قررت اتزوج
ام صقر ..تتزوج مابغيت هذي الساعه المباركه
صقر..واخيرا
سعود..وبخطب بنت عمك
صقر مستغرب..نجود
سعود..ايه
صقر..بس من ابوي تطلبها
سعود..ماعندي مانع


###صور من بين البوم السنين ###


#هلا ..يمه عبدالله ولد خالي
ام صقر..ايه ولا بتلاقين مثله
هلا وبفرح..بس
ام صقر..طولنا ماردينا عليهم يالله
هلا..اوكي
ام صقر..ردي مثل العالم
هلا باابتسامه تحضن امها..موافقه
ام صقر ..الف مبروك والله يوفقك#


#امل..تناسبك صدقني
خالد..جواهر اسمها حلو
امل وتضحك..ورسمها حلو واخلاقها حلوه
خالد..بتوافق تسكن معي برا الرياض
امل ..بتوافق لان الي يعنيها الحب هي انسانه حالمه
خالد..توكلنا على الله #

#بدر..عبدالله انت انسان غيرت حياتي
عبدالله..عبدالله انت الي غيرتها
بدر..جزاك الله كل خير رغم اني انسان مريض لي اشهر هنا ماحسيت لاني عايش بحلاوة الايمان خليتني اندم على كل ثانيه مرت من حياتي
عبدالله..الله يثبتك
بدر..امين ويوفقك ويسعدك
عبدالله..اجمعين#


#بالثلث الاخير من الليل الكل نايم الا هي تصلي وتتهجد وترفع اكفها لله طالبه عفوه وغفرانه
هذي هي غاده الي تغيرت حياتها للاحسن وانضمت لمدرسة تحفيظ القران وحفظت الى الان خمس اجزاء ..هي هي غاده الي عاشت حياة الترف والغرور والانحراف ربي فتح على قلبها الله يثبتها ويهدينا جميعا ..#


#امل..وافقت بس بشرط مثل ماقلت لك
سعود..تبي تعرف اوكي اتصلي عليها
امل..ليه
سعود..اتصلي اقول
اتصلت على نجود وبعد السلام طلب منها سعود تقولها تسكت واخذ الجوال
سعود..السلام عليكم اعرف انه تصرف خطأ لكن بقول لك بااختصار قصتي الي كل يعرف
ان بحياتي انسانه صح كانت بحياتي بس تبخرت خلاص حب تم بطريقه عن طريق علاقه وانتهت الي انهاها هي قالت بتتزوج وقلت الله يوفقك التفاصيل مالها اي معنى هذي هي الحقيقه والله يعلم اني قررت الزواج بقناعه مو عشان انساها لانها خلاص صفحه احترقت من حياتي مالها اي وجود معك امل
امل..هلا نجود
نجود..اهلين
امل..سوري نجود بس
قاطعتها نجود..خلاص انا موافقه#


#دخل بصمت الكل كان يرقبه باابتسامه قرب عندها وحب راسها وبنظرة حب
صقر..خوفتيني عليك الحمد الله عالسلامه
مزون بتعب وابتسامه..الله يسلمك
صقر..صرتي ام
مزون..وانت ابو جود
ابتسم والتفت عالبنت الصغيره ومساعدة امل حضنها وظل دقايق حاضنها والكل بكى واولهم مزون الي قالت بصوت عالي ..الحمد لله ربي عوضني فيك
ابتسم صقر..واهداني احلى مزون
اامل بضحكه..بس خلاص انت وياها#


##انتهت القصه لكن باقي لقطات لثواني ##


*امنيات وخالد ..عاشوا حياة حب وامل لكن ناقصها ضحكة طفل لكن هذا مااثر على حبهم عايش واملهم بالله كبير

*سعود ونجود..حياتهم بالبدايه كانت صعبه بس مع الايام استرجعت نجود نفسها المرحه واسترجع سعود ثقته بالحب وعاشوا احلى حب مع صرخة اول مولود لهم عبدالله

*غاده..تزوجت انسان ملتزم وبدت تشوف الحياة اروع مع اهل زوجها الي عايشين ببيئه رائعه لانها تراعي الله بكل شئ

*بدر..بدت حالته تتحسن بس مازال تعبان وهالشئ يزيده قرب من حلقات الذكر والتحفيظ الي اصبح يداوم عليها واثر على مجموعه كبيره من اصدقاءه

*امل وسلطان..احلى حب ممكن يترجم هو حبهم لانه كان حب معذاب واحلى مابالحب عذابه على رائي سلطان

*مزون وصقر..استقرار رائع هادي مع بنتهم جود واخوها الي بالطريق


انتهى

سلمت يمناك على ما كتبت، والله يعطيك العافية
وننتظر جديدك.

يسلموووووووو على القصه
ويعطيك العافية
وشكرا