ماعرفتوني .. كثر .. ما عرفني ..

مشكوورين جميع على التفاعل الروعه يعطيكم الف عافيه
واعذروني لو تأخرت شويات... :rolleyes:
بس النت البارحه ما ادري ويش فيه خخ خرف..
وتفضلوا الجزء الجديد
دمتم بحفظ الرحمن

اليوم الخميس ...الساعة 5 الفجر .. ام حسين قاعده بالحوش بعد الصلاة.. .. على التاوة تخبز خبز.. تمسح التاوة بيمينها بالعجينه.. تسبقها بسم الرحمن ..و بكل خفه وسرعه.. والإبتسامه مرسومة على وجهها السمح .. وبصوتها اللي يرسم البسمه وتعيش معه جو الماضي لحظه بلحظه..:

ــ أماه امبى لقمة **** واللقمة من البرمة
والبرمة من الحطب **** والحطب يمبى قدوم
والقدوم عند الحداد **** والحداد يمبى فلوس
والفلوس عندالعروس **** والعروس تمبى ريل

وترفع ايدها اليسار .. وبنبرة الملهوف المشتاق :
" ياارب يالله تبلغني فيك يا فارس يا ولدي .. عساني اشوفك معرس .. على ديك العروس القمر ..واغسل رجولكم يا كريم "

وتنهدت من قلب والإبتسامه ما فارقت شفتها وترجع تكمل اغنيتها ..

والريل يمبى أولاد **** والأولاد يمبوا حليب

والحليب عند البقر **** والبقر يمبى حشيش

والحشيش من المطر **** والمطر من عند الله

لا اله إلا الله **** محمد رسول الله *** علي ولي الله...

وتخلص خباز .. وتكيس الخبزات في الأكياس.. وتصفهم بترتيب في ..
" المغطس" " الطشت" " السحلة" <<<<< ههههه بأغلب لغات القطيف لو اعرف زود قلت ..
وتتوسد الأرض بأياديها تقوم.. تعدل الشيلة.. وتتوجه لغرفة حفيدها فارس.. وهي تلهج بالتسبيح .. تطق الباب.. وتفتحه بهداوه .. وعلى صوت صرير الباب القديم
يفتح فارس عيونه...
ــ امي فارس.. قعدت.. ؟؟
فارس يتمغط ويمسح وجهه وبأبتسامه:
ــ ايه امااه.. صباح الخير
ــ صبحك الله بالنور والسرور والخير يا بعد ابوي .. يللا قوم بالصلاة على محمد تمسح وصلي مدة اسوي لك لقمة.. قبل لا تروح سوق الخميس..
ــ ان شالله اماه..
ويقوم فارس يعدل منامه.. يتمسح ويصلي.. ويطلع لجدته اللي جهزت له.. الحليب الصاخن.. وقرص البيض مع الخبز,,
يبوس راسها قبل لا يقعد:
ــ يعطيش العافيه امااه .. ولا يحرمني منش ..
وترفع ام حسين ايدها للسما..
ــ ولا يحرمني منك يا بعد روحي بلغني الله فيك ..
ــ ان شالله فيني وفي اولادي واولاد اولادي
تمسك ام حسين الشيله وتغطي وجها بها :
ــ يؤه .. ههههههههههه.. ويلي ياولد لأولاد اولادك بعد.. الله يخليك يا بعد روحي
ــ ويخليش يا أحلى ام وجده ومرة بالدنيا.. انا اذا كبرت وبتعرسيني ابغى وحده زيش..
ــ هههههه.. ضبعه.. ويش لك بالضبعان...
ــ هههههههههه احلى ضبعه..
تمسك ام حسين طرف شيلتها وتضرب بها فارس :
ــ غربل الله شرك..
ويصيروا يسولفوا وهم يفطروا سوالف زي العسل .. تشرح القلب بعيده عن الهموم والضيقه والمشاكل .. سوالف تتخللها كل دقايق ادعيه من اصدق القلوب في الدعاء...
ــ الحمدلله رب العالمين
ــ عوافي يا ولدي .. يالله تديمها من نعمه وتحفظها من الزوال ..
ــ يارب .. الله يعافيش اماه... يللا باغسل ايدي .. عشان الحق ابسط بالسوق
ــ يللا امي .. اني برزتهم لك بالمغطس..

------------------------------------------
فارس .. عمره وقتها 12 سنه... ولد مرضي .. طيب وحباب .. الكل في فريقهم يحبه.. خدوم ويساعد الغير .. يضحي بكل شي يقدر عليه.. رغم ضيقة الحال اللي هم فيها .على الله وعلى الشؤوون... الا انه كان يكافح.. ويحاول قد ما يقدر ...
كان ذكي وشاطر.. كان ايام دراسته .. يرجع من البيت وعلى طول يخلص مذاكرته.. ويروح يعلم اولاد بالإبتدائيه لواحد بطران في فريقهم كان يعرف جده المرحوم .. سمع بذكاء فارس وبحالتهم المادية فحب يساعده بطريقة ما يجرحه ويحرجه فيها.. ويوم الخميس يبسط بسوق الخميس يبيع خبز تاوة وماي مثلج..

------------------------------------------

حمل فارس المغطس على راسه.. وطلع يتمشى للسوق .. وقلبه بالمره مليان رضى وقناعه .. لاهو متذمر .. ولا هو متضايق..

ترررن.. ترررن... تلفون بيت فاضل يرن.. الساعه 10 الصباح..
ــ الوو.. <<< رؤى...
ــ السلام عليكم ... <<<< عبدالله.. اخذ الرقم من عند رائد " للتواصل"
ــ وعليكم السلام ..
ــ ابوش نايم.. والا قاعد..
ــ لا قعد..
ــ طيب نادي لي عليه..
ــ ان شالله..

ــ يبااااه.. في واحد يبغاك في التلفون...
ــ ميين؟؟
ــ ما ادري .. ما قال لي ..
ــ يمكن رضا عمش << يسميه اخوي بحكم الجيرة والصداقه القديمه..
ــ لااا مو عمي .. صوته غير..
ــ خير ان شالله .. اشوف الحين

ــ الو.. مرحبا..
ــ مراحب هلا اخوي ابو رائد..
ــ هلا .. هلا عبدالله..
ــ هلا فيك.. اخباركم عساكم بخير
ــ بخير الله يسلمك اخبارك انت واخبار الوالد...
ــ بخير الله يخليك يسلم عليكم
ــ الله يسلمك وياه من الشر
ــ اخبار رائد كيف صارت ايده..
ــ بخير الحمدلله..
ــ الحمدلله... ااا...ابغى اطلبك اذا ما عليك امر ولا كلافه..
ــ اطلب ياخوي .. امرني
ــ ما يامر عليك ظالم .. بس اليوم الخميس وحبيت اخذ رائد اذا ماعندكم مانع اتمشى وياه بالسوق ..
ــ لا ..عادي غالي والطلب رخيص.. حياك الله
ــ تسلم الله يحييك...

-------------------------------
عبدالله .. من ثلاث سنوات ما طب سوق الخميس .. كان مهند يحب يروح يتمشى معاه.. فمن فارقه اخوه.. فارقت رجوله تراب السوق.. وماعاد يروحه..
بس يوم عرف رائد.. حس الروح رجعت له.. وحب يسترجع الذكريات معاه...
--------------------------------

سكر فاضل السماعه.. وراح لزهراء خبرها بالموضوع .. فرحت.. وطلبت من ابو رائد يرجع يدق على عبدالله يعزمه على الغدا عندهم هو ويا ابوه ..

فاضل سوى اللي قالت عليه زهراء.. وبالموت رضى عبدالله .. بالحلف عليه...
ولو ما ساومه فاضل على طلعة رائد.. اما يتغدى والا ما في طلعه ..
استسلم عبدالله وضحك ووافق...

فاضل يدري هالشي بيفرح رائد.. راح له غرفته لقى المعركه قايمه.. وشوي تجيه كوره ..طاااخ .. على وجهه..
ــ اااه.. ويش هذا..؟؟
الا رائد مطلع راسه من السقيفه...
ــ يؤه .. يبااه .. ههههههه اسف .. بس ادور حاجه..
ــ تدور شي تسوي هالمعركه...
ــ هههه زهقان.. عادي تالي ارتبهم
ــ ترتبهم هاا.. اذا مو اختك والا امك تعلمني عنك...
ــ خخ .. لااا.. ادري ..
ــ المهم عندي لك خبر.. بيطيرك من الفرحه..
رائد نط من السقيفه وهو متلهف .
ــ. خبر ويش ؟؟
ــ عبدالله..
نور وجه رائد من سمع اسم عبدالله وبلهفه رد::
ــ أيـــــــــــــــــــه ويش فيه..
ــ خمن.. ويش؟؟
ــ مو قادر اخمن.. ويــــــــش؟؟
ــ ههههههههه اعصابك.. اموت واعرف ويش مسوي فيك هالعبدالله ساحرنك
ــ ههههه لا سلامتك يبه بس احبه .. اخوي الكبير هذا..
ــ اوه اوه.. والله حركات... الله يخليكم لبعض...
ــ يارب.. يباااه .. ويش فيه..
ــ ههههههه ايه صدق.. جهز نفسك بيطلع وياك سوق الخميس..
رائد من سمع هالخبر .. طار من الفرحه وضم ابوه وصار يناقز
ــ ياهوووو .. بيروح وياي سوق الخميس .. هيه هيه هيه..
ــ هههههههه غربل الله بليسك .. عساك دوم مستانس والله يجزاه خير من كان السبب..
نص ساعه .. تجهز رائد ومر عليه عبدالله...

ركب رائد السيارة.. وهم بالطريق .. تفاجأ عبدالله برائد يطلب منه ينشد له الأنشوده اللي نشدها له البارح..
عبدالله لبى له الطلب... وصار ينشد... شوي تداخل مع صوت عبدالله صوت رائد..
ابتسم عبدلله وكمل .. ماحب يلتفت لرائد لا يحرجه.. ويسكت ...
لين وصلوا سوق الخميس...
وصاروا يتمشوا.. عبدالله شابك ايد رائد.. ورائد مهي سايعتنه الأرض من الفرحه..
شروا حلويات.. واكل.. وصاروا يسولفوا وهم مستانسين..

يتبع>>>

في موقع ما في سوق الخميس .. كان فارس مبسط.. بخبز التاوة..

شوي جا اله واحد رجال كبير ببسطته معروف بأبو مصيبة ... << يادافع البلا خخ وهو يفتخر بهاللقب..
ــ هييه انت .. قوم .. هذا مكاني..
فارس استغرب كل اسبوع هذا مكانه ويش عنده هذا ؟؟
ــ لا.. مو مكانك كل اسبوع انا اقعد هنا...
ــ لا والله بتقوم .. لا اوريك شغلك.. مو ناقصني الا جهال ..
ــ واذا قلت لك مانا قايم...
ــ منت قايم .. ها.. اوريك...
ويشيل بيده المغطس ويكفخ به.. ويفتت الخبز ويتكسر تكسير..

كان يراقب الموقف على مسافه مهي بعيده رائد وعبدالله..

عبدالله من شاف حركة ابو مصيبة... وتكسيرة وتخريبة لرزق الولد المسكين .. شبت في قلبة حرايق ناار... وراح وهو معصب للرجال .. قال خلني اتفاهم وياه,, مسك اعصابه .. ولمس كتف الرجال ..
ــ السلام عليكم..
الرجال مره مو شي .. واحد نفسة خايسه.. شال ايد عبدالله من كتفه .. ومن طرف خشمه ..
ــ وعليكم .. خير ويش عندك..
عبدالله ما عجبته الحركه دق له عرق بس تمالك اعصابه..
ــ ابد .. بس مو عيب عليك هالحركه.. هذا رزق الولد تجي وتسوي كذا..ليش وين ضميرك..
ــ عيب اللي يعيبك.. جاي تعلمني العيب .. وانت مو عيب تتدخل في اللي مالك فيه..مالك شغل..
عبدالله وصلت معاه ..
ــ الا ...الي.. شغل ويللا عاد.. مصختها .. جيناك نحشمك طلعت ما تستاهل .. بسرعه ادفع ثمن اللي خربته للولد..
ــ واذا قلت لك مانا دافع...
عبدالله مسك دراعة الرجال من كتوفها .. وشده لوجهه..
ــ بتدفع غصبن عليك..
نفض الرجال ايادي عبدالله ..
ــ غصبن على امك .. مو علي ... روح بس الحق امك.. يا بن الـــ......

عبدالله ما يتحمل كل شي الا طاري امه ,, ويحوش الرجال بكس على عينه ..
وتقوم العركه ..وفارس ورائد على جنب ..

شوي يشيل رائد المغطس ... ويطيح شدخ في الرجال وين ما يحوش لحمه .. رضرض عظامه ,, وفارس يطالعهم وهو مبهوت ..

وقام الصريخ.. وتجمعوا الناس .. يهدوا في ابو مصيبة .. . لا يرتكب جريمة .. لأنه الرجال هذا معروف يا دافع البلا .. بسوء سيرته.. ومو بعيده لسا اثر السكر فيه وجاي يتعيلف بفارس المسكين... بس الرجال مو راضي يهدى...

فككوهم بالصاقعه .. يالله انفكوا ... وراح ابو مصيبة وهو يسب ,,وناوي على نية قشرى,,,عبدالله كسر خاطره شكل فارس .. مبهوت.. ما حصل الا كم ريال من هالبسطه..
وجهه اصفر وشاحب... من الموقف.. واقف ولا حركه..
كان فارس يقلب الفكر.. تعب جدته .. وجلستها من الصبح.. صار طحين...مفتفت..
مد عبدالله ايده لمخباه.. وطلع اللي عنده وعطاه فارس.. بس فارس ما رضى...
عبدالله قال له انه بياخذ كل الرقاق اللي في البسطه ولا يهمه ..
ورضى فارس.. ورجعتهم طلب عبدالله من فارس يوصله للبيت .. وبالموت رضى..
ركبوا.. رائد كان حاس بالغيره من فارس.. عبدالله مهتم فيه مره.. وزاد اهتمامه والسوالف معاه يوم درى به يتيم الأم مثله..
رائد متضايق .. وطول الطريق ساكت .. وشوي وصلوا للفريق اللي ساكن فيه فارس..
عبدالله :
ــ وين بيتكم فارس..
ــ هههه خلاص يعطيك العافيه.. بيتي داخل زرنوق ما بتدخل سيارتك لو ويش..
ــ هههههه طيب حياك الله..
ونزلته فارس.. ابتسم في وجه عبدالله وشكره.. ودار بيدخل الزرنوق..
الا عبدالله فاتح النافذه اللي جهة رائد " رائد كان قاعد قدام "
ونادى على فارس..

والى اللقاء بالحلقه القادمه..

واااااااااااااو والله قصة رووووووووووعة تسلمي اختي اميرة

تسلم ايدك..




كان حلم

اللله وناااااااااااااسه


الله يخلي رائد لعبد الله

ويخلي فارس لجدته

تسلمي يالغاليه والله يعطيش الف عافيه

دمتي لنا

يلا متى بتنزلي الاجزاء الباقي>>مستعجله

يالله امووووروه لازم تشوقينا كفاريات
مايصير جدي
بس اقول زودي هـ الغيره اللي في رائد
تسلمي حبيبتي
يعطيكِ ربي الف عافيه
تحياتي
ضحكوه البطه

واااو
كل حلقة تزيد حلاوة القصة
مشكوورة امووورة
ع التكمله
وياارب يهدي كمبيوتركم ولا يخترب الحين ولا يخرف
ويحفظه من كل شر وفايروس
ههههههههههه

انتظر التكملهـ..

اي والله لاتتاخري علينا واجد<<<<شوقتني الحلقه
وانشاء الله يصطلح الانترنت عشان تنزلي بقية الحلقات

يسلمووووو جميع ياهلا فيكم... منورين ويا حلو هالتواجد اسعدني..
كان حلم ... الروعه التواجد الجميل تسلم عليه اخوي
اهات عاشقه .. الله يعافيش حبابه ... وتسلمي
ضحووك .. هههههه كنش تقري افكاري يالبطه ... منوره يالغلا
بشوور.. الحلا وجودش حبيبتي لا تحرمينا هالطلات وحلو هالدعوات ..
الحالمه... منوره .. وتسلمي هههه .. ان شالله يسمع منش

تفضلوا الجديد

ونزلته فارس.. ابتسم في وجه عبدالله وشكره.. ودار بيدخل الزرنوق..
الا عبدالله فاتح النافذه اللي جهة رائد " رائد كان قاعد قدام "
ونادى على فارس..
ــ نعم ..
ــ الله ينعم عليك.. الأسبوع الجاي بتبسط؟؟؟
فارس انرسم الحزن على وجهه ..
ــ ما ادري عقب هالهوشه .. ما يندرى ويش ناوي ابو مصيبة من نية..؟؟
ــ ما عليك منه .. كل اسبوع بسط وانا بكون موجود .. يولي .. ليش السوق سوق ابوه وحنا ما ندري..
ــ ههههههه .. شكرا.. تسلم
ــ عفوا.. ما سوينا الا الواجب

رائد ساااكت... ومقهور ويغلي غلي .. خاطره يسكر النافذه على فارس اللي متكي عليها وهو يكلم عبدالله. ويخنقه ...
وده يصررررخ .. هييييييييه ويش عندك .. فارق ..
بس مو عارف لأنه عبدالله هو اللي يكلمه.. و هو اللي في البدايه ناداه..
<<< صاير من القهر مثل صفرية حاميه وفيها ذرة " فوشار" وعروقة من القهر تطق طق ..

ومشا عبدالله عن فارس ... بطريقهم لبيت عبدالله بيمروا على ابوه .. عشان العزومه .. ورائد طول الوقت ساكت.. عبدالله حس عليه انه في شي مضايقنه ..

ـــ كح.. احم .. اا.. في ناس طول الطريق ساكتين .. ما دريتوا ويش فيهم..
رائد تكتف ونظر لعبدالله على جنب .. وما رد ..
عبدالله ما عجبته الحركه ..
ــ بعــــــــــــــــــــــد... عاطني طنااش... عدال يا مطنش.. لويش ... خير ويش فيك..؟؟
رائد ولع .. حمق ... خلاص شبت في قلبه حراايق .. ويلتفت على عبدالله بسرعه ويصرخ..
ــ انا .. انا .. المطنش .. والا انت ؟؟
ــ هاا.. انا ؟؟؟
ــ ايه انت .. اسأل روحك.. من شفت هالفارس .. الله بالخير... ما كني وياك بالدنيا .. مره عاد انا المهتم ..
ــ ؟؟!!|||!!؟؟؟؟؟ <<< نظراات عبدالله تشرح هذا الواقع ...
ــ لا تطالعني كذا ..
ــ ما دامك منت مهتم .. لويش تصارخ الحين .. وتعاتب؟؟
ــ هاا ... <<< انربط لسان رائد... ولا شي .. كذا ابغى اتشابق فيها شي ..
ــ ههههههههه يا حليلك بس... ويش فيك بلا نحاسه .. ..
رائد ساكتت
ــ زعيمووه ... زعيموووه .. لك بطل دلع ولااا...
رائد صمت .. لا تعليق...
عبدالله حمق .. وسكت عنه ... ووصلوا بيت عبدالله.. وطلع ابو عبدالله .. رائد نزل وركب ورا.. عشان ابو عبدالله يركب قدام...

ثواني وصلوا بيت فاضل.. نزلوا... رائد عناااد في عبدالله نزل وما سكر الباب ...
عبدالله جته الضحكه على حركه المجاكر هذي تبع رائد... وفي باله:
ــ بطووول بالي عليك يا سيد رائد باشووف ويش اخرتها معاك...
دخلوا المجلس... وقعدوا شوي زين.. وحطوا الغدا,,, عبدالله توقع رائد يجي يجلس جنبه على السفرة.. بس رائد عناد جلس جنب ابوه..
رائد مره مقهووور وده يصيد فارس ويطيح فيه بدست خرب عليه هالمفاجأه..
عبدالله يضرب فكر..
ــ ويش فيه هذا زعلان... مو معقولة عشان فارس..؟؟
فاضل مستغرب ردة الفعل من رائد.. قال يمكن قدامي عادي ...يسوي حاله مو مهتم بعبدالله... الكل ياكل وحاط في باله احد ويضرب فكر عليه ...مستغرب منه..
لين قطع الصمت سؤال من فاضل لعبدالله:
ــ هاا ابو عابد .. تدرس .. تشتغل .. والا ويش؟؟؟
ــ لا والله متخرج من الثانوية .. والنسبة طايحه ياخووك.. وصار لي 3 سنين اهايت واداور بملفي من محل لمحل...
ــ اهاا.. الله يعينك...
ــ الله المعين..
فاضل .. دخل قلبه هالعبدالله.. وحاب يساعده .. صار يضرب فكر .. وجا على باله خوية رضا.. ليش ما يسأله يمكن يلاقي عنده وظيفه لعبدالله...

خلص رائد غدى بسرعه..
ــ الحمدلله...
ــ وين يا ولدي .. ما اكلت شي...
ــ شبعت الحمدلله..
عبدالله وبإبتسامه..
ــ يسوي رجيم
رائد ما رد على عبدالله .. عطاه طناش كالمعتاد وراح يغسل ايده...
عبدالله لااا وصلت معااه حدها... اول مره احد يسوي له هالحركات ولا يرد عليه ولا يتصرف هو معاه. صارت كلمة _ لويش _ تلعب في راسه :.
لويش. ما عرفت اتصرف .؟؟؟. لويش ما رديت عليه بقساوة يوم يطنشني .؟؟؟.لويش لو احد غير رائد كان لاقى له اقل شي زجره والا خزره مني ... عجيب يا رائد امرك... قاعد تلعب بأعصابي ؟؟

خلصوا غدى .. جلسوا يسولفوا.. عبدالله قعد جنب رائد اللي عاطنه طناااش عنيييف .. شوي قام رائد..
عبدالله :
ــ على وين ؟؟ وين رايح؟؟
رائد ما حب يطنش هالمره ...
ــ بطلع الحووش ... لويش ويش عندك...
ــ لااا.. بس سلامتك..
فاضل مو مستغرب سوالف ولده وطولة لسانه... قام يقول لعبدالله
ــ ههههه طول بالك يا خوي اقشر هالولد ما ادري على مين طالع
ــ ههههه لا عادي انا قيل له يطيح وياي الميانه..
ــ ايه الله لا يحرمكم من بعض ..ويخليكم ..
ــ تسلم,,

طلع رائد الحووش .. يحس وده يصرخ .. يتشااابق ...
ــ اااااااه يلعن يومك يا فاارس خربت علي يومي ...
عبدالله استأذن من فاضل وابوه.. ولحق رائد بدون ما يحس عليه ...
لقاه قاعد على درجه في الحوش .. جنب زراعه ..شجرة ليمون صغيرونه ونخلتين.. وريحان ريحته معبيه المكان... وقاعد رائد يحوس بالرمل بعصايه ويحفر فيه شوي... الا بسم الله.. صرصور صغير طلع. من بعد الحفر والنبش ..

ومفاجأه لعبدالله خلت حواجبة من الدهشه يرتعشوا ويرقصوا ... يوم شاف ردة فعل رائد...
ــ اااااااه .. ويع ويع ..
والصرصور يطير ويقعد على البلاط برى الرمل
وراائد مره .. مرعووب .. ولايعه كبده ...وموخر بعيد..

عبدالله مبتسم ابتسامه جانبيه .. وحواجبه بعدها على حالها .. مستغرررب ...
ــ لاااا.. رائد اللي يخوف بلد .. ونحاسته ما تنوصف .. يخااف .. ومن ويش .. صرصوووور...
لا شعوري كذا مسك عبدالله نعاله وطااااخ .. ويترصع الصرصوور على الأرض وراائد يسوي صوت اكشن خلفيه لعملية الإعدااام
ــ اااااااااااااااااه .. وييييييييع .. وويع .. وع وع وعععععع...
وتصير اجنحة الصرصوور المسكين وقرون استشعاره ترتعش .. بشوي شوي لين قضى نحبة...
ويتبع رائد هاللوعه بضحكه من قلب ... تتقطع فيها جملة ..:
ــ كيف اشتهيت ...كيف قدرت....
عبدالله مهو قادر على شكل رائد المرعوب واللي فجأه قام يهستر ضحك
وقام يضحك ويضحك معاه ... ويوم درى برعب رائد .. حب يزودها شوي .. طلع من مخباه "نشافه""منديل" ومسك الصرصور من قرن استشعاره .. وقربه من رائد.. وهو يخوف فيه ..
ــ وعععع .. اوووووووووه ... احطه على راسك
ــ لاااا.. ويع .. ااه..
ويصير رائد يراكض بالحوش .. وعبدالله وراه بذاك الصرصور المنتهي ..
بالنهاية وقف عبدالله ركيض تعب ,, وصار ينافخ وهو يضحك .. رمى الصرصوور على جنب في الرمل :
ــ هااا .. هدية للنملات ... خووش ذبيحه ... تعال خلاص رميته...
رائد مو قادر .. فيه ضحكه على رعب على مفتشل ... عبدالله اكتشف نقطة ضعفه ..
عبدالله :
ــ صرصووووووووور .. يــــــــــارااااائد .. افا بس افا ...
ــ خخ .. يللا عاد ... ويييع ما احبهم
ــ يعني انا اللي اموت فيهم ... بس رجال ما يخاف من صرصور .. اجل الوزغه ويش تسوي ..
ــ لااا .. الورغه اذبحها .. عادي ...
ــ ههههههههه عجيب .. شمعنى صرصور ...
ــ لااا ما ادري بس اداينه تخوفني ..
ــ اداينه ؟؟!!
ــ ايه .. خخ الخيوط اللي براسه وهم يتحركوا ,,, واذا يطير يخوف بعد ازيد
ــ هههههههههههههههههههه قصدك قرون استشعاره ,,,
ــ ههههههههههه ما ادري اللي مثل رقم سبعه على راسه ..
ـــ ههههههههههههههه رائدوووه خلاص خلاص تكفى متت ضحك... مانى قادر
ــ هههههههه ويش اسوي لك بعد .. لا تتمسخر علي هاا..
ــ هههههههه .. كح كح .. صرصووور ..هههههههههه
ــ لااااا .. مانا مانا ...
ــ خلاص .. هههههه بس ان طنشني والا زعلت علي لوريك .. باجمع شلة صراصير .. للضروره ..
ــ ههههههه ...

وشوي هدئوا... تنهد عبدالله ..
ــ ااه ضحكتني ...
والتفت لرائد اللي شكله مره فيه شي مضايقنه...
ــ رائد .. ويش فيك...؟؟
ــ مافيني شي ...
ــ الا فيك .. من بعد الشبقة بسوق الخميس وانت منت على بعضك..
لايكون بس ايدك عورتك.. والا الجبيرة صابها شي...
ــ لاااا
ــ متأكد ..اشوفك طحت بيدك اليسار شدخ في ابو مصيبة بالمغطس ههههههههه
عسى ما صابتك ضربة بس ...
ــ لاااا
ــ ويش فيك انت .. كله لاااا .. ولاااا.. جاوبني عدل ..
ـــ لااااا
عبدالله ولع ناار ..
ــ راائدووه ووجع ...
رائد عيوونه صارت حمرا و فجر كل اللي بقلبه...
ــ اسأل عمرك .. من شفت هالفارس وانت منت وياي .. ولا كنك تشوفني .. وطول الوقت مهتم فيه .. ومطنشني ... ولا داق لي خبر...كني مو معاكم بالسياره ,,, ايه شفته كبير .. وشكله شاطر..ويسولف سوالف تعجبك...و صرت انا ما اهمك...

عبدالله مو مستوعب الكلام... يبغى يدخله في راسه.. وصار يهلوس في باله :
ــ رائد ابو 9 سنين ... يتكلم كذا ... ولا يغار ما يبغاني اهتم بأحد غيره .. ياترى ويش انا بالنسبة لك يا رائد.. يالله .. لهذي الدرجه...!!!!
وقطع حبل الهلوسه رائد وهو يقول بتعنيف...
ــ اذا كاسر خاطرك مره .. روح بيع وياه بالسوق .. وخله اخوك بدالي ...

عبدالله انقهر من كلام رائد.. بس حب ياخذه على قد عقله رغم فصاحة لسانه..

ــ شوف يا رائد.. الدنيا عندك .. غير عندي... وغير عند فارس... انت عمرك 9 سنوات.. والحمدلله عايش بخير ونعمه يارب تحفظها من الزوال وفي حضن امك وابوك الله يخليك ليهم ويخليهم لك .. انا عمري 22 سنه.. عايش والحمدلله عيشة مستوره بس عطالي بطالي اراكض ورا الرزق... صحيح امي ماتت يوم كنت صغير .. بس الله عوضني بأبوي كان حنون علي وما قصر...
تعال لفارس... عمره 12 سنه... لسا صغير .. ام ما عنده .. ابو مهو حوله ... حالته حالة... شفته ويش يبيع .. خبز تاوة في السوق... الله رحم حالة بجدته... بذمتك يا رائد..؟؟؟. منهو اكثر واحد شقيان .؟؟؟. منهو يستاهل اهتمام من اللي حولة وعطف عليه ..؟؟؟

رائد هدت اعصابه ,,, وانكسر خاطره على فارس مره.. صار كلام عبدالله يتردد في مسامعه ... " منهو اكثر واحد شقيان .. منهو يستاهل اهتمام من اللي حولة وعطف عليه .."

والى الملتقى غدا ..





واعذروني على تقصيري بس صداع ذابحني شوي .. الله يعطيني الصحه واصدعكم من كثر القرايه :bigsmile:

الله يعافيش اميره ويعطيش الصحه والعافيه

مشكوره

تحياتي زهرة القلوب

الله يعطيش الف عافيه يالغاليه

واسم الله عليش من عوار الراس

ولو ودنا بأكثر لان ماشبعنا

لكن الله يعطيش العافيه

والمره الجايه تحطي الينا اكثر

وعلى فكره عجبتني غيرية رائد .. الله يخليه هو وعبد الله لبعض

دمتي يالغاليه

اللهم صلي على محمد وال محمد

والله انه انربط لساني وماني قادره ويش اقول او ويش اكتب

ماني قادره يا الغلا اوصف مشاعري ولو تشوفيني و اني اقراء القصه مره اضحك ومره اصيح من فرحتي بش يابعد عمري مني عارفه ويش اسوي الله يحميش ويبعد عنش اعيون الشياطين يارب

http://i108.photobucket.com/albums/n.../ayatkursi.gif

من حقش ام الحلوووين
وعندش بنووتة زي القمر
مشكووورة اميرووووة
وعطااش الله العافية
سلامتش ماتشوفي شر

ياسلام عليش يا اموره قصه مشوقه كل حلقه احلى من الثانيه
احداثها روعه وغيرة رائد اروع
الله يعطيش الصحه والعافيه خيوه
تحياتي
ضحكوه البطه

امورة قمورة حبيبت قلبنا
والله هلغيرة شي ها
حركتات
والله في حلقه امورة قلت لك وش سويت وقلتي لي ليش ماعلقتي
والحين بعلق
صحت صياح لو تشوفيني قاتلين لي قتيل
رجعتي مواجيعي ئلي صارت من سنة ونص:sad2:
وفاة ابوي الله يرحمه من هلمرض الخبيث يادفع الشر عن اللكل يارب
يسلموو امورة يالغلا
والضاهر امش فرحانه علي تشوف بنتها كاتبه ام الحلوين ماشاء الله بنتك يحليلها شي

يسلمو ووو جميعا .. اخجلتوني والله لا عدمته تواجدكم

اماااه .. تسلمي والله لا يحرمني منش .. من جد شوي وتطيح دمعتي على هالتواجد الجميل الله يخليش لينا يارب...

زهوور يالغلا .. الله يرحم ابوش ويسكنه فسيح جناته واسفه على تقليب المواجع ...
بس هذي الدنيا وهذا حالها , والقدر مو بيدنا نتحكم فيه .. الصبر يالغاليه والدعاء ورحم الله موتى الجميع ...

وجميعا .. تسلمووووووو وتشكرووا ..
وتفضلوااا
الحلقه الجديده ... واسفه على التأخير بس مزحومه عدل

رائد هدت اعصابه ,,, وانكسر خاطره على فارس مره.. صار كلام عبدالله يتردد في مسامعه ... " منهو اكثر واحد شقيان .. منهو يستاهل اهتمام من اللي حولة وعطف عليه .."
عبدالله:
ــ يللا بطلع انا.. توصي على شي...
ــ وين بتروح..
ــ ولا مكان.. با.. اهايت في الشوارع .. ما احب قعدة البيوت.. خصوصا اذا في ناس عزيزين علي عاطيني طناش.. اطلع احسن لي ..
ــ هااا.. اجل بطلع ويااك...
ــ ههههههههههههههه .. لعن ام التطنيش اللي كذا.. يللا مشينا.. بس روح استأذن من ابوك اول..
ــ هههههه .. زين.. مشينا...
استأذن رائد من ابوه .. وطلعوا... وهم بالطريق شافوا علي ولد هادي.. عم رائد.. في سيارته.. ومعاه راكب امينووه... رائد من شاف علي ويا امين... فتح النافذه وطل براسه والسيارة تمشي يبغى يتأكد .. علي هذا.. واللي معاه .. امينوه صدق ...
عبدالله مستغرب من حركة رائد:
ـــ ويش فيك.. ماد راسك برى .. لا يكون بس ترسل سلام للي ما يتسمى..؟؟
ــ مين..؟؟
ــ خخ مين بعد.. اللي لعنت سيارته حضرتك تشمخ..
ــ هههههه .. امينوه.. ايه.. بس لويش ما تقول اسمه..
ــ خذ لك .. وايه بعد.. يعني تعترف ترسل له سلام .. هااا.. اعود انزلك عنده.. يللا حاضرين..
ــ يؤوو .. لاااا.. انت ما فهمتني .. انا اقصد امين صحيح بس اقصد علي اكثر.. مستغرب ويش جمعه وياه.. وبعدين صدق لويش ما تقول اسمه خخ
ــ ما اشتهيه.. ينطرى على لساني.. ومين علي هذا؟؟؟
ــ هذا ولد عمي .. تخرج من الثانويه.. هذي 9 سنين وكل ما يدخل وظيفة طلع لو طردوه.. مو عاجبنه العجب...
ــ بلل .. صدق من شاف بلاوي الناس هانت عليه بلاويه.. من 9 سنين هذا يعني عمره تقريبا 29 ..
ــ خخ ايه...
ــ ولا عرس...؟؟
ــ لااا.. اهله مهم معرسينه لين يقعد بوظيفة ويثبت نفسه فيها ما يبغوا يبلشوا بنت الناس وياه..
ــ خخ لا حول الله.. بس تعال دورت راسي ... مو ابوك اكبر واحد
ــ ايه اكبر من عمي هادي بسنتين بس ..
ــ يؤ.. وشلون .. عرس عمك قبل ؟؟
ــ هههههه ايه عرس قبل.. يقول ابوي كان يحن يبغى بنت عمه خايف لاتطير.. حجزوها له وعمره 15 سنه... وتالي قامت الناس تهدر .. فمن صار عمره 18 عرسووه خخ.. وابوي ما عرس الا وعمره 23 وبعدين ابوي وامي ما جابوني على طول تأخروا 10 سنين كذا.. يعني كان انا المفروض اكبر منك خخ يمكن 25 سنه.. مانى شاطر بالحسابات لا تدوخني
ــ ههههههه الله.. لا اجل الحمدلله .. خلك اصغر مني.. انت هالكبر وانا مو قادر عليك... شلون تصير اكبر ..
رائد يطالع عبدالله على جنب :
ــ ويش قصدك..
عبدالله يضرب راس رائد بعلبة النشاف:
ــ ولاااا شي .. لا تتحسس بس لينا...
ــ ايه فكرت بعد...
ــ خخ لا تفكر...

هدووء .. عبدالله يفرفر بالسيارة مو عارف وين يروح... عبدالله:
ــ الا لويش اختلعت يوم شفت امينوه ويا علي ...
ــ هههههههههههههههههههههههه..
ــ لويش تضحك..
ــ قلت اسمه .. قلت اسمه..
ــ ويشووو,,..؟؟!!
ــ امينووه .. قلت اسمه...
رجع عبدالله كفخ رائد بعلبة النشاف:
ــ ههههههه حسبي الله عليك .. تتصيد علي هاا.. لكن لوريك....
ــ اجل اللي ما يتسمى هااا..
ــ هههههه.. خلاص عاد.. صدق لويش اختلعت..
ــ ما ادري .. مع انه علي يعني رايح فيها .. بس مو زي امينوه .. علي فاشل بس امينوه داشر صايع اغبر...
ــ تدري خخ يمكن علي ما صار فاشل الا من مجالس امين وربعه..
ــ شكله.. ما علي منه... لو هو ولد خالتي وريته شغله..
ــ ههههههههههههه شمعنى..؟؟
ــ لااا .. بس خالتي الكبيره اكثر شي انا مع ولدها.. عكس عموميتي تدري عمي هادي عنده ولد قدي اسمه حمزه .. وخالتي الكبيره ما عندها بعد الا ولد وقدي اسمه حسن.. بس انا مع حسن اكثر .. عمي ما يزورنا وايد ولا نزوره من ماتوا جدي وجدتي.. قبل لا انولد حتى.. وحنا ما نشوفهم بالسنه الا بالأعياد.. غير خالتي الكبيره .. حسن اشوفه وايد .. بس حتى هو .. مو مره معاه ...
سكت رائد شوي وصار يضحك...
عبدالله :
ــ ويش فيك.؟؟؟.
ــ ههههههه.. لا بس عندي خال .. كله وياه صفقه .. اكبر مني .. عمره 11 سنه تقريبا .. لو تشوفه خخ تقول اصغر مني ..
ــ اهاا قد فارس يعني ..
سكتت رائد ... وفي باله <<< يا حنا يا هالفارس ..
عبدالله لاحظ عليه :
ــ هااا .. ويش قلنا ..؟؟
ــ خخ ولا شي .. ايه بس فارس اكبر بسنه ..
ــ هههههه والله .. طيب ليش طشونه؟؟
ــ ايه صغيرون وضعيف .. والدب ما يكش ولا يهش ..
ــ ههههههههه ... حش حش بس فيه ويش وراك
ــ عادي طيب ..
ــ ههههههه .. غربل الله شرك..
ــ ويش رايك نمر عليه اعرفكم على بعض ... اذا ما عندك مانع..
ــ افاا.. انا يصير عندي مانع .. ولا طلب بعد من رائد .. افا علي اذا قلت لا.. مشينا .. احسن لينا من المهايت ... وين بيتهم ..
ودلى رائد عبدالله على بيت جده,, نزل رائد ودخل بيت جده .. لقى خالته في الصاله .. دخل سلم عليها .. :
ــ هلا رائد ...
ما مداه بيركب لحيدر يشوفه .. الا مرت جده تناديه بطريقة عجيبه ..
ــ تعال تعال تعال ... ارجووولك ... عسى ما فيها رمل بس .. توني منظفه هاا...
رائد وقف وما دار ليها .. هذي سوالفها المعتادة يا دافع البلا .. وبملل شديد رد عليها :
ــ لااااا.. علي جوتي مو نعال بعد .. ما تشوفي الشراب .." جوارب " << "دلاغ" على قولة ديرتي ام الحمام...

ــ ولو .. شراب يمكن فيه شي ..
ــ يــــــــــــــااااربي .. فيه مجاري .. بواليع .. دست حافي .. ويع رطوبه .. بملي فرشكم كله .. زين
ــ صدق قليل ادب .. تعــــــــااال .. اطلع واني بانادي لك على حيدر .. يللا ..
رائد دار عليها وهو محمق ونفخ في وجهها..:
ــ افففففففففف .. معقده...
ــ معقد انت .. يا طويل اللسان .. اطلللع ..
رائد سلم امره لله .. ما يبغى مشاكل يدري بها مريضه .. ما مداه يوصل للباب الا ابو كرار دخل ..
ــ هلاااا .. وسهلاااا.. مين عندنا .. رائد .. هلا حبيبي هلا ..
وانحنى له يبوسه ..
ــ هلا يبه .. قواك الله ..
وباس راس جده ..
ــ يقويك .. ويش اخبارك من زمان ما شفتك .. ويش اخبار امك وابوك ..
ــ الحمدلله بخير..
ــ وين بتطلع ..؟؟ وين رايح ..
ــ لا بس كنت جاي بانادي حيدر بطلع وياه مع عبدالله ..
ــ اهاا .. عبدالله ولد محسن ,, اللي ساكنين بأخر الفريق .. هذا هو اللي في سيارته برى ..
ــ ايه .. لويش تعرفه ؟؟
ــ ايه ابوه اعرفه .. والله كبر الولد وصار رجال ... ها ناديت على حيدر
ــ لا ام حيدر قالت لي اطلع برى هي بتنادي ..
ابو كرار رفع حاجبه ..
ــ اهاا ,, ام حيـــــــــــــدر .. قلت لي ...
ام حيدر على جنب تسمعهم لسا ما صعدت لحيدر ..
ابو كرار :
ــ رائد اصعد فوق انت .. ونادي على حيدر ... واي وقت تعال ,, وسوي اللي تبغاه ..
رائد طالع في ام حيدر نظره المنتصر الفرحان ..
ــ ان شالله يبه .. الحين اركب ...
وعناد في ام حيدر سوى حركه حرقت اعصابها .. فصخ شرابه ونفضه .. وقال وهو يطالع في أم حيدر ..
ــ حرر.. بخلي جوتيي هنا برى .. وشرابي باخذه .. امي تغسله .. وبتسلف نعال من عند خالي ..
ابو كرار فهم مغزى ولده الملسون ومات عليه ضحك :
ــ سوي اللي يريحك يا ولدي لو تبغى نعالي اخذه ..
ــ هههههه افا بس مو قدي ..
ــ هههههههه حسبي الله على شرك ..
وركب رائد الدرج وهو يصفر .. وام حيدر محمقه طلع دخانها من القهر ..
ابو كرار دار عليها وهو معصب بس يكلمها بهداوه :
ــ وتاليتها وياش... عقدتينا وعقدتي خلق الله .. قلت لش باوديش المستشفى يشوفوا لش حل .. اهون من هالعذاب اللي عايشتنه ومعيشتنا فيه وياش..
ــ ما فيني الا العافيه .. الواحد اذا يحب النظافه سويتوه هوسي .. اما عليكم كلام مو طبيعي ..
ابو كرار حمق ورفع صوته :
ــ هااا .. ويش اللي مو طبيعي
ام حيدر خافت :
ــ لااا ,, اني .. ولا شي ..
ــ ايه حسبالي بعد..
ــ لااا.. سلامتك ..
وفي بالها .. الا انت يبغى لك تروح الدختور... ياعلي شخاط..

طااااااخ ... << رائد اقتحاااام غرفة حيدر
حيدر كان يحوس .. في يدة اتاري خربانه .. مفتحنها والويرات حاله ...وبراغي وسكاريب ..
من سمع فتحه الباب .. يطير السكروب من ايده ويصفق الجداار :
ــ وصاااقعه ... هدا ويش انت .. خلعتني ..
ــ هههههههههههههه .. اسمع .. هع هع هع .. خلعتك ..
ــ ايه .. وطيرت الفكره من راسي بعد..
ــ الله يالمخترع والمفكر الخبير ... ويش براسك ..
ــ كنت افكر ليش اليدة خربانه .. صرت احوس فيها وفي وايراتها .. وخطرت في بالي فكره التصليح وانت طيرتها مع الخلعه ..
ــ هههههههههه مع وجهك .. قوم بس لا تصدق عمرك ... قوم بطلع ويااك بسيارة .. مع واحد فلته زمانه ..
حيدر يموت على الطلعات بسيارة .. ابو حيدر ما يسوق .. وطلعاته قليله .. عنده بقاله جنب البيت ويقعد فيها بعد ما تقاعد من شغله .. وحيدر يستمل .. الله رحم حاله برائد كل شويات يفاجأه بطلعه .. بس هالمره غير بسياره ..
طاار حيدر من الفرحه ...
ــ من هوو هالفلته ,,
ــ عبدالله ...
ــ أي عبدالله ..؟؟
ــ اللي تشابق ويا امينوه امس ..
ــ الله .. عبدالله ..داك الصبي الطويل الحليو .. مسررررع عرفته
ــ هيييييه . صلي على محمد ... بعدين ويش حليو وما حليو ..ويش تخربط ,, هاا ,, <<< رائد يغار .. خخ
ــ اللهم صلي على محمد وال محمد لا بس شي هالصبي صحيح فلته ..
ــ فلتوك في زباله وما طلعوك
ــ افا .. بتمسكها علي ..
ــ خخ امزح وياك .. يللا خلص اجهز .. وخل عنك القرقر ..من زمان عبدالله واقف برى..
ــ زين ..

وخلص حيدر .. ونزلتهم .. تعمد رائد يحفط برجوله قدام ام حيدر قبل لا يطلع ..
وهي بدورها ما قصرت فيه سبايب ... طبعا في عدم وجود ابو كرار معاها .. لأنها ما تتجرأ وهو موجود ..

ركبوا السياره .. سلم حيدر على عبدالله ..
عبدالله يوم يركبوا كان متكي راسه على الكرسي .. فما انتبه اليهم وهم يطلعوا من الباب .. انتبه يوم يركبوا السياره ,.. وحيدر صار بابه بجهة باب رائد على حسب وقفة عبدالله .. فمع كفخه الأبواب انتبه عبدالله ...
رد السلام .. ودار .. يشوف هالصغيرون ...
مسكين حيدر .. جت لعبدالله ضحكه .. خفاها بإبتسامه .. تبعها بقولة :
ــ اهلااا .. بخال رائد ..

شكل حيدر طشونه على داك الكرسي .. طوله متر و 25 سم .. وضعيف .. وعلية نظاره .. وشعره ناعم مغطي عيونه شوي .. مره صاير حاجه كتكوته صغيره مو صبي ابو 11 سنه ..

ودار عبدالله ورائد يطالع فيه وهو مبتسم .. فهم عليه انه مستغرب من شكل حيدر خخ..
حيدر طول الطريق ساكت .. يسمع سوالف رائد وعبدالله .. اللي ما خلت من المعاند والمجاكر والضحك...
شوي دار رائد على حيدر بيشوفه ويش فيه ساكت .. وما يشاركهم .. لقاه قاعد قعده مهي طبيعيه حاط رجول على رجول وشاد على عمره .. ومعفس حواجبه .. وياكل في شفايفه .. ويطالع في الشارع ,,,. رااائد عرف ويش فيه خاله ..<<< خبز ايده هالخال ...
ضرب رجل حيدر .. وقال له :
ــ هيه .. حيدروه.. ويش فيك... هاا ..
ــ مافيني شي .. << قالها وهو على اعصابه ..
رائد سأل حيدر على الصامت .. بس شفايفه اللي تتحرك ..
وتقول :
ــ حمام ؟؟؟ << خخ الله يكرمكم
حيدر هز راسه بأسى وحزن وفشلة شديده ايمااء يدل على
ــ أيـــــــــــــــــــه...
رائد طلع لسانه من الفشله وياه .. شوي ويطيح بالأرض .. ورجع سأل حيدر على الصامت :
ــ ضروري .. ما تتحمل ..
حيدر رجع هز راسه بمعنى :
ــ لااااء..
عبدالله لاحظ هالحركتات .. ما التفت عليهم وقال :
ــ احم.. اشوف اسرار .. اقول .. ما تعرفوا الحديث اللي يقول : لا يتناجى اثنان دون ثالثهما .. والا ما علموكم اياه في المدرسه ..
رائد عدل جلسته .. وطالع في عبدالله مو عارف ويش يقول له :
ــ ااا..
ــ اااا.. ويش فيك .. شكلكم تحشوا فيني .. قول اعترف ..
ــ لااا.. بس .. ااا ..
ــ بس ويش ...
ــ الصراحه .. نبغى حمام ..
عبدالله جته ضحكه قويه مهي طبيعيه بس كتمها قد ما يقدر .. وصار يكح ..
ــ حمام .. وليش ما قلتوا من اول .. كنت مار من شوي على بيت واحد من اخوياي كان نزلتكم .. اثنينكم والا مين ..
رائد :
ــ لا .. لا ... انا اخذ احتياطي قبل لا اطلع .. حيدروه هذا ..
عبدالله ما حب يحرج حيدر اول طلعه له وياه .. فرد على رائد :
ــ هههه عادي .. لويش الإحراج هو الا حمام << وفي باله .. وين اصرفه الحين ..
شوي الا عبدالله مار على خرابة " ارض فاضيه " خخ الا هو يقول لرائد وحيدر ..
يللا .. انا بنزل بطلع من دبة السياره غرشة ماي .. واللي بغى حمام .. عنده هالأرض يقعد بزاوية...وبنغطي عليه بالسياره وبذمتنا ما بنطالعه..
حيدر انحرج وتقلب الوان .. قناة مسكره صار .. ونزل من السياره .. ويش يسوي مو قادر يتحمل .. وطبق الخطه خخ. وخلص غرشة الماي ياساتر تقولوا سبوحه خخ ... وانتهت العمليه بسلام ..
ومشوا .. وبعد تقريبا شي نص ساعه وهم يفرفروا .. وقفت السياره لحالها ..

نزل عبدالله .. فتح الكبوت .. وطلع الدخان .. حمت السيارة من الحر والمداور .. وما فيها ماي ... راح عبدالله لدبة السياره بيطلع الغرشه ..
فتح الدبه .. ويضرب ايده بجبهته..
ــ اففففف.. ما في ماي ..خخ .. خلصها حيدر ...
رائد فتح النافذه وطلع راسه :
ــ ويش صاير ..؟؟
عبدالله وهو يضحك :
ــ اقووول .. انزلوا بس ...

والى الملتقى غدا ...

هههههههههههه

هذي مرت ابوهم تجيب الحومه

وضحكني موقف الحمام

مرررره

وحيدر طالع على امه خلص غرشه الماي كلها

تسلمي يالغاليه على القصه الي كل يوم تصير احلى واحلى

دمتي يالغاليه

ويافرحة امش بهالجوهرة الغاليه

اموووووووووووووووووووووووووور
كيفك وشنو اخبار وحشتيني يالدبه خليني اشوفك قريب

اموووووووووووووووور ماني بصيح ببكي بعيط
موب شغلي انا مادري انك نزلت القصه ولا ادري كم حلقه
اقولك استوب هنا لا الاعضاء بيجون يذبحوني
بس موب شغلي ابي اقرء اول الحلقات الاولى وبعدين كمليها
وكمليها على روااااق ابي اقراها من البدايه وبعدين كملي
ابي اتابع حلقه حلقه مع الكل
انت تدري عني صايرة سندريلا زماني ماجي الا اخر الناس
بس عندي اعتراض غيري اسم الشخصيه
غيريه بسرعه مااحب اسم رااااااااااااائد
اكرهه كره ماقد كره زيه احد من البشر
بس يلا نمشي الحال وانا بسميه بكيفي اذا قريت القصه
موفقه والله يعطيك العافيه
ادري طولت بالكلام بس هلوست لحالي من كثر مانا لحالي
موفقه وموفقين شله الهلاوس

ياهلا فيجج
خيتو ااموورة
كالعاادة
عفر علمتج النحااسة
تقطعين علي في النص
ههههه
انتظر التكمله

واااااااااااااااي عليك يااموووورش


القصه في تشويق مستمر


ولا غيرة وطناش رائدووه نيااااااااااااااااااهاااااااااااااا نيااااااااااااااااااااااهااااااااااااااااا

والمسكينه ام حيدر وعلى مرضها لعوزت رائدووه وجده

اقول يالغلا خففي حلقاتك هاليومين

تراي مشغوله وعندنا زواج ويالله اللحق هالاخت وطلباتها وروحتها للسوق اللي ماتخلص

فخففي هاليومين اوكي عاد انا خويتك بس هاليومين وبعدين كيفك

ولا حطي سطرين بس <<<عناد في بعضا من الناس

<<جاري الانتظار اموررر

نداااااء للمتابعين...
اميرووه مصدعه .. :wacko:
وحوستها حوسه...:rolleyes:
وكم عضو طالب تخفيض
باخذ اجازه الليله بس .. :embarrest:
وبكره جزء على كيف كيفكم
اعذروني على تقصيري

دمتم بحفظ الرحمن

يااااااااااااااااااااااااااااربي


كيف يصير كذا

واني قاعده انتظر

يلا ماعليه

اليوم مافيه

بس بكرا عوضي عن اليوم

نبغى 5 او 8 او 10 اجزاء واذا بتعطينا اكثر ماعليه موافقين >>> طماااااااااااااعه

الله يعطيش الف الف صحه وعافيه يالغاليه

وماتشوفين شر

دمتي لنا

أميرتنا المبدعه ..
لو تشوفي حالتي .. جنبي علبة النشاف ..
احتياطا علشان اذا نزلت الدموع ..
عن جد القصة روووووووووعه .. بكل معنى الكلمة ..
عجبتني شخصية عبد الله ورائد .. ثنائي رووعه ..
وإحساسهم وتواصلهم مع بعض جدا جميل ..
ماابغى أتنبأ بالأحدااث .. بس لا تعوري قلبي .. ووتفرقي بينهم .. << ترى اسوي مناحه بعدين ..

أما موقف الحمام .. صراحه مامسكت حالي ..
قمت اضحك بقوووة ..

أموورة .. الله يخليكِ لنا .. ويدوم ابداعاتكِ ان شاء الله ..
ننتظر البقية بفارغ الصبر ..
إيلاااف ..

ايوووووووووووووووووووووووووووه امووووووووووووووووره
عجايب وفناتك هالقصه
مررررررررررررررررررره عجيبه
ابداع وتشويق فاق الحدود
وموقف الزباله صدقيني مار علي
ولدي علي قطووووووووووووه في الزباله :embarrest:
ليش لانه راح ايدافع عن ولد عمه
مسوي روحه بطل الولد :seif:
لا والي راح ليهم علشان ياخذ حق ولد عمه اكبر منه في صف الخامس
اتعاونو عليه وشدخو به في الزباله :wacko:
من داك اليوم لهاليوم عرف ان الله حق
وقال مالي شغل باحد
اصغر مني اوكي انعل ابو اسلافهم :wink:
اكبر مني نوووووووووو ويييييييييي
مالي شغل فيهم
كل واحد ايدافع عن رووووووحه:bigsmile:

تسلمين امووووووره عالقصه الرائعه والاحداث المشوقه
والله اني مادري انش نزلتين قصه
بس بنتي شااااااااااافتها وقالت لي عنها واني اليوم قعدت عليها وقرأتها كلها رغم ان عندي مشاغل الدنيا
بس ماأفوتها
في انتظار الباقي على احر من الجمر
يسلموووووووووووو اموووووووووووووووره المبدعه
تحياتي لك
همسات وله

امورة يالغلا يسلموو علحلقة اليوم تجننن
ولا عاد سالفة للدلاغ احنا انسميه كذا بعد
والله عشان لااحد يزعل جبتيها بكل المعاني شراب جوارب دلااغ
هههه بس احس العدل دلااغ لادللعه هلكلمة زي غيرها ولاشي
ههههه ولا سالفة الحمام هههه عجل وقف في ارض فاضيه وخلص الماي
والله حاله مسكين عبود واحتاج الماي ئلي خلصه حيدر
الله يعطيك العافيه غناتي امورة

أميروووووووووووه يالدبه خليتي الناس تقول عني مجنونه
والله العلي العظيم القصه تــــــــــهـــــــبــــــــــــــــــل
وربي تجننننننننننننننننننننننننن
دموعي أربع أربع من كثر الضحك وكل من دخل عليي الغرفه قال الحمد الله والشكر على نعمة العقل
ماشاء الله عليش عندش أفكار روووووعه
وأسمعي هالقصه والقصه الأوليه ثنتينهم تنزليهم في المكتبات لأني أحب أجمع قصص
وأسمحي ليي تأخرت في الرد على القصه وعلى فكره ماكنت ناويه أجي إلا لما تخلصيها لأنها بجد تخلي الواحد يتحمس للحلقات الثانيه
وكنت ناويه أقعد عليها قعده لما تخلصيها بس ماأقدر ويش أسوي بعد

يلا ماأبغى أكثر هدره وقرقر واجد على راسش علشان تعرفي تكتبي عدل
يلا أني بإنتظار التكمله حبيبتي

:rolleyes: تقبلي مروري :rolleyes:

سلامااات اميرووه
ماتشوووفي شر
بس هالله هالله بالجزء
انتظر التكملهـ...

ههههههههه تفاعل ولا اروع.. :bigsmile:
حبابه اهات ,, اعذريني يالغلا ,,, بس من جد صداع,,ووقتي مزحوم مره والا كان ما اتأخر عنكم ابد..منوره عزيزتي وتسلمي... :cool:

ايلاااف .. هلا وغلا ومية مرحبا... منوره ,, وتسلمي على التفاعل الجميل ... ههههههه ما بعلق على تنبأش المستقبلي.. جايتنش الحلقات وشوفي على خير... :rolleyes:

ويلي .. على علاوي .. همووس .. ههههههه من جد صارت لولدش.. خخ .. لا يكون زي رائد بس.. تحفه .. الله يخليه لش وما يحرمش منه .. حركتات اجل ..بطل ... منوره حبابه.. تقولي بنتش شافت القصه وعلمتش .. ليش بنتش معانا بالمنتدى.. خخ .. عاد اني من الحوس.. مو داريه عن دنياي .. عموما الله يخليهم لش .. ويخليش ليهم ,, وحياش غناتووه تواجد اسعدني... :bigsmile:


هههههههه هلاااا باللي تقول دلاغ.. طلعتوا تقولوا زينا . هههههههههه احلى دلاغ مو... هلا وغلا
ببنفسج الزهر .. منوه حبابوه وتسلمي تفاعل اسعدني :embarrest:

اسوووووووووورة.. هههههههه سويت لش دعايه وتحميس باللقاء هاا.. وجيتي .. والله طله عالميه وتعليق رهيب عجبني ... والله يقدرني ويوفقني انزل القصتين وغيرهم وغيرهم يارب بالمكاتب بس دعاكم احبتي .... :rolleyes:

الله يسلمش بشوور .. ولو انه للحين تقولي فرقة طقاقات يا كافي الشر... خخ
بس لعيونكم هالحلقه.. اتمنى تعجبكم .. ولو اني احسها مو مره ... بس يللا .. خخ المسلسلات
مو كل حلقاتها حليوين :amuse:

تفضلوا الحلقه 7

نزل عبدالله .. فتح الكبوت .. وطلع الدخان .. حمت السيارة من الحر والمداور .. وما فيها ماي ... راح عبدالله لدبة السياره بيطلع الغرشه ..
فتح الدبه .. ويضرب ايده بجبهته..
ــ اففففف.. ما في ماي ..خخ .. خلصها حيدر ...
رائد فتح النافذه وطلع راسه :
ــ ويش صاير ..؟؟
عبدالله وهو يضحك :
ــ اقووول .. انزلوا بس ...

.. والسيارة وقفت بالشارع العام.. والحمدلله كان عبدالله يسوق بالجهه اليمين .. فوقفت بهم على جنب ومو بنص الشارع .. كان ويش حالتهم..
رائد :
ــ ويش صاير ..؟؟ ويش فيها ؟؟؟
عبدالله :
ــ يابس ريقها.. عطشانه تبغى ماي ..
حيدر :
ــ ههههههه شربوها...
رائد يطالع على جنب في حيدر :
ــ هع هع هع .. نشربها هاا.. ليش خليت انت قطرة..
حيدر خخ تفشل وسكت.. المسكين...
عبدالله :
ــ .. يللا حصل خير .. ثاني شي في محطه قريبه .. يللا ندف السياره...
وصاروا يدفوها ...

-----------------

ــ اماااه .. بروح لرؤى بلعب وياها ...
ــ حنين .. العبي مع خواتش.. اليوم خميس ولا تروحي بيت عمش .." فاضل.. تسميه عمها " ..
ــ تهي تهي .. ماني .. سمروه .. قاعده عند المرايا .. تقولي اول مره تشوف عمرها .. كل شوي عفست تسريحه .. واذا دخلت عليها غرفتها طردتني..
شذيووه حاطه المسجل ومرفعه حده وزي الخبله كنها تطلع جنانوه .. كوثروه ماسكه هالمجلات وتقلب .. وما ليها خلقي .. تهي تهي .. مااني .. بناتش كبار ما يلعبوا وياي .. ابغى اروح لرؤى..
ــ هههههههه .. ملسونه يبغى له لسانش قص.. بشوف بتصل على زهراء اذا ما طلعوا ولا معاهم ضيوف بخليش تروحي...
ــ هيه هيه .. يللا بسرعه ..
ــ زين ..

ترررررن ... << ما مداه يرن الا رنه وحده..
ــ الووووو..
ــ هههههه هلا رؤى .. اخبارش غناتي..
ــ هلا خالتي.. الحمدلله ..
ــ هاا سنترال عند التلفون على طول رفعتيه .. ما وياكم احد..
ــ افف لا لحالي .. ولائدوه طلع ويا واحد وامي تحوس في المطبخ.. وابوي ويا واحد في المجلس.. واني قاعده عند التلفون ادعي الله احد يتصل ..
ــ ههههههه .. عليش سوالف عجب .. المهم غناتي .. لا تزهقي ولا شي.. هذا هي حنين بتجيش تسليش..
ــ صدق .. هيــــــه.. يللا خليها بسرعه تجي ,, استناها..
ــ هههه يللا زين.. دقايق وتجيش . سلمي على امش ... يللا مع السلامه
ــ الله يسلمش...
وراحت رؤى لأمها وصلت السلام وخبرتها بجية حنين..

ــ يللا انسه حنين .. روحي بدلي ثيابش وخلي وحده من خواتش تعدل شعرش وروحي لرؤى..
قامت حنين طايره من الفرحه..
راحت بدلت ..
ــ ممم اروح لمين من الخبلات الثلاث تمشطني.. خلني ابدي الكوافيره.. سمرووه...
طقت الباب ودخلت على سمر اللي كانت تستشور شعرها ...
ـــ مشطيني..
طفت سمر الإستشوار..
ــ نعم..؟؟
ــ مشطيني..!!
رجعت سمر ولعت الإستشوار :
ــ ماني فاضيه.. ما تشوفيني مشغوله...
ــ شعري ناعم ما يبغى له شي ..
طفت سمر الإستشوار ,, وطالعت في حنين على جنب ..
ــ خخ دبه ويش قصدش ..
ــ هههههه .. ما قصدي شي .. ظنانة ...
ــ ايه افتكرت ...
مشطتها على السريع .. واستحلت حنين من سمر كم شبيصه عاجبتنها بالموت يالله رضت سمر تعطيهم اياها ...
طلعت حنين من عند سمر .. مممم يبغى لي عطر .. اروح للمحطه الثانيه .. لكوثرووه.. و اشحت من عندها ..
طق طق طق ..
ــ هااااا...
فتحت حنين الباب .. لقت كوثر راميه المجلات .. وداقه بها نومه... قالت ليها بصوت مليان نوم.. طالع من خشمها خخ
ــ ويش عندش ...
ــ ابغى عطر ...
ــ ايه اخذي من الورديه .. وخلي الزرقا لا تلمسيها..
ــ لويش اني ابغى الزرقا..
ــ حنينوه لا تطوليها وياي .. رشي لش من الورديه وفارقي..
ــ دبه بخيله لكن ما عليه ..
وتاخذ حنين الورديه وتعبي نفسها عدل .. وتالي ترش بالغرفه يمين ويسار وبكل مكان,,
ــ كحححححححح ..كح ..كح .. حنينووه يالصاقعه .. لويش كذا..
ــ ما تبغيها انتين .. تبغي الزرقا ..
ــ يا نحيسه .. كح كح .. انقلعي ..
وترش حنين زياده .. وتقوم كوثر وتشيل مجله من الأرض وتكفخ بها حنين .. اللي طلعت بسرعه وكفخت الباب وما صادتها ..
كوثر عودت لنومها وهي تهلوس ..
ــ خبال اخر زمن .. اقرع ومتشيرط..
حنين تفكر .. ويش باقي بعد .. خلني اخذه من شذيووه.. خخ.. ايووه بابوق من عندها كم شريط خلني اتخبل اني ويا رؤووه...

طق طق طق ..
لا حياة لمن تنادي .. ما تسمعها من الصوت العالي...
وتدخل حنين الغرفه اقتحاام.. هجووم...
وتصرخ شذى..
ــ هااادااااويييش... ويش فيش خبله .. ما تستأذني خلعتيني ..
ــ طقيت الباب وما سمعتي ويش اسوي لش...
خفضت شذى صوت المسجل ..
ــ هاا .. ويش تبغي..
ــ ابغى كم شريط من عندش سلف وبارجعهم..
ــ خخ .. صدق ما عندش سالفه.. اكي العلبه اخذي اللي تبغي..
ــ خخ اجل باخذ العلبه بكبرها .. وهناك بنختار..
ــ لويش وين بتروحي..
ــ باروح بيت عمي فاضل.. تروحي وياي ؟؟
ــ خخ لااا.. لويش اروح.. اقعد ويا مين... تيسري امانة الله..
وترجع ترفع صوت المسجل ...وطلعت حنين من بيتهم .. لرؤى...
دخلت شافت زهراء بالمطبخ .. سلمت عليها .. وركبت غرفة رؤى...
دخلت ما لقت رؤى بالغرفه.. قالت تنخش وتخلعها... جت بتنخش ورا الباب الا رؤى :
ــ واااااااااه.. ههههههههههه..
ــ يماااااااااااه,,, ههههههه.. اني جايه بنخش بخلعش طلعتي ناويه تخلعيني يا دبه..
ــ ههههههه سبقتش... ويو ويو.. ويش تسوي من اتصلت امش كل هذا تكشخ وتدل .. بتلوحي معاليس...
ــ ههههه لا كان زين ودي بمعاريس والله.. متى بس يعرسوا خواتي ..
ــ يارب .. انتين عندش خوات .. اني مين بيعلس عندي..
ــ خخ اخووش ..
ــ لااا .. لائد.. بيعلس وياي..
ــ لويش ,,ههههههه..
ــ لأننا توأم.. كله زي بعض.. بنعلس ويا بعض.. خخ
ــ خخ .. ان شالله.. تعالي عندش مسجل...؟؟
ــ عند لائد... لويش؟؟
هزت حنين العلبه اللي في ايدها
ــ بنسوي معاااريس .... بنرررقص..
ــ هههههههه .. خبله ويش بتلقصي..
ــ بنحط موالد حليوين واشرطه معاريس اخذتهم من عند شذيووه اختي .. كل اشرطتها كذا زي الطقاقات في العرس .. وهي زي الخبله فقعت راسنا وشلخصت الأرض .. الحمدلله غرفتها فوق كان طلعوا الجنانوه .. << لا اشرطتها وتحش فيها بعد خخخ
ــ ههههههه.. يمكن تبغى تصيل طقاقه ..
ــ ههههههه يمكن.. خخ .. عشان يدبحها ابوي..
ــ زين بالوح اجيب المسجل...

--------------------------
ــ يللا رائد... يللا حيدر ..دفففوا .. دففففوا ..
حيدر ورائد يدفوا السيارة من ورا .. وعبدالله فاتح بابه وقاعد يدف .. وحد ما عندهم.. شوي الا حيدر كافخ راسه بدبة السياره..وموقف..
ــ اااه.. اااه.. تعبت.. مانا قادر...
رائد حمق عليه .. ويصكه كف على رقبته..
ــ قووم.. مو كفايه خلصت الماي .. ما باقي الا شوي ونوصل..
ــ اااي .. تعبت ويش يقدرني ...
ــ انت صدق هفة هوا وتطيرك .. بس قووم ..
ــ مانى .. تعبت ... ااه...
ــ حيدرووووووووه..
ــ هاا ..هاا .. خلاص .. يللا .. دففف.. دففففف..
شوي ثانيه الا رائد موقف ...
ـــ ااااه .. وصاقعه ..
عبدالله اختلع .. وراح ليهم ورا ..
ــ ويش صاير .. ؟؟
ــ النعال انقص ...
الا حيدر يشهق شهقه.. شوي وتطلع روحه...
ــ جديـــــــــــــــــــــــد.. ما لبسته الا مره... :weird:
رائد يطالع حيدر على جنب..
ــ بلللل.. يصقعك بدل لا تقول يفداني .. << ويقلد على حيدر بمسخره ...
جديــــــــــــــــــــــــد.. ما لبسته الا مره ,, مالت عليك وعلى نعالك.. هذا استخدام مره وانقطع بالثانيه...
ــ تهي تهي.. خساره...
ــ بتسكت لا بالطبقه الثانيه على راسك .
ــ لااا خلاص بسكت لا تقصني انا بكبري..
ويفصخ رائد النعال..الا عبدالله يطلع من دبة سيارته .. نعال زنوبه اللي حق الهنود وهو يضحك...
ــ نعال المهمات الصعبه...
ــ هههههههه .. صدق والله.. بس لويش بسيارتك..
ــ بايقنه من هندي هههههههه
ــ هههههههه صدق..
ــ ههههههه,,, لا لا تصدق شدعوه .. هذا مره رحت هافمون ويا الشباب وواحد يستخدم نعول كذا اذا رحنا البحر يبدل نعاله بهم ... جايبنه وياه وتركه بسيارتي ..
ــ هههههه بس من جد نفعنا...
ولبس رائد الزنوبة.. ويللا كملوا الطريق ... لين وصلوا المحطه... " الشيشه"
عبوا السياره ماي... رائد من الحر ... والتعب صب على راسه ماي.. ودار بالغرشه لحيدر وسبحه هو الثاني وببلل شعره ولزق على وجهه.. وثايبه تبللت وحاله... الا حيدر يصررخ:
ــ لااااااااا,,, لويش كذا...
رائد:
ــ حرر.. حرر.. الا ماي...هوو .. عاادي ..!!
ــ الحين امي بتحمق علي.. وما بتدخلني البيت الا اذا نشفت..
عبدالله استغرب... :
ــ ليش؟؟
ــ ما تحب .. وصاخه...
ــ وصاخه.. ؟؟ الا ماي هو.؟؟؟
رائد يقطع الحديث والتساؤلات::
ــ ما ترتاح هي...تهوس ..
عبدالله فهم :
ــ اهااا... طيب بينشف الحين بسرعه من الحر...
وركبوا السياره بيرجعوا البيت.. وصلوا حيدر ... امحق طلعه طلعها ..خخ نزل وزي ما توقع .. لاقى له صريخ من امه,,, اللي على طول :
ــ روووووووووووووووووووووووح الحمــــــــــاااااااااام ..
ويللا ابتدت المعركه... :wacko:

ووصل عبدالله رائد لبيتهم.. ونزل وياه عشان يسلم على فاضل .. ويرجع ابوه معاه...
وطلعوا... رائد صعد فوق بيسبح .. الا الطابق الفوقي.. زلزال.. معاريس وطق..
والصوت جاي من غرفة رؤى..
رائد ما يدري ان حنين معاها.. ومتعود اقتحام على اخته .. لاطق باب ولا هم يحزنون.. ولااا .. بعد صوت ازعاج ... طق وفرقة... وهو جاي من شموس .. وحرر...
ويقتحم الغرفه .. طااااااااااخ,,,,:weird:

ويفتر في النص ..
ــ هلا هلا .. ايوه ايووه...
ولا يشوف عن يمينه وشماله الا شبحين... ثنتين وحده اطول من الثانيه بشوي لابسين مشامر.. ومغطيين روحهم بالكامل .. وواقفين يطالعوا فيه
ــ يماااه.. رؤووه.. وينش .. أي وحده. انتين و. مين الثانيه...؟؟
ماردوا عليه .. بس ضحك...
راح رائد لحنين يفكرها اخته.. ويفتح المشمر شوي شوي .. وعبر راسه ويطل ...
حنين استحت المسكينه ,, وظلت ساكته ..
رائد اختلع يفكر اخته.. ابتسم وطلع راسه من تحت المشمر.. وصفق الثانيه كف خفيف على راسها من ورى << كف واحد منحرج..
ــ لويش ما رفعتي ايدش والا المشمر عشان اعرفش خخ .. خليتيني اغلط بالعنوان..
ضحكوا حنين ورؤى...
رؤى:
ــ قلت خلني اشوف تعرفني واني متغطيه .. بس افا ما عرفتني..
ــ وانا ويش دراني ثنتينكم طول بعض...
ــ لااا.. اني اطول .. بس بشوي ...
ــ اهوو.. يللا .. وويش هالخباله.. لويش كذا,,,
ــ هههههه خباله بس كذا.. هاا تلعب ويانا..
ــ لااا.. ما العب ويا بنات..
ــ كيفك ...
وطلع رائد .. من غرفة اخته.. راح يسبح ., وهو يسبح.. خخ تذكر حركته وهو يفتح المشمر .. وصار يهلوس فباله..
ــ زي التلفزيون .. المعرس والعروسه..خخخ
طلع من الحمام لبس وقعد يحوس في غرفته.. والطق في غرفة اخته قايم اكشن..
وهو زهقان...
ــ اهووو.. اليووم نلعب مع بنات...
وشوي الا داخل على رؤى وحنين شرشف متحرك ويرقص بشكل مو طبيعي.. يمين شمال ويدور ... خبال مجنون... و ما طالعه الا عيونه.. ويللا لعب وياهم لعب..

اهتز البيت هز,, صعدت زهراء ..:
ــ ويش صاير فضحتونا...
ومن شافت شكلهم ثلاثتهم .. واحد بشرشف وثنين مشامر.. ماتت ضحك...
ــ خبلان من جد,, قصروا على الصوت..
وطلعت عنهم...
شوي الا رائد تقول:
ــ خلونا نلعب لعبة البيت المسكون..
رؤى:
ــ ماني اخاف.. وظلمه وبعدين تطيح فيني دست ادري بك..
ــ لااا .. انا ما بضرب الا اللي يقربني.. وكل واحد يضرب اللي قرب له..
ــ ظلمة ويش درانا بك قريب والا بعيد...
ــ مو ظلمه قوي في ضوا شوي خفيف ..مغرب الحين.. بعدها ما تجي الليل..
ــ زين ...
وطفوا اللمبات..
شوي الا رائد..:
ــ ااه .. ااه... هدااا ويش تونا ... مابدينا
حنين كفخته تفكره رؤى.. مو مين عدل وهي كانت متغطيه بالمشمر ..
ويمد ايده رائد ويكفخها على وجهها..
طااااااخ ... << انتقام .. لويش كفخته..؟؟

الا حنين مصرخه حد ما عندها :
ــ اااااااااااااااااااااااااااي..
رؤى اختلعت..
ــ لائدووه... هذي حنين مو اني
ــ يؤووو .. فكرتها انتين << شلاخ .. يدري بها حنين .. بس يبغى يرد ليها الكفخه ..
وصارت حنين تصيح...
رائد فصخ الشرشف ورمااه..
ــ اهوو بنات .. دلوعات.. مانى لاعب وياكم...
رؤى حمقت:
ــ تكفخ وتالي دلوعات.. بس تعلف تخلب علينا..مالت عليك انت ولعبتك..
ــ اسكتي ولا كلمه... وهي اللي بدت..
حنين وهي تشاهق :
ــ ما ادري افكرك رؤى.. << مسكينه من جد ما تدري
ــ وانا بعد ما ادري افكرش رؤى.. << لعن يوم الشلخ
رؤى :
ــ الـــــــــــــــلــــــــــــــه.. متفقيين علي ثنينكم.. لكن جزاكم...
رائد:
ــ بتسكتي لااا...
ــ خلاص خلاص...
رفعت حنين المشمر.. الا اثر الكف على وجهها.. اصابع رائد اربعتهم مبينين
رؤى تنفض ايدها بحركه التخويف..:
ــ يــــــــــــــاااعلي .. لائدووه.. بين كفك.. بيعصب عليك عمي لضا الحين
ــ ما ادري .. اووهووووو...
حنين :
ــ خلاص لا تتشابقوا ما يدري.. باروح بيتنا خلاص اني
ــ حنينووه.. ما يدلي .. اسفين..
ــ خلاص عادي...
وطلعت حنين ... رؤى دارت معصبه لرائد:
ــ وانت ما تشوف .. مع لعبتك الفاشله .. بس خلبت علينا.. وبعدين لويش ما تقول ليها اسف..
ــ انا ما اقول اسف لأحد.. قلت لش فكرتها انتين ,.. وخلاص لا احط الحرقه فيش هاا..
ــ هذا اللي اخذه منك .. بس طق وتشلخ .. تهي تهي تهي ..
ــ اوهووو.. وانتين كله صياح ودمووع.. اطلع عنش انا احسن لي...
وطلع رائد من غرفة رؤى وكفخ واره الباب ...

والى الملتقى غدا

تسلمي يالغاليه اميرووووووووووه الحلوه

والله انش قمرررررررررر وحليوووووووووووه

الله يعطيش الف عافيه

وان شاء الله راسش خف

ونااااسه القصه

مرررررره تماااااااااااام

خليتيني اضحك من قلب

تسلمي يالغاليه

دمتي لنا

هااااااااااي اموور
ها عسى الالم راح
اقول كفي حلقاتكتراي اتابعا من خلف الستار
والله قصتك روعه وتسلمين عليها
وربي يكملك بعقلك وتصضير زي ماتبين
ويشار الك بالبنان
موفقه يالدبه

أميرووووووه يالدبه كملي القصه لابانتفش

خخخخخخخخخخخخخخخخخخـ

يلا ترى أني أستناش على ناااااااااااااااااااااااااااااااااااااار

وعلى فكره القصه رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووعه وأكثر من كذا كمان

يلا أني بالإنتظار

:rolleyes: تحياتي :rolleyes:

هههههههههه خيتووو أميره

عشان تعرفي ان امير العاشقين يقرا القصه بحواسه الخمس

شوفي ملاحضاتي عليش

وملاحظاتي بخصوص رؤى

زين مو تزعلي ولا تقولي اتصيد عليش

بس عشان مره ثانيه تزبطي الكلام خيتووو

صدق .. هيــــــه.. يللا خليها بسرعه تجي ,, استناها..

ــ يارب .. انتين عندش خوات .. اني مين بيعلس عندي..

ــ قلت خلني اشوف تعرفني واني متغطيه .. بس افا ما عرفتني..

ظلمة ويش درانا بك قريب والا بعيد...

التعديل خيتووو أميره

صدق .. هيــــــه.. يللا خليها بسلعه تجي ,, استناها..

ــ يالب .. انتين عندش خوات .. اني مين بيعلس عندي..

ــ قلت خلني اشوف تعلفني واني متغطيه .. بس افا ما علفتني..

ظلمة ويش دلانا بك قليب والا بعيد...

******

مجنون أنا صح

هههههههه بس تعرفي متحمس ومندمج مع القصه خيتوو

وتعودت من يجي دور رؤى اقلب اغلط

ترا يعجبوني الغلطان والله كلامهم حليووو

يالله بس خيتووو عجلي بالكتابه

انتظر جديدش

وعلى قولة رؤى

انتظل جديدش أميله الملح

ههههههههه

ولكم خيتووو

سيوو ليتر

هلاااا بأهات الغلا .. منوره .. :embarrest: اخجلتيني والله .. تسلمي .. والحمدلله الراس خف صار اشوى..

اسوووووووووووووووووووووووووووووووووووووووووووووووو وووووووووووووووووووووووووووووووووور ..
منوره غناتوه.. ولا تنتفيني .. ولا شي خخ.. تالي ما اكملها اذا نتفتيني :wink: يسلموو حبابه ومن ذوقش والله .. ودو يارب هالضحكه...

هلا .. حيا الله اللي ما شفت تعقيبهم ورايهم على كل حلقه .. الا حزة التصيد :wink: هلا خيي امير .. والله وجبتها .ههههههههههه موتتني ضحك.. عاد اني البارحه كتبتها في الورد بالأسود وكوبي بيست بالمنتدى وصرت الون.. وما انتبهت لحرف الراء الجهنمي .. مشيت على رائي .. خخ بس حلو منك نبهتني .. عشان اصحح النسخه الأصل :wink: تسلم اخووي ومنور.. وابدا ما ازعل بالعكس... وخلينا نشوف تعقيبك ما بين فتره وفتره ...


واليكم الجديد..

وطلع رائد من غرفة رؤى وكفخ وراه الباب ...
رؤى ودموعها اربع اربع :
ــ نحيس لائدوه.. خلب علي اني ويا حنين.. يعني مو كفايه طلع واستانس .. لويش يسوي فيني كدا.. تهي تهي ...
رائد نزل وقعد بالصاله.. شغل التلفزيون.. وفكره في مكان اخر...
ــ انا لويش كله اصارخ واحمق .. ولويش كله ازعل اختي.. ياعلي.. لويش ضربتها هالحنينوه.. افف.. والله مو قصدي..
ويضرب فكر على فعايله... شوي الا يقطع حبل افكاره امه... جايه الصاله..
ــ هااا.. خلصت الحفله... اشوف حنين مرت علي بالمطبخ بسرعه و يللا مع السلامه,, .. لا تقول تشابقوا..
ــ لااا.. بس انا كفخت حنينوه
زهراء شهقت..
ــ يؤووه . احلف ... ولويش؟؟
ــ ما ادري كذا.. نلعب .. كفختني وهي ما تدري .. كفختها ..
ــ ويلي .. ويلي .. عاد كفختك والقبر.. صدق رائدوه.. وفوين كفختها..
ــ خخ .. ايه صدق وعلى وجهها..
ــ ياعلي .. وظلت تصيح.. والا سكتت قبل لا تطلع..
ــ قالت خلاص .. وطلعت..
ــ الله يستر .. هم بيت عمك رضا طيبين.. ويحبوك.. بس ... ان شالله ما يزعلوا..
شوي الا تلفون البيت يرن.. زهراء:
ــ علي ياساتر.. لا يكون بس مريم... حنين اشتكت ليها ..
رائد وهو محمق :
ــ اهوووووووووو...
ردت زهراء:
ــ الوو..
ــ هلا خيه.. قووة..
ــ هلا ام حسن .. هلا خيه يقويش..
ــ ويش حالكم ..
ــ حياش الله .. عاش من سمع هالصوت..
ــ عاشت ايامش .. ويش اخبار الأولاد ,,
ــ الحمدلله بخير وانتين اخبارش واخبار حسن وزينب .. والله ما تنشافي..
ــ ويش نسوي .. حوسة الدنيا ومشاغل.. وتدري زينب قريب عرسها.. باقي شهرين .. فمره زحمه..
ــ الله يعين .. ويتمم ويبارك على خير
ــ تسلمي عقبال رؤى ورائد يارب
ــ يسمع منش ... هاا نشوفش الليله اذا تجمعنا في بيت ابوي..
ــ ايه على خير.. ان شالله . واصلا باجيب وياي الحلاوة والمكسرات والعصير حق عرس زينب عشان تعاونوني نكيسهم.. ما بيمديني تالي ... عااد الله يستر ..هداك الأسبوع زهقتني مرت ابوش.. حاطه دوبها ودوب حسن .. لا تروح لا تجي.. ما تسوى عليه يوم يغسل ايده طلعته من الحمام .. ويمسك عرواي البيبان... قامت تمسح وراه.. كنه الا ياهل ابو 3 سنوات مو ابو 9.. اخاف الليله تحمق عشان المكسرات والحلاوة وتخاف نوصخ البيت .
ــ ههههههه يا دافع البلا مو لهادي الدرجه.. هي ما تشتهي الرطوبه.. الله يكافينا الشر.. والوصاخه.. اما حلاوه ومكسرات .. عادي نواشف.. .. عاد يا تهاني .. تدري بها مريضه اعذريها .. وتحملي انتين عصبتي وشبيتي فيها ., وقام الشباق..
ــ ويلي ما اتحملها .. هذي بتقضي علينا واحد واحد... الحمدلله ابوي ملتهي بالبقاله . والا كان قضت عليه بعيد الشر..
ـــ هههههههه استغفر الله ياربي.. المهم غناتي الليله ما اوصيش الله الله بالأعصاب ...
ــ ههههههه ان شالله .. الا متى بتروحي ...
ــ كذا بعد تقريبا ساعه ونص باقي ربع ساعه على اذان المغرب .. اصلي واعشي رائد ورؤى .. واروح..
ــ خخ اجل اني بعد ساعتين ..
ــ هههههههههه .. احسن .. لا تتشابقي وياهاا ..
ــ ههههه أي والله .. يللا اخليش .. واشوفش على خير
ــ حياش الله...

<<< حنين اصلا راحت البيت ونامت ولا اشتكت المسكينه نست السالفه ..

سكرت زهراء السماعه .. ودرات لقت رائد متسطح على الجلسه ورايح فيها نوم .. << كان يوما متعبا وشااقاا..
قالت خله شوي نص ساعه يريح.. وراحت لرؤى...
فتحت عليها الباب.. لقتها نايمه وبيدها ورقة .. وقفت على راسها تشوف ويش فيها ..
الا هي تقرا..:
ــ اخوي الحبيب رائد.. ليش تطقني .. وتكفخني.. وكل تصرخ علي.. اني احبك.. اذا ما تحبني قول لي ما احبش.. بس لا تضرب وتصارخ.. واني عادي ما بكلمك .. بس ببقى احبك.. لأنك اخوي .. وتوأمي ..
رائد احبك.. اختك الصيوحه .. رؤى..
زهراء عورها قلبها على بنتها .. وصارت تتأمل وجهها الملائكي البرئ وهي نايمه واثر الدموع على خدودها .. مسحت على شعرها .. وخلت الرساله بيدها ..
قالت يمكن اذا عطتها رائد الله يهديه على خيته .. مع انها متأكده ان رائد يحب خيته .. وما يسوي هالفعايل الا نحاسه.. بس ويش تسوي فيه ما يفيد وياه الكلام...
طلعت من الغرفه .. ولا كنها شافت شي..
ان الله وملائكتة يصلون على النبي .. يا ايها اللذين امنوا صلوا عليه وسلموا تسليما..

فتح رائد عيونه.. ما اخذ ربع ساعه.. لقى امه تتمسح,,, وقام يركض..
ــ لويش ما قعدتيني...
ـــ هههههه لويش... شفتك تعبان..
ــ مانى ابوي وينهو..
ــ طلع من خمس دقايق للمسجد..
ــ اوهوووووو.. حق ويش خليتني نايم.. الحين ويش اصلي في البيت
ــ يا بعد عمري ولدي .. جعلك الله من المصلين... صلي في البيت اليوم عادي.. وعهد علي مره ثانيه اذا اذن ولقيتك نايم اقعدك... الله يهديك ويكملك بعقلك يارب..
تمسح رائد... وراح ركب لرؤى بيشوفها ويش تسوي..
وصل لغرفتها لقاها ظلمه من برى.. فتح الباب ... وولع الليتات..
الا يشوف رؤى نايمه.. قرب منها بيقعدها للصلاة... شاف الورقه...
شالها قعد على سرير رؤى.. وصار يقراها..
عوره قلبه.. وانبه ضميره..
ــ ياربي انا نحيس في كل مكان حتى على اختي.. ان زين على الأقل اختي .. لا اصير نحيس وياها... افف.. ويش اسوي..
صار يقرى الورقه مره ومرتين وعشر... شوي طاحت عيونه على القلم اللي كتبت فيه رؤى الرساله.. كان طايح على الأرض.. اخذه رائد .. وكتب في نفس الورقه .. بيده اليسار لأن ايده اليمين لسا مجبسه والخط كان مره حالته يالله ينقرأ .. حتى يوم يدف السياره بالعصريه مع عبدالله .. دف معاهم بيد وحده وركز القوه على رجوله فلذلك انقص النعال ,. مع انه عبدالله نهاه لا يدف .. بس هو ما رضى.. وعبد الله عرف ان رائد من النوع اللي ما يحب انه يكسر الخاطر والا يتعامل معامله خاصه... واللي كتبه سطرين ...
ــ رؤووه... انا اسف... وانا احبش... وان كنت وياش نحيس... بس قلبي يحبش... تحمليني .. انتين اختي وما الي غيرش.. اخوش الدفش: رائد..
وطلع من غرفتها .. وراح يصلي... وبعد نص ساعه .. راحت زهراء تقعد رؤى.. قبل لا تقعدها ا .. شافت رد رائد.. ابتسمت,, .. الله يهديك يا ولدي ...
وراحا وقفت على الباب عشان رؤى تحس انها ما شاف شي .. ونادت وهي على الباب واقفه..
ــ رؤى... رؤى... امي .. حبيبتي... قومي . صلي ... وايد عليش عشان تنامي الليله.. وبنروح بعد شوي بيت جدش .. قومي اماه..
رؤى تنقلب الجهه الثانيه..
ــ ااا.. الحين باقوم ...
ــ لااا دام انش انقلبتي معناتها ما بتقومي .. رؤى ان ما قمتي لحالش في البيت .. زين...
قامت رؤى وعواينها متورمه ..
ــ هااا .. لاااا .. داني قمت ..
وانتبهت للورقه على سريرها وفيها شي متغير ..
امها حست عليها انها انتبهت للورقه فما حبت تطول عندها وطلعت عنها ..
خذت رؤى الورقه تقرااها زي الملهوف ..
وصارت تصيح...
ــ يا غناتي لائد.. ادلي .. والله ادلي انك تحبني ...
وصلت بالصلاة على محمد ... ونادت عليهم امهم يتعشوا .. وقعدوا يتعشوا هدووء .. ولا صوت .. حتى فاضل استغرب منهم ..
ــ كح .. اللهم صلي على محمد وال محمد.. زهراء هدووء موو.. ياحلاة الهدووء على الأكل ...
ــ ههههههه ايه والله... عساه دوم مهو يوم... << زهراء دعاها هذا لسببين الهدوء .. وحالة الصلح الغير مباشر بين رؤى ورائد..
خلصوا اكل .. ولبسوا وتجهزوا .. وانطلقوا الى بيت الجد ابو كرار ...
وفي السياره زهراء توصي في رائد الوصايا الخمس المعتاده ..هي تقول وحده ورائد يقول اللي بعدها :
ــ مرت جدك لا تحط دوبك ودوبها
ــ واذا تعيلفت فيك لا تتعيلف انت بعد ولا تحمق
ــ وحيدر لا تسبه وتضربه قدامها ..
ــ واذا طلبت شي والا قالت ليكم قعدوا في مكان معين طاوعوها..
ــ ولا تعفس ولا تصير تداور في البيت من مكان لمكان
فاضل :
ــ وهذي اسطوانتكم كل اسبوع .. الوصايا الخمس .. يا علي ..حفظناهم..
زهراء:
ــ هههههه .. وربي ولا يفيد.. كل اسبوع نطلع بسالفه... الحمدلله داك الأسبوع طلعت انت ويا رائد.. بس خالتي ما تقدر الا تتعيلف .. فتعيلفت بحسن ولد اختي ..
ـــ هههههه ياربي .. الله يعين ابوش عليها بس .. اللهم ادفع البلا ..
ــ يارب .. والله انها طيبة بس.. لو ما هالهوس يخرب عليها ويخليها نحيسه ..
ــ الله يشافي كل مريض.. يارب..
ــ يارب... سمعت يارائد.. الله الله ها .. ما اوصي .. ولا تحمق زين...
ــ ان شالله .. <<< اسبوعيا .. ولا يفيد... خخ
وصلوا البيت.. دخلوا... سلموا .. رائد عيونه على مرت جده اللي ما شالت عيونها عن رجولهم خخ..
وفباله..
ــ وفباله.. ياعلي.. اللي يشوف قاعده تخمن مقاس رجولنا بتجيب لينا نعل.. ما ادري اطلع برى حافي واجيها عشان تستانس خخ..
قعدوا كذا ربع ساعه .. هدووء .. لين جا ابو كرار .. قفل البقاله .. ليلة الجمعه ما يطول حده لــ 8 ويروح البيت يسهر مع بناته..
دخل عليهم وفي ايده كالعاده كيس مليان شكاليت وحلاويات..
واول وحده استقبلته هي رؤى وتعلقت على رقبته واحشنها عدل ..
ــ قوووه يبه ابو كلال..
ــ يا عيون ابو كلال انتين .. يقويش يا غناتي...
والتفت لرائد...
ــ هااا .. ابو جراح << لقب لرائد ما يسميه كذا الا جده.... ما لينا بوسه وسلام .. خلاص اخذناهم العصريه
ــ هههههه .. لا ولو .. من عيوني .. هااا
وراح لجده .. وعلى خده ...
ــ اموااااااااااه.. اقوى بوسه لأحلى ابو في العالم..
ضم ابو كرار رؤى ورائد لصدره..
ــ الهي ما يحرمني منكم ويحفظكم ...
ورائد يطالع برؤى اللي عيونها بعيونه .. ويعطيها خوووش بحاليس خخ...
وراحت زهراء تسلم على ابوها .. سأل ابو كرار عن تهاني ..
ــ ايه يبه .. بتجي .. كلمتني المغرب قبل الصلاة ولو تشوفها على عمري مزحومه عدل ..على حساب عرس زينب قريب .. فشوي بتجي وبتجيب معاها يمكن المكسرات والحلاوة والعصير نعاونها على التكييس <<< تمهد لأختها .. لا تنصدم خالتها فجأه ...
الا ام حيدر ناطه بالكلام:
ــ يؤووو.. ولويش الله يهديها ما تاخذ شي جاهز ومكيس ... << احم احم .. يعني ما ابغى حوسه وعفسه عندي ..
ــ لا بس يا خالتي ما في شي مكيس الا نوع واحد يا حلاوة يا مكسرات.. والعصير ما يصير وياهم . والكل هالأيام ينوع ويحط خلط من كذا وكذا بأكياس ورق.. .. <<< خبركم الأكياس لول من زمان للمعاريس .. للحين يسووها في بعض المأتم.. " الكيس البني تبع البوفيات وداخله سبال وحلاوه ومكسرات .. خخ حليو يذكرني بالطفوله : نفتحه ونستانس اذا شفنا داخله حلاوة حلوه ونبرطم شبر اذا بس سبال وحب خخ : اميروة كنش طلعتي برى القصه خخ كح .. احم...

ابو كرار :
ــ والله احسن هالحركه واوفر .. من كل شي شوي.. وزين بعد عشان نعاونها..
ام حيدر داخلها غليان...
ـــ افففففف ويش هالحاله ..
شوي الا تهاني جايه مع زوجها واولادها .. حسن وزينب .. وحاملين اكياس مكسرات وحلاوة..
سلموا ... وراح فاضل ورائد يعاونوا ابو حسن في شيل الأكياس وكراتين العصير ...
وتفرقوا بالصاله على قسمين .. قسم للرجال وقسم للحريم.. وصاروا يكيسوا ..
ورائد ورؤى وحسن .. مستلمين الكيس اللي جابه ابو كرار وطايحين بلع..
شوي الا رائد موقف :
ــ الا وين حيدرووه..
ام حيدر نطقت وهي تكيس .. بحمق :
ــ ناايم .. ويش تبغى فيه..
ــ يؤه ويش منومنه هالحزه .. والليله جمعه .. دجاجه..
ــ دجاجه انت.. ليش قصرت عليه اليوم انت .. مخلينه ويا هذا خويك مدري ويش يطلع يدف سيارته كنه الا يشتغل صبي عندكم...
رائد حمق .. شلون هذي تتكلم عن عبدالله بهالطريقه .. مدري ويش يطلع :: ما عجبته هالجمله.. ولااا .. تكلمه كنه غلطان .. ما تدري ان ولدها ساس البلا ..
الا رائد ما ينتبه لكلامه ويرد عليها ..:
ــ والله ولدش لو ما بــ..... وتسبح بماي السيارة ما خليناه يدفها ..
كل اللي بالصاله فقعوا ضحك .. على جرأة رائد يوم يقط الجمله... زهراء وفي قلبها كاتمه الضحكه :
ــ عيب امي.. خلاص ويش قلت لك...
ــ انا داري .. هو ساس البلا وجايه تتبلى علي.. جزاتي مستفقدنه..
ام حيدر :
ــ الله يخلي وليدي وما ينفقد..
ــ لويش دعيت عليه انا الحين..
زهراء :
ــ اوهوو .. رائد خلاص..
ــ زين ..
لكن رائد فيه حره .. ما يصير .. يسكت .. الا يطلعها بطريقه او بأخرى...
غافلهم وهم يحوسوا ويكيسوا .. وصعد فوق لحيدر النايم... وطاااخ .. هجووووم...
ــ حيدروووووووووووووه قووووووووووم...
ويطير حيدر من مناامه.. ويقعد على ركبه من الخلعه ...
ــ اااااااااااااااااااااااااااه...
ام حيدر سمعت صرخة ولدها .. رمت الأكياس من حضنها .. وقامت تركض ..
ركبت شافت رائد بالغرفه .. كان حاضن حيدر بعد الخلعه .. بإيد وحده.. معورنه قلبه عليه .. << دايم رائد كذا يسوي البلوه وتالي يتندم...
وتجيه ام حيدر بلا وعي .. وتصطره داك الصطار اللي خلى راس رائد المسكين يفتر ...
رائد ما قال حتى ااه ... حيدر شهق ... ام حيدر تصرخ :
ــ اني قايله لك نايم.. تجي تقعده لويش
حيدر :
ــ عادي .. انتين لويش ما قعدتيني الليله جمعه .. شلون تخليني انام
ام حيدر تحط صبعها على خشمها :
ــ اصصصصصصصصصص انت ولا كلمه .. ما احد بيخربك وبيقويك علي ويعلمك طولة اللسان الا رائدوه هذا ..
رائد بعده متخشب من الصطار .. عمره ما احد صطره على وجهه كذا..
وصار يطالع مرت جده بنظرات .. اعوذ بالله .. شرار يطلع من عيونه...
وهي لا .. ما اكتفت لهالحد .. تمسكه من بلوزته وتسحبه برى الغرفه ...
رائد نفض ايدها .. وصرخ عليها بجمله هزت بدنها :
ــ لا تلمسيني يا مريضه.. اخاف تتوصخي.. والا تعديني ..
ام حيدر ما تحملت ..
وصارت تصرخ عليه ..:
ــ اني مريضه ياا.... ياا.... ياا.....
هو قام يصارخ :
ــ لا تسبيني هااا...
الكل قام .. وتركوا التكييس ... بيشوفوا ويش السالفه ...
الا رائد ينزل من على الدرج بسرعه .. ومرت جده وراه.. ويتعثر المسكين .. من فوق الدرج ويصير يتدحرج لتحت .. ترضرضت عظامه .. وطاح على الأرض...
وزهراء قامت تركض وهي تصرخ..
ــ ولـــــــــــــــــــــدي...

والى اللقاء في الحلقه القادمه..