`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

ممممممم
يسلموو للحلوين المتابعين

ههههههه ما عليه كيانوه يصير خير
بتابعي
تابعي بهدوء
خخخ
امزح يالبطيخه
................ ادري انش تدري


يللا خذوا الثامنه

الحلقه الثامنه

ــ هلا يبه ..
ــ هلا قاسم ها وينك ؟
ــ قريب خير ان شالله
ــ سجى معاك..؟؟
ــ ايه
ــ يللا بسرعه تعالوا البيت االمحامي ماجد عندنا وطلب اجتماع لكل افراد العايله فتعالوا بسرعه لا تتأخروا..
ــ خير ان شالله .. يللا جايين فأمان الله
ــ مع السلامه

ماجد .. محامي العايله .. عمره 30 سنه... اعزب ... انسان ناجح مثقف عصامي.. لكنه جامد بزياده... لامجال للضحك ولا حتى الإبتسامه عنده.. بالمختصر جااف للغايه..

ــ تدري سجوي .. انا دم ضروسي هالماجدوه هذا
ــ ههههه لويش..
ــ ياثقل دمه اففف .. يسوي حاله مره شي .. وهو خرطي
ــ ما ادري بس اللي اشوفه انه انسان ناجح ومثقف واهم شي انه عصامي >> تضرب وتر حساس في قاسم
ــ نعم .. الله الله بعد تمدح قايم فيه
ــ ايه هذا الحق .. ليش بعد اكذب..ياليت ياقسومي تصير زيه فشي واحد
ــ وععععععع .. انا ابو القواسم اصير زي هالتعبان .. اقول بلا زيه بلا بطيخ .. انا اعرف تبغيني زيه فويش ..........××××
صكي السالفه..
ــ ان شالله خلاص
كانت سجى تتمنى ان قاسم يعتمد على نفسه.. يكون حاله بحاله.. كانت ما تحب اتكاله على ابوه في كل صغيره وكبيره.. ياما طلبت منه يدور له شغله اقلها يرسم ويفتح له معرض ويكد شوي .. ما يمنع كونه مع ابوه انه يشق له طريق يثبت فيه وجوده .. وامكانياته.. كانت عادي عندها بتقاسمه الحلوه والمره وراضيه بأي عيشه وياه .. بس يكون له ذات وكيان مستقل .. بس لاحياة لمن تنادي..
كان رده الدايم على هالموضوع
ــ انا مينون في احد يصير عنده خير ويروح يدور الشقا
ــ ما قلت لك اترك الخير بس شوف حالك شوف وين ممكن يكون ذاتك
ــ بلا ذات بلا كلام فاضي .. انا كذا مرتاح وخلاص سكري الموضوع

اكثر شي يقهر سجى من قاسم هالأتكاليه .. ويشعل بينهم خلافات .. لو ما تتنازل سجى بالنهايه وتخليه بكيفه وبزاجه
ظلوا ساكتين بالسياره .. لين وصولوا لبيت قاسم

وابتدا الإجتماع مع افراد العايله الكريمه

جلسوا الرجال بالصاله والحريم بغرفه قريبه
فتح ماجد الشنطه .. وطلع صك .. لمزرعه .. وقال:
ــ طبعا ابوكم الله يرحمه ويحسن اليه .. قال ليكم انه هالمزرعه تبرع فيها للجمعيه الخيريه.. بس هو لا تبرع بمزرعه ثانيه.. هذي المزرعه خلاها امانه عندي لمدة 5 سنين.. طلب مني ما اوزعها ضمن التركه .. لأنها كانت من نصيب واحد منكم..

" كانوا ابو قاسم هو الأكبر وعنده اخو يشتغل برى البلد من سنين.. واختين وحده منهم ام ريم.. كلهم من ام وحده .. وابو سجى اصغر واحد فيهم من وحده ثانيه وهو الوحيد"

فتح ابو قاسم عينه :
ــ لاتقول هذيك المزرعه اللي كنت احايل في الوالد يعطيني اياها عشان اسويها صالة افراح وهو مهو راضي..
ــ ايووه .. هذي هي .. وانت تدري سبب رفضه .. هالمزرعه بالذات غاليه على ابوك ووراثنها عن اجداده فما بيفرط فيها وبيقلبها صاله..
ــ طيب والحين.. انكتبت لمن
ــ لأبو صادق
ــ هاااااااا .. وليش يعني
ــ الصراحه لأنه هو الوحيد اللي مهتم فيها ويحبها مثل المرحوم والمرحوم حس انه مستحيل يفرط فيها .. هذا من ناحيه .. ومن ناحيه ثانيه انت يا ابو قاسم صار لك نصيب مو شويه من التركه انت واخوك .. بعكس ابو صادق .. لأن هالمزرعه من نصيبه فما حصل كثركم قبل 5 سنين ومع ذلك ما اعترض ولا سوى مشاكل دليل على طيب اصله .. فوالدكم ما كتبها بأسمه الا يدري انها ما بتضيع ..
ــ نعم .. يعني احنا اللي بنضيعها والله خووش ..طيب وليش الحين مو قبل 5 سنين
ــ اها .. ابوكم الله يرحمه وصاني اخليها امانه عندي .. واجس نبضكم اشوف ..
كيف بتكون علاقتكم مع بعض.. بعد ما تتوزع التركه .. هل بيحصل خلاف .. وطلب مني امهل 5 سنين واشوف الوضع .. وانا الحمد لله ما شفت الا الخير هذا انتوا صرتوا احباب ونسايب
ابو صادق:
ــ الله يخليك يا اخوي ماجد تسلم

ابو قاسم اكله الحسد والغيره..وشبت في قلبه حريقه وصار بليسه يوسوس
" الحين من متى وانا احايل في ابوي ابغاها وهو ابدا مو عاطني وجه ,, اتاريها للحبيب الغالي المدلل والله لكن راح اتصرف وما راح اسكت"

وسلم ماجد صك المزرعه لأبو صادق ..
ـ مبروك عليك يا ابو صادق يالله ان شالله تكون عند حسن ظن الوالد
ــ الله يبارك فيك . ان شالله . وتسلم .. كلك طيبه واصل..

وطلعوا كل راح لبيته ..
دخل ابو قاسم البيت وهو مقهور ودخلت معاه اخته ام ريم
واجتمعوا .. اجتماع اباليس مغلق.. حالة طوارئ
ابو قاسم مقهور ويتشكى لأم ريم
وام ريم بدل لا تهديه تزود عليه :
ــ ايه من يوم احنا صغار وابوي يفضله علينا ليش لأنه وحيد امه .. اصلا اللي يقهر ليش متزوج على امنا والله حاله
ــ يللا عاد انتي فويش وانا فويش الله يرحم امش وابوش.. راحوا خليني بهمي الحين
ــ لاهم ولاشي تبغاها انت
ــ ايه اكيد ..
ــ روح واطلب منه شراكه بينكم وسووا صاله الأفراح والنص بالنص.. بدل لا تطلع بلوشي..
ــ واذا ما رضى..
ــ افا بيرضى دام سجى هي السلاح >>>> ان كيدكن عظيم ..
ــ سجى ؟؟
ــ ايه .. يا يرضى ... يا يخلي بنته عنده .. اصلا ابغى اعرف اني ويش عاجبنه قاسم الله يهديه فيها .. وحده متعصقله لسانها ويش طوله..
ــ ويش اسوي له يحبها وانا هذا وحيدي ما ابغى اكسر بخاطره
ــ بلا حب بلا كلام فاضي .. انت سوي اللي قلت لك عليه وبس

كانت فطوم ماره قريب منهم وسمعت الكلام .. وانفجعت بهالتفكير لأبوها .. راحت
لقاسم غرفته ,, وسكرت الباب..
جلست قدامه وحطت ايدها على فخذه,,
ــ يا اخوي احلف
ــ احلف على ويش
ــ انك ما بتترك سجى
ــ ومين قال لش ابتركها
ــ ما احد بس بعد ما طلعت سالفة المزرعه.. احس انه بتصير مشاكل
ــ واحناويش دخلنا انا احب سجى ومستحيل اتخلى عنها اعقلي ها
ــ طمنتي الله يطمن بالك .. بس احلف
ــ ايهيييييي ويش فيش والله احبــــــــــها .. بلا هلوسه علي ها

بعد يوم.. راح ابو قاسم لأبو صادق
وطرح عليه فكرة الشراكه..
ــ اسف ياخوي .. والله انت الكبير وعلى عيني وراسي بس ابوي مأمنها عند ماجد 5 سنين محافظ عليها .. والحين دوري احملها امانه لباقي عمري .. هذي ذكريات عزيزه علينا اسف ياخوي ما اقدر

حمق ابو قاسم..××××××××
ــ عندك يومين تفكر وبتشووف اذا ما سويت اللي فبالي وقد اعذر من انذر
ــ استهدي بالله ومحمد يا خوي .. ما نبغى مشاكل ..
ــ انا ابليس مخاوني هاليومين وابغى المشاكل وبتفكر لا والله بنتك خذها ما نبغاها و يللا فأمان الله
ــ مو لهالدرجه يا اخوي صلي على محمد

طاااخ كفخ الباب ابو قاسم وطلع...

جلس ابو صادق وهو مبهوت ويش يسوي.. جت سجى عنده
ــ خير يايبه ويش صاير
ــ عمش ناوي على شر
ــ الله يستر .. لا ان شالله عمي طيب .. ويحبنا .. بس ساعة غضب وبتزول
ــ لا هالمره ناوي له على نيه ,, عمش هالمزرعه عينه عليها من يام المرحوم جدش.. وانا الحين خايف عليش والله .. هذا عمش اسأليني عنه .. اذا شي حاط عينه عليه وصار مو نصيبه .. يشب حرايق
ــ الله يستر .. لا ان شالله خير


ابو قاسم رجع البيت وراح لقاسم
ــ اسمع لا تقول لي احبها وكلام فاضي
قسما باللذي خلقني اذا ما عمك سوى اللي فبالي .. انك تترك بنته سامع
ــ لا مستحيل اسمح لي يا يبه انا من يمينك لشمالك الا في هالشي اسمح لي ما اقدر
ــ هو بيفكر يومين وانا هددته بسجى وباشوف.. لكن ان ما اقتنع بوريه.
ــ يبه ....... يبه
وطلع ابو قاسم من الغرفه وهو مصر على اللي فباله

فطوم سمعت الحرايق <<<< جاسوسه عالميه
وتدق على سجى..
ــ هلا فطوم
ــ اهلين سجوي اخبارش
ــ تمام الحمد لله
ــ ابوي كان عندكم من شوي صح
ــ ايه لويش تسألي
ــ سجوي تراني سمعت كذا وكذا .... حكت لسجوي السالفه
سجوي بهتت
ــ ايه وقاسم ويش رده فعله

والى الملتقى..

اف ......
اتقلنى من الموت الى الفراق.....
بليييييز...
بس الاحداث احلوت

ننتظر...

أبو قاسم نحيييييس

والظاهر ان ريم وارثه الحقد والغيره من امها:angry:

بإنتظار اللي بيصير

موفقه حبيبتي

:clap: :clap: :clap: :clap: :clap:
والله امـــــيرة انك مو سهلة بصراحة هنا اثبتي انك :icon30: :icon30:
واثبتي جدرتك واشهد لك انك محترفة..
وكل حلقة اقراها تشوقني للحلقة الثانية واسبك اذا قلتي بتتأخري على تنزيلها ههههههههه ...أمزح لا تصدقي..
المهم خية مشكورة وماقصرتي واتمنى انك تواصلي جهودك خية..
الله يكون بعونك...
تحياتي..

لا حووووووووووول

وراك يابنت الأجواد ماتحطين الأجزاء كلها بدل هالتشوق وهالانتظار

تراني بذبحك <<متأثرة البنيه

يلا متشوقين خيتوووو

اجل ريمووه يتستانس الحين وهذا فرصتها ...


يلا بسرعه كملي

مشكورة الله يعطيك العافية القصة تجنن لاتتأخري علينا000

يسلموووو جميعا عالتفاعل الرهيب
ومشكوورين عالأندمااج العجييييييب
بيب استعدوا لهذه الحلقه

تفضلووووووووووووووووووو

الحلقه التاسعه

ــ قاسم.. ويش تتوقعي يعني.. اكيد مستحيل .. رافض هالشي ومستحيل يسويه
ــ الحمدلله طمنتيني وريحتي بالي ريح الله بالش
ــ يللا باي .. واذا صار ما صار بينا اتصال اوكيه
ــ اوكيه

الساعه 12 بالليل جوال سجى يرن
ــ هلا حبيبي
ــ مانمتي ياغناتي
ــ لا مو جايني نوم..
ــ ليش..
ــ ما ادري احس بتصير حرايب وهوايل بعد سالفة هالمرزعه
ــ كله من ماجدوه ثقيل هالطينه.. شقد شؤم وغثه..
ــ حرام ويش دخله بعد جزاته شايل امانه بحلقه 5 سنين ..وهالأماانه مزرعه يعني يبغى ليها عنايه .. زين منه كثر الله خيره.. يعني ما شالله عليه قد الحمل والمسؤليه
ــ هذا اللي ذابحنش قد الحمل والمسؤليه .. لاتقعدي تفخمي فيه اوكيه ولا تطريه وانا اكلمش
ــ الله اكبر .. مين اللي طراه وصار يحش فيه .. مو انت
ــ خلاص يللا عاد صكي السالفه
سجى تغيرت نبرة صوتها ..
ــ انت ويش فيك علي تبغى الحجه يعني .. تتحسس على اتفه شي.. وصاير هاليومين كله تسكتني ..اذا بتسوي اللي فبال ابوك سويه.. مالداعي للتجريح
ــ افا.. هدي حبيبتي .. اعذريني بس معصب زيش من هالسالفه وما اطيق هالمخلوق.. استحمليني شوي .. والله ما اعيدها اسف ياعمري
ــ................
ــ سجى يللا عاد خلاص اسف وربي ..
ــ خلاص انسى الموضوع
ــ سجى
ــ............
ــ عيوني عااد يلللا
ــ عيونها
ــ احبك
ــ واني بعد .. لاتخليني
ــ مستحيل انا موتي بدونش
ــ اسم الله عليك .. عدوينك ان شالله

طمن قاسم سجوي .. وحلّفها تنسى الموضوع وتنام .. وما بيصير الا الخير
ومروا اليومين كأنهم سنتين من المحاتاه
..
وشرف ابو قاسم عالوعد وهالمره معاه قاسم
وجلسوا بالصاله جميع قاسم وابوه ..وسجى وابوها

ــ هاا عسى فكرت زين بالموضوع.. ويش قررت
ــ قلت لك قبل يا اخوي اطلب أي شي .. خذ عمارتي .. وخل المزرعه
ــ لا جاي اطر من عندك انا .. خذ عمارتي .. حبيبي عندي مثلها ثلاث.. انا اقول لك المزرعه .. فلا تطولها معاي..
ــ وانا قلت لك اسف
ــ تدري انا بديت اشك بالسالفه..شكلك والله العالم متخاوي مع ماجدوه هذا .. ومزورين وصية المرحوم.. ومخلنه يكتبها باسمك .. ومن زماان وهي عندك مو توها.. وياعيني عالأرباح من ورى محصولها.. شكله النصيفه بينك وبين ماجدوه ها
ـــ والمعنى؟
ــ المعنى انكم.. مزورين وحراميه..
ــ اناا حرامــي .. افا يا اخوي ما هقيتها منك
ــ بطل تمثل علينا لعبتكم تراها مكشوفه .. ايه حرامي وستين حرامي
سجى ما استحملت كلام عمها .. كل شوي ولا ابوها
ــ عمي لو سمحت لا تغلط على ابوي
ــ نعم نعم .. هههههه اسمع بعد مين يتكلم .. ما باقي الا اليهال يأمروا علينا
الا حراااااامي وستين مليون حرامي وويش عندكم بعد
ــ الى هنا اسمح لي ياخوي .. تراك تعديت حدودك
ــ انا اتعديت حدودي يالنصاب يالحيال يا .... يا.... يا.... >>>>مشفرين من الرقابه خخخ
ــ عمي من جد .. احترم عالأقل كونك موجود فبيته
ــ بعد .. بيته يعني ويش طرده .. والا ويش ..... ــ ما قلت كذا بس ما ارضى على ابوي وبس خلاص
ــ بس خلاص انا.. تقولي لي بس خلاص طيب يا قليلة التربيه..
ــ لو سمحت اهلي ربوني احسن تربيه .. وتراني محشمتنك بس على شان ابوي
ــ تهددي يعني ويش بتسوي يا.. يا...
ــ حسبي الله ونعم الوكيل..
ــ لاااا وتحسبي علي بعد.. طيب ....ويحاول ابو قاسم يمد يده على سجى ويمسك ابوها يده
ويضغط عليها بشده
ــ كفايه الى هنا.. مصختها تراك.. شراكه بيننا في هالمزرعه ما فيه.. واعلى ما في خيلك اركبه
ابو قاسم كشر بوجه اخوه وهو يصرخ.. ــ طيييييييب الأيام بينا وانا اللي بوريك×××
قاسم طبعا لا يكش ولا ينش.. ولا حاول حتى يهديهم.. جالس يتفرج على المعمعه.. والحرب القايمه..
ــ يعني هذا اخر كلامك
ــ ايه اخر كلامي واسمح لي .. ولاعاد تفتح لي سيرة هالموضوع مره ثانيه
ــ طيب يصير خير .. يـــــــــــاقاسم
ــ هلا
ــ سجى مهي الك سامعني .. وحده قليلة تربيه وبنت حرامي ما نبيها امحق اصل
ــ اصلي اصلك وان كنا حراميه وقليلن تربيه ترى العرق واحد
ــ اه يابنت اللذين يابنت..............
طلقها .. الحين
ــ اسمح لي يايبه .. ما اطلق
ــ بتطلقها والا مالك شي بحلالي ولا تجي عندي وكل شي بسحبه منك ..
ــ ....اااااااااااا...
ــ طلق الحين لعنة الله على هالنسب طلللللللق
ــ سجى.. انت طالق..
قالها وعينه بالأرض.. عينه ما جت بعينها.. وهي اللي ياما قرت له عينه...
وطلعوا ..
حزتها ظلت سجى ساعه متيبسه.. وواقفه.. وعينها شارده..
ابوها ضمها وصار يبكي..
ــ هذا اللي كنت خايف منه.. خلاص باروح له وبعطيها اياه كلها ما ابغى حتى يشاركني فيها..
دمعة سجى طاحت بعفويه وقالت بصوت مخنوق:
ــ لا .. هذي حقك يايبه.. واني مستغنيه عن رجال ما حماني .. ولا عرف قيمتي وباعني .. ناس طماعه.. ماهمها الا نفسها.. اكتشفته على حقيقته ..مايحبني.. الحب تضحيه.. هذا ما يحبني.. واني مو لعبه فيدهم..ووسيلة ضغط عليك..
انسى يايبه..
ظل ابو صادق ضام بنته على صدره حول الساعه.. وهي هدووء وساكنه..
وما طاحت الا دمعتين..
ــ ابكي يايبه.. ابكي.. طلعي اللي بقلبش
ــ قسى القلب يايبه.. قسى..
ــ يابنتي لا تقولي كذا عشاني
ــ طيب يايبه ..خلاص باروح غرفتي ابغى اريح
ــ استهدي بالله يابنتي وصلي على محمد
ــ اللهم صلي على محمد وال محمد
ويوم وصلت سجى للدرج ..وقفت.. ودرات .. ونادت بصوت مخنوق والعبرات سيل تتجارى
ــ يــــبــــــــــــ...ااااااااااااه
وارتمت على حضن ابوها وصاروا يبكوا.. هم الإثنين...وحالهم يقطع القلب
..ضم وجهها بيده..
ــ خلاص يابعد هلي.. يابعد اللي راحوا ولا عودوا.. يااغلى ما فدنياي.. ياحيلتي وكل ما املك.. فديتش انا .. لا تاكلي أي هم طول ما راسي يشم الهوا
ــ الله يطول بعمرك ياتاج راسي ولا يحرمني منك ..
ــ ولا عليش هذا الله جاب هالسالفه عشان يكشفهم على حقيقتهم وقاسم مو من نصيبش الله يعوضش بولد الحلال اللي احسن منه
ــ الله يخليك يايبه ولا اني بحاجة احد
ــ لا تقولي كذا يايبه.. وانسي هالقاسم..
ــ نسيته خلاص..
وركبت سجى غرفتها..
صارت تطلع الهدايا.. ,, وابتسمت. ودموعها تسيل... اسمحوا لي بكره بتروحوا لراعيكم..
جلست على سريرها حست بضيق بصدرها.. حطت يدها على قلبها تحسست القلب الفضي الصغير.. شالته من عليها.. وصارت تطالع فيه وتتذكر
ــ مممممم غمضي يااحلى ملاك
ــ هاااا.. غمضنا
ويلبسها اياه
ــ فتحي العيون الحلوه
ــ الله تسلم لي يالغالي .. مره حلو
ــ يسلموو الحلو اللي لابسه..
ــ عهد علي ما بشيله من على رقبتي ابد
ــ الله ابصير وياش يعني وين ما تروحي
ــ اكيد يابعد روحي .. وين ما اروح
وقطع شريط الذكريات تنهيده من سجى
ــ ااااااه عهد علي ما اشيله من رقبتي هه شلتك من حياتي مو بس رقبتي
ويشتت الصمت اتصال من فطوم.........
ــ هلا سجى.. ويش صاير ابوي رجع البيت محمق وقاسم مو معاه ويش صاير
ــ ....................
ــ سجى ردي علي خوفتيني سجــــــــــى
ويدخل ابو قاسم على فطوم ويصرخ
ــ وانتي بعد هذي لا عاد اسمعش تكلميها والا تتصلي فيها . انسي ان عندش بنت عم اسمها سجى فاهمه .. هذا اللي قاصرنا بناتنا يخاوو قليلات تربيه
سالت دموع سجى زود يوم سمعت صريخ عمها
وقفلت هي السماعه
ــ يبه كل شي الا سجى.. هذي خويتي الروح بالروح رفقة عمر اني وياها ما افرط فيها لو ويش
طاااااااااااااخ
ــ لا تراددي وياي ولا تطلوي السالفه فاهمه
ــ يبه تضربني ليش.. ويش سويت تضربني على وفاي.. هذا اللي علمتونا عليه
الوفا.. والعشره ما تهون ..
ــ اصصصصص ولا كلمه ايه مو عادتنش ام لسان .. والله يافطموه خليني اسمع انش كلمتيها وربي لوريش ..

وطلع وهو محمق والسبايب ياويلي ويلاه

وصارت فطوم ترن على سجى وسجى ما ترد
وشوي
: ان الهاتف المطلوب لايمكن الإتصال به الآن نرجو معاودة الإتصال في وقت لاحق

رمت فطوم الجوال على السرير وارتمت وياه وابتدى مشوار النحيب


والى الملتقى

خخخخخخخ مآسي صايره هاليومين ها وقصيرة شوي صح.. هههه
عشان لا تصيحوا واايد تريحوا.... مو هذا حال الدنيا.. الله يعين
ويستر علي من بعض الناس... :bigsmile:

خيتو اميرة
اني ماقريت الحلقة الثامنة
الا ويا التاسعة عشاااان تصير طويله شوي
خخخخخخ
وسااالفة المزرعة الا في القصة
توني سامعة زيها بس بدل المزرعة بيت و
ونفس الشي اطلقوا بت العم من ولد العم وبعد دولا متزوجين
يسلموووو اميرة نبي هالمرة الحلقة طووووويله
طيب؟

يسلمووووووو والله يعطيكي العافيه

لاكن ليش كل قصصكم كلهاااا مشاكل وهواش بين الأهل

غيروو شوي

لاكن حلوووووووووووه القصه كمليهاااااا بسرعه

مع خالص تحياتي بوفيصل

خخخخ والله هذي اول تجره لي .. لسا ما احترفنا هالشغله
ان شالله اكون بس عند حسن الظن
ويسلمووو جميعا على التفاعل
وتفضلوا العاشره

الحلقه العاشره

فتحت سجى عينها .. وظلت تتأمل سقف غرفتها .. والتفكير شاغلنها
ــ معقوله .. معقوله الطمع لهادرجه..هذا اللي عشته ويش يسموه.. حب..؟؟ ما اظن.. ليش فرط فيني.. عالأقل كان تدخل بين ابوي وعمي وهدا بينهم السالفه.. افا والله طلعت ياقاسم مو بس منت قد المسؤليه الا ما عندك شخصيه بعد.. منت لي ولا راح تكون لي.." وتسيل دمعاتها
" اسف على قلبي .. مو عليك ياحبي .."
وقطع هالشرود والعتاب طقات على بابها بهداوه
ــ سجى يا يبه.. لسا نايمه والا صحيتي
ــ لا صاحيه .. تفضل يبه
دخل ابوها وجلس على سريرها وطالع فيها وتنهد
ــ اااه .. افا يا بنيتي ويش قلنا البارحه.. ليش عيونش كذا .. توش تصيحي صح
ــ يا يبه غصبن عني مو هاينه علي الأيام اللي قضيتها معاه
ــ انسيه يا غناتي .. وريحي بالش ..وقومي خلاص .. ولا تنسي هاا.. ترى هالسنه خلاص قريب تخلص .. ويللا ابغاش تشدي حيلش بثالث وتبيضي لي الوجه بالنسبه اللي تشرف .. واكسري خشومهم .. وخلش دكتورة وارفعي راسي
ــ راسك دوم مرفوع يا يبه .. ووعد مني لأشد حيلي وارضيك .. وعد والوعد دين


وجت السنه الجديده .. شدت سجى حيلها بالمره .. وتناست قاسم من حياتها.. وكل ما كان يطري كانت تلتهي بكتبها وتضغط على نفسها .. وتحاول تعاند ذكراه .. وتسعى انها تقهره بنجاحها .. وانها نسته وكملت طريقها بدونه ولا كأنه كان موجود بحياتها اصلا .. تعبت واجتهدت.. لين حصلت المنى .. وجابت النسبه اللي شرفت عايلتهم كلها .. محد سبقها فيها .. 99% وبكل جداره


ــ مبرووك يا يبه الف مبروك يا بعد روحي
قالها والدموع تبرق في عينه
ــ الله يبارك فيك يالغالي
ــ يا غناتي ياحلاتش وانتي د. سجى .. والله انش فخر لي الله عوض علي كل عذاباتي بوجودش يا حلا حياتي
ــ الله يطول لي بعمرك يايبه ولا يحرمني منك يا بعد روحي
ــ يللا متى التسجيل ...
ــ هههههه لسا يا يبه بعد فتره.. عموما اني متابعه زين وما بفوت أي تاريخ لا تخاف ..
ــ والله متحمس .. ومستانس وفرحان وطااير من الوناسه... الله ..بنتي احسن وحده في العايله .. الحمد لله رب العالمين على هالنعمه.. صبرتي ياغناتي ونلتي..والله يكتب لش كل خير ..
ــ الحمد لله ..وعسى الفرح دوم مقابلنا.. يارب ياكريم
وجا يوم التسجيل .. دخلت سجى الجامعه .. مجهزه اوراقها ومهي ناسيه ولا أي شي
اول ما دخلت مرت عليها وحده محمقه من الطالبات
ــ قرف يقرف هذي عيشه من متى وانا هنا لا ورقمي 123 لا حووول اقعد لبكره مالت عليهم.. <<< بسم الله خوووش فال..!!

دخلت سجى قاعة التسجيل والزحمه قايمه.. عطوها الرقم اللي يفجع..
ــ يمه.. 145 هههه هذا اللي طلعت ارحم .. ويش ابسوي
وظلت من الصباح للعصر تنتظر...لين جا رقمها .. سجلت اوراقها وكل شي وعطوها موعد حق امتحان القدرات
وجا التاريخ.. جا اليوم الموعود...

دخلت سجى قاعة الإمتحان واستغربت .. اشكال البنات ما كنهم جايين يختبروا
اللي كنها جايه عرس .. وكم وحده لابسه نظاره شمسيه بنص الكلاس .. والعجب قايم.. قالت فبالها :
ــ جو الجامعات غير ... خخ اني متعوده عالمدارس..

ووزعوا الورق .. وابتدا الإمتحان
سجى مو بس حلت الا ابدعت في حلولها....

وانتهى الوقت .. وطلعت سجى ميته من التعب تقول داخله حرب من كثر الأسئله
وهي طالعه سمعت بنات يسولفوا.
. يا الله شهذا تدرون انهم ما راح يقبلون الا 50 وحده من اصل 180 لا و 45 وحده من هالــ 50 بالواسطه .. والــ 5 الباقي هوشه عالكراسي
ــ خخخ احلفي اجل كدينا خير .. اقول ورا ما نشوف قسم ثاني نترزز به مع هالوجيه
ــ ههههههه شكلنا والله فالهم هذولي ما يبشر بخير

سجى اكل قلبها الخوف .. ياعلي الله يستر
وبالفعل.. صار اللي كانت متخوفه منه
وما قبلوها... وانهارت صياح وحاله ,, ابوها ما سكت عالوضع ,, راح لرئيس قسم الطب بالجامعه..
قابله .. وطلب منه يطلع ورقة سجى .. طلعها .. وسأله:
ــ الحين بنتي حلها اوكيه والحمد لله .. ممكن نعرف ليش منقبلت
ــ والله لقينا بنات احق منها بالكرسي .. بنات ما شالله مبدعات
ــ وليش اجابات بنتي موماشي حالها
ــ الا.... بس في تفاوت بينها وبين غيرها ..<<<< حجج واهيه غير مقنعه !!!
ــ طيب والحل ؟؟؟
ــ والله يا خوي ما عندنا أي حل .. العدد اكتمل واكتفينا .. ممكن اذا كانت مصره وتبغى طب .. تسجل طب موازي..
ــ طيب وحكاية هالطب الموازي !!!
ــ هذا دراسه بس بفلوس بس تقدر تقول افضل والوظايف اضمن .و... و....<<< قرقر بربر حكي فاضي .. وتعبي يالمخاابي ..
ــ خير ان شالله..
ــ وعلى فكره .. ترى النسبه الأعلى نحطها بعين الإعتبار
ــ طيب .. بنتي كانت 99 ليش ما قبلتوها
ــ والله ...".سكت شوي مو عارف ويش يقول" .... والله ياخوي مدري ما عندك الا حل من اثنين .. يا طب موازي والا اذا عندك واسطه ممكن.. عميد الجامعه وقتها يقبل بنتك <<<< فيتامين واو .. وما ادرانا ما فيتامين واو ..
ــ على خير
طلع ابو صادق من الجامعه وهو يدعي عليهم وعلى ظلمهم ... كانت جى بالسياره تستناه..ركب ::
ــ ها يبه ويش صار
حكى ليها الموضوع...
صارت تبكي : ــ حسبي الله عليهم .. اني من دخلت قاعه الإمتحان وشفت اشكالهم اكل قلبي الخوف اتاريهم اهلات الواسطه عديمين الحس والضمير
ــ هدي يابنتي ابدبر لش واسطه وان ما لقيت بدخلش موازي
ــ لا يا يبه لا تذل لنفسك عشان هالواسطه الله واسطتنا ولا ابغى موازي .. اذا بيقبلوني يقبلوني بجهدي اني بتعبي مو بتعب غيري ولا ابغى منة احد .. وخلاص يا يبه ابريح هالسنه في البيت وما بقدم شي .. تعبتني هالسنه بالمره وان شالله الجايه على خير اقدم في مكان ثاني
ــ اللي يريحش يايبه سويه بس لا تحرقي نفسش انا مالي غيرش بدنيتي ريحي بالش يالغاليه
ــ خلاص يايبه لا تاكل هم ابريح .. الله على كل ظالم...

وبالفعل جلست سجى هالسنه في البيت .. سنه صارت طويله بالمره بالنسبه ليها
سنه تعذبت فيها بالمره ذكرت سنة التأجيل اللي قضتها مه قاسم .. وكيف كانت ما تحس بالوحده والحين وحده وضياع ... وفراغ عاطفي ..
وبخلال هالسنه وصل لسحى خبر افجع قلبها ...

خبر هز كيانها وجاب ليها القهر

>>>>>>>>> تبغوا تعرفوا ويش صار
.
.
.
.
.
.
.
.
.
.
.
الى الملتقى في الحلقة القااادمه














امززززززح .. هههه خفت منكم والله يمه بسم الله علي



اخذوا هالخبر

قاااسم خطب ريم... يا الهوول
وكيف ؟؟؟ اسمعوا .. اقصد اقروا هالسالفه ...

ــ والله ولدي متعبني حاله مهو حال من بعد ما ترك هالسجى وهو معتفس
ــ يوه يا خوي الله يهديك يبغى له بنيه .. بعد ويش تعود ويبغى له من يونسه
ــ ومين بالله عليش ياخيه .. ها دلينا عطينا رايش
ــ افا.. يوه لويش بنتي ريووم وين راحت
ــ بنتش ريم !!!
ــ يوه ويش فيك مختلع ليش ما تعجب .. مهي تارسه عينك
ــ لا افا .. ولو بنت الغاليه .. بس خلني اسأل قاسم اول واشوف رايه
ــ يوه بعد .. اقنع فيه .. احسن له من هالحال والله .. وريم بنتي ما راح تلاقي احسن منه <<<<<< يالكم من شلة اوغاااااااد خخخخ

قاسم ما فكر حتى .. كان الهم ماكل قلبه اكل.. ولا له خلق ولا شي .. من سأله ابوه قال له سوي اللي تسويه .. واللي يرضيك..
وخطبو ريم لقاسم وطبعا ما يحتاج اكتب ليكم ردة فعل ريم ,,,<<< الحمد لله والشكر خطبة هنود .. البنت هي اللي خطبت الولد ...للللللللللللللللللللوش..خخ

سجى انصدمت.. ماهان عليها الخبر ..×××××××
ــ ويش فيني خلني اعقل احسن لي .. قاسم مهو الي .. ليش ماني قادره انساه.. من جد حبيته ...ليش يجازي حبي بهالمعامله..لا ومين ريم.. طلعتي من تحت لتحت.. افا على ناس حويتهم بطيبتي ....

طبعا قاسم ما بغى يسووا حفله ولا شي .. وريم حبيبة الماما رضت بهالشي ما صدقت على الله يرضى وينسى يرجع لسجى...

واول يوم في الخطوبه دقت ريم على قاسم
ــ الووو هلا فوين انت
قاسم على سريره وفباله يرد" بلللل يالله صباح خير في المقبره يوم سمعت هالصوت.. ويش هذا لا صباح الخير لا تدليع لا شي على طول فقعت راسي بصراخها وتحقيق وين انت"
ــ اااه .. ممم على سريري والله نايم
ــ يووووه قعدتك
ــ لا وقفتيني..<<<<< مسخره خخخ
ــ لا بس ابغى نتغدى سوى اليوم هااا بتجي
ــ " بل بل مهي مصدقه على الله .. اااخ يا سجى .. كنت انا المتصل واحايل فيش تتطلعي وياي ثاني يوم وانتي مستحيه .. فرق ويش هالدفاااشه هذي " >>>> طبعا هالقرقر فباله..
ــ هاا ما رديت نمت
ــ لا بس جا عزرائيل واخذ روحي
ــ ههههههههه ادري من حلاة صوتي >>> خخخ بايخه
ــ " افففف ويش هذي بدل لا تقول اسم الله عليك والله رايقه" >> حديث جانبي
هااا ...ان شالله خير ..
ــ طيب استناااك ,,,,,,,,,<<<<<<< رجججججه ..
طااااااااااااخ
ــ يصقعش ,,, بللللل ويش هالطينه .. ياثقلها ...انا ويش لي .. افف يا قاسموه ابتدى مشوار القرف وياك.. ويش هالقراده.. الله يرحم ايامش يا سجوي
ويطالع اللوحه اللي كانت قدامه ما بقى فيها الا اللمسات النهائيه ...
كان متعلق بأشياء سجى .. ما رمى شي منهم.. كل شي على حطته .. واللوحه كان ناوي يهديها ياها في ذكرى حفلتهم بس اسف مرت بوقت المشاكل...
صار يناظر باللوحه وهو يقول
ــ ليش انا اسوي كذا.. انا خنتها.. بعتها .. تركتها.. والحين اطالعها.. هي الحين حرام علي ...
اخذ اللوحه وراح لفطوم.. وقال ليها
ــ وديها لسجى واتمنى تعذرني وتحللني
فطوم بكت من هالموقف .. وراحت بالخفا وبالسر لسجى ..
و
التقوا
من بعد غيبة سنه ...........
ارتموا
بالأحضان
وصاروا يصيحوا صياح..........

ويوم عطتها اللوحه .. سجى تبسمت ابتسامه بارده وقالت :
.
.
.
والى الملتقى في الحلقة القادمه.. وي تعبت وايد لبكره...

الصــــــــــــــــــــراحة
ريم ماله ذنب يسوي فيها كذا قاسن ولا قاسم بعد له ذنب لانه يحب سجى

تصدقي يوم اشوف

الى الملتقى في الحلقة القااادمه




علطول كنت بانزل السهم على الرد السريع وباااقول واني معصبة
ووشااااهالحلقة احنا نبي اطول منالا قبلها وانت تقصريها
خخخخخخخ
مشكووووورة خيتو
في انتظار الحلقة القادمة
.:بشـــــــــــــــــــــــــــــاير:.

ههههه امورة قولي الينا هي كم جزء تتكون عشان نتجمس وننتضر اكثر ... بس مرره روعه قصتش يالله كمليها كل يوم اتشوقينا..

أمووورة ....


تحمسنا عدل صرنا كبسة بعد ...<<<<ولا صرنا كبسة لرز حسوس معصور عليه ليمون اخضر ياسلام


يلا كملي خيتووو ..

ننتظرها بلهفة

أمـــــــــــــــيررره
شوووقتيا لا تحرقي اعصاااابنا كملي
القصه وااااايد حلووه
يعطيك ربي الف الف عااااااااافيه
فـــــــــروووحه

اميروه وين باقي القصة))))))))))))
بتروحي فيها اذا ماكملتيها اليوم.....!!!

هههه يسلمو عالتواصل الجميل والتشجيع الأحلى
خيتو بشور اطول من كذا اعذريني ما اقدر كذا حدود امكانياتي
وان شالله ما الش الا اللي يرضيش

خيتو زهور ..ممممم كم جزء ... ما اعلم عساها تكون مسلسل مكسيكي .. راح تتابعيها
تتابعيها .. دام انها من اميروه .. صح ...

اموول ههه ياعيني عالرز الحسوسو والليموون القطيفي >>>> لالا حظي قطييفي.. ممنوع
الإحتكار .. ليكم الرز ولينا الليمون ..خخ وخوووش كبسه لعيونش .. بس اعذريني
على هالغيبه كنت تعبانه واليوم الحمد لله احسن شوي .. مشتاقه لش واايد يالبطيخه

خيتي فرووح هلا وغلا منوره سلامة اعصابش من الحرق .. ما يصير خاطرش الا طيب باحاول قد مقدر اكمل ليكم القصه .. بس اصير اوكيه .. ان شالله على خير الليله او الفجريه انزل حلقه جديده

بسم الله الرحمن الرحيم
اسم الله على عمري .. الله يطوله ويحفظني
خيو ياسر... شوي شوي .. وان شالله الباقي قريبا على خير ويسلمو عالمتابعه

ودمتم جميعا بحفظ الرحمن

ننتظر خيتو
الحلقة
عطاج الله العافية خيتوووو

سلامتك خيوووه من التعب

الله يعافيك يارب وتكمليها لنا

لأني بصراحه انصدمت من ردت فعل قاسموه ان شالله يموت هالنحيس

طلع موقدها وواحد مثله مايستاهل دمعه تنزل

ننتظر ان سجى تتوفق وتنقبل بأفضل الكليات وتنخطب لأنسان طيب يستاهلها

بس ياويلك لوسويتي صلح بين قسوم وسجوي تراه نحيس ومايستاهل

موفقه حبيبتي

وماعليك شر

يسلموووووووووووووووووو علي الحلقه الحلوووووووو

بس كمليهااااااااااا بسررررررررعه اوكي

مع خالص تحياتي بوفيصل

تسلمي لي يالغلا شموعه
الشر نا يجيش واالله على شانكم الحين خاشه ..المنتدى
ويسلموو خيي بو فيصل
وما لكم الا طيبة الخاطر
وتفضلوا الحلقه 11
وان شالله ما اقصر وياكم

الحلقه الحادية عشره

: ــ توو الناس .. توه مخلصنها ,, تدري يا فطوم تراه خلص علي قبل.. بس الحين روحي رجعت يوم جابها ...واني نسيت اخوش ومحلل ومبري من زمان هو فطريق واني فطريق..
ــ اااه يا سجى .. ادري والله ادري .. بس ما باليد حيله ..

وفتحت سجى الدرج .. طلعت صندوق كبير مجمعه فيه الرسايل والهدايا وعلى القفل معلقه السلسال..
ــ من اول ما تركني واني ناويه اتخلص منهم .. قلت ابرجعهم له .. بس انتي كنتي ما تقدري تزوريني .. قلت ابرميهم.. بس قلبي ما طاوعني.. الله جابش يافطوم.. اخذيهم .. ورجعيهم له .. وقولي له .. محلل ومبري الذمه والله يبارك له ويهنيه بحياته..

فطوم حز في نفسها هالموقف .. خصوصا انها كانت الواسطه قبل الخطوبه واغلب هالهدايا هي بيدها اللي جابتهم لسجى .. والحين انعكس الحال.. وهي على حالها الأولي .. سابقا مرسول غرام,, والحين مرسول الآم...

ــ طيب يا غناتي ما يصير خاطرش الا طيب.. وسامحيني اني بعد والله اني مقصره وياش بس غصبن علي.. انتي ادرى بالحال.. بس ان شالله باحاول قد ما اقدر كلما احصل فرصه اجي لش .. واصبري يالغاليه ...

ــ ان شالله تسلمي لي يالغلا .. لا تخافي علي .. الا فطوم ما قلتي لي اخبارش .. وين سجلتي ويش تدرسي الحين..
ــ اني ... ويييي .. لا تذكريني بالقرف.. ادرس حاسب ..
ــ قرف .. وليش ..؟؟ صعب..!!
ــ يعني هو مو صعب بالمره.. بس يبغى له شغل وتعب.. من صوب.. ومن صوب ثاني الدكاتره وعععع وما يرحموا..
ــ اها.. الله يعين .. على فكره.. يمكن اسجل السنه الجايه وياش اذا ما حصلت شي
ــ يووه الله وترجع ايامنا الحلوه .. كان زين ياسجوي .. والله اكشنات الحاسب وحلو
ــ هههه ..هاااا.. من شوي قرف .. يوم بسجل فيه .. صار حلو
ــ ايه .. افا.. مو انت الغاليه وانتي الحركتات .. راح تحليه
ــ خخخ بس اسف ما بصير وياش بسنه وحده.. هذا الحين السمستر الثاني.. السنه الجايه انتين طايفتني على خير
ـــ خخخخ ... ههههه ... أي أي .. اقوول .. خلي الطابق مستور...
ــ يوه لويه... ويش صاير
ــ مو السمستر الأولي الله يخلف علي وعلى حظي .. حملت 3 مواد.. باقي بس ماده وابقى لأعادة السنه.. واني بهالسمستر مو شاكه بماده الا بأربع مواد خخخ يعني باقيه باقيه .. وادق صبع بعد.. فوياااكم ...
ـــ ههههههه حسبي الله على شرش يالبطيخه.. هااا وين ايام المدارس وايام الصياح على النص علامه ..والمراكض ورا الأبلات على كل ربع يطير .. هااا ..ويش حل عليش
ــ خخخ... خيرتش تسجلي على خير بالزريبه.. ااااقصد الكليه وتشوفي .. وصدقيني بتشووفي الفرق.. وان شالله تجربي وتتوفقي ...يارب
ــ يارب .. على خير ان شالله
ــ والله يا سجوي القعده وياش ما تنمل .. وواحشتني مووت بس ويش اسوي مضطره امشي.. انتبهي لروحش غناتي .. وبينا اتصال ها.. واني باحاول بين كل فتره وفتره كلما سمحت لي الظروف اني ازورش زين يالغاليه
ــ تسلمي لي فطوم الله لا يحرمنا من بعضنا
ــ يالله ياكريم...

وودعوا بعضهم وداع مو مثل كل مره .. وداع راح يطول اللقا من بعده.. >>> قاسيه يا دنيا .. وما ودوعنا غير الحبايب..

جلست سجى تتأمل اللوحه.. كان راسمنها بالمائي..ودقيقه بالمره.. هذا يدل على انه فنان .. لأن الرسم بالمائي صعب.. ويبغى له خفة يد... من جد مبدع وفنان راسمنها زين وطالعه اللوحه بالمره فظيعه.. جرت دموعها على خدودها وصارت تكلم نفسها:
ــ ايييييه .. والله وقت ياقاسم قعدته وانت ترسمني. اااه كل هالوقت عشان ترسمني عدل... ياليتك عرفت كيف تحافظ علي عدل..

وشوي قامت واخذت اللوحه..
ــ اعذرني ياقاسم.. لوحتك هذي بتجدد لي الذكريات.. واني ابنساك.. اعذرني
وراحت تحرقها .. وتحرق معاها كل الذكريات...

اما قاسم .. يوم وصل له الصندوق انفجع قبل لا يفتحه يوم شاف السلسال معلق بالقفل.. فتحه وبقلبه حسره .. وصار يقلب في الهدايا والمراسيل .. ويتذكر موقف كل وحده فيهم.. والمناسبه..
ــ افا ياسجى.. ترديهم لي.. بالمره نهيتي اللي بينا.. لكن انا ممكن اتنازل عن كل شي وارد لش كل شي .. الا صندوقش الغالي .. هذا بسيارتي راح يظل لين اموت..

..و اعتلت حياته غمامة الهم.. وزود عليه الضيق.. كثر مقارناته بين ريم وسجى.. كانت ريم انسانه تهتم بالسطحيات بعيده كل البعد عن التعمق .. فهمها بطئ.. عمرها ما فهمت قاسم ويش يبغى دون ما يطلب.. كانت تعجبه فطانة سجى وذكائها وسرعة بديهتها .. كانت تعجبه شدة ملاحظتها وكيف تفهمه من نظرة عيونه..
وهو مع ريم اذا ذبل الحزن عيونه.. قالت له.... رووووح نااااااام...!!!

ريم ما كانت تهتم بنفسها كثر سجى.. صحيح ما تاخذ الا من الغالي بس .. على قولة قااسم لفطووم: ورا ما تعلموا سحيله ام الخلاقين كيف تلبس...

كانت تعجبه بساطة ونعومه سجى..
ودوم هالمقارنات في باله.. هلكته.. وقلقت راحته .. .. ومن كثر الهم رجع يدخن .. بعد ما سجى خلته يبطل... من خوفها عليه ,,
لكن الحين سجى راحت.. وراح الخوف والإهتمام... ولا يحق له يعتب .. لأنه هو السبب... فهو اللي قلب حياته بيده لجحيم...

وبيوم.. وصل لسجى مسج....
"لا تحسب ان اللي بقلبي لك شوي...ولاتحسب انك انسان مر ونسيته,,, انت لي جنه ولعيوني الضي..وانت لقلبي مسكنه والراحه وبيته..حلفت لك ..ما انساك ما دامني حي..
وشلون انسى اصدق قلب في عمري حبيته..."
وكان المرسل .. قاسم...
سالت دموع سجى..
ــ حرام عليه اللي يسويه فيني.. ليش يعذبني.. انتهينا يا قاسم.. انا وانت انتهينا..
ردت عليه بهالمسج

" انا ما عدت مثل لول وين مارحت انا اروح
لا تقصر لا تطول صرت لي شوية جروح
تركت حبك للأبد بعد ما كان لي بلد .. واكتشفت ان مالي بك مكان.. لأني ماكنت لك .. اية ...احد... قاسم انساني ... واتمنى تمسحرقمي.. وتمسحني من حياتك اتمنى لك حياة سعيده يا اخوي."
ــ اااه.. ياسجى.. صرت لك اخو..خلاص ضعنا.. والله انا الي استاهل.. انا اللي ضيعتش... اااااه على حب ضيعته بيدي.. صحيح ما استاهلش انا.. الله يسهل لش ياغناتي...
قال هالكلام بعد ما قرى مسج سجى .. قاله وبقلبه الغصه والحسره..
ومسح الرقم...
وبعصرية الإثنين... بين ما كانت سجى تطلع تلفزيون
دق جوال ابوها.. قامت توصله لبوها.. طالعت الا المتصل ماجد
ــ خير اللهم اجعله خير... يبـــه... يا يبـــه.. جوالك يرن.. ماجد
جا ابوها
ــ خير ان شالله عساه خير >>> مو طاري هالماجد حق المشاكل.. خخ مسكين
ــ الو مرحبا .. ياهلا ماجد
ــ ياهلا عمي ..مراحب
ابو صادق فباله ..؟؟؟ عمي ..؟"؟
ــ هلا يا ولدي .. اخبارك وعلومك ويش مسوي
ــ الحمد لله يا عمي .. بس ابغاك بسالفه اذا ما عليك امر
ــ تفضل يا ولدي عزيز وغالي .. خير امرني بس
ــ ما يامر عليك ظالم.. الليله ان شالله اذا ما وراك مشوار بمرك البيت انا واخوي يعقوب..
ــ حياكم الله البيت بيتكم..

يعقوب.. اخو ماجد.. ارمل وله بنت جنان بالثالث متوسط بنت هاديه .. وطفوليه بالمره وصايره انطوائيه من توفت امها..
.. وولد واحد يوسف بالجامعه السنه قبل الأخيره .. ويدرس بالبحرين.. هروبا من عمه ماجد..×× كانوا دوم على خلاف..

ــ خير يابه ويش عنده ماجد..
الأبو شاك بالسالفه..
ــ لا خير ان شالله الليله بيجينا هو واخوه الكبير ما ادري ويش عندهم .. عساه خير ان شالله...
وودع النهار .. وشرف الليل ... وجوا على موعدهم
ــ يا هلا حياكم الله تفضلوا والله زراتنا البركه
ــ الله يحييك يا ابو صادق البركه فيك ,, يا اخوي الله يشرف ويعز مقدارك
ــ الله يسلمك يا بو يوسف .. اخباركم واخبار الأهل
ــ الحمد لله على كل حال .. نحمده ونشكره
ــ الحمد لله .. حياكم الله ..
ــ ااا.. والله يابو صادق خلنا ندش في الموضوع على طول.. وبدون مقدمات.. والله ياطويل العمر جايين طالبين القرب منك . نبغى بنتك المصون لأخوي ماجد... ولا بنلقى احسن من اصلك وفصلك يا اخوي
ــ والله على عيني وراسي .. وماجد عزيز وغالي بس اسأل البنت ونرد ليكم الخبر بعد كم يوم.
ــ ايه اسألها حقها والله .. واحنا اللي تأمروا عليه ..
ــ الله يسلمك يا اخوي .. ان شالله خير والله حتى بنتي ما بتلاقي احسن من ماجد رجال والنعم فيه..
بس اسألها..
ــ ان شالله .. يللا ننتظر منك اتصال ويارب يفرحنا
ــ ان شالله على خير
وجلسوا يسولفوا شوي ... وبعدين طلعوا .. وابو صاادق طيااااااري لسجى
ــ سجى يا غناتي .. والله انا اتمنى افرح فيش قبل لا اموت
ــ بعيد الشر عنك يا يبه.. اسم الله على عمرك.. لويش تقول كذا
ــ ايه والله يبنيتي خاطري اشيل اولادش وافرح بهم..
ــ ان شالله تشيلهم وتفرح بهم .. والله لأخليهم معسكرين 24 ساعه عندك لين يفقعوا راسك بعد ويش تبغى اثر من كذا ...<<< كانت شاكه بهالزياره وعارفه زين ما زين ويش عنده ابوها .... بس ما تقول لي بلا هاللف والدوران .. هااا ويش صــــــــاايــــــــر..!!!
ــ ههههههه..ابصم بالعشره.. الا ابصم باصابيع ارجولي بعد وياهم .. اذا ما كنتي فاهمه السالفه
تلون وجه سجى خجل.. ايه فاهمتنها...
ــ وويش رايش
ــ ما ادري اني الحين موافقه.. منا لبعد كم يوم.. نشوف .. ابفكر .. مدة تسأل عن ماجد.. وان شالله خير
ــ ان شالله .. بس يابنتي فكري عدل,, ماجد اكبر منش بـ 10 سنين.. انتين بعدش توش بنيه ..وهو رجال ناضج...فكري زين
ــ ان شالله يا يبه... ومروا اليومين ..
ــ هلا ابو يوسف
ــ يا هلا ابو صادق .. ها بشرر
ــ البنت موافقه ومبروك عليكم
ــ الله يبارك فيك.. ويسعد ايامك مبروك عليك انت بعد يا اخوي
ــ الله يبارك فيك ويخليك..
ــ يللا اجل انتظرونا هالخميس راح نعقد .. ونحدد متى الحفله
ويجي لأبو يوسف فلصه من ماجد .. وماجد مكشر ويأشر .. لالالا.. <<< يوم طروا الحفله... الرجال ما يفهم في هالسوالف ولا يعرف لهالشكليات.. بالمختصر فيه شوية جفاف و رزة اكثر من اللزوم...
ــ لا يا اخوي تسلموا البنت ما تبغى حفله .. بس جمعه عائليه ويعقد عليهم وخلاص..
ــ ما تبغى حفله.. على كيفها براحتها يا اخوي...
ماجد على جنب تنهد مرتاح .. يوم جت منها....

وجا يوم الخميس .. وجا لبيت ابو صادق . ماجد وابويوسف وجنان .. وكم واحد من اهلهم وجيرانهم ...
وعقد الشيخ عليهم..
ويوم جا ماجد لسجى...
جاها ايده خااليه يصفق <<< وين الباقه يا اخي .. توك تشوفها شوي جامل خليك حركتات... بللل عليك.. بعد رحمت بحالك ما سووت حفله !!
سجى استغربت من هالحركه.. وطنشتها..قالت فبالها الرجال عاقل وما تهمه الشكليات.. بس اللي حز في نفسها طراطيش كلام من بعض الجيران >> ناس فاضيه ما يهما الا القرقر..
ــ يووه طلعي جاي ليها وايده خاليه.. والله عجيب
ــ ايه تذكري خطيبها لولي قاسم.. جاها مو قادر يشيل الباقه من كبرها وحلاوتها.. شكله هذا بخيل .. الله يعينها عليه
كلمات اثرت في نفسية سجى بالمره...
وطبعا.. لاننسى قاسم .. اللي وصل له الخبر مثل الصاعقه.. كانت ريم تترجاه اسبوع يطلع وياها.. ويوم حدد ليها ما حدد الا ليلة الجمعه.. ليلة عقد حبيبته الأولى والأخيره.. كان متعلق بوهم.. يظن انه فيوم ممكن راح يرجع ليها .. بس هالليله طيرتها من بين ايده.. قفل على روحه الباب ..ويوم دقت ريم تحجج ليها انه تعبان.. وقفل الجوال .. وقفل كل ذكرياته .. على سجى .. وصار يقلب شريط حياته معاها والحره والحزن ماكلين قلبه....


والى الملتقى ..

وتبدأ سجوي تقارن بينه وبين قاسموه

بس لاتقولي بتحن له ...

وتتمنى ترجع له ...


يلا شوقتينا

قاطعت القصه يومين...
علشان ارجع اقرأ واااااااجد
المهم الاحداث الأخيره.....حركتات........

ننتظر اليقيه .....
بسرعه ....

لاااااااا

مافي أميره

حراااااااااااااااااام

وربي حرام .. ماصدقت الحظ يضحك لـ سجى

تقومي تخلي خطيبها بخيل

ماليي شغل عدليه ماااااااااااااافيييييييي:closedeyes:

يارب يعافيك خيوووه

ماعليك شر إن شالله

اميررررررره بسرعه ما عاد اتحمل اكثر من كذه
صرت اكره كلمة وإلى الماتقى

يلا لا تطولي عليناااااا
ننتظرك بفارغ الصبر

تحياتي
*.*. كلي جروح.*.*

يالله أميرة لا تتاخري علينا متشوقين نكمل باقي الحداث000

ليش أمـــــــــــيره
كذا حرااااام بعد الي صار لسجوووي
لما جااااات تفرح يكووون زوووجها
بـــــــخيل
بسررررررعه كمليها وخلي الحلقه اطول اشويااااات
يعطيك ربي الف الف الف عاااااااافيه
دمت في رعاية الله
فــــــــروووحه

يسلموو جميعا عالتفاعل الحلووو :bigsmile:
تشكروا يالغوالي والله
بس كذا ... خخ لعانه فيني .. اني ابغا القصه كذا
والله ..الــــــــــــــــــــله يعينكم بس :wink:
وعلى خير الفجريه
ارز الثانيه عشره
تسلمو عالتواصل
والشر ما يجيش خيتو شموعه :embarrest:
دمتم بحفظ الرحمن

يسلمو خيتو اميرة الحلقة حلوة

بسم الله

ما قدرت ماأعلق ..مع أني قلت لش ما باعلق على القصه..

القصة في غاية الروعه .. وأحداثها مشوقه جدا جدا..

لم استطع تركها بعدما قرأت الحلقات الأولى ..

لا تطولي على المتابعين والمتابعات..

بانتظار التتمة..

موفقة لكل خير بحق محمد وآله..

القصة رهيييييييييييييييييييييييييييييييبة مرررررررررة ..
عجبتني كثيييييير ..
تسلمي غناتي على الأبداع ..
وننتظر البقية بفارغ الصبر ..
يعطيكِ الف عافية عزيزتي ..
إيلاف ..

يسلمووو عالتفاعل الجميل
small rose
ايلاف
بشور
منورين والله
يللا تفضلوا الجديد

الحلقه الثانيه عشره

في مجلس ابو صادق.. جلست سجى مع الخطيب ماجد... تنتظر انه يحرك ساكن .. كان السكون مخيم عالمكان.. وماجد ما تكلم ولا كلمه .. سجى اعتبرت الوضع عادي .. قالت الرجال مستحي وخجلان ومو عارف ويش يقول.. وجا على بالها قاسم اللي ماسكت هذيك الليله من المدح فيها والبوح عن كل شي بقلبه..
ــ اوووه خلاص ليش افكر في قاسم هذا.. اني الحين على ذمة رجال ثاني وبعده يطري علي .. لا.. لازم انساه .. لازم امحيه من حياتي..
ــ اااا.. احم.. الا ويش تدرسي الحين..؟؟
سجى استغربت ..خخخ اول ما نطق سأل هالسؤال.. يللا مو عارف ويش يسولف ويش يقول .. زين تكلم..
ــ ولا شي .. للسنه الجايه على خير
ــ اها .. احسن.. بعد لو السنه الجايه تبطلي خير شر .. ويش لش بالدراسه..
استغربت سجى بالمره.. الحين ماجد المثقف العاقل .. يقول كذا.. عجيب .. واللي زود العجب .. انه ابدا ما سألها ليش يعني ما تدرسي الحين؟؟ .. عالأقل ويش ناويه السنه الجايه على طوول..طااخ قفل الموضوع .. احسن ...!!!
مرت ساعه وكل عشر دقايق يطالع السيد ماجد بساعته.. سجى ما ارتاحت لهالوضع .. ولا.. لاحظ ماجد عدم ارتياحها فقطع الهدوء وقال:
ــ والله بكره عندي دوام ولازم افتح المكتب عندي كم قضيه مهمين ما يتحملوا التأجيل فمضطر اني امشي الحين ..
ووقف.. يللا فأمان الله ..
سجى وقفت ومره مذهوله...
ــ ح ي ا ك الله .. تقطعت تقطيع يالله طلعت..!!
ورجعت جلست..
جاها ابوها..
ــ خير ويش فيه .. عجيب ما اخذ ساعه على بعضها وطلع
ــ لا بس عنده شغل ضروري بكره
ــ اف .. والله عجيب .. الليله عقده ......اااااااااا..... يللا الله يوفق له...
ماحب ابو صادق يزود على بنته الضيق...
ــ عادي يا بنيتي الرجال هذا شغله وهو ملزوم يتكفل به اول بأول ..
ــ ايه عادي يا يبه .. ما قلت شي اهم شي شغله..
وفبالها .. عالأقل بس سولف شوي وياي جاملني لو ربع ساعه وبعدين راح عشان شغله...<<<<< يللا دا قدرك ونصيبك.. ونصيبك حيصيبك ... صرنا مصاروه..خخخ

ــ بس طالعه يابنيتي ويش حلاتش الليله .. منوره تقولي للقمر فارق بقعد محلك..
ــ هههه تسلم لي يالغالي .........<<< وبالنفس شكوى: ليته ماجد قال لو ربع هالكلام... بس يالله مصير الأيام يا تعودِه ...يا تعودني على طبعه..

مر اسبوع .. والسيد ماجد لا حس ولا خبر ..
ــ يبه سجوي .. ليش ماجد ما جا من هذيك الليله .. ولا دق عليش ابد.. صارحيني
صار شي ..خلاه يطلع بدري ولا يسأل لليوم وانتين خاشه علي..
ــ لا والله يا يبه علمي علمك.. بس ويش اسوي .. اتصل اني غصب اسأل عني..
ــ مممممم .. لا.. اتصلي اعزميه على غدا والا عشا...وشوفي
ــ ان شالله
ــ بلللل .. صكني بزي " قفل بوجهها" ..!!!
ــ الله لويش .. يمكن عنده شغل...
ــ يمكن يللا ما عليه.. بس لو يحطه صامت .. احسن من هالحركه..
ــ يللا نسى الرجال.. <<< يللا ويللا .. ياكثر ما تتعذروا له ورددوا رددوا يــــاليل ما اطولك !!

وبعد ساعه دق سي السيد..
ــ هلا غلاي...
ــ هههه غلاش ... انا دلع هالمراهقين ما يمشي وياي.. ماجد والسلام عليكم خير دقيتي ويش عندش..
سجى فبالها ..بللللللللللل.. ويش هذا العاده يطلبوا من الخطيبه يالله على كلمه وهذا يصفعني مايبغى .. لاااا.. وويش عندش بعد.. ما اقول الا الله يساعدني عليك..
ــ الووو وينش... اقول دقي على رقم المكتب ...
طااااااخ
ــ الله ياااعلي .. ما اخذ دقيقه .. خاايف عالرصيد.. ويش هذا.. انا لله...
وتدق سجى الرقم بالتلفون ومره مقهوره شوي وتدخل حبات الأرقام داخل
ــ الو .. مرحبا .. مكتب المحامي ماجد .. مين معاي
سجى ارتبكت وفبالها.. بللل ياعلي سكرتير يرد علي عادي ولا اعرف اتصرف وويش اقول عادي .. اما يكلف على عمره دقيقتين بالجوال لالا مو عاادي
ــ ها... ااااا.. السلام عليكم اخوي ..ااا ممكن اكلم ماجد..
ــ وعليكم السلام ياهلا .. نقول له مين
ــ اااا.. الأهل..
ــ ان شالله
ويحول المكالمه لماجد
ــ الو نعم
ــ الله ينعم عليك.. ياهلا
ــ مين معاي ؟؟
ــ مين معاك !! اني سجى
ــ ايييه صح .. نسيت اني قلت لش اتصلي عالمكتب .. <<< الله ياساتر ما مداك خخخ
ــ عادي حصل خير
ــ المهم ويش عندش
ــ لا بس كنت ابسأل عليك و..
ــ بذمتش .. بذمتش... الحين وقت سؤال.. عاد ياسجى انا ابلفت نظرش لشي مهم عندي .. انا الوقت اللي اقضيه بالشغل ما احب احد يتصل علي الا للضروره القصوى والطوارئ
سجى اختلعت منه ... يمه منه ويش فيه هذا الفك المفترس ما عنده اسلوب ..
ــ الووو .. وينش
ــ هلا معاك.. اسفه ازعجتك..؟؟
ــ المهم .. عندش شي غير السؤال؟؟..
ــ اااااا.. اذا ما عليك كلافه ممكن تشرفنا يوم تتغدى عندنا ..<<رحم الله ايامك ياقاسم .. يا معسكر بدون عزومه .. يا اذا كنت مشغوول تصرخ سجى تجي تجي تفضي حالك ومو شغلي ....!!!
ــ طيب اشوف حسب جدول اعمالي.. اذا ما عندي شي مهم ارد لش خبر ... غيره..؟؟
ــ ولاشي سلامتك..
ــ يللا فأمان الله
ــ حياك الله..
نزلت سجى سماعه التلفون ببرود .. ممزوج بغصة قهرر.. ليش هذا كذا.. لوح ما يحس.. ما يفهم...وتصير توعي نفسها :
" اصحي ياسجى.. اذا قاسم كان يدلعش فماجد غير عنه 180 درجه.. اصابع كفوفش مو سوا.. اصحي .. لا تقارني بتتعبي كذا"

ــ ها يبه ويش رد عليش بيجي؟؟
ــ لا للحين ما رد خبر يقول على حسب شغله وظروفه
ــ يللا اعذريه يابنيتي مشاغل الحياه والرزق لزوم الواحد يركض وراه .. وفباله يقول: الله يعينش يابنيتي على هالصخر..
ــ هههه << ضحكه مو من قلب...عادي يايبه مقدره وضعه وظروفه..

وبعد ثلاثة ايام قرر السيد ماجد يشرف .. سجى ما صدقت على الله وتكشخ وتعدل .. وسوت الغدا حركتات مرررره ...
ــ مممممم .. والله تسلم ايدش يابنيتي خووش غدا ..
ــ الله يسلمك يايبه.. فيه العافيه ..
ــ الله يعافيش

ابو صادق متعود على طباخ بنيته .. بس يبغى اللوح اللي قاعد قدامه يتلحلح وينطق له كلمة شكر مدح شي ما شياات.. ولكن لا حياة لمن تنادي .. ما يسمعوا منه الا ضرب الملعقه وملاحق النفس .. يا ويلي منه طووفه..

ــ هاا يا النسيب.. ماقلت لي ويش رايك بطباخ سجوي
ــ والله زين لا باس .. ماشي حاله .. زين تعرف تطبخ عن المخاسير ..ههههههه

>>>؟؟؟؟ !!!! ×××× <<< طلعوا فوق رووس سجى وابوها ..خخخ افلام كرتون ..

ــ الحمد لله رب العالمين <<< انسدت نفس ابو صادق تنرفز من هالحطبه...
ــ عوافي يبه
ــ يعااافييييييش بنيتي وتسلم اييييييييييييييدش ...>>>> يبغى بس يحرك هالصنم..
يوم قام ابو صادق .. راح ياخذ له غفوه بعد الغدا
سجوي قالت مدام ابوي قام.. خلني ادلع هالرجال
ــ تفضل حبيبي من ايدي..
مد يده واخذ الملعقه من ايدها وقال:
ــ هالمره باخذها من ايدش .. قالوا لش ياااهل صغير .. تلقميني .. فيني ايادي .. وبطلي هالكلمات المايعه حبيبي وما ادري ويش .. ابوأحمد انا .. ناديني كذا <<<< ياعلي ... صدق جاااف..ومصفع..
سجى تفشلت وجتها غصه وياكثر الغصات اللي جتها بهاليومين
ــ ان شالله يابواحمد...
وضلت تقلب بالملعقه في الصحن والدموع طاغيه في عينها لاهي راضيه تطلع ولا هي راضيه ترجع .. وحالتها بالمره تكسر الخاطر لين شبع قرقوش زمانه..
ــ الحمد لله
ــ عوافي
ــ يعافيش... يللا ما بطول شوي وابطلع
ــ وين بتروح؟
ــ نعم.. ههه حلوه وين بتروح... لا يا بنت الأجواد.. هالسؤال ما تسأليني وياه هااا
تيييييك كيييييير .. اوكيه.. <<< مااالت عليك تيك كير بعد..×× امحق ويا وجهك..
ــ ان شالله
قامت سجى تلم الصحون وهو راح يغسل .. جلس بالصاله شغل التلفزيون على قناة اخبار وصار يطالع برنامج حواري ساخن ....
جت سجى جلست جنبه.. ربع ساعه... نص ساعه... لا حوول ولا كنها موجوده
دق جواله حاط له حضرته ملاحظة تذكير...
ــ اوه من متى انتي هنا
ــ من زمان من اول ما بدت الشبقه بالبرنامج..
ــ ما انتبهت لش .. عموما باروح عندي شغل .. يللا فامان الله
ــ حياك الله
هو طلع من هنا .. سجى مسكت مخدة الكنب من هنا .. ضمتها واشتغلت صياح..
وطلعت كل الحره اللي فيها .. وشوي هدت.. ومسحت دموعها
ــ يارب ساعدني .. دخيلك .. اتمنى تتحسن احوالي ..يارب ..
وبعد اسبوع .. دق ماجد <<< عاد هذا دقاته اسبوعيه..
ــ هلا ابو احمد <<< والله حاله بدل الدلع كبرت البنيه ..
ــ ياهلا .. شعندش بكره..
ــ ولا شي <<< استانست بيطلع وياها يمكن ..
ــ طيب اجهزي .. بكره من الصبح باطرش السواق يجي ياخذش .. اخوي ابو يوسف عنده مزرعه وبكره بيروح هو مع بنته جنان مع يوسف ولده .. وجنان ما تبغى تقعد لحالها .. روحي وياها .. وانا ها.. ها.. اذا مداني جيت ليكم اوكيه
خابت امال سجى
ــ اوكيه
سكرت السماعه..
ــ والله حلوه مزرعه .. وجنان فرصه اتعرف على هالبنوته شكلها كيوت.. بس هذا ليش كذا دوم ما يعبر ولا يهتم .. لاااا وبيطرش لي السواق.. عجيييييييب...
ويوم ثاني .. بالصباح دق السيد ماجد
ــ هلا سجى.. اقول السواق مشغول ابو يوسف راح وياه يشتروا حوايج.. بيمر عليش يوسفوه مع اخته جنان .. عاد انا لو القى غير هاليوسفوه كان طرشته ..بس يالله اسمه بيروح ..
وما اخذ ماجد ربع ساعه من سكر.. الا يوسف وصل
طلعت سجى.. وركبت السياره ..
ــ السلام عليكم
ــ وعليكم السلام والرحمة والإكرام ياهلا بمرت عمووو << هذي جنان
ــ ياهلا مرت عمي .. حياش الله << يوسف..
يوسف كان شخصيه مرحه وحبوبه بالمره .. ورومنسي .. وشخصيه روعه.. ومعلوم خفة الظل والرومنسيه .. تتنافر ××× مع ثقل الطينه والجفاف .. لذلك كان عمه ماجد مو اوكيه ويااه ... فطول الطريق ويوسف سوالف وضحك ..
و .......
بكره اكمل البااقي .. الى الملتقى ياحلوين......

ماشاء الله اميرة كل يوم نعيش مع هالقصة والله ان عندك سعة خيال مو طبيعية ان اشهد...
الله لا يحرمنا من وجودك عزيزتي..
اشكرك من الصميم...
وتقبلي تحياتي...

يسلمو سجى على الحلقة الحلوة والا يعينها على ثقيل الطينة
يؤ قصدي اميرة المرح

يسلمووو حبيبتي أمووره

يارب تكون صحتك الحين أفضل

تصدقي الصباح دخلت وقرأت الحلقه الجديده من القصه

ومن كثر التأثر والانزعاج من الاحداث وربي ماقدرت استمر عالنت

قمت على طول ورحت نمت من القهر

حرااام أمووور الله يخليك عدلي حظ وحياة سجى بليييييييز

مع اني أشوف الاحداث المستقبليه وياااخووفي من اللي جاي

يعطيك العافيه

صراحه....اتفجرت ضحك.............
ماجد.....مصيبه اتصك على المصايب كلها.....
بس حليها اوكي......

وطولي الأجزاء

بس هاهاهاهاهاهاهاهاها....تضحك
والف الف الف شكر على القصه الحلوه