أهم شيء الأمانة و الإخلاص في الخطبة
ومافيها شيء انك تجمعي راسين في الحلال
أتمنى لك التوفيق أختي
ويارب تزوج كل العزابية
عرض للطباعة
أهم شيء الأمانة و الإخلاص في الخطبة
ومافيها شيء انك تجمعي راسين في الحلال
أتمنى لك التوفيق أختي
ويارب تزوج كل العزابية
فكرة الخطابة فكرة ممتازة
أختي مثلأ كثيراً مايلجأ لها الأقارب للبحث عن الزوجات بعد أن وفقها الله ووجدت لقريب لنا زوجة كانت بمواصفات خيالية :من حيث الدين والاخلاق والسمعة والجمال،
لقد تعبت أختي في البحث عنها والتعرف عليها عن كثب، ولكنها أخيراً وجدتها ، وهما الآن يعيشان في سعادة
،أرى بأن هذا العمل شريف ولكن احذري من ان ترشحي فتاة لاتتناسب مواصفاتها مع مواصفات العريس أو أن تغري العريس بها مهما اعجبتك الفتاة، لأن رأي الزوجان أهم ،
كما أتمنى أن تركزي على معرفة عيوب الزوجان وتخبريهما بها ان دعا الامر الى ذلك حتى يكونا على بينة ،ولئلا تكوني سبباً في تعاستهما
المهنة شاقة وتعتمد على صدق وصراحة جميع الأطراف ، كما انها تحتاج الى صبر وتريث وتحري ولكن ثوابها عظيم،،،،،
موفقة لكل خير
أنا معاكم الخطابه أم سجاد
وشكرا للردود انا انشغلت كثيرا ولم أدخل المنتدى لكي اعرف ردودكم
على العموم الحمد لله اشتغلت بالخطبه بكل نيه صافيه ولا أريد بها أذية الآخرين بل هدفي التوفيق بينهم
ولا أحاول مدح أو ذم أي من الطرفين بل أترك الموضوع راجع للطرفين في السؤال اللهم اذا عرفت ان في بنت مش كويسه لا أحرجها ولا أقول لها العيب اللي سمعته أحاول فقط بقدر الامكان أن أستر عليها مع شخص يناسبها
وبالنسبه للرجل كذلك اذا سمعت كلام على الرجل الذي يسجل للزواج عن طريقنا أنبه أي بنت كلمتها عنه اني سمعت
كلام انتو اتأكدوا أنا لاأظلمه ولاأظلمكم ولا أقطع أرزاق أحد
والحمد له انستروا عن طريقي بنات وصبيان كثيرين ومطلقين ومتزوجين ووووو..............
واللي مسجله عندي وردت في موضوعي أشكركي على الكلام الحلو ونفسي أعرفك عشان أشكرك شخصيا
وان كان ماصار لك نصيب فهذي قسمه ونصيب في النهايه
أن مجرد أسعى وأحاول وفي النهايه الله يعطي الصابرين خير
وانا في هذا الشهر الحمد لله الكثير اللي عقدوا عندي وبرضوا هذا الاسبوع بنات كثيرات راح يعقدوا عن طريقي الحمد لله
أما في مسألة المبلغ اللي آخذه انا من زمان كنت أسعى ماابغي شي من أحد
بس انا مااقدر اواصل بدون ماآخذ مقابل لأن مجهود كبير يآخذ مني
هذي الشغله اتآخذ وقتي كله من أجلس من النوم الي أن أنام والسماعه في يدي
مين اللي راح يتعطف علي ويدفع فواتيري من جوال وتلفون ومشاويري بالميكرو باص
وجهدي ووقتي وأترك بناتي أهمل بيتي وزوجي في سبيل التوفيق بين الناس
كل هذا وماأطلب السعي حقي
اذا تقولون ان الخطبه هذا شي انساني ومالمفروض آخذ شي ولا حتى مقابل طيب الدكتور ينقذ أرواح والممرضه
عمل انساني ليش يآخذون رواتب شهريه المدرسه تعلم أجيال عمل انساني ليش اتآخذ راتب اللي تولد النساء بالمستشفى أعتقد عمل انساني كبير ليش اتآخذ راتب الشيخ يعقد للناس ليش يآخذ راتب وهو عمل انساني
شي غريب انه يقتصر عملي هذا بالانسانيه طيب البنت لمن تجي تبي تتزوج تسجل عندي بارادتها وتوافق على الشروط من عربون وكل شي ولمن يطول موضوعها بالسنه مثلا آخذ باقي حقي بعد فتره طويله من الجهد اللي أبذله عشان تتزوج
طيب في مثال على هذا لمن تجي تبي تعمل حفلة الزواج بكل بساطه تبي مثلا الطقاقه الفلانيه 5000 آلاف بالراحه 3 ساعات بالكثير وهي طالعه
وهي تدفع ماتقول غالي غير الكوشه اللي تجلس عليها مافي كوشه رخيصه أعتقد وهي ليله وحده ومش طول الليل
وهي تدفع مبالغ عليها وهذا مش غالي عند العروس وغيره وغيره وغيره
وأعتقد تعرفون المصاريف الباقيه قيمة الصاله والمصوره والاستوديو وقيمة الفستان والكوافيره ...............................
وكل هذا مو غالي
ليش لمن تجي البنت وتسجل وتعبي بياناتها وانا راح أسعى اليها بكل جهد واخلاص عشان أستر على البنت
وأظل فترات من الزمن وماازعل ولا شي اذا كل واحد جبته ماتبغاه ..........وأستمر معاها ولاأطفش منها
وقت دفع المبلغ بعد العقد لا مبلغش جدا غالي ليش ؟؟؟؟؟؟؟؟؟؟؟؟؟؟؟
انا انسانه بعد مثل الباقي الي حق وماأحد يصلي لله الا ويبغى الغفران
حبيت أوضح لكم شغله اذا هي غايبه عنكم والي رجعه ثانيه
عذرا للاطاله
اقتباس:
المشاركة الأصلية كتبت بواسطة إبتسامه
شكرا أخت ابتسامه وعلى العين والراس اذا تبي اخدمك اذا حابه راسليني عالخاص
حاولت أراسلك بس موراضي يرسل الك
ماادري اذا عادي احط ايميلي لو بعد ممنوع
ارجو الرد
الحمد لله لاأغري أحد بمواصفات واقول اللي اعرفه ولااجبر احد على احد عشان لااصير ملامهاقتباس:
المشاركة الأصلية كتبت بواسطة أم عدنان
يكون القبول من الطرفين على محض ارادتهم لبعض والعيوب اذا دريت عنها اخبر الطرفين باللي اعرفه
وهما يتأكدان اكثر مني اذا يبغون بعض لأني اذا بخدع الناس عشان بمشي موضوع راح تدور عليي الدنيا وعلى بناتي
quote=Abert Sapeel;759444]
وإني أؤيد فكرة الخّطابة ( يا بخت من يوفق رأسين بالحلال)
وخاصة التي تكون مؤمنة متدينة تخاف الله ، وتقوم بهذا العمل لوجه الله تعالى .. ولا تمتهن هذه المهنة من أجل الحصول على المال فقط ..!!
وأيضا .. لا يجوز لها أن تعطي أوصاف ومعلومات لأهل الشاب أو الفتاة غير صحيحة ،، وبعد الزواج تحصل المشاكل بين الزوجين , قد تؤدي للانفصال والطلاق ، فتكون سبب في هدم بيت وتشريد أسرة
ولكن ..!! الآن في عصرنا الحاضر .. نرى إن مهنة الخّطابة بدأت بالإندثار شيئا ما
فأغلب الأهالي (الأم ، الأخت ، احدى القريبات) هي التي تقوم بالخطبة للشاب الذي يريد أن يتزوج
وقد انتشر الآن أيضا .. الزواج عن طريق تعارف الشاب والفتاة بشكل مباشر عن طريق الجامعات المختلطة وفي مجال العمل ..
نتمنى للأخت أم سجاد الخّطابة التوفيق في مهنتها ،، وأن تجمع بين رأسين بالحلال .. لتنال أفضل الأجر والثواب من عند الله تعالى
مع تحياتي
شكرا
على الرد
أخي بالنسبه اني اريد المال فقط ماتصير لوجه الله
انت غلطان واسمح لي
لأن اي عمل شريف يكون لوجه الله
مثل الدكتور وحتى الملايهوهي تقرأ في محرم وهي اتآخذ أجرين أجر الله ثم أجر تعبها في القرايه
صح ولا اني غلطانه وحتى الشيخ في محرم يقرأ على الامام الحسين وهو يأخذ تعبه وهو لأجل الله بعد
يعني بالعقل انا لمن آخذ ثمن مجهودي وخسارتي في الفواتير والجوال والمشاوير
هذا يعتبر من اجل الحصول على المال فقط وماحطيتوا في بالكم ان الله سبحانه وتعالى راح يجازي اي مؤمنه راح تسعى لستر البنات بالنيه الصالحه والصدق ابدا ماراح تنكتب عشان أخذت مجهودها وانا مااعطي اوصاف كذابه اعطي الشي الموجود في البنت او الولد
غريبه هذي الدني وغريبه ناسها وغريبه أحكامهم
اقتباس:
المشاركة الأصلية كتبت بواسطة abu malik
شكرا لردك اللطيف
الهدف الستر للمؤمنات للحصول أجر الله
الهدف الثاني الأجر المادي هذا مقابل التعب
شكرا اختياقتباس:
المشاركة الأصلية كتبت بواسطة عفاف الهدى
راح اوضح نقطه لمن الولد يتقدم لحاله
او عن طريق اهله او عن طريق خطابه نفس الشي البنت واهلها ماراح تعرفه زين الا بالعشره
ماليها دخل الخطابه بالسلوكيات عليها بسمعته وشرفه
وانا مااجي امدح في البنت اقول عن شرفها وعن عيلتها اذا عرفت عنها كلام حلو بقوله
لكن مااوصف الا الشي اللي اعرفه مااوصف شي مش موجود فيها وثانيا الولد راح يشوف البنت نظره شرعيه زين وين الخداع اما السلوك ماراح تعرفه البنت الا بالعشره وهي ياحبيبتي وظيفتي وآخذ عليه اتعاب وماأخجل وانا اقولها لأني ماأقدر اسعى بدون مقابل لاانتين ولا غيرش راح يتحمل مصاريفي او احد راح يدفع فواتيري كلها وانا على قد حالي وحابه شغلي زين ومااقدر اتركه وشجعوني على المشايخ اللي يشتغلون معاي
وانا مااشتغل لحالي معاي الخطابات والخطابين والمشايخ ومكاتب الزواج اتعامل معاهم يساعدوني واساعدهم حتى فيه شيوخ يزوجوا اولاد وياخذوا اتعابهم بعد العقد
شكرا اختي عبير الشرق وودي اعرفك عشان اشكرك حبيبتي وهل لازلتي معاي ولالااقتباس:
المشاركة الأصلية كتبت بواسطة عبير الشرق
عالعموم انا جبت بنت وسميتها ايلاف وعمرها 4 شهور ولازلت على الخطبه غناتي ومعاناة الخطبه والحمد لله تزوجوا هذا الشهر الكثير
شكرااقتباس:
المشاركة الأصلية كتبت بواسطة حرم السيد
عندي البنت تعرض نفسها للزواج احسن من انها اذا طال عمرها تروح تتعرف على الشباب ويغدروا فيها صح ولالا
غريبه تفكير البشر
الحمد لله انا امرأه ولا اكذب في كلامي ولا اخدعاقتباس:
المشاركة الأصلية كتبت بواسطة حساسه بزياده
بالعكس انا اشوف الخطابه عاديه في بعض الرجال مايلاقو من الا يخطب لهم وخاصة اذا كانو خواتهم ماعندهم صديقات
واهم شي الخطابه تكون وحده صادقه وتخاف ربها وهاشي ماهو عيب بس ماندري ليش بعض الرجال يتخوفوا من الخطابه
والله يستر علينا وعلى الجميع
موفقه اختي ام سجاد
السلام عليكم
الأخت أم سجاد الخطابة كل مهنة شريفة و عفيفة و ما فيها غش و لا احتيال لأبناء البشر مهنة عظيمة و حلال
ما عذا ذالك لا تجوز
و شكرا
شكرا للرد الحلواقتباس:
المشاركة الأصلية كتبت بواسطة عيون العسل
فعلا هذا اللي حاصل بعض الاهالي يتعبون بسبب رغبة الاولاد لأشياء معينه
مايبغون مثل الزواج التقليدي بعض الرجال يبون جمال معين
بعضهم يبون موظفه معينه أو شهاده معينه أو واحد ماعنده ماديه كفايه لزواج واحنا نبحث اليه وحده تعرف ظروفه كامله قبل لايروح ويحرج نفسه تكون البنت خلاص عندها خلفيه تامه لكل شي
والبنت ياخذوا عليها مأخذ عشان سجلت تبي الستر الدنيا صارت تمشي بالعكس
لمن تدور البنت بالشوارع وتتعرف على الرايح والجاي عادي
لمن تبي تتزوج وتروح لأقصر طريق وهي الخاطبه يعتبروها وحده جريئه وقليلة أدب ليش
ماأقول ان الخطابات كلهم كويسين بس مانعم الكل مش أصابع ايدنا سوا صح ولا لا
أتمنى وصلت المعلومه للكل
وطبعا اذا قلنا ان الواحد ينتظر القسمه من الله أحسن شي
ماقلنا شي بس الواحد يسعى الي نفسه ويعيش حياته
كل شي في الدنيا اليه سبب
كل مواضيعي بالخطبه مشت بمشيئة الرحمن
أنا مجرد سبب وأحمد ربي اني سبب للستر
وأحمد ربي عندي مش من زمان تزوجوا على يدي بنات عذارى في شهر واحد أعمارهم 42 سنه
وهم فرحانين واجد ويدعو لي بالخير مش مصدقين أهاليهم انهم تيسروا
وهنالك نماذج كثيره من هذي الاعمار تيسرت بفضل الله ثم نحن الخطابات
وأتمنى فهمتوني
وشكرا
حبيبتي ام سجاد
الحين فهمت عليش وضحت شي كان خافي عني
وكلامش صحيح وعلى عينا وراسنا
والله يجازيش لكل خطوه خطيتيها في التوفيق بين راسين بالحلال ثواب عظيم ان شاء الله
ولا تعصبين لأن افكار الناس مو سوى
ورضى الناس غاية لا تدرك
وكل واحد وتفكيره ومعتقداته
وحبيت اوضح الش حبيبتي ان خاصية الرسائل غير متاحه
والله يكون بعونش