كيف تتصرف في مثل هذا الموقف .....

ابدأ بهذه الكلمة
الشين يخرب على الزين ..
كنت ممن يقف للناس بالطريق ..
ونقول سوي خير وقطه بحر - طبعا من قبل كنت أقف إذا كانت امرأة محتشمة .. وطبعا مو بكل الأوقات .
حاليا لا أقف إلا لي رجالا ووجوهم مألوفة - وجوه خير .
لأن سمعنا عن مشاكل حصلت مع أناس كثيرين .
أذكر بإحدى الليالي وكانت السماء ممطرة وكنت بصحبة أخي وشفنا أحدهم يمشي والمطر يهطل وقفنا له ويوم ركب طلع الرجال سكران ورايح فيها - وصلناه لأقرب نقطة لوجهته المشبوهة ونجينا بجلدنا .

وبالصراحة أنا شخصيا حتى لو كنت متعطل ما أسوي هالحركات ولا حتى أركب تكسي .. الله يخلي الأصحاب والأخوة .
بس أذكر موقف كان يوم 10 محرم كنت راجع من اختبار برفقة اثنين من الزملاء ودق الجير - وتعطلت السيارة بالطريق واحنا لسة طالعين من الجامعة اندور بالاتصالات يمين يسار - مافي احد مداوم - صحيح واحد عرض انه يجينا من البلد - بس ماحبيت نتعبه .
ندور تكسي ولافي وكان وقت ظهيرة بعد مدة مو قصيرة وقف لنا واحد كان هو من الدمام وقفنا عند آخر اشارة بالدمام وقال اهني تشوفو اهل القطيف . مايقصرون - بالفعل تونا نازلين وكنا مسودين - وقفو لنا اثنين جميع الله يجزاهم خير حتى اللي ركبنا معاه رجع مسافة لنا .
‏(‏ لو خليت لخربت )
مو كل اللي يوقفوا بالشارع مو زينين >> ومو كل أصحاب السيارات زينين

آسف .. هدرت واجد

- انت من النوع الذي يقف لمن هم على جوانب الطريق ؟

بعض الأحيان أتمنى اوقف خصوصا اذا كانت مره واحيانا يكونون صغار بس مستحيل اسويها

- تجد الأمر مبالغ فيه ، ولا توافق على ما ذكر في الموضوع ؟

بالعكس سمعنا الي يشيب الراس والموضوع ما في مبالغة ولهالسبب ما نآمن

- الم تسمع بمثل هذه القصص من قبل ؟؟

قصة مرة تطالب بفلوس اول مرة اسمع بس القصص مشابههة نوعا

- كيف تتصرف اذا مررت بمثل هذاالموقف ؟

الله المعين
اكيد بعطيها الي تبغي من فلوس لأني احس بكون ذاك الوقت ميتة من الخوف :embarrest:

يالخوي (( واحد فاضي )) انا عن نفسي احبب مساعدة الناس (( الناس لناس والكل بالله )) ولكن لو يصير ليي موقف كدا مأعطيها ولا شي عساها لو تجمع عليي الدنيا كلها ولو زادتها وياي غير ايصير شي مو طيب (( اشلخ بدنها رفيس وبكوووس )) وادري في ناس مايعجبوا بردي ولكن هذي وجهت نظري

اقتباس:

---

المشاركة الأصلية كتبت بواسطة واحد فاضي

- انت من النوع الذي يقف لمن هم على جوانب الطريق ؟
لو كنت أنا مع واحد من أهلي,,يمكن لا مانوقف حتى وإن كانت حرمه,, التكاسي ماليه البلد,, والشوارع مو فاضيه اكيد يشوفوها,,وصاار اكثر من مره اكون مع اخوي ونشوف حريم واقفين بس مستحيل يفكر يوقف لهم
- تجد الأمر مبالغ فيه ، ولا توافق على ما ذكر في الموضوع ؟ ابداً.. هذا الزمن صار زمن الرعب,,عااادي كل شي يصير
- الم تسمع بمثل هذه القصص مين قبل ؟؟
يمكن سمعت من زمااان يعني مو في منطقتنا,,بس اذكر اني سمعت مثل هالقصه
- كيف تتصرف اذا مررت بمثل هذاالموقف ؟
لو كنت أسوق << لازم أفكر بنفسي اول..
اخد الحرمه من عبايتها وارميها في الشارع << رجال مو بنت,,:amuse:
صج,,لو انا في هالموقف مستحيل أخظع للتهديدات وين قاعدين احنا في فيلم أجنبي,,أكيد بحاول اتفادي اي ضرر وبحاول اني اطلع من المشكله بدون ضرر,,وأكيد مابخضع للتهديدات لان هالاشخاص مايسوون كدا الا للضعف
نفوسهم,,شي بسيط يخوفهم, واكيد مابيصير كل من هذا لاني مستحيل اوقف لاحد,,<< خليتني اصدق اني اسووق :wacko:

---

الله يحمي,, الجميع,, من شر نفوس هالمرضى
والله يوفقك,,خيو,,
دمت بحفظ الرحمن