بسم الله الرحمن الرحيم
والصلاة والسلام على اشرف المخلوقات اجمعين محمد وال بيته الطيبين الطاهرين
قوووووووووووة خيتو شخبارش ويش مسويه
الله يقويك ويخليك يااارب .. الحمد الله بخير
والله طحتي ومحدش سما عليك ( على قولة المصرييين )
اي والله طحت ومحد سمى عليي ..
منورة اللقاء
منووووور بيج والله ..
توقعت انش تكونين في اللقاء هالاسبوع واحساسي ما يخيب
ما شاء الله .. عندك الحاسه السادسه يعني :wink:
بس زززين من زمان واحنا ودنا تطيحين هالطيحة :cool:
شسوي بعد .. كلكم عليي .. الشكوى لله ههههههههه
يالله جهزي نفسك الحين لنا
يالله جاهزين للهلكه .. بس الرحمه يمدحونها :noworry:
طبعا انا بصف لج كم سؤال واعذريني اذا كان مكرر لاني ما قرأت اسئلة اخواني وخواتي الاعضاء
هههههههههههههه .. لهدرجه ما فى وقت كل هذا مستعجله على هلاكي .. لكن دام أميررووا موصي ع هلاكي خلاص الله يعيني عليكم ..
قلت خل استغل الوقت في صف الاسئلة احسن :wink:
هههههههههههه .. الله المعين
سمي بالرحمن واخل نبتدي
بسم الله ..
1_ من وين انتي ومن اي منطقة ؟
من البحرين .. من المنطقه الغربيه بس الباقي مشفر .. :toung:
2_ هل انتي مرتبطة او لا ؟ كأني يا زعم ما اعرف بس استهبل يمكن تطلعين مثل فروحة ما يبين عليها اخر شي طلعت متزوجة وعندها 3 شناكل بعد 0
هههههههههههه .. لا
3_ ما هي مواصفات شريك العمر الي تتمنين الله يرزقك فيه ؟
بدينا بالاحراجاات .. :embarrest:
اتمنى يكون صاحب شخصيه حلووه ورجال بمعنى الكلمه من الرجوله ومتدين وغيور ع اهله وانسان متفاهم ومتعاون واهم شيء ما يدخن ..
وما اقول الشكل مايهمني لان بصراحه ما اقدر اني ما احكم ع الشخص من مظهره وبالخصوص باول لقاء .. يعني بكون ما اعرف اخلاقه فبحكم على المظهر وبعض الكلام الا ينقال .. ممكن لو اعرف اخلاقه عدل اتغاضى عن الشكل بس دام شخص اول مره اشوفه بحكم من المنظر ..
4_ هل مرت دمعة حزن بتجربة حب ؟
:embarrest:
5_ كيف دمعة حزن مع الكتاب ؟ وشنو اكثر المجالات الي تحبي تقرأي فيها ؟
احب القراءه بشكل .. احب اقرأ الشعر والخواطر .. احب اقرأ القصص والروايات .. احب اقرأ مواضيع دينيه ولقاءات ..
بصراحه اقرأ اي موضوع يجذبني ويكون اسلوب تأليفه حلو ..
6_ ما سر دمعة حزن مع المسجات ؟
هههههههههههههههه ..
ماكو سر بس تقدري تقولي المسجات بالنسبه لي مثل النثر والخواطر
يعني المسجات تحكي عن مشاعر واحاسيس تجتاح الانسان بالخصوص الطويله تعجبني مرره .. << وانا احب اقرأ مسجاات كثيير ..
وسر اختياري لمنتدى المسجات مو غيره << لاني مثل ما قلت سابقاً ما كنت اواصل فى المنتديات حتى لو كنت مشرفه اعتذر واطلع من تبدأ المدارس ..
فلما طلبوا مني الاشراف كنت خايفه اني اطلع من المنتدى مثل الا قبله فاخترت منتدى ما عليه ضغط كثير عشان لو طلعت ما يكون التأثير كبير ..
وكنت حددت ثلاثه منتديات والاداره اختارت لي هالمنتدى << بصراحه قمت اشك انا اخاف شبكة مسوي لنا سحر عشان جذي ما طلعت ومواصله للحين ههههههههه
كتابتي نااااادره ..
اكتب وقت ما تجتاحني مشاعر معينه ..
ووقت يكون ذهني شوي صافي .. واكون جالسه لوحدي ..
بصراحه ما عندي كاتب معين .. احب اقرأ الاشعار والخواطر اللي تعجبني ..
8_ على حسب متابعتي للمنتدى اشوفش تختفين وتردين ترجعين ما هو السبب؟
بسبب الظروف .. اللي تجبرني اني ما اقدر اقعد عالنت واحياناً النفسيه لها دورها ..
9_ من تقلدين ؟ من علماء اقصد .
السيد علي السستاني دام ظله الشريف ..
10_ تدرسين لو تشتغلين ؟ واذا تدرسين ما هي اعلى طموح ناوية توصلين له ؟
ادرس بس هالكورس منسحبه ويا زعم اشتغل .. حالياً خليني احصل بكالوريوس وبعدين اذا شفت لي مزاج اكمل لمرتبه اعلى ليش لا .. زيادة الخير خيرين ..
11_ سؤال اشوي شخصي بس ما ابي تحديد بخلي الامر سر بينس وبين نفسش كم عمرك هل هو تحت العشرين او فوق العشرين ؟
هههههههههههههه .. لو تدخلي الاستراحه بتشوفي عمري ..
عمري الله يسلمج 20 سنه ..
بتقولين صدق البحارنه ما ينعطون ويه :toung:
ههههههههههه .. شدعووه << عادي هالسؤال الا فوق بالبدايه اي يمكن اقول :toung:
بس اللقاء معاش وانا رايقة من الصبح خل اجننك اشوي :wink:
هههههههههه .. الله يعيني بس << دوم يارب رايقه بس مو تهلكيني بالاسئله:toung:
12_ متى تحتقر دمعة حزن الفتاة ومتى تحترمها ؟
احتقرها
اذا شفتها مايعه وفاصخه الحياء ومسويه حالها كأنها مهرج فى السيرك ..<< مو بس احتقرها الا اشمئز من النظر لها
احترمها
لما تكون انسانه محترمه نفسها والغير ..
هلا خيتوو دمووع