بناتنا ولباسهن الفاضح ؟؟؟؟؟

اسمح لي اخوي دمعه من شوي ما كملت لك باقي الهدره ما مداني الصراحه بس ولو ما افوتها والا الا اهدر واطلع كل شي ببالي موضوعك الصراحه يستاهل يتثبت لأنه مررره روعه
وحبيت اعقب على بعض الأشياء..

س / يقولون أقلب القدر على ثمها تطلع البنت لأمها 00 برايك أختي هل تؤثر الأم على أبنتها وأيهم أكثر تاثير على البنت الأم أم الصديقة المقربة لها ؟
الصراحه الثنتين بس بأيامنا الحاليه الصديقه المقربه لها تأثير اكبر
واحيانا تنعكس الآيه وتصير البنت هي اللي لها تأثير على امها بحكم ان البنت لها زمنها ومتطلباتها اني اسوي هالشي مع امي احيانا بس بحدود المعقول وبالشي اللي ما يغضب الله ولا يجيب حكي الناس
طيب لوقيموك بتقييمهم لصديقتك هل راح تقبلي التقيم والا راح تحسين انه موعادل 000 بحكم أن البنت وصديقتها متشابهات بالطباع
اخوي الله يبعدنا عن رفقة السوء واكيد بيأثر علي كلامهم بدون اي شك بس العاقله تخاوي الزينه وتبعد عن الشينه00

س / لنفرض أنت ممن ينبذون اللبس الفاضح 00 وتقدم لك عريس كل المواصفات حلوة فيه لكن أخواته لبسهم مشين وغير أسلامي 00 ماذا سيكون ردك ؟
اذا هو ممتاز ولقطه ومثل ما ابغاه ما علي من خواته اهم شي هو ونفسي اني ولبسي ومال احد شغل فيننا اني اعرف ناس كذا الرجال خواته يلبسوا وماله بهم دام ابوه عايش وراضي بس هو ومرته عال العال راضيه فيه وراضي بها
والله أنااسمع الطثير من دي الأشياء بس احس في بنات ماطيقون أن يعاشرون حد مايقدروا يتأقلمون مع طباع أهله 000
وهو وش ذنبه صراحه حرام يعني يا ياخذ وحده تلبس مثل خواته حتى لو مو عاجبنه بس عشان يرضيهم والله عمرهم لا رضوا المهم هو وهذي حياته وحر فيها الا اذا عاد عاجبنه وضع خواته ويبغى مرته زيهم وهي ترفض هالوضع هذا شيء ااااااخر
س / هل تؤيدين الزواج بهذه الطريقة وماالسبب :
عن طريق النظرة الأولى : لا ياكثر الحلوين بمظهرهم وياشين جوهرهم
بس بعض البنات ينغرون بأنه أعجب فيها وتلاقيه قال دي الكلمة لمليون قبلها 000
والله تطلع اكبر خبله خخخخ ليش ما تعرف المثل اللي يقول
يعطيك من طرف اللسان حلاوة ويروغك مثلما تروغ الثعالب..!!
عن طريق الأنترنت :دايج هالأيام بكثره وكثير ناس صار فيهم وتوفقوا اهم شي يكون بصدق وبدون تلاعب وخش ودس وطلعات وخرابيط من ورا الأهل واهم شي كون حوارهم صريح وبمنهتى الأدب وبعيد عن خدش الحياء وقتها احس انه افضل من اللي يطلعوا ويروحوا ويجوا بلا رقيب وبلا حسيب مع انه له سلبيات كثيره اغلب الأحيان بس ما يخلو من ايجابيات ولو قلت
كلامك عين العقل أختي
والله زين مع ان الأغلبيه من اللي حولي يرفضوا هالشي ويقولوا عن هالموضوع جرأه فيه وقلة حيا ومستحييل ويفشل وان كان بصدق ومدري ايش000
عن طريق الشيوخ : كيف هذا يصير اول مره اسمع به
يعني تسجلين اسمك عند الشيخ أنك تبين تتزوجين ولما يجي واحد يخطب عن طري الشيخ يدله عليك 000
بس أنا أحس بكده ان البنت تعترض على حكمة ربها وثاني شيء ترخص من نفسها
اي والله والله عمرها لا عرست استغفر الله احس كذا زي البضاعه وليش الدنيا بتوقف اذا ما تزوجت؟؟000
عن طريق الخطابة :عاد الخطابه هذي اللي موضه وانتهت ورجعت وفرضت نفسها احسها تزين بالوحده والواحد وتجيب محاسنهم واغلبيتهم بس يبغوا يكسبوا القرش ارفضها هذي بشده
صدقتي الخطابات دجالات تلاقيها تعطيه مواصفات غير مواصفات البنت والعكس صحيح بس عشان الفلوس وبالآخر المساكين هم الضحية وهي ماضرها شيء 000
لا اخوي بعد دايج لك هاليومين تشجيع الشباب على زواج المتعه عن طريق الخطابات على قولتهم الخطابه ام فلان بتوفر لك هالشي وبسرييييييييه تاااااامه :weird: خخخخ عجيب والله
عن طريق الماء المقروء عليه :غريبه هالطريقه بعد اول مره اسمع بها
أختي يعني ياخدون ماي ويقرون عليه قرآن أو شي من هالقبيل وبعدين تاخده البنت وتسبخ بيه وبعد فترة يجيها نصيبها والله أنا سمعت وفي الكثير عرسوا عن طريق ده الشيء
من صجك تتسبح وينفع ماي مقرووووء عليه استغفر الله تدخل به الحمام لا وتتسبح به بعد ماقلت ترشح وجهها تشربه هذا المتعارف عليه بالماء المقروووء مو تكتته بالحمامات لا تقووول تتسبح بغرفة النوم لو بالمطبخ :huh: خخخخ عجيبه والله هذي بعد00
عن طريق المواقع الأنترنتية للزواج : المواقع الإنترنتيه احسها مثل الزواج بالنت اللي طرحته من شوي زي بعد الصفحات اللي بالمجلات
اذا كانت بس ادراج مواصفات وبعدها مراسله وتكون بصدق وامانه احسها عادي بس اهم شي بعد يكون فيه تفاهم بين الطرفين بشكل مؤدب ولائق وبعيد عن الإنتقادات و كل زمن وله طريقته بس مثل قنوات الزواج عرض الأزياء الرجاليه والنسائيه فيه هذا المسخره بعينها
أي بس الواحد يكون حدر فيه شوي بعد
اكييييييد اخوي خذ الحذر لديك بالنت مواقع كثيرة بها خطررر:wink: خخخ
س / ماالشيء المهم في زوج المستقبل بنظرك ؟
يخاف الله اهم شي ومو راعي سواليف بطاله ومثقف ويعرف كيف يتعامل مع المرأه ومو دقه قديمه يفهم متطلبات العصر وتغيراته المتسارعه
طيب لوطلع مثقف ماتخافي يوجع راسك أو يشوف نفسه عليك بثقافته
من جد اتمناه مثقف بس عااد مو سنفووور كثر العبقره جنوون صراحه وبالعكس ما بيعور راسي احسن لي من واحد سطحي ما يعرف شي الا قرأ كتب وبس وثقافته بالحياه محدوده هذا اللي بيفقع مرارتي واصلا ما بيقدر يشوف حاله علي ابتعادل وياه بثقافتي انشالله وان فاقني احاول اثقف نفسي زوود ولو استزيد منه هو واكيد هو بيستانس اذا لقى من يسمع كلامه ويتشوق لثقافته ومعلوماته ابوي الله يخليه لي كذا يستانس اذا تكلم في موضوع ولقاني اصغي له واذا ما فهمت نقطه اطلب منه يعيدها اوووه مره يفرح
س / هل تؤيدين قيادة المرأة للسيارة ؟
لو كنا مثل بقية الدول من اول ما اوتعينا على دنيتنا نشوف الحريم يسوقوا كان عادي بس اللحين وفجأه لا ما أأيد احنا وبدون شي محنا شايخين على البنات والشباب اللي الله يهديهم مش ولا بد مو بعد يخلوا البنات يسوقوا كان المحترمه ما بتسلم والفلتانه بتاخذ راحتها اكثر مع اني اموووت بالسيايير وحركتاتهم واتمنى اسوق وعندي سياره بس هذا رايي
على وش أختي والله لوتسوقين وتشوفين كيف زعاطة بعض الصبيان وتهور بعض البدو بالدمام وشداجتهم بالسواقة كان تبطلي
اييه اخوي اني قلت لك احب هالشي بس مـــــــــــــــا أأيد اننا نسوق اللحين ابدا 00
س / هل أنتي ممن يطالبون بالمساواة بين الرجل والمراة ؟
الصراحه استغرب من المساواه اللي يطالب فيها البعض اني ماني شايفه حق مأكول عندنا حنا البنات دراسه وندرس شغل ونشتغل وشو بعد نطالب به زود اختلاط لا عاد هذا ما ظنه نوع من المساواه وكل جنس له افكاره واشغاله ومتطلبات معيشته والله وضع كل جنس بالمكان المناسب فمال داعي هالكلام وان كانوا مثل خواتنا الكويتيات يطالبوا بدخول المرأه مجال السياسه اقول لهم: خواتي المرأه قلب ضعيف وحساس وما تقدر على هالسواليف الدسمه هي ياهل يصيح ويقطع قلبها مو بتشوف حروب وبتحل نزاع ومدري وشو عشان تخرب الدنيا بعواطفها خخخ اسمحوا لي بس اني مثلكم ودرايه بالبنت وطريقة تفكيرها عاطفيه اكثر من عقلانيه وان كانت بتخوض تجربة السياسه مدري كيف بتصير اقسى واخشن وانوثتها الصراحه بتقل فبلا مساواه بلا بطيخ
أجل شوفي ردي على توتة بحرؤانية بشأن ده السؤا وهو ردي عليك أنتي كمان لأن مقارب لردك --
اخوي كيف يكون ردك علي مقارب لردك لتوته توته قالت نعم نعم تؤيد
واني لا لا لا أأيد
طرفاااااان نقيضان والرد واحد؟؟؟؟
بس ردك لتوته حلوو بالمره وكل عاقل يبصم بيدينه ورجلينه بعد على كلامك من جد حنا بنعمه والحمد لله
س / المرأة دائما ً هي سيدة الموقف فبيدها تستطيع أن تجعل زوجها أن يبقى دائماً بجانبها وأن لاينظر لغيرها وبيدها أن تهدم بيتها وتشرد زوجها ؟ كيف ؟
والله اذا عرفت وش يحب وويش يكره وكيف يفكر ومتى تفتح له مواضيع حساسه ومتى ماهو متضايق تدلعه وتواسيه وتدلله وتهتم بحالها زين مازين عيونه ما بتحيد عنها ولا درجه والله ماتحيد الا لأنه ساعتها هو زايغ عين غير كذا هي بتصير ملاكه واميرة قلبه ولا حد غيرها يملكه واذا صارت حنانة ونانة قراقه و بربر على الفاضي والمليان وتفكيرها سطحي وتهتم بفسافس الأمور وما تتناقش معاه بعمق عاد هذي ما ليها الا ياطولة البال وله اجر وثواب يا يصفقها بنعال خخخخ اقصد يشوف له غيرها تريحه ومعذور لو هدم بيته بسببها
طيب لوكل ده ماطمر فيه ولابين 00 وش تسوين تدبحينه ولا تدحشيه من فوق السطح ---
عاااد والله حيرتني الله لا يبليني بواحد زيه هذا مرره عيونه ما يسدها تراب الدنيا وش اسوي له اسوي له كل ما زاغت عينه على وحده اسوي لها كوبي وعلى روحي اسوي بيست عشان ارضيه يعني والله اذا كنت واثقه من حالي اني ما غلطت عليه ولاقصرت معاه فهذا عيب فيه هو احقره واشوف لمتى هالحال وان طول اتركه كرامة الإنسان اهم شي صراحه وهو انسان ماعنده كرامه لأنه ما قدر شعور غيره
س / ماهو أفضل لباس للمرأة بحكم أننا في عصر التطور ؟
بين اهلها تلبس اللي تلبسه بشرط يغطي عورتها
وبرى الشارع اني ما امانع بالنقاب وبالكتف المحترم مو المبهرج ولا المخصر
حتي لوكان كتافي لونقاب بس مايكون مخصر وكل عورتها طالعة 000 واللي أستغرب له بعض الدبات دبات ويلبسون مخصر وش خلوا للرشيقات المايعات أجل 00 لابارك الله في الثنتين 00
هههههههههههههههههه عجبتني الدبات هذي
هو واني بنت اذا شفت كذا استحي احس غير شكل مو بعد تتبختر قدام صبيان وعلى قولتك لا بارك الله في الثنتين
س / وش بنظركم اللبس اللي تبيه أكثر البنات ورح يتوقفون عليه وأنتي عن نفسك ماذا تفضلين ؟؟؟ الصراحه احس البنات هالأيام يميلوا للحركتات والتبهرج وعلى قولتهم البنت مهما كانت تلبس وكيف ما كانت عبايتها المهم كيف تفكيرها واحترامها لنفسها بس ما ادري احس للمظهر دور بعد وهم حريين وحد يقدر يفرض راييه على احد
بس اني افضل انه نقاب وان مره مره كان مع الكتف الساتر مو غيره بلا فراشه بلا سمكه بلا زرافه وفيل خخخخ
الله يستر مايجي يوم ويرسمو البيبسي على عباياتهم كمان 00
ههههههههههههههههههههه شمعنى البيبسي يعني بس تدري مو بعيده تسويها وحده وتقووووووول موووووووضه ويالله ركضه الكل وراها والله لو ترسم وزغه لو صرصور كبيييييير ابو شنب بعد وتقول بس اخر لوك صدقني بيقلدوها مو بعد بيبسي هههههههههه...
يالله هدرت بما فيه الكفايه خل المجال لغيري
دمت بحفظ الرحمن ومشكوور على الموضوع الكشخه

باااااااااك

اقتباس:

---

المشاركة الأصلية كتبت بواسطة دمعة المقهور

s / المرأة دائما ً هي سيدة الموقف فبيدها تستطيع أن تجعل زوجها أن يبقى دائماً بجانبها وأن لاينظر لغيرها وبيدها أن تهدم بيتها وتشرد زوجها ؟ كيف ؟

تعطيه الي يبيه وتهتم فيه وما تقصر بحقه
وإذا ما فاد فيه شو راح تكون ردة الفعل 000
لووول توجه امرها الى الله

س / ماهو أفضل لباس للمرأة بحكم أننا في عصر التطور ؟
كل وحده تلبس الي يريحها بس تكون محترمة نفسها
والناس طيب منتي عايشة معهم 00 ليه ماقلتي نلبس المألوف بين الناس 0
لانك لو شنو بتسوي ما بترضي الناس بس يلا تحاول تلبس المالوف الي يرضي اغلبيتهم
س / وش بنظركم اللبس اللي تبيه أكثر البنات ورح يتوقفون عليه وأنتي عن نفسك ماذا تفضلين ؟؟؟
انه على حسب المكان ،، يعني في المدرسة اروح بزي الرسمي بلا عبايه ،، لكن في الديرة وطلعاتي العادية البس العباية ،، في الحفلات والاعراس والطلعات اخر الاسبوع بهدومي بس تكون اوكي
أنا اقصد تفضلون يجي يوم وتطلعون بدون عباية أو شنو 000
ليش الحين ما يطلعون بلا عبايات ؟؟ عندكم انتو لا بس احنا عادي

س / وش بنظركم اللبس اللي تبيه أكثر البنات ورح يتوقفون عليه وأنتي عن نفسك ماذا تفضلين ؟؟؟ الصراحه احس البنات هالأيام يميلوا للحركتات والتبهرج وعلى قولتهم البنت مهما كانت تلبس وكيف ما كانت عبايتها المهم كيف تفكيرها واحترامها لنفسها بس ما ادري احس للمظهر دور بعد وهم حريين وحد يقدر يفرض راييه على احد
بس اني افضل انه نقاب وان مره مره كان مع الكتف الساتر مو غيره بلا فراشه بلا سمكه بلا زرافه وفيل خخخخ
الله يستر مايجي يوم ويرسمو البيبسي على عباياتهم كمان 00
ههههههههههههههههههههه شمعنى البيبسي يعني بس تدري مو بعيده تسويها وحده وتقووووووول موووووووضه ويالله ركضه الكل وراها والله لو ترسم وزغه لو صرصور كبيييييير ابو شنب بعد وتقول بس اخر لوك صدقني بيقلدوها مو بعد بيبسي هههههههههه...
لووووووووول
يلا لا تطنزون على عبايتنا
<< وحده من عباياتها عليها وردة كيوووت

---

اقتباس:

---

المشاركة الأصلية كتبت بواسطة yaserali

مثل هذه المواضيع التي يجب طرحها لما تحمله من اهداف سامية..
شكرا اخي دمعة المقهور..
ياسر..

---

مشكور أخوي العزيز 00 ياسر علي مرورك 00 وكل عام وأنت بخير وعساك عالقوة ومرحب بك ودمت بحفظ الله 000 :embarrest:

مشكورة أختي توتة بحرانية 00 أتمنى وصلت المعلومة وأنك فهمتي السبب زين 000
بس اللي يغيظ أكثر أن بعض البنات الفسق مايهمهم وش العواقب ومن راح يتضرر من فعايلهن 000همهن الأكبر أنه كيف يرضين غرورهن ونزواتهن التي سرعان ماتزول وتكشف وتجيب البلاوي المتلتلة على العايلة أجمع 000 ودمتي أختي ومتشكر 1000 على مرورك ومداخلاتك الطيبة وعساك عالقوة 000 :weird:

للاسف يا اخوووى دمعه المقهور ان فى بعض البنات بهالطريقه

يعطيك العافيه

الله يهدى بناتنا من افكار الغريبه والدخيله على مجتماعاتنا الاسلاميه