~ آحلى مافيك براءتك .../ وأجمل مافيني أني بديت ~

روآيۃ رٍآإئـξـة

أبدξـتي في طرٍحڪ

يـξـطيڪ رٍبي آإلف عآإفيـۃ

۾ ـآإننحرٍم جديدڪ

ننتظرٍرٍ بآإقي الـروآإيۃ

تـζـيآإتي

http://www.cafe-hbal.com/vb/images/rmz/4.gif

واوو ابداع خيوهـ مرهـ ..

امم اش سالفه طلق النار ..

نتتظر التكمله بفارغ الصبر غاليتي ..

الحلقة الثالثة :

وليد : يلا مشينا

دخلوا ولقوا .. باب المزرعة مسكر وليد يدق على صاحب المزرعه

مايرد

الا يسمعوا صوت طلق ناري .. داخل المزرعة

وليد : سمعتوا إلي أنا سمعته ولا يتخيل لي

مرتضى : ايه سمعت .. الله يستر ..

سلمان : واالصوت كأنه جاي من داخل المزرعة

وليد : شباب خلينا ندخل نشوف وش صاير ..

أحمد : هييي انت استجنيت .. تلاقي هذولا عصابة ..

مرتضى : اقول انا بروح اشوف وش صاير .. على الاقل نلحق الي داخل

مرتضى : وانا معاك ..

سلمان : هييييه انتو بايعين عمركم ..

وليد : هيي انت لا تصرخ .. وانا داخل والي بجي معاي حياه

مرتضى : وليد مشينا ..

وليد ومرتضى مشوا عن سلمان وأحمد .. وفكرهم كله على الي صاير داخل المزارعة

سلمان : طالع هذولا استجنو .. احمد امشي نلحقهم ..

أحمد : قالوا لك بايع عمري مانا رايح

سلمان : خليك هنا يالجبان .. واذا صار شي دق علي

أحمد : هييي وين تراكني بروحي .. جاي معاك

سلمان واحمد راحوا لوليد ومرتضى

وليد ومرتضى تسلقوا جدار المزرعة

سلمان : هييه انتو وش تسوون

مرتضى : مثل ما انت شايف

أحمد : خلينا نرجع احسن .. بلا جنوون

وليد : انت كيفك انا رايح .. والي فيها فيها

مرتضى : وانتوا براحتكم

سلمان : مجنون اخليكم .. مايندرى وش السالفه .. وانتو مجانين ماتنتركو لحالكم

وليد : يلا بتسلقوا ولا

سلمان : يلا وراكم ..

تسلق سلمان وأحمد ولحقوا وليد ومرتضى

سلمان : عرفتوا وش صار

مرتضى : ااااص .. خلونا نشوف هذولا وش يسون

وقعدوا يسمعوا هذا الحوار

.....: اقوول صديق اعطيني الفلوس الي عندك ..

....: بابا شنوا هذا .. انا فقير مافي فلووس ..

ويطلق طلقات نارية بالهواا ..

.....: صدقني بابا انا مافي فلوس .. اذا مافي صدق

يلوح يشوف

قاموا يدورن بالمزرعة مالقو ا شي فتشوا الهندي ولقوا عنده 50 ريال

... : وتقول ماعندك ..اجل شنو هذا هاا

الهندي خاف وقبل ما يتكلم بلع ريقه

....: بابا هرام هذا فلوس مو مال انا

... : مو مال انت .. مفكر هالكلام بيمشي علي ..

الا بجية فرد ثاني من العصابة

... : يالخووي يلا خل نمشي سامع حس ناس داخلين المزرعة

....: طيب قبل لا نطلع لازم اعطيه درس ماينساه ..

الهندي من سمع كلامه خاف ..

مسكه من رقبته ورماه على الارض ورفسه .

وداس عليه لين انهد حيله وطاح على الأرض ..

((ألا بجية شخص .. ينادي ))

...: رااجي وينك ..راااجيوو ووووسمخ

...: اقوول شباب صاحب المزرعة وصل خل نمشى .. قبل لايشوفنا ويبلغ علينا

طلعوا من المزرعة .. بدون حس .. وكأن شيئا لم يكن

:::::::::::::::::

وفي الطرف الثاني كان سلمان ماسك وليد عن لايقوم للعصابة

ومرتضى ماسكنه احمد

وليد : وانت ليش ماسكني كان خليتني اقوم لهم اولاد الذين مايخافون الله .. مستقوين على خلق الله ..

سلمان : وباالله عليك ومن الي بروح فيها غيرك لو رحت .. ماتشوف عندهم مسدسات ورشاشات بايع عمرك

مرتضى : والله لو ما مسكتوني كان وريتهم شغلهم الـ ....... ( طوط طوط ) ..

أحمد : بدل هدرتكم خل نقوم نشوف الرجال

راحوا للهندي .. يشوفون حالته

وليد : رفيق تسمعني .. ..انا جاي اساعدك ..

((ويضربه على خفيف على خده))

راجيش: بابا انا وايد تعبان .. بابا اناا اناا ..

واغمي عليه قبل لايكمل كلامه

صاحب المزرعة أبو يوسف شاف رااجي طايح ..

ابو يوسف : انتو مين وكيف دخلتو

سلمان : احنا الي كلمناك بخصوص المزرعة .. وكانت هنا عصابة وهاجمت على

المزرعة .. ودخلنا لما سمعنا صوت طلقات نارية

ابو يوسف : حسبي الله عليهم .. الي مايخافون الله .. ماشافو الا هالفقير يتهجموا عليه .. حسبي الله عليهم ... واللحين كيف حالته

وليد : والله يا عمي ما ادري قال كم كلمة . . وفقد وعيه

ابو يوسف : قوم ياولدي نوديه المستشفى .. اخاف فيه شي لا سمح الله

وليد : على امرك عمي .. مايصير خاطرك الا طيب

وفي هالحظة راجي رجع لوعيه

راجي : بابا انا وايد زين بس يبي يرتاح مايبي يروح مستسفى

ابو يوسف : شوف كيف حالتك وتقول ما تبغى تروح اقول اسكت ولا كلمة .. ولا تخاف مابخصم من راتبك شي .. ومو بكيفك غصب تروح المستشفى

مرتضى : والله مساكين الهنود .. عشان هالقرشين يتحملوا قسوة الغربة .. وزود عن هذا يتحملوا الذل والمهانه ..

وليد : أي والله صدقت يالخوي .. انا بس لو ما مسكني سلمانوو والله وريتهم شغلهم

سلمان : اقول قوموا نودي الرجال المستشفى نطمن على صحته ..

أحمد : أي والله بس فالحين يعرضوا عضلاتهم

وليد : نطق الخال اخيراً .. انت اول واحد تسكت ..

مرتضى : وليد خلينا نشيل الرجال .. وتناقروا بعدين

وليد وسلمان اخدوا راجي وركبوه السياره

وركبوا كلهم السيارة

أبو يوسف : ماعلي ادري بكلف عليكم .. ابيكم تاخذوني معاكم اطمن على راجي

أحمد : وش تقول عمي .. تفضل اذا ماوسعتك السياره نحطك بعيونا

وليد .. يوشوش مرتضى : مو شاطر الا باكلام ولا بالفعل مانشوف الا غبرته

سلمان : عمي ابو يوسف .. تفضل اقعد قدام جنبي

ابو يوسف : ماعلي ياولدي.. ما ابي اثقل عليكم

وليد : عمي محد بيجلس قدام غيرك .. واعتبر سيارتي سيارتك

وصلوا المستشفى ودخلوا قسم الأسعاف ../ واخدوا راجي على النقالة ...

راجي : بابا انا اذا في موت ارسل فلوس لماما مال انا ..

ابو يوسف : اسم الله عليك .. مافيك الا كل خير .. وانت تالي بترسل لهم ..

دخل ابو يوسف مع راجي المستشفى وجلسو البقيه ينتظرونه بغرفه الانتظار

وليد : شباب انا اطالع ..

مرتضى : ويين .. راييح ؟؟

وليد : رايح اشم هوى براا ..

طلع وليد .. وشغل الزقارة ونفخ الدخان .. حوالينه وتشكل عى شكل ضباب حوله ..

وباله في إلي شافهم بالمزرعة ..

وليد : معقولة هذا الي شفته رائد ولد عمي .. انا علمي به من زمان . .

اذكر انه مسافر .. متى رجع .. لازم اعرف وش سالفتة ..

:::::

وفي غرفة الأسعاف كان أبو يوسف خايف على راجو

بعد ماشاف اثار الضربات على جسمه .. والضربه الي براسة

والدم .. الي بملابسه

طلع الدكتور من عند راجو ..

أبو يوسف :دكتور طمني على حالته

الدكتور: الحمد الله .. جت سليمة .. شوية رضوض ..

أبو يوسف : الحمد الله ..

الدكتور: ممكن تفهمني على الي حصل باين .. انه تعرض للأعتداء

أبو يوسف : والله يادكتور .. انا ماجيت الا وهاذي حالته

.. والله يجازي الشباب الي جابونا المستشفى .. ان شاء الله مافي شي خطير يادكتور .. طمني ..

الدكتور: مافي شي .. بس لازم تكتبو محظر .. من اجل سلامتكم ومايتكررش الي حصل

أبو يوسف : تنذكر وماتنعاد .. ومافي داعي للمحظر ..

الدكتور : براحتك .. تئدر تاخذ المريض .. واهم شي راحته ..

ابو يوسف : لا توصي حريص

الدكتور: وهاذ وصفة للأدوية بتاعتوه

أبو يوسف : الله يجزاك الف خير يادكتور .. ماقصرت معنا

الدكتور : ماعملت الا واجبي .. ومثل ماوصيتك .. مايتحركش من السرير لمدة اسبوع .. عشان الجراح تتلئم

ابو يوسف : ان شاء الله يادكتور .. طيب هو متى اقدر اخرجه من المستشفى

الدكتور : وئت ماتحب .. تئدر من هالحظه

أبو يوسف : طيب دكتور اقدر اطمن عليه

الدكتور : خد راحتك .. تفضل تمكن عليه

دخل أبو يوسف الغرفة .. ولقى راجواا صاحي وبكامل وعيه

أبو يوسف : كيف حالك راجو .. ان شاء الله اللحين احسن

راجو : ايه بابا انا كويس .. وايد زين

ابو يوسف : الحمد الله ...

الدكتور: ماتخفش .. يا ابو يوسف .. يومين وحالته راح ترجع مثل الأول

واحسن بكتتير

راجو : بابا .. انا متى يلوح المزرعة

الدكتور: ليه كذا بسرعة ذي زهئت منا

راجو : انا مافي يرتاح الا في بيت مال انا

ابو يوسف : مايصير خاطرك الا طيب .. دكتور يصير اطلعه اللحين

الدكتور : طبعاً وئت ماتحب

ابو يوسف : يلا راجو .. خل نمشي تأخرنا على الشاب

راجو: ا ن شا الله بابا ..

الدكتور : موت نسو تمر علينا اذا تحسنت حالته عشان نطمن عليه

ابو يوسف : ان شاء الله يادكتور

طلع أبو يوسف من عند الدكتور لطفي .. وهو دكتور مصري

راجوو :: بابا هذا دكتور وايد زين بس انا مافي معلوم وش يقول

ابو يوسف : ههههه .. يقول انك صرت واجد زين .. بس مافي تحرك من السرير

مدة اسبوع ..

راجوا: بابا انا مافي يقدر ما يقوم .. انا في شغل ..

ابو يوسف :انت في اجازة اسبوع .. ومافي مناقشة في كلام

راجو : بابا بس انا ماما بابا مافي فلوس . كيف يعيش اذا مافي شغل

ابو يوسف : انا بعطيك راتب شغل بس مافي شغل .. في مفهوم راجو

راجو : شكراً بابا .. انت نفر واجد كويس

::::::::::::

راح ابو يوسف لشباب ..

سلمان : هاا عمي بشرنا .. كيف راجو

ابو يوسف : الحمد الله مافيا لا عافيه

سلمان : الحمد الله .. خطاه السوء

مرتضى : سلامات راجو ماتشوف شر ..

سلمان : راجو كيف الصحتك

راجو : الهمد الله .. واجد زين ..

سلمان : الحمد الله..

ابو يوسف : وين أحمد ووليد ..

مرتضى : أحمد با لحمام ( الله يكرمكم ) ووليد طلع برا يشم هوا

سلمان : طيب عمي ابو يوسف .. خلصت اجراءاتك مع الدكتور

ابو يوسف : إلا بقى بس اصرف الادوية من الصدلية

سلمان : عمي ابو يوسف اعطيني الورقة اصرفها لك ..

ابو يوسف : ماودي اتعبكم

سلمان: ولو تعبكم راحة .. خلاص انا رايح اجيب الادوية .. كل احمد رجع من الحمام

مرتضى : على خير .. وخذ وليد معاك راح تلاقيه بره ..

سلمان : اكيد باخذه معي قالوا لك باروح الصدلية مشي

مرتضى : هههه ../ وش فيك سلمانووه الصديلة هنا خطوتين بس

سلمان : آحللف .. زين خبرتني ولا انا خبري قديم .. حسبالي مافي

ابو يوسف : هههههه / وهذا انا معتمد عليك

سلمان : والله مرتضوه فشلتنا .. يا الله رايح اجيب الادوية

طلع سلمان من غرفة الانتظار وصادف احمد راجع من الحمام

أحمد : على وين يالحبيب

سلمان : رايح اصرف الأدوية ..

أحمد : اهاا .. وكيف راجو

سلمان : روح انت وتطمن عليه وعن القرقرة الزايدة .. لا تأخرني أخاف يسكروا للعشاء

احمد: هههه .. رروح قبل فوات الآوان

سلمان راح للصيدلية .. وصرف الأدوية .. وقبل لايرجع

دق على وليد .. مايرد .. خاف عليه

وراح دور عليه بمواقف السيارات الي بالمستشفى

شافه سارح بخيالة .. والزقارة في ايده

سلمان : الحلووو سارح في ميين

وليد : بسم الله .. خلعتني .. الناس تسلم تكح تتنحنح

سلمان : وض اسوي لك كح وكحيت وتنحنح تنحنحت .. وانت في عالم ثاني

أعترف تفكر في مين .. مين هاذي الي شاغله تفكيرك

وليد : والله هالمره شي ثاني شاغل تفكري

سلمان : اووه اعتراف صريح منك ان بجميع صيداتك لك تفكر بالحبيبة

وليد : هيي انت أي حبيبة ناوي تفضحنا قدام الخلق

سلمان : هههههههه

وليد : بسك ضحك .. ماحد فاضحني غيرك ..

سلمان : افا انا فاضحنك طيب .. اوريك

وليد : أعلى مافي خيلك اركبه

سلمان : طيب يا الوليد .. حسابك بعدين

وليد : شنو ها الأدوية الي بأيدك

سلمان :يؤؤ نسيتني اللحين ابو يوسف واحمدوه ومرتضوه ينظرونا

وليد : وكيف حال راجو

سلمان : تعال معاي وراح تعرف احواله

وليد : طيب .. انت نادي عليهم وانا راح اسخن السيارة

سلمان : طيب .. على آمرك ياحلوو

وليد .. يسلم لي الذوق

سلمان : تا اشكيك على حرمي المصون .. ماتسمح احد يقول لي كلام حلو

وليد : اقوووول صدقت حالك .. قوم لا تجيك شووته تطيرك

سلمان : ههههه .. رايح رايح

::::::::::::

دخل سلمان المستشفى ..

وفي طريقة لغرفة الأنتظار .. دق جوالة وكانت المتصلة خطيبته سارة

سلمان : الوو

سارة : هلا سلمان أخبارك ؟

سلمان : الحمد الله بخير .. ماعلي حبيبتي اكلمك بعدين مشغول

سارة : طيب .. انتبه لنفسك حبيبي

سلمان : اوك .. باي

سارة : وش فيه سلمان من من عوايده مايسئل عن احوالي ويسكر التلفون قبل لا اقول له باي .. ان شاء الله خير

دخل سلمان غرفة الأنتظار مالقى أحد .. بالغرفة

سلمان : ياعلي هذولا وين راحوا .. خليني ادق على مرتضى اشوف وين طسوا

ويدق على مرتضى مايرفع .. ويدق مره ثانية مغلق

سلمان : وش سالفته هذا مرتضى .. خل ادق على احمد

ويدق على احمد .. مايرد

سلمان : وش سالفتهم هذولا .. خل ادق عليه مره ثانية ..

ومالقى رد .. ورد اتصل مره ثانية وثالثه ونفس الشي

سلمان : السالفة في أن .. خل ادق على وليد

دق على وليد ..

وليد : هلا وينكم ماجيتو

سلمان : مادري عنهم .. مو لاقيهم باغرفة الأنتظار

وليد : طيب كان دقيت عليهم

سلمان : دقيت على مرتضى اول مره يدق وثاني مره يطلع مغلق

وخالك ادق عليه مايرد ..

وليد : وش سالفتهم ..

سلمان : والله بديت اخاف عليهم .. طيب انت ما عندك رقم ابو يوسف

وليد : الا عندي ..

سلمان : طيب دق عليه .. و جاينك بالطريق

وليد : طيب.. استناك ..

::::::::

وليد دق على أبو يوسف

وليد : هلا والله أبو يوسف وينكم

ابو يوسف : ننتظر سلمان .. يجيب الأدوية من الصديلة

وليد : معقولة ماجاكم .. توه داق علي يقول ماشافكم

طيب أحمد ومرتضى ليه مايردوا على جوالاتهم

أبو يوسف : مرتضى جواله خلص شحنه .. وأحمد ماسمعنا صوت جواله

وليد : طيب سلمان شكله مضيع الغرفة ومو لاقيكم انا انتظركم بره

ابو يوسف : طيب وين نلقاك ... في نفس المكان عند موقف السيارت

أبو يوسف : تعبناك ياولدي معانا

وليد : تعبك راحة ..

سكر وليد من عند ابو يوسف .. وشغل زقارة

سلمان : متى تبطل الدخان

وليد : وقت ما احب ..

سلمان : المهم طمني دقيت على ابو يوسف

وليد : ايه دقيت ..

سلمان : ايه وينهم

وليد : ينتظرونك بغرفة الأنتظار

سلمان : كيف كيف انا رايح لهم مالقيت احد

وليد : سلمانووه شكلك ضيعت الغرفة

سلمان : والله مادري شكلي ضيعت .. تعرف المستشفى كبير ويضيع

وليد : ايه اسكت فشلتنا مع الرجال .. اقول له وينكم يقول ينتظرك

سلمان : طيب ليش ماردوا علي مرتضوه واحمده

وليد : هههه .. سلمك الله مرتضى بيرفعه خلص شحن وتلاقي خالي كالعادة صامت

سلمان : ههههه ../ خووش والله يعني والواحد مايعتمد عليهم ..

ألا بجية مرتضى وأحمد وابو يوسف ومعاهم راجو

مرتضى : منو الي مايعتمد عليهم هااا

سلمان : مين غيرك انتو أحمدوه .. اجل ادق عليكم واحد خلص شحنه وثاني مايرد

أحمد : هههههه.. وانت ليه داق مضيعنا

مرتضى : فشتنا .. جاهل تضيع

سلمان : ما ضعت بس ضيعت الغرفة .. وبعدين كل الغرف متشابه والمستشفى كبير

أبو يوسف : حصل خير شباب ..تلاقي سلمان تعبان .. وهو ماقصر قام بالواجب وزود

سلمان : تعلموا الذوق من ابو يوسف

أحمد ومرتضى .. فقعوها ضحكة

هههههههههههههههههههههههههههههههههههههههههه

سلمان : الحمد الله والشكر

وليد : راجو كيفك اللحين ان شاء الله أحسن

راجو : بابا انا واجد زين ..

وليد : الحمد الله .. يلا اركبو السيارة ترانا تأخرنا على الأهل

ابو يوسف : تعبناك معنا ياولدي

وليد : لا تزعلني منك عمي ابو يوسف .. هذا اقل من واجبنا

ابو يوسف : فيكم الخير والله ... الله يكتب لكم في خطوه سلامه

وليد ابتسم على كلام ابو يوسف

:::::::::

وصل وليد ابو يوسف وراجو المزرعة وكلم ابو يوسف بخصوص المزرعة

وانها عاجبتهم .. واصر ابو يوسف ما يدفعوا ولا ريال

وانها هدية من عنده ... بعد ماوقفو معه

وبعدها رجع كلاً على بيته

وصل وليد بيتهم .. ودخل لقى أخته شهد تحل واجباتها

وليد : مساء الخير

شهد : مساء النور .. كان نمت برى

ووليد : ههه .. ليش قالوا قطوو انام بالشارع .. وين امي ابيها بسالفة

شهد : طلعت العزية شوي وجاية .. وعشاك في الفرن

وليد : طيب انا رايح ارقد في غرفتي واذا جت نادي علي

شهد : ان شاااء الله من عيوني الثنتين

ودق تلفون البيت ..

وليد : شهوده قومي شوفي مين

شهد : ماتشوفني مشغولة بالمذاكره .. انت رد مالي مزاج ارد على احد

وليد : الله الله قالت مشغولة بالمذاكره .. امري لـ الله ارفع واشوف مين

.... : الو .. هلا

وليد : اهلين ..

.... : وين خالتي شريفة

وليد : طلعت ..

شهد : وليدوه من المتصل

"وليد بعد السماعه عن اذنه "

وليد : نور بنت خالتك ..

شهد : اعطيني السماعة اكلمها

وليد : مافي .. من شوي مالك خلق ترفعي التلفون انا بكلمها

شهد : نعم .. نعم .. اقول هاات التفون

وليد : نور وش بغيتي من امي

نور: هاا ولا شي امي تبيها ..

وليد : اهاا

نور: امم شهد وينها

وليد : مشغولة بالمذاكرة

نور : طيب اكلمها وقت ثاني .. مع السلامة

وليد : الله يسلمك

شهد : يانحيس .. ليش ماخليتني اكلمها

وليد : لانك مشغولة وعليك واجبات واجد مو هذا كلامك من شوي

شهد : روح عني ما حبك بليززز لا تكلمني

وليد : هههه .. متأكدة ما تحبيني

شهد فكرت بينها وبين نفسها .. اكيد احبك مو اخوي

شهد : ايه متأكده

وليد : أدري من ورى قلبك ..

شهد : ياواثق ..

وليد : طيب .. شوفي من يوديك المزرعة يوم الخميس

شهد : ولودي حبيبي انت صدقت امزح معاك

وليد : هههههه .. المهم انا رايح ارقد بغرفتي.. مو تنسي الي اتفقنا عليه

وشهد : ما اتفقنا على شي

وليد : مداك تنسين ..

شهد : أي تذكرت .. خلاص تم

وليد : يلا روحي ذاكري .. وها الله ها الله بالمذاكرة

شهد : لاتوصي حريص

صعد وليد لغرفته .. ومسك جواله ..

وبين ها الأرقام رقم .. رقم سلمان .. تردد يدق ولا لاا

وبدون مايحس دق اتصال .. وحب بعدها يفضفض على الي في قلبه ..

وليد : هلا والله سلمان

سلمان :هلا بك .. اخبارك ..

وليد : والله تعبان ..

سلمان : وش فيك وليد .. لاتخوفني عليك

وليد : مدري سلمان ..

سلمان : اطلق العنان لمشاعرك وفضفض لي ..

وليد : سلمان .. انا ..

سلمان : ايه انت شنو

وليد : انا ..

سلمان : وليدوه خلص وقول

وليد : مو عارف وش اقول لك

سلمان : طيب قول وانا راح افهمك

وليد : طيب .. اوعدني هذا الشي بيني وبينك

سلمان : اخلص .. وقول

وليد : سلمان .. انا احب

سلمان : اووه .. اووه .. من متى

وليد : من زمان .. بس كتمه داخل قلبي

سلمان : طيب .. والي تحبها .. عارفه بهذا الشي

وليد : لاا طبعاً

سلمان : وانت وش ناوي اللحين ..

وليد : ولا شي بس ودي افض فض لك ..

سلمان : شوف وليد .. مو تقعد تسوي لي حركات شباب ها ليومين وتكلمها .. حذرتك

وليد : سلمان معقولة تفكر في بها لتفكير.. انا احبها ومستحيل ااذيها

سلمان : هذا العشم فيك

وليد : تعرف سلمان وش مشكلتي معاها

سلمان : شنو ..

وليد : لما اشوفها ودي اجلس واسولف معاها ..

سلمان : انت تعرفها ..

وليد : ياليت.. بس هي حلم ..

سلمان : مالت عليك .. وانا افكر واقع

وليد : هو واقع .. بس بعيد

سلمان : وليد ..

وليد : آمر ..

سلمان : ما يآمر عليك عدو ... مو ناوي تخطب وتفرحنا

وليد : وانت شايف الوضع .. مايسمح ..

سلمان : وليد انا عارف ان كلامك جد ..

وليد : يعني كاشفني

سلمان : من زماان بس حاب انك تعترف ..

وليد : وش تبغاني اقول .. احبها .. وبعدين

سلمان : ولا ئبلين . تخطبها

وليد : كل شي بوقته حلوو

سلمان : على خير ان شاء الله

وليد : طيب القاك بكرى على خير

سلمان : اوك ..

وليد : مع السلامة ياصاحبي

سلمان : مع السلامة

رمى وليد نفى على السرير وفكره توديه وفكره تجيب

وليد : اللحين انا وش اسوي ..

وجلس يتأمل في سقف الغرفة : يارب وفقني في عملي

وسهل آمري مع الانسانه الي حبها قلبي ياالله ياكريم

آآآهـ ياقلبي تحملت كثير ..

ام وليد : سلامتك ياولدي من آآهـ .. وش فيك وليد

وليد : سلامتك يمه ..

ام وليد : شهد قالت لي تبيني في موضوع

وليد : أي يمه .. ابشرك اليوم دقوا علي شركة .....

وراح ابدي دوام عندهم يوم السبت

ام وليد : الله يوفقك يارب واشوفك معرس عن قريب

وليد : يارب

ام وليد : قايمه ابشر ابوك بالخبر ..

وليد : طيب .. يمه .. خلاص المزرعة الخميس الجاي .. تجهزو

ام وليد : على خير ..

:::::::::::::::::

نور جالسة بغرفتها .. ترتب اغراضها

ودخل عليها اخوها علي

علي : نول .. امبى حليبه

نور : ان شاء الله حبيبي .. اللحين اسوي لك

علي : انزين

علي اخذ قلم رصاص واخذ دفتر صغير من على طاولة نور وجلس يخربش فيه

نور: علاوي وش قاعد تسوي

علي : اتب (اكتب)

نور وريني وش كتب

علي : سوفي ( شوفي)

نور: ياااااااااعلي .... علووه .. وش سويت

علي : اهئ اهئ .. ماسويت شي

نور: طيب لا تصيح حبيبي علاوي .. يلا قوم اصب لك حليبه

نزلت نور وعطته حليب عشان يسكت

ورجعت غرفتها .. وتمددت على سريرها ..

وسرحت بفكرها ..

وفي ها الأثناء دق جوالها ..

نور : هلا

...: اهلين

نور: مين معاي

.....: معقولة ماعرفتني

نور: لا والله .. مين

....: عالعموم انتي ماتعرفيني .. بس انا اعرفك

نور خافت وسكرت الجوال

ورجع يدق مره ومرتين وثلاث

نور رفعت بدون ماتنطق ولا كلمة

.....: الو .. انتي نور صح كلامي

نور.: نعم .. وانت ميين

... : انا .. فهد .. نسيتيني



انتظروني بالحلقة القادمة

اتمنى ينال اعجابكم :embarrest:

اقتباس:

---

المشاركة الأصلية كتبت بواسطة دفا الروح

خلصي كملي
لا تحمسين اكثر
كملييييييي
بسرعه

---

اوعدك اني راح اكمل
اما اني اخلص راح احاول اخلصها بأقرب فرصة
واتمنى لك ان تستمتعي بالحلقة الجديده ^^

اقتباس:

---

المشاركة الأصلية كتبت بواسطة мίşş ω๏̯͡๏ώ

روآيۃ رٍآإئـξـة

أبدξـتي في طرٍحڪ

يـξـطيڪ رٍبي آإلف عآإفيـۃ

۾ ـآإننحرٍم جديدڪ

ننتظرٍرٍ بآإقي الـروآإيۃ

تـζـيآإتي

http://www.cafe-hbal.com/vb/images/rmz/4.gif

---

انتي الأروع خيتوو
اتمنى انك تكوني استمتعي بالرواية
وهذا الحلقة الجديده لعيونكم :amuse:
كوني بالقرب من هنا ^^

اقتباس:

---

المشاركة الأصلية كتبت بواسطة *زهرة البنفسج*

واوو ابداع خيوهـ مرهـ ..

امم اش سالفه طلق النار ..

نتتظر التكمله بفارغ الصبر غاليتي ..

---

تلسمي خيتوو ..
سالفة الطلق الناري في هذي الحلقة اقريه راح تعرفي شنو سالفته ..
اتمنى انك تكوني استمتعتي
كوني بالقرب من هنا^^

يابنت
اخلصي
كمليها لا اجي لك

الحلقة الرابعة

نور.: نعم .. وانت ميين

... : انا .. فهد .. نسيتيني

نور وسكرت الجوال .. ودقايق الا هو داق مره ثانية

مانور: ياربي .. وش سالفته هذا .. المشكلة يعرف اسمي .. الله يستر منه

((ويدق باب غرفتها ..))

نور : مين ..

....: انا مرتضى

نور : تفضل ..

مرتضى : وش فيك خيه .. شكلك مضايقه

نور: مافي شي بس شوي تعبانه

مرتضى : متأكده ..

نور: ايه ..

الا جوالها يرجع يدق

مرتضى : جوالك يدق .. مابتشوفي مين

نور: لاا .. مالي خلق اكلم .. احد

مرتضى : نور وش السالفة .. متزاعلة مع صديقتك

نور: لا والله ..

مرتضى : اجل شنو السالفة

نور: هذا واحد داق .. ووو .

مرتضى : وو شنو ..

نور: ويعرف اسمي .. خفت اقول لك وتكلمه وتصدق اني اعرفه

مرتضى : افاا .. انا اصدقه واكذبك .. ماهكذا الظن بك ..

نور سكتت ومانطقت ولا كلمة تفكيرها بالي يتصل ومن هو كيف عرف اسمها وشنو يعرف غير اسمها

مرتضى : وش فيكِ سكتي .. لاتخافي خيه .. انا واثق فيك ..

اشك بنفسي ولا اشك فيك ..

نور : وانت اللحين وش بتسوي

مرتضى : بس يدق .. بتشوفي وش راح اسوي

و دق جوال ..

يا عيني بالدمع جودي .. حبيبي و راح من إيدي ..
حبيبي حسين حبيبي حسين
ترد خالي يا مهر حسين جا وين الولي وينه
نعاين سرجك المقلوب تشب نار الحزن بينه
أطفال ويتامى صغار والحره تبارينه
وبعينك تشوف الظيم بانت كل عناوينه
يا مهر حسين جاوبنه .. نحلفك لا تعذبنه ..
تركته وين حبيبي

مرتضى : اللحين اوريك فيه ..

نور: الله يستر

مرتضى :: آووص

(مرتضى رفع التلفون ولا نطق بكلمه)

... : الووو .. الووو ياحلووه وينك

مرتضى مسك اعصابة ومانطق بكلمة : ......

....: نوراتي وش فيك كل هذا تغلي

مرتضى ارتفع ظغطه ماقدر يمسك اعصابه

مرتضى : خيييييير .. منوا نت .. وش تبغى

....: ومين الأخ

مرتضى : انت الي مين .

...: ابي نور حبيبة قلبي ..وحياتي

مرتضى فووح : شووف هذا مو رقمها وان دقيت .. قسم با الله بتشوف شي مايسرك

....: خووفتي .. طالعني ارتجف .. وبعدين انا ماسويت شي ..

ابي بس .. اكلم بنت اختي

مرتضى : نعم .. أي بنت أخت ..

... : احلف عاااد أمك ماتعرفها انوس

مرتضى : ميين .. انت .. قوول وخلصني.. ماني فاضي لأشكالك

.. : ههههه ..شكله الطبلون قرب يفقع ..هع هع

مرتضى : شووف ماني فاضي بتقول ولا اسكر

...: ههه .. مرتضووه من جدك ماعرفتني

مرتضى .. هدء شوي وفكر مين من خواله ممكن يكون ..

... : أنا خالك أشرف .. افااا .. نسيت صوتي يالحبيب

مرتضى : الله يغربلك اشرفووه هذا انت .. شوي واعصابي تنفجر ..
ونور على قبي بتموت خوف ..

أشرف: هههه .. ماتوقعتها جبانه ..

مرتضى : احلف عاد ماتدري ..

أشرف : ههه .. وينها خل اكلمها

مرتضى : خدي نور .. خالك أشرف يبغى يكلمك

( أشرف شاب طايش .. حنون .. عمره 24 سنة واخر العنقود)

نور: ماني مكلمته .. اجل يلعب علي ويقول لي

.. انا فهد ماعرفتيني

أشرف سمعها ومات عليها من الضحك

هههههههههههههههههههههههههههههههههههه

مرتضى : انا مسغرب ماعرفتي صوته

نور: مغير لهجته كانه واحد بدوي .. خفت اني

مرتضى : ههههه .. على قلبي اختي اللحين اوريك فيه

مرتضى : الو ..اشرفوه وينك ..

أشرف : معاك يالحبيب .. بس مانا قادر اسكت من الضحك

عليك انت واختك .. ههههههه

مرتضى : اقول بسك ضحك .. ترا في ناس زعلانين عليك

أشرف : لاتقول نونو زعلت علي

مرتضى : ايه وماده البوز شبرين

مرتضى : ههههه .. خذ كلمها ..

مرتضى رمى الجوال على نور

نور: هذا الي بتوريه شغله ..

مرتضى : اقوول خذي الجوال وكلمي خالك وعن الدلاعة

نور كلمته وهي منقهره منه ..

نور: نعم وش بغيت

أشرف : اوووف .. وش يرضك اللحين

نور: ماني زعلانه عشان تراضيني

أشرف : اجل ليش تكلميني من طرف خشمك

نور: كيف تبغاني أكلمك .. اجل تلعب با اعصابي وتخوفني وتبغاني اكلمك عادي .. وكأن شي ماصار

أشرف : يابعد عمري نونو .. بس انا شريت شريحة جديده وقلت اول وحده ادق عليها انتي

وما توقعت ماتعرفيني .. ولما ماعرفتيني .. قلت الفرصه ماتتعوض .. هههههه

نور: وش عليك .. مو انت الي طاح قلبك

أشرف : يابعد عمري بنت اختي .. خلاص توبه ما اكررها

نور: وعد ..

أشرف : ايه وعد .. بس مو تزعلي علي انا كل الناس تزعل علي مايهموني ..

بس انتي ما اقدر على زعلك

نور : مو زعلانه

أشرف : أكيد ..

نور : اكيدين ..

أشرف : ريحتي قلبي الله يريحك .. طيب ماقلتي لي .. وش صار على المزرعة ..

نور: بكرا بنروح المزرعة .. ماخبرك خالي احمد

أشرف : إلا ادري .. بس اتأكد ..

نور سكتت مو عارفة وش تقول ..

أشرف : تدري يمكن ما اقدر اجيكم المزرعة

نور: يؤؤ .. ليش ..

أشرف : ما احس وجودي له داعي

نور: له داعي ونص .. خالوو ان مارحت ما راح اروح

أشرف : الا تروحي والا بزعل عليك .. وبعدين انا عندي بحث ولازم اخلصه

وتعرفي لو انا مو بالرياض كان جيت اول واحد ..

نور: طيب .. عذرتك ..

أشرف : وبعدين احد يروح ايام دراسة

نور : وش دراني عنهم هذي فكرة مرتضى و وليد

أشرف : نور .. عادي اسئلك سؤال

نور : انت مو تسآل أنت تآمر آمر

أشرف : ما يآمر عليك عدو .. بس ابي هذا الكلام بيني وبينك

نور : شو سالفه خالو خوفتني

أشرف : لاتخافي كل خير ان شاء الله .. امم .. وش رايك بوليد ود خالتك

نور استغربت من سؤال خالها ..

أشرف : نور ما جوبتيني ..

نور : امم .. اعتبره مثل اخواني

أشرف : طيب لو بيوم تقدم لك توافقين

نور : هاااا .. مادري ..

نور ولعت .. مو عارفه وش تقول ..

أشرف : ههههه ..

نور : ليش تسأل خالو ..

أشرف : بس .. سؤال وجى على بالي

نور : صدق انك نحيس ..

أشرف : اقول لك الصدق

نور: شو ..

أشرف : في مره كنت جالس معاه بغرفته ..

نور : إيه ..

أشرف : هو بعدها طلع .. مو ذاكر ليه طلع المهم ..

فتحت درج مكتبه لقيت .. صورتك

نور منصدمه : صوررررتي ..

أشرف : إيه .. بس لاتخافي لما كنتي بزر

نور : شنو بعد بزر

أشرف : يعني جاهله يالعبيطه

نور : خالو تأثرت وايد بجلستك بالرياض

أشرف : طيب لا تضيعين الموضوع

نور : طيب كمل ..

أشرف : وشفت بعد خواطر حب وعشق ..

نور : إيه ..

أشرف : وبس .. وانا قلت بقول لك ..

نور مو عارفه وش تقول تحس كلام خالها حلم مو حقيقه

معقولة وليد يحبها .. لاا مستحيل .. مو مصدقة ..

أشوف : وين رحتي .. بأفكارك

نور : خالوو .. انت شكلك اختلط عليك الموضوع .. ولا مقلب من مقالبك

أشرف : والله مو مقلب .. وبعدين هذي مشاعر مو لعبه .. وانا قلت لك الي شفته ..

وحطي بالك أحد يدري هذا الموضوع بيني وبينك ..

نور : طيب ..

أشرف : نور .. انا اعتبرك مو بنت اختي وبس .. انتي اختي وصديقتي ..

نور: واني بعد خالو اعتبرك مثل اخواني .. بس للأسف ماعندي اصدقاء

أشرف : هههههههه .. ظريفه ..

نور : ههه .. قلت الطف الجواء

أشرف : هههه .. يلا نونو أخليك اللحين .. عشان اخلص البحث ..

واقدر اجيكم بكرا المزرعة

نور : اوك خالو .. وحاول تجي ماتحلى الجلسة بدونك

أشرف : تسلمي .. يابعد قلب خالك

يلا أشوفك على خير .. باي

نور : باي

::::::::::

جلست نور .. تفكر لدقائق .. وبعدها بشوي .. تمددت على سريرها ..

وفكرها كله مع وليد ولد خالتها .. ولأول مره تفكر بالمواقف الي تصير بينهم

و الي كانت تعتبرها عاديه ..

ورجعت بذاكرتها لأيام طفولتها يوم كان الأهل متجمعين في بيت جدها أبو مهدي

و يوم تطيح صفاء .. بالحمام .. وامها وابوها رحوا المستشفى

واهي ظلت بالبيت .. مع اخوانها ..

مرتضى وجعفر وعبد الله جلسو بره ينتظرون رجعت امهم وابوهم مع صفاء

واهي دقت على بيت خالتها

نور : الوو .. انتين تهاني

تهاني : ايه .. هلا نور.. وصلتي البيت

نور: إيه .. بس ماحد بالبيت بس اني و اخواني طلعوا بره وتركوني بروحي

تهاني : على قلبي بنت خالتي .. شوفي اني باروح الحمام ( الله يكرمكم)

واذا وصلوا دقي علي . . زين غناتي

نور: إنزين

وسكرت السماعة .. وبعد ربع ساعه رجعت دقت

نور : اللوو ..

... : احم احم .. الو نعم

نور : وليد .. وين تهاني

وليد : نامت ..

نور : زين يلا مع السلامه

وليد : وين رايحه تعالي بسألك .. كيف اختك صفاء

نور : مادري .. ولا ابي اعرف .. تركوني لحالي وجلست أني بروحي وهم للحين بالمستشفى ..

وليد : وين راحوا اخواتك مو وياش ..

نور :بره .. واني بروحي داخل ..

وليد : طيب مو تخافي تلاقي شوي وجايين .. واذا جو دقي على البيت وطمنيني عليك

نور : ان شاء الله ..

وليد : يلا مع السلامه .. وانتبهي لنفسك

نور: ان شاء الله ...

(( نور .. تغطت بالحافها .. وقعدت تفكر بصمت ))

نور : ياربي معقولة من زماان وانا توي انتبه .. من متى وكيف ..

.. يا علي .. وش اسوي ..

اني اللحين مابسوي شي .. والي الله كاتبه بصير ..

ويمكن خالي اختلط عليه الوضع .. بس وش جيب صورتي عنده .. معقوله يحبني

وووف .. واني اللحين ليش افكر .. يمكن المقصود بكلامه وحده ثانية .. ياربي .. ساعدني .. احس راسي بينفجر

((ونامت نور .. وهي تفكر .. بوليد .. ))

::::::::::::::::::::::::::::::

ندى جالسة بالصالة تدور جوالها .. تبغى تدق على نور

ندى : سلووم .. ماشفت جوالي

سالم : وش دراني عنه وينه .. شوفي انتي وين حاطته

ندى : طيب دق عليه من جوالك .. ضروري ابي اكلم نور

سالم : طيب دانا بدق .. شوفي وينه لاني مابدق مره ثانيه

ندى : يلا دق ..

أسيرك هذا وجداني .. دليلي ماعشق ثاني ..

مذله للحب بس حبك .. أمير وبفضله خلاني ..

عشق غيرك فلا مغني .. وهواك أنت إلي جننيني ..

مثل ذره الرمل نثرثي ..شذب من قال تنساني ..

سالم : صحيح عميه .. داكو وعلى المكتبه

ندى : ماني عمية .. بس لان ادور عليه بعجله ما انتبهت له

سالم : صحيح متى بتروحي السوق

ندى : مادري عليك ..

سالم : شوفي انا مواعد الشباب العصر اذا تبي بوديك الليل

ندى : طيب .. سلوووم حبيبي ..

سالم : دام فيها سلوم حبيبي تبغي شي قولي وش عندك

ندى : عادي تمر على صديقتي نور ..

سالم : عادي مافيها شي .. وش الجديد بالموضوع كل مره امر عليها وياش

ندى : بس مو في بيتهم

ساالم : وين ..

ندى : امم .. بالمزرعة ......

سالم : طيب من عيوني كم ندوش عندي

ندى : وحده بس ..

سالم : يلا انا طالع .. توصي على شي

ندى : سلامتك

سالم : يلا اشوفك رجعتي .. وعلى ثلاث تكوني جاهزة

ندى : طيب ..

(( ودقت ندى على نور ..))

ندى : صباح الخير

نور : احم .. صباح النور

ندى : نور شكلك نايمة ..

نور : لاا قاعده .. الساعه كم اللحين

ندى : الساعة خمس وخمسه وخمسين دقيقة

نور : زين قعدتيني .. عشان اجهز للمزرعة ماجهزت شي

ندى : غريبة ماجهزتي .. وش عندك

نور ( لو تدري شنو الي شغلني عدرتيني ) : ماشغلني شي بس مليت اجهز

ندى : متأكده ..

نور: ايه متأكده .. وانتي فكرتي ولا بعدك تفكري

ندى : مادري نور محتاره .. وخايفه ..

نور : توكلي على الله .. واذا احد سئلك قولي قولي له قرارك

ندى : طيب ..

نور : ماقلتي اخذتي قرارك ولا بعدك تفكري ..

ندى : إلا قررت ..

نور: وشنو قرارك ..

ندى( بلعت ريققها ) : مو ..وا.فقـة

نور : هههه .. حشا مو كلمة صارت كلمات متقاطعه .. هههه

ندى : بجي لك يوم ..

نور: المهم .. وش زبده اتصالك

ندى : إيه ذكرتيني بالزبدة .. اليوم بمرك االمزرعة .. عشان تروحي وياي السوق

نور: اعذريني ندوش ما راح اقدر اروح وياش

ندى : ليش غناتوو ..

نور: وش بقولوا عني اذا رحت وياش ..

ندى : وش فيها نور.. انتي كل مره تطلعي ويايي وما يقولوا شي اهلك

نور :فهمتيني غلظ .. قصدي بفهموا اني ماا ابي اجلس معاهم

والسوق .. اقدر أي وقت اروح وياك

ندى : خلاص ماني رايحه السوق

نور: يؤؤ .. ليش .. لايكون زعلتي

ندى : مازعلت بس احب اروح وياش

نور : خلاص اجليها ليوم ثاني ..

ندى : طيب ..

نور : السموحة ندوش .. والله كان ودي روح وياك

ندى : معذوره غناتو .. وكلامك عين العقل .. ويلا روحي جهزي للمزرعة ..

نور : اوك ..

ندى : انتبهي لنفسك ..

نور : لا توصي حريص

ندى : يلا مع السلامة

نور : الله يسلمك

جلست نور.. صلت صلاة الصبح .. وجهزت ملابسها و الأغراض الي راح تحتاجها بالمزرعة ..

طلعت من الغرفه .. لقت .. عبد الله واقف على الدرج

عبد الله : صح النوم

نور : صح بدنك .. ااشوف قاعد بدري

عبد الله : والله لو علي كملتها نومه .. بس اخوك موخلي احد في حاله ..

نور :ههههه .. منو لا تقول مرتضى ..

عبد الله : وفي غيره .. مفكر الناس مثله دجاج ..

مرتضى : نعم نعم .. مافي دجاجة غيرك

عبد الله : جبنا سيرة القط قام ينط ..

مرتضى : مافي قطواا غيرك ..

نور: هههههههه ..

مرتضى : المهم .. جهزتوا حالكم

نور : اني عن نفسي جاهزة ..

مرتضى : انزين قومي قعدي امي وابوي .. وانا بقعد خواتك

نور : طيب .. بس مو لساا بدري على الطلعة

مرتضى : على ماتجهزوا اغراضكم كل جت الساعة 7

نور : يلا رايحه اصحي امي وابوي ..

مرتضى : يلا صحيهم .. عشان وليد بجي يمرنا

نور : طيب اللحين اصحيهم عشان لانتاخر عليهم

::::::::::::::::::::::

وفي بيت ابو وليد .. الكل جلس من نومه عدا شهد

وليد : يمه وين شهد ..

ام وليد : نايمة .. قعدتها ولا قامت ..

ناجي : هههه .. خلو شهد علي انا اقعدها ..

وليد : جاك الموت ياتارك الصلاة

ناجي : هههه .. اوريك فيها

ام وليد : ناجي قول لها متأخرين .. واذا ماقعدت بنروح عنها المزرعة

ناجي : من عيوني الثنتين ..

وليد : يلا ورينا عضلاتك ورينا كيف بتقعدها

ناجي : اللحين تشوف كيف .. دقايق وبتكون عندكم..

((ركب ناجي يصحي أخته شهد ))

ناجي دق اول شي الباب ..

ولا لقى رد ..

ناجي : شهد قومممي .. مابتروحي المزرعة

شهد ولا هي حاسه بشي ..

ناجي : شهد .. وصمخ يلا قوومي .. ولا حابة اجلسك بطريقتي

شهد فتحت عين وحده : ناجي روح عني اللحين بقوم

ناجي : واذا ماقمتي

شهد : قلت لك باقوم .. يلا روح عني

ناجي : يلا سريع .. ترا بنمشي عنك

شهد : اوووف .. الواحد مايتهنى في نومه ابد ... ارتحت اللحين داني قمت ..

ناجي : ههه .. يلا قومي غسلي.. وجهك .. احنا نتظرك تحت

شهد : انزين لا تحن على راسي .. نازلة ..

((نزل ناجي .. وجلس مع وامه و وليد بالصالة ))

وليد : ها وش الأخبار .. قعدت

ناجي : افاا عليك .. اكيد قعدت ..

شهد نزلت وكشتها طافره ..

وليد : وش ها الجمال .. وش هالكشة ..

ناجي : هههه .. يمه .. شوفي بنتك مربيه لها قرون

وليد وناجي : ههههههههههههههههههههههه

شهد : امااه شوفيهم ..

ام وليد : خلو اختكم في حالهاا ..

وليد : ههههه .. انا اخليكم باروح احط الاغراض بالسياره واذا خلصتوا انا بالكراج

ناجي : وانا طالع معاك ..

ام وليد : وليد دق على بيت خالتك يمكن ماقعدو

وليد : قعدو دام مرتضى موجود اطمني .. بس وين حرم مرتضى

ام وليد : قاعدة .. تتجهز

وليد : يلا انتظركم انا برى ..

ام وليد : شهد وين اغراضك ..

شهد : بالغرفه .. شوي وبانزلهم

ام وليد : وقولي لأختك تنزل ..

شهد : انزين .. مع اني متاكده انها مخلصه بس قاعده تتعدل

فاطمة : نزلت .. مايحتاج تنادي علي

شهد : بسم الله .. الناس تقول احم تتنحنح

فاطمة : هههه .. المهم جهزتوا .. ترا بيت خالتي جهزوا

ام وليد : جاهزين .. بس بقى اختك ماخلصت

فاطمة : يلا شهد خلصينا مانبي نتاخر على بيت خالتي

شهد : لا تخافي مابنتاخر .. ولسا فيه وقت

فاطمة : اقول .. خلصي بسرعه وعن الهدرة الزايده

ام وليد : دقيتي على خواتك اذا بجو .. ولا لا

فاطمة : لا مادقيت بس زينب دقت قالت .. بجيبها رجالها البيت بتروح معنا

اما تهاني مادري عنها

ام وليد : دقي عليها شوفي بتروح لو لا .. اذا بتروح نمر عليهاا

فاطمة : طيب اللحين اشوف ورد لك خبر

((دقت فاطمه على اخته تهاني ))

فاطمه :: الو هلا

تهاني : اهلين

فاطمه : مابتروحي المزرعة

تهاني : الا باروح .. متى بترحوا انتو..

فاطمه احنا شوي بنمشي

تهاني : يؤؤ ساعه كم

فاطمة : اللحين سبع إلا ربع

تهاني : بدري

فاطمه : على مانوصل .. ويمروا على كم محل جت ثمان

تهاني : زين اجل دقيتي ولا اني في بالي بتروحوا عشر

فاطمة : وين عشر متاخر ..

تهاني : زين اني بجهز حالي اللحين مرو علي .. لان عبد العزيز راح الدوام ومابجي الا المغرب

فاطمة : طيب .. اذا خلصتي دقي علي

تهاني : على خير ..

فاطمه : مع السلامة

تهاني : مع السلامه

ام وليد : كلمتي اختك

فاطمه : أي كلمتها .. قالت نمرعليها لان رجلها بالدوام

ام وليد : تمام

شهد : اماه خلصت .. وين احط اغراضي

ام وليد : اعطيهم اخوك ..

شهد : ووف .. اللحن اطلع في هاشمس

فاطمه : كان تتنشطي شوي

شهد : ووووف ... اماه بلبس عباتي وبطلع ..

ام وليد : اختك زينب بعدهي ماتجي قالت رجلها بوصلها البيت

شهد : دقوا عليها

ام وليد : فاطمة دقي عليها شوفي .. قريب بتوصل

فاطمة : دقيت وعطتني مشغول

شهد : تلاقيها ..قريب توصل .. اني بلبس عباتي وبطلع

ام وليد : يلا فطوم جهزي حالك واني بعد باروح البس عباتي .. عشان مانتاخر على بيت خالتك ..

فاطمة : امم .. اني جاهزة .. بس بقى البس عباتي

ام وليد : يلا البسيها ورحي السيارة

فاطمة : ان شاء الله

:::::::::::::

نور جالسة بالصالة تنتظر .. متى بيت خالتها يوصلوا عشان يمشوا

نور : مرتضى متى بنمشي جت سبع ونص وما جو

مرتضى : لاا تستعجلي شوي وجاين

ام مرتضى : مرتضى خذ القدو حطه بالسياره لا ننساه

جعفر : مايحتاج نوديه .. يمه سوي مقاطعه للقدو ليوم واحد

ام مرتضى : اني ما ارو ح الا بقدوي .. ماتبغوه يعني ماتبغوني و بقعد به في البيت

جعفر : افف ..اللحين اماه تقارني معزتك بالقدو ..

ام مرتضى : لا ما اقدر . . اني اذا ماشربت قدو يدور راسي

عبد الله : خلاص امك وصلت مرحلة الأدمان وين تقطعة

مرتضى : اسمع من يتكلم .. انت بعدك صغير .. اقطعه

عبد الله : والله .. كيفي .. وقت ما بقطعه بقطعه ماحد له شغل فيني

الا بدقة الباب البيت

مرتضى : من ..؟؟

....: انا وليد ..

مرتضى : بنااااات البسوا عبياتكم عشان ولد خالتكم بيدخل

نور : لابسين خليه يدخل

جعفر : تفضل وليد ..

وليد : يا الله .. يا الله .. يا الله .. ياا الله ..

مرتضى : حياك .. الله ..

ام مرتضى : هلا وليد شخبارك ؟

وليد : الحمد الله بخير خاله .. انتي اخبارك ؟

ام مرتضى : الحمد الله بخير

وليد : جهزتوا

ام مرتضى : بقى بس القدو ومرتضى مايبغى يحطه في سيارته

وليد : ههه .. وليش مرتضى معارض

مرتضى : انت تدري ما اطيق ريحة الدخان .. ريحته خايسه

وليد: اقول امشي وحطه غصب عنك .. بالشنطة

مرتضى : يلاا مشينا ..

نور : مرتضى وبيت جدي ابو مهدي مابجو

مرتضى : أي والله نسيت مادقيت على احمد

وليد : لا تخاف دقيت عليهم .. وقال احمد انهم بيلحقونا تعرف

على مايخلصوا يبي لهم ساعات ..

عبد الله : ويش مابتمشوا ..

مرتضى : يلا وليد انت سبقنا واحنا بنطلع وراك

وليد : اوك .. لا تتأخرو عندكم دقيقتين والاقيكم بره

مرتضى : انت تآمر امر

((طلع وليد لأهله بالسيارة ))

ام وليد : ويش خلصوا

وليد : ايه اللحين طالعين

::::::::::

طلع مرتضى .. يسخن سيارتة

وليد : ويش ماخلصتوا

مرتضى : شوي وطالعين ..

جعفر : دحنا طلعنا .. لا تقعدوا تحشوا في خلق الله

وليد : ما حشينا في احد .. خلينا المهمة لك ..

مرتضى : وين الباقي

جعفر : اللحين جايين ..

((وبعدها جى عبد الله ))

مرتضى : يطلعوا بالتقسيط

عبد الله : اللحين طالعين .. على الباب يوم اطلع

طلعت صفاء ومعاها ملاك

مرتضى : يلا بنات دخلوا السيارة .. وين امكم ونور

صفاء : الحين طالعين

نور طلعت وحامله علي عن امها

نور : عبد الله تعال خذ اخوك ..

عبد الله : جيبيه .. وقومي اركبي السيارة

ام مرتضى : شوي شوي عليه

عبد الله : نور خذي اخوك عشان انا وجعفر بنروح كل واحد بسيارته ..

مارح تكفينا سياره وحده ..

نور : زين اني بركب السياره وعطيني وياه

عبد الله : اقول خذيه .. مانا فاضي

نور: زين .. جيبه

نور ركبت السيارة مرتضى

نور : وين مرتضى

صفاء : قاعد مع وليد ..

نور : دقوا له هرن عشان يجي

صفاء : مالي شغل اني مابدق

نور : خدي علاوي اني بدق له هرن

طوووووووط طووووووووووووط طوووووط طووووووووووووووط

صفاء : ياعلي نوره اللحين بيعصب داقه هرنا كثر من مره

نور : مافيها شي.. اجل يصفطنا ويهدر مع ود خالته

ام مرتضى : نور جيبي علي عندي اريح ليكم

نور : خليه اماه نايم اخاف نحركه يقعد

صفاء : لان مو في رجولش

نور : جيبيه ينام في رجولي .. ت

ام مرتضى : لا رجولك ولا رجولها نور جيبيه عندي

نور : زين

الا بجيه مرتضى

مرتضى : اكتملتوا

نور : ايه كاملين

مرتضى : ومن الشاطرة الي داقه هرن السيارة

نور: اني دقيته عشان تجي

مرتضى : ايه .. لا تعديها .. تراه مو لعبه

نور : ان شاء الله ..

:::::::::::::::::::::::::::::::

ومشوا بعدها على طوول للمزرعة

ولقوا راجو ينتظرهم على الباب

وقف وليد السيارة ..

راجو : هلا وليد .. كيف الهال ..

وليد : الحمد الله بخير .. انت كيف حالك ؟

راجوا : الهمد لله .. كويس

وليد : راجوا افتح الباب عشان الحريم .. يدخلوا المزرعة

راجو : اوك .. انا اللحين يلوح يفتح الباب .. واذا يبي انا بعدين .. انا في غرفة

وليد : اوك ..

مرتضى : خبرني كيف الأوضاع

وليد : الحمد الله .. ماشي كل شي تمام

راجوا : بابا فتحت باب مزلعة (مزراعة) .. تفزلوا (تفضلوا )

مرتضى : هلا والله براجو .. كيف الحال

راجو : الهمد الله واجد زين

مرتضى : الحمد الله

::::::::::::::

نور : يمه خل ندخل اني ابي اشوف المزرعة

ام مرتضى : خليك في مكانك لين اخوانك يجو

نور : وووف .. اجل خلونا نوقف مع بيت خالتي

ام مرتضى : وينهم

صفاء : داكم عند سيارة واقفين

ملاك : ووف حر متى بتدخلوا

نور : وش فيك .. شوي وتفقعي علينا

ملاك : مافي شي .. بعد نوم لا نتهنا به .. وتوقفونا في الحر .. والله ذي حاله

ام مرتضى : خل نوقف مع بيت خالتكم نسلم عليهم

نور : يلا .. مشينا

ام مرتضى : هلا والله خيه شخبارك ؟

ام وليد : الحمد الله بخير .. خيه .. انتي شخبارك ؟

ام مرتضى : الحمد الله .. شخبار البنات ..

ام وليد : كلهم بخير

زينب : وش حالش خالة

ام مرتضى : الحمد الله .. وش فيها ولاية تصيح

زينب : توها قاعده من النوم .. شكلها عطشانه

ام مرتضى : على قلبي .. اعطيها ماي

زينب : مادري وين حاطين اغراش الماي

نور : هلا خاله شخبارك ؟

ام وليد : الحمد الله بخير

نور : هلا صبايا

شهد وزينب وتهاني وفاطمه : اهلين فيك

نور : ويش مو ناوين يدخلونا

تهاني : مادري عنهم

الا بجية وليد ومرتضى

وليد : يلا بنات دخلوا المزرعة

انتظروني بالحلقة القادمة :embarrest:

اقتباس:

---

المشاركة الأصلية كتبت بواسطة دفا الروح

يابنت
اخلصي
كمليها لا اجي لك

---

وهاذي الحلقة جديده لخاطر عيونك الحلوة
اتمنى تنال اعجابك ^^