غربة الأوطــــــــــــــــــان...

:embarrest::embarrest::embarrest::embarrest::embar rest::embarrest:اخيرا وصلت



والله كانت نفسي بالسمك بقوه اوفففففففففففف كرهته


عاد ماشبهه هالبدوي الا بهالعدو


وهالشفيق ضروري يكرهه على الشباب ويذكر الموقف


مااقول الا ربي يعين مصطفى الخجول عليه طووووووووول الطريق شكله بيطفره تطفير بيخلي


مصطفى ينزل مشي ولا يصاحبه هذا اذا رجع صحيح بس ساعه وماتاخر عليه


والجح سالفته سالفه واخر شيء ينداس عليه لااحول


واخيرا بيت ابو مجتبى حسوا في المسكينه وبياخذونها تغير جو عندهم جات بوقتها تبعد عن

ودادوه النسره


وسام شكلها مابتمر بسلام


ربي يعطيك العافيه مرمش <سطار من زمان ماقالتها


قصة تجنن تسلم ايدك

اللهم صل وسلم على محمد وآل محمد وعجل فرجهم وفرجنا بهم ياكريم...

ههههههه غربااال ..لوعة شببد.....:wacko: >كانت تاكل وهي تقرا بس الحمد لله خلصت قبل سالفة الضب :huh:
شفيق ساكت ساكت ويوم تكلم طلع بـــ درر بــ تحفة من تحف الزمن....:weird:

توقعت إن ماريا تروووح ويطييير أحمد من الفرح.....>بس طلعت ذكية وتفهم.....

خوفي تعلقه يزيييد وينصدم إنها ماتفكر فيييه


أماني عاقلة عجبتني شخصيتها بقوووة...

وزين إن مراد دخل روحه وياهم ...احسه شوي شوي بيندمج وراح يتغير للأفضل إن شاء الله..

امممم كلما يجي طاري أمير...اجلس افكر...ليش اهله ماودوه مركز خاص ... ولا على الأقل يجلسوه وياهم يحدوا من أزمة العزلة والانطواء اللي عنده...>>والناس وش دخلهم قالوا لك هذيي قصة:noworry:

أمور تدري وأني اقرأ..اتخيل كل بيت واتخيل الشقة بالرياض كيف تفصيلها ....وكل شخص صارت له ملامح بمخيلتي.....

كل هذا من أسلوبك العمييق......
تسلم الأيادي حبوبة ....ع الفكر الراقي ...

بانتظار كل جديد...موفقة لكل خير إن شاء الله تعالى

دمتي بعين المولى الجليل

ما في بارت اليوم ؟

ليـــــــــــــــــــــــــــــــــش
مافـــــــــــــــــــــــــــــــي
بااااااااااااااااااااااااااااااااارت
؟؟؟؟؟؟؟؟؟؟؟؟؟؟؟؟؟؟

لوع شبدي هالشفيق الله يغربل بليسه >>>>>>> أشو ماحب السمك لذيك الدرجة
مسكين مصطفى لو يقدع جنبة شفيق كان يرمية من النافذة << الله يعينه على بلواه

ننتظرك حبيبتي لاتتأخري علينا

تحياتي

يللا يللا

مرحبا
الف شكر حبايبي .. الود ودي افرد لكل وحده فيكم رد منفصل بس الوقت مايسعني
مسامحه .. والا انتون على عيني وراسي من فوق.. الهي لا يحرمني منكم..
ماعليه .. اعذروني امس ماحطيت . النومه شويه معتفسه من رجعنا للدراسه.... وهذاني اليوم رجعت اعتفست و جيت..:amuse:
هههههههههههه واعذروني على مقطع السمك .:embarrest:. زيكم اني اول ما عرفت هالمعلومه انسدت نفسي كم مره عن اكله :nosweat: وبعدين صرت ما ادق خبر .. فاضييه اني لهالكلامات.. :noworry:

بس اوضح لغناتي دمعة على السطور.. اللي يحب ماريا مو احمد اخو نور .. عبدالإله جارهم اخو شهربان .. هو العاشق الولهان.. احمد حمي اختها و اخو صديقتها فقط... :shiny:
ماريا مع عبدالأله عفويه بالمره وتعامله معاملة الأخت لأخوها.. بتشوفي اليوم موقفها وياه.. :rolleyes:

يللا تفضلو الجديد

في الطريق من الرياض الى القطيف .. و شفيق جالس جنب مصطفى..
شفيق عند النافذه ومسند راسه .. ومره ساكت ولا نفس
كلما قلبني الهم سأشكو ياعلي ..
حينما يهزمني الدمع سأبكي ياعلي ..
مصطفى : ــ هلا يبا.... انا في الطريق جاي.. عسى امي صارت احسن...
مصطفى ويبين عليه الأسى : ــ يالله.. خير ان شالله... كم ساعه و نوصل ... باجي على طول .. زين .. حياك الله...
شفيق التفت الى مصطفى وانتبه لملامحه المشدوده والمتوتره.. وبهدوء :
ــ خير ... ويش فيهم الأهل..؟
مصطفى : ــ امي تعبانه..
شفيق سكت..
وملامحه بين عليها هو الآخر الحزن... وبعد كم دقيقه وبهدوء: ــ سلامتها ما تشوف شر ..
مصطفى يطالع في شفيق و مستغرب من تجاوبه البطيء ...

في شقة يوسف والشباب لسا متجمعين .. نوري ماسك كف مراد يلعبو ضغط مين االأقوى... و تصفيق الشباب تشجيع مين بيسدح كف الثاني قبل ..
محسن : ــ بل طالعو عضلات نوري كنهم نفافيخ بيفقعو..
يوسف : ــ هههههه صلينا على محمد وآل محمد
نوري يلتفت لمحسن وهو يشد : ــ والله... ان عورتني ... الليله.. ومانمت منها... باجيك .. وانت نايم.. وباخبق ... عواينك... تفهم...
ايمن : ــ اجل محسن لا تنام الا بنظارات...
هاني صار يضحك : ــ اكو مراد بعد ما شالله مقاوم شكله مو هين....
شويات ...
وانتصر نوري ...
كاظم وهو يصفق متفاعل : ــ كِتْنا خُوووب صُورَت هي .. << ياللرووعه.. رائع جدا..
محسن : ــ هاااااا... ويش يطلع دا..!
حبيب ميت ضحك : ــ سبه هنديه من العيار الفقيل ..
هاني : ــ لا صحيح يعني ويه ؟؟
صادق كان قريب منهم ماسك كتاب ويقرى فيه.. ضحك وبهدوء :
ــ هه.. ولد عمي مادري متى بيتكلم عربي كامل.. يعني ياللروعه..
كاظم بأستياء التفت ناحية صادق : ــ مو شغلك..
حبيب يصفق .. : ــ هيه.. هوو.. هاا.. خزاك الله يا بليس...
السيد يبغى يخليهم يرجعو يلتهو في اللعبه: ــ ما شالله عليك نوري جسم رياضي ...
حبيب وفي باله : ــ اخ لو اصير زيه بس حركات.. ما انفلعت الا بسبته.. خخخخ
مراد : ــ برافوو عليك.. يللا يبغى لي اشد روحي اكثر حق اوصل مستواك..
نوري : ــ تلعب كمال اجسام انت؟
مراد : ــ لا..
نوري : ــ ما شالله عليك اجل.. بنيتك بعد ماعليها كلام وانت مو رياضي .. صراحه بذلت مجهود يالله غلبتك..

في الباص .. شفيق يسأل مصطفى اللي كان متوتر و بهدوء:
ــ لهالدرجه مريضه..؟؟
مصطفى بعفويه: ــ امي.. صار ليها سنوات تتعب بس اول مره تتعب لهالدرجه...
ــ الله يقومها بالسلامه...
سكت شفيق ورجع سند راسه بالنافذه.. وغفت عيونه...
صار يشوف روحه وهو صغير..
يشوف أمه عند رجول ابوه تتوسل انه يرحمها شوي..
وابوه يضربها بالحزام... وشوي يشدها من شعرها ويرميها على السرير ويربطها فيه وهي قاعده وهو يسبها ويطعن في شرفها.. ويصرخ فيها .. ياللقيطه..!!

يشوفه وهو يحمي سكين حاره على النار ويجي يشوي فيها بدن امه..
يطفي السجاير في جسمها...
بصوت مخنوق يطقع القلب .. كانت تون...
ــ ارحمني.. والله اني بريئه...
بس ابدا لا حياة لمن تنادي ..

شوي مصطفى يسمع شفيق وهو يون :
ــ اماااه.... اماااه...
صار يتأمل فيه.. معور بقلبه شكله التعبان و ندائه لأمه وفي باله:
ــ شفيق .. شكلك وراك حكايه..
عيون مصطفى امتلت دموع.. هو يحاتي امه و هذا يهلوس ويناديها.....


في بيت ابو مجتبى....
اماني و باقر وايثار جابهم أحمد...
اماني من شافت عمها ضربت صدرها:
ــ ويش فيك عمي.. ويش فيها رجولك؟
ام مجتبى صارت تقص ليها السالفه :
ــ وهذا اللي صار يابتي.. وهذا حنا في فلك عظيم.. لا ليلنا ليل ولا نهارنا نهار.. زين يوم طاوعتي وجيتينا .. شوي نغير جو ويا الجهال فجو علينا..
ماقالت ليها عن ابو رمزي ... انها كلمته يأجل الدفع خلال سنتين عالأقل .. بس ماوافق الا لما شرط عليها...

وتتذكر ام مجتبى ابو رمزي وهي تترجاه.. وتطلب منه دخيل الله يعطف بحالهم و يعور بقلبه امير ولدها اللي ما استفاد من هالفلوس شي ..
تذكره وهو يقول ليها.. موافق بس بشرط.. بعد سنتين اذا ما سددتو المبلغ.. راح ادفع عليه زياده شوي لين يوصل مهر .. لبنتكم وتصير لولدي رمزي
رمزي .. كثير سفر و معروف بين شباب القطيف بأنه راعي بطاله و عليه حركات مش ولا بد .. تزوج وطلق مرتين.. ماوحده تقدر تتحمل العيش وياه ساعه...
ام مجتبى وافقت وكلها امل انهم اكيد بيقدرو يدبرو المبلغ في خلال هالمده.. خصوصا ان مجتبى مو مقصر وياهم ويرسل كل شهر ليهم مبلغ ... و هي بتشد عمرها وتشتغل زياده..


ايثار في الغرفه تحاول تلعب ويا امير .. بس امير كان منزوي ومعاند مو راضي يتحرك.. وكلما سحبته من ايده صرخ فيها..
طلعت ايثار من شنطتها كراسه و الوان فتحت الكراسه و انبطحت على بطنها وهي تبحلس بقهر :
ــ كيفك مابتلعب وياي بارسم وباخليك.. اقعد لحالك
صارت تشخبط شخابيط...
امير يراقبها.. ويش تسوي.. ولافته نظره الألوان..
انسدح جنبها وعلى الورقه المقابله في الكراسه... وصار يتأمل سجادة بيتهم... لقى الزخرفه فيها الوان مثل اللي تلون فيهم ايثار..
مسك لون زي لون احد وردات السجاده..
ابتسمت ايثار: ــ بترسم وياي.. !!؟؟
وقربت منه الألوان..
صار يتأمل الزخرفه اكثر و اكثر ويحاول يحاكيها على الكراسه... كل ورده وكل غصن بنفس اللون...
لين خلص غصن كامل بوروده وبزخارفه بطريقه روعه.. مره كأنه نسخها من السجاده.. وهو فرحان و يضحك بصوت عالي ...

انتبهت ايثار للورود وفتحت عواينها :
ــ الله عميم حليييييييييوييييييييين ورداتك زي الزوليه عدل...
وقامت تركض بالكراسه.. وراحت لعمتها نور...
كانت نور تجهز مع اماني وام مجتبى العشا..
ــ عمه عمه.. شوفي حليوين مو..؟؟؟
نور: ــ الله. الله... ما شالله .. ايثار انتين راسمتنها دي؟؟ تجننن..
ايثار وهي شالقة البوز شبرين : ــ لاااا مو اني..
اماني انتبهت ليهم وصارت تطالع في الرسمه وسألتها:
ــ الله مره حليوه... مين اجل .. باقر ؟؟
نور وابتسامتها تزيد : ــ لالالا.. باقر طلع ويا عمي أحمد يجيبو خبز نسيتو..
اماني .. وبتردد. تسالها.. . : ــ مين..؟؟ امير ؟؟.. امير !!!
ايثار : ــ صححححححححح
نور : ــ حللللللللللللللفي..
ايثار : ــ والله العظيم قسم بالله..
اماني تمصع خد ايثار وهي معصبه فيها : ــ كم مره قلت لش مايحلفو ويقسمو بأسم الله على كل شي..
ايثار : ــ من عميمه قالت لي حلفي .. آآي . خلاااص مابحلف آخر مره...
اماني : ــ وانتين على طول والله ووالله.. امير دي راسمنها؟؟؟!!
ايثار : ــ صدقوني ما اشدب..
وراحت تركض لأبو مجتبى :
ــ يباااا.. شوف امير ويش راااسم...
ابو مجتبى لفتت نظره شخابيط ايثار اللي بالورقه المقابله فمسكها وصار يطالع فيها :
ــ يعني ويش راسم.. بالله عليش .. شخابيط .. ويش عرفه هو..
ايثار برطمت : ــ مو حليوه يعني ... << تقصد الشخابيط..
ابو مجتبى ياكل خياره : ــ لا .. ويش الحلاه فيها.. الوان على بعض
ايثار مدت برطمها شبر .... وبهدوء : ــ هذي رسمتي .. دي رسمة امير
واشرت على الورود..
ابو مجتبى : ــ كح.. كحححححححح كح..
شرق بالخياره...

ام مجتبى : ــ الحقوو عليه لا يموت من خياره..
ابو مجتبى بعصبيه : ــ فال الله ولا فالش يالعجوزز.. ماااي .. جيبو كح كح.. ماااي..
جت نور بالماي بالسرعه..

ابو مجتبى : ــ الحمدلله.. ويلي .. ايثار متأكده دي من امير لو تشدبي
ــ والله ما اشدب
اماني : ــ والآخير ويا الحلف !!
ايثار وبقهر وشوي تصيح : ــ مو لأنكم ماتصدقوني.. ها شوفو بعد..
فتحت الكراسه على صفحه جديده وراحت سحبت امير .. وقعدته ...
واشرت على منام اللي منسدح عليه ابو مجتبى وكان مرسوم فيه ايضا زخارف وبألوان ثانيه..
وقالت لأمير : ــ عميم .. ارسم هذي .. سوي زي هذي..
امير صار يتأملها.. و رفع لون مثل لون الرسمه بالضبط..
ام مجتبى بأبتسامه وعيونها مليانه حزن..
صار امير يحاكي زخرفة المنام بهدوء وبسهوله .. من دون ما تنحرف ايده ولا يخربها ...
الا بدخلة أحمد مع باقر وهو حامل الخبز وينادي :
ــ اماااه.. يبااا.. عندي خبر...
نور تأشر على احمد:
ــ اشششش...
وتأشر على امير اللي كان يرسم... والكل يتأمله..
وقف احمد وباقر يراقبو هم بعد..
في دقايق واكتملت الزخرفه...
ابو مجتبى ماقدر .. ماشافوه الا رفع غترته و غطى عيونه.. وتنهد :
ــ لا اله الا الله... لا شيء فوق قدرتك يااارب..
ام مجتبى ماتحملت حضنت امير وصارت تصيح..

امير عارف انهم فرحانين باللي سواه.. فصار يضحك .. بصوت عالي ..

أحمد صار يصفق .. وتبعه باقر .. ونور.. واماني صارت تصلي على محمد وآل محمد..
احمد قعد جنب امير :
ــ حبيبي امير .. خلاص بعد العشا باجيب لك الوان واااجد وكراسات واااجد وارسم اللي تبغاه لين تتعب ..
امير مستانس حده والفرحه مو سايعتنه..
لأول مره يشوفو امير بهالسعاده.. واضحه بلمعان في عيونه ...

وبين ماهم يتعشو...
نور : ــ الا اخوك.. ويش الخبر اللي كنت جاي بتقوله لينا..؟؟
احمد : ــ اوو صح.. نساني سيد امير بأبداعاته.. احم... باروح اخذ دوره في امريكا...
ابو مجتبى وقف عن الأكل وصار يطالع في احمد..
احمد : ــ المدرسه بعد ماشافو كفائاتي قالو ينقصني خبره في شي معين شي معين تبع المسار اللي راح استلمه هناك.. يبغى له دوره.. واحسن الدورات في امريكا.. فبيرسلوني على حسابهم..
ام مجتبى : ــ كم يعني؟ اسبوع.؟
احمد : ــ لا شهر..
ابو مجتبى بهدوء : ــ الله يوفقك ياولدي ويفتحها في وجهك..
نور : ــ متى بتروح.؟
احمد : يوم السبت ان شالله الرحله..
ام مجتبى ومبين عليها الحزن : ــ داويش ياولدي مامدانا نشبع منك.. الا بتروح شهر الحين بعد
احمد : ــ شهر اماه.. شهر وبرجع...
اماني : ــ تروح وترجع بالسلامه << قالتها وهي تشعر بالأسى على ام مجتبى وابو مجتبى.. ولادهم الأثنين دايما في غربه ومو حواليهم ..

في بيت يوسف ..
التلفون يرن..
ردت فرات .. وكان ابوها يخبرهم انه حصل ظرف في العمل فما بيرجع الا الفجر..
حسن يشتغل في الجبيل ومشواره بعيد..
فرات راحت خبرت امها... اللي من سمعت ان حسن بيتأخر للفجر وحالتها النفسيه كانت زفت.. على طول اتصلت في ازدهار .. وترجتها تجي تسهر وياها الليله...
ازدهار مامانعت.. وراحت ليها تشوف ويش فيها ...
ماريا انتهزت الفرصه .. دقت تلفون هي بعد على شهربان:
ــ شهروبه .. ويش تسوي؟؟؟
ــ ابد توي طالعه من الحمام والكشه منشوره . زهقاااانه استشور..
ــ مابتطلعي ؟؟
ــ لا ويش يطلعني ..
ــ اباجي لش ..
ــ هههههههههه تشوفي كشتي .. ماني..
ــ مالت عليش .. اباستشورش..
ــ اجل تعالي..
ــ اصقعش .. مصلحجيه..
لبست ماريا عباتها...
وبدون ما تسألها وداد قالت ليها : ــ اني باروح لشهربان.. تبغي تتأكدي اتصلي بيتهم كل دقيقه وباكلمش ..
وداد انقهرت من كلام ماريا..وما ردت عليها..
طلعت ماريا... وهي طالعه صادفت عبدالأله راجع من برى وكان نازل من الباص..
بيدخل بيتهم..
ماريا مره عفويه.. وعادي عندها الوضع.. ويعني ولد جيرانهم اللي حسبة اخوها بيدخل بيتهم ويش فيها..؟؟
بتدخل وياه مره وحده خصوصا انها عاطيه صديقتها خبر ...
عبدالأله انتبه ليها.. وارتبك على عوايده..

ماريا متجهه ناحيته..
عبدالأله لا شعوريا وقف .. وصار قلبه يراقع...

شوي تحرك بيدخل البيت.. وصار هو وماريا ثنينهم واقفين على الباب...
عبدالأله ناسي روحه و ماريا تفكر الباب مقفل وبيفتحه بالمفتاح..
كم دقيقه مرت على هالوضع..
ماريا بتساؤل : ــ ماعندك مفتاح..!! ادق الجرس ..؟؟
عبدالأله : ــ هاا..
ودف الباب ..
ماريا بأستغراب : ــ طالع مفتوح واني افكره مقفل ..
ودخلت..
تسكر الباب وراها وعبدالأله ظل برى مفهي ..وفي خاطره :
ــ ويش فيني انا.. لمتى هذا حالي .. احس نفسي بهيم مره.. مفهي .. افففففف .....
شوي عفويا يصفع روحه: ــ استخفيت انا.. استخفيت..
ماريا ركبت لغرفة شهربان :
ــ اووووووووه ياام كشه..
شهربان : ــ يمااااااااه .. خلعتيني..
ــ وين امش ماشفتها في الصاله..
ــ طلعت تخلف على مادري مين ميت عندهم مادري مين..
ــ خوش.. الله يرحمه مادري مين..
شهربان تمد الأستشوار على ماريا : ــ يللا اشتغلي..
ــ بل عليش .. توي مامداني.. خلني اخذ نفس
شهربان تقعد على كرسي التسريحه: ــ الله والمشوار عاد.. يللا بس .. قفتي ترى كبيره .. ويبغى ليها ساعتين يالله تخلص..
ــ مو لازم تستشوري
شهربان تطالع في ماريا على جنب :
ــ ايه مو شفتي حالش حرير ويش وراش..
ماريا : ــ انا لله.. اهوو.. ويش شباصاتش..

وبين ما ماريا تستشور شهربان :
ــ ماقلت الش ...
ماريا : ــ ويه..؟؟
ــ باقو عباتي امس ...
ــ هههههههه يؤ حلفي..
ــ مادري كيف اختفت من الدرج .. عفر في الفسحه انباقت..
ــ وتالي ويش سويتي حظي ..؟؟
وصارت شهربان تقص على ماريا السالفه

يانااااااسي البآآرت مره كيوووت ..~

عوافي خيتوو ع الطرح ..~

يعجبني كلامهم خخخ غبشة الغباش قعدت يوم كامل أتدرب عليها عشان أتفلسف ع البنات يوم الثلاثاء~>بكره أول يوم دوااااام وباقولها لهم ..~

ممممـ عشت الجو صح حسيت أنا البارت مره صغنتوت ..~

شيفيق يبي له دروس في الإتيكيت ..~

مراد أحسه خووووش ريال وبيعتدل ..~

حبيب هالبارت مدري وش فيه غير عن كل بارت ما سوى لنا جو~>عسى المانع خير !!

ودادوووو إن شاء الله تتعدل ~>أحلام اليقضه

ماريا متحمسه أبي أعرف بتاخد مين !!

ولد أماني ياقلبي هو قتلني وهو يفضفض لأمه ..~

مصطفى الصراحه خجله ذووووب مهجتي خليهم يكشفو عليه يمكن يطلع بنت ع غفله !!

لا هنتي خيووو

مودتي

وفي بيت ابو يوسف .. ازدهار قاعده قبال وداد اللي كانت ولأول مره تشكي بدموع..
ازدهار : ــ عاد ياخيه.. كم مره قلت لش .. ديلا يتامى.. لا تقسي عليهم لا تجيش حوبه.. ها.. اكيه صابتش .. من ولدش ..
وداد : ــ اني مخلتنش تجي حق افضفض لش لو حق تلوميني وتزيديني
ازدهار : ــ الحق حق ياخيه ماينزعل منه...
ــ ماعلينا .. جوعانه اني ..
ــ هههههههه فهمت عليش .. و افادش في ورق عنب ادري دري
ــ ههههههه وما في احلى من ورقش اخ منش بس .. مافي غيرش احد يفهمني
ــ ويلي منش .. الكل بيفهمش بس لو تعطيهم فرصه قومي وياي المطبخ .. شيلي عباتش ماحد هنا مابجي حسن الا الفجر ..
ازدهار مخلتنها على كتفها :
ــ لا خليها كذا اني مرتاحه
ــ كيفش بتصير ريحتها بصل .. صبري باجيب لش مشمر
وجابت ليها المشمر
ازدهار : ــ اني ويش عرفني كيف يلبسوه دا
وداد وهي تحطه على راسها وتسخر منها : ــ ايه .. ويش عرفها بت الكعكي ..
ــ ههههههه صدق نحيسه.. رحمة الله عليك يابوي ..
وراحو يحوسو في المطبخ..

ماريا تطفي الأستشوار..
ــ لا تقولي رقم اخوش ظل مخزن عندها.,.
شهربان تطالع في ماريا من المرايا و ترقص حواجبها:
ــ لووويه تسألي..
ماريا: ــ شدعوه ماتعرفي هالريماس وحركاتها القرعه.. استغفر الله ما استبعد تسويها وتتصل فيه..
شهربان ترقص حواجبها اكثر وتجاكر في ماريا :
ــ واتصلت يعني ..؟؟
ماريا تضرب راس شهربان بالأستشوار : ــ وجهــــــــــــــــش
شهربان : ــ آآآآه.. ههههههه ويش قاهرنش ..!!
وتطالع في ماريا على جنب : ــ اخوي مؤدب لو سوتها مابيدق ليها خبر...
وبأبتسامه خبيثه : ــ اساسا ماعطيتها فرصه ومسحت الرقم من جوالها..
ماريا تسحب شعر شهربان : ــ دااام انش مسحتيه ماتقولي من لول وتفكينا لويه ؟؟؟
هاااا يا ام حركات قرعه ...
شهربان ميته ضحك وفي بالها : ــ مايندرى ياماريا بويش تفكري وويش عبدالإله بالنسبه لش بالضبط..!!

في امريكا.. تقريبا الساعه 10 الصبح.. سام وجويل وهم بالطريق ...
سام : ــ اوهاايو...
جويل تطالع فيه مستغربه ..
سام : ــ يعني صباح الخير بالياباني.. اول ماتشوفيه انحني شوي وأولي اوهايو .. من شان ينبسط ويعرف إنك بتعرفي شوي ياباني ومانك غشيمه..
جويل وهي شالقه البوز : ــ اوووكي.. اوهااايووو...
سام : ــ وازا عطاكِ أي شي .. او مدحك في أي اشي .. اشكريه وأولي .. اريقاتوو..
جويل : ــ ولك شو راح تعطيني حصة ياباني ونحنا بالطريأ ..
ــ سهل احفظي معي بس ..
ــ وكيف بعرف انو مدحني ..
ــ راح اجلس جنبك و اديك اشارة.. وانتي بس أولي .. اريقاتو...
ــ طيب.. اوهايو .. صباح الخير.. و اريقاتو.. بتشكرك.. .. شو كمان؟؟
ــ ممممم .. اتركي الباقي علي...هدول من شان ما تأعدي هيك ساكته...
ــ طيب بعتمد عليك

اول ماوصلو المكان المتفق عليه .. والتقو يوكي الياباني..
جويل بأبتسامه عريضه ومثل ماوصاها سام : ــ اوهايو..
يوكي بأبتسامه هو الآخر.. : ــ اوهايو
ويأشر على الكراسي : ــ دوزو...
جويل من الحركه فهمت عليه انه يدعوهم للجلوس.. قعدت وهي تهمس لسام..:
ــ يعني نأعد ماهيك..؟؟
سام ابتسم : ــ ايه يعني تفضلو..
جويل ترجع تهمس لسام : ــ دخلك.. انت متأكد ان هيدا رِجال..!!
سام يضحك بهدوء : ــ أيه... لشوو. عم بتسألي؟؟!..
جويل : ــ يخزي العين..
سام : ــ حلو يعني..؟؟
ــ أيه نعووم كتير ومهضووم ... كأنو صبية..
سام يسوي روحه منقهر : ــ أيه .. شو عليه..
جويل بأبتسامه وتغمز له على جنب : ــ ولك مو احلى منك.. انت اكتر رجوله منو
سام في باله : ــ بل .. لا صدقت نفسها دي واجد ...و مفكره روحها تمون بالمره
ويرد عليها : ــ انا بعرف .. كلك ذووق

وبدأت الصفقه...
يوكي يتكلم ياباني .. و سام يرد عليه ويترجم لجويل ...
وطبعا اساسا الكلام في وادي والترجمه للنصب تختلف تماما.. الكلام كان عادي بالمره..
يوكي يصب لجويل عصير .. ويتكلم بالياباني ..
جويل : ــ اريقاتو..
سام يرد على يوكي بالياباني .. ويلتفت لجويل : ــ برافو .. حفظتي منيح... هو كان بيأول انو المترجم تبعو .. عندو ظرف لليوم وفرحان لما شافني بعرف ياباني منيح.. وتطمن..
جويل : ــ أيه يخزي العين حولك وحواليك.. بتعرف في كل شي ..
ــ بعجبك ولوو...
ــ طيب .. خبره ..انا بدي اشتري هالمحل بسعر مناسب .. راح افتح فيه بوتيك تياب .. هو أديم شوي فمعليش لا يغلي السعر علي لأني ناويه ارممه من جديد..
سام يتكلم مع يوكي كلام بعيد كل البعد عن الكلام اللي قالته جويل ....
يوكي يرد ايضا بكلام خارج الموضوع تماما..
سام : ــ عم بياول موقع المحل استراتيجي كتير .. والأرض كلفتو كتير .. راح يبيعو للألك بـنص مليون دولار ... شو رايك..؟؟
جويل ابتسمت خصوصا انها توقعت مبلغ اكثر لأن المحل كبير فعلا و الموقع رائع : ــ منيح.. حلو كتير .. موافأه..
جويل تشرب في العصير....
سام : ــ اوووكي..
طلعو اوراق فيها كلام بالأنجليزي.. فهمته جويل انه عقد بيع وشراء.. وصارت توقع و تكمل الأجرائات .. وآخر شي وقع البائع.. يوكي آكوتا... وانتهت الصفقه....
جويل تحس نفسها دايخه.. وماتشوف شي ..
اغمى عليها وسندت راسها على طاولة المطعم..
انسحب يوكي قبل سام بهدوء
سام فتح شنطتها.. واخذ بقايا الفلوس في محفظتها.. وجوالها..
توجه للكاشير .. وترك عنده مبلغ اكثر من سعر العصير بوايد والجوال وقال له.:
ــ سأترك هذه لديك ريثما اذهب للصيدليه واعود.. زوجتي تعاني مرضا عضال لا تستطيع النهوض حاليا ..
الكاشير : ــ هل اتصل على الأسعاف.؟؟
ــ لا.. انا اعرف ما تحتاجه.. تحتاج لدواء... سأجلبه واعود..
الكاشير صدق كلامه.. وبما انه ترك جواله المزعوم وفلوس زياده
خلاه يروح وظلت جويل عالطاوله نايمه...
سام طلع من المطعم.. وبأبتسامه انتصار:
ــ انتهت المهمه...مع السلامه ياغبيه..

حسن بيدخل البيت .. تأجلت المهمه ورجع من بدري قبل الفجر بوايد ...
وهو في الصاله .. يشم ريحة طباخ ورق العنب .. وكان هو يحبه بعد..
دخل المطبخ وهو مروق ما انتبه مين اللي كانت واقفه عند الفرن.. استدار للثلاجه وكانت تقابل الفرن .. بيحط العصير واللبن اللي جايبنه.... : ــ الله حركاااات زين رجعت من بدري.. حق اكل وياكم ...

ازدهار كانت واقفه عند الفرن .. مشمرها على كتفها طايح.. من الخلعه استدارت بلا وعي
وبنفس الوقت حسن استدار ومن شافها شهق وصار يطالع في الأرض وهو يقول:
ــ يالله.. يالله..
وانحاش من المطبخ.. بيدخل غرفتهم الا وداد طالعه من الحمام..
ــ بسم الله.. ويش جيبك... تقول بتتأخر...!!!
حسن شارد ومتلخبط .. دخل غرفتهم وسكر الباب.. وتسند عليه وقلبه يصافق :
ــ دي منهي ...!!
وداد انتبهت انه جاي من المطبخ.. فتحت عواينها :
ــ ياعلي .. ازدهاروو..
ولا راحت ليها في المطبخ الا هي قاعده ومتسنده عالفرن ومغطيه روحها بالمشمر..
وداد قعدت جنبها: ــ ويش صار؟؟ ويش فيش
ازدهار تصيح بصمت وتشاهق ...
وداد بلا وعي : ــ حسن.. ويش سوى حسن..؟؟
ازدهار بقهر تصرخ فيها : ــ غبيه انتين.. اختلعت من جيته.. تقولي بيجي الفجر .. روحي شوفيه هو اختلع بعد ... اني باروح بيتنا..

حسن يسمع كلام ازدهار... وعرف انها صديقة وداد..اللي دايما تتكلم عنها..
وداد : ــ لالا.. اسفه غناتي.. والله ماتطلعي..
ازدهار : ــ لا تحلفي وروحي قابلي رجلش..
لبست ازدهار عباتها.. اتصلت في سواقها.. 10 دقايق وصل وراحت..
دخلت وداد على حسن لقته قاعد على السرير من شافها ارتبك..
وداد بدون أي مقدمات: ــ شفتها؟؟
حسن : ــ هاا..
ــ اللي في المطبخ كانت.. شفتها؟؟
حسن وهو يبولع : ــ لا كنت احط في الثلاجه اغراض وهي دايره وانا داير من سمعت صوتي اختلعت مسكينه.. خلعتها هااا؟؟؟..
ــ تشه قصرت.. خلعت الكل .. مو عن حساب عندك شغل؟
حسن بأستياء : ــ تأجل لوقت ثاني.. ويش .. ماتبغيني ارجع البيت ,, اعود اطلع...؟؟
ــ لا بس .. كانت هي وياي عن حساب بنسهر .. و انت فاجأتنا..
حسن عصب : ــ بعــــــــــــــد.. قولي قوم اطلع برى خربت سهرتنا..
ــ وفففففففف منك كل تفسر على كيفك..
ــ الا انتين اللي ماعندش اسلوب في الكلام.. الوحده تقول خير اللهم اجعله خير.. الحمدلله على سلامتك.. تعبان.. جوعان... وانتين لا وراي سهره و ويش جابك...!!
ــ اووووه.. راجع من سفر على شان اتحمد لك بالسلامه..
ــ انا لويش اتعب قلبي وانفخ في قربه مفقوعه
ــ أني .. قربه.. ومفقوعه بعد..!! رحم الله والديك
ــ ووالديش .. احسن حاجه تقوليها الرحمه لوالديني .. بعد مايندرى يمكن تسبيهم في قلبش..
وطلع عنها وراح المطبخ يشرب ماي..
انتبه لصفرية ورق العنب .. وفتحها...
اخذ وحده وصار ياكل .. صار يطالع الورق و يعرف هو طباخ وداد :
ــ شكله من صاحبتها مو منها هي.. خوش ورق والله..
وجى على باله شكل ازدهار وهي واقفه عند الفرن..
ــ خزاك الله يابليس ..
سكر الصفريه و طلع من المطبخ..

وصلو القطيف .. مصطفى يصحي في شفيق...
ــ شفيق .. قوم.. وصلنا..
شفيق ابد مايحرك ساكن..
ــ شفيق .. شفيق...
انتبه مصطفى لشفيق وجهه كان معرق بالمره..
لمسه لقاه مولع ..
مصطفى : ــ انا لله...قوم .. قوم تسند علي باوديك وياي المستشفى مره وحده..
وشال مصطفى شفيق ونزل به..
وصلو المستشفى.. دخله قسم الطوارئ .. وراح يشوف اهله..
امه من شافته بالأحضان .. وتصيح:
ــ ويش حالك غناتي..؟؟
ــ اماه انا زين.. انتين ويش حالش ولويه تهملي صحتش.. ويش فيش الحين
ابو مصطفى : ــ هبوط حاد في ضغط الدم.. ما تهتم بصحتها امك ابدا..

وبين ما مصطفى قاعد مع اهله.. جت له ممرضه تطلب منه يروح لعند شفيق ضروري ...
الى الملتقى...

حركتاااااااااات هذااا البارت أحلى بعد ..~

كل بارت أحلى من اللي قبله ..~

بس بقول لك شغله أمور من كثر ما أندمجت خلص شحن لابتوبي وأنطفى ولا حسيت له هع ..~

ماريا ربي يعطف قلبها ع عبد الستار ..~

أحمد بالتوفيق له أحسه مررره طموح وله مستقبل مشرق ..~

بصراحه أشوه ماكان عنده سلندر يوم قال له أبو مجتبى الله يفتحها في وجهك ~>ضررريفه ..~

شفيق بصراحه بديت أعذره وأحس أني ظالمته ..~

مصطفى ربي يشافي أمه ..~

عاااشت يدك غلآتو ..~

وأدعو لي بكره أول يوم دوام~>بتروح تخمد

///

خخخ كأني مربوشه وميته ع النوم ما أنتبهت أن البارات ماخلص توني بس قريت الباقي ..~

عندي أحساس أن حسن بياخد إزدهار والله أعلم !!

شفيق أنبني ضميري عليه أكثر ..~

جويل عفر كسرت خاااطرري حسيتها قرعه في الزفه ..~

ننتظر جديدك بشوق خيتووو

///

حلوو البارت اموره ..

::

اش فيه هللشفيق مسكين طلعت حالته حاله الله يعينه >> ماخده الدور عدل

::

ننتظر البارت الجديد غاليتي

موفقينـ